នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេច​តេជោចាត់ទុកពាក្យស្លោក «បរាជ័យក្នុងសាលាប្រសើរជាងបរាជ័យក្នុងជីវិត» របស់សម្ដេច​ធិបតី​មានតម្លៃ​មិនសាបសូន្យ
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម

នយោបាយ​ និង ការអភិវឌ្ឍន៍

ខេត្តកោះកុង នឹងមានការប្រណាំងកង់កម្សាន្ត ទៅកាន់តំបន់ទេសចរណ៍ក្នុងស្រុកថ្មបាំង

2023/10/10 08:31:15 pm        433
Facebook Telegram Linkin
កោះកុង៖ ខេត្តកោះកុង នឹងមានការរៀបចំព្រឹត្តិការណ៍ប្រណាំងកង់-ជិះកង់កម្សាន្តរឹតចំណង​មិត្តភាព​ឆ្ពោះទៅកាន់តំបន់ទេសចរណ៍នៅក្នុងស្រុកថ្មបាំង ​នៅថ្ងៃទី៣០ ខែ វិច្ឆិកា ខាងមុខ ដើម្បី​របបអរសាទរខួបលើកទី៤៥ ​នៃថ្ងៃកំណើតសហភាពសហព័ន្ធយុវជនកម្ពុជា។រដ្ឋបាលខេត្តកោះកុង​ បានជូនដំណឹងដល់ស្ថាប័ន ​សមត្ថកិច្ច មន្ទីរ អង្គភាពជុំវិញខេត្ត ម្ចាស់សណ្ឋាគារ ផ្ទះសំណាក់ រោងចក្រ សហគ្រាស ​បណ្តាក្រុមហ៊ុន ធនាគារឯកជន គ្រឹះស្ថានមីក្រូហិរញ្ញវត្ថុ ភោជនីយដ្ឋាន អាហារដ្ឋាន និងសាធារណជនទាំងជ្រាបថា អាជ្ញាធរខេត្ត និងសហភាពសហព័ន្ធយុវជនកម្ពុជាខេត្តកោះកុង​ នឹងរៀបចំព្រឹត្តិការណ៍ប្រណាំងកង់​ និងជិះកង់ កម្សាន្ត ​ដើម្បីរឹតចំណងមិត្តភាពឆ្ពោះទៅតំបន់អេកូទេសចរណ៍​ទឹកធ្លាក់ឆាយតាហ៊ីង ស្ថិតក្នុងស្រុកថ្មបាំង ​នៃខេត្តកោះកុង។លោកជំទាវ មិថុនា ភូថង អភិបាលខេត្តកោះកុង គូសបញ្ជាក់នៅថ្ងៃទី១០ ​ខែតុលា ​ឆ្នាំ២០២៣ថា កម្មវិធីប្រណាំងកង់នេះ ​នឹងប្រព្រឹត្តទៅនាថ្ងៃទី៣០ ខែវិច្ឆិកា ឆ្នាំ២០២៣ វេលាម៉ោង ៨:០០នាទីព្រឹក នៅចំណុចទីតាំងខាងក្រោម៖ ទី១. សម្រាប់អ្នកប្រណាំងកង់អាជីព​ ត្រូវជិះក្នុងរយៈចម្ងាយ ៤៥ គីឡូម៉ែត្រ ​(ដោយចាប់ផ្ដើមពីផ្លូវបំបែក ស្រុកថ្មបាំង ​ទៅដល់ចំណុច​បញ្ចប់​តំបន់អេកូទេសចរណ៍​ទឹកធ្លាក់ឆាយតាហ៊ីង)។ ​ចំណែកឯទី២-សម្រាប់អ្នកជិះកង់កម្សាន្ត ​ត្រូវជិះក្នុងរយៈចម្ងាយ ២០ គីឡូម៉ែត្រ ​(ដោយចាប់ផ្តើម​ពីមុខសាលាស្រុក ថ្មបាំង ទៅ​ដល់ចំណុច​បញ្ចប់​តំបន់អេកូទេសចរណ៍​ទឹកធ្លាក់ឆាយតាហ៊ីង)។លោកជំទាវ មិថុនា ភូថង អះអាងថា មូលហេតុដែល​ផ្តួចផ្តើម​ឱ្យមានជាកម្មវិធីប្រណាំងកង់​លក្ខណៈ​កម្សាន្តនេះ គឺក្នុង​គោលដៅ​លើកស្ទួយ​វិស័យ​ទេសចរណ៍​ក្នុង​ខេត្តកោះកុង និងអបអរសាទរខួប​លើកទី៤៥ នៃថ្ងៃកំណើត​សហភាពសហព័ន្ធយុវជនកម្ពុជា (២ ធ្នូ ១៩៧៨ – ២ ធ្នូ ២០២៣)។ ចំពោះចំនួន​អ្នក​ចូលរួម​មិន​កំណត់នោះទេ ​ហើយមហាជនដែល​ចាប់​អារម្មណ៍ចូលរួមកមុ្មវិធីនេះ​បាន​សូមទំនាក់ទំនង ​តាមរយៈលេខទូរស័ព្ទ ០១៥ ៣៤០ ៧៣៥ / ០១៦ ២៨៨ ៧២៧ / ០៩៧៩ ៨២៤ ៥៤៥ (លេខតេឡេក្រាម) ​រឺតាមរយៈគេហទំព័រហ្វេសប៊ុកផ្លូវការរបស់ ​សហភាពសហព័ន្ធយុវជន​កម្ពុជា ខេត្តកោះកុង ​ចាប់ពីថ្ងៃជូនដំណឹងនេះរហូតដល់ថ្ងៃទី២០ ​ខែវិច្ឆិកា​ ឆ្នាំ២០២៣។ ចំពោះការ​ចុះឈ្មោះ​ចូលរួមព្រឹត្តិការណ៍​ប្រណាំង​កង់នេះដែរ ​តម្រូវឱ្យចូលរួមបង់ប្រាក់​ចំនួន​៤ម៉ឺនរៀល(១០ដុល្លារ)ដោយអ្នកចូលរួម​នឹង​ទទួល​បាននូវអាវយឺតចំនួន១​ អាហារ​ ថ្ងៃត្រង់១ពេល ភេសជ្ជៈ ​ទឹកសុទ្ធ ​និងប័ណ្ណស្លាកសម្គាល់ ​ចំនួន ១។ ក្នុងការចូលរួមព្រឹត្តិការណ៍ជិះកង់នេះដែរ អ្នកចូលរួមត្រូវត្រៀមកង់ ​និងមធ្យោបាយសម្រាប់ដឹក ជញ្ជូនដោយខ្លួនឯង ចំណែកថវិកា​ទទួល​បានពីការចុះឈ្មោះចូលរួម ​ដែលនៅសល់ពីការចំណាយរៀបចំព្រឹត្តិការណ៍ នឹងត្រូវប្រគល់​ជូន​សហភាពសហព័ន្ធយុវជនកម្ពុជាខេត្តកោះកុង​ ដើម្បី​សកម្មភាព​សប្បុរសធម៌​ក្នុងខេត្តកោះកុង។អាជ្ញាធរខេត្តកោះកុង ពលរដ្ឋ និងអាជ្ញាធរ ​ប្រជាពលរដ្ឋខេត្តត្រាត ​ប្រទេសថៃ៦០០នាក់ កាល​ពីថ្ងៃទី២៩ ខែកក្កដា ឆ្នាំ២០២២ ធ្លាប់បានជិះកង់កម្សាន្ត​ដើម្បីសុខភាព និងរឹតចំណងមិត្តភាព​ឡើងវិញ ក្រោយខកខាន២ឆ្នាំដោយសារវិបត្តិជំងឺកូវីដ១៩​ កន្លងទៅ ដែលផ្តើមចេញ​ពី​ច្រកទ្វារព្រំដែន​អន្តរជាតិចាំយាម ​ទៅកាន់ឃុំពាមក្រសោប ​ស្រុកមណ្ឌលសីមា ក្នុងន័យ​ពង្រឹងសម្ព័ន្ធមេត្រីភាព ​សមាគ្គីភាព ​លើកស្ទួយវិស័យកីឡា និងវិស័យទេសចរណ៍តាមព្រំដែន​រវាងប្រទេសទាំងពីរ៕អត្ថបទ៖ ឈឹម មករា

