នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម
សម្តេចតេជោ ហ៊ុន សែន អនុញ្ញាតឱ្យ ឯកឧត្តមឯកអគ្គរដ្ឋទូតសហភាពអឺរ៉ុប ប្រចាំកម្ពុជា ចូលជួបសម្តែងការគួរសម

នយោបាយ​ និង ការអភិវឌ្ឍន៍

ឯកឧត្តម គឹម រិទ្ធី អញ្ជើញជាអធិបតី ក្នុងពិធីបញ្ជុះបឋមសិលាសាងសង់អគារផ្ដល់ឈាមនៅមន្ទីរពេទ្យបង្អែក ១៦មករា

2024/02/06 12:26:27 am        120
Facebook Telegram Linkin
នៅព្រឹកថ្ងៃទី០៥ ខែកុម្ភៈ ឆ្នាំ២០២៤ ឯកឧត្តម គឹម រិទ្ធី អភិបាលខេត្ត អញ្ជើញជាអធិប តីក្នុងពិធីបញ្ចុះបឋមសិលាសាងសង់អគារផ្តល់ឈាម ស្ថិតនៅក្នុងបរិវេណមន្ទីរពេទ្យបង្អែក១៦ មករាខេត្តព្រះវិហារ ដែលពិធីនេះ មានការចូលរួមពីលោកអភិបាលរងខេត្ត លោកអភិបាលក្រុង ប្រធាន អនុប្រធាន មន្ទីរអង្គភាពជុំវិញខេត្ត ព្រមទាំងលោកគ្រូ អ្នកគ្រូពេទ្យជាច្រើនរូប ។នាឱកាសនោះ ឯកឧត្តម គីម រិទ្ធី អភិបាលខេត្ត បានលើកឡើងថា ពិធីបញ្ចុះបឋមសិលានេះ គឺជា​សមិទ្ធផលគួរជាទីមោទនរបស់ប្រជាជនខេត្តព្រះវិហារ ទាំងមូល ដែលក្នុងមន្ទីរពេទ្យរបស់យើង​បាន​កសាងអគារផ្តល់ឈាមមួយក្នុងចំណោមសមិទ្ធផលថ្មីជាច្រើន ​ហើយអាគារផ្តល់ឈាមនេះ សម្រាប់​រក្សាទុកឈាមឲ្យបានល្អ ដើម្បីជួយសង្គ្រោះ អាយុជីវិតរបស់ប្រជាពលរដ្ឋ ដែលត្រូវការឈាម​សម្រាប់សង្គ្រោះបន្ទាន់ ។ លើសពីនេះទៅទៀតអគារផ្តល់ាឈាមនេះមានសារៈសំខាន់ខ្លាំងណាស់​ ក្នុងការផ្តល់ឈាម និង​រក្សាឈាមដែលយើង ទទួលបានពីគ្រប់មជ្ឈដ្ឋាន ដែលបានផ្តល់ឈាមជូនដល់មន្ទីរពេទ្យខេត្តរបស់​យើងពីសំណាក់ប្រជាពលរដ្ឋប្រកបដោយសុវត្ថិភាព និងប្រសិទ្ធភាពខ្ពស់ក្នុងការ​យកទៅផ្គត់ផ្គង់​ដល់បងប្អូន ​ដែលគាត់មានតម្រូវការឈាម ។គួបញ្ជាក់ថា អគារផ្តល់ឈាមថ្មីនេះមាន ទំហំ១៦ម៉ែត្រX៨ម៉ែត្រ ប្រក់ក្បឿងកម្ពស់មួយ ជាន់​តាមការគ្រោងទុក និងត្រូវបានបញ្ចប់ឲ្យបានរួចរាល់ដើមខែឧសភា​ ឆ្នាំ២០២៤ខាងមុខ ក្រោមការ​ឧបត្ថម្ភថវិកាផ្ទាល់​របស់ឯកឧត្តម គីម រិទ្ធី អភិបាលខេត្ត គឺសាងសង់​ដើម្បីធានានូវ ដំណើរការ​ផ្តល់ឈាម ដោយក្នុងនោះរួមមាន កន្លែងស្តុកឈាម ​បន្ទប់រងចាំ ​កន្លែងផលិត ផ្តល់ឈាម ក៏ដូចជា​បន្ទាប់សម្រាប់ទទួលអំណោយឈាម ។ ឈាមនិងសមាសសភាពឈាមមាន សារៈសំខាន់ណាស់ សម្រាប់​ជួយជិវិតមនុស្សឲ្យរួចផុតពីស្ថានភាពធ្ងន់ធ្ងរនៃជំងឺដូចជា៖ ​ការវះ កាត់ធំៗ ការសម្រាលកូន​មិនប្រក្រតី គ្រោះថ្នាក់ធ្ងន់ធ្ងរ ជំងឺមហារី ជំងឺខ្សោយតម្រងនោម ៕

បណ្ដាបេក្ខជនប្រធានាធិបតីឥណ្ឌូនេស៊ី ហាក់មានភាពផ្សះផ្សានៅក្នុងការជជែកដេញដោលមុនការបោះឆ្នោត

