BTV NEWS

សម្តេចធិបតី ណែនាំឱ្យក្រសួងស្ថាប័នពាក់ព័ន្ធត្រៀមឆ្លើយតបជាមួយបាតុភូតធម្មជាតិ El Niño ដែលកម្ពុជាកំពុងទទួលរងឥទ្ធិពល

សម្ដេចធិបតីណែនាំអាជ្ញាធរពាក់ព័ន្ធគ្រប់លំដាប់ថ្នាក់ ត្រួតពិនិត្យ និងគ្រប់គ្រងឱ្យបានចំពោះទំនិញគេចពន្ធ និងខូចគុណភាព ហើយត្រូវសហការគ្នាចាត់វិធានការឱ្យបានច្បាស់លាស់

សម្ដេចធិបតីក្រើនរំឭកអាជ្ញាធរពាក់ព័ន្ធគ្រប់លំដាប់ថ្នាក់ត្រូវបន្តបង្ក្រាប Online Scams មិនត្រូវបន្ធូរដៃឡើយ

សម្ដេចតេជោ ហ៊ុន សែន អញ្ជើញជួបពិភាក្សាទ្វេភាគីជាមួយ ឯកឧត្តម លី ឈាង នាយករដ្ឋមន្ត្រីចិន

ព័ត៌មានសំខាន់ៗ

សម្ដេចតេជោ ហ៊ុន សែន ប្រកាសឯកភាពឲ្យរថយន្តចង្កូតស្ដាំទៅបង់ពន្ធដោយមិនចាំបាច់កែចង្កូត

ភ្នំពេញ៖ នៅព្រឹកថ្ងៃទី០៦ ខែកក្កដា ឆ្នាំ២០២២នេះក្នុងពិធីជួបសំណេះសំណាលជាមួយប្រតិភូកីឡាអាស៊ានប៉ារ៉ាហ្គេម សម្តេចតេជោ ហ៊ុន សែន នាយករដ្ឋមន្ត្រី បានប្រកាសឯកភាពតាមសំណើរបស់អ្នកប្រកបរបររកស៊ីរថយន្តដឹកដី និងរថយន្តធុនធំចង្កូតស្តាំ សូមមកបង់ពន្ធ ដោយមិនតម្រូវឱ្យកែចង្កូតមកឆ្វេងឡើយ។សម្តេចតេជោ ហ៊ុន សែន បានគូសបញ្ជាក់ថា ចាប់ពីថ្ងៃទី០៦ ខែកក្កដា ឆ្នាំ២០២២នេះតទៅ កម្ពុជាមិនអនុញ្ញាត ឱ្យមានការនាំចូលរថយន្តចង្កូតស្តាំចូលមកព្រះរាជាណាចក្រកម្ពុជាជាថ្មីឡើយ។ បើមានការនាំចូលល្មើស នឹងមានវិធានការ ដោយគ្មានការលើកលែងទៀតឡើយ។

សម្តេចតេជោ ហ៊ុន សែន អញ្ជើញជួបសំណេះសំណាល ជាមួយប្រតិភូកីឡាអាស៊ានប៉ារ៉ាហ្គេម មុនចេញទៅប្រកួតនៅឥណ្ឌូនេស៊ី

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីអញ្ជើញជួបសំណេះសំណាល ក៏ដូចជាផ្តល់នូវដំបូន្មានមួយចំនួនជូនដល់ប្រតិភូកីឡាអាស៊ានប៉ារ៉ាហ្គេម មុនពួកគេចេញទៅប្រកួតកីឡាពិការអាស៊ាន ឬអាស៊ានប៉ារ៉ាហ្គេមលើកទី១១ នៅទីក្រុងសូឡូ ប្រទេសឥណ្ឌូនេស៊ី។ការប្រកួតកីឡាពិការអាស៊ាន ឬអាស៊ានប៉ារ៉ាហ្គេម ដែលជាការប្រកួតរវាងកីឡាករ កីឡាការិនី ជាជនពិការក្នុងចំណោមប្រទេសសមាជិកអាស៊ាន ត្រូវបានធ្វើឡើងជាទៀងទាត់រៀងរាល់២ឆ្នាំម្តង។ ការប្រកួតបានធ្វើចំនួន១០លើក រួចមកហើយ ប៉ុន្តែនៅឆ្នាំ២០១៩ ការប្រកួតដែលគ្រោងធ្វើឡើងនៅប្រទេសហ្វីលីពីន ត្រូវបានខកខានដោយសារតែវិបត្តិជំងឺកូវីដ១៩។ដោយឡែកការប្រកួតលើកទី១១ នេះ តាមពិតត្រូវធ្វើនៅប្រទេសវៀតណាម តែវៀតណាមសុំលើកពេលក្រោមហេតុផលវិបត្តិជំងឺកូវីដ១៩ ទើបលើកទៅរៀបចំនៅប្រទេសឥណ្ឌូនេស៊ីជំនួសវិញ។ក្នុងព្រឹត្តិការណ៍ប្រកួតអាស៊ានប៉ារ៉ាហ្គេម លើកទី១១នេះ កម្ពុជាបញ្ជូនប្រតិភូកីឡាចូលរួមសរុប ១១៦នាក់។ ក្នុងនោះមានអត្តពលិក ១១៥នាក់ និងប្រតិភូកីឡា គ្រូបង្វឹក គ្រូជំនួយចំនួន ៣៩នាក់ មន្ត្រីបច្ចេកទេសចំនួន ៧នាក់ និងប្រតិភូជាតិចំនួន ៥នាក់។ កម្ពុជាបញ្ជូនអត្តពលិកចូលរួមប្រកួតលើប្រភេទកីឡាចំនួន១១កីឡា រួមមាន៖ វាយកូនឃ្លីលើតុ លើកទម្ងន់ អត្តពលកម្ម ហែលទឹក បាល់ទះអង្គុយបុរសនារី បាល់បោះជនពិការភ្នែក បាល់ទាត់៧ម្ខាង បាល់បោះជិះរទេះបុរសនារី បូស្យា វាយសី និងអុក។គួរបញ្ជាក់ថា ក្រុមប្រតិភូកីឡាប៉ារ៉ាហ្គេមកម្ពុជា នឹងចេញដំណើរទៅប្រកួតនៅថ្ងៃទី២៤ ខែកក្កដា ឆ្នាំ២០២២ ខាងមុខនេះ៕

