នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មាន​មេត្តា​ចំពោះ​អ្នកជំងឺ
ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង
សម្ដេចតេជោ និងសម្ដេចធិបតី អបអរសាទរខួបលើកទី៧៥ កម្ពុជា ចូលជាសមាជិកអង្គការយូណេស្កូ
ICRC ប្ដេជ្ញាបន្តគាំទ្រ និងពង្រឹងកិច្ចសហប្រតិបត្តិការជាមួយកម្ពុជា បន្ថែមទៀត

ព័ត៌មានសំខាន់ៗ

គណៈប្រតិភូមីយ៉ាន់ម៉ា នឹងអញ្ជើញមកកាន់កម្ពុជាដើម្បីចូលរួមកិច្ចប្រជុំពិគ្រោះយោបល់ស្តីពីជំនួយមនុស្សធម៌ទៅកាន់មីយ៉ាន់ម៉ា

2022/05/02 12:57:05 pm        464
Facebook Telegram Linkin
ភ្នំពេញ៖ ប្រធានសម្របសម្រួលជំនួយមនុស្សធម៌របស់មីយ៉ាន់ម៉ា នឹងដឹកនាំគណៈប្រតិភូមកកាន់កម្ពុជា នៅថ្ងៃទី៦ ខែឧសភា ឆ្នាំ២០២២នេះ ដើម្បីចូលរួមកិច្ចប្រជុំពិគ្រោះយោបល់ស្តីពីបញ្ហាជំនួយមនុស្សធម៌ទៅកាន់មីយ៉ាន់ម៉ា។ក្នុងឋានៈជាប្រេសិតពិសេសរបស់ប្រធានអាស៊ានស្តីពីមីយ៉ាន់ម៉ា ឯកឧត្តម ឧបនាយករដ្ឋមន្រ្តី ប្រាក់ សុខុន រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ នឹងអញ្ជើញដឹកនាំកិច្ចប្រជុំពិគ្រោះយោបល់ស្តីពីបញ្ហាជំនួយមនុស្សធម៌ទៅកាន់មីយ៉ាន់ម៉ា ជាមួយប្រធានសម្របសម្រួលជំនួយមនុស្សធម៌របស់មីយ៉ាន់ម៉ា តំណាងនាយឧត្តមសេនីយ៍ជាន់ខ្ពស់ មីង អោង ឡាំង។ ការបញ្ជាក់ជុំវិញការចូលរួមកិច្ចប្រជុំពិគ្រោះយោបល់របស់គណៈប្រតិភូមីយ៉ាន់ម៉ាមកកាន់កម្ពុជា តាមរយៈប្រសាសន៍របស់នាយសេនីយ៍ជាន់ខ្ពស់ មីង អោង ឡាំង ក្នុងពេលជួបពិភាក្សាការងារជាមួយសម្តេចតេជោ ហ៊ុន សែន នាយករដ្ឋមន្រ្តី នាព្រឹកថ្ងៃទី២ ខែឧសភា ឆ្នាំ២០២២ តាមប្រព័ន្ធវីដេអូ។

ឯកឧត្ដម ហ៊ុន ម៉ាណែត៖ ឯករាជ្យភាពរបស់ប្រទេស គឺត្រូវពឹងផ្អែកលើសមត្ថភាពរបស់ប្រជាពលរដ្ឋជាចាំបាច់

