នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម
សម្តេចតេជោ ហ៊ុន សែន អនុញ្ញាតឱ្យ ឯកឧត្តមឯកអគ្គរដ្ឋទូតសហភាពអឺរ៉ុប ប្រចាំកម្ពុជា ចូលជួបសម្តែងការគួរសម
ក្រុមហ៊ុន Huawei វាយតម្លៃខ្ពស់ចំពោះកិច្ចសហការល្អប្រសើររបស់ក្រសួងស្ថាប័នពាក់ព័ន្ធ ក្នុងវិស័យបច្ចេកវិទ្យា

នយោបាយ​ និង ការអភិវឌ្ឍន៍

សម្ដេចក្រឡាហោម ស ខេង អំពាវនាវដល់តំណាងរាស្ត្រ និងសមាជិកក្រុមប្រឹក្សា ឃុំ សង្កាត់ ទៅបោះឆ្នោតគាំទ្រគណបក្សប្រជាជនកម្ពុជា លេងរៀងទី ១ នៅសន្លឹកឆ្នោតឱ្យបានគ្រប់ៗគ្នា

2024/02/23 09:10:43 pm        260
Facebook Telegram Linkin
ភ្នំពេញ៖ សម្ដេចក្រឡាហោម ស ខេង អនុប្រធានគណបក្សប្រជាជនកម្ពុជា បាន​អំពាវ​នាវ​ដល់​តំណាង​រាស្ត្រ និងសមាជិកក្រុមប្រឹក្សា ឃុំ សង្កាត់ សូមអញ្ជើញទៅ​កាន់​ការិយាល័យ​បោះឆ្នោត​នៅ​ថ្ងៃ​អាទិត្យ ទី២៥ ខែកុម្ភៈ ឆ្នាំ២០២៤ ដើម្បីបោះឆ្នោតគាំទ្រគណបក្សប្រជាជនកម្ពុជា ដែល​មាន​រូប​សញ្ញា​ទេវតា​បាចផ្កា និងមានលេងរៀងទី ១ នៅសន្លឹកឆ្នោតឱ្យបានគ្រប់ៗគ្នា។ ការអំពាវនាវនេះ ក្នុងពិធីបិទយុទ្ធនាការ​ឃោសនា​បោះឆ្នោត​ជ្រើសរើស​តាំង​សមាជិក​ព្រឹទ្ធសភា​ នីតិកាលទី៥ ឆ្នាំ២០២៤ នៅស្នាក់ការគណបក្សខេត្តព្រៃវែង នាព្រឹកថ្ងៃទី២៣ ខែកុម្ភៈ ឆ្នាំ​២០២៤​នេះ។សម្តេចក្រឡាហោម ស ខេង បានមានប្រសាសន៍បញ្ជាក់ថា ការបោះឆ្នោត​ជ្រើស​តាំង​សមាជិក​ព្រឹទ្ធសភា ដែលនឹងប្រព្រឹត្តទៅនៅថ្ងៃទី២៥ ខែកុម្ភៈ ខាងមុខនេះ ជាការបោះឆ្នោត​មួយ​ដ៏មា​ន​សារៈ​សំខាន់​ក្រៃលែង សម្រាប់បុព្វហេតុបន្តកសាងការពារមាតុភូមិកម្ពុជាយើង ឱ្យ​កាន់​តែ​មាន​ការ​អភិវឌ្ឍ​រីក​ចម្រើនជាបន្តទៀត។ ពិតមែនតែការបោះឆ្នោតជ្រើសតាំងសមាជិកព្រឹទ្ធសភា ជា​ការ​បោះឆ្នោត​អសកល ប៉ុន្តែគឺជាការបោះឆ្នោតដែលកើតចេញពីឆន្ទៈ និងបំណង​ប្រាថ្នា​របស់​ប្រជាជន​កម្ពុជា​ពិតប្រាកដ ព្រោះថា សមាជិករដ្ឋសភា និងសមាជិកក្រុមប្រឹក្សា ឃុំ សង្កាត់ ដែល​ជា​អ្នក​បោះឆ្នោត គឺជា​អ្នក​តំណាង​ដ៏​ឧត្តុង្គ​ឧត្តម​របស់​ប្រជាជន​ដែល​បាន​ប្រសូត​ចេញ​ពី​ឆន្ទៈ​របស់​ប្រជាជន។សម្តេចក្រឡាហោមបានបញ្ជាក់ថា គណបក្សប្រជាជនកម្ពុជា បាន​ធ្វើកា​រ​ប្តេជ្ញា​ចិត្ត​យ៉ាង​មុត​មាំ​ក្នុង​ការ​អនុវត្ត​ឱ្យ បានសម្រេចនូវកម្ម​វិធី​នយោបាយ​នានា​របស់​គណបក្ស​ដែល​បាន​ប្រកាស​ជូន​ជន​រួម​ជាតិ សម្រាប់ការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ និងកម្ម​វិធី​នយោបាយ​របស់គណបក្សសម្រាប់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៥ កាល​ពី​ឆ្នាំ​២០២២កន្លងមក ព្រមទាំងកម្ម​វិធី​នយោបាយ សម្រាប់​ការ​បោះឆ្នោត​ជ្រើស​តាំង​សមាជិក​ព្រឹទ្ធសភា នីតិកាលទី៥។សម្ដេចក្រឡាហោម ស ខេង ក៏បាន​សូម​គូស​បញ្ជាក់​នូវ​គោល​ការណ៍​ជា​មូល​ដ្ឋាន​សម្រាប់​ការ​អភិវឌ្ឍ​ឃុំ សង្កាត់ ដែលគណបក្ស​ប្រជាជន​កម្ពុ​ជា​បាន​កំណត់​ក្នុង​គោល​ការណ៍​សំខាន់ៗ​នៃ​កម្ម​វិធី​នយោបាយ​របស់​គណបក្ស សម្រាប់ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ផង​ដែរ៕

ឯកឧត្តម នេត្រ ភក្ត្រា អញ្ជើញចូលរួមបិទយុទ្ធនាការឃោសនាបោះឆ្នោតជ្រើសតាំង​សមាជិកព្រឹទ្ធសភា នីតិកាលទី៥ ឆ្នាំ២០២៤ នៅខេត្តក្រចេះ

