BTV NEWS

មន្រ្តីជាន់ខ្ពស់បង្ហាញការប្តេជ្ញាចិត្តរបស់កម្ពុជាលើកកម្ពស់សន្តិសុខ និងបរិកាសល្អដល់ដៃគូអន្តរជាតិ

រយៈពេល១ឆ្នាំ TIA រួមចំណែកជំរុញកំណើនសេដ្ឋកិច្ចកម្ពុជាប្រមាណ ៥ភាគរយ

កម្ពុជាស្វែងយល់ពីបច្ចេកវិទ្យានវានុវត្តន៍ និងផ្លាស់ប្តូរទស្សនៈជាមួយដៃគូអន្តរជាតិនៅទីក្រុងសៀមិន

កម្ពុជាដាក់ចេញវិធានការបន្ទាន់ ដើម្បីទប់ការកើនឡើងនៃសម្ពាធអតិផរណា រក្សាស្ថិរភាពម៉ាក្រូសេដ្ឋកិច្ចជាតិ

សេដ្ឋកិច្ច និង កសិកម្ម

កម្មករ-កម្មការិនីរោងចក្រសហគ្រាស រំពឹងការដំឡើងប្រាក់ឈ្នួលអតិប្បរមាឆ្នាំ២០២៤

ភ្នំពេញ៖ ខណៈដែលកិច្ចប្រជុំពិភាក្សាប្រាក់អប្បបរមាក្នុងវិស័យវាយនភណ្ឌ កាត់ដេរ និងផលិតស្បែកជើងសម្រាប់ឆ្នាំ២០២៤ នឹងឈានដល់នាពេលខាងមុខនេះ កម្មករ កម្មការិនី រោងចក្រសហគ្រាស សង្ឃឹមទុកថា នឹងអាចដំឡើងដូចរៀងរាល់ឆ្នាំបន្តទៀត បន្ទាប់គណបក្សប្រជាជនកម្ពុជានឹងបន្តដឹកនាំប្រទេសជាតិ ក្រោយទទួលសម្លេងគាំទ្រច្រើនលើសលុប ក្នុងការបោះឆ្នោតជាតិកន្លងទៅ។កម្មករកាត់ដេរ នៅសួនឧស្សាហកម្ម ឈុន ហុង ស្ថិតនៅស្រុកអង្គស្នួល ខេត្តកណ្តាល នៅព្រឹកថ្ងៃទី២៦ ខែកក្កដានេះ បានលើកឡើងស្រដៀងៗគ្នាថា ក្រោយចូលបំពេញការងារក្នុងវិស័យកាត់ដេរជាច្រើនឆ្នាំមកនេះ ប្រាក់ឈ្នួលដែលទទួលបាន តែងតែត្រូវបានដំឡើងជារៀងរាល់ឆ្នាំ។ ពួកគាត់នៅតែរំពឹងទៀតថា នឹងទទួលបានការដំឡើងប្រាក់ឈ្នួលអប្បបរមាខ្ពស់បន្តទៀតសម្រាប់ឆ្នាំ២០២៤ខាងមុខនេះ ដោយសារជឿជាក់លើការដឹកនាំរបស់គណបក្សប្រជាជនកម្ពុជា ។បើតាមក្រសួងការងារ និងបណ្តុះណ្តាលវិជ្ជាជីវៈ បានឲ្យ ប៊ីធីវី ដឹងថា ក្រុមប្រឹក្សាជាតិប្រាក់ឈ្នួលអប្បបរមា នឹងបើកកិច្ចប្រជុំពិភាក្សាអំពីប្រាក់ឈ្នួលអ្បបរមាជូនកម្មករនិយោជិតក្នុងវិស័យវាយនភណ្ឌ កាត់ដេរ ផលិតស្បែកជើង និងផលិត ផលិតផលធ្វើដំណើរ និងកាបូប នៅខែសីហា ឆ្នាំ២០២៣ខាងមុខនេះ ដើម្បីជជែកគ្នាក្នុងការកំណត់ប្រាក់ឈ្នួលអប្បបរមាជូនដល់កម្មករនិយោជិត អនុវត្តនៅឆ្នាំ២០២៤។គិតរហូតមកដល់ឆ្នាំ២០២៣នេះ កម្មករនិយោជិតដែលបំពេញការក្នុងវិស័យឧស្សាហកម្មកាត់ដេរមានចំនួន ២០០ដុល្លារអាម៉េរិក ដោយគិតជាមធ្យម បូកទាំងប្រាក់ឈ្នួលអប្បបរមា ប្រាក់ថែមម៉ោងការងារ និងប្រាក់ឧបត្ថម្ភផ្សេងៗទៀត កម្មករនិយោជិតម្នាក់ អាចទទួលប្រាក់ខែចន្លោះ ២៥០ទៅ៣០០ដុល្លារ ឬឈានដល់៣៥០ដុល្លារ នៅក្នុងមួយខែៗ៕អត្ថបទ៖ឈិត បូរ៉ាវី