2022/05/02 07:07:14 pm        402
Facebook Telegram Linkin
កំពង់ចាម ៖ ឯករាជ្យភាពរបស់ប្រទេសជាតិមួយ គឺត្រូវពឹងលើសមត្ថភាពរបស់ប្រជាជាតិនោះជាកត្តាចាំបាច់។ នេះ បើតាមប្រសាសន៍របស់ឯកឧត្តមបណ្ឌិត ហ៊ុន ម៉ាណែត តំណាងដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ក្នុងពិធីសម្ពោធដាក់ឱ្យប្រើប្រាស់ជាផ្លូវការនូវអគារសិក្សា អគាររដ្ឋបាល និងពិធីប្រគេន-ប្រគល់សញ្ញាបត្របរិញ្ញាបត្រ នៃពុទ្ធិកសាកលវិទ្យាល័យ សម្តេចអគ្គមហាសេនាបតីតេជោ ហ៊ុន សែន ស្ថិតក្នុងសង្កាត់បឹងកុក ក្រុងកំពង់ចាម ខេត្តកំពង់ចាម នាថ្ងៃទី២ ខែឧសភា ឆ្នាំ២០២២។ឯកឧត្ដមបន្តថា ឈរលើមូលដ្ឋាននេះ រាជរដ្ឋាភិបាលដែលដឹកនាំដោយគណបក្សប្រជាជនកម្ពុជា ក្នុងរយៈកាលជាង ៤០ ឆ្នាំមកនេះ បានសម្រេចនូវស្នាដៃ និងសមិទ្ធផលយ៉ាងធំធេងនៅក្នុងការបណ្តុះបណ្តាលកសាងធនធានមនុស្សបម្រើឱ្យសេចក្តីត្រូវការរបស់សង្គមជាតិទាំងផ្នែកពុទ្ធចក្រ និងអាណាចក្រ។ ពិតណាស់ គឺមានកត្តា ២ យ៉ាងសំខាន់ៗ ដែលនាំឱ្យសម្រេចបាននូវជោគជ័យនេះ ហើយតទៅអ នាគតទៀតកត្តាទាំង០២នេះ ក៏នឹងបន្តឋិតនៅដោយឥតប្រួលប្រែ៖ ទី១.រាជរដ្ឋាភិបាលមានគោលន យោបាយច្បាស់លាស់ និងត្រឹមត្រូវ ដោយបានចាត់វិស័យអប់រំជាវិស័យអាទិភាពខ្ពស់ជាងគេ ហើយបានចាត់តាំងអនុវត្តគោលនយោបាយនេះប្រកបដោយប្រសិទ្ធភាព និងទី២.ការគាំទ្រជឿជាក់ និងការចូលរួមចំណែកពីសំណាក់ប្រជាពលរដ្ឋគ្រប់មជ្ឈដ្ឋាន ក៏ដូចជាការចូលរួមរបស់មន្ត្រីរាជការ កងកម្លាំងប្រដាប់អាវុធគ្រប់ប្រភេទ រួមទាំងវិស័យឯកជន និងសប្បុរសជននានាទាំងក្នុងនិងក្រៅប្រទេស ដែលបានរួបរួមគ្នាសាមគ្គីគ្នាជាធ្លុងមួយក្នុងបុព្វហេតុកសាង និងអភិវឌ្ឍប្រទេសជាតិ តាមរយៈការកសាងស មិទ្ធផលនានា ដែលបម្រើឱ្យសេចក្តីត្រូវការក្នុងកិច្ចការបណ្តុះបណ្តាលធនធានមនុស្ស។ក្នុងពិធីនោះដែរ ឯកឧត្ដមក៏បានបង្ហាញនូវមោទនភាពចំពោះការរីកចម្រើនជាលំដាប់របស់ពុទ្ធិកសាក លវិទ្យាល័យ សម្តេចអគ្គមហាសេនាបតីតេជោ ហ៊ុន សែន ដែលបានចាប់ផ្តើមបើកដំណើរការនៅក្នុងឆ្នាំ២០០៨ ដើម្បីបណ្តុះបណ្តាលធនធានសមណនិស្សិត និងនិស្សិត ទាំងកម្រិតឧត្តមសិក្សា និងក្រោ យឧត្តមសិក្សា ដោយមកទល់ពេលនេះ មានការកសាងហេដ្ឋារចនាសម្ព័ន្ធរូបវ័ន្តនានាជាបន្តបន្ទាប់ ដើ ម្បីបំពេញតម្រូវការក្នុងការបណ្តុះបណ្តាលសមណនិស្សិត និងនិសិ្សត ដែលបន្តកើនឡើងជាលំដាប់ពីមួយឆ្នាំទៅមួយឆ្នាំ ទោះបីស្ថិតក្នុងបរិការណ៍នៃបញ្ហាប្រឈមបង្កឡើងដោយជំងឺកូវីដ-១៩ ក៏ដោយ។ឯកឧត្ដមបន្ថែមថា ការបំពេញឱ្យគ្នាទៅវិញទៅមករវាងខាងអាណាចក្រ និងខាងពុទ្ធចក្រ គឺជាកត្តាមិនអាចខ្វះបាន ដោយប្រៀបបានទៅនឹងមនុស្សដែលមានតែជីវិត និងកាយសម្បទា គឺមិនទាន់គ្រប់គ្រាន់ពេញលក្ខណៈនៅឡើយទេ ហើយជាការចាំបាច់ណាស់ដែលត្រូវបំពេញដោយចំណេះវិជ្ជា និងកត្តាគុ ណធម៌ សីលធម៌បន្ថែមទៀត។ ក្នុងន័យនេះ សាសនាក៏បានចូលរួមចំណែកយ៉ាងសកម្មផុសផុលនៅក្នុងការអប់រំបណ្តុះគំនិត និងការសាបព្រោះចំណេះដឹង ព្រមទាំងការអប់រំកាយ វាចា ចិត្ត ដើម្បីលើកកម្ពស់គុណធម៌ និងសីលធម៌សង្គម ដែលជាផ្នែកមួយដ៏សំខាន់សម្រាប់ភាពសុខដុមរមនារបស់សង្គមជាតិកម្ពុជា។ឯកឧត្ដមបញ្ជាក់បន្ថែមថា សច្ចភាពប្រវត្តិសាស្ត្ររបស់កម្ពុជាក្រោយឆ្នាំ១៩៧៩ ដែលបង្ហាញចេញតាមរយៈការរស់រានឡើងវិញលើគ្រប់វិស័យ ដោយជាក់ស្តែង គឺនៅក្នុងវិស័យពុទ្ធិកសិក្សានេះផ្ទាល់ ដែលត្រូវបានធ្លាក់ចុះដល់ចំណុចសូន្យ ហើយរហូតមកទល់ពេលនេះ មានសាលាពុទ្ធិកសិក្សាសរុបនៅទូទាំ ងប្រទេសប្រមាណជិត ១៥០០ សាលា គឺពិតជាបានផ្តល់នូវយុត្តិធម៌សម្រាប់គណបក្សប្រជាជនកម្ពុជានៅក្នុងគ្រប់ការបោះឆ្នោតតាមបែបប្រជាធិបតេយ្យ ដោយគណបក្សប្រជាជនតែងបានទទួលនូវជ័យជ ម្នះដោយមានការគាំទ្រពីប្រជាពលរដ្ឋភាគច្រើនបំផុត ដែលនៅតែស្រឡាញ់ ជឿជាក់ និងផ្តល់ទំនុកចិ ត្តលើការដឹកនាំដ៏ត្រឹមត្រូវ និងប្រកបដោយទស្សនវិស័យរបស់គណបក្សប្រជាជនកម្ពុជា ដែលមានសម្តេចតេជោ ហ៊ុន សែន ជាប្រធានគណបក្ស និងជានាយករដ្ឋមន្ត្រី។ឯកឧត្ដមក៏បានចូលរួមសាទរចំពោះសមនិស្សិត និងនិស្សិតជយលាភីទាំងអស់ ដែលបានខិតខំប្រឹងប្រែងយកចិត្តទុកដាក់ក្នុងរៀនសូត្រ រហូតបានបញ្ចប់ការសិក្សាដោយជោគជ័យ និងដែលត្រូវទទួលសញ្ញាបត្រនាពេលនេះ ព្រមជាមួយនឹងក្តីសង្ឃឹមយ៉ាងមុតមាំថា ជយលាភីទាំងអស់នឹងប្រើប្រាស់ចំ ណេះដឹង និងចំណេះធ្វើដែលទទួលបានពីការសិក្សាសម្រាប់ចូលរួមកសាង និងអភិវឌ្ឍប្រទេសយើងឱ្យបានកាន់តែរីកចម្រើនរុងរឿងទាំងផ្នែកពុទ្ធចក្រ និងផ្នែកអាណាចក្រ ស័ក្តិសមជាសាវ័កល្អរបស់ព្រះពុទ្ធ និងជាពលរដ្ឋល្អរបស់សង្គមជាតិ៕ ដោយ៖ គង់ ឌិន

