គ្រូ​ព្រៃវែង និង U21 ទ័ព សរសើរ​កូន​ក្រុម​រៀងខ្លួន​ក្រោយ​ស្មើគ្នា ១-១ ក្នុង​លី​គ​ទី​២ សប្ដាហ៍​ទី​៧

100

បាល់ទាត់៖ ក្រុម U21 កងយោធពល​ខេមរភូមិន្ទ​ (​ទ័ព​) និង​សមាគម​កីឡាបាល់ទាត់​ខេត្ត​ព្រៃវែង បានទទួល​ការសរសើរ​ពី​គ្រូបង្វឹក​រៀងខ្លួន បន្ទាប់ពី​ឆ្លងកាត់​ការប្រកួត​ដ៏​តានតឹង​ស្មើគ្នា ១១ ក្នុងជំនួប​សប្ដាហ៍​ទី​៧ នៃ​លី​គ​ទី​២ កម្ពុជា នៅ​កីឡដ្ឋាន​ស្ដា​ត​ចាស់កាលពី​ល្ងាច​ថ្ងៃទី​១២ ខែមករា ឆ្នាំ​២០២១ ម្សិលមិញ។​

លោក វី លីកា គ្រូបង្វឹក​ខេត្តព្រៃវែង

ជំនួប​ដ៏​ស្វិតស្វាញ​នេះក្រុម​ម្ចាស់ផ្ទះ U21 កងយោធពល​ខេមរភូមិន្ទបាន​បើ​ការ​នាំមុខ ​ក្រុម​ភ្ញៀវតាំងពីដើម​វគ្គ​ទី​១ ហើយ​ការប្រកួត​បានអូសបន្លាយរហូតដល់​នាទីចុងក្រោយ ទើប​ក្រុម​លេខ​៣ ពានរង្វាន់​សម្ដេច​តេ​ជោ ហ៊ុន សែន ឆ្នាំ​២០២០ ខេត្តព្រៃវែងវាយបក​តាម​ស្មើ ១១ ដែល​ធ្វើ​សម្រេច​ដោយ​កីឡាករ ចាន់ សា​រ៉ា​ពេជ្រ។​ លោក វី លីកា គ្រូបង្វឹក​ខេត្តព្រៃវែងបានចាត់ទុក​នេះ ​គឺជា​ការប្រកួត​ដ៏​តានតឹង​សម្រាប់​ក្រុម​ខ្លួន ដ្បិត​លេង​ក្រៅ​ដី ហើយ​ក្រុម​ម្ចាស់ផ្ទះមានការ​រៀបចំ​ក្រុម​បានល្អ។ តែ​យ៉ាងណា លោក​នៅតែ​ពេញចិត្តចំពោះ​កិច្ចខិតខំ​របស់​កូនក្រុម  ដែល​ព្យាយាមរហូតដល់​វិនាទី​ចុងក្រោយ និង​មានឱកាស​វាយ​បាក​តាម​ស្មើ​វិញ។​ ​​ដោយឡែក​លោក ប៊ួ​យ ភារ​ម្យ គ្រូបង្វឹក​ក្រុម U21 កងយោធពល​ខេមរភូមិន្ទ បាន​សម្ដែង​ការសោកស្ដាយ ចំពោះ​ឱកាស​បាត់បង់​ឱកាស​ចុង​ម៉ោងធ្វើ​ឲ្យ​ក្រុម​ភ្ញៀវ​តាម​ស្មើ។ តែ​យ៉ាងណា​លោក​ថា នេះ​គឺជា​បាល់ទាត់ អ្វីដែល​សំខាន់គឺ​លោក​បាន​កោតសរសើរ​កូនក្រុម​ខ្លួន ដែល​ធ្វើ​បានល្អ​ក្នុងការ​ប្រកួត​ដ៏​សំខាន់​នេះ។​

លោក ប៊ួ​យ ភារ​ម្យ គ្រូបង្វឹក​ក្រុម U21 កងយោធពល​ខេមរភូមិន្

​​ជាមួយ​ការចែក​គ្នា ១​ពិន្ទុ​នេះបានធ្វើ​ឲ្យ​សមាគម​កីឡាបាល់ទាត់​ខេត្តព្រៃវែង បន្ដ​ឈរ​កំពូល​តារាង តែមាន ១៧​ពិន្ទុ​ស្មើគ្នា​ជាមួយ​ក្រុម U21 កងយោធពល​ខេមរភូមិន្ទ បន្ទាប់ពី​ឆ្លងកាត់ ៧​ប្រកួត​ឈ្នះ៦ និង​ស្មើ ១​ប្រកួត​ដូចគ្នា ។ ក្រ​ឡែក​ទៅ​មើល​លទ្ធផល​ការប្រកួត​សប្ដាហ៍​ទី​៧ ចំនួន ៤​ប្រកួត​ផ្សេងទៀត រួមមាន​ក្រុម U21 ភ្នំពេញ​ក្រោ​ន យកឈ្នះ​ក្រុម​ម្ចាស់ផ្ទះ​កោះកុង ១, ក្រុម ISI ដង្កោ​សែន​ជ័យយកឈ្នះ​ក្រុម​ឬ​ទ្ធី​សែន ១, ក្រុម​សៀមរាប​អែ​ហ្វ​ស៊ី យកឈ្នះ​ក្រុម​ភ្ញៀវ​ខេត្តកំពង់ស្ពឺ ៦០ និង​ខេត្ត​ត្បូងឃ្មុំបាន​យកឈ្នះ​ក្រុម​ម្ចាស់ផ្ទះ​ខេត្តស្វាយរៀង ៩២។​ គួរ​បញ្ជាក់ថា បន្ទាប់ពី​ចប់​ការប្រកួត​សប្ដាហ៍​នេះលី​គ​ទី​២ កម្ពុជា នៅសល់​ការប្រកួត​សន្សំ​ពិន្ទុ ២​សប្ដាហ៍​ទៀត​ប៉ុណ្ណោះនឹង​រកឃើញ​បេក្ខភាព ៤​ក្រុម​ចុងក្រោយ ដើម្បី​ធ្វើការ​ប្រកួត​ចម្រាញ់​រក​ក្រុម​ខ្លាំង ឡើង​បង្គ្រប់​កៅអី​លី​គ​កំពូល​កម្ពុជាឆ្នាំ​២០២១ ជាមួយ​រូបមន្ដ​ប្រកួត​ក្រុម​ឈរ​លេខ​៤ ប៉ះ​ក្រុម​ឈរ​លេខ​៣ បន្ទាប់មក​ក្រុម​ឈ្នះត្រូវ​ឡើងទៅ​ជួប​ក្រុម​ឈរ​លេខ​២ ហើយ​ក្រុម​ឈ្នះនឹងត្រូវ​ឡើងទៅ​ជួប​ក្រុម​ឈរ​កំពូល​តារាង ដើម្បី​កាត់សេចក្ដី​រក​ក្រុម​ជើងឯក ដែល​ការប្រកួត​គ្រោង​នឹង​បញ្ចប់​នា​ថ្ងៃទី​៣០ ខែមករា ឆ្នាំ​២០២១ ខាងមុខនេះ៕

អត្ថបទ៖ លី ឈុន​ឡា