នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្តេចធិបតីរំពឹងថាក្នុងឆ្នាំ២០២៧ កម្ពុជានឹងអស់បញ្ហាអាក្រក់ មានតែសេចក្តីសុខ និងភាពរីកចម្រើន
សម្ដេចតេជោ សង្ឃឹម យុវជនកម្ពុជា-ឡាវ រួមសាមគ្គី និងបន្តចែករំលែកផ្លាស់ប្ដូរទស្សនៈគ្នា គ្រប់វិស័យ
សម្ដេច​តេជោចាត់ទុកពាក្យស្លោក «បរាជ័យក្នុងសាលាប្រសើរជាងបរាជ័យក្នុងជីវិត» របស់សម្ដេច​ធិបតី​មានតម្លៃ​មិនសាបសូន្យ
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ

នយោបាយ​ និង ការអភិវឌ្ឍន៍

លោក Xi ៖ ចិន និងសហរដ្ឋអាមេរិក ត្រូវតែសម្រេចឲ្យបានសន្តិសហវិជ្ជមាន

2023/09/20 08:31:58 pm        282
Facebook Telegram Linkin
ប្រធានាធិបតីចិនលោក Xi Jinpingបាននិយាយប្រាប់ទាហានជើងចាស់ ២រូបនៃក្រុមស្ម័គ្រចិត្តអាមេរិក ឬ US Flying Tigers ដែលបានធ្វើសង្រ្គាមឲ្យចិនអំឡុងសង្រ្គាមលោកលើកទី ២នោះថា ចិន និងសហរដ្ឋអាមេរិក គួរតែ និងត្រូវតែសម្រេចឲ្យបានសន្តិសហវិជ្ជមាន ដោយលោកផ្តល់សញ្ញាបន្ថែមទៀតសម្រាប់ភាគីទាំង ២ ដើម្បីបន្ធូបន្ថយភាពតានតឹងដែលកំពុងកើតមាន ។ នៅក្នុងការឆ្លើយតបនឹងលិខិតមួយច្បាប់ពីអតីតអាកាយានិក Harry Moyer និងអ្នកបើកយន្តហោះ Mel McMullen លោក Xi និយាយថា ប្រជាពលរដ្ឋចិន និងសហរដ្ឋអាមេរិក ចែករំលែកសត្រូវតែមួយនៅក្នុងសង្រ្គាមរបស់ពួកគេជាមួយជប៉ុន ហើយពួកគេបានបង្កើតមិត្តភាពយ៉ាងជ្រាលជ្រៅ ។ នេះបើយោងតាមការចុះផ្សាយរបស់សារព័ត៌មានរដ្ឋចិនកាលពីថ្ងៃអង្គារ ។ លោក Xi និយាយថា ក្រឡេកមើលអនាគត ចិន និងសហរដ្ឋអាមេរិក ក្នុងនាមជាប្រទេសមហាអំណាច ២ ត្រូវតែមានទំនួលខុសត្រូវដ៏សំខាន់សម្រាប់សន្តិភាព ស្ថិរភាព និងការអភិវឌ្ឍន៍របស់ពិភពលោក ។ លោកបន្តថា ពួកគេគួរតែ និងត្រូវតែសម្រេចឲ្យបានការគោរពគ្នាទៅវិញទៅមក សន្តិសហវិជ្ជមាន និងកិច្ចសហប្រតិបត្តិការឈ្នះឈ្នះ ។ លោកបានអំពាវនាវផងដែរ ឲ្យមានទំនាក់ទំនងសន្តិភាព និងស្ថិរភាព បន្ទាប់ពីជំនួប និងកិច្ចប្រជុំជាបន្តបន្ទាប់រវាងក្រុមមន្រ្តីចិន និងសហរដ្ឋអាមេរិកកាលពីប៉ុន្មានខែកន្លងមកនេះ ដោយមានគោលដៅកាត់បន្ថយភាពតានតឹង និងស្តាឡើងវិញបណ្តាញទំនាក់ទំនង ដែលរួមទាំងការប្រាស្រ័យទាក់ទងរវាងយោធារបស់ពួកគេ ។ សូមបញ្ជាក់ថា ក្រុមស្ម័គ្រចិត្ត Flying Tigers គឺជាក្រុមប្រយុទ្ធមានទាំងអតីតអាកាសយានិកសហរដ្ឋអាមេរិក ដែលជួលដោយសាធារណរដ្ឋចិនដឹកនាំដោយគណបក្ស Kuomintang (គួមីនតាង)របស់លោក Chiang Kai-shek (ឈៀង កៃសេក) ធ្វើសង្រ្គាមជាមួយជប៉ុន នៅឆ្នាំ ១៩៤១-៤២ ៕

