BTV NEWS

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

សម្ដេចតេជោ និងសម្ដេចធិបតី អបអរសាទរខួបលើកទី៧៥ កម្ពុជា ចូលជាសមាជិកអង្គការយូណេស្កូ

ICRC ប្ដេជ្ញាបន្តគាំទ្រ និងពង្រឹងកិច្ចសហប្រតិបត្តិការជាមួយកម្ពុជា បន្ថែមទៀត

ព័ត៌មានសំខាន់ៗ

លោក Putin និយាយថា យុទ្ធនាការរបស់រុស្ស៊ីនៅអ៊ុយក្រែនកំពុងធ្វើឡើងតាមផែនការ

រុស្ស៊ី៖ ប្រធានាធិបតីរុស្ស៊ីលោក Vladimir Putin បាននិយាយកាលពីថ្ងៃអង្គារថា រុស្ស៊ីនឹងបន្តប្រតិបត្តិការយោធាក្នុងប្រទេសអ៊ុយក្រែន រហូតដល់គោលដៅរបស់ខ្លួនត្រូវបានសម្រេចតាមផែនការ។ ថ្លែងក្នុងអំឡុងដំណើរទស្សនកិច្ចទៅកាន់ទីតាំងបាញ់បង្ហោះយានអវកាស Vostochny នៅតំបន់ចុងបូព៌ារបស់រុស្ស៊ី លោក Putin បាននិយាយថា យុទ្ធនាការនេះប្រព្រឹត្តទៅតាមផែនការ ហើយវានឹងមិនដំណើរការលឿនជាងនេះនោះទេ ដោយសាររុស្ស៊ីមានបំណងកាត់បន្ថយការខាតបង់។លោក Putin និយាយថា ប្រតិបត្តិការយោធានឹងបន្តរហូតដល់ការបញ្ចប់ពេញលេញ និងការបំពេញភារកិច្ចដែលបានកំណត់។ ដោយធ្វើអត្ថាធិប្បាយលើបញ្ហាសេដ្ឋកិច្ចរុស្ស៊ី លោក Putin បាននិយាយថា រុស្ស៊ីបានទប់ទល់ទៅនឹងទណ្ឌកម្មថ្មីរបស់ប្រទេសលោកខាងលិចដោយជោគជ័យ។ មេដឹកនាំរុស្ស៊ីបាននិយាយថា ប្រព័ន្ធសេដ្ឋកិច្ច និងហិរញ្ញវត្ថុបានទប់ទល់នឹងផលប៉ះពាល់ នៃអ្វីដែលលោកចាត់ទុកទណ្ឌកម្មរបស់លោកខាងលិចថា ជាការវាយប្រហារភ្លាមៗ ហើយប្រាក់រូប្លិ៍បានងើបឡើងវិញពីការខាតបង់របស់ខ្លួន។លោក Putin បានអះអាងថា ទណ្ឌកម្មនឹងប្រឆាំងតបតប្រទេសលោកខាងលិច។ ជាឧទាហរណ៍ លោកបាននិយាយថា ការរឹតត្បិតលើការនាំចេញផលិតផលជីពីប្រទេសរុស្ស៊ី និងសម្ព័ន្ធមិត្តបេឡារុសនឹងជំរុញឱ្យតម្លៃជីសកលឡើងថ្លៃ ដែលនឹងនាំទៅរកការខ្វះខាតស្បៀងអាហារ និងការកើនឡើងលំហូរការធ្វើអន្តោប្រវេសន៍។ លោក Putin បាននិយាយថា ប្រទេសលោកខាងលិចគួរតែត្រលប់ទៅរកហេតុផល និងធ្វើការសម្រេចចិត្តដែលមានតុល្យភាពដ៏ប្រសើរ ដោយមិនប្រឈមទៅនឹងការខាតបង់៕អត្ថបទ៖ ប៊ុនថន

