នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេច​តេជោចាត់ទុកពាក្យស្លោក «បរាជ័យក្នុងសាលាប្រសើរជាងបរាជ័យក្នុងជីវិត» របស់សម្ដេច​ធិបតី​មានតម្លៃ​មិនសាបសូន្យ
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម

នយោបាយ​ និង ការអភិវឌ្ឍន៍

ប្រទេសចិនបានរកឃើញករណីចារកម្មមួយផ្សេងទៀត ពីសហរដ្ឋអាមេរិក

2023/10/23 09:21:35 pm        187
Facebook Telegram Linkin
ទីភ្នាក់ងារចារកម្មជាន់ខ្ពស់របស់ប្រទេសចិន បាននិយាយកាលពីថ្ងៃអាទិត្យ (២២ តុលា) ថា ពលរដ្ឋចិនម្នាក់ ដែលធ្វើការឱ្យវិទ្យាស្ថានការពារជាតិមួយ ត្រូវបានចោទប្រកាន់ពីបទចារកម្មឱ្យសហរដ្ឋអាមេរិក ហើយសំណុំរឿងរបស់ជនល្មើសរូបនោះ ត្រូវបានផ្ទេរទៅតុលាការនៅភាគនិរតីនៃទីក្រុង ជឹងទូ (Chengdu) ដើម្បីកាត់ទោស។ សណុំរឿងនេះ គឺជាករណីចុងក្រោយបង្អស់ ដើម្បីបញ្ជាក់ពីការប្តេជ្ញាចិត្តខ្ពស់របស់ទីក្រុងប៉េកាំង ចំពោះសន្តិសុខជាតិ ការពង្រីកច្បាប់ប្រឆាំងចារកម្ម និងការបង្ក្រាបអំពើពុករលួយក្នុងស្រុក។ទូរទស្សន៍រដ្ឋចិន CCTV បាននិយាយនៅក្នុងរបាយការណ៍មួយថា បុរសម្នាក់ដែលមាននាមត្រកូល ហូវ (Hou) ដែលធ្វើការនៅវិទ្យាស្ថានការពារជាតិមួយកន្លែង ត្រូវបានបញ្ជូនទៅនាក់សហរដ្ឋអាមេរិក ក្នុងឆ្នាំ២០១៣ ក្នុងនាមជាអ្នកប្រាជ្ញទស្សនកិច្ចនៅសាកលវិទ្យាល័យអាមេរិកមួយកន្លែង ជាទីដែលលោកត្រូវបានបង្ខិតបង្ខំឱ្យបង្ហាញអាថ៌កំបាំងរដ្ឋរបស់ចិន។ទូរទស្សន៍ CCTV បានបន្តថា សាស្រ្តាចារ្យអាមេរិកម្នាក់ ដែលស្និទ្ធនឹងលោក ហូវ បានណែនាំលោកឱ្យស្គាល់មនុស្សម្នាក់ ដែលអះអាងថាជាបុគ្គលិកនៃក្រុមហ៊ុនប្រឹក្សាយោបល់ ប៉ុន្តែតាមពិតបុរសនោះគឺជា «មន្រ្តីស៊ើបការណ៍សម្ងាត់» ជនជាតិអាមេរិក ដែលប្រើប្រាស់ក្រុមហ៊ុននោះជាការលាក់បាំងអត្តសញ្ញាណរបស់ខ្លួនប៉ុណ្ណោះ។ក្នុងរយៈពេលប៉ុន្មានឆ្នាំចុងក្រោយនេះ ប្រទេសចិនបានចាប់ខ្លួន និងឃុំខ្លួនជនជាតិចិន ព្រមទាំងជនបរទេសរាប់សិបនាក់ ពីបទសង្ស័យថាប្រព្រឹត្តចារកម្ម ដែលបង្កើនក្តីបារម្ភចំពោះសហរដ្ឋអាមេរិក ជុំវិញការជំរុញប្រឆាំងចារកម្មរបស់ខ្លួន៕

អ្នកវិភាគ៖ សមាជិកបក្សសាធារណរដ្ឋ កំពុងប្រឈមនឹងស្ថានភាពលំបាកក្នុងការរើសប្រធានសភាអាមេរិកថ្មី