2024/02/05 09:44:35 pm        99
Facebook Telegram Linkin
បេក្ខភាពប្រធានាធិបតីរបស់ប្រទេសឥណ្ឌូនេស៊ី ហាក់មានការផ្សះផ្សាគ្នាខុសប្លែកពីធម្មតានៅក្នុងការជជែកដេញដោលតាមទូរទស្សន៍ចុងក្រោយបង្អស់ ខណៈដែលការប្រកួតប្រជែងដ៏ក្តៅគគុកដើម្បីដឹកនាំប្រទេសប្រជាធិបតេយ្យដ៏ធំបំផុតទីបីរបស់ពិភពលោកមួយនេះឈានចូលដល់ដំណាក់កាលចុងក្រោយរបស់ខ្លួន។នៅមុនការបោះឆ្នោតថ្ងៃទី១៤ ខែកុម្ភៈ រដ្ឋមន្ត្រីការពារជាតិ និងបេក្ខជនប្រធានាធិបតីនាំមុខ លោក ប្រាបូវ៉ូ ស៊ូបៀនតូ (Prabowo Subianto) អតីតអភិបាលក្រុងហ្សាកាតា លោក អានីស៍ បាស្វេដាន (Anies Baswedan) និងអតីតអភិបាលខេត្តជ្វា លោក ហ្កានចា ប្រាណូវ៉ូ (Ganjar Pranowo) បង្ហាញភាពស្និទ្ធស្នាល មិនដូចការជជែកដេញដោលគ្នាពីមុន ដែលការវាយប្រហារពាក្យសម្ដីយ៉ាងខ្លាំងក្លាចង្អុលទៅលើបេក្ខជននាំមុខ។លោករដ្ឋមន្ត្រី ប្រាបូវ៉ូ កំពុងប្រកួតក្នុងការបោះឆ្នោតជាមួយកូនប្រុសរបស់ប្រធានាធិបតីដែលជិតផុតអាណត្តិ លោក ចូកូ វីដូដូ (Joko Widodo) ដែលជាការពិតមួយបានធ្វើឱ្យប្រជាជនឥណ្ឌូនេស៊ីព្រួយបារម្ភអំពីការជ្រៀតជ្រែកផ្នែកនយោបាយ និងការងើបឡើងវិញនៃនយោបាយរាជវង្សនៅក្នុងលទ្ធិប្រជាធិបតេយ្យវ័យក្មេងមួយនេះ។លោកអតីតអភិបាលខេត្តជ្វា ហ្កានចា បានជំរុញអ្នកបោះឆ្នោតឱ្យប្រយុទ្ធប្រឆាំងនឹងនយោបាយរាជវង្ស ដោយនិយាយថាផលប្រយោជន៍របស់គ្រួសារត្រូវបានផ្តល់អាទិភាពលើសពីបញ្ហាប្រទេសជាតិ។ ទន្ទឹមនឹងនេះ លោកអតីតអភិបាលក្រុងហ្សាកាតា អានីស៍ បានរិះគន់អ្វីដែលលោកពណ៌នាថាជានយោបាយនៃកម្មវិធីជំនួយសង្គមរបស់រដ្ឋាភិបាលរបស់លោក ប្រាបូវ៉ូ ប៉ុន្តែរដ្ឋាភិបាលបានបដិសេធថាមិនមានបេក្ខជនណាម្នាក់ដែលទទួលបានអត្ថប្រយោជន៍ពីកម្មវិធីនេះ៕

ចិន រំពឹងថា នឹងមើលឃើញកំណើនអ្នកធ្វើដំណើរចូល និងចេញពីប្រទេសខ្ពស់ ក្នុងឱកាសពិធីបុណ្យចូលឆ្នាំចិនខាងមុខ

2024/02/05 09:36:55 pm        50
Facebook Telegram Linkin
រដ្ឋបាលអន្តោប្រវេសន៍ជាតិ (NIA) បាននិយាយកាលពីថ្ងៃអាទិត្យថា ប្រទេសចិនត្រូវបានគេរំពឹងថានឹងមើលឃើញការកើនឡើងនៃការធ្វើដំណើរទាំងចូលក្នុង និងចេញក្រៅប្រទេសនេះ ក្នុងអំឡុងពេលថ្ងៃឈប់សម្រាកនៃពិធីបុណ្យនិទាឃរដូវ ឬពិធីបុណ្យចូលឆ្នាំចិន នាពេលខាងមុខ ដោយត្រលប់ទៅកម្រិតមុនការរាតត្បាតជំងឺCOVID -19 កាលពីឆ្នាំ ២០១៩ ។ យោងរដ្ឋបាលអន្តោប្រវេសន៍ជាតិខាងលើ ចិនដីគោកនឹងមើលឃើញការធ្វើដំណើរជាមធ្យមប្រចាំថ្ងៃចំនួន១,៨ លាននាក់ទាំងចូល និងចេញពីប្រទេស អំឡុងពេលថ្ងៃឈប់សម្រាកចាប់ពីថ្ងៃទី ១០ ដល់ថ្ងៃទី ១៧ ខែកុម្ភៈឆ្នាំនេះ ដែលជាការកើនឡើងប្រហែល ៣,៣ ដងបើធៀបនឹងឆ្នាំមុន។ ប្រភពដដែល ប៉ាន់ប្រមាណថា លំហូរអ្នកដំណើរខ្ពស់បំផុតនៅកំពង់ផែអាកាសយានដ្ឋានអន្តរជាតិសំខាន់ៗនឹងកើតឡើងនៅចន្លោះថ្ងៃទី ៨ និង ១១ ខែកុម្ភៈ ក៏ដូចជាថ្ងៃទី ១៦ និង ១៧ ខែកុម្ភៈ ខណៈ កំពង់ផែដីគោកក្បែរនឹងតំបន់រដ្ឋបាលពិសេសហុងកុង និងតំបន់រដ្ឋបាលពិសេសម៉ាកាវ ត្រូវបានរំពឹងទុកនឹងហក់ដល់កម្រិតខ្ពស់បំផុតចាប់ពីថ្ងៃទី ១១ ដល់ ១៥ ខែកុម្ភៈ។ ដើម្បីជួយសម្រួលដល់ការធ្វើដំណើរចេញ-ចេញ ប្រកបដោយប្រសិទ្ធភាពក្នុងអំឡុងពេលថ្ងៃឈប់សម្រាក ភ្នាក់ងារអធិការកិច្ចព្រំដែនត្រូវបានណែនាំឱ្យពង្រឹងការត្រួតពិនិត្យលំហូរអ្នកដំណើរ និងបញ្ចេញព័ត៌មានពាក់ព័ន្ធឱ្យបានទាន់ពេលវេលាសម្រាប់ជាឯកសារយោងរបស់អ្នកធ្វើដំណើរ។ រដ្ឋបាលអន្តោប្រវេសន៍ជាតិ បានបន្ថែមថា បុគ្គលិកគ្រប់គ្រាន់ ត្រូវបានដាក់ពង្រាយដើម្បីធានាថា ពលរដ្ឋចិន ឆ្លងកាត់ជួរគយក្នុងរយៈពេលមិនលើសពី ៣០ នាទីឡើយ ។ លើសពីនេះ ភ្នាក់ងារត្រួតពិនិត្យព្រំដែនត្រូវបានស្នើសុំឱ្យសម្របសម្រួលជាមួយអង្គភាពពាក់ព័ន្ធ និងនាយកដ្ឋានមូលដ្ឋាន ដើម្បីគ្រប់គ្រងសកម្មភាពរបស់អ្នកដំណើរ ពង្រីកម៉ោងបោសសំអាតគយ និងផ្តល់ជំនួយចរាចរណ៍ក្នុងអំឡុងពេលធ្វើដំណើរដ៏មមាញឹកបំផុត៕

