BTV NEWS

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

សម្ដេចធិបតី៖ កម្ពុជាជាសមាជិក WTO មិនអាចហាមឃាត់ការនាំចូលទំនិញពីប្រទេសដទៃបានទេ

សម្ដេចធិបតី៖ ឆ្នាំ២០២៩ កម្ពុជានឹងចាកចេញពីប្រទេសអភិវឌ្ឍន៍តិចតួចបន្តដំណើរទៅកាន់ប្រទេសអភិវឌ្ឍន៍

ព័ត៌មានសំខាន់ៗ

អេស្ប៉ាញលើកឡើងថា ការចូលជាសមាជិកណាតូរបស់អ៊ុយក្រែនមិនអាចមាននៅលើតុទេ

អេស្ប៉ាញ៖ ប្រមុខការបរទេសអេស្ប៉ាញលោក Jose Manuel Albares បានប្រាប់សារព័ត៌មាន El Pais កាលពីថ្ងៃអាទិត្យថា សម្ព័ន្ធណាតូ (NATO) បានអញ្ជើញលោកប្រធានាធិបតីអ៊ុយក្រែន Volodymyr Zelensky ឲ្យចូលរួមក្នុងជំនួបកំពូលដែលនឹងមកដល់នាពេលខាងមុខក្នុងទីក្រុងម៉ាល់ឌ្រីត (Madrid) ប្រទេសអេស្ប៉ាញ ប៉ុន្តែមិនមានន័យថា ប្លុកនេះគ្រោងនឹងអនុញ្ញាតឲ្យក្រុង Kiev ចូលជាសមាជិករបស់ខ្លួនក្នុងពេលឆាប់ៗនេះឡើយ។ រដ្ឋមន្ត្រីរូបនេះបាននិយាយថា បញ្ហានៃការអញ្ជើញអ៊ុយក្រែនឲ្យចូលជាសមាជិកណាតូ មិនត្រូវបានលើកមកនិយាយទេ។ នៅពេលត្រូវបានសួរថា តើប្លុកសម្ព័ន្ធយោធានេះនឹងនៅតែបើកទ្វារទទួលក្រុង Kiev ឲ្យក្លាយជាសមាជិកនៅពាក់កណ្ដាលវគ្គនេះ ឬយ៉ាងណា លោកបានបន្ថែមថា ជម្រើសនេះមិនដែលមាននៅលើតុទេ សូម្បីតែពេលនេះ។ ការពង្រីកខ្លួនទៅកាន់ភាគខាងកើតរបស់ណាតូ ត្រូវបានរុស្ស៊ីលើកឡើងថា ជាហេតុផលមួយសម្រាប់ការបើកការវាយលុករបស់ខ្លួនចូលអ៊ុយក្រែនកាលពីខែកុម្ភៈ។វិមានក្រឹមឡាំងបានទាមទារឱ្យអ៊ុយក្រែនប្រកាសជាផ្លូវការថា ខ្លួនជាប្រទេសអព្យាក្រឹត ដែលនឹងមិនចូលរួមក្នុងអង្គការដឹកនាំដោយសហរដ្ឋអាមេរិកមួយនេះ។ កាលពីដើមសប្តាហ៍នេះ ទីប្រឹក្សាលោកប្រធានាធិបតី Zelensky គឺលោក Aleksey Arestovich បាននិយាយថា អ៊ុយក្រែនគឺជាផ្នែកមួយនៃសម្ព័ន្ធណាតូ តាមជាក់ស្ដែងរួចទៅហើយ ដោយចង្អុលទៅការសន្យារបស់បណ្តាប្រទេសលោកខាងលិច ដើម្បីជួយឱ្យប្រទេសនេះយកឈ្នះជម្លោះជាមួយរុស្ស៊ី៕អត្ថបទ៖ សុខមាន

លោក Zelenskyy៖ បេឡារុសត្រូវបានរុស្ស៊ីទាញទម្លាក់ចូលក្នុងសង្គ្រាម ហើយវិមានក្រឹមឡាំងបានសម្រេចចិត្តជំនួសគ្រប់បែបយ៉ាង

