នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចតេជោលើកទឹកចិត្តឱ្យកម្ពុជា និងស៊ីបរកឱកាស និងយន្តការថ្មីៗជំរុញការវិនិយោគ និងពាណិជ្ជកម្មទ្វេភាគីឱ្យកាន់តែរីកចម្រើន
សម្ដេចតេជោ ជំរុញ កម្ពុជា និង ហ្សកហ្ស៊ី រកចំណុចមិនទាន់រួមគ្នា បង្កើតកិច្ចសហប្រតិបត្តិការកាន់តែស៊ីជម្រៅ
សម្ដេចធិបតី៖ ការវិនិយោគលើវិស័យសុខាភិបាល គឺជាការវិនិយោគលើអាយុជីវិត, លើកម្លាំងពលកម្ម, លើធនធានមនុស្ស, និងលើការអភិវឌ្ឍប្រកបដោយសមធម៌ និងចីរភាព
ឯកអគ្គរដ្ឋទូតតែងតាំងថ្មីអាល្លឺម៉ង់កម្ពុជាប្ដេជ្ញាខិតខំលើកកម្ពស់ទំនាក់ទំនងរវាងកម្ពុជា និងអាល្លឺម៉ង់ឲ្យកាន់តែរឹងមាំបន្ថែមទៀត

នយោបាយ​ និង ការអភិវឌ្ឍន៍

បេក្ខជនគណបក្សប្រឆាំងម៉ាសេដូនីខាងជើង នាំមុខការបោះឆ្នោតប្រធានាធិបតី

2024/04/25 05:54:33 pm        375
Facebook Telegram Linkin
បេក្ខជនប្រធានាធិបតីរបស់ប្រទេសម៉ាសេដូនីខាងជើង លោកស្រី ហ្គរដាណា ស៊ីលចាណូវស្កា ដាវកូវ៉ា(Gordana Siljanovska-Davkova) បាននាំមុខលើលោក ស្តេវ៉ូ ផេនដារ៉ូវស្គី(Stevo Pendarovski) ដែលជាអ្នកកាន់តំណែងបច្ចុប្បន្ន ដោយសន្លឹកឆ្នោតត្រូវបានរាប់ស្ទើរតែ ៧០% នៅការិយាល័យបោះឆ្នោត កាលពីថ្ងៃពុធ ទី២៤ ខែមេសា។ ទោះជាយ៉ាងណា គណបក្សទាំងពីរមានសំឡេងតិចជាង ៥០% ដែលត្រូវការដើម្បីទទួលជ័យជម្នះទាំងស្រុង។ លោកស្រី Siljanovska-Davkova នៃគណបក្សស្តាំនិយម ទទួលបានសំឡេង ៣៨,៧១% នៃសន្លឹកឆ្នោត ខណៈលោក Pendarovski គណបក្សប្រជាធិបតេយ្យសង្គម ទទួលបានសំឡេង ១៩,០២% នេះបើយោងតាមគណៈកម្មាធិការបោះឆ្នោតរដ្ឋ។ តួលេខនេះ នឹងមានការប្រកួតប្រជែងការបោះឆ្នោតជុំថ្មី រវាងបេក្ខជននាំមុខទាំងពីរ នៅថ្ងៃទី ៨ ខែឧសភា។អ្នកគាំទ្រ លោកស្រី Siljanovska-Davkova បានអបអរនៅតាមផ្លូវនៃរដ្ឋធានី ស្កុបជេ(Skopje) ដោយគ្រវីទង់ជាតិ និងកាន់គប់ភ្លើង។ លោកស្រី Siljanovska-Davkova ខណៈលោកស្រីជួបជាមួយអ្នកគាំទ្រ បានបង្ហាញការភ្ញាក់ផ្អើលចំពោះការនាំមុខរបស់លោកស្រី។ ក្រុមអ្នកសង្កេតការណ៍មកពីអង្គការឃ្លាំមើលសិទ្ធិមនុស្សក្នុងតំបន់ បានរាយការណ៍ពីភាពមិនប្រក្រតីតិចតួច ដូចជាសកម្មជនផ្តល់ដំបូន្មានដល់អ្នកទាំងឡាយណាដែលមកដល់ការិយាល័យបោះឆ្នោតចំពោះនរណាដែលត្រូវបោះឆ្នោតឱ្យ។ បេក្ខភាពរបស់ប្រទេសម៉ាសេដូនីខាងជើង ក្នុងការចូលជាសមាជិកសហភាពអឺរ៉ុបត្រូវបានបំពេញប្រកបដោយសុទិដ្ឋិនិយមក្នុងឆ្នាំ ២០០៥។ ទោះជាយ៉ាងណា រយៈពេល១៩ ឆ្នាំមកនេះ ប្រទេសនេះមានភាពរីកចម្រើនតិចតួច ដោយសារមួយផ្នែកនៃការប្រឆាំងពីសមាជិកសហភាពអឺរ៉ុប គឺប្រទេសក្រិក និងប្រទេសប៊ុលហ្គារី។

ចិន៖ ការពង្រឹងទំនាក់ទំនងយោធាអាមេរិក ជាមួយកោះតៃវ៉ាន់ នឹងបង្កើនភាពតានតឹងនៅច្រកសមុទ្រ

