BTV NEWS

សម្តេចតេជោ ហ៊ុន សែន ក្រើនរំលឹកដល់មន្រ្តីរាជការទាំងអស់ឲ្យបន្តយកចិត្តទុកដាក់បំពេញតួនាទីភារកិច្ចបម្រើជាតិ និងប្រជាជនឱ្យបានល្អប្រសើរ

សម្តេចតេជោ ណែនាំដល់មន្ត្រីរាជការ ក្រុមប្រឹក្សាខេត្ត ឃុំ សង្កាត់ បន្តយកចិត្តទុកដាក់បំពេញតួនាទីភារកិច្ចបម្រើជាតិ និងប្រជាជនឱ្យបានល្អប្រសើរ

សម្ដេចតេជោ ហ៊ុន សែន អញ្ជើញជួបសំណេះសំណាលជាមួយសមាជិក សមាជិកា ក្រុមប្រឹក្សាខេត្ត ក្រុង-ស្រុក ឃុំ-សង្កាត់ និងមន្ត្រី នៃមន្ទីរ-អង្គភាពនានា ក្នុងខេត្តកំពង់ស្ពឺ

TOP STORY | ក្រសួងព្រះបរមរាជវាំង៖ ព្រះរាជសុខភាព ព្រះមហាក្សត្រមានភាពប្រសើរជាបណ្តើរៗ ក្រុមគ្រូពេទ្យព្រះបរមរាជានុញ្ញាតថ្វាយព្រះអង្គយាងចេញពីមន្ទីរពេទ្យនៅថ្ងៃនេះ និងបន្តគង់ប្រថាប់នៅព្រះរាជដំណាក់រដ្ឋធានីប៉េកាំង ដើម្បីបន្តតាមដាន

ព័ត៌មានសំខាន់ៗ

សម្តេចតេជោ ហ៊ុន សែន ចង់ឱ្យមានសាកលវិទ្យាល័យនិងវិនិយោគិនពីចក្រភពអង់គ្លេស

ភ្នំពេញ ៖សម្ដេចតេជោ ហ៊ុន សែន នាយករដ្ឋមន្ត្រីកម្ពុជាបានបង្ហាញពីបំណងចង់ឲ្យមានសាកលវិទ្យាល័យរបស់ចក្រភពអង់គ្លេសនៅកម្ពុជាជាមួយនឹងការលើកទឹកចិត្តឲ្យមានការជំរុញវិនិយោគិនពីចក្រភពអង់គ្លេសមកកម្ពុជាកាន់តែច្រើន។នេះជាការលើកឡើងរបស់សម្ដេចតេជោ ហ៊ុន សែន ក្នុងពេលដែលសម្ដេចបានអនុញ្ញាតឱ្យឯកឧត្ដម Dominic Williams ឯកអគ្គរាជទូតថ្មីនៃចក្រភពអង់គ្លេស ចូលជួបសំដែងការគួរសមនិងពិភាក្សាការងារនៅវិមានសន្តិភាពនារសៀលថ្ងៃទី២០កុម្ភៈ។ ឯកឧត្ដម អ៊ាង សុផល្លែត ជំនួយការផ្ទាល់សម្ដេចតេជោនាយករដ្ឋមន្ត្រីបានបញ្ជាក់ឱ្យដឹងថានៅក្នុងជំនួបនេះ ជាបឋម ឯកឧត្ដម Dominic បានគោរពសុំការអនុញ្ញាតពីសម្ដេចតេជោនិយាយជាភាសាខ្មែរដើម្បីសម្ដែងនូវការគោរពជូនចំពោះសម្ដេចតេជោនិងប្រជាជនកម្ពុជាក្នុងឱកាសដែលឯកឧត្ដមមកបំពេញបេសកកម្មការទូតនៅព្រះរាជាណាចក្រកម្ពុជា។ឯកឧត្ដមបានជម្រាបជូនសម្ដេចតេជោថា ៖ ឯកឧត្ដមបានមកកាន់ព្រះរាជាណាចក្រកម្ពុជាធ្វើទស្សនកិច្ចនៅកម្ពុជាកាលពីឆ្នាំ២០១០ ។ នៅពេលនេះ ឯកឧត្ដមបានឃើញការរីកចម្រើនយ៉ាងឆាប់រហ័សរបស់កម្ពុជាហើយក៏បានគោរពសម្ដែងនូវការគោរពលើភាពជាអ្នកដឹកនាំរបស់សម្ដេចតេជោនោះទី១.ក្នុងការនាំមកជូនកម្ពុជានូវសុខសន្តិភាពនិងស្ថេរភាព,ទី២ ទប់ស្កាត់ការរីករាលដាលជំងឺកូវីដ-១៩ បើកប្រទេសនិងបើកសេដ្ឋកិច្ចឡើងវិញបានយ៉ាងជោគជ័យ,ទី៣. គ្រប់គ្រងសេដ្ឋកិច្ចកម្ពុជាបានយ៉ាងល្អ,ទី៤.ដឹកនាំកិច្ចប្រជុំកំពូលអាស៊ាននិងកិច្ចប្រជុំកំពូលពាក់ព័ន្ធទទួលបានជោគជ័យយ៉ាងត្រចះត្រចង់និងទី៥. ការយកចិត្តទុកដាក់របស់សម្ដេច លើការដោះមីននិងនាំកម្ពុជាទៅជាប្រទេសគ្មានមីននៅឆ្នាំ ២០២៥។ឯកឧត្ដម Dominic បានគោរពជម្រាបជូនសម្ដេចតេជោបន្ថែមថា៖ មហិច្ឆតារបស់ឯកឧត្ដមគឺនៅពីក្រោយកម្ពុជាជួយកម្ពុជាលើវិស័យសេដ្ឋកិច្ច ពាណិជ្ជកម្ម វិនិយោគ អប់រំ ហិរញ្ញវត្ថុ ហេដ្ឋារចនាសម្ព័ន្ធ ថាមពលកើតឡើងវិញបរិស្ថាននិងវិស័យដទៃទៀតក្នុងគោលដៅពង្រីកពង្រឹងទំនាក់ទំនងរវាងប្រទេសទាំងពីរឲ្យកាន់តែស៊ីជម្រៅនិងខ្លាំងឡើង។សម្ដេចតេជោ ហ៊ុន សែន បានស្វាគមន៍និងអបអរសាទរជូនចំពោះឯកឧត្តម Dominic ដែលបានតែងតាំងជាឯកអគ្គរាជទូតវិសាមញ្ញនិងពេញសមត្ថភាពនៃចក្រភពអង់គ្លេសប្រចាំព្រះរាជាណាចក្រកម្ពុជា។សម្ដេចបានថ្លែងអំណរគុណឯកឧត្ដម Dominic ចំពោះពាក្យពេចន៍ដ៏ល្អនិងស្ងើចសរសើរឯកឧត្ដមដែលបាននិយាយភាសាខ្មែរបានយ៉ាងច្បាស់ល្អហើយសម្ដេចក៏បានថ្លែងអំណរគុណជូនចំពោះចក្រភពអង់គ្លេសដែលបានជួយកម្ពុជាលើការដោះមីន។សម្ដេចតេជោបានបន្តថា ៖កម្ពុជាបានរងនូវសោកនាដកម្មរយៈពេលជាង៤០ ឆ្នាំមកហើយដោយសារគ្រាប់មីន ហើយនៅពេលនេះកម្ពុជាកំពុងតែប្រើប្រាស់ធនធានយ៉ាងច្រើន ជាមួយនឹងធនធានរបស់សប្បុរសជន ក៏ដូចជាដៃគូ ដើម្បីដោះមីនធ្វើយ៉ាងណាឲ្យកម្ពុជាក្លាយជាប្រទេសគ្មានមីននៅឆ្នាំ ២០២៥។ឆ្លៀតឱកាសនោះដែរ សម្ដេចក៏បានបញ្ជាក់ជូនឯកឧត្តម Dominic នូវបំណងចង់ឲ្យមានសាកលវិទ្យាល័យចក្រភពអង់គ្លេសនៅកម្ពុជាជាមួយនឹងការលើកទឹកចិត្តឲ្យមានការជំរុញវិនិយោគិនពីចក្រអង់គ្លេសមកកម្ពុជាកាន់តែច្រើនថែមទៀត។ជាទីបញ្ចប់សម្ដេចតេជោបានជូនពរឲ្យឯកឧត្តមDominic ឯកអគ្គរាជទូតថ្មីចក្រភពអង់គ្លេសបំពេញបេសកកម្មកាទូតនៅកម្ពុជាបានទទួលជោគជ័យ៕

