BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

ព័ត៌មានសំខាន់ៗ

មនុស្ស ១៣២នាក់ស្លាប់នៅឥណ្ឌាក្នុងហេតុការណ៍បាក់ស្ពានដែលប្រមូលផ្ដុំដោយក្រុមអ្នកដើរលេងកម្សាន្តថ្ងៃឈប់សម្រាក

ឥណ្ឌា៖ មន្ត្រីនគរបាលម្នាក់បានប្រាប់សារព័ត៌មាន AFP នៅថ្ងៃចន្ទនេះថា មនុស្សយ៉ាងហោចណាស់ ១៣២នាក់បានស្លាប់នៅក្នុងរដ្ឋហ្គូចារ៉ាត់ភាគខាងលិចប្រទេសឥណ្ឌាកាលពីថ្ងៃអាទិត្យ នៅពេលស្ពានថ្មើរជើងមួយប្រមូលផ្ដុំដោយអ្នកដើរលេងកម្សាន្តជាច្រើន កំពុងរីករាយពេលវេលាឈប់សម្រាកបានបាក់ធ្លាក់ចូលក្នុងទន្លេ។វីដេអូថតដោយទូរទស្សន៍ Reuters បានបង្ហាញមនុស្សរាប់សិបនាក់កំពុងតោងខ្សែកាប និងកំណាត់ស្ពានរមួលចូលគ្នានៅលើទន្លេ Machhu ក្នុងទីប្រជុំជន Morbi ខណៈក្រុមសង្គ្រោះបន្ទាន់បានព្យាយាមជួយសង្គ្រោះពួកគេ។ អ្នកមួយចំនួនបានឡើងតាមសំណង់ស្ពានបាក់ព្យាយាមរកផ្លូវទៅកាន់ច្រាំងទន្លេ ខណៈអ្នកផ្សេងទៀតបានហែលដល់ច្រាំងដោយសុវត្ថិភាព។ មានកុមារមួយចំនួនស្ថិតក្នុងចំណោមជនរងគ្រោះ។ លោក Prateek Vasava ដែលបានហែលទៅច្រាំងទន្លេ បន្ទាប់ពីធ្លាក់ពីស្ពានបានប្រាប់សារព័ត៌មានភាសាអ្នកហ្គូចារ៉ាត់ ២៤ម៉ោង (24 Hours Gujarati-language news) ថា លោកបានឃើញកុមារមួយចំនួនបានធ្លាក់ចូលក្នុងទន្លេ។ លោកថា លោកចង់ទាញពួកគេមួយចំនួនមកជាមួយលោក ប៉ុន្តែពួកគេបានលង់ទឹក ឬហូរកួចតាមទឹក។ លោកនិយាយថា ស្ពានបានបាក់ក្នុងពេលប៉ុន្មានវិនាទីប៉ុណ្ណោះ។យោងតាមក្រុមអ្នកឃើញហេតុការណ៍បានឲ្យដឹងថា លោក Harsh Sanghavi រដ្ឋមន្ត្រីក្រសួងមហាផ្ទៃប្រចាំរដ្ឋហ្គូចារ៉ាត់បាននិយាយថា សោកនាដកម្មនេះបានកើតឡើងនៅម៉ោងប្រហែល 6:30ល្ងាចម៉ោងនៅប្រទេសឥណ្ឌាកាលពីថ្ងៃអាទិត្យ នៅពេលមនុស្ស ១៥០នាក់ស្ថិតនៅលើសំណង់នោះ។ ចំនួនអ្នកស្លាប់អាចមានខ្ពស់ជាងនេះ។ ស្ពានដែលមានប្រវែង ២៣០ម៉ែត្រមួយនេះត្រូវបានសាងសង់ អំឡុងសម័យការគ្រប់គ្រងរបស់ចក្រភពអង់គ្លេសក្នុងសតវត្សរ៍ទី១៩។ ស្ពាននេះត្រូវបានបិទសម្រាប់ការជួសជុលរយៈពេល ៦ខែ និងបានបើកឲ្យដំណើរការឡើងវិញជាសាធារណៈកាលពីសប្ដាហ៍មុន៕អត្ថបទ៖ សុខមាន

សម្តេចតេជោ ហ៊ុន សែន ចូលរួមរំលែកទុក្ខជាមួយប្រទេសកូរ៉េខាងត្បូង ចំពោះហេតុការណ៍សោកនាដកម្មរត់ជាន់គ្នា បណ្តាលឲ្យមានអ្នកស្លាប់ និងរបួសជាច្រើននាក់

ភ្នំពេញ៖សម្តេចតេជោ ហ៊ុន សែន នាយករដ្ឋមន្ត្រី បានសម្តែងសមានទុក្ខ និងចូលរួមរំលែកទុក្ខជាមួយប្រទេសកូរ៉េខាងត្បូង ចំពោះហេតុការណ៍សោកនាដកម្មរត់ជាន់គ្នា នៅទីក្រុងសេអ៊ូល បណ្តាលឲ្យមានអ្នកស្លាប់ និងរបួសជាច្រើននាក់។

