BTV NEWS

រយៈពេល៣ខែឆ្នាំ២០២៦នេះ ទីផ្សារអាមេរិកស្រូបយកទំនិញកម្ពុជា មានទឹកប្រាក់ជាង ៣,៣ ពាន់លានដុល្លារ

ទំហំពាណិជ្ជកម្មអន្តរជាតិកម្ពុជាសម្រេចបានប្រមាណ ១៧ពាន់លានដុល្លារក្នុងត្រីមាសទី១

ADBព្យាករថា សេដ្ឋកិច្ចកម្ពុជានឹងកើនឡើង៤,៥% ក្នុងឆ្នាំ២០២៦ នាំមុខដោយវិស័យកម្មន្តសាល

រាជរដ្ឋាភិបាលប្រឹងប្រែងជំរុញឱ្យសហគ្រាសបង្កើនធាតុចូលក្នុងស្រុក ដើម្បីប្រកួតប្រជែងលើទីផ្សារពិភពលោក

សេដ្ឋកិច្ច និង កសិកម្ម

កម្ពុជាចូលរួមវេទិកាធុរកិច្ចអាស៊ីបូព៌ាឆ្នាំ២០២៣ នៅប្រទេសចិន

ភ្នំពេញ៖ ឯកឧត្តម បួន សារៈមុនី រដ្ឋលេខាធិការក្រសួងពាណិជ្ជកម្មកម្ពុជា បានអញ្ជើញចូលរួម “វេទិកាធុរកិច្ចអាស៊ីបូព៌ាឆ្នាំ២០២៣” ធ្វើឡើងក្រោមប្រធានបទ “ការប្រមូលផ្ដុំ និងការជម្រុញការងើបឡើងវិញនៃសេដ្ឋកិច្ចក្នុងតំបន់”។ វេទិកានេះ បានប្រព្រឹត្តទៅនៅទីក្រុងហៃគូ ខេត្តហៃណាន សាធារណរដ្ឋប្រជាមានិតចិន ដោយមានការអញ្ជើញចូលរួមរបស់ថ្នាក់ដឹកនាំពីបណ្ដាអង្គការអន្ដរជាតិ និងស្ថាប័នរាជរដ្ឋាភិបាលចំនួន ១៥ប្រទេស។ក្រសួងពាណិជ្ជកម្ម នៅថ្ងៃទី២០ ខែតុលានេះ បានលើកឡើងក្នុងបណ្តាញសង្គមហ្វេសប៊ុកថា វេទិកានេះបានផ្ដួចផ្ដើមឡើងដោយក្រុមប្រឹក្សាចិនសម្រាប់ការជម្រុញពាណិជ្ជកម្មអន្ដរជាតិ (China Council for the Promotion of International Trade ឬ CCPIT) និងគាំទ្រដោយក្រសួងការបរទេស និងក្រសួងពាណិជ្ជកម្មនៃសាធារណរដ្ឋប្រជាមានិតចិន គឺជាវេទិកានៃយន្ដការកិច្ចសហប្រតិបត្តិការសម្រាប់ការផ្លាស់ប្តូរសេដ្ឋកិច្ច និងពាណិជ្ជកម្មក្នុងចំណោមសហគមន៍ធុរកិច្ចក្នុងប្រទេសអាស៊ីបូព៌ា។ វេទិកានេះ ផ្ដល់នូវការអនុវត្ដកិច្ចសហប្រតិបត្តិការ ការផ្លាស់ប្តូរទម្រង់នៃការអភិវឌ្ឍសេដ្ឋកិច្ច និងបទពិសោធន៍ ការពិភាក្សាអំពីនិន្នាការនៃការអភិវឌ្ឍសេដ្ឋកិច្ចក្នុងតំបន់ ការសម្របសម្រួលកិច្ចសហប្រតិបត្តិការពាណិជ្ជកម្ម ការវិនិយោគ ការជំរុញសមាហរណកម្មសេដ្ឋកិច្ចរវាងរដ្ឋាភិបាល និងសមាគមអាជីវកម្មរបស់ប្រទេសក្នុងតំបន់ ដែលរួមមានប្រទេសក្នុងតំបន់អាស៊ាន ប្រទេសចិន សាធារណរដ្ឋកូរ៉េ ប្រទេសជប៉ុន ប្រទេសឥណ្ឌា ប្រទេសអូស្ដ្រាលី និង ប្រទេសនូវែលហ្សែឡង់។ក្រសួងពាណិជ្ជកម្ម បានបញ្ជាក់ថា វេទិការនេះ ក្រៅពីការចូលរួមពីថ្នាក់ដឹកនាំពីបណ្ដាអង្គការអន្ដរជាតិ ស្ថាប័នរាជរដ្ឋាភិបាលចំនួន ១៥ប្រទេស ក៏មានសមាគមអាជីវកម្ម ស្ថានទូត និងអគ្គកុងស៊ុលនៅប្រទេសចិន ប្រធានសហគ្រាសបរទេស ក៏ដូចជាថ្នាក់ដឹកនាំរបស់ក្រុមប្រឹក្សាចិនសម្រាប់ការជម្រុញពាណិជ្ជកម្មអន្ដរជាតិ (CCPIT) អភិបាលខេត្ដហៃណាន អ្នកជំនាញក្នុងស្រុក អ្នកប្រាជ្ញក្នុងវិស័យពាក់ព័ន្ធ និងសហគ្រិនល្បីឈ្មោះដើម្បីបានចូលរួមផងដែរ ដោយបានពិភាក្សាទៅលើប្រធានបទចំនួន៣ខុសៗគ្នា មានដូចជា៖ ទី១. ស្ដីពី“ការកែទម្រង់ការបែងចែកខ្សែសង្វាក់ផ្គត់ផ្គង់ឧស្សាហកម្មនៃប្រព័ន្ធការងារ កិច្ចសហប្រតិបត្តិការ និងការធ្វើសមាហរណកម្មតំបន់ និងសេដ្ឋកិច្ចអោយកាន់តែស៊ីជម្រៅ”។ ទី២.ស្ដីពី “ការរួមគ្នាពង្រឹងនូវយុទ្ធសាស្រ្តអភិវឌ្ឍន៍ក្រោយការរាតត្បាត និងការធ្វើឱ្យសេដ្ឋកិច្ចក្នុងតំបន់មានភាពរស់រវើកឡើងវិញ” និងទី៣.ស្ដីពី “កិច្ចសហប្រតិបត្តិការហិរញ្ញវត្ថុរវាងកំពង់ផែពាណិជ្ជកម្មសេរីហៃណាន និង ប្រទេសក្នុងតំបន់អាស៊ាន”៕អត្ថបទដោយ ឈិត បូរ៉ាវី