មនុស្សរាប់សិបនាក់ស្លាប់ ខណៈព្យុះបង្កជាទឹកជំនន់ និងបំណាក់ដីវាយប្រហារទីក្រុងមួយចំនួននៅប្រេស៊ីល

ប្រេស៊ីល៖ ក្រុមអាជ្ញាធរនៅក្នុងរដ្ឋ Sao Paulo នៃប្រទេសប្រេស៊ីលបាននិយាយថា មនុស្សយ៉ាងហោចណាស់ ៣៦នាក់បានស្លាប់ដោយសារទឹកជំនន់ និងបំណាក់ដីដ៏ធ្ងន់ធ្ងរ ដោយបង្ខំឲ្យទីក្រុងមួយចំនួនលុបចោលការប្រារព្ធពិធីបុណ្យ Carnival ប្រចាំឆ្នាំ។ ក្រុមមន្ត្រីនិយាយថា ភ្លៀងធា្លក់ខ្លាំងបង្កជាទឹកជំនន់ និងបំណាក់ដីនៅក្នុងតំបន់ឆ្នេរសមុទ្រនៃរដ្ឋ Sao Paulo ភាគខាងត្បូងរបស់ប្រទេសប្រេស៊ីលបានសម្លាប់មនុស្ស ៣៦នាក់ ហើយក្រុមមន្ត្រីបាននិយាយកាលពីយប់ថ្ងៃអាទិត្យថា ចំនួនអ្នកស្លាប់អាចកើនឡើងថែមទៀត។ រដ្ឋាភិបាលបាននិយាយនៅក្នុងសេចក្ដីថ្លែងការណ៍ថា អ្នកស្លាប់ចំនួន ៣៥នាក់ត្រូវបានរាយការណ៍នៅតាមបណ្ដោយឆ្នេរសមុទ្រភាគខាងជើងរបស់រដ្ឋនេះ ហើយជនរងគ្រោះម្នាក់ទៀតត្រូវបានរាយការណ៍ក្បែរទីក្រុង Ubatuba។ ក្រុមអ្នកសង្គ្រោះបន្តស្វែងរកជនរងគ្រោះ តភ្ជាប់សហគមន៍ដែលត្រូវបានដាច់ការទាក់ទង និងសម្អាតផ្លូវ ហើយផ្លូវមួយចំនួននៅតែត្រូវបានបិទនៅឡើយ បណ្ដាលឲ្យអ្នកទេសចរមួយចំនួនដែលបានធ្វើដំណើរទៅប្រទេសប្រេស៊ីល ដើម្បីប្រារព្ធពិធីបុណ្យ Carnival ជាប់នៅទីនោះ។ ការព្យាករណ៍អាកាសធាតុបង្ហាញថា ភ្លៀងធ្លាក់ខ្លាំងនៅបន្តនៅក្នុងតំបន់ឆ្នេរសមុទ្ររបស់រដ្ឋ Sao Paulo ដែលជំរុញឲ្យអង្គភាពការពារជនស៊ីវិល និងក្រុមអ្នកសង្គ្រោះមកពីផ្នែកពន្លត់អគ្គិភ័យបង្ហាញក្ដីបារម្ភថា អ្នកស្លាប់អាចនឹងកើនឡើងថែមទៀត៕អត្ថបទ៖ សុខមាន