អ៊ុយក្រែន៖ លោកប្រធានាធិបតីអ៊ុយក្រែន Volodymyr Zelenskyy បាននិយាយថា ប្រទេសបេឡារុសកំពុងត្រូវបានទាញទម្លាក់ចូលទៅក្នុងសង្គ្រាមកាន់តែសកម្ម ជាងការចាប់ផ្ដើមការវាយលុកពេញបន្ទុករបស់រុស្ស៊ីចូលអ៊ុយក្រែន ហើយថាវិមានក្រឹមឡាំងបានសម្រេចគ្រប់បែបយ៉ាងរួចទៅហើយ។ លោក Zelenskyy និយាយថា ខ្ញុំចង់ថ្លែងទៅកាន់អ្នករាល់គ្នានៅថ្ងៃនេះ ជាពិសេសពលរដ្ឋបេឡារុស ប្រជាពលរដ្ឋទូទៅ ទាំងឯកសណ្ឋាន ទាំងជនស៊ីវិល។ អ្នកកំពុងត្រូវបានគេអូសទាញឲ្យធ្លាក់ចូលក្នុងសង្គ្រាម ហើយផុងខ្លួនកាន់តែជ្រៅជាងកាលពីខែកុម្ភៈ និងរដូវស្លឹកឈើលាស់។ វិមានក្រឹមឡាំងបានសម្រេចចិត្តជំនួសអ្នកគ្រប់បែបយ៉ាងរួចទៅហើយ។ ជីវិតអ្នកគ្មានតម្លៃចំពោះពួកគេទេ។ ប៉ុន្តែអ្នកមិនមែនជាទាសករ ហើយក៏មិនមែនជាចំណីកាណុងកាំភ្លើងដែរ អ្នកមិនគួរស្លាប់ឡើយ។ អ្នកមិនត្រូវឲ្យបណ្ដោយឲ្យនរណាម្នាក់សម្រេចថា តើអ្នកនឹងត្រូវធ្វើអ្វីបន្ទាប់នោះទេ។ លោក Zelenskyy បានបង្ហាញការជឿជាក់ថា ប្រជាពលរដ្ឋបេឡារុសគាំទ្រអ៊ុយក្រែន មិនមែនសង្គ្រាមទេ៕ អត្ថបទ៖ សុខមាន

អ៊ុយក្រែននិយាយថា រុស្ស៊ីបានគ្រប់គ្រងទីក្រុង Severodonetsk ទាំងស្រុងហើយ

អ៊ុយក្រែន៖ កងកម្លាំងរុស្ស៊ីពេលនេះកំពុងគ្រប់គ្រងទីក្រុង Severodonetsk ដែលរងការខ្ទេចខ្ទាំខ្លាំងក្នុងភាគខាងកើតរបស់ប្រទេសអ៊ុយក្រែន នេះតាមការឲ្យដឹងពីអភិបាលទីក្រុងនេះ។ លោក Oleksandr Stryuk បានប្រាប់ទូរទស្សន៍អ៊ុយក្រែនថា កងកម្លាំងរុស្ស៊ីបានគ្រប់គ្រងទីក្រុង Severodonetsk ទាំងស្រុង ហើយកងកម្លាំងយោធារបស់យើងបានដកថយ ដើម្បីទៅកាន់ទីតាំងជាច្រើនទៀតដែលបានត្រៀមរៀបចំ។ ការបាញ់ផ្លោងដ៏ខ្លាំងក្លាជាច្រើនសប្ដាហ៍របស់រុស្ស៊ី បានធ្វើឲ្យទីក្រុងនេះខូចខាតស្ទើរតែទាំងស្រុង។ ជនស៊ីវិលជាច្រើនបានកំពុងស្នាក់នៅក្នុងរោងចក្រគីមីដ៏ធំ Azot ប៉ុន្តែលោក Stryuk និយាយថា ច្រកតែមួយគត់ដែលអាចចាកចេញពីទីនោះគឺឆ្លងកាត់តាមដែនដីគ្រប់គ្រងដោយរុស្ស៊ី។ក្រុមឧទ្ទាមគាំទ្ររុស្ស៊ីដែលបានចងសម្ព័ន្ធមិត្តជាមួយទាហានរុស្ស៊ីបាននិយាយថា ពួកគេបានរុលចូលទៅកាន់តំបន់មួយចំនួននៃទីក្រុង Lysychansk ជាទីក្រុងដែលចូលទៅកាន់ទីក្រុង Severodonetsk ឆ្លងទន្លេ Siversky Donets ប៉ុន្តែក្រុមមន្ត្រីអ៊ុយក្រែនពុំបានបញ្ជាក់ដូចខាងលើនោះទេ។ ទីក្រុង Severodonetsk ដែលជាលំនៅឋានសម្រាប់ពលរដ្ឋអ៊ុយក្រែនប្រមាណ 100,000នាក់បានមើលឃើញការវាយប្រយុទ្ធគ្នាតាមដងផ្លូវដ៏ខ្លាំងក្លា ហើយប្រជាពលរដ្ឋភាគច្រើនបានភៀសខ្លួន៕អត្ថបទ៖ សុខមាន

មីស៊ីលរាប់សិបគ្រាប់ដាក់គោលដៅនៅទូទាំងប្រទេសអ៊ុយក្រែន ខណៈប្រទេស G7 ជួបជុំពិភាក្សាបញ្ហារុស្ស៊ី

