នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្តេចធិបតី៖ ការធានាសុវត្ថិភាពព័ត៌មាន រក្សាព័ត៌មានសម្ងាត់របស់ជាតិ ក្នុងកាលៈទេសៈនៃវិបត្តិមិនមែនជាការរឹតត្បិតសេរីភាពខាងសារព័ត៌មាននោះទេ
សម្តេចធិបតី៖ការស្ទង់មតិឆ្លុះបញ្ចាំងឱ្យឃើញថាកម្ពុជាកំពុងពង្រឹងវិស័យព័ត៌មាន សេរីព័ត៌មាន និងការអភិវឌ្ឍវិជ្ជាជីវៈ
សម្តេចបវរធិបតីផ្តល់អនុសាសន៍ ៦ចំណុចដល់អ្នកសារព័ត៌មាន និងអ្នកផលិតមាតិកា ក្នុងឱកាសទិវាសេរីភាពសារព័ត៌មាន
សម្តេចតេជោ ហ៊ុន សែន ក្រើនរំលឹក​ដល់​មន្រ្តី​រាជការ​ទាំង​អស់​ឲ្យ​បន្ត​យក​ចិត្ត​ទុក​ដាក់​បំពេញ​តួនាទី​ភារកិច្ច​បម្រើជាតិ និងប្រជាជនឱ្យបានល្អប្រសើរ

ព័ត៌មានសំខាន់ៗ

សម្តេចតេជោ​ ហ៊ុន សែន ស្នើឲ្យក្រុមហ៊ុនចិន សិក្សាគម្រោងផ្លូវល្បឿនលឿនធនស្រាលពីភ្នំពេញទៅព្រលានយន្តហោះថ្មី

2023/02/10 09:57:38 am        416
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានស្នើឲ្យក្រុមហ៊ុន China Metro Group Limited ធ្វើការេសិក្សាពីគ្រោងវិនយោគផ្លូវល្បឿនលឿនធនស្រាល ពីរាជធានីភ្នំពេញទៅកាន់អាកាសយានដ្ឋានអន្តរជាតិភ្នំពេញថ្មី និងផ្លូវរថភ្លើងល្បឿនលឿនធន់ស្រាលក្នុងរាជធានីភ្នំពេញ ដែលកំពុងមានចរាចរណ៍យ៉ាងមមាញឹក។ការស្នើនេះ ខណៈដែលសម្តេចតេជោ ហ៊ុន សែន នាយករដ្ឋមន្រ្តីបានអនុញ្ញាតឲ្យម្ចាស់ក្រុមហ៊ុនធំៗចំនួនបីនៅចិនចូលជួបសម្តែងការគួរសម និងពិនិត្យលទ្ធភាពវិនិយោគបន្ថែមនៅកម្ពុជា គ្រាដែលសម្តេចអញ្ជើញទៅកាន់រដ្ឋធានីប៉េកាំងសាធារណរដ្ឋប្រជាមានិតចិន កាលពីថ្ងៃទី ៩ ខែកុម្ភៈ ឆ្នាំ២០២៣ម្សិលនេះ។ សម្តេចតេជោនាយករដមន្រ្តី បានសំដែងនូវការវាយតម្លៃខ្ពស់ ចំពោះក្រុមហ៊ុនវិនិយោគទាំងបី ដែលបានប្តេជ្ញារួមគ្នាក្នុងការវិនិយោគហេដ្ឋារចនាសម្ព័ន្ធផ្លូវប្រកបដោយគុណភាព នៅកម្ពុជាសម្រាប់ពេលខាងមុខ ហើយទាក់ទិនទៅនិងការវិនិយោគផ្លូវរថភ្លើងល្បឿនលឿនធន់ស្រាលនេះដែរ សម្តេចតេជោនាយករដ្ឋមន្រ្តី បានស្នើឲ្យក្រុមហ៊ុន China Metro Group Limited សិក្សាពីគ្រោងវិនយោគផ្លូវល្បឿនលឿនធនស្រាល ពីរាជធានីភ្នំពេញទៅកាន់អាកាសយានដ្ឋានអន្តរជាតិភ្នំពេញថ្មី និងផ្លូវរថភ្លើងល្បឿនលឿនធន់ស្រាលក្នុងរាជធានីភ្នំពេញ ដែលកំពុងមានចរាចរណ៍យ៉ាងមមាញឹកផងដែរ។ នៅក្នុងកិច្ចជំនួបពិភាក្សានេះដែរម្ចាស់ក្រុមហ៊ុនទាំងបីនោះ ក៏បានជំរាបជូនសម្តេចតេជោនាយករដ្ឋមន្រ្តី ពីការសាងសង់ និងដាក់ឲ្យប្រតិបត្តិផ្លូវល្បឿនលឿន ភ្នំពេញ-ក្រុងបាវិត ដែលត្រូវបានរៀបចំឡើងក្រោមកិច្ចសន្យាភាពជាដៃគូរវាងរដ្ឋ និងឯកជន (PPP) ដើម្បីឈានទៅអនុវត្តគម្រោងសាងសង់ផ្លូវល្បឿនលឿនភ្នំពេញ ក្រុងបាវិត នៅពាក់កណ្តាលឆ្នាំ២០២៣ និងគ្រោងបញ្ចប់នៅឆ្នាំ២០២៧ ស្របគ្នានឹងការសាងសង់ផ្លូវល្បឿនលឿន ហូជីមិញ ម៉ុកបៃ ដែលគ្រោងនឹងបញ្ចប់ការសាងសង់នៅឆ្នាំ២០២៧នេះដែរ។ នៅក្នុងកិច្ចពិភាក្សាគ្នានោះដែរ ក្រុមហ៊ុនចិន ក៏បានជំរាបជូនសម្តេចតេជោ ពីការបញ្ចប់ការសិក្សាសមិទ្ធិលទ្ធភាពគម្រោងសាងសង់ផ្លូវរថភ្លើងក្រោមដី នៅរាជធានីភ្នំពេញ និងបានដាក់បញ្ចូលនូវរបាយការណ៍សិក្សាជូនក្រសួងសាធារណការ និងដឹកជញ្ជូន ដើម្បីពិនិត្យ និងពិភាក្សាបន្ត ហើយជាមួយគ្នានេះ ក្រុមហ៊ុនក៏បានជំរាបជូនសម្តេចតេជោ ពីគម្រោងអភិវឌ្ឍន៍ប្រព័ន្ធទឹកកខ្វក់ ក្នុងនោះបាននិងកំពុងសិក្សាផែនការមេ និងសមិទ្ធិលទ្ធភាពដំបូង សម្រាប់អភិវឌ្ឍន៍ហេដ្ឋារចនាសម្ព័ន្ធបណ្តាញលូសំណង់ស្ថានីយ៍ប្រព្រឹត្តកម្មទឹកកខ្វក់ នៅក្រុងខេមរភូមិន្ទ ខេត្តកោះកុង ក្រុងបាត់ដំបង ខេត្តបាត់ដំបង និងក្រុងកំពង់ចាម ខេត្តកំពង់ចាមជាដើម។សូមបញ្ជាក់ថា ក្រុមហ៊ុនវិនិយោគធំៗចំនួន៣របស់ប្រទេសចិន ដែលសម្តេចតេជោ ហ៊ុន សែន នាយករដ្ឋមន្រ្តីអនុញ្ញាតឲ្យចូលជួបសម្តែងការគួរសមនោះ រួមមានក្រុមហ៊ុនសាងសង់គមនាគមន៍ចិន, ក្រុមហ៊ុនសាជីវកម្មស្ពានថ្នល់ចិន និងក្រុមហ៊ុន China Metro Group Limited។ ក្រុមហ៊ុនទាំងបីនេះបាន មានវត្តមាននៅកម្ពុជារួចហើយ ដោយពួកគេបានវិនិយោគលើការសាងសង់ផ្លូវស្ពានប្រមាណជាង ២ពាន់គីឡូម៉ែត្រ ក្នុងប្រទេសកម្ពុជា នារយៈពេលកន្លងមកផងដែរ៕ ដោយ៖ បាន ចក់