អាមេរិកនិយាយថា ចិនអាចផ្តល់អាវុធទៅឲ្យរុស្ស៊ី

អាមេរិក៖ រដ្ឋមន្ត្រីក្រសួងការបរទេសសហរដ្ឋអាមេរិកលោក Antony Blinken បាននិយាយថា លោកបានបង្ហាញពីការព្រួយបារម្ភរបស់លោកទៅកាន់អ្នកការទូតកំពូលរបស់ប្រទេសចិន អំពីការគាំទ្រដែលអាចធ្វើទៅបានរបស់ទីក្រុងប៉េកាំង សម្រាប់យោធារុស្ស៊ីក្នុងការវាយលុកនៅអ៊ុយក្រែនដែលនៅតែបន្ត។លោក Blinken បានជួបជាមួយលោក Wang Yi នៅខាងក្រៅសន្និសីទសន្តិសុខនៅទីក្រុង Munich ប្រទេសអាល្លឺម៉ង់ ដែលជំនួបនេះមានរយៈពេលប្រហែលមួយម៉ោង។ នៅក្នុងបទសម្ភាសន៍ជាមួយប្រព័ន្ធផ្សព្វផ្សាយ ABC News កាលពីថ្ងៃអាទិត្យ លោក Blinken បាននិយាយថា ប្រទេសចិនបានផ្តល់ការគាំទ្រផ្នែកនយោបាយ និងការទូតដល់រុស្ស៊ី ប៉ុន្តែទីក្រុងប៉េកាំងកំពុងពិចារណាផ្តល់ការគាំទ្រដល់រុស្ស៊ីក្នុងសង្គ្រាមប្រឆាំងអ៊ុយក្រែន។ លោក Blinken និយាយថា វាជាការសំខាន់សម្រាប់លោកក្នុងការចែករំលែកយ៉ាងច្បាស់ជាមួយលោក Wang Yi ថា នេះនឹងជាបញ្ហាដ៏ធ្ងន់ធ្ងរ។ រដ្ឋាភិបាលអាមេរិកបានបង្ហាញថា រុស្ស៊ីកំពុងស្វែងរកជំនួយផ្នែកយោធាពីប្រទេសចិន។ ជាក់ស្តែងទីក្រុងវ៉ាស៊ីនតោនកំពុងព្រមានថា ខ្លួននឹងមានចំណាត់ការ ប្រសិនបើទីក្រុងប៉េកាំងឆ្លើយតបទៅនឹងសំណើរបស់ទីក្រុងមូស្គូ។ ទំនាក់ទំនងរវាងប្រទេសទាំងពីរសហរដ្ឋអាមេរិក-ចិនមានភាពមិនច្បាស់លាស់ ចាប់តាំងពីទីក្រុងវ៉ាស៊ីនតោនបាននិយាយថា ប្រទេសចិនបានបង្ហោះបាឡុងចារកម្មនៅលើទ្វីបអាមេរិក មុនពេលយន្តហោះចម្បាំងអាមេរិកបានបាញ់ទម្លាក់តាមការបញ្ជារបស់ប្រធានាធិបតីលោក Joe Biden។ ជម្លោះក៏បានកើតឡើងនៅពេលដែលប្រទេសលោកខាងលិច កំពុងឃ្លាំមើលយ៉ាងដិតដល់នូវការឆ្លើយតបរបស់ក្រុងប៉េកាំងចំពោះសង្គ្រាមនៅអ៊ុយក្រែន៕អត្ថបទ៖ ប៊ុនថន

អ្នកនៅរស់ពីរញ្ជួយដីពុះពារការលំបាក ខណៈការស្វែងរកនឹងបញ្ចប់ ហើយអ្នកស្លាប់កើនលើស ៤៦,៤០០នាក់

ទួរគី៖ ក្រសួងគ្រប់គ្រងគ្រោះអាសន្ន និងមហន្តរាយប្រទេសទួរគីនិយាយថា ប្រតិបត្តិការស្វែងរក និងជួយសង្គ្រោះបានបញ្ចប់ក្នុងខេត្តភាគច្រើនដែលមានរយៈពេលជិត ២សប្តាហ៍ បន្ទាប់ពីរញ្ជួយដីដ៏មហន្តរាយក្នុងខែនេះនៅប្រទេសទួរគី និងស៊ីរី។ មានការអបអរចំពោះក្រុមជួយសង្គ្រោះអន្តរជាតិ ខណៈប្រទេសទួរគីបានបញ្ចប់ប្រតិបត្តិការស្វែងរក និងជួយសង្គ្រោះភាគច្រើនកាលពីថ្ងៃអាទិត្យ បន្ទាប់ពីការរញ្ជួយដីកម្រិត ៧.៨រ៉ិចទ័របានបំផ្លាញនៅភាគអាគ្នេយ៍របស់ប្រទេសទួរគី និងប្រទេសដែលនៅជិតខាងស៊ីរី។ ពលរដ្ឋខេត្ត Hatay ដែលរងគ្រោះខ្លាំងនៅភាគខាងត្បូងប្រទេសទួរគី បានឈរមើលគ្រឿងចក្រជីកកកាយធ្វើការដើម្បីយកចេញកម្ទេចថ្មនៃអគារដែលត្រូវបានបំផ្លាញ។ ខណៈក្តីសង្ឃឹមក្នុងការស្វែងរកអ្នកនៅរស់រានមានជីវិតបានថយចុះ ក្រុមគ្រួសារជាច្រើនបានបួងសួងសុំឱ្យរកឃើញសាកសពអ្នកជាទីស្រលាញ់របស់ពួកគេ និងបាននិយាយថា យើងចង់ឱ្យការស្វែងរក និងការជួយសង្គ្រោះបន្តរយៈពេលមួយខែ។ មនុស្សអាចស្លាប់រួចទៅហើយ ប៉ុន្តែយ៉ាងហោចណាស់ពួកគេអាចរកឃើញសាកសពទាំងនោះ ហើយពួកគេនឹងមានផ្នូរ និងដឹងថា ពួកគេនៅទីណា។ រញ្ជួយដីបណ្តាលឲ្យមនុស្សជាង ៤៦,៤០០នាក់ស្លាប់នៅក្នុងប្រទេសទួរគី និងស៊ីរី ហើយបានបណ្តាលឲ្យមនុស្សរាប់លាននាក់បាត់បង់ផ្ទះសម្បែង។ ទន្ទឹមនឹងនេះ រដ្ឋមន្ត្រីការបរទេសអាមេរិកលោក Antony Blinken បានធ្វើការស្ទង់មើលលើការខូចខាតនៅក្នុងប្រទេសទួរគីកាលពីថ្ងៃអាទិត្យ និងបានសន្យាផ្តល់ជំនួយបន្ថែមចំនួន ១០០លានដុល្លារសម្រាប់ការឆ្លើយតប បន្ថែមលើជំនួយ ៨៥លានដុល្លារដែលត្រូវបានអនុម័តរួចហើយ។ អង្គការសុខភាពពិភពលោកបានប៉ាន់ប្រមាណថា មនុស្សប្រហែល ២៦លាននាក់នៅទូទាំងប្រទេសទួរគី និងស៊ីរីត្រូវការជំនួយមនុស្សធម៌។ កាលពីថ្ងៃអាទិត្យ អង្គការសប្បុរសធម៌ផ្នែកវេជ្ជសាស្ត្រ (MSF) បាននិយាយថា ក្បួនរថយន្តដឹកទំនិញរបស់ខ្លួនបានចូលទៅក្នុងប្រទេសស៊ីរី បន្ទាប់ពីមានការព្រួយបារម្ភអំពីកង្វះលទ្ធភាពចូលទៅដល់តំបន់ ដែលត្រូវបានបំផ្លាញដោយសង្គ្រាម៕អត្ថបទ៖ ប៊ុនថន

