BTV NEWS

រោងចក្រ វិរៈ ប៊ុនថាំ ជីកសិកម្ម មានសមត្ថភាពផលិតបានប្រមាណ ២០០តោន ក្នុងមួយថ្ងៃសម្ពោធដាក់ឱ្យដំណើរការជាផ្លូវការ

រយៈពេល៣ខែដំបូង ការដោះដូរពាណិជ្ជកម្មកម្ពុជា-វៀតណាម សម្រេចបាន ៣,៤៤ ពាន់លានដុល្លារកើនឡើង ៤,៣%

ក្នុងត្រីមាសទី១ កម្ពុជានាំចេញសំបកកង់ឡាន និងគ្រឿងបន្លាស់ផ្សេងៗមានទឹកប្រាក់ជាង ៥៨០ លានដុល្លារ

ថ្លៃលក់រាយប្រេងឥន្ធនៈតាមស្ថានីយចាប់ថ្ងៃទី២៤ មេសានេះ សាំងឡើងបន្ដិច ខណៈម៉ាស៊ូតបន្តធ្លាក់ចុះ

សេដ្ឋកិច្ច និង កសិកម្ម

ផ្សារទំនើបសិនជូរី ផ្លាហ្សា គ្រោងនឹងបើកដំណើរការមុនពិធីបុណ្យចូលឆ្នាំខ្មែរឆ្នាំ២០២២

ភ្នំពេញ៖ បើទោះបីជាមានភាពយឺតយ៉ាវតិចតួច ព្រោះតែការឆ្លងរាតត្បាតជំងឺកូវីដ១៩ រហូតមកដល់ពេលនេះ ដំណើរការនៃការសាងសង់ផ្សារទំនើបសិនជូនផ្លាហ្សា ស្ថិតនៅតាមបណ្តោយផ្លូវសហពន្ធ័រុស្ស៊ី ក្បែរនឹងព្រលានយន្តហោះអន្តរជាតិភ្នំពេញ គ្រោងនឹងបើកដំណើរការនៅមុនបុណ្យឆ្នាំថ្មីប្រពៃណីជាតិខ្មែរខាងមុខនេះ ។ លោក អ៊ុំព្រហ្ម ម៉នឌែល អ្នកប្រឹក្សាជាន់ខ្ពស់គម្រោងផ្សារទំនើប សិនជូរីផ្លាហ្សា បានបញ្ជាក់ប្រាប់អ្នកសារព័ត៌មានBTV អោយដឹងថា កន្លងមកដោយសារតែបញ្ហាជំងឺកូវីដ១៩ បានធ្វើអោយសកម្មភាព នៃគម្រោងសាងសង់ផ្សារទំនើបមួយនេះ មានការពន្យាពេលបន្តិច ប៉ុន្តែការពន្យាពេលនេះមិនមែនដោយសារបញ្ហា ហិរញ្ញវត្ថុនោះទេ ផ្ទុយទៅវិញដោយសារតែថ្នាក់ដឹកនាំផ្សារ បានចូលរួមអនុវត្តនូវវិធានសុវត្ថិភាពតាមការណែនាំរបស់ប្រមុខរាជរដ្ឋាភិបាលកម្ពុជា គឺ៣កុំ និង ៣ការពារ។ ដោយខាងផ្សារ មិនអនុញ្ញាតអោយមានកម្មករ វិស្វករច្រើនមកជួបជុំធ្វើការនោះឡើយ។ ប៉ុន្តែ ក្រោមការយកចិត្តទុកដាក់ដ៏ខ្ពង់ខ្ពស់របស់សម្តេចតេជោនាយករដ្ឋមន្ត្រីបានស្វះស្វែងរកវ៉ាក់សាំង មកចាក់ជូនប្រជាពលរដ្ឋទូទាំងប្រទេស ទើបធ្វើអោយគណៈគ្រប់គ្រងផ្សារអនុញ្ញាតអោយបងប្អូនកម្មករ វិស្វករចូលបំពេញការងារជាធម្មតាវិញ ដោយកំពុងតែពន្លឿនការងារសាងសង់ធ្វើយ៉ាងណាអោយបានរួចរាល់នៅមុនពិធីបុណ្យចូលឆ្នាំខ្មែរនាពេលខាងមុខ។ គម្រោងផ្សារសិនជូរី ផ្លាហ្សាថ្មី គឺជាមជ្ឈមណ្ឌលពហុពាណិជ្ជកម្មត្រីកោណមាស មានទីតាំងស្ថិតនៅតាមបណ្តោយមហាវិថីសហព័ន្ធរុស្ស៊ីដែលមានចម្ងាយត្រឹមតែ ១.៥ គីឡូម៉ែត្រតែប៉ុណ្ណោះ ពីអាកាសយាន្តដ្ឋានអន្តរជាតិភ្នំពេញ និងស្ថិតនៅទល់មុខ នឹងសួនកុមារពោធិ៍ចិនតុង ដែលសុទ្ធសឹងតែជាតំបន់ពាណិជ្ជកម្ម និងជាតំបន់អភិវឌ្ឍដែលមានសក្តានុពលខ្ពស់។ ជុំវិញផ្សារសិនជូរី ផ្លាហ្សាថ្មីប្រមូលផ្តុំទៅដោយអគារពាណិជ្ជកម្មធំៗ នាយកដ្ឋានអន្តោប្រវេសន៍ភ្នំពេញ អាកាសយាន្តដ្ឋានអន្តរជាតិភ្នំពេញ, ក្រសួងពាណិជ្ជកម្ម, វិទ្យាស្ថានខុងជឺ, ក្រសួងរ៉ែ និងថាមពល, ផ្សារឈូកមាស, តូបតូចធំគ្រប់ប្រភេទ និងអគារពាណិជ្ជកម្មផ្សេងៗទៀត ស្ថិតក្នុងតំបន់ដែលមានសក្តានុពលខ្លាំងបំផុតក្នុងរាជធានីភ្នំពេញ។ ផ្សារសិនជូរី ផ្លាហ្សាថ្មី មានលក្ខណៈពិសេសដាច់គេព្រោះជាប្រភេទផ្សារចម្រុះដែលប្រមូលផ្តុំទៅដោយមជ្ឈមណ្ឌល កម្សាន្ដ, ទីផ្សារកសិផល, ទីផ្សារចម្រុះ, អាហារដ្ឋាន, ការិយាល័យ, Skybar Swimming pool មានចំណតរថយន្តខាងក្រោមដីធំទូលាយ ។ ផ្សារសិនជូរី ផ្លាហ្សាថ្មី នឹងប្រែក្លាយទៅ ជាចំណុចទីតាំងថ្មីដែលមានភាពរុងរឿង ក្នុងរាជធានីភ្នំពេញ ក៏ព្រោះតែភាពឥតខ្ចោះនៃសំណង់ទីផ្សារ ដែលអាចធ្វើឱ្យសកម្មភាពអាជីវកម្មកាន់តែមានភាពល្អប្រសើរ៕ អត្ថបទ៖ កញ្ញា សូដាវណ្ណ រូបភាព៖ លោក វ៉ាន់រិទ្ធិ

