នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី បង្ហាញភាពអំណោយផល របស់កម្ពុជា ៦ចំណុច ក្នុងការទាក់ទាញវិនិយោគិនតួកគីយ៉េ
កម្ពុជា តួកគីយ៉េ មាន គោលដៅរួមសម្រេចទំហំពាណិជ្ជកម្ម ១ពាន់លានដុល្លារ
កម្ពុជា-អាស៊ែបៃហ្សង់ បង្ហាញសុទិដ្ឋិនិយមចំពោះការជំរុញទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ
អ្នកនាំពាក្យ៖ ទីបំផុតលោក សម រង្ស៊ី បានបង្ហាញច្បាស់ថា គាត់ពិតជាបាននិយាយការពារថៃ និង​មួលបង្កាច់កម្ពុជា

នយោបាយ​ និង ការអភិវឌ្ឍន៍

មជ្ឈមណ្ឌលពាណិជ្ជកម្មឥណ្ឌា Gurugram នៅតែមានភាពតានតឹង បន្ទាប់ពីការប៉ះទង្គិចគ្នារវាងអ្នកកាន់សាសនាហិណ្ឌូ និងពលរដ្ឋមូស្លីម

2023/08/03 06:35:31 pm        307
Facebook Telegram Linkin
ឥណ្ឌា៖ ចរាចរណ៍មានភាពធូរស្រាលជាងធម្មតាកាលពីថ្ងៃពុធ (២ សីហា) ហើយផ្លូវមួយចំនួនមិនមានមនុស្សម្នា នៅក្នុងមជ្ឈមណ្ឌលពាណិជ្ជកម្ម Gurugram ភាគខាងត្បូងនៃរដ្ឋធានីញូវដែលី្លរបស់ឥណ្ឌា ខណៈដែលក្រុមអាជ្ញាធរបាននិយាយថា ចំនួនអ្នកស្លាប់ពីការប៉ះទង្គិចគ្នាពីរថ្ងៃនៃក្រុមអ្នកសាសនាហិណ្ឌូ-ពលរដ្ឋមូស្លីម នៅក្នុងតំបន់នេះ បានកើនឡើងដល់៧នាក់ហើយ។អំពើហឹង្សាបានផ្ទុះឡើងក្នុងអំឡុងពិធីដង្ហែសាសនាដោយពួកហិណ្ឌូនៅក្នុងសង្កាត់ Nuh ដែលគ្រប់គ្រងដោយពលរដ្ឋមូស្លីមកាលពីថ្ងៃចន្ទ ដែលបណ្តាលឱ្យមនុស្ស៦នាក់ស្លាប់ រួមទាំងបុគ្គលិកនគរបាលពីរនាក់ និងប្រហែល៦០នាក់ បានរងរបួស។ភាពចលាចលបានរាលដាលដល់មជ្ឈមណ្ឌលពាណិជ្ជកម្ម Gurugram ដែលនៅជិតខាងនោះកាលពីយប់ថ្ងៃច័ន្ទ និងបន្តរហូតដល់ថ្ងៃអង្គារ ដោយវិហារអ៊ីស្លាមមួយត្រូវបានដុត ហើយបព្វជិតរបស់វិហារម្នាក់បានស្លាប់ផងដែរ។ បណ្ដាហាង និងភោជនីយដ្ឋានជាច្រើនត្រូវបានកម្ទេច ឬដុតបំផ្លាញ។ អ្នកស្រុកមួយចំនួនក្នុងទីក្រុងបានភៀសខ្លួននិយាយថា ពួកគេបានប្រឈមមុខនឹងការគំរាមកំហែង៕

សម្ដេចតេជោ៖ ផ្តើមពីការរីកចម្រើន ទើបនាំឱ្យមានការកសាងផ្លូវក្រវាត់ក្រុងជាបន្តបន្ទាប់

