នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី បង្ហាញភាពអំណោយផល របស់កម្ពុជា ៦ចំណុច ក្នុងការទាក់ទាញវិនិយោគិនតួកគីយ៉េ
កម្ពុជា តួកគីយ៉េ មាន គោលដៅរួមសម្រេចទំហំពាណិជ្ជកម្ម ១ពាន់លានដុល្លារ
កម្ពុជា-អាស៊ែបៃហ្សង់ បង្ហាញសុទិដ្ឋិនិយមចំពោះការជំរុញទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ
អ្នកនាំពាក្យ៖ ទីបំផុតលោក សម រង្ស៊ី បានបង្ហាញច្បាស់ថា គាត់ពិតជាបាននិយាយការពារថៃ និង​មួលបង្កាច់កម្ពុជា

នយោបាយ​ និង ការអភិវឌ្ឍន៍

ចំនួនអ្នកស្លាប់កើនឡើងដល់៥៣នាក់ពីចំហេះព្រៃនៅរដ្ឋហាវ៉ៃ សហរដ្ឋអាមេរិក ខណៈសំណង់ជាង១០០០កន្លែងត្រូវបំផ្លាញ

2023/08/11 03:18:47 pm        189
Facebook Telegram Linkin
អាមេរិក៖​ ប្រតិបត្តិការស្វែងរកក្នុងការបំផ្លិចបំផ្លាញដោយចំហេះព្រៃនៅលើកោះ ម៉ូអ៊ី នៃរដ្ឋហាវ៉ៃ សហរដ្ឋអាមេរិក កាលពីថ្ងៃព្រហស្បតិ៍ បានបង្ហាញឱ្យឃើញនូវទីវាលសំណល់នៃតំបន់ទីប្រជុំជនដែលត្រូវបានខូចខាត និងទីតាំងសំខាន់នានាត្រូវបានដុតបំផ្លាញខ្ទេចខ្ទី ខណៈចំនួនអ្នកស្លាប់បានកើនឡើងដល់យ៉ាងហោចណាស់៥៣នាក់ និងមនុស្សរាប់ពាន់ទៀតត្រូវបង្ខំឲ្យជម្លៀសខ្លួន។អភិបាលរដ្ឋហាវ៉ៃ លោក Josh Green បានប្រាប់សារព័ត៌មាន AP ថា តំបន់ឡាហេណា ត្រូវបានដុតបំផ្លាញស្ទើតែទាំងស្រុង ដោយនៅសល់តែទីតាំងមួយចំនួនប៉ុណ្ណោះ ដែលមិនត្រូវបានខូចខាត។ លោកបានបន្តថា សំណង់ជាង១.០០០កន្លែង ត្រូវបានបំផ្លាញដោយចំហេះដែលនៅតែបន្តឆេះនេះ។លោក Green បានបន្ថែមថា ចំនួនអ្នកស្លាប់នឹងទំនងជាកើនឡើងបន្ថែមទៀត នៅពេលដែលប្រតិបត្តិការស្វែងរក និងជួយសង្គ្រោះនៅតែបន្ត ហើយក្រុមមន្ត្រីរំពឹងថា ចំហេះនេះនឹងក្លាយជាគ្រោះធម្មជាតិដ៏មហន្តរាយបំផុតរបស់រដ្ឋនេះ ចាប់តាំងពីរលកយក្សស៊ូណាមិកាលពីឆ្នាំ១៩៦១មក ដែលបានសម្លាប់មនុស្សចំនួន៦១នាក់នៅលើកោះដ៏ធំមួយនេះមក៕

