BTV NEWS

សម្តេចធិបតី៖ ការធានាសុវត្ថិភាពព័ត៌មាន រក្សាព័ត៌មានសម្ងាត់របស់ជាតិ ក្នុងកាលៈទេសៈនៃវិបត្តិមិនមែនជាការរឹតត្បិតសេរីភាពខាងសារព័ត៌មាននោះទេ

សម្តេចធិបតី៖ការស្ទង់មតិឆ្លុះបញ្ចាំងឱ្យឃើញថាកម្ពុជាកំពុងពង្រឹងវិស័យព័ត៌មាន សេរីព័ត៌មាន និងការអភិវឌ្ឍវិជ្ជាជីវៈ

សម្តេចបវរធិបតីផ្តល់អនុសាសន៍ ៦ចំណុចដល់អ្នកសារព័ត៌មាន និងអ្នកផលិតមាតិកា ក្នុងឱកាសទិវាសេរីភាពសារព័ត៌មាន

សម្តេចតេជោ ហ៊ុន សែន ក្រើនរំលឹកដល់មន្រ្តីរាជការទាំងអស់ឲ្យបន្តយកចិត្តទុកដាក់បំពេញតួនាទីភារកិច្ចបម្រើជាតិ និងប្រជាជនឱ្យបានល្អប្រសើរ

ព័ត៌មានសំខាន់ៗ

សម្តេចតេជោ ហ៊ុន សែន ត្រៀមគ្រែពេទ្យចំនួន ១០០-២០០គ្រែ នៅមន្ទីរពេទ្យជាតិតេជោសន្តិភាពសម្រាប់ព្យាបាលរបួសកីឡាករ-កីឡាការិនី ដោយឥតគិតថ្លៃ

ភ្នំពេញ៖ សម្ដេចតេជោ បានប្រកាសនៅលើហ្វេសប៊ុក និងតេឡេក្រាមផ្លូវការនាថ្ងៃទី១៥ ខែកុម្ភៈនេះថា បងប្អូនកីឡាករកីឡាការិនី! កន្លងមកបងប្អូនកីឡាករ កីឡាការិនីមួយ ចំនួនបានរងរបួសដោយការប្រកួតពិសេសកីឡាបាល់ទាត់ និងប្រដាល់។ ក្រោយត្រូវរបួសបងប្អូនជួបការលំបាក ក្នុងការព្យាបាលនៅតាមមន្ទីរពេទ្យរដ្ឋ និងឯកជនដោយរាប់ទាំងការលំបាកលើថវិកា លើការព្យាបាលផង ដែលជាញឹកញាប់សម្តេចកិត្តិព្រឹទ្ធបណ្ឌិត និងសម្ដេចផ្ទាល់បានផ្តល់នូវការឧបត្ថម្ភសម្រាប់ការព្យាបាលចំពោះកីឡាករប្រដាល់មួយចំនួនផងដែរ។ សម្ដេចបានមានប្រសាសន៍ថា ដោយមើលឃើញនូវការលំបាកបែបនេះ នៅព្រឹកនេះ (ថ្ងៃទី១៥ ខែកុម្ភៈ ឆ្នាំ២០២៣) សម្ដេចបានពិភាក្សាជាមួយ ឯកឧត្តម ម៉ម ប៊ុនហេង រដ្ឋមន្រ្ដីក្រសួងសុខាភិបាល និងលោកជំទាវ យក់ សម្បត្តិ រដ្ឋលេខាធិកាក្រសួងសុខាភិបាល ដើម្បីរៀបចំទីកន្លែងសម្រាប់ព្យាបាលកីឡាករ កីឡាការិនី នៅមន្ទីរពេទ្យជាតិតេជោសន្តិភាព ដែលសម្ដេចបានបញ្ជាឱ្យរៀបចំ គ្រែពី ១០០ ទៅ ២០០ គ្រែ។សម្ដេចតេជោមានប្រសាសន៍ បញ្ជាក់ថា ការព្យាបាលមិនតម្រូវឱ្យមានការបង់ប្រាក់ និងត្រូវមានឯកទេសគ្រប់គ្រាន់ស្របតាមស្ថានភាពរបួសរបស់ កីឡាករកីឡាការិនី។សម្ដេចតេជោបានបញ្ជាឱ្យ ក្រសួងសុខាភិបាលរៀបចំឱ្យបានឆាប់ដែល និងអាចចូលរួមផងដែរដល់ការប្រកួតស៊ីហ្គេមនាពេលខាងមុខ។ សម្ដេចតេជោមានប្រសាសន៍ថា សូមកីឡាករ កីឡាការិនីទទួលយកនូវ សេវាព្យាបាលនៅមន្ទីរពេទ្យនេះដោយការពេញចិត្ត៕