អ៊ុយក្រែន៖ មីស៊ីលរបស់រុស្ស៊ីរាប់សិបគ្រាប់បានវាយប្រហារ លើគោលដៅជាច្រើននៅទូទាំងប្រទេសអ៊ុយក្រែន ដែលធ្វើឲ្យរដ្ឋធានី Kyiv រងការវាយប្រហារយ៉ាងខ្លាំងក្លាបំផុតក្នុងពេលប៉ុន្មានខែមកនេះ។ ប្លុកអគារអឹផាតមិនរដ្ឋធានី Kyiv ត្រូវបានបំផ្លាញដោយបានសម្លាប់មនុស្សម្នាក់ និង ៦នាក់ផ្សេងទៀតរងរបួសរួមទាំងក្មេងស្រីអាយុ ៧ម្នាក់ផងដែរ។ អ៊ុយក្រែននិយាយថា មីស៊ីលចំនួន ១៤គ្រាប់ត្រូវបានបាញ់ទៅលើតំបន់រដ្ឋធានី Kyiv កាលពីថ្ងៃអាទិត្យ ប៉ុន្តែការវាយប្រហារនានាបានរាលដាលហួសទីក្រុងនេះ។ តំបន់ផ្សេងៗរួមទាំងទីក្រុងភាគកណ្ដាល Cherkasy របស់អ៊ុយក្រែន ជាទីដែលមានមនុស្សម្នាក់បានស្លាប់ និងតំបន់ភាគឦសានទីក្រុង Kharkiv។ការវាយប្រហារនេះមានឡើង ខណៈក្រុមមេដឹកនាំប្រទេស G7 ដែលមានបំផុតរបស់ពិភពលោកបានចាប់ផ្ដើមជំនួបកំពូលរយៈពេល ៣ថ្ងៃនៅក្នុងទីក្រុង Bavaria ប្រទេសអាល្លឺម៉ង់ ដោយសង្គ្រាមនៅក្នុងប្រទេសអ៊ុយក្រែនគឺជារបៀបវារៈសំខាន់បំផុត។ គេរំពឹងថា ក្រុមមេដឹកនាំទាំងនោះនឹងសន្យាផ្ដល់ការគាំទ្រផ្នែកយោធាបន្ថែមទៀតសម្រាប់រដ្ឋធានី Kyiv និងដាក់ទណ្ឌកម្មថែមទៀតលើទីក្រុង Moscow៕អត្ថបទ៖ សុខមាន

ប្រជាជនហ្សកហ្ស៊ីប្រមូលផ្តុំគ្នាប្រឆាំងរដ្ឋាភិបាលជុំវិញការបរាជ័យបំណងចូលសហភាពអឺរ៉ុប

ហ្សកហ្ស៊ី៖ ក្រុមបាតុកររាប់ពាន់នាក់បានប្រមូលផ្តុំគ្នានៅមុខរដ្ឋសភាក្នុងរដ្ឋធានី Tbilisi ប្រទេសហ្សកហ្ស៊ីកាលពីល្ងាចថ្ងៃសុក្រ ដោយទាមទារឱ្យនាយករដ្ឋមន្ត្រីលាលែងពីដំណែង ជុំវិញការបរាជ័យក្នុងការអនុវត្តកំណែទម្រង់គ្រប់គ្រាន់សម្រាប់ប្រទេសនេះ ដើម្បីក្លាយជាបេក្ខជនសម្រាប់សមាជិកភាពសហភាពអឺរ៉ុប។ ក្រុមអ្នកតវ៉ានៅក្នុងការប្រមូលផ្តុំដែលត្រូវបានរៀបចំដោយចលនាស៊ីវិល បានផ្តល់ពេលឱ្យលោក Irakli Gharibashivili មួយសប្តាហ៍ដើម្បីលាលែងពីតំណែង ហើយបានប្តេជ្ញាបន្តធ្វើបាតុកម្មទូទាំងប្រទេសរហូតដល់ការទាមទាររបស់ពួកគេត្រូវបានបំពេញ។ គណបក្សប្រឆាំង និងសកម្មជនសង្គមស៊ីវិលព្រួយបារម្ភថា រដ្ឋាភិបាលបច្ចុប្បន្នមិនអាចអនុវត្តកំណែទម្រង់ ដែលកំណត់ដោយគណៈកម្មការអឺរ៉ុបជាលក្ខខណ្ឌចាំបាច់ ដើម្បីពិចារណាអំពីក្តីសង្ឃឹមរបស់ប្រទេសនេះក្នុងការចូលជាសមាជិកសហភាពអឺរ៉ុប។ក្រុមអ្នកតវ៉ាមានបំណងឱ្យរដ្ឋាភិបាលថ្មីអនុវត្តកំណែទម្រង់នៅខែធ្នូ នៅពេលដែលសហភាពអឺរ៉ុបត្រូវបានគេរំពឹងថា នឹងពិនិត្យឡើងវិញវឌ្ឍនភាពរបស់ប្រទេសហ្សកហ្ស៊ី។ សង្គ្រាមរុស្ស៊ីនៅអ៊ុយក្រែនបានបន្ថែមទៅក្នុងបញ្ជី នៃបំណងប្រាថ្នាចូលជាសមាជិកសហភាពអឺរ៉ុប ខណៈរដ្ឋាភិបាលអ៊ុយក្រែន ម៉ុលដូវ៉ា និងហ្សកហ្ស៊ីបានប្រញាប់ប្រញាល់ដាក់ពាក្យស្នើសុំចូលជាសមាជិក បន្ទាប់ពីរុស្ស៊ីបានវាយលុកប្រទេសជិតខាងខ្លួន៕អត្ថបទ៖ ប៊ុនថន

