នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី បង្ហាញភាពអំណោយផល របស់កម្ពុជា ៦ចំណុច ក្នុងការទាក់ទាញវិនិយោគិនតួកគីយ៉េ
កម្ពុជា តួកគីយ៉េ មាន គោលដៅរួមសម្រេចទំហំពាណិជ្ជកម្ម ១ពាន់លានដុល្លារ
កម្ពុជា-អាស៊ែបៃហ្សង់ បង្ហាញសុទិដ្ឋិនិយមចំពោះការជំរុញទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ
អ្នកនាំពាក្យ៖ ទីបំផុតលោក សម រង្ស៊ី បានបង្ហាញច្បាស់ថា គាត់ពិតជាបាននិយាយការពារថៃ និង​មួលបង្កាច់កម្ពុជា

នយោបាយ​ និង ការអភិវឌ្ឍន៍

មនុស្សយ៉ាងហោចណាស់ ៨នាក់ ស្លាប់ និងម្នាក់បាត់ខ្លួន ក្នុងហេតុការណ៍ផ្ទុះឃ្លាំង នៅភាគខាងត្បូងប្រទេសប្រេស៊ីល

2023/07/28 05:50:15 pm        101
Facebook Telegram Linkin
ប្រេស៊ីល៖ រដ្ឋាភិបាលនៃរដ្ឋ Parana របស់ប្រទេសប្រេស៊ីល និងក្រុមហ៊ុនពាក់ព័ន្ធ កាលពីថ្ងៃព្រហស្បតិ៍ (ទី២៧ ខែកក្កដា) បានឲ្យដឹងថា យ៉ាងហោចណាស់មនុស្ស ៨នាក់ បានស្លាប់ និងច្រើននាក់ទៀត បានរងរបួស បន្ទាប់ពីមានការផ្ទុះក្នុងឃ្លាំងផ្ទុកគ្រាប់ធញ្ញជាតិ កាលពីថ្ងៃពុធ (ទី២៦ ខែកក្កដា) នៅឯសហករណ៍កសិកម្មមួយ នៅភាគខាងត្បូងប្រទេស។ការោផ្ទុះនោះ បានកើតឡើងនៅឯសហករណ៍ C.Vale ក្នុងទីក្រុងតូចប៉ាឡូទីណា ដែលមានចម្ងាយប្រហែល ៦០០គីឡូម៉ែត្រ ពីរដ្ឋធានី Curitiba របស់ Parana ដែលជារដ្ឋមួយក្នុងចំណោមរដ្ឋកសិកម្មឈានមុខរបស់ប្រទេសប្រេស៊ីល។ សហករណ៍ C.Vale បានឲ្យដឹងនៅក្នុងសេចក្តីថ្លែងការណ៍មួយថា មូលហេតុនៃការផ្ទុះ នៅមិនទាន់អាចកំណត់បាននោះទេ នាពេលនេះ ដោយសារក្រុមអ្នកជួយសង្គ្រោះកំពុងស្វែងរកអ្នកបាត់ខ្លួននៅឡើយ។អ្នកនាំពាក្យតំណាងឲ្យក្រុមហ៊ុនបាននិយាយថា មនុស្ស ៧នាក់ ដែលបានស្លាប់ ជាកម្មករបរទេស ដោយភាគច្រើនជាជនជាតិហៃទី និងម្នាក់ជាជនជាតិប្រេស៊ីល។ សហករណ៍ C.Vale បាននិយាយថា កន្លែងផ្ទុកគ្រាប់ធញ្ញជាតិ ដែលមានការផ្ទុះនេះ បានស្តុកទុកសណ្តែកសៀងប្រហែល ១២.០០០តោន និងពោត ៤០.០០០តោន៕

រដ្ឋមន្ត្រីការពារជាតិអាមេរិកវាយប្រហារអាកប្បកិរិយាគំរាមកំហែងរបស់ចិន នៅប៉ាស៊ីហ្វិក

2023/07/28 05:47:32 pm        126
Facebook Telegram Linkin
អាមេរិក៖ រដ្ឋមន្ត្រីក្រសួងការពារជាតិអាមេរិក លោក ឡដ អូស្ទីន (Lloyd Austin) បាននិយាយនៅថ្ងៃសុក្រ (ទី២៨ ខែកក្កដា)នេះ ថា សហរដ្ឋអាមេរិក និងអូស្ត្រាលី មានការព្រួយបារម្ភចំពោះការប៉ុនប៉ងរបស់ប្រទេសចិន ដើម្បីចាកចេញពីសណ្តាប់ធ្លាប់របស់អន្តរជាតិផ្អែកលើច្បាប់។រដ្ឋមន្ត្រីការបរទេសអាមេរិក លោកអង់តូនី ប្លីនខិន (Antony Blinken) និងរដ្ឋមន្ត្រីក្រសួងការពារជាតិ ឡដ អូស្ទីន ស្ថិតនៅក្នុងរដ្ឋឃ្វីនស្លែនដ៍ (Queensland) សម្រាប់កិច្ចសន្ទនាប្រចាំឆ្នាំ AUSMIN (ការពិគ្រោះយោបល់ថ្នាក់រដ្ឋមន្ត្រីអូស្ត្រាលី-សហរដ្ឋអាមេរិក) ជាមួយសមភាគីអូស្ត្រាលីរបស់ពួកគេ លោក រីឆាដ ម៉ាឡែស( Richard Marles) និងរដ្ឋមន្ត្រីការបរទេស លោកស្រី ប៉ែននី វ៉ុង (Penny Wong)ជាទីដែលមានវឌ្ឍនភាពលើកិច្ចព្រមព្រៀងនាវាមុជទឹកដើរដោយថាមពលនុយក្លេអ៊ែរ សន្តិសុខក្នុងតំបន់ និងថាមពលស្អាត នឹងក្លាយជាការផ្តោតការយកការយកចិត្តទុកដាក់។មហិច្ឆតាសន្តិសុខរបស់ចិននៅឥណ្ឌូ-ប៉ាស៊ីហ្វិក ក៏នឹងស្ថិតក្រោមការពិភាក្សារបស់សម្ព័ន្ធមិត្តសន្តិសុខផងដែរ៕