ក្រុមហ៊ុននាំចេញផ្លែចេក កំពុងសម្លឹងមើលទីផ្សារថ្មីៗ នៅប្រទេសអ្នកមានប៉ែកអឺរ៉ុប

ភ្នំពេញ ៖ ក្រុមហ៊ុនដាំដុះដំណាំចេកនៅខេត្តកំពត កំពុងសម្លឹងមើលទីផ្សារថ្មីៗ នៅប្រទេសអ្នកមានប៉ែកអឺរ៉ុប សហរដ្ឋអាមេរិក និងទីផ្សារនៅមជ្ឈិមបូព៌ា ដើម្បីពង្រីកទីផ្សារនាំចេញបន្ថែម ខណៈបច្ចុប្បន្នក្រុមហ៊ុនកំពុងពង្រឹងគុណភាពផលិតកម្ម ឲ្យមានស្ថិរភាព ដើម្បីប្រកួតប្រជែងបញ្ហាតម្លៃ ផ្លែចេកស្រស់នៅលើទីផ្សារ។លោកឧកញ៉ា ហ៊ុន ឡាក់ នាយកក្រុមហ៊ុន Longmate Agriculture Co., Ltd ដែលវិនិយោគលើចម្ការចេក នៅក្នុងខេត្តកំពត បានថ្លែងប្រាប់ថា ដំណាំចេកគឺជាដំណាំវិលជុំមិនប្រកាន់រដូវ អាចធ្វើឲ្យយើងទទួលផលជាបន្តបន្ទាប់ និងស្របពេលកម្ពុជាគឺជាប្រទេសដែលមានអំណោយផលដល់ការដាំដុះ ក្នុងនោះចាប់ពីឆ្នាំ ២០១៨ មក ការនាំចេញចេកអំបូងលឿងរបស់កម្ពុជា មានកំណើនកើនឡើងជាលំដាប់ បើប្រៀបធៀបទៅនិងដំណាំដទៃទៀត។លោកឧកញ៉ា បន្តថា ស្របពេលការនាំចេញផ្លែចេកអំបូងលឿងស្រស់ ទៅកាន់ទីផ្សារនៃប្រទេសមួយចំនួន បានកំពុងមានសន្ទុះកើនឡើងយ៉ាងលឿននោះ អ្នកនាំចេញផ្លែស្រស់អំបូងលឿង កំពុងសម្លឹងមើលទីផ្សារថ្មីៗ នៅប្រទេសអ្នកមានប៉ែកខាងលិចបន្ថែមទៀតដូចជា ទីផ្សារអឺរ៉ុប អាមេរិក និងមជ្ឈិមបូព៌ា ដែលបច្ចុប្បន្នក្រុមហ៊ុនបានកំពុងពង្រឹងគុណភាព ឲ្យមានស្ថិរភាព និងតម្លៃ ដើម្បីជម្រុញការប្រកួតប្រជែងអាចឈានចូលទៅទីផ្សារថ្មីទៀត ក្រៅពីទីផ្សារដែលមានស្រាប់ ដើម្បីឲ្យផ្លែចេករបស់កម្ពុជាកាន់តែមានសក្តានុពល និងកាន់តែល្បីឈ្មោះនៅក្នុងតំបន់ និងពិភពលោក ។យោងតាមរបាយការណ៍ក្រសួងកសិកម្ម រុក្ខាប្រមាញ់ និងនេសាទ បានបង្ហាញថា ការនាំចេញកសិផល ក្នុងរយៈពេល ៩ ខែ ឆ្នាំ ២០២១ កម្ពុជាបាននាំចេញកសិផលមានបរិមាណសរុបជិត ៦ លានតោន កើនឡើងជាង ៨៨% មានទំហំជាទឹកប្រាក់ប្រមាណជិត ៣ ៥០០ លានដុល្លារ។ ក្នុងនោះចំពោះការនាំចេញចេកស្រស់មានចំនួន ៣៤ ម៉ឺនតោន កើនឡើងជាង ៤៦% និងបាននាំចេញទៅប្រទេសចិន មានចំនួនជាង ៣០ ម៉ឺនតោន ប្រទេសវៀតណាមជាង ៤១ ពាន់តោន ប្រទេសជប៉ុនជាង ៥៣៣ តោន និងប្រទេសសិង្ហបុរីចំនួនជាង ៤៨០តោន ៕ អត្ថបទ៖ សុន រ៉ាឌី

រោងចក្រផ្គុំដំឡើងគ្រឿងចក្ររថយន្តធុនធ្ងន់ នឹងបើកការដ្ឋានសាងសង់នៅដើមខែតុលាខាងមុខឆាបៗនេះ នៅស្រុកស្រែអំបិល