ប្រមុខអង្គការសហប្រជាជាតិព្រមានពីការខ្វះខាតស្បៀងអាហារជាមហន្តរាយ

UN៖ ប្រមុខអង្គការសហប្រជាជាតិបានព្រមានកាលពីថ្ងៃសុក្រថា ពិភពលោកប្រឈមនឹងមហន្តរាយដោយសារតែកង្វះស្បៀងអាហារកើនឡើងនៅជុំវិញពិភពលោក។ អគ្គលេខាធិការអង្គការសហប្រជាជាតិលោក Antonio Guterres បាននិយាយថា សង្គ្រាមនៅអ៊ុយក្រែនបានបន្ថែមលើផលប៉ះពាល់ ដែលបណ្តាលមកពីបម្រែបម្រួលអាកាសធាតុ ជំងឺឆ្លងរាតត្បាត និងវិសមភាព និងបង្កើតឲ្យមានវិបត្តិទុរ្ភិក្សសកលមិនធ្លាប់មានពីមុនមក ដែលបានធ្វើឲ្យប៉ះពាល់ដល់មនុស្សរាប់រយលាននាក់រួចទៅហើយ។ លោកបានថ្លែងតាមសារវីដេអូមួយទៅកាន់មន្ត្រីមកពីប្រទេសអ្នកមាន និងប្រទេសកំពុងអភិវឌ្ឍន៍ដែលបានមកជួបជុំគ្នានៅទីក្រុងប៊ែរឡាំងថា មានហានិភ័យពិតប្រាកដ ដែលគ្រោះទុរ្ភិក្សជាច្រើននឹងត្រូវប្រកាសនៅឆ្នាំ2022 នេះ ហើយឆ្នាំ2023 អាចកាន់តែធ្ងន់ធ្ងរជាងនេះ។លោក Guterres និយាយថា ការប្រមូលផលនៅទូទាំងទ្វីបអាស៊ី អាហ្វ្រិក និងអាមេរិកនឹងទទួលរងផលប៉ះពាល់ ខណៈកសិករនៅជុំវិញពិភពលោកព្យាយាមដើម្បីទប់ទល់ការកើនឡើងតម្លៃជី និងថាមពល។ បញ្ហាលទ្ធភាពទទួលបានស្បៀងអាហារនៅឆ្នាំនេះ អាចនឹងក្លាយទៅជាការខ្វះខាតស្បៀងអាហារពិភពលោកនៅឆ្នាំក្រោយ។ លោក Guterres និយាយថា អ្នកចរចារបស់អង្គការសហប្រជាជាតិកំពុងធ្វើការលើកិច្ចព្រមព្រៀងមួយ ដែលអាចឱ្យប្រទេសអ៊ុយក្រែននាំចេញស្បៀងអាហាររួមទាំងតាមច្រកសមុទ្រខ្មៅ និងអនុញ្ញាតឱ្យប្រទេសរុស្ស៊ីនាំចេញស្បៀងអាហារ និងជីទៅកាន់ទីផ្សារពិភពលោកដោយគ្មានការរឹតត្បិត៕អត្ថបទ៖ ប៊ុនថន

លោក Blinken និយាយថា ប្រទេស G7 ប្ដេជ្ញាគាំទ្រអ៊ុយក្រែន

សហរដ្ឋអាមេរិក៖ រដ្ឋមន្ត្រីការបរទេសសហរដ្ឋអាមេរិកលោក Antony Blinken បាននិយាយកាលពីថ្ងៃសុក្រថា ក្រុមប្រទេសមហាអំណាចសេដ្ឋកិច្ចឈានមុខគេទាំងប្រាំពីរ បានប្តេជ្ញាបន្តការគាំទ្រប្រទេសអ៊ុយក្រែន។បន្ទាប់ពីបានពិភាក្សាជាមួយសមាជិកប្រទេស G7 មុនកិច្ចប្រជុំនៅសប្តាហ៍ក្រោយនេះ លោក Blinken បាននិយាយថា មេដឹកនាំប្រទេស G7 បានព្រមព្រៀងបន្តធ្វើអ្វីដែលយើងកំពុងធ្វើក្នុងការគាំទ្រអ៊ុយក្រែន ដែលរួមមានការដាក់ទណ្ឌកម្មលើប្រទេសរុស្ស៊ី និងការពង្រឹងការការពាររបស់ប្រទេសផ្សេងទៀត។ លោកបាននិយាយក្នុងអំឡុងសន្និសីទសារព័ត៌មាននៅទីក្រុងប៊ែរឡាំងថា មានសាមគ្គីភាពរឹងមាំ ហើយមានការប្តេជ្ញាចិត្តពិតប្រាកដ ដើម្បីអនុវត្តវាឱ្យបានយូរអង្វែងជាការចាំបាច់។ លោក Blinken បានថ្លែងសរសើរសហភាពអឺរ៉ុប ចំពោះចំណាត់ការចាកចេញពីការពឹងផ្អែកលើប្រេងរបស់ប្រទេសរុស្ស៊ី។ លោកនិយាយថា យើងកំពុងធ្វើអ្វីគ្រប់យ៉ាងដែលយើងអាចធ្វើបាន ដើម្បីគាំទ្រដល់ការផ្លាស់ប្តូរដែលអឺរ៉ុបកំពុងធ្វើដោយការចាកចេញពីការពឹងផ្អែកលើប្រេងរបស់រុស្ស៊ី។ការខ្វះខាតឧស្ម័នធម្មជាតិ និងតម្លៃឡើងកាន់តែខ្ពស់កំពុងដាក់សម្ពាធហិរញ្ញវត្ថុយ៉ាងខ្លាំង ទៅលើប្រទេសអាល្លឺម៉ង់ អ៊ីតាលី អូទ្រីស ហូឡង់ ប៉ូឡូញ ប៊ុលហ្គារី ហ្វាំងឡង់ សាធារណរដ្ឋឆេក និងដាណឺម៉ាកក្នុងចំណោមប្រទេសដទៃទៀត។ រុស្ស៊ីមើលឃើញតម្រូវការឧស្ម័នធម្មជាតិរបស់អឺរ៉ុបថា ជាបញ្ហានយោបាយដែលអាចធ្វើឲ្យសម្ព័ន្ធភាពដែលគាំទ្រអ៊ុយក្រែនចុះខ្សោយ៕អត្ថបទ៖ ប៊ុនថន