UN និយាយថា ប្រជាជនជាង ៧លាននាក់បានផ្លាស់ទីលំនៅក្នុងប្រទេសអ៊ុយក្រែន

UN៖ យោងតាមអង្គការសហប្រជាជាតិបានឱ្យដឹងថា ប្រជាជនប្រមាណ ៧.១លាននាក់បច្ចុប្បន្ននេះបានផ្លាស់ទីក្នុងស្រុកនៅទូទាំងប្រទេសអ៊ុយក្រែន ខណៈប្រជាជនជាង ៤.៦លាននាក់បានឆ្លងកាត់ព្រំដែនដើម្បីស្វែងរកសន្តិសុខ និងសុវត្ថិភាពនៅក្នុងប្រទេសដទៃ។ថ្លែងទៅកាន់អ្នកសារព័ត៌មាននៅទីក្រុងញូវយ៉ក អ្នកនាំពាក្យអង្គការសហប្រជាជាតិលោក Stephane Dujarric បាននិយាយថា រយៈពេលជិត ៧សប្តាហ៍នៃជម្លោះដ៏ខ្លាំងនៅតែបន្ត ជំរុញឱ្យមានវិបត្តិការផ្លាស់ទីឆាប់រហ័សរបស់ពិភពលោកក្នុងប្រវត្តិសាស្ត្រថ្មីនេះ។ លោក Dujarric បាននិយាយថា ច្រើនជាងពីរភាគបីនៃកុមារអ៊ុយក្រែនបានភៀសខ្លួនចេញពីលំនៅឋានរបស់ពួកគេ ហើយការវាយប្រហារលើហេដ្ឋារចនាសម្ព័ន្ធ ទឹក និងការដាច់ចរន្តអគ្គិសនី បានធ្វើឱ្យប្រជាជនប្រមាណ ១.៤លាននាក់នៅភាគខាងកើតប្រទេសគ្មានទឹក និងអគ្គិសនីប្រើប្រាស់ ខណៈប្រជាជន ៤.៦លាននាក់ផ្សេងទៀតមានកម្រិតប្រើប្រាស់។ លោក Dujarric បានបញ្ជាក់ជាថ្មីពីបំណងរបស់អង្គការសហប្រជាជាតិ សម្រាប់ការចរចាប្រកបដោយផ្លែផ្ការវាងភាគីនានា សម្រាប់ដំណោះស្រាយសង្គ្រាមរយៈពេលវែង៕អត្ថបទ៖ ប៊ុនថន

ទាហានរុស្ស៊ីបានកម្ទេចអគារខ្ពស់ៗជាង ១.៦០០ខ្នងក្នុងទីក្រុង Kharkiv ប្រទេសអ៊ុយក្រែន

អ៊ុយក្រែន៖ អភិបាលក្រុង Kharkiv លោក Ihor Terekhov បាននិយាយក្នុងបទសម្ភាសន៍ជាមួយទូរទស្សន៍ CNN ថា ការវាយប្រហារដោយគ្រាប់បែកដែលនៅតែបន្តពីសំណាក់ប្រទេសរុស្ស៊ី ទៅលើអគារលំនៅឋានអ្នកស្រុកក្នុងទីក្រុង Kharkiv។ អគារអឹផាតមិនខ្ពស់ៗសរុបចំនួន ១,៦១៧ខ្នងត្រូវបានបំផ្លាញចាប់តាំងពីសង្គ្រាមចាប់ផ្ដើមផ្ទុះកាលពីថ្ងៃទី២៤ កុម្ភៈ។អភិបាលក្រុងនេះបន្ថែមថា ការទម្លាក់គ្រាប់បែកនៅតែបន្តកាលពីថ្ងៃសៅរ៍ និងថ្ងៃអាទិត្យ។ កាលពីល្ងាចថ្ងៃអាទិត្យសត្រូវបានបាញ់មីស៊ីលតម្រង់គោលដៅ។ ប្រជាពលរដ្ឋរងទុក ខណៈមានទាំងអ្នកស្លាប់ និងរបួស ហេដ្ឋារចនាសម្ព័ន្ធក្នុងទីក្រុង Kharkiv កំពុងត្រូវបានបំផ្លិចបំផ្លាញ។ យោងតាមអភិបាលក្រុងរូបនេះ ទោះបីជាមានសង្គ្រាមក៏ដោយមនុស្សភាគច្រើនមិនចង់ចាកចេញពីផ្ទះសម្បែងរបស់ពួកគេទេ ទោះមានឱកាសជម្លៀសចេញយ៉ាងណាក្ដី។លោកថា ប្រទេសអ៊ុយក្រែនក៏ត្រូវការអាវុធ ការគាំទ្រខាងនយោបាយ និងជំនួយមនុស្សធម៌ជាចាំបាច់ផងដែរពីសម្ព័ន្ធមិត្តរបស់ខ្លួន។ ទីក្រុងមួយនេះបានទទួលជំនួយជាសម្ភារៈ និងផលិតផលផ្សេងៗ ថ្នាំពេទ្យ និងសម្ភារៈប្រើប្រាស់ចាំបាច់ ប៉ុន្តែមិនបានផ្ដល់ឲ្យប្រជាពលរដ្ឋភ្លាមៗបានទេ៕អត្ថបទ៖ សុខមាន