ទំនប់នៅទន្លេន័រវ៉ែស បាក់ផ្នែកខ្លះ ខណៈរដ្ឋាភិបាលរំពឹងនឹងមានទឹកជំនន់បន្ថែម

2023/08/10 10:19:20 pm        368
Facebook Telegram Linkin
ន័រវ៉ែស៖ ទំនប់មួយនៅទន្លេក្នុងប្រទេសន័រវ៉ែស បានបាក់ផ្នែកខ្លះ បន្ទាប់ពីមានភ្លៀងធ្លាក់ខ្លាំង កាលពីថ្ងៃពុធ (ទី៩ ខែសីហា) ដោយបានធ្វើឲ្យមានទឹកហូរកាត់តាមប្រឡោះបាក់ដ៏ធំក្នុងរចនាសម្ព័ន្ធនោះ ហើយនាយករដ្ឋមន្ត្រី បាននិយាយថា ប្រទេសគួរតែត្រៀមខ្លួន សម្រាប់ការមានទឹកជំនន់បន្ថែមទៀត នៅប៉ុន្មានថ្ងៃខាងមុខ។ទំនប់ទឹក Braskereidfoss នៅលើទន្លេ Glomma ដែលជាផ្លូវទឹកដ៏ធំបំផុតរបស់ប្រទេសន័រវ៉ែស មិនអាចបើកទ្វារបាននោះឡើយ បន្ទាប់ពីបន្ទប់គ្រប់គ្រងរបស់ទំនប់ ត្រូវបានជន់លិច។ប្រទេសន័រវ៉ែសបានជម្លៀសមនុស្សជាង ៣.០០០នាក់ហើយ ក្នុងសប្តាហ៍នេះ ខណៈដែលទឹកទន្លេបានហក់ឡើងដល់កម្រិតខ្ពស់បំផុតលើកដំបូង ក្នុងរយៈពេលយ៉ាងហោចណាស់ ៥០ឆ្នាំ ហើយផ្ទះសម្បែង និងក្រុមហ៊ុនអាជីវកម្មនានា ត្រូវបានជន់លិច ឬក៏ត្រូវបានហូរនាំទៅដោយបំណាក់ដី។ជាមួយគ្នានេះ ផ្លូវសំខាន់ៗ ត្រូវបានបិទ ហើយសេវារថភ្លើង ត្រូវបានផ្អាកនៅទូទាំងផ្នែកធំទូលាយនៃភាគខាងត្បូងប្រទេសន័រវ៉ែស ដោយសារទន្លេបានហូរច្រោះច្រាំង ហើយអាជ្ញាធរបានព្រមានអំពីការមានទឹកជំនន់បន្ថែមទៀតដែលនឹងកើតឡើងនៅថ្ងៃខាងមុខ ខណៈដែលទឹកបានហូរឆ្ពោះទៅកាន់តំបន់ឆ្នេរផ្នែកខាងក្រោម។អ្នកនាំពាក្យនគរបាលបាននិយាយថា កម្រិតទឹកនៅទំនប់ Braskereidfoss ក្រោយមកបានស្រកចុះ ដោយហូរក្នុងស្ថានភាពគ្រប់គ្រងបាន និងគេចផុតពីការជន់លិចនៅផ្នែកខាងក្រោម។ នៅមុននេះ នគរបាល បានពិចារណាចង់បំផ្ទុះទ្វារមួយរបស់ទំនប់ ដែលមានអាយុកាល ៤៥ឆ្នាំនេះ ដើម្បីជួយសម្រាលសម្ពាធទឹក ប៉ុន្តែបានសម្រេចចិត្តមិនធ្វើបែបនោះវិញ ដោយសារការបំផ្ទុះនេះពិបាកគ្រប់គ្រង៕

មេដឹកនាំប្រទេសយ៉េម៉ែន និងបេសកជនពិសេសUN ពិភាក្សាគ្នាអំពីការស្តារឡើងវិញនូវកិច្ចខិតខំប្រឹងប្រែងសន្តិភាព

2023/08/10 10:16:32 pm        360
Facebook Telegram Linkin
យ៉េម៉ែន៖ ប្រធានក្រុមប្រឹក្សាថ្នាក់ជាអ្នកដឹកនាំរបស់ប្រធានាធិបតីយ៉េម៉ែន (PLC) លោក រ៉ាសាដ អាល់អាលីមី (Rashad Al-Alimi) បានជួបជាមួយបេសកជនពិសេសរបស់អង្គការសហប្រជាជាតិ លោក ហានហ្រ្គុនបប៊ឺក (Hans Grundberg) កាលពីថ្ងៃពុធ ដើម្បីពិភាក្សាអំពីកិច្ចខិតខំប្រឹងប្រែង ដើម្បីបន្តដំណើរការនយោបាយឡើងវិញសម្រាប់ការសម្រេចបានសន្តិភាពយូរអង្វែង នៅក្នុងប្រទេសយ៉េម៉ែន។ទីភ្នាក់ងារសារព័ត៌មានរដ្ឋ Saba របស់ប្រទេសយ៉េម៉ែន បានរាយការណ៍ថា កិច្ចប្រជុំដែលបានធ្វើឡើងនៅក្នុងរដ្ឋធានីរីយ៉ាដ ( Riyadh) របស់ប្រទេសអារ៉ាប៊ីសាអ៊ូឌីត ផ្តោតលើការបន្តដំណើរការនយោបាយឡើងវិញ ដែលមានសារៈសំខាន់ ក្នុងការលុបបំបាត់ជម្លោះដ៏រ៉ាំរ៉ៃនៅក្នុងប្រទេសអារ៉ាប់ដែលបំផ្លិចបំផ្លាញដោយសង្រ្គាមនេះ។របាយការណ៍នោះ បានឲ្យដឹងថា ក្នុងអំឡុងពេលនៃកិច្ចប្រជុំនេះ លោក អាល់អាលីមី បានបញ្ជាក់ពីការប្តេជ្ញាចិត្តមិនផ្លាស់ប្តូររបស់ PLC ក្នុងការគាំទ្រកិច្ចខិតខំប្រឹងប្រែងសន្តិភាព ដែលកំពុងបន្តរបស់លោកហ្គ្រុនប៊ឺក។លោកបានសង្កត់ធ្ងន់អំពីសារៈសំខាន់នៃការសម្របសម្រួលកិច្ចខិតខំប្រឹងប្រែងអន្តរជាតិ ដើម្បីស្តារមាគ៌ាឆ្ពោះទៅរកសន្តិភាព និងកាត់បន្ថយការលំបាកផ្នែកមនុស្សធម៌ នៅក្នុងប្រទេសយេម៉ែន៕