លោកស៊ី ពិនិត្យមើលកងទ័ពដែលឈរជើងនៅទីក្រុងធានជីន និងស្វាគមន៍ដល់ទាហានទាំងអស់ នៅមុនពិធីបុណ្យចូលឆ្នាំ

2024/02/05 08:56:19 pm        76
Facebook Telegram Linkin
ប្រធានាធិបតីចិន លោក ស៊ី ជីនពីង (Xi Jinping) កាលពីថ្ងៃសុក្រ បានត្រួតពិនិត្យកងទ័ពដែលឈរជើងនៅទីក្រុងធៀនជីន ( Tianjin) ភាគខាងជើងប្រទេសចិន នៅមុនពិធីបុណ្យនិទាឃរដូវ ឬបុណ្យចូលឆ្នាំ ចិន។លោកស៊ី ក៏ជាអគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្តចិន (CPC) និងជាប្រធានគណៈកម្មាធិការយោធាមជ្ឈិម (CMC) បានស្វាគមន៍ដល់បុគ្គលិកបម្រើការនៃកងទ័ពរំដោះប្រជាជន និងកងកម្លាំងនគរបាលប្រដាប់អាវុធរបស់ប្រជាជន បុគ្គលិកស៊ីវិល ដែលបានបម្រើការនៅក្នុងកងកម្លាំងយោធា និងសមាជិកនៃកងជីវពល និងកងកម្លាំងបម្រុង ក្នុងនាមគណៈកម្មាធិការកណ្តាល (CPC) និង គណៈកម្មាធិការយោធាមជ្ឈិម (CMC)។នៅព្រឹកថ្ងៃសុក្រ លោកប្រធានាធិបតីស៊ី បានជួបជាមួយក្រុមតំណាងនៃទីបញ្ជាការយោធភូមិភាគធានជីន ហើយបានថតរូបក្រុមជាមួយពួកគេ។លោកបានថ្លែងថា កងទ័ពដែលឈរជើងក្នុងទីក្រុងធានជីន បានអនុវត្តយ៉ាងម៉ឺងម៉ាត់នូវសេចក្តីសម្រេចនិងការណែនាំរបស់គណៈកម្មាធិការមជ្ឈិមបក្សកុម្មុយនីស្តចិន(CPC) និង គណៈកម្មាធិការយោធាមជ្ឈិម (CMC) ក្នុងរយៈពេលមួយឆ្នាំកន្លងមក ដោយបានធ្វើឲ្យមានភាពជឿនលឿនជាក់ស្តែង ក្នុងវិស័យផ្សេងៗនៃការងារ និង បានបំពេញភារកិច្ចសំខាន់ៗបានល្អប្រសើរ។ដោយសរសើរដល់ការបំពេញការងាររបស់កងទ័ពក្នុងការជួយគាំទ្រដល់ទីក្រុងធានជីន ក្នុងកិច្ចខិតខំប្រឹងប្រែងជួយសង្គ្រោះទឹកជំនន់របស់ខ្លួន លោកស៊ី បាននិយាយថា ការរួមចំណែករបស់ពួកគេ មានសារៈសំខាន់ចំពោះការការពារអាយុជីវិត និងទ្រព្យសម្បត្តិរបស់ប្រជាជន។សម្រាប់ឆ្នាំថ្មីនេះ លោក បានជំរុញឲ្យការអនុវត្តពេញលេញនៃការគិតរបស់គណបក្សនេះលើការពង្រឹងយុទ្ធសាស្ត្រយោធា និងយោធាសម្រាប់យុគសម័យថ្មី និងការខិតខំប្រឹងប្រែង ដើម្បីសម្រេចបាននូវគោលដៅដែលបានកំណត់សម្រាប់ខួបមួយសតវត្សរ៍នៃកងទ័ពរំដោះប្រជាជនចិន នៅឆ្នាំ ២០២៧។លោកប្រធានាធិបតីស៊ី ក៏បានសង្កត់ធ្ងន់ថា នៅពេលដែលពិធីបុណ្យនិទាឃរដូវឆ្នាំ២០២៤ ខិតជិតមកដល់ កងកម្លាំងប្រដាប់អាវុធរបស់ប្រទេស គួរតែពង្រឹងការត្រៀមខ្លួនប្រយុទ្ធ ការពារសន្តិសុខជាតិ និងរក្សាស្ថិរភាពសង្គម ដើម្បីធានាឲ្យប្រជាជនមានពិធីបុណ្យនិទាឃរដូវដ៏រីករាយ និងសន្តិភាព។