ក្រុមហ៊ុនអាកាសចរណ៍ជាតិរបស់ប្រទេសយ៉េម៉ែន ចាប់ផ្តើមជើងហោះហើរឡើងវិញ ចេញពីអាកាសយានដ្ឋានសាណា

ក្រុមមន្ត្រីយ៉េម៉ែន បាននិយាយថា ក្រុមហ៊ុនអាកាសចរណ៍ជាតិរបស់ប្រទេសយ៉េម៉ែន បានចាប់ផ្តើមជើងហោះហើរពាណិជ្ជកម្មអន្តរជាតិពីអាកាសយានដ្ឋានSanaa ឡើងវិញកាលពីថ្ងៃអង្គារ បន្ទាប់ពីមានជម្លោះរវាងភាគីជម្លោះរបស់ប្រទេសជុំវិញការគ្រប់គ្រងមូលនិធិរបស់ក្រុមហ៊ុនអាកាសចរណ៍។ក្រុមហ៊ុនអាកាសចរណ៍ Yemenia Airways បានផ្អាកជើងហោះហើរពាណិជ្ជកម្មតែមួយគត់ពីរដ្ឋធានីយ៉េម៉ែនកាលពីខែមុន ដែលគ្រប់គ្រងដោយក្រុមឧទ្ទាមហ៊ូធីដែលមានសម្ព័ន្ធភាពជាមួយអ៊ីរ៉ង់ បន្ទាប់ពីរដ្ឋបាលដែលគាំទ្រដោយអារ៉ាប៊ីសាអ៊ូឌីត បានចោទប្រកាន់ក្រុមហ៊ូធីពីបទរារាំងមូលនិធិអាកាសចរណ៍។ មន្ត្រីហ៊ូធី បានបដិសេធចំពោះរឿងនេះ។មន្ត្រីពីររូប រួមទាំងប្រធានផ្នែកលក់របស់ក្រុមហ៊ុនYemenia លោក Mohsen Haydara បាននិយាយថា ជើងហោះហើរ បានដំណើរការឡើងវិញ កាលពីថ្ងៃអង្គារ ហើយថា យន្តហោះដែលបានជាប់គាំងនៅអាកាសយានដ្ឋាន Sanaa តាំងពីខែមុន បានហោះចេញពីព្រឹក ព្រលឹម។លោក Haydara បាននិយាយថា ក្រុមហ៊ុនអាកាសចរណ៍ បានកំណត់ពេលហោះហើរចំនួន៦សប្តាហ៍ទៅកាន់ទីក្រុងអាម៉ាន ប្រទេសហ្ស៊កដានី។