អ៊ុយក្រែនប្រឈមនឹងសត្រូវចំនួន ២ គឺរុស្ស៊ី និងអំពើពុករលួយ

អ៊ុយក្រែន៖ រយៈពេលជិតមួយឆ្នាំនៃសង្គ្រាមរវាងរុស្ស៊ី និងអ៊ុយក្រែន មនុស្សរាប់ពាន់នាក់បានស្លាប់ និងជិត ១៧.៦លាននាក់បានភៀសខ្លួនទាំងនៅក្នុង និងក្រៅប្រទេស ដោយសារស្ថានភាពធ្ងន់ធ្ងរដែលត្រូវការជំនួយមនុស្សធម៌ចាំបាច់។ ខណៈដែលរដ្ឋាភិបាលអ៊ុយក្រែននៅតែកំពុងបន្តជាប់ដៃប្រយុទ្ធជាមួយរុស្ស៊ី ទីក្រុង Kyiv ក៏នៅតែកំពុងប្រឈមនឹងសត្រូវដ៏ធំមួយផ្សេងទៀតផងដងដែរ នោះគឺអំពើពុករលួយដែលកំពុងស៊ីរូងយ៉ាងជ្រៅនៅក្នុងប្រទេសនេះ។ អំឡុងប៉ុន្មានសប្ដាហ៍កន្លងទៅក្រុមអាជ្ញាធរអ៊ុយក្រែន បានឆ្មក់ចូលផ្ទះរបស់អតីតរដ្ឋមន្ត្រីក្រសួងមហាផ្ទៃ និងមន្ត្រីជាន់ខ្ពស់មួយចំនួនទៀតដោយចោទពីបទទទួលសំណូក។ លោក Oleksii Reznikov រដ្ឋមន្ត្រីការពារជាតិប្រទេសនេះក៏ត្រូវបានគ្រោងដាក់អ្នកថ្មីជំនួសដែរ ក្រោយក្រុមអ្នកសារព័ត៌មាន និងសកម្មជនបានរកឃើញថា ក្រសួងការពារជាតិបានទិញចំណីអាហារឲ្យកងទ័ពក្នុងតម្លៃខ្ពស់បំផុត។ ខណៈសហរដ្ឋអាមេរិក សហភាពអឺរ៉ុប និងសម្ព័ន្ធយោធាណាតូបានសន្យាបន្តជួយដល់អ៊ុយក្រែន ក្រុមអ្នកនយោបាយ និងមន្ត្រីយោធាមួយចំនួននៅក្នុងបណ្ដាប្រទេសលោកខាងលិច បានចង្អុលទៅកាន់អំពើពុករលួយនៅក្នុងប្រទេសនេះ និងបានចោទសួរថា តើអ៊ុយក្រែនមានលក្ខណល្អសមស្របក្នុងការទទួលបានជំនួយដែរ ឬអត់?។ លោកប្រធានាធិបតីអ៊ុយក្រែន Volodymyr Zelenskyy ជាបុគ្គលដែលបានដឹងច្បាស់ទាំងការរិះគន់ពីលោកខាងលិច ទាំងសារៈសំខាន់នៃការរក្សាលំហូរជំនួយ បានដោះស្រាយអំពើពុករលួយអំឡុងសុន្ទរកថាកាលពីខែមករា។ លោកថា ខ្ញុំចង់ជម្រះរឿងនេះឲ្យបានច្បាស់ គឺអ៊ុយក្រែននឹងលែងឲ្យអតីតកាលវិលត្រឡប់មកវិញទៀតហើយ៕អត្ថបទ៖ សុខមាន

BREAKING NEWS សម្ដេចតេជោ ហ៊ុន សែន សម្រេចផ្ដល់ក្របខណ្ឌរដ្ឋ សម្រាប់បុគ្គលិកវិទ្យុ VOD ដែលមានបំណងចង់ចូលបំរើកិច្ចការរដ្ឋ

ភ្នំពេញ ៖ សម្ដេចតេជោ ហ៊ុន សែន នាយរដ្ឋមន្រ្ដីនៃព្រះរាជាណាចក្រកម្ពុជា បានប្រកាសផ្ដល់ក្របខណ្ឌរដ្ឋដល់បុគ្គលិកវិទ្យុ វីអូឌី ដែលមានបំណងចង់ចូលបម្រើការងាររដ្ឋ ក្រោយពីវិទ្យុនេះត្រូវបានបិទដោយកំហុសថ្នាក់ដឹកនាំនិងគ្មានឱកាសបើកឡើងវិញ។សម្ដេចតេជោ ហ៊ុន សែន បានសរសេរនៅលើហ្វេសប៊ុកនារសៀលថ្ងៃទី១៤ ខែកុម្ភៈនេះ ក្រោយពីដំណើរទស្សនកិច្ចនៅប្រទេសឡាវមកដល់កម្ពុជាវិញថា ដោយសារតែវិទ្យុវីអូឌីត្រូវបានបិទ និងគ្មានឱកាសបើកឡើងវិញ និងដោយគិតទៅដល់ជីវភាពបុគ្គលិកដែលបាត់បង់ការងារធ្វើដោយកំហុសមេដឹកនាំ សម្ដេចសម្រេចផ្តល់ក្របខ័ណ្ឌរដ្ឋសម្រាប់បងប្អូនដែលមានបំណងចូលបំរើកិច្ចការរដ្ឋ។សម្ដេចតេជោបានមានប្រសាសន៍ថា សូមបងប្អូនធ្វើទំនាក់ទំនងជាមួយក្រសួងមុខងារសាធារណៈដើម្បីដាក់ពាក្យសុំធ្វើការ។សម្ដេចតេជោបញ្ជាក់ថា រដ្ឋមន្ត្រីក្រសួងមុខងារសាធារណៈត្រូវទទួលយកពាក្យសុំនិងបែងចែកទៅតាមក្រសួងនានាស្របតាមមុខជំនាញ និងត្រូវសុំការសម្រេចចុងក្រោយពីសម្ដេចតេជោដោយផ្ទាល់។សម្ដេចតេជោបានបញ្ជាក់ថា សូមអ្នកដទៃកុំលូកលាន់កិច្ចការផ្ទៃក្នុងរបស់កម្ពុជា ហើយសម្ដេចបានបញ្ជាក់ថានឹងគ្មានការផ្លាស់ប្តូរការសម្រេចចិត្តរបស់របស់សម្ដេចនោះឡើយ។សម្ដេចបានបន្ថែមថា ជនបរទេសគ្មានសិទ្ធមកបង្គាប់បញ្ជាឲ្យកម្ពុជា ធ្វើនេះ ឬធ្វើនោះតាមការចង់បានរបស់ពួកគេឡើយ ព្រោះនេះជាកិច្ចការផ្ទៃក្នុងរបស់កម្ពុជា។ សម្ដេចតេជោបញ្ជាក់ថា ការបិទចោលវិទ្យុដែលគ្មានក្រមសីលធម៌មួយវាមិនធ្វើឲ្យស្លាប់នូវសេរីភាពសារព័ត៌មាននៅកម្ពុជានោះឡើយតែផ្ទុយទៅវិញ វានឹងជួយដល់ការអនុវត្តច្បាប់ និងពង្រឹងក្រមសីលធម៌ វិជ្ជាជីវៈសារព័ត៌មាននៅកម្ពុជាថែមទៀតផង៕អត្ថបទ៖ វ៉ន ដារ៉ា

