BTV NEWS

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

សម្ដេចធិបតី៖ កងទ័ពថៃបានចូលកាន់កាប់ទឹកដីកម្ពុជាយ៉ាងជ្រៅលើសសូម្បីផែនទីឯកតោភាគីគេបានអះអាង

សម្ដេចតេជោ ហ៊ុន សែន ឆ្លៀតវាយកូនគោលនៅថ្ងៃចុងសប្ដាហ៍ ក្រោយខកខានជាង ១ឆ្នាំ

ព័ត៌មានសំខាន់ៗ

សម្ដេចតេជោ ហ៊ុន សែន អញ្ជើញជួបពិភាក្សាការងារជាមួយប្រធានាធិបតី នៃសាធារណរដ្ឋប្រជាធិបតេយ្យប្រជាមានិតឡាវ

ភ្នំពេញ៖ នៅរសៀលថ្ងៃទី១៣ ខែកុម្ភៈ ឆ្នាំ២០២៣ដដែលនេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញចូលជួបសំដែងការគួរសម ឯកឧត្តមបណ្ឌិត ថងលួន ស៊ីសូលីត ប្រធានាធិបតី នៃសាធារណរដ្ឋប្រជាធិបតេយ្យប្រជាមានិតឡាវ។ ក្នុងជំនួបគ្នានោះ ឯកឧត្តមបណ្ឌិត ថងលួន ស៊ីសូលីត មានប្រសាសន៍សំដែងនូវការស្វាគមន៍យ៉ាងកក់ក្តៅបំផុត ចមពោះវត្តមានដ៏ឧត្តុង្គឧត្តមរបស់សម្តេចតេជោនាយករដ្ឋមន្រ្តី ដែលបានឆ្លើយតបតាមការអញ្ជើញ ដើម្បីបំពេញទស្សនកិច្ចផ្លូវការ ទៅកាន់ប្រទេសឡាវនាពេលនេះ។ ឯកឧត្តម ប្រធានាធិបតីឡាវ តាមរយៈសម្តេចតេជោនាយករដ្ឋមន្រ្តី សូមគោរពយាងព្រះករុណាព្រះមហាក្សត្រជាទីគោរពសក្ការៈ ស្តេចយាងបំពេញព្រះរាជទស្សនកិច្ចផ្លូវរដ្ឋ នៅរដ្ឋធានីវៀងច័ន្ទ តាមពេលវេលាដ៏សមស្របនាពេលខាងមុខ។ ឯកឧត្តមប្រធានាធិបតី បានសំដែងនូវការវាយតម្លៃខ្ពស់ និងកោតសរសើរចំពោះការរីកចំរើន នៃទំនាក់ទំនងរវាងប្រទេសទាំងពីរកម្ពុជា ឡាវ។ សម្តេចតេជោនាយករដ្ឋមន្រ្តីមានប្រសាសន៍ថ្លែងអំណរគុណជូនចំពោះ ឯកឧត្តមប្រធានាធិបតីដែលបានទទួលបដិសណ្ឋារកិច្ចយ៉ាងស្និទ្ធស្នាលបំផុត ចំពោះរូបសម្តេចនិងគណៈប្រតិភូជាន់ខ្ពស់រាជរដ្ឋាភិបាលកម្ពុជា។ សម្តេចតេជោនាយករដ្ឋមន្រ្តី បានសំដែងនូវការកោតសរសើរចំពោះការរីកចំរើនរបស់ប្រទេសឡាវ ក្រោមការដឹកនាំរបស់បក្ស និងប្រជាជនឡាវ។ ឯកឧត្តមប្រធានាធិបតី ក៏បានវាយតម្លៃខ្ពស់ចំពោះលទ្ធផលនៃកិច្ចពិភាក្សារវាងប្រមុខរដ្ឋាភិបាល នៃ ប្រទេសទាំងពីរកម្ពុជា ដែលឈានទៅចុះហត្ថលេខាលើឯកសារជាប្រវត្តិសាស្រ្ត សម្រាប់បម្រើឲ្យផលប្រយោជន៍របស់ ប្រទេសនិងប្រជាជនទាំងពីរកម្ពុជា ឡាវ។ បន្ទាប់មក ឯកឧត្តមបណ្ឌិត ថងលួន ស៊ីសូលីត ប្រធានាធិបតី នៃសាធារណរដ្ឋប្រជាធិបតេយ្យប្រជាមានិតឡាវ អញ្ជើញបំពាក់នូវគ្រឿងឥស្សរិយយសថ្នាក់ខ្ពស់បំផុត របស់សាធារណរដ្ឋប្រជាធិបតេយ្យប្រជាមានិតឡាវ ដែលមានឈ្មោះថា មេដាយផូសៃឡានសាង ជូនចំពោះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ចំពោះគុណបំណាច់ដ៏ធំធេងរបស់សម្តេចតេជោនាយករដ្ឋមន្រ្តី ក្នុងការជួយដល់ប្រទេស និងប្រជាជនឡាវ ពិសេសក្នុងដំណាល់នៃការឆ្លងរីករាលដាលនៃជំងឺកូវីដ១៩ សម្តេចតេជោ ហ៊ុន សែន បានឧបត្ថម្ភវ៉ាក់សាំង សម្ភារៈវេជ្ជសាស្រ្ត និងការគៀងគរដល់សប្បរសជនកម្ពុជា ជួយផ្តល់នូវថវិកាដ៏ច្រើន ក្នុងការជួយដល់រដ្ឋាភិបាល និងប្រជាជនឡាវ ដែលជួបប្រទះនូវការលំបាកដ៏ខ្ពង់ខ្ពស់បំផុតនោះ៕