កូរ៉េខាងត្បូងកាន់ទុក្ខផ្លូវការ ដល់ជនរងគ្រោះជាន់គ្នាស្លាប់ក្នុងពិធីបុណ្យហាឡូវីន

កូរ៉េងខាងត្បូង៖ ប្រទេសកូរ៉េខាងត្បូង បានធ្វើពិធីកាន់ទុក្ខផ្លូវការចំពោះជនរងគ្រោះជាន់គ្នាស្លាប់ នៅកន្លែងកម្សាន្តមួយពេលរាត្រី ក្នុងរដ្ឋធានីសេអ៊ូល។យុវជនក្មេងៗជាច្រើន បានចូលរួមពិធីហាឡូវីន(Halloween) បានជាប់ខ្លួននៅក្នុងហ្វូងមនុស្សណែនណាន់ តាន់តាប់ ទៅណាមិនរួច កាលពីយប់ថ្ងៃសៅរ៍តាមបណ្តោយផ្លូវមួយដ៏តូចចង្អៀត។មនុស្សយ៉ាងហោចណាស់ ១៥១នាក់បានស្លាប់ និង ៨២នាក់ទៀតរងរបួស នៅក្នុងគ្រោះមហន្ដរាយដ៏អាក្រក់បំផុត នៅក្នុងប្រទេសក្នុងឆ្នាំនេះ។អ្នកស្លាប់ក្នុងនោះ មានជនបរទេស ១៩នាក់ មកពីប្រទេសផ្សេងៗ ប៉ុន្ដែ គេមិនបានចេញផ្សាយភ្លាមៗឱ្យដឹងនៅឡើយទេ។គេបានប៉ាន់ប្រមាណថា មនុស្សប្រមាណ ១០ម៉ឺននាក់ បានមកប្រមូលផ្ដុំគ្នានៅសង្កាត់អ៊ីតេវុន ដើម្បីចូលរួមពិធីបុណ្យ ហាឡូវីន ដែលជាពិធីបុណ្យធំបំផុតនៅខាងក្រៅផ្ទះ ចាប់តាំងពីមានការចាប់ផ្ដើមឆ្លងជំងឺកូវីដ-១៩៕

អាមេរិកនិយាយថា គោលនយោបាយកូរ៉េខាងជើងពុំមានការផ្លាស់ប្តូរនោះទេ

អាមេរិក៖ សហរដ្ឋអាមេរិកបាននិយាយកាលពីថ្ងៃសុក្រថា គោលនយោបាយរបស់ខ្លួនចំពោះប្រទេសកូរ៉េខាងជើងពុំមានការផ្លាស់ប្តូរនោះទេ បន្ទាប់ពីមន្ត្រីជាន់ខ្ពស់សហរដ្ឋអាមេរិកដែលទទួលបន្ទុកគោលនយោបាយនុយក្លេអ៊ែរ បានលើកឡើងពីការភ្ញាក់ផ្អើលមួយចំនួនដោយនិយាយថា ទីក្រុងវ៉ាស៊ីនតោនមានឆន្ទៈចូលរួមកិច្ចចរចាគ្រប់គ្រងអាវុធជាមួយទីក្រុងព្យុងយ៉ាង។ អ្នកជំនាញមួយចំនួនអះអាងថា ការទទួលស្គាល់កូរ៉េខាងជើងជារដ្ឋមានអាវុធនុយក្លេអ៊ែរ ជាអ្វីដែលទីក្រុងព្យុងយ៉ាងស្វែងរកគឺជាលក្ខខណ្ឌជាមុនសម្រាប់កិច្ចចរចា។ ប៉ុន្តែក្រុងវ៉ាស៊ីនតោនបានអះអាងជាយូរមកហើយថា កម្មវិធីនុយក្លេអ៊ែរកូរ៉េខាងជើងគឺខុសច្បាប់ និងស្ថិតក្រោមទណ្ឌកម្មរបស់អង្គការសហប្រជាជាតិ។ លោកស្រី Bonnie Jenkins អនុរដ្ឋមន្ត្រីក្រសួងការបរទេសទទួលបន្ទុកការគ្រប់គ្រងអាវុធ ត្រូវបានសួរនៅក្នុងសន្និសីទនុយក្លេអ៊ែរនៅទីក្រុងវ៉ាស៊ីនតោន អំពីការគ្រប់គ្រងអាវុធរបស់កូរ៉េខាងជើង លោកស្រីបានឆ្លើយថា ប្រសិនបើពួកគេសន្ទនាជាមួយយើង ការគ្រប់គ្រងអាវុធតែងតែជាជម្រើសមួយ ប្រសិនបើប្រទេសពីរមានឆន្ទៈចង់អង្គុយនៅតុចរចា ហើយមិនត្រឹមតែការគ្រប់គ្រងអាវុធប៉ុណ្ណោះទេ ប៉ុន្តែថែមទាំងការកាត់បន្ថយហានិភ័យ ដែលអ្វីគ្រប់យ៉ាងឈានទៅដល់សន្ធិសញ្ញាគ្រប់គ្រងអាវុធ។យើងបានបញ្ជាក់យ៉ាងច្បាស់ដល់កូរ៉េខាងជើងថា យើងត្រៀមខ្លួនជាស្រេចដើម្បីចរចាជាមួយពួកគេ យើងមិនមានលក្ខខណ្ឌជាមុននោះទេ។ ដោយសំដៅទៅលើមេដឹកនាំកូរ៉េខាងជើងលោក គីម ជុងអ៊ុន លោកស្រីបាននិយាយថា ប្រសិនបើលោក គីម ជុងអ៊ុន ទទួលទូរស័ព្ទ ហើយនិយាយថា «លោកចង់និយាយអំពីការគ្រប់គ្រងអាវុធ» នោះយើងនឹងមិននិយាយថា ទេនោះទេ។ សហរដ្ឋអាមេរិក និងសម្ព័ន្ធមិត្តមានការព្រួយបារម្ភថា កូរ៉េខាងជើងអាចនឹងចាប់ផ្តើមការសាកល្បងអាវុធនុយក្លេអ៊ែរឡើងវិញ ជាលើកដំបូងចាប់តាំងពីឆ្នាំ២០១៧ ជាអ្វីដែលមិនត្រូវបានស្វាគមន៍ចំពោះរដ្ឋបាលលោក Biden នៅមុនការបោះឆ្នោតពាក់កណ្តាលអាណត្តិនៅដើមខែក្រោយ។ កូរ៉េខាងជើងបានច្រានចោលការអំពាវនាវរបស់សហរដ្ឋអាមេរិកឲ្យត្រឡប់ទៅកិច្ចចរចាវិញ៕អត្ថបទ៖ ប៊ុនថន