សម្តេចតេជោ៖ សកលលោកត្រូវតែប្រកាន់ខ្ជាប់នូវស្មារតីបើកចំហ និងគាំទ្រប្រព័ន្ធពាណិជ្ជកម្មពហុភាគី

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានបញ្ជាក់ជាថ្មីថា ដោយសាររយៈពេល ២ឆ្នាំកន្លងមក សកលលោកបានជួបវិបត្តិកូវីដ-១៩ ដែលបច្ចុប្បន្ន, តំបន់ និងសកលលោកបាននឹងកំពុងបន្តប្រឈមកាន់តែស្រួចស្រាល់ឡើងៗ យើងត្រូវតែប្រកាន់ខ្ជាប់នូវស្មារតីបើកចំហ និងគាំទ្រប្រព័ន្ធពាណិជ្ជកម្មពហុភាគី និងពង្រឹងពហុភាគីនិយម។ការលើកឡើងរបស់សម្តេចតេជោប្រមុខរាជរដ្ឋាភិបាលកម្ពុជាខាងលើនេះ ត្រូវបានធ្វើឡើងកាលពីយប់មិញ ខណៈសម្តេចអញ្ជើញថ្លែងតាមប្រព័ន្ធវីដេអូ ទៅកាន់កិច្ចសន្ទនាជាន់ខ្ពស់នៃថា្នក់ដឹកនាំប្រ៊ីកបូក (BRICS Plus) ស្ដីពីការអភិវឌ្ឍសកលក្រោមមូលបទ “លើកកម្ពស់ភាពជាដៃគូអភិវឌ្ឍន៍សកលសម្រាប់យុគសម័យថ្មី ដើម្បីរួមគ្នាអនុវត្តរបៀបវារៈឆ្នាំ២០៣០ សម្រាប់ការអភិវឌ្ឍប្រកបដោយចីរភាព។ ជាមួយនឹងការអរគុណចំពោះប្រធានាធិបតីចិន ស៊ី ជីនពីង ដែលបានអញ្ជើញសម្តេចចូលរួមកម្មវិធីនេះ ដើម្បីរួមចំណែកពង្រឹង និងពង្រីកកិច្ចសហប្រតិបត្តិការរវាងបណ្ដាប្រទេសក្នុងតំបន់អាស៊ាន និងប្រ៊ីក (BRICS) សំដៅនាំមកនូវការអភិវឌ្ឍប្រកបដោយចីរភាព, បរិយាប័ន្ន និងភាពសុខដុមរមនាសម្រាប់សកលលោក។សម្តេចបន្តថា៖ ក្នុងបរិការណ៍ដែលការរីករាលនៃជំងឺកូវីដ-១៩ បានស្រាកស្រាន្ត និងការខិតខំស្តារសេដ្ឋកិច្ចសកលលោកជាអាទិភាពចំពោះមុខ, ប្រ៊ីក (BRICS) ដែលជាសេដ្ឋកិច្ចកំពុងលូតលាស់ខ្លាំងប្រកបដោយសក្ដានុពល មានតួនាទីកាន់តែសំខាន់មិនអាចខ្វះបានក្នុងការពង្រីក និងពង្រឹងចលនាការនៃសកម្មភាពសេដ្ឋកិច្ចសកលលោកឱ្យត្រលប់ទៅរកកំណើនសក្តានុពល ដើម្បីពន្លឿនការសម្រេចបាននូវគោលដៅអភិវឌ្ឍន៍ប្រកបដោយចីរភាព។ ក្នុងន័យនេះ, កិច្ចសហប្រតិបត្តិការប្រ៊ីកបូក (BRICS Plus) ជាកាលានុវត្តភាពមួយដ៏សំខាន់ សម្រាប់ពង្រឹងភាពជាដៃគូជាមួយបណ្តាប្រទេសផ្សេងៗ ក្នុងការបង្កើតវេទិកាសម្រាប់លើកកម្ពស់កិច្ចសហប្រតិបត្តិការ ជាក់ស្ដែងក្នុងវិស័យអាទិភាពសំខាន់ៗដើម្បីបង្កើតឱកាសការងារ, កាត់បន្ថយភាពក្រីក្រ ព្រមទាំងការធានាសន្តិសុខស្បៀង និងថាមពលជាដើម ក្នុងការសម្រេចឱ្យបាននូវរបៀបវារៈឆ្នាំ២០៣០ សម្រាប់ការអភិវឌ្ឍប្រកបដោយចីរភាព។ក្នុងនាមជាប្រធានអាស៊ានសម្រាប់ឆ្នាំ២០២២ សម្តេចបញ្ជាក់ថា៖ កម្ពុជានឹងខិតខំប្រឹងប្រែងដើរតួនាទីយ៉ាងសកម្មបន្ថែមទៀត ដើម្បីបន្តពង្រឹងកិច្ចសហប្រតិបត្តិការអាស៊ានជាមួយដៃគូ ក្នុងគោលដៅជំរុញការស្តារសេដ្ឋកិច្ចឡើងវិញក្រោយវិបត្តិជំងឺកូវីដ-១៩ ប្រកបដោយបរិយាប័ន្ន, ចីរភាព និងភាពធន់ ដើម្បីឆ្ពោះទៅរកការសម្រេចបាននូវរបៀបវារៈឆ្នាំ២០៣០ សម្រាប់ការអភិវឌ្ឍប្រកបដោយចីរភាព៕ អត្ថបទ៖ មុត សុទ្ធ