2023/10/23 09:05:06 pm        138
Facebook Telegram Linkin
អ្នកវិភាគម្នាក់បានប្រាប់សារព័ត៌មាន រ៉យទ័រ ថា គណបក្សសាធារណរដ្ឋ ដែលកំពុងបែកបាក់គ្នាយ៉ាងជូរចត់ នឹងប្រឈមមុខនឹងការប្រយុទ្ធគ្នាដ៏ខ្លាំងមួយ ដើម្បីបង្រួបបង្រួមបេក្ខជនសម្រាប់តំណែងប្រធានសភាតំណាងរាស្រ្តអាមេរិក នៅពេលពួកគេជួបប្រជុំគ្នាដើម្បីតែងតាំងបេក្ខជនមួយរូប នៅថ្ងៃចន្ទ (២៣ តុលា) នេះ។លោកស្រី Elaine Kamarck សមាជិកជាន់ខ្ពស់នៅវិទ្យាស្ថាន ប្រ៊ូកឃីងស៎ (Brookings) បាននិយាយកាលពីថ្ងៃអាទិត្យ (២២ តុលា) ថា បេក្ខជនទាំងប្រាំបួននាក់ ត្រូវបានបែងចែកយ៉ាងស្មើៗគ្នារវាងពួកកណ្តាលនិយម និងក្រុមស្តាំនិយមជ្រុលនៃគណបក្សដែលចង់បិទរដ្ឋាភិបាល។លោក ជីម ជោឌែន (Jim Jordan) ដែលជាអ្នកអភិរក្សនិយម គឺជាសមាជិកសភាចុងក្រោយ ដែលត្រូវបានតែងតាំងសម្រាប់តំណែងនេះ ប៉ុន្តែលោកមិនអាចទទួលបានសម្លេងពីសមាជិកគណបក្សសាធារណរដ្ឋគ្រប់គ្រាន់ ដើម្បីគាំទ្រលោកនៅក្នុងការបោះឆ្នោតសភាពេញអង្គ ហើយពេលនេះ លោកមិនមែនជាបេក្ខជនសម្រាប់តំណែងប្រធានសភានេះទៀតនោះទេ។លោកស្រី Kamarck បានប្រាប់សារព័ត៌មាន រ៉យទ័រ ថា ដំណើរការនៃការជ្រើសរើសប្រធានសភា សម្រាប់បន្តតំណែងបន្ទាប់ពីអ្នកតំណាងរាស្រ្ត និងអតីតប្រធានសភា លោក Kevin McCarthy បានធ្វើឱ្យរដ្ឋាភិបាលស្ថិតក្នុងស្ថានភាពមិនអាចឆ្ពោះទៅមុខបាន ហើយបានធ្វើឱ្យមាន «សង្រ្គាមស៊ីវិល» នៅក្នុងចំណោមគណបក្សសាធារណរដ្ឋផងដែរ៕

អាមេរិកណែនាំប្រជាជនរបស់ខ្លួនកុំឲ្យធ្វើដំណើរទៅអ៊ីរ៉ាក់ ចំពេលមានការកើនឡើងនៃការវាយប្រហារលើបុគ្គលិកអាមេរិក

2023/10/23 09:01:35 pm        148
Facebook Telegram Linkin
សហរដ្ឋអាមេរិកកាលពីថ្ងៃអាទិត្យ បានណែនាំប្រជាជនអាមេរិកកុំឲ្យធ្វើដំណើរទៅកាន់ប្រទេសអ៊ីរ៉ាក់ បន្ទាប់ពីយោធាអាមេរិក និងបុគ្គលិកនៅក្នុងប្រទេសមជ្ឈិមបូព៌ា បានទទួលរងការវាយប្រហារ ក្នុងរយៈពេលប៉ុន្មានថ្ងៃថ្មីៗនេះ។នៅក្នុងការណែនាំនោះ ក្រសួងការបរទេស បានចុះបញ្ជីប្រទេសអ៊ីរ៉ាក់នៅក្រោមកម្រិតខ្ពស់បំផុតលេខ៤ របស់ខ្លួនគឺ កុំធ្វើដំណើរទៅ ដោយសារតែអំពើភេរវកម្ម ការចាប់ពង្រត់ ជម្លោះប្រដាប់អាវុធ និងចលាចលស៊ីវិល។ការណែនាំ ត្រូវបានចេញ បន្ទាប់ពីក្រសួងការបរទេសកាលពីថ្ងៃសុក្រ បានបញ្ជាឲ្យសមាជិកគ្រួសារទាំងអស់ និងបុគ្គលិករដ្ឋាភិបាលអាមេរិកដែលមិនស្ថិតក្នុងស្ថានភាពគ្រាអាសន្នចាកចេញពីស្ថានទូតអាមេរិករបស់ខ្លួន នៅទីក្រុងបាកដាដ និងស្ថានអគ្គកុងស៊ុលនៅទីក្រុងអឺប៊ីល ( Erbil) ជុំវិញការគំរាមកំហែងផ្នែកសន្តិសុខដែលផ្តោតលើមន្ត្រីរដ្ឋាភិបាល និងផលប្រយោជន៍របស់អាមេរិក។ការណែនាំដដែល បានឲ្យដឹងទៀតថា៖«ពលរដ្ឋអាមេរិកនៅក្នុងប្រទេសអ៊ីរ៉ាក់ ប្រឈមនឹងហានិភ័យខ្ពស់ចំពោះសុវត្ថិភាព និងសន្តិសុខរបស់ពួកគេ រួមទាំងលទ្ធភាពអំពើហិង្សា និងការចាប់ជំរិត»។

ប្រព័ន្ធធារាសាស្រ្តកង្ហតខេត្តបាត់ដំបង ធានានិរន្តរភាពស្រោចស្រពផ្ទៃដីស្រូវប្រាំង និងវស្សាជិត ៨ ម៉ឺនហិកតា

