នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេច​តេជោចាត់ទុកពាក្យស្លោក «បរាជ័យក្នុងសាលាប្រសើរជាងបរាជ័យក្នុងជីវិត» របស់សម្ដេច​ធិបតី​មានតម្លៃ​មិនសាបសូន្យ
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម

នយោបាយ​ និង ការអភិវឌ្ឍន៍

ម៉ិកស៊ិកច្រានចោលផែនការសាងសង់របងព្រំដែនថ្មី បន្ទាប់ពីកិច្ចពិភាក្សាជាមួយមន្ត្រីអាមេរិក

2023/10/06 05:54:42 pm        170
Facebook Telegram Linkin
ប្រទេសម៉ិកស៊ិកកាលពីថ្ងៃព្រហស្បតិ៍ បានច្រានចោលផែនការរបស់សហរដ្ឋអាមេរិកក្នុងការសាងសង់ផ្នែកថ្មីនៃរបងព្រំដែនអាមេរិក-ម៉ិកស៊ិក ខណៈដែលមន្ត្រីជាន់ខ្ពស់នៃប្រទេសទាំងពីរ បានជួបប្រជុំគ្នានៅក្នុងរដ្ឋធានីម៉ិកស៊ិក ដើម្បីពិភាក្សាអំពីបញ្ហាអន្តោប្រវេសន៍ និងសន្តិសុខ។មុនពេលជួបពិភាក្សាជាមួយមន្ត្រីសហរដ្ឋអាមេរិក រួមទាំងរដ្ឋមន្ត្រីការបរទេស លោកអង់តូនី ប្ល៊ីនខិន ( Antony Blinken) និងរដ្ឋមន្ត្រីសន្តិសុខមាតុភូមិ លោក អាលីចានដ្រូ ម៉ាយ៉ូកាស (Alejandro Mayorkas) ប្រធានាធិបតីម៉ិកស៊ិក អានដ្រេស ម៉ានូអែល ឡូប៉េស អូប្រាឌ័រ (Andres Manuel Lopez Obrador) បានរិះគន់ផែនការសាងសង់របងចុងក្រោយបង្អស់ថាជា«ជំហានថយក្រោយ» ។ចំពេលមានការកើនឡើងនៃចំនួនមនុស្សឆ្លងចូលសហរដ្ឋអាមេរិកពីប្រទេសម៉ិកស៊ិក សហរដ្ឋអាមេរិក បាននិយាយថា ខ្លួននឹងសាងសង់ផ្នែកបន្ថែមនៃជញ្ជាំងព្រំដែននៅតំបន់ Starr County រដ្ឋតិចសាស ដោយ អនុវត្តគោលនយោបាយហត្ថលេខារបស់រដ្ឋបាលលោកត្រាំ។នៅក្នុងកិច្ចពិភាក្សានេះ ក្រុមមន្ត្រី បានសន្យាថា នឹងបង្កើនកិច្ចសហប្រតិបត្តិការ ដើម្បីប្រយុទ្ធប្រឆាំងនឹងការជួញដូរគ្រឿងញៀន ឧក្រិដ្ឋកម្មដែលត្រូវបានគេរៀបចំ និងបន្ធូរបន្ថយសម្ពាធអន្តោប្រវេសន៍នៅតាម ព្រំដែន។ បន្ទាប់មក រដ្ឋមន្ត្រីការបរទេសម៉ិកស៊ិក អាលីសៀ បាសិនណា (Alicia Barcena) បានគូសបញ្ជាក់ពីការប្រឆាំងជំទាស់របស់ម៉ិកស៊ិកចំពោះរបងនេះ។

លោក Biden នឹងសាងសង់របងព្រំដែនសហរដ្ឋអាមេរិកបន្ថែមទៀត ដោយមូលនិធិសម័យលោក Trump

2023/10/06 05:51:30 pm        118
Facebook Telegram Linkin
រដ្ឋបាលលោកប្រធានាធិបតីអាមេរិក Joe Biden បាននិយាយថាកាលពីថ្ងៃព្រហស្បតិ៍ថា ខ្លួននឹងបន្ថែមមូលនិធិលើការសាងសង់របងដើម្បីទប់ស្កាត់កុំឲ្យជនអន្តោប្រវេសន៍ដ៏ច្រើនឆ្លងចូលតាមព្រំដែនរបស់ប្រទេសម៉ិកស៊ិក ដោយដើរតាមគោលនយោបាយដែលបានចុះហត្ថលេខារួចដោយអតីតប្រធានាធិបតី Donald Trump។ លោក Trump គឺជាបេក្ខជននាំមុខសម្រាប់ការតែងតាំងរបស់គណបក្សសាធារណរដ្ឋក្នុងការប្រកួតប្រែងជាមួយលោក Biden មកពីគណបក្សប្រជាធិបតេយ្យក្នុងការបោះឆ្នោតជ្រើសតាំងប្រធានាធិបតីឆ្នាំ២០២៤ខាងមុខ។ លោក Trump បានសាងសង់របងដែលជាការសន្យានៃយុទ្ធនាការរបស់ខ្លួនសម្រាប់តំណែងប្រធានាធិបតី ដោយមានឃ្លាមួយថា សាងសង់ជញ្ចាំងនោះទៅ ឬ "Build That Wall."។ សកម្មភាពដំបូងរបស់លោក Biden បន្ទាប់ពីចូលកាន់តំណែងកាលពីខែមករា ឆ្នាំ ២០២១ គឺការចេញសេចក្តីប្រកាសមួយដោយសន្យាថា ពុំមានការបង្វែរប្រាក់ពីអ្នកជាប់ពន្ធអាមេរិកទៀតទេ ដើម្បីបង្កើតជញ្ជាំងព្រំដែន ក៏ដូចជាការពិនិត្យឡើងវិញនូវធនធានទាំងអស់ដែលបានប្តេជ្ញាចិត្តរួចហើយ។រដ្ឋបាលនេះ បាននិយាយថា សកម្មភាពកាលពីថ្ងៃព្រហស្បតិ៍មិនខុសពីការប្រកាសរបស់លោក Biden ទេ ព្រោះប្រាក់ដែលត្រូវបានបែងចែកក្នុងអំឡុងពេលអាណត្តិរបស់លោក Trump ក្នុងឆ្នាំ ២០១៩ ត្រូវតែចំណាយនៅពេលនេះ។ ការស្ទង់មតិរបស់សារព័ត៌មាន Reuters និងមជ្ឈមណ្ឌលស្រាវជ្រាវ Ipsos បានរកឃើញថា អន្តោប្រវេសន៍ទំនងជានឹងក្លាយជាប្រធានបទយុទ្ធនាការមួយនៅក្នុងការប្រកួតប្រជែងតំណែងប្រធានាធិបតីសហរដ្ឋអាមេរិកដែលមានប្រជាជនអាមេរិកភាគច្រើន ៥៤% - យល់ស្របនឹងសេចក្តីថ្លែងការណ៍ដែលថា ក្រុមជនអន្តោប្រវេសន៍កំពុងធ្វើឱ្យជីវិតកាន់តែលំបាកសម្រាប់ប្រពលរដ្ឋមានដើមកំណើតអាមេរិក៕