សម្តេចតេជោ ហ៊ុន សែន និងក្រុមគ្រួសារ សម្រេចយកដំណឹងមរណភាពសម្តេចឧត្តមទេពញាណ ហ៊ុន ណេង ប្រាប់បងប្រុសទី១

ភ្នំពេញ៖ សម្តេចតេជោ ហ៊ុន សែន បានសរសេរលើបណ្តាញសង្គមFacebook ដោយរៀបរាប់ដ៏រំជួលចិត្ត។ សម្តេចតេជោ ហ៊ុន សែន បានរៀបរាប់ថា ដោយសុខភាពបងប្រុសទីមួយ(ឯកឧត្ដម ហ៊ុន សាន)បានប្រសើរព្រមទាំងពេលវេលាក៏សមស្រប សម្តេចតេជោ ហ៊ុន សែន បានណែនាំប្អូនៗ និងក្មួយៗ យកដំណឹងអំពីមរណភាពបងប្រុសទីពីរ គឺសម្តេចឧត្តម ទេពញាណ ហ៊ុន ណេង ជំរាបគាត់។សម្តេចតេជោ ហ៊ុន សែន បានបន្តថា ប្រតិកម្មដំបូងក្រោយទទួលព័ត៌មានថា ប្អូនស្លាប់ គឺភាពស្រឡាំងកាំង ញ័រដៃ ភ្នែកឡើងក្រហម និងពោលពាក្យដដែលៗថាហេតុអីមិនប្រាប់គាត់។សម្តេចជោ ហ៊ុន សែន បញ្ជាក់ថា “ក្រោយការពន្យល់របស់ប្អូនៗ និងក្មួយៗ គាត់យល់តែអ្វីដែលបារម្ភ គឺក្រោយពេលប្អូនៗ និងក្មួយៗចេញផុតមកគាត់អង្គុយយំ និងពិសារគុយទាវតែ២ម៉ាត់គត់។ គាត់បាននិយាយថា ប្អូនគាត់ មិនមានជំងឺអ្វីសោះ និងបន្តនិយាយថាហេតុអីមិនប្រាប់គាត់។ ខ្ញុំកំពុងឱ្យក្មួយៗតាមដាន និងលួចថតរូបគាត់ផ្ញើមកខ្ញុំ។ គាត់ពិតជាពិបាកទទួលយកនូវរឿងបែបនេះណាស់ព្រោះនេះជាការវាយប្រហារខាងផ្លូវចិត្តខ្លាំងបំផុតសម្រាប់គាត់”៕