2023/10/23 08:42:49 pm        1009
Facebook Telegram Linkin
បាត់ដំបង៖ ប្រព័ន្ធធារាសាស្រ្តកង្ហត ស្ថិតនៅក្នុងភូមិសាស្ត្រខេត្តបាត់ដំបង ជំហានទី១ ត្រូវបានជួសជុល និងស្តារឡើងវិញក្នុងឆ្នាំ២០១០ បញ្ចប់នៅឆ្នាំ២០១៤ និងក្នុងឆ្នាំ២០១៥ បានបន្តជំហាន២ អនុវត្តដោយក្រសួងធនធានទឹក និងឧតុនិយម ដោយប្រើប្រាស់ថវិកាឥណទានសម្បទានពីសាធារណរដ្ឋប្រជាមានិតចិន។ ប្រព័ន្ធនេះបានដើរតួនាទីយ៉ាងសំខាន់សម្រាប់ការងារស្រោចស្រព ការគ្រប់គ្រងទឹកជំនន់ក្នុងតំបន់ ជាផ្លូវគមនាគមន៍ បម្រើដល់ជីវភាពរស់នៅប្រចាំថ្ងៃរបស់ប្រជាពលរដ្ឋ និងជាមធ្យោបាយសម្រាប់ដឹកកសិផលទៅកាន់ទីផ្សារ។ ប្រព័ន្ធធារាសាស្រ្តកង្ហត ទទួលបានប្រភពទឹកពីស្ទឹងសង្កែ និងពីផ្ទៃរងទឹកភ្លៀងពីផ្នែកខាងលើ តាមរយៈសំណង់កាត់ស្ទឹង បញ្ចាល់ទឹកតាមប្រឡាយមេបេតុង ប្រឡាយមេ និងប្រឡាយរងសម្រាប់ស្រោចស្រព។ ចាប់តាំងពីឆ្នាំ២០១៧ រហូតមកដល់បច្ចុប្បន្ន ប្រព័ន្ធធារាសាស្ត្រកង្ហតទទួលបាននូវកិច្ចដំណើរការជួសជុល និងថែទាំជាប្រចាំលើបណ្តាញហេដ្ឋារចនាសម្ព័ន្ធនៃប្រព័ន្ធទាំងមូលបានប្រមាណ ៨០% ដែលធានាបាននូវនិរន្តរភាព និងប្រសិទ្ធភាពស្រោចស្រពផ្ទៃដីស្រូវវស្សាចំនួន ៦៧.០០០ហិកតា ស្រូវប្រាំងចំនួន ១១.៥០០ហិកតា និងដំណាំរួមផ្សំមួយចំនួន ជូនប្រពលរដ្ឋចំនួន ១៨ឃុំ ក្នុងស្រុកចំនួន៤ (ស្រុកបាណន់ ស្រុកមោងឫស្សី ស្រុកគាស់ក្រឡ និងស្រុកសង្កែ) និងក្រុងបាត់ដំបង៕ ប្រភព៖ ក្រសួងធនធានទឹក

សាកលវិទ្យាល័យភូមិន្ទវិចិត្រសិល្បៈ​ បើកពិធីការពារស្នាដៃនិស្សិត បញ្ចប់បរិញ្ញាបត្រសិល្បៈ សូនរូប ក្នុងឆ្នាំ សិក្សា២០២២-២០២៣