គ្រោះទឹកជំនន់នៅលីប៊ី បានបំផ្លាញទីក្រុងបុរាណ ប៉ុន្តែបានរកឃើញសំណល់វត្ថុបុរាណថ្មី

2023/10/06 05:43:29 pm        119
Facebook Telegram Linkin
ទឹកជំនន់ដែលបានសម្លាប់មនុស្សរាប់ពាន់នាក់នៅទីក្រុង Derna របស់ប្រទេសលីប៊ី កាលពីខែមុន បានធ្វើឱ្យខូចខាតដល់ប្រាសាទបុរាណនៅទីក្រុង Cyrene នៃប្រទេសក្រិកនៅលើភ្នំក្បែរនោះ ប៉ុន្តែវាក៏បានបង្ហាញឱ្យឃើញនូវសំណល់បុរាណវត្ថុថ្មីៗនៅទីនោះផងដែរ ដោយសារទឹកជំនន់បានបណ្ដាលឲ្យបាក់ផែ្នកខ្លះនៃដី និងថ្ម ដែលបានកប់វត្ថុបុរាណទាំងនោះ។ព្យុះដានីញ៉ែល (Daniel) បានបណ្តាលឱ្យមានភ្លៀងធ្លាក់កម្រិតមួយម៉ែត្រ នៅលើភ្នំនៃភាគខាងកើតប្រទេសលីប៊ី ដែលជាតួលេខមិនធ្លាប់មានពីមុនមក ចាប់តាំងពីកំណត់ត្រាបានចាប់ផ្តើមនៅពាក់កណ្តាលសតវត្សទី១៩ ហើយទឹកនៅតែបន្តហូរកាត់តំបន់នោះផងដែរ។មន្ត្រីនាយកដ្ឋានវត្ថុបុរាណក្នុងស្រុក លោក Adel Boufjra បាននិយាយថា ទឹកជំនន់បានបណ្តាលឱ្យមានភក់ និងកម្ទេចថ្មជាច្រើនដុំ នៅក្នុងបន្ទប់ទឹកសម័យក្រិកបុរាណរបស់ទីក្រុង Cyrene ដែលនឹងតម្រូវឱ្យមានការបោសសម្អាតដោយអ្នកឯកទេស។ លោក Boufjra បានបន្ថែមថា ខណៈពេលដែលប្រថុយនឹងការបំផ្លិចបំផ្លាញដ៏ធ្ងន់ធ្ងរចំពោះប្រាសាទដ៏ស្រស់ស្អាតនៅទីក្រុង Cyrene ដែលត្រូវបានគេស្គាល់ថាឈ្មោះ Shehat និងជាទីទាក់ទាញសម្រាប់អ្នកទេសចរតាំងពីសតវត្សរ៍ទី១៨មកនោះ ទឹកក៏បានលាងជម្រះប្រព័ន្ធលូសម័យរ៉ូម៉ាំង ដែលមិនធ្លាប់ត្រូវបានស្គាល់ពីមុនមកផងដែរ។ក្រុមអ្នកវិទ្យាសាស្ត្រនៅអង្គការអាកាសធាតុពិភពលោក ដែលជាក្រុមស្រាវជ្រាវអន្តរជាតិបាននិយាយថា បម្រែបម្រួលអាកាសធាតុបានបណ្តាលឱ្យមានភ្លៀងធ្លាក់ដល់ទៅ៥០%ច្រើនជាងធម្មតា ក្នុងអំឡុងពេលព្យុះនោះ ដែលបង្ហាញពីហានិភ័យនាពេលអនាគតចំពោះបណ្ដាទីតាំងបេតិកភណ្ឌក្នុងប្រទេសនេះផងដែរ៕

អាជ្ញាធរខណ្ឌទួលគោក រៀបចំទិវាទេសចរណ៍ពិភពលោកឆ្នាំ២០២៣ ក្រោមប្រធានបទ « ទេសចរណ៍ និងការវិនយោគបៃតង »