សម្ដេចតេជោ ហ៊ុន សែន និងនាយករដ្ឋមន្ត្រីឡាវ អញ្ជើញបំពាក់គ្រឿងឥស្សរិយយសថ្នាក់ខ្ពស់របស់ឡាវ ជូនអ្នកឧកញ៉ា លោកឧកញ៉ា របស់ព្រះរាជាណាចក្រកម្ពុជាចំនួន៦រូប

ភ្នំពេញ៖ ប្រមុខដឹកនាំរដ្ឋាភិបាល នៃប្រទេសទាំងពីរ បានអញ្ជើញបំពាក់គ្រឿងឥស្សរិយយស ថ្នាក់ខ្ពស់របស់សាធារណរដ្ឋប្រជាធិបតេយ្យប្រជាមានិតឡាវ ជូនអ្នកឧកញ៉ា លោកឧកញ៉ា របស់ព្រះរាជាណាចក្រកម្ពុជាចំនួន៦រូប ដែលបានឧបត្ថម្ភថវិកា ជូនចំពោះរដ្ឋាភិបាល នៃសាធារណរដ្ឋប្រជាធិបតេយ្យប្រជាមានិតឡាវ ក្នុងការទិញវ៉ាក់សាំងប្រឆាំងនិងជំងឺកូវីដ១៩ កាលពីពេលកន្លងទៅ។អ្នកឧកញ៉ា លោកឧកញ៉ាទាំង៦រូបដែលបានឧបត្ថម្ភថវិកាទិញវ៉ាកសាំង និងសម្ភារៈបរិក្ខារក្នុងការប្រយុទ្ធ ប្រឆាំងនឹងជំងឺកូវីដ១៩ រួមមានអ្នកឧកញ៉ា គិត ម៉េង អ្នកឧកញ៉ា លាង ឃុន អ្នកឧកញ៉ា ឡេង ណាវ៉ាត់ត្រា ឧកញ៉ា Guy Chhay លោក៉កញ៉ា Ing Seav Meng និងលោកឧកញ៉ា លី ហុង៕

សម្តេចតេជោ ហ៊ុន សែន អញ្ជើញក្នុងពិធីលៀងសាយភោជន៍ដែលរៀបចំដោយនាយករដ្ឋមន្ត្រី នៃសាធារណរដ្ឋប្រជាធិបតេយ្យប្រជាមានិតឡាវ

ភ្នំពេញ៖ នៅរាត្រីថ្ងៃទី១៣ ខែកុម្ភៈ ឆ្នាំ២០២៣ ឯកឧត្តមបណ្ឌិត សនសៃ ស៊ីផាន់ដន នាយករដ្ឋមន្ត្រី នៃសាធារណរដ្ឋប្រជាធិបតេយ្យប្រជាមានិតឡាវ បានប្រារព្វរៀបចំពិធីលៀងសាយភោជន៍ជាមហាកិត្តិយសដ៏ខ្ពង់ខ្ពស់បំផុត ជូនចំពោះសម្តេចតេជោនាយករដ្ឋមន្រ្តី និងគណៈប្រតិភូជាន់ខ្ពស់រាជរដ្ឋាភិបាលកម្ពុជា ដែលបានអញ្ជើញបំពេញទស្សនកិច្ចផ្លូវការ នៅសាធារណរដ្ឋប្រជាធិបតេយ្យប្រជាមានិតឡាវ។ ឯកឧត្តមបណ្ឌិត សនសៃ ស៊ីផាន់ដន នាយករដ្ឋមន្ត្រី នៃសាធារណរដ្ឋប្រជាធិបតេយ្យប្រជាមានិតឡាវ មានប្រសាសន៍ចាត់ទុកដំណើរទស្សនកិច្ចរបស់ សម្តេចតេជោនាយករដ្ឋមន្រ្តី ទៅកាន់ប្រទេសឡាវនៅពេលនេះ គឺពិតជាមានតម្លៃខ្លាំងណាស់ ក្នុងការជំរុញទំនាក់ទំនងលើគ្រប់វិស័យ ពិសេសលើកកម្ពស់ទំនាក់ទំនងកិច្ចសហប្រតិបត្តិការលើគ្រប់ផ្នែកទាំងអស់ កាន់តែមានភាពរឹងមាំទ្វេឡើងថែមទៀត ពិសេសការចុះហត្ថលេខាលើសន្ធិសញ្ញាកំណត់ព្រំដែនរដ្ឋ រវាងព្រះរាជាណាចក្រកម្ពុជា និងសាធារណរដ្ឋប្រជាធិបតេយ្យប្រជាមានិតឡាវ និងផែនការសកម្មភាពសម្រាប់ភាពជាដៃគូយុទ្ធសាស្ត្រគ្រប់ជ្រុងជ្រោយ និងយូរអង្វែង រវាងព្រះរាជាណាចក្រកម្ពុជា និងសាធារណរដ្ឋប្រជាធិបតេយ្យប្រជាមានិតឡាវ សម្រាប់ឆ្នាំ២០២៣-២០២៧ និងពិធីចុះហត្ថលេខាលើកំណត់ហេតុ នៃកិច្ចប្រជុំគណៈកម្មការចម្រុះព្រំដែនកម្ពុជា-ឡាវនិងឡាវ-កម្ពុជា៕

