កីឡាករ​វាយ​កូន​គោល Rory McIlroy​ ឡើង​មក​លេខ​១ ពិភព​លោក​លើក​ដំបូង​ក្នុង​រយៈ​ពេល ៥​ឆ្នាំ​

81

វាយ​កូន​គោល៖ ​កីឡាករ​វាយកូនគោល​អៀក​ឡង់​ខាងជើង Rory McIlroy​ បាន​ត្រលប់​មក​ឈរ​លេខ១ ពិភព​លោក​ជា​លើកដំបូង​ក្នុង​រយៈពេល ៥​ឆ្នាំ​។ ​ជើងឯក​កម្មវិធី​ធំ​៤ លើក​វ័យ ៣០​ឆ្នាំ​រូប​នេះ​បាន​ឡើង​មក​កាន់​តំណែង​នេះ​ជំនួស​កីឡាករ​អាមេរិក Brooks Koepka​

​​ក្នុង​ការ​ធ្វើ​បច្ចុប្បន្នភាព​ចំណាត់ថ្នាក់​ពិភពលោក​កាលពី​ថ្ងៃ​ចន្ទ​ មានន័យថា Rory McIlroy​ ឡើង​មក​កាន់​តំ​ណែង​​លេខ​១ ពិភពលោក​ក្នុង​សប្ដាហ៍​ទី​៩៦ របស់​ខ្លួន​បូករួម​ទាំង​លើក​មុន ដែល​ធ្វើ​អោយ​គេ​ឈរ​លេខ​៤ ក្នុង​តារាង​អ្នក​កាន់​តំណែង​លេខ​១ យូរ​បំផុត​។ ​អ្នក​កាន់​តំណែង​លេខ​១ ពិភពលោក​យូរ​ជាងគេ​គិត​មកដល់ពេលនេះ​គឺ Tiger Woods ៦៨៣​សប្ដាហ៍, Greg Norman ៣៣១​សប្ដាហ៍ និង Nick Faldo ៩៧​សប្ដាហ៍​។ ​ពិន្ទុ​នាំ​មុខ​គេ​ក្នុង​តារាង McIlroy​ ពីលើ Brooks Koepka ​ត្រឹម ០.៣​ពិន្ទុ​ប៉ុណ្ណោះ​៕

អត្ថបទ​៖​នាង សុភា​វុ​ធ