BTV NEWS

សម្ដេចធិបតី៖ កម្ពុជា នឹងប្រើយន្តការនៃការផ្សះផ្សារដោយចាប់បង្ខំ ដោះស្រាយដែនសមុទ្រត្រួតគ្នាកម្ពុជា-ថៃ

សម្តេចធិបតីនឹងដឹកនាំគណៈប្រតិភូជាន់ខ្ពស់អញ្ជើញចូលរួមកិច្ចប្រជុំកំពូលអាស៊ាន លើកទី៤៨ នៅកោះសេប៊ូ សាធារណរដ្ឋហ្វីលីពីន

សម្តេចធិបតី៖ ការធានាសុវត្ថិភាពព័ត៌មាន រក្សាព័ត៌មានសម្ងាត់របស់ជាតិ ក្នុងកាលៈទេសៈនៃវិបត្តិមិនមែនជាការរឹតត្បិតសេរីភាពខាងសារព័ត៌មាននោះទេ

សម្តេចធិបតី៖ការស្ទង់មតិឆ្លុះបញ្ចាំងឱ្យឃើញថាកម្ពុជាកំពុងពង្រឹងវិស័យព័ត៌មាន សេរីព័ត៌មាន និងការអភិវឌ្ឍវិជ្ជាជីវៈ

ព័ត៌មានសំខាន់ៗ

រុស្ស៊ីនិយាយថា បណ្ដាប្រទេសលោកខាងលិចកំពុងប្រឈមជម្រើសអស្ថិរភាព

រុស្ស៊ី៖ លោក Konstantin Kosachev អនុប្រធានសភាជាន់ខ្ពស់រុស្ស៊ីបាននិយាយថា បណ្ដាប្រទេសលោកខាងលិចកំពុងឈរនៅលើផ្លូវបំបែក និងត្រូវតែសម្រេចចិត្តថា តើពួកគេចង់បន្តស្វែងរកគោលនយោបាយអាត្មានិយម ដែលដោះស្រាយតែបញ្ហាសន្តិសុខរបស់ខ្លួន ឬត្រូវទទួលស្គាល់ថានេះគឺជាផ្លូវទាល់។ ដោយសរសេរនៅលើបណ្ដាញ Telegram លោក Kosachev ដែលជាប្រធានគណៈកម្មការកិច្ចការបរទេសនៃក្រុមប្រឹក្សាសហព័ន្ធរុស្ស៊ីបាននិយាយថា មិនយូរប៉ុន្មានទៀតទេ លោកខាងលិចនឹងជួបប្រទះជម្រើសអស្ថិរភាពរវាងគិតគូរតែផលប្រយោជន៍ខ្លួនឯង ឬទទួលស្គាល់ថា យុទ្ធសាស្ត្រអត្តឃាតនេះបានរលាយហើយ។ សមាជិកព្រឹទ្ធសភារូបនេះបានគូសបញ្ជាក់ថា ការត្រលប់ទៅរកគោលការណ៍នៃភាពមិនអាចបំបែកបាននៃនិម្មាបនកម្មសន្តិសុខ ឬការរៀបចំសន្តិសុខគឺជាផ្លូវតែមួយគត់ឆ្ពោះទៅមុខ។ លោក Kosachev បានពន្យល់ថា នេះមានន័យថា ការបដិសេធដោយចេតនាដើម្បីធានាសន្តិសុខផ្ទាល់ខ្លួន ដោយមិនខ្វល់ពីប្រទេសផ្សេងទៀតដោយបន្ថែមថា វាបម្រើជាមូលដ្ឋានគ្រឹះសម្រាប់ការរៀបចំការទូតដ៏ស្មុគស្មាញទាំងអស់។ អនុប្រធានសភារូបនេះក៏បានអះអាងផងដែរថា មានការប្រេះឆារវាងបណ្ដាប្រទេសលោកខាងលិចលើបញ្ហានេះ។ លោកបានចង្អុលទៅកាន់សេចក្ដីថ្លែងការណ៍នានា ធ្វើឡើងដោយលោកប្រធានាធិបតីបារាំង Emmanuel Macron និងអធិការបតីអាលឺ្លម៉ង់ Olaf Scholz ចំពោះភាពចាំបាច់សម្រាប់ការធានាសន្តិសុខថ្មី ក្រោយជម្លោះអ៊ុយក្រែនបញ្ចប់ទៅ៕ អត្ថបទ៖ សុខមាន

