BTV NEWS

កាកបាទក្រហមកម្ពុជា ទទួលថវិកាពីសមាគមឧកញ៉ាកម្ពុជាចំនួន ១,០០៩,៩៩៩ ដុល្លារ អាមេរិក ក្នុងទិវា ៨ឧសភា ២០២៦

TOP STORY | សម្ដេចតេជោ ហ៊ុន សែន៖ «ពេលណាព្រំដែនគោកកម្ពុជា-ថៃនៅតែបន្តបិទ គ្រប់មុខទំនិញទាំងអស់ដែលនាំចូលឆ្លងកាត់ព្រំដែនគោកគឺទំនិញខុសច្បាប់ ជាទំនិញរត់ពន្ធ ជាទំនិញបំផ្លាញជាតិ និងប្រមាថជាតិ

សម្តេចតេជោ ហ៊ុន សែន ថ្លែងថា អាវក្រោះ និងសម្ភារយោធាម៉ាក DSS សុទ្ធតែមានគុណភាពហើយអាវការពារនេះនាយករដ្ឋមន្រ្តីបានសាករួចហើយ

សម្ដេចតេជោ ហ៊ុន សែន អញ្ជើញពិនិត្យមើលរោងចក្រ ផលិតសម្ភារៈយោធា DSS និងសំណេះសំណាលជាមួយកម្មករ កម្មការិនី

ព័ត៌មានសំខាន់ៗ

កងកម្លាំងសន្តិសុខបានសម្លាប់មនុស្សយ៉ាងតិច ៦០នាក់ ខណៈការតវ៉ានៅសាធារណៈរដ្ឋឆាដ

ឆាដ៖ អ្នកនាំពាក្យរដ្ឋាភិបាល និងមន្ត្រីនៅទីបញ្ចុះសពបាននិយាយថា កងកម្លាំងសន្តិសុខសាធារណៈរដ្ឋឆាដបានបាញ់ប្រហារទៅលើក្រុមបាតុករប្រឆាំងរដ្ឋាភិបាល នៅក្នុងទីក្រុងធំៗចំនួនពីររបស់ប្រទេសកាលពីថ្ងៃព្រហស្បតិ៍ បណ្តាលឲ្យមនុស្សយ៉ាងហោចណាស់ ៦០នាក់ស្លាប់។ អាជ្ញាធរបានដាក់បម្រាមគោចរបន្ទាប់ពីអំពើហិង្សា ដែលបានកើតឡើងក្នុងពេលមានបាតុកម្មនៅក្នុងប្រទេសអាហ្វ្រិកកណ្តាលមួយនេះ ប្រឆាំងការបន្តអំណាចរយៈពេលពីរឆ្នាំរបស់មេដឹកនាំបណ្តោះអាសន្នលោក Mahamat Idriss Deby ។ ភាពចលាចលកាលពីថ្ងៃព្រហស្បតិ៍ គឺជាហេតុការណ៍មិនធ្លាប់មានពីមុនមកនៅក្នុងសាធារណៈរដ្ឋឆាដ ដែលឃើញមានការមិនពេញចិត្តជាសាធារណៈក្នុងរបបមុនរបស់ឪពុកលោក Deby ដែលគ្រប់គ្រងរយៈពេលជាង ៣ទសវត្សរហូតដល់ការធ្វើឃាតលោកកាលពីឆ្នាំមុន។ ប្រទេសបារាំង សហភាពអាហ្វ្រិក និងប្រទេសដទៃទៀតបានថ្កោលទោសភ្លាមៗ ចំពោះការបង្ក្រាបរបស់សន្តិសុខលើក្រុមបាតុករ។លោក Samira Daoud នាយកប្រចាំតំបន់របស់អង្គការលើកលែងទោសអន្តរជាតិសម្រាប់អាហ្វ្រិកខាងលិច និងកណ្តាល បានអំពាវនាវដល់អាជ្ញាធរសាធារណៈរដ្ឋឆាដឱ្យបញ្ឈប់ជាបន្ទាន់ នូវការប្រើប្រាស់កម្លាំងហួសហេតុលើក្រុមបាតុករ។ អ្នកនាំពាក្យរដ្ឋាភិបាលឆាតលោក Aziz Mahamat Saleh បាននិយាយថា មនុស្ស ៣០នាក់បានស្លាប់នៅក្នុងរដ្ឋធានី N'Djamena ។ ទោះយ៉ាងណា អ្នករៀបចំបាតុកម្មបានដាក់ចំនួនអ្នកស្លាប់ខ្ពស់ជាងនេះរហូតដល់ ៤០នាក់ ខណៈមានអ្នករបួសជាច្រើនដោយសារគ្រាប់កាំភ្លើង។ យោងតាមមន្ត្រីនៅទីបញ្ចុះសពរបស់ទីក្រុងបានឲ្យដឹងថា បាតុករ ៣២នាក់ផ្សេងទៀតបានស្លាប់នៅក្នុងទីក្រុង Moundou ជាទីក្រុងធំទីពីររបស់សាធារណៈរដ្ឋឆាដ ហើយមន្ត្រីបានអះអាងថា មនុស្សជាង ៦០នាក់បានរងរបួស៕អត្ថបទ៖ ប៊ុនថន