ព្យុះទីហ្វុង Khanun វាយប្រហារជប៉ុន និងកូរ៉េខាងត្បូង ខណៈបង្ខំឲ្យមនុស្សរាប់ម៉ឺននាក់ភៀសខ្លួន និងជាច្រើននាក់រងរបួស

2023/08/10 10:10:15 pm        399
Facebook Telegram Linkin
ជប៉ុន៖ ជើងហោះហើរជាច្រើនជើង ត្រូវបានលុបចោល ហើយរថភ្លើងបានផ្អាកកាលពីថ្ងៃពុធ ដោយសារភ្លៀងធ្លាក់ខ្លាំងពីព្យុះទីហ្វុង Khanun បានវាយលុកតំបន់ភាគខាងត្បូងនៃប្រទេសជប៉ុន និងកូរ៉េខាងត្បូង ខណៈពេលដែលព្យុះមួយទៀតបានខិតចូលមកដល់ពីភាគខាងកើត ហើយគំរាមកំហែងទីក្រុងតូក្យូ មុនរដូវកាលវិស្សមកាលរដូវក្តៅ របស់ប្រទេសជប៉ុន។ក្រុមអាជ្ញាធរបាននិយាយថា ព្យុះ Khanun បានបោកបក់ដល់ដីនៅក្នុងទីក្រុងកំពង់ផែ Tongyeong ភាគអាគ្នេយ៍នៃកូរ៉េខាងត្បូងនៅថ្ងៃព្រហស្បតិ៍នេះ មុនវាយប្រហារឧបទ្វីបកូរ៉េទាំងមូល។ ប្រជាជនរាប់ពាន់នាក់ត្រូវបានបង្ខំឲ្យជម្លៀសខ្លួន និងជាច្រើននាក់ផ្សេងទៀតរងរបួសដោយសារព្យុះនេះ។ព្យុះទីហ្វុង Khanun បាននាំមកនូវភ្លៀងធ្លាក់យ៉ាងខ្លាំងនៅក្នុងតំបន់ភាគខាងត្បូងនៃប្រទេសជប៉ុន ខណៈដែលព្យុះនេះក៏បានវាយប្រហារប្រទេសកូរ៉េខាងត្បូងផងដែរ។ ទីភ្នាក់ងារឧតុនិយមជប៉ុន (JMA) បានចេញការព្រមានអំពីភ្លៀងធ្លាក់ខ្លាំង និងខ្យល់កន្រ្តាក់ទៅកាន់ផ្នែកជាច្រើននៃភាគខាងត្បូង និងភាគខាងលិចនៃប្រទេសជប៉ុន ដែលជំរុញឱ្យក្រុមហ៊ុនផលិតរថយន្តបានធ្វើការព្រមានឲ្យផ្អាកការផលិតមួយចំនួន។ក្រសួងមហាផ្ទៃកូរ៉េខាងត្បូងបាននិយាយថា ប្រទេសនេះបានចេញការប្រកាសអាសន្នខ្ពស់បំផុតរបស់ខ្លួន ខណៈព្យុះ Khanun បានបង្ខំឱ្យលុបចោលជើងហោះហើរជិត៨០ជើង ព្រមទាំងបិទផ្លូវសមុទ្រ និងផ្លូវថ្នល់រាប់សិបខ្សែ។ ទីភ្នាក់ងារឧតុនិយមជប៉ុនបាននិយាយថា ព្យុះមួយទៀតឈ្មោះថា Lan ត្រូវបានបង្កើតខ្លួនឡើងនៅមហាសមុទ្រប៉ាស៊ីហ្វិកភាគខាងត្បូងនៃប្រទេសជប៉ុន ហើយត្រូវបានគេព្យាករណ៍ថានឹងកើនឡើងនៅពេលវាឆ្ពោះទៅភាគខាងជើង ដែលអាចប៉ះពាល់ដល់ទីក្រុងតូក្យូនៅដើមសប្តាហ៍ក្រោយផងដែរ៕