ចិន និយាយថា ផែនការរបស់ចក្រភពអង់គ្លេសក្នុងការរំខានទីក្រុងហុងកុង ប្រឈមការបរាជ័យ

2023/09/20 08:27:37 pm        119
Facebook Telegram Linkin
ក្រសួងការបរទេសចិន នៅក្នុងទីក្រុងហុងកុង បានរិះគន់របាយការណ៍រយៈពេល៦ខែស្តីពីមជ្ឈមណ្ឌលហិរញ្ញវត្ថុ ធ្វើឡើងដោយចក្រភពអង់គ្លេសដោយនិយាយថា ខ្លួនបានធ្វើព្រងើយពីស្ថានភាពសង្គមដ៏ល្អ បរិស្ថានអាជីវកម្មមានស្ថិរភាពកាន់តែច្រើន និងជំនួសឲ្យភាពចលាចលប្រឆាំងប្រទេសដែលមានការគាំទ្រ។ ការអត្ថាធិប្បាយនេះកើតឡើងបន្ទាប់ពី ចក្រភពអង់គ្លេស បានចេញផ្សាយជាសាធារណៈរបាយការណ៍រយៈពេល៦ខែរបស់ខ្លួនស្តីពីមជ្ឈមណ្ឌលគ្រប់គ្រងដោយប្រទេសចិន ពីថ្ងៃទី១ ខែមករា ដល់ថ្ងៃទី៣០ ខែមិថុនា បាននិយាយថាអាជ្ញាធរ បានពង្រីកការអនុវត្តន៍ច្បាប់សន្តិសុខជាតិ ដាក់ដោយទីក្រុងប៉េកាំង ដែលហួសពីការព្រួយបារម្ភសន្តិសុខជាតិពិតប្រាកដ។ ទីក្រុងប៉េកាំង បានដាក់ច្បាប់បោសសម្អាតកាលពីឆ្នាំ២០២០ បន្ទាប់មានការតវ៉ាប្រឆាំងរដ្ឋាភិបាលដ៏ហិង្សាម្តងម្កាល ដែលធ្វើធ្វើឲ្យរង្គោះរង្គើរទីក្រុងនេះកាលពីឆ្នាំ២០១៩។ ខណៈរដ្ឋាភិបាលលោកខាងលិចមួយចំនួនបានរិះគន់ច្បាប់ថាជាការបង្ក្រាបសេរីភាពនយោបាយនិងសង្គម នៅក្នុងទីក្រុង ទាំងមន្ត្រីទីក្រុងហុងកុង និងចិន បាននិយាយថាវាមានសារៈសំខាន់ដើម្បីស្តារស្ថិរភាព។ ក្រសួងការបរទេសចិន បាននិយាយថា ទីក្រុងហុងកុង ដែលត្រូវបានប្រគល់មកឲ្យប្រទេសចិន នៅឆ្នាំ១៩៩៧ ពីចក្រភពអង់គ្លេស មានភាពជោគជ័យជាសកល ក្នុងការអនុវត្តន៍ «ប្រទេសមួយ ប្រព័ន្ធពីរ»។ ក្នុងប៉ុន្មានឆ្នាំថ្មីៗនេះប្រជាជនមួយចំនួននៅចក្រភពអង់គ្លេសរស់នៅក្នុងភាពក្រីក្រកំពុងកើនឡើង ដែលអត្រាឧក្រិដ្ឋកម្មបានឈានដល់កំណត់ត្រាខ្ពស់។

លោក Biden បញ្ជូនសារទៅUN ថា ពិភពលោកមិនរង់ចាំយើង ប៉ុន្តែវាពឹងផ្អែកលើយើង

2023/09/20 08:14:24 pm        108
Facebook Telegram Linkin
ប្រធានាធិបតីសហរដ្ឋអាមេរិក លោក Jie Biden បានអំពាវដល់មេដឹកនាំពិភពលោក នៅមហាសន្និបាតអង្គការសហប្រជាជាតិកាលពីថ្ងៃអង្គារ ដើម្បីឈរជាមួយអ៊ុយក្រែនប្រឆាំងអ្នកឈ្លានពានរុស្ស៊ី ដោយសង្ឃឹមថាសមាជិកគណបក្សសាធារណៈរដ្ឋ នៅក្នុងសភានឹងកត់សំគាល់។លោក Biden ជាអ្នកប្រជាធិបតេយ្យ បានប្រមូលផ្តុំសម្ព័ន្ធមិត្តសហរដ្ឋអាមេរិក ដើម្បីគាំទ្រអ៊ុយក្រែន ជាផ្នែកនាំមុខមួយនៃគោលនយោបាយការបរទេសសហរដ្ឋអាមេរិក ដោយអះអាងថា ពិភពលោក ត្រូវបញ្ជូនសញ្ញាច្បាស់លាស់ទៅកាន់ប្រធានាធិបតីរុស្ស៊ី លោក Vladimir Putin ថា លោកនឹងមិនអាចនៅស៊ូទ្រាំជាមួយលោកខាងលិចនោះទេ។ លោក Biden បានប្រឈមមុខការរិះគន់ ពីសមាជិកគណបក្សសាធារណៈរដ្ឋមួយចំនួន ជាអ្នកដែលចង់ឲ្យសហរដ្ឋអាមេរិក ចំណាយថវិកាកាន់តែតិចលើកិច្ចប្រឹងប្រែងសង្គ្រាម។ អតីតប្រធានាធិបតីលោក Donald Trump បានសន្យាស្វែងរកការបញ្ចប់សង្គ្រាមឲ្យបានឆាប់រហ័ស ប្រសិនបើលោកបានត្រលប់មកកាន់អំណាចវិញ។ លោកTrump បានបង្ហាញពីភាពមិនជឿជាក់អំពីការចូលរួមរបស់ទីក្រុងវ៉ាស៊ីនតោន ជាមួយសម្ព័ន្ធមិត្តជាប្រពៃណី រួមមានទាំងសម្ព័ន្ធយោធាណាតូ។