CDC អនុញ្ញាតឱ្យក្រុមហ៊ុនថ្មីចំនួន ៥ មានទុនជាង ៥៣ លានុល្លារវិនិយោគនៅកម្ពុជា

ភ្នំពេញ៖ តាមសំណើសុំវិនិយោគរបស់ក្រុមហ៊ុន ក្រុមប្រឹក្សាអភិវឌ្ឍន៍កម្ពុជា (CDC) បានសម្រេចចេញវិញ្ញាបនបត្រចុះបញ្ជីគម្រោងវិនិយោគជូនដល់ក្រុមហ៊ុនចំនួន ៥ មានទុនវិនិយោគជាង ៥៣លានដុល្លារនៅកម្ពុជា។ ក្រុមហ៊ុនទាំងនោះរួមមាន ទី១ “TELCOTECH LTD.” គម្រោងវិនិយោគបង្កើត និងធ្វើអាជីវកម្មមជ្ឈមណ្ឌលទិន្នន័យ ដែលមានទីតាំងវិនិយោគស្ថិតនៅអគារ Kampus មហាវិថីព្រះមុនីវង្ស សង្កាត់ទន្លេបាសាក់ ខណ្ឌចំការមន រាជធានីភ្នំពេញ ក្នុងទុនវិនិយោគប្រមាណ ២៧,៧លានដុល្លារអាម៉េរិក និងអាចបង្កើតការងារបានចំនួន ៤៧កន្លែង។ទី ២-“JINZHENG HOME DECORATION (CAMBODIA) CO., LTD.” គម្រោងបង្កើតរោងចក្រផលិតអំពូលភ្លើង គ្រឿងអេឡិចត្រូនិក គ្រឿងបន្លាស់ និងឧបករណ៍អគ្គិសនីធ្វើពីប្លាស្ទីក អាគ្រីលីក និងគ្រីស្តាល់ ដែលមានទីតាំងវិនិយោគស្ថិតនៅភូមិត្រពាំងព្រីង ឃុំពពេល ស្រុកត្រាំកក់ ខេត្តតាកែវ ក្នុងទុនវិនិយោគប្រមាណ ៨,៩ លានដុល្លារអាម៉េរិក និងអាចបង្កើតការងារបានចំនួន ១.២៤០កន្លែង។ទី ៣-“BESWIN FASHION (CAMBODIA) CO., LTD.” គម្រោងបង្កើតរោងចក្រកាត់ដេរសម្លៀកបំពាក់ ស្រោមខ្នើយ ស្រោមពូក ភួយ និងវាំងនន ដែលមានទីតាំងវិនិយោគស្ថិតនៅភូមិព្រៃពពាយ ឃុំទួលអំពិល ស្រុកបរសេដ្ឋ ខេត្តកំពង់ស្ពឺ ក្នុងទុនវិនិយោគប្រមាណ ៥,៩ លានដុល្លារអាម៉េរិក និងអាចបង្កើតការងារបានចំនួន ២.៦៣៦កន្លែង។ទី ៤-“PET NEW MATERIALS (CAMBODIA) CO., LTD.” គម្រោងបង្កើតរោងចក្រផលិតគ្រឿងបន្សំបន្ទះសូឡា ដែលមានទីតាំងវិនិយោគស្ថិតនៅភូមិព្រៃពង្រ ឃុំសំបូរ ស្រុកសំរោងទង ខេត្តកំពង់ស្ពឺ ក្នុងទុនវិនិយោគប្រមាណ ៥,៨ លានដុល្លារអាម៉េរិក និងអាចបង្កើតការងារបានចំនួន ១៥១កន្លែង និងទី៥-“MAXWILL GARMENT (CAMBODIA) CO., LTD.” គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅដីឡូតិ៍លេខ១ អគារលេខ២ និងលេខ៤ ផ្លូវជាតិលេខ៤ ភូមិវល្លសរ ឃុំវល្លសរ ស្រុកសំរោងទង ខេត្តកំពង់ស្ពឺ ក្នុងទុនវិនិយោគប្រមាណ ៥,៣ លានដុល្លារអាម៉េរិក និងអាចបង្កើតការងារបានចំនួន ១.៥៨៦កន្លែង៕

សម្ដេចធិបតី និងក្រុមហ៊ុនចិន CRCC បញ្ជាក់ទិសដៅអភិវឌ្ឍន៍ប្រព័ន្ធផ្លូវដែកកម្ពុជា ដើម្បីឱ្យមានសមត្ថភាពគ្រប់ដណ្តប់ទូទាំងប្រទេស

ភ្នំពេញ៖ នាព្រឹកថ្ងៃទី១៧ ខែតុលា ឆ្នាំ២០២៣, សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យ លោក វ៉ាង ជៀនភីង (Wang Jianping) ប្រធានក្រុមប្រឹក្សាភិបាលក្រុមហ៊ុន China Railway Construction Corporation (CRCC) ចូលជួបសម្តែងការគួរសម ក្នុងឱកាសនៃការចូលរួមក្នុង “វេទិកាខ្សែក្រវាត់ និងផ្លូវ លើកទី៣” នៅរដ្ឋធានីប៉េកាំង សាធារណរដ្ឋប្រជាមានិតចិន ។នៅក្នុងជំនួបនេះ លោក វ័ន ជៀនភីង បានថ្លែងអំណរគុណចំពោះ សម្តេចធិបតី ដែលបានផ្តល់ឱកាសដល់រូបលោក និងសហការី បានចូលជួបសម្តែងការគួរសម ក៏ដូចជាចំពោះការគាំទ្រ និងការលើកទឹកចិត្តដល់ការវិនិយោគរបស់ក្រុមហ៊ុននៅក្នុងប្រទេសកម្ពុជា ក្នុងរយៈកាលកន្លងមក។ ក្នុងឱកាសនោះផងដែរ លោកប្រធានក្រុមប្រឹក្សាភិបាល ក៏បានជម្រាបជូន សម្តេចធិបតី អំពីការវិវឌ្ឍរីកចម្រើនរបស់ក្រុមហ៊ុននៅកម្ពុជា ដោយគិតមកដល់ពេលបច្ចុប្បន្ននេះ ក្រុមហ៊ុន CRCC មានគម្រោងវិនិយោគសរុបចំនួន ៥៣ ជាមួយនឹងដើមទុនប្រមាណ ៥.៣០០ លានដុល្លារអាមេរិក។ ចំពោះទិសដៅអនាគត ក្រុមហ៊ុនក៏មានផែនការវិនិយោគលើគម្រោងធំៗចំនួន ៣ បន្ថែមទៀត រួមមាន៖ (i) មជ្ឈមណ្ឌលគ្រប់គ្រងប្រព័ន្ធទិន្នន័យសម្រាប់គាំទ្រដល់រដ្ឋាភិបាលអេឡិចត្រូនិក, (ii) គម្រោងផ្លូវដែកតភ្ជាប់ភ្នំពេញ-សៀមរាប និងភ្នំពេញ-ប៉ោយប៉ែត និង (iii) គម្រោងផ្គត់ផ្គង់ទឹកស្អាតតាមបណ្តាខេត្តស្របដងទន្លេមេគង្គ ។ជាការឆ្លើយតប សម្តេចធិបតី បានសម្តែងនូវក្តីរីករាយស្វាគមន៍ចំពោះជំនួបជាមួយថ្នាក់ដឹកនាំរបស់ក្រុមហ៊ុន CRCC នាឱកាសនេះ ព្រមទាំងបានថ្លែងអំណរគុណ និងគាំទ្រចំពោះគម្រោងវិនិយោគនានារបស់ក្រុមហ៊ុននៅកម្ពុជា ជាពិសេសការវិនិយោគក្នុងប្រព័ន្ធផ្គត់ផ្គង់ទឹកស្អាត និងប្រព័ន្ធផ្លូវដែក ដែលជាផ្នែកមួយដ៏សំខាន់នៃការពង្រឹងវិស័យឡូជីស្ទីក ព្រមទាំងលើកទឹកចិត្តឱ្យបន្តពង្រីកការវិនិយោគទៅលើវិស័យផ្សេងៗទៀត ដែលក្រុមហ៊ុនមានបទពិសោធន៍ និងមានលទ្ធភាព។ ចំពោះការអភិវឌ្ឍប្រព័ន្ធផ្លូវដែកដើម្បីឱ្យមានសមត្ថភាពគ្រប់ដណ្តប់ទូទាំងប្រទេស, សម្តេចធិបតីនាយករដ្ឋមន្ត្រី បានសង្កត់ធ្ងន់លើគោលដៅចំនួនពីរ គឺ (i) ការពិនិត្យលទ្ធភាពលើការជួសជុល និងទំនើបកម្មផ្លូវដែកដែលមានស្រាប់ និង (ii) ការសិក្សាលើការតភ្ជាប់ប្រព័ន្ធផ្លូវដែកពីភ្នំពេញ-បាវិត និងប៉ោយប៉ែត-សៀមរាប ក៏ដូចជាការតភ្ជាប់រហូតដល់ព្រំដែនវៀតណាម ដោយឆ្លងកាត់ខេត្តស្ទឹងត្រែង និងខេត្តមណ្ឌលគិរី ៕