អឺរ៉ុបនិយាយថា អ៊ុយក្រែន និងម៉ុលដូវ៉ាត្រូវបំពេញការងារដែលកំណត់ដោយសហភាពអឺរ៉ុប

អឺរ៉ុប៖ ប្រធានគណៈកម្មការអឺរ៉ុបលោកស្រី Urusla von der Leyen កាលពីថ្ងៃព្រហស្បតិ៍បាននិយាយថា លោកស្រីមានទំនុកចិត្តថា ប្រទេសអ៊ុយក្រែន និងម៉ុលដូវ៉ានឹងត្រូវបំពេញការងារ ដែលកំណត់ដោយសហភាពអឺរ៉ុបជាចាំបាច់ ដើម្បីឈានទៅដំណាក់កាលបន្ទាប់នៃការចូលជាសមាជិកសហភាពអឺរ៉ុប បន្ទាប់ពីមេដឹកនាំនៃប្លុកនេះបានអនុម័តបេក្ខភាពរបស់ពួកគេ។ លោកស្រីនិយាយថា ពួកគេទាំងអស់នឹងឈានឆ្ពោះទៅមុខបានកាន់តែលឿនតាមដែលអាចធ្វើទៅបាន ហើយខិតខំឱ្យអស់ពីលទ្ធភាពដើម្បីអនុវត្តកំណែទម្រង់ដែលចាំបាច់។ សហភាពអឺរ៉ុបបានព្រមព្រៀងកាលពីថ្ងៃព្រហស្បតិ៍ ដើម្បីដាក់ប្រទេសអ៊ុយក្រែននៅលើវិធីឆ្ពោះទៅរកសមាជិកភាពសហភាពអឺរ៉ុប ដោយមានសកម្មភាពក្នុងល្បឿនលក្ខណៈធម្មតា និងសាមគ្គីភាព ដើម្បីទាញប្រទេសដែលកំពុងប្រយុទ្ធក្នុងសង្គ្រាមមួយនេះ ចេញឆ្ងាយពីឥទ្ធិពលរបស់រុស្ស៊ី ហើយចង់ឱ្យប្រទេសនេះកាន់តែជិតស្និទ្ធជាមួយលោកខាងលិច។ ការជួបប្រជុំនៅក្នុងកិច្ចប្រជុំកំពូលក្នុងទីក្រុងប្រ៊ុចសែល មេដឹកនាំប្រទេសទាំង 27 របស់សហភាពអឺរ៉ុបបានប្រមូលការអនុម័តជាឯកច្ឆន្ទ ដែលត្រូវការដើម្បីផ្តល់បេក្ខភាពដល់អ៊ុយក្រែន ប៉ុន្តែដំណើរការនៃការចូលសមាជិកភាពអាចចំណាយពេលច្រើនឆ្នាំ។ប្រធានាធិបតីអ៊ុយក្រែនលោក Volodymyr Zelenskyy បាននិយាយថា អ៊ុយក្រែនមានលទ្ធភាពក្លាយជាសមាជិក ពេញលេញរបស់សហភាពអឺរ៉ុប។ ថ្លែងតាមបណ្តាញវីដេអូកាលពីថ្ងៃព្រហស្បតិ៍ទៅកាន់មេដឹកនាំប្រទេសទាំង 27 របស់សហភាពអឺរ៉ុប បន្ទាប់ពីប្រមូលបានការអនុម័តជាឯកច្ឆន្ទដែលត្រូវការ ដើម្បីផ្តល់បេក្ខភាពដល់អ៊ុយក្រែន លោក Zelenskyy បាននិយាយថា លោកជឿថា សហភាពអឺរ៉ុបរួមគ្នាជាមួយអ៊ុយក្រែន និងស្តារប្រទេសឡើងវិញបន្ទាប់ពីសង្គ្រាម។ លោក Zelenskyy បានអរគុណដល់ទាហានអ៊ុយក្រែន សម្រាប់ការធ្វើឱ្យមានប្រវត្តិសាស្ត្រថ្មីរបស់អ៊ុយក្រែន ប្រវត្តិសាស្ត្រថ្មីរបស់អឺរ៉ុបកាន់តែរឹងមាំ និងកាន់តែមានសេរីភាព៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

សមត្ថកិច្ចចុះត្រួតពិនិត្យពីរទីតាំងនៅក្រុងប៉ោយប៉ែតរកឃើញជនជាតិឥណ្ឌូនេស៊ីចំនូន៨១នាក់រស់នៅប្រមូលផ្តុំ

សម្ដេចព្រះមហាសង្ឃរាជ បួរ គ្រី យាងបើកកម្មវិធីការពារនិក្ខេបបទ និងប្រឡងបញ្ចប់ថ្នាក់បរិញ្ញាបត្រជាន់ខ្ពស់ នៅពុទ្ធិកសាកលវិទ្យាល័យព្រះសីហមុនីរាជា

សម្តេចកិត្តិសង្គហបណ្ឌិត ម៉ែន សំអន អញ្ជើញប្រគេនទៀនព្រះវស្សា និងទេយ្យវត្ថុដល់ព្រះសង្ឃចំនួន ៥វត្ត នៅខេត្តក្រចេះ

សម្ដេចធិបតី អញ្ជើញត្រួតពិនិត្យ និងសួរសុខទុក្ខយោធិនក្នុងអង្គភាពបញ្ជាការដ្ឋានជាតិកម្លាំងពិសេសប្រឆាំងភេរវកម្ម

មូលនិធិគន្ធបុប្ផាកម្ពុជា រៀបចំស្ដង់ទទួលថវិកាបរិច្ចាគ ក្នុងយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៦ នៅផ្លូវថ្មើរជើងចតុមុខ

ឯកឧត្តមបណ្ឌិត អ៊ាង សុផល្លែត អញ្ជើញជាអធិបតីប្រកាសសមាជិកថ្មី របស់គណបក្សប្រជាជនកម្ពុជាប្រចាំខេត្តត្បូងឃ្មុំចំនួនជាង២ពាន់នាក់

ជនជាតិចិន១៧០នាក់ពាក់ ព័ន្ធករណីឆបោកតាមប្រព័ន្ធបច្ចេកវិទ្យាត្រូវបានបណ្ដេញចេញពីកម្ពុជា

អ្នកទេសចរប្រៀបប្រដូច ទឹកដីជីផាត ខេត្តកោះកុង ជាឋានសួគ៌សម្រាប់អ្នកទេសចរ ចូលចិត្តដើរលេងកម្សាន្តមិនចេះរីងស្ងួត