សម្តេចតេជោ ហ៊ុន សែន នឹងអញ្ជើញសំណេះសំណាល និងផ្តល់រង្វាន់ដល់សិស្សនិទ្ទេស A ជាង១ពាន់នាក់ នៅព្រឹកស្អែកនេះ

2022/05/02 06:27:07 pm        882
Facebook Telegram Linkin
ភ្នំពេញ៖សម្តេចតេជោ ហ៊ុន សែន នាយករដ្ឋមន្ត្រី នឹងអញ្ជើញជួបសំណេះសំណាល ព្រមទាំងផ្តល់រង្វាន់លើកទឹកចិត្តដល់សិស្សប្រលងជាប់និទ្ទេស A ក្នុងឆ្នាំសិក្សា២០២០-២០២១ សរុប ១,៧៥៣នាក់ ដែលពិធីសំណេះសំណាលត្រូវធ្វើឡើងនៅសាលសន្និសីទ និងពិព័រណ៍ជ្រោយចង្វារ នៅព្រឹកថ្ងៃទី០៣ ខែឧសភាស្អែកនេះ។ ការប្រលងបាក់ឌុប ដែលបានប្រព្រឹត្តទៅកាលពីថ្ងៃទី២៧-២៨ ខែធ្នូ ឆ្នាំ២០២១ មានបេក្ខជនប្រលងជាប់មានចំនួន ៧២,០១៦នាក់ ស្មើនឹងប្រមាណ ៦៥.៦៥% (បេក្ខជនប្រលងសរុប ១១៤,១៨៣នាក់)។ បេក្ខជនទទួលបាននិទ្ទេស A មានចំនួន ១,៧៥៣នាក់ (ឆ្នាំ២០១៩ មានចំនួន ៤៤៣នាក់), និទ្ទេស B មានចំនួន ៥,២១៥នាក់ (ឆ្នាំ២០១៩ ចំនួន ២,៤៣០នាក់), និទ្ទេស C មានចំនួន ១១,៦៣៤នាក់ (ឆ្នាំ២០១៩ ចំនួន ៥,៨៤៧នាក់), និទ្ទេស D មានចំនួន ២៣,៤៩៩នាក់ (ឆ្នាំ២០១៩ ចំនួន ១៤,១០០នាក់), និងនិទ្ទេស E មានចំនួន ២៩ ៩១៥ នាក់ (ឆ្នាំ២០១៩ ចំនួន ៥៦,២៣២នាក់)។ សិស្សដែលទទួលបាននិទ្ទេស A ក្នុងរាជធានីភ្នំពេញ ៥៦៥នាក់, ខេត្តសៀមរាប ១៥៣នាក់, កណ្តាល ១២៧នាក់, បាត់ដំបង ១២៣នាក់, កំពង់ចាម ១១៨នាក់, បន្ទាយមានជ័យ ៩៩នាក់, តាកែវ ៩៩នាក់, ព្រៃវែង ៨៧នាក់, កំពត ៧៥នាក់, ត្បូងឃ្មុំ ៥៤នាក់, ក្រចេះ ៤៥នាក់, កំពង់ធំ ៤១នាក់, កំពង់ស្ពឺ ៣៣នាក់, ពោធិ៍សាត់ ២៨នាក់, ស្វាយរៀង ២៦នាក់, កំពង់ឆ្នាំង ២២នាក់,ព្រះសីហនុ ២០នាក់, រតនគិរី ០៩នាក់, ស្ទឹងត្រែង ០៦នាក់, ប៉ៃលិន ០៦នាក់, ឧត្តរមានជ័យ ០៥នាក់, កោះកុង០៤នាក់, ព្រះវិហារ ០៤នាក់, កែប ០៣នាក់, និងខេត្តមណ្ឌលគិរី ០១នាក់៕