2024/02/23 08:59:58 pm        218
Facebook Telegram Linkin
ឯកឧត្តម នេត្រ ភក្ត្រា សមាជិកគណៈ​កម្មាធិការកណ្តាលគណបក្ស​ប្រជាជនកម្ពុជា និង​ជា​ប្រធានក្រុមកា​រងារគណបក្សចុះមូលដ្ឋានខេត្តក្រចេះ បានអញ្ជើញចូល រួមបិទ​យុទ្ធនាការ​ឃោសនា​បោះឆ្នោត​ជ្រើសតាំង​សមាជិកព្រឹទ្ធសភា នីតិកាលទី៥ ឆ្នាំ២០២៤។ក្នុងនោះ ឯកឧត្តម បានបញ្ជាក់ថា​ អង្គបោះឆ្នោតជ្រើសតាំងសមាជិកព្រឹទ្ធសភា​ គឺ​មាន​សារៈ​សំខាន់​ណាស់​ ព្រោះជាអង្គនីតិបញ្ញត្តិកំពូលជាតិ​ ដែលប្រធានព្រឹទ្ធសភានឹងដើរ​តួនាទី​ជាប្រមុខ​រដ្ឋ​ស្ដីទី​របស់​ប្រទេស។​កម្មវិធីបិទយុទ្ធនាការឃោសនាបោះឆ្នោតជ្រើសតាំង​សមាជិកព្រឹទ្ធសភានីតិ​កាលទី៥ ឆ្នាំ២០២៤​ ធ្វើ​ឡើងក្នុងបរិវេនមន្ទីរវប្បធម៌ខេត្តក្រចេះ នៅថ្ងៃទី២៣​ ខែកុម្ភៈ​ ឆ្នាំ២០២៤ ដោយ​មាន​ការ​ចូលរួម​ពី​សមាជិកសមាជិកាបក្សប្រមាណជាង២០០០នាក់ មកពីបក្សឃុំ /សង្កាត់ ក្រុង/ស្រុក ទាំង៧ នៃទូទាំងខេត្តក្រចេះ។ឯកឧត្តម បានបញ្ជាក់ថា​ ការបោះឆ្នោតជ្រើសតាំងសមាជិកព្រឹទ្ធសភានីតិកាល​ទី៥ នេះកាន់​តែ​មាន​សារៈ​ខាន់​ទៀតនោះ គឺគណបក្សប្រជាជនទទួលបានជ័យជម្នះ សម្តេចអគ្គមហាសេ​នា​ប​តីតេជោ ហ៊ុន សែន នឹងត្រូវបានជ្រើសតាំងជាប្រធានព្រឹទ្ធសភា ដែលត្រូវបំពេញ​ភារកិច្ច​ជា​ប្រមុខ​រដ្ឋ​ស្តីទី នៅពេលព្រះមហាក្សត្រ​អវត្តមាន។ក្នុងនាមសមាជិកគណៈ​កម្មាធិការកណ្តាលគណបក្ស​ប្រជាជនកម្ពុជា ឯកឧត្តម មានក្តីសង្ឃឹម ជឿ​ជាក់​ថា សមាជិក សមាជិកាក្រុមប្រឹក្សាឃុំ/សង្កាត់ ដែលជាអង្គបោះឆ្នោតទាំងអស់ នឹង​បន្ត​បោះ​ឆ្នោត​គាំទ្រគណបក្សប្រជាជនកម្ពុជា ដើម្បីសន្តិភាព ការអភិវឌ្ឍ និងលទ្ធិប្រជាធិបតេយ្យ។តាមរយៈវត្តមានរបស់សមាជិក-សមាជិ​កា និងក្រុមការងារ​គ​​​ណ​បក្សដែលបានចូលរួម នា​ពេល​នេះ គឺប្រៀបបានទៅនឹងសន្ធបជើងទ័ពសេះរបស់គណបក្សប្រជាជនកម្ពុជា ក៏បានសរបញ្ជាក់ឲ្យ​ឃើញ​​​ច្បាស់អំពីស្មារតី​យកចិត្ត​ទុក​ដាក់ និ​ងបង្ហាញឲ្យឃើញនូវស្មារតី សាមគ្គីភាព ឯកភាព​តាំង​ពី​ថ្នាក់​​​លើរហូតដល់ថ្នាក់​ក្រោម និងរក្សាយ៉ាងខ្ជាប់​ខ្ជួន​នូវប្រពៃណីថ្លៃថ្លា​ នៃដំណើរការលើក​កម្ពស់​ប្រជា​ប្រិយភាព និ​ង​កិ​ត្យា​នុ​ភា​ព​របស់គណ​ប​ក្ស​ក្នុងការ​ដឹកនាំ​ប្រទេស​កម្ពុ​ជា​ឆ្ពោះ​ទៅ​រក​ការ​អភិវឌ្ឍ​។ជាថ្មីម្ដងទៀត ឯកឧត្តម នេត្រ ភក្ត្រា បានស្នើដល់អង្គបោះឆ្នោតទាំងអស់ ត្រូវត្រៀមលក្ខណៈ ឲ្យ​បាន​ល្អ​ប្រសើរក្នុងការបោះឆ្នោតដោយថែរក្សាឲ្យបានគង់វង្សនូវអត្តសញ្ញាណបណ្ណសញ្ជាតិខ្មែរ ឬ​បណ្ណ​សម្គាល់ខ្លួនក្រុមប្រឹក្សា ឃុំ សង្កាត់ និងសូមអញ្ជើញទៅបោះឆ្នោតគាំទ្រ គណបក្ស​ប្រជាជន​កម្ពុជា ដែលមានរូបសញ្ញា ទេវតាបាចផ្កា មានលេខរៀងទី១ នៅលើសន្លឹកឆ្នោតឲ្យបានគ្រប់ៗគ្នា ដែល​ប្រព្រឹត្តិ ទៅនៅថ្ងៃទី២៥ ខែកុម្ភៈ ឆ្នាំ២០២៤ ចាប់ពីម៉ោង ៧:០០នាទីព្រឹក ដល់ម៉ោង​៣:​០០​នាទី​រសៀល នៅទីតាំងការិយាល័យបោះឆ្នោត វិទ្យាល័យសម្ដេចតេជោ ហ៊ុន សែន ក្រុងក្រចេះ៕ ដោយ សេង ម័រ 