មេបញ្ជាការកងទ័ពជើងទឹក៖ កងទ័ពជើងទឹកបន្តអនុវត្តជាប់ជានិច្ចនូវការងារហ្វឹកហ្វឺន បំប៉នជំនាញដើម្បីលើក កម្ពស់សមត្ថភាពរបស់យោធិន

អនុប្រធានទី១អាជ្ញាធរមីន អំពាវនាវដល់ប្រទេសទាំងអស់ រើសយកភាពជាដៃគូ និងកិច្ចសហប្រតិបត្តិការជាជាងការប្រឈមមុខដាក់គ្នា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អេស្ប៉ាញលើកឡើងថា ការចូលជាសមាជិកណាតូរបស់អ៊ុយក្រែនមិនអាចមាននៅលើតុទេ

អ៊ុយក្រែននិយាយថា រុស្ស៊ីបានគ្រប់គ្រងទីក្រុង Severodonetsk ទាំងស្រុងហើយ

មីស៊ីលរាប់សិបគ្រាប់ដាក់គោលដៅនៅទូទាំងប្រទេសអ៊ុយក្រែន ខណៈប្រទេស G7 ជួបជុំពិភាក្សាបញ្ហារុស្ស៊ី

ប្រជាជនហ្សកហ្ស៊ីប្រមូលផ្តុំគ្នាប្រឆាំងរដ្ឋាភិបាលជុំវិញការបរាជ័យបំណងចូលសហភាពអឺរ៉ុប

ប្រមុខអង្គការសហប្រជាជាតិព្រមានពីការខ្វះខាតស្បៀងអាហារជាមហន្តរាយ

លោក Blinken និយាយថា ប្រទេស G7 ប្ដេជ្ញាគាំទ្រអ៊ុយក្រែន

សម្តេចតេជោ៖ សកលលោកត្រូវតែប្រកាន់ខ្ជាប់នូវស្មារតីបើកចំហ និងគាំទ្រប្រព័ន្ធពាណិជ្ជកម្មពហុភាគី

សម្តេចតេជោ ហ៊ុន សែន និងក្រុមគ្រួសារ សម្រេចយកដំណឹងមរណភាពសម្តេចឧត្តមទេពញាណ ហ៊ុន ណេង ប្រាប់បងប្រុសទី១

អឺរ៉ុបនិយាយថា អ៊ុយក្រែន និងម៉ុលដូវ៉ាត្រូវបំពេញការងារដែលកំណត់ដោយសហភាពអឺរ៉ុប

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អេ​ស្ប៉ា​ញ​លើក​ឡើង​ថា​ ការចូល​ជា​សមាជិក​ណា​តូ​របស់​អ៊ុយ​ក្រែ​ន​មិន​អាចមាន​នៅលើ​តុ​ទេ

អ៊ុយ​ក្រែ​ន​និយាយ​ថា​ រុស្ស៊ី​បាន​គ្រប់គ្រង​ទីក្រុង Severodonetsk ទាំងស្រុង​ហើយ

ប្រជាជន​ហ្ស​ក​ហ្ស៊ី​ប្រមូល​ផ្តុំគ្នា​ប្រឆាំង​រដ្ឋាភិបាល​ជុំវិញ​ការ​បរាជ័យ​បំណង​ចូល​សហភាព​អឺរ៉ុប​

ប្រមុខ​អង្គការសហប្រជាជាតិព្រមាន​ពី​ការខ្វះខាត​ស្បៀងអាហារជា​មហន្តរាយ

លោក Blinken​ និយាយ​ថា​ ប្រទេស G7 ប្ដេជ្ញា​គាំទ្រ​អ៊ុយ​ក្រែ​ន​

សម្តេចតេជោ ហ៊ុន សែន និងក្រុមគ្រួសារ សម្រេចយកដំណឹងមរណភាពសម្តេចឧត្តមទេពញាណ ហ៊ុន ណេង ប្រាប់បងប្រុសទី១

អឺរ៉ុប​និយាយ​ថា ​អ៊ុយ​ក្រែ​ន​ និង​ម៉ុ​ល​ដូ​វ៉ា​ត្រូវ​បំពេញ​ការងារ​ដែល​កំណត់​ដោយ​សហភាព​អឺរ៉ុប

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អេស្ប៉ាញលើកឡើងថា ការចូលជាសមាជិកណាតូរបស់អ៊ុយក្រែនមិនអាចមាននៅលើតុទេ

អ៊ុយក្រែននិយាយថា រុស្ស៊ីបានគ្រប់គ្រងទីក្រុង Severodonetsk ទាំងស្រុងហើយ

ប្រជាជនហ្សកហ្ស៊ីប្រមូលផ្តុំគ្នាប្រឆាំងរដ្ឋាភិបាលជុំវិញការបរាជ័យបំណងចូលសហភាពអឺរ៉ុប

ប្រមុខអង្គការសហប្រជាជាតិព្រមានពីការខ្វះខាតស្បៀងអាហារជាមហន្តរាយ

លោក Blinken និយាយថា ប្រទេស G7 ប្ដេជ្ញាគាំទ្រអ៊ុយក្រែន

អឺរ៉ុបនិយាយថា អ៊ុយក្រែន និងម៉ុលដូវ៉ាត្រូវបំពេញការងារដែលកំណត់ដោយសហភាពអឺរ៉ុប