BTV NEWS

សម្ដេចធិបតី ហ៊ុន ម៉ាណែត ដឹកនាំកិច្ចប្រជុំពេញអង្គគណៈរដ្ឋមន្ត្រី នៅវិមានសន្តិភាព ដើម្បីពិភាក្សា និងឆ្លងលើរបៀបវារៈមួយចំនួន

សម្ដេចតេជោ ហ៊ុន សែន អញ្ជើញចូលក្រាបថ្វាយបង្គុំគាល់ព្រះករុណាព្រះមហាក្សត្រ និងសម្តេចព្រះមហាក្សត្រី

សម្តេចតេជោអញ្ជើញជួបពិភាក្សាការងារជាមួយប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនចិន

សម្តេចតេជោ ហ៊ុន សែន ដឹកនាំគណៈប្រតិភូជាន់ខ្ពស់ អញ្ជើញទៅបំពេញទស្សនកិច្ចផ្លូវការ នៅប្រទេសចិន នាព្រឹកថ្ងៃនេះ

ព័ត៌មានសំខាន់ៗ

មនុស្ស ១៥នាក់ស្លាប់ និងការបំផ្លិចបំផ្លាញកាន់តែខ្លាំង ខណៈគ្រាប់រ៉ូកែតរុស្ស៊ីធ្លាក់ចំប្លុកអគារលំនៅឋានរបស់អ៊ុយក្រែន

អ៊ុយក្រែន៖ ក្រុមមន្ត្រីបាននិយាយកាលពីថ្ងៃអាទិត្យថា មនុស្ស ១៥នាក់ស្លាប់ និងជាង ២០នាក់ត្រូវគេបារម្ភថាបានជាប់ក្នុងគំនរកម្ទេចថ្ម ក្រោយគ្រាប់រ៉ូកែតរបស់រុស្ស៊ីប៉ះចំប្លុកអគារលំនៅឋានកម្ពស់ ៥ជាន់នៅក្នុងតំបន់ Donetsk ភាគខាងកើតអ៊ុយក្រែន ខណៈក្រុមអ្នកជួយសង្គ្រោះបានជីកកកាយតាមគំនរកម្ទេចថ្ម។ អ៊ុយក្រែនក៏បានរាយការណ៍ផងដែរ ពីការប៉ះទង្គិចគ្នាជាមួយទាហានរុស្ស៊ីនៅសមរភូមិជួរមុខ ក្នុងភាគខាងកើត និងខាងត្បូង ខណៈដែលក្រុង Moscow អះអាងថា កងកម្លាំងរបស់ខ្លួនបានវាយប្រហារលើឃ្លាំងស្តុកកាំភ្លើងធំ M777 ផលិតដោយសហរដ្ឋអាមេរិករបស់ទាហានអ៊ុយក្រែនជិតទីក្រុង Kostyantynivka ក្នុងតំបន់ Donetsk។ អភិបាលតំបន់ Donetsk លោក Pavlo Kyrylenko បាននិយាយថា ការវាយប្រហារលើអគារអឹផាតមិនបានកើតឡើងកាលពីល្ងាចថ្ងៃសៅរ៍នៅក្នុងទីក្រុង Chasiv Yar។ អង្គភាពសង្គ្រោះបន្ទាន់ប្រចាំតំបន់បានផ្ដល់ចំនួនអ្នកស្លាប់ ១៥នាក់កាលពីរសៀលថ្ងៃអាទិត្យ។លោក Kyrylo Tymoshenko អនុប្រធានការិយាល័យប្រធានាធិបតីអ៊ុយក្រែន បានសរសេរលើបណ្ដាញសង្គមថា មនុស្ស ៦នាក់ត្រូវបានជួយសង្គ្រោះចេញពីគំនរកម្ទេចថ្មនៅទីក្រុង Chasiv Yar ហើយថា មនុស្ស ២៣នាក់រួមទាំងកុមារម្នាក់នៅតែត្រូវបានកប់ក្នុងកម្ទេចថ្មនៅឡើយ៕អត្ថបទ៖ សុខមាន

សម្ដេចតេជោ ហ៊ុន សែន ផ្តល់អនុសាសន៍ ៤ចំណុចដើម្បីត្រៀមធ្វើម្ចាស់ផ្ទះប្រកួតកីឡាប៉ារ៉ានិងកីឡាអាស៊ីអាគ្នេយ៍បានជោគជ័យ