មេដឹកនាំនីហ្សេរីយ៉ាប្រាប់UN ថាលោកព្យាយាមស្តារឡើងវិញ សណ្តាប់ធ្នាប់លទ្ធិប្រជាធិបតេយ្យនៅនីហ្សេ

2023/09/20 08:06:58 pm        91
Facebook Telegram Linkin
ប្រធានាធិបតីប្រទេសនីហ្សេរីយ៉ា លោក Bola Tinubu បាននិយាយកាលពីថ្ងៃអង្គារថា លោកកំពុងព្យាយាមបង្កើតឡើងវិញសណ្តាប់ធ្នាប់រដ្ឋធម្មនុញ្ញដើម្បីដោះស្រាយបញ្ហាសេដ្ឋកិច្ច និងនយោបាយ នៅក្នុងប្រទេសនីហ្សេដែលនៅជិតខាង បន្ទាប់ពីរដ្ឋប្រហារកាលពីខែកក្កដា និងបានស្វាគមន៍ការគាំទ្រណាមួយសម្រាប់ដំណើរការនេះ។ លោក Tinubu គឺជាប្រធាន ប្លុកអាហ្រ្វិកខាងលិច ECOWAS កំពុងព្យាយាម ចរចាជាមួយរបបយោធាប្រទេសនីហ្សេ។ ប្លុកអាហ្រ្វិកខាងលិច ECOWAS បាននិយាយថា ខ្លួនបានត្រៀមរួចរាល់ដាក់ពង្រាយកងទ័ពដើម្បីស្តារឡើងវិញសណ្តាប់ធ្នាប់ ប្រសិនបើកិច្ចប្រឹងប្រែងផ្នែកការទូតបរាជ័យ។ នៅក្នុងសុន្ទរកថា នៅមហាសន្និបាតអង្គការសហប្រជាជាតិ ក្នុងទីក្រុងញ៉ូវយ៉ក លោក Tinubu បានរិះគន់រដ្ឋប្រហារយោធា ដែលបានរាលដាលនៅទូទាំងអាហ្វ្រិកខាងលិច កាលពីប៉ុន្មានឆ្នាំកន្លងទៅនេះ ហើយពេលខ្លះត្រូវបានសាទរដោយពលរដ្ឋ។ ការសម្រេចចិត្តធ្វើឡើងដោយ ប្លុកអាហ្វ្រិកខាងលិច ECOWAS កាលពីខែសីហា ដើម្បីធ្វើឲ្យសកម្ម នូវអ្វីដែលគេហៅថាកងកម្លាំងឈរជើងសម្រាប់អន្តរាគមន៍ដែលអាចកើតមាន បានបង្កើនការព្រួយបារម្ភពីការរីកកាន់តែធំ ដែលអាចបង្កអស្ថិរភាពបន្ថែមទៀតដល់តំបន់ Sahel ញាំញីដោយការប៉ះបោ។ កាលពីខែមុន ក្រុមយោធានៅក្នុងប្រទេសនីហ្សេ បានបញ្ជាឲ្យកងកម្លាំងប្រដាប់អាវុធរបស់ខ្លួនបន្តការប្រុងប្រយ័ត្នខ្ពស់ ដោយលើកឡើងពីការគំរាមការវាយប្រហារកើនឡើង។