ក.អ.ក បង្កើតគណៈកម្មការចំពោះកិច្ចមួយចាប់ផ្តើមពិនិត្យ និងពិភាក្សា​​​ឆ្ពោះទៅបង្កើតក្រុមប្រឹក្សាក្រមសីលធម៌ វិជ្ជាជីវៈសារព័ត៌មានកម្ពុជា

2023/02/10 09:50:23 am        367
Facebook Telegram Linkin
ភ្នំពេញ៖ ដោយយោងលើសេចក្តីប្រកាសព័ត៌មានរួមវេទិកានិពន្ធនាយកសារព័ត៌មានកម្ពុជា អនុសាសន៍របស់ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន នៅថ្ងៃទី១០ ខែកុម្ភៈ ឆ្នាំ២០២៣ គណៈកម្មាធិការនាយកក្លិបអ្នកកាសែតកម្ពុជា (ក.អ.ក ) បង្កើតគណៈកម្មការចំពោះកិច្ចមួយ ចាប់ផ្តើមពិនិត្យ និងពិភាក្សា​​​ឆ្ពោះទៅបង្កើតក្រុមប្រឹក្សាក្រមសីលធម៌វិជ្ជាជីវៈ សារព័ត៌មានកម្ពុជា។ សេចក្តីប្រកាសព័ត៌មានរួមបញ្ជាក់ថា គណៈកម្មាធិការនាយក ក.អ.ក យល់ឃើញថា ការបង្កើតក្រុមប្រឹក្សាក្រមសីលធម៌សារព័ត៌មានពិតជាសំខាន់ណាស់ក្នុងការតម្រង់ទិស ដាក់ពិន័យ ក៏ដូចជាកែលម្អវិជ្ជាជីវៈសារព័ត៌មាន ជាពិសេសសម្រាប់ស្ថានភាពសារព័ត៌មានបច្ចុប្បន្ននៅកម្ពុជា។គណៈកម្មាធិការនាយក ក.អ.ក បានសម្រេចបង្កើតគណៈកម្មការចំពោះកិច្ចមួយ ដើម្បីពិនិត្យសិក្សាស្រាវជ្រាវក្រមសីលធម៌ពីបណ្តាប្រទេសផ្សេងៗទៀតក្នុងតំបន់អាស៊ាន និងប្រទេសជាច្រើនទៀត ដើម្បីបំពេញបន្ថែមលើក្រមសីលធម៌របស់ក្លិបអ្នកកាសែតកម្ពុជាឱ្យកាន់តែប្រសើរជាងបច្ចុប្បន្ន និងឲ្យស្របតាមការវិវត្តន៍នៃយុគ្គសម័យឌីជីថល។សូមអានសេចក្តីប្រកាសព័ត៌មានរបស ក.រ.ក ទាំងស្រុងដូចខាងក្រោម ៖

ព្រឹទ្ធាចារ្យ ៩រូប​ ទទួលបានការប្រោសប្រទានគោរមងារមត៌កមនុស្សរស់ ដោយព្រះករុណា ព្រះមហាក្សត្រ

2023/02/10 09:41:41 am        455
Facebook Telegram Linkin
ភ្នំពេញ៖ ព្រឹទ្ធាចារ្យចំនួន ៩រូប​ ទទួលបានការប្រោសប្រទានគោរមងារ មត៌កមនុស្សរស់ ដោយ ព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ​នៃព្រះរាជាណាចក្រកម្ពុជា៕