រុស្ស៊ី​និយាយ​ថា ជន​ស៊ីវិល​ច្រើនជាង ​៨០​នាក់​ត្រូវ​បាន​ជម្លៀស​ចេញពី​រោងចក្រ​ដែក Azovstal ​ក្នុង​ទីក្រុង Mariupol

2022/05/02 12:26:00 pm        1897
Facebook Telegram Linkin
​រុស្ស៊ី៖ ក្រសួងការពារជាតិ​រុស្ស៊ី​បាន​ចេញ​ផ្សាយ​វីដេអូ​កាលពី​ថ្ងៃអាទិត្យ ​នៃ​អ្វី​ដែល​ខ្លួន​បាន​និយាយ​ថា គឺជា​ការ​ជម្លៀស​ជន​ស៊ីវិល​ចេញពី​រោងចក្រ​ដែក Azovstal ក្នុង​ទីក្រុង Mariupol។​ ​ក្រសួង​បាន​រាយការណ៍​ថា ជន​ស៊ីវិល​ច្រើនជាង ៨០​នាក់​រួម​ទាំង​ស្ត្រី និង​កុមារ​ត្រូវ​បាន​ជម្លៀស​ចេញ​ពី​តំបន់​រោង​ចក្រ​ដែក​នេះ ខណៈ​បទ​ឈប់​បាញ់ និង​ការ​ឆ្លង​កាត់​ដោយ​សុវត្ថិភាព​ត្រូវ​បាន​រៀបចំឡើងដោយ​កង​កម្លាំងប្រដាប់អាវុធ​រុស្ស៊ី និង​កងជីវពល​នៃ​សាធារណរដ្ឋ​ប្រជាមានិត Donetsk។​ ​យោង​តាម​យោធា​រុស្ស៊ី​បាន​ឲ្យ​ដឹង​ថា ប្រជាជន​ត្រូវ​បាន​គេ​នាំទៅ​កាន់​ភូមិ Bezimenne ក្នុងសាធារណរដ្ឋ​ប្រជាមានិត Donetsk ជា​កន្លែង​ដែល​ពួកគេ​ត្រូវ​បាន​ផ្តល់​កន្លែង​ស្នាក់នៅ អាហារ និងជំនួយ​ផ្នែក​វេជ្ជសាស្ត្រ​។​ ​ជន​ស៊ីវិល​ដែល​ត្រូវ​បាន​ជម្លៀស​ចេញពី​រោងចក្រ Azovstal មាន​បំណង​ចាក​ចេញ​ទៅកាន់​តំបន់​ដែល​គ្រប់គ្រង​ដោយ​ទីក្រុង​គី​វ ហើយ​ត្រូវ​បាន​បញ្ជូន​ទៅ​ឲ្យ​តំណាង​អង្គការ​សហប្រជាជាតិ និង​គណៈកម្មាធិការ​កាកបាទ​ក្រហម​អន្តរជាតិ​។​ ​មនុស្ស​រហូតដល់ ១០០,០០០​នាក់​ត្រូវ​បាន​គេ​ជឿ​ថា​នៅតែ​ស្ថិត​នៅ​ក្នុង​ទីក្រុង Mariupol រួម​ទាំង​ជន​ស៊ីវិល​រហូតដល់ ១,០០០​នាក់​ដែល​បាន​លាក់ខ្លួន​ជាមួយ​នឹង​អ្នក​ប្រយុទ្ធ​អ៊ុយ​ក្រែ​ន​ប្រមាណ ២,០០០​នាក់​នៅ​ក្នុង​រោងចក្រ​ដែក​សម័យ​សូ​វៀត​។​​មន្ត្រី​យោធា​អ៊ុយ​ក្រែ​ន​បាន​និយាយ​ថា កងកម្លាំង​រុស្ស៊ី​បាន​បន្ត​ការ​បាញ់​ផ្លោង​របស់​ពួកគេ​ទៅលើ​រោងចក្រ​ដែក​ក្នុង​ទីក្រុង Mariupol ហែកហួរ​ដោយ​សង្គ្រាម ភ្លាមៗ​បន្ទាប់ពី​ការ​ជម្លៀស​ប្រជាជន​ដោយផ្នែក​។ មេបញ្ជាការ​ឆ្មាំ​ជាតិ​អ៊ុយ​ក្រែ​ន​និយាយ​ថា ការ​បាញ់​ផ្លោង​បាន​ចាប់ផ្ដើម​ភ្លាមៗ ​ខណៈ​បុគ្គលិកសង្គ្រោះ​បាន​ផ្អាក​ការ​ជម្លៀស​ជន​ស៊ីវិល​នៅ​រោងចក្រ​ដែក​ Azovstal​។ មេបញ្ជាការ​និយាយ​ថា យើង​ត្រូវការ​ជុំ​មួយ​ផ្សេងទៀតដើម្បី​ជម្លៀស​ជន​ស៊ីវិល​ចេញពី​រោងចក្រ​ដែក ខណៈ​កុមារ​តូច​ៗ​ច្រើនស្ថិត​នៅ​ក្នុង​លេណដ្ឋាន​ក្នុង​រោងចក្រ​ឧស្សាហកម្ម​មួយ​នេះ​៕អត្ថបទ៖ ប៊ុនថន