សារព័ត៌មានរដ្ឋ៖ ការបំផ្ទុះគ្រាប់បែក សម្លាប់មនុស្សជាច្រើននាក់ នៅទីសក្ការៈក្បែររដ្ឋធានីរបស់ស៊ីរី

2023/07/28 05:44:13 pm        130
Facebook Telegram Linkin
ស៊ីរី ៖ ប្រព័ន្ធផ្សព្វផ្សាយរដ្ឋស៊ីរី បានរាយការណ៍ថា គ្រាប់បែកមួយគ្រាប់ដែលដាក់ក្នុងរថយន្ត បានផ្ទុះនៅខាងក្រៅទីក្រុងសក្ការបូជា Sayeda Zeinab ដែលស្ថិតនៅភាគខាងត្បូងនៃរដ្ឋធានីដាម៉ាស់ (Damascus) ប្រទេសស៊ីរី កាលពីថ្ងៃព្រហស្បតិ៍ (ទី២៧ ខែកក្កដា) ដោយបានសម្លាប់មនុស្សជាច្រើននាក់ និងរងរបួសជាច្រើននាក់ទៀត។អ្នកយកព័ត៌មានរបស់ទូរទស្សន៍រដ្ឋស៊ីរី បានរាយការណ៍ថា ចំនួនអ្នកបាត់បង់ជីវិតបឋម បានបង្ហាញថា អាចនឹងមានមនុស្សស្លាប់ ៦នាក់។ ស្ថានីយទូរទស្សន៍នេះបានចាក់ផ្សាយវីដេអូពីរូបភាពរថយន្តដែលឆេះខ្លោចផ្នែកខាងមុខ។ អ្នកស្រុកម្នាក់ បានប្រាប់ទីភ្នាក់ងារសារព័ត៌មាន Reuters ថា គាត់បានឮសំឡេងផ្ទុះយ៉ាងខ្លាំង នៅម៉ោងប្រហែល ៥:៣០ល្ងាច (ត្រូវនឹងម៉ោង ១៤:៣០ ម៉ោងសកល) បន្ទាប់មកកងកម្លាំងសន្តិសុខបានបិទតំបន់នោះ។នេះជាការវាយប្រហារលើកទី២ លើទីកន្លែងសក្ការៈ ក្នុងសប្តាហ៍នេះ។ នៅមុននេះ មនុស្ស ២នាក់ បានរងរបួស នៅក្នុងការបំផ្ទុះដាច់ដោយឡែកមួយ កាលពីថ្ងៃអង្គារ (ទី២៥ ខែកក្កា)។ នេះគឺជារដូវកាលដ៏ពេញនិយម សម្រាប់ការទៅកាន់ទីកន្លែងសក្ការបូជា ខណៈដែលអ្នកកាន់សាសនាអ៊ីស្លាមស៊ីអ៊ីត (Shi'ite) សម្រុកទៅទីនោះ ដើម្បីប្រារព្ធពិធីបុណ្យកាន់ទុក្ខ Ashura។ភ្លាមៗនេះ នៅមិនទាន់មានការអះអាងពីការទទួលខុសត្រូវ ចំពោះការវាយប្រហារនេះទេ កាលពីថ្ងៃព្រហស្បតិ៍នោះ។ ក្រុមរដ្ឋអ៊ីស្លាមបានអះអាងពីការវាយប្រហារកាលពីលើកមុនមកលើទីតាំងសក្ការបូជានេះ។ គួររំលឹកដែរថា ការវាយប្រហារដោយបំផ្ទុះគ្រាប់បែកបែបនេះ ក្នុងឆ្នាំ២០១៧ បានសម្លាប់មនុស្សយ៉ាងហោចណាស់ ៤០នាក់៕

ឯកឧត្តម ចាយ បូរិន តំណាងឯកឧត្តមបណ្ឌិត ហ៊ុន ម៉ាណែត និងលោកជំទាវ អញ្ជើញសួរសុខទុក្ខខឯកឧត្តម ថោង ឈិន មន្ត្រីជាន់ខ្ពស់គណបក្ស