មូលនិធិរូបិយវត្ថុអន្តរជាតិ IMF អនុម័តកញ្ចប់ថវិកា ៨៨០ លានដុល្លារសម្រាប់អ៊ុយក្រែន

2024/02/23 07:38:59 pm        187
Facebook Telegram Linkin
មូលនិធិរូបិយវត្ថុអន្តរជាតិ IMF បាននិយាយកាលពីថ្ងៃព្រហស្បតិ៍ថា ខ្លួននឹងផ្តល់ប្រាក់ចំនួន៨៨០ លានដុល្លារដល់អ៊ុយក្រែនក្នុងដំណាក់កាលទីបីនៃកញ្ចប់ជំនួយចំនួន១៥.៦ ពាន់លានដុល្លារដែលត្រូវបានអនុម័តកាលពីឆ្នាំមុននៅពេលដែលទីក្រុង Kyiv ប្រយុទ្ធប្រឆាំងនឹងការវាយលុករបស់រុស្ស៊ី។ ជំនួយដែលបានប្រកាសជិតពីរឆ្នាំមកដល់បច្ចុប្បន្ន បន្ទាប់ពីកម្លាំងរុស្ស៊ីបាន បញ្ជូនកងទ័ពឆ្លងព្រំដែនចូលអ៊ុយក្រែន នៅតែត្រូវបានអនុម័តដោយក្រុមប្រឹក្សាប្រតិបត្តិរបស់ IMF។ លោក ហ្កាវីន ក្រេ(Gavin Gray) ប្រធានប្រតិបត្តិ IMF ដែលបានជួបជាមួយមន្ត្រីអ៊ុយក្រែននៅទីក្រុង វ៉ាសូវី (Warsaw) នាពេលថ្មីៗនេះបាននិយាយថា ការអនុវត្តក្រោមកម្មវិធីនេះ មានភាពរឹងមាំ ទោះបីជាមានបញ្ហាប្រឈមនៃសង្រ្គាមក៏ដោយ ។ ក្រុមនេះបានវាយតម្លៃគោលដៅដែលបានបង្កើតឡើងកាលពីមួយឆ្នាំមុន នៅពេលដែលកញ្ចប់ជំនួយរយៈពេល ៤ ឆ្នាំត្រូវបានអនុម័ត។ លោក ក្រេ បាននិយាយថាក្រុមអាជ្ញាធរបានបំពេញតាមលក្ខណៈវិនិច្ឆ័យនៃការអនុវត្តនបរិមាណទាំងអស់ ដោយមានការខកខានតិចតួចលើប្រាក់ចំណូលពន្ធដោយសារការបិទព្រំដែន និងស្តង់ដាររចនាសម្ព័ន្ធទាំងបួន ដោយសារការពិនិត្យឡើងវិញ។មូលនិធិ IMF បាននិយាយថា អ៊ុយក្រែន នឹងត្រូវការប្រាក់ ៤៨៦ ពាន់លានដុល្លារដើម្បីកសាងប្រទេសឡើងវិញពីការបំផ្លិចបំផ្លាញដោយសារសង្គ្រាម២ឆ្នាំមកនេះ ៕

ក្រុមមន្រ្តីលោកខាងលិច៖ លោក ពូទីន នៅតែជឿជាក់ថាខ្លួនអាចឈ្នះសង្រ្គាមអ៊ុយក្រែន

2024/02/23 07:11:24 pm        216
Facebook Telegram Linkin
ក្រុមមន្ត្រីលោកខាងលិចបាននិយាយនៅក្នុងរបាយការណ៍វាយតម្លៃថ្មីនៃសង្គ្រាមអ៊ុយក្រែនថា លោកប្រធានាធិបតីរុស្ស៊ី វ្ល៉ាឌីមៀ ពូទីន (Vladimir Putin) នៅតែមានចេតនាព្យាយាមកម្ចាត់ និងគ្រប់គ្រងអ៊ុយក្រែន រយៈពេលពីរឆ្នាំបន្ទាប់ពីការបើកការលុកលុយ ដែលបានបណ្តាលឱ្យមានអ្នកស្លាប់ និងរបួសជាងកន្លះលាននាក់។ប្រធានាធិបតីរុស្សីរូបនេះ ត្រូវបានគេគិតថាកំពុងមានសុទិដ្ឋិនិយមខ្លាំងជាងឆ្នាំមុន ដោយសារការបរាជ័យរបស់សហរដ្ឋអាមេរិក ក្នុងការចុះហត្ថលេខាលើជំនួយយោធាចំនួន ៦០ ពាន់លានដុល្លារបន្ថែមទៀតឱ្យអ៊ុយក្រែន និងជោគជ័យថ្មីៗតិចតួចនៅលើសមរភូមិ ពោលគឺការដណ្តើមបានទីក្រុង អាវឌីអ៊ីវកា (Avdiivka)។ក្រុមមន្ត្រីទាំងនោះ បាននិយាយក្នុងលក្ខខណ្ឌមិនបញ្ចេញឈ្មោះថា «យើងមិនជឿថារុស្ស៊ី បានបោះបង់ចោលនូវគោលដៅរបស់ខ្លួនក្នុងការដណ្តើមយកអ៊ុយក្រែននោះទេ ខណៈលោក ពូទីន នៅតែជឿថាខ្លួនអាចឈ្នះសង្គ្រាមនេះបាន»។ ការវាយតម្លៃថ្មីនេះកើតឡើងរយៈពេលមួយថ្ងៃបន្ទាប់ពីលោក ពូទីន បានប្រាប់រដ្ឋមន្ត្រីការពារជាតិរបស់ខ្លួនឱ្យបន្តការវាយប្រហារ បន្ទាប់ពីជ័យជម្នះដ៏បង្ហូរឈាមនៅក្រុង អាវឌីអ៊ីវកា។ជាមួយនឹងការវិវត្តន៍តិចតួចបំផុតនៅលើសមរភូមិ លោក ពូទីន កំពុងសង្ឃឹមថាអតីតប្រធានាធិបតីអាមេរិក លោក ដូណាល់ ត្រាំ (Donald Trump) ដែលធ្លាប់បានលើកសរសើរថ្នាក់ដឹកនាំវិមានក្រឹមឡាំង អាចវិលត្រឡប់ទៅគ្រប់គ្រងសេតវិមានវិញ ខណៈរបាយការណ៍ថ្មីៗនេះបានលើកឡើងថា លោក ត្រាំ អាចនឹងដកហូតជំនួយនាពេលអនាគតដល់អ៊ុយក្រែន ដើម្បីបង្ខំឱ្យចរចាកិច្ចព្រមព្រៀងសន្តិភាព៕