2023/08/03 06:32:36 pm        336
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានលើកឡើងពីសារៈប្រយោជន៍​ដ៏ធំធេង​នៃការកសាងហេដ្ឋរចនាសម្ព័ន្ធតភ្ជាប់ ផ្លូវ ស្ពាន ជាពិសេសផ្លូវក្រវាត់ក្រុងជាបន្តបន្ទាប់ គឺដោយសារតែកំណើន នៃប្រជាពលរដ្ឋតាមរយៈការរីកចម្រើននៃប្រទេសជាតិ។សម្តេចតេជោ បានមានប្រសាសន៍ជាថ្មី អំពីការយកចិត្តទុកដាក់របស់រាជរដ្ឋាភិបាល​នៅ​គ្រប់​កាលៈទេសៈ នៃការដឹកនាំ​ប្រទេស ជាពិសេសការតភ្ជាប់ហេដ្ឋារចនាសម្ព័ន្ធផ្លូវថ្នល់​ប្រឡាក់ក្រឡា ទាំងនៅទីក្រុង និងជនបទ ដើម្បីបំរើដល់ការធ្វើដំណើរឱ្យបានងាយស្រួលជូនដល់​ពលរដ្ឋនេះ ត្រូវបានលើកឡើងនៅក្នុងពេលដែលសម្តេចមានវត្តមានដ៏ខ្ពង់ខ្ពស់ជាមួយឯកឧត្តម វ៉ាង វិនធៀន ឯកអគ្គរដ្ឋទូតចិនប្រចាំនៅកម្ពុជា ក្នុងពិធីសម្ពោធ ដាក់ឲ្យប្រើប្រាស់ជាផ្លូវការ ផ្លូវក្រវ៉ាត់ក្រុងទី៣ ប្រវែងជាង៥២គីឡូម៉ែត្រ ដែលប្រារព្ធធ្វើឡើងនៅ ឃុំដីឥដ្ឋ ស្រុកកៀនស្វាយ ខេត្តកណ្តាល នាព្រឹកថ្ងៃទី៣ ខែសីហានេះ។នៅក្នុងពិធីនេះ សម្តេច បានដាក់ចេញជាសំណួរថា ហេតុអ្វីបានជាចាំបាច់ត្រូវធ្វើផ្លូវក្រវាត់ក្រុង។សម្តេច បានបន្តថា គឺដោយសារតែផ្តើមចេញពីតម្រូវការរបស់ប្រជាជនរបស់យើង ហើយបើ​ប្រទេសជាតិមិនមានការរីកលូតលាស់ទេ ​នោះក៏យើងមិនចាំបាច់ធ្វើផ្លូវក្រវាត់ក្រុងលេខ១ លេខ២ ឬលេខ៣នេះជាបន្តបន្ទាប់ដែរ។សូមបញ្ជាក់ថា ផ្លូវក្រវាត់ក្រុងទី៣ មានប្រវែងជិត ៥៣គីឡូម៉ែត្រ មានចំណុចចាប់ផ្តើមពីរង្វង់ មូល មហាវិថីឈ្នះ-ឈ្នះ ដែលមានចម្ងាយ ៥០០ម៉ែត្រពីផ្លូវជាតិលេខ៤ (គីឡូ ម៉ែត្រលេខ១៤+១០៥) ស្ថិតនៅក្នុងភូមិជម្ពូវ័ន្ត២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ឆ្លងកាត់ផ្លូវជាតិលេខ៤ ផ្លូវជាតិលេខ៣ ផ្លូវជាតិ លេខ២ ផ្លូវជាតិលេខ២១ ផ្លូវជាតិលេខ២១A ផ្លូវខេត្តលេខ១១០ រហូត ដល់ផ្លូវជាតិលេខ១ (គីឡូម៉ែត្រលេខ២៤+៨៤០) ស្ថិតនៅភូមិដីឥដ្ឋកោះផុស ឃុំដីឥដ្ឋ ស្រុកកៀនស្វាយ ខេត្តកណ្តាល ៕ 

អ្នកគាំទ្រគណបក្សបោះជំហានទៅមុខ MFP តាមដានគណបក្សភឿថៃយ៉ាងជិតស្និទ្ធ

2023/08/03 06:31:37 pm        273
Facebook Telegram Linkin
ថៃ៖ អ្នកគាំទ្រគណបក្សបោះជំហានទៅមុខ (MFP) កំពុងតាមដានយ៉ាងដិតដល់នូវចលនាបន្ទាប់របស់គណបក្សភឿថៃ ដើម្បីចង់ដឹងថាតើគណបក្សណា ដែលបក្សភឿថៃនឹងស្នើសុំឱ្យចូលរួមជាមួយសម្ព័ន្ធរបស់ខ្លួន បន្ទាប់ពីគណបក្ស MFP ត្រូវបានដកចេញពីក្រុមចម្រុះសម្ព័ន្ធភាពកាលពីថ្ងៃពុធ (២ សីហា)។គណបក្ស MFP ដែលបានទទួលជ័យជម្នះក្នុងការបោះឆ្នោតសកលនៅថ្ងៃទី១៤ ខែឧសភា បានសុំឱ្យគណបក្សភឿថៃបង្កើតរដ្ឋាភិបាលចម្រុះមួយ បន្ទាប់ពីកិច្ចខិតខំប្រឹងប្រែងផ្ទាល់របស់គណបក្ស MFP បរាជ័យ។ អ្នកស្រី Arnon Nampa (អាណុន ណាមផា) ដែលជាសកម្មជននយោបាយ និងជាមេដឹកនាំសំខាន់នៃក្រុមគាំទ្រគណបក្ស MFP បាននិយាយថា ក្រុមនេះកំពុងរង់ចាំមើលថាតើគណបក្សភឿថៃនឹងធ្វើអ្វីបន្តទៀត។កាលពីរសៀលថ្ងៃពុធ ក្រុមអ្នកគាំទ្រមកពីរណសិរ្សរួបរួមនៃធម្មសាស្ត្រ និងបាតុកម្ម បានប្រមូលផ្តុំគ្នានៅទីស្នាក់ការកណ្តាលគណបក្សភឿថៃ ដើម្បីជំរុញឱ្យមានការរួបរួមគ្នាជាមួយគណបក្ស MFP និងដៃគូចម្រុះផ្សេងទៀត រហូតដល់អាណត្តិព្រឹទ្ធសភាផុតកំណត់នៅពាក់កណ្តាលខែឧសភាឆ្នាំក្រោយ ដូច្នេះពួកគេអាចបង្កើតរដ្ឋាភិបាលមួយបាន។នៅពេលពួកគេដឹងថា បក្សភឿថៃបានដកខ្លួនចេញពីក្រុមចម្រុះ ក្នុងកិច្ចខិតខំប្រឹងប្រែងដើម្បីព្យាយាមបង្កើតរដ្ឋាភិបាលដោយគ្មានគណបក្ស MFP ក្រុមបាតុករទាំងនោះមានអារម្មណ៍មិនពេញចិត្តជាខ្លាំង។ ពួកគេបានដុតបំផ្លាញរូបសំណាក ខណៈអ្នកខ្លះទៀតព្យាយាមទម្លុះចូលទៅក្នុងទីស្នាក់ការរបស់គណបក្សភឿថៃ។ រនាំងជាច្រើនត្រូវដាក់នៅទីនោះ ខណៈនគរបាល និងមន្ត្រីសន្តិសុខកំពុងព្យាយាមទប់ទល់នឹងហ្វូងមនុស្ស៕

