BTV NEWS

សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

សម្ដេចធិបតី៖ កងទ័ពថៃបានចូលកាន់កាប់ទឹកដីកម្ពុជាយ៉ាងជ្រៅលើសសូម្បីផែនទីឯកតោភាគីគេបានអះអាង

សម្ដេចតេជោ ហ៊ុន សែន ឆ្លៀតវាយកូនគោលនៅថ្ងៃចុងសប្ដាហ៍ ក្រោយខកខានជាង ១ឆ្នាំ

រាជរដ្ឋាភិបាលបង្ហាញលទ្ធផលការងារឆ្នាំ២០២៥ សម្រាប់ការអនុវត្តផែនការយុទ្ធសាស្ត្រអភិវឌ្ឍន៍ជាតិ

ព័ត៌មានសំខាន់ៗ

ការតវ៉ានៅក្រុងប៉ារីស បន្ទាប់ពីរដ្ឋាភិបាលជំរុញការផ្លាស់ប្តូរអាយុចូលនិវត្តន៍ដោយគ្មានការបោះឆ្នោត

បារាំង៖ ក្រុមអ្នកតវ៉ាជាង ២,០០០នាក់បានប្រមូលផ្តុំគ្នានៅទីលាន Place de la Concorde ក្នុងទីក្រុងប៉ារីសប្រទេសបារាំងកាលពីថ្ងៃព្រហស្បតិ៍ បន្ទាប់ពីនាយករដ្ឋមន្ត្រីបារាំងលោកស្រី Elisabeth Borne បានប្រើនីតិវិធីពិសេសមួយ ដើម្បីជំរុញច្បាប់ចូលនិវត្តន៍ដែលមិនទូលំទូលាយតាមរយៈរដ្ឋសភា ដោយគ្មានការបោះឆ្នោត។ វិធានការនេះនឹងធានាបាននូវច្បាប់បង្កើនអាយុចូលនិវត្តន៍ ២ឆ្នាំពីអាយុ ៦២ឆ្នាំរហូតដល់អាយុ ៦៤ឆ្នាំ ដែលរដ្ឋាភិបាលនិយាយថា មានសារៈសំខាន់ដើម្បីធានាបានថា ប្រព័ន្ធប្រាក់សោធននិវត្តន៍នឹងមិនខ្វះដែលត្រូវបានអនុម័ត បន្ទាប់ពីការតវ៉ាជាច្រើនសប្តាហ៍ និងការជជែកដេញដោល។ ប៉ុន្តែវាបង្ហាញថា ប្រធានាធិបតីលោក Emmanuel Macron និងរដ្ឋាភិបាលរបស់លោកមិនទទួលបានសំឡេងភាគច្រើននៅក្នុងសភានោះទេ និងសមត្ថភាពរបស់លោកក្នុងការទទួលបានការគាំទ្រពីគណបក្សផ្សេងទៀត សម្រាប់កំណែទម្រង់បន្ថែម។ ការស្ទង់មតិបង្ហាញថា អ្នកបោះឆ្នោតភាគច្រើនប្រឆាំងកំណែទម្រង់សោធននិវត្តន៍ ខណៈសហជីពពណិជ្ជកម្មបាននិយាយថា មានវិធីផ្សេងទៀតដើម្បីធ្វើឱ្យមានតុល្យភាពក្នុងរឿងនេះ រួមមានទាំងការយកពន្ធ។ ការងាកទៅរកវិធានការនេះទំនងជាធ្វើឱ្យសហជីព អ្នកតវ៉ា និងគណបក្សប្រឆាំងឆ្វេងនិយមខឹងសម្បាបន្ថែមទៀត ដែលបាននិយាយថា ការដំឡើងអាយុចូលនិវត្តន៍គឺអយុត្តិធម៌ និងមិនចាំបាច់៕អត្ថបទ៖ ប៊ុនថន

ប្រណាំងប្រជែងជាប្រវត្តិសាស្ត្ររវាងកូរ៉េខាងត្បូង និងជប៉ុនធូរស្រាលក្រោយជំនួបនៅទីក្រុងតូក្យូ

ជប៉ុន៖ មេដឹកនាំជប៉ុន និងកូរ៉េខាងត្បូងបានជួបគ្នាកាលពីថ្ងៃព្រហស្បតិ៍ក្នុងឱកាសជាប្រវត្តិសាស្ត្រ ព្រោះនេះជាលើកដំបូងដែលប្រធានាធិបតីកូរ៉េខាងត្បូង បានទៅទស្សនកិច្ចប្រទេសជប៉ុនក្នុងរយៈពេល ១២ឆ្នាំមកនេះ។ ប្រទេសទាំង២ ដែលជាសម្ព័ន្ធមិត្តរបស់សហរដ្ឋអាមេរិក ប៉ុន្តែក៏ជាគូសត្រូវរវាងគ្នាដែរនោះកំពុងពន្លឿនសន្ទុះខិតទៅជិតគ្នាកាន់តែខ្លាំង ដោយសារការកើនឡើងវត្តមានរបស់ចិននៅក្នុងកិច្ចការពិភពលោក និងការគំរាមផ្នែកសន្តិសុខទៅវិញទៅមកដូចជាប្រទេសកូរ៉េខាងជើង។ កូរ៉េខាងជើងបានបាញ់មីស៊ីលបាលីស្ទីករយៈចម្ងាយឆ្ងាយ ១គ្រាប់ផ្សេងទៀតដែលបានធ្លាក់ក្នុងសមុទ្ររវាងប្រទេសទាំង៣ ប៉ុន្មានម៉ោងមុនលោកប្រធានាធិបតីកូរ៉េខាងត្បូង Yoon Suk Yeol បានទៅដល់ប្រទេសជប៉ុន។ លោក Yoon និងលោកនាយករដ្ឋមន្ត្រីជប៉ុន Fumio Kishida បានឈានដល់កិច្ចព្រមព្រៀងថ្មីៗមួយចំនួនក្នុងដំណើរទស្សនកិច្ចនេះ រួមទាំងការបង្កើនការចែករំលែកព័ត៌មានចារកម្ម និងបញ្ចប់ជម្លោះជិត ៤ឆ្នាំជុំវិញវត្ថុធាតុដើមដែលបានប្រើប្រាស់ក្នុងឧបករណ៍បច្ចេកវិទ្យាទំនើប។ ដំណើរទស្សនកិច្ចនេះក៏បានកើតឡើងផងដែរ អំឡុងសមយុទ្ធយោធារួមគ្នារវាងកងកម្លាំងកូរ៉េខាងត្បូង និងសហរដ្ឋអាមេរិក។ គេពុំបានដឹងច្បាស់ទេថា តើភាពកក់ក្ដៅរវាងរដ្ឋាភិបាលជប៉ុន និងកូរ៉េខាងត្បូងនឹងផ្លាស់ប្ដូរផ្នត់គំនិតនៅក្នុងប្រទេសរបស់ខ្លួន ឬអត់ទេ៕ អត្ថបទ៖ សុខមាន

