BTV NEWS

រោងចក្រ វិរៈ ប៊ុនថាំ ជីកសិកម្ម មានសមត្ថភាពផលិតបានប្រមាណ ២០០តោន ក្នុងមួយថ្ងៃសម្ពោធដាក់ឱ្យដំណើរការជាផ្លូវការ

រយៈពេល៣ខែដំបូង ការដោះដូរពាណិជ្ជកម្មកម្ពុជា-វៀតណាម សម្រេចបាន ៣,៤៤ ពាន់លានដុល្លារកើនឡើង ៤,៣%

ក្នុងត្រីមាសទី១ កម្ពុជានាំចេញសំបកកង់ឡាន និងគ្រឿងបន្លាស់ផ្សេងៗមានទឹកប្រាក់ជាង ៥៨០ លានដុល្លារ

ថ្លៃលក់រាយប្រេងឥន្ធនៈតាមស្ថានីយចាប់ថ្ងៃទី២៤ មេសានេះ សាំងឡើងបន្ដិច ខណៈម៉ាស៊ូតបន្តធ្លាក់ចុះ

សេដ្ឋកិច្ច និង កសិកម្ម

កំណើនទិន្នផលវារីវប្បកម្មកើនជិត២០០ភាគរយ ក្នុងរយៈពេល៥ឆ្នាំចុងក្រោយ

ភ្នំពេញ ៖ កំណើនទិន្នផលវារីវប្បកម្មនៅកម្ពុជា បានកើន១៩៧ភាគរយ ក្នុងរយៈពេល៥ឆ្នាំចុងក្រោយនេះ គឺចាប់ពីឆ្នាំ២០១៥ ដល់ឆ្នាំ២០២០។ ការកើនឡើងនៃទិន្នផលវារីវប្បកម្ម ឬត្រីចិញ្ចឹមនេះ គឺដោយសារ ការជួយឧបត្ថម្ភគាំទ្រពីសំណាក់រាជរដ្ឋាភិបាលកម្ពុជាទាំងបច្ចេកទេស។ឯកឧត្តម វេង សាខុន រដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទ មានប្រសាសន៍ថា កំណើនឡើងជាលំដាប់នៃទិន្នផលវារីវប្បកម្មនេះ ដោយសារតែមានការចាប់អារម្មណ៍ និងចូលរួមយ៉ាងសកម្មពីសំណាក់ក្រសួងពាក់ព័ន្ធ និងបងប្អូនវារីវប្បករកម្ពុជាយើង គួបផ្សំនឹងការជួយឧបត្ថម្ភគាំទ្រពីសំណាក់រាជរដ្ឋាភិបាលកម្ពុជា ទាំងបច្ចេកទេស និងទុនជាប្រាក់កម្ចី និងថវិកាពីដៃគូអភិវឌ្ឍន៍អន្តរជាតិនានាផងដែរ ចំពោះសកម្មភាពអភិវឌ្ឍន៍វារីវប្បកម្មនៅកម្ពុជា។បើទោះបីកម្ពុជាជួបបញ្ហាប្រឈមមួយចំនួនដែលនៅសេសសល់ទាក់ទងទៅនឹងការធ្វើវារីវប្បកម្ម និងបញ្ហាទីផ្សារយ៉ាងណាក៏ដោយ ក៏ការធ្វើវារីវប្បកម្មនៅកម្ពុជាក្នុងរយៈពេល៥ឆ្នាំចុងក្រោយនេះ (២០១៥-២០២០) បានប្រព្រឹត្តទៅ ទទួលបានវឌ្ឍនភាព ដោយមានសន្ទុះគួរឱ្យកត់សំគាល់ ដែលទិន្នផលវារីវប្បកម្មប្រមូលប្រចាំឆ្នាំ៖ ឆ្នាំ២០១៥ ទទួលបាន ១៤៣ ១៤១ តោន ឆ្នាំ២០១៦ ទទួលបាន ១៧២ ៥០០ តោន ,២០១៧ ទទួលបាន ២០៧ ៤៤៣ តោន ,២០១៨ ទទួលបាន ២៥៤ ០៤៨ តោន ,២០១៩ ទទួលបាន ៣០៧ ៤០៨ តោន មានកំណើនទិន្នផលវារីវប្បកម្មប្រចាំឆ្នាំជាមធ្យម ២០,៦% ចាប់ពីឆ្នាំ២០១៥-២០១៩ និង នៅឆ្នាំ២០២០ កើនឡើងដល់ ៤០០ ៤០០ តោន មានកំណើន ៣០% ធៀបទៅនឹងឆ្នាំ២០១៩។ឯកឧត្តម វេង សាខុន បញ្ជាក់ថា ការធ្វើវារីវប្បកម្មនាពេលបច្ចុប្បន្នគឺស្ថិតនៅរាយប៉ាយ ខ្វះទុន ខ្វះប្រភពទឹកការចិញ្ចឹមមិនបានដាក់ចេញនូវការចិញ្ចឹមជាលក្ខណៈបណ្តាក់តគ្នាបានល្អនោះទេ ហើយការប្រមូលផលជួបការលំបាក ត្រូវប្រើពេលយូរចេញពីខេត្តមួយទៅខេត្តមួយ ដែលត្រូវការពេលវេលាច្រើន ដើម្បីប្រមូលធ្វើការផ្គត់ផ្គង់ទីផ្សារ និងការដឹកជញ្ជូនមកកាន់ទីផ្សារចែកចាយ។ នៅមានបញ្ហាប្រឈមជាច្រើនទៀតដែលបាននិងកំពុងពិនិត្យ និងដោះស្រាយជាលក្ខណៈអន្តរក្រសួងជាបណ្តើរៗ ក្នុងនេះមានក្រសួង និងស្ថាប័ន។ទោះយ៉ាងណា ក្រសួងកសិកម្ម រុក្ខាប្រមាញ់ និងនេសាទ បានរៀបចំនូវវិធានការគោលនយោបាយជំរុញវារីវប្បកម្មឆ្នាំ២០២១-២០២៣ ក្នុងគោលបំណងបង្កើនផលិតភាពវារីវប្បកម្មឱ្យមានការប្រកួតប្រជែង បរិយាប័ន្ន និងនិរន្តរភាព៕អត្ថបទ៖ វណ្ណៈ