លោក Justin Trudeau និងភរិយាលោកស្រី Sophie លែងលះគ្នា បន្ទាប់ពីអាពាហ៍ពិពាហ៍១៨ឆ្នាំ

2023/08/03 06:17:48 pm        298
Facebook Telegram Linkin
កាណាដា៖ នាយករដ្ឋមន្ត្រីប្រទេសកាណាដា លោក Justin Trudeau និងភរិយារបស់លោក លោកស្រី Sophie Grégoire Trudeau (សូហ៊្វី ហ្គ្រេហ្គ័រ ទ្រូដូ) បានប្រកាសរួមគ្នាកាលពីថ្ងៃពុធថា គូស្វាមីភរិយាទាំងពីរនឹងលែងលះគ្នា បន្ទាប់ពីការសន្ទនាដ៏លំបាកនិងមានអត្ថន័យជាច្រើន។ លោកនាយករដ្ឋមន្ត្រី បានសរសេរនៅក្នុងសេចក្តីប្រកាសនៅលើបណ្តាញ Instagram ថា ដូចធម្មតា យើងនៅតែជាគ្រួសារជិតស្និទ្ធដោយក្តីស្រលាញ់ដ៏ជ្រាលជ្រៅ និងការគោរពគ្នា និងសម្រាប់អ្វីៗគ្រប់យ៉ាង ដែលយើងបានសាង និងបន្តសាង។ លោកនិយាយថា សម្រាប់ការរស់នៅរបស់កូនៗ យើងបានស្នើសុំឲ្យគោរពភាពឯកជនភាពរបស់យើង និងរបស់ពួកគេ។ ការបែកបាក់គ្នានេះកើតមានឡើងបន្ទាប់ពីអាពាហ៍ពិពាហ៍រយៈពេល១៨ឆ្នាំ។  ការិយាល័យរបស់នាយករដ្ឋមន្ត្រី បានប្រាប់សារព័ត៌មានរ៉យទ័រថា គូស្វាមីភរិយាទាំងពីរមានកូន៣នាក់។ ពួកគេបានធ្វើការងារដើម្បីធានាថា វិធានការផ្លូវច្បាប់និងសីលធម៌ ផ្អែកលើការសម្រេចចិត្តរបស់ពួកគេក្នុងការបែកបាក់គ្នា ហើយនឹងបន្តធ្វើដូច្នេះរហូត។ ឪពុកម្តាយទាំងសងខាង នឹងទទួលរក្សាការរស់នៅរបស់កូនៗពួកគេ ហើយប្រជាជនកាណាដាអាចរំពឹងថា នឹងមើលឃើញក្រុមគ្រួសារនេះនៅជាមួយគ្នាជាធម្មតា។ ក្រុមគ្រួសារនេះនឹងនៅរួមគ្នានៅថ្ងៃសម្រាកវិស្សមកាល ដែលនឹងចាប់ផ្តើមនៅសប្តាហ៍ក្រោយ។ លោកស្រី Sophie Grégoire Trudeau ជាអតីតអ្នកសារព័ត៌មានផ្នែកកំសាន្ត គឺជាមិត្តរួមថ្នាក់របស់ប្អូនប្រុសលោក Justin ឈ្មោះ Michel( មីស្ហែល)៕

ប្លុកអាហ្រ្វិកខាងលិច បញ្ជូនគណៈប្រតិភូទៅនីហ្សេ និងនិយាយថា ការប្រើកម្លាំង គឺជា «មធ្យោបាយចុងក្រោយ»