2024/04/25 05:40:41 pm        358
Facebook Telegram Linkin
អ្នកនាំពាក្យក្រសួងការបរទេសចិន លោក វ៉ាង វ៉ិនពីន (Wang Wenbin) កាលពីថ្ងៃពុធ (២៤ មេសា) បាននិយាយថា ការពង្រឹងការឃុបឃិតផ្នែកយោធារវាងសហរដ្ឋអាមេរិក និងកោះតៃវ៉ាន់ នឹងធ្វើឱ្យភាពតានតឹងកើនឡើងកាន់តែខ្លាំង ហើយហានិភ័យនៃជម្លោះកាន់តែខ្ពស់នៅក្នុងច្រកសមុទ្រតៃវ៉ាន់។ការលើកឡើងនេះ បានធ្វើឡើងនៅពេលដែលរដ្ឋមន្ត្រីការបរទេសអាមេរិក លោក អាន់តូនី ប្លីងខិន (Antony Blinken) បានទៅដល់ទីក្រុងសៀងហៃ ដើម្បីជួបជាមួយបណ្ដាមេដឹកនាំធុរកិច្ច មុនពេលធ្វើដំណើរទៅកាន់ទីក្រុងប៉េកាំង ដើម្បីពិភាក្សាជាមួយសមភាគីរបស់ខ្លួន គឺលោក វ៉ាង យី (Wang Yi) និងកិច្ចប្រជុំដែលទំនងជានឹងជួបជាមួយលោកប្រធានាធិបតី ស៊ី ជីនពីង (Xi Jinping)។ដំណើរទស្សនកិច្ចរបស់ ប្លីងខិន គឺជាទំនាក់ទំនងកម្រិតខ្ពស់ចុងក្រោយបំផុតរវាងប្រជាជាតិទាំងពីរ ដែលរួមជាមួយនឹងក្រុមការងារលើបញ្ហាពីពាណិជ្ជកម្មសកលរហូតដល់ទំនាក់ទំនងយោធា ហើយបានកាត់បន្ថយភាពតានតឹងជាសាធារណៈ ដែលជំរុញឱ្យទំនាក់ទំនងធ្លាក់ចុះជាប្រវត្តិសាស្ត្រកាលពីដើមឆ្នាំមុន។ដំណើរទស្សនកិច្ចនេះក៏កើតឡើងបន្ទាប់ពីសភាអាមេរិក កាលពីចុងសប្តាហ៍បានអនុម័តសេចក្ដីស្នើច្បាប់ដែលរួមមានការផ្តល់មូលនិធិថ្មីសម្រាប់កោះតៃវ៉ាន់ និងតិចជាងមួយខែមុនពេលកោះស្វ័យគ្រប់គ្រងតៃវ៉ាន់ សម្ពោធមេដឹកនាំថ្មីលោក ឡៃ ឈីងទឺ (Lai Ching-te) ដែលដូចអ្នកកាន់តំណែងពីមុនរបស់លោកដែរ គឺបដិសេធការទាមទារសិទ្ធរបស់ចិន លើកោះមួយនេះ៕

លោក Blinken ប្រាប់ចិនឱ្យគ្រប់គ្រងទំនាក់ទំនងប្រកបដោយការទទួលខុសត្រូវ ខណៈទំនាក់ទំនងដុនដាបខ្លាំង

2024/04/25 04:51:40 pm        391
Facebook Telegram Linkin
រដ្ឋមន្ត្រីការបរទេសអាមេរិក លោក Antony Blinken បាននិយាយថាប្រទេសដែលមានសេដ្ឋកិច្ចធំជាងគេលើពិភពលោកត្រូវតែ បង្ហាញពីការខ្វែងគំនិតគ្នារបស់យើង ខណៈលោកបានចាប់ផ្តើមកិច្ចពិភាក្សារយៈពេលពីរថ្ងៃនៅក្នុងប្រទេសចិន ជាមួយនឹងការគំរាមកំហែងនៃទណ្ឌកម្មរបស់សហរដ្ឋអាមេរិកផ្តោតលើទីក្រុងប៉េកាំង ជុំវិញការគាំទ្ររបស់ខ្លួនចំពោះសង្រ្គាមរបស់រុស្ស៊ីនៅអ៊ុយក្រែនដែលកំពុងគ្របដណ្ដប់លើដំណើរទស្សនកិច្ចរបស់លោក។ លោកបានប្រាប់លេខាគណបក្សសៀងហៃលោក ជិន ជីនីង (Chen Jining) នៅថ្ងៃព្រហស្បតិ៍ទី២៥មេសាសប្ដាហ៍នេះ បន្ទាប់ពីចូលរួមទស្សនាការប្រកួតកីឡាបាល់បោះកាលពីយប់ថ្ងៃពុធ ថា យើងមានកាតព្វកិច្ចសម្រាប់ប្រជាជនរបស់យើង ហើយក៏ពិតជាកាតព្វកិច្ចចំពោះពិភពលោកដែរ ក្នុងការគ្រប់គ្រងទំនាក់ទំនងរវាងប្រទេសទាំងពីររបស់យើងប្រកបដោយការទទួលខុសត្រូវ ។ស្របពេលទំនាក់ទំនងរវាងទីក្រុងវ៉ាស៊ីនតោន និងទីក្រុងប៉េកាំង ប្រេះឆាខ្លាំង ជុំវិញបញ្ហាបធំៗជាច្រើន ប្រមុខការទូតសហរដ្ឋអាមេរិក លោក Antony Blinken បានចាប់ផ្តើមដំណើរទស្សនកិច្ចលើកទីពីររបស់លោកទៅកាន់ប្រទេសចិនក្នុងសប្តាហ៍នេះ ដោយជាដំបូង ផ្តោតលើសារៈសំខាន់នៃការចូលរួមដោយផ្ទាល់។ លោកបានលើកឡើងថា នេះគឺជារឿងចាំបាច់សម្រាប់ដោះស្រាយបញ្ហាសំខាន់ៗដែលប៉ះពាល់ដល់ប្រជាជនមកពីប្រទេសទាំងពីរ និងពិភពលោក។នៅទីក្រុងប៉េកាំង ក្រុមមន្ត្រីចិនបាននិយាយថា ដំណើរទស្សនកិច្ចរបស់លោក Blinken គឺជាផ្នែកមួយនៃកិច្ចខិតខំប្រឹងប្រែងដែលកំពុងបន្តរបស់ប្រទេសទាំងពីរដើម្បីរក្សាការសន្ទនា គ្រប់គ្រងការខ្វែងគំនិតគ្នា លើកកម្ពស់កិច្ចសហប្រតិបត្តិការ និងបង្កើនការសម្របសម្រួលក្នុងកិច្ចការអន្តរជាតិ។ដំណើរទស្សនកិច្ចរបស់អ្នកការទូតអាមេរិកជាន់ខ្ពស់រូបនេះ ធ្វើឡើងស្របពេលមានភាពតានតឹង កាន់តែខ្លាំងរវាងគ្នានឹងគ្នា ខណៈរដូវបោះឆ្នោតអាមេរិកដ៏ក្ដៅគគុកបានសាកល្បងស្ថិរភាពក្នុងទំនាក់ទំនងដែលសម្របសម្រួលដោយលោកប្រធានាធិបតីXi និងលោក Joe Biden កាលពីឆ្នាំមុន។ មេដឹកនាំសហរដ្ឋអាមេរិកកាលពីសប្តាហ៍មុនបានស្តីបន្ទោសទីក្រុងប៉េកាំងថាជា មនុស្សគួរឲ្យខ្លាច ដោយបានប្តេជ្ញាថានឹងដំឡើងពន្ធបន្ថែមទៀតលើប្រទេសចិន និងបានបើកការស៊ើបអង្កេតលើឧស្សាហកម្មនាវារបស់ប្រទេសអាស៊ីមួយនេះ៕