2023/10/06 05:07:21 pm        199
Facebook Telegram Linkin
ភ្នំពេញ៖ នាព្រឹកថ្ងៃទី០៦ ខែតុលា ឆ្នាំ២០២៣នេះ រដ្ឋបាលខណ្ឌទួលគោក ដោយមានការចូលរួម​ពី​កម្លាំងអាជ្ញាធរចម្រុះ និងក្មួយៗជាសិស្សានុសិស្ស ក៏ដូចជាក្រុមយុវជនស្ម័គ្រចិត្តកាកបាទក្រហម​កម្ពុជា ​និងក្រុមយុវជនកាយរឹទ្ធិ បានរៀបចំទិវាទេសចរណ៍ពិភពលោក ឆ្នាំ២០២៣ ​ក្រោមប្រធានបទ « ទេសចរណ៍ និងការវិនយោគបៃតង » ។លោក ឈាង វុទ្ធី អភិបាលរងខណ្ឌទួលគោក ​បានអាន​នូវ​សារលិខិត​របស់​សម្តេចមហាបវរធិបតី ហ៊ុន ម៉ាណែត​ នាយករដ្ឋមន្ត្រី លើប្រធានបទ « ទេសចរណ៍ និងការវិនិយោគបៃតង » ដែល​សុទ្ធ សឹង​ជាអនុសាសន៍ដល់ខ្ពង់ខ្ពស់ ​និងផ្តល់នូវអត្ថន័យដ៏ជ្រាលជ្រៅ ជូនដល់ប្រជាពលរដ្ឋ​ក្នុង​ប្រទេសជាតិទាំងមូល ​លើការបន្តកែប្រែ​មុខមាត់ប្រទេស ឈាន​ទៅ​រកការអភិវឌ្ឍ​ផ្នែក​ទេសចរណ៍ជាតិ ឱ្យកាន់តែខ្លាំងក្លា និងកើនឡើងជាលំដាប់ ។ លោកអភិបាលរង បានបន្តថា ទិវាទេសចរណ៍ពិភពលោកនេះ គឺយុទ្ធនាការសំខាន់​សម្រាប់អាជ្ញាធរ​រដ្ឋបាលថ្នាក់ក្រោមជាតិ ដែលមានកាតព្វកិច្ចត្រូវចុះសម្អាតបរិស្ថានអនាម័យ​ក្នុង​សង្គម​ឱ្យបានល្អប្រសើរ​ ប្រកប​ដោយសោភណ្ឌភាព ដើម្បីប្រែក្លាយមុខមាត់ប្រទេសជាតិ ឱ្យក្លាយ​ទៅជាទីក្រុងបៃតង ។ក្រុមយុវជនស្ម័គ្រចិត្ត ក៏បានបង្ហាញអារម្មណ៍រីករាយពេល​បានចូលរួម​ជាមួយក្រុមអាជ្ញាធរ ក្នុងសកម្មភាព ​រួមគ្នាសម្អាតបរិស្ថានអនាម័យសង្គមជាតិ ​ដោយពួកគាត់បានលើកឡើងថា ការ​សម្អាតបរិស្ថាន គឺត្រូវផ្តើមចេញពីការចូលរួមពីពលរដ្ឋគ្រប់ៗគ្នា ​និងគ្រប់ស្រទាប់វណ្ណៈ មិនអាច​ត្រូវពឹងផ្អែកតែលើក្រុមអាជ្ញាធរចុះរៀបចំតែមួយមុខ ​គឺមិនគ្រប់គ្រាន់ឡើយ ។សូមបញ្ជាក់ថា ទិវាទេសចរណ៍ពិភពលោក ឆ្នាំ២០២៣ ក្រោមប្រធានបទ « ទេសចរណ៍ និង​ការវិនយោគបៃតង » ខាងលើនេះ ​គឺនឹងត្រូវប្រារព្ធឡើង ​នៅថ្ងៃទី២៧ ខែកញ្ញា ជារៀងរាល់ឆ្នាំ ផងដែរ ៕ អត្ថបទ ៖ លីហេង 