CamGAP បានកំពុងចូលរួមលើកកម្ពស់កសិផល សម្រាប់បម្រើទីផ្សារនាំចេញ

ភ្នំពេញ ៖ ការអនុវត្តកសិកម្មល្អកម្ពុជា CamGAP បានកំពុងចូលរួមលើកកម្ពស់គុណភាព និងសុវត្ថិភាពចំណីអាហារនៅក្នុងស្រុក ថែមទាំងបានកំពុងចូលរួមយ៉ាងសកម្មក្នុងការលើកកម្ពស់ការនាំចេញកសិផលទៅកាន់ទីផ្សារអន្តរជាតិ ក្នុងនោះការចុះបញ្ជី CamGAP បានក្លាយជាយន្តការបច្ចេកទេសដ៏សំខាន់ ដើម្បីធានានូវការគោរពប្រតិបត្តិបានយ៉ាងខ្ជាប់ខ្ជួន ត្រឹមត្រូវច្បាស់លាស់ តាមនិយាមសុវត្ថិភាពចំណីអាហារ ។ឯកឧត្តម វេង សាខុន រដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទ បានលើកឡើងលើផេកហ្វេសប៊ុកជាផ្លូវការរបស់ឯកឧត្តម ស្តីពីប្រព័ន្ធ QR Code ភ្ជាប់ជាមួយស្លាកសញ្ញាសម្គាល់ការអនុវត្តកសិកម្មល្អកម្ពុជា (CamGAP) នៅថ្ងៃទី ២១ ខែមិថុនា ឆ្នាំ២០២១ នេះថា ដោយសារប្រទេសជាតិមានសុខសន្តិភាព កំណើនប្រជាជន ព្រមគ្នានឹងកំណើនសេដ្ឋកិច្ចក្នុងរយៈពេលកន្លងមក ធ្វើឲ្យកម្រិតជីវភាពរបស់ប្រជាពលរដ្ឋកាន់តែល្អប្រសើរ ដែលជាហេតុឈានទៅធ្វើការកែប្រែទម្លាប់នៃការបរិភោគបន្លែ ផ្លែឈើ ត្រី សាច់ ដោយផ្តោតភ្ជង់ជាសំខាន់លើគុណភាព និងសុវត្ថិភាពជាចម្បង ស្របពេលដែលប្រមុខរាជរដ្ឋាភិបាលបានអំពាវនាវ ឱ្យប្រជាពលរដ្ឋខិតខំធ្វើការដាំដុះ ជំរុញការផលិតរួមមានការចិញ្ចឹមជ្រូក មាន់ ទា ត្រី និងដាំបន្លែ ដើម្បីផ្គត់ផ្គង់ឲ្យតម្រូវការក្នុងស្រុក ។ពាក់ព័ន្ធ CamGAP ត្រូវបានក្រុមការងារជំនាញអាស៊ានវាយតម្លៃថា បានអនុលោមពេញលេញតាមវិធាននៃការអនុវត្តកសិកម្មល្អអាស៊ាន ដែលជាស្តង់ដារស្ម័គ្រចិត្តមួយ ត្រូវបានសហគមន៍សេដ្ឋកិច្ចអាស៊ាន អនុម័តឱ្យប្រើប្រាស់ដើម្បីលើកកម្ពស់គុណភាព សុវត្ថិភាព និងភាពប្រកួតប្រជែងនៃផលិតផលកសិកម្ម។ បច្ចុប្បន្ននេះ ការជំរុញការអនុវត្ត CamGAP មិនត្រឹមតែបាននិងកំពុងចូលរួមលើកកម្ពស់គុណភាព និងសុវត្ថិភាពចំណីអាហារ នៅក្នុងស្រុកប៉ុណ្ណោះទេ គឺថែមទាំងបាននិងកំពុងចូលរួមយ៉ាងសកម្ម ក្នុងការលើកកម្ពស់ការនាំចេញកសិផលទៅកាន់ទីផ្សារអន្តរជាតិផងដែរ។ ដោយឡែកការចុះបញ្ជីវិញ, ការចុះបញ្ជីកសិដ្ឋានអនុវត្តតាម CamGAP បានក្លាយជាយន្តការបច្ចេកទេសដ៏សំខាន់មួយដើម្បីធានាឲ្យបាននូវការគោរពប្រតិបត្តិបានយ៉ាងខ្ជាប់ខ្ជួន ត្រឹមត្រូវ ច្បាស់លាស់ តាមនិយាមសុវត្ថិភាពចំណីអាហារ ចំពោះប្រទេសនាំចូលកសិផលសំខាន់ៗរបស់កម្ពុជា។ ជាក់ស្តែងសម្រាប់ផលិតកម្មស្វាយ និងចេកអំបូងលឿង ការជំរុញ និងលើកទឹកចិត្តឲ្យក្រុមហ៊ុនឯកជន សហគមន៍ និងម្ចាស់ចម្ការ ចុះបញ្ជីកសិដ្ឋានអនុវត្តតាម CamGAP សំខាន់គឺជួយឲ្យការចរចាររវាងក្រសួងកសិកម្ម រុក្ខាប្រមាញ់និងនេសាទជាមួយភាគីចិន និងភាគីកូរ៉េ អំពីលក្ខខណ្ឌតម្រូវភូតគាមអនាម័យ។ ចំណែកការប្រើប្រាស់ប្រព័ន្ធ QR Code នឹងអាចជួយធ្វើឲ្យអ្នកប្រើប្រាស់កំណត់បាននូវផលិតផល ដែលទទួលបានការពិនិត្យ និងបញ្ជាក់ត្រឹមត្រូវ ការក្លែងបន្លំរូបសញ្ញា ព្រមទាំងផ្តល់នូវសុក្រឹតភាព តម្លាភាព និងបង្កើនភាពជឿជាក់លើផលិតផល ដែលមានបិទរូបសញ្ញាជាតិ CamGAP ។ម្យ៉ាងវិញទៀត តាមរយៈប្រព័ន្ធ QR Code នេះអ្នកបរិភោគ អាចដឹងពីប្រភពកសិផលច្បាស់លាស់ កសិករដាំដុះ និងទីតាំងចម្ការជាដើម។សូមបញ្ជាក់បន្ថែមថា កសិផលចេញពីចំការ ឬពីកសិដ្ឋានដែលទទួលបានការចុះបញ្ជីជាចំការ ឬកសិដ្ឋានការអនុវត្តតាម CamGAP គឺមានស្លាកសញ្ញា CamGAP និង QR code បិទលើផលិតផលនោះ៕អត្ថបទ៖ សុន រ៉ាឌី

កូកា-កូឡា «ចូលរួមបែងចែកសំរាមទាំងអស់គ្នា ដោយការចាប់ផ្តើមពីអ្នក»