អតីតប្រធានាធិបតីអាមេរិក លោក បារ៉ាក់ អូបាម៉ា និងលោកប៊ីល គ្លីនតុន បាននិយាយអំពីការវាយប្រហាររបស់ក្រុមហាម៉ាស់

2023/10/10 08:13:46 pm        225
Facebook Telegram Linkin
ទីបំផុតអតីតប្រធានាធិបតីអាមេរិក លោក បារ៉ាក់ អូបាម៉ា បាននិយាយអំពីការវាយប្រហាររបស់ក្រុមហាម៉ាសលើអ៊ីស្រាអែល ដែលបានធ្វើឲ្យពិភពលោកភ្ញាក់ផ្អើលយ៉ាងខ្លាំង។កាលពីថ្ងៃចន្ទ លោក អូបាម៉ា បានទម្លាយភាពស្ងៀមស្ងាត់របស់ខ្លួន ដោយបានចេញសេចក្តីថ្លែងការណ៍មួយ ដែលលោកបានប្រកាសយ៉ាងច្បាស់ពីការគាំទ្ររបស់ខ្លួនចំពោះអ៊ីស្រាអែល ខណៈពេលដែលថ្កោលទោសអ្វីដែលលោក បានពណ៌នាថាជា «ការវាយប្រហារភេរវកម្មដ៏អាក្រក់»ដោយក្រុមហាម៉ាស់។ចំណែកអតីតប្រធានាធិបតី លោក ប៊ីល គ្លីនតុន ក៏បានលើកឡើងពីបញ្ហានេះ ជាលើកដំបូង ចាប់តាំងពីវាបានកើតឡើង ដោយបញ្ជាក់ថា លោកថ្កោលទោស«ការវាយប្រហារភេរវកម្មដ៏គួរឲ្យរន្ធត់ ដែលធ្វើឡើងដោយក្រុមហាម៉ាស់នៅក្នុងប្រទេសអ៊ីស្រាអែល»។លោក បារ៉ាក់ អូបាម៉ា អតីតប្រធានាធិបតីសហរដ្ឋអាមេរិក ទីបំផុត បាននិយាយអំពីការវាយប្រហារភេរវកម្មដ៏បំផ្លិចបំផ្លាញ ដែលបានកើតឡើងទៅលើប្រទេសអ៊ីស្រាអែល កាលពីថ្ងៃទី៧ ខែតុលា។ដោយលើកឡើងនៅលើបណ្តាញសង្គម X ដែលពីមុនគេស្គាល់ថា Twitter លោក បានសរសេរថា៖«ប្រជាជនអាមេរិកទាំងអស់ គួរតែមានការរន្ធត់ចិត្ត និងខឹងសម្បាចំពោះការវាយប្រហារភេរវកម្មដ៏សាហាវលើអ៊ីស្រាអែល និងការសម្លាប់ជនស៊ីវិលស្លូតត្រង់។ យើងសោកស្ដាយចំពោះអ្នកដែលបានស្លាប់ សូមអធិដ្ឋានឲ្យអ្នកដែលត្រូវបានគេចាប់ជាចំណាប់ខ្មាំង វិលត្រឡប់មកវិញដោយសុវត្ថិភាព ហើយត្រៀមខ្លួនជួយសម្ព័ន្ធមិត្តរបស់យើង គឺអ៊ីស្រាអែល ខណៈដែលខ្លួនកំពុងកម្ទេចក្រុមហាម៉ាស់នេះ»។

ម៉ិកស៊ិក អំពាវនាវសុំឲ្យបញ្ចប់ការត្រួតពិនិត្យទំនិញនៅរដ្ឋតិចសាស ខណៈដែលអភិបាលរដ្ឋនេះ ធ្វើឲ្យមានភាពស្មុគស្មាញដល់ស្ថានភាពនៃការធ្វើអន្តោប្រវេសន៍