ក្រសួងការងារ ជួបជាមួយសហជីពនៅទូទាំងប្រទេស ក្នុងគោលបំណងស្វែងយល់ពីចក្ខុវិស័យរួមគ្នា

2023/10/06 04:58:06 pm        244
Facebook Telegram Linkin
ភ្នំពេញ៖​ នៅទីស្តីការក្រសួងក្រសួងការងារ និងបណ្តុះបណ្តាលវិជ្ជាជីវៈ នាថ្ងៃទី០៥ ខែតុលានេះ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានជួបសំណេះសំណាល​ការងារ​ជាមួយសហភាព និងសហព័ន្ធសហជីពចំនួន ២០៥នៅទូទាំងប្រទេស ដើម្បីស្វែងយល់ពី​គោលដៅរួម​របស់ក្រសួងក្នុងការលើកកម្ពស់ជីវភាពរបស់កម្មករនិយោជិត​ដែលអនុវត្ត​តាមការ​ណែនាំ​ដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ ក្រៅពីនេះ ​ជំនួបដ៏មានអត្ថន័យនិងខ្លឹមសារនេះ ក៏មានគោលបំណងរឹតចំណងសាមគ្គីភាព​ និងកិច្ច​សហប្រតិបត្តិការក្នុងភាពជាដៃគូរដែលមិនអាចខ្វះបានក្នុងការជួយជ្រួមជ្រែង និង​ពង្រឹងទំនាក់ទំនងវិជ្ជាជីវៈនិងភាពសុខដុមនីយកម្មក្នុងវិស័យការងារនៅកម្ពុជា។ សម្រាប់ឯកឧត្តមរដ្ឋមន្ត្រី ភាពសុខុដុមនីយកម្ម​ក្នុងវិជ្ជាជីវៈកាត់ដេរវាយនភណ្ឌ និងផលិតផល​ធ្វើដំណើរនេះ ​ទាមទារឱ្យគ្រប់ភាគីទាំងសហជីព ដែលតំណាងឱ្យកម្មករ​និយោជិត​យល់ពីក្រប​ខណ្ឌគតិយុត្តិ និងកាតព្វកិច្ចរបស់គ្រប់ភាគីពាក់ព័ន្ធដែលត្រូវបានកំណត់​ដើម្បី​រក្សាប្រយោជន៍​ជាអតិបរមាសម្រាប់គ្រប់ភាគីពាក់ព័ន្ធក្នុងការធានាបាននូវនិរន្តរភាព។ ​ជំនួបនេះ គឺជាជំនួប​ទ្រង់ទ្រាយ​ធំ​លើកទី១រវាងសហជីពគ្រប់និន្នាការ និងក្រសួងការងារ​និង​បណ្តុះបណ្តាល​វិជ្ជាជីវៈក្នុងដើមអាណត្តិទី៧នៃរាជរដ្ឋាភិបាល ។ឯកឧត្តមរដ្ឋមន្ត្រី បានគូសបញ្ជាក់ថា សហជីពគឺជាដៃគូមិនអាចខ្វះបាន​របស់រាជរដ្ឋាភិបាល​ក្នុងការ​លើកកម្ពស់សិទ្ធិ និងការពារអត្ថប្រយោជន៍របស់កម្មករនិយោជិតហើយការនេះតម្រូវ​ឱ្យ​សហជីព​ទាំងអស់ត្រូវពង្រឹងគុណវុឌ្ឍ សមត្ថភាព​ដើម្បីចូលរួមកសាងបរិយកាសអាជីវកម្មមួយ​ដែល​មានភា​ពសុខដុម និងប្រកបដោយភាពទាក់ទាញក្នុងការរក្សាប្រយោជន៍ជូនកម្មករនិយោជិតយូរអង្វែង។ បើតាមឯកឧត្តមរដ្ឋមន្ត្រី វប្បធម៌ជជែកពិភាក្សាគ្នាក្នុងនាមក្រុមគ្រួសារតែមួយការជជែកត្រង់ទៅត្រង់​មករវាងសហជីពនិងក្រសួងការងារ គឺជាយន្តការដ៏ល្អបំផុតដើម្បីឱ្យវិស័យការងារនៅកម្ពុជា​កាន់តែ​រឹងម៉ាំ​និងជាម្លប់ដ៏ត្រជាក់ប្រកបដោយភាពទាក់ទាញ​សម្រាប់រក្សាការវិនិយោគដែលមានស្រាប់ និងការចាប់យកឱកាសវិនិយោគថ្មីៗបន្ថែមទៀត។ បន្ថែមពីនេះ ឯកឧត្តមរដ្ឋមន្ត្រី បានគូសបញ្ជាក់ថា កម្ពុជាគឺជាឋានសួគ៌របស់សហជីព​ដែល​បង្កើតឡើង ​ដើម្បីការពារប្រយោជន៍​ដល់កម្មករ​ ដែលជាមធ្យមនៅរោងចក្រមួយមាន​សហជីព​មិនតិចជាង៣ផ្សេងគ្នានោះទេ។ដើម្បីធានាបាននូវប្រសិទ្ធភាពនៃទំនាក់ទំនង និងចំណងមិត្តភាពស្អិតរមួតរវាងភាគីទាំងពីរ ក្រសួងការងារ និងបណ្តុះបណ្តាលវិជ្ជាជីវៈ ​នឹង​បង្កើត​ឱកាសជំនួបជាលក្ខណៈដាច់ដោយឡែកនិង​ជាក្រុម​ប្រមូលផ្តុំឱ្យបាន​ញឹកញាប់​ជាមួយគ្នា។ សូមបញ្ជាក់ថា ក្រោយបញ្ចប់ការសំណេះសំណាលសហជីពទាំងអស់បានចូលរួម​អាហារសាមគ្គី និងច្រៀងកំសាន្តយ៉ាងសប្បាយរីករាយជាមួយគ្នាក្នុងនាមជាមហាគ្រួសារខ្មែរតែមួយ៕

ព្រះរាជសុន្ទរកថា របស់ព្រះមហាក្សត្រ ក្នុងព្រះរាជពិធីអបអរសាទរខួប ៣០ឆ្នាំ នៃការប្រកាសឱ្យប្រើប្រាស់រដ្ឋធម្មនុញ្ញ

2023/10/06 04:21:46 pm        284
Facebook Telegram Linkin
ភ្នំពេញ៖ ព្រះករុណា ព្រះបាទ​សម្តេច​ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា នាព្រឹកថ្ងៃទី៦ ខែតុលា ឆ្នាំ២០២៣ បាន​សព្វ​ព្រះរាជ​ហឫទ័យ​យាង​ជា​ព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជពិធីអបអរសាទរទិវារំលឹកខួប ៣០ឆ្នាំ នៃ​ការប្រកាស​ឱ្យប្រើរដ្ឋធម្មនុញ្ញ (ថ្ងៃទី២៤ ខែកញ្ញា ឆ្នាំ១៩៩៣ / ថ្ងៃទី២៤ ខែកញ្ញា ឆ្នាំ២០២៣​) ​ដែល​ជា​ឆ្នាំពិសេស​គម្រប់​ខួប៣០ឆ្នាំ នៃ​ការ​ប្រកាស​ឱ្យ​ប្រើ​រដ្ឋធម្មនុញ្ញ នៃ​ព្រះរាជាណាចក្រ​កម្ពុជា​ នៅសាលមហោស្រពកោះពេជ្រ ។ ព្រះរាជសុន្ទរកថា របស់ព្រះមហាក្សត្រ ក្នុងព្រះរាជពិធីអបអរសាទរខួប ៣០ឆ្នាំ នៃការប្រកាសឱ្យប្រើប្រាស់រដ្ឋធម្មនុញ្ញ ដូចខាងក្រោម៖ 