សម្ដេចតេជោ ហ៊ុន សែន អញ្ជើញធ្វើដំណើរដល់ទីក្រុងព្រុចសែលប្រកបដោយសុវត្ថិភាព

ភ្នំពេញ៖ នៅម៉ោង ១.០០នាទីរំលងអាធ្រាត ថ្ងៃទី១៤ ខែធ្នូ ២០២២ ម៉ោងនៅព្រុចសែល ប្រទេសប៊ែលហ្ស៉ិក ត្រូវនឹងម៉ោង ៧.០០នាទីព្រឹក ថ្ងៃទី១២ ខែធ្នូ ឆ្នាំ២០២២នេះ ម៉ោងនៅទីក្រុងភ្នំពេញ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញដឹកនាំគណៈប្រតិភូទៅដល់ទីក្រុងព្រុចសែល ប្រទេសបែលហ្ស៊ិក ប្រកបដោយសុវត្ថិភាពហើយ បន្ទាប់ពីបានបំពេញបេសកកម្ម នៅទីក្រុងប៉ារីស ប្រទេសបារាំង រយៈពេលមួយថ្ងៃរួចមក។ សូមជម្រាបថា ដំណើរអញ្ជើញរបស់សម្ដេចតេជោ នាយករដ្ឋមន្ត្រី ទៅកាន់ទីក្រុងព្រុចស៊ែលនាពេលនេះ គឺដើម្បីចូលរួម និង ធ្វើជាសហប្រធាននៃកិច្ចប្រជុំកំពូលរំលឹកខួបអនុស្សាវរីយ៍អាស៊ាន-សហភាពអឺរ៉ុប និងដើម្បីអបអរសាទរខួប៥៤ ឆ្នាំ នៃទំនាក់ទំនងដៃគូសន្ទនាអាស៊ាន-សហភាពអឺរ៉ុប ដែលកិច្ចប្រជុំនេះត្រូវធ្វើឡើងនៅថ្ងៃទី១៤ ខែធ្នូ ឆ្នាំ២០២២ នៅទីក្រុងព្រុចសែល។ ក្រៅពីកិច្ចប្រជុំកំពូល អាស៊ាន-សហភាពអ៉ឺរ៉ុប សម្ដេចតេជោ នាយករដ្ឋមន្ត្រី ក៏នឹងមានជំនួបជាមួយបណ្ដាមេដឹកនាំមួយចំនួនទៀតផងដែរ នៅក្នុងពេលនៃការស្នាក់នៅក្នុងទីក្រុងព្រុចស៊ែល៕

សម្តេចតេជោ ហ៊ុន សែន ផ្ញើសារអបអរសាទរខួបលើកទី៣០ឆ្នាំ នៃការដាក់បញ្ចូលរមណីយដ្ឋានអង្គរក្នុងបញ្ជីបេតិកភណ្ឌពិភពលោករបស់អង្គការយូណេស្កូ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា ផ្ញើសារអបអរសាទរខួបលើកទី៣០ឆ្នាំ នៃការដាក់បញ្ចូលរមណីយដ្ឋានអង្គរក្នុងបញ្ជីបេតិកភណ្ឌពិភពលោករបស់អង្គការយូណេស្កូ។នៅថ្ងៃទី១៤ ខែធ្នូ ឆ្នាំ២០២២នេះ គឺជាខួបលើកទី៣០ឆ្នាំ នៃការដាក់បញ្ចូលរមណីយដ្ឋានអង្គរក្នុងបញ្ជីបេតិកភណ្ឌពិភពលោក របស់អង្គការយូណេស្កូ (១៤ ធ្នូ ១៩៩២ – ១៤ ធ្នូ ២០២២)។ នេះគឺជាការរំឭកស្មារតីកូនខ្មែរគ្រប់រូបឲ្យចេះស្រឡាញ់និងចូលរួមថែរក្សាបេតិកភណ្ឌជាពិសេសគឺសម្តែងនូវការដឹងគុណដ៏ជ្រាលជ្រៅដល់បុព្វបុរសខ្មែរដែលបានពលិកម្មដើម្បីបុព្វហេតុអារ្យធម៌ដ៏រុងរឿងរបស់ខ្មែរនាសម័យអតីតកាលនិងការតស៊ូជាបន្តបន្ទាប់របស់ថ្នាក់ដឹកនាំប្រទេសក្នុងការជម្នះរាល់ឧបសគ្គទាំងឡាយការពារឲ្យបាននូវសម្បត្តិបេតិកភណ្ឌដ៏មានតម្លៃរបស់ជាតិ និងពិភពលោកទាំងមូល។ រាជរដ្ឋាភិបាលកម្ពុជាបានប្តេជ្ញាចិត្តយ៉ាងមុតមាំក្នុងការអភិរក្សបេតិកភណ្ឌមួយដ៏អស្ចារ្យនេះ ។ បច្ចុប្បន្នអង្គរ វត្តបានក្លាយជាគោលដៅទេសចរណ៍ដ៏សំខាន់ដោយបានទាក់ទាញភ្ញៀវទេសចរអន្តរជាតិរាប់លាននាក់មកទស្សនានិងបានស្គាល់ពីសម្បតិ្តវប្បធម៌ប្រទេ សកម្ពុជា ។សូមជម្រាបថា ប្រាសាទអង្គរត្រូវបានចុះបញ្ចូលក្នុងបញ្ជីសម្បត្តិបេតិកភ័ណ្ឌពិភពលោករបស់អង្គការយូណេស្កូ នៅថ្ងៃទី១៤ ខែធ្នូ ឆ្នាំ ១៩៩២ នាទីក្រុងសាន់តាហ្វេសហរដ្ឋ អាមេរិក ។ ក្រោយពីការដាក់បញ្ចូលតំបន់រមណីយដ្ឋានអង្គរចូលក្នុងបញ្ជីបេតិកភ័ណ្ឌពិភពលោកសន្និសីទអន្តរជាតិមួយបានប្រារព្ធធ្វើឡើងនៅទីក្រុងតូក្យូចាប់ពីថ្ងៃទី ១២-១៣ ខែតុលាឆ្នាំ១៩៩៣ក្រោមការផ្តួចផ្តើមគំនិតរបស់រាជរដ្ឋាភិបាលជប៉ុនដោយមានការគាំទ្រពីប្រទេសបារាំង និងអង្គការយូណេស្កូដើម្បីដាក់ចេញនូវយុទ្ធសាស្ត្រ និងផែនការសកម្មភាពនានាជាប្រយោជន៍ដល់កិច្ចការ ពារអភិរក្សនិងអភិវឌ្ឍន៍រមណីយដ្ឋានអង្គរ ដើម្បីសម្រេចគោលដៅនេះគណៈកម្មាធិការសម្របសម្រួលអន្តរជាតិហៅកាត់ ថា អាយ ស៊ី ស៊ី អង្គរ ត្រូវបានបង្កើតឡើងនាខែធ្នូ ឆ្នាំ១៩៩៣។តំបន់ឧទ្យានអង្គរមិនមែនសំដៅតែទៅលើប្រាសាទអង្គរវត្តតែមួយនោះទេ តែសំដៅលើរមណីយដ្ឋានអង្គរទាំងមូលក្នុងនោះរួមបញ្ចូលទាំងប្រាសាទបុរាណដ្ឋានស្ថានីយបុរាណវិទ្យា បរិស្ថាន និងសហគមន៍មនុស្សផងដែរដែលមានផ្ទៃក្រឡាសរុប ៤០១គីឡូម៉ែត្រក្រឡា ។ នៅក្នុងរមណីយដ្ឋានអង្គរទាំងមូលមានប្រាសាទជិត១០០ ផ្សេងទៀត ដែលត្រូវបានចុះក្នុងបញ្ជីបេតិកភ័ណ្ឌពិភពលោក ៕