កំពត ៖ ក្រុមហ៊ុនភេសជ្ជៈកម្ពុជា កូកា-កូឡា ប្រគល់ធុងបែងចែកសំរាមប្លាស្ទិកដល់រដ្ឋបាលខេត្តកំពត និងខេត្តកែប តាមរយៈក្រសួងបរិស្ថាន ដើម្បីគាំទ្រ និងបំផុសសកម្មភាពគ្រប់គ្រងសំរាមប្លាស្ទិក។ពិធីប្រគល់-ទទួល បានធ្វើឡើងក្រោមវត្តមានឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថាន ឯកឧត្តម ជាវ តាយ អភិបាលខេត្តកំពត និងលោក អូត ចាន់ឌី នាយកផ្នែកធនធានមនុស្សប្រចាំប្រទេសរបស់ក្រុមហ៊ុនភេសជ្ជៈកម្ពុជា កូកា-កូឡា កាលពីរសៀលថ្ងៃទី១៧ ខែមិថុនា ឆ្នាំ២០២១។ គម្រោង «រួមគ្នាដើម្បីបរិស្ថានស្អាត» នេះផ្តោតសំខាន់ទៅលើការអប់រំ ការបំផុសស្មារតី និងការអនុវត្តការគ្រប់គ្រង់សំរាមប្លាស្ទិក ដោយចាប់ផ្តើមពីការបញ្ជ្រាបចំណេះដឹងស្តីពីការគ្រប់គ្រងសំរាម រហូតដល់ការដាក់ធុងសំរាមតាមទីសាធារណៈចំនួន១៦ កន្លែង នៅក្នុងខេត្តកំពត និងខេត្តកែប។ក្នុងនាមក្រសួងបរិស្ថានឯកឧត្តម នេត្រ ភក្ត្រាសូមថ្លែងអំណរគុណដល់ក្រុមហ៊ុនកូកា-កូឡាដែលតែងតែចូលរួមជាមួយក្រសួងបរិស្ថាននិងអាជ្ញាធរដែនដីក្នុងការសម្អាតអនាម័យបរិស្ថានតាមរយៈការផ្តល់ធុងសំរាម និងសកម្មភាពផ្សេងទៀតដែលមានមេត្រីភាពបរិស្ថាន។ នេះគឺជាការចូលរួមទទួលខុសត្រូវរបស់ក្រុមហ៊ុនកូកា-កូឡាលើវិស័យ បរិស្ថាន។ ឯកឧត្តមរដ្ឋលេខាធិការបានចាត់ទុកទ្រុងដាក់សំរាមដែលផ្ដល់ដោយក្រុមហ៊ុននាពេលនេះគឺជាដៃគូសហការមួយយ៉ាងសំខាន់ជាមួយរដ្ឋបាលខេត្តកំពត ក្នុងការប្រមូល និងគ្រប់គ្រងសំរាមសំណល់រឹងក្នុងទីក្រុងកំពតឲ្យបានកាន់តែល្អប្រសើរឡើងថែមទៀត។ជាមួយគ្នានោះដែរ លោក អូត ចាន់ឌី បានលើកឡើងថា ការនាំយកធុងបែងចែកសំរាមជូនដល់រដ្ឋបាលខេត្តកំពត និងខេត្តកែបនាថ្ងៃនេះ គឺជាផ្នែកមួយនៃគំនិតផ្តួចផ្តើមជាសាកលដែលក្រុមហ៊ុន កូកា-កូឡាបាននិងកំពុងអនុវត្ត។ ប្រសិនបើគ្មានការចូលរួមអនុវត្តពីប្រជាពលរដ្ឋ ការផ្តល់ធុងតែមួយមុខមិនគ្រប់គ្រាន់ទេ ក្នុងការសម្រេចឱ្យបាននូវការបែងចែកសំរាមប្រកបដោយប្រសិទ្ធភាព។ ដូចនេះក្រុមហ៊ុនសូមលើកទឹកចិត្តឱ្យបងប្អូនទាំងអស់ ចូលរួមបែងចែកសំរាមទាំងអស់គ្នា ដោយការចាប់ផ្តើមពី អ្នក! »៕ អត្ថបទ៖ រដ្ឋា

តម្រូវការសាច់ជ្រូកនៅលើទីផ្សារខេត្តកំពតធ្លាក់ចុះ ខណៈការឆ្លងជំងឺកូវីដ-១៩កើនឡើង

កំពត ៖ មន្ត្រីជំនាញ បានលើកឡើង ថាតម្រូវការសាច់នៅលើទីផ្សារខេត្តកំពត មានការធ្លាក់ចុះដោយសារពេលរដ្ឋមិនសូវហានចូលផ្សារ ព្រោះខ្លាចឆ្លងជំងឺកូវីដ-១៩។ បើតាមអាជីវករលក់សាច់ជ្រូកថា ការលក់សាច់ជ្រូកបច្ចុប្បន្នធ្លាក់ចុះ ប្រមាណ៣ ភាគរយ ធៀបនឹងការលក់កាលពីមុនផ្ទុះកូវីដ-១៩ ។ប្រធានការិយាល័យ ផលិតកម្ម និងបសុព្យាបាលខេត្តកំពត លោក ម៉េង សន្តិភាព បានប្រាប់ឲ្យដឹងថា ចាប់ពីមានការផ្ទុះកូវីដ-១៩ ចំនួនអ្នកឆ្លងនៅកាស៊ីណូ បានកើនឡើង តម្រូវការសាច់នៅលើទីផ្សារខេត្តកំពត បានថយចុះច្រើន ជាពិសេសសាច់ជ្រូក ដោយសារការភ័យខ្លាចកូវីដ-១៩ , អាជីវករខ្លះបិទតូប ហើយប្រជាពលរដ្ឋមួយចំនួនបានចូលរួមអនុវត្តវិធានការ ៣ការពារ និង៣កុំ ភាគច្រើនមិនហ៊ានចូលផ្សារធំៗ ដែលមានមនុស្សច្រើនអ៊ូអរនោះទេ។លោក បានបន្តទៀតថា ជាធម្មតា តម្រូវការសាច់នៅលើទីផ្សារខេត្តកំពតប្រើប្រាស់ សរុបប្រមាណ ២៧០តោនក្នុងមួយខែ។ ប៉ុន្តែសម្រាប់ខែនេះ ទោះមិនទានបានបូកទិន្នន័យរួចរាល់ ក៏អាចវាយតម្លៃដឹងមុនថា មានការថយចុះច្រើន ដោយសារតម្រូវការសាច់ជ្រូកបានថយចុះខ្លាំង។អាជីវករលក់សាច់ជ្រូកនៅផ្សារជុំក្រៀល ឃុំជុំក្រៀល ស្រុកទឹកឈូ បានប្រាប់ឲ្យដឹងថា ការផ្ទុះជំងឺកូវីដ-១៩ ប៉ុន្មានសប្តាហ៍ចុងក្រោយនេះ ធ្វើឲ្យផ្សារស្ងប់ស្ងាត់ណាស់ ពីមុនលក់អស់សាច់ជ្រូកពីរក្នុងមួយថ្ងៃ តែឥឡូវសាច់ជ្រូកមួយចំហៀងលក់មិនអស់ ហើយតម្លៃក៏ចុះថោកជាងមុនដែរ។យ៉ាងណាក៏ដោយ ស្ថិតនៅក្នុងបរិបទកូវីដ-១៩នេះ ក្រសួងកសិកមុ្ម ពិសេសប្រធានមន្ទីរកសិកម្មខេត្តកំពត បានជំរុញមន្ត្រីជំនាញ ឲ្យចុះទៅជួយលើកទឹកចិត្ត និងផ្តល់លក្ខណៈបច្ចេកទេស ដល់កសិករ និងម្ចាស់កសិដ្ឋានចិញ្ចឹមសត្វឲ្យបានច្រើន ពិសេសតាមដានទប់ស្កាត់ជំងឺឆ្លង ពង្រឹងការត្រួតពិនិត្យអនាម័យសត្វ និងសាច់នៅតាមសត្តឃាតដ្ឋាន និងទីផ្សារនានាទូទាំងខេត្ត៕អត្ថបទ ៖ អន សារឹម

រាជរដ្ឋាភិបាលប្រកាសអនុវត្ត ក្របខណ្ឌគោលនយោបាយសេដ្ឋកិច្ច និង សង្គមឌីជីថលកម្ពុជា ២០២១-២០៣៥