ADBផ្តល់កម្ចី៤០លានដុល្លារ សម្រាប់កំណែទម្រង់នៅក្នុងវិស័យសាធារណៈនៅកម្ពុជា

ភ្នំពេញ៖ ធនាគារអភិវឌ្ឍន៍អាស៊ី (ADB) បានអនុម័តប្រាក់កម្ចីផ្អែកលើគោលនយោបាយចំនួន ៤០ លានដុល្លារ ដើម្បីគាំទ្រដល់កិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងការពង្រឹងបន្ថែម ការផ្តល់សេវាសាធារណៈដោយរដ្ឋបាលមូលដ្ឋាន តាមរយៈកំណែទម្រង់ជាបន្តបន្ទាប់ ក្នុងវិស័យហិរញ្ញវត្ថុសាធារណៈ និងវិមជ្ឈការ។កម្ចីកម្មវិធីរងទីពីរ និង ចុងក្រោយ ក្រោមកម្មវិធីអភិវឌ្ឍន៍វិស័យសេវាសាធារណៈ និងការគ្រប់គ្រងហិរញ្ញវត្ថុដែលបានធ្វើវិមជ្ឈការ លើកទីពីរនេះ នឹងបញ្ចប់កំណែទម្រង់ជាបន្តបន្ទាប់ ដើម្បីពង្រឹងតួនាទី និងសមត្ថភាពរបស់រដ្ឋបាលមូលដ្ឋាន ក្នុងការផ្តល់សេវាសាធារណៈប្រកបដោយប្រសិទ្ធភាព។ កំណែទម្រង់ក្រោមកម្មវិធីរងទីពីរនេះ ត្រូវបានរៀបចំឡើងដើម្បីពង្រឹងការធ្វើផែនការនិងរៀបចំថវិកា ការគ្រប់គ្រង ចំណូល និង ចំណាយ និងសមត្ថភាពបុគ្គលិកនៅកម្រិតរដ្ឋបាលមូលដ្ឋានដើម្បីផ្តល់សេវាកម្មប្រសើរឡើង, លើកកម្ពស់ការធ្វើផែនការរដ្ឋាភិបាលមូលដ្ឋាន, និង កែលម្អលទ្ធភាពទទួលបានសេវាសាធារណៈរបស់ប្រជាពលរដ្ឋ។នាយិកាធនាគារអភិវឌ្ឍន៍អាស៊ីប្រចាំប្រទេសកម្ពុជា លោកស្រី Jyotsana Varma មានប្រសាសន៍ថា «កំណែទម្រង់ និងដំណោះស្រាយឌីជីថល ដែលត្រូវបានអនុវត្តក្នុងកម្មវិធីនេះនឹងជួយតម្រង់ផែនការកម្រិតមូលដ្ឋាន ជាមួយនឹងថវិកាជាតិនិងខេត្ត សម្រាប់ការផ្តល់សេវាសាធារណៈនៅមូលដ្ឋានប្រកបដោយប្រសិទ្ធភាព និងសមធម៌ ដូចជាការទទួលបានទឹកស្អាត អនាម័យ និងការអប់រំជាដើម។ វិធានការដែលអនុវត្តក្នុងកម្មវិធីនេះក៏នឹងជំរុញការចូលរួមរបស់ស្ត្រីក្នុងការធ្វើសេចក្តីសម្រេចចិត្ត ក្នុងកម្រិតមូលដ្ឋានផងដែរ។កម្មវិធីនេះបង្កើតឡើងផ្អែកលើមូលដ្ឋាននៃការគាំទ្រយូរអង្វែងរបស់ADB លើកំណែទម្រង់វិមជ្ឈការក្នុងប្រទេសកម្ពុជា រួមទាំងការបង្កើតគោលនយោបាយ និងក្របខ័ណ្ឌបទប្បញ្ញត្តិ សម្រាប់ដំណើរការវិមជ្ឈការ ក៏ដូចជាការគាំទ្រក្នុងការពង្រឹងនិងគ្រប់គ្រងប្រាក់ចំណូលនៅថ្នាក់ក្រោមជាតិ។ ADB បានជួយបង្កើតការិយាល័យសេវាច្រកចេញចូលតែមួយសម្រាប់ការផ្តល់សេវាដែលឆ្លើយតបនឹងតម្រូវការ ក៏ដូចជាការិយាល័យភ្នាក់ងារស៊ើបអង្កេតបណ្តឹងតវ៉ា ដើម្បីត្រួតពិនិត្យភាពប្រសើរឡើងនៃវិសាលភាព និងគុណភាពនៃសេវាកម្មដែលបានផ្តល់។កម្មវិធីរងទីពីរនេះផ្តោតលើ ការពង្រឹងការសម្របសម្រួលការផ្តល់សេវាដែលឆ្លើយតបនឹងតម្រូវការ និងប្រកបដោយគណនេយ្យភាព និងការលើកកម្ពស់ការគ្រប់គ្រងចំណូលនិងចំណាយ ដើម្បីបំពេញតម្រូវ ការនៅថ្នាក់រដ្ឋាភិបាលមូលដ្ឋាន។ វានឹងធ្វើឱ្យស៊ីជម្រៅបន្ថែមទៀតនូវកំណែទម្រង់ ដែលត្រូវបានអនុម័ត ក្រោមកម្មវិធីរងទីមួយ ដែលមានគោលបំណងអភិវឌ្ឍជំនាញរដ្ឋបាលសាធារណៈ និងសមត្ថភាពសម្រាប់ មន្ត្រីរដ្ឋបាលមូលដ្ឋាន តាមរយៈដំណើរការនៃសាលាជាតិរដ្ឋបាលមូលដ្ឋាន។ADB គឺជាដៃគូរបស់កម្ពុជាក្នុងការគាំទ្រកំណែទម្រង់លើការគ្រប់គ្រងហិរញ្ញវត្ថុសាធារណៈ និង វិមជ្ឈការចាប់តាំងពីឆ្នាំ ២០០២ ដោយសង្កត់ធ្ងន់លើការបន្តគោលនយោបាយដើម្បីធ្វើឱ្យស៊ីជម្រៅ ទាំង វិធានការវិមជ្ឈការផ្នែករដ្ឋបាលនិងសារពើពន្ធសម្រាប់ ការកែលម្អការផ្តល់សេវា ការអភិវឌ្ឍសេដ្ឋកិច្ច មូលដ្ឋាន និងការកាត់បន្ថយភាពក្រីក្រ។កម្ចីកម្មវិធីថ្មីនេះគឺស្របតាមយុទ្ធសាស្ត្រភាពជាដៃគូប្រចាំប្រទេសរបស់ ADB សម្រាប់កម្ពុជាឆ្នាំ ២០១៩-២០២៣។ ធនាគារអភិវឌ្ឍន៍អាស៊ី ប្តេជ្ញាថា នឹងសម្រេចឱ្យបាននូវ វិបុលភាព បរិយាប័ន្ន ភាពធន់និងនិរន្តរភាព ក្នុងតំបន់អាស៊ីនិងប៉ាស៊ីហ្វិក ស្របជាមួយនឹងការខិតខំប្រឹងប្រែង ដើម្បីលុបបំបាត់ភាពក្រីក្រខ្លាំង។ បង្កើតឡើងនៅឆ្នាំ ១៩៦៦ ធនាគារនេះគ្រប់គ្រងដោយសមាជិកចំនួន ៦៨ ប្រទេស ដែលក្នុងនោះមាន ៤៩ ប្រទេស មកពីតំបន់អាស៊ីនិងប៉ាស៊ីហ្វិក៕ អត្ថបទ សូដាវណ្ណ