លោកស្រីនាយករដ្ឋមន្ត្រី Liz Truss ជាមេដឹកនាំកាន់តំណែងរយៈពេលខ្លីជាងគេបំផុតក្នុងប្រវត្តិសាស្ត្រអង់គ្លេស

អង់គ្លេស៖ លោកស្រីនាយករដ្ឋមន្ត្រីអង់គ្លេស Liz Truss បានលាលែងពីតំណែងកាលពីថ្ងៃព្រហស្បតិ៍ ទី២០ ខែតុលា ឆ្នាំ២០២២ ក្រោយបរាជ័យក្នុងកញ្ចប់ថវិកាកាត់ពន្ធ ដែលបានធ្វើឲ្យរង្គោះរង្គើរដល់ទីផ្សារហិរញ្ញវត្ថុ និងបាននាំឲ្យមានការបះបោរនៅក្នុងគណបក្សអភិរក្សនិយមរបស់លោកស្រីខ្លួនឯង។ លោកស្រីគឺជានាយករដ្ឋមន្ត្រីនៃគណបក្សអភិរក្សនិយមទី៣ ដែលបានលាលែងពីតំណែងក្នុងរយៈពេលជាច្រើនឆ្នាំមកនេះ ហើយទុកឱ្យគណបក្សបែកខ្ញែកគ្នាមួយនេះ ស្វែងរកមេដឹកនាំអាចបង្រួបបង្រួមបក្សដែលមានវិវាទ។ លោកស្រី Truss ដែលបាននិយាយថា លោកស្រីនឹងបន្តកាន់តំណែង រហូតដល់អ្នកជំនួសតំណែងរបស់លោកស្រីត្រូវបានជ្រើសរើស លោកស្រីបានកាន់តំណែងជានាយករដ្ឋមន្ត្រីអង់គ្លេសត្រឹមតែ ៤៥ថ្ងៃប៉ុណ្ណោះ ហើយលោកស្រីវ័យ ៤៧ឆ្នាំរូបនេះគឺជានាយករដ្ឋមន្ត្រីកាន់តំណែងបានរយៈពេលតិចជាងគេបំផុត ក្នុងប្រវត្តិសាស្ត្ររបស់ចក្រភពអង់គ្លេស។ មុនឈានចូលកាន់តំណែងជានាយករដ្ឋមន្ត្រី លោកស្រី Liz Truss បានឈ្នះសំឡេងឆ្នោតគាំទ្រជាង ៥៧% ក្នុងការបោះឆ្នោតក្នុងគណបក្សតូរីដើម្បីជំនួសតំណែងលោក Boris Johnson ជានាយករដ្ឋមន្ត្រីអង់គ្លេស។លោកស្រី Liz Truss ឬ Mary Elizabeth Truss កើតថ្ងៃទី២៦ ខែកក្កដា ឆ្នាំ១៩៧៥ គឺជាអ្នកនយោបាយចក្រភពអង់គ្លេសដែលជាមេដឹកនាំគណបក្សអភិរក្សនិយម ហើយត្រូវតែងតាំងជានាយករដ្ឋមន្ត្រីនៃចក្រភពអង់គ្លេសកាលពីថ្ងៃទី៦ ខែកញ្ញា ឆ្នាំ២០២២ ស្របពេលដែលចក្រភពអង់គ្លេសប្រឈមបញ្ហាធំៗជាច្រើន។ លោកស្រី Truss ត្រូវបានជាប់ជាសមាជិកសភាក្នុងឆ្នាំ២០១០ តំណាងឲ្យសភាចក្រភពអង់គ្លេស។ លោកស្រីកាន់តួនាទីក្នុងលេខរៀងទី១ នៃឋានៈរដ្ឋាភិបាលក្រោមការដឹកនាំរបស់លោកនាយករដ្ឋ David Cameron និងជាឥស្សរជនជាន់ខ្ពស់មួយរូបដែលឈរខាងការធ្វើប្រជាមតិ ឲ្យចាកចេញពីសមាជិកសហភាពអឺរ៉ុប ឬ Brexit ឆ្នាំ២០១៦។ ក្រោមការដឹកនាំរបស់លោកស្រីនាយករដ្ឋមន្ត្រី Theresa May លោកស្រី Truss កាន់តំណែងជារដ្ឋមន្ត្រីក្រសួងយុត្តិធម៌ ក្រោយមកកាន់តួនាទីជារដ្ឋមន្ត្រីក្រសួងរតនាគារដែលជាតំណែងខ្ពស់បំផុតទី២ បន្ទាប់ពីរដ្ឋមន្ត្រីហិរញ្ញវត្ថុ៕អត្ថបទ៖ សុខមាន