2023/07/28 05:38:46 pm        299
Facebook Telegram Linkin
ភ្នំពេញ៖ ឯកឧត្តម ចាយ បូរិន សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានផ្នែកឃោសនាអប់រំនៃយុវជនគណបក្សថ្នាក់កណ្តាល តំណាងដ៏ខ្ពង់ខ្ពស់ឯកឧត្តមបណ្ឌិត ហ៊ុន ម៉ាណែត សមាជិកគណៈអចិន្ត្រៃយ៍នៃគណៈកម្មាធិការកណ្តាលគណបក្សប្រជាជនកម្ពុជា និងជាប្រធានយុវជនគណបក្សថ្នាក់កណ្តាល និងលោកជំទាវបណ្ឌិត ពេជ ចន្ទមុន្នី អនុប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តសម្តេចតេជោ ធីដា (TYDA) នៅថ្ងៃទី២៨ ខែកក្កដា ឆ្នាំ២០២៣ បានអញ្ជើញសួរសុខទុក្ខឯកឧត្តម ថោង ឈិន សមាជិកគណៈកម្មាធិការត្រួតពិនិត្យគណៈកម្មាធិការកណ្តាលគណបក្សប្រជាជនកម្ពុជា ដល់គេហដ្ឋានស្ថិតនៅភូមិស្រែដូនតូច សង្កាត់ពញាពន់ ខណ្ឌព្រែកព្នៅ រាជធានីភ្នំពេញ ។ឯកឧត្តម ចាយ បូរិន មានប្រសាសន៍ពាំនាំនូវការផ្តាំផ្ញើសួរសុខទុក្ខពីសំណាក់សម្តេចតេជោ ប្រធានគណបក្ស សម្តេច ឯកឧត្តម លោកជំទាវ ដែលជាថ្នាក់ដឹកនាំគណបក្សគ្រប់លំដាប់ថ្នាក់ ជាពិសេស ឯកឧត្តមបណ្ឌិត ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ជូនចំពោះ ឯកឧត្តម ថោង ឈិន និងក្រុមគ្រួសារ។ឯកឧត្តម ថោង ឈិន មានប្រសាសន៍ថា ឯកឧត្តមនិងក្រុមគ្រួសារទាំងមូល ពិតជាមានក្តីរំភើបរីករាយយ៉ាងខ្លាំងឥតឧបមា ដោយមិនអាចយកអ្វីមកប្រៀបផ្ទឹមបានឡើយ ហើយយើងឯកឧត្តមសូមសម្តែងការដឹងគុណយ៉ាងជ្រាលជ្រៅចំពោះសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន សម្តេច ឯកឧត្តម លោកជំទាវ ដែលជាថ្នាក់ដឹកនាំគណបក្សគ្រប់លំដាប់ថ្នាក់ ជាពិសេសឯកឧត្តមបណ្ឌិត ហ៊ុន ម៉ាណែត ដែលបានចាត់ឯកឧត្តម ចាយ បូរិន ជាតំណាងដឹកនាំប្រតិភូមកសួរសុខទុក្ខឯកឧត្តម និងក្រុមគ្រួសារដល់លំនៅដ្ឋាន ហើយឯកឧត្តមសូមគាំទ្រឱ្យបន្តសកម្មភាពជាប្រពៃណីនេះឱ្យបានកាន់តែច្រើនជាបន្តទៀត។ឯកឧត្តមមានការពេញចិត្តយ៉ាងខ្លាំងចំពោះសកម្មភាពសួរសុខទុក្ខរបស់យុវជនគណបក្សថ្នាក់កណ្ដាល ក្រោមការដឹកនាំដ៏ខ្ពង់ខ្ពស់របស់ឯកឧត្តមបណ្ឌិត ហ៊ុន ម៉ាណែត ដែលតែងតែយកចិត្តទុកដាក់ពីសុខទុក្ខ ជីវភាពរស់នៅផ្តល់ភាពកក់ក្តៅ និងក្តីសង្ឃឹមដល់ចាស់ព្រឹទ្ធាចារ្យ ទំាងអស់ដែលមានគុណបំណាច់ចំពោះគណបក្ស និងប្រទេសជាតិ។ឯកឧត្តម ក៏បានសម្តែងនូវការគាំទ្រយ៉ាងពេញទំហឹងចំពោះប្រសាសន៍ សម្តេចអគ្គមហាសេនាបតីតេជោ ហ៊ុន សែន ដែលបានថ្លែងសារនយោបាយពិសេសនៅថ្ងៃទី២៦ ខែកក្កដា ឆ្នាំ២០២៣ កន្លងមកនេះ និងបានគាំទ្រយ៉ាងពេញទំហឹងចំពោះឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្រ្តីថ្មី សម្រាប់នីតិកាលទី៧ នៃរដ្ឋសភា ដើម្បីបន្តដឹកនាំប្រទេសជាតិ រក្សាសុខសន្តិភាព មានការអភិវឌ្ឍកាន់តែរីកចំរើន ហើយប្រជាជនកាន់តែមានជីវភាពធូរធារ និងរស់នៅប្រកបដោយសេចក្តីសុខសាន្តក្រោមម្លប់សន្តិភាព ។ឯកឧត្តមបានរៀបរាប់ពីប្រវត្តិការងារថា៖ ក្រោយថ្ងៃរំដោះ ៧ មករា ១៩៧៩ បានចូលបម្រើការងារ ជាប្រធានមន្ទីរខេត្តក្រចេះ អនុប្រធានគណៈឃោសនាអប់រំមជ្ឈិម អនុប្រធានគណៈចាត់តាំងមជ្ឈិមបក្ស អនុរដ្ឋមន្រ្តីក្រសួងមហាផ្ទៃ បច្ចុប្បន្នជាសមាជិកគណៈកម្មាធិការត្រួតពិត្យគណៈកម្មាធិការកណ្តាលគណបក្សប្រជាជនកម្ពុជា ។ក្នុងឱកាសដ៏មានអត្ថន័យនេះដែរ ឯកឧត្តម ចាយ បូរិន និងឯកឧត្តម លោក ព្រមទាំងសមាជិក ប្រតិភូបានប្រគល់ជូនវត្ថុអនុស្សារីយ៍ជាអំណោយដ៏ថ្លៃថ្លារបស់ឯកឧត្តមបណ្ឌិត ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ជូនដល់ឯកឧត្តម ថោង ឈិន និងសូមបួងសួងដល់គុណបុណ្យព្រះរតនត្រ័យ វត្ថុស័ក្តិសិទ្ធិក្នុងលោក សូមតាមជួយបីបាច់ថែរក្សាឯកឧត្តមមានសុខភាពល្អ កម្លាំងមាំមួន និងមានជន្មាយុយឺនយូរ៕