លោកជំទាវ ម៉ែន សំអន អញ្ជើញជាអធិបតីនៃពិធីបួងសួងរំលឹកគុណអង្គរ

សៀមរាប៖ នៅព្រឹកថ្ងៃទី១៤ ខែធ្នូ ឆ្នាំ២០២២នេះ ពិធីបួងសួងព្រឹត្តិការណ៍រំលឹកគុណអង្គរ នៅបរិវេណមុខប្រាសាទអង្គរវត្ត បានចាបផ្ដើមធ្វើឡើងក្រោមអធិបតីដ៏ខ្ពង់ខ្ពស់ លោកជំទាវ កិតិ្តសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា លោកជំទាវបណ្ឌិតសភាចារ្យ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ និងជាប្រធានក្រុមប្រឹក្សាភិបាលអាជ្ញាធរជាតិអប្សរា ថ្នាក់ដឹកនាំខេត្តសៀមរាប ថ្នាក់ដឹកនាំអាជ្ញាធរជាតិអប្សរា តំណាងអង្គការយូណេស្គូប្រចាំកម្ពុជា មន្រ្តីរាជការគ្រប់លំដាប់ថ្នាក់ ភ្ញៀវទេសចរជាតិនិងភ្ញៀវអន្តរជាតិ។ ព្រឹត្តិការណ៍រំលឹកគុណអង្គរ ប្រព្រឹត្តទៅរយៈពេល៣ថ្ងៃ ចាប់ពីថ្ងៃទី១៤-១៦ ខែធ្នូ ឆ្នាំ ២០២២។ នេះគឺជាលើកទី២ហើយដែលអាជ្ញាធរជាតិអប្សរា បានរៀបចំព្រឹតិ្តការណ៍រំលឹកគុណអង្គរនេះ ដើម្បីរំលឹកគុណអង្គព្រះមហាក្សត្រគ្រប់ព្រះអង្គ និងបុព្វការីជនដែលលោកបានកសាង និងថែរក្សាប្រាសាទទាំងអស់នៅក្នុងរមណីយដ្ឋានអង្គរ ដោយបានផ្តល់អត្ថប្រយោជន៍ជាច្រើនដល់ជាតិមាតុភូមិតាំងពីដើមរហូតដល់សព្វថ្ងៃ។ ព្រមទាំង ដើម្បីជាការអបអរខួប៣០ឆ្នាំ នៃតំបន់រមណីយដ្ឋានអង្គរចូលជាសម្បត្តិបេតិកភណ្ឌពិភពលោកផងដែរ។ នៅព្រេកនេះក៏មានពិធីរាប់បាតព្រះសង្ឃចំនួន១៣០អង្គផងដែរ។ តាមការឱ្យដឹងពីអាជ្ញាធរជាតិអប្សរា នៅថ្ងៃបន្តបន្ទាប់ក៏មាននូវទស្សនីយភាពជាច្រើនដូចជា កម្មវិធីបែបសាសនាសំខាន់ៗ ការតាំងពិព័ណ៌បង្ហាញសមិទ្ធផលការងាររយ:ពេល៣០ឆ្នាំកន្លងមករបស់អាជ្ញាធរជាតិអប្សរា ស្នាដៃសិល្បៈជាច្រើនដែលបានចុះក្នុងបញ្ជីបេតិកភណ្ឌអរូបីនៃអង្គការយូណេស្កូ ការសម្តែងអាយ៉ៃឆ្លើយឆ្លងដោយលោក ព្រហ្ម ម៉ាញ ព្រមទាំងការចាក់បញ្ចាំងភាពយន្តអំពីអង្គរជាដើម។ រាល់កម្មវិធីសាសនា សិល្បៈទស្សនីយភាពទាំងអស់នឹងបើកជាសាធារណៈចូលទស្សនាដោយពុំមានបង់ប្រាក់នោះទេ៕