ចិន ស្ដីបន្ទោសជំនួយយោធាអាមេរិកឲ្យតៃវ៉ាន់ ដោយលើកឡើងថា កោះនេះកំពុងដើរចូលក្នុងគ្រោះថ្នាក់

2024/04/25 04:45:22 pm        413
Facebook Telegram Linkin
កាលពីថ្ងៃពុធទី២៤មេសា សប្ដាហ៍នេះ ប្រទេសចិន បានស្ដីបន្ទោសកញ្ចប់ជំនួយយោធាចុងក្រោយរបស់សហរដ្ឋអាមេរិក ជួយដល់កោះតៃវ៉ាន់ ដោយនិយាយថាមូលនិធិនេះកំពុងរុញកោះស្វ័យគ្រប់គ្រងមួយនេះឲ្យធ្លាក់ចូលក្នុងស្ថានភាពដ៏គ្រោះថ្នាក់ ។ព្រឹទ្ធសភាអាមេរិក កាលពីល្ងាចថ្ងៃអង្គារសប្ដាហ៍នេះ បានអនុម័តសំណើសេចក្ដីព្រាងច្បាប់ទំហំទឹកប្រាក់៩៥ពាន់លានដុល្លារលើជំនួយបទេសសម្រាប់ប្រទេសអ៊ុយក្រែន អ៊ីស្រាអែល និងកោះតៃវ៉ាន់ បន្ទាប់ពីការពន្យារពេលជាច្រើនខែនៅក្នុងសភា និងការជជែកដេញដោលដ៏ចម្រូងចម្រាសជុំវិញថាតើសហរដ្ឋអាមេរិក នឹងគួរតែចូលខ្លួនពាក់ព័ន្ធយ៉ាងណាក្នុងសង្រ្គាមរបរទេស ។ ប្រទេសចិន អះអាងថា កោះតៃវ៉ាន់ទាំងមូល គឺជាដែនដីរបស់ខ្លួន និងបានគំរាមក្រសោបយកកោះនេះ ដោយប្រើកម្លាំងក្នុងករណីចាំបាច់ណាមួយ។ ការិយាល័យកិច្ចការកោះតៃវ៉ាន់របស់ចិនដីគោក បាននិយាយថា ជំនួយនេះ រំលោភយ៉ាងខ្លាំង លើការតាំងចិត្តរបស់អាមេរិក ចំពោះប្រទេសចិន និងបានផ្ញើសារខុសទៅកាន់កងកម្លាំងកំពុងព្យាយាមផ្ដាច់ខ្លួនដោយឯករាជ្យរបស់កោះតៃវ៉ាន់ ។ លោក ជូ ហ្វឹងលៀន (Zhu Fenglian) អ្នកនាំពាក្យការិយាល័យខាងលើនេះ បានបន្ថែមថា គណបក្សប្រជាធិបតេយ្យជឿនលឿនគាំទ្រករាជ្យកាន់អំណាចរបស់កោះតៃវ៉ាន់ ដែលបានឈ្នះការបោះឆ្នោត លើកទី៣សម្រាប់អាណត្តិ៤ឆ្នាំ ក្នុងការជ្រើសរើសមេដឹកនាំកោះកាលពីខែមករា ឆ្នាំ២០២៤នេះ កំពុងមានព្យាយាមក្លាយជាឈ្នាន់សម្រាប់កម្លាំងខាងក្រៅក្នុងការប្រើប្រាស់កោះតៃវ៉ាន់ទប់ទល់ចិន ដែលរុញកោះមួយនេះ ធ្លាក់ចូលក្នុងស្ថានភាពដ៏គ្រោះថ្នាក់។ កាលពីថ្ងៃអង្គារសប្ដាហ៍នេះដែរ មេដឹកនាំកោះនេះ លោក ឡៃ ឆឹង-ទ (Lai Ching-te) បានប្រាប់ គណៈប្រតិភូសភាអាមេរិក ដែលទៅទស្សនកិច្ចកោះនេះថា ជំនួយនេះនឹងពង្រឹងកម្លាំងទប់ទល់ប្រឆាំងនឹងសម្ពាធ នៅក្នុងខ្សែសង្វាក់សម្ព័ន្ធមិត្តប៉ាស៊ីហ្វិកខាងលិច និងជួយធានាសន្តិភាព និងស្ថិរភាពទូទាំងច្រកសមុទ្រតៃវ៉ាន់ និងពង្រឹងភាពជឿជាក់នៅក្នុងតំបន់ផងដែរ៕