កូរ៉េខាងជើង៖ ខ្លួនបាញ់មីស៊ីល ICBM ដើម្បីព្រមានអាមេរិក និងកូរ៉េខាងត្បូងចំពោះសមយុទ្ធដែលនៅតែបន្ត

កូរ៉េខាងជើង៖ សារព័ត៌មានរដ្ឋបានរាយការណ៍ថា កូរ៉េខាងជើងបាននិយាយថា មីស៊ីលដែលខ្លួនបានបាញ់កាលពីថ្ងៃព្រហស្បតិ៍ ទី១៦មីនាគឺជាមីស៊ីលបាលីស្ទីកអន្តរទ្វីប ICBM Hwasong-17 ដែលបានបាញ់អំឡុងសមយុទ្ធមួយ ដើម្បីបង្ហាញកាយវិការឆ្លើយតបយ៉ាងម៉ឺងម៉ាត់ចំពោះសមយុទ្ធយោធារវាងអាមេរិក និងកូរ៉េខាងត្បូងដែលនៅតែបន្ត។ រូបភាពដែលបានបញ្ចេញនៅថ្ងៃសុក្រទី១៧ មីនា ដោយសារព័ត៌មានរដ្ឋាភិបាលរបស់ប្រទេសនេះបានបង្ហាញលោក Kim Jong Un កំពុងឈរមើលការបាញ់ជាមួយកូនស្រីរបស់លោក និងរួមទាំងរូបភាពពីការថតតាមអាកាសដោយកាមេរ៉ាបំពាក់លើមីស៊ីលនោះ។ កូរ៉េខាងជើងបានបាញ់មីស៊ីល ICBM ចូលក្នុងសមុទ្រចន្លោះឧបទ្វីបកូរ៉េ និងប្រទេសជប៉ុនកាលពីថ្ងៃព្រហស្បតិ៍ ប៉ុន្មានម៉ោងមុនលោកប្រធានាធិបតីកូរ៉េខាងត្បូង ធ្វើដំណើរទៅជួបនាយករដ្ឋមន្ត្រីជប៉ុនក្នុងទីក្រុងតូក្យូ ដើម្បីពិភាក្សាពីមធ្យោបាយទប់ទល់អាវុធនុយក្លេអ៊ែរកូរ៉េខាងជើង។ ទីភ្នាក់ងារសារព័ត៌មានរដ្ឋ KCNA បាននិយាយថា សមយុទ្ធបាញ់អាវុធយុទ្ធសាស្ត្រនេះ ជាឱកាសក្នុងការចេញការព្រមានយ៉ាងដាច់ណាត់កាន់តែខ្លាំងជាងមុន ចំពោះសត្រូវដែលមានចេតនាដុតបញ្ឆេះភាពតានតឹងនៅឧបទ្វីបកូរ៉េ ខណៈមានការគំរាមកំហែងដោយយោធាដោយគ្មានការទទួលខុសត្រូវ និងមិនខ្វល់ពីគ្រោះថ្នាក់៕អត្ថបទ៖ សុខមាន

ព្រឹកស្អែក សម្ដេចតេជោ ហ៊ុន សែន នឹងអញ្ជើញជាអធិបតីក្នុងពិធីទទួលរតនវត្ថុបុរាណខ្មែរដែលបានត្រឡប់មកវិញ