សម្តេចតេជោ ហ៊ុន សែន អញ្ជើញថ្លែងសន្និសីទសារព័ត៌មានរួមគ្នាជាមួយនាយករដ្ឋមន្ត្រីឡាវ

ភ្នំពេញ ÷ នៅល្ងាចថ្ងៃទី១៣ ខែកុម្ភៈឆ្នាំ២០២៣នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញថ្លែងសន្និសីទសារព័ត៌មានរួមគ្នាជាមួយឯកឧត្តម សន សៃ ស៊ីផាន់ដន នាយករដ្ឋមន្ត្រីឡាវ បន្ទាប់ពីភាគីទាំងពីរបានបញ្ចប់កិច្ចពិភាក្សាទ្វេភាគី គ្រាដែលសម្តេចតេជោបានដឹកនាំគណៈប្រតិភូបំពេញទស្សនកិច្ចនៅប្រទេសឡាវ។នៅក្នុងសន្និសីទសារព័ត៌មានសម្តេចតេជោនាយករដ្ឋមន្ត្រី បានមានប្រសាសន៍លើកឡើងថា ប្រទេសឡាវ គឺជាធុងអាគុយ នៃអគ្គិសនីតំបន់អាស៊ាន ហើយកម្ពុជាជាទីផ្សារមួយដែលមានតម្រូវការអគ្គិសនីពីប្រទេសឡាវ ដូច្នេះហើយយើងផ្តល់ការយកចិត្តទុកដាក់ សហការគ្នា ទៅលើបញ្ហាអគ្គិសនី និងបញ្ហាទាក់ទងនឹងធ្យូងថ្ម។ សម្តេចបានមានប្រសាសន៍ទៀតថា យើងបានយល់ស្របជាមួយគ្នា ទាក់ទងនឹងការតភ្ជាប់រវាងខេត្តចំប៉ាសាក់ជាមួយខេត្តព្រះវិហារ និងរវាងខេត្តអាតាពើជាមួយខេត្តរតនគីរី ដែលជានេះជាការផ្តល់នូវអំណោយផលសម្រាប់ទំនាក់ទំនងរវាងប្រជាជន និងប្រជាជន។ យើងក៏បានពិភាក្សាគ្នា ទាក់ទិននឹងការតភ្ជាប់ផ្លូវដែករវាងកម្ពុជា និងឡាវ ក៏ដូចជាប្រទេសដទៃទៀតផងដែរ។សម្តេចបានមានប្រសាសន៍បន្ថែមទៀតថា ការពិភាក្សារបស់យើង ក៏គ្រប់ដណ្តប់ទៅលើបញ្ហាវិស័យទេសចរណ៍ ដែលមានការតភ្ជាប់វិស័យទេសចរណ៍តាមផ្លូវគោក និងវិស័យទេសចរណ៍តាមផ្លូវអាកាស ដែលអាចតភ្ជាប់បណ្តាទីក្រុងជាពិសេសហ្លួងព្រះបាទ ទៅសៀមរាប និងភ្នំពេញ ដែលផ្តល់ឱកាសសម្រាប់អ្នកទេសចរបង្វែរគោលដៅពីកម្ពុជាមកឡាវ និងពីឡាវមកកម្ពុជាផងដែរ។សម្ដេចតេជោនាយករដ្ឋមន្ត្រីបានមានប្រសាសន៍ទៀតថា កម្ពុជានឹងប្រគល់អ្នកទោសជនជាតិឡាវ និងថៃ ដែលជាប់ពន្ធនាគារនៅកម្ពុជា ទៅឱ្យប្រទេសទាំងពីរនេះវិញ នៅមុនបុណ្យចូលឆ្នាំថ្មី ខណៈដែលកម្ពុជា ឡាវ និងថៃ មានមហាសង្គ្រាន្តក្នុងពេលតែមួយរួមគ្នា។សម្តេចក៏បានជំរុញឱ្យរដ្ឋមន្ត្រីក្រសួងយុត្តិធម៌ ធ្វើការងារនេះ ដើម្បីបញ្ជូនអ្នកទោសជនជាតិថៃ និងឡាវ ឱ្យបានត្រឡប់ទៅប្រទេសថៃ និងឡាវវិញ នៅមុនបុណ្យចូលឆ្នាំខ្មែរផងដែរ។ សម្តេចបានអះអាងថា សម្តេចក៏បានប្រាប់ទៅសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដែលគ្រប់គ្រងពន្ធនាគារ សហការជាមួយរដ្ឋមន្ត្រីក្រសួងយុត្តិធម៌ ធ្វើការងារនេះឱ្យបានឆាប់ផងដែរ៕