សម្ដេចតេជោ ហ៊ុន សែន អញ្ជើញដឹកនាំគណៈប្រតិភូចាកចេញពីទូក្រុងប៉ារីស ឆ្ពោះទៅកាន់ទីក្រុងព្រុចស៊ែល

ភ្នំពេញ៖ នៅយប់ម៉ោង ១១.៣៥នាទី ថ្ងៃទី១៣ ខែធ្នូ ឆ្នាំ២០២២ ម៉ោងនៅទីក្រុងប៉ារីស ប្រទេសបារាំង ត្រូវនឹងម៉ោង ៥.៣៥នាទីព្រឹកថ្ងៃទី១៤ ខែធ្នូ ឆ្នាំ២០២២ ម៉ោងនៅរាជធានីភ្នំពេញសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានបន្តដឹកនាំគណៈប្រតិភូតាមជើងយន្តហោះពិសេសេ ចាកចេញពីទីក្រុងប៉ារីស ឆ្ពោះទៅកាន់ ទីក្រុងព្រុចសែល ប្រទេសប៊ែលហ្ស៉ិក បន្តទៀត ដើម្បីចូលរួម និងធ្វើជាសហប្រធាននៃកិច្ចប្រជុំកំពូល អាស៊ាន-សហភាពអឺរ៉ុប ដើម្បីអបអរសាទរខួបអនុស្សាវរីយ៍លើកទី៤៥ នៃទំនាក់ទំនងដៃគូសន្ទនារវាងអាស៊ាន-សហភាពអឺរ៉ុប។នៅក្នុងពេលនៃការស្នាក់នៅទីក្រុងព្រុចសែលដើម្បីចូលរួម កិច្ចប្រជុំកំពូល អាស៊ាន-សហភាពអ៉ឺរ៉ុប សម្ដេចតេជោ នាយករដ្ឋមន្ត្រី ក៏នឹងមានជំនួបជាមួយបណ្ដាមេដឹកនាំមួយទៀតផងដែរ៕

សហភាពអឺរ៉ុបសង្ឃឹមពីកិច្ចព្រមព្រៀងកញ្ចប់ទណ្ឌកម្មថ្មីលើរុស្ស៊ីនៅសប្តាហ៍នេះ

អឺរ៉ុប៖ ប្រធានគោលនយោបាយការបរទេសរបស់ប្លុកអឺរ៉ុបបាននិយាយកាលពីថ្ងៃចន្ទថា បណ្តាប្រទេសសហភាពអឺរ៉ុបពុំទាន់បានព្រមព្រៀងលើកញ្ចប់ទណ្ឌកម្មទី៩ លើប្រទេសរុស្ស៊ីនៅឡើយទេ។ លោក Josep Borrell បានប្រាប់អ្នកសារព័ត៌មាន បន្ទាប់ពីកិច្ចប្រជុំជាមួយសមភាគីសហភាពអឺរ៉ុបរបស់លោកនៅទីក្រុងប្រ៊ុចសែលថា កិច្ចព្រមព្រៀងនេះមិនត្រូវបានសម្រេចក្នុងចំណោមរដ្ឋមន្ត្រីនោះទេ ប៉ុន្តែលោកសង្ឃឹមថា យើងនឹងឈានដល់កិច្ចព្រមព្រៀងនៅសប្តាហ៍នេះ។ លោក Borrell បានអះអាងថា ដំណើរការនៃការដាក់ទណ្ឌកម្ម វាជាទណ្ឌកម្មរបស់យើង ដែលលោក Putin មិនអាចសម្រេចបាននូវគោលបំណងរបស់ខ្លួននៅក្នុងប្រទេសអ៊ុយក្រែន។ ក្រុមអ្នកការទូតប្រទេសលោកខាងលិចបានចាប់ផ្តើមកិច្ចពិភាក្សាកាលពីថ្ងៃចន្ទ ជុំវិញបញ្ហាប្រឈមដែលបានផ្តោតលើការឆ្លងកាត់រយៈពេលពេញមួយឆ្នាំ។ អ្នកការទូតកំពុងព្យាយាមរកវិធីល្អបំផុតដើម្បីជួយប្រជាជនអ៊ុយក្រែន។ អ្នកការទូតបានឃើញយានដ្រូនរបស់រុស្ស៊ីវាយប្រហារចូលកាលពីចុងសប្តាហ៍មុនលើរោងចក្រអគ្គិសនី។ការវាយប្រហារបានធ្វើឱ្យប្រជាជនអ៊ុយក្រែនរាប់លាននាក់ខ្វះឧបករណ៍កម្តៅ ខណៈរដូវរងាចូលមកដល់។ អ្នកការទូតនិយាយថា ការវាយប្រហារបែបនេះគឺជាឧក្រិដ្ឋកម្មសង្គ្រាម។ រដ្ឋមន្ត្រីការបរទេសសហភាពអឺរ៉ុបបានជួបប្រជុំគ្នា ក្នុងទីក្រុងព្រុចសែលដើម្បីបង្កើនការគាំអ៊ុយក្រែន ដែលបានព្រមព្រៀងបង្កើនមូលនិធិដែលប្រើសម្រាប់ជំនួយយោធា ក្នុងជំនួយបន្ថែមចំនួន ២,១ពាន់លានដុល្លារ។ ប៉ុន្តែពួកគេមិនទាន់បានឈានដល់ការឯកភាព លើកញ្ចប់ទណ្ឌកម្មមួយផ្សេងទៀតទៀតលើរុស្ស៊ីនៅឡើយ៕អត្ថបទ៖ ប៊ុនថន