ភ្នំពេញ ÷ នៅព្រឹក ថ្ងៃសុក្រ ១១រោច ខែផល្គុន ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី១៧ ខែមីនា ឆ្នាំ២០២៣ ស្អែកនេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញជាអធិបតីភាពដ៏ខ្ពង់ខ្ពស់នៅក្នុងពិធីទទួលរតនវត្ថុបុរាណខ្មែរដែលបានប្រគល់ជូនព្រះរាជាណាចក្រកម្ពុជាវិញ។ ពិធីនេះត្រូវរៀបចំធ្វើឡើងនៅវិមានសន្តិភាព នៃទីស្ដីការនាយករដ្ឋមន្ត្រី។ ការបញ្ជូនត្រឡប់មកវិញនៃសម្បត្តិវប្បធម៌ខ្មែរទាំងនេះ គឺជាកិច្ចសហការយ៉ាងសកម្មបំផុតពីគ្រប់ភាគីពាក់ព័ន្ធ ទាំងស្ថាប័នរដ្ឋ ផ្នែកឯកជន អ្នកជំនាញជាតិ និងអន្តរជាតិ និងទំនាក់ទំនងយ៉ាងជិតស្និទ្ធជាមួយបណ្តាប្រទេសនានា ទាំងក្នុងក្របខ័ណ្ឌទ្វេភាគី ពហុភាគី និងក្របខ័ណ្ឌនៃអង្គការយូណេស្កូ ជាពិសេស កិច្ចសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលសហរដ្ឋអាមេរិក ដោយទទួលបានលទ្ធផលដូចជា៖ កិច្ចព្រមព្រៀងមួយ នាថ្ងៃទី១៨ ខែកញ្ញា ឆ្នាំ២០២០ រវាងក្រសួងវប្បធម៌ និងវិចិត្រសិល្បៈ ជាតំណាងនៃរាជរដ្ឋាភិបាលកម្ពុជា និងគ្រួសារលោក ឌូគ្លាស ឡាតហ្វដ (Douglas Latchford) បានប្រគល់ជូនមកកម្ពុជាវិញ នូវវត្ថុបុរាណខ្មែរទាំងអស់ដែលកាន់កាប់រក្សាទុកដោយគ្រួសារ លោកឡាត ហ្វដ។ បន្ថែមពីលើនេះ សម្បត្តិវប្បធម៌ខ្មែរសំខាន់ៗជាច្រើនដែលកាន់កាប់រក្សាទុកដោយសារមន្ទីរនានា និងអ្នកកាន់កាប់សមុច្ច័យឯកជន (មួយចំនួនរឹបអូសបានដោយសមត្ថកិច្ចអាមេរិក និងមួយចំនួនទៀតតាមរយៈការប្រគល់ដោយស្ម័គ្រចិត្ត) ក៏ត្រូវបានបញ្ជូន ត្រឡប់មកកម្ពុជាវិញជាបន្តបន្ទាប់ពីសហរដ្ឋអាមេរិក និងចក្រភពអង់គ្លេស។ ថ្មីៗនេះទៀតសោត គ្រឿងអលង្ការបុរាណខ្មែរធ្វើពីមាស និងលោហៈមានតម្លៃទាំង ធំ-តូច ចំនួន ៧៧គ្រឿង ត្រូវបាននាំយកពីចក្រភពអង់គ្លេសមកដល់កម្ពុជា នៅថ្ងៃទី១៧ ខែកុម្ភៈ ឆ្នាំ២០២៣ ដោយក្រុមការងារកម្ពុជាដឹកនាំដោយ ឯកឧត្តម ហ៊ុន ម៉ានី ក្នុងនាមតំណាងរាជរដ្ឋាភិបាលកម្ពុជា ក្រោមកិច្ចសហការជាមួយរដ្ឋាភិបាលចក្រភពអង់គ្លេស រដ្ឋាភិបាលសហរដ្ឋអាមេរិក និងការជួយសម្របសម្រួលពីស្ថានទូតកម្ពុជា។ ទន្ទឹមនឹងនេះ ក្រសួងវប្បធម៌ និងវិចិត្រសិល្បៈ បាន និងកំពុងសហការជាមួយរដ្ឋាភិបាលសហរដ្ឋអាមេរិក និងប្រទេសដ៏ទៃទៀត ក៏ដូចជាបន្តការចរចាជាមួយស្ថាប័ន និងអ្នកកាន់កាប់សមុច្ច័យឯកជន ដើម្បីរៀបចំនីតិវិធីទាមទារ និងបញ្ជូនវត្ថុបុរាណខ្មែរជាច្រើនទៀត ត្រឡប់មកកម្ពុជាវិញ។ ក្នុងចំណោមសម្បត្តិវប្បធម៌ខ្មែរដែលទទួលបានមកវិញនេះ មានរូបបដិមាសំខាន់ៗមួយចំនួនផ្នែកព្រហ្មញ្ញសាសនា និងពុទ្ធសាសនា ព្រមទាំងគ្រឿងអលង្ការបុរាណ ក្នុងសម័យមុនអង្គរ និងសម័យអង្គរ ជាពិសេស បដិមាថ្មធំៗដូចជា៖ ព្រះឥសូរ និងព្រះស្កន្ទ, ព្រះស្កន្ទគង់លើក្ងោក និងព្រះគណេស ដែលមានប្រភពដើមមកពីរមណីយដ្ឋានប្រាសាទកោះកេរ អតីតរាជធានីនៃអាណាចក្រខ្មែរនៅសតវត្សរ៍ទី១០នៃគ.ស. ដែលធ្លាប់ជាគោលដៅនៃការលួចទ្រង់ទ្រាយធំអស់ជាច្រើនឆ្នាំនៅក្នុងអំឡុងនៃសម័យសង្គ្រាមស៊ីវិល និងអសន្តិសុខក្នុងស្រុក។ប្រជាជនកម្ពុជាទាំងមូល ពិតជាមានមោទនភាព និងសេចក្តីរំភើបរីករាយឥតឧបមា ជាមួយនឹងការអបអរសាទរអស់ពីដួងចិត្ត ចំពោះការវិលត្រឡប់មកវិញនូវរតនសម្បត្តិវប្បធម៌ដែលជាព្រលឹងដូនតារបស់ខ្លួន និងជាអត្តសញ្ញាណជាតិ ក្រោមដំបូលនៃសុខសន្តិភាព និងការដឹកនាំប្រកបដោយគតិបណ្ឌិតរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា៕