លោក Biden ចុះហត្ថលេខា លើពង្រាងច្បាប់ឲ្យក្លាយជាច្បាប់ហាមប្រាមវត្តមានបណ្ដាញសង្គម TikTokនៅទឹកដីអាមេរិក

2024/04/25 04:41:38 pm        447
Facebook Telegram Linkin
លោកប្រធានាធិបតី Joe Biden បានចុះត្ថេលេខាលើកញ្ចប់ជំនួយបរទេស ដែលរួមទាំងសេចក្ដីពង្រាងច្បាប់ មួយដែលនឹងហាមប្រាមវត្តមានបណ្ដាញសង្គម TikTok ក្នុងទឹកដីអាមេរិក ប្រសិនបើក្រុមហ៊ុន មេ ByteDance មានមូលដ្ឋាននៅក្នុងប្រទេសចិន មិនព្រមលក់ appនេះនៅក្នុងរយៈពេលមួយឆ្នាំ ។ ពេលនេះ ពង្រាងច្បាប់ហាមប្រាម ឬត្រូវលក់ឲ្យអាមេរិក បានក្លាយជាច្បាប់ពេញលេញហើយ ដែលជាពេលវេលាដ៏តានតឹងសម្រាប់ក្រុមហ៊ុន ByteDance ត្រូវសម្រេចចិត្ត។ ដំបូងឡើយ ក្រុមហ៊ុននេះមានរយៈពេល៩ខែដើម្បីបង្កើតកិច្ចព្រមព្រៀងមួយ ទោះបីជាលោកប្រធានាធិបតី អាចបន្ថែមពេលវេលា៣ខែទៀត ប្រសិនបើលោកមើលឃើញថាករណីនេះមានភាពរីកចម្រើនហើយនោះក៏ដោយ។ ស្របពេលទើបតែថ្មីៗនេះ ច្បាប់នេះទំនងជាប់គាំងនៅក្នុងព្រឹទ្ធសភា បន្ទាប់ពីត្រូវបានអនុម័តនៅក្នុងសភា សម្ពាធនយោបាយបានជួយបញ្ជូនពង្រាងច្បាប់នោះទៅកាន់តុរបស់លោក Biden ។ ពង្រាងច្បាប់របស់សភាស្ដីពីការហាមប្រាមការប្រើប្រាស់បណ្ដាញសង្គម TikTok ដែលបានបន្ថែមពេលវេលាសម្រាប់ការដកខ្លួនចេញពីក្រុមហ៊ុនមេ របស់ចិនរយៈពេល៦ខែ ដែលត្រូវបានអនុញ្ញាតនៅក្នុងវគ្គមុន ក៏មានការអនុម័តលើកញ្ចប់ជំនួយបរទេសដល់សម្ព័ន្ធមិត្តរបស់សហរដ្ឋអាមេរិកផងដែរ ដែលបង្ខំឱ្យព្រឹទ្ធសភាពិចារណាវិធានការរួមគ្នាប្រកបដោយប្រសិទ្ធភាព។ អ្នកនាំពាក្យក្រុមហ៊ុនបណ្ដាញសង្គម TikTok លោក អាឡិច ហូរ៉េក (Alex Haurek) បាននិយាយនៅក្នុងសេចក្តីថ្លែងការណ៍មួយថា ក្រុមហ៊ុនគ្រោងប្រឈមនឹងច្បាប់នៅក្នុងតុលាការ ដែលទីបំផុតអាចពន្យារពេលវេលា ប្រសិនបើតុលាការផ្ដល់ពេលបន្ថែមក្នុងការអនុវត្តដោយរង់ចាំដំណោះស្រាយ។ បញ្ហានេះ ក៏នៅតែមានសំណួរអំពីរបៀបដែលប្រទេសចិននឹងឆ្លើយតប និងថាតើចិននឹងអនុញ្ញាតឱ្យក្រុមហ៊ុន ByteDance លក់App TikTok ដែរឬទេ ហើយសំខាន់បំផុតនោះ គឺដំណោះស្រាយរបស់ខ្លួន ដែលចង់រក្សាអ្នកប្រើប្រាស់ឱ្យត្រលប់មកប្រើ app នេះវិញ៕