លោក Zelenskyy ស្នើឲ្យប្រទេស G7 ផ្គត់ផ្គង់ឧស្ម័នធម្មជាតិ និងអាវុធរយៈចម្ងាយឆ្ងាយដល់អ៊ុយក្រែន

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បានជំរុញឱ្យក្រុមប្រទេសរីកលូតលាស់ទាំងប្រាំពីរ (G7) ជួយដល់រដ្ឋាភិបាលរបស់លោក ឲ្យទទួលបានឧស្ម័នធម្មជាតិបន្ថែមចំនួនពីរពាន់លានម៉ែត្រគូប និងផ្គត់ផ្គង់រថក្រោះទំនើប កងកាំភ្លើងធំ និងគ្រាប់ផ្លោង ព្រមទាំងអាវុធរយៈចម្ងាយឆ្ងាយ។ ថ្លែងតាមវីដេអូទៅកាន់សន្និសីទ G7 ដែលរៀបចំដោយប្រទេសអាល្លឺម៉ង់លោក Zelenskiy បានអំពាវនាវឱ្យប្រទេសរុស្ស៊ីបង្កើតជំហានសំខាន់ ឈានទៅរកដំណោះស្រាយផ្នែកការទូតចំពោះសង្គ្រាមនៅអ៊ុយក្រែន ហើយបានស្នើឲ្យទីក្រុងមូស្គូគួរតែដកកងទ័ពរបស់ខ្លួនចេញនៅត្រឹមថ្ងៃបុណ្យ Christmas។ លោកនិយាយថា ប្រសិនបើរុស្ស៊ីធ្វើប្រតិបត្តិការដកកងកម្លាំងរបស់ខ្លួនចេញពីអ៊ុយក្រែននោះ វានឹងធានាបាននូវការបញ្ចប់ជម្លោះដែលអាចទុកចិត្តបាន។ រុស្ស៊ីបានវាយលុកចូលអ៊ុយក្រែនក្នុងខែកុម្ភៈ ហើយការប្រយុទ្ធគ្នាកំពុងផ្ទុះឡើងនៅភាគខាងត្បូង និងខាងកើត ខណៈទីក្រុងមូស្គូក្នុងប៉ុន្មានសប្តាហ៍ថ្មីៗនេះ បានបាញ់មីស៊ីលទៅលើហេដ្ឋារចនាសម្ព័ន្ធថាមពលរបស់អ៊ុយក្រែន។ ប្រធានា ធិបតីអ៊ុយក្រែនលោក Volodymyr Zelenskiy និយាយកាលពីថ្ងៃចន្ទម្សិលមិញថា រុស្ស៊ីមិនបានបោះបង់ចោលផែនការវាយប្រហារតាមអាកាសរបស់ខ្លួនលើអ៊ុយក្រែននោះទេ ហើយមើលឃើញការដាច់ចរន្តអគ្គិសនីជាក្តីសង្ឃឹមចុងក្រោយរបស់ខ្លួន។ យើងត្រូវតែដឹងថា រុស្ស៊ីមិនបានបោះបង់ចោលយុទ្ធសាស្ត្រភេរវកម្មនេះទេ។ គ្មានការវាយប្រហារដោយមីស៊ីលទ្រង់ ទ្រាយធំ មានន័យថាសត្រូវកំពុងត្រៀមខ្លួនវាយប្រហារជាថ្មី ហើយអាចនឹងមានការវាយប្រហារនៅពេលណាមួយក៏បាន។ រុស្ស៊ីនៅតែពឹងផ្អែកលើការផ្តាច់ចរន្តអគ្គិសនី ដែលនេះគឺជាក្តីសង្ឃឹមចុងក្រោយរបស់ភេរវករ។ នាយសេនាធិការរបស់អ៊ុយក្រែនបាននិយាយកាលពីថ្ងៃចន្ទថា មីស៊ីល កាំភ្លើងធំ និងយានដ្រូនរបស់រុស្ស៊ីបានវាយប្រហារគោលដៅនៅភាគខាងកើត និងភាគខាងត្បូងអ៊ុយក្រែន ខណៈបណ្តាប្រទេសមហាអំណាចសេដ្ឋកិច្ចពិភពលោក បានសន្យាពង្រឹងសមត្ថភាពយោធារបស់ទីក្រុង Kyiv ដោយផ្តោតលើការការពារដែនអាកាស៕អត្ថបទ៖ ប៊ុនថន