អង់គ្លេសបញ្ជូនឈុតគ្រឿងអលង្ការមាសដែលជារតនវត្ថុដ៏មានតម្លៃវិសេសវិសាលចំនួន៧៧ឲ្យកម្ពុជាវិញ

ភ្នំពេញ៖ គណៈកម្មការទី៧នៃរដ្ឋសភា នៃព្រះរាជាណាចក្រកម្ពុជា បានសម្តែងការស្វាគមន៍ និងមានសេចក្តីត្រេកអរ បន្ទាប់ពីរដ្ឋាភិបាលអង់គ្លេស បានសម្តេចបញ្ជូនឈុតគ្រឿងអលង្ការមាសដែលជារតនវត្ថុដ៏មានតម្លៃវិសេសវិសាល ចំនួន៧៧ មកឲ្យកម្ពុជាវិញ។តាមរយៈផេកហ្វេសបុកផ្ទាល់របស់គណៈកម្មការទី៧នៃរដ្ឋសភា ដែលបានបង្ហោះនាថ្ងៃទី២០ ខែកុម្ភៈ ឆ្នាំ២០២៣នេះ បានលើកឡើងថា«សូមអបអរសាទរ និងស្វាគមន៍មាតុភូមិនិវត្តន៍នៃវត្ថុបុរាណទាំង៧៧»។ តាមរយៈផេកនេះបានលើកឡើងទៀតថា គណៈកម្មការទី៧នៃរដ្ឋសភា សូមចូលរួមអបអរសាទរប្រកបដោយក្តីមោទនៈចំពោះដំណើរត្រលប់មកកម្ពុជាវិញនូវឈុតគ្រឿងអលង្ការមាសដែលជារតនវត្ថុដ៏មានតម្លៃវិសេសវិសាល ចំនួន ៧៧រូប ពីចក្រភពអង់គ្លេស។ គណៈកម្មការទី៧ នៃរដ្ឋសភា សូមបង្ហាញនូវការគាំទ្រយ៉ាងពេញទំហឹង និងសូមកោតសរសើរចំពោះបេសកកម្មដ៏ថ្លៃថ្លារបស់ក្រសួងវប្បធម៌ និងវិចត្រសិល្បៈ ជាបន្តបន្ទាប់ ជាពិសេសការទាមទារត្រឡប់វិញបានដោយជោគជ័យនូវវត្ថុបុរាណខ្មែរនានា ដែលត្រូវបានដឹកចេញពីប្រទេសកម្ពុជាក្នុងអំឡុងពេលសង្រ្គាម។ជាមួយគ្នានេះ គណៈកម្មការទី៧ សូមវាយតម្លៃខ្ពស់ចំពោះទង្វើដ៍ថ្លៃថ្លា និងទឹកចិត្តសប្បុរសទាំងអស់របស់ប្រទេសនានា ព្រមទាំងសប្បុរសជនអន្តរជាតិជាច្រើន ដែលបានប្រគល់ដោយស័្មគ្រចិត្តនូវវត្ថុបុរាណខ្មែរជាច្រើនរួមមាន បដិមាថ្ម គ្រឿងអលង្ការ ឆ្អឹងសពបុរាណ ព្រះពុទ្ធបដិមា សិលាស្លឹករឹត និងវត្ថុតូច ធំ មួយចំនួនទៀតជាបន្តបន្ទាប់មកកម្ពុជា តាមរយៈរាជរដ្ឋាភិបាលកម្ពុជា ដែលមានក្រសួងវប្បធម៌ និងវិចិត្រសិល្បៈជាសេនាធិការ៕ អត្ថបទ៖បាន ចក់

អាមេរិក ទីក្រុងសេអ៊ូល និងជប៉ុនធ្វើសមយុទ្ធ ខណៈភាពតានតឹងលើឧបទ្វីបកូរ៉េកើនឡើង

កូរ៉េខាងត្បូង៖ សហរដ្ឋអាមេរិកបានធ្វើសមយុទ្ធដែនអាកាសរួមគ្នា ជាមួយប្រទេសកូរ៉េខាងត្បូង និងប្រទេសជប៉ុន ដែលចូលរួមដោយយន្តហោះទម្លាក់គ្រាប់បែកយុទ្ធសាស្ត្រកាលពីថ្ងៃអាទិត្យ។ នាយសេនាធិការចម្រុះរបស់ប្រទេសកូរ៉េខាងត្បូងបាននិយាយថា សមយុទ្ធនេះបានបង្ហាញពីសមត្ថភាពការពារជាតិដ៏លើសលប់របស់សម្ព័ន្ធមិត្ត និងស្ថានការណ៍ត្រៀមខ្លួនជាស្រេច។ យោធាកូរ៉េខាងត្បូងនិយាយនៅក្នុងសេចក្តីថ្លែងការណ៍ថា សមយុទ្ធបានបញ្ជាក់ពីការប្តេជ្ញាចិត្តរបស់សហរដ្ឋអាមេរិក ចំពោះការការពារឧបទ្វីបកូរ៉េ។ ក្រសួងការពារជាតិជប៉ុនបាននិយាយនៅក្នុងសេចក្តីថ្លែងការណ៍ថា នៅក្នុងសមយុទ្ធដាច់ដោយឡែកមួយ ប្រទេសជប៉ុនបានហោះហើរយន្តហោះ F-15 លើសមុទ្រជប៉ុនជាមួយនឹងយន្តហោះទម្លាក់គ្រាប់បែករបស់សហរដ្ឋអាមេរិក ដោយចាត់ទុកបរិយាកាសសន្តិសុខថា កើនឡើងកាន់តែខ្លាំង។ សមយុទ្ធដែនអាកាសនេះធ្វើឡើងរយៈពេលមួយថ្ងៃ បន្ទាប់ពីកូរ៉េខាងជើងបានបាញ់មីស៊ីលបាលីស្ទីករយៈចម្ងាយឆ្ងាយចូលទៅក្នុងសមុទ្រ នៅជិតឆ្នេរសមុទ្រភាគខាងលិចរបស់ប្រទេសជប៉ុន។ ប្រព័ន្ធផ្សព្វផ្សាយរដ្ឋរបស់កូរ៉េខាងជើង KCNA រាយការណ៍ថា ប្រទេសនេះបានធ្វើសមយុទ្ធបាញ់គ្រាប់ពិតកាលពីថ្ងៃសៅរ៍ ដែលត្រូវបានបង្ហាញតាមទូរទស្សន៍រដ្ឋ។ ការបាញ់មីស៊ីលកាលពីថ្ងៃសៅរ៍ គឺជាការបាញ់មីស៊ីលលើកដំបូងរបស់កូរ៉េខាងជើង ចាប់តាំងពីថ្ងៃទី១ ខែមករាមក៕អត្ថបទ៖ ប៊ុនថន