ការតវ៉ានៅស៊ីរីប្រឆាំងនឹងលោក Assad ខណៈដែលលោកព្យាយាមដាក់សង្រ្គាមស៊ីវិលនៅពីក្រោយលោក

2023/09/20 07:50:34 pm        109
Facebook Telegram Linkin
ការតវ៉ាប្រឆាំងរដ្ឋាភិបាល បាននិងកំពុងកើនឡើងនៅក្នុងប្រទេសស៊ីរីអស់រយៈពេលជាងមួយខែមកហើយ ដោយបន្ត ធ្វើបាតុកម្ម ដែលលោកប្រធានាធិបតី បាសា អាសាដ ( Bashar Assad) បានបញ្ជូនកងកម្លាំងសន្តិសុខរបស់លោក ទៅបង្ក្រាបក្នុងឆ្នាំ២០១១ ដោយបានធ្វើឲ្យប្រទេសនេះធ្លាក់ចូលទៅក្នុងភាពវឹកវរកាន់តែខ្លាំងឡើង ដែលបានក្លាយទៅជាសង្គ្រាមស៊ីវិលពេញទំហឹង។ បាតុកម្មដែលផ្តោតភាគច្រើនទៅលើទីក្រុងស៊ូវ៉េដា( Suwayda) ភាគខាងត្បូង ត្រូវបានជំរុញដោយវិបត្តិជីវភាពរស់នៅ កាន់តែជ្រៅៗទៅ សេដ្ឋកិច្ចរបស់ប្រទេសស៊ីរី ត្រូវបានចុះខ្សោយដោយសារសង្រ្គាមជាច្រើនឆ្នាំ និងកំពុងតានតឹងក្រោមទម្ងន់នៃទណ្ឌកម្មអន្តរជាតិយ៉ាងច្រើន។ ប៉ុន្តែកំហឹងចំពោះសេដ្ឋកិច្ចដែលដួលរលំ បានវិវឌ្ឍន៍យ៉ាងឆាប់រហ័សទៅជាការទាមទារធ្វើយ៉ាងឲ្យរដ្ឋាភិបាលរបស់លោកអាសាដ ដួលរលំ។បាតុកម្មនៅទីក្រុងស៊ូវ៉េដា និងនៅជិតទីក្រុងឌីរ៉ា (Deraa) ដែលជាកន្លែងការបះបោរឆ្នាំ ២០១១ បានកើតឡើង បានចាប់ផ្តើមបន្ទាប់ពីរដ្ឋាភិបាលរបស់លោកអាសាដកាត់បន្ថយការឧបត្ថម្ភធនប្រេងឥន្ធនៈ និងដំឡើងថ្លៃសាំងជិត២៥០ភាគរយ នៅក្នុងខែសីហា។

ឯកអគ្គរាជទូតអង់គ្លេស បង្ហាញកិច្ចសហការល្អពេលបំពេញបេសកកម្មជាមួយមន្រ្ដីជាស្រ្ដីនៅកម្ពុជា

2023/09/20 07:23:45 pm        234
Facebook Telegram Linkin
ភ្នំពេញ៖ ឯកឧត្តម Dominic Williams ឯកអគ្គរាជទូតអង់គ្លេសប្រចាំនៅកម្ពុជា នៅថ្ងៃទី ២០ ខែកញ្ញាឆ្នាំ ២០២៣នេះ បានបង្ហាញរូបភាពនៃបេសកកម្មរបស់ឯកឧត្តមនៅខេត្តកោះកុង ដោយភ្ជាប់ជាមួយនៅខ្លឹមសារស្ងើច​សរសើរ​ដល់ស្រ្ដីដែលកំពុងមានតួនាទីជាថ្នាក់ដឹកនាំ និងជាអ្នកចូលរួមធ្វើការងារសង្គមជាច្រើនទៀត​ជាមួយនឹងបណ្ដាញស្រ្ដីឆ្នើម។ ឯកឧត្តម Dominic Williams ឯកអគ្គរាជទូតអង់គ្លេសប្រចាំនៅកម្ពុជា បាន​សរសេរថា៖«នៅខេត្តកោះកុង ខ្ញុំបានជួបស្ត្រីដ៏អស្ចារ្យជាច្រើន។ លោកជំទាវ មិថុនា ភូថង គឺជាអភិបាលខេត្តស្ត្រីដំបូងដែលខ្ញុំបានជួប ​ហើយអភិបាលរងស្ត្រី អ៊ី នារីនេត Y Nearynet បានចូលរួមជាមួយពួកយើងសម្រាប់ទស្សនាកិច្ចភាគច្រើននៅក្នុងខេត្ត»។ លោកបន្តថា៖«យើងបានជួបបណ្តាញស្ត្រីឆ្នើមដែលបង្កើតឡើងដោយ ActionAid Cambodia - រួមទាំង លោកស្រី ចាន់ គឹមឆេង ផងដែរ ដែលបណ្តាញនេះធ្វើការដើម្បីដោះស្រាយបញ្ហា​នៅ​ក្នុងសហគមន៍ ស្តីពីការប្រែប្រួលអាកាសធាតុ។ ឯកឧត្តឯកអគ្គរាជទូត បន្តថា៖‍«ចុងក្រោយ ខ្ញុំបានធ្វើដំណើរជាមួយសហការីស្រីដ៏អស្ចារ្យពីរនាក់ពី​ស្ថានទូត​របស់យើង Chivyvatey Khieng Tep Chanmarina»៕

កម្មកររោងច្រកធំៗនៅភ្នំពេញ អបអរសាទរការដាក់«ប្រាសាទកោះកេរ» ជាសម្បត្តិបេតិកភណ្ឌពិភពលោក