លោក Bukele របស់ប្រទេសអែលសាវ៉ាឌ័រ ប្រកាសខ្លួនឯងថា ជាអ្នកទទួលជ័យជម្នះក្នុងការបោះឆ្នោតប្រធានាធិបតី

2024/02/05 08:43:34 pm        101
Facebook Telegram Linkin
ប្រធានាធិបតី លោក Nayib Bukele កាលពីថ្ងៃអាទិត្យ បានប្រកាសថាខ្លួនលោក ថាជាអ្នកទទួលជ័យជម្នះភ្លូកទឹកភ្លូកដី ក្នុងការបោះឆ្នោតប្រទេស អែល សាវ៉ាឌ័រ ដោយអះអាងថា លោកទទួលបានច្រើនជាង ៨៥ ភាគរយនៃសន្លឹកឆ្នោត ទោះបីជាមន្ត្រីបោះឆ្នោត ពុំទាន់បានបញ្ចេញលទ្ធផលណាមួយក៏ដោយ។លោក Bukele ទទួលបានការគាំទ្រខ្លាំង ក្នុងការទទួលជ័យជម្នះអាណត្តិ៥ឆ្នាំទៀត ខណៈអ្នកបោះឆ្នោតភាគច្រើនបានទុកមួយឡែកនូវការព្រួយបារម្ភ អំពីការបាត់បង់លទ្ធិប្រជាធិបតេយ្យ ដើម្បីផ្តល់ឱកាសដល់លោកសម្រាប់ការបង្ក្រាបក្រុមជនអន្ធពាលដ៏ឃោឃៅ ដែលបានធ្វើអោយសន្តិសុខប្រសើរឡើង នៅក្នុងប្រទេសអាមេរិកកណ្តាលមួយនេះ។ លោក Bukele អាយុ ៤២ ឆ្នាំបាននិយាយថាគណបក្ស ញូវ អាយឌៀ(New Ideas) របស់លោក ក៏បានទទួលតួនាទីតំណែងយ៉ាងហោចណាស់ ៥៨អសនៈ នៅក្នុងសភានីតិប្បញ្ញត្តិដែលមាន ៦០ អាសនៈរបស់ប្រទេសអែលសាវ៉ាឌ័រ ដោយលើកឡើងពីព័ត៌មានមិនទាន់ជាក់លាក់ ដែលលោកទទួលបាន។ មន្ត្រីរៀបចំការបោះឆ្នោត ពុំទាន់ធ្វើអត្ថាធិប្បាយអំពីលទ្ធផលនេះនៅឡើយ។ មណ្ឌលបោះឆ្នោត បានបិទនៅម៉ោង៥ល្ងាច ប្រហែលពីរម៉ោងមុនពេល លោក Bukele អះអាងទទួលបានជ័យជម្នះ។ បច្ចុប្បន្ន លោក Bukele ហាក់ទំនងជាត្រៀមខ្លួនដើម្បីក្លាយជាប្រធានាធិបតីអែលសាវ៉ាឌ័រ ដំបូងគេក្នុងរយៈពេលជិតមួយសតវត្សរ៍មកនេះ ដែលបានជាប់ឆ្នោតជាថ្មី។លោក Bukele មានប្រជាប្រិយភាពខ្លាំង បានធ្វើយុទ្ធនាការលើភាពជោគជ័យនៃយុទ្ធសាស្រ្តសន្តិសុខរបស់លោក ដែលអាជ្ញាធរ បានផ្អាកសេរីភាពស៊ីវិល ដើម្បីចាប់ខ្លួនពលរដ្ឋអែលសាវ៉ាឌ័រ ជាង ៧៥.០០០នាក់ ដោយគ្មានបទចោទប្រកាន់។ ការឃុំខ្លួន បាននាំឱ្យមានការថយចុះយ៉ាងគំហុក នៃអត្រាឃាតកម្មនៅទូទាំងប្រទេស និងបានប្រែក្លាយប្រទេសមានប្រជាជន ៦,៣ លាននាក់ ដែលធ្លាប់ជាប្រទេសគ្រោះថ្នាក់បំផុតលើពិភពលោក។

លោកស្រី នីគីហាលី ព្រមានថាអាមេរិក នឹងមិនអាចរស់បានឡើងសម្រាប់រយៈពេល៤ឆ្នាំនៃសកម្មភាពចលាចលរបស់លោក Trump