អាមេរិកមានករណីបាញ់ប្រហារទ្រង់ទ្រាយធំ ៣០៩លើកក្នុងឆ្នាំ២០២២ រួមទាំងការបាញ់បោះនៅទីក្រុង Chicago

សហរដ្ឋអាមេរិក៖ ការបាញ់ប្រហារទ្រង់ទ្រាយធំបានកើតឡើងនៅក្នុងក្បួនព្យុហយាត្រា ៤កក្កដានៅជិតក្រុង Chicago ដែលបានឆក់យកជីវិតមនុស្សយ៉ាងហោចណាស់ ៦នាក់ និងជាង ២០នាក់រងរបួសគឺជាហេតុការណ៍ចុងក្រោយបំផុត នៃការបាញ់ប្រហារក្នុងអំពើហិង្សាដោយអាវុធនៅសហរដ្ឋអាមេរិក។ ការបាញ់ប្រហារមួយដែលលោកប្រធានាធិបតី Joe Biden បានហៅថា ជាអំពើគ្មានការពិចារណាបានកើតឡើងចំថ្ងៃឈប់សម្រាកដ៏មានអត្ថន័យ ក្នុងការប្រារព្ធពិធីបុណ្យឯករាជ្យជាតិរបស់សហរដ្ឋអាមេរិក ជាពិសេសជាថ្ងៃដែលបានផ្ដល់ភាពសប្បាយរីករាយដល់ក្រុមគ្រួសារដើរកម្សាន្តនៅរដូវក្ដៅ រួមទាំងព្យុហយាត្រាសហគមន៍ដោយមានការដង្ហែក្បួន និងសកម្មភាពកម្សាន្តផ្សេងៗ។ កាលពីថ្ងៃទី២៣ ខែមករា ឆ្នាំ២០២២ កន្លងទៅនេះមានមនុស្ស ៦នាក់ត្រូវបានបាញ់សម្លាប់អំឡុងពិធីជប់លៀងលាគ្នានៅផ្ទះមួយក្នុងទីក្រុង Milwaukee រដ្ឋ Wisconsin។ បុរសវ័យ ៣៤ឆ្នាំម្នាក់ត្រូវបានចោទប្រកាន់ពីបទមនុស្សឃាត។ កាលពីថ្ងៃទី៣ ខែមេសា មនុស្ស ៦នាក់ស្លាប់ក្នុងការបាញ់បោះដោយសេរីដែលបានកើតឡើង ខណៈក្លឹបកម្សាន្តពេលរាត្រីនានាកំពុងស្ងាត់គ្មានមនុស្សនៅក្នុងទីក្រុង Sacramento រដ្ឋ California។កាលពីថ្ងៃទី១៤ ខែឧសភា ខ្មាន់កាំភ្លើងស្បែកសម្នាក់បានសម្លាប់មនុស្ស ១០នាក់នៅផ្សារទំនើបក្នុងទីក្រុង Buffalo សម្បូរដោយជនជាតិអាមេរិកស្បែកខ្មៅក្នុងរដ្ឋ New York។ កាលពីថ្ងៃទី២៤ ខែឧសភា ក្មេងសិស្សសាលា ១៩នាក់ និងគ្រូបង្រៀន ២នាក់បានស្លាប់ នៅពេលខ្មាន់កាំភ្លើងវ័យជំទង់ម្នាក់សម្រុកចូលបាញ់ប្រហារ នៅក្នុងសាលាបឋមសិក្សាមួយក្នុងទីក្រុង Uvalde រដ្ឋ Texas ដែលជាការបាញ់ប្រហារនៅសាលារៀនដ៏ធំបំផុតមិនធ្លាប់មានក្នុងរយៈពេល ១ទសវត្សរ៍។ កាលពីថ្ងៃទី១ ខែមិថុនា បុរសម្នាក់ដែលបានដាក់ការស្ដីបន្ទោសលើការវះកាត់ បន្ទាប់ពីវះកាត់ឆ្អឹងខ្នងបានសម្រុកចូលក្នុងមន្ទីរពេទ្យមួយក្នុងទីក្រុង Tulsa រដ្ឋ Oklahoma និងបានបាញ់សម្លាប់មនុស្ស ៤នាក់រួមទាំងវេជ្ជបណ្ឌិតម្នាក់ផង។ សហរដ្ឋអាមេរិកបានមើលឃើញការបាញ់ប្រហារសម្លាប់រង្គាលចំនួន ៣០៩លើកនៅឆ្នាំនេះ រួមទាំងការបាញ់បោះយ៉ាងហោចណាស់ ៣លើកផ្សេងទៀត ក្រៅពីហេតុការណ៍នៅក្នុងរដ្ឋ Illinois នេះបើយោងតាមអង្គការតាមដានអំពើហិង្សាដោយអាវុធ Gun Violence Archive ក្នុងសហរដ្ឋអាមេរិក៕អត្ថបទ៖ សុខមាន