ភ្នំពេញ៖ ថ្លែងក្នុងពិធីបើកកិច្ចប្រជុំក្រុមប្រឹក្សាសហព័ន្ធកីឡាអាស៊ានប៉ារ៉ា និងក្រុមប្រឹក្សាសហព័ន្ធកីឡាអាស៊ីអាគ្នេយ៍ នៅសណ្ឋាគារសុខាភ្នំពេញព្រឹកថ្ងៃទី១១ ខែកក្កដានេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានផ្តល់អនុសាសន៍៤ចំណុចដល់ស្ថាប័នពាក់ព័ន្ធដើម្បីយើងត្រៀមធ្វើម្ចាស់ផ្ទះប្រកួតកីឡាប៉ារ៉ានិងកីឡាអាស៊ីអាគ្នេយ៍នៅឆ្នាំ២០២៣បានជោគជ័យ។សម្ដេចតេជោ ហ៊ុន សែន បានមានប្រសាសន៍ថា ដើម្បីត្រៀមធ្វើជាម្ចាស់ផ្ទះរៀបចំព្រឹត្តិការណ៍កីឡាដ៏ធំ ជាប្រវត្តិសាស្រ្តនេះឱ្យទទួលបានជោគជ័យខ្ពស់ សម្តេចសូមដាក់ចេញគោលការណ៍ និងផ្តល់អនុសាសន៍គន្លឹះបន្ថែមមួយចំនួន ពោលគណៈកម្មាធិការជាតិរៀបចំការប្រកួតកីឡាស៊ីហ្គេម និងអាស៊ានប៉ារ៉ាហ្គេម ឆ្នាំ ២០២៣ ត្រូវយកចិត្តទុកដាក់លើគ្រប់មុខសញ្ញា គ្រប់គ្រងព្រឹត្តិការណ៍សំខាន់ៗឱ្យបានរួចរាល់ និងទាន់ពេល ពិសេសការងារដែលត្រូវការពេលយូរ ត្រូវចាប់ផ្ដើមពីពេលនេះតទៅ ៖ ទី១. គណៈកម្មាធិការជាតិរៀបចំការប្រកួតកីឡាស៊ីហ្គេម និងអាស៊ានប៉ារ៉ាហ្គេម ឆ្នាំ ២០២៣ ត្រូវយកចិត្តទុកដាក់លើគ្រប់មុខសញ្ញា គ្រប់គ្រងព្រឹត្តិការណ៍សំខាន់ៗឱ្យបានរួចរាល់ និងទាន់ពេល ពិសេសការងារដែលត្រូវការពេលយូរ ត្រូវចាប់ផ្ដើមពីពេលនេះតទៅ ដូចជាការជួសជុលកែលម្អទីលានប្រកួតការរៀបចំប្រព័ន្ធគ្រប់គ្រងបច្ចេកវិទ្យា ជីអឹមអេស(GMS) ការរៀបចំពិធីបើក និងពិធីបិទ ព្រមទាំងការរៀបចំកន្លែងស្នាក់នៅ ហូបចុក និងដឹកជញ្ជូនជាដើម ។ ជាមួយនេះ ត្រូវជំរុញឱ្យបានខ្លាំងថែមទៀត ក្នុងការអភិវឌ្ឍកម្រិតបច្ចេកទេសកីឡា រួមទាំងកីឡាល្បុក្កតោខ្មែរ និងកីឡាយុទ្ធគុនឥណ្ឌូណេស៊ី ដែលមានឈ្មោះថា ស៊ីឡាត់ (Silat) ដែលទទួលបានការឯកភាព ជួយពីឯកឧត្តមរដ្ឋមន្ត្រីការពារជាតិនៃប្រទេសឥណ្ឌូនេស៊ី និង កីឡាយូដូ ពីឯកឧត្តមអតីតឯកអគ្គរដ្ឋទូតជប៉ុន ។ ទី២.សម្តេចសូមអំពាវនាវសារជាថ្មីដល់ប្រព័ន្ធផ្សព្វផ្សាយរដ្ឋ និងឯកជនចូលរួមយុទ្ធនាការផ្សព្វផ្សាយ និងយុទ្ធនាការលាងសម្អាតផ្ទះ និងសង្គមយើង តាមរយៈយុទ្ធនាការ “ប្រជាជន ម្នាក់លេងកីឡាមួយមុខយ៉ាងតិចប្រចាំជីវិត ” “កម្ពុជាស្អាត បដិសណ្ឋារកិច្ចល្អ សេវាល្អ” “ កម្ពុជាកាត់បន្ថយគ្រោះថ្នាក់ចរាចរណ៍ និងកាត់បន្ថយឥទ្ធិពលគ្រឿងញៀន” និង “កីឡារស់ក្នុងសន្តិភាព” ឱ្យបានផុសផុល ទាំងក្នុង និងក្រៅប្រទេស ។ ទី៣ . សម្តេចសូមស្នើក្រសួងអប់រំយុវជន និងកីឡា ពិនិត្យ លទ្ធភាពពន្យារវិស្សមកាលតូច ក្នុងអំឡុងពេលចូលឆ្នាំខ្មែរប្រពៃណីជាតិរហូតដល់ថ្ងៃទី ១៨ ខែ ឧសភា ឆ្នាំ ២០២៣ ដើម្បី ផ្តល់ឱកាសឱ្យសិស្ស-និស្សិតចូលរួមបម្រើការងារជាអ្នកស្ម័គ្រចិត្ត និងចូលរួមអបអរសាទរលើកទឹកចិត្តកីឡាករ កីឡាការិនីជាតិ-អន្តរជាតិ ។ ទី៤. សម្តេចសូមអំពាវនាវបណ្តាប្រទេសសមាជិកស៊ីហ្គេម និងអាស៊ានប៉ារ៉ាហ្គេម មេត្តាផ្តល់នូវការគាំទ្រក្នុងគ្រប់ទម្រង់តាមដែលអាចធ្វើទៅបាន ដើម្បីឱ្យការរៀបចំការប្រកួតកីឡា ស៊ីហ្គេម និងអាស៊ានប៉ារ៉ាហ្គេម ឆ្នាំ ២០២៣ ទទួលបាន ជោគជ័យ៕

ព្រះមហាក្សត្រខ្មែរផ្ញើព្រះរាជសាររំលែកទុក្ខចំពោះមរណភាពឯកឧត្តម ស៊ីនហ្សូ អាបេ អតីតនាយករដ្ឋមន្រ្តីជប៉ុន

ភ្នំពេញ៖ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានថ្វាយព្រះរាជសារជូន ព្រះចៅអធិរាជជប៉ុន ណារុហ៊ីតុ (NARUHITO) ចំពោះមរណភាពរបស់អតីតនាយករដ្ឋមន្ត្រីជប៉ុនឯកឧត្តម សិនហ្សូ អាបេ ដែលបានទទួលមរណភាព កាលពីថ្ងៃទី៨ កន្លងទៅដោយសារជនទុច្ចរិតបានបាញ់ប្រហារយ៉ាងព្រៃផ្សៃ ខណៈដែលឯកឧត្តមកំពុងតែថ្លែងសុន្ទរកថា ក្នុងការឃោសនាមួយនៅទីក្រុងណារ៉ាប្រទេសជប៉ុន។ យោងតាមព្រះរាជសាររបស់ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ដែលទូរទស្សន៍BTVទទួលបាននាព្រឹកថ្ងៃទី១១ ខែកក្កដា ឆ្នាំ២០២២នេះ បានមានព្រះរាជបន្ទូលថា ព្រះអង្គពិតជាមានអារម្មណ៍សោកសៅយ៉ាងក្រៃលែង ដែលទទួលបានដំណឹងមរណភាព របស់ឯកឧត្ដម អាបេ សិនហ្សូ អតីតនាយករដ្ឋមន្ត្រីជប៉ុន (ពីឆ្នាំ២០០៦ ដល់ឆ្នាំ២០០៧ និងពីឆ្នាំ២០១២ ដល់ឆ្នាំ២០២០)។នៅក្នុងព្រះរាជសាររបស់ព្រះអង្គ បានមានបន្ទួលលើកឡើងទៀតថា«ប្រទេសកម្ពុជាទាំងមូល ប្រជាជន រដ្ឋាភិបាល សភាជាតិ គ្រួសាររាជ្យវង្ស និងខ្លួនខ្ញុំផ្ទាល់សូមចូលរួម រំលែកទុក្ខដ៏ក្រៀមក្រំជាមួយព្រះចៅអធិរាជ និងប្រជាជាតិជប៉ុនទាំងមូល។ យើងទាំងអស់គ្នាសូមគោរព និងរំលឹកដល់វិញ្ញាណក្ខន្ធដល់ ឯកឧត្ដមអតីតនាយករដ្ឋមន្ត្រី អាបេ សិនហ្សូ ដែលបានពលីជីវិត ដើម្បីបុព្វហេតុជប៉ុន»។ «ខ្ញុំចងចាំជានិច្ចនូវអនុស្សាវរីយ៍របស់ខ្ញុំជាមួយឯកឧត្ដមនាយករដ្ឋមន្ត្រីអាបេ សិនហ្សូ ក្នុងឱកាសនៃដំណើរទស្សនកិច្ចរបស់ខ្ញុំទៅកាន់ទីក្រុង តូក្យូ កាលពីខែតុលា ឆ្នាំ២០១៩ ដើម្បីចូលរួមពិធីឡើងគ្រងរាជ្យសម្បត្តិ របស់ព្រះអង្គជាព្រះចៅអធិរាជជប៉ុន»។នៅក្នុងព្រះរាជសារនេះព្រះករុណាព្រះបាទ សម្តេចព្រះបរមនាថ នរោត្តម សីហមុនី បានមានបន្ទូលទៀតថា ប្រជាជនកម្ពុជាទាំងប្រុស ទាំងស្រី នឹងមិនអាចបំភ្លេចបានឡើងនូវគុណ និងការគំាទ្រយ៉ាងមានតម្លៃ ដែលឯកឧត្ដមនាយករដ្ឋមន្ត្រី អាបេ សិនហ្សូ ដែលបានចូលរួមចំណែកក្នុងនាមប្រទេសជប៉ុន ដើម្បីជួយកម្ពុជាលើវិស័យស្ថាបនាជាតិ។ឯកឧត្តម ស៊ីនហ្សូ អាបេ អតីតនាយករដ្ឋមន្រ្តីជប៉ុន បានទទួលមរណភាពក្នុងវ័យ៦៧ឆ្នាំ។ ការបាត់បងជីវិតរបស់រដ្ឋបុរសជប៉ុនរូបនេះ ដោយសារតែជនទុច្ចរិតបានបាញ់ប្រហារយ៉ាងព្រៃផ្សៃ កាលពីថ្ងៃទី៨ ខែកក្កដា ឆ្នាំ២០២២កន្លងទៅថ្មីៗនេះ។ ក្រោយពីឮដំណឹងចំពោះមរណភាពឯកឧត្តម ស៊ិនហ្សូ អាបេនេះ ថ្នាក់ដឹកនាំបណ្តាពិភពលោក រួមទាំងថ្នាក់ដឹកនាំកម្ពុជា អ្នកនយោបាយជាន់ខ្ពស់កម្ពុជា និងប្រជាជនកម្ពុជា បានចូលរួមចំពោះមរណទុក្ខដ៏គួរឲ្យរន្ធត់មួយនេះ។ជាមួយនឹងមរណភាពរបស់ឯកឧត្តម ស៊ីនហ្សូអាបេនេះ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជាបានប្រកាសឲ្យមានការកាន់ទុក្ខនៅទូទាំងប្រទេសកម្ពុជា ដោយប្រកាសឲ្យមានការបង្ហូតទង់ជាតិពាក់កណ្តាលដង នាថ្ងៃអាទិត្យទី១០ម្សិលមិញផងដែរ ដោយសម្តេចតេជោ នាយករដ្ឋមន្រ្តីបានថ្លែងថាមរណភាពរបស់ឯកឧត្តម អាបេ ស៊ិនហ្សូ មិនត្រឹមតែជាការបាត់ប្រកបដោយភាពសោកស្តាយ តក់ស្លុត រន្ធត់ និងអាឡោះអាល័យសម្រាប់តែប្រជាពលរដ្ឋជប៉ុនប៉ុណ្ណោះ តែសម្រាប់ប្រជាពលរដ្ឋនៅលើពិភពលោក រួមទាំងប្រជាពលរដ្ឋកម្ពុជាផងដែរ។នៅរសៀលថ្ងៃទី១១ ខែកក្កដានេះ សម្តេចតេជោ ហ៊ុន សែន នាយករដ្ឋមន្ត្រី ក៏នឹងដឹកនាំគណៈប្រតិភូជាន់ខ្ពស់ នៃរាជរដ្ឋាភិបាល ចូលរួមគោរពវិញ្ញាណក្ខន្ធ ឯកឧត្តម ស៊ីនហ្សូ អាបេ នៅស្ថានទូតជប៉ុនប្រចាំកម្ពុជាផងដែរ៕ អត្ថបទ៖ បាន ចក់

