BTV NEWS

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

សម្ដេចតេជោ និងសម្ដេចធិបតី អបអរសាទរខួបលើកទី៧៥ កម្ពុជា ចូលជាសមាជិកអង្គការយូណេស្កូ

ICRC ប្ដេជ្ញាបន្តគាំទ្រ និងពង្រឹងកិច្ចសហប្រតិបត្តិការជាមួយកម្ពុជា បន្ថែមទៀត

ព័ត៌មានសំខាន់ៗ

រុស្ស៊ីព្រមានពីការប្រឈមដាក់គ្នាខាងយោធាដោយផ្ទាល់ជាមួយអាមេរិក ខណៈសង្គ្រាមអ៊ុយក្រែនចូលដល់ថ្ងៃទី៤៦

រុស្ស៊ី៖ ឯកអគ្គរដ្ឋទូតរុស្ស៊ីប្រចាំនៅសហរដ្ឋអាមេរិកលោក Anatoly Antonov កាលពីពេលថ្មីៗនេះបានប្រាប់ Newsweek ថា លោកខាងលិចកំពុងរករឿងរុស្ស៊ី។ ប្រេសិតពិសេសរូបនេះនិយាយថា យើងព្រមានថា សកម្មភាពបែបនេះគឺគ្រោះថ្នាក់ណាស់។ វាអាចនាំឲ្យសហរដ្ឋអាមេរិក និងសហព័ន្ធរុស្ស៊ីដើរចូលទៅរកការប្រឈមដាក់គ្នាខាងយោធាដោយផ្ទាល់។ទន្ទឹមនឹងនេះទីប្រឹក្សាសន្តិសុខជាតិរបស់សេតវិមានលោក Jake Sullivan បាននិយាយកាលពីថ្ងៃអាទិត្យថា កងកម្លាំងអ៊ុយក្រែនកំពុងរុញច្រានកងទ័ពរុស្ស៊ីត្រឡប់ទៅវិញដោយជោគជ័យ ដូច្នេះពួកឈ្លានពានត្រូវបានបង្ខំឱ្យប្រមូលផ្តុំឡើងវិញ រៀបចំយុទ្ធសាស្ត្រថ្មី និងផ្តោតការយកចិត្តទុកដាក់ឡើងវិញ។ លោក Sullivan បាននិយាយក្នុងកម្មវិធី Face The Nation របស់ទូរទស្សន៍ CBS News ថា ប្រទេសរុស្ស៊ីបានផ្លាស់ប្ដូរអាកប្បកិរិយារបស់ខ្លួននៅក្នុងសង្គ្រាមនេះ។ ពួកគេបានដកថយពីទឹកដីដ៏ច្រើននៅភាគខាងជើង និងភាគឦសានរបស់ប្រទេសអ៊ុយក្រែន។ មូលហេតុដែលពួកគេបានធ្វើការកែតម្រូវនោះគឺថា ពួកគេត្រូវបានវាយប្រហារដោយជនជាតិអ៊ុយក្រែន។ ការវាយប្រហាររបស់រុស្ស៊ីចូលអ៊ុយក្រែនបានឈានចូលដល់ថ្ងៃទី៤៦ ហើយពុំទាន់មានសញ្ញានៃភាពធូរស្រាល ឬក្ដីរំពឹងថានឹងមានបទឈប់បាញ់នៅតុចរចាទេ៕អត្ថបទ៖ សុខមាន