នាវាទេសចរណ៍បរទេស ផ្ទុកអ្នកដំណើរជាង ៧០០នាក់ ចូលចតធ្វើទស្សនកិច្ចខេត្ដព្រះសីហនុ

2024/04/25 03:42:41 pm        475
Facebook Telegram Linkin
ព្រះសីហនុ៖ នៅថ្ងៃទី២៥ ខែមេសាឆ្នាំ២០២៤ នាយនគរបាលអន្ដោប្រវេសន៍ច្រកទ្វារកំពង់ផែអន្ដរជាតិក្រុងព្រះសីហនុ ប្រាប់ថា នាវាទេសចរណ៍បរទេស ឈ្មោះ Sea Bourn Sojourn សញ្ជាតិ Bahamas ផ្ទុកអ្នកដំណើរចម្រុះជាតិសាសន៍ ៧១៣នាក់ មកពីប្រទេសវៀតណាម ចូលចតនៅកំពង់ផែស្វយ័តអន្ដរជាតិក្រុងព្រះសីហនុ ដើម្បីធ្វើទស្សនកិច្ចនៅខេត្ដព្រះសីហនុ រួចហើយនឹងបន្តដំណើរឆ្ពោះទៅប្រទេសថៃ នៅយប់ថ្ងៃ ខែ ឆ្នាំដដែល។ លោកវរសេនីយ៍ បន្ដថា នាវានេះ ផ្ទុកអ្នកដំណើរចម្រុះជាតិសាសន៍សរុបចំនួន ៧១៣នាក់ ក្នុងនោះ មានភ្ញៀវទេសចរ ៣៦០នាក់ និងនាវិកសរុបចំនូន ៣៥៣នាក់ ជាតិសាសន៍ដែលច្រើនជាងគេបង្អស់ គឺសញ្ជាតិអាមេរិក និងអូស្រ្ដាលី បានធ្វើដំណើរមកពីប្រទេសវៀតណាម ហើយនឹងចាកចេញដំណើរ​បន្ដទៅប្រទេសថៃ នៅយប់ថ្ងៃទី២៥ ខែមេសា ឆ្នាំ២០២៤។ ការចូលចតនាវាទេសចណ៍ បានផ្ដល់ឱកាសឱ្យភ្ញៀវទេសចរ បានទស្សនាពីវឌ្ឍនភាពខេត្ដព្រះសីហនុ និងបានស្វែងយល់ពី​វប្បធម៌រស់នៅរបស់ប្រជាពលរដ្ឋខ្មែរ ជាមួយនិងធនធានធម្មជាតិដ៏សម្បូរបែបរបស់​ខេត្ដព្រះសីហនុ។ ក្រោមដំបូលសុខសន្ដិភាពនៅព្រះរាជាណាចក្រកម្ពុជា នឹងអាចឱ្យភ្ញៀវទេសចរ បន្ដផ្សព្វផ្សាយពីខេត្ដព្រះសីហនុ ក៏ដូចជាប្រទេសកម្ពុជា ក្នុងការទាក់ទាញភ្ញៀវទេសចរ សម្រាប់លើកកម្ពស់វិស័យទេសចរណ៍នៅកម្ពុជា។ ម្យ៉ាងវិញទៀត ការចូលចតនេះ បានផ្ដល់អត្ថប្រយោជន៍ដល់ប្រជាពលរដ្ឋខេត្ដព្រះសីហនុ ដែលជាអ្នកលក់ផលិតទេសចរណ៍ ពិសេសអ្នករត់តាក់ស៊ី ឬម៉ូតូកង់បី និងម៉ូតូឌុប ។ល។