មានការតវ៉ាជាច្រើននៅអ៊ីស្រាអែលជុំវិញផែនការតុលាការរបស់លោក Netanyahu

អ៊ីស្រាអែល៖ នៅក្នុងគណៈកម្មាធិការសភាអ៊ីស្រាអែល កាលពីថ្ងៃចន្ទសមាជិកមួយចំនួនស្រែកថា «អាម៉ាស់ណាស់» ខណៈមួយចំនួនទៀតស្រែកថា «របបហ្វាស៊ីស» ឬ «ជនក្បត់» ហើយនៅខាងក្រៅ មនុស្សរាប់ម៉ឺននាក់ស្រែកថា «លទ្ធិប្រជាធិបតេយ្យ»។ ភាពចលាចលកាលពីថ្ងៃចន្ទបានកើតមានឡើង ខណៈរដ្ឋាភិបាលមានផែនការរៀបចំឡើងវិញនូវប្រព័ន្ធតុលាការនៅក្នុងចំណាត់ការមួយ ដែលកំពុងបង្ហាញពីការបែកបាក់ខ្លាំងអាចកើតមាននៅក្នុងសង្គមប្រទេសអ៊ីស្រាអែល។ ចំណាត់ការនេះនឹងផ្តល់ឱ្យនាយករដ្ឋមន្ត្រីលោក Benjamin Netanyahu គ្រប់គ្រងកាន់តែខ្លាំងលើការតែងតាំងមុខតំណែង និងធ្វើឱ្យចុះខ្សោយសមត្ថភាពរបស់តុលាការកំពូល។ លោក Netanyahu ដែលបច្ចុប្បន្នកំពុងកាត់ក្តីលើបទចោទប្រកាន់អំពើពុករលួយដែលលោកបដិសេធ និងនិយាយថា ការផ្លាស់ប្តូរគឺមានភាពចាំបាច់ដើម្បីស្តារតុល្យភាពនៅក្នុងប្រព័ន្ធតុលាការ និងទប់ស្កាត់ចៅក្រមជាសកម្មជន ដែលប្រើអំណាចហួសហេតុក្នុងការជ្រៀតជ្រែកក្នុងវិស័យនយោបាយ។ ក្រុមអ្នករិះគន់និយាយថា ផែនការនេះប្រឈមការបំផ្លាញការត្រួតពិនិត្យ និងតុល្យភាពតាមបែបលទ្ធិប្រជាធិបតេយ្យ និងធ្វើឱ្យប្រទេសអ៊ីស្រាអែលនៅឯកោពីអន្តរជាតិ ដោយធ្វើឱ្យតុលាការចុះខ្សោយ និងបង្កគ្រោះថ្នាក់ដល់សិទ្ធិមនុស្ស និងសេរីភាពស៊ីវិល។ គណបក្ស Likud របស់លោក Netanyahu និងសម្ព័ន្ធមិត្តរបស់ខ្លួនបានរិះគន់គូប្រជែងពីសំណើនេះថា ជាក្រុមឆ្វេងនិយមមានកំហឹង ដែលមិនព្រមទទួលយកលទ្ធផលនៃការបោះឆ្នោតកាលពីឆ្នាំមុន។ ការស្ទង់មតិដែលបានចេញផ្សាយកាលពីថ្ងៃអាទិត្យ ដោយប្រព័ន្ធផ្សព្វផ្សាយសាធារណៈរបស់ប្រទេសអ៊ីស្រាអែល បានបង្ហាញពីការគាំទ្រមានភាពយឺតយ៉ាវសម្រាប់ការផ្លាស់ប្តូរប្រព័ន្ធតុលាការ ដោយ ២៨% នៃប្រជាជនអ៊ីស្រាអែលគាំទ្រវិធានការនេះ ខណៈ ៥០% ប្រឆាំង។ ប្រធានាធិបតីសហរដ្ឋអាមេរិកលោក Joe Biden បានជំរុញឱ្យលោក Netanyahu បង្កើតការឯកភាពគ្នាមុនពេលជំរុញឱ្យមានការផ្លាស់ប្តូរដ៏ទូលំទូលាយនេះ ដោយនិយាយថា ប្រព័ន្ធតុលាការឯករាជ្យគឺជាមូលដ្ឋាននៃលទ្ធិប្រជាធិបតេយ្យរបស់សហរដ្ឋអាមេរិក និងអ៊ីស្រាអែល៕អត្ថបទ៖ ប៊ុនថន