2023/09/20 07:13:35 pm        162
Facebook Telegram Linkin
ភ្នំពេញ៖ កម្មករនិយោជិតតាមបណ្តារោងចក្រសហគ្រាសធំៗ នៅព្រឹកថ្ងៃទី២០ ខែកញ្ញា ឆ្នាំ២០២៣ នេះ បានជួបជុំគ្នានៅក្នុងបរិវេណរោងចក្រ សហគ្រាសរៀងៗខ្លួន អបអរសាទរចំពោះការដាក់​បញ្ចូលប្រាសាទកោះកេររបស់ខ្មែរចូលក្នុងបញ្ជីបេតិកភណ្ឌពិភពលោក។ការចេញគាំទ្ររបស់រោងចក្រកាត់ដេរទាំងនេះ គឺធ្វើឡើងព្រមៗគ្នាជាមួយក្រសួង មន្ទីរ វត្តអារាម និងប្រជាជនខ្មែរទូទាំងប្រទេស ​ក៏ដូចជាប្រជាជនខ្មែរនៅទូទាំងពិភពលោក​ដែលប្រាសាទដូនតារបស់ខ្លួនមួយទៀត ត្រូវចូលជាសម្បត្តិរបស់មនុស្សជាតិក្នុងលោក។ កម្មករនិយោជិតបាននាំគ្នាស្រែកព្រមៗគ្នាថា៖ «សូមអបអរ ! ប្រាសាទកោះកេរត្រូវ​បានដាក់បញ្ជូលក្នុងបញ្ជីបេតិកភណ្ឌពិភពលោក ជ័យយោ ! ព្រះរាជណាចក្រកម្ពុជា »។កម្មករនិយោជិតបាននាំគ្នាស្រែកហោយ៉ាង​អឺងកង អ្នកខ្លះ គោះត្រដោក គោះធុង ដោយទឹកមុខសប្បាយរីករាយ និងបង្ហាញពីទឹកចិត្តមោទកភាពចំពោះព្រឹត្តិការណ៍​ជាប្រវត្តិសាស្ត្រ​នេះ​ដែលរាជរដ្ឋាភិបាលសម្រេចបានយ៉ាង​ត្រចេះត្រចង់​ចំពោះការ​ចុះនូវសម្បត្តិវប្បធម៌ដែល​ដូនតាខ្មែរបន្សល់ទុក។រោងចក្រទាំងនោះរួមមាន ក្រុមហ៊ុន W&D ស្ថិតនៅក្នុងខណ្ឌមានជ័យ ក្រុមហ៊ុន ឌីឡាក់ ហ្គា ស្ថិតនៅក្នុងខណ្ឌពោធិសែនជ័យ រោងចក្រ ត្រាកស៍ អឹ ឌី ស្ថិតនៅក្នុងសែនសុខ ក្រុមហ៊ុន អ៊ីស្តក្រោន ស្ថិតនៅក្នុងខណ្ឌមានជ័យ និង ក្រុមហ៊ុន លីឌីងស្តារ ស្ថិតនៅក្នុងខណ្ឌដង្កោ រាជធានីភ្នំពេញ និងតាមបណ្តារោងចក្រសហគ្រាសផ្សេងទៀតផងដែរ។សូមបញ្ជាក់ថា «រមណីយដ្ឋានប្រាសាទកោះកេរ» ត្រូវបានគណៈកម្មាធិការបេតិកភណ្ឌពិភពលោក សម្រេចចុះក្នុងបញ្ជីបេតិកភណ្ឌពិភពលោក ​នៅថ្ងៃទី១៧ ខែកញ្ញា ឆ្នាំ២០២៣ ក្នុងសម័យ​ប្រជុំលើកទី៤៥ នៅទីក្រុងរីយ៉ាដ (Riyadh) នៃប្រទេសអារ៉ាប៊ីសាអ៊ូឌីត៕

លោក Erdogan និងលោក Netanyahu ជួបគ្នាជាលើកដំបូងនៅមហាសន្និបាតអង្គការសហប្រជាជាតិ ខណៈទំនាក់ទំនងយ៉ាប់យ៉ឺន