លោក Putin និងលោក Shoigu ពិភាក្សាពីការធ្វើឲ្យប្រសើរឡើងការហ្វឹកហ្វឺនសម្រាប់ទាហានកេណ្ឌ

រុស្ស៊ី៖ ប្រធានាធិបតីរុស្ស៊ីលោក Vladimir Putin កាលពីថ្ងៃសុក្របានបញ្ជាយោធាធ្វើឱ្យប្រសើរឡើង នូវការហ្វឹកហ្វឺនសម្រាប់ទាហានកេណ្ឌថ្មី ហើយផ្តល់ឱ្យពួកគេនូវឧបករណ៍ និងការផ្គត់ផ្គង់ចាំបាច់។ បទបញ្ជានេះបានធ្វើឡើងនៅពេលដែលរដ្ឋមន្ត្រីការពារជាតិរុស្ស៊ីលោក Sergei Shoigu បានប្រាប់លោក Putin ថា យោធាបានបញ្ចប់ការកេណ្ឌទាហានបម្រុងចំនួន ៣សែននាក់ស្របតាមបទបញ្ជាកេណ្ឌកងទ័ពរបស់លោក Putin។ លោក Sergei Shoigu បានរាយការណ៍ទៅលោក Putin កាលពីថ្ងៃសុក្រថា បទបញ្ជារបស់លោកត្រូវបានបំពេញ និងបាននិយាយថា ពុំមានផែនការភ្លាមៗដើម្បីកេណ្ឌកងទ័ពបន្ថែមទៀតនោះទេ។ លោកនិយាយថា ទាហានកេណ្ឌចំនួន ៨២,០០០នាក់ត្រូវបានដាក់ពង្រាយរួចហើយទៅកាន់នៅប្រទេសអ៊ុយក្រែន ខណៈ ២១៨,០០០នាក់ផ្សេងទៀតកំពុងត្រូវបានបណ្តុះបណ្តាល។ លោក Putin និយាយថា ចាំបាច់ត្រូវមានការធ្វើឲ្យប្រសើរឡើងលើការកសាងគ្រប់ផ្នែក នៃកងកម្លាំងប្រដាប់អាវុធរួមទាំងកងកម្លាំងជើងគោក។លោក Putin បានចេញបញ្ជាការកេណ្ឌកងទ័ពនៅខែកញ្ញា ក្នុងគោលបំណងបង្កើនកងទ័ពរុស្ស៊ីនៅសមរភូមិមុខ។ ចំណាត់ការនេះបានជំរុញឱ្យមានការតវ៉ា និងជំរុញឱ្យមនុស្សរាប់ម៉ឺននាក់ភៀសខ្លួនចេញពីប្រទេស។ សកម្មជន និងសារព័ត៌មានរុស្ស៊ីបាននិយាយថា អ្នកដែលត្រូវបានកេណ្ឌជាច្រើននាក់ត្រូវបានគេប្រាប់ឱ្យទិញសម្ភារៈជាមូលដ្ឋាន ដូចជាឧបករណ៍ពេទ្យ និងអាវធំដោយខ្លួនឯង ហើយមួយចំនួនទៀតត្រូវបានផ្តល់អាវុធ៕អត្ថបទ៖ ប៊ុនថន