លោក Vladimir Putin អះអាងថា ប្រទេសរុស្ស៊ីគ្មានថ្ងៃឯកោឡើយ

រុស្ស៊ី៖ លោកប្រធានាធិបតីរុស្ស៊ី Vladimir Putin បានបង្ហាញពិភពលោកនៅថ្ងៃនេះពីឆន្ទៈប្រទេសរបស់លោក ក្នុងការធ្វើសហប្រតិបត្តិការជាមួយដៃគូទាំងអស់ និងអះអាងថា រុស្ស៊ីនឹងគ្មានថ្ងៃធ្លាក់ចូលក្នុងភាពឯកោឡើយ នៅក្នុងការសន្ទនារបស់លោកជាមួយក្រុមកម្មករនៅមូលដ្ឋានបាញ់បង្ហោះយានអវកាស Vostochny Cosmodrome ក្នុងប្រទេសរុស្ស៊ី។លោកថា យើងនឹងមិនឯកាទេ។ ជាទូទៅវាពិតជាមិនអាចធ្វើឲ្យនរណាម្នាក់ឯកា នៅក្នុងពិភពលោកដ៏ទំនើបនេះទេ វាពិតជាមិនអាចធ្វើឲ្យប្រទេសធំដូចជាប្រទេសរុស្ស៊ីឯកាឡើយ។ លោកប្រធានាធិបតីរូបនេះបានថ្លែងបែបនេះ អំឡុងចុះពិនិត្យមូលដ្ឋានបាញ់បង្ហោះយានអវកាសក្នុងតំបន់ Amur របស់រុស្ស៊ីជាមួយសមភាគីបេឡារុសរបស់លោកគឺលោក Alexander Lukashenko។ លោក Putin បានរម្លឹកថា កាលពីអំឡុងឆ្នាំ១៩៦១ សាធារណរដ្ឋសង្គមនិយមនៃសហភាពសូវៀតពិតជាឯកាពីទស្សនបច្ចេកវិទ្យា ហើយទណ្ឌកម្មលោកខាងលិចបានប៉ះពាល់ខ្លាំងដល់ការអភិវឌ្ឍន៍។លោកបានសង្កត់ធ្ងន់ថា ទោះបីជាមានការលំបាក និងការព្យាយាមរារាំងការអភិវឌ្ឍន៍របស់ប្រទេសពីបរទេសក៏ដោយ ក៏រុស្ស៊ីនឹងអនុវត្តផែនការដែលបានគ្រោងទុកទាំងអស់ នៅក្នុងវិស័យអវកាសជាមួយនឹងបច្ចេកវិទ្យាផ្ទាល់ខ្លួន ដើម្បីជំនួសអ្វីដែលបានទិញពីកន្លងទៅដោយប្រើប្រាក់ចំណេញពីការលក់ប្រេង និងឧស្ម័ន៕អត្ថបទ៖ សុខមាន

លោក Vladimir Putin និយាយថា ការចរចាសន្តិភាពជាមួយអ៊ុយក្រែនពុំមានតទៅទៀតទេ

រុស្ស៊ី៖ លោកប្រធានាធិបតីរុស្ស៊ី Vladimir Putin បាននិយាយកាលពីថ្ងៃអង្គារថា ការចរចាសន្តិភាពបានបញ្ចប់ហើយ ដោយប្រើការអត្ថាធិប្បាយជាសាធារណៈដំបូងរបស់លោក ស្ដីពីជម្លោះក្នុងរយៈពេលជាង ១សប្ដាហ៍ក្នុងការប្ដេជ្ញាថា ទាហានរបស់លោកនឹងឈ្នះ និងដាក់គោលដៅលើបណ្ដាប្រទេសលោកខាងលិច ចំពោះការបរាជ័យដែលចង់ឲ្យទីក្រុង Moscow លុតជង្គង់។ថ្លែងពីសង្គ្រាមជាសាធារណៈជាលើកដំបូងចាប់តាំងពីកងកម្លាំងរុស្ស៊ី បានដកថយពីភាគខាងជើងអ៊ុយក្រែន បន្ទាប់ពីពួកគេត្រូវបានផ្អាកការវាយប្រយុទ្ធនៅក្បែររដ្ឋធានី Kyiv លោក Putin បានសន្យាថា រុស្ស៊ីនឹងសម្រេចបានគោលដៅទាំងអស់ដែលខ្លួនបានប៉ងប្រាថ្នានៅក្នុងប្រទេសអ៊ុយក្រែន។ នៅក្នុងសញ្ញាដ៏ច្បាស់លាស់បំផុតរហូតមកដល់បច្ចុប្បន្នដែលមើលឃើញថា សង្គ្រាមនឹងអូសបន្លាយកាន់តែយូរទៀត លោក Putin បាននិយាយថា រដ្ឋធានី Kyiv បានធ្វើឲ្យការចរចាសន្តិភាពបរាជ័យ ដោយបង្កើតឈុតឆាកជាអ្វីដែលលោកបានហៅថា ជាការអះអាងក្លែងក្លាយនៃឧក្រិដ្ឋកម្មសង្គ្រាមទៅលើរុស្ស៊ី និងទាមទារធានាសន្តិសុខលើប្រទេសអ៊ុយក្រែនទាំងមូល។លោក Putin និយាយថា ប្រទេសរុស្ស៊ីគ្មានជម្រើសក្រៅពីប្រយុទ្ធទេ ព្រោះខ្លួនត្រូវតែការពារប្រជាពលរដ្ឋនិយាយភាសារុស្ស៊ីក្នុងភាគខាងកើតអ៊ុយក្រែន និងទប់ស្កាត់ប្រទេសជិតខាងរបស់អតីតសូវៀតមួយនេះ កុំឲ្យក្លាយជារបាំងប្រឆាំងរុស្ស៊ីចំពោះសត្រូវទាំងឡាយរបស់ក្រុង Moscow៕អត្ថបទ៖ សុខមាន