រដ្ឋមន្រ្តីការបរទេសចិន នឹងអញ្ជើញបំពេញទស្សនកិច្ចផ្លូវការនៅកម្ពុជាពីថ្ងៃទី១២-១៣ ខែសីហា ឆ្នាំ២០២៣

2023/08/10 09:55:01 pm        441
Facebook Telegram Linkin
ភ្នំពេញ៖ រដ្ឋមន្រ្តីក្រសួងការបរទេសចិន ឯកឧត្តម វ៉ាង យី នឹងអញ្ជើញបំពេញទស្សនកិច្ចផ្លូវការនៅកម្ពុជា រយៈពេលពីរថ្ងៃ គឺចាប់ពីថ្ងៃទី១២ ដល់ថ្ងៃទី១៣ ខែសីហា ឆ្នាំ២០២៣។អំឡុងដំណើរទស្សនកិច្ចរបស់ប្រមុខការ ទូតចិននេះ ក៏នឹងចូលក្រាបបង្គំគាល់ ព្រះករុណា ព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ,ជួបសម្តេចតេជោ ហ៊ុន សែន នាយករដ្ឋមន្រ្តី និងជួបឯកឧត្តមកិត្តិទេសាភិបាល បណ្ឌិត ហ៊ុន ម៉ាណែត នាយករដ្ឋមន្រ្តី អាណត្តិទី៧ និងមន្រ្តីជាន់ខ្ពស់កម្ពុជាជាច្រើនរូបទៀត៕

នាយករដ្ឋមន្ត្រីអ៊ីស្រាអែលប្តេជ្ញាផ្ទេរមូលនិធិសម្រាប់ពលរដ្ឋអារ៉ាប់

2023/08/10 09:37:29 pm        334
Facebook Telegram Linkin
អ៊ីស្រាអែល៖ នាយករដ្ឋមន្ត្រីអ៊ីស្រាអែល លោក បេចាមីន នេតានីយ៉ាហ៊ូ (Benjamin Netanyahu) បាននិយាយកាលពីថ្ងៃពុធថា មូលនិធិសាធារណៈសម្រាប់បណ្តាទីក្រុងអារ៉ាប់ នឹងត្រូវប្រើប្រាស់សម្រាប់គោលបំណងដែលបានកំណត់ក្នុងការបម្រើដល់ពលរដ្ឋអារ៉ាប់ បន្ទាប់ពីការវាយតម្លៃ និងការត្រួតពិនិត្យ មួយថ្ងៃបន្ទាប់ពីការប្រកាសរបស់រដ្ឋមន្ត្រីទទួលបន្ទុកទីស្តីគណៈរដ្ឋមន្ត្រី ដើម្បីបញ្ឈប់ពួកគេពីការរិះគន់។លោកនេតានីយ៉ាហ៊ូ ត្រូវបានគេដកស្រង់សម្តី ដោយនិយាយក្នុងសេចក្តីថ្លែងការណ៍ដែលចេញផ្សាយដោយការិយាល័យរបស់លោកថា៖«ពលរដ្ឋអារ៉ាប់របស់អ៊ីស្រាអែល សមនឹងទទួលបាននូវអ្វីដែលពលរដ្ឋទាំងអស់សមនឹងទទួលបាន ហើយខ្ញុំបានប្តេជ្ញាចិត្តចំពោះរឿងនេះ»។រដ្ឋមន្ត្រីក្រសួងហិរញ្ញវត្ថុអ៊ីស្រាអែល លោក បេហ្សាឡែល ស្មូទ្រិច( Bezalel Smotrich) បាននិយាយកាលពីថ្ងៃអង្គារថា លោកបានបង្កកមូលនិធិសម្រាប់បណ្តាក្រុងអារ៉ាប់ក្នុងប្រទេសអ៊ីស្រាអែល និងកម្មវិធីអប់រំឧត្តមសិក្សារបស់ប៉ាឡេស្ទីន នៅទីក្រុងហ្ស៊េរុយសាឡឹមខាងកើត ដោយផ្អែកលើមូលដ្ឋានដែលពួកគេអាចផ្តល់អត្ថប្រយោជន៍ធំធេងដល់ «អង្គការឧក្រិដ្ឋកម្ម» នៅក្នុងសហគមន៍អារ៉ាប់។ការសម្រេចចិត្តនេះពាក់ព័ន្ធនឹងទឹកប្រាក់ចំនួន ២០០លានសេកែល (ប្រហែល ៥៣,៨១លានដុល្លារអាមេរិក) ដែលនឹងមានក្នុងទម្រង់ជាអាហារូបករណ៍សម្រាប់អ្នកស្រុកប៉ាឡេស្ទីន ដែលមានចំណូលទាបនៅក្រុងហ្ស៊េរុយសាឡិម ខាងកើត ដើម្បីចុះឈ្មោះចូលរៀនថ្នាក់ត្រៀមនៅសាកលវិទ្យាល័យ Hebrew ក្នុងក្រុងហ្ស៊េរុយសាឡិម និងមហាវិទ្យាល័យពីរផ្សេងទៀតនៅក្នុងទីក្រុងនេះ៕