2023/08/03 06:04:53 pm        331
Facebook Telegram Linkin
អាហ្រ្វិក៖ ប្លុកតំបន់អាហ្រ្វិកខាងលិច ECOWAS បានបញ្ជូនគណៈប្រតិភូទៅប្រទេសនីហ្សេ កាលពីថ្ងៃពុធ (ទី២ ខែសីហា) ដើម្បីចរចាជាមួយមន្ត្រីយោធា ដែលបានដណ្តើមអំណាចក្នុងរដ្ឋប្រហារ កាលពីសប្តាហ៍មុន ខណៈប្រមុខការពារជាតិ ក្នុងតំបន់ បានចាប់ផ្តើមកិច្ចប្រជុំរយៈពេល ២ថ្ងៃ នៅប្រទេសជិតខាងនីហ្សេរីយ៉ា។សហគមន៍សេដ្ឋកិច្ចនៃបណ្តារដ្ឋអាហ្រ្វិកខាងលិច ហៅកាត់ថា ECOWAS បានដាក់ទណ្ឌកម្មលើប្រទេសនីហ្សេ ហើយបាននិយាយថា ប្លុកអាចអនុញ្ញាតឲ្យមានការប្រើប្រាស់កម្លាំង ប្រសិនបើមេដឹកនាំរដ្ឋប្រហារមិនប្រគល់តំណែងដល់ប្រធានាធិបតីជាប់ឆ្នោតលោក Mohamed Bazoum វិញ ក្នុងរង្វង់មួយសប្តាហ៍ ចាប់ពីថ្ងៃអាទិត្យសប្ដាហ៍មុន។លោក Abdel-Fatau Musah ស្នងការ ECOWAS ទទួលបន្ទុកកិច្ចការនយោបាយ សន្តិភាព និងសន្តិសុខបាននិយាយថា៖ «ការប្រើកម្លាំងយោធា គឺជាជម្រើសចុងក្រោយបំផុត ដែលត្រូវបានលើកមកពិភាក្សា ពោលគឺជាមធ្យោបាយចុងក្រោយ ប៉ុន្តែយើងត្រូវរៀបចំ ដើម្បីត្រៀមសម្រាប់ហេតុការណ៍ណាមួយ ដែលកើតឡើងជាយថាហេតុ»។ លោកបានប្រាប់អ្នកសារព័ត៌មាន នៅទីក្រុងអាប៊ូហ្សា (Abuja) របស់ប្រទេសនីហ្សេរីយ៉ាថា៖ «វាមានភាពចាំបាច់ ក្នុងការបង្ហាញថា យើងមិនអាចត្រឹមតែនិយាយប៉ុណ្ណោះទេ ប៉ុន្តែអាចនឹងអនុវត្តជាក់ស្ដែង»។លោក Musah បានបន្ថែមថា គណៈប្រតិភូទៅកាន់ប្រទេសនីហ្សេរី កំពុងត្រូវបានដឹកនាំដោយអតីតមេដឹកនាំយោធានីហ្សេរីយ៉ា លោក Abdulsalami Abubakar ដែលត្រូវបានគេរំពឹងថា មានវត្តមាននៅក្នុងទីក្រុងនីញ៉ាម៉េ (Niamey) នាថ្ងៃពុធនោះ ដើម្បីចាប់ផ្តើមកិច្ចចរចាជាមួយរដ្ឋាភិបាលយោធា។ តែយ៉ាងណាក្ដី ព័ត៌មានលម្អិតផ្សេងទៀតអំពីបេសកកម្មនេះ នៅតែស្ថិតក្នុងភាពមិនច្បាស់លាស់ដដែល ខណៈដែលលោក Amos Lungu អ្នកនាំពាក្យគណៈកម្មការ ECOWAS មិនបានឆ្លើយតបនឹងសំណើសុំការអត្ថាធិប្បាយពីសារព័ត៌មាន Al Jazeera នោះឡើយ។សូមបញ្ជាក់ថា រដ្ឋាភិបាលយោធា នៅប្រទេសនីហ្សេ ត្រូវបានដឹកនាំដោយអតីតមេអង្គរក្សការពារប្រធានាធិបតីរបស់លោក Bazoum គឺលោកឧត្តមសេនីយ៍ Abdourahmane Tchiani ដែលបានឃុំលោក Bazoum នៅក្នុងវិមានរបស់លោកផ្ទាល់ កាលពីថ្ងៃទី២៦ ខែកក្កដា និងដែលក្រោយមក បានប្រកាសថា ខ្លួនឯងជាប្រមុខរដ្ឋ៕

សារព័ត៌មាន Financial Times៖ អាមេរិកចុះហត្ថលេខាលើកិច្ចព្រមព្រៀងជាមួយប៊ុលហ្គារី និងកូរ៉េខាងត្បូង ដើម្បីផ្គត់ផ្គង់គ្រាប់កាំភ្លើងធំ155 mm ដល់អ៊ុយក្រែន