កោះកុង ៖ ស្រុកស្រែអំបិល ខេត្តកោះកុង ទទួលបានការវិនិយោគរោងចក្រខ្នាតធំមួយ ខាងផ្នែកផ្គុំដំឡើងគ្រឿងចក្ររថយន្តធុនធ្ងន់គ្រប់ប្រភេទ ដែលនឹងផ្តើមបើកការដ្ឋានសាងសង់នៅដើមខែតុលា ឆ្នាំ២០២១ខាងមុខនេះហើយ។ដំណើរការវិនិយោគរោងចក្រឧស្សហកម្មដែលមិនធ្លាប់មាននេះដែរ ប្រព្រឹត្តទៅរបស់ក្រុមហ៊ុន EM Automobile Co., Ltd លើផ្ទៃដីឯកជនទំហំជាង១៧ហិកតារបស់លោកឧកញ៉ា ហេង ហ៊ុយ ភូមិឈូក ឃុំជីខលើ ស្រុកស្រែអំបិល រីឯរយៈពេលនៃការជួលដីវិនិយោគ១០ឆ្នាំ។តាមការពន្យល់របស់លោក សេក សំអុល នាយករងរដ្ឋបាលខេត្តកោះកុង នៅថ្ងៃទី២៩ ខែកញ្ញានេះ គម្រោងបង្កើតរោងចក្រផ្គុំដំឡើងគ្រឿងចក្ររថយន្តសណ្តោង និងរថយន្តធុនធ្ងន់គ្រប់ប្រភេទដោយមានការអនុញ្ញាតពីគណៈកម្មាធិការវិនិយោគកម្ពុជា និងរដ្ឋបាលខេត្ត។លោក បន្ថែមថា នៅដើមខែតុលា ឆ្នាំ២០២១ខាងមុខ ក្រុមហ៊ុននឹងចាក់ដីបំពេញបើកការដ្ឋានសាងសង់ជាផ្លូវការហើយ។ លុះដល់ខែតុលា ឆ្នាំ២០២២ ដល់ខែតុលា ឆ្នាំ២០២៤ គ្រោងបញ្ចប់ការស្ថាបនាអគារដំឡើងរថយន្តលើកទី១។ បន្ទាប់មកនៅខែវិច្ឆិកា ឆ្នាំ២០២៤ ដល់ខែតុលា ឆ្នាំ២០២៧ បញ្ចប់ការសាងសង់អគារទី២។ សម្រាប់ពេលនេះ គ្រាន់តែដំណាក់កាលបឋមតាមរយៈឯកឧត្តម នុត អ៊ុនវ័ណរ៉ា អគ្គលេខាធិការរងគណៈកម្មាធិការវិនិយោគកម្ពុជា រដ្ឋបាលខេត្ត តំណាងក្រុមហ៊ុន ចុះត្រួតពិនិត្យសិក្សាលម្អិតពីផលប៉ះពាល់ផ្សេងៗជាមុនសិន។តំណាងលោកជំទាវ មិថុនា ភូថង អភិបាលខេត្ត លោក សេក សំអុល ក៏បង្ហាញក្តីមោទនភាពចំពោះអ្វីដែលខេត្តមានសក្តានុពលខ្ពស់ខាងផ្នែកពាណិជ្ជកម្ម និងឧស្សហកម្ម តាមរយៈការទទួលភាពជឿទុកចិត្តពីសំណាក់បណ្តាក្រុមអ្នកវិនិយោគទុនតូចធំ ក៏ដូចជាផ្តល់នូវឱកាសការងារដល់យុវជន ប្រជាពលរដ្ឋក្នុងមូលដ្ឋានបម្រើអភិវឌ្ឍន៍រួមគ្នាទៅអនាគត។គួរជម្រាបថា ផលិតផលដែលសម្រេចបានមកពីការផ្គុំដំឡើងគ្រឿងចក្ររថយន្តសណ្តោង និងរថយន្តធុនធ្ងន់គ្រប់ប្រភេទនេះ នឹងនាំចេញទៅផ្គត់ផ្គង់លើទីផ្សារក្នុងស្រុកផង និងក្រៅស្រុកផងទៅតាមសេចក្តីត្រូវការ។ខេត្តកោះកុង ក៏មានរោងចក្រដំឡើងរថយន្តម៉ាក Hyundai មួយកន្លែងផងដែរ ដែលកំពុងដំណើរការសង្វាក់ផលិតកម្មរបស់ខ្លួន មានទីតាំងស្ថិតនៅភូមិនាងកុក ឃុំប៉ាក់ខ្លង ស្រុកមណ្ឌលសីមា ក្នុងបរិវេណតំបន់សេដ្ឋកិច្ចពិសេសខេត្ត៕អត្ថបទ ៖ ឈឹម មករា

ក្រៅពីការធ្វើស្រែពលរដ្ឋចូលព្រៃសហគមន៍សង្ឃរុក្ខវ័ន្ដ ដើរដកផ្សិតយកមកលក់ ដើម្បីផ្គត់ផ្គង់ជីវភាពក្នុងគ្រួសារ

ឧត្ដរមានជ័យ ៖ ពលរដ្ឋមួយចំនួនមានជីវភាពខ្វះខាត បាននាំគ្នាចូលព្រៃ ដើរដកផ្សិត ក្នុងតំបន់សហគមន៍ដែនជម្រកសត្វព្រៃសង្ឃរុក្ខវ័ន្ត ដើម្បីយកមកលក់បានប្រាក់ខ្លះ សម្រាប់ផ្គត់ផ្គង់ជីវភាពគ្រួសារ ក្នុងបរិបទកូវីដ-១៩។សូមបញ្ជាក់ថា ដែនជម្រកសត្វព្រៃសង្ឃរុក្ខវ័ន្ត ជាតំបន់អំណោយផលទៅដោយអនុផលព្រៃឈើដុះចំរុះគ្រប់ប្រភេទ សំបូរទៅដោយប្រភេទផ្សិតក្ងោក ផ្សិតទន្សោង ផ្សិតធ្យុង ផ្សិតចម្រុះគោ នឹងផ្សិតដំបូប ផ្សិតទាំងអស់ច្រើនដុះ នៅរដូវភ្លៀងធ្លាក់។ពលរដ្ឋម្នាក់ក្នុងចំណោមពលរដ្ឋផ្សេងៗទៀត ដែលបានធ្វើដំណើររួមគ្នាមករកផ្សិត បានលើកឡើងថា មានពលរដ្ឋជាច្រើនក្រុមធ្វើដំណើរដោយគោយន្តមកពីតាមបណ្តាភូមិផ្សេងៗគ្នា ដើម្បីនាំគ្នាមកចូលព្រៃ រកផ្សិតនៅក្នុងតំបន់សហគមន៍ដែនជម្រកសត្វព្រៃសង្ឃរុក្ខាវ័ន្តនេះ ជាក្រុមៗ ព្រោះថា តំបន់នេះ សំបូរដោយផ្សិតរុក្ខជាតិគ្រប់ប្រភេទជាច្រើនមុខ ដែលមានប្រយោជន៍អាចយកទៅធ្វើម្ហូបបរិភោគបាននឹងលក់បានតម្លៃថ្លៃ។ជាក់ស្តែងដូចជាផ្សិតក្ងោក និងផ្សិតទន្សោងជាដើម ក្នុងមួយថ្ងៃអាចរកបានជាង១០គីឡូក្នុងម្នាក់ៗ នឹងអាចលក់បានមួយគីឡូផ្សិតមានតម្លៃដល់ទៅ២ម៉ឺនរៀល ប៉ុន្តែបច្ចុប្បន្នដោយសារមានអ្នករកច្រើនគ្នាធ្វើឲ្យតម្លៃមានការធ្លាក់ចុះត្រឹមតែ៨ពាន់ទៅ១ម៉ឺនរៀលតែប៉ុណ្តោះក្នុង១គីឡូ លក់ទៅឲ្យក្រុមឈ្នួញដែលមកចាំទទួលទិញនៅនឹងភូមិរបស់ពួកគាត់។ពលរដ្ឋរូបនេះ បន្តថា ក្នុងស្ថានភាពបរិបទជំងឺកូវីដ-១៩នេះ ក្រៅពីការធ្វើស្រែប្រជាពលរដ្ឋដែលរស់នៅចំណុចក្បែរតំបន់សហគមន៍ដែនជម្រកសត្វព្រៃសង្ឃរុក្ខាវ័ន្ត ភាគច្រើនពួកគាត់តែងតែប្រកបមុខរបរដើររកផ្សិតក្នុងព្រៃ ដែលជាមុខរបរប្រចាំថ្ងៃរបស់ពួកគាត់ ព្រោះអាចរកបានប្រាក់កម្រៃភ្លាមៗ សំរាប់ដោះស្រាយបញ្ហាជីវភាពប្រចាំថ្ងៃបានមួយកំរិតផងដែរ៕អត្ថបទ ៖ ឃិន សារិទ្ធ