អាកាសធាតុ​ត្រជាក់​ខ្លាំង​បន្ថែម​លើ​ភាព​អស់សង្ឃឹម ខណៈ​អ្នក​ស្លាប់​ក្នុង​ការ​រញ្ជួយ​ដី​នៅ​ទួរគី និង​ស៊ី​រី​ឡើងដល់​ជាង ​២​ម៉ឺន​នាក់

2023/02/10 07:42:42 am        414
Facebook Telegram Linkin
​ទួរគី៖ ពេលនេះ​មនុស្ស​ជាង ​២០.០០០​នាក់​ត្រូវគេ​ដឹងថា​បាន​ស្លាប់​ក្នុង​ការ​រញ្ជួយ​ដី​កាលពី​ថ្ងៃ​ចន្ទ ​ទី​៦​កុម្ភៈ​សប្ដាហ៍​នេះ​នៅ​ក្នុង​ប្រទេស​ទួរគី និង​ស៊ី​រី ទោះបីជា​អង្គការសហប្រជាជាតិ​ព្រមាន​ថា​ វិសាល​ដ៏​ធំធេង​របស់​គ្រោះ​មហន្តរាយ​នេះ​នៅតែ​មិនទាន់​ច្បាស់​នៅឡើយ​ក៏ដោយ។ ​ក្រុម​អ្នក​សង្គ្រោះ​នៅតែ​កំពុង​ជីក​កកាយ​ស្វែងរក​អ្នក​នៅ​មាន​ជីវិត​ក្នុង​គំនរ​កម្ទេច​ថ្មី ប៉ុន្តែ​ក្ដីសង្ឃឹម​កាន់​តែ​តិច​ទៅ​ៗ​ជិត ​១០០​ម៉ោង​ចាប់​តាំងពី​ការរញ្ជួយ​ដី​បានចាប់ផ្ដើម​។ ​អាកាសធាតុ​ត្រជាក់​ខ្លាំង​គំរាម​កំហែង​ដល់​អាយុជីវិត​អ្នក​នៅ​រស់រានមានជីវិត​រាប់ពាន់នាក់ ដែល​ពេលនេះ​គ្មាន​កន្លែង​ស្នាក់នៅ គ្មាន​ទឹក ​និង​អាហារ​។ ​ប្រធានាធិបតី​ទួរគី​បាន​ហៅ​ការរញ្ជួយ​ដី​នេះ​ថា ​ជា​គ្រោះមហន្តរាយ​នៃ​សតវត្សរ៍​។​ កិច្ចខិតខំ​ប្រឹងប្រែង​ផ្ដល់ជំនួយ​អន្តរជាតិ​ដ៏​ធំ​កំពុង​រួបរួមគ្នា​។ ​កាលពី​ថ្ងៃ​ព្រហស្បតិ៍​ ទី​៩​កុម្ភៈ​ធនាគារ​ពិភពលោក​បាន​សន្យា​ផ្ដល់​ជំនួយ​ចំនួន ១.៧៨​ពាន់​លាន​ដុល្លារ​អាមេរិក​ឲ្យ​ទួរគី រួម​ទាំង​ការ​ផ្ដល់​ហិរញ្ញវត្ថុ​បន្ទាន់ ​ដើម្បី​កសាង​ឡើងវិញ​នូវ​ហេដ្ឋារចនាសម្ព័ន្ធ​ជា​មូលដ្ឋាន និង​គាំទ្រ​ដល់​អ្នក​ទាំងឡាយ​ដែល​បាន​ប៉ះពាល់​ដោយ​ការ​រញ្ជួយ​ដី​។​ ​ប្រមុខ​អង្គការសហប្រជាជាតិ​លោក Antonio Guterres បាន​ព្រមាន​ថា វិសាលភាព​ដ៏​ធំធេង​នៃ​គ្រោះ​មហន្តរាយ​នៅតែ​មិនទាន់​បង្ហាញ​នៅឡើយ មុន​ពេល​យើង​បិទ​ភ្នែក ពិសេស​នៅ​ក្នុង​ប្រទេស​ស៊ី​រី ជាទី​ដែល​សង្គ្រាមស៊ីវិល​ដ៏​រ៉ាំរ៉ៃ​បាន​បំផ្លិចបំផ្លាញ​ប្រទេស​នេះ​។​ ​កាលពី​ថ្ងៃ​ព្រហស្បតិ៍​ជំនួយ​មនុស្ស​ដំបូង​របស់​អង្គការសហប្រជាជាតិ​ បាន​ឆ្លង​ព្រំដែន​ចូល​ទៅ​ក្នុង​ប្រទេស​ស៊ី​រី​ភាគ​ពាយ័ព្យ​ឆ្លងកាត់​តំបន់ Bab al-Hawa ក្នុង​ខេត្ត Idlib​។ ការ​ឆ្លង​កាត់​នេះ​គឺជា​ជម្រើស​តែមួយគត់​សម្រាប់​ជំនួយ​របស់​អង្គការសហប្រជាជាតិ​អាច​ចូល​ទៅដល់​តំបន់​នេះ ដោយ​មិន​ចាំ​បាច់​ធ្វើដំណើរ​ឆ្លងកាត់​តំបន់​នានា​គ្រប់គ្រង​ដោយ​កងកម្លាំង​រដ្ឋាភិបាល​ស៊ី​រី៕ អត្ថបទ៖ សុខមាន

ប្រធានាធិបតី​ទួរគី​ទទួលយក​បញ្ហា​មួយចំនួន​ជាមួយនឹង​ការឆ្លើយតប​ចំពោះ​គ្រោះ​រញ្ជួយ​ដី​