លោក Zelenskyy និយាយថា អ៊ុយក្រែនកំពុងពិភាក្សាជាមួយទួរគី និងអង្គការសហប្រជាជាតិលើការនាំចេញគ្រាប់ធញ្ញជាតិ

អ៊ុយក្រែន៖ លោកប្រធានាធិបតីអ៊ុយក្រែន Volodymyr Zelenskiy បាននិយាយកាលពីថ្ងៃចន្ទថា ប្រទេសអ៊ុយក្រែនកំពុងពិភាក្សាជាមួយប្រទេសទួរគី និងអង្គការសហប្រជាជាតិ ដើម្បីធានាដល់ការនាំចេញគ្រាប់ធញ្ញជាតិពីកំពង់ផែផ្សេងៗរបស់អ៊ុយក្រែន។ លោក Zelenskiy បានប្រាប់សន្និសីទសារព័ត៌មានរួមគ្នា ជាមួយនាយករដ្ឋមន្ត្រីស៊ុយអែតលោកស្រី Magdalena Andersson ថា ពេលនេះការចរចាកំពុងដំណើរការជាមួយប្រទេសទួរគី និងអង្គការសហប្រជាជាតិ និងក្រុមអ្នកតំណាងរបស់យើង ដែលទទួលខុសត្រូវផ្នែកសន្តិសុខរបស់គ្រាប់ធញ្ញជាតិ ដែលនឹងដឹកចេញពីកំពង់ផែនានារបស់យើង។ វាពិតជាសំខាន់ណាស់ដែលមានអ្នកធានាសន្តិសុខនាវាសម្រាប់ការនាំចេញនេះ ឬសម្រាប់ប្រទេសនេះ ក្រៅពីរុស្ស៊ីដែលយើងមិនអាចជឿទុកចិត្តបាន។ យ៉ាងណាក៏ដោយ យើងត្រូវការសន្តិសុខសម្រាប់នាវាទាំងនោះ ដែលនឹងមកកាន់ទីនេះ ដើម្បីដឹកជញ្ជូនទំនិញទាំងនោះ។លោក Zelenskiy និយាយថា អ៊ុយក្រែនកំពុងធ្វើការដោយផ្ទាល់ជាមួយអគ្គលេខាធិការអង្គការសហប្រជាជាតិលើបញ្ហានេះ ហើយអង្គការនេះកំពុងដើរតួនាទីឈានមុខគេ មិនមែនត្រឹមតែជាអ្នកសម្របសម្រួលប៉ុណ្ណោះទេ។ សេចក្ដីរាយការណ៍ព័ត៌មានបានលើកឡើងនៅក្នុងប៉ុន្មានសប្ដាហ៍ថ្មីៗនេះថា ការពិភាក្សានោះនឹងធ្វើឡើងក្នុងពេលឆាប់ៗនៅប្រទេសទួរគី។ អ៊ុយក្រែនដែលជាប្រទេសមួយក្នុងចំណោមប្រទេសនាំចេញឈានមុខគេជាច្រើនក្នុងពិភពលោក បានចោទរុស្ស៊ីពីបទរារាំងសកម្មភាពនាវាដឹកទំនិញរបស់ខ្លួន ហើយលោក Zelenskiy បាននិយាយថា ឥឡូវនេះមានគ្រាប់ធញ្ញជាតិចំនួន ២២លានតោនបានជាប់ ដោយរំពឹងថា ការប្រមូលផលនៅក្នុងសរទរដូវខាងមុខនឹងទទួលបានផលិតផលកសិកម្មប្រមាណ ៦០លានតោនថែមទៀត៕អត្ថបទ៖ សុខមាន

ស្រីលង្កាខ្វះប្រេងឥន្ធនៈ និងសាច់ប្រាក់ ខណៈជួបប្រទះវិបត្តិសេដ្ឋកិច្ចកាន់តែធ្ងន់ធ្ងរ

