អ្នកបើកបររថយន្តដឹកទំនិញ និងអ្នកដំណើររាប់ពាន់នាក់ បានជាប់គាំងនៅទូទាំងប្រទេសបូលីវី ខណៈការបិទផ្លូវបានឈានចូលដល់សប្តាហ៍ទីពីរ ដែលធ្វើឲ្យរំខានដល់ខ្សែច្រវ៉ាក់ផ្គត់ផ្គង់ ធ្វើឱ្យតូបលក់ដូរមួយចំនួនគ្មានទំនិញ និងបណ្តាលឱ្យស្ថានីយរថយន្តក្រុងភាគច្រើនគ្មានអ្នកដំណើរ កាលពីថ្ងៃអង្គារ ទី១២ ខែឧសភា។

អ្នកទេសចរវ៉េណេស៊ុយអេឡាម្នាក់ បាននិយាយថា អ្នកស្រីបានជាប់គាំងខ្លួននៅទីក្រុង La Paz រយៈពេល៧ថ្ងៃ ហើយមិនអាចបន្តដំណើរទៅកាន់ប្រទេសប្រេស៊ីលបានទេ។ ស្ត្រីមេផ្ទះម្នាក់ បាននិយាយថា អ្នកស្រីខឹងសម្បារចំពោះការខ្វះទំនិញ និងបានចោទប្រកាន់ក្រុមអ្នកតវ៉ាថា បានរារាំងប្រជាជនមិនឱ្យទទួលបានអាហារ។

យោងតាមអាជ្ញាធរ និងក្រុមមូលដ្ឋានបានឲ្យដឹងថា ការបិទផ្លូវ បានធ្វើឱ្យយានយន្តជាច្រើនគ្រឿងជាប់គាំងនៅលើផ្លូវធំៗ ដែលដំណើការទំនិញជាមូលដ្ឋានត្រូវបានរឹតត្បិត និងរួមចំណែកដល់ការខកចិត្តកាន់តែខ្លាំងឡើងចំពោះកង្វះអាហារ និងតម្លៃហក់ឡើងខ្ពស់។

រដ្ឋាភិបាលបាននិយាយកាលពីថ្ងៃអង្គារថា ការតវ៉ាបានផ្លាស់ប្តូរពីការទាមទារជាក់លាក់តាមវិស័យទៅជាគោលបំណងនយោបាយ ហើយបានចោទប្រកាន់អតីតប្រធានាធិបតី លោក Evo Morales ថាបានជំរុញចលនាប្រឆាំងប្រធានាធិបតី លោក Rodrigo Paz។