2023/09/20 07:03:26 pm        93
Facebook Telegram Linkin
លោកប្រធានាធិបតីទួរគី Tayyip Erdogan និងលោកនាយករដ្ឋមន្ត្រីអ៊ីស្រាអែល Benjamin Netanyahu បានជួបគ្នាជាលើកដំបូងក្នុងជំនួបទល់មុខគ្នាកាលពីថ្ងៃអង្គារ ដែលជាបង្កើតបានជាជំនួបប្រវត្តិសាស្ត្រដ៏សំខាន់មួយ ខណៈទំនាក់ទំនងរវាងប្រទេសទាំង២ មានភាពល្អប្រសើរតិចតួច។ ធ្លាប់ជាសម្ព័ន្ធមិត្តជិតស្និទ្ធក្នុងតំបន់ ទំនាក់ទំនងរវាងអ៊ីស្រាអែល និងទួរគី ត្រូវបានប្រេះស្រាំ រយៈពេលជាង១ ទសវត្សរ៍ ដោយក្រុងអង់ការ៉ា បណ្ដេញឯកអគ្គរដ្ឋទូតរស់អ៊ីស្រាអែល ក្រោយការវាយឆ្មក់របស់អ៊ីស្រាអែលកាលពីឆ្នាំ២០១០ លើនាវាមួយគ្រឿងដែលដឹកជំនួយទៅកាន់តំបន់ហ្កាហ្សា សម្លាប់ពលរដ្ឋទួរគី១០នាក់។ទំនាក់ទំនងការទូត ត្រូវបានស្ដារឡើងវិញកាលពីឆ្នាំ២០១៦ ប៉ុន្តែ២ឆ្នាំ ក្រោយមក ទួរគី បានហៅអ្នកការទូតរបស់ខ្លួនពីអ៊ីស្រាអែលវិញ ហើយបានបណ្តេញបេសកជនអ៊ីស្រាអែលនៅពេលដែលកងកម្លាំងអ៊ីស្រាអែលបានសម្លាប់ជនជាតិប៉ាឡេស្ទីនមួយចំនួន ដែលបានចូលរួមក្នុងការតវ៉ានៅតំបន់ហ្គាហ្សា។ មេដឹកនាំទាំង២ បានពិភាគក្សាពីបញ្ហានយោបាយ ថាមពល បច្ចេកវិទ្យា សេដ្ឋកិច្ច និងប្រធានបទក្នុងតំបន់ ព្រមទាំងបញ្ហារវាងអ៊ីស្រាអែល -ប៉ាឡេស្ទីន អំឡុងជំនួបជាន់ខ្ពស់នៅអង្គមហាសន្និបាតអង្គការសហប្រជាជាតិ៕

សម្តេច ហ៊ុន ម៉ាណែត៖ កម្ពុជាប្ដេជ្ញាចិត្តលើកកម្ពស់កិច្ចសហប្រតិបត្តិការសន្តិសុខ និងការអភិវឌ្ឍទាំងថ្នាក់ជាតិ តំបន់ និងអន្តរជាតិ

2023/09/20 06:52:16 pm        142
Facebook Telegram Linkin
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងថា រាជរដ្ឋាភិបាលកម្ពុជាប្តេជ្ញាចិត្តខ្ពស់ក្នុងចូលរួមលើកកម្ពស់កិច្ចសហប្រតិបត្តិការសន្តិសុខ ដើម្បីសន្តិភាព សុវត្តិភាព ភាពសុខដុមរមនា និងការអភិវឌ្ឍ ទាំងក្នុងថ្នាក់ជាតិ តំបន់ និងអន្តរជាតិ។សម្ដេចធិបតីនាយករដ្ឋមន្រ្ដីបានបញ្ជាក់បែបនេះ​ ក្នុងឱកាសថ្លែងសុន្ទរកថា បើកសន្និសីទ​ប្រចាំឆ្នាំ២០២៣ នៃវេទិកាកិច្ចសហប្រតិបត្តិការសន្តិសុខសាធារណសកល​ក្រោមប្រធានបទ ‌‍«ពិភពលោកមួយសន្តិសុខរួម» ​តាមរយៈប្រព័ន្ធវីដេអូពីចម្ងាយនៅថ្ងៃទី២០ ខែកញ្ញា ឆ្នាំ២០២៣។សន្និសីទប្រចាំឆ្នាំ២០២៣ ​នៃវេទិកាកិច្ចសហប្រតិបត្តិការសន្តិសុខសាធារណសកល ក្រោម​ប្រធានបទ ‌‍«ពិភពលោកមួយសន្តិសុខរួម» ធ្វើឡើងទីក្រុង Lianyungang ខេត្ត Jiangsu ភាគខាងកើត​ប្រទេសចិន ដោយមានការចូលរួមពីមន្ត្រីអនុវត្តច្បាប់ អ្នកជំនាញ ​មកពីប្រទេស និងតំបន់ចំនួន៥០។សម្ដេចធិបតីថ្លែងថា ក្នុងនាមរាជរដ្ឋាភិបាលកម្ពុជា ​សម្តែងនូវការអបអរសាទរជូនចំពោះថ្នាក់ដឹកនាំ និងប្រជាជននៃប្រជាមានិតចិន ចំពោះគំនិត​ផ្តួចផ្តើម​នៃការរៀចបំនូវវេទិកាកិច្ចសហប្រតិបត្តិការ​សន្តិសុខ​សាធារណៈសកលនេះចាប់តាំងពីឆ្នាំ២០១៥មក។សម្តេចធិបតីបញ្ជាក់ថា រាជរដ្ឋាភិបាលកម្ពុជា ត្រៀមខ្លួនរួចរាល់ដើម្បីចូលរួមរៀបចំលិខិតតុបករណ៍ យុទ្ធសាស្ត្រ​ គោលនយោបាយពាក់ព័ន្ធនានា ដើម្បីលើកកម្ពស់ ​ការផ្សាភ្ជាប់ជិតស្និត រវាង​កងកម្លាំង​អនុវត្តច្បាប់ពីគ្រប់ភាគីពាក់ព័ន្ធទាំងអស់។ រាជរដ្ឋាភិបាលកម្ពុជាជឿជាក់ថា ​ជាមួយនឹងកិច្ចសហប្រតិបត្តិការនេះនឹងអាចប្រមូលផ្តុំ​នូវវិធានការ​សរុប ឈានទៅដោះស្រាយបាននូវបញ្ហាប្រឈមនានាដែលជាក្តី​បារម្ភរួម​ពាក់ព័ន្ធជាមួយ​វិស័យសន្តិសុខ ក្នុងបុព្វហេតុរួមនៃសន្តិភាព ​ការអភិវឌ្ឍ ​និងវិបុលភាពសម្រាប់ប្រជាជាតិទាំងអស់៕