មន្ត្រីនិយាយថា កងកម្លាំងអ៊ុយក្រែនបានវាយរុញច្រានការវាយលុករបស់រុស្សីយ៉ាងខ្លាំង

អ៊ុយក្រែន៖ មន្ត្រីជាន់ខ្ពស់អ៊ុយក្រែននិយាយថា រុស្ស៊ីបានចាប់ផ្តើមការវាយលុកទ្រង់ទ្រាយធំរបស់ខ្លួននៅអ៊ុយក្រែន ប៉ុន្តែលោកបានបញ្ជាក់ថា កម្លាំងរបស់ប្រទេសលោកកំពុងវាយរុញច្រានយ៉ាងខ្លាំង។ មន្ត្រីជាន់ខ្ពស់ក្រុមប្រឹក្សាសន្តិសុខ និងការពារជាតិអ៊ុយក្រែនលោក Oleksiy Danilov និយាយទៅកាន់ប្រព័ន្ធផ្សព្វផ្សាយថា ការវាយលុករបស់រុស្ស៊ីដែលបានគ្រោងទុកកំពុងធ្វើឡើងជាបណ្តើរៗ។ អ៊ុយក្រែនកំពុងប្រុងប្រៀបចំពោះការវាយលុកទ្រង់ទ្រាយធំរបស់រុស្ស៊ី ក្នុងដំណើររហូតដល់ខួប ១ឆ្នាំនៃការវាយលុកចូលអ៊ុយក្រែននៅថ្ងៃទី២៤ ខែកុម្ភៈ។ កងកម្លាំងរុស្ស៊ីកំពុងបន្តរុលចូល ដើម្បីដណ្តើមយកទីតាំងដ៏រឹងមាំរបស់អ៊ុយក្រែននៅទីក្រុង Bakhmut ភាគខាងកើតទីក្រុង Donetsk។ ប្រធានក្រុមហ៊ុនស៊ីឈ្នួលយោធាឯកជនរុស្ស៊ី Wagner Group និយាយនៅលើប្រព័ន្ធផ្សព្វផ្សាយសង្គមកាលពីថ្ងៃអាទិត្យថា កងកម្លាំងទាហានស៊ីឈ្នួលបានដណ្តើមយកទីតាំងតំបន់លំនៅឋាននៅជាយក្រុង Bakhmut។ រដ្ឋមន្ត្រីការពារជាតិអ៊ុយក្រែនលោក Oleksii Reznikov បានសរសេរនៅលើបណ្តាញ Twitter ថា លោកបានសន្ទនាតាមទូរស័ព្ទជាមួយរដ្ឋមន្ត្រីការពារជាតិអាមេរិកលោក Lloyd Austin ដោយបានពិភាក្សាអំពីស្ថានភាពនៅសមរភូមិ និងអាទិភាពសម្រាប់សន្និសីទនៅពេលខាងមុខ នៃបណ្តាប្រទេសលោកខាងលិចស្តីពីជំនួយយោធាសម្រាប់អ៊ុយក្រែន។ ទន្ទឹមនឹងនេះ អគ្គមេបញ្ជាការយោធាអ៊ុយក្រែនបានសរសេរនៅលើបណ្តាញ Twitter ថា លោកបានសន្ទនាតាមទូរស័ព្ទជាមួយនាយសេនាធិការចម្រុះអាមេរិកឧត្តមសេនីយ៍ Mark Milley ថា មានស្ថានភាពតានតឹងបំផុតនៅពេលនេះ ប៉ុន្តែអ៊ុយក្រែននៅតែបន្តគ្រប់គ្រងទីក្រុង Bakhmut ទោះបីជាមានសម្ពាធពីសត្រូវជាប់រហូតក៏ដោយ ហើយគន្លឹះទៅរកភាពជោគជ័យនៅលើសមរភូមិគឺការបាញ់ប្រកបដោយប្រសិទ្ធភាព ដែលតម្រូវឱ្យមានចំនួនសព្វាវុធ បរិក្ខារ និងគ្រាប់រំសេវសមស្រប៕អត្ថបទ៖ ប៊ុនថន

មនុស្សរាប់ម៉ឺននាក់ទាមទារការការពារប្រព័ន្ធសុខភាពសាធារណៈនៅប្រទេសអេស្ប៉ាញ

អេស្ប៉ាញ៖ អ្នកគាំទ្រសុខភាពសាធារណៈរាប់ម៉ឺននាក់បានចេញតវ៉ានៅទីក្រុង Madrid ប្រទេសអេស្ប៉ាញកាលពីថ្ងៃអាទិត្យ ជុំវិញអ្វីដែលពួកគេនិយាយថា ជាការបំផ្លាញប្រព័ន្ធសុខភាពសាធារណៈដោយរដ្ឋាភិបាលតំបន់អភិរក្សនិយម។ រដ្ឋាភិបាលទីក្រុង Madrid គឺជាគោលដៅនៃការរិះគន់ក្នុងរយៈពេលប៉ុន្មានឆ្នាំចុងក្រោយនេះ ជាពិសេសចាប់តាំងពីជំងឺរាតត្បាត COVID-19 បានចាប់ផ្តើមនៅឆ្នាំ២០២០ ជុំវិញកង្វះបុគ្គលិកនៅក្នុងមន្ទីរពេទ្យ និងមណ្ឌលថែទាំសុខភាពបឋម។ ក្រុមអ្នកតវ៉ានិយាយថា រដ្ឋាភិបាលកំពុងរុះរើសេវាសុខភាពសាធារណៈ និងគាំទ្រដល់អ្នកផ្តល់សេវាសុខភាពឯកជន។ លោកស្រី Lilian Ramis អាយុ ៦១ឆ្នាំជាឆ្មបនៅមណ្ឌលសុខភាពក្នុងទីក្រុង Madrid និយាយថា ពួកគេបានកាត់ប្រាក់ឈ្នួលរបស់យើង ជំនួសឱ្យការតម្លើងប្រាក់ឈ្នួល។ យើងបានជំនះរាល់ការងារ ហើយពុំមានការគាំទ្រណាមួយឡើយ។ អ្នកនាំពាក្យរដ្ឋាភិបាលប្រចាំតំបន់បានដាក់ចំនួន អ្នកដែលដើរចេញតវ៉ានៅតាមដងផ្លូវកណ្តាលទីក្រុង Madrid មានចំនួន ២៥០,០០០នាក់ ខណៈអ្នករៀបចំបានកំណត់ថាមានចំនួនជិត ១លាននាក់។ ប្រមុខរដ្ឋាភិបាលទីក្រុង Madrid លោកស្រី Isabel Diaz Ayuso បានច្រានចោលការចោទប្រកាន់ថា រដ្ឋបាលរបស់លោកស្រីកំពុងរុះរើសេវាសុខភាពសាធារណៈ ដើម្បីគាំទ្រវិស័យឯកជន។ លោកស្រីបានសរសេរលើបណ្តាញ Twitters ថា យើងទាំងអស់គ្នាជឿជាក់លើសុខភាពសាធារណៈ។ បុគ្គលិកសុខាភិបាលរាប់ពាន់នាក់ក៏បានធ្វើបាតុកម្មនៅទីក្រុង Santiago de Compostela ភាគពាយ័ព្យប្រទេសអេស្ប៉ាញកាលពីថ្ងៃអាទិត្យ ដោយអំពាវនាវឱ្យមានការរក្សាប្រព័ន្ធសុខភាពសាធារណៈ៕អត្ថបទ៖ ប៊ុនថន