ស្រីលង្កា៖ រដ្ឋមន្ត្រីថាមពលបាននិយាយថា ប្រទេសស្រីលង្កានៅសល់ប្រេងឥន្ធនៈតិចជាងតម្រូវការសម្រាប់មួយថ្ងៃ ដោយសេវាដឹកជញ្ជូនសាធារណៈត្រូវបានផ្អាក ខណៈវិបត្តិសេដ្ឋកិច្ចរបស់ប្រទេសនេះកាន់តែធ្ងន់ធ្ងរ។ រដ្ឋមន្ត្រីក្រសួងថាមពលលោក Kanchana Wijesekera កាលពីថ្ងៃអាទិត្យបាននិយាយថា ប្រេងបម្រុងមានប្រហែល ៤ពាន់តោនដែលទាបជាងតម្រូវការសម្រាប់ប្រើប្រាស់ក្នុងមួយថ្ងៃ ខណៈមនុស្សឈរតម្រង់ជួរវែងៗជាច្រើននៅទូទាំងទីក្រុងសំខាន់កូឡុំបូ មានចម្ងាយជាច្រើនគីឡូម៉ែត្រ។ ប្រទេសដែលខ្វះខាតសាច់ប្រាក់កាលពីថ្ងៃអាទិត្យមួយនេះ បានបិទសាលារៀនបន្ថែមដោយសារតែពុំមានថាមពលគ្រប់គ្រាន់សម្រាប់គ្រូបង្រៀន និងមាតាបិតាដើម្បីបញ្ជូនកូនរបស់ពួកគេទៅសាលារៀន ដោយស្ថានីយបូមទឹកភាគច្រើនគ្មានសាំងប្រើប្រាស់ជាច្រើនថ្ងៃ។ នាយករដ្ឋមន្ត្រីស្រីលង្កាលោក Ranil Wickremesinghe បានប្រាប់សារព័ត៌មាន Al Jazeera កាលពីសប្តាហ៍មុនថា កង្វះប្រេងឥន្ធនៈនឹងមានរយៈពេលរហូតដល់ថ្ងៃទី២២ ខែកក្កដា ទើបការដឹកជញ្ជូនប្រេងដំណាក់កាលបន្ទាប់មកដល់។ លោកបាននិយាយថា កិច្ចព្រមព្រៀងទិញឧស្ម័នត្រូវបានធានា ដែលនឹងបម្រើដល់ការផ្គត់ផ្គង់សម្រាប់រយៈពេល ៤ខែបន្ទាប់។រដ្ឋាភិបាលកំពុងចរចាជាមួយមូលនិធិរូបិយវត្ថុអន្តរជាតិ ដើម្បីស្នើសុំប្រាក់កម្ចីចំនួន ៣ពាន់លានដុល្លារអាមេរិក។ ក្រុមអាជ្ញាធរក៏បានប្រកាសកាត់ផ្តាច់ចរន្តអគ្គិសនីនៅទូទាំងប្រទេសរហូតដល់ ៣ម៉ោងក្នុងមួយថ្ងៃចាប់ពីថ្ងៃចន្ទ ដោយសារតែពួកគេមិនអាចផ្គត់ផ្គង់ប្រេងបានគ្រប់គ្រាន់ ដល់ស្ថានីយផលិតថាមពលនានា។ ប្រជាពលរដ្ឋក្នុងរដ្ឋធានីកូឡុំបូរបស់ស្រីលង្កាកាលពីចុងសប្ដាហ៍មុនបាននិយាយថា ជីវភាពរស់នៅប្រចាំថ្ងៃកំពុងជួបការលំបាកកាន់តែខ្លាំងឡើង ខណៈការតវ៉ានៅតែបន្តក្រោយទិន្នន័យផ្លូវការបង្ហាញថា អតិផរណាម្ហូបអាហារបានឡើងដល់ ៨០% បើធៀបទៅនឹងកាលពីឆ្នាំមុន៕អត្ថបទ៖ សុខមាន

អ៊ុយក្រែនត្រូវការថវិកា ៧៥០ពាន់លានដុល្លារអាមេរិកសម្រាប់គម្រោងស្ដារប្រទេសឡើងវិញ

អ៊ុយក្រែន៖ នាយករដ្ឋមន្ត្រីអ៊ុយក្រែនបាននិយាយកាលពីថ្ងៃចន្ទថា ប្រទេសរបស់លោកត្រូវការថវិកាប្រមាណ ៧៥០ពាន់លានដុល្លារអាមេរិកសម្រាប់ផែនការស្ដារប្រទេសឡើងវិញ ៣ដំណាក់កាលក្រោយការបញ្ចប់ការវាយលុករបស់រុស្ស៊ី។ លោក Denys Shmygal ក៏បានប្រាប់សន្និសីទស្ដីពីការស្រោចស្រង់អ៊ុយក្រែន រៀបចំឡើងដោយប្រទេសស្វីសថា ប្រទេសអ៊ុយក្រែនរងការខូចខាតហេដ្ឋារចនាសម្ព័ន្ធដោយផ្ទាល់មានទំហំជាង ១០០ពាន់លានដុល្លារអាមេរិកដោយសារការវាយប្រហាររបស់រុស្ស៊ី។ លោកថា បច្ចុប្បន្ននេះហេដ្ឋារចនាសម្ព័ន្ធផ្ទាល់ដែលអ៊ុយក្រែនបានខាតបង់ស្មើថវិកាជាង ១០០ពាន់លានដុល្លារអាមេរិក តើអ្នកណាជាអ្នកចំណាយសម្រាប់ផែនការស្រោចស្រង់ប្រទេសជាតិឡើងវិញ ដែលកំពុងត្រូវបានវាយតម្លៃខាតបង់ចំនួន ៧៥០ពាន់លានដុល្លារអាមេរិកនេះ។លោក Shmygal បានបន្ថែមថា រដ្ឋាភិបាលអ៊ុយក្រែនជឿថា ប្រភពមូលនិធិសំខាន់សម្រាប់ផែនការស្រោចស្រង់ប្រទេសឡើងវិញ គួរតែជាទ្រព្យសម្បត្តិដែលបានរឹបអូសពីក្រុមមហាសេដ្ឋីរុស្ស៊ី។ លោកថា ផែនការស្រោចស្រង់ឡើងវិញរបស់អ៊ុយក្រែនមាន ៣ដំណាក់កាល ៖ទី១ ផ្ដោតទៅលើការជួសជុលអ្វីៗដែលបម្រើឲ្យជីវភាពរស់នៅប្រចាំថ្ងៃរបស់ប្រជាពលរដ្ឋ ដូចជាការផ្គត់ផ្គង់ទឹកដែលជាចំណែកផ្សំ ត្រូវស្ដារឡើងវិញនៅពេលដែលការវាយប្រយុទ្ធគ្នាត្រូវបញ្ចប់ រួមទាំងគម្រោងផ្ដល់លំនៅឋានបណ្តោះអាសន្ន មន្ទីរពេទ្យ និងសាលារៀន ជាដំណាក់ដែលត្រូវស្ដារប្រទេសនេះឡើងវិញរយៈពេលវែង៕អត្ថបទ៖ សុខមាន