2023/02/09 03:15:38 pm        651
Facebook Telegram Linkin
​ទួរគី៖ ប្រធានាធិបតី​ទួរគីលោក Recep Tayyip Erdogan បាន​ការពារ​ការឆ្លើយ​តប​របស់​រដ្ឋាភិបាល​លោក​ ចំពោះ​គ្រោះ​រញ្ជួយ​ដី​ដ៏​មហន្តរាយ​ចំនួន​ពីរដោយនិយាយ​ថា ​វា​មិនអាច​ទៅរួច​នោះទេ​ក្នុង​ការ​ត្រៀម​សម្រាប់​ទំហំ​នៃ​គ្រោះមហន្តរាយ​បែបនេះ​។ យ៉ាងហោចណាស់​មនុស្ស​ជាង ១៥,០០០​នាក់​ត្រូវបាន​បញ្ជាក់ថា​ស្លាប់​នៅក្នុង​ប្រទេស​ទួរគី និង​ភាគ​ខាងជើង​ប្រទេស​ស៊ី​រី​។ ក្រុម​អ្នក​រិះគន់​បាន​អះអាងថា ការឆ្លើយតប​របស់​អង្គភាព​សេវា​សង្គ្រោះបន្ទាន់​យឺតយ៉ាវ​ពេក ហើយ​រដ្ឋាភិបាល​បានរៀបចំ​ពុំ​បានល្អ​ដូចជា​ទីជម្រក ការផ្គត់ផ្គង់​ផ្សេងៗ​។ លោក Erdogan បាន​ទទួលស្គាល់ថា រដ្ឋាភិបាល​បាន​ជួបប្រទះ​បញ្ហា​មួយចំនួន ប៉ុន្តែ​បាន​និយាយថា ស្ថានភាព​បច្ចុប្បន្ននេះ​ស្ថិតនៅក្រោម​ការគ្រប់គ្រង​។​ មេដឹកនាំ​គណបក្សប្រឆាំង​ធំ​របស់​ប្រទេស​ទួរគីលោក Kemal Kilicdaroglu និយាយថា មាន​មនុស្ស​ម្នាក់​ត្រូវ​ទទួលខុសត្រូវ​ចំពោះ​រឿងនេះ​គឺ​លោក Erdogan។ លោក​ប្រធានាធិបតីបាន​ច្រានចោល​ការចោទប្រកាន់​នេះ ហើយ​បាន​និយាយថា​ ការរួបរួម​គឺជា​តម្រូវ​ការចាំបាច់បន្ទាប់ពី​គ្រោះមហន្តរាយ​។​ ​នៅក្នុង​ប្រទេស​ស៊ី​រី​ដែល​នៅ​ជិតគ្នា​នោះ កិច្ចខិតខំ​ប្រឹងប្រែង​ជួយសង្គ្រោះ​មាន​ភាពស្មុគស្មាញ​ដោយ​សារ​ជម្លោះ​ជាច្រើន​ឆ្នាំ ដែល​បាន​បំផ្លាញ​ហេដ្ឋារចនាសម្ព័ន្ធ​របស់​ប្រទេស​។ ច្រក​ឆ្លងកាត់ Bab al-Hawa រវាង​ប្រទេស​ទួរគី និង​ស៊ី​រីត្រូវបាន​បិទ​ចាប់តាំងពី​រញ្ជួយ​ដី​មក ខណៈ​ផ្លូវថ្នល់​ត្រូវបាន​បំផ្លាញ​យ៉ាង​ធ្ងន់ធ្ងរ​។ ខណៈ​មន្ត្រីជាន់ខ្ពស់​អង្គការសហប្រជាជាតិបាន​និយាយថា ផ្លូវ​នេះ​អាច​ចូល​បាន​ក្នុង​ពេល​ឆាប់ៗ​នេះ រដ្ឋមន្ត្រីការបរទេស​ទួរគីលោក Mevlut Cavusoglu បាន​បញ្ជាក់ថា ប្រទេស​នេះ​កំពុង​ធ្វើការ​ដើម្បី​បើក​ច្រកព្រំដែន​ពីរ​បន្ថែមទៀត ដើម្បី​ជួយ​ទទួល​ជំនួយ​ចូលមកក្នុង​ប្រទេស៕​អត្ថបទ៖ ប៊ុនថន