ព្រះមហាក្សត្រយាងជាព្រះរាជាធិបតីដ៏ខ្ពង់ខ្ពស់បំផុតទិវារំលឹកខួប៣០ឆ្នាំ នៃការប្រកាសឱ្យប្រើរដ្ឋធម្មនុញ្ញ នៃព្រះរាជាណាចក្រកម្ពុជា

2023/10/06 03:26:21 pm        840
Facebook Telegram Linkin
នៅសាលមហោស្រពកោះពេជ្រ នាព្រឹកថ្ងៃទី៦ ខែតុលា ឆ្នាំ២០២៣ ព្រះករុណា ព្រះបាទ​សម្តេច​ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បាន​សព្វ​ព្រះរាជ​ហឫទ័យ​យាង​ជា​ព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជពិធីអបអរសាទរទិវារំលឹកខួប ៣០ឆ្នាំ នៃ​ការប្រកាសឱ្យប្រើរដ្ឋធម្មនុញ្ញ (ថ្ងៃទី២៤ ខែកញ្ញា ឆ្នាំ១៩៩៣ / ថ្ងៃទី២៤ ខែកញ្ញា ឆ្នាំ២០២៣​) ​ដែល​ជា​ឆ្នាំពិសេស​គម្រប់​ខួប៣០ឆ្នាំ នៃ​ការ​ប្រកាស​ឱ្យ​ប្រើ​រដ្ឋធម្មនុញ្ញ នៃ​ព្រះរាជាណាចក្រ​កម្ពុជា​។សូមបញ្ជាក់ថា ក្រុមប្រឹក្សាធម្មនុញ្ញដែលជាស្ថាប័ន​មាន​សមត្ថកិច្ច​ធានា​ការពារ​ការ​គោរព​រដ្ឋ​ធម្មនុញ្ញ​បាន​សហការជាមួយគណៈកម្មាធិការជាតិរៀបចំបុណ្យជាតិ-អន្តរជាតិនិងស្ថាប័នពាក់ព័ន្ធ នានា​រៀបចំ​ជា​ព្រះរាជ​ពិធី​អបអរ​ទិវា​រំលឹក​ខួប​៣០​ឆ្នាំ​នៃ​ការ​ប្រកាស​ឱ្យ​ប្រើ​រដ្ឋធម្មនុញ្ញ នៃ​ព្រះរាជា​ណាចក្រ​កម្ពុជា​ឱ្យមានអធឹកអ ធមនៅថ្ងៃទី២៤ ខែកញ្ញា ឆ្នាំ២០២៣ដែលជាឆ្នាំ ពិសេស​គម្រប់​ខួប​៣០​ឆ្នាំ នៃការប្រកាសឱ្យប្រើរដ្ឋធម្មនុញ្ញ ។ ប៉ុន្តែដោយ​មាន​សំណូមពរ​ជាក់​ស្ដែង​ព្រះ​រាជ​ពិធី​នេះ​ត្រូវ​បាន​ពន្យារពេលមកប្រារព្ធធ្វើនៅថ្ងៃទី៦ ខែតុលា ឆ្នាំ២០២៣ នៅសាលសន្និសីទ​កោះពេជ្រ ​ក្រោម​ព្រះរាជាធិបតីភាពដ៏ខ្ពង់ខ្ពស់បំផុតនៃព្រះករុណាជាអម្ចាស់ជីវិតលើត្បូង ព្រះមហាក្សត្រ នៃព្រះរាជាណាចក្រកម្ពុជាជាទីគោរពសក្ការៈដ៏ខ្ពង់ខ្ពស់ បំផុត។ថ្ងៃទី​២៤ ខែកញ្ញា ឆ្នាំ១៩៩៣ ជាទិវា​ប្រវត្តិសាស្ត្រ​ដែល​រដ្ឋ​ធម្មនុញ្ញ​ជា​ច្បាប់​កំពូល​ នៃ​ព្រះ​រាជា​ណា​ចក្រ​ក​ម្ពុជាត្រូវបានព្រះករុណាព្រះបាទសម្តេច ព្រះនរោត្តម សីហនុ ព្រះមហាក្សត្រនៃ ព្រះរាជា​ណា​ចក្រ​កម្ពុជា​ជាទី​គោរព​សក្ការៈ​ដ៏ខ្ពង់​ខ្ពស់​បំផុត​ឡាយ​ព្រះហស្ថ​លេខា​លើ​ព្រះរាជ​ក្រម​ប្រកាស​ឱ្យ​ប្រើ​ជា​ផ្លូវ​ការ ក្រោយសភាធម្មនុញ្ញបានអនុម័តតាមឆន្ទៈរួម នៃប្រជារាស្ត្រខ្មែរ។ ទិវា​ជា​ប្រវត្តិសាស្ត្រ​នេះ​ត្រូវ​បាន​រាជរដ្ឋាភិបាលកម្ពុជាដាក់ចូលក្នុងប្រតិទិនឈប់សម្រាកកំរងប្រចាំឆ្នាំរបស់មន្ត្រីរាជការ និយោជិត កម្មករ។គិតទៅដល់​ថ្ងៃទី២៤ ខែកញ្ញា ឆ្នាំ២០២៣ រដ្ឋធម្មនុញ្ញ នៃ​ព្រះរាជាណាចក្រកម្ពុជា​មាន​អាយុ​៣០​ឆ្នាំ​គត់​ជា​រដ្ឋធម្មនុញ្ញមានអាយុវែងជាងគេក្នុងចំណោមរដ្ឋធម្មនុញ្ញទាំង៦ ដែលកម្ពុជា ធ្លាប់​បាន​អនុវត្ត​ ។ ការអនុវត្តរដ្ឋធម្មនុញ្ញក្នុងអំឡុងពេល៣០ឆ្នាំកន្លងមកនេះ (២៤ កញ្ញា ១៩៩៣-២៤ កញ្ញា ២០២៣)ព្រះរាជា ណាក្រកម្ពុជាសម្រេចបានលទ្ធផលដ៏ធំធេងនិងប្រកា ស​ដោយ​ភាព​ជោគជ័យ​ត្រចះត្រចង់ដែលញ៉ាំងឱ្យប្រជារាស្ត្របាននិងកំពុងរស់នៅក្នុងសុខសន្តិភាព ស្ថិរភាព និង​ការអភិវឌ្ឍក្រោមមាគ៌ាដឹកនាំដ៏ត្រឹមត្រូវរបស់រាជរដ្ឋាភិបាលកម្ពុ ជា និង​ក្រោម​ម្លប់​ដ៏​ត្រជាក់​ នៃ​អង្គ​ព្រះមហាក្សត្រជាទីគោរពសក្ការៈដ៏ខ្ពង់ ខ្ពស់បំផុត ។រដ្ឋធម្មនុញ្ញ​នៃព្រះរាជាណាចក្រកម្ពុជាមាន១៦ជំពូក និង១៥៨មាត្រា ។ នៅក្នុងបុព្វកថារបស រដ្ឋ​ធម្មនុញ្ញ​ក៏​បានរំលេចសារដាស់តឿននិងរំលឹកដល់កូនខ្មែរផងដែរថាសង្រ្គាមបាន នាំកម្ពុជាឱ្យ អន្តរាយ ខ្ទេចខ្ទាំ ហើយការបង្កើតរដ្ឋធម្មនុញ្ញជាថ្មី ដើម្បីពង្រឹងនូវការរួបរួមជាតិជាថ្មីឡើងវិញ។ «យើងជាប្រជារាស្ត្រ ខែ្មរ ដែលធ្លាប់មានអារ្យធម៌ឧត្តុងឧត្តមប្រទេសជាតិស្តុកស្តម្ភ ធំទូលាយ ថ្កុំ​ថ្កើង​រុងរឿង កិត្យានុភាពខ្ពង់ខ្ពស់ ភ្លឺចែងចាំងដូចពេជ្រ ពណ្ណរាយ បានធ្លាក់ខ្លួន ដ៏សែនរន្ធត់ ក្នុង​អំទ្បុង​ពីរ​ទសវត្សរ៍ចុងក្រោយនេះ ឆ្លងកាត់ទុក្ខសោក វិនាសអន្តរាយទ្រុឌទ្រោមឱនថយមហា សោកស្តាយ បានភ្ញាក់រលឹកក្រោកឈរ ទ្បើង ចងបាច់ឆន្ទៈមោះមុត ប្តូរផ្តាច់ រួបរួមគ្នាពង្រឹង ឯកភាព​ជាតិ រក្សាការពារទឹកដីកម្ពុជា អធិប តេយ្យ ថ្លៃថ្លា និងអារ្យធម៌អង្គរ ដ៏បវរ កសាង​ប្រទេស​ជាតិ​ឱ្យ​ទៅ​ជា «កោះសន្តិភាព»ទ្បើងវិញ។ មកដល់បច្ចុប្បន្ននេះ រដ្ឋធម្មនុញ្ញនៃព្រះរាជាណាកម្ពុជា ឆ្នាំ១៩៩៣ នេះត្រូវរដ្ឋសភាជាតិ ធ្វើវិសោធនកម្មចំនួន១០ លើកមកហើយ៕