កូរ៉េខាងជើងបញ្ជាឲ្យពលរដ្ឋមានឈ្មោះដូចកូនស្រីលោក គីម ជុងអ៊ុន ផ្លាស់ប្តូរឈ្មោះ

កូរ៉េខាងជើង៖ តាមសេចក្តីរាយការណ៍បានឲ្យដឹងថា អាជ្ញាធរប្រទេសកូរ៉េខាងជើងកំពុងបង្ខំពលរដ្ឋដែលមានឈ្មោះដូចគ្នាជាមួយកូនស្រីរបស់លោក Kim Jong Un គឺនាង ជូអេ (Ju-ae) ឲ្យផ្លាស់ប្តូរអត្តសញ្ញាណរបស់ពួកគេទៅជាឈ្មោះផ្សេង។យោងតាមកាសែត South China Morning Post បានរាយការណ៍ថា បទបញ្ជានេះគឺជាផ្នែកមួយនៃកិច្ចខិតខំរបស់របបនេះ ក្នុងការកសាងអាថ៌កំបាំងដ៏តឹងរ៉ឹងជុំវិញកូនស្រីមេដឹកនាំឈ្មោះនាង Kim Ju-ae ដែលនាងត្រូវបានគេជឿថាមានអាយុចន្លោះពី ៩ ទៅ ១០ឆ្នាំ។ នៅខេត្តមួយនៅភាគខាងជើង មន្ត្រីសន្តិសុខម្នាក់បានកោះហៅស្ត្រីដែលបានចុះបញ្ជីជាមួយការិយាល័យចុះឈ្មោះពលរដ្ឋមានឈ្មោះ ជូ-អេ មកក្រសួងសុវត្ថិភាពដើម្បីផ្លាស់ប្តូរឈ្មោះ។ ប្រភពបាននិយាយថា ស្ត្រីម្នាក់ក្នុងចំណោមស្ត្រីទាំងនោះជាក្មេងស្រីមានអាយុ ១២ឆ្នាំ។ នាយកដ្ឋានចុះឈ្មោះពលរដ្ឋរបស់ក្រសួងសុវត្ថិភាព បានទូរស័ព្ទទៅឪពុកម្តាយរបស់ក្មេងស្រីរូបនេះឲ្យមកក្រសួងសុវត្ថិភាព ហើយបង្ខំនាងឲ្យប្តូរឈ្មោះ និងប្តូរសំបុត្រកំណើត។ ប្រភពមួយផ្សេងទៀតបានប្រាប់គេហទំព័រថា នៅក្នុងក្រុងផ្សេងទៀតរបស់ប្រទេស នាយកដ្ឋានសន្តិសុខទីក្រុង Pyongsong បានចេញបទបញ្ជាផ្ទៃក្នុងពីរដ្ឋាភិបាលកណ្តាល ដើម្បីផ្លាស់ប្តូរឈ្មោះស្ត្រីដែលប្រើឈ្មោះ «ជូអេ Ju-ae» ក្នុងរយៈពេលមួយសប្តាហ៍៕អត្ថបទ៖ ប៊ុនថន

BREAKING NEWS៖ ការបាញ់បោះសេរីសម្លាប់មនុស្ស ៣នាក់ ជំរុញឲ្យបិទសាកលវិទ្យាល័យរដ្ឋ Michigan នៅសហរដ្ឋអាមេរិក

អាមេរិក៖ សាកលវិទ្យាល័យរដ្ឋ Michigan របស់សហរដ្ឋអាមេរិកត្រូវបានបិទ ក្រោយការបាញ់ប្រហារដោយសេរីនៅក្នុងទីតាំងមួយចំនួននៃបរិវេណសាកលវិទ្យាល័យនេះ។ នគរបាលនិយាយថា ខ្មាន់កាំភ្លើងដែលបានបាញ់សម្លាប់មនុស្ស ៣នាក់ និងបណ្ដាលឲ្យមនុស្ស ៥នាក់ផ្សេងទៀតរងរបួស បានស្លាប់ដោយសារតែបាញ់សម្លាប់ខ្លួនឯង។ នគរបាលបានរាយការណ៍ពីការបាញ់ប្រហារនៅសាល Berkey Hall និងអគារ IM East building របស់សាកលវិទ្យាល័យរដ្ឋ Michigan កាលពីយប់ថ្ងៃចន្ទដោយបញ្ជាក់ថា អង្គភាពអនុវត្តន៍ច្បាប់កំពុងធ្វើការយ៉ាងសកម្មនៅកន្លែងកើតហេតុ។ ដំបូងក្រុមមន្ត្រីបាននិយាយថា មានមនុស្សជាច្រើនរងរបួស ហើយថាជនសង្ស័យទំនងជាមានតែម្នាក់ឯងទេ។ ក្រោយមកនគរបាលបានបញ្ជាក់ថា មនុស្ស ៣នាក់ត្រូវបានបាញ់សម្លាប់អំឡុងបាញ់ដោយសេរីនោះ ហើយមនុស្ស ៥នាក់ត្រូវបានដឹកទៅកាន់មន្ទីរពេទ្យ Sparrow ក្បែរកន្លែងកើតហេតុ ខ្លះមានរបួសធ្ងន់ដល់អាយុជីវិត។ ស្នងការរងនគរបាលបណ្ដោះអាសន្នលោក Chris Rozman បានពណ៌នាជនសង្ស័យថា ជាបុរសស្បែកខ្មៅ ទាប ពាក់ស្បែកជើងពណ៌ក្រហម អាវក្រៅខាប៊យ និងពាក់មួកកន្តិប៕ អត្ថបទ៖ សុខមាន