2023/08/03 06:02:18 pm        358
Facebook Telegram Linkin
អាមេរិក៖ សហរដ្ឋអាមេរិក កំពុងស្វែងរកការបង្កើនការផ្គត់ផ្គង់គ្រាប់កាំភ្លើងធំ១៥៥ មីលីម៉ែត្រ( 155mm)ដ៏សំខាន់ដល់អ៊ុយក្រែន ដើម្បីគាំទ្រការវាយបករបស់ខ្លួន។មន្ត្រីដែលដកស្រង់សម្តីដោយកាសែតនេះ បាននិយាយថា សហរដ្ឋអាមេរិក បានចុះហត្ថលេខាលើកិច្ចព្រមព្រៀងជាមួយប៊ុលហ្គារី និងកូរ៉េខាងត្បូងរួចហើយ ដើម្បីផ្គត់ផ្គង់គ្រាប់កាំភ្លើងធំទៅឲ្យអ៊ុយក្រែន ហើយកំពុងចរចាជាមួយជប៉ុនដូចគ្នា។សារព័ត៌មាន Finanacial Times បានឲ្យដឹងថា រដ្ឋបាលលោកបៃដិន បានដឹងពីឃ្លាំងផ្ទុកគ្រាប់រំសេវរបស់អ៊ុយក្រែនអស់ជាច្រើនខែ ហើយបានបង្កើនកិច្ចខិតខំប្រឹងប្រែង ដើម្បីបញ្ជូនគ្រាប់ផ្លោងទៅឲ្យទីក្រុងគីវ។យោងតាមប្រភពនៃការចុះផ្សាយនេះ កិច្ចខិតខំប្រឹងប្រែងរបស់សហរដ្ឋអាមេរិកក្នុងការផ្តល់សព្វាវុធ គឺផ្តោតលើការផ្គត់ផ្គង់គ្រាប់កាំភ្លើងធំ១៥៥មីលីម៉ែត្របន្ថែមទៀត រួមទាំងការផ្គត់ផ្គង់ពី   សម្ព័ន្ធមិត្តអន្តរជាតិក្នុងរយៈពេលខ្លី ក៏ដូចជាផែនការបង្កើនការផលិតរបស់ពួកគេនៅសហរដ្ឋអាមេរិកក្នុងរយៈពេលពីរឆ្នាំខាងមុខ។យោងតាមកងទ័ពអាមេរិក ទីក្រុងវ៉ាស៊ីនតោន មានគោលបំណងផលិតរហូតដល់ ៩០.000 គ្រាប់ក្នុងមួយខែនៅឆ្នាំ ត្រឹមឆ្នាំសារពើពន្ធ២០២៥ កើនឡើងពី ២៤.000 គ្រាប់ នៅពេលបច្ចុប្បន្ន និង ១៤.00០ គ្រាប់ ក្នុងមួយខែ មុនពេលការវាយលុកពេញទំហឹងរបស់រុស្ស៊ីលើអ៊ុយក្រែន៕

អ៊ុយក្រែន និយាយថា រុស្ស៊ីមិនបានរុលទៅមុខនោះទេ ប៉ុន្តែបានជីកលេណដ្ឋានយ៉ាងរឹងមាំ

2023/08/03 05:58:30 pm        334
Facebook Telegram Linkin
អ៊ុយក្រែន៖ មន្ត្រីអ៊ុយក្រែន បាននិយាយកាលពីថ្ងៃពុធថា កងកម្លាំងរុស្ស៊ី ពុំបានរុលចូលទៅមុខនៅតាមបណ្តោយសមរភូមិមុខនោះទេ ប៉ុន្តែបានជីកលេណដ្ឋាននៅក្នុងតំបន់មានគ្រាប់មីនច្រើន ដែលពួកគេគ្រប់គ្រង បង្កការលំបាកសម្រាប់កងទ័ពអ៊ុយក្រែនដើម្បីរុលចូលទៅភាគខាងកើតនិងខាងត្បូង។ របាយការណ៍នានារបស់រុស្ស៊ីពីការប្រយុទ្ធនៅសមរភូមិមុខ បាននិយាយថា ការវាយប្រហាររបស់អ៊ុយក្រែនចំនួន១២លើក ត្រូវបានវាយរុញច្រាននៅក្នុងតំបន់ Donetsk ជាចំណុចកណ្តាលមួយនៃការរុលចូលទៅមុខរបស់រុស្ស៊ីក្នុងរយៈពេលជាច្រើនខែមកនេះ។ សកម្មភាពយោធារុស្ស៊ីភាគច្រើន ផ្តោតទៅលើការវាយប្រហារតាមអាកាស ដែលបានបំផ្លាញហេដ្ឋារចនាសម្ព័ន្ធគ្រាប់ធញ្ញជាតិនៅកំពង់ផែ Izmail តំបន់ Danube( ដានូប៊)របស់អ៊ុយក្រែន។ក្រសួងការពារជាតិរុស្ស៊ី បាននិយាយថា កងកម្លាំងរបស់ខ្លួន បានបំផ្លាញយានដ្រូនកងទ័ពជើងទឹករបស់អ៊ុយក្រែន ដែលបានព្យាយាមវាយប្រហារលើនាវាចម្បាំងរបស់រុស្ស៊ី ដែលបើកអមនាវាជនស៊ីវិលនៅសមុទ្រខ្មៅ។ ទីក្រុងគីវ និយាយថា ខ្លួនបានដណ្តើមបានមកវិញនូវតំបន់ជាច្រើន នៅជិតទីក្រុង Bakhmut ជាទីក្រុងនៅភាគខាងកើត ដែលត្រូវបានដណ្តើមយកដោយកងកម្លាំងរុស្ស៊ីកាលពីខែឧសភា បន្ទាប់ពីជាច្រើនខែនៃការប្រយុទ្ធគ្នា។ អនុរដ្ឋមន្ត្រីក្រសួងការពារជាតិអ៊ុយក្រែនលោកស្រី Hanna Maliar បាននិយាយថាកងកម្លាំងរុស្ស៊ី បានព្យាយាមដោយក្រាញននៀល ដើម្បីបញ្ឈប់ការរុលចូលទៅមុខរបស់យើងក្នុងផ្នែកនៅទីក្រុង Bakhmut ប៉ុន្តែពុំទទួលបានជោគជ័យឡើយ៕