ភ្នំពេញ ៖ រាជរដ្ឋាភិបាលកម្ពុជា បានប្រកាសដាក់អនុវត្តជាផ្លូវការ នៃ “ក្របខណ្ឌគោលនយោបាយសេដ្ឋ-កិច្ច និង សង្គមឌីជីថលកម្ពុជា ២០២១-២០៣៥” ដែលកំណត់យកវិស័យឌីជីថល ជាម៉ូដែលកំណើនសេដ្ឋកិច្ចថ្មី ដែលមានភាពឆ្លើយតប និង ភាពធន់ខ្ពស់ទៅនឹងការផ្លាស់ប្ដូរនិម្មាបនកម្មសេដ្ឋកិច្ច និង ពាណិជ្ជកម្មអន្តរជាតិនាពេលអនាគតផង ជាពិសេសការស្ដារឡើងវិញនូវសេដ្ឋកិច្ចក្រោយវិបត្តិជំងឺកូវីដ-១៩។យោងតាមសេចក្តីប្រកាសរបស់ឧត្តមក្រុមប្រឹក្សាសេដ្ឋកិច្ចជាតិចេញផ្សាយនៅថ្ងៃទី១៧ ខែមិថុនា “ក្របខណ្ឌគោលនយោបាយសេដ្ឋកិច្ច និង សង្គមឌីជីថលកម្ពុជា ២០២១-២០៣៥” ត្រូវបានរៀបចំ ស្របតាមតម្រូវការជាក់-ស្ដែង សក្តានុពល ធនធាន និង សមត្ថភាព ទាំងនៅក្នុងវិស័យសាធារណៈ និង ទាំងនៅក្នុងវិស័យឯកជន ដើម្បីធ្វើ-ការតម្រង់ទិសការអភិវឌ្ឍ និង ដំណើរនៃបរិវត្តកម្មឌីជីថលនៅកម្ពុជា ដោយឈរលើមូលដ្ឋានគ្រឹះដ៏រឹងមាំនៃសុខសន្តិភាពពេញលេញ បូរណភាពទឹកដី សាមគ្គីភាពជាតិ និង ស្ថិរភាពនយោបាយ ក៏ដូចជា ការអភិវឌ្ឍសេដ្ឋកិច្ច និង សង្គម ដែលកម្ពុជាសម្រេចបានជាងបីទសវត្សរ៍កន្លងទៅ។តាមរយៈក្របខណ្ឌគោលនយោបាយនេះ កម្ពុជាកំណត់យកចក្ខុវិស័យ “កសាងសេដ្ឋកិច្ច និង សង្គមឌីជីថលរស់រវើក តាមរយៈការរៀបចំមូលដ្ឋានគ្រឹះជំរុញការទទួលយក និង បរិវត្តកម្មឌីជីថលនៅក្នុងគ្រប់តួអង្គសង្គម ទាំងរដ្ឋ ទាំងពលរដ្ឋ និង ទាំងធុរជន ដើម្បីជំរុញសម្ទុះកំណើនសេដ្ឋកិច្ចថ្មី និង លើកកម្ពស់សុខុមាលភាពសង្គម តាមគន្លងប្រក្រតីភាពថ្មី” ក្នុងគោលបំណងកសាងសេដ្ឋ-កិច្ចឌីជីថលឱ្យក្លាយជាចន្ទល់កំណើនសេដ្ឋកិច្ចថ្មីផង និង ជាប្រព័ន្ធអេកូឡូស៊ីរួមចំណែកបង្កើនផលិតភាព និង ប្រសិទ្ធភាពសេដ្ឋកិច្ច និង លើកកម្ពស់សុខុមាលភាពរបស់ប្រជាពលរដ្ឋនៃសង្គមឌីជីថលកម្ពុជាផង ។ដើម្បីសម្រេចនូវចក្ខុវិស័យ និង គោលបំណងនេះ, ក្របខណ្ឌគោលនយោបាយនេះកំណត់យកគោលដៅចម្បងៗ ដែលជាគ្រឹះ និង សសរស្ដម្ភ នៃការកសាងសេដ្ឋកិច្ច និង សង្គមឌីជីថលកម្ពុជា ដោយក្នុងនោះ គ្រឹះចំនួន ២ រួមមាន៖ (១). ការអភិវឌ្ឍហេដ្ឋារចនាសម្ព័ន្ធ, និង (២). ការកសាងទំនុកចិត្តនិងភាពជឿជាក់លើប្រព័ន្ធឌីជីថល និង សសរស្ដម្ភចំនួន ៣ រួមមាន៖ (១). ការកសាងពលរដ្ឋឌីជីថល, (២). ការកសាងរដ្ឋាភិបាលឌីជីថល និង (៣). ការជំរុញធុរកិច្ចឌីជីថល ក្នុងរយៈពេល ១៥ ឆ្នាំ ចាប់ផ្ដើមពីឆ្នាំ ២០២១ ដល់ឆ្នាំ ២០៣៥ ។យ៉ាងណាមិញ ភាពជោគជ័យនៃក្របខណ្ឌគោលនយោបាយនេះ នឹងសម្រេចបានដោយទាមទារនូវកិច្ចសហប្រតិបត្តិការ និង ការសម្របសម្រួលរវាងក្រសួង-ស្ថាប័នទទួលបន្ទុកអនុវត្ត ក្នុងស្មារតីម្ចាស់ការ សាមគ្គី-ភាពរឹងមាំ និង ការទទួលខុសត្រូវខ្ពស់ ដោយមានការចូលរួមយ៉ាងសកម្មពីភាគីពាក់ព័ន្ធ ដែលរួមមាន វិស័យឯកជន និង ប្រជាពលរដ្ឋទាំងអស់ ។ ជាមួយគ្នានេះ កម្ពុជាក៏នឹងទាញយកផលប្រយោជន៍បន្ថែមពីការចូលរួមក្នុងកិច្ចសហ-ប្រតិបត្តិការភាពជាដៃគូយុទ្ធសាស្ត្រ ក៏ដូចជាគំនិតផ្ដួចផ្ដើមឌីជីថលអន្តរជាតិ ស្ដីពីសេដ្ឋកិច្ច, សង្គម, ធុរកិច្ច, ហិរញ្ញ-វត្ថុ, ការសិក្សាស្រាវជ្រាវ, និង ការប្រើប្រាស់ ព្រមទាំងការអភិវឌ្ឍបច្ចេកវិទ្យា និង សន្តិសុខតាមប្រព័ន្ធអ៊ីនធឺណិត ក្នុងក្របខណ្ឌទ្វេភាគី និង ពហុភាគី ទាំងក្នុងកម្រិតអនុតំបន់ តំបន់ និង សកល៕អត្ថបទ ៖ វណ្ណៈ

រដ្ឋមន្ត្រីក្រសួងឧស្សាហកម្ម ស្នើប្រទេសសមាជិកអាស៊ាន រៀបចំគម្រោងដើម្បីប្រយុទ្ធប្រឆាំងជំងឺកូវីដ-១៩