មេដឹកនាំលោកខាងលិចសន្យាផ្ដល់ការគាំទ្រដល់អ៊ុយក្រែននៅសន្និសីទសន្តិសុខទីក្រុង Munich

អាល្លឺម៉ង់៖ បណ្ដាមេដឹកនាំលោកខាងលិចបានសន្យាបន្តផ្ដល់ការគាំទ្រដល់អ៊ុយក្រែន នៅសន្និសីទស្ដីពីសន្តិសុខទីក្រុង Munich ក្នុងប្រទេសអាល្លឺម៉ង់។ ទោះយ៉ាងណាក៏ដោយគេនៅមិនទាន់ដឹងច្បាស់ទេថា តើសំណើរបស់ទីក្រុង Kyiv សម្រាប់ការផ្គត់ផ្គង់អាវុធឲ្យបានឆាប់រហ័សនឹងត្រូវបានទទួល ឬអត់។ សន្និសីទរយៈពេល ៣ថ្ងៃបានបញ្ចប់កាលពីថ្ងៃអាទិត្យ។ ប្រធានគោលនយោបាយកិច្ចការបរទេសរបស់សហភាពអឺរ៉ុបលោក Josep Borrell បានប្រាប់ក្រុមអ្នកចូលរួមថា អ៊ុយក្រែនកំពុងប្រឈមកង្វះខាតគ្រាប់រំសេវ និងបានអំពាវនាវឲ្យបង្កើនល្បឿនផ្ដល់ជំនួយខាងយោធាឲ្យបានឆាប់ជាងនេះ។ កិច្ចប្រជុំនេះត្រូវបានរៀបចំឡើងមុនខួប ១ឆ្នាំដំបូងនៃការវាយលុករបស់រុស្ស៊ីលើអ៊ុយក្រែនកាលពីថ្ងៃទី២៤ ខែកុម្ភៈ។ ប្រធានសន្និសីទនេះលោក Christoph Heusgen បានប្រាប់សារព័ត៌មាន NHK ថា ប្រធានាធិបតីរុស្ស៊ី Vladimir Putin ជឿថា យើងពុំមានកម្លាំងគាំទ្រអ៊ុយក្រែនទេ។ លោកប្រធានាធិបតី Volodymyr Zelenskyy បានចូលរួមសន្និសីទនេះតាមវីដេអូ និងបានអំពាវនាវឲ្យពន្លឿនការផ្ដល់អាវុធមកឲ្យខ្លួនឲ្យបានឆាប់ជាងនេះ។ ប៉ុន្តែអធិការបតីអាល្លឺម៉ង់លោក Olaf Scholz នៅតែប្រុងប្រយ័ត្នដោយលើកឡើងថា គ្រប់សមាជិកសម្ព័ន្ធយោធាណាតូមិនត្រូវបណ្ដោយខ្លួនធ្លាក់ចូលក្នុងជម្លោះនេះទេ៕អត្ថបទ៖ សុខមាន

ខេត្តស្វាយរៀង ត្រូវបានប្រកាសជាខេត្តអស់មីនទី៨ ក្រោមគម្រោងសម្តេចតេជោសម្រាប់សកម្មភាពមីន ក្រោមមូលបទ “ផ្តល់ដីសុវត្ថិភាព បង្កើតស្នាមញញឹម”