កម្លាំងព្រំដែនអ៊ុយក្រែនប្រុងប្រៀបនៅព្រំដែនប្រទេសបេឡារុស

អ៊ុយក្រែន៖ កងកម្លាំងអ៊ុយក្រែនដែលឈរជើងនៅជិតព្រំដែនភាគខាងជើង ជាមួយប្រទេសបេឡារុសបាននិយាយថា ពួកគេកំពុងរៀបចំសម្រាប់ការវាយលុករបស់រុស្ស៊ី ដែលអាចកើតមានឡើងពីការឆ្លងកាត់ព្រំដែន។ ឆ្មាំព្រំដែនដែលឈរជើងក្នុងតំបន់ Chernihiv កំពុងឃ្លាំមើលយ៉ាងដិតដល់នៅព្រំដែនក្នុងការបាញ់ផ្លោងរបស់រុស្ស៊ីជាបន្តបន្ទាប់។ អ្នកនាំពាក្យលោកស្រី Halyna Shechovtsova បានប្រាប់ទូរទស្សន៍អង់គ្លេស Sky ថា អង្គភាពរបស់លោកស្រីកំពុងរៀបចំទីតាំងការពារ ដោយសារតែការមើលឃើញពីការកើនឡើងហានិភ័យ។ សមាជិកឆ្មាំម្នាក់ដែលបំពាក់ដោយប្រព័ន្ធមីស៊ីលប្រឆាំងរថក្រោះចល័ត ផលិតដោយចក្រភពអង់គ្លេសនិយាយថា អង្គភាពរបស់លោកត្រូវការអាវុធបន្ថែមទៀតព្រោះវានឹងក្លាយជាខ្សែការពារដំបូង។ តំបន់ Chernihiv ស្ថិតនៅភាគខាងជើងទីក្រុង Kyiv ហើយមានព្រំប្រទល់ជាប់ជាមួយប្រទេសរុស្ស៊ី និងបេឡារុស។ រុស្ស៊ីបានប្រើប្រាស់ប្រទេសបេឡារុសជាមូលដ្ឋានសម្រាប់កងទ័ពនិងដាក់សព្វាវុធរបស់ខ្លួនដែលបានវាយលុកលើអ៊ុយក្រែនកាលពី ៨ខែមុន។ការព្រួយបារម្ភជាច្រើននៅតែមានថា ប្រធានាធិបតីបេឡារុសលោក Alexander Lukashenko អាចនឹងព្រមព្រៀងបញ្ជូនកងទ័ពរបស់លោកទៅភាគខាងត្បូងចូលទៅក្នុងប្រទេសអ៊ុយក្រែន។ លោក Lukashenko បានគាំទ្រជាសាធារណៈចំពោះការវាយលុករបស់រុស្ស៊ីលើអ៊ុយក្រែន ដោយធ្វើឲ្យមានការរិះគន់ពីអន្តរជាតិ និងការដាក់ទណ្ឌកម្មលើទីក្រុង Minsk។ កាលពីដើមខែនេះអាជ្ញាធរបានប្រកាសពីការបង្កើត ការប្រមូលផ្តុំកងទ័ពប្រចាំតំបន់រួមគ្នាជាមួយរុស្ស៊ី និងបាននិយាយថា ទាហានរុស្ស៊ីប្រមាណ ៩,០០០នាក់នឹងត្រូវឈរជើងនៅក្នុងប្រទេសបេឡារុស៕អត្ថបទ៖ ប៊ុនថន

សម្តេចតេជោ ហ៊ុន សែន អញ្ជើញជួបសំណេះសំណាលជាមួយមន្ត្រីរាជការ និងកងកម្លាំងប្រដាប់អាវុធ ខេត្តកំពង់ធំ