ស្លាករបស់ Twitter ចាប់ផ្ដើមទម្លាក់ចុះ នៅទីស្នាក់ការកណ្តាល ដោយប្តូរឡូហ្គោ X ជំនួសវិញ

អាមេរិក៖ ស្លាក ដែលគេស្គាល់ជាទូទៅរបស់បណ្ដាញសង្គម Twitter ចាប់ផ្តើមទម្លាក់ចុះហើយ នៅឯទីស្នាក់ការកណ្តាលរបស់ក្រុមហ៊ុន ក្នុងទីក្រុងសាន់ហ្វ្រាន់ស៊ីស្កូ (San Francisco) សហរដ្ឋអាមេរិក កាលពីថ្ងៃចន្ទ (ទី២៤ ខែកក្កដា) ដែលការទម្លាក់ចុះនេះ គឺជាផ្នែកនៃការប្តូរស្លាកសញ្ញាពាណិជ្ជកម្មថ្មី។បន្ទាប់ពីប្រើប្រាស់រយៈពេល ១៧ឆ្នាំជាមួយនឹងនិមិត្តសញ្ញាបក្សីពណ៌ខៀវ ដែលតំណាងឲ្យការផ្សព្វផ្សាយគំនិតទៅកាន់ពិភពលោក មហាសេដ្ឋីលោក Elon Musk បានសម្រេចប្តូរឈ្មោះពីអក្សរ Twitter ជាអក្សរ X វិញ ហើយបានបង្ហាញឡូហ្គោថ្មី ដែលផ្ដោតការយកចិត្តទុកដាក់លើការបង្កើត «កម្មវិធីគ្រប់ប្រភេទ»។ចាប់តាំងពីចូលមកគ្រប់គ្រងក្រុមហ៊ុនបណ្ដាញសង្គម Twitter ក្នុងខែតុលា លោក Musk បាននិយាយថា លោកស្រមៃដល់ការបង្កើតកម្មវិធីមួយ ដែលអាចផ្តល់សេវាកម្មជាច្រើនដល់អ្នកប្រើប្រាស់លើសពីបណ្ដាញទំនាក់ទំនងសង្គម ដូចជាការបង់ប្រាក់តាមប្រព័ន្ធកុំព្យូទ័រជាដើម ពោលគឺជាគំនិតមួយ ដែលឆ្លុះបញ្ចាំងពីបណ្ដាញសង្គម WeChat ដ៏ពេញនិយម នៅប្រទេសចិន។តែយ៉ាងណាក្ដី ចាប់តាំងពីមានការកាន់កាប់របស់លោក Musk ក្រុមហ៊ុនបណ្ដាញសង្គមមួយនេះ បានប្រឈមនឹងពេលវេលាច្របូកច្របល់មិនចេះចប់ ដោយមានការបញ្ឈប់បុគ្គលិក ការធ្លាក់ចុះយ៉ាងខ្លាំងនៃអ្នកផ្សាយពាណិជ្ជកម្ម និងការកើនឡើងយ៉ាងឆាប់រហ័សនៃប្រើប្រាស់កម្មវិធីថ្មី Threads ដែលជាការឆ្លើយតបយ៉ាងមានប្រសិទ្ធភាពរបស់ក្រុមហ៊ុន Meta ចំពោះក្រុមហ៊ុន Twitter៕