2024/02/05 08:40:37 pm        157
Facebook Telegram Linkin
បេក្ខជនប្រធានាធិបតីមកពីគណបក្សសាធារណរដ្ឋលោកស្រី នីគី ហាលី (Nikki Haley) បានរៀបចំព្រឹត្តិការណ៍ប្រមូលផ្ដុំមួយនៅក្នុងទីក្រុង ឆាឡេស្ទូន(Charleston)នៃរដ្ឋ South Carolina ដែលរដ្ឋកំណើតរបស់លោកស្រីកាលពីថ្ងៃអាទិត្យ ទី៤ខែកុម្ភៈ ។ បន្ទាប់ពីត្រូវបានរំខានមួយសន្ទុះដោយសាធារណជនម្នាក់ចេញពីការជួបជុំ លោកស្រីហាលី បានបន្តសុន្ទរកថាដោយផ្ដោតលើការវាយប្រហារប្រឆាំងនឹងលោក Donald Trump និងលោកប្រធានាធិបតី Joe Biden ដែលក្លាយជាការរិះគន់ចំៗ អំពីវ័យរបស់លោកទាំង២។ លោកស្រី បាននិយាយថា លោកស្រី នឹងមិនទៅណាទេ គូប្រជែងចុងក្រោយរបស់លោក Trump ដែល ខឹងសម្បារ ចំពោះអតីតប្រធានាធិបតីរូបនេះ ដោយការច្រានចោលការទម្លាក់ចោលការប្រកួតប្រជែងរបស់លោកស្រី បន្ទាប់ពីជំន័យជម្នះរបស់លោកនៅរដ្ឋ អាយអូវ៉ា (Iowa) និងរដ្ឋ ញូវហែមស៊រ ( New Hampshire)បានហុចឱកាសឲ្យលោកាន់តែណែន លើការតែងតាំងជាបេក្ខភាពនិង ទំនងជាត្រូវបានកំណត់ថារូបលោកនឹងក្លាយជាគូប្រជែងជាថ្មីក្នុងការបោះឆ្នោតសកលជាមួយលោក ប្រធានាធិបតី Joe Biden មកពីគណបក្សប្រជាធិបតេយ្យនៅខែវិច្ឆិកាខាងមុខនេះ។ លោកស្រីហាលី បន្តការវាយប្រហារបន្ថែមទៀតលើអតីតប្រធានាធិបតីរូបនេះ ដោយការព្រមានពីភាពចលាចលដោយសាររូបលោក ក្នុងរយៈពេល៤ឆ្នាំ ហើយថាសហរដ្ឋអាមេរិក នឹងមិនអាចរស់បានទេ ប្រសិនបើលោក Trump ត្រូវបានជាប់ឆ្នោតក្លាយជាប្រធានាធិបតីអាមេរិកនោះ៕

ប្រធានាធិបតីអ៊ុយក្រែន ពិនិត្យសមរភូមិក្នុងពេលមានការរំពឹងទុកថា ឧត្តមសេនីយ៍ជាន់ខ្ពស់ម្នាក់អាចត្រូវបណ្តេញចេញ

2024/02/05 08:36:03 pm        168
Facebook Telegram Linkin
ការិយាល័យប្រធានាធិបតី បាននិយាយកាលពីថ្ងៃអាទិត្យ ប្រធានាធិបតីអ៊ុយក្រែន លោក Volodymyr Zelenskyy បានទៅពិនិត្យកងទ័ពនៅសមរភូមិភាគអាគ្នេយ៍ និងបំពាក់មេដាយ ក្នុងពេលមានការរំពឹងទុកយ៉ាងខ្លាំងថា មេបញ្ចាការកងទ័ពម្នាក់ដ៏មានប្រជាប្រិយរបស់លោក អាចនឹងត្រូវបានបណ្តេញចេញពីតំណែងក្នុងពេលឆាប់ៗនេះ។ លោក Zelenskyy បាននិយាយនៅក្នុងសេចក្តីថ្លែងការណ៍មួយ បន្ទាប់ពីបានចុះពិតនិត្យតំបន់ Zaporizhzhia ថា វាជាកិត្តិយសណាស់ដែលបាននៅទីនេះនៅថ្ងៃនេះ ហើយការមកទីនេះគឺដើម្បី គាំទ្រដល់អ្នកចម្បាំង និងផ្តល់រង្វាន់ដល់ពួកគេ។ ដំណើរចុះពិនិត្យរបស់ប្រធានាធិបតី ទៅកាន់បន្ទាត់សមរភូមិ បានធ្វើឡើង នៅពេលដែលមានភាពមិនប្រាកដប្រជា អំពីជោគវាសនារបស់មេបញ្ជាការកងទ័ព លោក វ៉ាលឺរី ហ្សាលូស្នីយី(Valeriy Zaluzhnyi)។ ប្រភពព័ត៌មានចំនួនពីរ បាននិយាយថា រដ្ឋាភិបាលអ៊ុយក្រែន បានជូនដំណឹងដល់សេតវិមានថា ខ្លួនមានផែនការបណ្តេញមេបញ្ជាការយោធាជាន់ខ្ពស់របស់ប្រទេស ដែលទទួលខុសត្រូវចំពោះសង្គ្រាមប្រឆាំងកងកម្លាំងកាន់កាប់របស់រុស្ស៊ី។ ចំណាត់ការចោទប្រកាន់ក្នុងការបណ្តេញលោក Zaluzhnyi ដែលបានប៉ះទង្គិចជាមួយ លោក Zelenskyy ជុំវិញបញ្ហាជាច្រើនបន្ទាប់ពីការវាយបករបស់អ៊ុយក្រែនកាលពីឆ្នាំមុន ដែលបានបរាជ័យក្នុងការដណ្តើមយកមកវិញដែនដីសំខាន់ៗជាច្រើនដែលចូលគ្រប់គ្រងដោយរុស្ស៊ី ។ ដោយត្រូវបានគេស្គាល់ថាជា «ឧត្តមសេនីយ៍ដែក» លោក Zaluzhnyi មានប្រជាប្រិយភាពខ្លាំង។ ការដកតំណែងរបស់លោក អាចប៉ះពាល់ដល់ទឹកចិត្តក្នុងចំណោមកងទ័ពអ៊ុយក្រែន ដែលកំពុងប្រយុទ្ធដើម្បីកាន់កាប់ទីតាំងនៅតាមបណ្តោយសមរភូមិជួរមុខជាង ១.០០០គីឡូម៉ែត្រ ប្រឆាំងកងកម្លាំងរុស្ស៊ីដ៏ច្រើនសន្ធឹកសន្ធាប់ដែលមានឃ្លាំងស្តុកសព្វាវុធដ៏ធំ។