សហរដ្ឋអាមេរិក​ចែករំលែក​ព័ត៌មាន​បា​ឡុង​របស់​ចិន​ជាមួយ​ប្រទេស​ចំនួន​៤០

2023/02/09 02:35:48 pm        761
Facebook Telegram Linkin
​អាមេរិក៖ រដ្ឋមន្ត្រីការបរទេស​សហរដ្ឋអាមេរិក​លោក Antony Blinken បាន​និយាយ​កាលពី​ថ្ងៃ​ពុធ​ថា សហរដ្ឋអាមេរិក​បាន​ចែករំលែក​ព័ត៌មាន​ដែល​ខ្លួន​ទទួល​បាន​ អំពី​បា​ឡុង​ចារកម្ម​របស់​ចិន​ជាមួយ​ប្រទេស​ជាច្រើន​ជុំវិញ​ពិភពលោក ជា​ព័ត៌មាន​ដែល​សហរដ្ឋអាមេរិក​និយាយ​ថា វា​ពុំ​មែន​ជា​បា​ឡុង​សម្រាប់​អាកាសធាតុ​ដូចដែល​ទីក្រុង​ប៉េកាំង​បាន​អះអាង​នោះ​ទេ ប៉ុន្តែ​ជា​នាវា​អាកាស​ប្រើ​សម្រាប់​ចារកម្ម​។ យើង​កំពុង​ទទួល​បាន​ព័ត៌មាន​បន្ថែម​ ខណៈ​យើង​បន្ត​ធ្វើការ​ដើម្បី​ស្រង់​យក​បា​ឡុង​។ ​យើង​នឹង​ដឹង​ពី​បា​ឡុង​នេះ ហើយ​យើង​ក៏​កំពុង​ទទួល​បាន​ពីអ្វី​ដែល​យើង​បាន​ឃើញ នៅ​ពេល​ដែល​បា​ឡុង​ឆ្លងកាត់​សហរដ្ឋអាមេរិក​។ សហរដ្ឋអាមេរិក​បាន​ធ្វើ​សន្និសីទ​នៅ​ទីក្រុង​វ៉ាស៊ីនតោន និង​ទីក្រុង​ប៉េកាំង​កាលពីដើម​សប្តាហ៍​នេះ អំពី​បា​ឡុង​ដែល​ខ្លួន​បាន​បាញ់​ទម្លាក់​នៅ​ជិត​ឆ្នេរសមុទ្រ​រដ្ឋ South Carolina កាលពី​ចុង​សប្តាហ៍ ហើយ​បាន​បង្ហាញ​ការ​រក​ឃើញ​របស់​ខ្លួន​ទៅកាន់​អ្នកការទូត​បរទេស​ប្រមាណ ១៥០នាក់​នៅ​ទូទាំង ៤០ប្រទេស​។​ លោក Blinken ដែល​បាន​ផ្អាក​ដំណើរ​ទស្សនកិច្ច​ទៅ​ប្រទេស​ចិន ​ដោយសារ​ឧបទ្ទវ​ហេតុនេះបាន​និយាយ​ថា បា​ឡុង​ចារកម្ម​របស់​ចិន​បាន​ហោះ​ឆ្លងកាត់​ប្រទេស​មួយ​ចំនួន​ទៀត​ផង​ដែ​រ​។​ ​សហរដ្ឋអាមេរិក​ពុំមែន​ជា​គោលដៅ​តែមួយគត់​នៃ​កម្មវិធី​នេះ​ទេ ដែល​បាន​រំលោភ​លើ​ដែន​អធិបតេយ្យភាព​នៃ​ប្រទេស​នានា​នៅ​ទូទាំង​ទ្វីប​ចំនួន​ប្រាំ​។​ នៅ​ក្នុង​សន្និសីទ​សារព័ត៌មាន​ជាមួយលោក Blinken អគ្គលេខាធិការ​សម្ព័ន្ធ​យោធា​ណា​តូលោក Jens Stoltenberg បាន​និយាយ​ថា​ ឧប្បត្តិ​ហេតុនេះ​បញ្ជាក់​ពី​គំរូ​នៃ​អាកប្បកិរិយា​ដែល​បង្ហាញ​ដោយ​ប្រទេស​ចិន​។ ដូច្នេះ​យើង​ត្រូវតែមាន​ការប្រុងប្រយ័ត្ន​។ យើង​ត្រូវ​ដឹង​ពី​ហានិភ័យ​នៃ​ចារកម្ម​ចិន ហើយ​បង្កើន​នូវ​អ្វី​ដែល​យើង​ធ្វើ​ដើម្បី​ការពារ​ខ្លួន៕អត្ថបទ៖ ប៊ុនថន

អាមេរិក NATO និង​សហភាពអឺរ៉ុប​ប្តេជ្ញា​ជួយ​ប្រទេស​ទួរគី​ និង​ស៊ី​រី បន្ទាប់ពី​ការរញ្ជួយ​ដី​

2023/02/09 02:13:02 pm        557
Facebook Telegram Linkin
​អាមេរិក៖ ប្រធានាធិបតី​សហរដ្ឋអាមេរិក​លោក Joe Biden បាន​ប្តេជ្ញា​គាំទ្រ​យ៉ាង​ពេញលេញ​ពី​រដ្ឋាភិបាល​សហរដ្ឋ​អាមេរិកក្នុង​ការជួយ​ប្រទេស​ទួរគី និង​ស៊ី​រី បន្ទាប់ពី​រញ្ជួយ​ដី​ដែល​បាន​វាយប្រហារ​ប្រទេស​ទាំងពីរកាលពី​ថ្ងៃ​ចន្ទ​។ ខណៈ​ធ្វើដំណើរ​ទៅសួរសុខទុក្ខ​កម្មករ​នៅ​រដ្ឋ Wisconsin កាលពី​ថ្ងៃ​ពុធ លោក Biden បាន​និយាយថា​ លោក​បានសន្ទនា​តាម​ទូរស័ព្ទ​ជាមួយ​ប្រធានាធិបតី​ទួរគីលោក Tayyip Erdogan ដើម្បី​ផ្តល់​កិច្ចខិតខំ​ជួយសង្គ្រោះ ​និង​ផ្តល់ជំនួយ​បន្ទាន់ រួមជាមួយ​សម្ព័ន្ធ​យោធា​ណា​តូ​។ ​សម្រាប់​ប្រទេស​ស៊ី​រី លោក Biden បាន​និយាយថា ជំនួយ​កំពុង​ត្រូវបាន​បញ្ជូនទៅ​គ្រប់​តំបន់​ដោយ​មិន​គិតថា ​អ្នកណា​គ្រប់គ្រង​ទឹកដី​នោះទេ​។ ការរញ្ជួយ​ដី​ដ៏​មាន​ឥទ្ធិពល​បានធ្វើ​ឲ្យ​រញ្ជួយ​ប្រទេស​ទួរគី និង​ស៊ី​រីកាលពី​ព្រឹក​ព្រលឹម​ថ្ងៃ​ចន្ទ ដោយ​អគារ​រាប់រយ​បាន​បាក់​រលំ ហើយ​ចំនួន​អ្នកស្លាប់​រួមបញ្ចូល​គ្នា​នៅ​ទូទាំងប្រទេស​ទាំង២ បាន​កើនឡើង​លើសពី ១៥,០០០​នាក់។​ ​ប្រធានាធិបតី​ទួរគីលោក Tayyip Erdogan កាលពី​ថ្ងៃ​ពុធ​បាន​សារភាពថា ​មាន​បញ្ហា​មួយចំនួន​ក្នុងការ​ឆ្លើយតប​ដំបូង​របស់​រដ្ឋាភិបាល​របស់លោក​ ចំពោះ​ការរញ្ជួយ​ដី​ដ៏​ខ្លាំងក្លា​នៅ​ភាគខាងត្បូង​ប្រទេស​ទួរគី ក្នុងពេល​មានការ​ខឹងសម្បារ​ពី​អ្នក​ដែល​បាត់បង់​លំនៅឋាន និង​មានការ​ខកចិត្ត​ចំពោះ​ជំនួយ​មកដល់​យឺត​ពី​ក្រុម​ជួយសង្គ្រោះ​។ ​គណៈកម្មការ​អឺរ៉ុបបាន​និយាយ​កាលពី​ថ្ងៃ​ពុធ​ថា ​ប្រទេស​ស៊ី​រី​បានស្នើ​សុំ​ជំនួយ​ពី​សហភាព​អឺរ៉ុប​ ២​ថ្ងៃ​បន្ទាប់ពី​ការរញ្ជួយ​ដី​។ សហភាពអឺរ៉ុបនិយាយថា ខ្លួន​នឹង​ផ្តល់ជំនួយ​សង្គ្រោះបន្ទាន់​បន្ថែម​ដល់​ប្រទេស​ទាំងពីរ និង​ជំនួយ​មនុស្សធម៌​សង្គ្រោះបន្ទាន់​ដែលមាន​តម្លៃ ៦.៥លាន​អឺរ៉ូ ឬ 7លាន​ដុល្លារនៅក្នុង​ប្រតិបត្តិ​ការស្វែងរក និង​ជួយសង្គ្រោះ​ដ៏​ធំ​បំផុត​មិន​ធ្លាប់មាន​តាម រយៈ​យន្តការ​ការពារ​ជន​ស៊ីវិល​របស់ខ្លួន៕អត្ថបទ៖ ប៊ុនថន