នៅថ្ងៃទី២៩ ខែតុលា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានជួបអញ្ជើញសំណេះសំណាលជាមួយជាមួយមន្ត្រីរាជការ និងកងកម្លាំងប្រដាប់អាវុធ ក្នុងខេត្តកំពង់ធំ។តាមរបាយការណ៍ របស់ឯកឧត្តម ងួន រតនៈ អភិបាល នៃគណៈអភិបាលខេត្តកំពង់ធំ បានអោយដឹងថា នៅទូទាំងខេត្តកំពង់ធំមានមន្ត្រីរាជការស៊ីវិលកំពុងបំពេញការងារសរុបចំនួន ៧,៩៣៧នាក់ ក្រុមប្រឹក្សាខេត្ត ២៥នាក់ ក្រុមប្រឹក្សាក្រុងស្រុក ១៦៩នាក់ និងក្រុមប្រឹក្សាឃុំសង្កាត់ ៥៨៥នាក់។ចំពោះការងារសន្តិសុខសណ្តាប់ធ្នាប់វិញ គឺគណៈបញ្ជាការឯកភាពខេត្ត បានចូលរួមចំណែកយ៉ាងសកម្មក្នុង ការថែរក្សា សន្តិសុខ សណ្តាប់ធ្នាប់សាធារណៈក្នុងភូមិសាស្ត្រខេត្តបានល្អប្រសើរ ក្នុងនោះបទល្មើសព្រហ្មទណ្ឌនៅទូទាំងខេត្តមានការថយចុះ ការបង្ក្រាបបទល្មើសផ្សេងៗដូចជា បទល្មើសធនធានធម្មជាតិមាន នេសាទ ព្រៃឈើ សត្វព្រៃ ដីព្រៃជាដើម និងពាក់ព័ន្ធបទល្មើសជួញដូរ ចែកចាយ ប្រើប្រាស់គ្រឿងញៀន និងការពង្រឹងការអនុវត្តច្បាប់ចរាចរណ៍ផ្លូវគោក ការអនុវត្តគោលនយោបាយភូមិ ឃុំ សង្កាត់មានសុវត្ថិភាពជាដើម ត្រូវបានយកចិត្តទុកដាក់ និងជំរុញអនុវត្តបានជាប្រចាំពិសេសការទប់ស្កាត់ និងការបង្ក្រាបល្បែងស៊ីសង គ្រប់ប្រភេទ។សម្តេចតេជោ ហ៊ុន សែន បានបង្ហាញនូវក្តីរីករាយ ដែលបានវិលមកជួបជាមួយក្រុមប្រឹក្សាខេត្ត ក្រុង/ស្រុក ឃុំ/សង្កាត់ មន្ត្រីរាជការ និងកងកម្លាំងប្រដាប់អាវុធនៅក្នុងខេត្តកំពង់ធំសារជាថ្មីម្តងទៀត។ សម្តេចតេជោនាយករដ្ឋមន្ត្រី បានថ្លែងអបអរសាទរចំពោះក្រុមប្រឹក្សាឃុំ/សង្កាត់ ក្នុងខេត្តកំពង់ធំទាំងអស់ ដែលទទួលបានការគាំទ្រពីប្រជាពលរដ្ឋ តាមរយៈការបោះឆ្នោត ឃុំ សង្កាត់ កន្លងទៅនេះ។សម្តេចតេជោនាយករដ្ឋមន្ត្រី ក៏បានកោតសរសើរ និងវាយតម្លៃខ្ពស់ចំពោះមន្ត្រីរាជការ និងកងកម្លាំងប្រដាប់អាវុធទាំងអស់ ដែលបានប្រឹងប្រែងរួមគ្នាទប់ស្កាត់ការរីករាលដាលជំងឺកូវីដ១៩ និងជួយដោះស្រាយបញ្ហារបស់ប្រជាពលរដ្ឋពេលជួបគ្រោះទឹកជំនន់ នាពេលថ្មីៗនេះ។ ជាពិសេសការប្រឹងប្រែងរួមគ្នារក្សាឱ្យបាននូវសន្តិសុខសណ្តាប់ធ្នាប់ និងរបៀបរៀបរយក្នុងសង្គម ទប់ស្កាត់បាននូវទង្វើបង្កចលាចលនានាក្នុងសង្គម។សម្តេចតេជោ ហ៊ុន សែន បានក្រើនរំលឹកដល់មន្ត្រីរាជការទាំងអស់ ជាពិសេសក្រុមប្រឹក្សាឃុំ/សង្កាត់ ឱ្យបន្តយកចិត្តទុកដាក់បំពេញតួនាទីភារកិច្ចបម្រើជាតិ និងប្រជាជន ជាពិសេសបន្តយកចិត្តទុកដាក់ផ្តល់នូវសេវាចាំបាច់នានាជូនប្រជាពលរដ្ឋឱ្យបានលឿន រហ័ស ចៀសវាងបង្កនូវបញ្ហានានា ដែលនាំឱ្យថ្នាំងថ្នាក់ដល់ទឹកចិត្តរបស់ប្រជាពលរដ្ឋ។សម្តេចតេជោក៏បានថ្លែងដោយក្តីមោទនភាពចំពោះភាពជោគជ័យនៃការទប់ស្កាត់ជំងឺកូវិដ-១៩ របស់ប្រទេសកម្ពុជា តាមរយ:យុទ្ធសាស្ត្រចាក់វ៉ាក់សាំងប្រកបដោយប្រសិទ្ធភាព ដែលធ្វើអោយកម្ពុជាមានឱកាសបើកដំណើរការប្រទេសជាតិឡើងវិញ។ ទាំងអស់នេះដោយសារតែការខិតខំរបស់ប្រជាពលរដ្ឋកម្ពុជាយើងទាំងអស់គ្នា ក្នុងការទប់ស្កាត់ការចំលងនៃជំងឺកូវីដ-១៩។សម្តេចតេជោនាយករដ្ឋមន្ត្រីបានរំលឹកដល់មន្រ្តីទាំងអស់ ត្រូវបន្តយកចិត្តទុកដាក់រក្សាសន្តិសុខសណ្ដាប់ធ្នាប់សង្គម ដោយអនុវត្តគោលនយោបាយភូមិ ឃុំ មានសុវត្ថិភាព រួមមាន ការបង្ក្រាបនូវបទល្មើសផ្សេងៗ ដូចជា ចោរឆក់ ចោរប្លន់ និងការជួញដូរគ្រឿងញៀនជាដើម ដើម្បីផ្តល់ភាពកក់ក្តៅ និងធានាដល់សុវត្ថិភាពនៃការរស់នៅ របស់ប្រជាពលរដ្ឋ។ ទន្ទឹមនេះ ត្រូវយកចិត្តទុកដាក់ផ្តល់នូវសេវាសាធារណៈ រួមមានសេវាតម្រូវការចាំបាច់ទាំងឡាយ និងសេវាសំណូមពរនានា ជូនប្រជាពលរដ្ឋ អោយបានលឿន និងមានប្រសិទ្ធិភាព ហើយត្រូវខិតខំបំបាត់អោយអស់នូវភាពអសកម្មនានា។អាជ្ញាធរត្រូវយកចិត្តទុក ដាក់ដោះស្រាយជម្លោះដីធ្លីជូនប្រជាពលរដ្ឋអោយបានរហ័ស និងមានប្រសិទ្ធិភាព ជាពិសេសការដោះស្រាយក្រៅប្រព័ន្ធតុលាការ ដោយមិនត្រូវលំអៀងខាងភាគីណានោះទេ គឺត្រូវឈរនៅកណ្ដាលជានិច្ច។សម្តេចតេជោ ហ៊ុន សែន ក៏បានកោតសរសើរដល់មន្ត្រីគ្រប់ជាន់ថ្នាក់ នៃខេត្តកំពង់ធំដែលបានរួមសហការគ្នា អភិវឌ្ឍខេត្តមួយនេះអោយទទួលបាននូវការរីកចម្រើន៕