ព្រះមហាក្សត្រ និងហ្លួងម៉ែស្តេចយាងនិវត្តមកមាតុប្រទេសវិញហើយ

ភ្នំពេញ ៖ ព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា និងសម្ដេចព្រះមហាក្សត្រី នរោត្ដម មុនីនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្ដីថ្លៃថ្នូរ និងសុភមង្គល ព្រះអង្គទាំងទ្វេ បានសព្វព្រះរាជហឫទ័យស្ដេចយាងនិវត្តមកកាន់មាតុប្រទេសវិញហើយ នៅរសៀលថ្ងៃទី១៦ ខែមីនាឆ្នាំ២០២៣ តាមព្រះទីនាំងយន្តហោះពិសេស របស់ព្រះរាជាណាចក្រកម្ពុជា។គួរបញ្ជាក់ថា ព្រះករុណា ព្រះមហាក្សត្រជីវិតលើត្បូង និងសម្តេចម៉ែ ព្រះអង្គទាំងទ្វេ បានសព្វព្រះរាជហឫទ័យស្ដេចយាងទៅកាន់ទីក្រុងប៉េកាំង នៃសាធារណរដ្ឋប្រជាមានិតចិន កាលពីថ្ងៃទី១២ ខែកុម្ភៈ ឆ្នាំ២០២៣ ដើម្បីស្តេចយាងទៅពិនិត្យ និងព្យាបាលព្រះរាជសុខភាព ជាទៀតទាត់របស់ព្រះអង្គ។តាមពិតទៅបើតាមកម្មវិធីដែលគ្រោងទុក ព្រះអង្គទាំងទ្វេពុំទាន់នឹងត្រូវដល់ពេលស្តេចយាងនិវត្តវិញ នៅពេលនេះនៅឡើយទេ ប៉ុន្តែដោយសារព្រះករុណាព្រះមហាក្សត្រនឹងត្រូវស្តេចយាងជាព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជពិធីប្រោសព្រះរាជទាន ព្រះអគ្គីជ័យកីឡាសម្រាប់ព្រឹត្តិការណ៍ប្រកួតកីឡាអាស៊ីអាគ្នេយ៍លើកទី៣២ និងកីឡាអាស៊ានប៉ារ៉ាហ្គេមលើកទី១២ ឆ្នាំ២០២៣នៅអង្គរវត្ត ខេត្តសៀមរាប នាវេលាម៉ោង ៨ព្រឹកថ្ងៃទី២១ ខែមីនា ទើបព្រះអង្គទាំងទ្វេបានស្តេចយាងមកកាន់មាតុប្រទេសវិញនៅថ្ងៃនេះតែម្តង។យាងនិងអញ្ជើញថ្វាយព្រះរាជដំណើរព្រះអង្គទាំងទ្វេ ស្តេចយាងនិវត្តដល់អាកាសយានដ្ឋានអន្តរជាតិភ្នំពេញវិញ មានវត្តមាន សម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា សម្ដេចអគ្គមហាពញាចក្រី ហេង សំរិន ប្រធានរដ្ឋសភា សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារ ជាតិ ព្រមទាំងព្រះរាជវង្សានុវង្ស និងមន្ត្រីអ្នកមុខអ្នកការជាច្រើនរូប។ដោយឡែក ឯកឧត្តម វ៉ាង វិនធៀន ឯកអគ្គរដ្ឋទូតនៃសាធារណរដ្ឋ ប្រជាមានិតចិនប្រចាំកម្ពុជាក៏មានវត្តមានផងដែរ។ថ្នាក់ដឹកនាំជាន់ខ្ពស់ មន្ត្រីរាជការគ្រប់ជាន់ថ្នាក់ កងកម្លាំងប្រដាប់អាវុធគ្រប់ប្រភេទ និងប្រជារាស្ត្ថ្រខ្មែរ មានសេចក្តីសោមនស្សរីករាយដែលព្រះអង្គទាំងទ្វេបានស្តេចយាងនិវត្តវិញនិងសូមបួងសួងដល់ទស្សបារមីនៃ វត្ថុសក្តិសិទ្ធិនៅក្នុងលោក ទេវតាថែរក្សាព្រះមហាស្វេតឆ័ត្រ ដួងព្រះវិញ្ញាណក្ខន្ធអតីតព្រះ មហាក្សត្រ ព្រះមហាក្សត្រិយានីខ្មែរគ្រប់ព្រះអង្គ ជាពិសេសដួងព្រះវិញ្ញាណក្ខន្ធ ព្រះបរមរតនកោដ្ឋ សូមតាមជួយអភិបាល ថែរក្សាគ្រង ព្រះអង្គទាំងទ្វេ សូមមានព្រះរាជសុខភាពល្អបរិបូរណ៍ ព្រះជន្មយឺនយូរ ដើម្បីស្តេចគង់ប្រថាប់ជាម្លប់ដ៏ត្រជាក់ត្រជុំដល់ប្រជារាស្ត្រខ្មែរទូទាំងប្រទេសនិងបន្តពូនជ្រុំថែរក្សាសុខសន្តិភាព ស្ថិរភាពនិងការអភិវឌ្ឍឱ្យរីកចំរើនរុងរឿងតទៅមុខទៀត៕

រាជរដ្ឋាភិបាលបង្កើតគណៈកម្មការរៀបចំក្រុមការងារទេសចរណ៍លើកទី៥១ និង វេទិកាទេសចរណ៍ មេគង្គឆ្នាំ២០២៣នៅសីហនុ