សហរដ្ឋអាមេរិក ព្រមានអ៊ីរ៉ង់ ប្រឆាំងនឹងការផ្តល់មីស៊ីលបាលិស្ទិកឱ្យរុស្ស៊ី

2024/02/23 07:04:18 pm        191
Facebook Telegram Linkin
រដ្ឋបាលលោកប្រធានាធិបតីអាមេរិក ចូ បៃដិន កាលពីថ្ងៃព្រហស្បតិ៍ (២២ កុម្ភៈ) បានព្រមានអ៊ីរ៉ង់ អំពីការឆ្លើយតប «យ៉ាងឆាប់រហ័ស និងធ្ងន់ធ្ងរ» ពីសហគមន៍អន្តរជាតិ ប្រសិនបើទីក្រុងតេអេរ៉ង់ ផ្តល់មីស៊ីលបាលិស្ទិកដល់ប្រទេសរុស្ស៊ី បន្ទាប់ពីសារព័ត៌មានរ៉យទ័រ បានរាយការណ៍កាលពីដើមសប្តាហ៍នេះថា សាធារណរដ្ឋអ៊ីស្លាមមួយនេះបានដឹកជញ្ជូនអាវុធដ៏មានឥទ្ធិពលទៅកាន់ទីក្រុងមូស្គូ។ថ្លែងនៅក្នុងសន្និសីទអនឡាញខ្លីជាមួយអ្នកយកព័ត៌មាន អ្នកនាំពាក្យសន្តិសុខជាតិសេតវិមាន លោក ចន ឃឺបប៊ី (John Kirby) បាននិយាយថា ទីក្រុងវ៉ាស៊ីនតោន មិនទាន់មើលឃើញការបញ្ជាក់ថាមីស៊ីលទាំងនោះបានបញ្ជូនពីអ៊ីរ៉ង់ ទៅកាន់ប្រទេសរុស្ស៊ី នៅឡើយទេ។លោក ឃឺបប៊ី បានបន្ថែមថា «ដើម្បីឆ្លើយតបទៅនឹងការគាំទ្រដែលកំពុងបន្តរបស់អ៊ីរ៉ង់ ចំពោះសង្គ្រាមដ៏ឃោរឃៅរបស់រុស្ស៊ី យើងនឹងដាក់ទណ្ឌកម្មបន្ថែមលើអ៊ីរ៉ង់ ហើយយើងត្រៀមខ្លួនក្នុងការបន្តដាក់ទណ្ឌកម្មកាន់តែធ្ងន់ធ្ងរ ប្រសិនបើអ៊ីរ៉ង់ លក់មីស៊ីលបាលិស្ទិកទៅឱ្យរុស្ស៊ីពិតមែន»។សារព័ត៌មានរ៉យទ័របានរាយការណ៍ផ្តាច់មុខកាលពីថ្ងៃពុធថា អ៊ីរ៉ង់បានផ្តល់ឲ្យរុស្ស៊ីនូវមីស៊ីលបាលិស្ទិកបាញ់ពីផ្ទៃដីទៅផ្ទៃដី ឬបាញ់ពីផ្ទៃដីទៅសមុទ្រដ៏មានអានុភាពជាច្រើនគ្រាប់ ដោយដកស្រង់ប្រភពចំនួនប្រាំមួយ ដែលប្រភពមួយក្នុងចំណោមនោះបាននិយាយថា អ៊ីរ៉ង់បានផ្តល់មីស៊ីលប្រហែល ៤០០ គ្រាប់ឱ្យរុស្ស៊ី ដោយនេះជាសកម្មភាពដែលបង្ហាញពីកិច្ចសហប្រតិបត្តិការយោធាកាន់តែស៊ីជម្រៅរវាងប្រទេសទាំងពីរ៕

អ៊ីស្រាអែល យល់ព្រមបញ្ជូនក្រុមចរចាទៅទីក្រុងប៉ារីស ដើម្បីពិភាក្សាអំពីការដោះលែងចំណាប់ថ្នូរ

2024/02/23 07:01:04 pm        146
Facebook Telegram Linkin
មន្ត្រីអ៊ីស្រាអែលម្នាក់ បាននិយាយថា គណៈកម្មាធិការទទួលបន្ទុកកិច្ចការសង្គ្រាមរបស់ប្រទេសអ៊ីស្រា អែល បានយល់ព្រមបញ្ជូនក្រុមចរចាដែលដឹកនាំដោយប្រធានទីភ្នាក់ងារចារកម្ម Mossad លោក ដេវីត បានៀ (David Barnea) ទៅកាន់ទីក្រុងប៉ារីសកាលពីថ្ងៃសុក្រ ដើម្បីបន្តការពិភាក្សាលើកិច្ចព្រមព្រៀងបទឈប់បាញ់ដ៏សំខាន់ និងកិច្ចព្រមព្រៀងដោះលែងចំណាប់ថ្នូរ។មន្ត្រីរូបនេះ បានបន្តថា ក្រុមចរចា ត្រូវបានគេរំពឹងថា នឹងត្រូវបានផ្តល់សិទ្ធិអំណាចឲ្យចូលរួមក្នុងការចរចាសំខាន់ៗជាជាងការស្តាប់សំណើដូចដែលពួកគេបានធ្វើក្នុងអំឡុងពេលកិច្ចប្រជុំ នៅទីក្រុងគែរ កាលពីសប្តាហ៍មុន។គណៈរដ្ឋមន្ត្រីអ៊ីស្រាអែលទាំងមូល ត្រូវបានគេរំពឹងថា នឹងបោះឆ្នោតលើបញ្ហានេះ ទាំងយប់ ដើម្បីផ្តល់ការយល់ព្រមចុងក្រោយសម្រាប់ការធ្វើដំណើរនេះ។ប្រភពពីរដែលដឹងពីផែនការ បានប្រាប់សារព័ត៌មាន CNN កាលពីថ្ងៃពុធថា នាយក CIA លោក ប៊ីល ប៊ឺន (Bill Burns) និងសមភាគីអេហ្ស៊ីប និងកាតារបស់លោក ត្រូវបានគេរំពឹងថា នឹងមានវត្តមាននៅទីក្រុងប៉ារីសនៅថ្ងៃសុក្រនេះសម្រាប់កិច្ចពិភាក្សា។ ចំណែករដ្ឋាភិបាលអ៊ីស្រាអែល មិនទាន់បញ្ជាក់ពីវត្តមានរបស់ខ្លួននៅឡើយទេ។ការសម្រេចចិត្តនេះ បានកើតឡើងក្នុងអំឡុងពេលកិច្ចប្រជុំនៃគណៈកម្មាធិការទទួលបន្ទុកកិច្ចការសង្គ្រាមកាលពីយប់ថ្ងៃព្រហស្បតិ៍ នៅចុងមួយថ្ងៃដែលឃើញអ្នកសម្របសម្រួលមជ្ឈិមបូព៌ារបស់ប្រធានាធិបតីអាមេរិកចូ បៃដិន (Joe Biden) គឺលោក ប្រេត មិកហ្គឺក (Brett McGurk) ជួបជាមួយមន្ត្រីជាន់ខ្ពស់អ៊ីស្រាអែល រួមទាំងនាយករដ្ឋមន្ត្រីអ៊ីស្រាអែល បេនចាមីន ណេតានយ៉ាហ៊ូ (Benjamin Netanyahu)ផងដែរ។មន្ត្រីអ៊ីស្រាអែល បាននិយាយថា រដ្ឋាភិបាលអ៊ីស្រាអែល បានរង់ចាំការបញ្ជាក់ថា ការសម្របសម្រួលបានឈានដល់កិច្ចព្រមព្រៀងដោះលែងចំណាប់ថ្នូរនៅតំបន់ហ្កាហ្សា មុនពេលយល់ព្រមត្រឡប់ទៅតុចរចា វិញ។ទីបំផុត ភ័ស្តុតាងនោះ រួមជាមួយនឹងការចង្អុលបង្ហាញជាវិជ្ជមានពីកិច្ចពិភាក្សានៅទីក្រុងគែរ កាលពីថ្ងៃពុធ និងការលើកឡើងពីមន្ត្រីសហរដ្ឋអាមេរិក បានធ្វើឲ្យមានកិច្ចព្រមព្រៀងអ៊ីស្រាអែលបញ្ជូនក្រុមចរចាទៅកាន់ទីក្រុងប៉ារីស។