2023/10/10 07:39:25 pm        157
Facebook Telegram Linkin
ប្រទេសម៉ិកស៊ិកកាលពីថ្ងៃចន្ទ បានអំពាវនាវឲ្យរដ្ឋាភិបាលសហរដ្ឋអាមេរិកសម្របសម្រួលជាមួយអាជ្ញាធររដ្ឋតិចសាស ដើម្បីសម្រួលការត្រួតពិនិត្យរថយន្តដឹកទំនិញឆ្លងកាត់ព្រំដែន ខណៈដែលប្រធានាធិបតីរបស់ប្រទេសនេះ បានចោទប្រកាន់អភិបាលរដ្ឋតិចសាសថា«ធ្វើឲ្យមានភាពស្មុគស្មាញដល់ស្ថានភាពនៃការធ្វើអន្តោប្រវេសន៍។ក្រសួងការបរទេសរបស់ប្រទេសម៉ិកស៊ិក បាននិយាយនៅក្នុងសេចក្តីថ្លែងការណ៍មួយកាលពីល្ងាចថ្ងៃចន្ទថា៖«រដ្ឋាភិបាលម៉ិកស៊ិកជំរុញឲ្យរដ្ឋាភិបាលសហរដ្ឋអាមេរិក ធ្វើការសម្រុះសម្រួលជាមួយរដ្ឋតិចសាស ដើម្បីបញ្ឈប់ការត្រួតពិនិត្យពេញលេញទៅលើរថយន្តដឹកទំនិញ ដែលធ្វើឡើងដោយនាយកដ្ឋានសុវត្ថិភាពសាធារណៈរបស់រដ្ឋតិចសាស់»។ក្រុមមន្ត្រីរដ្ឋ បានចាប់ផ្តើមឡើងវិញនូវការត្រួតពិនិត្យរថយន្តដឹកទំនិញ ដែលចំណាយអស់ប្រាក់ និងចំណាយពេលច្រើន កាលពីខែមុន។ អភិបាលរដ្ឋតិចសាស លោក ហ្រ្គេក អាប់បូត ( Greg Abbott) បានអះអាងថា ពួកគេត្រូវការចាំបាច់ ដើម្បីទប់ស្កាត់លំហូរ ជនអន្តោប្រវេសន៍ និងគ្រឿងញៀនខុសច្បាប់ ចូលមកក្នុងប្រទេស។ប្រធានាធិបតីម៉ិកស៊ិក លោក Andres Manuel Lopez Obrador បានហៅវិធានការរបស់លោកអាប់បូត ថា៖«ឯកតោភាគី» និង «គ្មានការទទួលខុសត្រូវ» នៅក្នុងសន្និសីទសារព័ត៌មានមួយ កាលពីព្រឹកថ្ងៃចន្ទ ដោយចោទប្រកាន់អភិបាលរដ្ឋនេះ កំពុងទាញយកផលប្រយោជន៍ពីស្ថានការណ៍ដ៏លំបាកនេះ ខណៈដែលខ្លួនកំពុងឈរឈ្មោះសម្រាប់ការបោះឆ្នោតឡើងវិញ។

សម្ដចធិបតី៖ ការអភិវឌ្ឍសេដ្ឋកិច្ចក្រៅប្រព័ន្ធ ដើម្បីគិតគូរបន្ទាន់ដោះស្រាយបញ្ហាជូនដល់ប្រជាពលរដ្ឋ

2023/10/10 07:35:27 pm        251
Facebook Telegram Linkin
ភ្នំពេញ៖ សម្ដេចមហាបវរធិបតី ហ៊ុន ម៉ាណែ នាយករដ្ឋមន្រ្ដីនៃកម្ពុជា បានថ្លែងថា រាជរដ្ឋាភិបាលកម្ពុជាប្រកាសដាក់ឱ្យអនុវត្តយុទ្ធសាស្ត្រជាតិស្តីពីការអភិវឌ្ឍសេដ្ឋកិច្ចក្រៅប្រព័ន្ធ ឆ្នាំ២០២៣-២០២៨ ​គឺដើម្បីធ្វើយ៉ាងណាគិតគូរជាបន្ទាន់ក្នុងការដោះស្រាយ​បញ្ហាជូនដល់​ប្រជាពលរដ្ឋ​ជាបន្ទាន់នៅក្នុងអាណត្តិទី៧នេះ។ សម្តេចធិបតី ហ៊ុន ម៉ាណែត ថ្លែងក្នុងឱកាស អញ្ជើញជាអធិបតីប្រកាសដាក់ឱ្យដំណើរការជាផ្លូវការ​នៃយុទ្ធសាស្ត្រជាតិស្តីពីការអភិវឌ្ឍសេដ្ឋកិច្ចក្រៅប្រព័ន្ធ​ ឆ្នាំ២០២៣-២០២៨ នៅព្រឹកថ្ងៃទី១០ ខែតុលា ឆ្នាំ២០២៣នេះ ​នៅសណ្ឋាគារសុខាភ្នំពេញថា ​ការដាក់ឱ្យអនុវត្តយុទ្ធសាស្រ្ដជាតិនេះ គឺជាការ​លើកទឹកចិត្តឱ្យប្រជាពលរដ្ឋចុះឈ្មោះចូលរួម​ក្នុងប្រព័ន្ធសេដ្ឋកិច្ចនេះ មិនមែនជាការបង្ខិតខំឡើយ។ សម្ដេចបន្តថា ការចូលរួមពីពលរដ្ឋនៃសេដ្ឋកិច្ចក្រៅប្រព័ន្ធ បានផ្ដល់ភាពងាយស្រួល​ដល់​រាជរដ្ឋាភិបាល​ក្នុងការ​ប្រមូលទិន្នន័យប្រជាពលរដ្ឋឋិតក្នុងសេដ្ឋកិច្ចក្រៅប្រព័ន្ធបានច្បាស់លាស់ ដើម្បីជួយអភិវឌ្ឍន៍​ដល់អាជីវកម្ម និងផ្ដល់ការលើកលែងពន្ធ និងការផាកពិន័យពន្ធជាដើម។ សូមជម្រាបថា «សេដ្ឋកិច្ចក្រៅប្រព័ន្ធ» ​គឺជាប្រព័ន្ធនៃការធ្វើពាណិជ្ជកម្ម ​ឬការដោះដូរទំនិញ និងសេវា​ ដែលច្បាប់មិនតម្រូវឱ្យចុះបញ្ជី។ សេដ្ឋកិច្ចក្រៅប្រព័ន្ធផ្តល់នូវការបង្កើតមុខរបរការងារធ្វើ និងប្រាក់ចំណូល ប៉ុន្តែអាចបង្កឱ្យមានផលវិបាក​ក្នុងការគ្រប់គ្រងបរិស្ថាន​សុវត្ថិភាពចំណីអាហារ ការប្រមូលពន្ធជាដើម។ «យុទ្ធសាស្ត្រជាតិ ស្តីពីការអភិវឌ្ឍ សេដ្ឋកិច្ចក្រៅប្រព័ន្ធ ឆ្នាំ២០២៣-២០២៨» ត្រូវបានដាក់ចេញ​ជាមួយចក្ខុវិស័យអភិវឌ្ឍសេដ្ឋកិច្ច ​ក្រៅប្រព័ន្ធឱ្យរីកធំធាត់ ​និងមានលទ្ធភាពឈានចូលក្នុងប្រព័ន្ធ ហើយ​ក្លាយទៅជាកម្លាំង ​ចលករដ៏សំខាន់ក្នុងការកែលម្អជីវភាពរបស់​ប្រជាជន និង​អាចរួមចំណែក​ជាអតិបរមា ​ក្នុងការឈានទៅសម្រេចបាននូវការអភិវឌ្ឍប្រកបដោយចីរភាព ​បរិយាបន្ន ​ភាពរឹងមាំ និងភាពធន់ទៅនឹងវិបត្តិ៕ អត្ថបទ៖ វ៉ន ដារ៉ា