ភ្នំពេញ ៖ រាជរដ្ឋាភិបាលកម្ពុជា ចេញសេចក្តីសម្រេចបង្កើតគណៈកម្មការអន្តរក្រសួងដើម្បីរៀបចំក្រុមការងារទេសចរណ៍លើកទី៥១ និងវេទិកាទេសចរណ៍មេគង្គឆ្នាំ២០២៣ នៅខេត្តព្រះសីហនុ ក្រោមប្រធានបទ «គិតគូរឡើងវិញពីភាពធន់ និងបច្ចេកវិទ្យាក្នុងវិស័យទេសចរណ៍» (Rethink for Resilience and Digitalization)។ចេញសេចក្តីសម្រេចបង្កើតគណៈកម្មការអន្តរក្រសួង ថ្ងៃទី៩ ខែមីនា ឆ្នាំ២០២៣ រាជរដ្ឋាភិបាលកម្ពុជា បានបង្កើតគណៈកម្មការអន្តរក្រសួង ដើម្បីត្រៀមលក្ខណៈកម្ពុជាធ្វើជាម្ចាស់ផ្ទះកិច្ចប្រជុំក្រុមការងារទេសចរណ៍មេគង្គលើកទី៥១ (51st Great Mekong Sub-region Tourism Working Group) និងវេទិកាទេសចរណ៍មេគង្គឆ្នាំ២០២៣ ចាប់ពីថ្ងៃទី២៤ដល់ ២៨ ខែមេសា ឆ្នាំ២០២៣ នៅខេត្តព្រះសីហនុ ក្រោមប្រធានបទ «គិតគូរឡើងវិញពីភាពធន់ និងបច្ចេកវិទ្យាក្នុងវិស័យទេសចរណ៍» (Rethink Resilience and Digitalization)។ យោងតាមសេចក្ដីសម្រេច ឯកឧត្តម ថោង ខុន រដ្ឋមន្ត្រីក្រសួងទេសចរណ៍ គឺជាប្រធាន និងឯកឧត្តម គួច ចំរើន អភិបាលនៃគណៈអភិបាលខេត្តជាអនុប្រធាន និងមានសមាសភាពជាអនុប្រធាន និងសមាជិកមកពីក្រសួងស្ថាប័នពាក់ព័ន្ធ និងកងកម្លាំងប្រដាប់អាវុធសរុបចំនួន ១៣ រូប ដើម្បីដឹកនាំ ចាត់ចែង និងត្រួតពិនិត្យដំណើរការរៀបចំកម្មវិធីខាងលើឲ្យមានប្រសិទ្ធភាព និងទទួលបានជោគជ័យ។ តាមរយៈសេចក្តីសម្រេចខាងលើ រាជរដ្ឋាភិបាល ក៏បានចាត់តាំងឯកឧត្តម ថោង រដ្ឋសក្តិ អគ្គនាយកអភិវឌ្ឍន៍ទេសចរណ៍ និងសហប្រតិបត្តិការអន្តរជាតិ ជាអនុប្រធានអចិន្ត្រៃយ៍ ដើម្បីសម្របសម្រួលកម្មវិធីខាងលើផងដែរ។គួរបញ្ជាក់ថា វេទិកាទេសចរណ៍មេគង្គ គឺជាកម្មវិធីមួយស្ថិតក្នុងក្របខណ្ឌនៃកិច្ចសហប្រតិបត្តិការសេដ្ឋកិច្ចរបស់ប្រទេសមហាអនុតំបន់មេគង្គ (GMS) បានផ្តោតសំខាន់ក្នុងការពង្រឹង និងលើកកម្ពស់ភាពជាដៃគូររដ្ឋ និងឯកជន (PPP) ក្នុងវិស័យទេសចរណ៍ សំដៅអភិវឌ្ឍផលិតផល និងជំរុញការផ្សព្វផ្សាយទេសចរណ៍ប្រទេសមហាអនុតំបន់មេគង្គឲ្យក្លាយជាគោលដៅទាក់ទាញរួមគ្នា និងផ្តល់នូវបទពិសោធន៍ថ្មី និងល្អឯកដល់ភ្ញៀវទេសចរ។ បើតាមក្រសួងទេសចរណ៍ របៀបវារៈសំខាន់ៗក្នុងកម្មវិធីវេទិកាទេសចរណ៍មេគង្គ ឆ្នាំ២០២៣ គ្រោងរៀបចំជាបទបង្ហាញរបស់អ្នកជំនាញអន្តរជាតិលើប្រធានបទចំនួន២ រួមមាន៖ (១) ការគិតគូរឡើងវិញពីវិស័យទេសចរណ៍ (Rethinking Tourism- A Pathway for Building Back Better and Stronger) និង (២) គិតគូរឡើងវិញពីប្រព័ន្ធចំណីអាហារក្នុងវិស័យទេសចរណ៍ (Rethinking Food System- A Lever to Protect the Planet)។ ក្រៅពីនេះកម្មវិធីមានរៀបចំកិច្ចពិភាក្សា (Panelist Discussion) ចំនួន ៣រួមមាន៖ (១) ទេសចរណ៍វ័យឆ្លាត និងគោលដៅទេសចរណ៍វ័យឆ្លាតតាមរយៈបច្ចេកវិទ្យា (Smart Tourism and Smart Destination via Digitalization) (២) គិតគូរឡើងវិញពីវិស័យម្ហូបអាហារ ដើម្បីការពារភពផែនដី (Rethinking Food System- A lever to protect the Planet) និង (៣) ការពង្រឹងមូលធនមនុស្ស ដើម្បីភាពធន់ក្នុងវិស័យទេសចរណ៍ (Advancing Human Capital… Advancing Industry Resilience) ដោយមានមានការចូលរួមពីអ្នកសម្របសម្រួល និងវាគ្មិនជាតិ និងអន្តរជាតិ ដែលមកពីស្ថាបនសាធារណៈ ឯកជន និងអ្នកជំនាញការអន្តរជាតិនានា៕ ដោយ ៖ ដារា

