BTV NEWS

សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ

សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង

សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម

សម្តេចតេជោ ហ៊ុន សែន អនុញ្ញាតឱ្យ ឯកឧត្តមឯកអគ្គរដ្ឋទូតសហភាពអឺរ៉ុប ប្រចាំកម្ពុជា ចូលជួបសម្តែងការគួរសម

នយោបាយ និង ការអភិវឌ្ឍន៍

កោះតៃវ៉ាន់ គឺជាការគំរាមកំហែងដល់ប្រធានាធិបតីចិន លោក Xi Jinping

នៅថ្ងៃទី ១៣ ខែមករា ឆ្នាំ ២០២៤ប្រជាជនកោះតៃវ៉ាន់នឹងបោះឆ្នោតជ្រើសរើសមេដឹកនាំ និងសភាថ្មី។ព្រឹត្តិការណ៍នេះបានក្លាយជាចំណុចសំខាន់មួយក្នុងការប្រកួតប្រជែងរវាងសាធារណរដ្ឋប្រជាមានិតចិន (PRC) និងបណ្ដាប្រទេសលោកខាងលិច ដែលបានប្រឈមទៅនឹងការកើនឡើងពីការប្រកួតប្រជែងផ្នែកសេដ្ឋកិច្ចទៅជាការពាក់ព័ន្ធផ្នែកយោធាដោយផ្ទាល់។ កត្តាជំរុញនៃការកើនឡើងនេះ គឺលោក Xi Jinping ដែលគេសន្មត់ថាជាមេដឹកនាំដ៏មានឥទ្ធិពលបំផុតក្នុងរយៈពេល២.០០០ ឆ្នាំនៃប្រវត្តិសាស្ត្ររបស់ចិន។លោកបង្ហាញពីការរួមបញ្ចូលកោះតៃវ៉ាន់ទៅក្នុងទឹកដីរបស់ចិន ថាជាភាពជៀសមិនរួចជាប្រវត្តិសាស្ត្រ ដែលជាចំណុចកណ្តាលនៃគោលដៅផ្ទាល់ខ្លួនរបស់លោកគឺ ធ្វើឱ្យប្រជាជាតិចិន មានភាពរស់រវើកឡើងវិញ ដែលរូបលោកក៏ពណ៌នា ផងដែរ ថាជាប្រវត្តិសាស្ត្រជៀសមិនរួច។ លោកជឿថា រឿងនេះអាចកើតឡើងបានតែនៅក្រោមអំណាចផ្តាច់មុខរបស់បក្សកុម្មុយនិស្តចិន (CCP) ដែលមានគោលបំណងស្ដារប្រទេសចិនឡើងវិញ ចំពោះជំហរដ៏ត្រឹមត្រូវរបស់ខ្លួនប៉ុណ្ណោះ ក្នុងនាមជាមហាអំណាចគ្រប់គ្រងពិភពលោក ដែលដណ្តើមបានដោយអាណានិគមនិយមលោកខាងលិចក្នុងសតវត្សទី ទី១៩ ។ក្រោមការគ្រប់គ្រងរបស់លោក Xi បក្សកុម្មុយនិស្តចិន បានផ្លាស់ប្តូរពីគោលជំហរគោលនយោបាយការបរទេសដ៏ទន់ភ្លន់ដោយផ្អែកលើនយោបាយ ឈ្នះ-ឈ្នះ នៃជំងឺសកលលោក ទៅជារបៀបវារៈពិនិត្យឡើងវិញដោយបើកចំហ រួមទាំងការទាមទារសិទ្ធិគ្រប់គ្រងទឹកដី ដែលបង្កឲ្យមានផលប៉ះពាល់សំខាន់ៗសម្រាប់វិបុលភាព និងសន្តិសុខពិភពលោក។ម្យ៉ាងវិញទៀត លោកស្រី សៃអ៊ីងវិន (Tsai Ing-wen) ដែលជាមេដឹកនាំកំពុងកាន់អំណាចរបស់កោះតៃវ៉ាន់ បាននិយាយថា ទំនាក់ទំនងនៅទូទាំងច្រកសមុទ្រតៃវ៉ាន់ត្រូវតែកំណត់ដោយលទ្ធិប្រជាធិបតេយ្យ និងឆន្ទៈរបស់ប្រជាជនតៃវ៉ាន់។បញ្ហាចម្រូងចម្រាសរឿងកោះតៃវ៉ាន់ក៏បង្ហាញផងដែរពីមូលហេតុដែលកោះនេះជាការគំរាមកំហែងដល់លោក Xi Jinping និងបក្សកុម្មុយនិស្តចិនរបស់លោក។ ជោគជ័យរបស់តៃវ៉ាន់បង្ហាញថានេះគឺជារឿងមិនពិត ហើយការប្រឆាំងរបស់កោះតៃវ៉ាន់ចំពោះចិន នឹងនាំឲ្យមានភាពតានតឹងដ៏ក្ដៅគគុកកើនឡើង៕