សម្ដេចធិបតី៖ ការអភិវឌ្ឍសេដ្ឋកិច្ចក្រៅប្រព័ន្ធដើម្បីកាត់បន្ថយភាពក្រីក្រ និងជំរុញកំណើនសេដ្ឋកិច្ចជាតិ

2023/10/10 07:27:28 pm        182
Facebook Telegram Linkin
ភ្នំពេញ៖ សម្ដេចមហាបវរធិបតី ហ៊ុន ម៉ាណែ នាយករដ្ឋមន្រ្ដីនៃកម្ពុជា បានថ្លែងថា ការដាក់ចេញ​យុទ្ធសាស្ត្រ​ជាតិស្តីពីការអភិវឌ្ឍសេដ្ឋកិច្ចក្រៅប្រព័ន្ធ ​ឆ្នាំ២០២៣-២០២៨​ គោលដៅធំ គឺ​ដើម្បីជួយប្រជាពលរដ្ឋឋិតនៅក្នុងសេដ្ឋកិច្ចក្រៅប្រព័ន្ធ។ប៉ុន្ដែក្រៅពីនេះក៏ជាយុទ្ធសាស្រ្ដកាត់បន្ថយភាពក្រីក្រ​នៅក្នុងប្រទេសកម្ពុជា និងជួយដល់​ប្រជាពលរដ្ឋក្រីក្រ ​និងងាយរងគ្រោះ ​ពង្រឹងភាពធន់នូវក្នុងសេដ្ឋកិច្ច​ និងសង្គមជាតិ និង​លើកកម្ពស់ដល់សេដ្ឋកិច្ចជាតិផងដែរ។សម្តេចធិបតី ហ៊ុន ម៉ាណែត ថ្លែងក្នុងឱកាស អញ្ជើញជាអធិបតីប្រកាសដាក់ឱ្យដំណើរការជាផ្លូវការ​នៃយុទ្ធសាស្ត្រជាតិ ​ស្តីពីការអភិវឌ្ឍសេដ្ឋកិច្ចក្រៅប្រព័ន្ធ ឆ្នាំ២០២៣-២០២៨ ​នៅព្រឹកថ្ងៃទី១០ ខែតុលា ឆ្នាំ២០២៣នេះ នៅសណ្ឋាគារសុខាភ្នំពេញថា ​ប្រជាពលរដ្ឋនៅក្នុងសេដ្ឋកិច្ចក្រៅប្រព័ន្ធ គឺងាយបំផុតក្នុងការប្រឈមមុខ ​និងរងគ្រោះបំផុតនៅពេលមានបញ្ហាប្រឈម ឬវិបត្តិសេដ្ឋកិច្ច​ណាមួយ​កើតឡើង ដូចជាកូវីដ-១៩ជាដើម។ ដូច្នេះរាជរដ្ឋាភិបាលកម្ពុជា​ប្រកាសដាក់ឱ្យ​អនុវត្តយុទ្ធសាស្ត្រ​ជាតិស្តីពីការអភិវឌ្ឍសេដ្ឋកិច្ចក្រៅប្រព័ន្ធ​ ឆ្នាំ២០២៣-២០២៨ គឺដើម្បីធ្វើយ៉ាងណា​គិតគូរ​ជាបន្ទាន់ក្នុងការដោះស្រាយបញ្ហាជូនដល់ប្រជាពលរដ្ឋជាបន្ទាន់នៅក្នុងអាណត្តិទី៧នេះ។ សម្ដេចធិបតីបញ្ជាក់ថា ​ការដាក់ចេញឱ្យអនុវត្តនូវ យុទ្ធសាស្ត្រជាតិស្តីពីការអភិវឌ្ឍសេដ្ឋកិច្ច​ក្រៅប្រព័ន្ធ ​ឆ្នាំ២០២៣-២០២៨ នឹងផ្ដល់ការគាំទ្រ​ និងឱកាសសម្រាប់ អ្នកប្រកបរបរក្នុង​សេដ្ឋកិច្ចក្រៅប្រព័ន្ធ ​កម្ពុជាអាចចាប់យកសក្តានុពលរបស់ពួកគាត់ ដើម្បីពន្លឿនការសម្រេច​បាននូវគោលដៅអភិវឌ្ឍន៍សម្រាប់ប្រទេសជាតិ។ សូមជម្រាបថា ការប្រកាសដាក់ឱ្យអនុវត្តជាផ្លូវការនូវយុទ្ធសាស្ត្រជាតិនេះគឺជាជំហាន​ដ៏សំខាន់​មួយឆ្ពោះ​ទៅរកការស្ដារ​ សេដ្ឋកិច្ចកម្ពុជាពីវិបត្តិសាកល ​ដែលបង្កឡើងដោយជំងឺកូវីដ-១៩ និងសង្គ្រាមក្នុងប្រទេសអ៊ុយក្រែន ​និងដើម្បីកសាងភាពធន់នៃសេដ្ឋកិច្ចសម្រាប់ប្រជាជន​កម្ពុជា​ទាំងមូល៕អត្ថបទ៖ វ៉ន ដារ៉ា