ផ្សារភាគហ៊ុនអាស៊ីធ្លាក់ចុះភ្លាមៗ ក្រោយភាពរំជើបរំជួលនៅធនាគារ Credit Suisse

អាស៊ី៖ ផ្សារភាគហ៊ុននៅតំបន់អាស៊ីបានធ្លាក់ចុះយ៉ាងគំហុកនៅថ្ងៃព្រហស្បតិ៍ ទី១៦មីនានេះ ហើយក្រុមវិនិយោគិនងាកទៅរកសុវត្ថិភាពខាងមាស ប័ណ្ណបំណុល និងប្រាក់ដុល្លារ ខណៈដែលធនាគារ Credit Suisse បានក្លាយជាចំនុចក្ដៅចុងក្រោយបំផុតសម្រាប់ក្ដីបារម្ភលើបញ្ហាសេវាធនាគារ ដែលបណ្ដាលឲ្យទីផ្សារភាគហ៊ុនដាំក្បាលចុះមុនជំនួបរបស់មន្ត្រីធនាគារកណ្ដាលអឺរ៉ុបនៅថ្ងៃនេះ។ សន្ទស្សន៍ភាគហ៊ុនសំខាន់ៗនៅក្នុងប្រទេសជប៉ុន ទីក្រុងហុងកុង និងអូស្ត្រាលីបានធ្លាក់ចុះជាង 1% ខណៈមានការខាតបង់កាន់តែធ្ងន់ធ្ងរនៅក្នុងភាគហ៊ុនធនាគារសកល។ សន្ទស្សន៍ផ្សារភាគហ៊ុន Nikkei 225 របស់ជប៉ុនបានធ្លាក់ចុះ 26,796.67ពិន្ទុនៅព្រឹកថ្ងៃព្រហស្បតិ៍នេះ ក្នុងនោះធនាគារនានាបានធ្លាក់ចុះ 4.15%។ ក្នុងចំណោមទីផ្សារភាគហ៊ុនខាតបង់ធំបំផុតមានក្រុមហ៊ុន Sumitomo Mitsui Trust Holdings Inc បានធ្លាក់ចុះ 6.8% និងធនាគារ Japan Post Bank Co Ltd បានធ្លាក់ 5.5%៕អត្ថបទ៖ សុខមាន

ប្រមុខការពារជាតិរុស្ស៊ី-អាមេរិកពិភាក្សាអំពីការធ្លាក់យានដ្រូននៅសមុទ្រខ្មៅ

អាមេរិក៖ រដ្ឋមន្ត្រីការពារជាតិសហរដ្ឋអាមេរិកលោក Lloyd Austin បានអះអាងកាលពីថ្ងៃពុធថា សហរដ្ឋអាមេរិកនឹងបន្តហោះហើរ និងធ្វើប្រតិបត្តិការគ្រប់ទីកន្លែងដែលច្បាប់អន្តរជាតិអនុញ្ញាត។ បញ្ហានេះកើតមានឡើងបន្ទាប់ពីយានដ្រូនរបស់អាមេរិកបានធ្លាក់ នៅសមុទ្រខ្មៅក្បែរតំបន់គ្រីមៀកាលពីព្រឹកថ្ងៃអង្គារ ដោយសហរដ្ឋអាមេរិកបាននិយាយថា យន្តហោះចម្បាំងរបស់រុស្ស៊ីបានបុកជាមួយយានដ្រូនបណ្តាលឱ្យធ្លាក់។ លោក Austin និយាយថា លោកបានជួបសន្ទនាជាមួយសមភាគីរុស្ស៊ីតាមទូរស័ព្ទ ដើម្បីពិភាក្សាអំពីឧបទ្ទវហេតុនេះ ប៉ុន្តែពុំបានផ្តល់ព័ត៌មានលម្អិតនៃការសន្ទនារបស់ប្រមុខការពារជាតិទាំងពីរនោះទេ។ រដ្ឋមន្ត្រីការពារជាតិរុស្ស៊ីលោក Sergei Shoigu បាននិយាយថា តាមគំនិតផ្តួចផ្តើមរបស់ភាគីអាមេរិក ការសន្ទនាតាមទូរស័ព្ទត្រូវបានធ្វើឡើងរវាងរដ្ឋមន្ត្រីការពារជាតិរុស្ស៊ីលោក Sergei Shoigu និងរដ្ឋមន្ត្រីការពារជាតិអាមេរិកលោក Lloyd Austin។ ការប៉ះទង្គិចគ្នានៅកណ្តាលអាកាសរវាងយានដ្រូនចារកម្មរបស់សហរដ្ឋអាមេរិក និងយន្តហោះចម្បាំងរុស្ស៊ីនៅក្នុងដែនអាកាសអន្តរជាតិ បានជំរុញឱ្យមានការអំពាវនាវដោយផ្ទាល់ដ៏កម្ររវាងមេដឹកនាំយោធានៅទីក្រុងវ៉ាស៊ីនតោន និងទីក្រុងមូស្គូ។ រដ្ឋមន្ត្រីការពារជាតិអាមេរិកលោក Lloyd Austin កាលពីថ្ងៃពុធបាននិយាយថា លោកបានសន្ទនាជាមួយរដ្ឋមន្ត្រីការពារជាតិរុស្ស៊ីអំពីឧបទ្ទវហេតុនេះ ដែលយន្តហោះរុស្ស៊ី Su-27 បានស្ទាក់ចាប់វាយប្រហារ និងធ្វើឱ្យខូចខាតដល់យានដ្រូន MQ-9 Reaper របស់អាមេរិក ដែលបង្ខំឲ្យប្រតិបត្តិករបញ្ជាយានដ្រូនឲ្យធ្លាក់ចូលទៅក្នុងសមុទ្រខ្មៅ។ ទន្ទឹមនឹងនេះរដ្ឋមន្ត្រីការបរទេសរុស្ស៊ីលោក Sergei Lavrov បាននិយាយកាលពីថ្ងៃពុធថា សហរដ្ឋអាមេរិកនៅក្នុងសេចក្តីអត្ថាធិប្បាយទាក់ទងនឹងការធ្លាក់យានដ្រូនយោធារបស់ខ្លួននៅសមុទ្រខ្មៅ គឺមិនអើពើចំពោះការពិតដែលថា រុស្ស៊ីបានបង្កើតការរឹតត្បិតលំហអាកាសនៅក្នុងតំបន់នោះ។ នៅក្នុងបទសម្ភាសន៍តាមទូរទស្សន៍រដ្ឋលោក Lavrov បាននិយាយថា រុស្ស៊ីបានបង្កើតដែនកំណត់លើជើងហោះហើរនៅក្នុងតំបន់សមុទ្រខ្មៅ បន្ទាប់ពីការចាប់ផ្តើមយុទ្ធនាការយោធារបស់រុស្ស៊ីនៅអ៊ុយក្រែន ជាការពិតដែលសហរដ្ឋអាមេរិកបានដឹងយ៉ាងច្បាស់រួចហើយ៕អត្ថបទ៖ ប៊ុនថន