ឯកឧត្ដម កែ គឹមយ៉ាន អញ្ជើញបិទយុទ្ធនាការឃោសនាបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥

2024/02/23 07:00:01 pm        183
Facebook Telegram Linkin
បន្ទាយមានជ័យ៖ នាព្រឹកថ្ងៃទី២៣ ខែកុម្ភៈ ឆ្នាំ២០២៤ឯកឧត្ដម កែ គឹមយ៉ាន សមាជិក គណៈ អចិន្ត្រៃយ៍ គណៈកម្មាធិការកណ្ដាលគណបក្សប្រជាជនកម្ពុជា និង​ជា​ប្រធាន​ក្រុម​ការងារ​គណបក្ស​ចុះ​មូលដ្ឋាន​ខេត្ត​បន្ទាយមានជ័យ​អម​ដោយ​ក្រុម​ការងារ​គ្រប់​ថ្នាក់​អញ្ជើញ​ជា​អធិបតី​ក្នុង​ពិធី​បិទ​យុទ្ធ​នាការឃោសនាបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ដោយ​មាន​ការ​អញ្ជើញ​ចូលរួមពីសមាជិកព្រឹទ្ធសភា រដ្ឋសភាសមាជិក​ក្រុម​ការងារ​គណបក្ស​ចុះ​មូល​ដ្ឋាន​ខេត្ត​បន្ទាយមានជ័យ។ ជាមួយនឹងការពាំនាំការសួរសុខទុក្ខពីថ្នាក់ដឹកនាំពិសេសសម្តេចតេជោហ៊ុន សែន ប្រធាន​គណបក្ស ក្នុងនាមគណបក្សប្រជាជនកម្ពុជា នាឱកាសនោះឯកឧត្តម កែ គឹមយ៉ាន បាន​ថ្លែង​នូវ​ការ​កោត​សរសើរ ​អរគុណ និង​វាយ​តម្លៃ​ខ្ពស់​ចំពោះ​សមាជិក​គណបក្ស​ប្រជាជន​កម្ពុជា​ក្នុង​រយៈកាល ១៤ថ្ងៃ បានធ្វើសកម្មភាព​ឃោសនា និងផ្សព្វផ្សាយពីសមិទ្ធផល កម្មវិធី គោល​នយោបាយ​នានា​របស់គណបក្សទទួលបាននូវការគាំទ្រ និងសាទរពីសមាជិក សមាជិកា​ក្រុម​ប្រឹក្សា​ឃុំ សង្កាត់ ដែលជាអង្គបោះឆ្នោត ក៏ដូចជាសមាជិកគណបក្សទាំងអស់នៅទូទាំង​ខេត្ត​បន្ទាយមានជ័យហើយសង្ឃឹមជឿជាក់ថានឹងទទួលបានការគាំទ្រយ៉ាងពេញទំហឹងទទួលបានជ័យជម្នះ​តាម​ផែនការរួមឆ្ពោះទៅកាន់ការបោះឆ្នោតព្រឹទ្ធសភានីតិកាលទី៥ ។ ក្នុងឱកាសនោះដែរ ឯកឧត្តម កែ គឹមយ៉ាន ក៏បានកោតសរសើរ និងវាយត​ម្លៃ​ខ្ពស់​ចំពោះ​អាជ្ញាធរ​ពាក់​ព័ន្ធ​គ្រប់លំដាប់ថ្នាក់ព្រមទាំងប្រជាពលរដ្ឋទាំងអស់នៅក្នុងខេត្តបន្ទាយមានជ័យ ដែល​ខិតខំ​ចូល​រួម​ថែរក្សាសន្តិសុខ សណ្តាប់ធ្នាប់ និងបាន​បង្ក​លក្ខណៈងាយ​ស្រួល​ដល់​គណបក្ស​នយោបាយ​នានា នៅក្នុងរយៈពេល២សប្តាហ៍ នៃយុទ្ធនាការ​បោះឆ្នោត​ជ្រើស​តាំង​សមាជិក​ព្រឹទ្ធសភា នីតិកាលទី៥ និងគោរពដឹងគុណ ស្រឡាញ់ មោទនភាព ចំពោះសមាជិក គណបក្ស និង​ជន​រួមជាតិទាំងអស់ដែលតែងតែផ្ដល់យុត្តិធម៌ ផ្ដល់ជំនឿ និងផ្ដល់​ការ​គាំទ្រ​យ៉ាង​ធំធេង​ចំពោះ​ការ​ដឹកនាំ​របស់គណបក្សប្រជាជនកម្ពុជា នៅគ្រប់ដំណាក់កាលប្រវត្តិសាស្រ្តរបស់កម្ពុជា រួម​សាមគ្គី​គ្នា​ជាមហាគ្រួសារតែមួយ ដើម្បីសុខដុមនីយកម្មសហគមន៍ និង​អភិវឌ្ឍ​មូល​ដ្ឋាន​នៅ​ក្រោម​ម្លប់​នៃ​សន្តិភាព។ ជាមួយគ្នានេះដែរ ឯកឧត្តម កែ គឹមយ៉ាន បានណែ​នាំ​ឱ្យ​សមាជិក​ទាំងអស់​ត្រូវ​ចូល​រួម​ធានា​សន្តិសុខ និងសុវត្ថិភាព១០០ភាគរយ គ្មាន​អំ​ពើ​ហិង្សា ឬបាតុភាពនានា ដែលរារាំង​ឬ​បំផ្លាញ​ការ​បោះ​​ឆ្នោតដោយសហការ​ល្អ​ជាមួយនឹង​ គ.ជ.ប របស់ខេត្ត និងអាជ្ញាធរមូលដ្ឋាន​ពាក់ព័ន្ធ​ឲ្យ​បាន​ម៉ត់ចត់ អង្គបោះឆ្នោតត្រូវថែទាំសុខភាព ត្រៀម​ឯកសារ សម្រាប់​ទៅ​បោះឆ្នោត​ជូន​គណបក្ស​ប្រជាជន​កម្ពុជា​ដែលមានលេខរៀងទី១ទាំងអស់គ្នានៅថ្ងៃអាទិត្យ ទី២៥ ខែកុម្ភៈ ឆ្នាំ២០២៤ ដើម្បី​បន្តបម្រើប្រជាពលរដ្ឋ និង​អភិវឌ្ឍ​ខេត្ត​បន្ទាយមានជ័យ​ឲ្យ​បាន​កាន់​តែ​រីក​ចម្រើន​ឥត​ឈប់​ឈរ​ថែម​ទៀតតាមកម្មវិធីនយោបាយ ផែនការដាក់ចេញ៕​ អត្ថបទ​ រូបភាព​ រឿង​ ចន្ទ្រា