តារា​ហូលីវូដ Angelina Jolie ធ្វើដំណើរ​គួរ​ឲ្យ​ភ្ញាក់ផ្អើល​ទៅ​ជួប​ក្មេងៗ​នៅ​ប្រទេស​អ៊ុយ​ក្រែ​ន​

2022/05/02 11:55:04 am        890
Facebook Telegram Linkin
​អ៊ុយក្រែន៖ អភិបាល​តំបន់ Lviv បាន​និយាយ​នៅ​លើ​បណ្ដាញ​សង្គម Telegram ថា កំពូល​តារា​ហូលីវូដ និង​ជា​ប្រេសិត​ពិសេស​ផ្នែក​មនុស្សធម៌​របស់​អង្គការសហប្រជាជាតិ​លោកស្រី Angelina Jolie បាន​ធ្វើ​ដំណើរ​គួរ​ឲ្យ​ភ្ញាក់ផ្អើល​ទៅកាន់​ទីក្រុង Lviv ភាគ​ខាងលិច​ប្រទេស​អ៊ុយ​ក្រែន​កាលពី​ចុង​សប្ដាហ៍​នេះ។​ ​យោង​តាម​លោក​ Maksym Kozytskyy លោកស្រី Jolie ដែល​បាន​ក្លាយ​ជា​ប្រេសិត​ពិសេស​ទទួល​បន្ទុក​ជន​ភៀសខ្លួន​របស់ UNHCR ចាប់​តាំង​ពី​ឆ្នាំ២០១១​ មក​បាន​ទៅ​ជួប​សំណេះសំណាល​ជាមួយ​ប្រជា​ពលរដ្ឋ​ធ្វើ​បម្លាស់ទី ​ដែល​បាន​ស្វែងរក​ទីជ្រកកោន​នៅ​ក្នុង​ទីក្រុង Lviv រួម​ទាំង​ក្មេងៗ​ដែល​កំពុង​សម្រាក​ព្យាបាល​របួសដោយសារ​ការ​វាយប្រហារ​មី​ស៊ី​ល​លើ​ស្ថានីយ​រថភ្លើង Kramatorsk កាល​ពី​ដើម​ខែ​មេសា​។ ​លោកស្រី​បាន​ទៅកាន់​គ្រឹះស្ថាន​វេជ្ជសាស្ត្រ និង​និយាយ​ជាមួយ​ក្រុម​បុគ្គលិក ​និង​មន្ត្រី​មូលដ្ឋាន​អំពី​ផល​ប៉ះពាល់​ដោយសារ​សង្គ្រាម​ទៅលើ​ជីវិត​របស់​ពួកគេ​៕អត្ថបទ៖ សុខមាន

ប្រមុខ​ការទូត​រុស្ស៊ី​៖ ​ថ្ងៃ​ខួប​ជ័យជម្នះ​៩​ឧសភា នឹង​មិន​ប៉ះពាល់ដល់​ប្រតិបត្តិការ​យោធា​នៅ​អ៊ុយ​ក្រែ​ន​ទេ