ការជួយសង្គ្រោះបានបន្តដល់ថ្ងៃទី៧ ក្រោយរញ្ជួយដីនៅទួរគី និងស៊ីរី ខណៈអ្នកស្លាប់ឡើងដល់ជាង ៣ម៉ឺននាក់

ទួរគី៖ នៅថ្ងៃចន្ទនេះគឺជាពេលវេលាគ្រប់មួយសប្ដាហ៍ នៃហេតុការណ៍រញ្ជួយដីដ៏មហន្តរាយនៅក្នុងប្រទេសទួរគី និងស៊ីរី ខណៈក្រុមអ្នកសង្គ្រោះនៅតែបន្តដោយគ្មានឈប់សម្រាក ដើម្បីស្វែងរកជនរងគ្រោះកប់ក្រោមកម្ទេចថ្មអគារបាក់រលំ។ វីដេអូដែលបានបញ្ចេញកាលពីថ្ងៃអាទិត្យ ទី១២កុម្ភៈ ដោយក្រសួងការពារជាតិទួរគីបានបង្ហាញពីក្រុមអ្នកសង្គ្រោះពីខេត្ត Hatay កំពុងលើកបុរសម្នាក់ចេញពីកម្ទេចថ្មដាក់លើប្រង់ការ។ រូបភាពពីលើអាកាសបង្ហាញថា នៅក្នុងខេត្តការ៉ាម៉ាន់ម៉ារ៉ាស់ (Kahramanmaras) ជិតចំណុចកណ្ដាលនៃការរញ្ជួយ កងទ័ពផ្នែកគ្រឿងចក្រកំពុងជីកកកាយកម្ទេចថ្ម។ ការរញ្ជួយដីកម្រិត ៧.៨រ៉ិចទ័រ និងរលករញ្ជួយដីធំកាលពីព្រឹកថ្ងៃចន្ទ ទី៦ ខែកុម្ភៈសប្ដាហ៍មុនបានធ្វើឲ្យទីក្រុងជាច្រើន នៅក្នុងប្រទេសទួរគី និងស៊ីរីដួលរលំបាក់រាបដល់ដី សម្លាប់មនុស្សជាង ៣៣.០០០នាក់នៅក្នុងប្រទេសទាំង២ នេះ។ ការរញ្ជួយដីនេះបានបណ្ដាលឲ្យមនុស្សរាប់ម៉ឺននាក់ បាត់បង់ផ្ទះសម្បែងនៅក្នុងខេត្តចំនួន១០ ទូទាំងភាគអាគ្នេយ៍ប្រទេសទួរគី ដោយបង្ខំឲ្យមនុស្សជាច្រើនស្នាក់នៅក្នុងជំរំតង់កៅស៊ូ និងរថយន្ត ក្នុងពេលមានសីតុណ្ហភាពត្រជាក់ខ្លាំង៕អត្ថបទ៖ សុខមាន