ក្រុមហ៊ុនTikTokនឹងតតាំងច្បាប់ហាមប្រាមរបស់អាមេរិកតាមផ្លូវតុលាការ

2024/04/25 03:19:27 pm        462
Facebook Telegram Linkin
នាយកប្រតិបត្តិរបស់ក្រុមហ៊ុនបណ្ដាញសង្គម TikTok បានប្តេជ្ញាកាលពីថ្ងៃពុធ ២៤ មេសា ថានឹងតតាំងនៅក្នុងតុលាការដើម្បីលុបចោលច្បាប់ថ្មីរបស់សហរដ្ឋអាមេរិកបន្ទាប់ពីបានចុះហត្ថលេខារួចដែលអាចឃើញកម្មវិធីដ៏ពេញនិយមមួយនេះត្រូវបានហាមប្រាមដោយសារតែការចោទប្រកាន់ថាបណ្ដាញសង្គមមួយនេះត្រូវបានគ្រប់គ្រងដោយរដ្ឋាភិបាលចិន។ ច្បាប់នេះទុកពេលឱ្យក្រុមហ៊ុនTikTok ៩ខែ ដើម្បីដកខ្លួនចេញពីក្រុមហ៊ុនមេរបស់ចិន ByteDance ពុំនោះត្រូវបិទទីផ្សារនៅសហរដ្ឋអាមេរិក។ក្រុមមន្ត្រីអាមេរិក និងលោកខាងលិចផ្សេងទៀត បានចោទប្រកាន់ថា វេទិកាប្រព័ន្ធផ្សព្វផ្សាយសង្គមនេះ អនុញ្ញាតឱ្យទីក្រុងប៉េកាំងប្រមូលទិន្នន័យ និងចារកម្មលើអ្នកប្រើប្រាស់។ បណ្ដាញសង្គមកម្សាន្តបង្ហោះវីដេអូខ្លីៗដ៏ល្បីល្បាញមួយនេះមានអ្នកប្រើប្រាស់ជាង១៧០លាននាក់នៅក្នុងសហរដ្ឋអាមេរិកតែមួយគត់ ដែលភាគច្រើនជាយុវជនក្មេងៗ។ ក្រុមអ្នករិះគន់និយាយថា បណ្ដាញសង្គមដ៏ធំ TikTok ក៏ជាផ្លូវសម្រាប់ផ្សព្វផ្សាយការឃោសនាដែរ។ ប្រទេសចិន និងក្រុមហ៊ុន បានបដិសេធយ៉ាងដាច់អហង្ការចំពោះការអះអាងទាំងនេះ។ លោក ចូវ ស៊ីឈូ (Shou Zi Chew) អគ្គនាយកបណ្ដាញសង្គម TikTok បាននិយាយនៅក្នុងវីដេអូមួយដែលបានបង្ហោះនៅលើ TikTok ភ្លាមៗ បន្ទាប់ពីលោកប្រធានាធិបតី Joe Biden បានចុះហត្ថលេខាលើច្បាប់នេះថា កុំធ្វើឲ្យមានកំហុស នេះគឺជាការហាមប្រាម។នេះគឺជាការហាមប្រាមនៅលើ TikTok និងការហាមប្រាមលើអ្នក និងសំឡេងរបស់អ្នក ដោយសង្កត់ធ្ងន់ថា ក្រុមហ៊ុននេះ នឹងបន្តធ្វើប្រតិបត្តិការជាក្រុមហ៊ុនកំពុងប្រឈមការរឹតត្បិត។ លោកឈូ បានហៅចំណាត់ការនេះថាជារឿង ហួសចិត្ត ដោយសារសេរីភាពនៃការបញ្ចេញមតិនៅលើ TikTok ឆ្លុះបញ្ចាំងពីតម្លៃអាមេរិកដូចគ្នា ដែលធ្វើឱ្យសហរដ្ឋអាមេរិកក្លាយជាសញ្ញានៃសេរីភាព។ សេចក្ដីពង្រាងច្បាប់ដែលអាចបង្កឱ្យមានជំហានដ៏កម្រនៃការរារាំងក្រុមហ៊ុនមួយពីប្រតិបត្តិការនៅក្នុងទីផ្សារសហរដ្ឋអាមេរិកបានឆ្លងកាត់ព្រឹទ្ធសភាដោយការបោះឆ្នោតគាំទ្រសំឡេង ៧៩ទល់នឹង១៨ បីថ្ងៃបន្ទាប់ពីបានបើកផ្លូវនៅសភា ដោយមានការគាំទ្រយ៉ាងខ្លាំងពីគណបក្សទាំង២៕

ខណៈកិច្ចពិភាក្សាសន្ធិសញ្ញាប្លាស្ទីកចាប់ផ្តើម ប្រទេសនានាស្ថិតក្រោមសម្ពាធ

2024/04/24 09:14:52 pm        261
Facebook Telegram Linkin
ប្រទេសជាច្រើន កំពុងស្ថិតនៅក្រោមសម្ពាធក្នុងការធ្វើឱ្យមានវឌ្ឍនភាព លើសន្ធិសញ្ញាប្លាស្ទិកជាសកលលើកដំបូងមិនធ្លាប់មានក្នុងសប្តាហ៍នេះ ប៉ុន្តែប្រទេសនានាប្រឈមមុខនឹងការចរចាដ៏តានតឹង នៅក្នុងរដ្ឋធានីប្រទេសកាណាដា ដោយភាគីជាច្រើនបានខ្វែងគំនិតគ្នាយ៉ាងខ្លាំង ជុំវិញអ្វីដែលសន្ធិសញ្ញា គួរតែរួមបញ្ចូល ខណៈកិច្ចពិភាក្សា ចាប់ផ្តើមកាលពីថ្ងៃអង្គារ។ប្រសិនបើរដ្ឋាភិបាលនានា អាចព្រមព្រៀងលើសន្ធិសញ្ញាមានកាតព្វកិច្ចស្របច្បាប់ ដែលមិនត្រឹមតែនិយាយអំពីរបៀបដែលប្លាស្ទិកត្រូវបានបោះចោលប៉ុណ្ណោះទេ ប៉ុន្តែថែមទាំងចំនួនប៉ុន្មានដែលប្លាស្ទិក ត្រូវបានផលិត និងតើវាត្រូវបានប្រើប្រាស់ក្នុងរបៀបណាខ្លះ ដែលសន្ធិសញ្ញានេះ អាចក្លាយជាកតិកាសញ្ញាសំខាន់បំផុត ដើម្បីដោះស្រាយការបំភាយឧស្ម័នឡើងកម្តៅផែនដីសកល ចាប់តាំងពីកិច្ចព្រមព្រៀងទីក្រុងប៉ារីសឆ្នាំ២០១៥។ប៉ុន្តែខណៈការចរចា ចាប់ផ្តើមនៅទីក្រុងអូតាវ៉ា ប្រទេសកាណាដា មានការជំទាស់យ៉ាងម៉ឺងម៉ាត់ពីការតវ៉ាផ្នែកគីមីឥន្ធនៈ និងរដ្ឋាភិបាលមួយចំនួន ដែលពឹងផ្អែកលើឥន្ធនៈហ្វូស៊ីល ចំពោះការកំណត់ការផលិត ឬការដាក់បម្រាមលើសារធាតុគីមីមួយចំនួន។ការផលិតផ្លាស្ទិចមានចំនួនប្រហែល ៥% នៃការបំភាយក្នុងអាកាសធាតុ ហើយអាចកើនឡើងដល់ ២០% នៅត្រឹមឆ្នាំ២០៥០ លុះត្រាតែត្រូវបានកំណត់ នេះបើយោងតាមរបាយការណ៍កាលពីសប្តាហ៍មុនពីមន្ទីរពិសោធន៍ជាតិ ឡរ៉ែន ប៊ឺកែលលី(Lawrence Berkeley) សហព័ន្ធសហរដ្ឋអាមេរិក។គណៈប្រតិភូរាប់ពាន់នាក់ រួមមានអ្នកចរចា អ្នកសម្របសម្រួល និងអ្នកសង្កេតការណ៍ដែលមិនរកប្រាក់ចំណេញ ត្រូវបានគេរំពឹងថាចូលរួមនៅក្នុងកិច្ចប្រជុំកំពូលទីក្រុង Ottawa ដែលជាជុំចរចាលើកទីបួន មុនកិច្ចព្រមព្រៀងចុងក្រោយធ្វើឡើងនៅខែធ្នូ ។