៥ឆ្នាំកម្ពុជាខាតជាង ១០០លានដុល្លារ លើដំណាំស្រូវ ដោយសារបញ្ហាគ្រោះរាំងស្ងួត

ភ្នំពេញ ៖ រយៈពេល៥ឆ្នាំជាប់គ្នាកន្លងទៅ គឺចាប់ពីឆ្នាំ២០១៥ ដល់ឆ្នាំ២០១៩ បញ្ហាគ្រោះរាំងស្ងួត ធ្វើឲ្យកម្ពុជាបានខាតបង់ថវិកាលើការធ្វើដំណាំស្រូវវស្សា ក្នុងទំហំទឹកប្រាក់ប្រមាណ ១០០លានដុល្លារអាម៉េរិក ដោយសារបញ្ហាគ្រោះរាំងស្ងួត។យោងតាមរបាយការណ៍ស្ថានភាពបរិស្ថានលើកទី៤ របស់ក្រសួងបរិស្ថាន កាលពីថ្ងៃទី២៣ ខែកញ្ញា ឆ្នាំ២០២១ បានឲ្យដឹងថា ក្នុងរយៈពេល៥ឆ្នាំនេះ គ្រោះរាំងស្ងួតនៅក្នុងតំបន់មួយចំនួន បានប៉ះពាល់ដល់ដំណាំស្រូវរបស់ប្រជាពលរដ្ឋជាង ១លានហិកតា ដោយក្នុងនោះ ស្រូវចំនួន ២០១ ៤៩០ហិកតា ត្រូវបានខូចខាតទាំងស្រុង ។របាយការណ៍ បានបន្តថា បញ្ហាគ្រោះរាំងស្ងួតនេះ គឺក្នុងឆ្នាំ២០១៥ បានធ្វើឱ្យខូចដំណាំស្រូវវស្សាចំនួន ៤១ ៤៦៩ហិកតា នាំឱ្យខាតបង់តម្លៃថវិកា ២១លានដុល្លារ ។ ឆ្នាំ២០១៦ ខូចខាតចំនួន ១៦ ៧៥១ហិកតា នាំឱ្យខាតបង់តម្លៃសេដ្ឋកិច្ច ៨,៥លានដុល្លារ ។ ឆ្នាំ២០១៧ ខូចខាតចំនួន ១៣ ៣០៦ហិកតា នាំឱ្យខាតបង់តម្លៃសេដ្ឋកិច្ច ៦,៧លានដុល្លារ ។ ឆ្នាំ២០១៨ ខូចខាតចំនួន ៥៨ ៤៩០ហិកតា នាំឱ្យខាតបង់តម្លៃសេដ្ឋកិច្ច ៣០លានដុល្លារ និងឆ្នាំ២០១៩ ខូចខាតចំនួន ៧១ ៤៧៤ ហិកតា នាំឱ្យខាតបង់តម្លៃសេដ្ឋកិច្ច ៣៧លានដុល្លារ ។ដោយការខូចខាតដំណាំស្រូវ ក្នុងផ្ទៃដីទាំងអស់នេះ ធ្វើឱ្យបាត់បង់ផលិតកម្មស្រូវវស្សាចំនួន ៦២៤ ២៦២តោន ដែលគិតជាថវិកាតម្លៃប្រមាណជាង ១០០លានដុល្លារ ។របាយការណ៍ក្រសួងបរិស្ថាន បន្ថែមថា ទន្ទឹមនេះ ការប្រែប្រួលអាកាសធាតុ បានជះឥទ្ធិពលអវិជ្ជមានលើការប្រើប្រាស់ដី គុណភាពដី និងសេដ្ឋកិច្ចសង្គមនៅកម្ពុជា ពិសេសការកើតមានគ្រោះរាំងស្ងួតដ៏ធ្ងន់ធ្ងរ ក្នុងរយៈពេលប៉ុន្មានឆ្នាំជាប់គ្នាកន្លងមក ។ ដោយរយៈពេល៥ឆ្នាំនេះ ឆ្នាំដែលយ៉ាប់យឺនបំផុត គឺឆ្នាំ២០១៥, ឆ្នាំ២០១៨ និងឆ្នាំ២០២១៩ ។គ្រោះរាំងស្ងួត គឺជាគ្រោះមហន្តរាយពាក់ព័ន្ធនឹងអាកាសធាតុដ៏ធ្ងន់ធ្ងរបំផុត ដែលបង្កផលប៉ះពាល់រហូតដល់ ៨៣ភាគរយ នៃការខូចខាត និងការខាតបង់សរុបនៅក្នុងវិស័យកសិកម្ម ។របាយការណ៍ បានបញ្ជាក់ថា ការប្រើប្រាស់ដីសម្រាប់ផលិតកសិកម្មដំណាំស្រូវនៅកម្ពុជា បានកើតឡើងជាបន្តបន្ទាប់ ដោយគិតត្រឹមឆ្នាំ២០២១៩ ផ្ទៃដីធ្វើស្រូវចំនួន ៣៣២៩ ០០០ហិកតា, ទន្ទឹមនេះ ផ្ទៃដីសម្រាប់ផលិតកម្មដំណាំឧស្សាហកម្ម ត្រឹមឆ្នាំ២០២១៩ មានចំនួន ៩៦២ ០០០ហិកតា ៕អត្ថបទ ៖ បាន សុរិទ្ធ