ការដោះដូរទំនិញរវាងកម្ពុជា និងអាស៊ានមានទឹកប្រាក់ជាង ៧ពាន់លានដុល្លារ ក្នុងឆមាសទី១

ភ្នំពេញ៖ ការដោះដូរពាណិជ្ជកម្មសរុបរបស់កម្ពុជាជាមួយបណ្តាប្រទេសសមាជិកអាស៊ានសម្រេចបានជាង ៧,១ ពាន់លានដុល្លារ ក្នុងឆមាសទី១ រួមចំណែកប្រមាណ ៣០ភាគរយនៃទំហំពាណិជ្ជអន្តរជាតិសរុប។របាយការណ៍ពីក្រសួងពាណិជ្ជកម្ម បង្ហាញថា ទំហំពាណិជ្ជកម្មសរុបរបស់កម្ពុជាជាមួយប្រទេសសមាជិកអាស៊ាន បានធ្លាក់ចុះ ១៧ ភាគរយ នៅក្នុងឆមាសទី១ ។ ចាប់ពីខែមករា ដល់ខែមិថុនា ការនាំចេញសរុបរបស់កម្ពុជាទៅប្រទេសអាស៊ាន សម្រេចបានជាង ២.៤ ពាន់លានដុល្លារ កើនឡើង ៣៦ ភាគរយ ខណៈការនាំចូលសរុបមានជាង ៤.៦ ពាន់លានដុល្លារ ធ្លាក់ចុះ ៣១ ភាគរយ។ការដោះដូរទំនិញជាមួយប្រទេសវៀតណាម ជាប់ចំណាត់ថ្នាក់កំពូល ដែលមានទឹកប្រាក់ជាង ៣,៣ ពាន់លានដុល្លារ តាមពីក្រោយដោយប្រទេសថៃ ជាង ១ ពាន់លានដុល្លារ និងប្រទេសសិង្ហបុរីជិត ៨០០ លានដុល្លារ។បើយោងតាមរបាយការណ៍ក្រសួងពាណិជ្ជកម្ម កម្ពុជាបាននាំចេញកសិផល សំលៀកបំពាក់ ស្បែកជើង កាបូប គ្រឿងអេឡិចត្រូនិក និងកង់ ទៅកាន់ប្រទេសអាស៊ាន ខណៈដែលការនាំចូលមានដូចជាចំណីអាហារ ភេសជ្ជៈ ឧបករណ៍អគ្គិសនី និងអេឡិចត្រូនិក សម្ភារសំណង់ គ្រឿងយន្តកសិកម្ម និងយានជំនិះ។សូមបញ្ជាក់ថា ក្នុងឆមាសទី១ឆ្នាំ២០២៣ ទំហំពាណិជ្ជកម្មអន្តរជាតិរបស់កម្ពុជា មានទឹកប្រាក់សរុបជាង ២៣.៦ ពាន់លានដុល្លារ ធ្លាក់ចុះ ១៣ភាគរយ ធៀបនឹងរយៈពេលដូចគ្នា ឆ្នាំមុន៕ អត្ថបទ៖ វណ្ណៈ

កម្មករនិយោជិត ជឿជាក់ថា រាជរដ្ឋាភិបាលអាណត្តិថ្មី នឹងបន្តផ្តល់អត្ថប្រយោជន៍ និងកម្មវិធីគាំពារសង្គមនានា

ភ្នំពេញ៖ ដោយសារការបោះឆ្នោតជ្រើសរើសតំណាងរាស្រ្តនីតិកាលទី៧ បានបញ្ចប់ដោយភាពល្អប្រសើរ ជាមួយលទ្ធផលបឋមថា គណបក្សប្រជាជនកម្ពុជា ទទួលសំឡេងគាំទ្រច្រើនជាងគេ កម្មការិនីរោងចក្រកាត់ដេរ បានសម្តែងការសាទរ និងជឿជាក់ថា ក្រោមការដឹកនាំរបស់គណបក្សមួយនេះ ពួកគាត់នឹងនៅតែទទួលបាននូវអត្ថប្រយោជន៍ និងកម្មវិធីគាំពារសង្គមនានា ដែលប្រមុខថ្នាក់ដឹកនាំប្រកាសដាក់ឲ្យអនុវត្តនាពេលកន្លងមក និងដឹកនាំប្រទេសឲ្យរីកចម្រើនបន្ថែមទៀត។ក្រុមកម្មការនីរោងចក្រកាត់ដេរ ខេម អេភីអាយ ស្ថិតនៅឃុំបែកចាន ស្រុកអង្គស្នួល ខេត្តកណ្តាល បានលើកឡើងនៅព្រឹកថ្ងទី២៥ ខែកក្កដា ថា គិតរហូតមកដល់បច្ចុប្បន្ន អត្ថប្រយោជន៍ដែលពួកគាត់ទទួលបានមានដូចជា៖ របបសន្តិសុខសង្គមផ្នែកថែទាំសុខភាព, របបប្រាក់សោធន ដូចមន្ត្រីរាជការ, ការដំឡលងប្រាក់ឈ្នួលអប្បបរមាជារៀងរាល់ឆ្នាំ និងប្រាក់ឧបត្ថម្ភនៅពេលពពោះ និងក្រោយសម្រាលកូនជាដើម។ ពួកគាត់ បានបន្តថា ប្រមុខរាជរដ្ឋាភិបាលកម្ពុជា តែងតែគិតជាប់ជានិច្ច ធ្វើឱ្យការរស់នៅ និងបំពេញការងារសព្វថ្ងៃនេះ ប្រសើរឡើង ទទួលប្រាក់ចំណូល និងអត្ថប្រយោជន៍ពីកម្មវិធីគាំពារសង្គមដែលបានដាក់ចេញ។យោងតាមទិន្នន័យរបស់ក្រសួងការងារ និងបណ្តុះបណ្តាលវិជ្ជាជីវៈ បានបញ្ជាក់ថា បច្ចុប្បន្ននេះ ស្ថានភាពការងារនៅតែបន្តរក្សាបានលំនឹង និងបានបន្តចូលរួមចំណែកក្នុងការបង្កើតការងារ ដែលឆ្លុះបញ្ចាំងតាមរយៈកំណើនរោងចក្រ សហគ្រាស។ គិតត្រឹមឆ្នាំ២០២៣នេះ រោងចក្រ សហគ្រាសក្នុងវិស័យឧស្សាហកម្មកាត់ដេរ ដែលបានចុះបញ្ជីក្នុងក្រសួងការងារ និងបណ្តុះបណ្តាលវិជ្ជាជីវៈ មានចំនួនសរុបជាង ១ ៥០០រោងចក្រ សហគ្រាស និងមានកម្មករនិយោជិតសរុបប្រមាណ ១,៧លាននាក់៕អត្ថបទ៖ បូរ៉ាវី