ក្តីបារម្ភកើនឡើងក្នុងចំណោមអ្នករស់រានមានជីវិតបន្ទាប់ពីរញ្ជួយដីនៅទួរគី ខណៈអ្នកស្លាប់កើនដល់ជាង ៣៧,០០០នាក់

ទួរគី៖ អ្នកនៅរស់រានមានជីវិតដែលកំពុងព្រួយបារម្ភ និងគ្មានលំនៅឋាននៅក្នុងទីក្រុង Adiyaman ដែលរងគ្រោះដោយគ្រោះរញ្ជួយដីនៅប្រទេសទួរគីបាននិយាយថា ស្ថានភាពរបស់ពួកគេកាន់តែលំបាកយ៉ាងឆាប់រហ័ស ខណៈប្រទេសនេះបានចូលដល់រយៈពេល ១សប្តាហ៍ចាប់តាំងពីគ្រោះមហន្តរាយដ៏ខ្លាំងក្លាវាយប្រហារប្រទេសនេះ។ អ្នករស់រានមានជីវិតពីរញ្ជួយដីបាននិយាយថា មួយសប្តាហ៍នេះពិតជាលំបាកណាស់ អ្វីៗត្រូវបានបំផ្លាញ។ ជំនួយមនុស្សធម៌ និងសម្ភារៈផ្សេងៗបានចាប់ផ្តើមមកដល់កាលពីល្ងាចថ្ងៃទី៣ បន្ទាប់ពីគ្រោះមហន្តរាយ ប៉ុន្តែវាយឺតពេលទៅហើយ។ ដោយមានក្តីសង្ឃឹមក្នុងការស្វែងរកអ្នកនៅរស់រានមានជីវិត ជាច្រើននាក់ទៀតនៅក្នុងគំនរបាក់បែក ចំនួនអ្នកស្លាប់រួមបញ្ចូលគ្នានៅក្នុងប្រទេសទួរគី និងប្រទេសជិតខាងស៊ីរីពីការរញ្ជួយដីកម្រិត ៧.៨រ៉ិចទ័រកាលពីថ្ងៃចន្ទសប្តាហ៍កន្លងទៅបានកើនឡើងលើសពី ៣៧,០០០នាក់ ហើយទំនងជានឹងបន្តកើនឡើង។ ជំនួយបានមកដល់តំបន់រងគ្រោះដោយរញ្ជួយដី ដើម្បីជួយដល់កិច្ចខិតខំប្រឹងប្រែងសង្គ្រោះដែលអាជ្ញាធរបាននិយាយថា មនុស្សជាង ១លាននាក់កំពុងរស់នៅក្នុងទីជម្រកបណ្តោះអាសន្ន។ ពលរដ្ឋនិយាយថា យើងកំពុងដេកនៅក្នុងទីធ្លានៃវិហារអ៊ីស្លាម។ យើងពុំអាចរកទីជម្រកបានទេ ខណៈនៅទីនេះគ្មានទឹក គ្មានភ្លើង ហើយកូនៗរបស់យើងទាំងអស់ឈឺ។ ក្នុងពេលមានការព្រួយបារម្ភអំពីអនាម័យ និងការរីករាលដាលមេរោគឆ្លងក្នុងតំបន់ រដ្ឋមន្ត្រីសុខាភិបាលទួរគីលោក Fahrettin Koca បាននិយាយកាលពីចុងសប្តាហ៍ថា វ៉ាក់សាំងការពារជំងឺត្រូវបានបញ្ជូនទៅតំបន់រញ្ជួយដី ហើយឱសថស្ថានចល័តបានចាប់ផ្តើមដំណើរការនៅទីនោះ។ អាជ្ញាធរទួរគីប្រឈមនឹងការរិះគន់យ៉ាងខ្លាំងចំពោះការឆ្លើយតបបន្ទាន់ និងកង្វះការរៀបចំ៕អត្ថបទ៖ ប៊ុនថន

ប្រធានាធិបតី នៃសាធារណរដ្ឋសហព័ន្ធអាល្លឺម៉ង់ និងលោកជំទាវ ទស្សនាតំបន់ប្រតិបត្តិការបោសសម្អាតមីន នៅស្រុកពួក ខេត្តសៀមរាប របស់អង្គការហេឡូត្រាស់