រដ្ឋមន្រ្តីក្រសួងធម្មការ និងសាសនា រៀបចំពិធីទូងស្គរ អបអរសាទររមណីយដ្ឋានប្រាសាទកោះកេរ ចូលក្នុងបញ្ជីបេតិកភណ្ឌវប្បធម៌ពិភពលោក

2023/09/20 06:03:34 pm        109
Facebook Telegram Linkin
ភ្នំពេញ៖ ឯកឧត្តម ចាយ បូរិន រដ្ឋមន្រ្តីក្រសួងធម្មការ និងសាសនា បានអញ្ជើញដឹកនាំមន្រ្តី​រាជការ​ក្រោមឱវាទរៀបចំពិធីវាយគង ជួង រគាំង និងទូងស្គរជ័យ​ ដើម្បីអបអរសាទរ​ រមណីយដ្ឋាន​ប្រាសាទ​កោះកេរ របស់ព្រះរាជាណាចក្រកម្ពុជា ​ត្រូវបានអង្គការយូណេស្កូ ​សម្រេចដាក់​ជាសម្បត្តិ​បេតិកភណ្ឌវប្បធម៌​ពិភពលោក ដែលរៀបចំឡើងនៅទីស្តីការក្រសួង ព្រឹកថ្ងៃទី២០ ខែកញ្ញា ឆ្នាំ២០២៣នេះ។ក្រសួងធម្មការ និងសាសនា បានចេញសេចក្តីជម្រាបទៅលោកប្រធានមន្ទីរធម្មការ និងសាសនា រាជធានី-ខេត្តទាំងអស់ ​សហការឱ្យបានជិតស្និទ្ធបំផុតជាមួយព្រះមេគណ ​ព្រះអនុគណ ព្រះចៅអធិការ​ និងថ្នាក់ដឹកនាំសាសនាផ្សេងៗទូទាំងប្រទេស ​ត្រៀមរៀបចំវាយគង​ ជួង រគាំង ទូងស្គរជ័យ ​និងគោះត្រដោកព្រមៗគ្នា នៅថ្ងៃទី២០ ខែកញ្ញា ឆ្នាំ២០២៣ វេលាម៉ោង៧.00ព្រឹក ដើម្បីអបអរសាទរព្រឹត្តិការណ៍​ ជាប្រវត្តិសាស្រ្ត និងជាទីមោទនកភាពជាតិ។ឯកឧត្តម ចាយ បូរិន រដ្ឋមន្រ្តីក្រសួងធម្មការ ​និងសាសនា ​បានចាត់ទុកថា នេះជាព្រឹត្តិការណ៍​ប្រវត្តិ​សាស្រ្តថ្មីមួយទៀត និងជាមោទកភាពរបស់ប្រជាពលរដ្ឋខ្មែរគ្រប់ទិសទី ដោយ​គណៈកម្មាធិការ​បេតិកភណ្ឌពិភពលោក នៃអង្គការយូណេស្កូ ក្នុងសម័យប្រជុំលើកទី៤៥​ នៅទីក្រុងរីយ៉ាដ ប្រទេសអារ៉ាប៊ីសាអូឌីត ​បាន​សម្រេច​បញ្ចូល​រមណីយដ្ឋាន​ប្រាសាទកោះកេ​រ របស់ខ្មែរ ជា​សម្បត្តិបេតិកភណ្ឌពិភពលោក ដែលបង្ហាញយ៉ាងច្បាស់ទៅអន្តរជាតិ និងពិភពលោកថា​ប្រទេសកម្ពុជា ​សម្បូរទៅដោយសម្បត្តិបេតិកភណ្ឌវប្បធម៌ ​ជាច្រើន​នៅមិន​ទាន់​ដាក់បញ្ចូល ហើយ​សាកសម​ជាព្រះរាជាណាចក្រអច្ឆរិយៈ។សូមជម្រាបជូនថា ​ការចុះបញ្ជី ​រមណីយដ្ឋានប្រាសាទកោះកេរ ​ជាបេតិកភណ្ឌវប្បធម៌ពិភពលោក របស់​អង្គការយូណេស្កូ នាពេលនេះ ​ជាមោទនភាពជាតិខ្មែរយ៉ាង​ធំធេងជាថ្មីទៀត បន្ទាប់ពី​ប្រាសាទអង្គរវត្ត ត្រូវបានចុះបញ្ជីបេតិកភណ្ឌវប្បធម៌ពិភព​លោកកាលពីថ្ងៃទី១៤​ ខែធ្នូ ឆ្នាំ១៩៩២ ប្រាសាទព្រះវិហារ ​ចុះបញ្ជីបេតិកភណ្ឌពិភពលោក​ នៅថ្ងៃទី០៧ ខែកក្កដា ឆ្នាំ២០០៨ ហើយ​និងប្រាសាទ​សំបូរព្រៃគុក ​បានចុះក្នុងបញ្ជីបេតិកភណ្ឌពិភពលោក​ កាលពីថ្ងៃទី៨ ខែកក្កដា ឆ្នាំ២០១៧៕ អត្ថបទ រដ្ឋា