លោក ហ៊ុន ម៉ាណែត រំលឹកគ្រាមួយឆ្នាំមុន ដែលជាយុទ្ធនាការដ៏ក្តៅគគុក ប្រយុទ្ធប្រឆាំងនឹងជំងឺកូវីដ-១៩

ភ្នំពេញ៖ លោក ហ៊ុន ម៉ាណែត បានរំលឹករយៈពេលមួយឆ្នាំមុន (១៣ មេសា ២០២១ - ១៣ មេសា ២០២២) ដែលលោក និងភរិយា ព្រមទាំងក្រុមការងារកំពុងមមារញឹកទាំងយប់ទាំងថ្ងៃក្នុងការរៀបចំមណ្ឌលព្យាបាលជំងឺកូវីដ-១៩ កម្រិតស្រាលនៅកោះពេជ្រ តាមបទបញ្ជារបស់សម្តេចតេជោ ហ៊ុន សែន អឲ្យបានលឿន (បន្ទាប់ពីបានបញ្ចប់ការរៀបចំមណ្ឌលព្យាបាលកូវីដ១៩ នៅសណ្ឋាគារ the Great Duke និងមន្ទីរពទ្យហ្លួងម៉ែ ដែលពេលនោះមានឈ្មោះថា នគរទេព្យ) ដោយសារការឆ្លងរីករាលដាលនៃជំងឺកូវីដ-១៩ នៅរាជធានីភ្នំពេញនាពេលនោះ មានការកើនឡើងខ្លាំង ដែលតម្រូវអោយរៀបចំកន្លែងព្យាបាលបន្ថែមជាបន្ទាន់សម្រាប់ព្យាបាលប្រជាពលរដ្ឋដែលឆ្លងជម្ងឺកូវីដ-១៩។ លោកជឿជាក់ថា បងប្អូនដែលរស់នៅភ្នំពេញប្រាកដជាចងចាំច្បាស់នូវអារម្មណ៍របស់យើងនៅពេលនោះ ដែលពោរពេញទៅដោយការព្រួយបារម្ភ ភ័យខ្លាច និងមិនច្បាស់លាស់ថាទៅមុខនឹងទៅជាយ៉ាងណា បើមួយថ្ងៃៗមានអ្នកឆ្លងកូវីដ១៩ច្រើនបែបនេះ? ការគិតគូរ អំពីការនាំគ្រួសារទៅដើរកម្សាន្តពេលចូលឆ្នាំថ្មី កាលពីឆ្នាំមុននោះ ប្រាកដជាមិនមែនជាអាទិភាពសម្រាប់បងប្អូនទេ។ អាទិភាពរបស់បងប្អូននាពេលនោះ គឺការថែរក្សាសុខភាពនិងអាយុជីវិតរបស់ខ្លួននិងក្រុមគ្រួសារ ពោលគឺធ្វើយ៉ាងណាកុំអោយឆ្លងជម្ងឺកូវីដ១៩។ លោកបញ្ជាក់ថា បើយើងចាំពីស្ថានភាពកាលពីមួយឆ្នាំមុនដូចខ្ញុំបានរៀបរាប់ដោយសង្ខេបពីខាងលើ យើងប្រាកដជាមានមោទនភាពណាស់ ដែលក្រោមការដឹកនាំផ្ទាល់របស់សម្តេចតេជោ យើងបានរួមគ្នាប្រយុទ្ធប្រឆាំងនឹងជម្ងឺកូវីដ១៩ បានជោគជ័យ ដែលអាចអោយយើងបើកដំណើរការប្រទេសរបស់យើងឡើងវិញបាន ហើយពេលចូលឆ្នាំនាឆ្នាំនេះ ប្រជាពលរដ្ឋទូទាំងប្រទេសអាចប្រារពពិធីចូលឆ្នាំថ្មីប្រពៃណីជាតិយើង ជាមួយមិត្តភក្តិនិងក្រុមគ្រួសារដោយសប្បាយរីករាយ និងមិនមានការព្រួយបារម្ភ ភ័យខ្លាចដូចឆ្នាំមុនទៀតទេ។ ទមន្ទឹមនឹងនោះ លោកសូមបងប្អូនបន្តការប្រុងប្រយ័ត្ន និងអនុវត្តវិធានសុខាភិបាលដើម្បីការពារសុខភាពផ្ទាល់ខ្លួន និងអ្នកជុំវិញខ្លួន៕

ព្រះមហាក្សត្រ និងហ្លួងម៉ែសព្វព្រះរាជហឫទ័យយាងនិវត្តមកដល់មាតុប្រទេសវិញហើយ

ភ្នំពេញ ៖ ព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា និងសម្ដេចព្រះមហាក្សត្រី នរោត្ដម មុនីនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្ដី ថ្លៃថ្នូរ និងសុភមង្គល ព្រះអង្គទាំងទ្វេ បានសព្វព្រះរាជ ហឬទ័យ ស្ដេចយាងនិវត្តមកដល់មាតុប្រទេសវិញហើយនៅរសៀលថ្ងៃទី១២មេសានេះ បន្ទាប់ពីព្រះអង្គទាំងទ្វេបានស្តេចយាងទៅកាន់ទីក្រុងប៉កាំង នៃសាធារណរដ្ឋប្រជាមានិតចិន ដើម្បីពិនិត្យ និងព្យាបាលព្រះរាជសុខភាព។យាងនិងអញ្ជើញថ្វាយព្រះរាជដំណើរស្តេចយាងនិវត្តដល់អាកាសយានដ្ឋានអន្តរជាតិភ្នំពេញ សង្កេតឃើញមានវត្តមាន សម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា សម្ដេចអគ្គមហាពញាចក្រី ហេង សំរិន ប្រធានរដ្ឋសភា សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សម្ដេច ឯកឧត្តមលោកជំទាវជាឧបនាយករដ្ឋមន្ត្រី រដ្ឋមន្ត្រីមន្ត្រីជាន់ខ្ពស់នៃរាជរដ្ឋាភិបាល ព្រះរាជវង្សានុវង្ស និងមន្ត្រីអ្នកមុខអ្នការសំខាន់ៗជាច្រើនទៀត។ ក្នុងឱកាសនៃបុណ្យចូលឆ្នាំថ្មីប្រពៃណីជាតិខ្មែរដែលនឹងមកដល់ខាងមុខនេះថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធគ្រប់ប្រភេទ និងប្រជារាស្ត្រជាកូន ជាចៅ បានបួងសួងដល់ព្រះបារមីនៃវត្ថុសក្តិសិទ្ធិក្នុងលោក បារមីនៃព្រះមហាស្វេត្រឆ័ត្រនិង បារមីនៃដួងព្រះវិញ្ញាណក្ខ្ធ អតីតៈនៃព្រះមហាក្សត្រ ព្រះមហាក្សត្រីយានីខ្មែរគ្រប់ព្រះអង្គ ជាពិសេសព្រះវិញ្ញាណក្ខន្ធអតីតៈព្រះបរមរតកោដ្ឋសូមតាមជួយថែរក្សាគ្រង ចំពោះព្រះអង្គទាំងទ្វេ សូមមានព្រះរាជសុខភាពល្អ បរិបូរណ៍ ព្រះជន្មាយុយឺនយូរជាងរយព្រះវស្សាដើម្បីស្តេចគង់ប្រថាប់ជាម្លប់ដ៏ត្រជាក់ត្រជុំសម្រាប់ប្រជារាស្ត្រ ជាកូន ជាចៅ បានជ្រកកោន រស់នៅ ការពារ និងអភិវឌ្ឍន៍ព្រះរាជាណាចក្រកម្ពុជាឱ្យរីកចម្រើនរុងរឿងថែមទៀត៕

TYDA និងធនាគារ ព្រីនស៍ ម.ក ចុះMOUជាមួយគ្នា ជំរុញសកម្មភាពមនុស្សធម៌តាមរយៈការចុះពិនិត្យ និងព្យាបាលប្រជាពលរដ្ឋដោយឥតគិតថ្លៃទូទាំងប្រទេស

ភ្នំពេញ៖ សមាគមគ្រូពេទ្យស្ម័គ្រចិត្តយុវជនសម្តេចតេជោ(TYDA) និងធនាគារ ព្រីនស៍ ម.ក បានចុះ MOU ជាមួយគ្នា ដើម្បីចូលរួមចំណែកសកម្មភាពមនុស្សធម៌បុព្វហេតុប្រជាពលរដ្ឋ តាមរយៈការចុះពិនិត្យ និងព្យាបាលប្រជាពលរដ្ឋដោយឥតគិតថ្លៃនៅទូទាំងប្រទេស។ ពិធីចុះ MOU នេះបានធ្វើឡើងក្រោមអធិបតីភាពលោក ហ៊ុន ម៉ាណែត ប្រធានក្រុមប្រឹក្សាភិបាលសមាគម TYDA និងលោកស្រី ពេជ ចន្ទមុន្នី អនុប្រធានក្រុមប្រឹក្សាភិបាលសមាគម TYDA និងលោក ហ៊ន់ សុរចនា អភិបាលគ្រប់គ្រង និងប្រធាននាយកប្រតិបត្តិ ធនាគារ ព្រីនស៍ មក.ក នៅព្រឹកថ្ងៃទី ១២ ខែមេសា ឆ្នាំ២០២២នេះ៕

ក្រុមប្រឹក្សាសន្តិសុខ UN ពិភាក្សាការចោទប្រកាន់ពីអំពើហិង្សាផ្លូវភេទនៅអ៊ុយក្រែន

UN៖ នាយកប្រតិបត្តិនៃអង្គការស្ត្រីរបស់អង្គការសហប្រជាជាតិ បាននិយាយទៅកាន់ក្រុមប្រឹក្សាសន្តិសុខអង្គការសហប្រជាជាតិថា អង្គការកំពុងទទួលបានរបាយការណ៍អំពីការរំលោភ និងអំពើហិង្សាផ្លូវភេទលើស្ត្រីនៅក្នុងប្រទេសអ៊ុយក្រែន។ លោកស្រី Sima Bahous និយាយថា ការចោទប្រកាន់ត្រូវតែស៊ើបអង្កេតដោយឯករាជ្យ ដើម្បីធានាបាននូវយុត្តិធម៌ និងការទទួលខុសត្រូវ។ លោកស្រី Kateryna Cherepakha នាយកអង្គការ La Strada Ukraine ដែលជាអង្គការសិទ្ធិមនុស្សក្នុងប្រទេសអ៊ុយក្រែនបានធ្វើការអះអាងដោយនិយាយថា ការរំលោភត្រូវបានប្រព្រឹត្តដោយទាហានរុស្ស៊ី ខណៈប្រើជាអាវុធសង្គ្រាម។ ជាមួយគ្នានេះលោក Manuel Fontaine នាយកផ្នែកសង្គ្រោះបន្ទាន់របស់អង្គការ UNICEF និយាយថា អង្គការសហប្រជាជាតិបានផ្ទៀងផ្ទាត់ថា កុមារចំនួន ១៤២នាក់ត្រូវបានសម្លាប់ និង ២២៩នាក់បានរងរបួសចាប់តាំងពីសង្គ្រាមបានចាប់ផ្ដើម៕អត្ថបទ៖ ប៊ុនថន

ភ្លៀងធ្លាក់ខ្លាំងបណ្ដាលឲ្យមនុស្សយ៉ាងហោចណាស់ ២៥នាក់ស្លាប់ក្នុងប្រទេសហ្វីលីពីន

ហ្វីលីពីន៖ ក្រុមមន្ត្រីនិយាយថា ភ្លៀងធ្លាក់ខ្លាំងបណ្តាលឲ្យមនុស្សយ៉ាងហោចណាស់ ២៥នាក់ស្លាប់នៅក្នុងប្រទេសហ្វីលីពីនភាគខាងត្បូង និងភាគកណ្តាល ភាគច្រើនស្លាប់ដោយសារតែបំណាក់ដី។ អធិការនគរបាលក្រុងនិយាយថា អ្នកភូមិចំនួន ២២នាក់បានស្លាប់ដោយសារបំណាក់ដីនៅក្នុងភូមិចំនួន៤ ក្នុងក្រុង Baybay ខេត្ត Leyte ភាគកណ្តាល។មនុស្សយ៉ាងហោចណាស់ ៦នាក់ត្រូវបានរាយការណ៍ថាកំពុងបាត់ខ្លួន ហើយប្រតិបត្តិការស្វែងរកកំពុងធ្វើឡើង។ អ្នកស្លាប់ ៣នាក់ផ្សេងទៀតបានស្លាប់ដោយសារព្យុះ ដែលត្រូវបានរាយការណ៍ដោយទីភ្នាក់ងារឆ្លើយតបគ្រោះមហន្តរាយរបស់រដ្ឋាភិបាលក្នុងខេត្ត Davao de Oro និងខេត្ត Davao Oriental។ មន្ត្រីនិយាយថា ទឹកជំនន់ប្រមាណ ២០០កន្លែងត្រូវបានរាយការណ៍ក្នុងតំបន់ខុសៗគ្នានៅខេត្តភាគកណ្តាល និងភាគខាងត្បូងប្រទេសហ្វីលីពីនកាលពីចុងសប្តាហ៍ ដែលបណ្តាលឲ្យប្រជាជនប្រមាណ ៣០០០០គ្រួសារផ្លាស់ទី ដែលមួយចំនួនក្នុងចំណោមពួកគេបានស្វែងរកទីជម្រកសង្គ្រោះបន្ទាន់។ យ៉ាងហោចណាស់មានព្យុះ និងព្យុះទីហ្វុងចំនួន ២០លើកបានបក់បោកមកលើប្រទេសហ្វីលីពីនក្នុង ១ឆ្នាំៗ ភាគច្រើនក្នុងអំឡុងពេលរដូវវស្សាដែលចាប់ផ្តើមអំឡុងខែមិថុនា៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ស្ថានទូតសហរដ្ឋអាមេរិក និងរដ្ឋបាលរាជធានីភ្នំពេញរៀបចំពិព័រណ៍ម្ហូបអាហារ និងផលិតផលអាមេរិក នៅផ្លូវថ្មើរជើងចតុមុខ ដើម្បីឆ្លុះបញ្ចាំងពីចំណងមិត្តភាព និងភាពជាដៃគូនូវទំនាក់ទំនងការទូត៧៦ឆ្នាំ

ការលើកកម្ពស់សុខភាពភ្នែកកុមារ គឺជាផ្នែកសំខាន់មួយនៃការអភិវឌ្ឍធនធានមនុស្ស

ប្រធានក្រុមការងារគណបក្សចុះមូលដ្ឋាន ដឹកនាំកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ នៅស្រុកប្រាសាទបល្ល័ង្ក

អនុប្រធានសភា៖ ប្រទេសចិននឹងអភិវឌ្ឍទំនាក់ទំនងជាមួយអ៊ីរ៉ង់ឲ្យកាន់តែរឹងមាំ

ក្រុងមូស្គូ៖ រដ្ឋបាល់ទិកអនុញ្ញាតឲ្យអ៊ុយក្រែនប្រើប្រាស់ដែនអាកាសសម្រាប់វាយប្រហារភាគពាយ័ព្យរុស្ស៊ី

ប្រភពនិយាយថា ក្រុមឧទ្ទាមបានវាយប្រហារទីក្រុងជាច្រើន នៅភាគខាងជើង និងកណ្តាលប្រទេសម៉ាលី

អភិបាលខេត្តកំពង់ស្ពឺ ណែនាំអាជ្ញាធរបន្តផ្សព្វផ្សាយដល់ពលរដ្ឋឱ្យបញ្ឈប់ការយកដីចំណីផ្លូវទៅប្រើប្រាស់ដោយខុសច្បាប់

កម្ពុជា និងជប៉ុន ដាំកូនឈើមួយម៉ឺនដើម នៅក្នុងឧទ្យានអង្គរ ដើម្បីការពារសម្បត្ដិបេតិភណ្ឌពិភពលោក

អ្នកស៊ើបអង្កេតសិទ្ធិមនុស្សរបស់UN ចាប់ផ្តើមការងារនៅប្រទេសលីបង់ ក្នុងបេសកកម្មលើកដំបូងរបស់ខ្លួន

ក្រឡាបញ្ជីតុលាការអន្តរជាតិបញ្ជូនឈ្មោះបេក្ខជនបីរូបឱ្យកម្ពុជានិងថៃ ជ្រើសជាប្រធានក្រុមអ្នកផ្សះផ្សា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លោក Putin និយាយថា យុទ្ធនាការរបស់រុស្ស៊ីនៅអ៊ុយក្រែនកំពុងធ្វើឡើងតាមផែនការ

UN និយាយថា ប្រជាជនជាង ៧លាននាក់បានផ្លាស់ទីលំនៅក្នុងប្រទេសអ៊ុយក្រែន

ទាហានរុស្ស៊ីបានកម្ទេចអគារខ្ពស់ៗជាង ១.៦០០ខ្នងក្នុងទីក្រុង Kharkiv ប្រទេសអ៊ុយក្រែន

លោក Vladimir Putin អះអាងថា ប្រទេសរុស្ស៊ីគ្មានថ្ងៃឯកោឡើយ

លោក Vladimir Putin និយាយថា ការចរចាសន្តិភាពជាមួយអ៊ុយក្រែនពុំមានតទៅទៀតទេ

លោក ហ៊ុន ម៉ាណែត រំលឹកគ្រាមួយឆ្នាំមុន ដែលជាយុទ្ធនាការដ៏ក្តៅគគុក ប្រយុទ្ធប្រឆាំងនឹងជំងឺកូវីដ-១៩

ព្រះមហាក្សត្រ និងហ្លួងម៉ែសព្វព្រះរាជហឫទ័យយាងនិវត្តមកដល់មាតុប្រទេសវិញហើយ

ក្រុមប្រឹក្សាសន្តិសុខ UN ពិភាក្សាការចោទប្រកាន់ពីអំពើហិង្សាផ្លូវភេទនៅអ៊ុយក្រែន

ភ្លៀងធ្លាក់ខ្លាំងបណ្ដាលឲ្យមនុស្សយ៉ាងហោចណាស់ ២៥នាក់ស្លាប់ក្នុងប្រទេសហ្វីលីពីន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោក Putin និយាយ​ថា យុទ្ធនាការ​របស់​រុស្ស៊ី​នៅ​អ៊ុយ​ក្រែ​ន​កំពុង​ធ្វើឡើង​តាម​ផែនការ​

UN និយាយ​ថា ប្រជាជន​ជាង ៧​លាន​នាក់​បាន​ផ្លាស់​ទីលំនៅ​ក្នុង​ប្រទេស​អ៊ុយ​ក្រែ​ន

ទាហាន​រុស្ស៊ី​បាន​កម្ទេច​អគារ​ខ្ពស់​ៗ​ជាង ​១.៦០០​ខ្នង​ក្នុង​ទីក្រុង Kharkiv ប្រទេស​អ៊ុយ​ក្រែ​ន

លោក​ Vladimir Putin អះ​អាង​ថា ​ប្រទេស​រុស្ស៊ី​គ្មាន​ថ្ងៃ​ឯកោ​ឡើយ​

លោក Vladimir Putin និយាយ​ថា​ ការចរចា​សន្តិភាព​ជាមួយ​អ៊ុយ​ក្រែ​ន​ពុំ​មាន​តទៅទៀត​ទេ​

លោក ហ៊ុន ម៉ាណែត រំលឹកគ្រាមួយឆ្នាំមុន ដែលជាយុទ្ធនាការដ៏ក្តៅគគុក ប្រយុទ្ធប្រឆាំងនឹងជំងឺកូវីដ-១៩

ព្រះមហាក្សត្រ និងហ្លួងម៉ែសព្វព្រះរាជហឫទ័យយាងនិវត្តមកដល់មាតុប្រទេសវិញហើយ

ក្រុម​ប្រឹក្សា​សន្តិសុខ​ UN ​ពិភាក្សា​ការ​ចោទ​ប្រកាន់​ពី​អំពើ​ហិង្សា​ផ្លូវ​ភេទ​នៅ​អ៊ុយក្រែន​

ភ្លៀង​ធ្លាក់​ខ្លាំង​បណ្ដាល​ឲ្យ​មនុស្ស​យ៉ាងហោចណាស់​​​ ២៥​នាក់​ស្លាប់​ក្នុង​ប្រទេស​ហ្វីលីពីន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោក Putin និយាយថា យុទ្ធនាការរបស់រុស្ស៊ីនៅអ៊ុយក្រែនកំពុងធ្វើឡើងតាមផែនការ

UN និយាយថា ប្រជាជនជាង ៧លាននាក់បានផ្លាស់ទីលំនៅក្នុងប្រទេសអ៊ុយក្រែន

ទាហានរុស្ស៊ីបានកម្ទេចអគារខ្ពស់ៗជាង ១.៦០០ខ្នងក្នុងទីក្រុង Kharkiv ប្រទេសអ៊ុយក្រែន

លោក Vladimir Putin អះអាងថា ប្រទេសរុស្ស៊ីគ្មានថ្ងៃឯកោឡើយ

លោក Vladimir Putin និយាយថា ការចរចាសន្តិភាពជាមួយអ៊ុយក្រែនពុំមានតទៅទៀតទេ

ក្រុមប្រឹក្សាសន្តិសុខ UN ពិភាក្សាការចោទប្រកាន់ពីអំពើហិង្សាផ្លូវភេទនៅអ៊ុយក្រែន

ភ្លៀងធ្លាក់ខ្លាំងបណ្ដាលឲ្យមនុស្សយ៉ាងហោចណាស់ ២៥នាក់ស្លាប់ក្នុងប្រទេសហ្វីលីពីន