ចំនួនអ្នកស្លាប់ដោយសារព្យុះត្រូពិច Nalgae នៅហ្វីលីពីនបានកើនឡើងដល់ ៧២នាក់

ហ្វីលីពីន៖ ទីភ្នាក់ងារគ្រោះមហន្តរាយហ្វីលីពីនបាននិយាយនៅថ្ងៃសៅរ៍នេះថា ប្រទេសហ្វីលីពីនបានកត់ត្រាអ្នកស្លាប់កើនឡើងដល់ ៧២នាក់ដោយសារព្យុះត្រូពិច Nalgae បណ្តាលឱ្យមានទឹកជំនន់ និងបំណាក់ដីនៅក្នុងខេត្តភាគខាងត្បូងប្រទេស។ ខេត្ត Maguindanao គឺជាខេត្តដែលរងផលប៉ះពាល់ខ្លាំងបំផុតដោយមានអ្នកស្លាប់ចំនួន ៦៧នាក់។ លោកនិយាយថា អ្នករងរបួស ៣៣នាក់ត្រូវបានរាយការណ៍ និងបាត់ខ្លួន ១៤នាក់ផ្សេងទៀត។ ទីភ្នាក់ងារអាកាសធាតុរដ្ឋបាននិយាយនៅក្នុងព្រឹត្តិបត្រចុងក្រោយរបស់ខ្លួនថា ព្យុះនឹងនាំមកនូវភ្លៀងធ្លាក់ខ្លាំង ហើយអាចមានភ្លៀងធ្លាក់ពាសពេញតំបន់រដ្ឋធានី និងខេត្តក្បែរៗនោះនៅថ្ងៃសៅរ៍នេះ ខណៈព្យុះឆ្លងកាត់កោះ Luzon ហើយឆ្ពោះទៅសមុទ្រចិនខាងត្បូង។កាលពីថ្ងៃសុក្រ ក្រុមស្វែងរក និងជួយសង្គ្រោះបានទាញយកសាកសពចេញពីទឹក និងដីល្បាប់ បន្ទាប់ពីព្យុះ Nalgae បង្កឲ្យមានទឹកជំនន់ និងបំណាក់ដី។ លោក Nasrullah Imam មន្ត្រីទីភ្នាក់ងារគ្រោះមហន្តរាយនៅខេត្ត Maguindanao បាននិយាយថា ពេលនេះយើងកំពុងប្រមូលផ្តុំក្រុមជួយសង្គ្រោះទាំងអស់ ដូច្នេះនឹងជួយដល់ការស្វែងរក និងប្រតិបត្តិការរបស់យើង៕អត្ថបទ៖ ប៊ុនថន

ស្វាមីលោកស្រី Pelosi ប្រធានសភាអាមេរិកត្រូវបានគេវាយយ៉ាងដំណំដោយញញួរនៅក្នុងលំនៅឋាន

អាមេរិក៖ អ្នកលបវាយប្រហារបានវាយលើស្វាមីរបស់ប្រធានសភាសហរដ្ឋអាមេរិកលោកស្រី Nancy Pelosi ដោយញញួរក្នុងលំនៅឋាននៅទីក្រុង San Francisco កាលពីថ្ងៃសុក្រ ដោយស្វែងរកមេដឹកនាំគណបក្សប្រជាធិបតេយ្យ ហើយស្រែកថា Nancy នៅឯណា Nancy នៅឯណា?។ លោក Paul Pelosi ត្រូវបានគេវាយបណ្តាលឲ្យរងរបួសក្បាលយ៉ាងដំណំ។ លោកត្រូវបានគេបញ្ជូនទៅមន្ទីរពេទ្យ Zuckerberg San Francisco General Hospital។ ស្ថានភាពរបស់លោកពុំទាន់ដឹងភ្លាមៗនៅឡើយទេ ប៉ុន្តែអ្នកនាំពាក្យរបស់លោកស្រី Pelosi បាននិយាយថា លោកនឹងជាសះស្បើយឡើងវិញ។ ក្រុមអ្នកស៊ើបអង្កេតជឿថា អ្នកលបវាយប្រហារបានចូលក្នុងលំនៅឋានដោយបំបែកទ្វារកញ្ចក់។ ការវាយប្រហារនេះបានចោទជាសំណួរអំពីសុវត្ថិភាពរបស់សមាជិកសភា និងក្រុមគ្រួសាររបស់ពួកគេ។ ការគំរាមកំហែងដល់សមាជិកសភាស្ថិតក្នុងកម្រិតខ្ពស់គ្រប់ពេលវេលារយៈពេលពីរឆ្នាំ បន្ទាប់ពីកុប្បកម្មនៅវិមានកាពីតូល។នៅក្នុងយុទ្ធនាការបោះឆ្នោតពាក់កណ្តាលអាណត្តិបច្ចុប្បន្ន ឧក្រិដ្ឋកម្ម និងសុវត្ថិភាពសាធារណៈបានលេចចេញការព្រួយបារម្ភ ក្នុងចំណោមប្រជាជនអាមេរិក។ ប្រធានាធិបតីលោក Joe Biden បានថ្កោលទោសការវាយប្រហារលើស្វាមីរបស់ប្រធានសភាលោកស្រី Nancy Pelosi ក្នុងពេលថ្លែងសុន្ទរកថានៅក្នុងព្រឹត្តិការណ៍ប្រជាធិបតេយ្យក្នុងទីក្រុង Philadelphia កាលពីល្ងាចថ្ងៃសុក្រ។ លោកប្រធានាធិបតីបានថ្លែងថា លោកបានទូរស័ព្ទទៅលោកស្រី Pelosi ដោយលោកបានធ្វើការថ្កោលទោសយ៉ាងខ្លាំង ចំពោះការវាយប្រហារដែលគួរឱ្យស្អប់ខ្ពើមនេះ៕អត្ថបទ៖ ប៊ុនថន