កងទ័ពឥណ្ឌា និងចិនរងរបួសក្នុងការប៉ះទង្គិចនៅព្រំដែន

ឥណ្ឌា៖ ទាហានឥណ្ឌា និងចិនបានប៉ះទង្គិចគ្នានៅក្នុងតំបន់ Tawang រដ្ឋ Arunachal Pradesh ប្រទេសឥណ្ឌា បណ្តាលឱ្យទាហានមួយចំនួនរងរបួសស្រាលនៃភាគីទាំងសងខាង។ អ្នកនាំពាក្យក្រសួងការបរទេសឥណ្ឌាពុំបានឆ្លើយតបភ្លាមៗ ចំពោះសំណើសុំការអត្ថាធិប្បាយនោះទេ។ លោក Shivali Deshpande អ្នកជំនាញក្រសួងការពារជាតិ និងជាអតីតមន្ត្រីកងទ័ពអាកាសឥណ្ឌាបាននិយាយកាលពីថ្ងៃចន្ទថា មានភាពតានតឹងនៅតាមព្រំដែន ហើយភាពតានតឹងនេះត្រូវតែដោះស្រាយ បើពុំដូច្នេះទេប្រទេសចិននឹងត្រូវប្រឈមផលវិបាកជាច្រើន។ កងទ័ពឥណ្ឌា និងចិនកាលពីខែមិថុនា ឆ្នាំ២០២០ បានប៉ះទង្គិចគ្នានៅសមរភូមិនៅជ្រលងភ្នំ Galwan ក្នុងតំបន់ Ladakh នៅជាប់គ្នាតំបន់ខ្ពង់រាបទីបេគ្រប់គ្រងដោយប្រទេសចិន ដែលការប៉ះទង្គិចគ្នាកាលពីពេលនោះបណ្តាលឱ្យទាហានឥណ្ឌា ២០នាក់ស្លាប់ ខណៈទាហានចិនមិនបានបញ្ចេញចំនួនអ្នកស្លាប់ ឬរងរបួស។ប្រទេសឥណ្ឌា និងចិនមានព្រំដែនរួមប្រវែង ៣,៨០០គីឡូម៉ែត្រមិនបានកំណត់ ដែលកងទ័ពរបស់ពួកគេកាលពីពេលមុនបានប្រកាន់ខ្ជាប់នូវពិធីសារយូរអង្វែង ដើម្បីបញ្ចៀសការប្រើប្រាស់អាវុធណាមួយនៅតាមព្រំដែន ដែលត្រូវបានគេស្គាល់ថាជាបន្ទាត់ព្រំដែននៃការគ្រប់គ្រងជាក់ស្តែង៕អត្ថបទ៖ ប៊ុនថន

ប្រធានក្រុមប្រឹក្សាជនភៀសខ្លួនន័រវែសរំពឹងថា នឹងមានជនជាតិអ៊ុយក្រែនរាប់ម៉ឺននាក់ទៀតចាកចេញពីប្រទេស

ន័រវែស៖ ប្រធានក្រុមប្រឹក្សាជនភៀសខ្លួនន័រវែស (NRC) បាននិយាយកាលពីថ្ងៃចន្ទថា លោករំពឹងថានឹងមានរលកថ្មីមួយទៀតនៃជនភៀសខ្លួនរាប់ម៉ឺននាក់ មកពីប្រទេសអ៊ុយក្រែនមកកាន់អឺរ៉ុបនៅអំឡុងរដូវរងា ដោយសារតែស្ថានភាពធ្ងន់ធ្ងរពិបាកទ្រាំ។ ការវាយប្រហាររបស់រុស្ស៊ីលើហេដ្ឋារចនាសម្ព័ន្ធអគ្គិសនីរបស់អ៊ុយក្រែន បានបណ្ដាលឲ្យមនុស្សរាប់លាននាក់គ្មានម៉ាស៊ីនកំដៅ គ្មានទឹកស្អាត ឬថាមពលអគ្គិសនីប្រើប្រាស់ ខណៈសីតុណ្ហភាពចុះត្រជាក់ខ្លាំង។ ទីក្រុង Moscow និយាយថា ការវាយប្រហារនានារបស់ខ្លួនពុំបានដាក់គោលដៅលើជនស៊ីវិលទេ និងជាមធ្យោបាយដើម្បីកាត់បន្ថយសមត្ថភាពរបស់អ៊ុយក្រែនក្នុងការប្រយុទ្ធ និងជំរុញឲ្យមានការចរចា។ ទីក្រុង Kyiv និយាយថា ការវាយប្រហារទាំងនោះគឺជាឧក្រិដ្ឋកម្មសង្គ្រាម។ លោក Jan Egeland បានប្រាប់សារព័ត៌មាន Reuters តាមទូរស័ព្ទ បន្ទាប់ពីវិលត្រឡប់មកពីអ៊ុយក្រែននៅដើមខែនេះថា គ្មាននរណាម្នាក់ដឹងទេថានឹងមានចំនួនប៉ុន្មាន ប៉ុន្តែនឹងមានរាប់ម៉ឺននាក់ទៀតដែលនឹងចាកចេញពីអ៊ុយក្រែន ខណៈការទម្លាក់គ្រាប់បែកដ៏គួរឲ្យខ្លាច និងខុសច្បាប់ទៅលើហេដ្ឋារចនាសម្ព័ន្ធស៊ីវិល ដែលធ្វើឲ្យជីវិតរបស់ពួកគេជួបការលំបាកខ្លាំងនៅក្នុងតំបន់ជាច្រើន។លោកថា ហេតុនេះទើបលោកបារម្ភថា វិបត្តិនៅអឺរ៉ុបនឹងផុងកាន់តែជ្រៅ ហើយថានឹងគ្របដណ្ដប់លើវិបត្តិនានានៅក្នុងតំបន់ផ្សេងទៀតនៃពិភពលោក។ អង្គការសហប្រជាជាតិនិយាយថា មនុស្សប្រមាណ ១៨លាននាក់ ឬ ៤០% នៃចំនួនប្រជាជនសរុបអ៊ុយក្រែនកំពុងពឹងផ្អែកលើជំនួយ។ ចំណែកមនុស្សប្រមាណ ៧លាន ៨សែននាក់ផ្សេងទៀតបានចាកចេញពីប្រទេសទៅកាន់ប្រទេសនានារបស់អឺរ៉ុប៕អត្ថបទ៖ សុខមាន