លោក Putin បញ្ជាឲ្យបង្កើនការវាយប្រហារនៅអ៊ុយក្រែន ក្រោយដណ្ដើមបានទីក្រុង Lysychansk

រុស្ស៊ី៖ លោកប្រធានាធិបតីរុស្ស៊ី Vladimir Putin បានបញ្ជាដល់រដ្ឋមន្ត្រីការពារជាតិរបស់លោក បន្តការវាយរុលទៅមុខនៅក្នុងប្រទេសអ៊ុយក្រែន បន្ទាប់ពីរុស្ស៊ីវាយដណ្ដើមយកបានទីក្រុង Lysychansk។ លោក Putin បានបង្ហាញខ្លួននៅទូរទស្សន៍រុស្ស៊ី ដោយអំពាវនាវដល់កងកម្លាំងនៅតាមសមរភូមិជួរមុខដទៃទៀត សម្រេចគោលដៅឲ្យបានទៅតាមផែនការដែលបានសម្រេចពីដំបូង។ ការវាយដណ្ដើមបាននេះមានន័យថា តំបន់ Luhansk ពេលនេះស្ថិតក្នុងដៃរបស់រុស្ស៊ី។ លោក Putin បានអបអរសាទរកងកម្លាំងយោធាដែលរំដោះបានសាធារណរដ្ឋប្រជាមានិត Lugansk។ កាលពីដំបូងអភិបាលតំបន់ Luhansk របស់អ៊ុយក្រែនបាននិយាយថា ទីក្រុងនេះត្រូវបានបោះបង់ចោល ដូច្នេះកងកម្លាំងរុស្ស៊ីនឹងមិនបំផ្លាញទីក្រុងនេះពីចម្ងាយទេ។លោក Serhiy Haidai បានប្រាប់ទូរទស្សន៍ BBC ថា ទាហានអ៊ុយក្រែននៅពេលនេះបានផ្លាស់ទៅកាន់ទីតាំងសមរភូមិថ្មីនានា។ លោកនិយាយថា ការបាត់បង់ទីក្រុងនេះ និងតំបន់ Luhansk ទៅក្នុងដៃរុស្ស៊ីគឺជារឿងឈឺចាប់ណាស់ ប៉ុន្តែលោកបានបន្ថែមថា យើងគ្រាន់តែចាញ់សមរភូមិប្រយុទ្ធប៉ុណ្ណោះ ប៉ុន្តែមិនមែនចាញ់សង្គ្រាមទេ។ លោកបានស្នើសុំអាវុធបន្ថែមទៀតពីលោកខាងលិច ដើម្បីវាយទប់ទល់នឹងការវាយរុលទៅមុខរបស់រុស្ស៊ី៕អត្ថបទ៖ សុខមាន

មនុស្ស៦នាក់ស្លាប់ក្នុងការបាញ់ប្រហារលើក្បួនព្យុហយាត្រាបុណ្យឯករាជ្យជាតិជិតទីក្រុង Chicago

អាមេរិក៖ នគរបាលកំពុងតាមស្វែងរកខ្មាន់កាំភ្លើងលើដំបូលអគារដែលបានបាញ់សម្លាប់មនុស្ស៦នាក់ នៅក្នុងក្បួនព្យុហយាត្រាបុណ្យឯករាជ្យជាតិជិតទីក្រុង Chicago សហរដ្ឋអាមេរិក។ព្រឹត្តិការណ៍នៅក្នុងទីក្រុង Highland Park រដ្ឋ Illinois ត្រូវបានផ្អាកភ្លាមៗ បន្ទាប់ពីម៉ោងដល់១០:០០ម៉ោងនៅសហរដ្ឋអាមេរិក នៅពេលគេបានលឺស្នូរគ្រាប់កាំភ្លើងជាច្រើនគ្រាប់។ ក្រុមមន្ត្រីនិយាយថា មនុស្ស២៤នាក់ ត្រូវបានបញ្ជូនទៅកាន់មន្ទីរពេទ្យ។ ជនសង្ស័យត្រូវបានគេស្គាល់ឈ្មោះថា Robert E Crimo III វ័យ២២ឆ្នាំ ។ នគរបាលនិយាយថា ជនល្មើសនោះ ត្រូវបានចាត់ទុកថា ជាមនុស្សមានអាវុធក្នុងដៃ និងគ្រោះថ្នាក់ ។នគរបាលបាននិយាយថា ជនសង្ស័យទំនងជាមានគោលបំណងដាក់គោលដៅទៅលើក្រុមមនុស្សដែលកំពុងចូលរួមនៅក្នុងព្យុហយាត្រាដោយប្រើអាវុធវែងសម្រាប់បាញ់ស៊ីប។ ជនសង្ស័យជាខ្មាន់កាំភ្លើង បានបើកការបាញ់ប្រហារ លើក្បួនព្យុហយាត្រា នៅម៉ោងប្រមាណ ១០:១៥ នាទីម៉ោងនៅសហរដ្ឋអាមេរិក ត្រឹមប៉ុន្មាននាទីបន្ទាប់ពីពិធីចាប់ផ្ដើម។ អ្វីដែលគួរជាថ្ងៃដ៏រីករាយបំផុតមួយក្នុងចំណោមពេលវេលាដ៏រីករាយបំផុតជាច្រើននៅឆ្នាំនេះ បានប្រែក្លាយយ៉ាងលឿនទៅជាការភ័យស្លន់ស្លោរ ដោយច្រានកៅអីចោល រត់ចោលការបូប និងកៅអីអង្គុយលើវាលស្មៅ ត្រូវបោះបង់ចោលរាយប៉ាយនៅតាមដងផ្លូវ ខណៈហ្វូងមនុស្សរត់គេចចេញពីហេតុការណ៍នេះ។ ជនសង្ស័យត្រូវគេជឿថាបានបាញ់ពីលើដំបូលប្លុកអគារសាធារណៈនៃហាងលក់ទំនិញដែលនៅក្បែរនោះ ជាទីដែលនគរបាលនិយាយថា ពួគេបានរកឃើញភស្តុតាងនៃការប្រើប្រាស់អាវុធ។ មនុស្សពេញវ័យចំនួន៥នាក់ បានស្លាប់នៅនឹងកន្លែង ព្រមទាំងជនរងគ្រោះម្នាក់ទៀតដែលអាជ្ញាធរក្នុងតំបន់និយាយថា បានស្លាប់នៅមន្ទីរពេទ្យក្បែរនោះ។ គួររម្លឹកថា ថ្ងៃទី៤ខែកក្កដា គឺជាថ្ងៃឈប់សម្រាកទូទាំងប្រទេស រម្លឹកដល់ការប្រកាសឯករាជ្យរបស់សហរដ្ឋអាមេរិកពីអាណានិគមចក្រភពអង់គ្លេសក្នុងឆ្នាំ ១៧៧៦៕