ភ្ញៀវទេសចរខេត្តកំពត ចាប់ផ្តើមកម្រើកបន្តិចហើយ ក្រោយពេលស្ថានភាពកូវីដ១៩ល្អប្រសើរ

កំពត ៖ ក្រោយពេលប្រជាពលរដ្ឋទូទាំងខេត្តកំពត ទទួលបានការចាក់វ៉ាក់សាំងការពារជំងឺកូវីដ១៩ ស្ថានភាពនៃការឆ្លងជំងឺបានធ្លាក់ចុះច្រើន ធ្វើឲ្យចំនួនភ្ញៀវទេសចរទាំងក្នុង និងក្រៅខេត្ត ក៏ចាប់ផ្តើមមានសកម្មភាពមកកម្សាន្តកើនឡើងបន្តិចម្តងៗ ពីមួយសប្តាហ៍ទៅមួយសប្តាហ៍។ តាមរបាយការណ៍របស់មន្ទីរទេសចរណ៍ខេត្តកំពត បានបង្ហាញថា រយៈពេលប៉ុន្មានសប្តាហ៍ចុងក្រោយនេះ ចំនួនភ្ញៀវទេសចរ មានកំណើនបន្តិចម្តងៗពីមួយសប្តាហ៍ទៅមួយសប្តាហ៍ ជាក់ស្តែងនៅក្នុងសប្តាហ៍កន្លងទៅនេះ ខេត្តកំពតមានភ្ញៀវទេសចរមកសម្រាកកម្សាន្ត សរុបចំនួនប្រមាណ ២ម៉ឺន៥ពាន់នាក់ កើនឡើងប្រមាណ ៧ % ធៀបនឹងសប្តាហ៍មុន ក្នុងនោះ ក្នុងនោះទេសចរអន្តរជាតិផ្ទៃក្នុងចំនួន១៥៩នាក់។ ប្រធានមន្ទីរទេសចរណ៍ខេត្ត លោក សយ ស៊ីណុល បានប្រាប់ឲ្យដឹងថា ក្រោយពេលស្ថានភាពការឆ្លងរីករាលដាល់ជំងឺកូវីដ១៩ នៅក្នុងខេត្តមានការថយចុះច្រើន ដោយសារប្រជាពលរដ្ឋស្ទើរទាំងអស់ បានទទួលការចាក់វ៉ាក់សាំងការពារជំងឺកូវីដ១៩ ធ្វើឲ្យភ្ញៀវទេសចរទាំងក្នុង និងក្រៅខេត្ត បានចាប់ផ្តើមនាំក្រុមគ្រួសារមកសម្រាកលម្អែនៅតាមរមណីយដ្ឋាននានាក្នុងខេត្ត។ លោកបានបញ្ជាក់ថា ក្រុមការងាររបស់មន្ទីរទេសចរណ៍ខេត្ត បានបន្តចុះត្រួតពិនិត្យតាមគោលដៅ និង កន្លែងផ្តល់សេវាកម្មទេសចរណ៍នានាក្នុងខេត្ត សំដៅពង្រឹងការអនុវត្តវិធានសុវត្ថិភាពទេសចរណ៍ (SOP)ឲ្យបានល្អប្រសើរ ពិសេសវិធានការ ៣ការពារ ៣កុំ ការណែនាំការពាក់ប័ណ្ណចាក់វ៉ាក់សាំង និង បិទផ្សាយសារអប់រំ អំពីជំងឺកូវីដ១៩ ។លោកប្រធានមន្ទីរបានបន្ថែមថា ជារួមតាមការសួនាំ និងការសង្កេតឃើញជាក់ស្តែង ភ្ញៀវទេសចរបានចាក់វ៉ាក់សាំងគ្រប់គ្នាទាំងដូសជំរុញទី២ និងទី៣ ហើយភ្ញៀវទេសចរភាគច្រើនបានពាក់ម៉ាស់ មានអាល់កុល ជេល ឬទឹកថ្នាំសម្លាប់មេរោគប្រើប្រាស់ផ្ទាល់ខ្លួន និងរក្សាគម្លាត ចំណែកការទទួលទានអាហារធ្វើឡើងជាលក្ខណៈគ្រួសារដាច់ៗពីគ្នា៕

ខេត្តមណ្ឌលគិរីនៅតែជាជម្រើសសម្រាកលំហែរកាយរបស់អ្នកទេសចរក្នុងរដូវកាលភ្ជុំបិណ្ឌ

មណ្ឌលគិរី ៖ សម្រស់ធម្មជាតិរបស់ខេត្តមណ្ឌលគិរី ដែលគ្របដណ្ដប់ទៅដោយវាលស្មៅពណ៌បៃតង ប្រជុំភ្នំតូចធំ ខ្យល់អាកាសល្អបរិសុទ្ធ បានក្លាយជាជម្រើសលំហែរកាយដ៏ទាក់ទាញរបស់អ្នកទេសចរ បើទោះបីស្ថិតក្នុងអំឡុងពេលជំងឺកូវីដ១៩ កំពុងរាតត្បាតយ៉ាងណាក្ដី ។នៅថ្ងៃទី២៤ កញ្ញានេះ ក្រុងសែនមនោរម្យ ចាប់ផ្ដើមមានអ្នកដំណើរជាច្រើនចូលមកដល់ និងបានធ្វើឲ្យខេត្តមណ្ឌលគិរី មានភាពអ៊ូអរមួយកម្រិតផងដែរ ។ប្រធានមន្ទីរទេសចរណ៍ខេត្តមណ្ឌលគិរី លោក ងិន សុវិមាន បានឲ្យដឹងដែរថា មួយរយៈចុងក្រោយនេះ មណ្ឌលគិរីនៅតែជាគោលដៅកម្សាន្តមួយយ៉ាងល្អរបស់អ្នកទេសចរ និងមានភ្ញៀវមកលេងច្រើនបើធៀបក្នុងអំឡុងពេលកូវីដ១៩នេះ ដោយក្នុងមួយសប្ដាហ៍អាចមានភ្ញៀវជាង១០០០នាក់ មកលេងកម្សាន្តជាប្រចាំ ។លោកបានបន្តថា សម្រាប់រមណីយដ្ឋានទេសចរណ៍នានា ថ្នាក់ដឹកនាំមិនទាន់មានគោលការណ៍ឲ្យបើកដំណើរនោះទេ ប៉ុន្តែមន្ត្រីជំនាញបានធ្វើការចុះទៅវាយតម្លៃលើអាជីវកម្មទេសចរណ៍ផ្សេងៗក្នុងខេត្ត ដូចជាភោជនីយដ្ឋាន ផ្ទះសំណាក់ សណ្ឋាគារ អំពីបញ្ហាអនាម័យនិងការអនុវត្តវិធានការសុខាភិបាល បង្កាការពារជំងឺកូវីដ១៩ ហើយសង្កេតឃើញថា អាជីវកម្មទាំងអស់បានអនុវត្តល្អប្រសើររហូត៨០%ទៅ៩០% ។លោក ងិន សុវិមាន បញ្ជាក់ថា ទោះស្ថិតក្នុងបរិបទនេះ តែវិស័យទេសចរណ៍នៅតែអភិវឌ្ឍន៍ទៅមុខរហូត ដោយគិតត្រឹមពេលនេះ មានការសាង់សងផ្ទះសំណាក់ សណ្ឋាគារ រីសត បន្ថែម រហូតដល់ជាង១៥០០បន្ទប់ហើយ ដើម្បីត្រៀមទទួលអ្នកទេសចរនៅពេល ប្រទេសកម្ពុជា បើកដំណើរការវិស័យនានាជាធម្មតាវិញ ។លោក ទូច រស្មី ប្រធានមន្ទីរធម្មការ និងសាសនាខេត្តមណ្ឌលគិរី បានបញ្ជាក់ថា នៅព្រឹកនេះលោកបានជូនដំណឹងទៅគ្រប់វត្តអារាម ឲ្យមានការផ្អាកពិធីបុណ្យកាន់បិណ្ឌ តាមសេចក្ដីសម្រេចរបស់រាជរដ្ឋាភិបាល ហើយព្រឹកនេះដែរ ឯកឧត្ដមអភិបាលខេត្តមណ្ឌលគិរី ក៏បានមានប្រសាសន៍ឲ្យតាមវត្តអារាម ទទួលតែទេយ្យទានរបស់ពុទ្ធបរិស័ទ និងត្រូវមានមនុស្សតិចបំផុត មិនឲ្យជួបជុំធំដាច់ខាត ៕អត្ថបទ ៖ អ៊ិត ភីរុណ

ប្រមុខរាជរដ្ឋាភិបាលបញ្ជាក់ថា ចិនសន្យានាំចូលផលិតផលកសិកម្មកម្ពុជាកាន់តែច្រើនទៅទីផ្សាររបស់ខ្លួន