សមាជិកសភាបក្សសាធារណរដ្ឋពីររូប ឈរឈ្មោះជាបេក្ខជនប្រធានសភាអាមេរិក បន្ទាប់អ្នកកាន់តំណែងពីមុនត្រូវបានបណ្ដេញចេញ

2023/10/05 09:15:00 pm        459
Facebook Telegram Linkin
ការប្រជែងដើម្បីជំនួសប្រធានសភា ដែលត្រូវបានបណ្តេញចេញពីតំណែង លោក Kevin McCarthy បានចាប់ផ្តើមកាលពីថ្ងៃពុធ (៤ តុលា) ខណៈលោក Steve Scalise សមាជិកសភាបក្សសាធារណៈរដ្ឋលំដាប់ទី២ និងលោក Jim Jordan ដែលជាអ្នកប្រឆាំងនាំមុខគេរបស់ប្រធានាធិបតីបក្សប្រជាធិបតេយ្យ លោកចូ បៃដិន បាននិយាយថា ពួកគេនឹងប្រកួតប្រជែងសម្រាប់មុខតំណែងប្រធានសភាមួយនេះ។ សមាជិកសភាទាំងពីររូបនេះ អាចត្រូវបានចូលរួមប្រកួតប្រជែងដោយបេក្ខជនមួយចំនួនផ្សេងទៀត នៅក្នុងអ្វីដែលអាចជាសមរភូមិដ៏យូរ និងស្មុគស្មាញ ដើម្បីបំពេញមុខតំណែងនៅក្នុងសភា ដែលគណបក្សសាធារណរដ្ឋកាន់កាប់ភាគច្រើនមួយនេះ។ការដកតំណែងលោក McCarthy ជាប្រវត្តិសាស្ត្រកាលពីថ្ងៃអង្គារ ដែលជំរុញដោយក្រុមបះបោររបស់សមាជិកគណបក្សសាធារណរដ្ឋ គឺជាលើកទីមួយហើយ ដែលសភាបានដកមេដឹកនាំរបស់ខ្លួនចេញពីតំណែង ដែលមានលំដាប់ទីពីរនៅក្នុងជួរប្រធានាធិបតី បន្ទាប់ពីអនុប្រធានាធិបតី។ គណបក្សសាធារណរដ្ឋ បានកំណត់ការបោះឆ្នោតនៅថ្ងៃទី១១ ខែតុលា ខាងមុខនេះ ដើម្បីជ្រើសរើសអ្នកស្នងតំណែងថ្មី ហើយនឹងត្រូវជួបប្រជុំគ្នាមួយថ្ងៃមុន ដើម្បីស្តាប់ការជជែកពីបណ្ដាបេក្ខជនផងដែរ៕