ទីផ្សារដែលព្រួយបារម្ភតាមដានតំបន់ហ្គាហ្សា ខណៈតម្លៃប្រេងឡើងលើស ៩០ ដុល្លារក្នុងមួយបារ៉ែល

ប្រេងឆៅបានហក់ឡើងតម្លៃលើសពី ៩០ ដុល្លារក្នុងមួយបារ៉ែល ខណៈភាគហ៊ុនធ្លាក់ចុះ ហើយប្រាក់ដុល្លារដែលមានសុវត្ថិភាពមានភាពរឹងមាំនៅថ្ងៃចន្ទនេះ ក្នុងពេលដែលអ្នកវិនិយោគបានតាមដោយការព្រួយបារម្ភថាតើការរីកធំនៃអំពើហិង្សានៅក្នុងតំបន់ហ្គាហ្សានឹងបណ្តាលឱ្យជម្លោះរីករាលដាលហួសពីអ៊ីស្រាអែល និងក្រុមហាម៉ាសឬទេ។ ក្រុមហ៊ុន shekelILS=D3 របស់អ៊ីស្រាអែល បានធ្លាក់ចុះដល់កម្រិតទាបរយៈពេលជិត៨ឆ្នាំមកនេះ បន្ទាប់ពីនាយករដ្ឋមន្ត្រីរបស់ប្រទេស លោក Benjamin Netanyahu បានប្តេជ្ញាថានឹង កម្ទេចក្រុម Hamas ជាការសងសឹកចំពោះការផ្ទុះឡើងកាលពីថ្ងៃទី ៧ ខែតុលា ដែលបានបណ្តាលឲ្យមនុស្ស ១.៣០០នាក់ស្លាប់ នៅក្នុងការវាយប្រហារដ៏ឃោឃៅបំផុតមកលើជនស៊ីវិលក្នុងប្រវត្តិសាស្ត្ររបស់អ៊ីស្រាអែល។រដ្ឋមន្ត្រីការបរទេសសហរដ្ឋអាមេរិក លោក Antony Blinken កំពុងធ្វើទស្សនកិច្ចទៅកាន់តំបន់នេះ ដោយស្វែងរកការទប់ស្កាត់ការរីកធំជម្លោះបន្ថែមទៀត។ លោក Netanyahu បានព្រមព្រៀងដកចេញការបិទការផ្គត់ផ្គង់ទឹកទៅកាន់ផ្នែកខ្លះនៅភាគខាងត្បូងតំបន់ហ្គាហ្សា បន្ទាប់ពីបានសន្ទនាជាមួយប្រធានាធិបតីសហរដ្ឋអាមេរិកលោក Joe Biden ។ប្រេងឆៅរបស់ក្រុមហ៊ុន Brent គឺ LCOc1 បានហក់ឡើងដល់កម្រិតខ្ពស់ថ្មី៩១.២០ដុល្លារ នៅថ្ងៃចន្ទនេះ មុនពេលធ្លាក់ចុះបន្តិច ៩០.៨៤ ដុល្លារ បន្ទាប់ពីការកើនឡើង ៥,៧% កាលពីថ្ងៃសុក្រ។ភាគហ៊ុន Nikkei របស់ជប៉ុនN225 ជាមធ្យមបានធ្លាក់ចុះជាង ១% ខណៈសន្ទស្សន៍ S&P/ASX 200 របស់ប្រទេសអូស្ត្រាលី AXJO បានធ្លាក់ចុះ ០,១៥% ក្នុងការជួញដូរដំបូង។ សន្ទស្សន៍ភាគហ៊ុនរបស់ប្រទេសនូវែលសេឡង់ NZ50 បានធ្លាក់ចុះ ០,9%។