សេតវិមាននិយាយថា អ៊ីរ៉ង់កំពុងជួយរុស្ស៊ីដោយផ្ទាល់យ៉ាងសកម្មនៅតំបន់ Crimea

អាមេរិក៖ សេតវិមានបានចោទប្រកាន់អ៊ីរ៉ង់ថា បានចូលរួមដោយផ្ទាល់ក្នុងតំបន់គ្រីមៀគ្រប់គ្រងដោយរុស្ស៊ី ដោយជួយបណ្ដុះបណ្ដាលកងកម្លាំងរបស់ប្រទេសនេះ ពីរបៀបប្រើប្រាស់យានដ្រូនផលិតដោយអ៊ីរ៉ង់ ដែលត្រូវបានប្រើក្នុងការវាយប្រហារនៅអ៊ុយក្រែន។ អ្នកនាំពាក្យក្រុមប្រឹក្សាសន្តិសុខជាតិអាមេរិកលោក John Kirby បាននិយាយកាលពីថ្ងៃព្រហស្បតិ៍ថា មានមន្ត្រីអ៊ីរ៉ង់មួយចំនួនតូចកំពុងធ្វើប្រតិបត្តិការនៅក្នុងតំបន់នេះរបស់អ៊ុយក្រែន ដែលត្រូវបានរុស្ស៊ីដាក់បញ្ចូលជាឧបសម្ព័ន្ធកាលពីឆ្នាំ២០១៤។ លោក Kirby និយាយថា ពេលនេះទីក្រុងតេអេរ៉ង់បានចូលរួមដោយផ្ទាល់យ៉ាងសកម្ម និងតាមរយៈការផ្ដល់អាវុធដែលកំពុងបង្កផលប៉ះពាល់លើជនស៊ីវិល និងហេដ្ឋារចនាសម្ព័ន្ធស៊ីវិលក្នុងប្រទេសអ៊ុយក្រែន។សហរដ្ឋអាមេរិកនឹងស្វែងរកគ្រប់មធ្យោបាយទាំងអស់ដើម្បីបញ្ជាក់ រារាំង និងប្រឈមទៅនឹងការផ្ដល់អាវុធទាំងនេះរបស់អ៊ីរ៉ង់ប្រឆាំងប្រជាពលរដ្ឋអ៊ុយក្រែន។ ទីក្រុងតេអេរ៉ង់បានទាត់ចោលការផ្គត់ផ្គង់ដល់ទីក្រុង Moscow នូវយានដ្រូន ឬជួយបាញ់អាវុធទាំងនោះ។ រុស្ស៊ីបានវាយប្រហារដោយយានដ្រូនយ៉ាងសន្ធាប់នៅទូទាំងប្រទេសអ៊ុយក្រែន ប៉ុន្តែវិមានក្រឹមឡាំងបានច្រានចោលរបាយការណ៍នានាដែលថា ខ្លួនកំពុងប្រើអាវុធរបស់អ៊ីរ៉ង់៕អត្ថបទ៖ សុខមាន

សម្តេចតេជោ ហ៊ុន សែន ប្រកាសលើកលែងទោសដល់បុគ្គលណាដែលសម្រេចដកខ្លួនចេញពីជនក្បត់ជាតិបីជំនាន់

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី ប្រកាសថា សម្តេចនឹងចុះហត្ថលេខា លើកលែងទោសចំពោះបុគ្គលណាក៏ដោយ ដែលសម្រេចដកខ្លួនចេញពីជនក្បត់ជាតិ បីជំនាន់ ខណៈជនក្បត់ជាតិនេះ សម្តេចនឹងកំចាត់ចោលនូវមនោគមវិជ្ជាជ្រុលនិយមនេះឲ្យខាងតែបាន។ថ្លែងក្នុងឱកាសជួបសំណេះសំណាលជាមួយប្រជាពលរដ្ឋជាច្រើនគ្រួសារបន្ថែមទៀត ដែលស្ម័គ្រចិត្តរើលំនៅឋាន និងសំណង់ផ្សេងៗចេញពីតំបន់រមណីយដ្ឋានអង្គរ និងតំបន់ស្ថិតក្រោមការគ្រប់គ្រងរបស់អាជ្ញាធរជាតិអប្សរា មករស់នៅតំបន់អភិវឌ្ឍន៍ថ្មីរុនតាឯក នាព្រឹកថ្ងៃទី២១ ខែតុលា ឆ្នាំ២០២២នេះ សម្តេចតេជោ ហ៊ុន សែន លើកឡើងថា ដោយសារតែជនរត់ចោលស្រុកមួយនេះ ម្តងហើយម្តងទៀតនៅតែចិញ្ចឹមចិត្តផ្តួលរំលំរាជរដ្ឋាភិបាលស្របច្បាប់ និងមានចេតនា បំផ្លិតបំផ្លាញសុខសន្តិភាព។សម្តេចបន្តថា ពេលនេះប្រទេសកម្ពុជា កំពុងមានសុខសន្តិភាពហើយនៅមានអ្នកអង្គុយចាំជេរ និងរិះគន់រហូតថា ការដឹកនាំរបស់សម្តេច អស់រយៈពេលជាង៤០ឆ្នាំមកនេះ ធ្វើឲ្យពលរដ្ឋក្រលំបាក គ្មានភាពរីកចម្រើន និងគ្មានអភិវឌ្ឍន៍អ្វីទាល់តែសោះ។ ជាមួយគ្នានោះដែរ សម្តេចតេជោ ហ៊ុន សែន នាយករដ្ឋមន្រ្តីក៏បានព្រមានជាថ្មីម្តងទៀតផងដែរថា ប្រសិនបើគណបក្សនយោបាយណាក៏ដោយ ដែលហ៊ានភ្ជាប់ខ្លួននឹងទណ្ឌិតសម រង្ស៊ី ដែលជាជនក្បត់ជាតិ បីជំនាន់នេះ សម្តេចនឹងប្តឹងទៅតុលាការឲ្យរំលាយគណបក្សនោះចោលភ្លាម។សម្តេចតេជោ ហ៊ុន សែន បញ្ជាក់ថា ពេលនេះប្រទេសកម្ពុជាកំពុង មានសុខសន្តិភាព ហើយសេក្តីសុខរបស់ប្រជាពលរដ្ឋនេះគឺសំខាន់ខ្លាំងណាស់ ដូច្នេះមនុស្សម្នាក់ចង់មកបំផ្លាញ គឺមិនអាចទៅរួចនោះឡើយ ដូច្នេះត្រូវតែកំចាត់ចោលភ្លាមៗតែម្តង៕(ដោយ៖ បាន ចក់)