2023/10/23 08:38:54 pm        2766
Facebook Telegram Linkin
ភ្នំពេញ៖ មហាវិទ្យាល័យសិល្បៈសូនរូប នៃសាកលវិទ្យាល័យភូមិន្ទវិចិត្រសិល្បៈ ព្រឹកថ្ងៃទី២៣ ខែតុលា ឆ្នាំ២០២៣នេះ បានប្រារព្ធពិធីការពារស្នាដៃនិសិ្សត បញ្ចប់បរិញ្ញាបត្រ សូនរូប ក្នុងឆ្នាំសិក្សា២០២២-២០២៣ ដល់បេក្ខជនទាំង០៤ ជំនាញឯកទេស សរុបចំនួន១៤៧នាក់ នារី៩៦នាក់។ពិធីការពារស្នាដៃនិសិ្សត ឋិតក្រោមវត្តមានឯកឧត្តម សោម សុគន្ធ រដ្ឋលេខាធិការ នៃក្រសួងវប្បធម៌ និងវិចិត្រសិល្បៈ ប្រធានក្រុមប្រឹក្សាភិបាល ​សាកលវិទ្យាល័យភូមិន្ទវិចិត្រសិល្បៈ និងជាប្រធាន​គណៈកម្មការទទួលខុសត្រូវរួម នៃការប្រឡងបញ្ចប់បរិញ្ញាបត្រ​ នៅមហាវិទ្យាល័យសិល្បៈសូនរូប, ឯកឧត្តមបណ្ឌិត គឹម ពីនន់ អនុរដ្ឋលេខាធិការក្រសួងវប្បធម៌ និងវិចិត្រសិល្បៈ និងជាអនុប្រធាន​គណៈកម្មការមេប្រយោគ, ឯកឧត្តមបណ្ឌិត ហេង សុផាឌី សាកលវិទ្យាធិការ នៃសាកលវិទ្យាល័យភូមិន្ទវិចិត្សល្បៈ។បើតាមលោកសាស្រ្តាចារ្យ សុផុន សំខាន់ ព្រឹទ្ធបុរសមហាវិទ្យាល័យសូនរូប បានឲ្យដឹងថា ក្នុងរយៈពេល៨ខែ នៃការធ្វើស្នាដៃប្រឡងបញ្ចប់ ដែលគិតចាប់ពីខែធ្នូឆ្នាំ២០២២ មកដល់ថ្ងៃទី០៨ ខែកញ្ញាឆ្នាំ២០២៣នេះ និស្សិតទាំងអស់ពុះពារការលំបាក ​ដោយឈរលើស្មារតីទទួលខុសត្រូវខ្ពស់ ក្នុងការបំពេញភារកិច្ច ដែលសាមីខ្លួនត្រូវប្រឡងរហូតដល់បានបញ្ចប់កិច្ចការជាស្ថាពរ យកមកដាក់ការពារនៅចំពោះមុខឯកឧត្តម លោក លោកស្រី ដែលជា​គណៈកម្មការកំណែនាថ្ងៃនេះ។ ចំនួននិស្សិតដែលជាបេក្ខជនត្រូវប្រលងទាំង៤ឯកទេសក្នុងឆ្នាំនេះ សរុបមានចំនួន ១៤៧ នាក់ / នារី ៩៦នាក់។ ឯកទេស តុបតែងលំអ នៃស្ថាបត្យកម្ម ជំនាន់ទី២៥ មានចំនួន ១០១នាក់ / នារី ៧៦នាក់, ឯកទេស គំនូរសារគមនាគមន៍ ជំនាន់ទី១៤ មានចំនួន ៣៧នាក់ / នារី ១៧នាក់, ឯកទេស វិចិត្រកម្ម ជំនាន់ទី៣១ មានចំនួន ០៧នាក់ / នារី ០៣នាក់ និងឯកទេស ចម្លាក់ ជំនាន់ទី២៩ មានចំនួន០២នាក់។ មហាវិទ្យាល័យបានបង្កើតគណៈកម្មការតាមជំនាញនីមួយៗ ដើម្បីធ្វើការវាយតម្លៃ និងកែតំរូវលើប្រធានបទស្នាដៃ របស់និស្សិតចំនួន៨លើកផងដែរ។ ទោះជាមានការមមាញឹកក្នុងការសិក្សាក្នុងថ្នាក់ឆ្នាំទី៤នេះក្តី ក៏ប្អូនៗនិស្សិតបាន ខិតខំប្រឹងប្រែងរៀនសូត្រ យ៉ាងយកចិត្តទុកដាក់ ក្នុងស្មារតីទទួលខ្ពស់ ដោយទទួលបានលទ្ធផលយ៉ាងល្អប្រសើរ នាពេលកន្លងមកនេះ។នាឱកាសនោះ ឯកឧត្តម សោម សុគន្ធ បានផ្ដល់ជាអនុសាសន៍​មួយចំនួនដល់ លោក លោកស្រី ដែលជាសាស្ត្រាចារ្យគ្រប់មុខវិជ្ជា ជំនាញឯកទេស មេត្តាខិតខំស្រាវជ្រាវបន្ថែមនូវចំណេះដឹងថ្មីៗ ដើម្បីជាទុនក្នុងការកសាងធនធានមនុស្សឆ្លើយតបទៅសង្គមសម័យឌីជីថល ម៉្យាងទៀតទោះបី​សង្គមមានការអភិវឌ្ឍក៏ពិតមែន ចំពោះវប្បធម៌ជាតិត្រូវជួយថែរក្សា និងអភិរក្សឲ្យមានចីរភាព។ ក្មួយៗនិស្សិតជាទីរាប់អាន​ ក្មួយជាបញ្ញាវ័ន្តមួយរូបដែលមានភារៈកិច្ច ចូលរួមចំណែកក្នុងការ​កសាងប្រទេស​របស់យើងដោយយកជំនាញដែលត្រូវប្រឡងបញ្ចប់ថ្ងៃនេះប្រើប្រាស់​ក្នុង​មុខរបរឲ្យបានល្អប្រសើរ ព្រោះជាកិត្តិយសរបស់ប្អូនៗ ​ក៏ដូចជាកិត្តិយសរបស់ជាតិ។ ក្មួយៗជាទីស្រឡាញ់ ក្នុងការសិក្សាមិនបញ្ចប់ត្រឹមបរិញ្ញាបត្រនេះទេ ក្មួយៗត្រូវខិតខំបន្តរៀន​យកបរិញ្ញាបត្រជាន់ខ្ពស់ ឬបណ្ឌិត ដើម្បីឆ្ពោះទៅរកភាពរុងរឿង៕ អត្ថបទ រដ្ឋ