ស្វាយរៀង ៖ នៅថ្ងៃទី២០ ខែកុម្ភៈ ឆ្នាំ២០២៣ ខេត្តស្វាយរៀង ត្រូវបានប្រកាសជាខេត្តអស់មីន ក្រោមអធិបតីភាព លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច តំណាងដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី និងមានបានទទួលការគាំទ្រពី គម្រោងសម្តេចតេជោសម្រាប់សកម្មភាពមីន ក្រោមមូលបទ “ផ្តល់ដីសុវត្ថិភាព បង្កើតស្នាមញញឹម”។ ឯកឧត្តមទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន បានមានប្រសាសន៍ថា បន្ទាប់ពីទទួលការអនុញ្ញាតដ៏ខ្ពង់ខ្ពស់ពី សម្តេចតេជោនាយករដ្ឋមន្រ្តី កាលថ្ងៃទី០១ ខែសីហា ឆ្នាំ២០២២ អាជ្ញាធរមីន បានដាក់ពង្រាយកម្លាំងបោសសម្អាតមីនរបស់អង្គភាពស៊ីម៉ាក់ ធ្វើការបោសសម្អាតមីនចុងក្រោយដែលបានដឹងនៅខេត្តស្វាយរៀង ក្នុងទំហំផ្ទៃដីសរុបជាង ១២.៣៨៦.៩២៧ ម៉ែត្រក្រឡា ស្មើនឹង ១៣៩ ចម្ការមីន និងបានឈានដល់ការប្រកាសជាខេត្តអស់មីនទី៨។ឯកឧត្តមបន្តទៀតថា ទោះបីខេត្តស្វាយរៀង ត្រូវបានប្រកាសជាខេត្តមីនក៏ពិតមែន ប៉ុន្តែខេត្តស្វាយរៀង នៅបន្តរងការគំរាមដោយសារគ្រាប់បែកចង្កោម និងយុទ្ធភ័ណ្ឌមិនទាន់ផ្ទុះដទៃទៀត ក្នុងទំហំផ្ទៃដីសង្ស័យប្រមាណជាង ១០៩ គីឡូម៉ែត្រក្រឡា ស្មើនឹង ៧៧១ ចម្ការគ្រាប់ ទៀត ស្ថិតនៅពាសពេញខេត្ត។ឯកឧត្តមទេសរដ្ឋមន្រ្តី បានលើកឡើងថា ថ្ងៃនេះ ជាថ្ងៃប្រវត្តិសាស្រ្តដែលប្រជាជនខេត្តស្វាយរៀងទាំងមូល បានទទួលនូវសេរីភាពរួចចាកផុតពីគម្រាមកំហែងដោយសារមីន ហើយកម្ពុជា មុននឹងឈានដល់ថ្ងៃនេះ យើងទាំងអស់គ្នា ត្រូវគោរពដឹងគុណ កត្តញ្ញូតាធម៌ និងចងចាំជានិច្ចចំពោះស្នាដៃជាប្រវត្តិសាស្រ្ត និងវីរភាពដ៏ឧត្តុង្គឧត្តមរបស់ សម្តេចតេជោ ជារដ្ឋបុរស បិតាសន្តិភាព និងជាស្ថាបនិកនយោបាយ ឈ្នះ ឈ្នះ ក្នុងនោះក៏មានការចូលរួមផងដែរ ពីលោកជំទាវកិត្តិសង្គហបណ្ឌិត ម៉ែន សំអន ដែលជាវីរៈនារីដ៏ឆ្នើមរបស់កម្ពុជាយើង។ នយោបាយ ឈ្នះ ឈ្នះ និងការរក្សាបាននូវសុខសន្តិភាព បានធ្វើជាមូលដ្ឋានគន្លឹះដ៏សំខាន់សម្រាប់ប្រតិបត្តិករបោសសម្អាតមីនទាំងអស់ មានលទ្ធភាពចូលដល់គ្រប់ទីកន្លែង នៃទឹកដីកម្ពុជា ដោយគ្មានការភ័យខ្លាច។ យើងទាំងអស់គ្នា ត្រូវមានសុទិដ្ឋិនិយម មានក្តីសង្ឃឹម និងត្រូវសម្លឹងមើលទៅមុខជានិច្ច ដោយបន្តឈរឱបយកពន្លឺក្រោមម្លប់សន្តិភាព។ក្នុងនាមរាជរដ្ឋាភិបាលកម្ពុជា ឯកឧត្តមទេសរដ្ឋមន្រ្តី បានថ្លែងអំណរគុណ និងវាយតម្លៃខ្ពស់ចំពោះម្ចាស់ជំនួយ ប្រទេសជាមិត្តដ៏ឆ្នើមរបស់យើង និងសប្បុរសជន ដែលបានចូលរួមជាមួយរាជរដ្ឋាភិបាលកម្ពុជា ក្នុងការជួយឧបត្ថម្ភគាំទ្រដល់ការងារសកម្មភាពមីនមនុស្សធម៌ រយៈពេល ៣០ ឆ្នាំ មកនេះ។ យើងទាំងអស់ក៏មិនអាចបំភ្លេចបានដែរ ចំពោះវីរភាពដ៏អង់អាចក្លាហានរបស់ប្រតិបត្តិករបោសសម្អាតមីនជាតិ និងអន្តរជាតិ ក៏ដូចជាអង្គការស្ម័គ្រចិត្តមួយចំនួនទៀត ជាពិសេសវីរបុរស-វីរនារីដោះមីនយើង ដែលបានបំពេញការងារក្រោមពន្លឺថ្ងៃយ៉ាងក្តៅ និងទាំងប្រថុយប្រថានអាយុជីវិត ក្នុងការជួយសង្រ្គោះជីវិត និងរំដោះផ្ទៃដីជូនប្រជាពលរដ្ឋ សម្រាប់កសាងភូមិដ្ឋាន ធ្វើស្រែចំការ និងកសាងហេដ្ឋារចនាសម្ព័ន្ធសាធារណៈនានា។ក្នុងឱកាសនោះ ឯកឧត្តម ទេសរដ្ឋមន្រ្តី បានថ្លែងអំណរគុណជូនចំពោះ ឯកឧត្តម ម៉ែន វិបុល អភិបាលនៃគណៈអភិបាលខេត្តស្វាយរៀង និងអាជ្ញាធរគ្រប់លំដាប់ថ្នាក់ ដែលបានផ្តល់នូវកិច្ចសហការយ៉ាងល្អប្រសើរ ក្នុងការរៀបចំព្រឹត្តិការណ៍ដ៏មានសារៈសំខាន់នេះ ក៏ដូចជាសម្របសម្រួលដល់ការងារសកម្មភាពមីនក្នុងភូមិសាស្រ្តខេត្តស្វាយរៀង។សូមបញ្ជាក់ថា គិតត្រឹមឆ្នាំ២០២២ ផ្ទៃដីមានមីន និងសំណល់ជាតិផ្ទុះពីសង្រ្គាមក្នុងខេត្តស្វាយរៀង ចំនួន ៤១ គីឡូម៉ែត្រក្រឡា ស្មើនឹង ៤១៩ ចម្ការមីន/គ្រាប់ បានបោសសម្អាតរួច ដោយរកឃើញ និងបានកំទេចចោលមីនប្រឆាំងមនុស្សចំនួន ៣៥៦៩ គ្រាប់ មីនប្រឆាំងរថក្រោះចំនួន ១៣២ គ្រាប់ និងសំណល់ជាតិផ្ទុះផ្សេងទៀតចំនួន ៧១៨៤៣ គ្រាប់៕