រដ្ឋាភិបាលដាក់ចេញយុទ្ធសាស្រ្ដគន្លឹះចំនួន៥ ធ្វើឱ្យជោគជ័យនៃការអភិវឌ្ឍសេដ្ឋកិច្ចក្រៅប្រព័ន្ធ

2023/10/10 07:12:57 pm        217
Facebook Telegram Linkin
ភ្នំពេញ៖ ខណៈថ្ងៃនេះរាជរដ្ឋាភិបាលកម្ពុជា បានប្រកាសដាក់ឱ្យដំណើរការជាផ្លូវការ នៃយុទ្ធសាស្ត្រជាតិស្តីពីការអភិវឌ្ឍសេដ្ឋកិច្ចក្រៅប្រព័ន្ធ ឆ្នាំ២០២៣-២០២៨។ ដើម្បីឱ្យទទួលបានជោគជ័យនៃយុទ្ធសាស្ត្រជាតិនេះ សម្ដេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា ​បានដាក់ចេញនៅយុទ្ធសាស្រ្ដគន្លឹះចំនួន ៥ ថែមទៀត ដើម្បីរក្សាបាននូវស្ថិរភាពជីវភាពរបស់អ្នកប្រកបរបរក្នុងសេដ្ឋកិច្ចក្រៅប្រព័ន្ធ និងកសាងភាពធន់ទៅនឹងវិបត្តិសម្រាប់គ្រួសារក្រីក្រ និងងាយរងគ្រោះ។សម្តេចធិបតី ហ៊ុន ម៉ាណែត បានប្រកាសដាក់ចេញនូវយុទ្ធសាស្រ្ដគន្លឹះនេះ ក្នុងឱកាស អញ្ជើញ​ជាអធិបតីប្រកាសដាក់ឱ្យដំណើរការជាផ្លូវការនៃយុទ្ធសាស្ត្រជាតិ ស្តីពីការអភិវឌ្ឍសេដ្ឋកិច្ច​ក្រៅប្រព័ន្ធ ឆ្នាំ២០២៣-២០២៨ នៅព្រឹកថ្ងៃទី១០ ខែតុលា ឆ្នាំ២០២៣នេះ នៅសណ្ឋាគារសុខាភ្នំពេញ។ សម្ដេចធិបតីថ្លែងថា យុទ្ធសាស្ត្រជាតិនេះមានគោលបំណងលើកកម្ពស់ជីវភាពរស់នៅ​របស់​ប្រជាពលរដ្ឋក្រីក្រ និងងាយរងគ្រោះ​ ពង្រឹងភាពធន់តាមរយៈការផ្ដល់នូវការគាំពារសង្គម និង​អត្ថប្រយោជន៍ផ្សេងៗព្រមទាំងអភិវឌ្ឍន៍​វិស័យ សេដ្ឋកិច្ចក្រៅប្រព័ន្ធឱ្យក្លាយជាកម្លាំងចលករ​ដ៏សំខាន់​សម្រាប់​ការអភិវឌ្ឍសេដ្ឋកិច្ចប្រកបដោយចីរភាព​ បរិយាប័ន្ន និងភាពធន់។ យុទ្ធសាស្ត្រនេះ ក៏ជាផ្នែកមួយនៃចក្ខុវិស័យដ៏ទូលំទូលាយរបស់រាជរដ្ឋាភិបាលក្នុងការប្រែក្លាយកម្ពុជាឱ្យទៅជាប្រទេស​មានចំណូលមធ្យមកម្រិតខ្ពស់នៅឆ្នាំ ២០៣០ ​និងជាប្រទេសមានចំណូលខ្ពស់នៅឆ្នាំ ២០៥០ ផងដែរ។សូមជម្រាបថា ក្នុងការអនុវត្តយុទ្ធសាស្ត្រជាតិនេះ រាជរដ្ឋាភិបាលកម្ពុជា​បានដាក់ចេញនូវវិធានការ​អន្តរាគមន៍​សង្គម-សេដ្ឋកិច្ចជាស៊េរី ដើម្បីរក្សាស្ថិរភាពជីវភាពរបស់អ្នកប្រកប​របរ​ក្នុងសេដ្ឋកិច្ច​ក្រៅ​ប្រព័ន្ធ និងកសាងភាពធន់ទៅនឹង វិបត្តិសម្រាប់គ្រួសារក្រីក្រ ​និងងាយរងគ្រោះ។បើតាមរបាយការណ៍ការអង្កេតកម្លាំកពលកម្មកម្ពុជាឆ្នាំ២០១៩ ​កម្ពុជា​មានកម្លាំងពលកម្មប្រមាណ ៧,៩ ​លាននាក់ ​ដោយក្នុងនោះ ២១,៥% (ឬ ១,៧ លាននាក់) ធ្វើការក្នុងសេដ្ឋកិច្ចក្នុងប្រព័ន្ធ ខណៈដែល​កម្លាំងពលកម្មដ៏ច្រើន គឺ ៦,២ ​លាននាក់ធ្វើការក្នុងវិស័យសេដ្ឋកិច្ចក្រៅប្រព័ន្ធ៕អត្ថបទ៖ វ៉ន ដារ៉ា