2022/05/02 09:50:20 am        1326
Facebook Telegram Linkin
​រុស្ស៊ី៖ ប្រមុខ​ការទូត​រុស្ស៊ី​លោក Sergey Lavrov បាន​និយាយ​នៅ​ក្នុង​បទសម្ភាសន៍​ជាមួយ​ទូរទស្សន៍ Mediaset របស់​អ៊ីតាលី​កាលពី​ថ្ងៃអាទិត្យ​ថា ខួប​នៃ​ការ​រំដោះ​ប្រទេស​រុស្ស៊ី​នៅ​ចុង​បញ្ចប់​នៃ​សង្គ្រាម​លោក​លើក​ទី២​ នៅ​ថ្ងៃ​ទី៩ ឧសភា ដែល​នឹង​មកដល់​នា​ពេល​ខាង​មុខនឹង​មិន​ប៉ះពាល់​ដល់​ប្រតិបត្តិការ​យោធា​របស់​ទីក្រុង Moscow ​នៅ​ក្នុង​ប្រទេស​អ៊ុយ​ក្រែ​ន​នោះ​ទេ​។ ​នៅ​ពេល​លោក​ត្រូវ​បាន​សួរ​ថា ​តើ​ថ្ងៃ​ទី៩ ឧសភា​នឹង​ក្លាយ​ជា​ការ​ប្រារព្ធ​ព្រឹត្តិការណ៍​សំខាន់ ឬ​ជា​ចំណុច​ផ្លាស់ប្ដូរ​នៃ​សង្គ្រាម​លោក Lavrov បាន​និយាយ​ថា ទាហាន​របស់​ពួក​លោក​នឹង​មិន​ពឹង​ផ្នែក​សកម្មភាព​របស់​ពួកគេ លើ​កាល​បរិច្ឆេទ​ជាក់លាក់​ទេ​។​ លោក​បាន​បន្ថែម​ថា ពួក​លោក​នឹង​រំឭក​ជ័យជម្នះ​ដ៏​ឧឡារិក ប៉ុន្តែ​ពេលវេលា​នឹង​ល្បឿន​នៃ​អ្វី​ដែល​កំពុង​កើតឡើង​នៅ​ក្នុង​ប្រទេស​អ៊ុយ​ក្រែ​ន នឹង​កំណត់​លើ​ភាព​ចាំបាច់​ក្នុង​ការ​កាត់បន្ថយ​ហា​នី​ភ័យ​សម្រាប់​ជន​ស៊ីវិល និង​ទាហាន​រុស្ស៊ី។​បណ្ដា​រដ្ឋាភិបាល​លោក​ខាង​លិច និង​ក្រុម​អ្នក​វិភាគ​បាន​រំពឹង​ថា​ លោក​ប្រធានាធិបតី​រុស្ស៊ី Vladimir Putin មានបំណង​ប្រកាស​ជ័យជម្នះក្នុង​ប្រទេស​អ៊ុយ​ក្រែ​ន​ចំ​ថ្ងៃ​អបអរ​ទិវា​៩​ឧសភា អំឡុង​ពេល​ដែល​ប្រទេស​រុស្ស៊ី​រៀបចំ​ក្បួន​ព្យុហយា​ត្រា​​ប្រចាំ​ឆ្នាំ​ដ៏​ធំ​របស់​ខ្លួន​។ ប្រទេស​រុស្ស៊ី​បាន​បើក​ការ​វាយ​ប្រហារ​ចូល​អ៊ុយ​ក្រែ​ន​កាលពី​ថ្ងៃ​ទី​២៤ ​ខែ​កុម្ភៈ ប៉ុន្តែ​ជំហាន​រីកចម្រើន​ត្រូវ​បាន​ជាប់​គាំង​ដោយសារ​ក្រុម​ប្រដាប់​អាវុធ​អ៊ុយ​ក្រែ​ន ​ទទួល​បាន​ការ​គាំទ្រ​ផ្នែក​យោធា​ពី​លោក​ខាង​លិច​៕អត្ថបទ៖ សុខមាន

ច្រកទ្វារអន្តរជាតិប៉ោយប៉ែត-ខ្លងលឹក ត្រូវបានអាជ្ញាធរកម្ពុជា-ថៃ បើកឲ្យប្រជាពលរដ្ឋធ្វើដំណើរចេញជាធម្មតាឡើងវិញហើយនៅព្រឹកនេះ

2022/05/01 10:43:53 am        1689
Facebook Telegram Linkin
បន្ទាយមានជ័យ៖ ច្រកទ្វារអន្តរជាតិប៉ោយប៉ែត-ខ្លងលឹក ត្រូវបានអាជ្ញាធរកម្ពុជា-ថៃ បើកឲ្យប្រជាពលរដ្ឋធ្វើដំណើរចេញ-ចូលជាធម្មតាឡើងវិញ នៅព្រឹកថ្ងៃទី១ ខែឧសភានេះ តែត្រូវភ្ជាប់មកជាមួយកាតចាក់វ៉ាក់សាំងកូវីដ-១៩ពេញលេញ និងប័ណ្ណចេញ-ចូលព្រំដែន។ការបើកឱ្យដំណើរការប្រជាពលរដ្ឋចេញ-ចូលឡើងវិញនេះ បន្ទាប់ពីស្ថានភាព នៃការឆ្លងរីករាលដាលជំងឺកូវីដ-១៩ ស្ថិតនៅក្នុងកម្រិតមួយអាចគ្រប់គ្រងបាន ហើយភាពស៊ាំសហគមន៍ក៏មានកម្រិតខ្ពស់ហើយដែរ៕