រុស្ស៊ីគំរាមចាត់វិធានការតាមផ្លូវច្បាប់ បើលោកខាងលិចបង្ខំឲ្យសងបំណុលដែលខ្លួនជំពាក់

រុស្ស៊ី៖ រដ្ឋមន្ត្រីក្រសួងហិរញ្ញវត្ថុលោក Anton Siluanov បានប្រាប់កាសែតគាំទ្រវិមានក្រឹមឡាំង Izvestia នៅថ្ងៃចន្ទនេះថា ប្រទេសរុស្ស៊ីនឹងចាត់វិធានការតាមផ្លូវច្បាប់ បើលោកខាងលិចព្យាយាមបង្ខំឲ្យសងបំណុលដែលខ្លួនបានជំពាក់។ លោក Siluanov បានប្រាប់កាសែតនេះក្នុងបទសម្ភាសន៍មួយថា ពិតណាស់យើងនឹងប្ដឹង ព្រោះយើងបានចាត់វិធានការចាំបាច់គ្រប់ដំណាក់កាលដើម្បីធានាថា វិនិយោគិននឹងទទួលបានការចំណាយរបស់ពួកគេ។លោកថា យើងនឹងដាក់ជូនតុលាការអំពីសេចក្ដីស្នើច្បាប់របស់យើង ដែលបញ្ជាក់ពីការខិតខំប្រឹងប្រែងក្នុងការសងទាំងរូបិយប័ណ្ណបរទេស ទាំងប្រាក់រូប្លិ៍របស់រុស្ស៊ី។ នេះនឹងមិនមែនជាដំណើរការងាយស្រួលទេ។ យើងនឹងតតាំងសំណុំរឿងរបស់យើងឲ្យអស់ពីលទ្ធភាព ទោះបញ្ហាទាំងអស់លំបាកក៏ដោយ។ យ៉ាងណាក្ដីលោក Siluanov ពុំបានបញ្ជាក់ពីជម្រើសតាមផ្លូវច្បាប់របស់រុស្ស៊ីទេ។ គួរឲ្យដឹងថា រុស្ស៊ីប្រឈមនឹងការខកខានសងបំណុលបរទេសជាលើកដំបូងក្នុងរយៈពេលជាង ១ទសវត្សរ៍ បន្ទាប់ពីរៀបចំឲ្យមានការសងបំណុលបរទេសជាប្រាក់រូប្លិ៍នៅដើមសប្ដាហ៍នេះ ទោះបីជាការសងបំណុលត្រូវបានគ្រោងថា នឹងប្រើប្រាក់ដុល្លាររបស់អាមេរិកក៏ដោយ៕អត្ថបទ៖ សុខមាន

លោកឧត្តមសេនីយ៍ឯក ហ៊ុន ម៉ាណែត ចូលរួមពិធីពិសារអាហារស្រាយបួសខែរ៉ាម៉ាឌន ឆ្នាំ២០២២ ជាមួយថ្នាក់ដឹកនាំ និងសាសនិកខ្មែរឥស្លាមកម្ពុជា