អាល្លឺម៉ង់ និងបណ្តាដៃគូសហភាពអឺរ៉ុប មានការខ្វែងគំនិតគ្នាលើជំនួយយោធាទ្វេភាគី ដល់អ៊ុយក្រែន

2024/02/23 06:58:25 pm        170
Facebook Telegram Linkin
រដ្ឋាភិបាលអាល្លឺម៉ង់ បានការពារជំហររបស់ខ្លួន ក្នុងការចរចាអំពីមូលនិធិរបស់សហភាពអឺរ៉ុប ក្នុងការផ្គត់ផ្គង់សព្វាវុធ និងឧបករណ៍ដល់អ៊ុយក្រែន ដោយប្រឈមមុខនឹងការរិះគន់ពីប្រទេសជាសមាជិកសហភាពអឺរ៉ុប។រដ្ឋាភិបាលអាល្លឺម៉ង់ ចង់ធានាថា ខ្លួនមិនចំណាយច្រើនជាងចំណែកសមធម៌របស់ខ្លួន ទៅក្នុងកញ្ចប់ជំនួយរបស់សហភាពអឺរ៉ុបសម្រាប់សព្វាវុធដល់អ៊ុយក្រែន ដោយសារថា ខ្លួនក៏ធ្វើការបរិច្ចាគទ្វេភាគីយ៉ាងច្រើនដល់ក្រុងគីវផងដែរ។ទីក្រុងប៊ែរឡាំង បានបញ្ជាក់ថា ការបរិច្ចាគទ្វេភាគីបែបនេះ គួរតែត្រូវបានធ្វើឡើងដល់ការចូលរួមវិភាគទាន របស់ខ្លួនចំពោះមូលនិធិដែលកាន់តែកើនឡើងនោះ។ប្រទេសអាល្លឺម៉ង់ បានសន្យារួចហើយនូវជំនួយយោធាទ្វេភាគីជាង ៧ពាន់លានអឺរ៉ូ (៧,៦ ពាន់លានដុល្លារ) ដល់អ៊ុយក្រែនសម្រាប់ឆ្នាំនេះ។ឯកអគ្គរដ្ឋទូតអាល្លឺម៉ង់ប្រចាំនៅសហភាពអឺរ៉ុប លោក Michael Clauß បានប្រាប់សារព័ត៌មាន dpa បន្ទាប់ពីកិច្ចចរចាចុងក្រោយកាលពីថ្ងៃពុធថា៖«ការផ្តល់ឧបករណ៍យោធាយ៉ាងរហ័ស និងមិនមានភាពស្មុកស្មាញ គឺមានសារៈសំខាន់សម្រាប់ប្រទេសនេះ»។សហភាពអឺរ៉ុបសង្ឃឹមថា នឹងផ្តល់ប្រាក់បន្ថែមចំនួន ៥ពាន់លានអឺរ៉ូនៅឆ្នាំនេះ ដើម្បីឲ្យប្រទេសជាសមាជិកសហភាពអឺរ៉ុប អាចផ្គត់ផ្គង់អាវុធ និងឧបករណ៍រួមគ្នាដល់អ៊ុយក្រែន តាមរយៈអ្វីដែលហៅថា ឧបករណ៍សន្តិភាពអឺរ៉ុប(EPF)។

កិច្ចប្រជុំG20៖ ដំណោះស្រាយរដ្ឋពីរ ឆ្លើយតបទៅនឹងជម្លោះអ៊ីស្រាអែល-ប៉ាឡេស្ទីនតែប៉ុណ្ណោះ