សៀមរាប៖ ឯកឧត្ដមទេសរដ្ឋមន្ត្រី លី ធុជ អនុប្រធានទី១ អាជ្ញាធរមីនបានអញ្ជើញចូលរួមអមដំណើរ ឯកឧត្ដម ហ្រ្វាំង វ៉ាល់ធ័រ ឆ្តែនម៉ៃយ័រ (Frank-Walter Steinmeier) ប្រធានាធិបតីសហព័ន្ធអាល្លឺម៉ង់ និងលោកជំទាវ ទស្សនាតំបន់ប្រតិបត្តិការបោសសម្អាតមីន នៅភូមិប្រាសាទចារ ឃុំដូនកែវ ស្រុកពួក ខេត្តសៀមរាប របស់អង្គការហេឡូត្រាស់ នៅព្រឹកថ្ងៃទី១៤ ខែកុម្ភៈ ឆ្នាំ២០២៣នេះ។ឯកឧត្ដម ហ្រ្វាំង វ៉ាល់ធ័រ ឆ្តែនម៉ៃយ័រ (Frank-Walter Steinmeier) និងលោកជំទាវ បានទស្សនាតំបន់ប្រតិបត្តិការបោសសម្អាតមីន នៅភូមិប្រាសាទចារ ឃុំដូនកែវ ស្រុកពួក ខេត្តសៀមរាប របស់អង្គការហេឡូត្រាស់ ដែលអមដំណើរដោយ ឯកឧត្តមទេសរដ្ឋមន្ត្រី លី ធុជ អនុប្រធានទី១ អាជ្ញាធរមីន។ក្នុងនាមរាជរដ្ឋាភិបាលកម្ពុជា ឯកឧត្ដម ទេសរដ្ឋមន្រ្តី បានស្វាគមន៍យ៉ាងកក់ក្ដៅ និងបានថ្លែងអំណរគុណឯកឧត្តមប្រធានាធបតី និងលោកជំទាវដែលបានចំណាយពេលមកទស្សនកិច្ចចម្ការមីន ប្រកបដោយអត្ថន័យយ៉ាងធំធេង ដែល ឆ្នាំ២០២៣នេះ ប្រទេសអាល្លឺម៉ង់ បានធ្វើជាម្ចាស់ផ្ទះរៀបចំកិច្ចប្រជុំរដ្ឋភាគីនៃអនុសញ្ញាអូតាវ៉ា។ឯកឧត្ដមទេសរដ្ឋមន្រ្តីបានថ្លែងអំណរគុណដល់រដ្ឋាភិបាល និងប្រជាជនអាល្លឺម៉ង់ដែលបានចូលរួមដល់ការងារបោសសម្អាតមីនមនុស្សធម៌តាមរយៈគម្រោងបោសសម្អាតមីនរបស់ទីភ្នាក់ងារស្វីសសម្រាប់ការអភិវឌ្ឍ និងកិច្ចសហប្រតិបត្តិការ ដែល បោសសម្អាត ដោយអង្គការ Halo Trust ។ ចាប់តាំងពីឆ្នាំ២០១៦ ប្រទេសអាល្លឺម៉ង់បានផ្តល់ថវិកាជាង១៧លាន អឺរ៉ូ បានយកបោសសម្អាតមីនក្នុងទំហំផ្ទៃដីបានជាង ២៣គីឡូម៉ែត្រក្រឡា ស្មើនឹង៥៧៨ចម្ការមីន និងមានទទួលផលជាង១៣ម៉ឺននាក់។ជាមួយគ្នានេះ ប្រទេសអាល្លឺម៉ង់ក៏ធ្លាប់បានផ្តល់ការគាំទ្រការងារបោសសម្អាតមីនដល់អង្គភាពស៊ីម៉ាក់ចាប់តាំងពីឆ្នាំ១៩៩៩ ថវិកាជាង១៩លានដុល្លារអាមេរិក ដោយបានរំដោះផ្ទៃដីមានមីនប្រមាណជា៣០គីឡូម៉ែត្រក្រឡា។ ក្នុងឱកាសនោះ សម្តេចតេជោនាយករដ្ឋមន្ត្រី ឯកឧត្ដមទេសរដ្ឋមន្រ្តី បានស្នើសុំអោយប្រទេសអាល្លឺម៉ង់ បន្តជួយគាំទ្រដល់ការងារបោសសម្អាតមីននៅកម្ពុជាឲ្យអស់ត្រឹមឆ្នាំ២០២៥។ប្រធានាធិបតី អាល្លឺម៉ងបានមានប្រសាសន៍ថា នឹង បន្តគាំទ្រការងារបោសសម្អាតមីនស្របតាមទស្សនវិស័យរបស់សម្តេចតេជោនាយករដ្ឋមន្ត្រីកម្ពុជាគ្មានមីនឆ្នាំ២០២៥៕

ប្រទេសណូវ៉ែលហ្ស៊េឡង់ប្រកាសដាក់ប្រទេសក្នុងគ្រាអាសន្នដោយសារព្យុះស៊ីក្លូន Gabrielle

ណូវ៉ែលហ្ស៊េឡង់៖ ប្រទេសណូវ៉ែលហ្ស៊េឡង់បានប្រកាសដាក់រដ្ឋ ក្នុងគ្រាអាសន្នដោយសារព្យុះស៊ីក្លូន Gabrielle ជាការប្រកាសលើកទី៣ នៅក្នុងប្រវត្តិសាស្ត្ររបស់ខ្លួន។ រដ្ឋមន្ត្រីគ្រប់គ្រងគ្រាអាសន្នលោក Kieran McAnulty បានចុះហត្ថលេខាចូលជាធរមានប្រកាសដាក់ប្រទេស ក្នុងគ្រាអាសន្ននៅព្រឹកថ្ងៃអង្គារនេះ។ សេចក្ដីប្រកាសនេះនឹងអនុវត្តន៍ចំពោះតំបន់ Northland Auckland Tairawhiti ឆកសមុទ្រ Bay of Plenty តំបន់ Waikato និងតំបន់ឆកសមុទ្រ Hawkes ជាការឆ្លើយតបរបស់រដ្ឋាភិបាលចំពោះគ្រោះមហន្តរាយនេះ។ លំនៅឋានយ៉ាងហោចណាស់ ៣៨.០០០ខ្នងគ្មានអគ្គិសនីប្រើប្រាស់នៅព្រឹកថ្ងៃអង្គារនេះ។ សារព័ត៌មានក្នុងស្រុកបានរាយការណ៍ថា នៅក្នុងទីក្រុងធំបំផុតរបស់ប្រទេសណូវ៉ែលហ្ស៊េឡង់គឺទីក្រុង Auckland ក្រុមអាជ្ញាធរបានជម្លៀសពលរដ្ឋចេញពីលំនៅឋានប្រមាណ ៥០ខ្នងនៅជុំវិញប៉មកម្ពស់ ៣០ម៉ែត្រដែលអាចដួលរលំ។ មជ្ឈមណ្ឌលស្នាក់នៅបណ្ដោះអាសន្នរាប់សិបកន្លែងត្រូវបានបង្កើតឡើងនៅក្នុងទីក្រុងនេះ។ លោក McAnulty បានហៅព្យុះនេះថា ជាព្រឹត្តិការណ៍អាកាសធាតុធ្ងន់ធ្ងរមិនធ្លាប់មាន។ លោកថា ការដាក់រដ្ឋក្នុងគ្រាអាសន្ន គឺដើម្បីអនុញ្ញាតឲ្យមានការសម្របសម្រួលរបស់សហព័ន្ធក្នុងការសម្អាត និងផ្ដល់ជំនួយបន្ថែមដល់អ្នកដែលត្រូវបានប៉ះពាល់ ក៏ដូចជាផ្ដល់អំណាចឲ្យរដ្ឋាភិបាលបន្ថែមទៀត ក្នុងការឆ្លើយតបចំពោះស្ថានភាពគ្រោះថ្នាក់ រួមទាំងការរឹតត្បិតការធ្វើដំណើរផងដែរ។ កាលពីថ្ងៃចន្ទ នាយករដ្ឋមន្ត្រីណូវ៉ែលហ្ស៊េឡង់លោក Chris Hipkins បានប្រកាសកញ្ចប់ជំនួយចំនួន ៧.៣លានដុល្លារអាមេរិកជួយដល់ពលរដ្ឋរងគ្រោះ៕អត្ថបទ៖ សុខមាន