បាតុករកាន់កាប់ព្រៃឈើ ដើម្បីបញ្ឈប់សកម្មភាពពង្រីកអណ្តូងរ៉ែធ្យូងថ្មរបស់ទួរគី

2023/07/28 05:25:00 pm        113
Facebook Telegram Linkin
ទួរគី៖ ក្រុមអ្នកធ្វើយុទ្ធនាការបរិស្ថាននៅភាគនិរតីនៃប្រទេសទួរគី បានតវ៉ានៅក្នុងព្រៃអស់រយៈពេល៤ថ្ងៃជាប់ៗគ្នាកាលពីថ្ងៃព្រហស្បតិ៍ (ទី២៧ កក្កដា) ប្រឆាំងនឹងការកាប់ដើមឈើ ដើម្បីបើកផ្លូវសម្រាប់ការពង្រីកអណ្តូងរ៉ែធ្យូងថ្ម ដោយមេធាវីម្នាក់និយាយថា មនុស្ស ១៤នាក់ ត្រូវបានចាប់ឃុំខ្លួនក្នុងសប្តាហ៍នេះ នៅក្នុងការប៉ះទង្គិចជាមួយនគរបាល។ .រថពាសដែកជាច្រើនគ្រឿង និងកម្លាំងសន្តិសុខ ត្រូវបានដាក់ពង្រាយ ដើម្បីរារាំងក្រុមបាតុករមិនឲ្យចូលទៅក្នុងព្រៃក្នុងខេត្ត មូឡា ( Mugla) ហើយសកម្មជន បាននិយាយថា នគរបាលបានបាញ់ឧស្ម័នបង្ហូរទឹកភ្នែក និងកាណុងបាញ់ទឹកឥតឈប់ ដើម្បីបំបែកពួកគេ ចាប់តាំងពីថ្ងៃចន្ទមក។ក្នុងឆ្នាំ ២០២០ ក្រសួងរុក្ខប្រមាញ់ បានផ្តល់ការអនុញ្ញាតឲ្យក្រុមហ៊ុនទួរគី YK Energy ពង្រីកអណ្តូងរ៉ែដល់ ៧៨០ ហិកតានៃព្រៃឈើនៅក្នុងតំបន់អាបេឡែន (Akbelen) ។ តុលាការមិនទាន់សម្រេចលើបណ្តឹងដែលប្តឹងរបស់អ្នកស្រុកដែលជំទាស់នឹងការអនុញ្ញាតទាំងនេះ។អ្នកស្រុកបានស្វែងរកដីការក្សាការពារ និងបានចាប់ផ្តើមការប្រុងប្រយ័ត្ននៅក្នុងព្រៃនៅឆ្នាំ ២០២១។ ទោះជាយ៉ាងណាក៏ដោយ តុលាការ បានដកការផ្អាកប្រតិបត្តិការ នៅឆ្នាំ២០២២ ហើយមន្ត្រីមកពីក្រុមហ៊ុនមួយក្នុងចំណោមក្រុមហ៊ុនដែលពាក់ព័ន្ធ បាននិយាយថា មិនមានឧបសគ្គផ្លូវច្បាប់ចំពោះសកម្មភាពរបស់ពួកគេទេ។

ប្រធានាធិបតីអ៊ីស្រាអែលជំរុញឲ្យមានភាពស្ងៀមស្ងាត់ ខណៈមានគម្រោងតវ៉ាបន្ថែមទៀតជុំវិញកំណែទម្រង់តុលាការ

2023/07/28 05:14:51 pm        260
Facebook Telegram Linkin
អ៊ីស្រាអែល៖ ពលរដ្ឋអ៊ីស្រាអែលរាប់ពាន់នាក់ដែលបានប្រឆាំងទៅនឹងកំណែទម្រង់ប្រព័ន្ធតុលាការ ផ្ដួចផ្ដើមដោយលោកនាយករដ្ឋមន្ត្រី Benjamin Netanyahu បានប្រមូលផ្ដុំគ្នាតវ៉ាកាលពីថ្ងៃព្រហស្បតិ៍ទី២៧កក្កដា ប៉ុន្មានថ្ងៃ បន្ទាប់ពីសភាបានអនុម័តចំណុចកែប្រែលើកដំបូង ដែលកម្រិតអំណាចរបស់តុលាការក្នុងការគ្រប់គ្រងសកម្មភាពរបស់រដ្ឋាភិបាល និងបង្កើនក្ដីបារម្ភពីសុចរិតភាពនៃលទ្ធិប្រជាធិបតេយ្យមានអាយុកាល៧៥ឆ្នាំរបស់អ៊ីស្រាអែល។   លោកប្រធានាធិបតីអ៊ីស្រាអែលបានជំរុញដល់ភាគីជម្លោះទាំង២ឲ្យរក្សាភាពស្ងៀមស្ងាត់ជុំវិញកំណែទម្រង់ប្រព័ន្ធតុលាការដែលបានអនុម័តកាលពីថ្ងៃចន្ទដើមសប្ដាហ៍នេះ បញ្ចៀសអំពើហិង្សា ដោយការប្រើប្រាស់ឱកាសនៃពិធីបុណ្យតមអត់អាហាររបស់ជនជាតិជ្វីសកាលពីថ្ងៃព្រហស្បតិ៍ ដើម្បីអំពាវនាវឲ្យមានការផ្សះផ្សា ខណៈក្រុមអ្នកតវ៉ាបានសន្យាប្រមូលផ្ដុំតវ៉ាបន្ថែមទៀត ។  ផែនការដែលកំពុងត្រូវបានអនុវត្តដោយនាយករដ្ឋមន្ត្រីលោក Benjamin Netanyahu និងរដ្ឋាភិបាលស្តាំនិយមរបស់លោក បានជំរុញឲ្យមានការតវ៉ាជាច្រើនខែមិនធ្លាប់មាន បើកការបែកបាក់យ៉ាងជ្រៅនៅក្នុងសង្គមអ៊ីស្រាអែល និងបានធ្វើឲ្យមានភាពតានតឹងដល់ភក្តីភាពរបស់កងទ័ពបម្រុងមួយចំនួន។គិតមកដល់សប្ដាហ៍នេះ នៅក្នុងខែទី៧របស់ខ្លួន វិបត្តិបានកើនឡើងកាលពីថ្ងៃចន្ទ បន្ទាប់ពីសភាបានអនុម័តកំណែទម្រង់នេះជាលើកដំបូង៕