អាជ្ញាធរមីនបើកកិច្ចប្រជុំជាមួយជាមួយផ្នែកពាក់ព័ន្ធ កំណត់គោលដៅអាទិភាព រៀបចំផែនការ និងបែងចែកកម្លាំងបោសសម្អាត ក្រោម “គម្រោងសម្តេចតេជោសម្រាប់សកម្មភាពមីន_ផ្តល់ដីសុវត្ថិភាព បង្កើតស្នាមញញឹម”ដំណាក់កាលដំបូង

ភ្នំពេញ៖ ថ្ងៃទី០៤ ខែកក្កដា ឆ្នាំ២០២២ ឯកឧត្តមទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន បានដឹកនាំកិច្ចប្រជុំជាមួយបញ្ជាការដ្ឋានកងទ័ពជើងគោក, មជ្ឈមណ្ឌលជាតិគ្រប់គ្រងកងកម្លាំងរក្សាសន្តិភាព បោសសម្អាតមីន និងកាកសំណល់សង្រ្គាម (NPMEC) និងមជ្ឈមណ្ឌលសកម្មភាពកំចាត់មីនកម្ពុជា (CMAC) ដើម្បីកំណត់គោលដៅអាទិភាព រៀបចំផែនការ និងបែងចែកកម្លាំងបោសសម្អាត ក្រោម “គម្រោងសម្តេចតេជោសម្រាប់សកម្មភាពមីន_ផ្តល់ដីសុវត្ថិភាព បង្កើតស្នាមញញឹម” ដំណាក់កាលដំបូង។ ឯកឧត្តទេសរដ្ឋមន្រ្តី បានបញ្ជាក់ថា អង្គប្រជុំបានឯកភាពដូចខាងក្រោម ៖ ១. បញ្ជាការដ្ឋានកងទ័ពជើងគោក ៖ បោសសម្អាតផ្ទៃដីក្នុងស្រុក/ក្រុងចំនួន ០៨ និងប្រកាសជាស្រុក/ក្រុងអស់មីនរួមមាន ៖ ស្រុកស្រែអំបិល (ខេត្តកោះកុង) ស្រុកឆ្លូង ស្រុកចិត្របុរី (ខេត្តក្រចេះ) ក្រុងព្រះវិហារ ស្រុកត្បែងមានជ័យ (ខេត្តព្រះវិហារ) ស្រុកឧត្តុង្គ (ខេត្តកំពង់ស្ពឺ) និងក្រុងសេរីសោភ័ណ្ឌ ស្រុកមង្គលបុរី (ខេត្តបន្ទាយមានជ័យ)។ ២. មជ្ឈមណ្ឌលជាតិគ្រប់គ្រងកងកម្លាំងរក្សាសន្តិភាព បោសសម្អាតមីន និងកាកសំណល់ សង្រ្គាម (NPMEC) ៖ បោសសម្អាតផ្ទៃដីក្នុងខេត្តត្បូងឃ្មុំ និងប្រកាសជាខេត្តអស់មីន។ ៣. មជ្ឈមណ្ឌលសកម្មភាពកំចាត់មីនកម្ពុជា (CMAC) ៖ បោសសម្អាតផ្ទៃដីក្នុងខេត្តតាកែវ និងខេត្តកំពត និងប្រកាសជាខេត្តអស់មីន បន្ថែមលើធនធានដែល CMAC មានស្រាប់។ ជាមួយគ្នានេះ CMAC នឹងធ្វើការបោសសម្អាតផ្ទៃដីក្នុងស្រុកចុងកាល់ (ខេត្តឧត្តរមានជ័យ) និងប្រកាសជាស្រុកអស់មីន ដោយប្រើកម្លាំងចម្រុះជាមួយបញ្ជាការដ្ឋានកងទ័ពជើងគោក ក្នុងគោលបំណងផ្លាស់ប្តូរបទពិសោធន៍រវាងប្រតិបត្តិករទាំងពីរ។ឯកឧត្តមទេសរដ្ឋមន្រ្តី បានបន្តទៀត ផែនការបន្ត ត្រូវអនុវត្តន៍ស្របតាមនីតិវិធីនៃការងារបោសសម្អាតមីន និងស្តង់ដាសកម្មភាពកំចាត់មីនកម្ពុជា ដោយតម្រូវឲ្យក្រុមការងារបច្ចេកទេសត្រូវចុះពិនិត្យវាយតម្លៃលើស្ថានភាពរាល់គ្រប់ចម្ការមីនជាក់ស្តែង (ទំហំ ប្រភេទចម្ការមីន និងស្ថានភាពភូមិសាស្រ្ត) ដើម្បីលើកគម្រោងថវិកា និងពង្រាយកម្លាំងបោសសម្អាត។ ដំណើរការអនុវត្តតំបន់អស់មីន ដូចខាងក្រោម ៖ ១/. ជ្រើសរើសតំបន់អាទិភាព២/. វិភាគកម្លាំងក្រុមស្រាវជ្រាវមិនបច្ចេកទេស (Non-Technical Survey_NTS) ជាមួយប្រតិបត្តិករ៣/. ធ្វើផែនការពង្រាយកម្លាំងក្រុមស្រាវជ្រាវមិនបច្ចេកទេសរបស់ប្រតិបត្តិករ ដោយមានការអនុម័តពីអាជ្ញាធរមីន៤/. ពង្រាយកម្លាំងកម្លាំងក្រុមស្រាវជ្រាវមិនបច្ចេកទេសតាមការណែនាំរបស់អាជ្ញាធរមីន៥/. កំណត់តំបន់បោសសម្អាត៦/. វិភាគសមត្ថភាពបោសសម្អាតជាមួយប្រតិបត្តិករ៧/. បែងចែកតំបន់បោសសម្អាតដល់ប្រតិបត្តិករ៨/. ប្រតិបត្តិករពិនិត្យចម្ការមីន និងរៀបចំផែនការថវិកា បញ្ជូនមកអាជ្ញាធរមីន៩/. ពិនិត្យ និងផ្តល់គម្រោងបោសសម្អាតដល់ប្រតិបត្តិករ១០/. ការបោសសម្អាតមីន និងត្រួតពិនិត្យគុណភាព ត្រូវបានអនុវត្ត១១/. ការប្រគល់ដីដែលបានបោសសម្អាតរួច និងការប្រកាសតំបន់អស់មីន សូមបញ្ជាក់ថា កម្ពុជានៅសល់ ២២ រាជធានី-ខេត្ត បន្តរងផលប៉ះពាល់ដោយសារមីន (មិនរាប់បញ្ចូលគ្រាប់បែកចង្កោម និងសំណល់ជាតិផ្ទុះពីសង្រ្គាមផ្សេងទៀត) ក្នុងទំហំផ្ទៃដីសរុប ៧១៦.០៣៩.៧១២ ម៉ែត្រក្រឡា (៧១.៦០៣,៩ ហិកតា)៕