អភិបាលរដ្ឋតិចសាស់ដែលគាំទ្រ ដោយអភិបាលរដ្ឋគណបក្សសាធារណៈរដ្ឋនៅអាមេរិក នៅតែប្រកាន់តឹងបញ្ហាព្រំដែន

2024/02/05 07:53:38 pm        106
Facebook Telegram Linkin
អភិបាលរដ្ឋតិចសាស់លោក គ្រេក អាបុត(Greg Abbott) ដែលចូលរួមដោយអភិបាលរដ្ឋមកពីគណបក្សសាធារណៈរដ្ឋ កាលពីថ្ងៃអាទិត្យ បានប្តេជ្ញាប្រឆាំងរដ្ឋបាល លោក Joe Biden និងរក្សាការគ្រប់គ្រងរដ្ឋនៃចំណុចក្តៅនៅព្រំដែនរបស់សហរដ្ឋអាមេរិក ដរាបណាខ្លួននៅគ្រប់គ្រង ។រដ្ឋបាល លោក Biden បានប្រកាន់ខ្ជាប់ថា ការគ្រប់គ្រងព្រំដែនស្ថិតក្រោមអំណាចច្បាប់សហព័ន្ធយ៉ាងតឹងរ៉ឹង ប៉ុន្តែ លោក Abbott បានដាក់ពង្រាយឆ្មាំជាតិរដ្ឋ Texas នៅឧទ្យាន Shelby ក្នុងទីក្រុងព្រំដែន Eagle Pass ជាកន្លែងដែលលោក បានធ្វើសន្និសីទសារព័ត៌មានកាលពីថ្ងៃអាទិត្យ រួមជាមួយអភិបាលរដ្ឋគណបក្សសាធារណរដ្ឋ មកពីរដ្ឋចំនួន ១៣ ផ្សេងទៀត។ការធ្វើអន្តោប្រវេសន៍ បានក្លាយជាបញ្ហានយោបាយដ៏ខ្លាំងក្លាក្នុងការឆ្ពោះទៅរកបោះឆ្នោតរហូតដល់ថ្ងៃទី៥ ខែវិច្ឆិកា ដែលទំនងជានឹងដាក់ឲ្យលោក Biden ប្រកួតប្រជែងជាមួយអតីតប្រធានាធិបតី លោក Donald Trump។អភិបាលរដ្ឋជាច្រើន បានមកជួបប្រជុំគ្នា មួយថ្ងៃបន្ទាប់ពីក្រុមបាតុកររាប់រយនាក់ មកពីជុំវិញសហរដ្ឋអាមេរិកកាលពីថ្ងៃសៅរ៍ បានសម្រុកទៅកាន់ទីក្រុងព្រំដែនហ្គីម៉ាដូ(Quemado) រដ្ឋតិចសាស់ មានចម្ងាយប្រមាណ៣២ គីឡូម៉ែត្រ ពីទីក្រុង Eagle Pass ដើម្បីបញ្ចេញមតិជុំវិញការធ្វើអន្តោប្រវេសន៍ខុសច្បាប់ និងបង្ហាញការគាំទ្រចំពោះ លោក Trump នៅក្នុងការប្រមូលផ្តុំ លាយឡំនយោបាយព្រំដែនជាមួយវោហាសាស្ត្រផ្នែកសាសនា។

សម្តេចធិបតី ហ៊ុន ម៉ាណែត និងលោកជំទាវបណ្ឌិត នឹងអញ្ជើញទៅបំពេញទស្សនកិច្ចផ្លូវការ នៅព្រះរាជាណាចក្រថៃ នៅថ្ងៃទី០៧កុម្ភៈ