អតីតនាយករដ្ឋមន្ត្រីអង់គ្លេសលោក Boris Johnson ត្រូវបានជំរុញឲ្យវិលត្រឡប់ជំនួសតំណែងលោកស្រី Liz Truss

អង់គ្លេស៖ ក្រុមសម្ព័ន្ធមិត្តរបស់អតីតនាយករដ្ឋមន្ត្រីលោក Boris Johnson បានជំរុញឲ្យលោកវិលត្រឡប់មកកាន់ឆាកនយោបាយវិញដ៏គួរឲ្យភ្ញាក់ផ្អើលកាលពីថ្ងៃព្រហស្បតិ៍ បន្ទាប់ពីការលាលែងពីតំណែងភ្លាមៗរបស់លោកស្រីនាយករដ្ឋមន្ត្រីអង់គ្លេស Liz Truss។ មានរយៈពេលត្រឹមតែ ១០៥ថ្ងៃប៉ុណ្ណោះ បន្ទាប់ពីការបះបោរឈានដល់ការបង្ខំឲ្យរូបលោកលាលែងពីតំណែង មានការលើកឡើងថា លោក Johnson បានវិលចូលប្រកួតប្រជែងមេដឹកនាំគណបក្សអភិរក្សនិយម ដែលនឹងឈានមកដល់ក្នុងពេលឆាប់ៗ។ លោក Johnson បានលាក់បាំងការអាក់អន់ចិត្តរបស់លោកតិចតួច ព្រោះតែត្រូវបានបង្ខំឲ្យចុះចេញពីតំណែង ហើយការរំពឹងទុកបានលេចឡើង សូម្បីមុនពេលលោកស្រី Truss ត្រូវបានបង្ខំឲ្យលាលែងពីតំណែងក៏ដោយ ថាលោកចង់ត្រឡប់ទៅកាន់តំណែងវិញ។ លោក Michael Fabricant ដែលជាអ្នកស្មោះត្រង់នឹងលោក Johnson បាននិយាយថា លោកជាអ្នកឈ្នះ និងជាសមាជិកសភាតែមួយគត់មានភាពស្របច្បាប់ ដែលត្រូវបានបោះឆ្នោតគាំទ្រយ៉ាងច្រើនដោយប្រទេសនេះ។ សមាជិកសភាម្នាក់ទៀតគឺលោក Stephen McPartland បាននិយាយថា តំណែងរបស់លោកត្រូវបានគាំទ្រដោយប្រជាជនក្នុងតំបន់ ដែលនិយាយថាយើងត្រូវតែនាំយកលោក Boris មកវិញ។ប៉ុន្តែសមាជិកសភាមកពីគណបក្សកាន់អំណាច Tory ផ្សេងទៀតគឺនៅឆ្ងាយពីការសាទរ។ លោក Robert Syms បាននិយាយថា លោក Johnson មិនមែនជាបេក្ខភាពលេចធ្លោរទេ ខណៈលោក Justin Tomlinson បាននិយាយថា ការត្រលប់មកវិញនេះគ្រាន់តែជាការគិតតាមបំណងប្រាថ្នាប៉ុណ្ណោះ។ Tomlinson បានប្រាប់ទូរទស្សន៍ Sky News ថា ខ្ញុំគ្រាន់តែគិតថាលឿនពេក។ ខ្ញុំនៅទីនោះគាំទ្រលោកដល់ទីបញ្ចប់ ប៉ុន្តែលោកបានធ្វើឲ្យបាត់បង់ទំនុកចិត្តពីសមាជិកសភាក្នុងបក្សភាគច្រើនរបស់យើង៕អត្ថបទ៖ សុខមាន