ក្រុមប្រឹក្សាធម្មនុញ្ញ បានអនុម័តជាឯកច្ឆន្ទ សម្រេចបែងចែកក្រុមនៃក្រុមប្រឹក្សាធម្មនុញ្ញអាណត្តិ៣ឆ្នាំ

ភ្នំពេញ៖ ក្រុមប្រឹក្សាធម្មនុញ្ញ នៅថ្ងៃទី៤ ខែកក្កដា ឆ្នាំ២០២២នេះ បានអនុម័តជាឯកច្ឆន្ទ ដោយសម្រេចបែងចែកក្រុម នៃក្រុមប្រឹក្សាធម្មនុញ្ញសម្រាប់អាណត្តិ៣ឆ្នាំ លើកទី៩ (២០២២-២០២៥) រួមទាំងចាត់តាំងអ្នកនាំពាក្យចំនួន ៣រូប ។

បណ្ដាញសង្គម

ព័ត៌មានថ្មីៗ

រុស្ស៊ីនឹងពង្រីកការនាំចេញបច្ចេកវិទ្យាថាមពលទៅកាន់ប្រទេស BRICS

ក្រុមជំនួយពិភពលោកចូលរួមប្រតិបត្តិការសង្រ្គោះនៅវេណេស៊ុយអេឡា ក្រោយការរញ្ជួយដីសម្លាប់មនុស្ស ២៣៥នាក់

ផ្លូវជនបទជាសរសៃឈាមជំរុញដល់ដំណើរអន្តរកម្មសេដ្ឋកិច្ចនៅមូលដ្ឋាន

មេដឹកនាំអាមេរិកឡាទីន រួបរួមគ្នាគាំទ្រប្រទេសវ៉េណេស៊ុយអេឡា ក្រោយការរញ្ជួយដីដ៏មហន្តរាយ

អូស្ត្រាលី ពិចារណាលើការអនុវត្តបម្រាមបណ្តាញផ្សព្វផ្សាយសង្គមសម្រាប់ក្មេងជំទង់កាន់តែតឹងរ៉ឹង

ក្រសួងការងារ ផ្ដល់ឱកាសការងារ ៥ពាន់កន្លែង និងផ្សព្វផ្សាយការបណ្តុះបណ្តាលជំនាញបច្ចេកទេស ដល់អតីតពលករ និងយុវជននៅស្រុកអូររាំងឪ ខេត្តត្បូងឃ្មុំ

អង្គការលើកលែងទោសអន្តរជាតិ ជំរុញឱ្យសហគមន៍អន្តរជាតិប្រមូលជំនួយបន្ទាន់សម្រាប់វ៉េណេស៊ុយអេឡា