សម្តេចតេជោ ហ៊ុន សែន៖ ទោះស្ថិតនៅក្នុងស្ថានភាពកូវីដ-១៩ក្តី រាជរដ្ឋាភិបាលនៅតែបានប្រឹងប្រែង ស្វះស្វែង និងបន្តការងារដែលមានស្រាប់ និងការងារថ្មីៗ ជូនពលរដ្ឋ

2022/05/01 10:36:33 am        1529
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី ប្រកាសថា ទោះស្ថិតនៅក្នុងស្ថានភាពកូវីដ-១៩ក្តី រាជរដ្ឋាភិបាលនៅតែបានប្រឹងប្រែង ស្វះស្វែង និងបន្តការងារដែលមានស្រាប់ និងការងារថ្មីៗ ជូនពលរដ្ឋ ដែលនាំឲ្យចំនួនការងារការងារស្ថិតក្នុងកម្រិតមួយដែលអាចគ្របគ្រងបាន។ថ្លែងតាមរយៈសារជូនជនរួមជាតិ ក្នុងឱកាសខួបអនុស្សាវរីយ៍ លើកទី១៣៦ នៃទិវាពលកម្មអន្តរជាតិ ថ្ងៃទី១ ខែឧសភា ឆ្នាំ២០២២ សម្តេចតេជោ ហ៊ុន សែន បានបញ្ជាក់ថា រាជរដ្ឋាភិបាលកំពុងបន្តជំរុញការអនុវត្តគោលនយោបាយ ស្ដីពីទេសន្តរប្រវេសន៍ការងារ សម្រាប់ប្រទេសកម្ពុជា ឆ្នាំ២០១៩-២០២៣ និងបទដ្ឋានគតិយុត្តពាក់ព័ន្ធក្នុងការការពារ និងលើកកម្ពស់សិទ្ធិ និងផលប្រយោជន៍ពលករ ទាំងការទទួលបានកិច្ចគាំពារសង្គម ក្នុងពេលបម្រើការងារ និងពេលត្រឡប់មកស្រុកកំណើតវិញ៕

គ.ជ.ប ប្រកាសបញ្ចប់ការចុះបញ្ជីបេក្ខជននៃគណបក្សនយោបាយសម្រាប់ឈរឈ្មោះបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥

2022/05/01 10:23:46 am        1142
Facebook Telegram Linkin
ភ្នំពេញ៖ គណៈកម្មាធិការជាតិរៀបចំការបោះឆ្នោត ប្រកាសពីការបញ្ចប់ការចុះបញ្ជីបេក្ខជននៃគណបក្សនយោបាយសម្រាប់ឈរឈ្មោះបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ ខណៈការឃោសនារកសំឡេងឆ្នោតនឹងដំណើរការរយៈពេល១៤ថ្ងៃ (ថ្ងៃទី២១ ខែឧសភា -៣ ខែមិនថុនា ឆ្នាំ២០២២ ) និងកាបោះឆ្នោតជ្រើសរើសក្រុមប្រឹក្សាឃុំ-សង្កាត់ ចាប់ផ្តើមនៅថ្ងៃអាទិត្យទី៥ ខែមិថុនា ឆ្នាំ២០២២។

ជប៉ុន និង​ឥណ្ឌូនេស៊ី​និយាយ​ថា សង្គ្រាម​នៅ​អ៊ុយ​ក្រែ​ន​គួរ​បញ្ឈប់​ឲ្យ​បាន​ឆាប់​ក្នុង​ដំណោះស្រាយ​សន្តិវិធី​