មេដឹកនាំតៃវ៉ាន់៖ កោះតៃវ៉ាន់ស្វែងរក«ទំនាក់ទំនងសន្តិសហវិជ្ជមាន»ជាមួយប្រទេសចិន

2023/10/10 06:38:50 pm        171
Facebook Telegram Linkin
មេដឹកនាំតៃវ៉ាន់ លោកស្រី សៃ អ៊ីងវិន (Tsai Ing-wen) បាននិយាយនៅក្នុងសុន្ទរកថានៅទិវាជាតិចុងក្រោយរបស់លោកស្រី នៅថ្ងៃអង្គារនេះថា កោះតៃវ៉ាន់ស្វែងរក «ការទំនាក់ទំនងសន្តិសហវិជ្ជមាន» ជាមួយប្រទេសចិន ជាមួយនឹងការទាក់ទងដោយសេរី និងគ្មានការរឹតត្បិត ប៉ុន្តែកោះនេះ នឹងមានលក្ខណៈប្រជាធិបតេយ្យសម្រាប់មនុស្សជំនាន់ក្រោយ។កោះតៃវ៉ាន់ ដែលអះអាងសិទ្ធិដោយប្រទេសចិនថា ជាទឹកដីរបស់ខ្លួន បានស្ថិតនៅក្រោមសម្ពាធផ្នែកយោធា និងនយោបាយកាន់តែខ្លាំងឡើងពីទីក្រុងប៉េកាំង រួមទាំងសមយុទ្ធធំៗពីររបស់ចិន នៅជិតកោះនេះ ចាប់តាំងពីខែសីហាឆ្នាំមុន ដែលបង្កើនការភ័យខ្លាចនៃជម្លោះដែលនឹងកើតមានជាសកល។លោកស្រីសៃ ដែលមិនអាចឈរឈ្មោះជាប្រធានាធិបតីម្តងទៀតក្នុងការបោះឆ្នោតក្នុងខែមករា បន្ទាប់ពីកាន់តំណែង បានពីរអាណត្តិនោះ បានផ្តល់ការចរចាម្តងហើយម្តងទៀតជាមួយប្រទេសចិន ដែលបានច្រានចោលពួកវា ដោយសារប្រទេសចិនចាត់ទុកលោកស្រីថា ជាអ្នកបំបែកខ្លួន។ថ្លែងនៅមុខការិយាល័យប្រធានាធិបតី លោកស្រីសៃ បាននិយាយថា កម្លាំងនៃការគាំទ្រអន្តរជាតិសម្រាប់កោះតៃវ៉ាន់ បានឈានដល់ «កម្រិតខ្ពស់ដែលមិនធ្លាប់មានពីមុនមក»។លោកស្រី បានបន្ថែមថា៖«ពេលនេះ គឺជាពេលវេលាដែលយើងអាចប្រឈមមុខនឹងពិភពលោកដោយទំនុកចិត្ត និងការដោះស្រាយ យើងក៏អាចស្ងប់ស្ងាត់ និងធានាដោយខ្លួនឯង ក្នុងការប្រឈមមុខនឹងប្រទេសចិន បង្កើតលក្ខខណ្ឌសម្រាប់ការទំនាក់ទំនងដោយសន្តិភាព និងវឌ្ឍនភាព នាពេលអនាគត នៅទូទាំងច្រកសមុទ្រតៃវ៉ាន់»។

នាយករដ្ឋមន្ត្រីកាណាដា រិះគន់ការលើកតម្កើងអំពើហឹង្សានៅក្នុងការតវ៉ា បន្ទាប់ពីជម្លោះនៅអ៊ីស្រាអែល

2023/10/10 06:14:26 pm        169
Facebook Telegram Linkin
នាយករដ្ឋមន្ត្រីកាណាដា លោក Justin Trudeau កាលពីថ្ងៃចន្ទ (៩ តុលា) បានរិះគន់បាតុកម្មនៅទូទាំងប្រទេស ដែលលើកតម្កើងអំពើហឹង្សា ដោយក្រុមបាតុករបានគាំទ្រដល់ការវាយប្រហាររបស់ក្រុមអ៊ីស្លាមប៉ាឡេស្ទីន ហាម៉ាស ទៅលើអ៊ីស្រាអែល។លោក Trudeau បានចូលរួមក្នុងការប្រមូលផ្តុំសាមគ្គីភាពសម្រាប់អ៊ីស្រាអែល នៅទីក្រុង Ottawa ជាទីដែលលោកបានថ្កោលទោសការវាយប្រហាររបស់ក្រុមហាម៉ាស នៅក្នុងសុន្ទរកថារបស់ខ្លួន ហើយបាននិយាយថា កាណាដាគាំទ្រសិទ្ធិរបស់អ៊ីស្រាអែលក្នុងការការពារខ្លួន។ បណ្ដាមេដឹកនាំនយោបាយមកពីគ្រប់មជ្ឈដ្ឋានក្នុងប្រទេសកាណាដា ក៏បានបង្ហាញការគាំទ្ររបស់ពួកគេចំពោះអ៊ីស្រាអែលផងដែរ។មានបាតុកម្មប្រកួតប្រជែង និងការប្រមូលផ្តុំគ្នាជាច្រើនកាលពីថ្ងៃច័ន្ទ ដោយក្រុមផ្សេងៗគ្នានៅទូទាំងប្រទេសកាណាដា រួមទាំងនៅទីក្រុងតូរ៉ុនតូ ជាទីដែលក្រុមបាតុករប្រហែល ១.០០០នាក់ បានប្រមូលផ្តុំគ្នានៅក្នុងបាតុកម្ម ដែលរៀបចំដោយក្រុមមួយហៅថា ចលនាយុវជនប៉ាឡេស្ទីន។ក្រុមហាម៉ាស បានបើកការវាយប្រហារដ៏គួរឱ្យភ្ញាក់ផ្អើលមួយលើអ៊ីស្រាអែល កាលពីថ្ងៃសៅរ៍ (៧ តុលា) ដោយបានសម្លាប់ជនជាតិអ៊ីស្រាអែលរាប់រយនាក់ និងចាប់ខ្លួនចំណាប់ថ្នូររាប់សិបនាក់ ខណៈអ៊ីស្រាអែលបានវាយបកលើជនជាតិប៉ាឡេស្ទីនជាបន្តបន្ទាប់ ដោយការវាយប្រហារតាមអាកាសនៅតំបន់ហ្គាហ្សា ជាការឆ្លើយតបទៅវិញ ហើយជម្លោះនេះក៏បានបណ្តាលឱ្យមនុស្សជាង ១.៥០០នាក់ស្លាប់ សម្រាប់ភាគីជម្លោះទាំងពីរផងដែរ៕