សម្តេចតេជោ ហ៊ុន សែន អញ្ជើញជួបសំណេះសំណាលជាមួយនិស្សិត និងសិក្ខាកាមយោធា /នគរបាល ចំនួន៨៦រូប នៅឡាវ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី ក្នុងពេលទស្សនកិច្ចផ្លូវការនៅសាធារណរដ្ឋប្រជាធិបតេយ្យប្រជាមានិតឡាវ នៅព្រឹកថ្ងៃទី១៣ ខែកុម្ភៈ ឆ្នាំ២០២៣នេះ បានអញ្ជើញជាអធិបតីភាពដ៏ខ្ពង់ខ្ពស់បំផុត សំណេះសំណាល និងសួរសុខទុក្ខ ជាមួយនិស្សិត និងសិក្ខាកាមយោធា /នគរបាល ចំនួន៨៦រូប ដែលកំពុងសិក្សា និងហ្វឹកហាត់នៅប្រទេសឡាវ។គួរបញ្ជាក់ថា សម្តេចតេជោ ហ៊ុន សែន នាយករដ្ឋមន្រ្តី បានដឹកនាំគណៈប្រតិភូអញ្ជើញទៅដល់រដ្ឋធានីវៀងច័ន្ទ នៃសាធារណរដ្ឋប្រជាធិបតេយ្យប្រជាមានិតឡាវ ប្រកបដោយសុវត្តិភាព កាលពីវេលាម៉ោង ៩និង៣០នាទី ព្រឹកថ្ងៃទី១៣ ខែកុម្ភៈនេះ សម្រាប់ដំណើរបំពេញទស្សនកិច្ចផ្លូវការ រយៈពេល២ថ្ងៃ គឺពីថ្ងៃទី១៣-១៤ ខែកុម្ភៈ។លោកជំទាវ ថោង សុគន្ធារី ឯកអគ្គរាជទូតវិសាមញ និងពេញសមត្ថភាព នៃព្រះរាជាណាចក្រកម្ពុជា ប្រចាំសាធារណរដ្ឋប្រជាធិបតេយ្យប្រជាមានិតឡាវ មានប្រសាសន៍ថ្លែងនូវអំណរគុណយ៉ាងជ្រាលជ្រៅបំផុត ចំពោះវត្តមានដ៏ឧត្តុង្គឧត្តមជូនចំពោះសម្តេចតេជោនាយករដ្ឋមន្រ្តី ដែលបានអនុញ្ញាតឲ្យក្មួយ ចៅៗនិស្សិតកម្ពុជា សិក្សានៅប្រទេសឡាវ បានជួបដើម្បីបានសុំការណែនាំពីសម្តេចលើការសិក្សានៅប្រទេសឡាវ។ លោកជំទាវឯកអគ្គរាជទូតមានប្រសាសន៍ថា និស្សិតកម្ពុជាដែលកំពុងសិក្សានៅប្រទេសឡាវ ជួបការលំបាកលើអត្រាការប្រាក់ដោយសារតែប្រាក់ឡាវ មានការធ្លាក់ចុះ ដែលមានលំបាកក្នុងការប្តូរប្រាក់។ លោកជំទាវបន្តថា និស្សិតដែលកំពុងសិក្សានៅប្រទេសឡាវរួមមាន សិក្សាលើឯកទេសស្ថាបត្យកម្មសំណង់ស៊ីវិល វិទ្យាសាស្រ្តកុំព្យូទ័រ បរិស្ថាន ទេសចរណ៍ តុបតែងខាងក្នុង អក្សរសាស្រ្ត អង់គ្លេស និងសេដ្ឋកិច្ច។លោកជំទាវបន្តថា ក្រៅពីនិស្សិតសិក្សាក្រោមអាហារូបករណ៍របស់ក្រសួងអប់រំ មាននិស្សិត សិក្សាលើវិស័យការពារជាតិ និងនគរបាលជាតិផងដែរ។សម្តេចតេជោបានមានប្រសាសន៍ផ្តាំផ្ញើដល់និស្សិតទាំងអស់ ដែលសិក្សានៅក្រៅប្រទេស តួយ៉ាងដូចជានិស្សិកំពុងសិក្សានៅក្នុងប្រទេសឡាវ ត្រូវខិតខំសិក្សារៀនសូត្រឲ្យបានគត់មុតបំផុត ដើម្បីនាំយកចំណេះដឹងទាំងនោះ មកបម្រើប្រទេសជាតិជាទីស្រឡាញ់របស់យើង ឲ្យអស់ពីសមត្ថភាព។ សម្តេចតេជោនាយករដ្ឋមន្រ្តីក៏បានក្រើនរំលឹកដល់និស្សិតទាំងអស់ ត្រូវខិតខំធ្វើនូវអំពើល្អ ត្រូវមានទំនាក់ទំនងល្អជាមួយសាស្រ្តចារ្យ និស្សិតនិងនិស្សិត ពិសេសត្រូវធ្វើនូវអំពើល្អជាមួយនិងប្រជាជនឡាវ ចូលរួមការងារសង្គម និងចេះជួយយកអាសាគ្នា ពោលគឺពេលដែលយើងរស់នៅជាមួយគ្នាឲ្យគេស្រឡាញ់ ពេលយើងចាកចេញពីគ្នាឲ្យគេនឹករលឹក។សម្តេចតេជោនាយករដ្ឋមន្រ្តីក៏បានក្រើនរំលឹកដល់និស្សិតទាំងអស់ ត្រូវចេះតាមដានពីសភាពការណ៍វិវត្តន៍របស់ពិភពលោក និងសភាពការណ៍ក្នុងប្រទេស ពិសេសត្រូវតាមដាននិងស្តាប់ពីអ្វីដែលរីកចំរើនពិតប្រាកដ កុំជឿតាមការបោកបញ្ឆោតពីជនអគិតមួយចំនួន ដែលបំភ្លៃការពិតពីការដឹកនាំ និងការរីកចំរើនរបស់ ប្រទេសកម្ពុជា។ សម្តេចតេជោនាយករដ្ឋមន្រ្តី បានឧបត្ថម្ភនូវថវិកាមួយចំនួន ជូនដល់និស្សិតទាំងអស់ ដែលកំពុងសិក្សានៅក្នុងប្រទេសឡាវផងដែរ។សម្តេចតេជោបានស្នើឲ្យមានការយោគយល់ចំពោះការលំបាករបស់និស្សិត លើអត្រាប្តូរប្រាក់ក្នុងប្រទេសឡាវ ដោយសាតែការជួបនិងវិបត្តិកូវីដ១៩។ សម្តេចតេជោក៏បានមានប្រសាសន៍លើកឡើងពី ទំនាក់ទំនងកិច្ចសហប្រតិបត្តិការលើគ្រប់វិស័យជាមួយប្រទេសឡាវ ។សម្តេចតេជោបន្តថា ដំណើរទស្សនកិច្ចរបស់សម្តេចមកកាន់ប្រទេសឡាវនៅពេលនេះ សម្តេចនិងពិភាក្សាគ្នាមួយនិងភាគីឡាវ ក្នុងការពង្រឹងកិច្ចសហប្រតិបត្តិការឲ្យកាន់មានសន្ទុះខ្លាំងឡើងថែមទៀត ហើយនឹងមានការចុះហត្ថលេខាលើការបោះបង្គោលព្រំដែនកម្ពុជា ឡាវ។ សម្តេចតេជោនាយករដ្ឋមន្រ្តីក៏បានមានប្រសាសន៍លើកឡើង ពីការជំរុញកិច្ចសហប្រតិបត្តិការជាមួយភាគីឡាវ លើការជំរុញការហោះហើរ ទេសចរណ៍ និងថាមពលអគ្គិសនី៕