សម្ដេចតេជោ ហ៊ុន សែន ៖ នយោបាយគ្មានស្តង់ដារពិតប្រាកដទេ តែកីឡាមានស្តង់ដារសកលពិតប្រាកដ

ភ្នំពេញ ៖ ក្នុងខណៈអញ្ជើញថ្លែងសុន្ទរកថាបើកកិច្ចប្រជុំក្រុមប្រឹក្សាសហព័ន្ធកីឡាអាស៊ានប៉ារ៉ា និងក្រុមប្រឹក្សាសហព័ន្ធកីឡាអាស៊ីអាគ្នេយ៍ នៅសណ្ឋាគារសុខាភ្នំពេញព្រឹកថ្ងៃទី១១ ខែកក្កដានេះ សម្តេចតេជោ ហ៊ុន សែន នាយករដ្ឋមន្ត្រី បានអញ្ជើញថ្លែងសុន្ទរកថាដោយគូសបញ្ជាក់ថា សម្តេចធ្លាប់បានលើកឡើងហើយថានយោបាយគ្មានស្តង់ដារពិតប្រាកដទេ តែកីឡាមានស្តង់ដារសកលពិតប្រាកដ។សម្តេចថាកីឡាមានច្បាប់កីឡាតែ១ បទបញ្ជាប្រកួតតែ១។សម្ដេចតេជោ ហ៊ុន សែន មានប្រសាសន៍បន្តថា ដើម្បីត្រៀមធ្វើជាម្ចាស់ផ្ទះរៀបចំព្រឹត្តិការណ៍កីឡាដ៏ធំជាប្រវត្តិសាស្រ្តនេះឲ្យទទួលបានជោគជ័យខ្ពស់ សម្ដេចបានដាក់ចេញនូវគោលការណ៍និងអនុសាសន៍គន្លឹះមួយចំនួនដូចជា គណៈកម្មាធិការជាតិរៀបចំការប្រកួតកីឡាស៊ីហ្គេមនិងអាស៊ានប៉ារ៉ាហ្គេមឆ្នាំ ២០២៣ ត្រូវយកចិត្តទុកដាក់លើគ្រប់មុខសញ្ញា គ្រប់គ្រងព្រឹត្តិការណ៍សំខាន់ៗអោយបានរួចរាល់ និងទាន់ពេលជាពិសេសការងារដែលត្រូវការពេលយូរ ត្រូវចាប់ផ្ដើមពីពេលនេះតទៅ ដូចជាការជួសជុលកែលម្អទីលានប្រកួត រៀបចំប្រព័ន្ធគ្រប់គ្រងបច្ចេកវិទ្យាជីអឹមអេស ការរៀបចំពិធីបើកនិងពិធីបិទព្រមទាំងការរៀបចំកន្លែងស្នាក់នៅហូបចុកនិងដឹកជញ្ជូនជាដើម។ ជាមួយនេះ ត្រូវជំរុញឲ្យបានខ្លាំង ថែមទៀត ក្នុងការអភិរក្សកម្រិតបច្ចេកទេស កីឡារួមទាំងកីឡាបុក្កតោខ្មែរនិងកីឡាយុទ្ធគុនឥណ្ឌូណេស៊ីដែលទទួលបានការឯកភាពជួយពីឯកឧត្តមរដ្ឋមន្ត្រីការពារជាតិនៃប្រទេសឥណ្ឌូនេស៊ីនិងកីឡាយូដូរពីអតីតឯកឧត្តមឯកអគ្គរដ្ឋទូតជប៉ុន។គួរបញ្ជាក់ថា កិច្ចប្រជុំក្រុមប្រឹក្សាសហព័ន្ធកីឡាអាស៊ីអាគ្នេយ៍ លើកទី២ SEAGF Council Meeting ប្រព្រឹត្តទៅនៅ ថ្ងៃទី១១ ដល់ថ្ងៃទី១៣ ខែកក្កដា ឆ្នាំ២០២២ មានប្រទេសចូលរួមចំនួន១១ប្រទេស មានប្រតិភូចូលរួមប្រជុំ ប្រមាណចំនួន១០០នាក់។កិច្ចប្រជុំយកចិត្តទុកដាក់ទៅលើការអនុម័តលើប្រភេទកីឡា និងការលក់សិទ្ធិ ទូរទស្សន៍ និងការកែសម្រួលធម្មនុញ្ញសហព័ន្ធកីឡាអាស៊ីអាគ្នេយ៍ឱ្យស្របទៅនឹងនិន្នាការរបស់ប្រទេស កម្ពុជា ដែលជាឱកាសផ្ដល់ឱ្យប្រទេសជាសមាជិកទាំងអស់ និងសមាសជិកក្រុមប្រឹក្សាសហព័ន្ធកីឡាអាស៊ី អាគ្នេយ៍ បានធ្វើការសង្កេតការណ៍ទៅលើហេដ្ឋារចនាសម្ព័ន្ធទីលានប្រកួតកីឡាទៅតាមស្តង់ដារលក្ខណៈ បច្ចេកទេសអន្តរជាតិ ជាពេលវេលាដែលយើងអាចបង្ហាញទៅគ្រប់សមាជិកទាំងអស់ កម្ពុជាបានបោះ ជំហានលើផ្លូវត្រឹមត្រូវ គោរពតាមស្តង់ដារកីឡាអន្តរជាតិជានិច្ច ដើម្បីឱ្យការរៀបចំព្រឹត្តិការណ៍ស៊ីហ្គេមទទួល បានជោគជ័យ៕

