ហ្វាំងឡង់៖ លោក​ស្រី Sanna Marin អាច​នឹង​ក្លាយ​ជា​នាយក​រដ្ឋមន្ត្រី​​​ក្មេង​ជាង​គេ​លើ​ពិភព​លោក​

248

ហ្វាំ​ង​ឡង់​៖ លោកស្រី Sanna Marin ដែល​គណបក្ស​របស់​ខ្លួន​ធំ​ជាង​គេ ​នៅ​ក្នុង​សម្ព័ន្ធ​រដ្ឋាភិបាល​ដែល​មាន​សមាជិក ៥គណបក្ស ត្រូវ​បាន​តែង​តាំង​ធ្វើជា​មេដឹកនាំ​ជា​ស្ត្រី​ទី​៣ របស់​ប្រទេស​។ លោក​ស្រី Marin​ បាន​យកឈ្នះគណបក្ស​ Antti Lindtman ដោយ​សំឡេង​គាំទ្រ ៣២ ទល់នឹង​២៩ ​ក្នុង​ក្រុមប្រឹក្សា​គណបក្ស​។​

គណបក្ស​ប្រជាធិបតេយ្យ​សង្គម​បាន​ជ្រើសរើស​លោកស្រី Sanna Marin ដែល​ជា​អនុប្រធាន​បក្ស ជា​បេក្ខជន​របស់​ពួកគេ​សម្រាប់​តំណែង​ជា​នាយករដ្ឋមន្ត្រី​កាលពី​ថ្ងៃអាទិត្យ​។ មាន​វ័យ ៣៤​ឆ្នាំ លោក​ស្រី Marin​ នឹង​ក្លាយ​ជា​មេដឹកនាំ​ក្មេង​ជាងគេ​បំផុត ​របស់​ប្រទេស​ក្នុង​តំបន់​អឺរ៉ុប​ខាងជើង ប្រសិនបើ​ត្រូវ​បាន​បញ្ជាក់​ដោយ​ការ​បោះ​ឆ្នោត​សភា​ ដែល​ទំនងជា​នឹង​ធ្វើ​ឡើង​នៅ​សប្ដាហ៍​ក្រោយ​។ ដោយ​បាន​យកឈ្នះ​លើ​គូប្រជែង​គណបក្ស Antti Lindtman នៅ​ក្នុង​ការបោះឆ្នោត​របស់​គណបក្ស​លោកស្រី Marin បាន​និយាយ​ថា ឥឡូវនេះ​យើង​ត្រូវ​សំឡឹង​ទៅមុខ​។ យើង​មាន​ការងារ​ជាច្រើន​ដែល​ត្រូវ​ធ្វើ ដើម្បី​ស្ដារ​ទំនុក​ចិត្ត​ឡើងវិញ ​ប៉ុន្តែ​យើង​មាន​កម្មវិធី​រដ្ឋាភិបាល​រួមគ្នា​៕

អត្ថបទ៖ សុខ​មាន