អ្នកនៅរស់ជីវិតពីព្យុះស៊ីក្លូន Freddy នៅម៉ាឡាវីរៀបរាប់ពីបំណាក់ដី ខណៈចំនួនអ្នកស្លាប់កើនដល់ ២២៥នាក់

ម៉ាឡាវី៖ អ្នកនៅរស់ជីវិតក្នុងភូមិមួយនៅភាគខាងត្បូងប្រទេសម៉ាឡាវី កាលពីថ្ងៃពុធបានរំលឹកពីហេតុការណ៍បំណាក់ដីដែលបណ្តាលមកពីព្យុះស៊ីក្លូនត្រូពិក Freddy ដែលបានបោកបក់មកលើលំនៅឋាន ខណៈពលរដ្ឋមួយចំនួនកំពុងដេកលង់លក់។ សាច់ញាតិរបស់ពលរដ្ឋនៅភូមិ Mtauchira ដែលមានទីតាំងនៅក្នុងស្រុក Chiradzulu បានស្វែងរកសមាជិកគ្រួសាររបស់ពួកគេដែលបាត់ខ្លួន ខណៈអ្នកផ្សេងទៀតព្យាយាមយករបស់របររបស់ពួកគេដែលកប់ក្នុងដីល្បាប់។ អ្នកនៅរស់ជីវិតបាននិយាយថា អ្នកដែលព្យាយាមរត់គេចខ្លួនត្រូវបានហូរនាំដោយទឹកជំនន់ និងបានរងរបួសធ្ងន់ធ្ងរដោយការប៉ះទង្គិចជាមួយថ្ម។ នាយកដ្ឋានគ្រប់គ្រងគ្រោះមហន្តរាយរបស់ប្រទេសម៉ាឡាវី បាននិយាយនៅក្នុងសេចក្តីថ្លែងការណ៍ថា ចំនួនអ្នកស្លាប់ពីការវាយបក់លើកទីពីរដោយព្យុះបានកើនឡើងដល់ ២២៥នាក់ និងមនុស្ស ៧០៧នាក់បានរងរបួស ហើយ ៤១នាក់ផ្សេងទៀតកំពុងបាត់ខ្លួន។ ទីភ្នាក់ងារជនភៀសខ្លួនរបស់អង្គការសហប្រជាជាតិ បាននិយាយនៅក្នុងសេចក្តីថ្លែងការណ៍ថា ទីភ្នាក់ងារមានការព្រួយបារម្ភយ៉ាងខ្លាំងចំពោះការបំផ្លិចបំផ្លាញ និងផលប៉ះពាល់ដោយព្យុះស៊ីក្លូនត្រូពិក Freddy ដែលបានធ្វើឲ្យប៉ះពាល់ដល់ពលរដ្ឋជាង ១៦,០០០នាក់នៅទូទាំងស្រុកចំនួន ១០ នៅក្នុងតំបន់ភាគខាងត្បូងប្រទេសម៉ាឡាវី។ យោងតាមទីភ្នាក់ងារគ្រោះមហន្តរាយបានឱ្យដឹងថា នៅក្នុងប្រទេសម៉ូសំប៊ិកដែលនៅជិតខាង មនុស្សយ៉ាងហោចណាស់ ២១នាក់បានស្លាប់គិតត្រឹមថ្ងៃអង្គារ៕អត្ថបទ៖ ប៊ុនថន

សារព័ត៌មាន WSJ៖ ក្រុមនិយ័តករសហព័ន្ធអាមេរិកកំពុងស៊ើបអង្កេតពីមូលហេតុធនាគារ SVB ដួលរលំ

អាមេរិក៖ សារព័ត៌មាន The Wall Street Journal បានរាយការណ៍កាលពីថ្ងៃអង្គារថា គណៈកម្មការភាគហ៊ុន និងអត្រាប្ដូរប្រាក់ និងក្រសួងយុត្តិធម៌សហរដ្ឋអាមេរិក កំពុងស៊ើបអង្កេតពីមូលហេតុដែលធ្វើឲ្យធនាគារ Silicon Valley Bank (SVB) ដួលរលំ បានក្លាយជាធនាគារធំបំផុតទី២ បានដួលរលំនៅក្នុងប្រវត្តិសាស្ត្ររបស់សហរដ្ឋអាមេរិក។ យោងតាមរបាយការណ៍ ការស៊ើបអង្កេតដែលត្រូវបានធ្វើដាច់ដោយឡែកពីគ្នា និងក្នុងដំណាក់កាលដំបូង រួមមានការតាមដានការលក់ភាគហ៊ុនដែលក្រុមនាយកប្រតិបត្តិរបស់ធនាគារ SVB បានធ្វើ មុនពេលការដួលរលំរបស់ធនាគារផ្ដោតលើបច្ចេកវិទ្យាមួយនេះ។ សារព័ត៌មាន WSJ បាននិយាយថា ក្រុមរដ្ឋអាជ្ញា និងនិយ័តករតែងបើកការស៊ើបអង្កេត ក្រោយស្ថាប័នហិរញ្ញវត្ថុ ឬក្រុមហ៊ុនរដ្ឋនានាជួបបញ្ហាធ្ងន់ធ្ងរ ការខាតបង់ដែលនឹកស្មានមិនដល់។ ភាគហ៊ុននៅក្នុងក្រុមហិរញ្ញវត្ថុរបស់ធនាគារ SVB ដែលធ្លាប់បានគ្រប់គ្រងធនាគារនេះបានធ្លាក់ចុះ ៦០% កាលពីសប្ដាហ៍មុន និងត្រូវបានបញ្ឈប់មិនឲ្យជួញដូរចាប់តាំងពីថ្ងៃសុក្រសប្ដាហ៍មុន។ និយ័តករធនាគារនេះបានបង្ហាញថា លោក Daniel Beck ប្រធានផ្នែកគ្រប់គ្រងហិរញ្ញវត្ថុធនាគារ SVB បាននិយាយថា ធនាគារនេះលក់ភាគហ៊ុនចំនួន ២ពាន់របស់ហិរញ្ញវត្ថុធនាគារ SVB កាលពីថ្ងៃទី២៧កុម្ភៈ នៅថ្ងៃតែមួយដែលអគ្គនាយកធនាគារលោក Gregory Becker បានលក់ភាគហ៊ុនចំនួន ១២.៤៥១។ ធនាគារ SVB ត្រូវបានបិទដោយក្រុមប្រតិបត្តិករអាមេរិកកាលពីថ្ងៃសុក្រ បន្ទាប់ពីធនាគារផ្ដល់ប្រាក់កម្ចីផ្ដោតលើបច្ចេកវិទ្យាមួយនេះ បានរាយការណ៍ពីការខាតបង់ដ៏ធំពីការលក់ដែលបណ្ដាលឲ្យអស់ប្រាក់បញ្ញើរបស់ធនាគារ។ វាបានធ្វើឲ្យក្លាយជាការដួលរលំធនាគារធំបំផុតទី២ ក្នុងប្រវត្តិសាស្ត្រអាមេរិក និងយ៉ាងឆាប់រហ័ស ក្រោយការបិទធនាគារ Signature Bank ដែលជាធនាគារផ្ដល់ប្រាក់កម្ចីផ្នែករូបិយប័ណ្ណគ្រីបតូ ឬរូបិយប័ណ្ណឌីជីថលកាលពីថ្ងៃអាទិត្យ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