ភ្នំពេញ៖ លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក បានអញ្ជើញចូលរួមពិធីពិសារអាហារស្រាយបួសខែរ៉ាម៉ាឌន ឆ្នាំ២០២២ ជាមួយថ្នាក់ដឹកនាំ និងសាសនិកខ្មែរឥស្លាមកម្ពុជា នៅថ្ងៃទី១០ ខែមេសា ឆ្នាំ២០២២។ លោកមានប្រសាសន៍ថា សម្តេចអគ្គមហាសេនាបតីតេជោ ហ៊ុន សែន និង សម្តេចកិត្តិព្រឹទ្ធបណ្ឌិត ជានិច្ចកាលតែងតែចូលរួមពិសារអាហារស្រាយបួសខែរ៉ាម៉ាឌន ជាមួយប្រជាពលរដ្ឋសាសនិកខ្មែរឥស្លាមរាប់ពាន់នាក់ លើកលែងតែឆ្នាំកន្លងទៅ ដែលកើតមានស្ថានភាពរីករាលដាលនៃជំងឺកូវីដ-១៩។ តាមរយៈFacebook សម្តេច ក៏បានសុំការអធ្យាស្រ័យយោគយល់ពីសំណាក់បងប្អូនសាសនិកខ្មែរឥស្លាមទាំងអស់ផងដែរ ចំពោះការផ្អាកកម្មវិធីជួបជុំស្រាយបួសខែរ៉ាម៉ាឌនទ្រង់ទ្រាយធំថ្នាក់ជាតិលើកទី៩ នៅឆ្នាំ២០២២ នេះ ដោយសារជំងឺកូវីដ-១៩ នៅមិនទានទៅណាឆ្ងាយនៅឡើយ។លោកកបានឲ្យដឹងថា អត្ថន័យដ៏សំខាន់ក្នុងទិដ្ឋភាពនៃការចូលរួមពិសារអាហារស្រាយបួសខែរ៉ាម៉ាឌនរួមគ្នាក្នុងថ្ងៃនេះ គឺជា ភស្តុតាងនៃសុខដុមភាវូបនីយកម្មសាសនានៅកម្ពុជា និងជាការចូលរួមគោរពផ្តល់តម្លៃចំពោះជំនឿសាសនា ទំនៀមទម្លាប់ និងប្រពៃណីដ៏បវររបស់សាសនិកឥស្លាម, ការបង្ហាញនូវសាមគ្គីភាពក្រោមដំបូលនៃការដឹកនាំតែមួយ និងក្នុងនាមពលរដ្ឋខែ្មរតែមួយ ជាការឆ្លុះបញ្ចាំងអំពីវប្បធម៌ចែករំលែក សេចក្តីស្រលាញ់ ការឱ្យទាន និងការផ្តល់ឱកាសសិក្សាស្វែងយល់អំពីគ្នាទៅវិញទៅមក ជាពិសេសអត្ថន័យដ៏ពិសិដ្ឋ និងផលប្រយោជន៍នៃការបួសខែរ៉ាម៉ាឌនរបស់សាសនិកឥស្លាម ទាំងផ្នែកជំនឿសាសនា សង្គម និងសុខភាព។លោកសូមកោតសរសើរ និងសូមអរគុណថ្នាក់ដឹកនាំ និងសហការី ព្រមទាំងបងប្អូនយុវជនសាសនិកឥស្លាម ក៏ដូចជាអាជ្ញាធរដែនដីគ្រប់លំដាប់ថ្នាក់ ដែលបានសហការរៀបចំពិធីជួបជុំដ៏មានអត្ថន័យនេះ ក្នុងស្មារតីសាមគ្គីភាពជាមហាគ្រួសារខ្មែរតែមួយ។“សន្តិភាព” បានផ្តល់ឱ្យកម្ពុជានូវឱកាសក្នុងការរីកចម្រើនទាំងកម្រិតជីវភាពបុគ្គល និងសង្គម ព្រមទាំងផ្តល់នូវលទ្ធភាពក្នុងការគោរពប្រតិបត្តិជំនឿសាសនា តាមប្រពៃណីរៀងៗខ្លួនដោយភាពសប្បាយ រីករាយ។ ជាមួយគ្នានេះ រាជរដ្ឋាភិបាល ក៏បានផ្តល់ការអនុញ្ញាត និងការឧបត្ថម្ភដ៏មហាធំធេងដល់សហគមន៍ខ្មែរឥស្លាម រួមមានជាអាទ៌៖ ការបើកឲ្យទទួលជំនួយដើម្បីអភិវឌ្ឍនសហគមន៍, ការបញ្ចូលគ្រូបង្រៀនខ្មែរឥស្លាម ១៥០០នាក់ក្នុងក្របខ័ណ្ឌក្រសួងអប់រំ យុវជន និងកីឡា, ការអនុញ្ញាតឲ្យសិស្ស-និស្សិតស្ត្រីឥស្លាម អាចទទូលហ៊ីយ៉ាបក្នុងការចូលសិក្សាតាមគ្រឹះស្ថានអប់រំសាធារណ:, ការអនុញ្ញាតឲ្យសាសនិកឥស្លាមអាច ស្លៀកសំលៀកបំពាក់តាមប្រពៃណីរបស់ខ្លួន ក្នុងការថតរូបដើម្បីធ្វើឯកសារនានា, ការអនុញ្ញាតឲ្យមាននូវស្ថាប័ន Halal កម្ពុជា និងការរៀបចំសកម្មភាពចូលរួមគាំទ្រផ្សេងៗដល់សហគមន៍ខ្មែរឥស្លាមផងដែរ៕