អ៊ីរ៉ង់ច្រានចោលការចោទប្រកាន់ដែលថា ខ្លួនបានចម្រាញ់សារធាតុអ៊ុយរ៉ានីញ៉ូមដល់ទៅ ៨៤%

អ៊ីរ៉ង់៖ ប្រទេសអ៊ីរ៉ង់បានច្រានចោលការចោទប្រកាន់ដែលថា ខ្លួនបានចម្រាញ់សារធាតុអ៊ុយរ៉ានីញ៉ូមរហូតដល់ទៅ ៨៤% ស្របពេលមានបញ្ហាជាច្រើនដែលនៅតែបន្ត ជាមួយក្រុមឃ្លាំមើលអាវុធនុយក្លេអ៊ែរសកល IAEA និងការមិនស្របគ្នាជុំវិញកិច្ចព្រមព្រៀងនុយក្លេអ៊ែរឆ្នាំ២០១៥ របស់ខ្លួន។ ទីភ្នាក់ងារព័ត៌មានហិរញ្ញវត្ថុ Bloomberg ដែលមានមូលដ្ឋាននៅសហរដ្ឋអាមេរិកបានរាយការណ៍កាលពីថ្ងៃអាទិត្យថា ក្រុមអធិការកិច្ចជាមួយទីភ្នាក់ងារថាមពលអាតូមិកអន្តរជាតិ (IAEA) បានរកឃើញការចម្រាញ់សារធាតុអ៊ុយរ៉ានីញ៉ូមដល់កម្រិត ៨៤% ក្រោមកម្រិតតម្រូវការ ៩០% ក្នុងការផលិតអាវុធតែបន្តិចប៉ុណ្ណោះ ហើយកំពុងព្យាយាមកំណត់ថា តើការផលិតនេះជាចេតនា ឬយ៉ាងណា។ នេះគឺជាការចម្រាញ់សារធាតុអ៊ុយរ៉ានីញ៉ូមសុទ្ធខ្ពស់បំផុតមិនធ្លាប់បានឃើញនៅក្នុងប្រទេសអ៊ីរ៉ង់ ដែលបានបង្កើនការផលិតរបស់ខ្លួនចាប់តាំងពីឆ្នាំ២០១៩ មក មួយឆ្នាំបន្ទាប់ពីសហរដ្ឋអាមេរិកបានដកខ្លួនជាឯកតោភាគី ចេញពីកិច្ចព្រមព្រៀងរបស់ខ្លួនជាមួយមហាអំណាចពិភពលោក ហើយអ៊ីរ៉ង់បានប្រកាសថា ខ្លួនចម្រាញ់សារធាតុអ៊ុយរ៉ានីញ៉ូមរហូតដល់ ៦០%។ ក្រុមមន្ត្រីអ៊ីរ៉ង់បាននិយាយថា ពួកគេពុំបានស្វែងរកការផលិតអាវុធនុយក្លេអ៊ែរទេ៕អត្ថបទ៖ សុខមាន

លោក Zelenskyy និយាយថា លោក Macron កំពុងខ្ជះខ្ជាយពេលវេលាក្នុងការពិចារណាសន្ទនាជាមួយរុស្ស៊ី

អ៊ុយក្រែន៖ លោកប្រធានាធិបតីអ៊ុយក្រែន Volodymyr Zelenskiy បាននិយាយនៅក្នុងបទសម្ភាសន៍មួយចេញផ្សាយកាលពីថ្ងៃអាទិត្យថា ប្រធានាធិបតីបារាំងកំពុងខ្ជះខ្ជាយពេលវេលារបស់ខ្លួនពិចារណាលើការសន្ទនាមួយរុស្ស៊ី។ លោក Zelenskiy ត្រូវបានសម្ភាសន៍ដោយសារព័ត៌មានប្រចាំថ្ងៃរបស់អ៊ីតាលី Corriere della Sera ឆ្លើយតបទៅនឹងការលើកឡើងដោយលោកប្រធានាធិបតីបារាំង Macron ថា រុស្ស៊ីគួរតែត្រូវបានបរាជ័យ ប៉ុន្តែមិនធ្ងន់ធ្ងរទេ ហើយថា ជម្លោះនៅអ៊ុយក្រែននឹងត្រូវបានដោះស្រាយតាមរយៈការចរចា។ ប្រធានាធិបតីទាំង២ បានសន្ទនាតាមទូរស័ព្ទកាលពីថ្ងៃអាទិត្យ។ លោក Zelenskiy បានប្រាប់សារព័ត៌មានប្រចាំថ្ងៃរបស់អ៊ីតាលីថា ការចរចាគ្មានប្រយោជន៍ទេ។ តាមពិតលោក Macron កំពុងតែខ្ជះខ្ជាយពេលវេលា ខ្ញុំហាននិយាយថា យើងមិនអាចផ្លាស់ប្ដូរអត្តចរិតរបស់រុស្ស៊ីបានទេ។ លោកថា ប្រសិនបើពួកគេសម្រេចដាក់ខ្លួនឯងនៅដាច់ពីពិភពលោក ក្នុងក្ដីស្រមៃចង់កសាងអាណាចក្រសហភាពសូវៀតចាស់ឡើងវិញ យើងមិនអាចធ្វើអ្វីបានទេ។ វាអាស្រ័យលើពួកគេក្នុងការជ្រើសរើស ឬមិនធ្វើការជាមួយសហគមន៍អន្តរជាតិលើមូលដ្ឋាននៃការគោរពគ្នាទៅវិញទៅមក៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ក្រុមអន្តរាគមន៍បង្ក្រាបបទល្មើសចលនាសត្វ ឃាត់រថយន្តដឹកជ្រូក ១៧០ក្បាលមកពីប្រទេសឡាវ

ជនបរទេស ២,៦៧១នាក់ ត្រូវបានបណ្ដេញចេញពីកម្ពុជាពាក់ព័ន្ធករណី Online Scams និងបទល្មើសព្រហ្មទណ្ឌផ្សេងៗទៀត

គិតត្រឹមចុងខែមីនាឆ្នាំ២០២៦៖ រោងចក្រ សហគ្រាសកើនដល់ជាង ៤ម៉ឺន៧ពាន់ ផ្ដល់ការងាររាប់ម៉ឺនកន្លែង

លីបង់និយាយថា មនុស្ស ១៣នាក់ បានស្លាប់ នៅក្នុងការវាយប្រហាររបស់អ៊ីស្រាអែលនៅភាគខាងត្បូង