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានបញ្ជាក់ថា រដ្ឋាភិបាលចិន សន្យាបង្កើនការនាំចូលបន្ថែមទៀតនូវផលិតផលកសិកម្មពីប្រទេសកម្ពុជាចូលទៅទីផ្សាររបស់ខ្លួន ដើម្បីជួយដល់កសិករកម្ពុជា។សម្ដេចតេជោ ហ៊ុន សែន បានបញ្ជាក់បែបនេះនៅលើទំព័រហ្វេសប៊ុកផ្លូវការរបស់សម្ដេច បន្ទាប់ពីជំនួបពិភាក្សាជាមួយរដ្ឋមន្ត្រីការបរទេសចិន លោក វ៉ាង យី នៅវិមានសន្តិភាពនៅព្រឹកថ្ងៃនេះ។ទំព័រហ្វេសប៊ុកសម្ដេចតេជោ ហ៊ុន សែន រៀបរាប់ថា៖ «ជាមួយនេះផងដែរ ឯកឧត្ដម វ៉ាង យី ទីប្រឹក្សារដ្ឋ និងជារដ្ឋមន្ត្រីក្រសួងការបរទេសចិន បានអះអាងប្រាប់សម្ដេចតេជោថា ចិននឹងនាំចូលផលិតផលកសិកម្មកម្ពុជា ទៅកាន់ទីផ្សារចិនឱ្យបានកាន់តែច្រើន ដើម្បីប្រយោជន៍សម្រាប់កសិករខ្មែរ»។សម្ដេចតេជោ ហ៊ុន សែន បានបញ្ជាក់ទៀតថា កម្ពុជានឹងទទួលបានអត្ថប្រយោជន៍ពីទីផ្សាររបស់ចិន បន្ទាប់ពីប្រទេសទាំងពីរសម្រេចកិច្ចព្រមព្រៀងពាណិជ្ជកម្មកម្ពុជា-ចិននាពេលខាងមុខនេះ ខណៈដែលចិនកំពុងបើកទូលាយទីផ្សាររបស់ខ្លួនផងដែរ។ទំហំពាណិជ្ជកម្មកម្ពុជា-ចិន បានកើនឡើងដល់ ៨ពាន់លានដុល្លារកាលពីឆ្នាំ២០២០កន្លងមក ហើយប្រទេសទាំងពីរប្ដេជ្ញាបង្កើនទំនាក់ទំនងពាណិជ្ជកម្មទ្វេភាគីឱ្យកើនដល់ ១០ពាន់លានដុល្លារនៅឆ្នាំ២០២៣ខាងមុខ៕

អាជីវករលក់ជ្រូកកណ្ដុរថា ទីផ្សារបញ្ជាទិញមានការធ្លាក់ចុះនៅអំឡុងពេលកូវីដ១៩ រាលដាលខ្លាំង

មណ្ឌលគិរី ៖ ជ្រូកកណ្ដុរដែលគេស្គាល់ថា ជាពូជជ្រូករបស់ជនជាតិដើមភាគតិចចិញ្ចឹម កំពុងទទួលបានការពេញនិយមយកទៅទទួលទានជាខ្លាំង ខណៈដែលខេត្តមណ្ឌលគិរី បានទាក់ទាញអ្នកឲ្យទេសចរមកកម្សាន្តច្រើន ហើយពួកគាត់ បានសាកនូវរសជាតិជ្រូកកណ្ដុរ ដែលធ្វើឲ្យជាប់ចិត្តមានការបញ្ជាទិញទៅរាជធានីភ្នំពេញជារៀងរាល់ថ្ងៃ ។ទោះជាយ៉ាងនេះក្ដី បន្ទាប់ពីជំងឺកូវីដ១៩ បានផ្ទុះរាលដាលខ្លាំង ក្នុងនោះខេត្តមណ្ឌលគិរី ក៏បានរងទទួលនូវផលប៉ះពាល់នេះ ដែលធ្វើឲ្យជ្រូកកណ្ដុរដែលពេញនិយម និងល្បីថា ឈ្ងុយឆ្ងាញ់ខ្លាំងនោះ មិនសូវមានអ្នកបញ្ជាច្រើនដូចមុននោះទេ ប៉ុន្តែមិនមែនបាត់បង់ទីផ្សារទាំងស្រុងដែរ ដោយនៅតែមានការបញ្ជាទិញជ្រូកប្រភេទនេះ ពីរាជធានីភ្នំពេញចន្លោះ ពី០៤ទៅ០៥ក្បាល ក្នុងមួយថ្ងៃ ។លោក ចាន់ ម៉ារី ជាអាជីវករលក់ និងទទួលខ្វៃជ្រូកនៅក្រុងសែនមនោរម្យ បានឲ្យដឹងថា បច្ចុប្បន្នជ្រូកកណ្ដុរអាច លក់ចេញក្នុង១ថ្ងៃ ចន្លោះ០២ក្បាល០៤ទៅក្បាល ដោយកាលពីមុនអាចលក់បាន០៨ក្បាលទៅ១០ក្បាលឯណោះ ភាគច្រើនអ្នកភ្នំពេញបញ្ជាទិញ ទីផ្សារក្នុងខេត្តមានតិចតួចជាង ។ លោកបន្ដថា ឥឡូវនេះមានជ្រូកមួយប្រភេទទៀតគឺពេញនិយមជាងជ្រូកកណ្ដុរទៅទៀត នោះគឺជ្រូកព្រៃកាត់ជ្រូកកណ្ដុរ ដោយវាមានទំហំខ្លួនធំជាងបន្តិច និងមានសាច់ច្រើនជាង ។លោកបន្តថា បើគិតតែជ្រូកកណ្ដុរ និងជ្រូកព្រៃកាត់កណ្ដុរ នៅផ្ទះលោកមានប្រមាណ៤០ក្បាល ហើយចំពោះតម្លៃវិញគឺមួយក្បាលតម្លៃ៥០ម៉ឺនរៀល ទៅ៧០ម៉ឺនរៀល តាមធំ ឬតូច ដោយនេះជតម្លៃខ្វៃរួច ។លោក ចាន់ ម៉ារី បន្ថែមថា លោកកំពុងពង្រីកការចិញ្ចឹមជូ្រកប្រភេទកម្រទាំងនោះបន្ថែមទៀត ដើម្បីផ្គត់ផ្គង់ទីផ្សារ ហើយសព្វថ្ងៃក្រៅពីជ្រូកពូជទាំងនេះ មានសត្វគោជនជាតិ ដែលហៅថាគោកណ្ដុរដែរនោះ ក៏កំពុងមានទីផ្សារល្អ ប្រភេទ គោនេះ មិនសូវធំប៉ុន្មានទេ ហើយពេញនិយមណាស់ សម្រាប់ប្រជាពលរដ្ឋនៅខេត្តមណ្ឌលគិរី ទិញយកទៅពិសារក្នុងពិធី ជប់លាងផ្សេងៗ ។ សម្រាប់ប្រធានមន្ទីរកសិកម្មរុក្ខាប្រមាញ់ និងនេសាទខេត្តមណ្ឌលគិរី លោក សុង ឃាង បានថ្លែងថា ជ្រូកកណ្ដុរ ឬជ្រូក ព្រៃកាត់ជ្រូកកណ្ដុរនេះ កំពុងមានការពេញនិយមណាស់ដោយអ្នកទេសចរចូលចិត្តទិញយកទៅពិសារ ប៉ុន្តែខេត្តមណ្ឌលគិរី មិនទាន់មានការចិញ្ចឹមខ្នាតជាកសិដ្ឋាននៅឡើយទេ មានត្រឹមលក្ខណៈគ្រួសារ ប្រហែល១០គ្រួសារ ក្នុង០១គ្រួសារចិញ្ចឹម ចន្លោះ២០ទៅ៣០ក្បាល ៕អ៊ិត ភីរុណ