មនុស្ស ៦នាក់រួមទាំងមន្ត្រីនគរបាល ២នាក់ស្លាប់ក្នុងហេតុការណ៍បាញ់ប្រហារនៅរដ្ឋ Queensland ប្រទេសអូស្ត្រាលី

អូស្ត្រាលី៖ មនុស្ស ៦នាក់រួមទាំងមន្ត្រីនគរបាល ២នាក់ត្រូវបានបាញ់សម្លាប់ ក្រោយករណីសង្ស័យថាជាការវាយប្រហារភ្លាមៗមួយបានកើតឡើងនៅតំបន់ជនបទក្នុងប្រទេសអូស្ត្រាលី។ នគរបាលបាននិយាយថា ពួកគេបានកំពុងស្វែងរកអ្នកបាត់ខ្លួននៅក្នុងតំបន់ Wieambilla ចំងាយ ២៧០គីឡូម៉ែត្រភាគខាងលិចទីក្រុង Brisbane រដ្ឋ Queensland នៅពេលពួកគេបានបាញ់តគ្នា។ ក្រុមអាជ្ញាធរបាននិយាយថា បន្ទាប់ពីការឡោមព័ទ្ធដ៏យូរជនសង្ស័យ ៣នាក់ត្រូវបាននគរបាលបាញ់សម្លាប់។ ចំណែកមូលហេតុនាំឲ្យឈានដល់ការបាញ់ប្រហារនេះ គេនៅមិនទាន់ដឹងច្បាស់នៅឡើយទេ។ លោកនាយករដ្ឋមន្ត្រី Anthony Albanese បានហៅសកម្មភាពនេះថា ជាថ្ងៃដ៏រន្ធត់សម្រាប់ប្រទេសអូស្ត្រាលី។ នគរបាលនិយាយថា មនុស្ស ៣នាក់រួមទាំងស្ត្រីម្នាក់ត្រូវបានបាញ់ស្លាប់ ក្រោយក្រុមមន្ត្រីជំនាញ និងការជួយគាំទ្រពីលើអាកាសបានឆ្លើយតបទៅនឹងស្ថានភាពឡោមព័ទ្ធនេះ។ដំបូងមានការបញ្ជូនក្រុមមន្ត្រីនគរបាលរដ្ឋ Queensland ចំនួន ៤នាក់ទៅកាន់កន្លែងកើតហេតុនៅរសៀលថ្ងៃចន្ទ ម៉ោងក្នុងស្រុក បន្ទាប់ពីមានសំណើពីនគរបាលរដ្ឋ New South Wales។ នគរបាលនិយាយថា មន្ត្រី ២នាក់ម្នាក់ឈ្មោះ Constables Matthew Arnold វ័យ ២៦ឆ្នាំ និងម្នាក់ទៀតឈ្មោះ Rachel McCrow វ័យ ២៩ឆ្នាំត្រូវបានបាញ់សម្លាប់ ខណៈពួកគេបានទៅដល់កន្លែងកើតហេតុ។ មន្ត្រីម្នាក់ទៀតបានរងរបួសដោយគ្រាប់កាំភ្លើង និងមន្ត្រីទី៤ បានគេចខ្លួន៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

សិស្សសាលាអារ៉ាប់រួមនៅទីក្រុងឌូបៃ វិលត្រឡប់ទៅរៀនតាមអនឡាញ ក្រោយការវាយប្រហាររបស់អ៊ីរ៉ង់

ភរិយាសកម្មជនកងនាវាហ្កាហ្សានិយាយថា ស្វាមីរបស់ពួកគេដែលឃាត់ខ្លួនដោយអ៊ីស្រាអែល ត្រូវបានគេធ្វើទារុណកម្ម

នាយករដ្ឋមន្ត្រីរ៉ូម៉ានីត្រូវបានទម្លាក់ពីតំណែង ដោយការបោះឆ្នោតដកសេចក្ដីទុកចិត្ត

អារ៉ាប់រួមរឹតបន្តឹងដែនអាកាស ក្រោយមានការវាយប្រហារដោយមីស៊ីល និងយានដ្រូនរបស់អ៊ីរ៉ង់

ប្រមុខមន្ទីរបញ្ចកោណ៖ អាមេរិកមិនស្វែងរកការប្រយុទ្ធ ដោយប្រតិបត្តិការបណ្តោះអាសន្ន ដើម្បីការពារនាវាទេ

កូនប្រុសរបស់លោកស្រី អ៊ុងសាន ស៊ូជី ជំរុញឲ្យរដ្ឋាភិបាលមីយ៉ាន់ម៉ាផ្តល់ «ភស្តុតាងពីការមានជីវិត»