ឆ្នាំ២០២៣ កម្ពុជានាំចេញម្រេចបានជាង ៦ពាន់តោន

គិតត្រឹមបំណាច់ឆ្នាំ ២០២៣ ការនាំចេញម្រេចទៅប្រទេសចិនមានចំនួន ៤៩០ គីឡូក្រាម គិតជាទឹកប្រាក់ចំនួន ៩,៥៤៦ ដុល្លារអាមេរិក ខណៈការនាំចេញសរុបមានប្រមាណជាង ៦ ១៥២ តោន ក្នុងនោះនាំចេញទៅប្រទេសចិន ប្រទេសវៀតណាម អាល្លឺម៉ង់ កូរ៉េ ជប៉ុន បារាំង សហរដ្ឋអាមេរិក អ៊ីតាលី រុស្ស៊ី អង់គ្លេស ឥណ្ឌា កាណាដា និងប្រទេសម៉ាឡេស៊ី ។ ឯកឧត្តម ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានមានប្រសាសន៍ប្រាប់ទូរទស្សន៍ព័ត៌មាន ប៊ីធីវី នៅព្រឹកថ្ងៃទី៤ ខែមករា ឆ្នាំ២០២៤នេះថា ការនាំចេញម្រេចទៅកាន់ទីផ្សារចិនស្ថិតក្នុងបរិមាណតិចតួចនៅឡើយ ដោយសារយើងទើបបានបំពេញនីតិវិធី សម្រាប់ទីផ្សារមួយនេះ ប៉ុន្តែក៏ជាទីផ្សារដែលមានសក្តានុពលខ្លាំងផងដែរ។ ឯកឧត្តមបន្តថា ប្រទេសកម្ពុជាបានចុះហត្ថលេខាជាមួយអគ្គរដ្ឋបាលគយចិន កាលពីថ្ងៃទី៩ ខែវិច្ឆិកា ឆ្នាំ២០២២ ស្តីពីលក្ខខណ្ឌតម្រូវភូតគាមអនាម័យសម្រាប់ការនាំចេញម្រេចទៅកាន់ប្រទេសចិន។ឯកឧត្តម បានបន្តថា “បច្ចុប្បន្នក្រសួងកសិកម្ម ក៏កំពុងធ្វើការយកចិត្តទុកដាក់ខ្លាំង ដោយបានចាត់ទុកម្រេច គឺជាដំណាំយុទ្ធសាស្រ្តមួយក្នុងចំណោមដំណាំយុទ្ធសាស្រ្តអាទិភាព៤មុនគេ ដែលយើងនឹងរៀបចំ យកមកធ្វើចងក្រងទៅជាសហគមន៍កសិកម្មទំនើប ក្នុងនោះមានដំណាស្រូវ ម្រេច ស្វាយចន្ទីរ និងបន្លែ ហើយយើងសង្ឃឹមថា បើសិនជាយើងទទួលបានជោគជ័យក្នុងការចងក្រង និងប្រែក្លាយសហគមន៍ជាច្រើនសម្រាប់កសិករដែលដាំដំណាំម្រេចឲ្យទៅជាសហគមន៍កសិកម្មទំនើបបាន នោះយើងនឹងបង្កើននូវលទ្ធភាពប្រកួតប្រជែង នៃទីផ្សារម្រេចទៅកាន់ទីផ្សារនាំចេញនៅលើពិភពលោកផងដែរ”។សូមបញ្ជាក់ថា គិតក្នុងឆ្នាំ២០២៣ ការនាំចេញម្រេចមានចំនួន ៦ ១៥២,៨៣តោន ក្នុងនោះនាំចេញទៅប្រទេសវៀតណាមចំនួន ៥ ២៣៣តោន ប្រទេសអាល្លឺម៉ង់ចំនួន ៥៣៥,៦៣តោន ប្រទេសកូរ៉េចំនួន ៧៦,៦៩តោន ប្រទេសថៃចំនួន ៧០តោន សាធារណរដ្ឋឆេកចំនួន ៦៧,៩០តោន ប្រទេសបារាំងចំនួន ៣៨,០៤តោន សហរដ្ឋអាមេរិកចំនួន ២៦,៧០តោន ប្រទេសអ៊ីតាលីចំនួន ២៥តោន ប្រទេសអ៊ីស្រាអែលចំនួន ២៥តោន កោះតែវ៉ាន់ចំនួន ១៥,០៤តោន ប្រទេសម៉ាលីចំនួន ១៥តោន ប្រទេសប៊ែលហ្ស៊ិកចំនួន ១២,៨៧តោន ប្រទេសជប៉ុនចំនួន ៥,៩៩តោន ប្រទេសរុស្ស៊ីចំនួន ១,៥៩តោន ចក្រភពអង់គ្លេសចំនួន ១,៥០តោន ប្រទេសឥណ្ឌា ០,៩៦តោន ប្រទេសចិនចំនួន ០,៤៩តោន ប្រទេសលីទុយអានីចំនួន ០,៤២តោន ប្រទេសនូវែលហ្សេឡង់ចំនួន ០,៣៧តោន ប្រទេសកាណាដា ០,២៤តោន ប្រទេសកាហ្សាក់ស្ថានចំនួន ០,១៥តោន ប្រទេសអូស្រ្តាលីចំនួន ០,១៣តោន ប្រទេសសិង្ហបុរីចំនួន ០,១០តោន ប្រទេសដាណឺម៉ាកចំនួន ០,០២តោន ប្រទេសហូឡង់ចំនួន ០,០១តោន ប្រទេសអូទ្រីសចំនួន ០,០០៦តោន និងប្រទេសម៉ាឡេស៊ីចំនួន ០,០០២តោន។យោងតាមស្ថិតិឆ្នាំ២០២៣ របស់អគ្គនាយកដ្ឋានកសិកម្ម ផ្ទៃដីដាំដុះម្រេចនៅទូទាំងប្រទេសកម្ពុជាមានចំនួន៧ ០៦០ហិកតា នៅទូទាំង១៧ខេត្ត (លើកលែងតែខេត្តបន្ទាយមានជ័យ កំពង់ឆ្នាំង កំពង់ធំ កណ្តាល ភ្នំពេញ ព្រៃវែង ស្ទឹងត្រែង និងស្វាយរៀង ដែលគ្មានការដាំដុះម្រេច) ផ្ទៃដីប្រមូលផលមានចំនួន ៦ ៨៣០ ហិកតា និងទទួលបានបរិមាណផលសរុបចំនួន ១៨ ៥០៣តោន (ទិន្នផលជាមធ្យមមានចំនួន ២,៧១តោន/ហិកតា)៕

លោក ប្ល៊ីនខិន និង លោក កាមេរូន បានពិភាក្សាអំពីកិច្ចខិតខំប្រឹងប្រែងរបស់អង់គ្លេស-អាមេរិក ក្នុងការជួយអ៊ុយក្រែន