ច្បាប់វិនិយោគថ្មី និងតុលាការពាណិជ្ជកម្មជាចលករយ៉ាងសំខាន់ ក្នុងការផ្តល់ទំនុកចិត្តដល់វិនិយោគិន

ភ្នំពេញ ៖ សេចក្តីព្រាងច្បាប់ស្តីពីវិនិយោគថ្មី គ្រោងនឹងដាក់ជូនកិច្ចប្រជុំពេញអង្គគណៈរដ្ឋមន្ត្រី ពិនិត្យ និងពិភាក្សា នៅថ្ងៃទី៩ខែកក្កដា ខាងមុខនេះ ខណៈដែលតុលាការពាណិជ្ជកម្ម ក៏គ្រោងនឹងដាក់ឲ្យដំណើរការនៅចុងឆ្នាំ ២០២១ ឬដើមឆ្នាំ ២០២២។ ផ្នែកទាំងពីរនេះ គឺជាចលករយ៉ាងសំខាន់ ក្នុងការទាក់ទាញ និងផ្តល់ទំនុកចិត្តដល់វិនិយោគិន។លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា ថ្លែងប្រាប់ភ្នាក់ងារអ្នកយកព័ត៌មាន BTV ស្តីពីច្បាប់វិនិយោគថ្មី និងប្រព័ន្ធតុលាពាណិជ្ជកម្មកម្ពុជា នៅថ្ងៃទី៥ ខែកក្កដា ឆ្នាំ២០២១នេះថា ការតាក់តែងឡើងថ្មីនេះ របស់រាជរដ្ឋាភិបាល គឺឱ្យមានភាពទាក់ទាញ និង ស្ថានភាពជាក់ស្តែងរបស់វិនិយោគិន និងសេដ្ឋកិច្ចកម្ពុជា ដោយមានភាពបើកចំហ មានតម្លាភាព។សេចក្តីព្រាងច្បាប់ថ្មីនេះ បានផ្តល់ការលើកទឹកចិត្តឱ្យចំទិសដៅ នឹងជំរុញដល់ការអភិវឌ្ឍក្នុងវិស័យ និងសកម្មភាពវិនិយោគ និងមានតម្លៃបន្ថែមច្រើន,ការបង្កើតការងារ និងបណ្តុះបណ្តាលជំនាញ ការជំរុញការសិក្សាស្រាវជ្រាវ ការអភិវឌ្ឍ និងនវានុវត្តន៍, ការលើកស្ទួយពិពិធកម្មសហគ្រាសធុនតូច និងមធ្យម និងបង្កើនតំណភ្ជាប់កម្ពុជាទៅកាន់ខ្សែច្រវាក់ផលិតកម្ម ក៏ដូចជាខ្សែច្រវាក់តម្លៃនៅក្នុងតំបន់ និងលើសកលលោក ។លោកឧកញ៉ា សង្ឃឹមថា ច្បាប់វិនិយោគថ្មីនេះ នឹងដាក់ឲ្យប្រើប្រាស់ក្នុងពេលឆាប់ៗ ខណៈដែលតុលាការពាណិជ្ជកម្ម ក៏គ្រោងនឹងដាក់ឲ្យដំណើរការនៅចុងឆ្នាំ ២០២១ ឬដើមឆ្នាំ ២០២២ ដែលផ្នែកទាំងពីរនេះ គឺជាចលករយ៉ាងសំខាន់ក្នុងការឆក់ស្រូប នឹងផ្តល់ក្តីទំនុកចិត្តដល់វិនិយោគិន។ជុំវិញច្បាប់វិនិយោគថ្មីនេះដែរ, នាសប្ដាហ៍កន្លងមក គណៈកម្មាធិការគោលនយោបាយសេដ្ឋកិច្ច និងហិរញ្ញវត្ថុ បានពិនិត្យ និងពិភាក្សាលើសេចក្តីព្រាងច្បាប់ ស្តីពីវិនិយោគនៃព្រះរាជាណាចក្រម្ពុជា ក្នុងនោះចំពោះចំណុចពិសេសនៃច្បាប់នេះគឺជាបើកទូលាយ និងលើកទឹកចិត្តដល់វិនិយោគិនជាច្រើនដូចជា ៖ ការលើកទឹកចិត្តមូលដ្ឋាន, ត្រូវបានបែងចែកបន្ថែមជា២ជម្រើសផ្សេងគ្នារួមមាន ៖ ការផ្តោតសំខាន់ទៅលើការលើកលែងពន្ធលើប្រាក់ចំណូល សម្រាប់រយៈពេលចាប់ពី ៣ឆ្នាំ រហូតដល់ ៩ ឆ្នាំ ទៅតាមវិស័យ និងសកម្មភាពវិនិយោគ គិតចាប់ពីពេលដែលទទួលបានប្រាក់ចំណូលលើកដំបូង រួមទាំងការលើកទឹកចិត្តផ្សេងទៀត ។ ចំណែកឯជម្រើសទី២ គឺផ្តោតសំខាន់ទៅលើការទទួលបានសិទ្ធិកាត់កងចំណាយមូលធន តាមរយៈការរំលស់ពិសេស និងសិទ្ធិកាន់កងរហូតដល់ ២០០% លើចំណាយសំខាន់ៗផ្សេងទៀត សម្រាប់រយៈពេលរហូតដល់ ៩ ឆ្នាំ រួមទាំងការលើកទឹកចិត្តផ្សេងទៀត ។ចំពោះការលើកទឹកចិត្តបន្ថែម, ច្បាប់វិនិយោគថ្មីនេះ នឹងផ្តល់លោកទឹកចិត្តដល់វិនិយោគិនបន្ថែមដូចជា៖ ការលើកលែងពន្ធគយ, អាករពិសេស និងអាករលើតម្លៃបន្ថែម ទៅលើសម្ភារសាងសង់, បរិក្ខារសំណង់ និងសម្ភារបរិក្ខារផលិតកម្មរបស់ខ្លួន ទៅតាមប្រភេទគម្រោងវិនិយោគនីមួយៗ ។ លើសពីនេះ, សេចក្តីព្រាងច្បាប់បានផ្តល់នូវការកាត់កងចំណាយក្នុងអត្រា ១៥០% ទៅលើចំណាយពាក់ព័ន្ធទៅនឹងការស្រាវជ្រាវ, ការផ្តល់ការបណ្តុះបណ្តាល និងការចំណាយទៅលើមធ្យោបាយដឹកជញ្ជូន, ការផ្តល់កន្លែងស្នាក់នៅ, អាហារដ្ឋាន និងទារកដ្ឋាន ដើម្បីជំរុញការស្រាវជ្រាវ និងការបណ្តុះបណ្តាលកម្លាំងពលកម្មដែលមានជំនាញខ្ពស់ ក៏ដូចជាការបង្កើននូវសុខុមាលភាពរស់នៅ និងជីវភាពរបស់កម្មករ និយោជិត៕ អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