2024/02/05 05:30:17 pm        274
Facebook Telegram Linkin
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នឹងអញ្ជើញ​ទៅ​បំពេញ​​ទស្សនកិច្ច​ផ្លូវការ​នៅ​ប្រទេសថៃ នៅថ្ងៃទី០៧ ខែកុម្ភៈ ឆ្នាំ២០២៤ តបតាម​ការ​អញ្ជើញ​របស់​ឯកឧត្ដម សេដ្ឋា ថាវីស៊ីន នាយករដ្ឋមន្ត្រីនៃព្រះរាជាណាចក្រថៃ។ នេះបើតាម​សេចក្តី​ប្រកាស​​របស់នាយកដ្ឋានព័ត៌មាននៃក្រសួងការបរទេស និងសហប្រតិបត្តិអន្តរជាតិ។ក្រសួងការបរទេសបានឲ្យដឹងថា អញ្ជើញអមដំណើរសម្ដេចធិបតី និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត រួមមាន ឯកឧត្តមឧបនាយករដ្ឋមន្ត្រី ស៊ុន ចាន់ថុល អនុប្រធានទី១ នៃ​ក្រុម​ប្រឹក្សា​អភិវឌ្ឍន៍កម្ពុជា, ឯកឧត្ដមឧបនាយករដ្ឋមន្ត្រី សុខ ចិន្តាសោភា រដ្ឋមន្ត្រីការបរទេស និង​សហប្រតិបត្តិការអន្តរជាតិ ទេសរដ្ឋមន្ត្រីរដ្ឋមន្ត្រី និងមន្ត្រីសំខាន់ៗ នៃរាជរដ្ឋាភិបាល ព្រមទាំង​ថ្នាក់​ដឹកនាំ​វិស័យឯកជន​នៃសភាពាណិជ្ជកម្មកម្ពុជា។ ក្នុងអំឡុងពេលនៃដំណើរទស្សនកិច្ចផ្លូវការនេះ សម្ដេចធិបតី និងលោកជំទាវ នឹងចូលក្រាប បង្គំគាល់ ព្រះបាទ មហា វ៉ជីរ៉ាឡុងកន ព្រះវឺជីរ៉ាក់ភ្លៅចៅយូហួរ ព្រះមហាក្សត្រ នៃ ព្រះរាជា​ណា​ចក្រ​ថៃ នៅព្រះបរមរាជវាំង។ សម្តេចធិបតីនឹងអញ្ជើញចូលជួបសម្តែងការគួរសមដាច់ ដោយ​ឡែក​​ជា​មួយថ្នាក់ដឹកនាំស្ថាប័ននីតិប្បញ្ញត្តិរួមមាន ឯកឧត្តមសាស្ត្រាចារ្យ ផនភេត វិឈិតឆុល ឆៃ ប្រធានព្រឹទ្ធសភា និង ឯកឧត្ដម វ៉ាន់មូហាម៉ាត់ណ មៈថា ប្រធានរដ្ឋសភា។សម្តេចធិបតី ហ៊ុន ម៉ាណែត និងឯកឧត្តម សេដ្ឋា ថាវីស៊ីន នឹងជួបពិភាក្សាការងារលើកិច្ច សហ​ប្រតិបត្តិការ​ទ្វេភាគីនិងពហុភាគី ដែលផ្ដល់ផលប្រយោជន៍ទៅវិញទៅមក។ ទន្ទឹមនឹងនេះ នាយករដ្ឋមន្ត្រីទាំងពីរក៏នឹង​ធ្វើ​ជាអធិបតីក្នុង​ពិធី​ចុះហត្ថ​លេខា​លើ​ឯក​សារ​ស្តីពី​កិច្ច​សហប្រ​តិបត្តិការទ្វេភាគីមួយចំនួន។ ដោយឡែក សម្តេចធិបតី ហ៊ុន ម៉ាណែត នឹងអញ្ជើញ​ថ្លែង​សុន្ទរកថា​បើ​កនៅ​ក្នុ​ងវេទិកាធុរកិច្ចកម្ពុជា-ថៃ។ដំណើរទស្សន​កិច្ចផ្លូវការរបស់ សម្ដេចធិបតី ទៅកាន់ព្រះរាជាណាចក្រថៃ នាពេលខាងមុខ នឹង​ពង្រឹង​បន្ថែមទៀ​តនូវទំនាក់ទំនងដ៏យូរអង្វែង និងចំណងមិត្តភាពជាប្រពៃណីរវាងប្រទេសទាំងពីរស្របតាមស្មារតីនៃ «ការពង្រឹងភាពជាដៃគូដើម្បីសន្តិភាពនិងវិបុលភាព» ដែលផ្ដល់​ផល​ប្រយោជន៍​ ទៅវិញទៅមកសម្រាប់ប្រជាជននៃប្រទេសទាំងពីរ ព្រមទាំងសម្រាប់សន្តិភាព ស្ថិរភាព និង​វិបុលភាព ក្នុងសហគមន៍អាស៊ាន និងអន្តរជាតិ៕