សម្តេចតេជោ ហ៊ុន សែន ៖ ពលរដ្ឋស្ម័គ្រចិត្តផ្លាស់ប្តូរទីលំនៅពីតំបន់រមណីយដ្ឋានអង្គរមករុនតាឯកមានជិត ៦ពាន់គ្រួសារហើយ

សៀមរាប៖ ក្នុងពិធីជួបសំណេះសំណាលជាមួយប្រជាពលរដ្ឋដែលបានស្ម័គ្រចិត្តផ្លាស់ប្តូរទីលំនៅពីតំបន់រមណីយដ្ឋានអង្គរ មករុនតាឯក ស្រុកបន្ទាយស្រី ជាលើកទី៣ នៅព្រឹកថ្ងៃទី២១តុលានេះ សម្តេចតេជោ បានសំដែងការរីករាយចំពោះការស្ម័គ្រចិត្តរបស់ប្រជាពលរដ្ឋដែលបានស្ម័គ្រចិត្តចេញពីតំបន់រមណីយដ្ឋានអង្គរទាំងអស់ដែលគិតមកដល់ថ្ងៃនេះមានអ្នកស្ម័គ្រចិត្តចេញមករស់នៅរុនតាឯកមានជិត ៦ពាន់គ្រួសារហើយ។សម្តេចតេជោ ប្រមុខរាជរដ្ឋាភិបាលនៅតែបញ្ជាក់រំលឹក ពីមូលហេតុដែលតម្រូវឱ្យមានការផ្លាស់ប្ដូរជាចាំបាច់នេះដោយសារតែរាជរដ្ឋាភិបាលត្រូវតែឆ្លើយតបឱ្យបានតាមលក្ខខណ្ឌតម្រូវរបស់អង្គការយូណេស្កូ ដែលកម្ពុជាយើងបានចុះប្រាសាទ និងតំបន់រមណីដ្ឋានអង្គរចូលក្នុងបញ្ជីបេតិកភណ្ឌពិភពលោកតាំងពីឆ្នាំ១៩៩២ មកដើម្បីអភិរក្សាថែរក្សាប្រាសាទអង្គរវត្តប្រាសាទ និងតំបន់រមណីយដ្ឋានអង្គរដែលជាមរតកសម្បត្តិវប្បធម៌ដ៏មានតម្លៃជាសកលដែលបន្សល់ទុកដោយបុព្វបុរស ដូនតាខ្មែរយើងរាប់ពាន់ឆ្នាំមកហើយនោះឱ្យគង់វង្ស។ សម្តេចបញ្ជាក់ថា គិតចាប់ពីថ្ងៃចាប់ឆ្នោតដំបូងរហូតមកដល់ពេលនេះមានអ្នកស្ម័គ្រចិត្តមករស់នៅរុនតាឯកជិត ៦ពាន់គ្រួសារហើយ។សូមបញ្ជាក់ថា គិតចាប់ពីថ្ងៃចាប់ឆ្នោតដំបូងនាថ្ងៃទី២៥ខែសីហា រហូតមកដល់ថ្ងៃទី២០តុលានេះ មានប្រជាពលរដ្ឋ៩.១៣៤គ្រួសារហើយដែលបានចាប់ឆ្នោតស្ម័គ្រចិត្តរុះរើចេញពីតំបន់រមណីដ្ឋានអង្គរមករស់នៅតំបន់អភិវឌ្ឍន៍ថ្មី៕ អត្ថបទ៖ មុត សុទ្ធ

សម្តេចតេជោ ហ៊ុន សែន បន្តជួបសំណេះសំណាល ជាមួយប្រជាពលរដ្ឋស្ម័គ្រចិត្តរើសំណង់ចេញពីតំបន់រមណីយដ្ឋានអង្គរបន្ថែមទៀត

សៀមរាប៖ នៅព្រឹកថ្ងៃសុក្រ ថ្ងៃទី២១ ខែតុលា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បន្តជួបសំណេះសំណាលជាមួយប្រជាពលរដ្ឋជាច្រើនគ្រួសារបន្ថែមទៀត ដែលបានស្ម័គ្រចិត្តរើលំនៅឋាន និងសំណង់ផ្សេងៗចេញពីតំបន់រមណីយដ្ឋានអង្គរ និងតំបន់ស្ថិតក្រោមការគ្រប់គ្រងរបស់អាជ្ញាធរជាតិអប្សរា មករស់នៅតំបន់អភិវឌ្ឍន៍ថ្មី រុនតាឯក។ តាមការឲ្យដឹងពី ឯកឧត្តម ឧបនាយករដ្ឋមន្ត្រី ជា សុផារ៉ា បានឲ្យដឹងថា គិតចាប់ពីថ្ងៃចាប់ឆ្នោតដំបូង នាថ្ងៃទី២៥ ខែសីហា ឆ្នាំ២០២២ រហូតមកដល់ថ្ងៃទី ២០ ខែតុលា ឆ្នាំ២០២២ នេះ មានប្រជាពលរដ្ឋសរុបចំនួន ៩១៣៤ គ្រួសារហើយ ដែលបានមកចាប់ឆ្នោត៕