សម្តេចតេជោ ហ៊ុន សែន នឹងជួបពិភាក្សាជាមួយប្រធានាធិបតីអ៊ុយគ្រែនតាមទូរស័ព្ទនៅថ្ងៃទី១ ខែវិច្ឆិកាខាងមុខនេះ

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា នឹងជួបពិភាក្សាការ ងារមួយចំនួនជាមួយលោក Volodymyr Zelenskyy ប្រធានាធិបតីអ៊ុយគ្រែន តាមរយៈទូរស័ព្ទនាថ្ងៃទី១ ខែវិច្ឆិកា ឆ្នាំ២០២២ខាងមុខនេះ ខណៈកិច្ចពិភាក្សានេះក្នុងក្របខណ្ឌកិច្ចសហប្រតិបត្តិការអាស៊ាន និងអ៊ុយគ្រែន។ថ្លែងក្នុងឱកាសអញ្ជើញសំណេះសំណាល ផ្តល់ស្រូវពូជ និងស្បៀងអាហារ ជូនកសិករជាង៦ពាន់គ្រួសារដែលរងគ្រោះដោយទឹកជំនន់ នៅខេត្តកំពង់ធំ នាព្រឹកថ្ងៃទី២៩ ខែតុលា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្រ្តីបានបញ្ជាក់ថា សម្តេចនឹងជួបសន្ទនា ជាមួយប្រធានាធិបតីអ៊ុយគ្រែន តាមទូរស័ព្ទ ដោយកិច្ចសន្ទនានេះគឺធ្វើឡើងតាមការស្នើសុំរបស់ប្រធានាធិបតីអ៊ុយគ្រែន ដែលចង់ជួបពិភាក្សាជាមួយសម្តេចក្នុងនាមប្រធានអាស៊ាន។ជាមួយគ្នានោះដែរសម្តេចតេជោ ហ៊ុន សែន នាយករដ្ឋមន្រ្តីក៏បានបញ្ជាក់ផងដែរថា ក្នុងនាមសម្តេច ជាប្រធានអាស៊ានប្តូរវេនឆ្នាំ២០២២នេះ សម្តេចក៏បានអញ្ជើញលោក វីឡាឌីមៀ ពូទីន ប្រធានាធិបតីរុស្ស៊ី ឲ្យចូលរួមកិច្ចប្រជុំអាស៊ាន និងអាស៊ានបូក ដែលកម្ពុជាធ្វើជាម្ចាស់ផ្ទះក្នុងខែវិច្ឆិកា ឆ្នាំ២០២២ខាងមុខនេះដែរ ប៉ុន្តែរហូតមកដល់ពេលនេះប្រធានាធិបតីរូបនេះពុំទាន់មានការឆ្លើយតបយ៉ាងណានោះឡើយ។ សម្តេចតេជោ ហ៊ុន សែន ក៏បានបញ្ជាក់ផងដែរថា រដ្ឋមន្រ្តីក្រសួងការបរទេសអ៊ុយគ្រែន និងក្រសួងការបរទេសនៃប្រទេសអេស្បាញ និងចុះហត្ថលេខាជាមួយសម្តេច ដែលជាប្រធានអាស៊ានក្នុងក្របខណ្ឌកិច្ច សហប្រតិបត្តិការជាមួយអាស៊ាន-អ៊ុយគ្រែន និងអេស្បាញ៕ អត្ថបទ៖ បាន ចក់

បណ្ដាញសង្គម

ព័ត៌មានថ្មីៗ

ជនអន្តោប្រវេសន៍៖ភាពអត់ឃ្លាន និងអរិភាពជំរុញពួកគេឱ្យត្រឡប់មកពីទីក្រុងសេអ៊ូតា ប្រទេសអេស្ប៉ាញទៅកាន់ម៉ារ៉ុកវិញ

ម.អ.ត និងក្រសួងអប់រំចុះ MOU ដើម្បីលើកកម្ពស់កិច្ចសហប្រតិបត្តិការជួយនិស្សិតបន្តការសិក្សានៅថ្នាក់ឧត្តមសិក្សា

[UPDATE] ចំនួនអ្នកស្លាប់ពីគ្រោះរញ្ជួយដីនៅជប៉ុនឡើងដល់ជិត៤០នាក់ ខណៈមនុស្សជាង ៩ពាន់នាក់ស្នាក់នៅក្នុងជំរំបណ្ដោះអាសន្ន

មនុស្ស ១០នាក់ស្លាប់ក្នុងការវាយប្រហាររបស់រុស្ស៊ីលើរដ្ឋធានីគីវ ខណៈអ៊ុយក្រែនអំពាវនាវរកប្រព័ន្ធស្ទាក់ចាប់មីស៊ីលប៉ាទ្រីយ៉ូត

អ៊ីរ៉ង់គំរាមវាយប្រហារទីតាំងថាមពលរបស់ប្រទេសដទៃទៀត ប្រសិនបើអាមេរិកបើកការវាយប្រហារថ្មី