អនុរដ្ឋមន្ត្រីការពារជាតិរុស្ស៊ី ត្រូវចាប់ខ្លួនពីបទសង្ស័យទទួលសំណូក

2024/04/24 08:12:53 pm        415
Facebook Telegram Linkin
គណៈកម្មាធិការស៊ើបអង្កេតរបស់ប្រទេសនេះ បានប្រកាសកាលពីយប់ថ្ងៃអង្គារថា ប្រទេសរុស្ស៊ី បានចាប់ខ្លួនអនុរដ្ឋមន្ត្រីការពារជាតិម្នាក់ពីបទសង្ស័យថា បានទទួលសំណូក។ប្រព័ន្ធផ្សព្វផ្សាយរដ្ឋរុស្ស៊ី បានរាយការណ៍ថា លោកប្រធានាធិបតី វ្ល៉ាឌីមៀ ពូទីន ត្រូវបានគេជូនដំណឹងអំពីការឃុំខ្លួនមន្ត្រីជាន់ខ្ពស់ លោក Timur Vadimovich Ivanov ក្នុងសកម្មភាពដ៏កម្រមួយ ចំពេលមានការវាយលុក នៅក្នុងប្រទេសអ៊ុយក្រែន។សកម្មជនប្រឆាំងអំពើពុករលួយអស់រយៈពេលជាច្រើនឆ្នាំ បានរិះគន់អ្វីដែលពួកគេនិយាយថា អំពើពុករលួយរីករាលដាល នៅក្រោមការគ្រប់គ្រងរបស់លោកពូទីន។គណៈកម្មាធិការនេះ បាននិយាយនៅលើបណ្តាញសង្គម Telegram ថា៖«អនុរដ្ឋមន្ត្រីក្រសួងការពារជាតិនៃសហព័ន្ធរុស្ស៊ី លោក Timur Vadimovich Ivanov ត្រូវបានឃុំខ្លួន ជុំវិញការសង្ស័យថា បានប្រព្រឹត្តបទឧក្រិដ្ឋតាមផ្នែកទី៦ នៃមាត្រា២៩០នៃក្រមព្រហ្មទណ្ឌ (ការទទួលសំណូក)» ។គណៈកម្មាធិការ មិនបានផ្តល់ព័ត៌មានលម្អិតបន្ថែមទៀតទេ។បទល្មើសនេះ ត្រូវផ្តន្ទាទោសដោយពិន័យជាប្រាក់ដ៏ច្រើន ឬជាប់ពន្ធនាគារលើសពីមួយទសវត្សរ៍ អាស្រ័យលើព័ត៌មានលម្អិតនៃបទឧក្រិដ្ឋនេះ។លោក Ivanov គឺស្ថិតនៅក្រោមការដាក់ទណ្ឌកម្មពីសហភាពអឺរ៉ុប ក្នុងឋានៈជាមន្ត្រីជាន់ខ្ពស់របស់ក្រសួងការពារជាតិដែលទទួលបន្ទុកសាងសង់មូលដ្ឋានយោធា។