ចិនត្រៀមបាញ់ទម្លាក់វត្ថុទាំងឡាយដែលបានហោះជិតមូលដ្ឋានទ័ពជើងទឹករបស់ខ្លួន

ចិន៖ សារព័ត៌មានចិន The Paper បានរាយការណ៍ថា ប្រទេសចិនកំពុងត្រៀមបាញ់ទម្លាក់វត្ថុមិនស្គាល់អត្តសញ្ញាណមួយ ដែលហោះហើរនៅលើដែនទឹកជិតទីក្រុងកំពង់ផែឈីងតាវ (Qingdao) ដែលជាទីតាំងដ៏សំខាន់សម្រាប់មូលដ្ឋានកងទ័ពជើងទឹករបស់កងទ័ពរំដោះប្រជាជនចិន។ សារព័ត៌មាននេះបានរាយការណ៍ថា បុគ្គលិកម្នាក់នៅអង្គភាពអាជ្ញាធរអភិវឌ្ឍន៍កងម៉ារីននៃស្រុកជីម៉ូ របស់ទីក្រុងកំពង់ផែឈីងតាវបាននិយាយថា ក្រុមអាជ្ញាធរពាក់ព័ន្ធកំពុងត្រៀមបាញ់ទម្លាក់វត្ថុមួយ។ បុគ្គលិករូបនេះពុំបានផ្ដល់ព័ត៌មានថា តើវត្ថុនោះគឺជាអ្វីនោះទេ។ មូលដ្ឋានកងទ័ពជើងទឹកជាំងជ័ង (Jianggezhuang) ស្ថិតនៅចម្ងាយ ១៥ម៉ាយល៍ភាគខាងកើតទីក្រុងឈីងតាវ ផ្ទុកទាំងនាវាមុជទឹកវាយប្រហារនុយក្លេអ៊ែរ ទាំងមីស៊ីលបាលីស្ទីក និងនាវាផ្ទុកយន្តហោះដំបូងបង្អស់របស់ប្រទេសនេះគឺលីអៅនីង (Liaoning)។ មូលដ្ឋាននេះគឺជាទីបញ្ជាការនៃកងនាវាចរសមុទ្រខាងជើងរបស់ប្រទេសចិន។ សហរដ្ឋអាមេរិក និងកាណាដាបានបាញ់ទម្លាក់វត្ថុចំនួន៣ ដែលកំពុងហោះហើរក្នុងរយៈកម្ពស់ដ៏ខ្ពស់រួមទាំងមួយដែលទីក្រុងវ៉ាស៊ីនតោននិយាយថា ត្រូវបានបញ្ជូនដោយចេតនាដោយប្រទេសចិនសម្រាប់ឈ្លបយកការណ៍។ ទីក្រុងប៉េកាំងបានលើកឡើងថា បាឡុងដែលអាមេរិកបាញ់ទម្លាក់នោះគឺជាឧបករណ៍តាមដានសីតុណ្ហភាព គ្មានការប៉ះពាល់ដែលរសាត់តាមកម្លាំងខ្យល់ប៉ុណ្ណោះ៕អត្ថបទ៖ សុខមាន

យោធាបានបាញ់ទម្លាក់វត្ថុដែលកំពុងហោះក្នុងរយៈកម្ពស់ដ៏ខ្ពស់មួយទៀតលើបឹង Lake Huron នៅអាមេរិក

អាមេរិក៖ មន្ត្រីសហរដ្ឋអាមេរិក ៣រូបបានបញ្ជាក់ប្រាប់សារព័ត៌មាន ABC News ថា វត្ថដែលកំពុងហោះក្នុងរយៈកម្ពស់ដ៏ខ្ពស់មួយផ្សេងទៀត ត្រូវបានបាញ់ទម្លាក់កាលពីរសៀលថ្ងៃអាទិត្យនៅលើបឹង Lake Huron ក្នុងរដ្ឋ Michigan សហរដ្ឋអាមេរិក ដែលក្លាយជាឧបទ្ទវហេតុចុងក្រោយបំផុតនៃការបាញ់ទម្លាក់វត្ថុបែបនេះ។ យោងតាមប្រភពពីមន្ត្រីម្នាក់ក្នុងចំណោមមន្ត្រីទាំងនោះ វត្ថុមួយត្រូវបានបាញ់ទម្លាក់ដោយយន្តហោះយោធាអាមេរិក។ មន្ត្រីរដ្ឋបាលជាន់ខ្ពស់មួយរូបបាននិយាយថា លោកប្រធានាធិបតី Joe Biden បានណែនាំថា វត្ថុនោះត្រូវបាញ់ដោយមានការប្រុងប្រយ័ត្ន និងតាមការណែនាំរបស់មេដឹកនាំយោធា។ មន្ត្រីដដែលបាននិយាយថា វត្ថុដែលត្រូវបានបាញ់ទម្លាក់នេះត្រូវបានប្រទះឃើញនៅលើប្រព័ន្ធរ៉ាដាលើរដ្ឋ Montana កាលពីថ្ងៃសៅរ៍ និងត្រូវបានឃើញជាថ្មីលើរ៉ាដានៅលើរដ្ឋ Wisconsin និង Michigan កាលពីថ្ងៃអាទិត្យ។ មន្ត្រីខាងលើនិយាយថា វត្ថុនោះមានរាងអដ្ឋកោណ ឬ ៨ជ្រុងដែលហោះហើរគ្មានមនុស្សបើកបរ បានធ្វើដំណើរកម្ពស់ប្រហែល ២០.០០០ហ្វីត។ ពុំមានការបញ្ជាក់ពីសមត្ថភាពឈ្លបយកការណ៍ទេ ប៉ុន្តែរដ្ឋបាននេះក៏ពុំបានច្រានចោលដែរ។ យន្តហោះចម្បាំង F-22 របស់សហរដ្ឋអាមេរិកបានបាញ់ទម្លាក់វត្ថុមិនស្គាល់អត្តសញ្ញាណមួយ ដែលបានហោះនៅលើប្រទេសកាណាដាកាលពីថ្ងៃសៅរ៍ ទី១១ កុម្ភៈ ជាការបាញ់ទម្លាក់លើកទី២ ក្នុងពេលជាច្រើនថ្ងៃមកនេះ ខណៈប្រទេសនៅអាមេរិកខាងជើងមួយនេះទំនងជាបង្កើនការប្រុងប្រយ័ត្នខ្ពស់ ក្រោយការបាញ់ទម្លាក់បាឡុងរបស់ចិនដែលនាំឲ្យពិភពលោកយកចិត្តទុកដាក់យ៉ាងខ្លាំង៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