បណ្ដាញសង្គម

ព័ត៌មានថ្មីៗ

សម្ដេចធិបតី នាយករដ្ឋមន្រ្តី និងនាយករដ្ឋមន្រ្ដីវៀតណាម ជួបពិភាក្សាទ្វេភាគី ពង្រឹងទំនាក់ទំនង និងកិច្ចសហប្រតិបត្តិការ ព្រមទាំងផ្លាស់ប្តូរយោបល់លើបញ្ហាតំបន់ និងអន្តរជាតិ
10/09/2026 03:10 PM
Facebook Telegram Linkin
គណៈកម្មាធិការជាតិកាតព្វកិច្ចយោធា បង្ហាញមោទនភាពចំពោះសន្ទុះយុវជនចុះឈ្មោះបំពេញកាតព្វកិច្ចយោធា
10/09/2026 02:10 PM
Facebook Telegram Linkin
អភិបាលខេត្តកណ្ដាលស្នើរដល់អាជ្ញាធរក្រុង-ស្រុក ត្រូវបង្ក្រាបបទល្មើសទាំងអស់នៅក្នុងមូលដ្ឋាន
10/09/2026 02:10 PM
Facebook Telegram Linkin
នាយករដ្ឋមន្ត្រីវៀតណាម អញ្ជើញដាក់កម្រងផ្កា និងគោរពវិញ្ញាណក្ខន្ធនៅវិមានឯករាជ្យ ព្រះបរមរូបព្រះបរមរតនកោដ្ឋ និងស្តូបមិត្តភាកម្ពុជា-វៀតណាម
10/09/2026 02:10 PM
Facebook Telegram Linkin
អ្នកជំនាញ៖ ការបោសសម្អាតល្បែងអនឡាញតាមកាស៊ីណូ ជាខែលការពារអ្នកវិនិយោគស្អាតស្អំ និងស្តារទំនុកចិត្តវិនិយោគិន
10/09/2026 01:10 PM
Facebook Telegram Linkin
នាយករដ្ឋមន្រ្តីវៀតណាម អញ្ជើញមកដល់អាកាសយានដ្ឋានអន្តរជាតិតេជោ ដើម្បីបំពេញទស្សនកិច្ចផ្លូវការ រយៈពេល២ថ្ងៃ នៅកម្ពុជា
10/09/2026 01:10 PM
Facebook Telegram Linkin
បិណ្ឌវេនទី១៣៖ ព្រះសង្ឃ ពុទ្ធបរិស័ទ ឧទ្ទិសកុសល បួងសួងសូមឱ្យជាតិរក្សាបានសន្ដិភាព
10/09/2026 01:10 PM
Facebook Telegram Linkin
ប្រធានក្រុមការងាររាជរដ្ឋាភិបាលចុះមូលដ្ឋានឃុំគូលែនត្បូង ចុះសួរសុខទុក្ខ និងនាំយកអំណោយចែកជូនចាស់ជរា នាឱកាសបុណ្យភ្ជុំបិណ្ឌ!
10/09/2026 01:10 PM
Facebook Telegram Linkin
សម្តេច ម៉ែន សំអន អញ្ជើញចូលរួមក្នុងពិធីវេនកាន់បិណ្ឌទី១៣ នៅវត្តចំនួន ៣ ស្ថិតក្នុងរាជធានីភ្នំពេញ និងខេត្តកណ្តាល
10/09/2026 01:10 PM
Facebook Telegram Linkin
អ្នកនាំពាក្យ៖ ការដោះស្រាយបញ្ហាព្រំដែនជាមួយថៃ​នៅតែជាអាទិភាពចម្បងរបស់រាជរដ្ឋាភិបាលកម្ពុជា ខណៈកម្ពុជានៅតែប្រកាន់ភ្ជាប់​ការដោះស្រាយ​ផ្អែកលើច្បាប់​អន្តរជាតិ
10/09/2026 01:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.