អ៊ីរ៉ង់និងស៊ូដង់ យល់ព្រមបន្តទំនាក់ទំនងការទូតឡើងវិញ

2023/10/10 05:20:30 pm        118
Facebook Telegram Linkin
ប្រទេសទាំងពីរ បាននិយាយនៅក្នុងសេចក្តីថ្លែងការណ៍រួមមួយថា អ៊ីរ៉ង់ និងស៊ូដង់ បានព្រមព្រៀងគ្នាកាលពីថ្ងៃចន្ទ ដើម្បីស្តារទំនាក់ទំនងការទូតឡើងវិញ រយៈពេល៧ឆ្នាំ បន្ទាប់ពីពួកគេត្រូវបានកាត់ផ្តាច់ និងបីខែបន្ទាប់ពីកិច្ចប្រជុំរវាងរដ្ឋមន្ត្រីការបរទេសរបស់ពួកគេ។ប្រទេសស៊ូដង់ ដែលបច្ចុប្បន្នកំពុងស្ថិតក្នុងសង្រ្គាមដ៏បំផ្លិចបំផ្លាញនោះ បានកាត់ផ្តាច់ទំនាក់ទំនងការទូតជាមួយអ៊ីរ៉ង់ក្នុងឆ្នាំ ២០១៦បន្ទាប់ពីមានការវាយលុកចូលស្ថានទូតអារ៉ាប៊ីសាអ៊ូឌីត នៅទីក្រុងតេអេរ៉ង់។ប្រទេសអារ៉ាប៊ីសាអ៊ូឌីត និងអ៊ីរ៉ង់ បានព្រមព្រៀងគ្នាក្នុងការបន្តទំនាក់ទំនងឡើងវិញ នៅខែមីនា ក្រោមកិច្ចព្រមព្រៀងមួយ ដែលបានចរចាដោយប្រទេសចិន ដោយបង្កើនការរំពឹងទុកថា ទីក្រុងតេអេរ៉ង់ និងប្រទេសអារ៉ាប់ផ្សេងទៀត នឹងបង្កើតទំនាក់ទំនងការទូតឡើងវិញយ៉ាងពេញលេញ។សេចក្តីថ្លែងការណ៍នោះ បាននិយាយថា៖«សាធារណរដ្ឋឥស្លាមអ៊ីរ៉ង់ និងសាធារណរដ្ឋស៊ូដង់ បានសម្រេចចិត្តបន្តទំនាក់ទំនងការទូតឡើងវិញ ... ភាគីទាំងពីរ ក៏បានយល់ព្រមចាត់វិធានការចាំបាច់ ដើម្បីបើកស្ថានទូតរបស់ពួកគេ នាពេលខាងមុខ និងផ្លាស់ប្តូរគណៈប្រតិភូជាផ្លូវការ។ក្រសួងការបរទេសស៊ូដង់ បាននិយាយថា ការសម្រេចចិត្តនេះ «បានកើតឡើង បន្ទាប់ពីទំនាក់ទំនងកម្រិតខ្ពស់ជាច្រើនរវាងប្រទេសទាំងពីរ ហើយនឹងបម្រើផលប្រយោជន៍ទៅវិញទៅមករបស់ពួកគេ»។

សង្គ្រាមអ៊ីស្រាអែល និងក្រុមហាម៉ាស់ បង្ខំឲ្យលោក Biden និងលោក NETANYAHU ស្ថិតក្នុងភាពជាដៃគូ ទាំងមិនស្រួលចិត្ត