ស្ថានទូតឥណ្ឌូនេស៊ី រំពឹងថា ពិធីបុណ្យផ្សាររាត្រី នឹងទាក់ទាញភ្ញៀវទេសចរកាន់តែច្រើន ឱ្យចូលរួមទស្សនាផ្លូវថ្មើរជើងចតុមុខ

សកម្មជនមកពីគណបក្សប្រឆាំងចំនួន៧០នាក់ ស្រុកស្អាង ខេត្តកណ្តាល ចូលរួមជីវភាពនយោបាយជាមួយគណបក្សប្រជាជនកម្ពុជា

ការងារជោគជ័យអាស្រ័យមន្រ្តីមាន «សុខភាពល្អ»

ឯកឧត្តម ចាយ បូរិន អញ្ជើញចុះសួរសុខទុក្ខនិងនាំយកអំណោយដ៏ថ្លៃថ្លារបស់ សម្តេចមហាបរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនឯកឧត្តម កង ណម នៅគេហដ្ឋាន

ឯកឧត្តម ហ៊ុន ម៉ានី៖“សុខទុក្ខមន្ត្រី គឺជាស្នូលនៃការអនុវត្តការងារកែទម្រង់រដ្ឋបាលសាធារណៈ ស្របតាមចក្ខុវិស័យរបស់ សម្តេចមហាបវរធិបតីនាយករដ្ឋមន្ត្រី”

ការនាំចេញប្រេងឆៅ និងផលិតផលប្រេងរបស់សហរដ្ឋអាមេរិកបានឈានដល់កម្រិតខ្ពស់បំផុតមិនធ្លាប់មាន

អ៊ីរ៉ង់និយាយថាខ្លួន បានត្រៀមរួចរាល់ហើយដើម្បីទប់ទល់នឹងការគំរាមកំហែងគ្រប់បែបយ៉ាង

មនុស្ស១៤ នាក់បានស្លាប់ក្នុងការបំផ្ទុះគ្រាប់បែកនៅភាគនិរតីរបស់ប្រទេសកូឡុំប៊ី

អតីតសកម្មជនបក្សប្រឆាំងជាច្រើននាក់ទៀត នៅស្រុកត្រាំកក់ សម្រេចចូលរួមជីវភាពនយោបាយ ជាមួយគណប្រជាជនកម្ពុជា

អាជ្ញាធរខេត្តប៉ៃលិន បន្តចុះត្រួតពិនិត្យជនបរទេសដែលលួចចូលមករស់នៅខុសច្បាប់ ក្នុងខេត្ត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សេដ្ឋកិច្ច និង កសិកម្ម

ផ្សារទំនើបសិនជូរី ផ្លាហ្សា គ្រោងនឹងបើកដំណើរការមុនពិធីបុណ្យចូលឆ្នាំខ្មែរឆ្នាំ២០២២

ក្រុមហ៊ុននាំចេញផ្លែចេក កំពុងសម្លឹងមើលទីផ្សារថ្មីៗ នៅប្រទេសអ្នកមានប៉ែកអឺរ៉ុប

៥ឆ្នាំកម្ពុជាខាតជាង ១០០លានដុល្លារ លើដំណាំស្រូវ ដោយសារបញ្ហាគ្រោះរាំងស្ងួត

ភ្ញៀវទេសចរខេត្តកំពត ចាប់ផ្តើមកម្រើកបន្តិចហើយ ក្រោយពេលស្ថានភាពកូវីដ១៩ល្អប្រសើរ

ខេត្តមណ្ឌលគិរីនៅតែជាជម្រើសសម្រាកលំហែរកាយរបស់អ្នកទេសចរក្នុងរដូវកាលភ្ជុំបិណ្ឌ

ប្រមុខរាជរដ្ឋាភិបាលបញ្ជាក់ថា ចិនសន្យានាំចូលផលិតផលកសិកម្មកម្ពុជាកាន់តែច្រើនទៅទីផ្សាររបស់ខ្លួន

អាជីវករលក់ជ្រូកកណ្ដុរថា ទីផ្សារបញ្ជាទិញមានការធ្លាក់ចុះនៅអំឡុងពេលកូវីដ១៩ រាលដាលខ្លាំង

ច្បាប់វិនិយោគថ្មី និងតុលាការពាណិជ្ជកម្មជាចលករយ៉ាងសំខាន់ ក្នុងការផ្តល់ទំនុកចិត្តដល់វិនិយោគិន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សេដ្ឋកិច្ច និង កសិកម្ម

ផ្សារ​ទំនើប​សិនជូរី​ ផ្លាហ្សា​ គ្រោង​នឹង​បើក​ដំណើរ​ការមុន​ពិធី​បុណ្យ​ចូល​ឆ្នាំ​ខ្មែរ​ឆ្នាំ​២០២២​

ក្រុមហ៊ុននាំ​ចេញផ្លែចេក កំពុងសម្លឹងមើលទីផ្សារថ្មីៗ នៅប្រទេសអ្នកមានប៉ែកអឺរ៉ុប

៥ឆ្នាំកម្ពុជាខាតជាង ១០០លានដុល្លារ លើដំណាំស្រូវ ដោយសារបញ្ហាគ្រោះរាំងស្ងួត

ភ្ញៀវទេសចរខេត្តកំពត ចាប់ផ្តើមកម្រើកបន្តិចហើយ ក្រោយពេលស្ថានភាពកូវីដ១៩ល្អប្រសើរ

ខេត្តមណ្ឌលគិរីនៅតែជាជម្រើសសម្រាកលំហែរកាយរបស់អ្នកទេសចរក្នុងរដូវកាលភ្ជុំបិណ្ឌ

អាជីវករលក់ជ្រូកកណ្ដុរថា ទីផ្សារបញ្ជាទិញមានការធ្លាក់ចុះនៅអំឡុងពេលកូវីដ១៩ រាលដាលខ្លាំង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ផ្សារទំនើបសិនជូរី ផ្លាហ្សា គ្រោងនឹងបើកដំណើរការមុនពិធីបុណ្យចូលឆ្នាំខ្មែរឆ្នាំ២០២២

ក្រុមហ៊ុននាំចេញផ្លែចេក កំពុងសម្លឹងមើលទីផ្សារថ្មីៗ នៅប្រទេសអ្នកមានប៉ែកអឺរ៉ុប