ប្រមុខអង្គការសហប្រជាជាតិនិយាយថា ប្រធានាធិបតីស៊ីរីយល់ព្រមឲ្យដឹកជញ្ជូនជំនួយរបស់ UN តាមច្រកទួរគី

ស៊ីរី៖ អគ្គលេខាធិការអង្គការសហប្រជាជាតិលោក Antonio Guterres បាននិយាយកាលពីថ្ងៃចន្ទថា លោកប្រធានាធិបតីស៊ីរី Bashar al-Assad បានយល់ព្រមឲ្យអង្គការសហប្រជាជាតិដឹកជញ្ជូនជំនួយ ចូលទៅក្នុងភាគពាយ័ព្យរបស់ប្រទេសស៊ីរីគ្រប់គ្រងដោយក្រុមឧទ្ទាមឆ្លងកាត់ច្រកព្រំដែនចំនួន២ ចេញពីប្រទេសទួរគីរយៈពេល ៣ខែ។ ក្រុមអ្នកការទូតបានប្រាប់សារព័ត៌មាន Reuters ថា លោក Guterres បាននិយាយនៅក្នុងសេចក្ដីថ្លែងការណ៍មួយ បន្ទាប់ពីប្រធានគ្រប់គ្រងការផ្ដល់ជំនួយរបស់អង្គការសហប្រជាជាតិលោក Martin Griffiths បានជួបលោកប្រធានាធិបតីស៊ីរីនៅក្នុងរដ្ឋធានីដាម៉ាស់កាលពីថ្ងៃចន្ទ។ លោក Griffiths បានធ្វើសេចក្ដីរាយការណ៍ទៅកាន់ក្រុមប្រឹក្សាសន្តិសុខអង្គការសហប្រជាជាតិ អំពីការសម្រេចចិត្តរបស់លោក Assad នៅក្នុងកិច្ចប្រជុំបិទទ្វារមួយ។ វិធានការនេះបានកើតឡើងមួយសប្ដាហ៍ បន្ទាប់ពីការរញ្ជួយដីវាយប្រហារទួរគី និងស៊ីរីសម្លាប់មនុស្សជាង ៣៧.០០០នាក់។ ការព្រមព្រៀងរបស់លោក Assad មានន័យថា អង្គការសហប្រជាជាតិអាចប្រើច្រកព្រំដែនសរុបចំនួន៣ ឆ្លងកាត់ពីទួរគី ដើម្បីទៅដល់ភាគពាយ័ព្យរបស់ប្រទេសស៊ីរីដែលហែកហួរដោយសង្គ្រាម។ កាលពីថ្ងៃចន្ទ អង្គការសហប្រជាជាតិបាននិយាយថា មនុស្សជាង ៤.៣០០នាក់ត្រូវបានរាយការណ៍ថាបានស្លាប់ និងជាង ៧.៦០០នាក់រងរបួសនៅក្នុងភាគពាយ័ព្យប្រទេសស៊ីរី។ ចំណែកអ្នកស្លាប់នៅក្នុងតំបន់នានាគ្រប់គ្រងដោយរដ្ឋាភិបាលបច្ចុប្បន្នបានហក់ឡើងដល់ ១.៤១៤នាក់។ ប្រជាពលរដ្ឋស៊ីរីជាច្រើនបានបាត់បង់លំនៅឋានដោយសារការរញ្ជួយដី និងត្រូវស្នាក់នៅក្នុងរថយន្ត និងជំរំតង់កៅស៊ូ។ ជាក់ស្ដែងពលរដ្ឋដែលរស់នៅក្នុងទីក្រុង Jandaris គ្រប់គ្រងដោយពួកឧទ្ទាម៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

អ្នកនាំពាក្យ៖ អ្នកសារព័ត៌មាន មានតួនាទីជាអ្នកប្រមូល និងផ្សព្វផ្សាយព័ត៌មាន តែមិនមែនជាមន្ត្រីនគរបាលយុត្តិធម៌ ឬតុលាការនោះទេ