កេនយ៉ាស៊ើបអង្កេតជាតិពុលដ៏មានសក្តានុពល ក្រោយដំរី ១៥ក្បាលងាប់នៅតំបន់ប្រព័ន្ធអេកូឡូស៊ី Amboseli

អ្នករស់នៅក្នុងទីក្រុងឡុងដ្រ៍ ចក្រភពអង់គ្លេស បង្ហាញក្តីបារម្ភពីរលកកម្តៅ អំឡុងរដូវក្តៅ

លោក Trump បញ្ជាក់ថា អាមេរិកនឹងចាត់វិធានការខ្លាំងក្លាលើអ៊ីរ៉ង់ តែនឹង «អនុញ្ញាតឱ្យពួកគេបន្តចរចា»

រដ្ឋអាជ្ញា៖ យុវជន ៣នាក់ ត្រូវបានចាប់ខ្លួនក្នុងការស៊ើបអង្កេតអំពើភេរវកម្មហូឡង់

ចិនចូលរួមរំលែកទុក្ខដល់ពលរដ្ឋស្លាប់ និងបន្តតាមដានសុវត្ថិភាពលដ្ឋរបស់ខ្លួន ក្រោយការរញ្ជួយដីនៅ ជប៉ុន

បារាំងបណ្តេញពិធីការិនីទូរទស្សន៍គាំទ្រវិមានក្រឹមឡាំងចេញពីប្រទេស

នេប៉ាល់ដាក់បំរាមគោចរ ក្រោយការប៉ះទង្គិចគ្នាហិង្សាកើតឡើងនៅស្រុក Sunsari

ចិនរិះគន់បំរាមសហរដ្ឋអាមេរិកលើការនាំចូលរូបយន្តរបស់ទីក្រុងប៉េកាំង

សាកសពត្រូវបានទាញចេញពីមន្ទីរពេទ្យក្រុង Mosul បន្ទាប់ពីការវាយប្រហាររបស់អាមេរិក-អារ៉ាប៊ីសាអ៊ូឌីតលើអ៊ីរ៉ាក់

ព្យុះផ្គររន្ទះដ៏ធ្ងន់ធ្ងរ វាយប្រហារទីក្រុងវ៉ាស៊ីនតោន ឌីស៊ី សហរដ្ឋអាមេរិក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្ដេចតេជោ ហ៊ុន សែន អញ្ជើញជួបពិភាក្សាការងារជាមួយប្រធានាធិបតី នៃសាធារណរដ្ឋប្រជាធិបតេយ្យប្រជាមានិតឡាវ

សម្តេចតេជោ ហ៊ុន សែន អញ្ជើញថ្លែងសន្និសីទសារព័ត៌មានរួមគ្នាជាមួយនាយករដ្ឋមន្ត្រីឡាវ

មន្ត្រី​និយាយថា ​កងកម្លាំង​អ៊ុយ​ក្រែ​ន​បាន​វាយ​រុញច្រាន​ការវាយលុក​របស់​រុស្សី​យ៉ាងខ្លាំង​

មនុស្ស​រាប់ម៉ឺន​នាក់​ទាមទារ​ការការពារ​ប្រព័ន្ធ​សុខភាព​សាធារណៈ​នៅ​ប្រទេស​អេ​ស្ប៉ា​ញ

សម្តេចតេជោ ហ៊ុន សែន អញ្ជើញជួបសំណេះសំណាលជាមួយនិស្សិត និងសិក្ខាកាមយោធា /នគរបាល​ ចំនួន៨៦រូប នៅឡាវ

ចិន​ត្រៀម​បាញ់​ទម្លាក់​វត្ថុ​ទាំងឡាយ​ដែល​បាន​ហោះ​ជិត​មូលដ្ឋាន​ទ័ពជើងទឹករ​បស់​ខ្លួន​

យោធា​បាន​បាញ់​ទម្លាក់​វត្ថុ​ដែល​កំពុង​ហោះ​ក្នុង​រយៈកម្ពស់​ដ៏​ខ្ពស់​មួយទៀត​លើ​បឹង ​Lake Huron នៅ​អាមេរិក​