អាមេរិកជំរុញឱ្យពលរដ្ឋរបស់ខ្លួននៅមជ្ឈិមបូព៌ាត្រៀមខ្លួនចាកចេញក្នុងករណីមានការកើនឡើងភាពតានតឹង

សហភាពអឺរ៉ុបកោះប្រជុំបន្ទាន់ ដើម្បីពិភាក្សាស្ដីពីវិបត្តិជនអន្តោប្រវេសន៍ពីម៉ារ៉ុកចូលទីក្រុង Ceuta របស់អេស្ប៉ាញ

សមត្ថកិច្ចបង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

កូរ៉េខាងត្បូងកាន់ទុក្ខផ្លូវការ ដល់ជនរងគ្រោះជាន់គ្នាស្លាប់ក្នុងពិធីបុណ្យហាឡូវីន

អាមេរិកនិយាយថា គោលនយោបាយកូរ៉េខាងជើងពុំមានការផ្លាស់ប្តូរនោះទេ

លោក Putin និងលោក Shoigu ពិភាក្សាពីការធ្វើឲ្យប្រសើរឡើងការហ្វឹកហ្វឺនសម្រាប់ទាហានកេណ្ឌ

កម្លាំងព្រំដែនអ៊ុយក្រែនប្រុងប្រៀបនៅព្រំដែនប្រទេសបេឡារុស

សម្តេចតេជោ ហ៊ុន សែន អញ្ជើញជួបសំណេះសំណាលជាមួយមន្ត្រីរាជការ និងកងកម្លាំងប្រដាប់អាវុធ ខេត្តកំពង់ធំ

ចំនួនអ្នកស្លាប់ដោយសារព្យុះត្រូពិច Nalgae នៅហ្វីលីពីនបានកើនឡើងដល់ ៧២នាក់

ស្វាមីលោកស្រី Pelosi ប្រធានសភាអាមេរិកត្រូវបានគេវាយយ៉ាងដំណំដោយញញួរនៅក្នុងលំនៅឋាន

សម្តេចតេជោ ហ៊ុន សែន នឹងជួបពិភាក្សាជាមួយប្រធានាធិបតីអ៊ុយគ្រែនតាមទូរស័ព្ទនៅថ្ងៃទី១ ខែវិច្ឆិកាខាងមុខនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

កូរ៉េខាងត្បូងកាន់ទុក្ខផ្លូវការ ដល់ជនរងគ្រោះជាន់គ្នាស្លាប់ក្នុងពិធីបុណ្យហាឡូវីន

អាមេរិក​និយាយថា គោលនយោបាយ​កូរ៉េខាងជើង​ពុំមាន​ការផ្លាស់ប្តូរ​នោះទេ​

លោក Putin និងលោក Shoigu ពិភាក្សា​ពី​ការធ្វើ​ឲ្យ​ប្រសើរឡើង​ការហ្វឹកហ្វឺន​សម្រាប់​ទាហាន​កេណ្ឌ

កម្លាំង​ព្រំដែន​អ៊ុយ​ក្រែ​ន​ប្រុងប្រៀប​នៅ​ព្រំដែន​ប្រទេស​បេឡា​រុស​

សម្តេចតេជោ ហ៊ុន សែន អញ្ជើញ​ជួបសំណេះ​សំណាល​ជាមួយ​មន្ត្រីរាជការ និង​កងកម្លាំង​ប្រដាប់អាវុធ ខេត្តកំពង់ធំ

ចំនួន​អ្នកស្លាប់​ដោយសារ​ព្យុះ​ត្រូពិច Nalgae នៅ​ហ្វីលីពីន​បាន​កើន​ឡើង​ដល់ ៧២​នាក់

ស្វាមី​លោកស្រី​ Pelosi ប្រធាន​សភា​អាមេរិក​ត្រូវ​បាន​គេ​វាយ​យ៉ាង​ដំណំ​ដោយ​ញញួរ​នៅ​ក្នុង​លំនៅឋាន​

សម្តេចតេជោ ហ៊ុន សែន នឹងជួបពិភាក្សាជាមួយប្រធានាធិបតីអ៊ុយគ្រែនតាមទូរស័ព្ទនៅថ្ងៃទី១ ខែវិច្ឆិកាខាងមុខនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អាមេរិកនិយាយថា គោលនយោបាយកូរ៉េខាងជើងពុំមានការផ្លាស់ប្តូរនោះទេ

លោក Putin និងលោក Shoigu ពិភាក្សាពីការធ្វើឲ្យប្រសើរឡើងការហ្វឹកហ្វឺនសម្រាប់ទាហានកេណ្ឌ

កម្លាំងព្រំដែនអ៊ុយក្រែនប្រុងប្រៀបនៅព្រំដែនប្រទេសបេឡារុស

សម្តេចតេជោ ហ៊ុន សែន អញ្ជើញជួបសំណេះសំណាលជាមួយមន្ត្រីរាជការ និងកងកម្លាំងប្រដាប់អាវុធ ខេត្តកំពង់ធំ

ចំនួនអ្នកស្លាប់ដោយសារព្យុះត្រូពិច Nalgae នៅហ្វីលីពីនបានកើនឡើងដល់ ៧២នាក់

ស្វាមីលោកស្រី Pelosi ប្រធានសភាអាមេរិកត្រូវបានគេវាយយ៉ាងដំណំដោយញញួរនៅក្នុងលំនៅឋាន