UNចាប់ផ្តើមយកប្រេងចេញពីកប៉ាល់ដឹកប្រេងនៅជិតយ៉េម៉ែន ក្នុងសមុទ្រក្រហម

2023/07/28 05:07:08 pm        308
Facebook Telegram Linkin
UN៖ អង្គការសហប្រជាជាតិ បានចាប់ផ្តើមយកចេញប្រេងជាង ១លានបារ៉ែលពីកប៉ាល់ដឹកប្រេង ដែលខូច នៅឆ្នេរសមុទ្រក្រហមរបស់យ៉េម៉ែនកាលពីថ្ងៃអង្គារ (ទី២៥ កក្កដា) ក្នុងប្រតិបត្តិការដ៏ស្មុគស្មាញមួយ ដែលខ្លួនសង្ឃឹមថា នឹងការពារគ្រោះមហន្តរាយក្នុងតំបន់។ក្រុមមន្ត្រីអង្គការសហប្រជាជាតិ បានព្រមានអស់រយៈពេលជាច្រើនឆ្នាំថា សមុទ្រក្រហម និងឆ្នេរសមុទ្រនៃប្រទេសយ៉េម៉ែនមានហានិភ័យ ដោយសារនាវាដឹកប្រេងSafer ដែលមានច្រេះចាប់ អាចកំពប់ប្រេងច្រើនជាងបួនដងនៃគ្រោះមហន្តរាយនាវាដឹកប្រេង Exxon Valdez ឆ្នាំ១៩៨៩ នៅរដ្ឋអាឡាស្កា សហរដ្ឋអាមេរិក។ អ្នកនាំពាក្យរបស់អង្គការសហប្រជាជាតិ បាននិយាយកាលពីថ្ងៃអង្គារថា ការធ្លាយប្រេង អាចចំណាយអស់ ២០ពាន់លានដុល្លារដើម្បីសម្អាត។សង្រ្គាមនៅក្នុងប្រទេសយ៉េម៉ែន បានបណ្តាលឲ្យមានការផ្អាកប្រតិបត្តិការថែទាំនាវាSafer កាលពីឆ្នាំ២០១៥ ដែលត្រូវបានប្រើសម្រាប់ការផ្ទុក និងត្រូវបានចតនៅឆ្នេរសមុទ្រយ៉េម៉ែនអស់រយៈពេលជាង ៣០ឆ្នាំមកហើយនោះ។UN ដែលមិនធ្លាប់អនុវត្តបេសកកម្មជួយសង្គ្រោះបែបនេះពីមុនមក បានព្រមានថា ភាពរឹងមាំនៃរចនាសម្ព័ន្ធរបស់នាវានេះ បានធ្លាក់ចុះយ៉ាងខ្លាំង ហើយវាមានហានិភ័យនៃការផ្ទុះឡើង៕

ភាពចលាចលកាន់តែខ្លាំងក្នុងប្រទេសនីហ្សេ ក្រោយទម្លាក់ប្រធានាធិបតីពីតំណែង ខណៈយោធាគាំទ្ររដ្ឋប្រហារ

2023/07/28 05:02:23 pm        311
Facebook Telegram Linkin
នីហ្សេ៖ រថយន្តនិងអគារជាច្រើនត្រូវបានដុតបំផ្លាញនៅក្នុងរដ្ឋ នីញ៉ាម៉េ (Niamey) របស់ប្រទេសនីហ្សេ កាលពីថ្ងៃព្រហស្បតិ៍ ទី២៧កក្កដា បន្ទាប់ពីក្រុមអ្នកគាំទ្ររដ្ឋប្រហាររាប់រយនាក់ បានប្រមូលផ្ដុំគ្នានៅខាងមុខទីស្នាក់ការគណបក្សកាន់អំណាច។ ក្រុមយុវជន បានចូលយកទោចក្រយានយន្ត កៅអី និងរបស់របរផ្សេងទៀតពីអគារនេះ។ក្រុមអ្នកតវ៉ាផ្សេងទៀតបានក្រវីទង់ជាតិរុស្ស៊ី និងស្រែកពាក្យស្លោកប្រឆាំងបារាំង ដែលឆ្លុះបញ្ចាំងពីការកើនឡើងរលកនៃការអាក់អន់ចិត្តចំពោះអតីតមហាអំណាចម្ចាស់នឹមអាណានិគមន៍បារាំង និងឥទ្ធិពលរបស់ខ្លួនក្នុងតំបន់សាហេល(Sahel region)។ គួររម្លឹកថាប្រទេសនីហ្សេ បានទទួលឯករាជ្យពីប្រទេសបារាំង កាលពីឆ្នាំ១៩៦០។ ការតវ៉ាជាបន្តបន្ទាប់កើតឡើង ខណៈទីបញ្ជាការកងទ័ពរបស់ប្រទេសនីហ្សេ បានប្រកាសគាំទ្ររដ្ឋប្រហារ កាលពីមួយថ្ងៃមុន ដោយក្រុមទាហាននៃអង្គភាពកងអង្គរក្សរបស់ប្រធានាធិបតី ។ លោកវរសេនីយឯក អាម៉ាដូ អាបដ្រាម៉ាណេ(Amadou Abdramane) បានប្រកាសតាមទូរទស្សន៍រដ្ឋថា គ្រប់សកម្មភាពរបស់គណបក្សនយោបាយទាំងអស់ ត្រូវបានផ្អាក ។ទាហានមួយក្រុមបានប្រកាស ក្នុងសុន្ទរកថាតាមទូរទស្សន៍កាលពីយប់ជ្រៅថ្ងៃពុធទី២៦កក្កដាថា ពួកគេបានឃុំខ្លួនប្រធានាធិបតីដែលត្រូវបានទម្លាក់ពីតំណែងលោក មហាម៉េដ បាហ្ស៊ូម(Mohamed Bazoum) នោះហើយ។ រដ្ឋាភិបាលយោធាក្នុងប្រទេសជិតខាង ម៉ាលី និងប៊ូគូណា ហ្វាសូ បានខិតចូលទៅរករុស្ស៊ី កាន់តែជិត ចាប់តាំងពីពួកគេបាន គ្រប់គ្រង កាលពីឆ្នាំ២០២០ និង២០២២។  ប្រទេសទាំងនោះ បានកាត់ផ្ដាច់ទំនាក់ទំនងជាប្រពៃណីជាមួយសម្ព័ន្ធមិត្តលោកខាងលិច៕

ស្ថានបេសកកម្មកម្ពុជាប្រចាំUN៖ ការបោះឆ្នោតកម្ពុជាប្រព្រឹត្តទៅដោយយុត្តិធម៌ និងក្រោមក្រសែភ្នែកអ្នកសង្កេតការណ៍រាប់ម៉ឺននាក់