យោធាប្រទេសនីហ្សេ និយាយថា ខ្លួននឹងមិនចុះចាញ់ឡើយទោះបីជាមានការដាក់ទណ្ឌកម្មធ្ងន់ធ្ងរ

2023/08/03 05:55:52 pm        132
Facebook Telegram Linkin
នីហ្សេ៖ មេដឹកនាំថ្មីស្វ័យប្រកាសរបស់ប្រទេសនីហ្សេ កាលពីថ្ងៃពុធ បាននិយាយថា យោធានឹងមិនឱនទទួលយកសម្ពាធដែលឲ្យប្រធានាធិបតីត្រូវបានបណ្តេញចេញលោក Mohamed Bazoum ចូលកាន់តំណែងវិញឡើយ ដែលកំពុងបង្កើនការប្រឈមមុខដាក់គ្នាជាមួយប្លុកអាហ្វ្រិកខាងលិច ខណៈបានគំរាមធ្វើអន្តរាគមន៍បន្ទាប់ពីរដ្ឋប្រហារកាលពីសប្តាហ៍មុន។ សហគមន៍សេដ្ឋកិច្ចនៃបណ្តារដ្ឋអាហ្វ្រិកខាងលិច (ECOWAS) បានដាក់ទណ្ឌកម្មជាច្រើនមកលើប្រទេសនីហ្សេ និងបាននិយាយថាខ្លួនអាចអនុញ្ញាឲ្យប្រើប្រាស់កម្លាំងប្រសិនបើមេដឹកនាំរដ្ឋប្រហារមិនឲ្យប្រធានាធិបតីលោក Bazoum ចូលកាន់តំណែងវិញក្នុងរយៈពេល១សប្តាហ៍ ចាប់ពីថ្ងៃអាទិត្យកន្លងទៅនេះ។ ប្លុកនេះបានបញ្ជូនគណៈប្រតិភូមួយក្រុមទៅកាន់ប្រទេសនីហ្សេកាលពីថ្ងៃពុធដើម្បីចរចាជាមួយមន្ត្រីយោធា ដែលបានដណ្តើមអំណាច ដោយសង្ឃឹមថានឹងរកឃើញដំណោះស្រាយផ្នែកការទូត មុនពេលពួកគេត្រូវសម្រេចថាតើត្រូវចូលធ្វើអន្តរាគមន៍ឬយ៉ាងណា។ នៅក្នុងសុន្ទរកថាតាមទូរទស្សន៍ លោក Abdourahamane Tiani និយាយថា យោធាច្រានចោទការដាក់ទណ្ឌកម្មទាំងនេះ និងច្រានចោលការគំរាមកំហែងណាមួយ ទោះបីការគំរាមនោះមកពីទីកន្លែងណាក៍ដោយ។ យើងច្រានចោលការជ្រៀតជ្រែកណាមួយនៅក្នុងកិច្ចការផ្ទៃក្នុងរបស់ប្រទេសនីហ្សេ៕