ភ្នំពេញ ៖ រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ស្នើសុំឱ្យប្រទេសជាសមាជិកអាស៊ានទាំងអស់ និងលេខាធិការដ្ឋានអាស៊ាន ធ្វើការពិចារណាឱ្យបានគ្រប់ជ្រុងជ្រោយ ប្រកបដោយបរិយាបន្ន និងសមធម៌ ក្នុងការរៀបចំនូវគម្រោងសម្រាប់តំបន់ ដើម្បីប្រយុទ្ធប្រឆាំងនៃរោគរាតត្បាតនៃជំងឺកូវីដ-១៩។ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ លើកឡើងនៅក្នុងកិច្ចប្រជុំក្រៅផ្លូវការលើកទី១១ រដ្ឋមន្ត្រីអាស៊ាន ផ្នែកវិទ្យាសាស្ត្រ បច្ចេកវិទ្យា និងនវានុវត្តន៍ (វ.ប.ន) នៅថ្ងៃទី ១៧ ខែមិថុនា ឆ្នាំ២០២១ នេះថា ជុំវិញស្ថានភាពនៃការរីករាលដាលជំងឺកូវីដ-១៩ នេះ បច្ចុប្បន្នកម្ពុជាកំពុងប្រឈមមុខ នឹងការរីករាលនៃជំងឺកូវីដ-១៩ ក្នុងកម្រិតមួយគួរឱ្យបារម្ភ ដែលបញ្ហានេះសុំឱ្យប្រទេសជាសមាជិកអាស៊ានទាំងអស់ និងលេខាធិការដ្ឋានអាស៊ាន ធ្វើការពិចារណាឱ្យបានគ្រប់ជ្រុងជ្រោយ ប្រកបដោយបរិយាបន្ន និងសមធម៌ ក្នុងការរៀបចំនូវគម្រោងសម្រាប់តំបន់។ឯកឧត្តមកិត្តិសេដ្ឋាបណ្ឌិត ទេសរដ្ឋមន្ត្រី សង្ឃឹមថា ប្រទេសជាសមាជិកទាំងអស់ អាចចូលរួមរិះរកយន្តការបន្ថែមប្រកបដោយប្រសិទ្ធភាព សម្រាប់ការប្រយុទ្ធប្រឆាំង នឹងជំងឺដ៏កាចសាហាវមួយនេះ។ឯកឧត្តម Anek Laothamatas រដ្ឋមន្ត្រីអាស៊ាន ផ្នែកវិទ្យាសាស្ត្រ បច្ចេកវិទ្យា និងនវានុវត្តន៍ (វ.ប.ន) បានផ្លាស់ប្តូរទស្សនៈលើផលប៉ះពាល់ដ៏ធ្ងន់ធ្ងរនៃជំងឺកូវីដ-១៩ និងបានបញ្ជាក់អំពីសារៈសំខាន់នៃកិច្ចសហការក្នុងតំបន់ និងតួនាទីដ៏សំខាន់របស់ វ.ប.ន. ក្នុងការស្តារឡើងវិញនូវសេដ្ឋកិច្ច ។ ដើម្បីបង្កើននូវភាពប្រកួតប្រជែងរបស់អាស៊ាន ក្នុងដំណាក់កាលក្រោយកូវីដ-១៩ និងបានឯកភាពលើការកសាងនូវផែនការតំបន់មួយ សម្រាប់ប្រព័ន្ធអេកូឡូស៊ីអាស៊ានផ្នែក វ.ប.ន នេះផងដែរ ។ជុំវិញផែនការសកម្មភាព, រដ្ឋមន្ត្រីអាស៊ាន ផ្នែកវិទ្យាសាស្ត្រ បច្ចេកវិទ្យា និងនវានុវត្តន៍ (វ.ប.ន.) ក៏បានឯកភាពកំណត់អាទិភាពសម្រាប់ឆ្នាំ ២០២១ លើវិស័យ វ.ប.ន. មួយចំនួនដូចដូចជា ៖ អនុម័តគម្រោងយ៉ាងតិចពីរ សម្រាប់កសាងសមត្ថភាពអាស៊ានក្នុងការប្រឆាំងកូវីដ-១៩, អនុវត្តវគ្គសិក្សារយៈពេលខ្លីលើ High Performance Computing, បង្កើតមជ្ឈមណ្ឌលគ្រប់គ្រងបច្ចេកវិទ្យា និងការអនុវត្តគម្រោងយ៉ាងតិចពីរ ដែលឆ្លើយតបនឹងគោលដៅអភិវឌ្ឍន៍ដោយចីរភាព៕អត្ថបទ៖ សុន រ៉ាឌី

កំណើនសេដ្ឋកិច្ចកម្ពុជា រំពឹងងើបឡើងវិញក្នុងអត្រាវិជ្ជមានក្នុងឆ្នាំ២០២១

ភ្នំពេញ ៖ កំណើនសេដ្ឋកិច្ចកម្ពុជា នៅក្នុងឆ្នាំ២០២១ រំពឹងថា មានសន្ទុះក្នុងអត្រាវិជ្ជមានឡើងវិញ ដោយគាំទ្រដោយវិស័យដែលជាជន្ទល់សេដ្ឋកិច្ចមួយចំនួន បានកំពុងមានសន្ទុះឡើងជាបណ្តើរៗ។ ទោះបីស្ថិតនៅក្នុងការប៉ះពាល់ដោយសាររោគរាតត្បាតជំងឺកូវីដ-១៩ នេះក៏ដោយ ការពន្លឿនកម្មវិធីចាក់វ៉ាក់សាំងដល់ប្រជាពលរដ្ឋបង្កើនទំនុកចិត្តទីផ្សារ។ឯកឧត្តម មាស សុខសេនសាន្ត អ្នកនាំពាក្យ និងជាអនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ បានថ្លែងប្រាប់ភ្នាក់ងារអ្នកយកព័ត៌មានBTV ស្តីពីស្ថានភាពសេដ្ឋកិច្ចកម្ពុជាឆ្នាំ២០២១ នេះថា តាមការព្យាករណ៍របស់រាជរដ្ឋាភិបាល ចាប់តាំងពីដើមឆ្នាំ២០២១នេះមក បានបង្ហាញថា សេដ្ឋកិច្ចកម្ពុជា នឹងងើបឡើងវិញក្នុងកំណើនវិជ្ជមាន គឺនៅក្នុងរង្វង់ ៣,៥ ភាគរយ ទៅ ៤ ភាគរយ គឺប្រហាក់ប្រហែលការព្យាករណ៍របស់ធនាគារពិភពលោក។ឯកឧត្តម បញ្ជាក់ថា កំណើនសេដ្ឋកិច្ច ឆ្នាំ២០២១ នេះ ទ្រទ្រង់ដោយវិស័យ និងអនុវិស័យសំខាន់ៗមួយចំនួនដូចជា៖ វិស័យកសិកម្ម, អនុវិស័យកម្មន្តសាល, អនុវិស័យដឹកជញ្ជូន និងគមនាគមន៍ ដែលបានបង្ហាញនូវក្នុងអត្រាវិជ្ជមាន ក្នុងនោះយើងនៅមានវិស័យដែលជួយទ្រទ្រង់បន្ថែមមួយចំនួនទៀតដូចជា ៖ វិស័យលក់ដុំលក់រាយ, អនុវិស័យអចលនទ្រព្យ និងអនុវិស័យកាត់ដេរ ដែលអាចមានកំណើនថមថយបន្តិច ខុសនឹងការរំពឹងទុក។លោកបណ្ឌិត គី សេរីវឌ្ឍន៍ អ្នកស្រាវជ្រាវសេដ្ឋកិច្ច នៃរាជបណ្ឌិត្យសភាកម្ពុជា យល់ឃើញថា កំណើនសេដ្ឋកិច្ចកម្ពុជា ឆ្នាំ២០២១ គឺទាក់ទងនឹងយុទ្ធនាការចាក់វ៉ាក់សាំងកូវីដ-១៩។ ប្រសិនការចាក់វ៉ាក់សាំងបង្ការរបស់រាជរដ្ឋាភិបាល អនុវត្តបានកាន់តែលឿន សង្ឃឹមថា សន្ទុះកំណើនសេដ្ឋកិច្ច អាចនឹងងើបឡើងតាមការរំពឹងទុក ហើយនឹងអាចបន្តងើបដល់ ៦ ភាគរយ នៅឆ្នាំ ២០២២ ខាងមុខផងដែរ ។សូមបញ្ជាក់ថា នៅថ្ងៃព្រហស្បតិ៍ ធនាគារពិភពលោក ព្យាករណ៍ថា សេដ្ឋកិច្ចកម្ពុជា នឹងទទួលបានកំណើនជិត ៤ ភាគរយ ក្នុងឆ្នាំ ២០២១ ដោយសារការរំពឹងទុកនៃការងើបឡើងវិញបន្តិចម្តងៗនៃសេដ្ឋកិច្ចរួមមាន ៖ ផ្នែកឧស្សាហកម្មផលិត, អាចងើបឡើងវិញជាបណ្តើរៗ ខណៈដែលអាជីវកម្មបោះដុំនិងលក់រាយបានកំពុងប្រឹងងើបឡើងវិញក្នុងល្បឿនយឺត ។ដោយឡែកផ្នែកនានានៃវិស័យសេវាដូចជា ៖ ការស្នាក់នៅ, ភោជនីយដ្ឋាន និងផ្នែកដឹកជញ្ជូន នៅបន្តរងការប៉ះទង្គិចខ្លាំង ដោយសារការធ្លាក់ចុះនៃទេសចរណ៍ក្នុងស្រុក និងអន្តរជាតិ រីឯការវិនិយោគផ្ទាល់ពីបរទេស នៅតែបន្តហូរចូល ព្រមទាំងជួយទ្រទ្រង់ដល់វិស័យក្រៅប្រទេសផងដែរ, តែទោះយ៉ាងណាការងើបឡើងវិញនេះ ស្ថិតនៅក្នុងសភាពផុយស្រួយ ខណៈវិធានការបិទខ្ទប់នៅតែបន្តអនុវត្ត ដើម្បីទប់ស្កាត់ការរាលដាលនៃការឆ្លងវីរុសកូវីដ-១៩៕អត្ថបទ ៖ សុន រ៉ាឌី