រដ្ឋមន្ត្រីកសិកម្ម និងទីប្រឹក្សាជាន់ខ្ពស់កម្មវិធី CASAជួបពិភាក្សាគ្នាពីផលិតកម្មពូជស្រូវ

ភ្នំពេញ៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងថ្នាក់ដឹកនាំ បានទទួលជួបសម្តែងការគួរសម និងពិភាក្សាការងារជាមួយលោកស្រី Ericaa Balzarelli ទីប្រឹក្សាជាន់ខ្ពស់ នៃកម្មវិធី CASA/UK Aid ស្តីពីខ្សែច្រវាក់ផលិតកម្ម និងចែកចាយពូជស្រូវនៅកម្ពុជា តាមរយៈក្រុមហ៊ុន ប៊ី អ អិម អាហ្គ្រោ ឯ.ក នៅទីស្តីការក្រសួងកសិកម្ម។ ប្រភពក្រសួងកសិកម្ម នៅព្រឹកថ្ងៃទី១៣ តុលា ឆ្នាំ២០២៣នេះ បានឲ្យដឹងថា បន្ទាប់ពីទទួលស្តាប់ការធ្វើបទបង្ហាញអំពីវត្តមានរបស់គម្រោង CASA នៅកម្ពុជាតាមរយៈក្រុមហ៊ុន ឯកឧត្តមរដ្ឋមន្រ្តី បានទទួលស្វាគមន៍ និងផ្តល់អនុសាសន៍ឱ្យមានការសហការជាមួយក្រុមហ៊ុនឱ្យមានប្រសិទ្ធភាព ជាពិសេសការអនុវត្តគម្រោងស្របតាមគោលនយោបាយអាទិភាពរបស់រដ្ឋាភិបាលកម្ពុជា។ បើតាម ឯកឧត្តមរដ្ឋមន្ត្រី ក្រសួងកំពុងជំរុញការចងក្រងសហគមន៍កសិកម្មតាមគម្រូថ្មី ដើម្បីបង្កើនភាពប្រកួតប្រជែងផ្នែកខាងលើនៃច្រវាក់ផលិតកម្ម Upstream និងស្វាគមន៍ដៃគូអភិវឌ្ឍ និងអ្នកវិនិយោគក្នុងការចូលរួមជំរុញខ្សែច្រវាក់ផលិតកម្ម Downstream ក្នុងការកែច្នៃផលិតផលកសិកម្មសម្រាប់នាំចេញ៕

ពលរដ្ឋម្នាក់នៅរដ្ឋកាលីហ្វ័រនីញ៉ា របស់សហរដ្ឋអាមេរិក ឈ្នះរង្វាន់ឆ្នោតផ្សងសំណាងចំនួន ១,៧៦ពាន់លានដុល្លារ

លេខរង្វាន់ធំរបស់ក្រុមហ៊ុនឆ្នោតផ្សងសំណាង Powerball ដ៏ធំបំផុតទីពីរនៅសហរដ្ឋអាមេរិក ត្រូវបានប្រកាសកាលពីយប់ថ្ងៃពុធ (១១ តុលា)។ រង្វាន់ធំសរុប ដែលត្រូវប៉ាន់ស្មានថាមានចំនួន ១,៧៦ពាន់លានដុល្លារ បានធ្លាក់ទៅអ្នកលេងមានសំណាងម្នាក់ ដែលបានទិញសន្លឹកឆ្នោតនៅរដ្ឋកាលីហ្វ័រនីញ៉ា សហរដ្ឋអាមេរិក។ចាប់តាំងពីថ្ងៃទី១៩ ខែកក្កដាមក មិនទាន់មានអ្នកឈ្នះរង្វាន់ធំនៃការចាប់រង្វាន់ឆ្នោតផ្សងសំណាងនោះទេ ដែលបានធ្វើឱ្យទឹកប្រាក់សម្រាប់រង្វាន់ធំ កាលពីថ្ងៃពុធ ក្លាយជាប្រាក់រង្វាន់ធំទីពីរ នៅក្នុងប្រវត្តិសាស្រ្តរបស់ក្រុមហ៊ុនឆ្នោត Powerball ។ ការចាប់រង្វាន់នៅថ្ងៃសៅរ៍សប្ដាហ៍បន្ទាប់ (១៤ តុលា) មានតម្លៃ ២០លានដុល្លារ ហើយបើយោងតាមគេហទំព័រផ្លូវការរបស់ក្រុមហ៊ុន Powerball បានឲ្យដឹងថា លទ្ធភាពនៃការឈ្នះរង្វាន់ធំនោះ គឺមួយក្នុងចំណោម ២៩២,២លាន ដោយនោះមានន័យថា ភាគរយនៃការឈ្នះរង្វាន់ គឺមានស្ដួចស្ដើងបំផុត៕