និស្សិតសាកលវិទ្យាល័យកូរ៉េខាងត្បូង តវ៉ាផែនការបង្ហូរសំណល់ទឹកហ្វូគូស៊ីម៉ារបស់ជប៉ុន

2023/08/10 09:29:45 pm        358
Facebook Telegram Linkin
ជប៉ុន៖ និស្សិតសាកលវិទ្យាល័យកូរ៉េខាងត្បូងមួយក្រុម បានប្រមូលផ្តុំគ្នានៅទីក្រុងតូក្យូ កាលពីថ្ងៃពុធ ដើម្បីតវ៉ាចំពោះផែនការរបស់ប្រទេសជប៉ុនក្នុងការបង្ហូរទឹកសំណល់មានជាតិនុយក្លេអ៊ែរចេញពីរោងចក្រថាមពល ហ្វ៊ូគូស៊ីម៉ា ដែលរងការខូចខាតពីការរញ្ជួយដី ចូលទៅក្នុងសមុទ្រ។កាលពីរសៀលថ្ងៃពុធ និស្សិតចំនួន២៤នាក់បានប្រមូលផ្តុំគ្នានៅខាងក្រៅក្រសួងសេដ្ឋកិច្ច ពាណិជ្ជកម្ម និងឧស្សាហកម្មរបស់ប្រទេសជប៉ុន ដោយកាន់ស្លាកសញ្ញា និងបដា ខណៈកំពុងស្រែកពាក្យស្លោកដើម្បីរិះគន់ផែនការបង្ហូរទឹក ដែលជិតមកដល់នេះ។ពលរដ្ឋទីក្រុងតូក្យូ ប្រហែល២០នាក់ក៏បានចូលរួមការតវ៉ានេះផងដែរ ដើម្បីសម្តែងការគាំទ្ររបស់ពួកគេចំពោះនិស្សិតកូរ៉េខាងត្បូងមួយក្រុមនោះ។ ពួកគេបាននិយាយថា រដ្ឋាភិបាលជប៉ុន និងក្រុមហ៊ុនថាមពលអគ្គិសនីតូក្យូ បានជ្រើសយកការគណនាសេដ្ឋកិច្ចដោយមិនគិតពីសុវត្ថិភាពប្រជាជន ហើយកម្រិតសុវត្ថិភាពនៃផែនការបង្ហូរទឹកនេះមិនមានភាពជឿជាក់ច្បាស់លាស់នោះទេ។ស្របពេលមានការរិះគន់យ៉ាងទូលំទូលាយនៅក្នុងប្រទេស និងក្រៅប្រទេស រដ្ឋាភិបាលជប៉ុនបាននិងកំពុងជំរុញឱ្យមានការបង្ហូរទឹកសំណល់មានមេរោគនុយក្លេអ៊ែរនៅរដូវក្តៅនេះ ពីរោងចក្រថាមពលនុយក្លេអ៊ែរ ហ្វ៊ូគូស៊ីម៉ា ដៃអ៊ីឈី ដែលបានរងគ្រោះដោយការរញ្ជួយដីដ៏ធំ និងរលកយក្សស៊ូណាមិកាលពីខែមីនា ឆ្នាំ២០១១ ផងដែរ៕