សហជីពវិស័យកាត់ដេរ រិះគន់រោងចក្រមួយចំនួនអនុវត្តវិធានការសុខាភិបាលនៅមានកម្រិត

ភ្នំពេញ ៖ មេសហជីពក្នុងវិស័យកាត់ដេរនៅកម្ពុជា បានលើកឡើងថា ក្នុងវិបត្តិការរីករាលដាលនៃជំងឺកូវីដ-១៩ ការយកចិត្តទុកដាក់របស់និយោជក ថៅកែរោងចក្រមួយចំនួន ទៅកាន់កម្មករនិយោជិតនៅមានកម្រិត ខណៈដែលរដ្ឋាភិបាលកម្ពុជាបានខិតខំប្រឹងប្រែងណាស់ក្នុងការទប់ស្កាត់។លោក ប៉ាវ ស៊ីណា ប្រធានសហភាពចលនាកម្មករកម្ពុជា នៅព្រឹកថ្ងៃទី១៨ មិថុនា ឆ្នាំ២០២១នេះ បានគាំទ្រ និងសាទរចំពោះ ការយកចិត្តទុកដាក់ពីសំណាក់រដ្ឋាភិបាលក្នុងការប្រយុទ្ធប្រឆាំងនិងទប់ស្កាត់ជំងឺកូវីដ-១៩ ។ ប៉ុន្តែ លោកមើលឃើញថា ភាគីរោងចក្រខ្លះក៏មានការយកចិត្តទុកដាក់ និងខ្លះទៀតមិនសូវជាយកចិត្តទុកដាក់ ជាពិសេសមិនសូវបានអនុវត្តទៅតាមវិធានការសុខាភិបាល។លើកឡើងក្នុងកម្មវិធីសន្និសីទអន្តរជាតិខាងការងារលើកទី១០៩ កាលពីពេលកន្លងទៅ ឯកឧត្តមបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានមានប្រសាសន៍ថា រដ្ឋាភិបាលកម្ពុជា នៅតែបន្តកិច្ចខិតខំប្រឹងប្រែងនិងយកចិត្តទុកដាក់ខ្ពស់លើកការលើកកម្ពស់លក្ខខណ្ឌការងារ និងលក្ខខណ្ឌសុខភាពនិងសុវត្ថិភាពការងារ, ការពារសិទ្ធិសេរីភាពអង្គការវិជ្ជាជីវៈ, ថែរក្សានូវសុខដុមនីយកម្មក្នុងទំនាក់ទំនងវិជ្ជាជីវៈ, និងផ្តល់កិច្ចគាំពារសង្គមជូនដល់កម្មករនិយោជិតក្នុងស្រុក រួមទាំងផ្តល់កិច្ចការពារជាពិសេសចំពោះពលករទេសន្តរ-ប្រវេសន៍កម្ពុជា ដោយសហការយ៉ាងជិតស្និទជាមួយភាគីពាក់ព័ន្ធថ្នាក់ជាតិនិងកម្រិតតំបន់ ស្របតាមគោលនយោបាយរបស់រាជរដ្ឋាភិបាល, ច្បាប់និងបទប្បញ្ញត្តិជាតិជាធរមាន និងអនុសញ្ញាអន្តរជាតិខាងការងារដែលកម្ពុជាបានផ្តល់សច្ចាប័ន៕អត្ថបទ ៖ ឈិត បូរ៉ាវី