2023/07/28 04:32:49 pm        778
Facebook Telegram Linkin
ស្ថានបេសកកម្មអចិន្រ្តៃយ៍របស់កម្ពុជាប្រចាំនៅអង្គការសហប្រជាជាតិ ដែលមានមូលដ្ឋាន​នៅ​ទីក្រុង​ហ្សឺណែវ បានលើកឡើងថា ការបោះឆ្នោតជ្រើសតាំងតំណាងរាស្រ្តនីតិកាលទី៧ នាថ្ងៃ​ទី​២៣ ខែកក្កដា ឆ្នំា២០២៣នេះ បានប្រព្រឹត្តទៅដោយរលូន ត្រឹមត្រូវ តម្លាភាព សន្តិវិធី និង​ក្នុង​បរិយាកាស​ប្រកបដោយបិរិយាបន្ន ខណៈការ​បោះឆ្នោត​នេះ​មាន​គណបក្ស​នយោបាយ​សរុប​ចំនួន​១៨​ ចូលរួម​ប្រកួតប្រជែង ក្រោមក្រសែភ្នែកអ្នកសង្កេតការណ៍ជាតិ និង​អន្តរជាតិ​រាប់​ម៉ឺន​នាក់​ពិនិត្យ​យ៉ាង​ដិតដល់។ការលើកឡើងរបស់ស្ថានបេសកកម្មអចិន្រ្តៃយ៍កម្ពុជាប្រចាំនៅអង្គការសហប្រជាជាតិនេះ គឺបាន​ធ្វើ​ឡើង​ បន្ទាប់ពីលោក Volker Türk ឧត្តម​ស្នងការ​ទទួល​បន្ទុក​សិទ្ធិ​មនុស្ស​របស់​អង្គការ​សហប្រជាជាតិ បានរិះ គន់​ថា​ ការ​បោះឆ្នោត​ជ្រើស​តាំង​តំណាង​រាស្រ្ត​អាណត្តិទី៧​នៅ​កម្ពុជា​ពុំ​មាន​លក្ខណៈ​ត្រឹមត្រូវនោះ។យោងតាមសេចក្តីប្រកាសព័ត៌មានរបស់ស្ថានបេសកកម្មអចិន្រ្តៃយ៍កម្ពុជាប្រចាំUN និង​អង្គការ​អន្តរជាតិ​នានា​នៅទីក្រុងហ្សឺណែវ ដែលទូរទស្សន៍BTVទទួលបាន នាថ្ងៃទី២៨ ខែកក្កដា ឆ្នាំ​២០២៣​នេះ បានបញ្ជាក់ថា កម្ពុជាសូមច្រានចោលការលើកឡើងដែលបង្ករការភ័ន្តច្រឡំ និង​មាន​លក្ខណៈនយោបាយខ្ពស់របស់លោក Volker Türk ឧត្តម​ស្នង​ការ​ទទួល​បន្ទុក​សិទ្ធិ​មនុស្ស​របស់​អង្គការ​សហប្រជាជាតិ ជុំវិញការបោះឆ្នោតសកលនៅកម្ពុជា។ ដោយ​ស្ថាន​បេសកកម្ម​អចិន្ត្រៃយ៍​កម្ពុជា​បាន​បញ្ជាក់​ទៅ​កាន់​មន្រ្តី​UN​នេះ​ថា​ ការ​អនុវត្ត​ស្មើ​ៗ​គ្នា​នូវ​វិធាន​ការ​រដ្ឋបាល​ និង​ច្បាប់ ​ដើម្បី​ថែរក្សានីតិរដ្ឋ គឺមិន​មានន័យ​ស្មើ​ជា​ការ​រឹត​ត្បិត​សេរីភា​ព​របស់​ក្រុម​ជាក់​លាក់​ណា​មួយ​នោះ​ទេ​។ គណបក្សនយោបាយ បេក្ខជន នយោបាយសកម្មជន សហជីពកម្មករ អង្គ​ការ​មិនមែ​ន​រដ្ឋាភិបាល ​និងអង្គភាពសារព័ត៌មាន នានា ត្រូវ​ទទួល​ខុស​ត្រូវ​ចំពោះ​ការ​ប្រព្រឹត្ត​របស់​ខ្លួន​ដោយ​ស្មើ​ៗ​គ្នា នៅចំពោះមុខច្បាប់របស់ប្រទេស។ស្ថាន​បេសកកម្មអចិន្ត្រៃយ៍របស់កម្ពុជាបានបញ្ជាក់បន្ថែមទៀតថា ការលើកឡើងថា ការ​បោះឆ្នោត​សកល​ធ្វើ​ឡើង​ក្នុងបរិយាកាសរឹតត្បិត