សម្តេចតេជោ ហ៊ុន សែន សម្រេចដាក់ខេត្ត៤ គឺខេត្តរតនគិរី ខេត្តមណ្ឌលគិរី ខេត្តស្ទឹងត្រែង និងខេត្តព្រះវិហារ អាចដកចេញកាតព្វកិច្ចពាក់ម៉ាស

ភ្នំពេញ៖ សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានសម្រេចដាក់ខេត្ត៤ គឺខេត្តរតនគិរី ខេត្តមណ្ឌលគិរីខេត្តស្ទឹងត្រែង និងខេត្តព្រះវិហារ អាចដកចេញកាតព្វកិច្ចពាក់ម៉ាស ដោយផ្តល់លទ្ធភាពជូនប្រជាពលរដ្ឋសម្រេចចិត្តក្នុងការពាក់ម៉ាស ឬមិនពាក់ម៉ាសគឺស្ថិតលើការសម្រេចចិត្តរបស់បុគ្គល ដោយចាប់អនុវត្តពីថ្ងៃទី១០ ខែមេសាឆ្នាំ២០២២តទៅ។សម្តេចតេជោ ហ៊ុន សែន ថ្លែងបញ្ជាក់ថា សម្រាប់ប្រជាពលរដ្ឋរស់នៅខេត្តទាំង៤នេះនៅពេលចេញទៅកាន់បណ្តាខេត្តដទៃត្រូវអនុវត្តវិធានការសុខាភិបាល ៣កុំ ៣ការពារ ជាពិសេសគឺការពាក់ម៉ាសជាចាំបាច់។ទន្ទឹមនឹងនោះ សម្តេចតេជោ ហ៊ុន សែន នាយករដ្ឋមន្ត្រី ស្នើដល់អាជ្ញាធរខេត្តទាំង៤ និងក្រសួងសុខាភិបាលត្រូវយកចិត្តទុកដាក់ពិនិត្យតាមដានឲ្យបានហ្មត់ចត់ទៅលើការអនុវត្តនូវវិធានការសាកល្បងសម្រាប់ខេត្តទាំង៤នេះ ។ការសាកល្បងបន្ធូរបន្ថយនូវវិធានការពាក់ម៉ាសសម្រាប់ខេត្តទាំង៤នេះ មិនមែនជាការយកអាយុជីវិតពលរដ្ឋមកសាកល្បងនោះទេ តែដើម្បីចង់ដឹងអំពីភាពសាំក្នុងសហគមន៍ទាំងនៅទីក្រុង និងជនបទ។ សម្តេចតេជោ ហ៊ុន សែន បន្តថា ចំពោះការសម្រេចមិនតម្រូវឲ្យពាក់ម៉ាសនេះ ក៏ដោយសារខេត្តទាំង៤ ជាខេត្តដែលគ្មានករណីឆ្លងកូវីដ-១៩ ឬបើមានក៏មានឆ្លងតិចតួចបំផុតក្នុងរយៈកាលកន្លងមកនេះ។ សម្តេចតេជោ ហ៊ុន សែន បានថ្លែងសារជូនពរដល់ជនរួមជាតិនៅទូទាំងប្រទេស ចូលរួមសប្បាយរីករាយនៅក្នុងឱកាសនៃពិធីបុណ្យចូលឆ្នាំថ្មី ប្រពៃណីជាតិខ្មែរនាពេលដ៏ខ្លីខាងមុខនេះ៕

កម្ពុជាឈរលេខ២ ក្នុងនាមជាប្រទេសមានសមត្ថភាពស្ដារខ្លួនងើបចេញពីកូវីដ-១៩ លឿនជាងគេនៅលើពិភពលោក