អ្នកនេសាទប្រទេសប៉េរូជួបការលំបាក ខណៈបញ្ហាអាកាសធាតុជះឥទ្ធិពលដល់ការនេសាទ

2023/08/10 09:27:10 pm        862
Facebook Telegram Linkin
ប៉េរូ៖ ក្រុមអ្នកនេសាទនៅតាមបណ្តោយឆ្នេរសមុទ្រភាគខាងត្បូងនៃប្រទេសប៉េរូ កំពុងជួបផលលំបាកបន្ទាប់ពីបានឃើញផលនេសាទរបស់ពួកគេធ្លាក់ចុះយ៉ាងខ្លាំងក្នុងរយៈពេលប៉ុន្មានខែថ្មីៗនេះ ដោយសារផលប៉ះពាល់អាកាសធាតុ ដែលនាំមកដោយបាតុភូតអាកាសធាតុ អ៊ែលនីញ៉ូ។ ក្រោមលក្ខខណ្ឌអាកាសធាតុខុសពីធម្មតាក្នុងរយៈពេលបីខែកន្លងមកនេះ ផលនេសាទពីសមុទ្រនៅឆ្នេររបស់ប្រទេសនេះ បានធ្លាក់ចុះជាង ៣០ភាគរយបើធៀបនឹងរយៈពេលដូចគ្នាកាលពីឆ្នាំមុន។សីតុណ្ហភាពសមុទ្រក្តៅខ្លាំងជាងឆ្នាំមុនៗ ដែលបណ្តាលឱ្យត្រីធ្វើបម្លាស់ទីទៅកាន់ទឹកជ្រៅឆ្ងាយពីច្រាំង។ រលកសមុទ្រធំៗ និងថ្ម ជារឿយៗនាំឲ្យមានការផ្អាកប្រតិបត្តិការសមុទ្រ។ សីតុណ្ហភាពលើផ្ទៃទឹកសមុទ្រកាន់តែខ្ពស់ បានកាត់បន្ថយបរិមាណត្រីមួយចំនួន ដែលជាធម្មតារស់នៅក្នុងតំបន់នោះ និងនៅឆ្នេរសមុទ្រ ដើម្បីស្វែងរកលក្ខខណ្ឌសីតុណ្ហភាពល្អប្រសើរជាងមុន។នោះអាចមានន័យថា ការនេសាទត្រីរបស់ក្រុមហ៊ុននេសាទធំៗ ដែលមាននាវានេសាទធំៗមានការកើនឡើង ប៉ុន្តែអាចបង្កការគំរាមកំហែងដល់ជីវភាពរបស់អ្នកនេសាទខ្នាតតូច ដែលប្រកបមុខរបរដោយខ្លួនឯងនៅក្នុងភូមិឆ្នេរសមុទ្ររបស់ប្រទេសនេះ។ ជាលទ្ធផល គឺមានតែប្រជាជនប្រកបរបរនេសាទតូចតាចប៉ុណ្ណោះ ដែលទទួលរងឥទ្ធិពលពីបម្រែបម្រួលអាកាសធាតុ៕

ប្រជាជនអេក្វាឌ័រតវ៉ាទាំងកំហឹងនៅខាងក្រៅគ្លីនិក បន្ទាប់ពីបេក្ខជនប្រធានាធិបតីត្រូវបានសម្លាប់