ក្រសួងការបរទេសអាមេរិក បានរាយការណ៍កាលពីថ្ងៃទី២ ខែមករាថា រដ្ឋមន្ត្រីការបរទេស លោក អង់តូនី ប្ល៊ីនខិន (Antony Blinken) និងរដ្ឋមន្ត្រីការបរទេសអង់គ្លេសលោក ដេវីត កាមេរូន (David Cameron) បានសន្ទនាតាមទូរស័ព្ទ ដើម្បីពិភាក្សាអំពីការគាំទ្រសម្រាប់អ៊ុយក្រែន។លោកប្ល៊ីនខិន និង លោកកាមេរូន ក៏បានពិភាក្សាគ្នាអំពីសង្គ្រាមរវាងអ៊ីស្រាអែល និងក្រុមហាម៉ាស ដោយផ្តោតលើការកែលម្អការការពារប្រជាជនស៊ីវិល និងការផ្តល់ជំនួយមនុស្សធម៌។សេចក្តីប្រកាសព័ត៌មាន បានឲ្យដឹងថា៖«ពួកគេបានពិភាក្សាអំពីសារៈសំខាន់នៃសកម្មភាពពហុភាគីរួម ដើម្បីប្រឆាំងនឹងការគំរាមកំហែងជាសកលដែលកើតឡើងពីការវាយប្រហាររបស់ក្រុមឧទ្ទាមហួទីដែលគាំទ្រដោយអ៊ីរ៉ង់លើនាវាពាណិជ្ជកម្ម នៅសមុទ្រក្រហម»។លោកទាំងពីរ បានគូសបញ្ជាក់ពីកិច្ចខិតខំប្រឹងប្រែងដែលកំពុងបន្តដោយសហរដ្ឋអាមេរិក និងចក្រភពអង់គ្លេស ដើម្បីជួយអ៊ុយក្រែន ក្នុងការការពារខ្លួនប្រឆាំងនឹងការឈ្លានពានរបស់រុស្ស៊ី។ប្រធានាធិបតីអ៊ុយក្រែនលោក វ៉ូឡូមៀ ហ្សេឡិនស្គី (Volodymyr Zelenskyy) បាននិយាយជាមួយ នាយករដ្ឋមន្ត្រីអង់គ្លេសលោក រីស៊ី ស៊ុណាក់ (Rishi Sunak) កាលពីថ្ងៃទី២ ខែមករា។ ពួកគេ បានពិភាក្សាអំពីការពង្រឹងការការពារដែនអាកាសអ៊ុយក្រែន និងសមត្ថភាពរយៈចម្ងាយឆ្ងាយរបស់កងកម្លាំងប្រដាប់អាវុធអ៊ុយក្រែន។

រដ្ឋបាលក្រុងសំរោង អនុវត្តដំណើរការសាកល្បងធ្វើបណ្ណព្រំដែនកម្ពុជា-ថៃ ជូនដល់ពលរដ្ឋ ក្នុងដែនសមត្ថកិច្ចរបស់ខ្លួន

ឧត្ដរមានជ័យ៖ អនុវត្តតាមសេចក្តីសម្រេចរបស់រាជរដ្ឋាភិបាលកម្ពុជា ត្រូវបានដាក់ឲ្យអនុវត្តការសាកល្បងដំណើរការចំពោះការផ្តល់សេវាធ្វើបណ្ណព្រំដែនកម្ពុជា-ថៃ ក្នុងដែនសមត្ថកិច្ចរបស់ខ្លួន ដើម្បីបង្ករភាពងាយស្រួលរហ័សបន្ថែមទៀតជូនប្រជាពលរដ្ឋ ក្នុងការផ្តល់សេវាសាកល្បងនេះ មានរយៈពេល៦ខែ។លោក ផុន ចាន់នឹល អភិបាលក្រុងសំរោង បានលើកឡើងថា ការផ្តល់សិទ្ធក្នុងការសម្រេចពីថ្នាក់ខេត្តទម្លាក់មកថ្នាក់មូលដ្ឋានក្រុង ស្រុក នៅពេលនេះ គឺមានសារៈសំខាន់ខ្លាំងណាស់សម្រាប់បងប្អូនប្រជាពលរដ្ឋរស់នៅក្នុងក្រុងសំរោង ក៏ដូចជាតាមបណ្តាលស្រុកផ្សេងៗទៀតក្នុងការមកទទួលស្នើសុំសេវាធ្វើបណ្ណព្រំដែនកម្ពុជា-ថៃ បានបង្កភាពងាយស្រួលដល់ពលរដ្ឋគ្រប់ៗគ្នាដែលមានបំណងចង់ឆ្លងដែនចូលទៅប្រទេសថៃ ដោយស្របច្បាប់។លោកអភិបាលក្រុង បន្តថា សម្រាប់ការធ្វើបណ្ណព្រំដែននៅមូលដ្ឋាន ក្រុងសំរោង នាពេលនេះ គឺប្រជាពលដ្ឋមកពីតាមបណ្តាលស្រុកផ្សេងគ្នា ក្នុងខេត្តឧត្តរមានជ័យ ខុសដែនសមត្ថកិច្ចរបស់ខ្លួននោះ គឺមិនអាចមកទទួលសេវាធ្វើបណ្ណព្រំដែននេះបាននោះទេ គឺតម្រូវតែពលរដ្ឋដែលមានទីលំនៅអចិន្រ្តៃយ៍ ក្នុងក្រុងសំរោងតែប៉ុណ្តោះ។ ដោយក្នុងបណ្ណព្រំដែនកម្ពុជា-ថៃមួយសន្លឹកមានតម្លៃពីរម៉ឺនរៀល សម្រាប់សេវាបង់ជូនរដ្ឋ។ ដំណើរការសាកល្បងនេះ មានរយៈពេល៦ខែ គិតចាប់ពីថ្ងៃទី១ខែកមរា ឆ្នាំ២០២៤ ។យ៉ាងណាម៉ិញបងប្អូនប្រជាពលរដ្ឋ បានសម្តែងនូវការសប្បាយរីករាយ និងគាំទ្រយ៉ាងពេញទំហឹងចំពោះរាជរដ្ឋាភិបាលកម្ពុជាអាណត្តិថ្មី ដែលមានសម្តេចធិបតី ហ៊ុន ម៉ាណែត នាយរដ្ឋមន្រ្តីនៃកម្ពុជា ជានិច្ចកាលសម្តេចធិបតី តែងតែបានគិតគូរយកចិត្តទុកដាក់ខ្ពស់ពីសុខទុក្ខ និងការលំបាកនានារបស់ប្រជាពលរដ្ឋគ្រប់ៗគ្នា។ពលរដ្ឋ បានបញ្ជាក់ឲ្យដឹងថា ការផ្តល់សេវាធ្វើបណ្ណព្រំដែនទម្លាក់ឲ្យកាន់តែដល់មូលដ្ឋានរបស់ពួកគាត់ក៏ដូចជាការផ្តល់សេវាផ្សេងៗនោះ គឺវាអាចកាត់បន្ថយនៅការចំណាយផ្សេងៗរបស់ពួកគាត់បានមួយកម្រិតផងដែរ។សូមបញ្ជាក់ថា ប្រជាពលរដ្ឋអាចមកទទួលសេវាស្នើសុំធ្វើបណ្ណព្រំដែនកម្ពុជា-ថៃនេះ បាននៅអង្គភាពច្រកចេញចូលតែមួយបានជាធម្មតា នៅរដ្ឋបាលខេត្តឧត្តរមានជ័យ ប្រសិនបើបងប្អូនប្រជាពលរដ្ឋណាមិនចង់ធ្វើនៅតាមបណ្តាលក្រុងស្រុកសាមីរបស់ខ្លួននោះ។ បណ្ណព្រំដែននេះ គឺពលរដ្ឋមានសិទ្ធធ្វើដំណើរឆ្លងដែនចូលទៅប្រទេសថៃ មានរយៈពេល១សប្តាហ៍ទើបផុតកំណត់ លើខេត្តចំនួនបីគឺខេត្តសុរិន្ទ តាមច្រកអូរស្មាច់ ក្រុងសំរោង ខេត្តស៊ីសាកេត ច្រកជាសាងាំ ស្រុកអន្លង់វែង និងខេត្តបុរីរុំ ច្រកជប់គគី ស្រុកបន្ទាយអំពឹល ខេត្តឧត្តរមានជ័យ៕ អត្ថបទ៖ សារិទ្ធិ