រាជរដ្ឋាភិបាល នឹងជំរុញកំណើនសេដ្ឋកិច្ចជាតិក្នុងអត្រា ៦,៦ ភាគរយ ឆ្នាំ២០២៤

ភ្នំពេញ៖ ឆ្នាំ២០២៤ ជាឆ្នាំដំបូងនៃអាណត្តិរបស់រាជរដ្ឋភិបាល នីតិកាលទី ៧ នៃរដ្ឋសភា, រាជរដ្ឋាភិបាលនឹងបន្តប្រកាន់ខ្ជាប់នូវ ការអនុវត្តគោលការណ៍ រក្សាសមិទ្ធផលចាស់ បង្កើតសមិទ្ធផលថ្មី សំដៅលើកកម្ពស់ការបន្តអភិវឌ្ឍន៍ជាតិប្រកបដោយបរិយាបន្ន, ជាពិសេស ការរក្សាកំណើនសេដ្ឋកិច្ចជាតិ ក្នុងអត្រា ៦,៦% ជាមួយនឹងអត្រាអតិផរណា ស្ថិតក្នុងកម្រិតអាចគ្រប់គ្រងបាន។ក្នុងក្របខណ្ឌគោលនយោបាយម៉ាក្រូសេដ្ឋកិច្ច នៃសេចក្តីព្រាងច្បាប់ ស្តីពីហិរញ្ញវត្ថុ សម្រាប់ការគ្រប់គ្រងឆ្នាំ ២០២៤ ក្រសួងសេដ្ឋកិច្ច និងហិរញ្ញវត្ថុ បានរំលេចពីទស្សនវិស័យសេដ្ឋកិច្ចសកលសម្រាប់ឆ្នាំ ២០២៤ ត្រូវបានរំពឹងថា នឹងសម្រេចបានកំណើនល្អ ជាមួយនឹងការថមថយអត្រាអតិផរណា ខណៈដែលឆ្នាំ ២០២៣ ជាចំណុចរបត់មួយ ដែលកំណើនសេដ្ឋកិច្ចសកលធ្លាក់ចុះដល់កម្រិតទាបបំផុត ក្នុងបរិការណ៍ក្រោយវិបត្តិជំងឺកូវីដ-១៩ ។ ឈរលើមូលដ្ឋាននេះ, កំណើនសេដ្ឋកិច្ច កម្ពុជាក្នុងឆ្នាំ ២០២៤ រំពឹងថា នឹងសម្រេចបានក្នុងអត្រា ៦,៦% ជាមួយនឹងអត្រាអតិផរណា ស្ថិតក្នុងកម្រិតអាចគ្រប់គ្រងបាន ក្នុងអត្រា ២,៥% និងការរក្សាបាននូវស្ថិរភាពអត្រាប្តូរប្រាក់ ៤ ០៦៥ រៀល ក្នុងមួយដុល្លារអាមេរិក ។ ជុំវិញកំណើនខ្ពស់ និងរឹងមាំនេះ ក្រសួងសេដ្ឋកិច្ច និងហិរញ្ញវត្ថុ រំពឹងថា និងគាំទ្រដោយលទ្ធភាពក្នុងការសម្របខ្លួនបានទៅនឹង និន្នាការសកល និងតំបន់ ដែលបាននិងកំពុងលេចឡើង, ការត្រៀមខ្លួនដោះស្រាយបញ្ហាប្រឈម និងហានិភ័យធំៗ, ការទាក់ទាញ វិនិយោគដែលមានតម្លៃបន្ថែមខ្ពស់ , ភាពអំណោយផលនៃទីតាំងភូមិសាស្ត្រ និងភាគលាភប្រជាសាស្ត្រកម្ពុជា, ការទាញប្រយោជន៍ពីការ រីកចម្រើនយ៉ាងរហ័សនៃឌីជីថលូបនីយកម្ម, ព្រមទាំងកិច្ចព្រមព្រៀងពាណិជ្ជកម្មសេរីទ្វេភាគី និងពហុភាគីនានា ។ទាក់ទងការវិនិយោគនេះដែរ អ្នកឧកញ៉ា លឹម ហេង អនុប្រធានសភាពពាណិជ្ជកម្មកម្ពុជា មើលឃើញថា ក្រោយ ពីបោះឆ្នោតជ្រើសតាំងតំណាងរាស្រ្ត នីតិកាលទី ៧ កម្ពុជានិងអាចស្រូបយកឱកាសវិនិយោគកាន់តែច្រើន ខណៈការបោះឆ្នោតនេះ បាន បង្ហាញឲ្យពិភពលោក ជាពិសេសវិនិយោគិនបរទេស មានទំនុកចិត្តកាន់ខ្លាំង ក្នុងការមកបណ្តាក់ទុនរកស៊ីទទួលទាននៅកម្ពុជា។ ចំពោះ វិស័យបច្ចេកវិទ្យាឌីជីថលូបនីយកម្មវិញ លោកជំទាវ កែវ មុំ ប្រធានសមាគមសហគ្រិនស្រ្តីកម្ពុជា បានលើកឡើងផងដែរថា វិស័យបច្ចក វិទ្យាបានកំពុងជំរុញផ្លាស់ប្តូរយ៉ាងលឿន ក្នុងនោះសហគ្រិនជាស្រ្តីបានកំពុងចាប់យកវិស័យនេះផងដែរ សម្រាប់ការប្រើប្រាស់ក្នុងអាជីវកម្ម និងការធ្វើពាណិជ្ជកម្មផ្សេងៗ៕ អត្ថបទ៖ សុន រ៉ាឌី