ប្រតិភូប្រទេសអាមេនី កោតសសើរកម្ពុជាថា ជាប្រទេសគំរូក្នុងការបោសសម្អាតមីន

2023/10/23 08:31:21 pm        278
Facebook Telegram Linkin
ភ្នំពេញ៖ ក្រុមប្រតិភូនៃមជ្ឈមណ្ឌលសកម្មភាព បោសសម្អាតមីននៅប្រទេសអាមេនី បានសម្តែងការកោតសសើរដល់កម្ពុជាយ៉ាងខ្លាំងថា ជាប្រទេសគំរូដែលខិតខំប្រឹងប្រែង និងទទួលបានជោគជ័យជាបន្តបន្ទាប់លើការបោសសម្អាតមីន ដើម្បីកម្ពុជាសម្រេចគោលដៅឲ្យអស់មីននៅក្នុងឆ្នាំ ២០២៥ ខាងមុខនោះ។នាឱកាសធ្វើទស្សនកិច្ចសិក្សាស្វែងយល់នៅទីតាំងមជ្ឈមណ្ឌលសកម្មភាពកម្ចាត់មីននៅកម្ពុជា នាវេលាព្រឹកថ្ងៃទី២៣ ខែតុលា២០២៣នេះ លោក វ៉ាហ្គហ៊ីណាក់ សាគស៊ីយ៉ាន ប្រធានប្រតិភូ នៃមជ្ឈមណ្ឌលសកម្មភាពកម្ចាត់មីនមកពីប្រទេសអាមេនី​ បានថ្លែងកោតសសើរ និងវាយតម្លៃខ្ពស់​ដល់កម្ពុជាថា ជាប្រទេសគំរូដែលត្រូវរៀនសូត្រតាមលើសកម្មភាពបោសសម្អាតមីន ដើម្បី​ឲ្យអត្រាគ្រោះថ្នាក់ដោយសារគ្រាប់មីនលែងមានតទៅទៀត។ជាពិសេសក្នុងការរំដោះផ្ទៃដីពីចំការមីន ប្រែក្លាយមកជាផ្ទៃដីមានសុវត្ថិភាពសម្រាប់មនុស្ស​រស់នៅវិញ។ឯកឧត្តម ហេង រតនា ប្រតិភូរាជរដ្ឋាភិបាលទទួលបន្ទុក អគ្គនាយកនៃមជ្ឈមណ្ឌលសកម្មភាព​កំចាត់​មីនកម្ពុជា (CMAC) បានឲ្យដឹងថា ​ប្រតិភូនៃអង្គភាពសម្របសម្រួលនៃការបោសសម្អាតមីន​នៃប្រទេសអាមេនីនេះ​បានចាប់​អារម្មណ៍យ៉ាងខ្លាំង​ពីការខិតខំរបស់ប្រតិបត្តិកររបស់កម្ពុជា​ដែល​មានបទពិសោធន៍បច្ចេកទេសគួបផ្សំ ​និងការធ្វើសមាហរណកម្មរវាងឧបករណ៍ជាមួយ និង​សត្វសុនខ និងសត្វកណ្តុរហិតមីនលើសកម្មភាព បោសសម្អាតមីនទទួលជោគជ័យជាបន្តបន្ទាប់។ឯកឧត្តម ហេង រតនា បានបន្តថា ដោយសារតែកម្ពុជាមានភាពជោគជ័យលើវិស័យមីន ភាគីនៃ​ប្រទេស​អាមេនីក៏បានស្មើសុំប្រតិភូកម្ពុជា ​ទៅធ្វើទស្សនកិច្ចនៅក្នុងប្រទេសអាមេនី នាពេលដ៏ខ្លី​ខាងមុខនេះដើម្បីពង្រឹងនៅកិច្ចសហប្រតិបត្តការជាមួយគ្នាឱ្យកាន់តែខ្លាំង លើការបោសសម្អាតមីន ពីព្រោះប្រទេសនេះក៏រង ​គ្រោះដោយសារសង្រ្គាមហើយមានជនរងគ្រោះដោយសារគ្រាប់មីន​យ៉ាងច្រើននាក់ផងដែរ។សូមជម្រាបជូនថា ក្រុមប្រតិភូប្រទេសអាមេនីបាន​មកធ្វើទស្សនកិច្ចស្វែងយល់ពី​គម្រោង​សមាហរណកម្ម បោសសម្អាតមីន និងការជួយសង្គ្រោះជនរងគ្រោះដោយសារគ្រាប់មីន​បន្សល់ពី​សម័យសង្គ្រាមនៅក្នុងប្រទេសកម្ពុជា។ ​ការធ្វើទស្សនកិច្ចនេះ ​មានចំនួន៤ថ្ងៃចាប់ពីថ្ងៃទី ២០ តុលាដល់ ២៣​ តុលាឆ្នាំ ២០២៣នេះនៅក្នុងខេត្តប៉ៃលិន កំពង់ កំពង់ឆ្នាំង បាត់ដំបង និងនៅរាជធានីភ្នំពេញ៕ អត្ថបទ៖ ភារម្យ 