អ្នកវិនិយោគទុនចិន ៥៤ក្រុមហ៊ុន ស្វែងរកឱកាសវិនិយោគទុនបង្កើតរោងចក្រនៅកម្ពុជា

អ្នកវិនិយោគទុនចិន ជិត៧០រូប មកពីក្រុមហ៊ុនចំនួន៥៤របស់ប្រទេសចិន ដឹកនាំដោយលោក ស៊ុន ហ័រចុង តំណាងការិយាល័យកិច្ចការបរទេស នៅក្រុងសិនចិន និង លោក វ័ង ស៊ឺ បានសហការជាមួយក្រុមហ៊ុនកាណាឌីយ៉ាគ្រុប តំណាងដោយឧកញ៉ា វ៉ាន់ ឆារស៏ នៅថ្ងៃទី១១ខែតុលានេះ បានដឹកនាំចូលជួបពិភាក្សាការងារជាមួយ ឯកឧត្តម សុខ សូកេន រដ្ឋមន្ត្រីក្រសួងទេសចរណ៍ ដើម្បីស្វែងរកឱកាសវិនិយោគទុន។បើតាមលោក វ័ង ស៊ឺ ប្រធានក្រុមប្រឹក្សាភិបាលមូលនីធីសិនចិន និងជាអ្នកដឹកនាំប្រតិភូ បានថ្លែងថា បន្ទាប់ពីបានឃើញសម្តេចធិបតី ហ៊ុន ម៉ាណែត នាយករដ្ឋមន្ត្រីថ្មីនៃកម្ពុជា បានបំពេញទស្សនកិច្ចផ្លូវការទៅកាន់ប្រទេសចិនកាលពីពេលថ្មីៗនេះ បានធ្វើឲ្យយើងទាំងអស់គ្នាជាអ្នកវិនិយោគទុន ចាប់អារម្មណ៍និ ងមកស្វែងរកឱកាសទីផ្សារ វិនិយោគ និងការបង្កើតរោងចក្រដោយផ្ទាល់នៅកម្ពុជា។ក្នុងជំនួបនេះដែរ លោក ស៊ុន ហ័រចុង ក៏បានថ្លែងស្នើអញ្ជើញថ្នាក់ដឹកនាំក្រសួងទេសចរណ៍កម្ពុជា ទៅផ្សព្វផ្សាយទីផ្សារទេសចរណ៍កម្ពុជា នៅខេត្តសិនចិន ខណៈកន្លងមក ក្រុងសិនចិនរបស់ប្រទេសចិន ស្ថិតលំដាប់ថ្នាក់ទី៥ ដែលមានទេសចរចិនមកទស្សនាកម្ពុជាច្រើន។ឯកឧត្តម រដ្ឋមន្ត្រី សុខ សូកេន បានសម្តែងការអបអរសាទរបណ្តាអ្នកវិនិយោគទុនចិនមកបំពេញទស្សនកិច្ចសិក្សាស្វែងរកឱកាសវិនិយោគទុននៅកម្ពុជា ហើយឯកឧត្តមរដ្ឋមន្ត្រី ក៏បានស្នើសុំសហការជាមួយរដ្ឋបាលខេត្តសិនចិន ដើម្បីជំរុញបង្កើនការតភ្ជាប់ជើងហោះហើរត្រង់សិនចិន កម្ពុជា និងស្នើសុំចូលរួមសហការជំរុញពលរដ្ឋខេត្តសិនចិន មកទស្សនាកម្ពុជា ឲ្យមានកំណើនច្រើន និងប្តូរលំដាប់ថ្នាក់ពីលេខ៥ មកលំដាប់ថ្នាក់លេខ១។ឧកញ៉ា វ៉ាន់ ឆារស៏ ឲ្យដឹងថា អ្នកវិនិយោគចិនចំនួន៥៤ក្រុមហ៊ុន រួមជាមួយក្រុមហ៊ុនវិទ្យុ និងទូរទស្សន៍ GUANG DONG (គ័ងតុង) មកបំពេញទស្សនកិច្ចសិក្សាទីផ្សារ និងស្វែងរកឱកាសវិនិយោគទុននៅកម្ពុជាលើវិស័យជាច្រើនដូចជា៖ វិស័យសំណង់ បច្ចេកវិទ្យាទូរគមនាគមន៍ថ្មីៗ ទេសចរណ៍ កសិកម្ម និងសហការជាមួយកាណាឌីយ៉ាគ្រុប វិនិយោគលើផ្នែកកសិកម្មដាំឈើធ្វើប្រអប់ក្រដាស និងកែវក្រដាសជាដើម ហើយតាមការគ្រោងប្រតិភូអ្នកវិនិយោគទុនចិន នឹងអញ្ជើញចូលជួប រដ្ឋមន្ត្រីក្រសួងទេសចរណ៍ រដ្ឋមន្ត្រីក្រសួងរៀបចំដែនដីនគរូបណីយកម្ម និងសំណង់ ចូលជួបថ្នាក់ដឹកនាំក្រុមប្រឹក្សាអភិវឌ្ឍន៍កម្ពុជា CDC ជួបអភិបាលខេត្តព្រះសីហនុ និងពិនិត្យរកទីតាំងសាងសង់រោចក្រផលិតសំភារៈសំណង់សម្រាប់ប្រើប្រាស់នៅកម្ពុជា និងនាំចេញទៅប្រទេសចិនវិញ៕ អត្ថបទ ស៊ុមសុខជា

អ្នកជំនាញកសិកម្មជំរុញកសិករ ដាំដុះប្រភេទស្រូវមានគុណភាព ដើម្បីជួយដល់ផលិតកម្ម និងនាំចេញ