មន្ត្រីយោធាអ៊ីរ៉ង់និយាយថា សង្គ្រាមជាថ្មីជាមួយសហរដ្ឋអាមេរិក ទំនងជាកើតឡើង

នាយករដ្ឋមន្ត្រីអង់គ្លេសនិយាយថា ការដង្ហែក្បួនគាំទ្រប៉ាឡេស្ទីនមួយចំនួន អាចត្រូវបានហាមឃាត់

ការតវ៉ាផ្ទុះឡើងនៅទីក្រុង Pune ប្រទេសឥណ្ឌា ជុំវិញការចោទប្រកាន់ពីបទរំលោភ និងឃាតកម្មលើកុមារីអាយុ ៤ឆ្នាំ

រដ្ឋមន្ត្រីការបរទេសរុស្ស៊ី និងអ៊ីរ៉ង់ ពិភាក្សាអំពីសេរីភាពនៃការធ្វើនាវាចរណ៍ និងកម្មវិធីនុយក្លេអ៊ែររបស់អ៊ីរ៉ង់

របាយការណ៍៖ ការផ្ទុះគ្រាប់បែកដែលនៅសល់ពីការវាយប្រហារ បានសម្លាប់សមាជិកឆ្មាំបដិវត្តន៍អ៊ីរ៉ង់ចំនួន ១៤នាក់

អង្គការ WHO អំពាវនាវឲ្យមានការបញ្ចូលថ្នាំពេទ្យជាបន្ទាន់ទៅកាន់តំបន់ហ្កាហ្សា ដើម្បីកសាងសេវាសុខភាពឡើងវិញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្តេចតេជោ ហ៊ុន សែន ចង់ឱ្យមានសាកលវិទ្យាល័យនិងវិនិយោគិនពីចក្រភពអង់គ្លេស

មនុស្សរាប់សិបនាក់ស្លាប់ ខណៈព្យុះបង្កជាទឹកជំនន់ និងបំណាក់ដីវាយប្រហារទីក្រុងមួយចំនួននៅប្រេស៊ីល

អាមេរិកនិយាយថា ចិនអាចផ្តល់អាវុធទៅឲ្យរុស្ស៊ី

អ្នកនៅរស់ពីរញ្ជួយដីពុះពារការលំបាក ខណៈការស្វែងរកនឹងបញ្ចប់ ហើយអ្នកស្លាប់កើនលើស ៤៦,៤០០នាក់

អង់គ្លេសបញ្ជូនឈុតគ្រឿងអលង្ការមាសដែលជារតនវត្ថុដ៏មានតម្លៃវិសេសវិសាលចំនួន៧៧ឲ្យកម្ពុជាវិញ

អាមេរិក ទីក្រុងសេអ៊ូល និងជប៉ុនធ្វើសមយុទ្ធ ខណៈភាពតានតឹងលើឧបទ្វីបកូរ៉េកើនឡើង

មេដឹកនាំលោកខាងលិចសន្យាផ្ដល់ការគាំទ្រដល់អ៊ុយក្រែននៅសន្និសីទសន្តិសុខទីក្រុង Munich

អ៊ីរ៉ង់ច្រានចោលការចោទប្រកាន់ដែលថា ខ្លួនបានចម្រាញ់សារធាតុអ៊ុយរ៉ានីញ៉ូមដល់ទៅ ៨៤%

លោក Zelenskyy និយាយថា លោក Macron កំពុងខ្ជះខ្ជាយពេលវេលាក្នុងការពិចារណាសន្ទនាជាមួយរុស្ស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្តេចតេជោ ហ៊ុន សែន ចង់​ឱ្យ​មានសាកលវិទ្យាល័យនិងវិនិយោគិនពីចក្រភពអង់គ្លេស

អាមេរិក​និយាយថា ចិន​អាច​ផ្តល់​អាវុធ​ទៅ​ឲ្យ​រុស្ស៊ី

អង់គ្លេសបញ្ជូនឈុតគ្រឿងអលង្ការមាសដែលជារតនវត្ថុដ៏មានតម្លៃវិសេសវិសាលចំនួន៧៧ឲ្យកម្ពុជាវិញ

អាមេរិក ទីក្រុង​សេ​អ៊ូ​ល និង​ជប៉ុន​ធ្វើ​សមយុទ្ធ​ ខណៈ​ភាព​តានតឹង​លើ​ឧបទ្វីប​កូរ៉េ​កើន​ឡើង​

មេដឹកនាំ​លោកខាងលិច​សន្យា​ផ្ដល់​ការគាំទ្រ​ដល់​អ៊ុយ​ក្រែ​ននៅ​សន្និសីទ​សន្តិសុខ​ទីក្រុង Munich

អ៊ីរ៉ង់​ច្រានចោល​ការចោទប្រកាន់​ដែល​ថា​ ខ្លួន​បាន​ចម្រាញ់​សារធាតុ​អ៊ុយ​រ៉ានី​ញ៉ូ​ម​ដល់​ទៅ​ ៨៤%

លោក Zelenskyy និយាយថា​ លោក​ Macron ​កំពុង​ខ្ជះខ្ជាយ​ពេលវេលា​ក្នុង​ការ​ពិចារណា​សន្ទនា​ជាមួយ​រុស្ស៊ី​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សម្តេចតេជោ ហ៊ុន សែន ចង់ឱ្យមានសាកលវិទ្យាល័យនិងវិនិយោគិនពីចក្រភពអង់គ្លេស

អាមេរិកនិយាយថា ចិនអាចផ្តល់អាវុធទៅឲ្យរុស្ស៊ី

អាមេរិក ទីក្រុងសេអ៊ូល និងជប៉ុនធ្វើសមយុទ្ធ ខណៈភាពតានតឹងលើឧបទ្វីបកូរ៉េកើនឡើង

មេដឹកនាំលោកខាងលិចសន្យាផ្ដល់ការគាំទ្រដល់អ៊ុយក្រែននៅសន្និសីទសន្តិសុខទីក្រុង Munich

អ៊ីរ៉ង់ច្រានចោលការចោទប្រកាន់ដែលថា ខ្លួនបានចម្រាញ់សារធាតុអ៊ុយរ៉ានីញ៉ូមដល់ទៅ ៨៤%

លោក Zelenskyy និយាយថា លោក Macron កំពុងខ្ជះខ្ជាយពេលវេលាក្នុងការពិចារណាសន្ទនាជាមួយរុស្ស៊ី