ប្រទេសជប៉ុនចាប់ផ្តើមបញ្ចេញទឹកវិទ្យុសកម្មជុំទីពីរ ពីរោងចក្រនុយក្លេអ៊ែរ ហ៊្វុគូស៊ីម៉ា

2023/10/05 08:47:35 pm        449
Facebook Telegram Linkin
របាយការណ៍សារព័ត៌មានបាននិយាយថា ប្រទេសជប៉ុនបានចាប់ផ្ដើមបញ្ចេញសំណល់ទឹកវិទ្យុសកម្ម ដែលត្រវបានធ្វើប្រព្រឹត្តិកម្មរួចជុំទីពីរ ចេញពីរោងចក្រនុយក្លេអ៊ែរ ហ្វ៊ូគូស៊ីម៉ា លេខ១ ដែលបានរងការខូចខាត នៅថ្ងៃព្រហស្បតិ៍ (៥ តុលា) នេះ ខណៈភាពតានតឹងជាមួយបណ្ដាប្រទេសជិតខាងជុំវិញបញ្ហានេះ កាន់តែខ្លាំងក្លាឡើង។ក្រុមហ៊ុន Tepco បាននិយាយថា ខ្លួនបានបញ្ចប់ការត្រួតពិនិត្យបន្ទាប់ពីការបញ្ចេញដំបូង ដែលបានបញ្ចប់នៅថ្ងៃទី១១ ខែកញ្ញា ដោយនិយាយថា ខ្លួនបានមិនរកឃើញហេតុផលគ្រោះថ្នាក់ណាមួយដើម្បីផ្លាស់ប្តូរនីតិវិធីបង្ហូរទឹកនេះទេ។ នៅក្នុងការបង្ហូរទឹកជុំទី១ ក្រុមហ៊ុននេះបាននិយាយថា ទឹកដែលបានធ្វើប្រព្រឹត្តិកម្មរួចសរុបចំនួន៧.៧៨៨តោន ត្រូវបានសម្លាប់មេរោគ និងបង្ហូរចេញដោយសុវត្ថិភាព ដោយគ្មានបញ្ហាអ្វីឡើយ។ ទីភ្នាក់ងារនេះបាននិយាយថា នៅក្នុងជុំទី២ នេះ ប្រហែលជាបរិមាណទឹកដូចគ្នានឹងជុំទី១នោះ ត្រូវបានកំណត់ថានឹងបញ្ចេញក្នុងរយៈពេល១៧ថ្ងៃ។បន្ទាប់ពីការបង្ហូរទឹកដំបូង ប្រទេសជប៉ុនបានឃើញប្រតិកម្មតបភ្លាមៗជាច្រើន ជាពិសេសពីប្រទេសចិនដោយមានការដាក់បម្រាបលើអាហារសមុទ្រ ការហៅទូរស័ព្ទរំខានរាប់ពាន់ករណីពីលេខទូរស័ព្ទចិន។ ទោះបីជាមានបម្រាមលើការនាំចូលអាហារសមុទ្ររបស់ជប៉ុនក៏ដោយ ក៏ទូកនេសាទរបស់ចិនជាច្រើនគ្រឿងត្រូវបានគេរាយការណ៍ថា នៅតែបន្តប្រតិបត្តិការនៅក្នុងតំបន់ដូចគ្នាទៅនឹងនាវារបស់ជប៉ុនដែរ។ ទន្ទឹមនឹងនេះ ប្រទេសរុស្ស៊ី ស្របពេលមានទំនាក់ទំនងកាន់តែតានតឹងជាមួយជប៉ុន កំពុងពិចារណាលើវិធានការស្រដៀងគ្នានេះលើអាហារសមុទ្ររបស់ជប៉ុនផងដែរ៕

សមាជិកបក្សសាធារណរដ្ឋ អំពាវនាវឲ្យមានការរួបរួមគ្នា បន្ទាប់ពីប្រធានសភាអាមេរិកត្រូវបណ្តេញចេញពីតំណែង