អាជ្ញាធរកម្ពុជាបន្តបណ្តេញជនបរទេសជាង២ពាន់៦រយនាក់បន្ថែមទៀតក្រោយចាប់ពួកគេបានជាបន្តបន្ទាប់ដោយជាប់ពាក់ព័ន្ធ Online Scams

សម្តេចបវរធិបតី៖ នៅកម្ពុជា សេរីភាពសារព័ត៌មាន មិនមែនត្រឹមតែជាសិទ្ធិមូលដ្ឋាននៃលទ្ធិប្រជាធិបតេយ្យទេ តែជាចលករយុទ្ធសាស្ត្រការពារសន្តិភាព និងបូរណភាពទឹកដី

អាជ្ញាធរខេត្តប៉ៃលិន បន្តត្រួតពិនិត្យរកសារធាតុញៀន អាវុធជាតិផ្ទុះ និងការលួចចូលមករស់នៅខុសច្បាប់របស់ជនបរទេស

ក្រុមអន្តរាគមន៍បង្ក្រាបបទល្មើសចលនាសត្វ ឃាត់រថយន្តដឹកជ្រូក ១៧០ក្បាលមកពីប្រទេសឡាវ

ជនបរទេស ២,៦៧១នាក់ ត្រូវបានបណ្ដេញចេញពីកម្ពុជាពាក់ព័ន្ធករណី Online Scams និងបទល្មើសព្រហ្មទណ្ឌផ្សេងៗទៀត

គិតត្រឹមចុងខែមីនាឆ្នាំ២០២៦៖ រោងចក្រ សហគ្រាសកើនដល់ជាង ៤ម៉ឺន៧ពាន់ ផ្ដល់ការងាររាប់ម៉ឺនកន្លែង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អ៊ុយក្រែនប្រឈមនឹងសត្រូវចំនួន ២ គឺរុស្ស៊ី និងអំពើពុករលួយ

មានការតវ៉ាជាច្រើននៅអ៊ីស្រាអែលជុំវិញផែនការតុលាការរបស់លោក Netanyahu

កូរ៉េខាងជើងបញ្ជាឲ្យពលរដ្ឋមានឈ្មោះដូចកូនស្រីលោក គីម ជុងអ៊ុន ផ្លាស់ប្តូរឈ្មោះ

BREAKING NEWS៖ ការបាញ់បោះសេរីសម្លាប់មនុស្ស ៣នាក់ ជំរុញឲ្យបិទសាកលវិទ្យាល័យរដ្ឋ Michigan នៅសហរដ្ឋអាមេរិក

ក្តីបារម្ភកើនឡើងក្នុងចំណោមអ្នករស់រានមានជីវិតបន្ទាប់ពីរញ្ជួយដីនៅទួរគី ខណៈអ្នកស្លាប់កើនដល់ជាង ៣៧,០០០នាក់

ប្រទេសណូវ៉ែលហ្ស៊េឡង់ប្រកាសដាក់ប្រទេសក្នុងគ្រាអាសន្នដោយសារព្យុះស៊ីក្លូន Gabrielle

ប្រមុខអង្គការសហប្រជាជាតិនិយាយថា ប្រធានាធិបតីស៊ីរីយល់ព្រមឲ្យដឹកជញ្ជូនជំនួយរបស់ UN តាមច្រកទួរគី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អ៊ុយ​ក្រែ​ន​ប្រឈម​នឹង​សត្រូវ​ចំនួន ​២ គឺ​រុស្ស៊ី និង​អំពើពុករលួយ​

មាន​ការតវ៉ា​ជាច្រើន​នៅ​អ៊ីស្រាអែល​ជុំវិញ​ផែនការ​តុលាការ​របស់លោក Netanyahu

កូរ៉េខាងជើង​បញ្ជា​ឲ្យ​ពលរដ្ឋ​មានឈ្មោះ​ដូច​កូនស្រី​លោក គីម ជុង​អ៊ុន ផ្លាស់ប្តូរ​ឈ្មោះ​

BREAKING NEWS៖ ការ​បាញ់​បោះ​សេរី​សម្លាប់​មនុស្ស​ ៣​នាក់ ជំរុញ​ឲ្យ​បិទ​សាកលវិទ្យាល័យ​រដ្ឋ Michigan នៅ​សហរដ្ឋអាមេរិក

ប្រទេស​ណូ​វ៉ែល​ហ្ស៊េ​ឡង់​ប្រកាស​ដាក់​ប្រទេស​ក្នុង​គ្រាអាសន្ន​ដោយសារ​ព្យុះ​ស៊ីក្លូន Gabrielle

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អ៊ុយក្រែនប្រឈមនឹងសត្រូវចំនួន ២ គឺរុស្ស៊ី និងអំពើពុករលួយ

មានការតវ៉ាជាច្រើននៅអ៊ីស្រាអែលជុំវិញផែនការតុលាការរបស់លោក Netanyahu

កូរ៉េខាងជើងបញ្ជាឲ្យពលរដ្ឋមានឈ្មោះដូចកូនស្រីលោក គីម ជុងអ៊ុន ផ្លាស់ប្តូរឈ្មោះ

BREAKING NEWS៖ ការបាញ់បោះសេរីសម្លាប់មនុស្ស ៣នាក់ ជំរុញឲ្យបិទសាកលវិទ្យាល័យរដ្ឋ Michigan នៅសហរដ្ឋអាមេរិក

ប្រទេសណូវ៉ែលហ្ស៊េឡង់ប្រកាសដាក់ប្រទេសក្នុងគ្រាអាសន្នដោយសារព្យុះស៊ីក្លូន Gabrielle