កសិករដំណាំលម៉ើរបស់អ៊ីរ៉ាក់ ទទួលបានផលច្រើន អំឡុងរលកកម្តៅដ៏ក្តៅខ្លាំងនៅរដូវក្តៅនេះ

មិនដូចគ្នានឹងក្រុមមិត្តៗកសិកររបស់គាត់ឡើយ ដែលដំណាំរបស់ពួកគេរងផលប៉ះពាល់ដោយសាររលកកម្តៅក្តៅខ្លាំងបំផុតនៅក្នុងប្រទេសអ៊ីរ៉ាក់ លោក Abbas Ali Abdel Latif ដែលជាកសិករដំណាំលម៉ើ និយាយថា លោកទទួលបានផលចំណេញច្រើននៅរដូវក្តៅនេះ ។សីតុណ្ហភាពក្តៅខ្លាំងនៅទីក្រុងភាគខាងត្បូង Basra ប្រទេសអ៊ីរ៉ាក់ ដែលបានកើនឡើងដល់ជិត ៥០អង្សាសេ គឺត្រូវការខ្លាំងសម្រាប់ដំណាំរបស់លោក ដើម្បីឲ្យទុំកាន់តែលឿន ។ សីតុណ្ហភាពខ្ពស់នេះដែរ បានធ្វើឲ្យល្អប្រសើរដល់បរិមាណផលិតផល ។ លោកនិយាយថា លើសពីនេះទៅទៀត សីតុណ្ហភាពខ្ពស់ មានន័យថា លោកអាចប្រមូលផល រួចផលិតជាទឹកស៊ីរ៉ូលម៉ើ គឺជាទឹកស៊ីរ៉ូ ‘Damaa’ ដ៏ពេញនិយមនៅក្នុងចំណោមអ្នកប្រើប្រាស់ ដែលត្រូវការបង្ហាប់ និងហាលក្រោមពន្លឺព្រះអាទិត្យ ។ រយៈពេលជាង ១សប្តាហ៍កន្លងមកនេះ សីតុណ្ហភាពនៅទូទាំងសកលលោក បានហក់ឡើងខ្ពស់បំផុតជាប្រវត្តិសាស្រ្ត ហើយនិងបង្កឲ្យមានភ្លើងឆេះព្រៃ ខណៈដែលភ្លៀងខ្លាំង បានវាយប្រហារទីក្រុងជាច្រើននៅជុំវិញពិភពលោក ។ យោងតាមការអះអាងរបស់អង្គការសហប្រជាជាតិ(UN)បានឲ្យដឹងថា អ៊ីរ៉ាក់ គឺជាប្រទេសងាយរងគ្រោះបំផុតលំដាប់ទី ៥របស់ពិភពលោក ចំពោះវិបត្តិអាកាសធាតុ ។ គ្រោះរាំងស្ងួត និងសីតុណ្ហភាពក្តៅខ្លាំង ធ្វើឲ្យរីងស្ងួតដីកសិកម្ម និងធ្វើឲ្យតំបន់ជាច្រើនរបស់អ៊ីរ៉ាក់ ស្ទើតែគ្មានមនុស្សរស់នៅ អំឡុងខែរដូវក្តៅ ។ ប្រទេសមួយនេះ រកឃើញសីតុណ្ហភាពខ្ពស់បំផុតយ៉ាងហោច ៥២អង្សាសេ ក្នុងរយៈពេលប៉ុន្មានឆ្នាំចុងក្រោយនេះ ៕

ធនាគារកណ្តាលចិន ចេញសេចក្តីព្រាងច្បាប់ ស្តីពីការគ្រប់គ្រងសុវត្ថិភាពទិន្នន័យរបស់ខ្លួន

ធនាគារកណ្តាលរបស់ប្រទេសចិន បានចេញសេចក្តីស្នើច្បាប់ស្តីពីការគ្រប់គ្រងសុវត្ថិភាពទិន្នន័យសម្រាប់ប្រតិបត្តិការផ្ទាល់របស់ធនាគារ នៅថ្ងៃចន្ទនេះ ខណៈដែលទីក្រុងប៉េកាំង រឹតបន្តឹងការក្តោបក្តាប់របស់ខ្លួនលើការប្រើប្រាស់ទិន្នន័យ និងសន្តិសុខ ចំពេលមានភាពតានតឹងផ្នែកភូមិសាស្ត្រនយោបាយ កើនឡើង និងការព្រួយបារម្ភអំពីភាពឯកជន។ធនាគារប្រជាជនចិន កំពុងស្នើសុំមតិសាធារណៈលើសេចក្តីព្រាងគោលការណ៍ណែនាំនេះ រហូតដល់ថ្ងៃទី២៤ ខែសីហា។ធនាគារកណ្តាល នឹងបង្កើតប្រព័ន្ធគណនេយ្យភាពសម្រាប់សុវត្ថិភាពទិន្នន័យ និងវិធានការដាក់ទណ្ឌកម្មផងដែរសម្រាប់ការបំពាន ដោយស្វែងរកការគ្រប់គ្រងរាល់សកម្មភាពដំណើរការទិន្នន័យ ដោយអនុលោមតាមច្បាប់។នៅក្រោមច្បាប់នេះ ទិន្នន័យរបស់ធនាគារកណ្តាល ដែលប្រមូលបាននៅក្នុងប្រទេស ប្រសិនបើតម្រូវដោយច្បាប់ នឹងត្រូវរក្សាទុកក្នុងប្រទេស ហើយអ្នកដំណើរការទិន្នន័យ ត្រូវបានហាមឃាត់មិនឲ្យបំបែក ឬកាត់បន្ថយទំហំនៃទិន្នន័យ ដើម្បីជៀសវាងការត្រួតពិនិត្យសុវត្ថិភាពផ្លូវការ នៅពេលទិន្នន័យ ត្រូវបានយកចេញ។កាលពីខែកក្កដាឆ្នាំមុន ប្រទេសចិនបានបង្ហាញវិធានការត្រួតពិនិត្យទិន្នន័យឆ្លងព្រំដែន ដែលទាមទារឲ្យ មានការត្រួតពិនិត្យសុវត្ថិភាពសម្រាប់ការផ្ទេរទិន្នន័យនៅបរទេសដ៏សំខាន់ ជាដំណើរការដែលបណ្តាលឲ្យមានការភាន់ច្រឡំ និងបង្កើនការព្រួយបារម្ភក្នុងចំណោមក្រុមហ៊ុនហិរញ្ញវត្ថុបរទេស ដែលកំពុងប្រតិបត្តិការនៅក្នុងប្រទេសនេះ។