ភ្នំពេញ៖ អ្នកជំនាញក្នុងផ្នែកកសិកម្ម ចង់ឲ្យកសិករតម្រង់ទិសនៃការដាំដុះស្រូវ ជាប្រភេទស្រូវដែលមានគុណភាពខ្ពស់ ផលិតចេញជាអង្ករប្រណិត ងាយស្រួលរកទីផ្សារ និងលក់បានថ្លៃ ដែលជាផ្នែកមួយដល់បង្កើនផលិតកម្មស្រូវអង្ករកម្ពុជា ទាំងការផលិត និងការនាំចេញ។ អ្នកឧកញ៉ា ហ៊ុន ឡាក់ ក្រុមប្រឹក្សាភិបាលសហព័ន្ធស្រូវអង្ករកម្ពុជា លើកឡើងថា វិស័យកសិកម្មគឺចន្ទល់រឹងមាំរបស់កម្ពុជា ហើយរាជរដ្ឋាភិបាលក្នុងអាណត្តិទី ៧ នេះ បាន ដាក់ចេញនូវយុទ្ធសាស្រ្តបញ្ចាកោណ ក្នុងនោះបានផ្សារភ្ជាប់ លើកកម្ពស់វិស័យឯកជន ដើម្បីជំរុញការស្វែងរកទីផ្សារ និងផលិតភាពនៃការផលិត ឲ្យត្រូវនិងតម្រូវការទីផ្សារសម្រាប់ការនាំចេញ ។អ្នកឧកញ៉ា ដើម្បីជំរុញឲ្យកាន់តែប្រសើរ កសិករគួរតម្រង់ទិសនៃការដាំសុះស្រូវជាប្រភេទស្រូវក្រអូប ជាអង្ករមានគុណភាព អាចលក់បានថ្លៃ ដែលជាចំណែកមួយជួយកាត់បន្ថយថ្លៃដើមផលិតបានល្អប្រសើរ ខណៈការនាំចេញអង្ករមានតម្លៃថោក ក៏មានការចំណាយប្រហាក់ប្រហែលគ្នា ។ សូមរំលឹកថា ក្នុងដំណើរបំពេញការងារក្រៅប្រទេសជាផ្លូវការ របស់សម្តេចធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បាននាំនូវភាពជោគជ័យជូនជាតិ មាតុភូមិជាច្រើន ជាក់ស្តែងបេសកម្មរបស់សម្តេចធិបតី នៅប្រទេសឥណ្ឌូនេស៊ី, ឥណ្ឌូនេស៊ីបានឯកភាពទិញ អង្កររបស់កម្ពុជា ក្នុងរង្វង់ ២៥ម៉ឺនតោន ។ ប្រទេសចិនបានគាំទ្រដល់ការនាំចេញកសិផលរបស់កម្ពុជាបន្ថែម ក្នុងនោះចំពោះការ នាំចេញអង្ករ ចិននិងបន្ថែមបរិមាណនៃការនាំចេញអង្កររបស់កម្ពុជា ចូលទៅទីផ្សាររបស់ខ្លួន ក្នុងរង្វង់ប្រមាណ ៥០ម៉ឺនតោន នាពេលខាងមុខ។បើតាមរបាយការណ៍អគ្គនាយកដ្ឋានកសិកម្ម បង្ហាញឲ្យដឹងថា ក្នុងរយៈពេល ៨ ខែ ឆ្នាំ ២០២៣ ការប៉ាន់ស្មាន តម្លៃគិតជាទឹកប្រាក់ ដែលទទួលបានពីការនាំចេញកសិផល មានចំនួនជិត ៣ ពាន់លានដុល្លារអាមេរិក ក្នុងនោះតម្លៃពីការនាំចេញអង្ករមាន ចំនួនជាង ៣៤៧ លានដុល្លារអាមេរិក ខណៈតម្លៃការនាំចេញស្រូវ មានចំនួនជាង ៦១៨ លានដុល្លារអាមេរិក និងតម្លៃការនាំចេញកសិផល ក្រៅពីស្រូវ-អង្ករ មានចំនួនជាង ២ ពាន់លានដុល្លារអាមេរិក៕អត្ថបទ៖ សុន រ៉ាឌី

រដ្ឋមន្ត្រីការងារគាំទ្រក្រុមហ៊ុនចិន រកកម្លាំងពលកម្មជាង ៦ពាន់នាក់ សម្រាប់បំពេញតម្រូវការវិនិយោគថ្មី