លោក Zelenskyyមានកិច្ចប្រជុំដ៏ល្អជាមួយលោកTrump នៅឯសេតវិមានខណៈស្វែងរកកិច្ចសហប្រតិបត្តិការបន្ថែមជាមួយអាមេរិក

យោធាអាមេរិកនិយាយថា មីស៊ីលច្រើនគ្រាប់ដែលបាញ់ដោយអ៊ីរ៉ង់ត្រូវបានស្ទាក់ចាប់

លោក Netanyahu និងលោក Trump កោតសរសើរជំនួបទល់មុខគ្នាលើកដំបូងនៅអាមេរិកចាប់តាំងពីការចាប់ផ្តើមសង្គ្រាមអ៊ីរ៉ង់

លោក Trump ប្រាប់ពីកិច្ចចរចា «ល្អ» ជាមួយអ៊ីរ៉ង់ និងបញ្ជាក់ជាថ្មីពីការគំរាមវាយប្រហារគោលដៅនានា

ក្រុមគ្រួសារអ្នកដំណើរនៃជើងហោះហើរ MH370 ចង់បានការពិត ខណៈតុលាការចិនបើកសវនាការបណ្តឹងឧទ្ធរណ៍

ជប៉ុនស្នើឱ្យអ៊ីរ៉ង់អនុវត្ត «ភាពបត់បែនជាអតិបរិមា» ដើម្បីបន្ថយភាពតានតឹងនៅមជ្ឈិមបូព៌ាឱ្យបានឆាប់

រដ្ឋមន្ត្រីការពារជាតិអ៊ីស្រាអែល៖ យន្តហោះចម្បាំងអាមេរិកហោះចេញពីអ៊ីស្រាអែលទៅវាយប្រហារអ៊ីរ៉ង់

អ៊ូហ្គង់ដាប្រកាសគ្មានជំងឺអេបូឡា បន្ទាប់ពីអ្នកជំងឺចុងក្រោយចេញពីមន្ទីរពេទ្យ

ក្រុមអ្នកសង្កេតការណ៍អាស៊ានប្រចាំប្រទេសកម្ពុជា និង ប្រធានបេសកកម្មក្រុមអ្នកសង្កេតការណ៍អាស៊ាន (HOM AOT) ហ្វីលីពីនប្រចាំកម្ពុជា ធ្វើបទបង្ហាញ «ស្តីពីវឌ្ឍនភាពនៃការងារខណ្ឌសីមា និងបោះបង្គោលព្រំដែនរវាងកម្ពុជានិងថៃ»

កូរ៉េខាងត្បូងចេញការជូនដំណឹងបន្ទាន់ អំពីការសង្ស័យលេចធ្លាយផូស្វ័រ នៅមូលដ្ឋានទ័ពអាកាសអាមេរិក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ព្រឹកស្អែក សម្ដេចតេជោ ហ៊ុន សែន នឹងអញ្ជើញជាអធិបតីក្នុងពិធីទទួលរតនវត្ថុបុរាណខ្មែរដែលបានត្រឡប់មកវិញ

ព្រះមហាក្សត្រ និងហ្លួងម៉ែស្តេចយាងនិវត្តមកមាតុប្រទេសវិញហើយ

រាជរដ្ឋាភិបាលបង្កើតគណៈកម្មការរៀបចំក្រុមការងារទេសចរណ៍លើកទី៥១ និង វេទិកាទេសចរណ៍ មេគង្គឆ្នាំ២០២៣នៅសីហនុ

ផ្សារភាគហ៊ុន​អាស៊ី​ធ្លាក់ចុះ​ភ្លាមៗ ក្រោយ​ភាព​រំជើបរំជួល​នៅ​ធនាគារ Credit Suisse

ប្រមុខ​ការពារជាតិ​រុស្ស៊ី-អាមេរិក​ពិភាក្សា​អំពី​ការ​ធ្លាក់​យាន​ដ្រូ​ន​នៅ​សមុទ្រ​ខ្មៅ

សារព័ត៌មាន​ WSJ៖​ ក្រុម​និយ័ត​ករ​សហព័ន្ធ​អាមេរិក​កំពុង​ស៊ើបអង្កេត​ពី​មូលហេតុ​ធនាគារ​ SVB ដួល​រលំ​