កម្ពុជារំពឹងថាកិច្ចព្រមព្រៀង RCEP និង FTA ជួញជំរុញការនាំចេញផលិតផលសំលៀកបំពាក់ ស្បែកជើង

ភ្នំពេញ៖ កម្ពុជារំពឹងថាកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) និងកិច្ចព្រមព្រៀងពាណិជ្ជកម្មសេរីទ្វេភាគី ជំរុញការនាំចេញទំនិញ ជាផលិតផលសំលៀកបំពាក់ ស្បែកជើង និងកាបូបធ្វើដំណើរ បន្ទាប់ពីការនាំចេញទៅទីផ្សារអឺរ៉ុប និងអាមេរិក មាននិន្នាការធ្លាក់ចុះ។ប្រធានសមាគមស្បែកជើងកម្ពុជាឧកញ៉ា លី ឃុនថៃ បានលើកឡើងកាលពីពេលថ្មីៗនេះថា ប្រសាសន៍ថា ការនាំចេញស្បែកជើងទៅកាន់ប្រទេសចិន និងកូរ៉េខាងត្បូង បានកើនឡើងគួរឱ្យសំគាល់ ចាប់តាំងពីអនុវត្តកិច្ចព្រមព្រៀង RCEP និង កិច្ចព្រមព្រៀងពាណិជ្ជកម្មសេរីទ្វេភាគីជាមួយចិន និងកូរ៉េខាងត្បូងចូលជាធរមានកាលពីឆ្នាំមុន។ឧកញ៉ា លី ឃុនថៃ មានប្រសាសន៍ថា៖ "ជាមួយនឹងពន្ធអនុគ្រោះ យើងរំពឹងថានឹងទទួលបានការបញ្ជាទិញបន្ថែមទៀតសម្រាប់ផលិតផលសំលៀកបំពាក់ ស្បែកជើង និងកាបូបធ្វើដំណើរ ទៅប្រទេសសមាជិក RCEP ទាំងនោះ" ។ទីផ្សារសំខាន់ៗនាពេលបច្ចុប្បន្នសម្រាប់ទំនិញផលិតផលសំលៀកបំពាក់ ស្បែកជើង និងកាបូបធ្វើដំណើរ របស់កម្ពុជាគឺអឺរ៉ុប សហរដ្ឋអាមេរិក និងកាណាដា។របាយការណ៍របស់អគ្គនាយកដ្ឋានគយ និងរដ្ឋាករ បង្ហាញថា កម្ពុជា បាននាំចេញទំនិញ ផលិតផលសំលៀកបំពាក់ ស្បែកជើង និងកាបូបធ្វើដំណើរ មានតម្លៃជាង ៥ ពាន់លានដុល្លារអាមេរិក ចាប់ពីខែមករាដល់ខែមិថុនាឆ្នាំនេះ ធ្លាក់ចុះជាង១៨ ភាគរយពី ជាង៦ ពាន់លានដុល្លារ ក្នុងរយៈពេលដូចគ្នាកាលពីឆ្នាំមុន ។កិច្ចព្រមព្រៀង RCEP រួមមានប្រទេសអាស៊ីប៉ាស៊ីហ្វិកចំនួន ១៥ រួមទាំងប្រទេសសមាជិកអាស៊ានទាំង ១០ ដែលមានប្រ៊ុយណេ កម្ពុជា ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ និងវៀតណាម និងដៃគូពាណិជ្ជកម្មចំនួនប្រាំ គឺ ចិន ជប៉ុន កូរ៉េខាងត្បូង អូស្ត្រាលី និងនូវែលសេឡង់៕អត្ថបទ៖ វណ្ណៈ