សហរដ្ឋអាមេរិក បានស្តីបន្ទោសការអធិប្បាយដែលមិនទទួលខុសត្រូវរបស់រដ្ឋមន្ត្រីអ៊ីស្រាអែល

ក្រសួងការបរទេសអាមេរិក បានច្រានចោលការអត្ថាធិប្បាយថ្មីៗដែលធ្វើឡើងដោយរដ្ឋមន្ត្រីអ៊ីស្រាអែលពីររូប ដោយហៅពួកគេថា «គ្មានការទទួលខុសត្រូវ» និង «បង្កឲ្យផ្ទុះកំហឹង» ចំពោះការតស៊ូមតិសម្រាប់ការតាំងទីលំនៅថ្មីរបស់ប៉ាឡេស្ទីន នៅខាងក្រៅតំបន់ហ្កាហ្សា។អ្នកនាំពាក្យក្រសួងការបរទេសលោក Matthew Miller បាននិយាយនៅក្នុងសេចក្តីថ្លែងការណ៍មួយថា៖« សហរដ្ឋអាមេរិក បានច្រានចោលសេចក្តីថ្លែងការណ៍ថ្មីៗរបស់រដ្ឋមន្ត្រីអ៊ីស្រាអែល លោក Bezalel Smotrich និង លោក Itamar Ben Gvir ដែលតស៊ូមតិសម្រាប់ការតាំងទីលំនៅថ្មីរបស់ប៉ាឡេស្ទីន នៅខាងក្រៅតំបន់ហ្កាហ្សា»។លោកបានបន្ថែមថា៖«វោហាស័ព្ទនេះ បង្កឲ្យផ្ទុះកំហឹង និងមិនទទួលខុសត្រូវ។ យើងត្រូវបានប្រាប់ម្តងហើយម្តងទៀត និងជាប់លាប់ដោយរដ្ឋាភិបាលអ៊ីស្រាអែល រួមទាំងដោយនាយករដ្ឋមន្រ្តីថា សេចក្តីថ្លែងការណ៍បែបនេះ មិនឆ្លុះបញ្ចាំងពីគោលនយោបាយរបស់រដ្ឋាភិបាលអ៊ីស្រាអែលនោះទេ។ ពួកគេគួរតែបញ្ឈប់ជាបន្ទាន់»។លោក Smotrich រដ្ឋមន្ត្រីហិរញ្ញវត្ថុរបស់អ៊ីស្រាអែល និងលោក Gvir ដែលជារដ្ឋមន្ត្រីសន្តិសុខជាតិរបស់ប្រទេសនេះ បានរងការរិះគន់កាលពីដើមសប្តាហ៍នេះ បន្ទាប់ពីពួកគេម្នាក់ៗ បានលើកឡើងថា សង្គ្រាមនៅតំបន់ហ្កាហ្សា អាចបណ្តាលឲ្យមានការតាំងទីលំនៅថ្មីរបស់ប្រជាជនប៉ាឡេស្ទីន។សារព័ត៌មាន The Times of Israel បានរាយការណ៍ថា លោក Smotrich បានថ្លែងប្រាប់អ្នកសារព័ត៌មានកាលពីថ្ងៃចន្ទថា ដំណោះស្រាយចំពោះសង្គ្រាមគឺ «ដើម្បីលើកទឹកចិត្តដល់ការធ្វើការផ្លាស់ទីដោយស្ម័គ្រចិត្តរបស់អ្នកស្រុកហ្កាហ្សា ទៅកាន់ប្រទេសដែលនឹងយល់ព្រមទទួលយកជនភៀសខ្លួន»។