អារ៉ាប៊ីសាអ៊ូឌីត ផ្អាកការធ្វើដំណើរទៅប្រទេសអាហ្វ្រិកចំនួន៣ ដោយសារក្តីបារម្ភពីជំងឺអេបូឡា

គម្រោងអភិវឌ្ឍន៍ធនធានទឹកស្ទឹងឃ្លៀច ស្ថិតនៅផ្នែកខាងលើនៃស្ទឹងព្រែកត្នោត ក្នុងភូមិសាស្ត្រខេត្តកំពង់ស្ពឺ អាចស្តុកទឹកបានប្រមាណ ១១៥លានម៉ែត្រគូប ជួយធានាសន្តិសុខទឹក និងកាត់បន្ថយគ្រោះទឹកជំនន់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្ដេចតេជោ ហ៊ុន សែន ប្រកាសឯកភាពឲ្យរថយន្តចង្កូតស្ដាំទៅបង់ពន្ធដោយមិនចាំបាច់កែចង្កូត

សម្តេចតេជោ ហ៊ុន សែន អញ្ជើញជួបសំណេះសំណាល ជាមួយប្រតិភូកីឡាអាស៊ានប៉ារ៉ាហ្គេម មុនចេញទៅប្រកួតនៅឥណ្ឌូនេស៊ី

អាមេរិកមានករណីបាញ់ប្រហារទ្រង់ទ្រាយធំ ៣០៩លើកក្នុងឆ្នាំ២០២២ រួមទាំងការបាញ់បោះនៅទីក្រុង Chicago

លោក Zelenskyy និយាយថា អ៊ុយក្រែនកំពុងពិភាក្សាជាមួយទួរគី និងអង្គការសហប្រជាជាតិលើការនាំចេញគ្រាប់ធញ្ញជាតិ

ស្រីលង្កាខ្វះប្រេងឥន្ធនៈ និងសាច់ប្រាក់ ខណៈជួបប្រទះវិបត្តិសេដ្ឋកិច្ចកាន់តែធ្ងន់ធ្ងរ

អ៊ុយក្រែនត្រូវការថវិកា ៧៥០ពាន់លានដុល្លារអាមេរិកសម្រាប់គម្រោងស្ដារប្រទេសឡើងវិញ

លោក Putin បញ្ជាឲ្យបង្កើនការវាយប្រហារនៅអ៊ុយក្រែន ក្រោយដណ្ដើមបានទីក្រុង Lysychansk

មនុស្ស៦នាក់ស្លាប់ក្នុងការបាញ់ប្រហារលើក្បួនព្យុហយាត្រាបុណ្យឯករាជ្យជាតិជិតទីក្រុង Chicago

ក្រុមប្រឹក្សាធម្មនុញ្ញ បានអនុម័តជាឯកច្ឆន្ទ សម្រេចបែងចែកក្រុមនៃក្រុមប្រឹក្សាធម្មនុញ្ញអាណត្តិ៣ឆ្នាំ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្ដេចតេជោ ហ៊ុន សែន ប្រកាសឯកភាពឲ្យរថយន្តចង្កូតស្ដាំទៅបង់ពន្ធដោយមិនចាំបាច់កែចង្កូត

សម្តេចតេជោ ហ៊ុន សែន អញ្ជើញជួបសំណេះសំណាល ជាមួយប្រតិភូកីឡាអាស៊ានប៉ារ៉ាហ្គេម មុនចេញទៅប្រកួតនៅឥណ្ឌូនេស៊ី

ស្រី​លង្កា​ខ្វះ​ប្រេងឥន្ធនៈ និង​សាច់ប្រាក់ ខណៈ​ជួបប្រទះ​វិបត្តិ​សេដ្ឋកិច្ច​កាន់តែ​ធ្ងន់ធ្ងរ​

អ៊ុយ​ក្រែ​ន​ត្រូវការ​ថវិកា​ ៧៥០​ពាន់​លាន​ដុល្លារ​អាមេរិក​សម្រាប់​គម្រោង​ស្ដារ​ប្រទេស​ឡើងវិញ​

លោក Putin​ បញ្ជា​ឲ្យ​បង្កើន​ការវាយប្រហារ​នៅ​អ៊ុយ​ក្រែ​ន ក្រោយ​ដណ្ដើមបាន​ទីក្រុង Lysychansk

មនុស្ស៦នាក់ស្លាប់ក្នុងការបាញ់ប្រហារលើក្បួនព្យុហយាត្រាបុណ្យឯករាជ្យជាតិជិតទីក្រុង Chicago

ក្រុមប្រឹក្សាធម្មនុញ្ញ បានអនុម័តជាឯកច្ឆន្ទ សម្រេចបែងចែកក្រុមនៃក្រុមប្រឹក្សាធម្មនុញ្ញអាណត្តិ៣ឆ្នាំ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ស្រីលង្កាខ្វះប្រេងឥន្ធនៈ និងសាច់ប្រាក់ ខណៈជួបប្រទះវិបត្តិសេដ្ឋកិច្ចកាន់តែធ្ងន់ធ្ងរ

អ៊ុយក្រែនត្រូវការថវិកា ៧៥០ពាន់លានដុល្លារអាមេរិកសម្រាប់គម្រោងស្ដារប្រទេសឡើងវិញ

លោក Putin បញ្ជាឲ្យបង្កើនការវាយប្រហារនៅអ៊ុយក្រែន ក្រោយដណ្ដើមបានទីក្រុង Lysychansk