ក្រសួងការងារ និងបណ្តុះបណ្តាលវិជ្ជាជីវៈ ផ្សព្វផ្សាយការដាក់ឲ្យអនុវត្តរបបសន្តិសុខសង្គមផ្នែកប្រាក់សោធនសម្រាប់បុគ្គលទាំងឡាយដែលស្ថិតនៅក្រោមបទប្បញត្តិនៃច្បាប់ស្តីពីការងារ

ភ្នំពេញ៖ ក្រសួងការងារ និងបណ្តុះបណ្តាលវិជ្ជាជីវៈ នៅព្រឹកថ្ងៃទី១១ ខែកក្កដា ឆ្នាំ២០២២នេះ បានរៀបចំកិច្ចប្រជុំផ្សព្វផ្សាយការដាក់ឲ្យអនុវត្តរបបសន្តិសុខសង្គមផ្នែកប្រាក់សោធនសម្រាប់បុគ្គលទាំងឡាយដែលស្ថិតនៅក្រោមបទប្បញត្តិនៃច្បាប់ស្តីពីការងារនៅទីស្តីការក្រសួង។ កិច្ចប្រជុំនេះ បានប្រព្រឹត្តទៅក្រោមអធិបតីភាពរបស់ឯកឧត្តមអ៊ិត សំហេង រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ និងជាប្រធានក្រុមប្រឹក្សាភិបាលនៃបេឡាជាតិរបបសន្តិសុខសង្គម។ សូមបញ្ជាក់ របបប្រាក់សោធន នឹងផ្តល់ឲ្យបុគ្គលិកក្នុងវិស័យឯកជន អាចទទួលបានអត្ថប្រយោជន៍របបនេះ ដូចនឹងបុគ្គលិកក្នុងវិស័យរដ្ឋដែរ។ លើសពីនេះទៀត គឺអនុវត្តចំពោះបុគ្គលទាំងឡាយណាដែលស្ថិតនៅក្រោមបទប្បញ្ញត្តិនៃច្បាប់ស្តីពីការងារ ដោយរាប់បញ្ចូលទាំងបុគ្គលដែលធ្វើការចាប់ពី ២កន្លែងឡើងទៅ។ សម្រាប់ការបង់ភាគលើរបបប្រាក់សោធននេះ សម្រាប់រយៈពេល ៥ឆ្នាំដំបូង ត្រូវកំណត់ក្នុងអត្រាស្មើនឹង ៤ភាគរយ នៃប្រាក់ឈ្នួលជាប់ភាគទាន។ ក្នុងនោះ ២ភាគរយ ជាបន្ទុកនិយោជក និង ២ភាគរយ ជាបន្ទុកកម្មករនិយោជិត។ ការបង់ភាគទានផ្នែកប្រាក់សោធនត្រូវធ្វើជាប្រចាំខែ៕

សម្តេចតេជោ ហ៊ុន សែន អញ្ជើញជាអធិបតីបើកកិច្ចប្រជុំ ក្រុមប្រឹក្សាសហព័ន្ធកីឡាអាស៊ានប៉ារ៉ាហ្គេម និងក្រុមប្រឹក្សាសហព័ន្ធកីឡាអាស៊ីអាគ្នេយ៍

ភ្នំពេញ៖ នៅព្រឹកថ្ងៃទី១១ ខែកក្កដា ឆ្នាំ២០២២ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីភាពនៅក្នុងកិច្ចប្រជុំ ដើម្បីពិភាក្សាលើកិច្ចការនានាត្រៀមឆ្ពោះទៅរកការប្រកួតប៉ារ៉ាហ្គេម និងស៊ីហ្គេម ដែលកម្ពុជាធ្វើជាម្ចាស់ផ្ទះនៅឆ្នាំ២០២៣ខាងមុខ។ កិច្ចប្រជុំសហព័ន្ធទាំងពីរខាងលើ នឹងត្រូវធ្វើឡើងរយៈពេល៣ថ្ងៃ គឺចាប់ពីថ្ងៃទី១១ ដល់ថ្ងៃទី១៣ ខែ កក្កដា ២០២២ ។សូមបញ្ជាក់ថា កម្ពុជា នឹងធ្វើជាម្ចាស់ផ្ទះលើកដំបូងនៃការប្រកួតកីឡាអាស៊ីអាគ្នេយ៍ ឬស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ នៅថ្ងៃទី០៥ ខែឧសភា ឆ្នាំ២០២៣។ កម្ពុជា បានចាប់ផ្តើមរាប់ថយក្រោយរយៈពេល៣០០ថ្ងៃ ឆ្ពោះទៅកាន់ការប្រកួតស៊ីហ្គេម កាលពីថ្ងៃទី០៨ ខែកក្កដា ឆ្នាំ២០២២។ការធ្វើជាម្ចាស់ផ្ទះរៀបចំការប្រកួតកីឡាអាស៊ីអាគ្នេយ៍នៅឆ្នាំ២០២៣ គឺជាព្រឹត្តិការណ៍ជាប្រវត្តិសាស្ត្រថ្មីមួយទៀត សម្រាប់កម្ពុជា។ កម្ពុជាមិនអាចធ្វើជាម្ចាស់ផ្ទះរៀបចំការប្រកួតនេះបានឡើយ ប្រសិនបើកម្ពុជាខ្វះហេដ្ឋារចនាសម្ព័ន្ធផ្នែកកីឡា និងមិនមានធនធានថវិកាទេនោះ។កម្ពុជានឹងត្រូវចំណាយថវិកាប្រមាណ ៣០លានដុល្លារសម្រាប់រៀបចំការប្រកួតកីឡាអាស៊ានប៉ារ៉ាហ្គេម និងកីឡាអាស៊ីអាគ្នេយ៍។ ក្នុងនោះកម្ពុជា បានសន្សំប្រាក់សម្រាប់ចំណាយលើការប្រកួតនេះក្នុងមួយឆ្នាំប្រមាណជា ៤០ពាន់លានរៀល ឬស្មើនឹង ១០លានដុល្លារអាមេរិក។ដើម្បីឈានឆ្ពោះទៅកាន់ការរៀបចំព្រឹត្តិការណ៍ជាប្រវត្តិសាស្ត្រនេះ កម្ពុជា បានយកចិត្តទុកដាក់ខ្ពស់លើការងារជាច្រើន ជាពិសេសការងារផ្សព្វផ្សាយព្រឹត្តិការណ៍ប្រកួតស៊ីហ្គេមលើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ខាងមុខនោះ ៕