ឥទ្ធិពលរបស់អ៊ីរ៉ង់នៅសមុទ្រក្រហម បង្កើនការភ័យខ្លាចចំពោះការរំខានពាណិជ្ជកម្ម

ការបញ្ជូននាវាចម្បាំងរបស់អ៊ីរ៉ង់ ទៅកាន់សមុទ្រក្រហម គឺជាទង្វើដ៏ព្រហើនបំផុតរបស់ខ្លួន ដែលប្រឈមមុខនឹងកងកម្លាំងសហរដ្ឋអាមេរិក នៅក្នុងផ្លូវពាណិជ្ជកម្មដ៏សំខាន់ ដោយបានលើកតម្កើងក្រុមសកម្មប្រយុទ្ធហួទីដែលមីស៊ីល បានរំខានដល់ការដឹកជញ្ជូន ក្នុងរយៈពេលពីរខែកន្លងទៅនេះ។ទីក្រុងតេអេរ៉ង់ ទំនងជាមិនចង់បានការប្រឈមមុខដាក់គ្នាដោយផ្ទាល់ទេ នាវាចម្បាំងចាស់របស់ខ្លួន មិនត្រូវគ្នានឹងក្រុមការងារដែនសមុទ្រដែលដឹកនាំដោយសហរដ្ឋអាមេរិក ដែលកំពុងល្បាតដែនទឹកនៅ ប្រទេសយេម៉ែនទេ ប៉ុន្តែវាត្រូវការការព្យាករពីឥទ្ធិពលរបស់អ៊ីរ៉ង់ នៅក្នុងតំបន់ទៅកម្រិតមួយផ្សេងទៀត។ ឥទ្ធិពលនោះ កំពុងបង្កើនភាពតានតឹង បន្ទាប់ពីក្រុមហួទី បានចាប់ផ្តើមវាយប្រហារលើនាវា ដែលពួកគេអះអាងថា ធ្វើដំណើរទៅកាន់ ឬគ្រប់គ្រងដោយក្រុមហ៊ុននានា ក្នុងប្រទេសអ៊ីស្រាអែល ក្នុងគោលបំណងដើម្បីបញ្ចប់ការវាយប្រហារដោយយោធាលើតំបន់ហ្កាហ្សា។លោក Kevjn Lim អ្នកវិភាគនៅក្រុមហ៊ុន S&P Global Market Intelligence ដែលមានមូលដ្ឋាននៅទីក្រុង Tel Aviv បាននិយាយថា អ៊ីរ៉ង់បានច្រានចោលការអំពាវនាវពីមហាអំណាចលោកខាងលិច ដើម្បីដាក់សម្ពាធលើក្រុមហួទីឲ្យបញ្ចប់ការវាយប្រហាររបស់ពួកគេ នៅសមុទ្រក្រហម។ ករណីនោះ រាប់បញ្ចូលទាំងការវាយប្រហារលើនាវាដឹកកុងតឺន័រ AP Moller-Maersk A/S បន្ទាប់ពីប្រទេសដាណឺម៉ាក បាននិយាយថាខ្លួនកំពុងចូលរួមជាមួយក្រុមការងារនេះ។លោក Lim បានបន្ថែថា៖«ពួកគេមិនបង្ហាញឆន្ទៈក្នុងការបន្ថយល្បឿនទេ ដូច្នេះយើងទំនងជានឹងឃើញការកំណត់គោលដៅបន្ថែមទៀតទៅលើទ្រព្យសម្បត្តិពាណិជ្ជកម្ម និងនាវាសមុទ្រអាមេរិកតទៅទៀត។

ក្រសួងអប់រំ៖ ការតម្រូវឱ្យសិស្សប្រឡងចូលសាកលវិទ្យាល័យជាការសម្រេចរបស់គ្រឹះស្ថាននីមួយៗ

ក្នុងឆ្នាំសិក្សាថ្មី ២០២៣-២០២៤នេះ ការតម្រូវឱ្យសិស្សប្រឡងចូលសាកលវិទ្យាល័យមានវិសាលភាពកាន់តែធំ សម្រាប់កម្ពុជា។ ជាក់ស្ដែងសម្រាប់សាកលវិទ្យាល័យភូមិន្ទភ្នំពេញ ជាសាកលធំរបស់រដ្ឋ ក៏បានធ្វើកំណែទម្រង់ថ្មី ដោយតម្រូវឱ្យសិស្សគ្រប់រូប ត្រូវឆ្លងកាត់ការប្រឡងចូលជាដាច់ខាត។ ជុំវិញរឿងនេះអ្នកនាំពាក្យក្រសួងអប់រំបានលើកឡើងថា ការតម្រូវឱ្យសិស្សប្រឡងចូលសិក្សា គឺផ្អែកលើតម្រូវការ និងស្ថានភាពជាក់ស្ដែង និងជាការសម្រេចចិត្តរបស់គ្រឹះស្ថាននីមួយៗ។ ការចូលសិក្សានៅសាកលវិទ្យាល័យ នៅកម្ពុជាបច្ចុប្បន្នមានទាំងការដាក់ពាក្យសិក្សា និងមានទាំងការតម្រូវឱ្យសិស្សប្រឡងចូល។ កន្លងទៅ គឺមានវិទ្យាស្ថានជាតិបច្ចេកវិទ្យា ហៅកាត់ថាសាលា តិចណូ សាកលវិទ្យាល័យវិទ្យាសាស្ត្រសុខាភិបាល វិទ្យាស្ថានភាសាបរទេស នៃសាកលវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយនិងសារគមនាគមន៍ បានអនុវត្តគោលការណ៍ប្រឡងចូលជាយូរមកហើយ។ឈានចូលមកដល់ឆ្នាំសិក្សាថ្មី ២០២៣-២០២៤ នេះសាកលវិទ្យាល័យភូមិន្ទភ្នំពេញ ជាសាកលវិទ្យាល័យដ៏ធំរបស់រដ្ឋ បានធ្វើកំណែទម្រង់ ដោយតម្រូវឱ្យសិស្សគ្រប់មុខជំនាញ ត្រូវប្រឡងចូលសិក្សាជាដាច់ខាត ពុំអាចបង់ថ្លៃសិក្សាដូចពីមុននោះទេ។ នេះជាកំណែទម្រង់ធំមួយ ជាក់ស្ដែងសិស្សជាង ១ម៉ឺននាក់ បានចូលរួមប្រឡងដើម្បីសិក្សានៅសាកលវិទ្យាល័យភូមិន្ទភ្នំពេញក្នុងឆ្នាំសិក្សាថ្មីនេះ។ពាក់ព័ន្ធនឹងការប្រឡងចូលសិក្សានៅតាមសាកលវិទ្យាល័យនេះ លោកស្រី ឃួន វិច្ឆិកា អ្នកនាំពាក្យក្រសួងអប់រំបានលើកឡើងថា ការតម្រូវឱ្យសិស្សប្រឡងចូលនេះ គឺជាការសម្រេចចិត្តរបស់គ្រឹះស្ថាននីមួយៗ ដោយផ្អែកលើតម្រូវការ និងស្ថានភាពជាក់ស្ដែង។ ពិសេសគឺធានាគុណភាពអប់រំ ក៏ដូចជាគុណភាពក្រោយបញ្ចប់ការសិក្សាសម្រាប់តម្រូវការទីផ្សារ។ អ្នកនាំពាក្យបន្ថែមថា ការតម្រូវឱ្យសិស្សប្រឡងចូលនេះ ក៏ជានីតិវិធីបន្ថែម ក្នុងការពិនិត្យមើលលទ្ធភាពបេក្ខជនដែលមានលក្ខណៈសម្បត្តិប្រសើរជាងគេ ក្នុងការសិក្សាលើមុខជំនាញជាក់លាក់នោះ។សូមជម្រាបថា សម្រាប់សាកលវិទ្យាល័យភូមិន្ទភ្នំពេញ ដែលបានផ្លាស់ប្ដូរឱ្យមានការប្រឡងចូលគ្រប់មុខជំនាញនេះ គឺធ្វើឡើងក្រោមហេតុផលសំខាន់ពីរ គឺទី១ដើម្បីជ្រើសរើសសិស្សពូកែ មានសមត្ថភាពអាចបន្តការសិក្សាដោយមិនបោះបង់ពាក់កណ្ដាលទី និងទី ២ គឺដោយសារការខ្វះបន្ទប់សិក្សាជាដើម។ នេះជាការលើកឡើងរបស់ សាកលវិទ្យាធិការនាពេលកន្លងមក៕ អត្ថបទ៖ គឹមហុក