សម្តេចអគ្គមហាពញាចក្រី ហេង សំរិន ទទួលជួបសម្តែងការគួរសមជាមួយឯកឧត្តមប្រធានាធិបតី នៃសាធារណរដ្ឋប្រជាធិបតេយ្យទីម័រឡេស្តេ

ភ្នំពេញ ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា បានទទួលជួបសម្តែងការគួរសមជាមួយ ឯកឧត្តមបណ្ឌិត ចូហ្សេ រ៉ាម៉ូស ហ៊រតា (José Ramos Horta) ប្រធានាធិបតី នៃសាធារណរដ្ឋប្រជាធិបតេយ្យទីម័រឡេស្តេ នៅវិមានរដ្ឋសភា នារសៀលថ្ងៃទី២០ ខែតុលា ឆ្នាំ២០២២នេះ ខណៈ ឯកឧត្តម ប្រធានាធិបតី បំពេញទស្សនកិច្ចជាផ្លូវការនិងមិត្តភាពនៅកម្ពុជា។ឯកឧត្តមបណ្ឌិត ចូហ្សេ រ៉ាម៉ូស ហ៊រតា បានសម្តែងការអបអរសាទរ និងក្តីសប្បាយរីករាយដោយឃើញកម្ពុជាមានការអភិវឌ្ឍយ៉ាងឆាប់រហ័ស។ ឯកឧត្តមប្រធានាធិបតី បានថ្លែងអំណរគុណយ៉ាងជ្រាលជ្រៅដល់កម្ពុជា ដែលបានគំាទ្រយ៉ាងខ្លំាងក្លាដល់ប្រទេសទីម័រឡេស្តេ ក្នុងការបានចូលជាសមាជិកអាស៊ាន នៅក្នុងឆ្នាំ២០២២នេះ។ ប្រទេសទីម័រឡេស្តេ នឹងខិតខំជំរុញទំនាក់ទំនងជាមួយកម្ពុជាលើគ្រប់វិស័យឱ្យរឹងមាំថែមទៀត នៅក្នុងពេលឆាប់ៗខាងមុខនេះ ទីម័រឡេស្តេនិងកម្ពុជា នឹងមានជើងហោះហើរត្រង់ជាមួយគ្នា។ សម្តេចអគ្គមហាពញាចក្រី ហេង សំរិន បានចាត់ទុកដំណើរទស្សនកិច្ចរបស់ឯកឧត្តមប្រធានាធិបតី នៅកម្ពុជា នឹងរួមចំណែកពង្រឹង និងពង្រីកទំនាក់ទំនងមិត្តភាព និងកិច្ចសហប្រតិបត្តិការកម្ពុជា-ទីម័រឡេស្តេ ឱ្យបានកាន់តែប្រសើរឡើងថែមមួយកម្រិតទៀត។ សម្តេចបានបញ្ជាក់ថា កម្ពុជាបានគំាទ្រពេញទំហឹងចំពោះប្រទេសទីម័រឡេស្តេ ចូលជាសមាជិកអាស៊ានទី១១ និងចូលជាសមាជិក អន្តរសភាអាស៊ាន សម្រាប់សភាប្រទេសទីម័រឡេស្តេ ផងដែរ។សម្តេចអគ្គមហាពញាចក្រី ហេង សំរិន បានលើកឡើងថា ការបន្តថែរក្សាទំនាក់ទំនងមិត្តភាព និងកិច្ចសហ ប្រតិបត្តិការជាទ្វេភាគី និងក្នុងក្របខ័ណ្ឌសហគម អាស៊ាន ពិតជាមានសារសំខាន់ នៅក្នុងកាលៈទេសៈបច្ចុប្បន្ន និងទៅអនាគត ដែលសភាពការណ៍សកលលោក មានការប្រែប្រួល ការវិវឌ្ឍឥតឈប់ឈរ៕

មនុស្ស ២១នាក់បានស្លាប់ដោយសារពុលស្រានៅក្នុងប្រទេសប៉េរូ

ប៉េរូ៖ យ៉ាងហោចណាស់មនុស្ស ២១នាក់ត្រូវបានគេរកឃើញថាបានស្លាប់នៅតាមដងផ្លូវនៃទីក្រុង Huanuco ប្រទេសប៉េរូកាលពីសប្តាហ៍កន្លងទៅនេះ បន្ទាប់ពីតាមការចោទប្រកាន់បានឲ្យដឹងថា ពួកគេបានប្រើប្រាស់គ្រឿងស្រវឹងមានផ្ទុកសារធាតុពុល។ មនុស្សមួយចំនួនត្រូវបានគេបញ្ជូនទៅព្យាបាល ប៉ុន្តែមនុស្សភាគច្រើនបានស្លាប់បាត់ទៅហើយ នៅពេលអាជ្ញាធរបានចុះមកដល់។ អាជ្ញាធរបានចុះពិនិត្យនៅទីផ្សារក្នុងតំបន់ ស្រាវជ្រាវរកប្រភពនៃសារធាតុពុល ដោយប្រមូលយកសំណាកស្រាមានតម្លៃថោកៗជាច្រើនមុខ ដែលត្រូវបានដាក់លក់មកពិនិត្យ។ លោក Vilma Llanto Cuenca នាយកសេវាសុខភាពប្រចាំតំបន់បាននិយាយថា ការធ្វើតេស្តអាចចំណាយពេលមួយសប្តាហ៍ មុនពេលកំណត់អត្តសញ្ញាណស្រាដែលមានសារធាតុពុលនេះ៕អត្ថបទ៖ ប៊ុនថន

រុស្ស៊ីចាប់ផ្ដើមជម្លៀសជនស៊ីវិល និងមន្ត្រីរាប់ម៉ឺននាក់នៅតំបន់ Kherson ខណៈអ៊ុយក្រែនវាយលុកខ្លាំង

រុស្ស៊ី៖ តំបន់ Kherson ស្ថិតក្នុងចំណោមទីក្រុងដំបូងគេរបស់អ៊ុយក្រែន ដែលត្រូវបានដណ្តើមយកដោយកងកម្លាំងរុស្ស៊ី ខណៈពេលនេះអាជ្ញាធរដែលលើកបន្តុបដោយទីក្រុងមូស្គូ កំពុងត្រៀមលក្ខណៈសម្រាប់ការវាយលុករបស់អ៊ុយក្រែន ដើម្បីដណ្តើមយកទីក្រុងនេះមកវិញ ដោយបានប្រាប់ប្រជាជនក្នុងតំបន់ថា នឹងមានការបាញ់ផ្លោង និងជម្លៀសប្រជាជនចេញ។ ទីភ្នាក់ងារសារព័ត៌មានរដ្ឋ RIA Novosti បានរាយការណ៍ថា សារជាអក្សរកាលពីថ្ងៃពុធបានជំរុញឱ្យប្រជាជនចាកចេញពីទីក្រុងនៅភាគខាងត្បូង។ ទូរទស្សន៍រដ្ឋរុស្ស៊ីបានបង្ហាញពីប្រជាជនប្រមូលផ្តុំគ្នា នៅកំពង់ផែនៃទន្លេក្នុងតំបន់មួយកន្លែង រង់ចាំការជម្លៀសទៅកាន់ត្រើយខាងឆ្វេងនៃទន្លេ Dnieper។ យោងតាមការរាយការណ៍តាមទូរទស្សន៍បានឲ្យដឹងថា អាជ្ញាធរដែលត្រូវបានតែងតាំងដោយទីក្រុងមូស្គូនៅតំបន់ Kherson មានផែនការជម្លៀសជនស៊ីវិលរហូតដល់ ៦ម៉ឺននាក់ក្នុងរយៈពេល ៦ថ្ងៃខាងមុខនេះ។តំបន់ Kherson ដែលក្រុងមានឈ្មោះដូចគ្នាគឺជាតំបន់មួយក្នុងចំណោមតំបន់ចំនួន ៤ ដែលបានដាក់បញ្ចូលជាឧបសម្ព័ន្ធទៅក្នុងប្រទេសរុស្ស៊ីកាលពីខែមុន។ លោក Vladimir Saldo ប្រធានតំបន់ដែលត្រូវបានតែងតាំងដោយទីក្រុងមូស្គូនិយាយកាលពីថ្ងៃអង្គារថា កងទ័ពរុស្ស៊ីកំពុងសាងសង់ជញ្ជាំងបន្ទាយការពារទ្រង់ទ្រាយធំ។ កាលពីសប្តាហ៍មុន លោក Saldo បានជំរុញឱ្យប្រជាជនតំបន់ Kherson ជម្លៀសទៅកាន់ប្រទេសរុស្ស៊ី ដែលអាជ្ញាធររុស្ស៊ីសន្យាផ្តល់ជំនួយក្នុងការធ្វើដំណើរ និងកន្លែងស្នាក់នៅដោយមិនគិតថ្លៃដល់អ្នកដែលចាកចេញ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

យន្តហោះចម្បាំងស៊ុយអែត ស្ទាក់យន្តហោះប្រយុទ្ធរបស់រុស្ស៊ី នៅជិតព្រំដែន

លីបង់រាយការណ៍ពីការវាយប្រហាររបស់អ៊ីស្រាអែលនៅភាគខាងត្បូង ក្រោយមានការព្រមានជម្លៀស

ប៉ាគីស្ថាន និងអេហ្ស៊ីបស្វាគមន៍វឌ្ឍនភាព រវាងអាមេរិក និងអ៊ីរ៉ង់ ដោយសង្ឃឹមមានកិច្ចព្រមព្រៀងសន្តិភាពដំបូង

ចំនួនអ្នកស្លាប់ដោយសាររញ្ជួយដី នៅហ្វីលីពីន កើនឡើងដល់ ៦១នាក់ ខណៈប្រតិបត្តិការជួយសង្គ្រោះកំពុងបន្ត

នាយករដ្ឋមន្ត្រីឥណ្ឌា លោក Modi ចាប់ផ្តើមដំណើរទស្សនកិច្ចផ្លូវការទៅកាន់បារាំង និងស្លូវ៉ាគី

[UPDATE] គ្រោះថ្នាក់ធ្លាក់យន្តហោះរបស់កងទ័ពអាកាសឥណ្ឌា មានអ្នកស្លាប់ ៥នាក់

យន្តហោះដឹកជញ្ជូនយោធាធ្លាក់ នៅឥណ្ឌា ខណៈចំនួនអ្នកស្លាប់ និងរបួស មិនទាន់ដឹងនៅឡើយទេ

ឱកាសការងារ ៣៥៥០កន្លែង ជាមួយនឹងអត្ថប្រយោជន៍ ប.ស.ស. និងកម្មវិធី TVET ត្រូវបាននាំយកទៅផ្សព្វផ្សាយជូនពលរដ្ឋដល់មូលដ្ឋានខេត្តសៀមរាប

វិស័យរដ្ឋបញ្ជាក់ពីការប្តេជ្ញាចិត្តក្នុងការជួយពង្រឹងការយល់ដឹងអំពីច្បាប់ និងនីតិវិធីគយដល់វិស័យ SMEs

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

កងកម្លាំងសន្តិសុខបានសម្លាប់មនុស្សយ៉ាងតិច ៦០នាក់ ខណៈការតវ៉ានៅសាធារណៈរដ្ឋឆាដ

លោកស្រីនាយករដ្ឋមន្ត្រី Liz Truss ជាមេដឹកនាំកាន់តំណែងរយៈពេលខ្លីជាងគេបំផុតក្នុងប្រវត្តិសាស្ត្រអង់គ្លេស

សេតវិមាននិយាយថា អ៊ីរ៉ង់កំពុងជួយរុស្ស៊ីដោយផ្ទាល់យ៉ាងសកម្មនៅតំបន់ Crimea

សម្តេចតេជោ ហ៊ុន សែន ប្រកាសលើកលែងទោសដល់បុគ្គលណាដែលសម្រេចដកខ្លួនចេញពីជនក្បត់ជាតិបីជំនាន់

អតីតនាយករដ្ឋមន្ត្រីអង់គ្លេសលោក Boris Johnson ត្រូវបានជំរុញឲ្យវិលត្រឡប់ជំនួសតំណែងលោកស្រី Liz Truss

មនុស្ស ២១នាក់បានស្លាប់ដោយសារពុលស្រានៅក្នុងប្រទេសប៉េរូ

រុស្ស៊ីចាប់ផ្ដើមជម្លៀសជនស៊ីវិល និងមន្ត្រីរាប់ម៉ឺននាក់នៅតំបន់ Kherson ខណៈអ៊ុយក្រែនវាយលុកខ្លាំង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

កងកម្លាំង​សន្តិសុខ​បាន​សម្លាប់​មនុស្ស​យ៉ាងតិច ​៦០​នាក់ ខណៈ​ការតវ៉ា​នៅ​សាធារណៈរដ្ឋ​ឆាដ

សេត​វិមាន​និយាយថា ​អ៊ីរ៉ង់​កំពុង​ជួយ​រុស្ស៊ី​ដោយផ្ទាល់​យ៉ាងសកម្ម​នៅ​តំបន់ Crimea

សម្តេចតេជោ ហ៊ុន សែន ប្រកាសលើកលែងទោសដល់បុគ្គលណាដែលសម្រេចដកខ្លួនចេញពីជនក្បត់ជាតិបីជំនាន់

អតីត​នាយករដ្ឋមន្ត្រី​អង់គ្លេស​លោក Boris Johnson ត្រូវបាន​ជំរុញ​ឲ្យ​វិលត្រឡប់​ជំនួស​តំណែង​លោកស្រី Liz Truss

មនុស្ស ២១នាក់​បាន​ស្លាប់​ដោយសារ​ពុល​ស្រា​នៅក្នុង​ប្រទេស​ប៉េ​រូ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កងកម្លាំងសន្តិសុខបានសម្លាប់មនុស្សយ៉ាងតិច ៦០នាក់ ខណៈការតវ៉ានៅសាធារណៈរដ្ឋឆាដ

សេតវិមាននិយាយថា អ៊ីរ៉ង់កំពុងជួយរុស្ស៊ីដោយផ្ទាល់យ៉ាងសកម្មនៅតំបន់ Crimea

អតីតនាយករដ្ឋមន្ត្រីអង់គ្លេសលោក Boris Johnson ត្រូវបានជំរុញឲ្យវិលត្រឡប់ជំនួសតំណែងលោកស្រី Liz Truss

មនុស្ស ២១នាក់បានស្លាប់ដោយសារពុលស្រានៅក្នុងប្រទេសប៉េរូ