គឺមិនត្រឹមត្រូវឡើយ ដោយ​ប្រជាពលរដ្ឋ​កម្ពុជា​បាន​អញ្ជើញ​ទៅ​បោះឆ្នោតមានរហូតដល់ ៨,២លាននាក់ស្មើនឹង៨៤,៥៨ភាគរយ ហើយ​គណបក្ស​នយោបាយ​ចំនួន​១៨​ ចូលរួមប្រកួតប្រជែងតាមបែបប្រជាធិបតេយ្យសេរីពហុបក្ស ស្ថិត​ក្រោម​ក្រសែភ្នែក​ និង​ការ​តាម​ដាន​យ៉ាងដិតដល់ពីសំណាក់វត្តមាន អ្នកសង្កេតការណ៍អន្តរជាតិ ៤២២នាក់ ដែល​តំណាង​ឱ្យ៦៥សញ្ញាតិ មកពី៦១ ស្ថាប័ន រួមមានអង្គការអន្តរជាតិ រដ្ឋាភិបាលបរទេស និង​សហគមន៍​អនិកជន​កម្ពុជានៅបរទេសជាសាក្សីជាដើម។ ជាងនេះទៅទៀត ភ្នាក់ងារ​គណបក្ស​នយោបាយ​ជិត​៦០.០០០នាក់ និងអ្នកសង្កេតការណ៍ជាតិឯករាជ្យចំនួន៩០.០០០នាក់ ដែល​មាន​វត្តមានតាមដាន។ សេចក្តី ថ្លែងការណ៍​ជា​សាធារណៈ​របស់​ក្រុម​អ្នក​សង្កេតការណ៍​ជា​ច្រើន​ខាង​លើ​ក៏បានទទួលស្គាល់ថា ការបោះឆ្នោតសកលនៅកម្ពុជាគឺប្រព្រឹត្តទៅដោយសេរី ត្រឹមត្រូវ មានតម្លាភាព សន្តិវិធី និងក្នុងបរិយាកាសប្រកបដោយបរិយាប័ន្ន។ស្ថានបេសកកម្ម​អចិន្ត្រៃយ៍កម្ពុជាក៏បានអះអាងផងដែរថា កម្ពុជានៅតែប្រកាន់​ខ្ជាប់​ការ​ប្តេជ្ញា​ចិត្ត​របស់​ខ្លួន​ ចំពោះ​នយោបាយពហុបក្ស ប្រជាធិបតេយ្យ សន្តិភាព និងការលើកកម្ពស់សិទ្ធមនុស្ស។ ហើយ​តួ​អង្គខាងក្រៅទាំងអស់ត្រូវគោរពឆន្ទៈរបស់ប្រជាជនកម្ពុជាដែលជាម្ចាស់សន្លឹកឆ្នោត ចំពោះ​ការ​ជ្រើសរើសដ៏ត្រឹមត្រូវរបស់ពួកគាត់នូវ គណបក្សនយោបាយ ដែលពួកគាត់ជឿជាក់ថា អាច​ដឹកនាំ​ប្រទេសជាតិបានប្រសើរបំផុត នៅលើមាគ៌ាសន្តិភាព ស្ថិរភាព និង​វិបុលភាព​យូរ​អង្វែង​។យ៉ាងណាក៏ដោយស្ថានបេសកកម្មអចិន្រ្តៃយ៍កម្ពុជាបានសម្តែងក្តីរំពឹងថា ឧត្តម​ស្នង​ការ​ទទួល​បន្ទុក​សិទ្ធិមនុស្ស​នឹង​ពិចារណាពីតថភាពទាំងអស់នេះ ព្រម​ទាំង​អនុវត្ត​ការងារ​របស់​ខ្លួន​ដោយ​ឈរ​លើ​គោលការណ៍អព្យាក្រឹត សត្យានុម័ត និងមិនជ្រើសរើសតែមួយជ្រុង ស្រប​តាម​សេចក្តី​សម្រេច​របស់​ឧត្តម​ស្នងការទទួលបន្ទុកសិទ្ធិមនុស្ស ដែលតម្រូវឱ្យគោរពអធិបតេយ្យភាព និង​យុត្តាធិការ​ក្នុង​ស្រុក​របស់រដ្ឋ ព្រមទាំង​គោរព​តាម​គោលការណ៍​មិនជ្រែត​ជ្រែក​ចូល​កិច្ចការ​ផ្ទៃ​ក្នុង​របស់​រដ្ឋ​ដូច​បាន​ចែង​យ៉ាងច្បាស់ក្នុងធម្មនុញ្ញអង្គការសហប្រជាជាតិនាពេលកន្លងទៅនោះ៕ អត្ថបទ៖ បាន ចក់