ភ្នំពេញ៖ ក្រសួងការងារ និងបណ្តុះបណ្តាលវិជ្ជាជីវៈ បានប្រកាសផ្តល់ការគាំទ្រយ៉ាងពេញទំហឹង ក្នុងការផ្តល់ជំនួយស្វែងរកកម្លាំងពលកម្មចំនួនជាង ៦ពាន់នាក់ ដើម្បីបំពេញកង្វះខាតក្នុងខ្សែចង្វាក់ផលិតកម្ម នៃការពង្រីកការវិនិយោគរោងចក្រកាត់ដេរទី២ របស់ក្រុមហ៊ុនចិនធំមួយ នៅក្នុងខេត្តកំពង់ស្ពឺ ដែលគ្រោងនឹងដាក់ឱ្យដំណើរការចង្វាក់ផលិតកម្មនៅពេលខាងមុខនេះ។ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ ក្នុងជំនួបការងារជាមួយ លោក Ray Chen នាយកប្រតិបត្តិនៃក្រុមហ៊ុន ជេនេរ៉ល អេនធើប្រាយ ហ្កាមិន (ខេមបូឌា) កាលពីថ្ងៃទី៥ តុលា ឆ្នាំ២០២៣កន្លងទៅ បានមានប្រសាសន៍ថា តាមរយៈបទពិសោធន៍ច្រើនឆ្នាំនៃការដំណើរការរបស់ក្រុមហ៊ុន និងការប្រើប្រាស់នូវបច្ចេកវិទ្យាទំនើប ឯកឧត្តមជឿជាក់ថា ការវិនិយោគនេះ នឹងឆ្លើយតបទាំងផ្នែកការងារ បរិស្ថាន និងស្តង់ដារអន្តរជាតិ ព្រមទាំងនឹងទទួលបានការគាំទ្រពីសំណាក់ភាគីពាក់ព័ន្ធ។ ឯកឧត្តមរដ្ឋមន្រ្តី បានជំរុញឱ្យក្រុមហ៊ុនសហការជាមួយទីភ្នាក់ងារជាតិមុខរបរ និងការងារ នៃក្រសួងការងារ បន្ថែមលើមធ្យោបាយរបស់ខ្លួន ដើម្បីពិនិត្យមើលលើការស្វែងរកបុគ្គលិកប្រមាណជាង ៦ពាន់នាក់ ដើម្បីចូលបំពេញការងារនៅក្នុងរោងចក្រ ហើយក្រសួងក៏រីករាយក្នុងការជួយជ្រោមជ្រែង ក្នុងការស្វែងរកកម្មករនិយោជិត នៅតាមបណ្តាខេត្តនានានៃប្រទេសកម្ពុជាផងដែរ។ជាការឆ្លើយតប លោកអគ្គនាយកក្រុមហ៊ុន បានថ្លែងអំណរគុណ ចំពោះឯកឧត្តមរដ្ឋមន្ត្រី ដែលបានគាំទ្រនិងផ្តល់ជំនួយ ក្នុងការស្វែងរកកម្លាំងពលកម្ម ដើម្បីជំរុញផលិតកម្មនៃការវិនិយោគថ្មីរបស់ក្រុមហ៊ុន។ ជាមួយគ្នានេះ ក្រុមហ៊ុននឹងបន្តធ្វើការយ៉ាងជិតស្និតជាមួយនឹងទីភ្នាក់ងារជាតិមុខរបរ និងការងារ ដើម្បីស្វែងរកបុគ្គលិកមកបំពេញការងារឱ្យបានឆាប់រហ័សសម្រាប់ដំណើរការនៃរោងចក្រថ្មី ដែលទើបសាងសង់រួច។គួរបញ្ជាក់ថា ក្រុមហ៊ុន ជេនេរ៉ល អេនធើប្រាយ ហ្កាមិន (ខេមបូឌា) គឺជាក្រុមហ៊ុនផលិត និងនាំចេញវាយនភណ្ឌដ៏ធំមួយ ដែលបានបោះទុនវិនិយោគចូលមកប្រទេសកម្ពុជា ខណៈរោងចក្រទី១ ស្ថិតនៅក្នុងខេត្តកណ្តាល បាននិងកំពុងបង្កើតការងាររាប់ពាន់កន្លែងជូនប្រជាពលរដ្ឋកម្ពុជា៕អត្ថបទ៖ ឈិត បូរ៉ាវី

បណ្ដាញសង្គម

ព័ត៌មានថ្មីៗ

ស្នងការ៖ស្ថានភាពសន្តិសុខក្នុងព្រឹត្តិការណ៍នគរសង្ក្រាន្តមានភាពល្អប្រសើរមិនមានបាតុភាពណាមួយកើតឡើងទេ

ក្រុមការងារគោលដៅបាសាក់លែន អំពាវនាវទេសចរជាតិ អន្តរជាតិមកចូលរួមលេងកម្សាន្តឱ្យបានច្រើន

ក្រុមគ្រូពេទ្យជាង ១ពាន់នាក់ និងស្តង់សុខភាពប្រចាំការ ត្រៀមសង្រ្គោះបឋម ជូនភ្ញៀវជាតិ និងអន្តរជាតិ ចូលមកកម្សាន្តក្នុងព្រឹតិ្តការណ៍នគរសង្រ្កាន្ត

អភិបាលរាជធានីភ្នំពេញ៖ ការការពារសន្តិសុខជូនពលរដ្ឋក្នុងព្រឹត្តិការណ៍ «នគរសង្ក្រាន្ត» គឺជាការងារចម្បងរបស់រដ្ឋបាលរាជធានីភ្នំពេញ

ភ្ញៀវទេសចរជាច្រើននាំគ្នាទៅលេងកម្សាន្តនៅតំបន់រមណីយដ្ឋានទឹកឈូច្រើនក្នុងឱកាសចូលឆ្នាំថ្ងៃទីពីរ

ពលករ និងសហគមន៍ខ្មែរនៅប្រទេសម៉ាឡេស៊ីជួបជុំរៀបចំពិធីបុណ្យចូលឆ្នាំថ្មីប្រពៃណីខ្មែរយ៉ាងសប្បាយរីករាយដើម្បីបង្ហាញពីវប្បធម៌ប្រពៃណីជាតិដ៏ផូរផង់

កម្ពុជា បដិសេធចំពោះការផ្សាយរបស់សារព័ត៌មានថៃថា «កម្ពុជាស្នើឱ្យបើកច្រកដឹកជញ្ជូនទំនិញសង្គ្រោះបន្ទាន់» ដែលនេះជាព័ត៌មានក្លែងក្លាយ

រដ្ឋមន្ត្រីក្រសួងទេសចរណ៍ អញ្ជើញចូលរួម ព្រឹត្តិការណ៍លៀសហាល ចំនួន ៥តោន ជាមួយថ្នាក់ដឹកនាំ និងប្រជាពលរដ្ឋខេត្តកំពង់ចាម

នាវាដឹកប្រេងចិនរងទណ្ឌកម្មអាមេរិក ធ្វើដំណើរឆ្លងកាត់ច្រកសមុទ្រ Hormuz

ធានាធិបតីកូរ៉េខាងត្បូង ព្រមានថាជម្លោះមជ្ឈិមបូព៌ានឹងធ្វើឲ្យតម្លៃប្រេងនៅតែហក់ឡើងខ្ពស់ប្រធ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877