2024/02/23 06:54:41 pm        108
Facebook Telegram Linkin
រដ្ឋមន្ត្រីប្រេស៊ីលដែលធ្វើជាម្ចាស់ផ្ទះព្រឹត្តិការណ៍នេះ បានថ្លែងកាលពីថ្ងៃព្រហស្បតិ៍ថា ក្រុមរដ្ឋមន្ត្រីការបរទេសនៃកិច្ចប្រជុំ G20 នៅប្រទេសប្រេស៊ីល ស្ទើរតែយល់ព្រមជាឯកច្ឆន្ទ ក្នុងការគាំទ្ររបស់ពួកគេចំពោះដំណោះស្រាយរដ្ឋពីរដែលជាផ្លូវតែមួយគត់ ដើម្បីសន្តិភាពក្នុងជម្លោះអ៊ីស្រាអែល-ប៉ាឡេស្ទីន ។រដ្ឋមន្ត្រីការបរទេសប្រេស៊ីលលោក ម៉ៅរ៉ូ វីអេរ៉ា (Mauro Vieira) បាននិយាយនៅពេលបិទកិច្ចប្រជុំរយៈពេលពីរថ្ងៃនោះថា៖«មានការឯកភាពគ្នាជាក់ស្តែងទៅលើដំណោះស្រាយរដ្ឋពីរ ដែលជាដំណោះស្រាយតែមួយគត់ចំពោះជម្លោះនេះ»។លោកវីអេរ៉ា បាននិយាយថា សមាជិកទាំងអស់នៃក្រុមនៃបណ្តាប្រទេសដែលមានសេដ្ឋកិច្ចធំជាងគេលើពិភពលោក បានបង្ហាញពីការព្រួយបារម្ភអំពីសង្គ្រាមនៅតំបន់ហ្កាហ្សា និងហានិភ័យនៃជម្លោះ ដែលកំពុងរីករាលដាល នៅមជ្ឈិមបូព៌ា។លោកបានបញ្ជាក់ថា មានការអំពាវនាវឲ្យមានបទឈប់បាញ់ និងជំនួយមនុស្សធម៌ចូលទៅកាន់តំបន់ហ្កាហ្សា ខណៈដែលប្រទេស «ជាច្រើន» បានរិះគន់ការវាយលុកយោធារបស់អ៊ីស្រាអែល នៅទីក្រុងរ៉ាហ្វា( Rafah)។លោកនាយករដ្ឋមន្ត្រីអ៊ីស្រាអែល បេនចាមីន ណេតាន់យ៉ាហ៊ូ (Benjamin Netanyahu) និងរដ្ឋាភិបាលចម្រុះស្តាំនិយមរបស់លោកភាគច្រើន ច្រានចោលការបង្កើតរដ្ឋប៉ាឡេស្ទីន។ ទោះបីជាយ៉ាងណាក៏ដោយ ទីក្រុងវ៉ាស៊ីនតោន ជាសម្ព័ន្ធមិត្តដ៏សំខាន់របស់អ៊ីស្រាអែល នៅតែអះអាងថា ដំណោះស្រាយរដ្ឋពីរ គឺជាមធ្យោបាយតែមួយគត់ ដែលអាចធ្វើទៅបាន ដើម្បីនាំមកនូវសន្តិភាពយូរអង្វែងដល់តំបន់ ប៉ុន្តែបានបដិសេធការអំពាវនាវរបស់បណ្តាប្រទេសមួយចំនួន រួមទាំងប្រទេសប្រេស៊ីលឲ្យមានបទឈប់បាញ់ជាបន្ទាន់មួយនោះ។

គណបក្សប្រជាជនកម្ពុជាខេត្តបាត់ដំបង បិទយុទ្ធនាការឃោសនាបោះឆ្នោតជ្រើសតាំង​សមាជិកព្រឹទ្ធសភា