៣១កក្កដាខួប១៤ឆ្នាំ សារមនី្ទរឧក្រិដ្ឋកម្មប្រល័យពូជសាសន៍ទួលស្លែង ចុះក្នុងបញ្ជីស្មារតីចងចាំ នៃពិភពលោក

2023/07/27 08:46:35 pm        353
Facebook Telegram Linkin
ភ្នំពេញ៖ នៅថ្ងៃទី៣១ ខែកក្កដា ឆ្នាំ២០២៣ខាងមុខនេះ​ ជាខួប១៤ឆ្នាំ របស់សារមនី្ទរឧក្រិដ្ឋកម្មប្រល័យពូជសាសន៍ទួលស្លែង ដែលបានចុះក្នុងបញ្ជីស្មារតីចងចាំ​ នៃពិភពលោករបស់អង្គការយូណេស្កូ(UNECO)។លោក ហង្ស និស្ស័យ នាយកសារមន្ទីរឧក្រិដ្ឋកម្មប្រល័យពូជសាសន៍ទួលស្លែង ​នៃក្រសួងវប្បធម៌ និងវិចិត្រសិល្បៈ ​ថ្លែងប្រាប់BTV ព័ត៌មាន ​នាព្រឹកថ្ងៃទី២៧ ខែកក្កដា​ ឆ្នាំ២០២៣នេះថា នៅសល់តែ ៤ថ្ងៃទៀតប៉ុណ្ណោះ ជាថ្ងៃរំលឹកខួប១៤ឆ្នាំ នៃការដាក់​បញ្ចូល​បណ្ណសារសារមនី្ទរប្រល័យពូជ​សាសន៍​ទួលស្លែង នៃក្រសួងវប្បធម៌ ​និងវិចិត្រសិល្បៈ ព្រះរាជាណាចក្រកម្ពុជា ​ត្រូវបានបញ្ចូលក្នុងបញ្ជី ស្មារតីចងចាំ ​នៃពិភពលោករបស់អង្គការ ​យូណេស្កូ កាលពីឆ្នាំ២០០៩ ​ក្រោមការគាំទ្រ និង​ជ្រោមជ្រែង​របស់រាជរដ្ឋាភិបាល។ មែនទែនទៅបងប្អូនប្រជាពលរដ្ឋ ​យើងបាន​ស្គាល់ច្បាស់​នូវ​បេតិកភណ្ឌរូបី(ដែលមានប្រាសាទអង្គវត្ត ប្រាសាទសំបូរព្រៃគុក និងប្រាសាទព្រះវិហា) ​និងអរូបី (របាំព្រះរាជទ្រព្យ ល្ខោនខោល ដើម) ​ប៉ុន្តែមានប្រជាពលរដ្ឋមួយចំនួន​តូច មិនទាន់យល់ច្បាស់​អំពីបេតិកភណ្ឌឯកសារ។ ដូច្នេះតម្លៃនៃសម្បតិ្តបេតិកភណ្ឌទាំងបី នេះគឺស្មើគ្នា និងឋិតក្រោម​គម្រោង​របស់អង្គការយូណេស្កូ មានរូបី អរូបី ​និងឯកសារ នៅពេលដែលយើងបានចុះ​ក្នុង​បញ្ជីស្មារតីចងចាំ ​នៃពិភពលោក ​គឺយើងទទួលបានការគាំទ្រទាំងផ្នែកបច្ចេកទេស​ និងហិរញ្ញវត្ថុ ពី​អង្គការយូណេស្កូ ជាពិសេសអង្គការយូណេស្កូ នៅរាជធានីភ្នំពេញ ជួយសម្របសម្រួល។ជាចុងក្រោយលោក ហង្ស និស្ស័យ នាយកសារមន្ទីរឧក្រិដ្ឋកម្មប្រល័យពូជ​សាសន៍ទួលស្លែង បាន​បញ្ជាក់ថា កិច្ចការដែលក្រុមការងារកំពុងធ្វើនេះ​ គឺដើម្បីអភិរក្ស និងបង្ហាញដល់បងប្អូន​ប្រជាពលរដ្ឋ​ទាំងអស់ ក៏ដើម្បីចងចាំនូវរឿងរ៉ាវដែលបានកើតឡើង​នៅអតីតមនី្ទរ «ស . ២១» និងជារួមដែល​បានកើតឡើង​មកលើប្រជាជនកម្ពុជា ​និងជិត២លាននាក់ដែលបាត់បង់ជីវិត ​និងជនរងគ្រោះ រួចរស់មានជីវិតជាង៥លាននាក់ ​ពីសម័យខ្មែរក្រហម គឺចងចាំមិនភ្លេចនូវរឿងរ៉ាវដែលបានកើតឡើង​ចំពោះប្រជាពលរដ្ឋ។ ​ដូច្នេះយើងត្រូវចូលរួមធ្វើយ៉ាងណា រក្សាស្ថានភាព​ ស្ថិរភាព សន្តិភាពនេះ​ឲ្យបានគង់វង្ស​ ជាពិសេសយើងជាយុវជនមានសំណាង ​កើតក្រោយសង្រ្គាម គឺយើងយល់ច្បាស់​ពីគុណតម្លៃនៃសន្តិភាពដែលកំពុងមាន៕អត្ថបទ រដ្ឋា

បណ្ដាញសង្គម

ព័ត៌មានថ្មីៗ

អភិបាលរាជធានីភ្នំពេញ ចុះពិនិត្យដោះស្រាយច្រាំងទន្លេមេគង្គបាក់នៅព្រែកលៀប និង​រំដោះទឹកជន់លិច​មហាវិថីឈ្នះឈ្នះ
10/18/2026 05:10 PM
Facebook Telegram Linkin
សម្ដេចធិបតី ហ៊ុន ម៉ាណែត ជួប​លោក​វ៉ាន សាកូលីន ពលរដ្ឋខ្មែរជិះម៉ូតូឆ្លង​កាត់​ប្រទេស​ជា​ច្រើន​(គោលដៅ​១៥​ប្រទេស) ផ្សព្វផ្សាយសក្ដានុពលទេសចរណ៍កម្ពុជា ក្នុងពេលបំពេញទស្សនកិច្ចនៅប្រទេសតួកគីយ៉េ
10/18/2026 05:10 PM
Facebook Telegram Linkin
រដ្ឋមន្ត្រីក្រសួងសុខាភិបាលដឹកនាំគណៈប្រតិភូ​កម្ពុជាទៅ​ចូលរួមកិច្ចប្រជុំលើកទី៧៧ របស់​អង្គការ​សុខភាព​ពិភពលោក​ប្រចាំតំបន់ប៉ាស៊ីហ្វិកខាងលិច នៅរដ្ឋធានីម៉ានីល ប្រទេស​ហ្វីលីពីន
10/18/2026 03:10 PM
Facebook Telegram Linkin
វគ្គបណ្តុះបណ្តាលកម្មវិធី R&I4E 2026 ជំរុញនិស្សិតកម្ពុជាបង្កើតធុរកិច្ចថ្មីពីគម្រោងស្រាវជ្រាវ
10/18/2026 01:10 PM
Facebook Telegram Linkin
ប្រជានេសាទនៅតំបន់ឆ្នេរ Michoacan របស់ម៉ិកស៊ិក ប្រឈមនឹងការមកដល់របស់ព្យុះសង្ឃរា Trudy
10/18/2026 01:10 PM
Facebook Telegram Linkin
UN ថា ភាគីសង្រ្គាមនៅស៊ូដង់ ពុំបានខិតទៅរកកិច្ចប្រជុំនោះទេ និងសូមជំរុញឲ្យបញ្ឈប់ការវាយប្រហារយានដ្រូន
10/18/2026 01:10 PM
Facebook Telegram Linkin
UN ជំរុញឲ្យជំនួយចូលដល់ស្រ្តីមានផ្ទៃពោះ ១៣.០០នាក់ នៅទីក្រុង Taiz របស់យេម៉ែន
10/18/2026 01:10 PM
Facebook Telegram Linkin
លោកស្រី Von der Leyen ៖ EU ​ស្នើសុំឲ្យទប់ស្កាត់ការនាំចូលពីវិស័យផ្សេងទៀតរបស់ចិន
10/18/2026 01:10 PM
Facebook Telegram Linkin
លោក Zelenskiy៖ ជំនួបត្រីភាគីជាមួយអាមេរិក និងរុស្ស៊ី អាចកើតឡើង អំឡុងជំនួប G20
10/18/2026 01:10 PM
Facebook Telegram Linkin
យុវជន ២៤០នាក់នៅខេត្តកោះកុង បានដាក់ពាក្យបំពេញកាតព្វកិច្ចយោធា
10/18/2026 01:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.