ប្រជាកសិករនៅស្រុកសេសាន បានងាកដាំដំណាំទុរេនសម្រេចបានជោគជ័យ

ស្ទឹងត្រែង ៖ សមាជិកក្រុមបណ្តុំកសិករនៅស្រុកសេសាន ខេត្តស្ទឹងត្រែង ព្យាយាមដាំដំណាំឈើហូបផ្លែសម្រេចបានជោគជ័យ ធ្វើឱ្យខេត្តស្ទឹងត្រែង មានចំណាត់ថ្នាក់និងកេរ្តិ៍ឈ្មោះថា ជាខេត្តមានផលិតផលទុរេនផ្អែម មិនចាញ់បណ្តាខេត្តនានា នៅក្នុងប្រទេសកម្ពុជាយើងឡើយ ។ក្នុងឱកាសចុះសិក្សាពីភាពជោគជ័យទៅលើការដាំដំណាំឈើហូបផ្លែរបស់កសិករនៅឃុំកំភុន ស្រុកសេសាន ខេត្តស្ទឹងត្រែង កាលពីថ្ងៃទី១៦មិថុនា ម្សិលមិញ លោក សុវណ្ណ ពិសេដ្ឋ អភិបាលស្រុក បានបញ្ជាក់ថា ភាពជោគជ័យនេះ ចាត់ទុកជាសមិទ្ធផលថ្មីមួយទៀតដែលកសិករយើងខិតខំធ្វើបានសម្រេចក្នុងវិស័យកសិកម្ម ព្រោះដំណាំទុរេនខេត្តស្ទឹងត្រែង មិនធ្លាប់មានឡើយ ។លោកបន្តថា ដើម្បីលើកទឹកចិត្តកសិករគំរូ អាជ្ញាធរស្រុកជំរុញឲ្យប្រជាកសិករផ្សេងៗទៀតឱ្យមកសិក្សាយកបច្ចេកទេស ដើម្បីទៅអនុវត្តដាំដុះទទួលផលបានជោគជ័យ ។សម្រាប់លោក ឃិន សុខា ម្ចាស់ចំការទុរេននៅឃុំកំភុន បានគាំទ្រនៅផែនការរបស់អាជ្ញាធរស្រុក ព្រោះបច្ចុប្បន្ន កសិករភាគច្រើន បានផ្លាស់ប្តូរមុខរបស់ខ្លួន ពីការពឹងផ្អែកលើផលអនុផលព្រៃឈើ និងធ្វើនេសាទ មកដាំដំណាំផ្សេងៗពីគ្នា។លោក បន្តថា កត្តាជោគជ័យលើការដាំដំណាំគឺភាពឧស្សាព្យាយាម-ការថែទាំ-និងមានការគាំទ្រពីស្ថាប័នជំនាញ ជួយផ្នែកបច្ចេកទេស ទើបផលដំណាំផលិតបានមានទីផ្សារល្អ (សំឡេង) យើងចង់បានមន្ត្រីជំនាញគាត់ជួយថែមទៀតលើបទពិសោធន៍ ដើម្បីឱ្យទុរេនខេត្តស្ទឹងត្រែង បាននាំចេញចូលទៅខេត្តផ្សេងៗទៀត ជាពិសេសនាំចូលទៅទីក្រុងភ្នំពេញឱ្យច្រើន។លោក ទំ នីរ៉ូ ប្រធានមន្ទីរកសិកម្មរុក្ខាប្រមាញ់ និងនេសាទខេត្ត បានទទួលយកការស្នើឡើងនេះ ព្រោះនៅចំពោះមុខផែនការរបស់មន្ទីរ នៅពេលដែលប្រជាកសិករផលិតផលបានផលិតផលច្រើនមុខមន្ត្រីជំនាញ និងជំរុញផ្នែកដាំដុះបន្ថែម ហើយរៀបចំឱ្យមានមន្ទីរពិសោធន៍ពិនិត្យគុណភាពទៅតាមបច្ចេកទេសស្របតាមស្ដង់ដារ ។លោក បន្តថា នៅពេលខាងមុខនេះ យើងមានមន្ទីរពិសោធន៍ យើងនឹងពិនិត្យមើលជាតិគីមីអីផ្សេងៗ ជួយពិនិត្យមើលដំណាំរបស់គាត់ ហើយបញ្ជាក់វិញ្ញាបនបត្រដំណាំសុវត្ថិភាពរបស់បងប្អូនប្រជាកសិករនៅខេត្តស្ទឹងត្រែង។សូមបញ្ជាក់ថា នេះជាលើកដំបូងហើយ ដែលខេត្តស្ទឹងត្រែង មានកសិករនៅឃុំកំភុន ស្រុកសេសានដាំដំណាំទុរេន ទទួលបានផ្លែផ្កាល្អ និងនាំយកមកលក់នៅលើទីផ្សារ និងគ្រោងនាំចេញទៅលក់នៅតាមបណ្តាខេត្តនានា និងរាជធានីភ្នំពេញផងដែរ៕អត្ថបទ ៖ មាស ផល្លា

អាជីវករបោះដុំបន្លែជាង៣០ភាគរយប៉ុណ្ណោះបន្តលក់នៅទីតាំងចាស់ក្រោយអាជ្ញាធរបើកផ្សាររដ្ឋឡើងវិញ

ភ្នំពេញ ៖ អាជ្ញាធរមូលដ្ឋាននៅតំបន់ផ្សារដើមគរ រាជធានីភ្នំពេញ បាននិយាយថា គិតចាប់ពីការអនុញ្ញាតឲ្យបើកដំណើរការលក់ឡើងវិញ ក្រោយពីផ្អាកមួយរយៈពេលដោយសារការរាលដាលឆ្លងជំងឺកូវីដ-១៩ មកដល់ពេលនេះ មានអាជីវករប្រមាណ៣០%ប៉ុណ្ណោះ ដែលបានបើកលក់ឡើងវិញ ខណៈអាជីវករខ្លះបានផ្លាស់ប្តូរទីតាំងលក់។អ្នកស្រី មុំ ណាន អ្នកចែកចាយបន្លែបោះដុំ បានប្រាប់ទូរទស្សន៍ព័ត៌មាន ប៊ីធីវី ថា ការបើកការលក់ដូរឡើងវិញនៅពេលនេះ មិនសូវដាច់ដូចមុននោះទេ តែយ៉ាងណាអ្នកស្រីអាចរកចំណូលបានខ្លះប្រសើរជាងពេលដែលអាជ្ញាធរបិទមិនឲ្យលក់ដោយសារបញ្ហាកូវីដ-១៩។ អ្នកស្រី បញ្ជាក់ថា មកដល់ពេលនេះ នៅមិនទាន់មានអាជីវករច្រើនបើកលក់បន្លែឡើងវិញដូចកាលពីមុនពេលបិទផ្សារនោះឡើយ។ក្រុមអាជីវករផ្សេងទៀត បានលើកឡើងស្រដៀងគ្នាថា ក្នុងអំឡុងបិទខ្ទប់ និងផ្អាកលក់មួយរយៈពេលកន្លងមក ធ្វើឲ្យពួកគាត់បាត់បង់ប្រាក់ចំណូលខ្លះ ហើយក្រោយបានត្រឡប់មកលក់នៅទីតាំងចាស់ឡើងវិញ ក៏មិនសូវដាច់ច្រើនដូចមុននោះដែរ ព្រោះថា ការលក់មិនមែនមានតែមួយកន្លែងនិងផ្តុំគ្នាដូចពីមុនទេ ហើយអ្នកទិញខ្លះក៏បានងាកទៅទិញនៅកន្លែងផ្សេងដែរ ដូចជា នៅរង្វង់មូលគួរស្រូវជាដើម ដែលអាជីវករមួយចំនួនធំបានរើទៅលក់នៅទីនោះជំនួសឲ្យទីតាំងចាស់។ តែយ៉ាងណា ក្រុមអាជីវករសប្បាយចិត្តដែលអាជ្ញាធរបើកឲ្យលក់ឡើងវិញ និងសន្យាគោរពនូវវិធានការអនាម័យ ដើម្បីទប់ស្កាត់កូវីដ-១៩។កាលពីថ្ងៃទី១៥ ខែមិថុនាកន្លងទៅនេះ អាជ្ញាធររាជធានីភ្នំពេញ បានអនុញ្ញាតឲ្យបើកដំណើរការគ្រប់អាជីវកម្ម ការលក់ដូរជាប្រក្រតីឡើងវិញ ក្នុងក្របខ័ណ្ឌផ្សាររដ្ឋទាំងអស់ នៅរាជធានីភ្នំពេញ និងតម្រូវឲ្យអនុវត្តតាមការណែនាំរបស់ក្រសួងសុខាភិបាល ជាពិសេសប្រកាន់ខ្ជាប់ជានិច្ចនូវវិធានការ ៣ការពារ និង៣កុំ របស់ប្រមុខរាជរដ្ឋាភិបាលកម្ពុជា៕អត្ថបទ៖ឈិត បូរ៉ាវី

បណ្ដាញសង្គម

ព័ត៌មានថ្មីៗ

ស្ថានទូតឥណ្ឌូនេស៊ី រំពឹងថា ពិធីបុណ្យផ្សាររាត្រី នឹងទាក់ទាញភ្ញៀវទេសចរកាន់តែច្រើន ឱ្យចូលរួមទស្សនាផ្លូវថ្មើរជើងចតុមុខ