សម្តេចតេជោ ហ៊ុន សែន អញ្ជើញដឹកនាំគណៈប្រតិភូទៅដល់ប្រទេសចិនប្រកបដោយសុវត្ថិភាព

2023/02/09 01:01:21 pm        129
Facebook Telegram Linkin
ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅវេលាម៉ោង១៣ និង២០នាទី ម៉ោងនៅប្រទេសចិន ត្រូវនឹងម៉ោង១២និង២០នាទី ម៉ោងនៅកម្ពុជា ថ្ងៃទី០៩ ខែកុម្ភៈ ឆ្នាំ២០២៣នេះ បានដឹកនាំគណៈប្រតិភូជាន់ខ្ពស់នៃរាជរដ្ឋាភិបាលកម្ពុជា អញ្ជើញទៅដល់ប្រទេសចិនប្រកបដោយសុវត្ថិភាពហើយ ដើម្បីបំពេញទស្សនកិច្ចជាផ្លូវការនៅសាធារណៈរដ្ឋប្រជាមានិតចិន ពីថ្ងៃទី៩ ដល់ថ្ងៃទី១១ ខែកុម្ភៈ ឆ្នាំ២០២៣។វត្តមាននៃការអញ្ជើញដល់របស់ សម្ដេចតេជោនាយករដ្ឋមន្ត្រីត្រូវបានទទួលការធ្វើគារវកិច្ចស្វាគមន៍យ៉ាងកក់ក្តៅជាទីបំផុតពីសំណាក់ថ្នាក់ដឹកនាំនៃសាធារណរដ្ឋប្រជាមានិតចិន ឯកអគ្គរាជទូតកម្ពុជា ប្រចាំនៅសាធារណរដ្ឋប្រជាមានិតចិន និងថ្នាក់ដឹកនាំសំខាន់ៗជាច្រើនទៀត។ តាមកម្មវិធីដែលបានគ្រោងទុក ក្នុងដំណើរទស្សនកិច្ចនៅប្រទេសចិននាពេលនេះ សម្តេចតេជោនាយករដ្ឋមន្ត្រី នឹងជួបសម្តែងការគួរសមដាច់ដោយឡែកជាមួយ ឯកឧត្តម ស៊ី ជីនពីង ប្រធានាធិបតីចិន និង ឯកឧត្តម លី ជាន ស៊ូ ប្រធានសភាតំណាងប្រជាជនចិន។ សម្តេចតេជោ ក៏នឹងមានជំនួបទ្វេភាគីជាមួយ ឯកឧត្តម លី ខឺឈាង នាយករដ្ឋមន្ត្រីចិន ដើម្បីផ្លាស់ប្តូរទស្សនៈ និងពិភាក្សាអំពីចំណង និងកិច្ចសហប្រតិបត្តិការទ្វេភាគី ព្រមទាំងបញ្ហាដែលជាប្រយោជន៍ និងកង្វល់រួមក្នុងតំបន់ និងអន្តរជាតិផងដែរ។ ក្រោយជំនួបសម្តេចតេជោ និងលោក លី ខឺឈាង នឹងអញ្ជើញធ្វើជាអធិបតី ក្នុងពិធីចុះហត្ថលេខាលើឯកសារកិច្ចសហប្រតិបត្តិការមួយចំនួនផងដែរ។ដំណើរទស្សនកិច្ចរបស់សម្តេចតេជោនាយករដ្ឋមន្ត្រី ទៅកាន់ប្រទេសចិននាពេលនេះ នឹងផ្តល់កាលានុវត្តភាពដល់រដ្ឋាភិបាលទាំងពីរ ដើម្បីជំរុញកិច្ចសហ ប្រតិបត្តិការភាពជាដៃគូយុទ្ធសាស្ត្រគ្រប់ជ្រុងជ្រោយ និងធ្វើឱ្យកាន់តែស៊ីជម្រៅ នូវការកសាងសហគមន៍វាសនារួមកម្ពុជា-ចិន ដើម្បីផលប្រយោជន៍ទៅវិញទៅមក សម្រាប់ប្រជាជន និងប្រជាជាតិទាំងពីរ៕