សម្រស់ទិដ្ឋភាពប្រាសាទបេងមាលានារដូវវស្សា

2023/10/23 08:23:19 pm        360
Facebook Telegram Linkin
សៀមរាប៖ ប្រាសាទបេងមាលាមានទីតាំងស្ថិតនៅភូមិ បេងមាលា ឃុំ បេងមាលា ស្រុកស្វាយលើ ខេត្តសៀមរាប នាទិសនារតីនៃភ្នំគូលេន និងមានចម្ងាយផ្លូវ ៧៧ គីឡូម៉ែត្រពីទីរួមខេត្តសៀមរាប។ប្រាសាទចំណាស់មួយនេះ បានសំងំក្នុងព្រៃរំលិចដោយសម្រស់ស្រស់ត្រកាលនារដូវវស្សាដែលភ្ញៀវទេសចរពុំគួររំលង។ អមជាមួយដើមឈើធំៗ ប្រាង្គប្រាសាទ​រុំព័ទ្ធ​ដោយស្លែរបានធ្វើឲ្យប្រាសាទបេងមាលាកាន់តែស្រស់ស្អាតផងដែរ។ បេងមាលាបានទាក់ទាញភ្ញៀវទេសចរជាតិ និងអន្តជាតិមកទស្សនា ហើយតែងតែសរសើរមិនដាច់ពីមាត់ថាប្រាសាទចំណាស់នេះពិតស្រស់ស្អាតខ្លាំងបំផុត។ប្រាសាទបេងមាលាស្ថាបនាឡើងអំពីថ្មភក់និងថ្មបាយក្រៀម មានទ្រង់ទ្រាយប្រហាក់ប្រហែលនឹងប្រាសាទអង្គរវត្ត ដែលអ្នកស្រាវជ្រាវមួយចំនួនយល់ថា ប្រាសាទបេងមាលាជាគំរូសម្រាប់បុព្វបុរសខ្មែរកសាងអង្គរវត្ត។ ប្រាសាទបេងមាលា មានគូទឹកព័ទ្ធជុំវិញមានបណ្តោយប្រវែង ១២០០ ម៉ែត្រ ទទឹង ៩០០ ម៉ែត្រ ដែលជាតំណាងមហាសមុទ្រព័ទ្ធជុំវិញចក្កវាល។ ប៉ុន្តែតាមការស្រាវជ្រាវថ្មីៗ ដោយផ្អែកលើភស្តុតាង​នៃការសិក្សាលើវិស័យបដិមាសាស្ត្រនៃប្រវត្តិសិល្បៈ សំណង់ស្ថាបត្យកម្ម ព្រមទាំងសំណង់​ប្រាសាទ​នៅផ្នែកខាងកើត នាំឱ្យអ្នកស្រាវជ្រាវយល់ថាប្រាសាទនេះ​ទំនងជាស្ថាបនាក្រោយអង្គរវត្ត នាភាគខាងចុងនៃសតវត្សទី១២។ ពោលគឺសាងទ្បើងនៅចន្លោះសម័យសាងអង្គរវត្ត និងមុនសម័យសាងបាយ័ន៕

ឥណ្ឌានិយាយថា ទំនាក់ទំនងជាមួយកាណាដា កំពុងឆ្លងកាត់ដំណាក់កាលដ៏លំបាក

2023/10/23 06:49:24 pm        151
Facebook Telegram Linkin
ប្រទេសឥណ្ឌា កាលពីថ្ងៃអាទិត្យ (២២ តុលា) បាននិយាយថា ទំនាក់ទំនងរបស់ខ្លួនជាមួយប្រទេសកាណាដា កំពុងឆ្លងកាត់ដំណាក់កាលដ៏លំបាកមួយ ហើយមាន «ការជ្រៀតជ្រែកជាបន្តបន្ទាប់» ដោយបុគ្គលិកកាណាដា នៅក្នុងកិច្ចការផ្ទៃក្នុងរបស់ទីក្រុង ញ៉ូវដេលី្ល។រដ្ឋាភិបាលឥណ្ឌា មានការខឹងសម្បារយ៉ាងខ្លាំង ដែលនាយករដ្ឋមន្ត្រីកាណាដា លោក Justin Trudeau កាលពីខែមុន បាននិយាយថា ភ្នាក់ងារឥណ្ឌា ប្រហែលជាមានជាប់ពាក់ព័ន្ធក្នុងការសម្លាប់មេដឹកនាំផ្តាច់ខ្លួនសាសនាស៊ីក ក្នុងខេត្តប្រ៊ីធធីស កូឡំប៊ី កាលពីខែមិថុនា ហើយឥណ្ឌាបានបដិសេធការចោទប្រកាន់នេះ។រដ្ឋមន្ត្រីការបរទេសឥណ្ឌា លោក S Jaishankar បាននិយាយនៅក្នុងព្រឹត្តិការណ៍មួយថា «ទំនាក់ទំនងរវាងឥណ្ឌា និងកាណាដា នៅពេលនេះ កំពុងឆ្លងកាត់ដំណាក់កាលដ៏លំបាកមួយ ប៉ុន្តែបញ្ហាដែលយើងមាននោះ គឺជាបញ្ហាមួយផ្នែកដ៏ជាក់លាក់ជាមួយនយោបាយកាណាដា និងគោលនយោបាយដែលហូរចេញពីនោះផងដែរ»។ប្រទេសកាណាដា បានដកអ្នកការទូតរបស់ខ្លួនចំនួន ៤១រូប ចេញពីប្រទេសឥណ្ឌា កាលពីថ្ងៃព្រហស្បតិ៍ ខណៈទីក្រុងញ៉ូវដែលី្ល បានសម្រេចដកហូតឋានៈការទូតផ្លូវការរបស់ពួកគេជាឯកតោភាគី។ លោកនាយករដ្ឋមន្រ្តី Trudeau បាននិយាយកាលពីថ្ងៃសុក្រថា ការបង្រ្កាបរបស់រដ្ឋាភិបាលឥណ្ឌា លើអ្នកការទូតកាណាដា កំពុងធ្វើឱ្យស្ថានភាពរស់នៅមានការលំបាក សម្រាប់មនុស្សរាប់លាននាក់នៅក្នុងប្រទេសទាំងពីរ៕