សកម្មជនមកពីគណបក្សប្រឆាំងចំនួន៧០នាក់ ស្រុកស្អាង ខេត្តកណ្តាល ចូលរួមជីវភាពនយោបាយជាមួយគណបក្សប្រជាជនកម្ពុជា

ការងារជោគជ័យអាស្រ័យមន្រ្តីមាន «សុខភាពល្អ»

ឯកឧត្តម ចាយ បូរិន អញ្ជើញចុះសួរសុខទុក្ខនិងនាំយកអំណោយដ៏ថ្លៃថ្លារបស់ សម្តេចមហាបរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនឯកឧត្តម កង ណម នៅគេហដ្ឋាន

ឯកឧត្តម ហ៊ុន ម៉ានី៖“សុខទុក្ខមន្ត្រី គឺជាស្នូលនៃការអនុវត្តការងារកែទម្រង់រដ្ឋបាលសាធារណៈ ស្របតាមចក្ខុវិស័យរបស់ សម្តេចមហាបវរធិបតីនាយករដ្ឋមន្ត្រី”

ការនាំចេញប្រេងឆៅ និងផលិតផលប្រេងរបស់សហរដ្ឋអាមេរិកបានឈានដល់កម្រិតខ្ពស់បំផុតមិនធ្លាប់មាន

អ៊ីរ៉ង់និយាយថាខ្លួន បានត្រៀមរួចរាល់ហើយដើម្បីទប់ទល់នឹងការគំរាមកំហែងគ្រប់បែបយ៉ាង

មនុស្ស១៤ នាក់បានស្លាប់ក្នុងការបំផ្ទុះគ្រាប់បែកនៅភាគនិរតីរបស់ប្រទេសកូឡុំប៊ី

អតីតសកម្មជនបក្សប្រឆាំងជាច្រើននាក់ទៀត នៅស្រុកត្រាំកក់ សម្រេចចូលរួមជីវភាពនយោបាយ ជាមួយគណប្រជាជនកម្ពុជា

អាជ្ញាធរខេត្តប៉ៃលិន បន្តចុះត្រួតពិនិត្យជនបរទេសដែលលួចចូលមករស់នៅខុសច្បាប់ ក្នុងខេត្ត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សេដ្ឋកិច្ច និង កសិកម្ម

កំណើនទិន្នផលវារីវប្បកម្មកើនជិត២០០ភាគរយ ក្នុងរយៈពេល៥ឆ្នាំចុងក្រោយ

CamGAP បានកំពុងចូលរួមលើកកម្ពស់កសិផល សម្រាប់បម្រើទីផ្សារនាំចេញ

កូកា-កូឡា «ចូលរួមបែងចែកសំរាមទាំងអស់គ្នា ដោយការចាប់ផ្តើមពីអ្នក»

តម្រូវការសាច់ជ្រូកនៅលើទីផ្សារខេត្តកំពតធ្លាក់ចុះ ខណៈការឆ្លងជំងឺកូវីដ-១៩កើនឡើង

រាជរដ្ឋាភិបាលប្រកាសអនុវត្ត ក្របខណ្ឌគោលនយោបាយសេដ្ឋកិច្ច និង សង្គមឌីជីថលកម្ពុជា ២០២១-២០៣៥

រដ្ឋមន្ត្រីក្រសួងឧស្សាហកម្ម ស្នើប្រទេសសមាជិកអាស៊ាន រៀបចំគម្រោងដើម្បីប្រយុទ្ធប្រឆាំងជំងឺកូវីដ-១៩

កំណើនសេដ្ឋកិច្ចកម្ពុជា រំពឹងងើបឡើងវិញក្នុងអត្រាវិជ្ជមានក្នុងឆ្នាំ២០២១

សហជីពវិស័យកាត់ដេរ រិះគន់រោងចក្រមួយចំនួនអនុវត្តវិធានការសុខាភិបាលនៅមានកម្រិត

ប្រជាកសិករនៅស្រុកសេសាន បានងាកដាំដំណាំទុរេនសម្រេចបានជោគជ័យ

អាជីវករបោះដុំបន្លែជាង៣០ភាគរយប៉ុណ្ណោះបន្តលក់នៅទីតាំងចាស់ក្រោយអាជ្ញាធរបើកផ្សាររដ្ឋឡើងវិញ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សេដ្ឋកិច្ច និង កសិកម្ម

កំណើន​ទិន្នផល​វារីវប្បកម្មកើន​ជិត​២០០​ភាគរយ ក្នុង​រយៈពេល​៥​ឆ្នាំ​ចុងក្រោយ

CamGAP បាន​កំពុង​ចូលរួម​លើកកម្ពស់​កសិផល សម្រាប់​បម្រើ​ទីផ្សារ​នាំចេញ

កូកា-កូឡា «ចូលរួមបែងចែកសំរាមទាំងអស់គ្នា ដោយការចាប់ផ្តើមពីអ្នក»

តម្រូវការ​សាច់​ជ្រូក​នៅ​លើ​ទីផ្សារ​ខេត្តកំពត​ធ្លាក់ចុះ​ ខណៈ​ការឆ្លង​ជំងឺ​កូ​វីដ​-១៩​កើនឡើង

រាជរដ្ឋាភិបាល​ប្រកាស​អនុវត្ត ក្របខណ្ឌ​គោលនយោបាយ​សេដ្ឋកិច្ច និង សង្គម​ឌីជីថល​កម្ពុជា ២០២១-២០៣៥

កំណើន​សេដ្ឋកិច្ច​កម្ពុជា រំពឹង​ងើបឡើង​វិញ​ក្នុង​អត្រា​វិជ្ជមាន​ក្នុង​ឆ្នាំ​២០២១

សហជីព​វិស័យ​កាត់ដេរ រិះគន់​រោងចក្រ​មួយ​ចំនួន​អនុវត្ត​វិធានការ​សុខាភិបាល​នៅ​មានកម្រិត

ប្រជាកសិករ​នៅ​ស្រុក​សេសា​ន បាន​ងាក​ដាំ​ដំណាំ​ទុរេ​ន​សម្រេចបាន​ជោគជ័យ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កំណើនទិន្នផលវារីវប្បកម្មកើនជិត២០០ភាគរយ ក្នុងរយៈពេល៥ឆ្នាំចុងក្រោយ

CamGAP បានកំពុងចូលរួមលើកកម្ពស់កសិផល សម្រាប់បម្រើទីផ្សារនាំចេញ

តម្រូវការសាច់ជ្រូកនៅលើទីផ្សារខេត្តកំពតធ្លាក់ចុះ ខណៈការឆ្លងជំងឺកូវីដ-១៩កើនឡើង

រាជរដ្ឋាភិបាលប្រកាសអនុវត្ត ក្របខណ្ឌគោលនយោបាយសេដ្ឋកិច្ច និង សង្គមឌីជីថលកម្ពុជា ២០២១-២០៣៥

កំណើនសេដ្ឋកិច្ចកម្ពុជា រំពឹងងើបឡើងវិញក្នុងអត្រាវិជ្ជមានក្នុងឆ្នាំ២០២១

សហជីពវិស័យកាត់ដេរ រិះគន់រោងចក្រមួយចំនួនអនុវត្តវិធានការសុខាភិបាលនៅមានកម្រិត

ប្រជាកសិករនៅស្រុកសេសាន បានងាកដាំដំណាំទុរេនសម្រេចបានជោគជ័យ