បងស្រី​ការពារ​ប្អូនប្រុស​ពី​ធូលី​អំឡុង​រង់ចាំ​ការជួយ​សង្គ្រោះ​រយៈពេល ៣៦​ម៉ោង​ក្រោយ​ការរញ្ជួយ​ដី​នៅ​ភាគ​ខាងជើង​ស៊ី​រី

2023/02/09 12:14:36 pm        557
Facebook Telegram Linkin
ស៊ីរី៖ ក្មេង ២​នាក់​ដែល​ជាប់​នៅ​ចន្លោះ​បេតុង​ក្នុង​ផ្ទះ​របស់​ពួកគេ​ នៅ​ភាគ​ខាងជើង​ស៊ី​រីត្រូវ​បាន​ជួយ​សង្គ្រោះ​ រយៈពេល​ជាង ៣៦​ម៉ោង​ក្រោយ​ការ​រញ្ជួយ​ដី​កាលពី​ថ្ងៃ​ចន្ទ​ ដែល​បាន​ធ្វើ​ឲ្យ​គ្រួសារ​របស់​ពួកគេ​ជាប់​ខ្លួន​ក្រោម​គំនរ​បាក់បែក។​នៅ​ក្នុង​វីដេអូ​ដែល​ថត​បាន​ ឃើញ​បងស្រី​និយាយ​ខ្សាវៗ​ប្រាប់​ក្រុម​អ្នក​ជួយសង្គ្រោះ​ថា យក​ខ្ញុំ​ចេញពី​ទីនេះ ខ្ញុំ​នឹង​ធ្វើ​គ្រប់យ៉ាង​ដើម្បី​អ្នក។ នាង​បន្ត​ថា ខ្ញុំ​នឹង​ធ្វើជា​អ្នកបម្រើ​របស់​អ្នក ខណៈ​អ្នក​ជួយ​សង្គ្រោះ​ម្នាក់​ឆ្លើយ​ថា ទេ ទេ។​ ក្មេងស្រី​ម្នាក់នេះ​មានឈ្មោះ Mariam ហើយ​នាង​ច្បូត​សក់​របស់​នាង​គ្រប​លើ​ក្បាល​ប្អូនប្រុស ពេល​ដែល​ពួកគេ​ជាប់​ក្រោម​គំនរ​បាក់បែក។ នាង​អាច​កម្រើក​ដៃ​ម្ខាង​បាន​ដើម្បី​គ្រប​មុខ​ប្អូនប្រុស​ការពារ​ធូលី​ហុយ​ចូល។​ ក្មេង​ទាំង ២​បាន​ជាប់​ខ្លួន​ក្រោម​គំនរ​បាក់បែក​ផ្ទះ​របស់​ពួកគេ​ក្នុង​ភូមិ Besnaya-Bseineh ស្ថិតនៅ​ទីក្រុង Haram ភាគ​ខាងជើង​ប្រទេស​ស៊ី​រី។លោក Mustafa Zuhir Al-Sayed​ ដែល​ជា​ឪពុក​របស់​ក្មេង​ទាំង ២​ និយាយ​ថា កូនប្រុស​ប្អូន​មានឈ្មោះ Ilaaf គឺជា​ឈ្មោះ​អ៊ីស្លាម មានន័យថា ការពារ។​ លោក Al-Sayed​ និយាយ​ថា ភរិយា​របស់​លោក និង​កូន ៣​នាក់​កំពុង​លង់លក់​នៅ​ព្រឹក​ថ្ងៃ​ចន្ទពេល​ដែល​កើតមាន​ការ​រញ្ជួយ​កម្រិត ៧.៨​រ៉ិ​ច​ទ័​រ ដែល​ជា​ការ​រញ្ជួយ​ដី​ខ្លាំងក្លា​បំផុត​អង្រួន​តំបន់​មួយ​នេះ ក្នុង​រយៈពេល​ជាង ១​សតវត្សរ៍។​ លោក​បន្ត​ថា ផែនដី​ចាប់ផ្ដើម​រញ្ជួយ ហើយ​គំនរ​បាក់បែក​ចាប់ផ្តើម​ធ្លា​ក់​លើ​ក្បាល​របស់​ពួក​យើង ហើយ​ពួក​យើង​បាន​ជាប់​ក្រោម​គំនរ​បាក់បែក​អស់​រយៈពេល ២​ថ្ងៃ៕អត្ថបទ៖ សារ៉ាត់

កុមារ​ពីរ​នាក់​ស្លាប់ និង ៦​នាក់​របួស ​បន្ទាប់ពី​រថយន្ត​ក្រុង​បុក​ចូល​មណ្ឌល​ថែទាំ​កុមារ​ពេល​ថ្ងៃ​នៅ​កាណាដា​