ឆ្នាំ២០២៣ កម្ពុជាទទួលជើងហោះហើរអន្តរជាតិងើបឡើងវិញជិត ៥០ភាគរយ

រដ្ឋលេខាធិការដ្ឋានអាកាសចរណ៍ស៊ីវិល បានឱ្យដឹងថា នៅក្នុងឆ្នាំ២០២៣ កម្ពុជា មានកំណើនជើងហោះហើរអន្តរជាតិងើបឡើងវិញបានប្រមាណ ៥០% បើប្រៀបធៀបចំនួនជើងហោះហើរដឹកអ្នកដំណើរអន្តរជាតិសរុប នៅឆ្នាំ២០១៩ មុនពេលមិនទាន់មានវិបត្តិកូវីដ១៩។ឯកឧត្តម ស៊ីន ចាន់សិរីវុត្ថា អនុរដ្ឋលេខាធិការ និងអ្នកនាំពាក្យរដ្ឋលេខាធិការដ្ឋានអាកាសចរណ៍ស៊ីវិល បានថ្លែងប្រាប់ BTV នៅថ្ងៃទី៣ ខែមករា ឆ្នាំ២០២៤នេះថា កំណើនជើងហោះហើរ ចាប់ពីក្រោយវិបត្តិកូវីដ១៩នេះពីមួយខែទៅមួយខែ គឺមានកំណើនការហោះហើរក្នុងរង្វង់ ៥% និងចំនួនអ្នកដំណើរគឺមានកំណើនប្រមាណជាង ១០% ហើយកំណើនជើងហោះហើរ ឆ្នាំ២០២៣ កើន៤៥% ប្រៀបធៀបឆ្នាំ២០២២។ ឯកឧត្តម បានបញ្ជាក់ថា នៅក្នុងឆ្នាំ២០២៣នេះ គឺមានក្រុមហ៊ុនអាកាសចរណអន្តរជាតិ បើកជើងហោះហើរពីបណ្តាប្រទេសនានា មកកាន់រាជធានីភ្នំពេញគឺមានកំណើនប្រមាណ៨៧% ក្នុងនោះមានក្រុមហ៊ុនបើកជើងហោះហើរចំនួន២៨ក្រុមហ៊ុន មានកំណើនជើងហោះហើរក្នុងមួយថ្ងៃមួយៗមានរង្វង់១២០ជើង និងមានអ្នកដំណើរអន្តរប្រមាណ ១៤០០នាក់ ខណៈឆ្នាំ២០១៩ គឺមានចំនួនហោះហើរប្រមាណ២៧០ជើង និងមានអ្នកដំណើរប្រមាណ១៦០០នាក់ក្នុងមួយថ្ងៃ។ដោយឡែកសម្រាប់អាកាសយន្តដ្ឋានអន្តរជាតិខេត្តសៀមរាប ដែលទើបនឹងចាប់ផ្តើមបើកដំណើរការនៅពេលថ្មីនេះ នៅក្នុងឆ្នាំ២០២៣ គឺចំនួនជើងហោះហើរបានងើបឡើងវិញបានប្រមាណជាង៤០% ក្នុងនោះមានក្រុមហ៊ុន បើកជើងហោះហើរចំនួន១០ក្រុមហ៊ុន មានជើងហោះហើរសរុបជិត៥០ជើងក្នុងមួយថ្ងៃៗ និងមានអ្នកដំណើរប្រមាណ៤៥០០នាក់ក្នុងមួយថ្ងៃៗ ខណៈកាលពីឆ្នាំ២០១៩ គឺមានក្រុមហ៊ុនបើកជើងហោះហើរចំនួន៤០ក្រុមហ៊ុន មានជើងហោះហើរចំនួន១០០ជើង និងមានអ្នកដំណើរប្រមាណជាង១០០០០នាក់ក្នុងមួយថ្ងៃ។ ឯកឧត្តម ស៊ីន ចាន់សិរីវុត្ថា បន្តថា ដោយឡែកសម្រាប់តែអាកាសយានដ្ឋានអន្តរជាតិកងកេង នៅខេត្តព្រះសីហនុ គឺបានងើបឡើងវិញបានប្រមាណតែរង្វង់២ជើងក្នុងមួយថ្ងៃៗ៕ អត្ថបទ៖ ស៊ុម សុខជា

សម្ដេចធិបតី៖ រាជរដ្ឋាភិបាលបន្តយកចិត្តទុកដាក់ខ្ពស់លើវិស័យទឹក ពិសេសទឹកស្អាតជូនពលរដ្ឋប្រើប្រាស់បានគ្រប់គ្រាន់តាមតម្រូវការ

ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានមានប្រសាសន៍ថា ទឹកស្អាត គឺជាប្រភពនៃសុខុមាលភាព និងសេចក្តីត្រូវការជាចាំបាច់របស់ប្រជាពលរដ្ឋ ដើម្បីជា ផ្នែកមួយទ្រទ្រង់ដល់សុខភាព និងប្រព័ន្ធភាពស៊ាំ ហើយរាជរដ្ឋាភិបាល នីតិកាលទី៧ បានបន្តយកចិត្តទុកដាក់ខ្ពស់លើវិស័យទឹក ពិសេសទឹកស្អាត ជូនដល់ប្រជាពលរដ្ឋកម្ពុជាប្រើប្រាស់បានគ្រប់គ្រាន់តាមតម្រូវការ។ សម្ដេចថ្លែងថា ទឹក គឺជាអាទិភាពគន្លឹះទី៣ នៃយុទ្ធសាស្ត្របញ្ចកោណ-ដំណាក់កាលទី១ ក្នុងចំណោមអាទិភាពគន្លឹះទាំង៥ មាន "មនុស្ស ផ្លូវ ទឹក ភ្លើង និងបច្ចេកវិទ្យា" ដោយនៅក្នុងបញ្ចកោណទី២ មានកិច្ចការអាទិភាពចំនួន ៥ ហើយការលើកកម្ពស់ការតភ្ជាប់ និងបង្កើនប្រសិទ្ធភាពវិស័យទឹកស្អាត គឺជាកិច្ចការអាទិភាពទី២ នៃបញ្ចកោណទី២ របស់រាជរដ្ឋាភិបាល នីតិកាលទី៧ ដែលមានគោលដៅផ្តោតលើការបន្តកសាង ពង្រឹងមូលដ្ឋានគ្រឹះ និងបុរេលក្ខខណ្ឌគន្លឹះៗ សម្រាប់បង្កើនផលិតភាព តាមរយៈការបង្កើនប្រសិទ្ធភាពហេដ្ឋារចនាសម្ព័ន្ធគាំទ្រ និងការកសាងហេដ្ឋារចនាសម្ព័ន្ធថ្មីៗ។ សូមជម្រាបថា កាលពីថ្ងៃទី២៨ ខែធ្នូ ឆ្នាំ២០២៣ សមិទ្ធផលថ្មីសន្លាងមួយក្នុងទឹកដីខេត្តពោធិ៍សាត់ ត្រូវបានដាក់សម្ពោធឱ្យប្រើប្រាស់ជាផ្លូវការ គឺរោងចក្រផលិតទឹកស្អាតកម្ពុជា-ជប៉ុន ក្រុងពោធិ៍សាត់ ដើម្បីដោះស្រាយកំណើននៃតម្រូវការទឹកស្អាត និងលើកកម្ពស់ហេដ្ឋារចនាសម្ព័ន្ធទឹកស្អាតនៅក្នុងខេត្តពោធិ៍សាត់ ក្រោមគម្រោងជំនួយឥតសំណងរបស់រដ្ឋាភិបាលជប៉ុន តាមរយៈទីភ្នាក់ងារ JICA។ រោងចក្រនេះ មានសមត្ថភាពផលិតបានចំនួន ៦ ៦០០ម៉ែត្រគូប/ថ្ងៃ និងអាចជំរុញសមត្ថភាពផលិតទឹកស្អាតរបស់រដ្ឋាករទឹកពោធិ៍សាត់ដល់ ១៣ ៨៦០ម៉ែត្រគូប/ថ្ងៃ។ ការណ៍នេះ នឹងបន្តពង្រឹងការចែកចាយទឹកស្អាត ប្រកបដោយគុណភាព សុវត្ថិភាព និរន្តរភាព និងតម្លៃសមរម្យដល់ប្រជាពលរដ្ឋជាង ១៥ ០០០គ្រួសារ នៅក្នុងក្រុងពោធិ៍សាត់ និងផ្នែកខ្លះនៃស្រុកបាកាន និងស្រុកកណ្តៀង៕

លោកណេតាន់យ៉ាហ៊ូ កំពុងរងសម្ពាធដ៏ខ្លាំងការពីសង្រ្គាម នយោបាយ និងថវិកា

នៅពេលដែលតុលាការកំពូលរបស់អ៊ីស្រាអែលកាលពីល្ងាចថ្ងៃចន្ទ បានប្រកាសច្បាប់កែប្រែប្រព័ន្ធតុលាការរបស់លោកនាយករដ្ឋមន្ត្រី បេនចាមីន ណេតាន់យ៉ាហ៊ូ (Benjamin Netanyahu)ថា ខុសច្បាប់និងមិនអាចអនុវត្តបានទេ គណបក្ស Likud របស់ខ្លួន បានរិះគន់ប្រព័ន្ធយុត្តិធម៌ចំពោះការសម្រេច ក្នុងអំឡុងសង្គ្រាមលើក្រុមហាម៉ាស នៅពេលដែលឯកភាពជាតិ គឺសំខាន់បំផុតនោះ។ប៉ុន្តែការឆ្លើយតបទៅនឹងការរិះគន់នោះ បានបង្ហាញថា វាគឺជាការកែប្រែច្បាប់ដែលនាំឲ្យមានការបែកបាក់គ្នា និងសង្គ្រាម ដែលចំនួនអ្នករិះគន់ កំពុងកើនឡើង។ ដូចដែលអ្នកនាំពាក្យយោធាលោក Daniel Hagari បាននិយាយថា អ៊ីស្រាអែល ត្រូវបានបែងចែក និងចុះខ្សោយចំពោះផែនការរបស់តុលាការ ប្រហែលជា បានដើរតួ ក្នុងការសម្រេចចិត្តរបស់ក្រុមហាម៉ាសក្នុងការវាយប្រហារ នៅក្នុងខែតុលា។សំឡេងជាច្រើនដែលទាញយកប្រយោជន៍ពីការទំនាក់ទំនងរវាងសង្រ្គាម និងការប៉ុនប៉ងដ៏មានប្រជានិយម ដើម្បីធ្វើឲ្យប្រព័ន្ធតុលាការចុះខ្សោយ ឆ្លុះបញ្ចាំងពីសម្ពាធកាន់តែកើនឡើងនិងតឹងតែងទៅលើលោក ណេតាន់យ៉ាហ៊ូទាំងផ្នែកយោធា ការទូត ថវិកា និងតុលាការ នៅពេលដែលលោកចាប់ផ្តើមឆ្នាំទីពីររបស់ខ្លួនដឹកនាំរដ្ឋាភិបាលចម្រុះស្តាំនិយម និងសាសនា ក្នុងប្រវត្តិសាស្ត្រអ៊ីស្រាអែល។សំណួរថាតើរដ្ឋាភិបាលរបស់លោក នឹងអាចបន្តឋិតថេរ នៅក្នុងឆ្នាំ២០២៤ដែរឬទេនោះ គឺជាប្រធានបទថ្មីនៃការជជែកដេញដោល ដែលឥឡូវនេះ នឹងបង្ហាញពីការមិនយកចិត្តទុកដាក់ទៅលើស្ថានភាពនៃជម្លោះប្រដាប់អាវុធដ៏អាក្រក់បំផុតរបស់អ៊ីស្រាអែល ក្នុងរយៈពេលកន្លះសតវត្សរ៍។លោក Amichai Cohen សមាជិកជាន់ខ្ពស់នៅវិទ្យាស្ថានប្រជាធិបតេយ្យអ៊ីស្រាអែល ដែលជាវិទ្យាស្ថានស្រាវជ្រាវសេរី បាននិយាយថា៖«មានភាពមិនស៊ីសង្វាក់គ្នាពិតប្រាកដរវាងការគ្រប់គ្រងរបស់លោកក្នុងសភា និងការមិនទុកចិត្តយ៉ាងខ្លាំងពីសំណាក់សាធារណជន ហើយវា គឺជាភាពច្របូកច្របល់ ដែលខ្ញុំមិនគិតថា អាចបន្តបានទៅទៀតបានទេ»។

បណ្ដាញសង្គម

ព័ត៌មានថ្មីៗ

អង្គភាពប្រឆាំងអំពើពុករលួយបានបញ្ជូនសំណុំរឿង៤ករណីនៃឃុំព្រែកខ្សាច់ទៅសាលាដំបូងរាជធានីភ្នំពេញ

ក្រសួងការងារ និងសេវាកម្មវាយតម្លៃសកល AQA នៃចក្រភពអង់គ្លេស ចុះ MoU ពង្រឹងភាពជាដៃគូអភិវឌ្ឍជំនាញ និងការពង្រឹងគុណភាព TVET ដើម្បីលើកកម្ពស់ជំនាញកម្លាំងពលកម្មស្របតាមតម្រូវការឧស្សាហកម្ម និងបច្ចេកវិទ្យា

នេប៉ាល់ផ្អាកប្រតិបត្តិការស្វែងរក បន្ទាប់ពីមនុស្ស ១៦នាក់ បានប៉ើងទៅតាមបំណាក់ទឹកកក

ម្ចាស់សហគ្រាសផលិតសំបកវេចខ្ចប់ និងអ្នកវេចខ្ចប់ផលិតផល បានកំពុងរួមគ្នាបង្កើត និងគាំទ្រផលិតផលជាតិ

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញចូលរួមពិធីចម្រើនព្រះបរិត្ត និងដាក់បិណ្ឌវេនទី៤ នៅវត្តឧណ្ណាលោម

កងកម្លាំងអាមេរិកចាកចេញពីអ៊ីរ៉ាក់ ក្រោយរយៈពេល ២ទសវត្សរ៍ ដោយបើកផ្លូវឱ្យអ៊ីរ៉ង់បង្កើនឥទ្ធិពល

ទ្រព្យសកម្មក្នុងវិស័យ អ.ស.ហ. កើនដល់ជាង ៩ ប៊ីលានដុល្លារ និងបានបង្កើតការងារ ១៦ ពាន់កន្លែង

អ៊ីរ៉ង់គំរាមវាយប្រហារហេដ្ឋារចនាសម្ព័ន្ធ ក្នុងតំបន់ ប្រសិនបើសន្តិសុខរបស់ខ្លួន មិនត្រូវបានធានា

សារព័ត៌មានរដ្ឋ៖ ការវាយប្រហារលើបំពង់បង្ហូរឧស្ម័ននៅភាគខាងកើតស៊ីរី បានធ្វើឲ្យការផ្គត់ផ្គង់ឧស្ម័នត្រូវផ្អាក

បេសកជនរុស្ស៊ី៖ អាល្លឺម៉ង់ និងសហភាពអឹរ៉ុប មិនមានតួនាទីក្នុងកិច្ចចរចាអំពីអ៊ុយក្រែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

កោះតៃវ៉ាន់ គឺជាការគំរាមកំហែងដល់ប្រធានាធិបតីចិន លោក Xi Jinping

ឆ្នាំ២០២៣ កម្ពុជានាំចេញម្រេចបានជាង ៦ពាន់តោន

សហរដ្ឋអាមេរិក បានស្តីបន្ទោសការអធិប្បាយដែលមិនទទួលខុសត្រូវរបស់រដ្ឋមន្ត្រីអ៊ីស្រាអែល

ឥទ្ធិពលរបស់អ៊ីរ៉ង់នៅសមុទ្រក្រហម បង្កើនការភ័យខ្លាចចំពោះការរំខានពាណិជ្ជកម្ម

ក្រសួងអប់រំ៖ ការតម្រូវឱ្យសិស្សប្រឡងចូលសាកលវិទ្យាល័យជាការសម្រេចរបស់គ្រឹះស្ថាននីមួយៗ

ឆ្នាំ២០២៣ កម្ពុជាទទួលជើងហោះហើរអន្តរជាតិងើបឡើងវិញជិត ៥០ភាគរយ

លោកណេតាន់យ៉ាហ៊ូ កំពុងរងសម្ពាធដ៏ខ្លាំងការពីសង្រ្គាម នយោបាយ និងថវិកា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

កោះតៃវ៉ាន់ គឺជាការគំរាមកំហែងដល់ប្រធានាធិបតីចិន លោក Xi Jinping

ឆ្នាំ២០២៣ កម្ពុជានាំចេញម្រេចបានជាង ៦ពាន់តោន

សហរដ្ឋអាមេរិក បានស្តីបន្ទោសការអធិប្បាយដែលមិនទទួលខុសត្រូវរបស់រដ្ឋមន្ត្រីអ៊ីស្រាអែល

ឥទ្ធិពលរបស់អ៊ីរ៉ង់នៅសមុទ្រក្រហម បង្កើនការភ័យខ្លាចចំពោះការរំខានពាណិជ្ជកម្ម

ក្រសួងអប់រំ៖ ការតម្រូវឱ្យសិស្សប្រឡងចូលសាកលវិទ្យាល័យជាការសម្រេច​របស់គ្រឹះស្ថាននីមួយៗ

ឆ្នាំ២០២៣ កម្ពុជាទទួលជើងហោះហើរអន្តរជាតិងើបឡើងវិញជិត ៥០ភាគរយ

លោកណេតាន់យ៉ាហ៊ូ កំពុងរងសម្ពាធដ៏ខ្លាំងការពីសង្រ្គាម នយោបាយ និងថវិកា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ក្រសួងអប់រំ៖ ការតម្រូវឱ្យសិស្សប្រឡងចូលសាកលវិទ្យាល័យជាការសម្រេចរបស់គ្រឹះស្ថាននីមួយៗ