បេសកកម្មផ្ទុកអវកាសយានិក ស៊ិនចូវ-១៧ របស់ចិន សាកល្បងមុនការបាញ់បង្ហោះ

2023/10/23 06:42:33 pm        124
Facebook Telegram Linkin
ការលាយបញ្ចូលគ្នានៃយានផ្ទុកអវកាសយានិក ស៊ិនចូវ-17 (Shenzhou-17) និង យានចម្លង Long March-2F ត្រូវបានបញ្ជូនទៅកាន់តំបន់បាញ់បង្ហោះនៅមជ្ឈមណ្ឌលបាញ់បង្ហោះផ្កាយរណប ជីវជ័ន (Jiuquan) ភាគពាយព្យប្រទេសចិនកាលពីថ្ងៃព្រហស្បតិ៍។ ការត្រួតពិនិត្យមុខងារមុនការបាញ់បង្ហោះយ៉ាងម៉ត់ចត់កាលពីថ្ងៃអាទិត្យ និងការសាកល្បងរួមគ្នាពាក់ព័ន្ធនឹងដំណើរការទាំងមូល និងប្រព័ន្ធទាំងអស់នៃបេសកកម្មបាញ់បង្ហោះ។ ជាផ្នែកមួយនៃការវាយតម្លៃ និងសុពលភាពនៃទីតាំងបាញ់បង្ហោះ និងយានដឹកជញ្ជូន សមាជិកអវកាសយានិក ស៊ិនចូវ -១៧ (Shenzhou-17) ទាំងបីនាក់ បានចូលរួមក្នុងដំណើរការប្រដូចទៅនឹងបាញ់បង្ហោះ ក្នុងការសមសម្រាប់ការបាញ់បង្ហោះទាន់ពេលវេលា។លោក ស៊ើ យ៉ាវស៊ីន (Shi Yaoxin) វិស្វករយានចម្លង ក្នុងក្រុមបាញ់បង្ហោះយានចម្លង Long March-2F មកពីវិទ្យាស្ថានបច្ចេកវិទ្យាបាញ់បង្ហោះយាននៃបណ្ឌិតសភាចិន បានប្រាប់ប្រព័ន្ធផ្សព្វផ្សាយ China Media Group ថា ប្រព័ន្ធយានចម្លងបានបញ្ចប់ ការប្រដូចទៅនឹងការហោះហើរចុងក្រោយក្នុងអំឡុងពេលហាត់សមកាលពីថ្ងៃអាទិត្យ។ លោកបានលើកឡើងថា នេះគឺជាការប្រៀបប្រដូចទៅនឹងការបាញ់ពិតប្រាកដទាំងស្រុង ដែលគ្របដណ្តប់លើការបង្ហាត់បង្រៀនទាំងអស់នៅក្នុងប្រព័ន្ធថាមពល និងអគ្គិសនី ពីការបញ្ឆេះរហូតដល់ការផ្ដាច់ខ្លួនរបស់យានចម្លង និងយានអវកាស ដោយបន្ថែមថា សញ្ញានៃការហាត់សមដែលប្រព័ន្ធទាំងអស់របស់យានចម្លងត្រូវបានរៀបចំយ៉ាងពេញលេញសម្រាប់ ការបំពេញឧបករណ៍ជំរុញ និងការហោះឡើងចុងក្រោយ។ អវកាសយានិក Shenzhen-17 នឹងត្រូវបានស្វាគមន៍នៅលើស្ថានីយ៍អវកាសរបស់ប្រទេសចិនដោយក្រុមអវកាសយានិក Shenzhou-16 ដែលបានទៅដល់ស្ថានីយ៍អវកាសកាលពីថ្ងៃទី៣០ ខែឧសភា៕