2023/02/09 11:42:48 am        527
Facebook Telegram Linkin
​កាណាដា៖ នគរបាល​និយាយថា កុមារ​ពីរ​នាក់​បាន​ស្លាប់ និង ៦​នាក់​ផ្សេងទៀត​បាន​រង​របួស បន្ទាប់ពី​រថយន្តក្រុង​មួយ​គ្រឿង​បាន​បើក​បុក​ចូល ​ទៅក្នុង​មជ្ឈមណ្ឌល​ថែទាំ​កុមារ​ពេល​ថ្ងៃមួយ​កន្លែង​នៅ​ជាយក្រុង Laval ទីក្រុង​ Montreal កាលពី​ថ្ងៃ​ពុធ​។​ ​អ្នកនាំពាក្យ​នគរបាល​បាន​បញ្ជាក់​ថា អ្នកបើកបរ​រថយន្ត​ក្រុង​អាយុ ៥១​ឆ្នាំ ជា​បុគ្គលិក​ប្រព័ន្ធ​ដឹក​ជញ្ជូន​សាធារណៈ​របស់​ក្រុង Laval ត្រូវ​បាន​ចាប់ខ្លួន​ពី​បទ​មនុស្សឃាត និង​ការ​បើកបរ​មិន​ប្រុង​ប្រយ័ត្ន​។ ​នគរបាល​បាន​បដិសេធ​មិន​ផ្តល់​ព័ត៌មាន​លម្អិត​បន្ថែម​នោះ​ទេ ខណៈ​កំពុង​ស៊ើបអង្កេត និង​សាកសួរ​អ្នកបើកបរ ​ដែល​នគរ​បាល​និយាយ​ថា ​អ្នកបើកបរ​បាន​បម្រើការ​ឲ្យ​ប្រព័ន្ធ​ដឹកជញ្ជូន​សាធារណៈ​រយៈពេល ១០​ឆ្នាំ ហើយ​ពុំ​មាន​កំណត់ត្រា​ឧក្រិដ្ឋកម្ម​នោះ​ទេ​។ ​ឧបទ្ទវហេតុ​នេះ​បាន​កើត​ឡើង​នៅ​ម៉ោង​ប្រហែល ៨:៣០​នាទី​ព្រឹកម៉ោង​ក្នុង​តំបន់​ នៅ​ពេល​ដែល​ក្មេងៗ​ជា​ធម្មតា​ត្រូវ​បាន​ឪពុក​ម្តាយ​របស់​ពួកគេ​ នាំ​យក​មក​ដាក់​នៅ​មជ្ឈមណ្ឌល​ថែទាំ​កុមារ​ពេល​ថ្ងៃ​។​ ​យោង​តាម​ក្រុមហ៊ុន​សាជីវកម្ម​ផ្សព្វផ្សាយ​កាណាដា ​(Canadian Broadcasting Corp) បាន​ឲ្យ​ដឹង​ថា ក្មេង​ប្រហែល ៨០​នាក់​មាន​អាយុ​ក្រោម ​៥​ឆ្នាំ​ស្ថិតនៅ​មជ្ឈមណ្ឌល​ថែទាំ​កុមារ​នេះ​។​ នាយករដ្ឋមន្ត្រី​កាណាដា​លោក Justin Trudeau បាន​ចូលរួម​រំលែក​ទុក្ខ​ដល់​ក្រុម​គ្រួសារ​កុមារ​ស្លាប់ ​បន្ទាប់ពី​ឧបទ្ទវហេតុ​នេះ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

កូរ៉េខាងជើងច្រានចោលការចោទប្រកាន់របស់អាមេរិកថា ទីក្រុងព្យុងយ៉ាង គឺជាការគំរាមកំហែងតាមប្រព័ន្ធអ៊ីនធឺណិត
05/03/2026 01:05 PM
Facebook Telegram Linkin
ប្រធានាធិបតីគុយបាបរិហារទណ្ឌកម្មថ្មីរបស់សហរដ្ឋអាមេរិកលើប្រទេសរបស់លោក
05/03/2026 01:05 PM
Facebook Telegram Linkin
មនុស្ស ១១នាក់ស្លាប់ ក្នុងហេតុការណ៍ក្រឡាប់រថយន្តក្រុងនៅភាគខាងលិចម៉ិកស៊ិក
05/03/2026 01:05 PM
Facebook Telegram Linkin
ក្រុមមន្រ្តីនិយាយថា សហរដ្ឋអាមេរិកដកទាហាន ៥ពាន់នាក់ចេញពីប្រទេសអាល្លឺម៉ង់
05/03/2026 12:05 PM
Facebook Telegram Linkin
អ្នកនាំពាក្យ៖ កម្មវិធីនយោបាយ និងការអភិវឌ្ឍរបស់កម្ពុជា បាននិងកំពុងដំណើរការទៅមុខជានិច្ច បើទោះបីកម្ពុជារងការឈ្លានពានពីថៃ
05/03/2026 12:05 PM
Facebook Telegram Linkin
ប្រតិភូសភាប្រើភាសាបារាំង ១៧ប្រទេសធ្វើសិក្ខាសាលា អំពីក្របខ័ណ្ឌ និងការប្រើប្រាស់ឌីជីថលក្នុងសភា
05/03/2026 12:05 PM
Facebook Telegram Linkin
ជម្លោះនៅតែកើតមានរវាងក្រុមហេសបូឡា និងអ៊ីស្រាអែលនៅតំបន់ភាគខាងត្បូងលីបង់
05/03/2026 12:05 PM
Facebook Telegram Linkin
លោក Trump និយាយថា មានលទ្ធភាពដែលអាមេរិកអាចចាប់ផ្តើមវាយប្រហារអ៊ីរ៉ង់ម្តងទៀត​
05/03/2026 12:05 PM
Facebook Telegram Linkin
មនុស្សយ៉ាងហោច ៩នាក់ស្លាប់ ក្នុងហេតុការណ៍អគ្គិភ័យនៅទីក្រុងញូវដែល្លី ប្រទេសឥណ្ឌា
05/03/2026 11:05 AM
Facebook Telegram Linkin
សហរដ្ឋអាមេរិកអនុម័តលក់អាវុធតម្លៃ ៨,៦ពាន់លានដុល្លារដល់សម្ព័ន្ធមិត្តមជ្ឈិមបូព៌ា
05/03/2026 11:05 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.