ចិន៖ ទណ្ឌកម្មកាន់តែទូលំទូលាយរបស់សហរដ្ឋអាមេរិក លើគុយបា គឺ «ខុសច្បាប់»

រដ្ឋមន្ត្រីការបរទេសអ៊ីរ៉ង់ ចេញដំណើរទៅទីក្រុងប៉េកាំង សម្រាប់កិច្ចពិភាក្សាជាមួយចិន

អ៊ុយក្រែនអះអាងថា មនុស្ស ៣នាក់ រងរបួស ក្នុងការវាយប្រហារយានដ្រូនរុស្ស៊ីលើមជ្ឈមណ្ឌលទីក្រុង Chernihiv

‎អនុប្រធាន សមាគមអតីតយុទ្ធជន អញ្ជើញប្រគល់ផ្ទះជូនគ្រួសារសមាជិកពលីមានជីវភាពខ្វះខាត ក្នុងខេត្តកំពង់ចាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

រុស្ស៊ីនិយាយថា បណ្ដាប្រទេសលោកខាងលិចកំពុងប្រឈមជម្រើសអស្ថិរភាព

សម្ដេចតេជោ ហ៊ុន សែន អញ្ជើញធ្វើដំណើរដល់ទីក្រុងព្រុចសែលប្រកបដោយសុវត្ថិភាព

លោកជំទាវ ម៉ែន សំអន អញ្ជើញជាអធិបតីនៃពិធីបួងសួងរំលឹកគុណអង្គរ

សម្ដេចតេជោ ហ៊ុន សែន អញ្ជើញដឹកនាំគណៈប្រតិភូចាកចេញពីទូក្រុងប៉ារីស ឆ្ពោះទៅកាន់ទីក្រុងព្រុចស៊ែល

សហភាពអឺរ៉ុបសង្ឃឹមពីកិច្ចព្រមព្រៀងកញ្ចប់ទណ្ឌកម្មថ្មីលើរុស្ស៊ីនៅសប្តាហ៍នេះ

លោក Zelenskyy ស្នើឲ្យប្រទេស G7 ផ្គត់ផ្គង់ឧស្ម័នធម្មជាតិ និងអាវុធរយៈចម្ងាយឆ្ងាយដល់អ៊ុយក្រែន

កងទ័ពឥណ្ឌា និងចិនរងរបួសក្នុងការប៉ះទង្គិចនៅព្រំដែន

ប្រធានក្រុមប្រឹក្សាជនភៀសខ្លួនន័រវែសរំពឹងថា នឹងមានជនជាតិអ៊ុយក្រែនរាប់ម៉ឺននាក់ទៀតចាកចេញពីប្រទេស

មនុស្ស ៦នាក់រួមទាំងមន្ត្រីនគរបាល ២នាក់ស្លាប់ក្នុងហេតុការណ៍បាញ់ប្រហារនៅរដ្ឋ Queensland ប្រទេសអូស្ត្រាលី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

រុស្ស៊ីនិយាយថា បណ្ដា​ប្រទេស​លោកខាងលិច​កំពុង​ប្រឈម​ជម្រើស​អស្ថិរភាព​

សម្ដេចតេជោ ហ៊ុន សែន អញ្ជើញធ្វើដំណើរដល់ទីក្រុងព្រុចសែលប្រកបដោយសុវត្ថិភាព

លោកជំទាវ ម៉ែន សំអន អញ្ជើញជាអធិបតីនៃពិធីបួងសួងរំលឹកគុណអង្គរ

សម្ដេចតេជោ ហ៊ុន សែន អញ្ជើញដឹកនាំគណៈប្រតិភូចាកចេញពីទូក្រុងប៉ារីស ឆ្ពោះទៅកាន់ទីក្រុងព្រុចស៊ែល

សហភាព​អឺរ៉ុប​សង្ឃឹម​ពី​កិច្ចព្រមព្រៀង​កញ្ចប់​ទណ្ឌ​កម្ម​ថ្មី​លើ​រុស្ស៊ីនៅ​សប្តាហ៍​នេះ​

លោក Zelenskyy ស្នើឲ្យប្រទេស ​G7 ផ្គត់ផ្គង់​ឧស្ម័ន​ធម្មជាតិ​ និង​អាវុធ​រយៈ​ចម្ងាយ​ឆ្ងាយ​ដល់​អ៊ុយ​ក្រែ​ន​

កងទ័ព​ឥណ្ឌា និង​ចិន​រងរបួស​ក្នុងការ​ប៉ះទង្គិច​នៅ​ព្រំដែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រុស្ស៊ីនិយាយថា បណ្ដាប្រទេសលោកខាងលិចកំពុងប្រឈមជម្រើសអស្ថិរភាព

សហភាពអឺរ៉ុបសង្ឃឹមពីកិច្ចព្រមព្រៀងកញ្ចប់ទណ្ឌកម្មថ្មីលើរុស្ស៊ីនៅសប្តាហ៍នេះ

លោក Zelenskyy ស្នើឲ្យប្រទេស G7 ផ្គត់ផ្គង់ឧស្ម័នធម្មជាតិ និងអាវុធរយៈចម្ងាយឆ្ងាយដល់អ៊ុយក្រែន

កងទ័ពឥណ្ឌា និងចិនរងរបួសក្នុងការប៉ះទង្គិចនៅព្រំដែន