ភ្នំពេញ៖ ប្រទេសកម្ពុជាបានឡើងមកឈរនៅលេខរៀងទី២ ក្នុងនាមជាប្រទេសដែលមានសមត្ថភាពស្ដារខ្លួនងើបចេញពី COVID-19 លឿនជាងគេ នៅលើពិភពលោក។ នេះបើតាមការដកស្រង់ចេញផ្សាយពីសារព័ត៌មាន Nikkei នៅថ្ងៃអាទិត្យ ទី១០ ខែមេសា ឆ្នាំ២០២២។នៅក្នុងតារាងវាយតម្លៃរបស់ Nikkei ៖ ប្រទេសដែលឈរនៅលេខរៀងទី១ ដែលមានសមត្ថភាពស្ដារខ្លួនងើបចេញពី COVID-19 លឿនជាងគេនៅលើពិភពលោកគឺអេមីរ៉ាតអារ៉ាប់រួម ដោយទទួលបាន ៨៥.៥ពិន្ទុ ខណៈកម្ពុជាឈរនៅលេខរៀងទី២ មាន ៨០.៥ពិន្ទុ។

សម្តេចម៉ែ ប្រោសព្រះរាជទានព្រះរាជទ្រព្យ ៥មុឺន៥ពាន់ដុល្លារអាមេរិក ជូនអង្គការ សមាគម មន្ទីរពេទ្យចំនួន៤

ភ្នំពេញ៖ សម្តេច ព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ប្រោសព្រះរាជទានព្រះរាជទ្រព្យ ៥មុឺន៥ពាន់ដុល្លារអាមេរិក ជូនអង្គការ សមាគម មន្ទីរពេទ្យចំនួន ៤។អង្គការ សមាគម មន្ទីរពេទ្យចំនួន៤នោះរួមមាន៖ ចំនួន ២០.០០០ ដុល្លារអាមេរិក និងម៉ាសចំនួន ២០០០ ជូនដល់ មជ្ឈមណ្ឌលវប្បធម៌ព្រះពុទ្ធសាសនាកម្ពុជា ព្រះរាជទ្រព្យចំនួន ៥០០០ដុល្លារអាមេរិក និងម៉ាសចំនួន ១០០០ ជូនដល់សមាគមដូនជី និងឧបាសិកាកម្ពជរដ្ឋ ព្រះរាជទ្រព្យចំនួន ១០០០០ដុល្លារអាមេរិក ម៉ាសចំនួន ២០០០ ថ្នាំព្យាបាលកូវីត ៤០០០ប្រអប់ ជូនមន្ទីរពេទ្យបង្អែកសម្តេចឪ សម្តេចម៉ែ ខណ្ឌឫស្សីកែវ ព្រះរាជទ្រព្យ ២០០០០ដុល្លារអាមេរិក ម៉ាសចំនួន ៤០០០ ជូនដល់អង្គការដើម្បីភាពញញឹម នៃកុមារ ដើម្បីបម្រើសេវាព្យាបាល និងថែទាំអ្នកជំងឺប្រកបដោយប្រសិទ្ធភាព គុណភាព សមធម៌ និងមានចីរភាពដល់ប្រជាជនក្រីក្រ និងខ្វះខាត ក៏ដូចជាឧត្តមប្រយោជន៍ផ្សេងៗជាច្រើនទៀត។(ប្រភព៖ Royal du Cambodge)

ឯកឧត្តម ហ៊ុន ម៉ាណែត អញ្ជើញសំណេះសំណាលជាមួយថ្នាក់ដឹកនាំ និងសកម្មជនយុវជនគណបក្សប្រជាជនកម្ពុជារាជធានីភ្នំពេញ