2024/02/23 05:44:09 pm        267
Facebook Telegram Linkin
បាត់ដំបង៖ ឯកឧត្តម កើត រិទ្ធ អនុប្រធានទី១ ក្រុមការងារ​គណបក្សប្រជាជន​កម្ពុជា​ចុះមូលដ្ឋាន​ខេត្តបាត់ដំបង នៅថ្ងៃទី២៣ ខែកុម្ភៈ ឆ្នាំ២០២៤នេះ បានអញ្ជើញ​បិទយុទ្ធនាការ​ឃោសនា​បោះឆ្នោត​ជ្រើសតាំង​សមាជិកព្រឹទ្ធសភា នីតិកាលទី៥ ភូមិភាគ៤ នៅខេត្តបាត់ដំបង។ថ្លែង​ក្នុងឱកាសនោះ ឯកឧត្តម កើត រិទ្ធ បានក្រើន​រំលឹក​ដល់​អង្គ​បោះឆ្នោត​ទាំងអស់​ត្រូវ​យក​ចិត្ត​ទុក​ដាក់​ថែរក្សាសុខភាព និងត្រៀម​លក្ខណៈ​ឱ្យ​បាន​ល្អ​ សម្រាប់​ចូលរួម​ក្នុង​ដំណើរ​ការ​បោះឆ្នោត​ឱ្យ​បានគ្រប់ៗគ្នា។ឯកឧត្តម អំពាវនាវ​ដល់អង្គ​បោះឆ្នោត​ទាំងអ​ស់​នៅ​ទូទាំង​ខេត្តបាត់ដំបង សូម​អញ្ជើញ​ទៅ​បោះឆ្នោត​គាំទ្រ​គណបក្ស​ប្រជាជន​កម្ពុជា​ដែល​មាន​លេខ​រៀងទី១ នៅ​លើ​សន្លឹក​ឆ្នោត​ សម្រាប់​ការ​បោះឆ្នោត​ជ្រើស​តាំងសមាជិកព្រឹទ្ធសភា នីតិកាលទី៥ ដែលនឹងប្រព្រឹត្តទៅនៅថ្ងៃទី២៥ ខែកុម្ភៈ ឆ្នាំ២០២៤។ តាមរយៈរបាយការណ៍របស់ឯកឧត្តម សុខ លូ ប្រធានគណៈកម្មាធិការ​គណបក្ស​ប្រជាជន​កម្ពុជា​ខេត្តបាត់ដំបង បានឱ្យដឹងថា អង្គបោះឆ្នោត​របស់​គណបក្ស​ប្រជាជន​កម្ពុជា​ក្នុង​ការ​បោះឆ្នោត​ជ្រើស​តាំង​សមាជិក ព្រឹទ្ធសភា នីតិកាលទី៥ នៅទូទាំងខេត្តបាត់ដំបង មានចំនួនសរុប៦៨៤នាក់ ក្នុង​នោះអង្គបោះឆ្នោតជាតំណាងរាស្រ្តចំនួន៨នាក់ និងអង្គបោះឆ្នោតជាសមាជិកក្រុមប្រឹក្សាឃុំ សង្កាត់ ក្នុងមុខតំណែង៦៧៦នាក់។ អង្គបោះឆ្នោតទាំងអស់បានចុះឈ្មោះបោះឆ្នោតរួចរាល់ និង​មាន​ឯកសារ​គ្រប់គ្រាន់សម្រាប់បម្រើឱ្យការបោះឆ្នោត។ជាមួយគ្នានោះ អង្គបោះឆ្នោតរបស់គណបក្សប្រជាជនកម្ពុជា បានបញ្ជាក់ពី​ការ​ត្រៀម​លក្ខណៈ​រួច​រាល់​ សម្រាប់​ចូលរួម​បោះឆ្នោត​គាំទ្រ​គណបក្ស​ប្រជាជន​កម្ពុជា​ក្នុង​ការ​បោះឆ្នោត​ជ្រើស​តាំង​សមាជិក​ព្រឹទ្ធសភានាពេលខាងមុខ។អង្គបោះឆ្នោតអះអាងថា គណបក្សប្រជាជនកម្ពុជា គឺជាគណបក្ស​នយោបាយ​តែមួយ​គត់​ដែល​បាន​ស្វែង​រក​សុខសន្តិភាពជូនប្រជាពលរដ្ឋ និងមានសមត្ថភាព​គ្រប់គ្រាន់​ក្នុង​ការ​ដឹកនាំ​នាវា​កម្ពុជា​ឆ្ពោះ​ទៅ​រក​ការអភិវឌ្ឍរីកចម្រើនបន្ថែមទៀត។សូមបញ្ជាក់ថា ក្នុងខេត្តបាត់ដំបងមានអង្គបោះឆ្នោត និងអ្នកបោះឆ្នោតសរុបចំនួន៨៣១នាក់ ក្នុង​នោះ​អ្នក​បោះឆ្នោតជាអ្នកតំណាងរាស្រ្តក្នុងមុខតំណែងមានចំនួន៨រូប និងអង្គបោះ​ឆ្នោត​ជា​សមាជិក​ក្រុម​ប្រឹក្សាឃុំ សង្កាត់ក្នុងមុខ​តំណែង​មាន​ចំនួន​៨២៣រូប​។​ ចំពោះ​ការិយាល័យ​បោះឆ្នោត​មាន​ចំនួន២ ការិយាល័យដែលមានទីតាំងនៅក្នុងបរិវេណវិទ្យាល័យសម្ដេចឪ ក្រុង​បាត់​ដំបង​ ខណៈការបោះឆ្នោតនឹងប្រព្រឹត្តទៅនៅថ្ងៃអាទិត្យ ទី២៥ ខែកុម្ភៈ ឆ្នាំ២០២៤ ចាប់​ពី​ម៉ោង​៧ព្រឹក​រហូតដល់ម៉ោង៣រសៀល៕

បណ្ដាញសង្គម

ព័ត៌មានថ្មីៗ

ប្រជាជនត្រូវ​ជម្លៀស​ចេញពីលំនៅឋាន នៅជិតមូលដ្ឋានទ័ពអាកាសព្រីតថេន​ ក្រោយ​មាន​ការចាប់ខ្លួនពាក់ព័ន្ធគ្រឿងផ្ទុះ
09/27/2026 04:09 PM
Facebook Telegram Linkin
សាកលវិទ្យាល័យន័រតុន បើកការប្រកួតប្រជែងប្រព័ន្ធនវានុវត្តន៍ និងជំនាញបញ្ញាសិប្បនិម្មិត ស្វែងរកអ្នកជាប់ជ័យលាភី
09/27/2026 04:09 PM
Facebook Telegram Linkin
នគរបាលអាហ្វ្រិកខាងត្បូង ស្វែងរកជនសង្ស័យ ក្រោយមាន​អ្នកស្លាប់ជិត​ ៣០​នាក់ ក្នុងហេតុការណ៍បាញ់ប្រហារចំនួន ២
09/27/2026 04:09 PM
Facebook Telegram Linkin
ចិនធ្វើសមយុទ្ធជើងទឹក និងអាកាស នៅជុំវិញតំបន់ថ្មប៉ប្រះទឹក​ Scarborough Shoal
09/27/2026 04:09 PM
Facebook Telegram Linkin
ក្រុមហាម៉ាស បញ្ជាក់​ថា ខ្លួនបានស្នើធ្វើជាអន្តរ​ការី នៅយេម៉ែន និងកំពុងរង់ចាំការឆ្លើយតបពីភាគីជម្លោះ
09/27/2026 04:09 PM
Facebook Telegram Linkin
ក្រុមអ្នកតវ៉ាបោះជំរុំនៅកណ្តាលក្រុងម៉ាឌ្រីដ ក្រោយផ្ទុះ​​ការតវ៉ា ជុំវិញការ​បណ្តេញលោកយាយ​វ័យ ៨៧ឆ្នាំចេញពីផ្ទះ
09/27/2026 04:09 PM
Facebook Telegram Linkin
មន្ត្រីការទូតជាន់ខ្ពស់របស់រុស្ស៊ី និងអាល្លឺម៉ង់ ជួបពិភាក្សាគ្នាជាលើកដំបូង ចាប់តាំងពីឆ្នាំ២០២២
09/27/2026 04:09 PM
Facebook Telegram Linkin
ប្រមុខរតនាគារអាមេរិកលោក Bessent អះអាងពីជោគជ័យ ក្នុងការធ្វើឱ្យអ៊ីរ៉ង់ឯកោ
09/27/2026 04:09 PM
Facebook Telegram Linkin
ទឹកជំនន់នៅទីក្រុងបាងកក បង្ខំឱ្យប្រជាជនរាប់ពាន់នាក់ត្រូវទៅស្នាក់នៅទីជម្រកបណ្តោះអាសន្ន
09/27/2026 03:09 PM
Facebook Telegram Linkin
ខ្មាន់កាំភ្លើងវាយប្រហាររថយន្តសង្គ្រោះបន្ទាន់ ក្រោយបំផ្ទុះគ្រាប់បែកសម្លាប់​មនុស្ស ​ ១២នាក់ នៅប៉ាគីស្ថាន
09/27/2026 03:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.