ចំនួនអ្នកស្លាប់ក្នុងការបំផ្ទុះគ្រាប់បែកអត្តឃាតនៅប៉ាគីស្ថាន បានកើនឡើងដល់៦៣នាក់

2023/08/03 05:31:14 pm        289
Facebook Telegram Linkin
ប៉ាគីស្ថាន៖ ក្រុមមន្ត្រីបាននិយាយថា ចំនួនអ្នកស្លាប់ក្នុងការបំផ្ទុះគ្រាប់បែកអត្តឃាតនៅប៉ាគីស្ថានបានកើនឡើងដល់៦៣នាក់ ខណៈលោកនាយករដ្ឋមន្ត្រី សេបាសសារីហ្វ (Shehbaz Sharif) បាននិយាយថា ជនជាតិ   អាហ្វហ្គានីស្ថាន បានជាប់ពាក់ព័ន្ធក្នុងកាវវាយប្រហារសម្លាប់រង្គាលនាពេលថ្មីៗនេះ ។ ការបំផ្ទុះកាលពីថ្ងៃអាទិត្យ បានដាក់គោលដៅលើក្រុមអ្នកចូលរួមនៅឯការប្រមូលផ្ដុំមួយសម្រាប់គណបក្សនយោបាយសាសនា ចាមីអាត អ៊ូឡេម៉ាអ៊ី-អ៊ីស្លាម (JUI-F) ក្នុងសុ្រកកុលសម្ព័ន្ធបាជួ (Bajaur) ភាគពាយ័ព្យ ប្រទេសប៉ាគីស្ថាន ។ យោធាប៉ាគីស្ថានធ្លាប់បានប្រើពេលជាច្រើនឆ្នាំប្រយុទ្ធប្រឆាំងនឹងក្រុមតាលីបង់ ប៉ាគីស្ថាន ក្នុងតំបន់នេះ មុនពេលប្រកាស ពីការបោសសម្អាតក្រុមឧទ្ទាមនៅក្នុងស្រុកមួយនេះ កាលពីឆ្នាំ២០១៦ ។  លោកលីអាតខ្វាត អាលី (Liaquat Ali) អ្នកនាំពាក្យមន្ទីរពេទ្យរដ្ឋក្នុងស្រុកបាជួ បាននិយាយកាលពីថ្ងៃពុធថា  មនុស្សចំនួន៦៣នាក់ បានស្លាប់ក្នុងការបំផ្ទុះគ្រាប់បែកអត្តឃាដនេះ។យោងតាមមន្ត្រីមួយរូបនៅមន្ទីរពេទ្យ បាននិយាយថា មនុស្សចំនួន១២៣នាក់ ផ្សេងទៀត ដែលបានរងរបួសក្នុងការវាយប្រហារជិតព្រំដែនអាហ្វហ្គានីស្ថាន កំពុងត្រូវបានសម្រាកព្យាបាល។  ក្រុមរដ្ឋអ៊ីស្លាម ISIL(អាយស៊ីល) បានអះអាង ថាខ្លួនជាអ្នកវាយប្រហារដោយគ្រាប់បែក ទៅលើការប្រមូលផ្ដុំ របស់ក្រុមអ្នកគាំទ្រគណបក្ស JUI-Fនេះ ដោយប្រើខ្មាន់បំផ្ទុះគ្រាប់បែកអត្តឃាដ បំពាក់គ្រាប់បែបជាប់អាវកាក់៕

មន្ទីរពេទ្យប្រទេសហៃទី ថែទាំកុមារក្នុងពេលមានអំពើហិង្សាក្រុមជនអន្ធពាល ភាពអត់ឃ្លាន និងខ្វះជំនួយ

2023/08/03 05:27:38 pm        267
Facebook Telegram Linkin
ហៃទី៖ កូនស្រីអាយុ៩ខែរបស់នាងម៉ារី មីឈែល ចូសេហ្វ(Marie Michelle Joseph) មានសភាពទន់ខ្សោយនិងគ្រុនរហូត។ បន្ទាប់ពីត្រូវបានយកចេញពីមន្ទីពេទ្យធំរបស់ប្រទេសហៃទី កូនស្រីរបស់នាងឈ្មោះ Myleisha ត្រូវបានទទួលចុងក្រោយនៅមន្ទីពេទ្យ Fontaine (ហ្វុងតែន) ជាមន្ទីរពេទ្យឧបត្ថមដោយអង្គការ UNICEF នៅក្នុងរដ្ឋធានីព័រអូប្រាំង នៅក្នុងតំបន់មួយដែលក្រុមគ្រួសាររបស់នាងគិតថា គ្មានសុវត្ថិភាពដើម្បីទៅសួរសុខទុក្ខ។ផ្នែកធំៗរបស់ប្រទេសហៃទី ស្ថិតនៅក្រោមការគ្រប់គ្រងរបស់ក្រុមជនអន្ធពាលប្រដាប់អាវុធធុនធ្ងន់ ជាក្រុមតែងតែបង្កសង្គ្រាមបណ្តាលឲ្យជីវិតរស់នៅរបស់ប្រជាជន និងបុគ្គលិកផ្តល់ជំនួយស្ថិតក្នុងហានីភ័យ។ ក្រុមហ៊ុនផលិតស្បៀងអាហារពុំអាចដឹកជញ្ជូនផលិតផលរបស់ពួកគេទៅកាន់ទីកន្លែងនានា ដែលត្រូវការជំនួយខ្លាំងបំផុតនោះទេ។ យោងតាមអង្គការសហប្រជាជាតិបានប៉ាន់ប្រមាណថា វិបត្តិបានធ្វើឲ្យកុមារ ជាង១សែននាក់ នៅក្នុងប្រទេសហៃទីជួបបញ្ហាប្រឈមនឹងការអត់អាហាររហូតដល់ស្លាប់។ កម្មវិធីស្បៀងអាហារពិភពលោក (WFP) បាននិយាយថា ជិតពាក់កណ្តាលនៃប្រជាជនហៃទី ប្រជាជនប្រមាណ៤,៩លាននាក់ កំពុងជួបភាពអត់ឃ្លាន។ ប៉ុន្តែកម្មវិធីស្បៀងអាហារពិភពលោក បាននិយាយកាលពីខែមុនថាអង្គការនេះ ត្រូវបានបង្ខំឲ្យកាត់បន្ថយការផ្តល់ជំនួយស្បៀងអាហារបន្ទាន់កាលពីខែកក្កដាមកកាន់ប្រទេសនេះចំនួន២៥ភាគរយ បើប្រៀបធៀបទៅនឹងខែមុនដោយសារតែមូលនិធិថយចុះជាបន្តបន្ទាប់ ខណៈនៅក្នុងខែមិថុនា អង្គការ UNICEF បាននិយាយថា ខ្លួនបានទទួលត្រឹមតែ១៥ភាគរយនៃមូលនិធិដែលខ្លួនត្រូវការសម្រាប់ប្រតិបត្តិការនៅប្រទេសហៃទីនៅឆ្នាំនេះ៕