ចិន ថ្កោលទោសការទាមទារជ្រុលហួសហេតុរបស់អាមេរិក មុនដំណើរទស្សនកិច្ចរបស់លោក Blinken

2024/04/24 08:09:39 pm        344
Facebook Telegram Linkin
ប្រទេសចិនបានវាយប្រហារដោយពាក្យសម្ដីយ៉ាងខ្លាំងក្លាបំផុតរបស់ខ្លួនរហូតមកដល់បច្ចុប្បន្នលើពាក្យបណ្តឹងរបស់សហរដ្ឋអាមេរិកអំពីសមត្ថភាពឧស្សាហកម្មដ៏ច្រើនហួសប្រមាណរបស់ចិន ជាសញ្ញាថា រដ្ឋមន្ត្រីការបរទេសលោក Antony Blinken អាចនឹងមានការសន្ទនាដ៏លំបាកមួយចំនួនក្នុងអំឡុងដំណើរទស្សនកិច្ចរបស់លោកទៅកាន់ប្រទេសចិន នៅថ្ងៃទី២៤ ដល់២៦មេសា សប្តាហ៍នេះ។ យោងតាមសេចក្តីថ្លែងការណ៍របស់ក្រសួងការបរទេសចិន ចេញផ្សាយកាលពីថ្ងៃអង្គារទី២៣ មេសា សប្ដាហ៍នេះ អ្នកការទូតចិន បាននិយាយនៅក្នុងសន្និសីទសារព័ត៌មាននាពេលថ្មីៗនេះ ថា ការចោទប្រកាន់របស់សហរដ្ឋអាមេរិកមាន ចេតនាព្យាបាទក្នុងការទប់ស្កាត់ និងបង្រ្កាបការអភិវឌ្ឍន៍ឧស្សាហកម្មរបស់ប្រទេសចិន ក្នុងគោលបំណងស្វែងរកទីតាំងប្រកួតប្រជែងដ៏អំណោយផល និងអត្ថប្រយោជន៍ទីផ្សារ។ ប្រភពដដែលនេះ បានបន្ថែមថា ទង្វើរបស់សហរដ្ឋអាមេរិក គឺជាការបង្ខិតបង្ខំ និងគំរាមសម្លុតខាងសេដ្ឋកិច្ច ។ ប្រទេសចិនកម្រនឹងធ្វើសេចក្តីរាយការណ៍បែបនេះណាស់ មុនពេលមន្ត្រីជាន់ខ្ពស់របស់សហរដ្ឋអាមេរិកមកទស្សនកិច្ចក្នុងប្រទេសរបស់ខ្លួន។ ដំណើរទស្សនកិច្ចនេះកើតឡើង ស្របពេលបញ្ហាមួយចំនួនបានសាកល្បងស្ថិរភាពនៃទំនាក់ទំនងរវាងមហាអំណាចទាំង២ ដែលបានបែកបាក់ដល់កម្រិតទាបបំផុត កាលពីឆ្នាំមុនបន្ទាប់ពីមានការចោទប្រកាន់ថាចិនបានបង្ហោះបាឡុងចារកម្មលើសហរដ្ឋអាមេរិក។ ខណៈកំពុងធ្វើយុទ្ធនាការកាលពីសប្តាហ៍មុន លោកប្រធានាធិបតី Joe Biden បានបន្ទោសទីក្រុងប៉េកាំងថាជា មនុស្សគួរឲ្យខ្លាច ហើយបានប្តេជ្ញាថានឹងដំឡើងពន្ធបីដងលើការនាំចេញដែកថែប និងអាលុយមីញ៉ូមរបស់ចិន៕

បណ្ដាញសង្គម

ព័ត៌មានថ្មីៗ

មនុស្ស ១៦នាក់ត្រូវបានសម្លាប់ ក្នុងហេតុការណ៍សង្ស័យជាការ​បំផ្ទុះគ្រាប់បែកអត្តឃាត នៅភាគពាយ័ព្យប៉ាគីស្ថាន
09/18/2026 06:09 PM
Facebook Telegram Linkin
រុស្ស៊ីបាញ់បង្ហោះរ៉ូកែត​​ Soyuz-2.1b ដឹកជញ្ជូនយានអវកាស
09/18/2026 06:09 PM
Facebook Telegram Linkin
ការប្រយុទ្ធគ្នានៅយេម៉ែន បង្ខំឲ្យមនុស្ស ១១២.០០០នាក់ ផ្លាស់ទីលំនៅ និងរាប់ពាន់នាក់ទៀត ភៀសខ្លួនទៅជីប៊ូទី
09/18/2026 06:09 PM
Facebook Telegram Linkin
បុរសអ៊ីស្រាអែលម្នាក់ត្រូវបានចាប់ខ្លួនពាក់ព័ន្ធនឹងការសង្ស័យមានទំនាក់ទំនងជាមួយក្រុមហាម៉ាស និងចារកម្មអ៊ីរ៉ង់
09/18/2026 06:09 PM
Facebook Telegram Linkin
ប្រធានាធិបតី​កូរ៉េខាងត្បូង លោក Lee បញ្ជាក់​ថា លោកគ្មានបំណងស្វែងរកអាណត្តិទី២ ឡើយ
09/18/2026 06:09 PM
Facebook Telegram Linkin
ស្ថាប័នសុខាភិបាលអាហ្វ្រិក៖ ការផ្ទុះឡើងនៃជំងឺអេបូឡា នៅកុងហ្គោ នៅតែមានសភាពធ្ងន់ធ្ងរ
09/18/2026 06:09 PM
Facebook Telegram Linkin
អាមេរិកដាក់ទណ្ឌកម្មលើវេទិកាជួញដូររូបិយប័ណ្ណគ្រីបតូរបស់អ្នកជំនាញហិរញ្ញវត្ថុអ៊ីរ៉ង់
09/18/2026 06:09 PM
Facebook Telegram Linkin
កងទ័ពយេម៉ែន៖ យុទ្ធជន​ក្រុមហ៊ូទី ៣០នាក់ ត្រូវបានសម្លាប់ ពេល​ប្រយុទ្ធ​គ្នានៅភាគខាងលិចក្រុង Taiz
09/18/2026 06:09 PM
Facebook Telegram Linkin
សង្គ្រាមអ៊ីរ៉ង់ បង្កការបែកបាក់យ៉ាងជូរចត់ក្នុងសហគមន៍ជនអ៊ីរ៉ង់រស់នៅអាមេរិក
09/18/2026 06:09 PM
Facebook Telegram Linkin
ការចរចាប្រាក់ឈ្នួលកម្មករលើកទី៣ នៅតែតឹងតែង ខណៈភាគីសហជីពនិងនិយោជករក្សាគោលជំហតួលេខដដែល
09/18/2026 06:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.