ភ្នំពេញ៖ ឯកឧត្តម ហ៊ុន ម៉ាណែត សមាជិកគណៈអចិន្ត្រៃយ៍ នៃគណៈកម្មាធិការកណ្តាល និងជាប្រធានយុវជនគណបក្សប្រជាជនកម្ពុជាថ្នាក់កណ្តាល បានអញ្ជើញសំណេះសំណាលជាមួយថ្នាក់ដឹកនាំ និងសកម្មជនយុវជនគណបក្សប្រជាជនកម្ពុជារាជធានីភ្នំពេញ នៅព្រឹកថ្ងៃទី០៩ ខែមេសា ឆ្នាំ២០២២នេះ។ឯកឧត្តម ហ៊ុន ម៉ាណែត ថ្លែងអំណរគុណដល់ថ្នាក់ដឹកនាំ និងសកម្មជនយុវជនក្នុងរចនាសម្ព័ន្ធអង្គការចាត់តាំងគណបក្សប្រជាជនកម្ពុជាគ្រប់ជាន់ថ្នាក់នៅមូលដ្ឋានរាជធានីភ្នំពេញ ដែលបានខិតខំប្រឹងប្រែងបំពេញភារកិច្ចបម្រើប្រជាពលរដ្ឋយ៉ាងសស្រាក់សស្រាំបានជាប់ជាប្រចាំ និងគ្រប់កាលៈទេសៈក្នុងធ្លុងមហាសាមគ្គី និងលើមាគ៌ានយោបាយឥតងាករេរបស់គណបក្ស គឺការបម្រើប្រជាពលរដ្ឋឱ្យកាន់តែល្អ និងអភិវឌ្ឍប្រទេសជាតិឱ្យកាន់តែរីកចម្រើន។ឯកឧត្តមបន្តថា អ្វីដែលសំខាន់បំផុតសម្រាប់យុវជនបក្ស ក៏ដូចជាយុវជនប្រទេសផ្សេងៗ គឺការធានានូវផែនការអនាគតមួយ ប្រកបដោយក្តីសង្ឃឹម ក្តីស្រម៉ៃ និងលំនឹងស្ថិរភាព។ យុវភាពជាដំណាក់កាលមួយនៃជីវិតដែលពោរពេញដោយការសម្រេចចិត្ត និងការជ្រើសរើសដោយសេរីលើមូលដ្ឋាននៃសិទ្ធបុគ្គលដែលខ្លួនមាន ដើម្បីធ្វើយ៉ាងណាអភិវឌ្ឍខ្លួនឈានឆ្ពោះទៅរកការសម្រេចក្តីស្រម៉ៃ។ឯកឧត្តមបញ្ជាក់ថា ការសម្រេចចិត្តរបស់យុវជន មានឥទ្ធិពលសំខាន់ណាស់លើអនាគតរបស់ប្រទេសជាតិ ហើយអនាគតយុវជនខ្លួនឯងក៏ត្រូវពឹងផ្អែក នឹងផ្សារភ្ជាប់ទៅនឹងដំណើរការរបស់ប្រទេសជាតិផងដែរ ជាពិសេសការធានាធ្វើយ៉ាងណារក្សាឱ្យបាននូវបរិយាកាសអំណោយផលនៃ សន្តិភាព, ស្ថិរភាព និងការទទួលបានឱកាស។ទន្ទឹមនឹងនោះឯកឧត្តមក៏បានលើកឡើងពីកត្តាសន្តិភាពពេញលេញ ដែលទទួលបានក្រោមជោគជ័យនៃនយោបាយឈ្នះ-ឈ្នះ គឺជាអ្វីដែលកម្ពុជាមិនធ្លាប់មានក្នុងប្រវត្តិសាស្ត្រជាង៥០០ឆ្នាំ ហើយសន្តិភាពនេះ គឺជាមូលដ្ឋាននៃការសម្រេចបាននូវសមិទ្ធផលជាតិលើគ្រប់វិស័យ ទាំងផ្នែកនយោបាយ, រដ្ឋបាលសាធារណៈ, សង្គម, សេដ្ឋកិច្ច, ការទូត ។ល។ សន្តិភាពផ្លូវកាយ ក៏បានចូលរួមចំណែកផងដែរនូវការកសាងសន្តិភាពផ្លូវចិត្ត តាមរយៈការធានាបង្កលក្ខណៈគ្រប់បែបយ៉ាងរបស់រាជរដ្ឋាភិបាល ក្នុងការធានាសិទ្ធិសេរីភាពរបស់ប្រជាពលរដ្ឋ, ភាពសុខដុមរមនាផ្នែកជំនឿសាសនា និងការពង្រឹងយុត្តិធម៌សង្គមលើមូលដ្ឋាននៃនីតិរដ្ឋ ដែលជាកត្តាកំណត់នៃភាពកក់ក្តៅរបស់ប្រជាពលរដ្ឋ ក៏ដូចជាការអភិវឌ្ឍរីកចម្រើនរឹងមាំ និងនិរន្តរភាពជាតិ។សំដៅដល់ស្ថិរភាពផ្នែកនយោបាយ និងម៉ាក្រូសេដ្ឋកិច្ច ដែលកម្ពុជាបានស្គាល់រួចមកហើយក្នុងរយៈពេលជាង ២០ ឆ្នាំកន្លងមកនេះ ហើយក៏កំពុងត្រូវបានលើកកម្ពស់បន្ថែមទៀត ស្របនឹងចក្ខុវិស័យសម្រាប់អនាគត។ ដោយឡែក បញ្ហាសន្តិសុខសាធារណៈ ក៏ជាផ្នែកមួយនៃស្ថិរភាពផងដែរ។ គេមិនអាចនិយាយបានទេអំពីបញ្ហាសន្តិសុខ នៅក្នុងសម័យសង្គ្រាម។ ដូច្នេះ ជាមួយនឹងអំណោយផលនៃសុខសន្តិភាពដូចបច្ចុប្បន្ន ស្ថានភាពសន្តិសុខរបស់ប្រទេសយើងមានលក្ខណៈល្អប្រសើរ ហើយក៏កំពុងត្រូវបានបន្តពង្រឹងឱ្យកាន់តែមានប្រសិទ្ធភាព តាមរយៈការអនុវត្តគោលនយោបាយភូមិ-ឃុំមានសុវត្ថិភាព៕

រុស្ស៊ីបណ្តេញអ្នកការទូតប៉ូឡូញ ៤៥នាក់ចេញពីទីក្រុងមូស្គូ

រុស្ស៊ី៖ ប្រទេសរុស្ស៊ី បានបណ្តេញចេញអ្នកការទូតប៉ូឡូញ ៤៥នាក់ក្នុងការឆ្លើយតបទៅកាន់ប្រទេសប៉ូឡូញ ដែលបណ្តេញចេញអ្នកការទូតរុស្ស៊ីក្នុងចំនួនដូចគ្នា ដែលខ្លួននិយាយថាជាអ្នកស៊ើបការណ៍ដែល ផ្តោតលើផ្នែកការទូត។ ប្រទេសប៉ូឡូញ បានបណ្តេញចេញអ្នកការទូតរុស្ស៊ី៤៥នាក់កាលពីថ្ងៃទី២៣ ខែមីនា ដោយចោទប្រកាន់ពួកគេថាជាមន្ត្រីបម្រើសេវាពិសេសរបស់រុស្ស៊ី និងអ្នកជាប់ពាក់ព័ន្ធរបស់ពួកគេ៕

លោក Zelenskyy ជួបជាមួយនាយករដ្ឋមន្ត្រីស្លូវ៉ាគី ខណៈបញ្ជូនប្រព័ន្ធការពារមីស៊ីលមកអ៊ុយក្រែន

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បានអរគុណដល់ប្រទេសស្លូវ៉ាគីសម្រាប់ការគាំទ្រដែលបានផ្តល់ដល់ប្រទេសអ៊ុយក្រែន ខណៈប្រទេសរបស់លោកនