នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេច​តេជោចាត់ទុកពាក្យស្លោក «បរាជ័យក្នុងសាលាប្រសើរជាងបរាជ័យក្នុងជីវិត» របស់សម្ដេច​ធិបតី​មានតម្លៃ​មិនសាបសូន្យ
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម

នយោបាយ​ និង ការអភិវឌ្ឍន៍

លោកបៃដិន៖ ការផ្អាកប្រយុទ្ធរបស់អ៊ីស្រាអែល ជាជំហានក្នុងទិសដៅត្រឹមត្រូវ

2023/11/10 07:04:10 pm        168
Facebook Telegram Linkin
ប្រធានាធិបតីអាមេរិក លោក ចូ បៃដិន បាននិយាយកាលពីថ្ងៃព្រហស្បតិ៍ (0៩ វិច្ឆិកា) ថា អ៊ីស្រាអែលបានយល់ព្រមលើ «ការផ្អាកប្រយុទ្ធ» ដើម្បីបុព្វហេតុមនុស្សធម៌ ក្នុងការវាយលុករបស់ខ្លួនលើក្រុមហាម៉ាស នៅតំបន់ហ្កាហ្សា បន្ទាប់ពីការដាក់សម្ពាធពីសហរដ្ឋអាមេរិក។ លោក បៃដិន បាននិយាយថា ការសម្រេចផ្អាកប្រយុទ្ធរបស់អ៊ីស្រាអែល គឺជា «ជំហានក្នុងទិសដៅត្រឹមត្រូវ» ដែលនឹងជួយជនស៊ីវិលរត់ចេញពីការប្រយុទ្ធ និងទទួលបានជំនួយបន្ថែមទៀតទៅកាន់តំបន់ដែលរងគ្រោះ។សេតវិមានបាននិយាយថា នឹងមានការផ្អាកប្រយុទ្ធជារៀងរាល់ថ្ងៃរយៈពេល ៤ម៉ោងនៅភាគខាងជើងតំបន់ហ្កាហ្សា ជាមួយនឹងការព្រមានដែលបានផ្តល់ឱ្យក្នុងរយៈពេលបីម៉ោងជាមុន។ លោក បៃដិន បាននឹងកំពុងជំរុញនាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ (Benjamin Netanyahu) ឱ្យផ្អាកការប្រយុទ្ធយូរជាងនេះ បន្ទាប់ពីសង្រ្គាមជាងមួយខែ ដែលបង្កឡើងដោយការវាយប្រហារកាលពីថ្ងៃទី៧ ខែតុលា ដោយក្រុមហាម៉ាស។ដោយបានប្តេជ្ញាកម្ទេចក្រុមហាម៉ាស ឲ្យបាត់ពីផែនដី អ៊ីស្រាអែលបានសងសឹកជាមួយនឹងការទម្លាក់គ្រាប់បែកពីលើអាកាស និងការវាយលុកថ្មើរជើង ដែលក្រសួងសុខាភិបាលនៅតំបន់ហ្កាហ្សា ស្ទ្រីប គ្រប់គ្រងដោយក្រុមហាម៉ាស បាននិយាយថា បានសម្លាប់មនុស្សជាង ១០.៨០០នាក់ ដែលភាគច្រើនជាកុមារ។ អង្គការសហប្រជាជាតិបានប៉ាន់ប្រមាណថា ប្រជាជនប្រហែល ១,៥លាននាក់ កំពុងស្វែងរកជម្រកសុវត្ថិភាពគេចពីជម្លោះនៅភាគខាងត្បូងតំបន់ហ្កាហ្សា ផងដែរ៕

ឧត្តមនាវីឯក ទៀ សុខា៖ ក្រៅពីចូលរួមការពារបូរណភាពទឹកដីកងទ័ពជើងទឹក បានចូលរួមសកម្មភាពមនុស្សធម៌ជាច្រើន ដើម្បីប្រជាជន

2023/11/10 06:38:32 pm        239
Facebook Telegram Linkin
ឧត្តមនាវីឯក ទៀ សុខា មេបញ្ជាការរងកងទ័ពជើងទឹក និងជាអគ្គលេខាធិការរង នៃគណៈកម្មាធិការ​ជាតិសន្តិសុខលម្ហសមុទ្រ ​បានថ្លែងថា ក្នុងរយៈពេលកន្លងមកក្រៅ​ពីកិច្ចការពារជាតិ បូរណភាព​ទឹកដី និងដែន ទឹកកម្ពុជា បញ្ជាការដ្ឋានកងទ័ពជើងទឹកបានចូលរួមសកម្មភាពមនុស្សធម៌​ជាច្រើន​សម្រាប់បងប្អូនប្រជាពលរដ្ឋដោយពុំមានការរុញរានោះឡើយ។ថ្លែងប្រាប់ទូរទស្សន៍ BTVតាមរយៈតេលេក្រាម ទាក់ទងនឹងខួប៧០ឆ្នាំនៃការបង្កើតកងយោធពល​ខេមរភូមិន្ទ​ឧត្តមនាវីឯក ទៀ សុខា បានបញ្ជាក់ថា កងទ័ពជើងទឹកបានចូលរួមកិច្ចការងារជាច្រើន​ជាមួយ​រាជរដ្ឋាភិបាល ​ដូចជាការចូលរួមជួយសង្រ្គោះគ្រោះមហន្តរាយ ដូចជាគ្រោះទឹកជំនន់ គ្រោះរាំងស្ងួត ​គ្រោះអគ្គិភ័យ ​រួមទាំងកិច្ចការមនុស្សធម៌ផ្សេងទៀត ដូចជាការចូលរួមជាមួយក្រុម​គ្រូពេទ្យស្ម័គ្រចិត្តប្រយុទ្ធប្រឆាំងជំងឺកូវីដ១៩ និងផ្តល់ជំនួយមនុស្សធម៌ដល់ពលរដ្ឋ​រងគ្រោះថ្នាក់ជាយថាហេតុណាមួយ ការចូលរួមជួយមន្ទីរពេទ្យគន្ធបុប្ផា ​កាកបាទក្រហមជាដើម។ឯកឧត្តម បានបន្ថែមទៀតថា សម្រាប់ដែនទឹក កងទ័ពជើងទឹកដើរល្បាតគ្រប់ពេលវេលា តាម​បណ្តាព្រំដែនទឹក ទប់ស្កាត់រាល់បទល្មើសផ្សេងៗដែលកើតឡើងនូវលើលំហរសមុទ្រ ការពារ​ធនធានធម្មជាតិនៅបាតសមុទ្រ និងការពារអណ្តូងប្រេងកាតនៅប្លុកអេ រួមទាំងសហការ​ជាមួយប្រទេសជាមិត្តដើម្បីហ្វឹកហាត់ ​និងបណ្តុះបណ្តាលលើជំនាញផ្សេងទៀតផងដែរ។ជាមួយគ្នានោះដែរឧត្តមនាវីឯក ទៀ សុខា ក៏បានប្រកាសជាថ្មីម្តងទៀតផងដែរថា ​ក្នុងនាមបញ្ជា ការដ្ឋាន​កងទ័ពជើងទឹកសូមប្រកាសគាំទ្រ ​និងការពាររាជរដ្ឋាភិបាលស្របច្បាប់ ការពារ​អង្គព្រះមហាក្សត្រ,ការពាររដ្ឋធម្មនុញ្ញ, និងប្រកាសប្រឆាំង ​និង​ទប់ស្កាត់គ្រប់​កាលៈទេសៈទាំងអស់​ចំពោះក្រុមណា ឬបុគ្គលណា​ដែលមាន​ចេតនា​ធ្វើ​បដិវត្ត ពណ៌ ការប៉ុនប៉ងធ្វើបំផ្លាញនូវសុខសន្តិភាព និង​ភាពសុខសាន្តរបស់ ប្រជាពលរដ្ឋដែលកំពុងកើតមានសព្វថ្ងៃនេះផងដែរ៕អត្ថបទ បាន ចក់

សម្ដេចធិបតី ហ៊ុន ម៉ាណែត ជំរុញឱ្យរៀបចំស្ថាប័នស្រាវជ្រាវយុទ្ធសាស្រ្ដយោធា

2023/11/10 06:31:46 pm        130
Facebook Telegram Linkin
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានជំរុញឱ្យក្រសួង​ការពារជាតិ បង្កើតស្ថាប័នមួយសម្រាប់យោធាក្នុងការស្រាវជ្រាវយុទ្ធសាស្រ្ដ​យោធានានា​ហើយ​ការធ្វើការស្រាវជ្រាវយុទ្ធសាស្រ្តនេះដោយធ្វើយ៉ាងណាឱ្យសមស្របទៅនឹងកងទ័ពរបស់កម្ពុជា។ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា មានប្រសាសន៍ក្នុងឱកាស អញ្ជើញជាអធិបតីក្នុងពិធីអបអរសាទរខួបអនុស្សាវរីយ៍លើកទី២៨ ថ្ងៃបង្កើតបញ្ជាការដ្ឋានទ័ពពិសេស នៅព្រឹកថ្ងៃទី១០ ខែវិច្ឆិកា ឆ្នាំ២០២៣នេះថា សន្ដិភាព និងការបង្រួបបង្រួមជាតិ គឺរកបានដោយលំបាកបំផុត ដែលសមិទ្ធផលទាំងនេះ បានកើតចេញពីការ​លះបង់នូវសាច់ស្រស់ឈាមស្រស់របស់យោធិនជំនាន់មុនរបស់កម្ពុជា។ ដូច្នេះសម្ដេចនាយករដ្ឋមន្រ្ដីបានជំរុញឱ្យក្រសួងការពារជាតិ ត្រូវរៀបចំបង្កើតស្ថាប័នមួយសម្រាប់​យោធាក្នុងការស្រាវជ្រាវយុទ្ធសាស្រ្ដយោធានានា ដើម្បីធ្វើយ៉ាងណាឱ្យសមស្របទៅនឹង​គោលនយោបាយ​កងទ័ពរបស់កម្ពុជា។ សម្តេចធិបតី ហ៊ុន ម៉ាណែត ក៏បានជំរុញយោធាត្រូវពង្រឹងដល់សាលានាយទាហាន តាមគោល​នយោបាយ ឯករាជ្យ និងប្រទាក់ក្រឡា ដើម្បីដំឡើងកម្រិតលើការបណ្ដុះបណ្ដាល​នាយទាហាន។ ចំណែកសាកលវិទ្យាល័យការពារជាតិត្រូវផ្តោតលើការពង្រឹងយុទ្ធសាស្រ្តស្រាវជ្រាវ និង​កិច្ចការងារការពារជាតិនេះបន្ថែមតៀត៕អត្ថបទ៖វ៉ន ដារ៉ា

រដ្ឋមន្ត្រីក្រសួងរតនាគារអាមេរិក ចង់ឱ្យមានការពិភាក្សាលក្ខណៈបើកចំហ និងជាក់លាក់ ជាមួយឧបនាយករដ្ឋមន្ត្រីចិន

2023/11/10 06:23:52 pm        121
Facebook Telegram Linkin
រដ្ឋមន្ត្រីក្រសួងរតនាគារសហរដ្ឋអាមេរិក លោកស្រី Janet Yellen កាលពីថ្ងៃព្រហស្បតិ៍ (០៩ វិច្ឆិកា) បានប្រាប់ឧបនាយករដ្ឋមន្ត្រីចិន លោក ហឺ លីហឹ្វង (He Lifeng) ថាលោកស្រីចង់ឱ្យមានការពិភាក្សាលក្ខណៈ «បើកចំហ និងជាក់លាក់» ស្តីពីទំនាក់ទំនងសេដ្ឋកិច្ចអាមេរិក និងចិន ការអនុវត្តឧបត្ថម្ភធនរបស់ទីក្រុងប៉េកាំង និងបញ្ហាប្រឈមជាសកល ដូចជាបម្រែបម្រួលអាកាសធាតុ និងការសម្រាលបន្ទុកបំណុលជាដើម។នៅក្នុងសុន្ទរកថា ដែលបានរៀបចំនៅពេលចាប់ផ្តើមនៃកិច្ចប្រជុំទ្វេភាគីរយៈពេលពីរថ្ងៃ នៅទីក្រុងសាន់ហ្វ្រាន់ស៊ីស្កូ របស់សហរដ្ឋអាមេរិក មុនកិច្ចប្រជុំកំពូលនៃបណ្ដាមេដឹកនាំប្រទេស នៃកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APEC) លោកស្រី Yellen បាននិយាយថា លោកស្រីបានប្រឹងប្រែងក្នុងរយៈពេលប៉ុន្មានខែថ្មីៗនេះដើម្បីបង្កើតកិច្ចសន្ទនាសេដ្ឋកិច្ចជាមួយសមភាគីចិន។លោកស្រី Yellen បាននិយាយថា សហរដ្ឋអាមេរិក ចង់បានទំនាក់ទំនងសេដ្ឋកិច្ចល្អជាមួយប្រទេសចិន ដែលផ្តល់ផលប្រយោជន៍ដល់ប្រទេសទាំងពីរក្នុងរយៈពេលវែង ហើយនឹងលើកឡើងពីការព្រួយបារម្ភអំពីគោលនយោបាយរបស់ចិន ដែលហាមឃាត់ការប្រកួតប្រជែងដោយយុត្តិធម៌។ទន្ទឹមនឹងនេះ លោកឧបនាយករដ្ឋមន្ត្រី ហឺ បាននិយាយថា លោកនឹងលើកឡើងពីការព្រួយបារម្ភរបស់ប្រទេសចិន អំពីទំនាក់ទំនងសេដ្ឋកិច្ច និងការវិនិយោគជាមួយសហរដ្ឋអាមេរិក ក្នុងអំឡុងពេលពិភាក្សារបស់លោកជាមួយលោកស្រី Yellen ។ លោកបានបន្ថែមថា ប្រទេសចិនក៏កំពុងស្វែងរកវិធានការប្រកបដោយប្រសិទ្ធភាពផងដែរ ដើម្បីជំរុញទំនាក់ទំនងសេដ្ឋកិច្ច និងពាណិជ្ជកម្មរបស់ប្រទេសទាំងពីរឱ្យដំណើរការល្អឡើងវិញ៕

ទំនាក់ទំនងប្រេស៊ីល និងអ៊ីស្រាអែល មានភាពល្អក់កករ ជុំវិញបញ្ហាក្រុមឧទ្ទាមហេសបូឡា

2023/11/10 06:20:39 pm        152
Facebook Telegram Linkin
សេចក្តីថ្លែងការណ៍មិនធម្មតាមួយរបស់ទីភ្នាក់ងារចារកម្មអ៊ីស្រាអែល ម៉ូសាដ (Mossad) ដែលនិយាយថា ខ្លួនបានជួយរារាំងការវាយប្រហាររបស់ក្រុមឧទ្ទាមហេសបូឡា នៅក្នុងប្រទេសប្រេស៊ីល គឺជាឧបទ្ទវហេតុចុងក្រោយបំផុតក្នុងការបង្កើតភាពតានតឹងនៅក្នុងទំនាក់ទំនងរវាងប្រទេសអ៊ីស្រាអែល និងប្រទេសដ៏ធំបំផុតរបស់អាមេរិកឡាទីនមួយនេះ ប្រឆាំងនឹងរឿងរ៉ាវពីក្រោយសង្រ្គាមហ្កាហ្សា។កាលពីថ្ងៃពុធ ប្រទេសប្រេស៊ីលបានចាប់ខ្លួនមនុស្សពីរនាក់ដោយបទចោទប្រកាន់ពីបទភេរវកម្ម ជាផ្នែកមួយនៃប្រតិបត្តិការដើម្បីកម្ចាត់ក្រុមសកម្មប្រយុទ្ធហេសបូឡា ដែលគេសង្ស័យថាមានគម្រោងវាយប្រហារលើទឹកដីប្រេស៊ីល។ ក្រោយមកនៅថ្ងៃដដែលនោះ ទីភ្នាក់ងារ ម៉ូសាដ បានថ្លែងអំណរគុណជាសាធារណៈដល់នគរបាលរបស់ប្រទេសប្រេស៊ីល ហើយបាននិយាយថា «ដោយសាររឿងរ៉ាវពីក្រោយនៃសង្គ្រាមនៅតំបន់ហ្កាហ្សា» ក្រុមហេសបូឡា កំពុងបន្តវាយប្រហាររបស់អ៊ីស្រាអែល ដាក់គោលដៅលើជនជាតិជ្វីហ្វ និងលោកខាងលិចជាដើម។ការអត្ថាធិប្បាយរបស់ទីភ្នាក់ងារ ម៉ូសាដ បានធ្វើឱ្យរដ្ឋមន្ត្រីយុត្តិធម៌ប្រេស៊ីល លោក ហ្វ្លាវីអូ ឌីណូ (Flavio Dino) ខឹងសម្បារយ៉ាងខ្លាំង ដែលកាលពីថ្ងៃព្រហស្បតិ៍ (០៩ វិច្ឆិកា) លោកបាននិយាយនៅលើប្រព័ន្ធផ្សព្វផ្សាយសង្គមថា «ប្រេស៊ីលជាប្រទេសមានអធិបតេយ្យភាព» និង «មិនមានបទបញ្ជាពីកងកម្លាំងបរទេសនានាជុំវិញនគរបាលសហព័ន្ធប្រេស៊ីល នោះទេ»។លោកឌីណូ មិនបានបដិសេធយ៉ាងច្បាស់ពីព័ត៌មានលម្អិតណាមួយក្នុងសេចក្តីថ្លែងការណ៍របស់អ៊ីស្រាអែល នោះទេ ប៉ុន្តែហាក់ដូចជាខឹងសម្បារកាន់តែខ្លាំងឡើងចំពោះការដែលខ្លួនត្រូវបានទាញចូលទៅពាក់ព័ន្ធក្នុងសង្រ្គាមបច្ចុប្បន្ននៅហ្កាហ្សា៕

សម្ដេចធិបតី៖ អាណត្តិទី៧នេះ នឹងផ្តោតសំខាន់លើការធ្វើទំនើបកម្មទ័ពពិសេស

2023/11/10 05:52:15 pm        129
Facebook Telegram Linkin
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានមានប្រសសន៍ថា រាជរដ្ឋាភិបាលនីកាលទី៧នេះនឹងផ្តោតសំខាន់លើការធ្វើទំនើបកម្មទ័ពពិសេស រួមទាំង កងទ័ពជើងទឹកផងដែរ ដោយអនុវត្តតាមគោលនយោបាយការពារជាតិរបស់កម្ពុជា។សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា មានប្រសាសន៍ក្នុងឱកាស អញ្ជើញជាអធិបតីក្នុងពិធីអបអរសាទរខួបអនុស្សាវរីយ៍លើកទី២៨ ថ្ងៃបង្កើតបញ្ជាការដ្ឋានទ័ពពិសេស នៅព្រឹកថ្ងៃទី១០ ខែវិច្ឆិកា ឆ្នាំ២០២៣នេះ ដោយបានវាយតម្លៃខ្ពស់ចំពោះបញ្ជាការដ្ឋានទ័ពពិសេសក្នុងរយៈពេល ២៨ ឆ្នាំ កន្លងមកនេះបានចូលរួមចំណែកយ៉ាងសកម្មក្នុងការការពារជាតិ និងបូរណភាពទឹកដីកម្ពុជា ក្នុងនោះរួមទាំងការចូលរួមក្នុងការងារបោសសម្អាតមីនចេញពីផ្ទៃដីកម្ពុជាផងដែរ។ សម្តេចធិបតី ហ៊ុន ម៉ាណែត បញ្ជាក់ថា ដើម្បីការពារជាតិ និងបូរណភាពទឹកដីកម្ពុជា រាជដ្ឋាភិបាលអាណត្តិទី៧នេះនឹងបន្តការធ្វើទំនើបកម្មទ័ពពិសេសដោយផ្ដោតលើការធ្វើទំនើបកម្មចំនួន ៣ យ៉ាងក្នុងនោះមាន ​ការធ្វើទំនើបកម្មរចនាសម្ព័ន្ធ​ ការធ្វើទំនើបកម្មហ្វឹកហ្វឺន និងការធ្វើទំនើបកម្មសម្ភារៈ ឬគ្រឿងបំពាក់សម្រាប់យោធា។សូមជម្រាបថា បញ្ជាការដ្ឋានទ័ពពិសេស ជាអង្គភាពទ័ពមួយដែលបានចូលរួមធ្វើសកម្មភាព​ដ៏អង់អាចក្លាហាន​ក្នុងបុព្វហេតុជាតិ និងប្រជាជន។ រយៈពេល ២៨ ឆ្នាំកន្លងមកនេះ វីរយុទ្ធជន វីរយុទ្ធនារី ទាំងអស់នៃបញ្ជាការដ្ឋានទ័ពពិសេស​ បានធ្វើពលីកម្មបូជាអាយុជីវិត សាច់ស្រស់ ឈាមស្រស់ ​ឆន្ទៈស្មារតី កម្លាំងកាយពល និងពេលវេលា ​ដោយគ្មានខ្លាចការលំបាកនឿយហត់ ចូលរួមភារកិច្ចប្រយុទ្ធ ​ប្រឆាំងការវិលត្រឡប់មកសារជាថ្មីរបស់របប ប៉ុល ពត ប្រល័យពូជសាសន៍៕អត្ថបទ៖ វ៉ន ដារ៉ា

ពិព័រណ៍ការងារថ្នាក់ជាតិឆ្នាំនេះ រំពឹងថា នឹងមានអ្នកចូលរួមប្រមាណ៣ម៉ឺននាក់

2023/11/10 05:48:22 pm        275
Facebook Telegram Linkin
ភ្នំពេញ៖ ក្រសួងការងារ និងបណ្តុះបណ្តាលវិជ្ជាជីវៈ នៅព្រឹកថ្ងៃទី១០ ខែវិច្ឆិកានេះ បានប្រកាសបើកសម្ពោធពិព័រណ៍ការងារ និងផលិតភាពជាតិ ឆ្នាំ២២៣ជាផ្លូវការ ដោយរំពឹងទុកថា នឹងមានអ្នកចូលរួមទស្សនាប្រមាណ៣ ម៉ឺននាក់ ខណៈមានការងារប្រមាណជាង ២ ម៉ឺនកន្លែងក្នុងពិព័រណ៍ការងារនេះ។ បើតាមក្រសួងការងារ និងបណ្ដុះបណ្ដាលវិជ្ជាជីវៈ ពិព័រណ៍ការងារ ​និងផលិតភាពជាតិនេះ ធ្វើឡើង​មានរយៈពេល ២ ថ្ងៃ គឺថ្ងៃទី១០-១១ ខែវិច្ឆិកា ​ឆ្នាំ២០២៣ នៅអគារពាណិជ្ជកម្មកោះពេជ្រ។ ពិព័រណ៍នេះមានកិច្ចសហការជាមួយសហភាពសហព័ន្ធយុវជនកម្ពុជារាជធានីភ្នំពេញ, សមាគមវាយនភណ្ឌ សំលៀកបំពាក់ ស្បែកជើង និងផលិតផលធ្វើដំណើរនៅកម្ពុជា និងគាំទ្រដោយអង្គការអន្តរជាតិខាងការងារ (ILO)។ ពិព័រណ៍នេះមានការចូលរួមពីក្រុមហ៊ុន សហគ្រាស ក្រសួង ស្ថាប័ន និងគ្រឹះស្ថានអប់រំបណ្តុះបណ្តាលចំនួនប្រមាណ ១៥០ គ្រឹះស្ថាន និងស្ថាប័ន នឹងមានការជ្រើសរើសកម្លាំងពលកម្មប្រមាណជាង ​២ ម៉ឺនកន្លែង។ ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈថ្លែងថា គោលបំណងសំខាន់ៗ​នៃការការៀបចំពិព័រណ៍ការងារនាពេលនេះ គឺដើម្បីបន្តរក្សាតុល្យភាព​ក្នុងទីផ្សារការងារតាមរយៈការជួយជ្រោមជ្រែងនិយោជកដែលមានតម្រូវការជ្រើសរើសកម្លាំងពលកម្ម និងអ្នកស្វែងរកការងារធ្វើ, បង្កើតឱ្យមានវេទិកាការងារដ៏ធំជួបជុំគ្នានៅមួយកន្លែងដោយងាយ​ស្រួលរវាងអ្នកស្វែងរកការងារ និយោជកអ្នកផ្តល់ការអប់រំបណ្ដុះបណ្ដាលនិងដៃគូពាក់ព័ន្ធនានា ដើម្បីធ្វើការផ្លាស់ប្ដូរ និងចែករំលែកព័ត៌មាន​ទីផ្សារការងារបន្តជជំរុញលើកកម្ពស់ការយល់ដឹង​ស្តីពី​ការបង្កើនផលិតភាពការងារ តាមរយៈសិក្ខាសាលានានាក្នុងពិព័រណ៍​នេះផងដែរ។សូមជម្រាបថា ក្នុងពិព័រណ៍ការងារថ្នាក់ជាតិនេះ ក៏នឹងមានរួមបញ្ចូលសិក្ខាសាលាស្តីពីផលិតភាព​ថ្នាក់ជាតិ ដើម្បីលើកកម្ពស់ការយល់ដឹង ​និងបំផុសគំនិតទាក់ទងនឹង ​ផលិតភាព តាមរយៈការចែករំលែក​ចំណេះដឹង បទពិសោធន៍ល្អៗ និងគន្លឹះសំខាន់ៗ ​ពីសំណាក់វាគ្មិនជំនាញៗ និងផ្សព្វផ្សាយ ​លើកកម្ពស់ការយល់ដឹងពីសារៈសំខាន់នៃការបង្កើន​ផលិតភាពការងារ និងបង្ហាញ​ពីការវិវត្តបច្ចេកវិទ្យាថ្មីៗដែលប្រទេសជឿនលឿន​ និងប្រទេសកំពុងអភិវឌ្ឍន៍​មួយចំនួន ប្រើប្រាស់​ដើម្បីគ្រប់គ្រងការងារ ​និងខ្សែសង្វាក់ផលិតកម្ម​ ជាពិសេសបំផុសស្មារតី និង ពង្រីកប្រសិទ្ធភាពការ​ងារក្នុងបរិបទការងារតាមគន្លងប្រក្រតីថ្មីផងដែរ៕អត្ថបទ៖ ឈិត បូរ៉ាវី 

ប្រធានាធិបតីព័រទុយហ្គាល់ អំពាវនាវឲ្យមានការបោះឆ្នោតមុនអាណត្តិ ដែលទុកពេលដើម្បីអនុម័តថវិកា

2023/11/10 05:38:13 pm        129
Facebook Telegram Linkin
ប្រធានាធិបតីលោក Marcelo Rebelo de Sousa បាននិយាយកាលពីថ្ងៃព្រហស្បតិ៍បន្ទាប់ពី ការលាលែងពីតំណែងភ្លាមៗរបស់នាយករដ្ឋមន្ត្រីគណបក្សសង្គមនិយម ក្នុងពេលការស៊ើបអង្កេតអំពើពុករលួយថា ប្រទេសព័រទុយហ្គាល់ នឹងបោះឆ្នោតសភាមុនអាណត្តិ នៅថ្ងៃទី១០ ខែមីនា ជាលើកទី២របស់ខ្លួនក្នុងរយៈពេលច្រើនឆ្នាំមកនេះ។ទោះជាយ៉ាងណា លោកប្រធានាធិបតី បាននិយាយថា លោកនឹងរំលាយសភា ជាកន្លែងដែលគណបក្សសង្គមនិយមមានអាសនៈភាគច្រើន បន្ទាប់ពីការបោះឆ្នោតចុងក្រោយលើសេចក្តីស្នើច្បាប់ថវិកាឆ្នាំ២០២៤ ដែលកំណត់ពេលនៅថ្ងៃទី២៩ ខែវិច្ឆិកា។ សភា បានអនុម័តសេចក្តីស្នើច្បាប់លើអំណានលើកដំបូង កាលពីថ្ងៃទី៣១ ខែតុលា។ ថ្លែងបន្ទាប់ពីកិច្ចប្រជុំជាមួយស្ថាប័នប្រឹក្សាយោបល់របស់លោក ជាស្ថាប័នក្រុមប្រឹក្សារដ្ឋកាលពីថ្ងៃព្រហស្បតិ៍ និងបាននិយាយទៅកាន់គណបក្សនយោបាយធំៗ លោក Rebelo de Sousa បាននិយាយថា នឹងអនុញ្ញាតឲ្យសមាជិកសភា អនុម័តថវិកា ដែលនឹងអនុញ្ញាតដើម្បីបំពេញក្តីរំពឹងរបស់ប្រជាជនព័រទុយហ្គាល់ជាច្រើននាក់ និងបែងចែកមូលនិធិស្តារឡើងវិញរបស់សហភាបអឺរ៉ុប ក្នុងគម្រោងជាច្រើន។លោកបាននិយាយថារដ្ឋាភិបាល នឹងនៅតែមានតួនាទីនៅពេលនេះ ប៉ុន្តែការបោះឆ្នោត ត្រូវការដើម្បីផ្តល់ឲ្យនូវភាពច្បាស់លាស់ និងទិសដៅដើម្បីជម្នះការបញ្ចៀសណាមួយដែលមិនរំពឹងទុក ធ្វើឲ្យភ្ញាក់ផ្អើល និងរំខានដល់ប្រជាជនព័រទុយហ្គាល់។

នាយករដ្ឋមន្រ្តីដាស់តឿនឲ្យកងទ័ពបង្កើនជំនាញប្រឆាំងភេរវកម្ម បើទោះកម្ពុជា គ្មានការគំរាមកំហែងពីភេរវករក្តី

2023/11/10 04:56:42 pm        140
Facebook Telegram Linkin
ភ្នំពេញ៖ សម្ដេចធិបតីនាយឧត្តមសេនីយ៍ ហ៊ុន ម៉ាណែត នាយករដ្ឋមន្រ្តីកម្ពុជា បានណែនាំ និងដាស់តឿន ដល់កងកម្លាំងនៃកងយោធពលខេមរភូមិន្ទទាំងអស់ ត្រូវបង្កើនជំនាញ​ប្រឆាំង​អំពើភេរវកម្មឱ្យបានសកម្ម និងខ្លាំងក្លាបន្ថែមទៀត ខណៈសព្វថ្ងៃកម្ពុជាពុំដែលមានការ​គំរាមកំហែងណាមួយពីភេរវករ ក៏ដោយនោះ។ក្នុងឱកាសអញ្ជើញចូលរួមពិធីអបអរសាទរខួបអនុស្សាវរីយ៍លើកទី២៨ ថ្ងៃបង្កើតបញ្ជាការដ្ឋាន​ទ័ពពិសេស៩១១(៩ វិច្ឆិកា ១៩៩៥ - ៩ វិច្ឆិកា ២០២៣) នាថ្ងៃទី១០ ខែវិច្ឆិកាឆ្នាំ២០២៣នេះ សម្តេចធិបតី ហ៊ុន ម៉ាណែត បានបញ្ជាក់ថា កងទ័ពទាំងអស់ត្រូវតែបង្កើនការប្រុងប្រយ័ត្ន​ចំពោះ​ភេវរកម្ម បើទោះបីបច្ចុប្បនេះកម្ពុជា ពុំដែលមានការ​គំរាមកំហែង​ណាមួយពីភេរវករក្តី ប៉ុន្តែយើងក៏មិនអាចធ្វេសប្រហែស ​បានដែរចំពោះករណីមួយនេះ។នៅក្នុងឱកាសនោះដែរសម្តេចធិបតី នាយឧត្តមសេនីយ៍ ​ហ៊ុន ម៉ាណែត ​ក៏បានលើកឡើងផងដែរថា ដើម្បី​ទំនើបកម្មកងទ័ពបន្ថែមទៀតនោះ គ្រប់អង្គភាពទាំងអស់ត្រូវ យកចិត្តទុកដាក់ខ្ពស់បន្ថែមទៀត​លើការហ្វឹកហ្វឺនឱ្យបានជាប់ជាប្រចាំ ដោយផ្ដោតជាសំខាន់ទៅលើការពង្រឹងកសាងសាលា​ហ្វឹកហ្វឺន ទីលានហ្វឹកហ្វឺន ​និងជាពិសេសនោះ​គឺការពង្រឹងសមត្ថភាពគ្រូ ​ក៏ដូចជាយោធាចារ្យជាដើមផងដែរ៕អត្ថបទ បាន ចក់

ប្រសាសន៍សំខាន់ៗរបស់សម្តេចធិបតី ក្នុងឱកាសអបអរសាទរ ខួបអនុស្សាវរីយ៍លើកទី២៨ ថ្ងៃបង្កើតបញ្ជាការដ្ឋានទ័ពពិសេស (៩ វិច្ឆិកា១៩៩៥ – ៩វិច្ឆិកា២០២៣)

2023/11/10 04:23:22 pm        228
Facebook Telegram Linkin
ភ្នំពេញ៖ នៅព្រឹកថ្ងៃទី១០វិច្ឆិកា ឆ្នាំ២០២៣នេះសម្តេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានអញ្ជើញជាអធិបតី ក្នុងពិធីអបអរសាទរ “ខួបអនុស្សាវរីយ៍លើកទី២៨ ថ្ងៃបង្កើតបញ្ជាការដ្ឋាន ទ័ពពិសេស (៩ វិច្ឆិកា ១៩៩៥ - ៩ វិច្ឆិកា២០២៣)” ។*ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា ដែលមានខ្លឹមសារដូចខាងក្រោម៖-សម្តេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា វាយតម្លៃខ្ពស់ចំពោះ បញ្ជាការដ្ឋានទ័ពពិសេស ដែលក្នុងរយៈពេល២៨ ឆ្នាំកន្លងមកនេះ បានចូលរួមចំណែកយ៉ាងសកម្មក្នុងការការពារជាតិ និងបូរណភាពទឹកដីកម្ពុជា ក្នុងនោះរួមទាំងការចូលរួមចំណែកបោសសម្អាតមីនចេញពីផ្ទៃដីកម្ពុជាផងដែរ។-សម្តេចធិបតី ហ៊ុន ម៉ាណែត បញ្ជាក់ថា សន្ដិភាព និងការបង្រួបបង្រួមជាតិ គឺជាការរកបានដោយលំបាកបំផុត ដែលសមិទ្ធផលទាំងនេះ ក៏បានកើតចេញពីការលះបង់នូវសាច់ស្រស់ឈាមស្រស់ របស់យោធិនជំនាន់មុនរបស់កម្ពុជា។ សម្ដេចនាយករដ្ឋមន្រ្ដី ឧទ្ទិសនូវសមិទ្ធផលដែលកម្ពុជា កំពុងទទួលបាននាពេលនេះ ដល់យោធិនដែលបានពលីទាំងអស់ ក្នុងការការពារជាតិ និងបូរណភាពទឹកដីកម្ពុជា។-សម្តេចធិបតី ហ៊ុន ម៉ាណែត៖ ការប្រយុទ្ធគ្នាដោយទ្រង់ទ្រាយធំនៅកម្ពុជា នឹងមិនអាចមានបន្តទៀតនោះឡើយ ប៉ុន្តែក៏ត្រូវមានការប្រុងប្រយ័ត្នផងដែរ ចំពោះការគំរាមកំហែង​ចំពោះសន្តិសុខជាតិ ដោយមិនអាចធ្វេសប្រហែស​ បាននោះឡើយ។-សម្តេចធិបតី ហ៊ុន ម៉ាណែត៖ រាជរដ្ឋាភិបាលនីកាលទី៧ នឹងផ្តោតសំខាន់លើការធ្វើទំនើបកម្មទ័ពពិសេស រួមទាំងកងទ័ពជើងទឹកផងដែរ ដោយអនុវត្តតាមគោលនយោបាយការពារជាតិរបស់កម្ពុជា។-សម្តេចធិបតីនាយករដ្ឋមន្រ្តី៖ ការបញ្ជូនកងទ័ពមួកខៀវទៅកាន់ប្រទេសនានា នៅលើពិភពលោក គឺជាសកម្មភាពមនុស្សធម៌សុទ្ធសាធ និងដើម្បីបញ្ជាក់ថា កម្ពុជាស្រឡាញ់នូវសុខសន្តិភាពផងដែរ។-សម្តេចធិបតី បញ្ជាក់ថា រាជរដ្ឋាភិបាលកម្ពុជានៅតែបន្តសកម្មភាព សហការជាមួយអង្គការសហប្រជាជាតិ បញ្ជូនកងទ័ពកម្ពុជា ដើម្បីចូលរួមក្នុងបេសកកម្មរក្សាសន្តិភាព។-សម្តេចធិបតី ហ៊ុន ម៉ាណែត បានក្រើនរំលឹកដល់កងទ័ពទាំងអស់មិនត្រូវធ្វើការធ្វេសប្រហែសនោះឡើយ ចំពោះអំពើភេរវកម្ម បើទោះបីជាបច្ចុប្បន្នកម្ពុជាមិនដែលរងគ្រោះដោយសារការ​គំរាមកំហែង​ពី​ភេរវករ​ ក៏ដោយ។-សម្តេចធិបតី ហ៊ុន ម៉ាណែត៖ ការធ្វើទំនើបកម្មទ័ពពិសេស គឺផ្ដោតលើការធ្វើទំនើបកម្មចំនួន ៣ យ៉ាង ក្នុងនោះ មានការធ្វើទំនើបកម្មរចនាសម្ព័ន្ធ ការធ្វើទំនើបកម្មហ្វឹកហ្វឺន និងការធ្វើទំនើបកម្មសម្ភារៈ ឬគ្រឿងបំពាក់សម្រាប់យោធា។-សម្តេចធិបតី បញ្ជាឱ្យកងទ័ពកម្ពុជា ត្រូវយកចិត្តទុកដាក់បន្ថែមលើការធ្វើទំនើបកម្មប្រព័ន្ធបច្ចេកវិទ្យា ដើម្បីការពារជាតិ និងប្រយុទ្ធប្រឆាំងនឹងក្រុមភារវកម្មតាមប្រព័ន្ធបច្ចេកវិទ្យាដែលកំពុងកើតមាននាពេលបច្ចុប្បន្ននេះ។-សម្តេចធិបតីនាយករដ្ឋមន្រ្តី បានណែនាំដល់រដ្ឋមន្រ្តីក្រសួងការពារជាតិ និងអគ្គបញ្ជាការ គប្បីពិនិត្យឲ្យបានច្បាស់លាស់ចំពោះការទុកដាក់នូវសម្ភារៈយោធា និងរចនាសម្ព័ន្ធផ្នែកយោធាឲ្យបានត្រឹមត្រូវ មិនត្រូវធ្វើការឆក់កណ្តៀតបន្តទៀតនោះឡើយ។-សម្តេចធិបតី ហ៊ុន ម៉ាណែត ជំរុញឱ្យបង្កើតស្ថាប័នមួយសម្រាប់យោធា ក្នុងការស្រាវជ្រាវយុទ្ធសាស្រ្ដយោធានានា ហើយការធ្វើការស្រាវជ្រាវយុទ្ធសាស្រ្តនេះ ត្រូវធ្វើយ៉ាងណាឱ្យសមស្របទៅនឹងកងទ័ពរបស់កម្ពុជា។-សម្តេចធិបតី ហ៊ុន ម៉ាណែត ជំរុញឱ្យធ្វើការពង្រឹងដល់សាលានាយទាហាន តាមគោលនយោបាយ ឯករាជ្យ និងប្រទាក់ក្រឡា ដើម្បីដំឡើងកម្រិត និងការបណ្ដុះបណ្ដាលនាយទាហាន។ ចំណែកសាកលវិទ្យាល័យការពារជាតិ គួរផ្តោតលើការពង្រឹងយុទ្ធសាស្រ្តស្រាវជ្រាវ និងកិច្ចការងារការពារជាតិ។

បណ្ដាញសង្គម

ព័ត៌មានថ្មីៗ

ទិន្នន័យរបស់រដ្ឋាភិបាល៖ ការផ្ទុះឡើងនៃជំងឺអេបូឡា នៅកុងហ្គោ បានសម្លាប់មនុស្សជាង ៤.០០០នាក់
10/02/2026 06:10 PM
Facebook Telegram Linkin
ឯកឧត្តម គន់ គីម អញ្ជើញជួបសវនាការជាមួយ ឯកឧត្តម Winston Toh សមាគមអតីតយុទ្ធជនសាធារណរដ្ឋសិង្ហបុរី
10/02/2026 06:10 PM
Facebook Telegram Linkin
អនុប្រធានសមាគមអតីតយុទ្ធជន អញ្ជើញជួបសវនាការជាមួយ អនុប្រធានទី១សមាគមអតីតយុទ្ធជននៃសាធារណរដ្ឋប្រជាធិបតេយ្យទីម័រឡេស្តេ
10/02/2026 06:10 PM
Facebook Telegram Linkin
ម្នាក់ ក្នុងចំណោមជនជាតិម៉ាឡេស៊ីបាត់ខ្លួន​​ ៥៥នាក់ ត្រូវបានបញ្ជាក់នៅមានជីវិត ក្រោយ​ទឹកជំនន់ នៅនេប៉ាល់
10/02/2026 06:10 PM
Facebook Telegram Linkin
ម្ចាស់ក្សត្រី ប្រធានអឌ្ឍចន្ទក្រហមម៉ាឡេស៊ី យាងសួរសុខទុក្ខអ្នកជំងឺអេដស៍ នៅមន្ទីរពេទ្យសម្តេចឪ សម្តេចម៉ែ
10/02/2026 05:10 PM
Facebook Telegram Linkin
អតីតមេដឹកនាំ​តៃវ៉ាន់ លោកស្រី Tsai នឹងបំពេញទស្សនកិច្ច នៅសហរដ្ឋអាមេរិក នា​សប្តាហ៍ក្រោយ
10/02/2026 05:10 PM
Facebook Telegram Linkin
ចិនត្រៀមសម្រាប់តម្រូវការធ្វើដំណើរច្រើនបំផុត អំឡុងពេល​សម្រាកបុណ្យជាតិរយៈពេល ១សប្តាហ៍
10/02/2026 05:10 PM
Facebook Telegram Linkin
អនុប្រធានទី១ រដ្ឋសភា ជំរុញឱ្យនិស្សិតជ័យលាភីអាហារូបករណ៍ទៅសិក្សានៅបរទេស បំពេញតួនាទីជា «ទូតមិត្តភាព» និងជាកម្លាំងចលករក្នុងការកសាងមូលធនមនុស្សនៅកម្ពុជា
10/02/2026 05:10 PM
Facebook Telegram Linkin
កម្ពុជា ត្រៀមកងកម្លាំងជិត ២ម៉ឺននាក់​ ដើម្បីរក្សាសន្តិសុខ សុវត្ថិភាព ជូនថ្នាក់ដឹកនាំបរទេសដែលនឹងអញ្ជើញចូលរួមកិច្ចប្រជុំកំពូលហ្វ្រង់កូហ្វូនីលើកទី២០
10/02/2026 05:10 PM
Facebook Telegram Linkin
ព្រះសង្ឃវត្តបទុមវតី ចែកបបរដល់ពលរដ្ឋកំពុងស្នាក់នៅមន្ទីរពេទ្យគន្ធបុប្ផាទី២ ក្នុងថ្ងៃកាន់បិណ្ឌ៦
10/02/2026 05:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.