បណ្ដាញសង្គម

ព័ត៌មានថ្មីៗ

សម្តេចធិបតី ហ៊ុន ម៉ាណែត អញ្ជើញដល់​កម្ពុជាដោយសុវត្ថិភាព ក្រោយបញ្ចប់ទស្សនកិច្ចផ្លូវការ ១សប្តាហ៍ នៅ ៣ប្រទេស
10/18/2026 11:10 AM
Facebook Telegram Linkin
សម្ដេចតេជោ ហ៊ុន សែន​៖ ឆ្កែបានជិះរទេះ! ស្នើសុំលើកលែងទោសឲ្យ​ខ្លួន និងក្រុមខ្លួន តើ​ទទួល​ស្គាល់​ថា​ខ្លួនមានទោសមែនទេ?
10/18/2026 11:10 AM
Facebook Telegram Linkin
លោក Putin៖ រុស្ស៊ី នឹងបង្កើតតំបន់សន្តិសុខមិនអាចចរចាបាននៅអ៊ុយក្រែន តាមបណ្តោយព្រំដែនរបស់ខ្លួន
10/18/2026 10:10 AM
Facebook Telegram Linkin
មនុស្ស ១៦៧នាក់ ត្រូវបានចាប់ខ្លួន អំឡុងបាតុកម្មទាមទារឲ្យនាយករដ្ឋមន្រ្តីអាល់បានី ចុះចេញពីតំណែង
10/18/2026 10:10 AM
Facebook Telegram Linkin
ការប៉ះទង្គិចគ្នាហិង្សា ការលួចទំនិញ និងការដុតអគារ កើតឡើងអំឡុងបាតុកម្មនៅបារាំង ខណៈមនុស្សជាង ១ពាន់នាក់ ត្រូវបានចាប់ខ្លួន
10/18/2026 10:10 AM
Facebook Telegram Linkin
កម្ពុជាស្វាគមន៍​នាយ​ទាហានប្ដូរវេនវៀតណាម​​ពីររូប ចូល​រួម​ជា​មួយ​ក្រុម AOT ដើម្បី​ចុះ​សង្កេត​ការណ៍ ផ្ទៀងផ្ទាត់ និង​រាយការណ៍អំ​ពី​ស្ថាន​ភាព​តាម​បណ្តោយព្រំដែនកម្ពុជា-ថៃ
10/18/2026 08:10 AM
Facebook Telegram Linkin
កម្ពុជា-កាហ្សាក់ស្ថាន ស្វែងរកយន្តការថ្មីៗ ដើម្បីប្រែក្លាយការប្ដេជ្ញាចិត្តនៃការលើកកម្ពស់ទំនាក់ទំនង និងកិច្ចសហប្រតិបត្តិការទ្វេភាគី ឱ្យក្លាយជាសកម្មភាពជាក់ស្ដែង
10/17/2026 10:10 PM
Facebook Telegram Linkin
កម្ពុជា-កាហ្សាក់ស្ថាន ឯកភាពបន្តពូនជ្រំទំនាក់ទំនងទ្វេភាគី និងគាំទ្រគ្នាទៅវិញទៅមក ក្នុងក្រខ័ណ្ឌតំបន់ និង អន្តរជាតិ
10/17/2026 10:10 PM
Facebook Telegram Linkin
រដ្ឋមន្រ្តីសុខាភិបាល៖ «សុខភាពល្អ គឺជាទ្រព្យសម្បត្តិដ៏មានតម្លៃបំផុតរបស់មនុស្ស និងគ្រួសារ»
10/17/2026 06:10 PM
Facebook Telegram Linkin
លទ្ធផលនៃដំណោះស្រាយតាមយន្តការ UNCLOS នឹងត្រូវប្រកាសឱ្យដឹងនៅក្នុងពេលឆាប់ៗនេះ
10/17/2026 06:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.