Naomi Osaka បញ្ចប់​ការប៉ុនប៉ង​របស់ Serena Williams ​ចង់​ឈ្នះ​ជើងឯក Grand Slam លើក​ទី២៤

83

វាយ​កូន​បាល់៖ ​កីឡាការិនី​ជប៉ុន Naomi Osaka បានបង្ហាញ​សមត្ថភាព​ឥតខ្ចោះ​របស់ខ្លួន ​ដើម្បី​យកឈ្នះ​កីឡាការិនី​អាមេរិក Serena Williams ឡើង​វគ្គ​ផ្តាច់ព្រ័ត្រ Grand Slam, Australian Open​​​ជើងឯក Grand Slam ៣​លើក Naomi Osaka មិនមាន​ការកោតខ្លាច និង​សំពាធ​ឡើយ​ ដោយបាន​យកឈ្នះ​កីឡាការិនី​ជើងចាស់ Serena Williams លទ្ធផល​បច្ចេកទេស ៦៣ និង ៦៤​។

​​ជ័យជំនះ​នេះ​ធ្វើអោយ Naomi Osaka បន្ត​ស្ថិតិ​មិន​ចាញ់ ២០ប្រកួត​ជាប់​គ្នា ហើយ​នាង​មិនដែល​ចាញ់​នៅ​វគ្គ​ផ្តាច់ព្រ័ត្រ Grand Slam ឡើយ ពោលគឺ​ឡើង​វគ្គ​ផ្តាច់ព្រ័ត្រ ៣លើក​ឈ្នះ​ទាំង ៣លើក​។ ​​ចំណែក Serena Williams បរាជ័យ​នេះ​ធ្វើអោយ​ក្តី​ស្រមៃ​ចង់​ឈ្នះ​ជើងឯក Grand Slam អោយ​ស្មើនឹង​កំណត់ត្រា ២៤លើក​របស់ Margaret Court ត្រូវ​បញ្ចប់ និង​ត្រូវ​រង់ចាំ​នៅ Grand Slam បន្ទាប់​គឺ French Open​។​ ​​នេះ​ជា​លើកដំបូង​ហើយ​ដែល Serena Williams ចាញ់​ក្នុង​វគ្គ​ពាក់កណ្តាល​ផ្តាច់ព្រ័ត្រ​នៅ Australian Open ក្នុងការ​បង្ហាញខ្លួន ៨លើក​មកដល់​វគ្គ​នេះ​។ ​​ចំណែក Naomi Osaka នឹងត្រូវ​ជួប​ជាមួយ​កីឡាការិនី​អាមេរិក​មួយរូប​ទៀត​គឺ Jennifer Brady​

កីឡាការិនី ​​Jennifer Brady

​​Jennifer Brady បាន​យកឈ្នះ​កីឡាការិនី​ឆេ​ក Karolina Muchova​ ដោយ​លទ្ធផល ៦, ៦ និង ៦៤ ដើម្បី​ឡើង​វគ្គ​ផ្តាច់ព្រ័ត្រ Grand Slam លើកដំបូង​ក្នុង​អាជីព​។ ​​Jennifer Brady និង Naomi Osaka ក៏​ធ្លាប់​ជួបគ្នា​ដែរ​កាលពី​ឆ្នាំ២០២០ នៅ U.S. Open ដែល​នៅពេលនោះ Osaka យកឈ្នះ​៕

អត្ថបទ​៖​នាង សុភា​វុ​ធ