2023/08/10 09:24:37 pm        382
Facebook Telegram Linkin
អេក្វាឌ័រ៖ ប្រជាជនអេក្វាឌ័រ បានតវ៉ាទាំងកំហឹងនៅខាងក្រៅគ្លីនិក ជាទីដែលបេក្ខជនប្រធានាធិបតីអេក្វាឌ័រ លោក Fernando Villavicencio បានស្លាប់កាលពីថ្ងៃពុធ (៩ សីហា) បន្ទាប់ពីត្រូវបានបាញ់ប្រហារនៅក្នុងការជួបជុំយុទ្ធនាការបោះឆ្នោតមួយក្នុងទីក្រុងគីតូ។ ប្រព័ន្ធផ្សព្វផ្សាយក្នុងស្រុកបានរាយការណ៍ថា ការបាញ់ប្រហារប្រហែល៣០គ្រាប់បានកើតឡើង ខណៈវីដេអូដែលបានបង្ហោះនៅលើប្រព័ន្ធផ្សព្វផ្សាយសង្គមបង្ហាញថា លោក Villavicencio ព្យាយាមចូលទៅក្នុងរថយន្តបន្ទាប់ពីព្រឹត្តិការណ៍នេះ នៅមុនពេលមានសំឡេងកាំភ្លើង និងសម្រែកកើតឡើង។ការិយាល័យអគ្គមេធាវីបាននិយាយថា ក្រោយមកមានជនសង្ស័យម្នាក់ក្នុងឧក្រិដ្ឋកម្មនោះបានស្លាប់ដោយសាររបួស នៅក្នុងការបាញ់ប្រហារ។ អំពើហិង្សានេះបានធ្វើឲ្យមនុស្ស៩នាក់ផ្សេងទៀតរងរបួស ដែលក្នុងនោះមានបេក្ខជនតំណាងរាស្រ្តម្នាក់ និងមន្ត្រីនគរបាលពីរនាក់។រដ្ឋាភិបាលរបស់លោកប្រធានាធិបតី Guillermo Lasso បានទម្លាក់កំហុសលើកំណើននៃអំពើហឹង្សានៅតាមដងផ្លូវ និងនៅក្នុងពន្ធនាគារ ពាក់ព័ន្ធនឹងជម្លោះផ្ទៃក្នុងរបស់ក្រុមឧក្រិដ្ឋជន ក្នុងការដណ្តើមគ្រប់គ្រងច្រករត់ពន្ធ ដែលប្រើប្រាស់ដោយក្រុមជួញដូរម៉ិកស៊ិក ក្រុមម៉ាហ្វីយ៉ា អាល់បានី និងក្រុមឧក្រិដ្ឋជនដទៃទៀតក្នុងការដឹកជញ្ចូនគ្រឿងញៀន។ លោកបាននិយាយថា លោកនឹងទទួលក្រុមមន្ត្រីសន្តិសុខជាន់ខ្ពស់នៅឯកិច្ចប្រជុំបន្ទាន់មួយ។លោក Villavicencio អតីតអ្នកសហជីព និងអ្នកកាសែត គឺជាអ្នករិះគន់ដោយឥតសំចៃមាត់អំពើពុករលួយ និងឧក្រិដ្ឋកម្មដែលមានអង្គការចាត់តាំង ហើយបានសន្យាថានឹងប្រយុទ្ធប្រឆាំងអំពើពុករលួយ ព្រមទាំងកាត់បន្ថយការគេចពន្ធផងដែរ ប្រសិនបើលោកជាប់ឆ្នោត៕

ភាពជាប់គាំងនយោបាយចេះតែអូសបន្លាយរបស់ប្រទេសថៃ ធ្វើឲ្យប៉ះពាល់ដល់សេដ្ឋកិច្ច

2023/08/10 09:21:59 pm        352
Facebook Telegram Linkin
ថៃ៖ រយៈពេលជិត៣ខែបន្ទាប់ពីការបោះឆ្នោតសកលនៅថ្ងៃទី១៤ ខែឧសភា អនាគតនយោបាយមិនច្បាស់លាស់របស់ប្រទេសថៃ បានដាក់សម្ពាធលើសេដ្ឋកិច្ច ដែលទំនងជាពន្យារការចំណាយរបស់រដ្ឋាភិបាល ដែលជាគន្លឹះក្នុងការងើបឡើងរបស់ប្រទេសនេះក្រោយការរាតត្បាតនៃជំងឺឆ្លងកូវីដ១៩។វិស័យធុរកិច្ចបានលើកឡើងពីក្តីបារម្ភអំពីល្បឿនដ៏យឺតនៃការបង្កើតរដ្ឋាភិបាលថ្មី និងការជ្រើសរើសនាយករដ្ឋមន្ត្រី ដែលបង្កឱ្យមានក្តីបារម្ភថា ភាពជាប់គាំងនយោបាយអាចបង្អាក់ទំនុកចិត្តក្នុងចំណោមវិនិយោគិនបរទេស ខណៈដែលសេដ្ឋកិច្ចត្រូវការការវិនិយោគផ្ទាល់ពីបរទេសបន្ថែមទៀត។នាយកធនាគារពិភពលោកប្រចាំប្រទេសថៃ លោក Fabrizio Zarcone ហាក់ដូចជាយល់ស្របលើការលើកឡើងនោះ ដោយបាននិយាយនៅក្នុងសិក្ខាសាលាមួយកាលពីថ្ងៃអង្គារនៅទីក្រុងបាងកកថា បញ្ហានយោបាយដែលអូសបន្លាយនេះ ត្រូវបានគេរំពឹងថានឹងមានផលប៉ះពាល់អវិជ្ជមានដល់សេដ្ឋកិច្ច។នៅក្នុងឆមាសទីមួយនៃឆ្នាំ២០២៣នេះ ប្រទេសថៃបានទាក់ទាញការវិនិយោគផ្ទាល់ពីបរទេសចំនួន ៣៦៤ពាន់លានបាត (១០,៤ពាន់លានដុល្លារ) ពីគម្រោងចំនួន៨៩១គម្រោង នេះបើយោងតាមក្រុមប្រឹក្សាវិនិយោគ ជាទីភ្នាក់ងាររដ្ឋាភិបាលដែលមានភារកិច្ចទាក់ទាញអាជីវកម្មបរទេស។ តួលេខនោះនៅតែទាបជាងគោលដៅចំនួន៥០០ពាន់លានបាតសម្រាប់ឆ្នាំ២០២៣ទាំងមូល ជាពិសេសសម្រាប់ការវិនិយោគក្នុងបណ្ដាឧស្សាហកម្មដូចជាថ្នាំពេទ្យ គ្រឿងយន្ត និងរថយន្តអគ្គិសនីជាដើម៕