លោក Bidenនិងមេដឹកនាំលោកខាងលិចសំខាន់ៗ ជំរុញឲ្យអ៊ីស្រាអែល ការពារជនស៊ីវិល

2023/10/23 06:29:31 pm        139
Facebook Telegram Linkin
បណ្តាមេដឹកនាំរបស់សហរដ្ឋអាមេរិក កាណាដា បារាំង អាល្លឺម៉ង់ អ៊ីតាលី និងចក្រភពអង់គ្លេស កាលពីថ្ងៃអាទិត្យ បានបញ្ជាក់ពីការគាំទ្ររបស់ពួកគេចំពោះប្រទេសអ៊ីស្រាអែល និងសិទ្ធិដើម្បីការពារខ្លួន ប៉ុន្តែ ក៏បានជំរុញឲ្យប្រទេសនេះប្រកាន់ភ្ជាប់ចំពោះច្បាប់មនុស្សធម៌អន្តរជាតិ និងការពារជនស៊ីវិល។ នៅក្នុងសេចក្តីថ្លែងការណ៍រួម ដែលបានចេញបន្ទាប់ពីជំនួបតាមបណ្តាញអ៊ីនធឺណិតស្តីពីជម្លោះដែលកំពុងបន្តរវាងអ៊ីស្រាអែល និងក្រុមសកម្មប្រយុទ្ធហាម៉ាស់ មេដឹកនាំទាំងនេះ បានស្វាគមន៍ ការដោះលែងចំណាប់ថ្នូរ២រូបធ្វើឡើងដោយក្រុមហាម៉ាស់ និងបានអំពាវនាវសម្រាប់ការដោះលែងបន្ទាន់ចំណាប់ខ្មាំងដែលនៅសល់ទាំងអស់។ ប្រធានាធិបតីសហរដ្ឋអាមេរិក លោក Joe Biden បានកោះប្រជុំ ដែលគេហៅថាក្រុមប្រទេសទាំង៥ មានសហរដ្ឋអាមេរិក បារាំង ចក្រភពអ់គ្លេស អាល្លឺម៉ង់ និងប្រទេសអ៊ីតាលី បូករួមទាំងកាណាដា បន្ទាប់ពីបានសន្ទនាជាមួយនាយករដ្ឋមន្ត្រីអ៊ីស្រាអែល លោក Benjamin Netanyahu ។លោក Biden បានសរសេរលើបណ្តាញសង្គម Twitter អំពីការសន្ទនារបស់លោក ជាមួយលោក Netanyahu លើបណ្តាញ X ដែលគេស្គាល់កាលពីពេលមុនថា Twitter ហើយនាយករដ្ឋមន្ត្រីកាណាដាលោក Trudeau ក៏បានសរសេរលើបណ្តាញTwitter អំពីការសន្ទនារបស់លោក ជាមួយ ប្រធានាធិបតីអ៊ីស្រាអែលលោក Isaac Herzog ។

បណ្ដាញសង្គម

ព័ត៌មានថ្មីៗ

នេប៉ាល់ប្រារព្ធពិធីរំឭកវិញ្ញាណក្ខន្ធជនរងគ្រោះ និងទាមទារភាពយុត្តិធម៌អាកាសធាតុ
10/04/2026 02:10 PM
Facebook Telegram Linkin
ករណីស្លាប់មនុស្សដោយសារជំងឺអេបូឡានៅកុងហ្គោកើនឡើងដល់ជាង ៤ពាន់នាក់ ខណៈករណីឆ្លងធ្លាក់ចុះ
10/04/2026 02:10 PM
Facebook Telegram Linkin
នាវាផ្ទុកយន្តហោះចម្បាំង USS George H.W. Bush ធ្វើដំណើរទៅដល់ខេត្តពូកេត ប្រទេសថៃ
10/04/2026 01:10 PM
Facebook Telegram Linkin
ការវាយប្រហាររបស់អ៊ីស្រាអែល បានសម្លាប់មនុស្ស ៥នាក់នៅតំបន់ហ្កាហ្សាស្រ្ទីប
10/04/2026 01:10 PM
Facebook Telegram Linkin
ក្រុមប្រទេស G7 នឹងបញ្ចេញប្រេងម៉ាស៊ូត និងប្រេងបម្រុងផ្សេងទៀត ១០០លានបារ៉ែល
10/04/2026 01:10 PM
Facebook Telegram Linkin
កូរ៉េខាងជើងនិយាយថាពួកគេបានធ្វើសមយុទ្ធមីស៊ីលយុទ្ធសាស្ត្ររយៈចម្ងាយមធ្យម
10/04/2026 01:10 PM
Facebook Telegram Linkin
អ៊ុយក្រែនវាយប្រហាររោងចក្រចម្រាញ់ប្រេងរុស្ស៊ី ជាការឆ្លើយតបនឹងគោលនយោបាយថ្មីរបស់ទីក្រុងមូស្គូ
10/04/2026 01:10 PM
Facebook Telegram Linkin
ត្បូងពេជ្រលាក់ខ្លួនរបស់ខេត្តកំពង់ស្ពឺ រាប់ចាប់តាំងពីតំបន់ទេទឹកពុះ ទឹកធ្លាក់ចំបក់ រហូតដល់ភ្នំខ្នងផ្សារ
10/04/2026 01:10 PM
Facebook Telegram Linkin
ការប្រកួតប្រជែងជំនាញថ្នាក់ជាតិកម្ពុជាឆ្នាំនេះ រកឃើញបេក្ខជនជ័យលាភីទទួលមេដាយមាស ប្រាក់ និងសំរឹទ្ធិចំនួន ៣១ មេដាយដែល នឹងត្រូវជ្រើសរើសតំណាងកម្ពុជា ទៅចូលរួមប្រកួតនៅក្រៅប្រទេសបន្តទៀត
10/04/2026 01:10 PM
Facebook Telegram Linkin
ពលករ និងសហគមន៍ខ្មែរជាង ១ ៥០០នាក់ ជួបជុំគ្នាយ៉ាងកក់ក្តៅក្នុងពិធីបុណ្យភ្ជុំបិណ្ឌនៅកូរ៉េ
10/04/2026 12:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.