ហាងលក់ទំនិញ និងផ្សារមួយចំនួននៅភ្នំពេញ បើកដំណើរវិញជាធម្មតាក្រោយការបោះឆ្នោត

ភ្នំពេញ៖ នៅក្រោយការបោះឆ្នោតជ្រើសតាំងតំណាងរាស្ត្រ ១ថ្ងៃ នៅក្នុងរាជធានីភ្នំពេញ មានស្ថានភាពសុខសន្តិសុខ សណ្តាប់ធ្នាប់មានភាពល្អប្រសើរ ពលរដ្ឋគ្មានការភ័យខ្លាច បណ្តាហាងលក់ទំនិញ និងតូបតាមផ្សារសាធារណៈ និងឯកជនមួយចំនួនធំបានបើកដំណើរការវិញជាធម្មតា និងខ្លះបន្តបិទ ដើរកម្សាន្តទៅតាមរមណីយដ្ឋានទេសចរណ៍ ហើយអាជីវកម្មខ្លះទៀត បន្តបិទដោយសារបុគ្គលិក កម្មករ មិនទាន់ត្រឡប់មកពីស្រុកកំណើតវិញ។បើតាម ប្រធានផ្សារច្បារអំពៅ រាជធានីភ្នំពេញ លោក គួច ចំណាន បានថ្លែងប្រាប់BTVនៅថ្ងៃទី២៤ ខែកក្តដានេះថា សម្រាប់ផ្សារច្បារអំពៅ នៅក្រោយការបោះឆ្នោតសកល មួយថ្ងៃនេះ គឺមានតូបអាជីវករប្រមាណជាង៦០% គឺបានបើកដំណើរការវិញក្នុងទឹកមុខសប្បាយរីករាយ ហើយអាជីវករខ្លះទៀត បានបន្តបិទតូបបន្តដើរកម្សាន្តទៅគោលដៅទេសចរណ៍នានា។ដោយឡែកសម្រាប់អាជីវករលក់គ្រឿងអលង្កាវិញ ក៏បានថ្លែងដែរថា នៅក្នុងការបោះឆ្នោតសកល អាណត្តិទី៧នេះ យើងមិនមានការភ័យខ្លាចដូចការបោះឆ្នោតអាណត្តិមុនៗនោះទេ ពោលគឺយើងមានការពេញចិត្តលទ្ធផលការបោះឆ្នោតនេះ ហើយបណ្តាអាជីវករ ក៏ស្នើឲ្យការបោះឆ្នោតសកលនៅអាណត្តិបន្តបន្ទាប់ទៀត គឺបន្តមានស្ថានភាពស្ងប់ស្ងាត់ល្អប្រសើរ ដូចនេះរហូតទៅ ដើម្បីងផ្តល់ឱកាសល្អប្រសើរដល់អាជីវករ និងអ្នកវិនិយោគទុនជាតិអន្តរជាតិ និងការជំរុញកំណើនសេដ្ឋកិច្ចជាតិមានរីកចំរើនលឿន។សូមបញ្ជាក់ថា ការបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣ មានពលរដ្ឋ អញ្ជើញទៅបោះឆ្នោតមានប្រមាណជាង៨លាន ២សែននាក់ ស្មើនឹង ៨៤.៥៨%នៃចំនួនអ្នកមានឈ្មោះបោះឆ្នោតសរុបនៅក្នុងបញ្ជី៕ អត្ថបទ ស៊ុម សុខជា

បណ្ដាញសង្គម

ព័ត៌មានថ្មីៗ

កម្ពុជាជ្រើសរើសផ្លូវសន្តិភាព និងច្បាប់អន្តរជាតិ ដើម្បីការពារផលប្រយោជន៍ជាតិ

រដ្ឋមន្ត្រីក្រសួងអធិការកិច្ចអញ្ជើញប្រកាសចូលកាន់តំណែងប្រធានមន្ទីរអធិការកិច្ចខេត្តក្រចេះ និងណែនាំឱ្យពង្រឹងប្រសិទ្ធភាពការងារអធិការកិច្ចនៅថ្នាក់ក្រោមជាតិ

លោក Merz ទទួលបានភាពធូរស្រាល ក្នុងការបោះឆ្នោតមូលដ្ឋាន នៅអាល្លឺម៉ង់ ប៉ុន្តែបញ្ហាប្រឈមនៅរង់ចាំខាងមុខ

មនុស្ស ២១នាក់ ស្លាប់ក្នុងគ្រោះថ្នាក់ចរាចរណ៍ពាក់ព័ន្ធរថយន្តច្រើនគ្រឿង នៅអាហ្វ្រិកខាងត្បូង

ការលេចធ្លាយឧស្ម័នអាម៉ូញាក់នៅតំបន់ឧស្សាហកម្ម Aqabaរបស់ហ្ស៊កដានី បណ្តាលឲ្យមនុស្ស ១១នាក់ រងរបួស

មនុស្សម្នាក់ស្លាប់ និង ២៥នាក់ បាត់ខ្លួន ក្រោយទូកដឹកជនអន្តោប្រវេសលិចនៅជិតតំបន់ឆ្នេរប្រទេសក្រិក

IRGC៖ អ៊ីរ៉ង់បានបាញ់ទម្លាក់យានដ្រូន MQ-1របស់អាមេរិកលើច្រកសមុទ្រហ័រមូស

ប្រធានាធិបតី៖ ហ្វាំងឡង់មិនមានបំណងដាក់ពង្រាយអាវុធនុយក្លេអ៊ែរនៅក្នុងប្រទេសនេះ អំឡុងពេលសន្តិភាពទេ

ទូរទស្សន៍រដ្ឋ៖ ប្រមុខនុយក្លេអ៊ែររបស់អ៊ីរ៉ង់ ត្រូវបានអាមេរិករារាំងមិនឱ្យចូលរួមកិច្ចប្រជុំ IAEA នៅទីក្រុងវីយ៉ែន

របាយការណ៍៖ តំបន់ហិមាល័យឆ្ពោះទៅដំណាក់កាលសំខាន់ ហើយជីវិតមនុស្សរាប់លាននាក់ស្ថិតក្នុងហានិភ័យ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877