បណ្ដាញសង្គម

ព័ត៌មានថ្មីៗ

មន្ត្រីជាន់ខ្ពស់៖ ដំណើរការចុះឈ្មោះបំពេញកាតព្វកិច្ចយោធាទទួលបានជោគជ័យជាទីមោទន
10/17/2026 12:10 PM
Facebook Telegram Linkin
ហេតុការណ៍បាក់ដំបូលសាលារៀននៅប៉ាគីស្ថានបណ្តាលឱ្យមនុស្សស្លាប់ច្រើន បង្កើតជាសំណួរអំពីនិយ័តកម្ម
10/17/2026 12:10 PM
Facebook Telegram Linkin
អ៊ីរ៉ាក់ ប៉ាន់ប្រមាណថាខ្លួនខាតបង់៦០ពាន់លានដុល្លារអាមេរិក ដោយសារជម្លោះរវាងអាមេរិក និងអ៊ីរ៉ង់
10/17/2026 12:10 PM
Facebook Telegram Linkin
ឯកឧត្ដម ហ៊ុន ម៉ានី៖ លើសពីតួនាទីផ្លូវការ សម្ដេចធិបតី​បង្ហាញពី​សុជីវធម៌ និង​​ការគោរពចាស់ទុំ ដែល​ជា​អត្ត​សញ្ញាណ​ខ្មែរដ៏ប្រពៃ
10/17/2026 12:10 PM
Facebook Telegram Linkin
មេដឹកនាំអ៊ុយក្រែន ស្វះស្វែងរកជំនួយបន្ថែម៧០ពាន់លានអឺរូពីអឺរ៉ុប ដោយបង្ហាញការខកចិត្តចំពោះអាមេរិក
10/17/2026 12:10 PM
Facebook Telegram Linkin
យុវជនប្តេជ្ញាខិតខំហ្វឹកហាត់ ដើម្បីក្លាយជាអ្នកបន្តវេនដែលមានសមត្ថភាពការពារជាតិ
10/17/2026 12:10 PM
Facebook Telegram Linkin
សម្តេចតេជោ ហ៊ុន សែន ៖ សម្តេចធិបតី គឺជា​ប្រមុខ​រាជរដ្ឋាភិបាល​ដែល​បាន​និង​កំពុង​ដឹកនាំ​ជោគ​វាសនា​ប្រទេសជាតិ ដោយទឹកចិត្ត បេះដូង និងការគិតគូរយ៉ាងម៉ត់ចត់ពីប្រជាជាតិកម្ពុជា
10/17/2026 11:10 AM
Facebook Telegram Linkin
មគ្គុទ្ទេសក៍ទេសចរណ៍ ៨២រូប ផ្តើមការ​ចុះ​កម្ម​សិក្សា​ស្រាវជ្រាវ​បញ្ចប់​ការ​សិក្សា​ដើម្បី​ទទួល​អាជ្ញា​បណ្ណ​ប្រកប​វិជ្ជាជីវៈ
10/17/2026 11:10 AM
Facebook Telegram Linkin
បញ្ចប់ជាស្ថាពរហើយ! ប្រាសាទមេបុណ្យខាងលិច​អាចឈររឹងមាំបានរយៈពេលជាង ១០០​ឆ្នាំ​ទៀត ក្រោយ​ចំណាយ​ពេល​ជួស​ជុល​អស់ ១៤ឆ្នាំ
10/17/2026 11:10 AM
Facebook Telegram Linkin
សហព័ន្ធនិស្សិត៖ ការតស៊ូមតិលើឆាកអន្ដរជាតិឱ្យថៃគោរពច្បាប់ ជួយ​ពង្រឹង​កម្លាំង​គាំទ្រ​ពី​អន្ដរជាតិ​លើ​កម្ពុជា
10/17/2026 11:10 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.