2022/04/30 05:42:23 am        1117
Facebook Telegram Linkin
​ឥណ្ឌូនេស៊ី៖ នាយករដ្ឋមន្ត្រី​ជប៉ុន​លោក Fumio Kishida និង​ប្រធានាធិបតី​ឥណ្ឌូនេស៊ី​លោក Joko Widodo បាន​ទទូច​ថា សង្គ្រាម​នៅ​អ៊ុយ​ក្រែ​ន​គួរតែ​ត្រូវ​បាន​បញ្ឈប់​យ៉ាង​ឆាប់រហ័សជាមួយ​នឹង​ដំណោះ​ស្រាយ​ដោយ​សន្តិវិធី​។​​ប្រទេស​ឥណ្ឌូនេស៊ី​គឺជា​ទី​ឈប់​ដំបូង​របស់​លោក ​Kishida ក្នុង​ដំណើរ​ទស្សនកិច្ច​រយៈពេល​ ៨​ថ្ងៃទៅកាន់​អាស៊ីអាគ្នេយ៍ និង​អឺរ៉ុប ដែល​លោក​នឹង​បន្ត​ដំណើរ​ទៅកាន់​ប្រទេស​វៀតណាម ថៃ អ៊ីតាលី និង​ចក្រភព​អង់គ្លេស។ លោក Kishida និងលោក Widodo បាន​ពិភាក្សា​អំពី​តួនាទី​របស់ប្រទេសឥណ្ឌូនេស៊ី​ ក្នុងនាម​ជា​ប្រធាន​នៃ​ក្រុម​ប្រទេស​កំពុង​អភិវឌ្ឍន៍​ឈានមុខ​គេ​ចំនួន ២០ ឬ G-20។​ ​លោក Widodo បាន​ប្រកាស​កាលពី​ថ្ងៃ​សុក្រ​ថា ​លោក​បាន​អញ្ជើញ​ប្រធានាធិបតី​អ៊ុយ​ក្រែ​នលោក Volodymyr Zelenskyy ឱ្យ​ចូលរួម​កិច្ចប្រជុំ​កំពូល​ប្រមុខរដ្ឋ​ និង​រដ្ឋាភិបាល​ប្រទេស G-20 នៅ​ខែវិច្ឆិកា​ឆ្នាំ២០២២ ដែល​នឹង​ប្រព្រឹត្តទៅ​នៅ​កោះ​បាលីប្រទេស​ឥណ្ឌូនេស៊ី​។​លោក Widodo និយាយ​ថា ប្រធានាធិបតី​រុស្ស៊ី​លោក Vladimir Putin នឹង​ចូល​រួម​កិច្ចប្រជុំ​កំពូល​នេះ​។ នៅ​ក្នុង​សេចក្តី​ថ្លែងការណ៍​រួម​មួយលោក Kishida នាយករដ្ឋមន្ត្រី​ជប៉ុន​និយាយ​ថា ជប៉ុន​នឹង​បន្ត​កិច្ច​សហប្រតិបត្តិការ​ជាមួយ​​ឥណ្ឌូនេស៊ី ក្នុង​ការ​ពង្រឹង​ការ​ការពារ​មហាសមុទ្រ​ដោយ​សេរី និង​បើកចំហ​នៅ​ក្នុង​តំបន់​ឥណ្ឌូ​-​ប៉ាស៊ីហ្វិក៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មាន​មេត្តា​ចំពោះ​អ្នកជំងឺ
07/04/2026 11:07 AM
Facebook Telegram Linkin
ទណ្ឌកម្មសេដ្ឋកិច្ចរបស់អាមេរិក រារាំងកិច្ចខិតខំប្រឹងប្រែងសង្គ្រោះគ្រោះរញ្ជួយដីនៅវ៉េណេស៊ុយអេឡា
07/04/2026 11:07 AM
Facebook Telegram Linkin
ក្រុមហ៊ុនតាមដានការដឹកជញ្ជូន៖ ចរាចរណ៍ឆ្លងកាត់ច្រកសមុទ្រ Hormuz ចាប់ផ្តើមឡើងវិញប៉ុន្តែនៅតែផុយស្រួយ
07/04/2026 11:07 AM
Facebook Telegram Linkin
ក្រុមសិទ្ធិមនុស្ស៖ កិច្ចព្រមព្រៀងលីបង់-អ៊ីស្រាអែល ជាការក្បត់ជនរងគ្រោះនៃឧក្រិដ្ឋកម្មសង្គ្រាម
07/04/2026 10:07 AM
Facebook Telegram Linkin
គណៈកម្មការអឺរ៉ុប ស្នើគម្រោងការពារជាតិឆ្លងព្រំដែនធំៗចំនួនប្រាំ
07/04/2026 09:07 AM
Facebook Telegram Linkin
ក្រុមប្រទេសគាំទ្រអ៊ុយក្រែន ប្តេជ្ញាគាំទ្រយ៉ាងខ្លាំងនៅក្នុងកិច្ចប្រជុំកំពូលសម្ព័ន្ធយោធាណាតូ
07/04/2026 09:07 AM
Facebook Telegram Linkin
ស្វីសទម្លាក់អាល់ហ្សេរី ២-០ ជាជ័យជម្នះវគ្គចាញ់ធ្លាក់នៅ World Cup លើកដំបូងក្នុងរយៈពេល ៨៨ ឆ្នាំ
07/04/2026 09:07 AM
Facebook Telegram Linkin
សពលោក Khamenei ត្រូវបានដាក់តម្កល់នៅរដ្ឋធានីតេអេរ៉ង់ ខណៈអ៊ីរ៉ង់ចាប់ផ្តើមពិធីបុណ្យ ១សប្តាហ៍
07/04/2026 09:07 AM
Facebook Telegram Linkin
មន្ត្រី ក.ប.ប វិភាគឃើញសាច់បង្កក ៤៨គំរូ ដែលសមត្ថកិច្ចចម្រុះពិនិត្យ​ប៉ុន្មានថ្ងៃមុន មាន​កត្តា​ហានិភ័យ​ប៉ះពាល់​សុខភាព
07/04/2026 08:07 AM
Facebook Telegram Linkin
អ្នកនាំពាក្យក្រសួងព័ត៌មាន៖ ការពង្រឹងសុវត្ថិភាពឌីជីថល គឺជាកត្តាចម្បងក្នុងការប្រយុទ្ធប្រឆាំងព័ត៌មានក្លែងក្លាយ
07/03/2026 09:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.