2023/10/10 05:10:42 pm        134
Facebook Telegram Linkin
ប្រធានាធិបតីសហរដ្ឋអាមេរិកលោក Joe Biden និងនាយករដ្ឋមន្ត្រីអ៊ីស្រាអែល លោក Benjamin Netanyahu ជាសម្ព័ន្ធមិត្តទាំងមិនស្រួលចិត្តក្នុងពេលវេលាដ៏ល្អបំផុត នឹងដាក់ទំនាក់ទំនងដ៏អន្ទះសារ​របស់មេដឹកនាំទាំងពីរទៅក្នុងការសាកល្បងបន្ថែមទៀតជាមួយអ៊ីស្រាអែល ដែលកំពុងរៀបចំការវាយប្រហារលើដែនដីដែលនឹងកើតមានឡើងទៅលើតំបន់ហ្គាហ្សារបស់ប៉ាឡេស្ទីន។ បន្ទាប់ពីរយៈពេលជាច្រើនខែ នៃភាពតានតឹង ជុំវិញមធ្យោបាយឆ្ពោះទៅកាន់មជ្ឈឹមបូព៌ា មេដឹកនាំទាំងទាំងពីរ ដែលបានស្គាល់គ្នារយៈពេលជាច្រើនទសវត្សរ៍មកហើយនោះ បានជឿជាក់ក្នុងភាពជាដៃគូពេលមានសង្គ្រាម បន្ទាប់ពីការវាយប្រហារបណ្តាលឲ្យមានមនុស្សស្លាប់ច្រើន ធ្វើឡើងដោយក្រុមសកម្មប្រយុទ្ធហាម៉ាស់ ពីតំបន់ហ្គាហ្សា ចូលទៅអ៊ីស្រាអែល។ទំនាក់ទំនងសហរដ្ឋអាមេរិក ជាមួយអ៊ីស្រាអែល ដែលជាសម្ព័ន្ធមិត្តនៅមជ្ឈិមបូព៌ាដ៏សំខាន់របស់ទីក្រុងវ៉ាស៊ីនតោន បានធ្វើឲ្យមានការព្រួយបារម្ភក្នុងរយៈពេលប៉ុន្មានខែថ្មីៗនេះ ដោយសេតវិមានគាំទ្រអ្នករិះគន់របស់អ៊ីស្រាអែល ដែលបានរៀបចំការតវ៉ាជាច្រើន ប្រឆាំងផែនការរបស់រដ្ឋាភិបាលលោក Netanyahu ស្តាំនិយម ដើម្បីទប់ស្កាត់អំណាចតុលាការកំពូល។ ប៉ុន្តែភាពខ្វែងគំនិតគ្នារបស់មេដឹកនាំទាំងពីរ កាន់តែជ្រៅឡើង។ក្នុងនាមជាប្រធានាធិបតី លោក Biden បានបញ្ជាក់ជាញឹកញាប់ការគាំទ្រសម្រាប់អ៊ីស្រាអែលដែលមានឯករាជ្យ និងរដ្ឋប៉ាឡេស្ទីន។ ក្រុមមន្ត្រីរដ្ឋបាលនិយាយថាលោកបានលើកឡើងបញ្ហានេះ រៀងរាល់ការសន្ទនាជាមួយលោក Netanyahu ខណៈស្នើសុំឲ្យលោកបញ្ឈប់ការពង្រីកខ្លួនការសាងសង់លំនៅឋានជនជាតិជ្វីហ្វនៅក្នុងតំបន់កាន់កាប់ West Bank។ ដោយវិលត្រលប់មកកាន់តំណែងវិញកាលពីចុងខែធ្នូ លោក Netanyahu បានប្រឆាំងភាពជារដ្ឋរបស់ប៉ាឡេស្ទីន នៅពេលណាមួយក៏ដោយ ហើយបានអនុម័តការសាងសង់លំនៅឋានថ្មីៗរាប់ពាន់ខ្នងសម្រាប់អ្នកតាំងលំនៅ នៅតំបន់ West Bank។

បណ្ដាញសង្គម

ព័ត៌មានថ្មីៗ

តំណាងរាស្រ្តខេត្តបន្ទាយមានជ័យ៖ ទោះបីមានការឈ្លានពានពីប្រទេសជិតខាង តែពលរដ្ឋកម្ពុជា នៅតែមានឱកាសធ្វើបុណ្យទានប្រកបដោយសទ្ធាជ្រះថ្លា
10/04/2026 05:10 PM
Facebook Telegram Linkin
ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញកាន់បិណ្ឌទី៨ និងនាំយកទេយ្យវត្ថុប្រគេនវត្តចំនួន១៣វត្ត និងចែកអំណោយដល់យាយជីតាជី នៅខេត្តពោធិ៍សាត់
10/04/2026 04:10 PM
Facebook Telegram Linkin
មន្រ្តីជាន់ខ្ពស់ធនាគារជាតិ៖ វិស័យធនាគារបានបន្តរក្សាលំនឹង និងមានសុខភាពល្អជាធម្មតា
10/04/2026 04:10 PM
Facebook Telegram Linkin
លោកជំទាវ ចម និម្មល អញ្ជើញសំណេះសំណាល សួរសុខទុក្ខ និងនាំយកអំណោយជូននាយទាហាន នាយទាហានរង និងពលទាហាន នៃបញ្ជាការដ្ឋានកាំភ្លើងធំ កងទ័ពជើងគោក ក្នុងឱកាសពិធីបុណ្យភ្ជុំបិណ្ឌ
10/04/2026 04:10 PM
Facebook Telegram Linkin
ប្រតិបត្តិការបង្ក្រាប Online Scam នៅប៉ោយប៉ែត ឃាត់ខ្លួនមនុស្សជិត៦០០នាក់
10/04/2026 03:10 PM
Facebook Telegram Linkin
ប្រធានក្រុមការងាររាជរដ្ឋាភិបាលចុះមូលដ្ឋានស្រុកស្អាង និងកោះធំ អញ្ជើញជួបសំណេះសំណាល និងសួរសុខទុក្ខគ្រួសារវីរៈកងទ័ព និងគ្រួសារក្រីក្រក្នុងស្រុកស្អាង និងកោះធំ សរុប ១៨០០គ្រួសារ
10/04/2026 03:10 PM
Facebook Telegram Linkin
ការនាំចេញអង្ករកម្ពុជាទៅកាន់ប្រទេសហ្វីលីពីន មានសន្ទុះខ្លាំង ខណៈការដឹកជញ្ជូនអង្ករចំនួន ២០.០០០តោនបានចាប់ផ្តើមចេញដំណើរហើយ
10/04/2026 03:10 PM
Facebook Telegram Linkin
រដ្ឋមន្ត្រីសុខាភិបាល៖ ការតម្កល់សុខុមាលភាពរបស់ប្រជាពលរដ្ឋ គឺជាអាទិភាពចម្បងជានិច្ចរបស់រាជរដ្ឋាភិបាល
10/04/2026 03:10 PM
Facebook Telegram Linkin
អតីតសមាជិកគណបក្សប្រឆាំង ចំនួន៣៩នាក់ សម្រេចចិត្តចូលរួមជីវភាពនយោបាយជាមួយគណបក្សប្រជាជនកម្ពុជា
10/04/2026 03:10 PM
Facebook Telegram Linkin
នេប៉ាល់ប្រារព្ធពិធីរំឭកវិញ្ញាណក្ខន្ធជនរងគ្រោះ និងទាមទារភាពយុត្តិធម៌អាកាសធាតុ
10/04/2026 02:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.