New York Times ៖ អឺរ៉ុបព្រួយបារម្ភពីអនាគតរបស់ណាតូ បើលោកTrump ជាប់ឆ្នោតជាថ្មី

2024/02/05 04:57:12 pm        145
Facebook Telegram Linkin
សារព័ត៌មាន New York Times បានរាយការណ៍ថា មន្ត្រីរដ្ឋាភិបាលអាល្លឺម៉ង់មានការព្រួយបារម្ភអំពីផលវិបាកអវិជ្ជមានចំពោះអង្គការណាតូ បើលោក Donald Trump ជាប់ឆ្នោតជាប្រធានាធិបតីអាមេរិក ម្តងទៀត ឬរុស្ស៊ី ឈ្នះសង្រ្គាមនៅអ៊ុយក្រែន។ សារព័ត៌មាន New York Times រាយការណ៍ដោយដកស្រង់ប្រភពដែលដឹងបញ្ហានេះថា សម្ព័ន្ធមិត្តអឺរ៉ុបត្រូវបានគេរាយការណ៍ថាមានក្ដីបារម្ភអំពីកម្លាំងរបស់ណាតូ ប្រសិនបើលោក Donald Trump ជាប់ឆ្នោតជាថ្មី ហើយធ្វើតាមការគំរាមកំហែងកាលពីកន្លងទៅ របស់លោក ដែលថាលោកចង់ដកសហរដ្ឋអាមេរិកចេញពីសម្ព័ន្ធភាពនេះ។ ការបោះពុម្ពផ្សាយបានសរសេរថា ក្រុមមន្ត្រីអាល្លឺម៉ង់ និងក្រុមប្រទេសជាសមាជិកណាតូ ជាច្រើន កំពុងពិភាក្សាក្រៅផ្លូវការថាតើរចនាសម្ព័ន្ធសម្ព័ន្ធភាពជិត ៧៥ឆ្នាំ មកនេះ នឹងអាចរស់បានដោយគ្មានសហរដ្ឋអាមេរិក ជាឆ្អឹងខ្នងរបស់ខ្លួន បានឬ អត់ ។ ប្រភពពីសារព័ត៌មាន New York Times ដដែល នៅក្នុងរដ្ឋាភិបាលអាល្លឺម៉ង់ បាននិយាយថា គេមិនអាចទៅរួចទេក្នុងការត្រលប់ទៅរកទំនាក់ទំនងពីមុនជាមួយរុស្ស៊ីរបស់លោកPutin ដោយថាពួកគេមិនរំពឹងថានឹងមានការរីកចម្រើនគួរឱ្យកត់សម្គាល់នៅក្នុងសង្រ្គាមនៅអ៊ុយក្រែននៅឆ្នាំនេះទេ ប៉ុន្តែពួកគេបារម្ភពីផលវិបាកទាំងឡាយ នៃការឈ្នះសង្រ្គាមរបស់លោក Putin។ ក្តីបារម្ភភ្លាមៗរបស់ពួកគេគឺការកើនឡើងនូវភាពទុទិដ្ឋិនិយមអំពីសហរដ្ឋអាមេរិកដែលបន្តផ្តល់មូលនិធិដល់ការតស៊ូរបស់អ៊ុយក្រែន។ ក្រុមមន្ត្រីអាល្លឺម៉ង់ ដែលពុំបានបញ្ជាក់ឈ្មោះរបស់ខ្លួន បាននិយាយថា បើជំនួយអាមេរិកអស់ជំនួយ ហើយរុស្ស៊ី ឈ្នះសង្រ្គាម គោលដៅបន្ទាប់ នឹងរឹតតែខិតទៅជិតទីក្រុងប៊ែរឡាំង។ ចំណែក លោក Jens Stoltenberg អគ្គលេខាធិការអង្គារណាតូ បានសង្កត់ធ្ងន់ថា លោកពុំមានក្ដីបារម្ភថា អាមេរិកនឹងចាកចេញពីសម្ព័ន្ធយោធានេះទេ ទោះអតីតប្រធានាធិបតីអាមេរិក លោក Trump ឈ្នះការបោះឆ្នោតនៅខែវិច្ឆិកាឆ្នាំ២០២៤នេះក៏ដោយ៕

បណ្ដាញសង្គម

ព័ត៌មានថ្មីៗ

រដ្ឋមន្ត្រីក្រសួងឧស្សាហកម្ម៖ ការវេចខ្ចប់ គឺជាតំណភ្ជាប់ដ៏មានសារៈសំខាន់នៅក្នុងខ្សែច្រវាក់ផលិតកម្ម
09/28/2026 08:09 PM
Facebook Telegram Linkin
ការ​ស្ទង់មតិ៖ បេក្ខជន​ស្ដាំ​និយមជ្រុល និង​ឆ្វេងនិយម​ជ្រុល​​ ទំនង​ឈានដល់ជុំទី២ នៃ​ការបោះឆ្នោតប្រធានាធិបតីបារាំង
09/28/2026 07:09 PM
Facebook Telegram Linkin
វិមានក្រឹមឡាំង៖ ការចរចាគ្រប់គ្រងអាវុធរុស្ស៊ី-អាមេរិក គួរតែបានចាប់ផ្តើមឡើងវិញ តាំងពី «ម្សិលមិញ»
09/28/2026 07:09 PM
Facebook Telegram Linkin
Hyundai Cambodia បង្ហាញរថយន្តអគ្គិសនីជំនាន់ថ្មី ដោយនាំយកបច្ចេកវិទ្យា និងការរចនាទំនើប
09/28/2026 06:09 PM
Facebook Telegram Linkin
បុគ្គលិកសង្គ្រោះ៖ ទឹកជំនន់ និងបំណាក់ដី នៅភាគខាងត្បូងមីយ៉ាន់ម៉ា បណ្ដាល​ឱ្យ​មនុស្ស​ ៨នាក់ស្លាប់​​
09/28/2026 06:09 PM
Facebook Telegram Linkin
សារព័ត៌មាន Bild ៖ សេវាស៊ើបការណ៍សម្ងាត់អាល្លឺម៉ង់បង្កើនការស៊ើបការណ៍លើស្ថានទូតរុស្ស៊ី នៅទីក្រុងប៊ែរឡាំង
09/28/2026 06:09 PM
Facebook Telegram Linkin
ការដឹកជញ្ជូនឧស្ម័នធម្មជាតិរាវរបស់ប្រទេសកាតាឆ្លងកាត់ច្រកសមុទ្រ Hormuz កើនឡើង ទោះបីជាមានជម្លោះក្តី
09/28/2026 06:09 PM
Facebook Telegram Linkin
ទីភ្នាក់ងារសន្តិសុខអាល្លឺម៉ង់ប្រឈមការ​លំបាក ក្រោយក្រុម​ស្តាំនិយមជ្រុល និងឆ្វេងនិយមជ្រុល ឈ្នះ​
09/28/2026 06:09 PM
Facebook Telegram Linkin
នាយករដ្ឋមន្ត្រីអេស្ប៉ាញប្ដេជ្ញាចាត់វិធានការ ខណៈការតវ៉ាជុំវិញបញ្ហាលំនៅឋាននៅក្រុង​ម៉ាឌ្រីដ​ កើនឡើង
09/28/2026 06:09 PM
Facebook Telegram Linkin
UN ៖ ប្រជាជនស៊ីរីជាង ៦០.០០០នាក់ បានត្រឡប់ពីជំរំជនភៀសខ្លួនទៅផ្ទះសម្បែងវិញ ចាប់តាំងពីខែមករា
09/28/2026 06:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.