2023/10/05 08:35:50 pm        497
Facebook Telegram Linkin
សមាជិកគណបក្សសាធារណរដ្ឋមួយចំនួន បាននិយាយប្រឆាំងនឹងការបណ្តេញប្រធានសភាអាមេរិក លោក Kevin McCarthy កាលពីថ្ងៃអង្គារ (៣ តុលា) ដោយនិយាយថា ការសម្រេចនោះបានធ្វើឲ្យបក្សស្ថិតក្នុងភាពច្របូកច្របល់ ហើយបានអំពាវនាវឲ្យមានការរួបរួមក្នុងបក្ស។ សមាជិកគណបក្សសាធារណរដ្ឋមួយក្តាប់តូច នៅក្នុងសភាតំណាងរាស្រ្តសហរដ្ឋអាមេរិក កាលពីថ្ងៃអង្គារ (៣ តុលា) បានបោះឆ្នោតបណ្ដេញប្រធានសភាបក្សរបស់ខ្លួន លោក Kevin McCarthy ចេញពីតំណែង។ការបោះឆ្នោតចំនួន២១៦សម្លេង ទល់នឹង២១០សម្លេង បានកត់ត្រាលើកដំបូងក្នុងប្រវត្តិសាស្ត្រដែលសភាបានដកមេដឹកនាំរបស់ខ្លួនចេញ ដោយសមាជិកគណបក្សសាធារណរដ្ឋចំនួនប្រាំបីរូប បានបោះឆ្នោតជាមួយនឹងសមាជិកគណបក្សប្រជាធិបតេយ្យចំនួន២០៨រូប ដើម្បីដកលោក McCarthy ចេញពីតំណែង។ អតីតប្រធានសភារូបនេះ បានប្រាប់ក្រុមអ្នកយកព័ត៌មានថា លោកនឹងមិនឈរឈ្មោះជាបេក្ខេជនប្រធានសភាទៀតនោះទេ។ការបណ្តេញប្រធានសភាចេញពីតំណែងនោះ គឺជារឿងអាស្រូវនយោបាយចុងក្រោយបំផុតក្នុងរយៈពេលមួយឆ្នាំ ខណៈសភាដែលគ្រប់គ្រងដោយគណបក្សសាធារណរដ្ឋ បានដឹកនាំទីក្រុងវ៉ាស៊ីនតោនឈានទៅរកការបរាជ័យដ៏មហន្តរាយលើបំណុលរបស់សហរដ្ឋអាមេរិកចំនួន៣១,៤សែនកោដិ៍ដុល្លារ ព្រមទាំងការបិទរដ្ឋាភិបាលដោយផ្នែកផងដែរ៕

បណ្ដាញសង្គម

ព័ត៌មានថ្មីៗ

លោក Zelenskyy ថា អាមេរិកស្នើឱ្យមានកិច្ចចរចាត្រីភាគីជាមួយរុស្ស៊ី និងអ៊ុយក្រែន នៅមុនដំណាច់ខែតុលា
10/05/2026 10:10 AM
Facebook Telegram Linkin
GGear Group និង LG ប្រកាសបើកទំព័រ បង្កើតរបត់ថ្មីនៃការចែកចាយគ្រឿងអេឡិចត្រូនិច “The New Era of LG Cambodia”
10/05/2026 10:10 AM
Facebook Telegram Linkin
រយៈពេល ១០ថ្ងៃ អគ្គនាយកដ្ឋានអន្តោប្រវេសន៍ បណ្ដេញជនបរទេសខុសច្បាប់ ៤៩៤នាក់ (២៨សញ្ជាតិ) ចេញពីកម្ពុជា
10/05/2026 10:10 AM
Facebook Telegram Linkin
ក្រសួងអប់រំ រៀបចំពិព័រណ៍បើកចំហរ នៃគំនូរកុមារ អបអរសាទរទិវាគ្រូបង្រៀន៥តុលា២០២៦
10/05/2026 10:10 AM
Facebook Telegram Linkin
រដ្ឋមន្ត្រីការបរទេសដឹកនាំកិច្ចប្រជុំផ្ទៃក្នុង ដើម្បីត្រួតពិនិត្យវឌ្ឍនភាពនៃការត្រៀមរៀបចំកិច្ចប្រជុំកំពូលហ្វ្រង់កូហ្វូនីលើកទី២០
10/05/2026 09:10 AM
Facebook Telegram Linkin
តំណាងរាស្រ្តខេត្តបន្ទាយមានជ័យ៖ ទោះបីមានការឈ្លានពានពីប្រទេសជិតខាង តែពលរដ្ឋកម្ពុជា នៅតែមានឱកាសធ្វើបុណ្យទានប្រកបដោយសទ្ធាជ្រះថ្លា
10/04/2026 05:10 PM
Facebook Telegram Linkin
ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញកាន់បិណ្ឌទី៨ និងនាំយកទេយ្យវត្ថុប្រគេនវត្តចំនួន១៣វត្ត និងចែកអំណោយដល់យាយជីតាជី នៅខេត្តពោធិ៍សាត់
10/04/2026 04:10 PM
Facebook Telegram Linkin
មន្រ្តីជាន់ខ្ពស់ធនាគារជាតិ៖ វិស័យធនាគារបានបន្តរក្សាលំនឹង និងមានសុខភាពល្អជាធម្មតា
10/04/2026 04:10 PM
Facebook Telegram Linkin
លោកជំទាវ ចម និម្មល អញ្ជើញសំណេះសំណាល សួរសុខទុក្ខ និងនាំយកអំណោយជូននាយទាហាន នាយទាហានរង និងពលទាហាន នៃបញ្ជាការដ្ឋានកាំភ្លើងធំ កងទ័ពជើងគោក ក្នុងឱកាសពិធីបុណ្យភ្ជុំបិណ្ឌ
10/04/2026 04:10 PM
Facebook Telegram Linkin
ប្រតិបត្តិការបង្ក្រាប Online Scam នៅប៉ោយប៉ែត ឃាត់ខ្លួនមនុស្សជិត៦០០នាក់
10/04/2026 03:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.