ប្រទេសជប៉ុនកាន់ទុក្ខចំពោះមរណភាពអតីតនាយករដ្ឋមន្ត្រីជប៉ុនលោក Shinzo Abe

ជប៉ុន៖ ប្រជាជនកាន់ទុក្ខជាច្រើននាក់បានសម្រុកទៅកាន់ទីតាំង ដែលអតីតនាយករដ្ឋមន្ត្រីជប៉ុនលោក Shinzo Abe ត្រូវបានគេធ្វើឃាត។ សាកសពរបស់លោកត្រូវបានដឹកទៅកាន់ទីក្រុងតូក្យុពីទីក្រុង Nara ជាកន្លែងដែលលោកត្រូវបានបាញ់ប្រហារ ខណៈកំពុងធ្វើយុទ្ធនាការបោះឆ្នោត។ អ្នកកាន់ទុក្ខបានតម្រង់ជួរដ៏វែងនៅថ្ងៃសៅរ៍នេះ នៅទីតាំងកើតហេតុដែលលោក Abe ត្រូវបានគេធ្វើឃាត ជាការបញ្ជូនរលកនៃភាពតក់ស្លុតតាមរយៈប្រទេសដែលត្រូវបានគេដឹងថា មានកម្រិតអំពើហិង្សាទាប និងមានច្បាប់កាំភ្លើងតឹងរ៉ឹងបំផុត។ រថយន្តដឹកសពដែលដឹកភរិយាលោក Abe លោកស្រី Akie ត្រូវបានគេជឿថា ដង្ហែសាកសពរបស់លោកពីទីក្រុង Nara ភាគខាងលិចទៅកាន់ទីក្រុងតូក្យូនៅព្រឹកថ្ងៃសៅរ៍នេះ។នគរបាលនិយាយថា អ្នកនយោបាយដ៏ល្បីឈ្មោះម្នាក់របស់ប្រទេសជប៉ុនកំពុងធ្វើយុទ្ធនាការបោះឆ្នោត នៅពេលនោះបុរសវ័យ ៤១ឆ្នាំម្នាក់បានបាញ់លោកដោយប្រើកាំភ្លើងកែច្នៃ។ ប្រព័ន្ធផ្សព្វផ្សាយរដ្ឋ NHK បានរាយការណ៍ថា ជនសង្ស័យបានសារភាពដល់នគរបាលថា ខ្លួនមិនពេញចិត្តចំពោះលោក Abe និងមានបំណងសម្លាប់លោក៕អត្ថបទ៖ ប៊ុនថន

កូនឈើជិតមួយម៉ឺនបួនពាន់ដើមត្រូវបានដាំ ដើម្បីអបអរសាទរពិធី រុក្ខទិវា ៩ កក្កដា ២០២២

បាត់ដំបង៖ បន្ទាប់ពីអាក់ខានប្រារព្ធពិធី រុក្ខទិវា ៩ កក្ដដា ២ឆ្នាំកន្លងមកនេះ ដោយសារការរីករាលដាលនៃជំងឺឆ្លងកូវីដ-១៩ នាឆ្មាំ២០២២នេះ កូនឈើជិតមួយម៉ឺនបួនពាន់ដើម ត្រូវបានដាំលើផ្ទៃដីដប់ហិកតា នាស្ថានីយផ្សព្វផ្សាយ និងស្ដារព្រៃឈើសំបួសមាស ខេត្តបាត់ដំបង ដើម្បីអបអរសាទរ ពិធី រុក្ខទិវា ៩ កក្កដា ២០២២ ក្រោមព្រះរាជាធិបតីភាពដ៏ខ្ពង់ខ្ពស់បំផុត ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត។ជារៀងរាល់ឆ្នាំនៅថ្ងៃទី០៩ ខែកក្កដា គឺជាទិវាដ៏មហានក្ខត្តឬក្សវិសេសវិសាលដែលព្រះរាជាណាចក្រកម្ពុជា តែងតែប្រារព្ធឡើងនូវព្រះរាជពិធីដាំកូនឈើ ដែលហៅថា «រុក្ខទិវា» ក្រោមព្រះរាជាធិបតីភាពដ៏ខ្ពង់ខ្ពស់បំផុតរបស់ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត។ ប៉ុន្តែ២ឆ្នាំកន្លងនេះ ដោយសារតែការរីករាលដាលនៃជំងឺឆ្លងកូវីដ-១៩ រាជរដ្ឋាភិបាលកម្ពុជាក៏បានសម្រេចឱ្យផ្អាកការរៀបចំព្រះរាជពិធីដ៏ឧត្តុង្គឧត្តម និងមានអត្ថន័យនេះ។ព្រះរាជពិធី «រុក្ខទិវា» ដែលប្រារព្ធឡើងយ៉ាងមហោឡារឹកនេះ ក៏មានការអញ្ជើញចូលរួមពីសម្តេចវិបុលសេនាភក្តី សាយ ឈុំ ប្រធានព្រឹទ្ធសភា សម្តេចពញ្ញាចក្រី ហេង សំរិន ប្រធានរដ្ឋសភា សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ព្រមទាំងសមាជិកព្រឹទ្ធសភា រដ្ឋសភា មន្ត្រីជាន់ខ្ពស់រាជរដ្ឋាភិបាល បណ្ដាឯកអគ្គរដ្ឋទូត និងឯកអគ្គរាជទូតនានាប្រចាំនៅកម្ពុជា ព្រមទាំងថ្នាក់ដឹកនាំ មន្ត្រីរាជការមកពីខេត្តបាត់ដំបង ខេត្តប៉ៃលិន ខេត្តបន្ទាយមានជ័យ ខេត្តពោធិ៍សាត់ ខេត្តកំពង់ឆ្នាំង ខេត្តសៀមរាប និងខេត្តឧត្តរមានជ័យ និងប្រជាពលរដ្ឋយ៉ាងច្រើនកុះករ។របាយការណ៍របស់ក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា សម្រាប់ រុក្ខទិវា ឆ្នាំ២០២២នេះ ក្រសួងកសិកម្ម រុក្ខាប្រមាញ់ និងនេសាទ បានសហការជាមួយគណៈកម្មាធិការជាតិរៀបចំបុណ្យជាតិ-អន្តរជាតិ និងអាជ្ញាធរខេត្តបាត់ដំបង ដោយបានជ្រើសរើសកំណត់យកទីតាំងសម្រាប់ប្រារព្ធពិធី រុក្ខទិវា នេះស្ថិតនៅស្ថានីយផ្សព្វផ្សាយ និងស្តារព្រៃឈើសំបួរមាស ក្នុងភូមិសំបួរមាស ឃុំស្នឹង ស្រុកបាណន់ ខេត្តបាត់ដំបង ដែលស្ថានីយនេះត្រូវបានបង្កើតឡើងតាមរយៈប្រកាសរបស់ក្រសួងកសិកម្ម រុក្ខាប្រមាញ់ និងនេសាទ លេខ២៦៧ ប្រក.កសក ចុះថ្ងៃទី១២ ខែមេសា ឆ្នាំ២០១៧ ក្នុងគោលបំណងដាំស្តារព្រៃឈើឡើងវិញ អភិវឌ្ឍន៍ចំណេះដឹងបច្ចេកទេសដាំឈើ បំផុសការចូលរួមដាំឈើ ដើម្បីទប់ស្កាត់ការហូរច្រោះជីជាតិដី កែលម្អគុណភាពដី អភិវឌ្ឍន៍ជីវៈចម្រុះ រួមចំណែកកាត់បន្ថយឧស្ម័នផ្ទះកញ្ចក់លើភពផែនដី ទប់ស្កាត់ការប្រែប្រួលអាកាសធាតុ និងទ្រទ្រង់សកម្មភាពផ្សេងៗទៀតជាច្រើនសម្រាប់ផលប្រយោជន៍របស់ប្រជាសហគមន៍។ រីឯផ្ទៃដីប្រារព្ធ រុក្ខទិវា នាពេលនេះមានទំហំ ១០ហិកតា នៃផ្ទៃដីស្ថានីយផ្សព្វផ្សាយ និងស្តារព្រៃឈើសំបួរមាស ទំហំ ២៦,១៣ហិកតា ហើយកូនឈើដែលត្រូវយកមកដាំមានដើមធ្នង់ ច្រេស គីនីន គ្រញូង ឈើទាល និងម៉ៃសាក់ សរុបទាំងអស់ចំនួន ១៣ ៩៤០ដើម និងបានត្រៀមកូនឈើសម្រាប់ដាំជួសមួយចំនួនទៀត។រុក្ខទិវានេះដែរ ក៏ត្រូវបានខកខានក្នុងការប្រារព្ធបន្ទាប់ពីប្រទេសកម្ពុជា បានជួបនូវវិបត្តិនយោបាយ និងសង្គ្រាម ក្រោយថ្ងៃរដ្ឋប្រហារ ថ្ងៃទី១៨ ខែមីនា ឆ្នាំ១៩៧០។ ដោយផ្អែកលើចក្ខុវិស័យដ៏ត្រចះត្រចង់ និងដើម្បីបន្តស្នាព្រះហស្ថដ៏ថ្លៃថ្លារបស់ព្រះករុណា ព្រះមហាវីរក្សត្រ រាជរដ្ឋាភិបាលកម្ពុជា បានប្រកាសបង្កើតឡើងវិញនូវ «រុក្ខទិវា» តាមសេចក្តីសម្រេចលេខ០៨ ស.ស.រ ចុះថ្ងៃទី១២ ខែមករា ឆ្នាំ១៩៩០ របស់ក្រុមប្រឹក្សារដ្ឋមន្ត្រី ដែលត្រូវប្រារព្ធឡើងនៅថ្ងៃទី០៩ ខែកក្កដា ហើយច្បាប់ស្តីពីព្រៃឈើឆ្នាំ២០០២ បានកំណត់ទិវាពលកម្មដាំដើមឈើជាប្រពៃណីជាតិ ហៅ «រុក្ខទិវា» នេះនៅថ្ងៃទី០៩ ខែកក្កដា ជារៀងរាល់ឆ្នាំ។គិតចាប់ពីឆ្នាំ១៩៩២ រហូតមកដល់ឆ្នាំ២០១៩ ពិធី «រុក្ខទិវា» បានប្រារព្ធនៅតាមបណ្តារាជធានី-ខេត្តចំនួន ១៤ទូទាំងប្រទេសសរុបចំនួន ២៩លើក នៅលើផ្ទៃដីទំហំ ៤៧០ហិកតា ៦៤អា។ ប៉ុន្តែដោយសារប្រទេសជាតិជួបវិបត្តិជាសាកលនៃជំងឺកូវីដ១៩ កម្ពុជា បានអាក់ខានពុំបានរៀបចំពិធី «រុក្ខទិវា» ចំនួនពីរឆ្នាំ គឺឆ្នាំ២០២០ និង២០២១ ដើម្បីចូលរួមទប់ស្កាត់ការរាតត្បាតជំងឺឆ្លងជាសាកលនៅក្នុងសហគមន៍។ពិធី « រុក្ខទិវា » គឺជាចលនាបំផុសបំផុលការដាំដុះដើមឈើដ៏ធំមួយ និងជាប្រពៃណីដ៏ល្អផូរផង់ឧត្តុង្គឧត្តមនៃព្រះរាជាណាចក្រកម្ពុជា ដែលចលនានេះចាប់មានតាំងពី សម័យសង្គមរាស្រ្តនិយម ក្រោមព្រះរាជបូជនីយកិច្ចផ្ដួចផ្ដើម និងដឹកនាំដោយព្រះករុណា ព្រះបាទសម្តេច ព្រះនរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ ព្រះបរមរតនកោដ្ឋ ព្រះវររាជបិតាកសិកម្មជាតិ ជាទីគោរពសក្ការៈដ៏ខ្ពង់ខ្ពស់បំផុត ពិធីនេះបានចាប់កកើតតាំងពីទសវត្ស៣០ មកម៉្លេះ ដោយមានការចូលរួមយ៉ាងផុសផុលពីប្រជាពលរដ្ឋគ្រប់ស្រទាប់វណ្ណៈ និងបានក្លាយទៅជាសកម្មភាពយ៉ាងធំទូលំទូលាយ ក្នុងចលនាទិវាពលកម្មដាំដើមឈើនៅក្នុងសង្គមដែលទីបំផុតត្រូវបានទទួលស្គាល់ជាពិធីប្រពៃណីជាតិមួយហៅថា «ពិធីរុក្ខទិវា» ដែលបានកំណត់ដោយព្រះរាជកិច្ច លេខ៧៣៨ នស.រកត ចុះថ្ងៃទី០៨ ខែសីហា ឆ្នាំ១៩៥២។ម្យ៉ាងទៀតបច្ចុប្បន្ន « រុក្ខទិវា » ត្រូវបានទទួលស្គាល់ជាផ្លូវការដោយមានចែងក្នុងច្បាប់ស្ដីពីព្រៃឈើ នាឆ្នាំ២០០២ ជំពូក១២ មាត្រា៦០ បានចែងថា ដើម្បីជម្រុញការអប់រំប្រជាពលរដ្ឋឱ្យយល់ដឹងពីសារសំខាន់ និងផលប្រយោជន៍ព្រៃឈើ ទិវាពលកម្មដាំកូនឈើ ជាប្រពៃណីជាតិហៅថា «រុក្ខទិវា» ត្រូវបានប្រារព្ធធ្វើឡើងនៅថ្ងៃទី ៩ ខែកក្កដា ជារៀងរាល់ឆ្នាំ ក្រោមព្រះរាជអធិបតីភាពដ៏ខ្ពង់ខ្ពស់ របស់ព្រះមហាក្សត្រនៃព្រះរាជាណាចក្រកម្ពុជា ឬព្រះរាជតំណាង។ ទិវានេះពិតជាមានអត្ថន័យដ៏ឧដ្តុង្គឧត្តម និងឧត្តមប្រយោជន៍ដ៏ជ្រាលជ្រៅចំពោះប្រទេសជាតិ បានឆ្លុះបញ្ចាំងពីភាពរឹងមាំនៃការកសាងគ្រឹះសេដ្ឋកិច្ចជាតិ ក្រោមកិច្ចរួបរួមជាធ្លុងមួយបង្ហាញពីសក្ខីកម្មនៃ សាមគ្គីភាព រវាងប្រជារាស្រ្ត និងមន្រ្តីរាជការទូទាំងប្រទេសក្នុងការជម្រុញលើកទឹកចិត្តចូលរួមចលនាដាំដើមឈើដើម្បីផ្ដល់ជាសារប្រយោជន៍ធនធានទ្រទ្រង់វិស័យកសិកម្ម បង្កើនសុខុមាលភាពគ្រួសារ និងជីវភាពសង្គម ព្រមទាំងកិច្ចគាំពារបរិស្ថាន ស្របតាមព្រះរាជតម្រិះដ៏ខ្ពង់ខ្ពស់នៃព្រះករុណា ព្រះបាទសម្តេច ព្រះនរោត្តម សីហនុ ព្រះបរមរតនកោដ្ឋ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត ថា« ព្រៃឈើគឺជាសរសៃឈាម ក្នុងវិស័យកសិកម្មជាតិ ជាអាយុជីវិតប្រជាកសិករ និងជាខឿននៃសេដ្ឋកិច្ចជាតិ ដូច្នេះយើងត្រូវតែរួបរួមគ្នា ថែរក្សាការពារព្រៃឈើ និងដាំដើមឈើឱ្យបានគ្រប់ៗគ្នា »៕ អត្ថបទ ៖ ប្រាក់ វ៉ាន់ដា

នាយករដ្ឋមន្ត្រីក្រិក អ្នកនាំពាក្យអឺរ៉ុប លោក Johnson និងរដ្ឋមន្ត្រីអាល្លឺម៉ង់សម្ដែងការរំលែកទុក្ខចំពោះលោក Abe

អឺរ៉ុប៖ ប្រធានគណៈកម្មការអឺរ៉ុបលោកស្រី Ursula von der Leyen បានសម្តែងការរំលែកទុក្ខ និងតក់ស្លុតចំពោះមរណភាពរបស់អតីតនាយករដ្ឋមន្ត្រីជប៉ុនលោក Shinzo Abe កាលពីថ្ងៃសុក្រ។ លោកស្រី von der Leyen បានថ្លែងក្នុងការអត្ថាធិប្បាយធ្វើឡើង តាមរយៈអ្នកនាំពាក្យគណៈកម្មការសហភាពអឺរ៉ុបលោកស្រី Arianna Podesta ថា មនុស្សអស្ចារ្យម្នាក់ អ្នកប្រជាធិបតេយ្យដ៏អស្ចារ្យ និងជាអ្នកគាំទ្រសណ្ដាប់ធ្នាប់ពិភពលោកពហុជាតិសាសន៍បានទទួលមរណភាពហើយ។ ខ្ញុំកាន់ទុក្ខជាមួយក្រុមគ្រួសាររបស់លោក មិត្តភក្តិរបស់លោក និងប្រជាជនជប៉ុនទាំងអស់។ ឃាតកម្មដ៏ឃោរឃៅលើលោក Shinzo Abe ធ្វើឲ្យពិភពលោកទាំងមូលរន្ធត់យ៉ាងខ្លាំង។ នាយករដ្ឋមន្ត្រីក្រិកលោក Kyriakos Mitsotakis បានបង្ហាញភាពស្អប់ខ្ពើមជាខ្លាំង ចំពោះឃាតកម្មដ៏ឃោរឃៅលើអតីតនាយករដ្ឋមន្ត្រីជប៉ុនលោក Shinzo Abe។នាយករដ្ឋមន្ត្រីចាំផ្ទះអង់គ្លេសលោក Boris Johnson បានសរសេរនៅលើបណ្តាញ Twitter ថា ការដឹកនាំជាសកលរបស់លោក Abe នឹងត្រូវបានមនុស្សជាច្រើនចងចាំ។ រដ្ឋមន្ត្រីការបរទេសអាល្លឺម៉ង់លោកស្រី Annalena Baerbock កាលពីថ្ងៃសុក្របានចូលរួមរំលែកទុក្ខ ចំពោះមរណភាពរបស់អតីតនាយករដ្ឋមន្ត្រីជប៉ុនលោក Shinzo Abe ក្នុងនាមក្រុមប្រទេសរីកលូតលាស់ទាំង២០ ក្នុងអំឡុងកិច្ចប្រជុំកំពូល G-20 នៅកោះបាលី ប្រទេសឥណ្ឌូនេស៊ី។ លោកស្រី Baerbock នឹងទៅបំពេញទស្សនកិច្ចនៅប្រទេសជប៉ុននៅចុងសប្តាហ៍នេះ ដើម្បីចូលរួមក្នុងពិធីគោរពវិញ្ញាណក្ខន្ធ សម្រាប់ការវាយប្រហារនុយក្លេអ៊ែររបស់សហរដ្ឋអាមេរិកលើទីក្រុង Nagasaki និងជួបជាមួយសមភាគីជប៉ុនរបស់លោកស្រីនៅទីក្រុងតូក្យូ៕អត្ថបទ៖ ប៊ុនថន

លោក Biden ជួបឯកអគ្គរដ្ឋទូតជប៉ុនដើម្បីសម្ដែងការរំលែកទុក្ខចំពោះលោក Shinzo Abe

សហរដ្ឋអាមេរិក៖ ខណៈសម្តែងការគោរពដល់អតីតនាយករដ្ឋមន្ត្រីជប៉ុនលោក Shinzo Abe ពីសំណាក់មេដឹកនាំពិភពលោក ដោយមេដឹកនាំជាច្រើនបានសម្តែងភាពតក់ស្លុត និងទុក្ខព្រួយ ប្រធានាធិបតីសហរដ្ឋអាមេរិកលោក Joe Biden បានសរសើរលោក Abe ដោយថ្លែងថា ចក្ខុវិស័យរបស់លោកអំពីតំបន់ឥណ្ឌូ-ប៉ាស៊ីហ្វិក សេរី និងបើកចំហនឹងនៅឋិតថេរ។ លើសពីនេះលោកបានយកចិត្តទុកដាក់យ៉ាងខ្លាំងចំពោះប្រជាជនជប៉ុន និងលះបង់ជីវិតដើម្បីបម្រើប្រជាជន។ លោក Biden បានឈប់ចតនៅស្ថានឯកអគ្គរដ្ឋទូតជប៉ុនក្នុងទីក្រុងវ៉ាស៊ីនតោន ដើម្បីគោរពវិញ្ញាណក្ខន្ធ និងចុះហត្ថលេខាលើសៀវភៅរំលែកទុក្ខ។ លោក Abe ត្រូវបានគេធ្វើឃាតកាលពីថ្ងៃសុក្រនៅភាគខាងលិចប្រទេសជប៉ុន ដោយខ្មាន់កាំភ្លើងបានបាញ់ប្រហារលោកពីខាងក្រោយ ក្នុងពេលកំពុងថ្លែងសុន្ទរកថាក្នុងយុទ្ធនាការបោះឆ្នោត ជាការវាយប្រហារដែលបានធ្វើឱ្យប្រទេសមួយនេះភ្ញាក់ផ្អើល ខណៈមានច្បាប់គ្រប់គ្រងកាំភ្លើងតឹងរ៉ឹងបំផុតនៅគ្រប់ទីកន្លែង។ ជាមួយគ្នានេះលោក Biden បានសន្ទនាតាមទូរស័ព្ទជាមួយនាយករដ្ឋមន្ត្រីជប៉ុនលោក Kishida Fumio និងបានចូលរួមរំលែកទុក្ខចំពោះមរណភាពរបស់លោក Abe អតីតនាយករដ្ឋមន្ត្រីជប៉ុន។មេដឹកនាំទាំងពីរបានសន្ទនាតាមទូរស័ព្ទរយៈពេល ១០នាទីនៅម៉ោង ៨ព្រឹកថ្ងៃសៅរ៍នេះម៉ោងក្នុងប្រទេសជប៉ុន។ លោក Biden ដែលកំពុងដោះស្រាយការបាញ់ប្រហារ កើតមានជាច្រើននៅសហរដ្ឋអាមេរិកបាននិយាយថា ការពិត រឿងមួយនេះបានធ្វើឱ្យខ្ញុំចាប់អារម្មណ៍ថា នេះជាការប្រើប្រាស់អាវុធលើកដំបូងដើម្បីសម្លាប់មនុស្សនៅប្រទេសជប៉ុន៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ពីដើមឆ្នាំ២០២៥ ដល់ថ្ងៃទី២២ខែមិថុនានេះ សមត្ថកិច្ចកម្ពុជា បង្ក្រាបអំពើឆបោកតាមប្រព័ន្ធបច្ចេកវិទ្យាជាង ៥០០ទីតាំង ដកហូត និងព្យួរអាជ្ញាប័ណ្ណកាស៊ីណូ ២៥ទីតាំង

«ពង្រឹង ជាជាងពង្រីក»៖ ក្រសួងមុខងារសាធារណៈ និងក្រសួងធម្មការ ជួបពិភាក្សាសម្រួចរចនាសម្ព័ន្ធការងារនៃអង្គភាពចំណុះជៀសវាងការអនុវត្តតួនាទីជាន់គ្នា

ទូតកម្ពុជាប្រចាំសាធារណរដ្ឋកូរ៉េ ជួបជាមួយក្រុមហ៊ុនខ្មែរ ពិភាក្សាលើការនាំផលិតផលបន្ថែមទៅកាន់ទីផ្សារកូរ៉េ

ជម្រើសជាតិនារីកម្ពុជា ទទួលបានឈាមថ្មី ត្រៀមប្រជែងជើងឯកអាស៊ាន ក្រោយខកខានពីរដូវកាលមុន

ប្រធានក្រុមហ៊ុន CCCC របស់ចិន បានប្ដេជ្ញាចំពោះមុខសម្ដេចតេជោ អនុវត្តគម្រោងព្រែកជីកហ្វូណនតេជោឱ្យបានជោគជ័យ

Manchester City ព្រមព្រៀងផ្ទេរ Elliot Anderson ពី Nottingham Forest ក្នុងតម្លៃបំបែកកំណត់ត្រាក្លិប

ក្រសួងការងារលើកទឹកចិត្តយុវជនរៀនជំនាញឱ្យត្រូវនឹងទីផ្សារការងារ ជាជាងរៀនតាមគ្នា

តេជោលីគ បញ្ចប់ជុំទី២ ចុងសប្ដាហ៍នេះ ខណៈអ្នកគាំទ្រចង់ឃើញវិសាខា ប៉ះបញ្ជាការដ្ឋានអង្គរក្សម្ដងទៀត

ក្រសួងបរិស្ថាន អំពាវនាវពលរដ្ឋឱ្យចូលរួមយុទ្ធនាការដាំដើមឈើទូទាំងប្រទេស ដើម្បីពង្រឹងភាពធន់របស់ប្រទេសប្រឆាំងនឹងបាតុភូតអែលនីញ៉ូ និងការប្រែប្រួលអាកាសធាតុ

អ្នកគាំទ្របាល់ទាត់ជ្រើសរើសស្នាក់នៅរថយន្ត Camper Van ដើម្បីសន្សំថវិកា ក្នុងអំឡុងព្រឹត្តិការណ៍ World Cup

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ព្រះមហាក្សត្រខ្មែរផ្ញើព្រះរាជសាររំលែកទុក្ខចំពោះមរណភាពឯកឧត្តម ស៊ីនហ្សូ អាបេ អតីតនាយករដ្ឋមន្រ្តីជប៉ុន

សម្ដេចតេជោ ហ៊ុន សែន ៖ នយោបាយគ្មានស្តង់ដារពិតប្រាកដទេ តែកីឡាមានស្តង់ដារសកលពិតប្រាកដ

ប្រទេសជប៉ុនកាន់ទុក្ខចំពោះមរណភាពអតីតនាយករដ្ឋមន្ត្រីជប៉ុនលោក Shinzo Abe

កូនឈើជិតមួយម៉ឺនបួនពាន់ដើមត្រូវបានដាំ ដើម្បីអបអរសាទរពិធី រុក្ខទិវា ៩ កក្កដា ២០២២

នាយករដ្ឋមន្ត្រីក្រិក អ្នកនាំពាក្យអឺរ៉ុប លោក Johnson និងរដ្ឋមន្ត្រីអាល្លឺម៉ង់សម្ដែងការរំលែកទុក្ខចំពោះលោក Abe

លោក Biden ជួបឯកអគ្គរដ្ឋទូតជប៉ុនដើម្បីសម្ដែងការរំលែកទុក្ខចំពោះលោក Shinzo Abe

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ព្រះមហាក្សត្រខ្មែរផ្ញើព្រះរាជសាររំលែកទុក្ខចំពោះមរណភាពឯកឧត្តម ស៊ីនហ្សូ អាបេ អតីតនាយករដ្ឋមន្រ្តីជប៉ុន

សម្ដេចតេជោ ហ៊ុន សែន ៖ នយោបាយគ្មានស្តង់ដារពិតប្រាកដទេ តែកីឡាមានស្តង់ដារសកលពិតប្រាកដ

ប្រទេស​ជប៉ុន​កាន់ទុក្ខ​ចំពោះ​មរណភាព​អតីត​នាយករដ្ឋមន្ត្រី​ជប៉ុន​លោក Shinzo Abe

កូនឈើជិតមួយម៉ឺនបួនពាន់ដើមត្រូវបានដាំ ដើម្បីអបអរសាទរពិធី រុក្ខទិវា ៩ កក្កដា ២០២២

លោក Biden ជួប​ឯកអគ្គរដ្ឋទូត​ជប៉ុន​ដើម្បី​សម្ដែង​ការរំលែក​ទុក្ខ​ចំពោះ​លោក Shinzo Abe

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រទេសជប៉ុនកាន់ទុក្ខចំពោះមរណភាពអតីតនាយករដ្ឋមន្ត្រីជប៉ុនលោក Shinzo Abe

លោក Biden ជួបឯកអគ្គរដ្ឋទូតជប៉ុនដើម្បីសម្ដែងការរំលែកទុក្ខចំពោះលោក Shinzo Abe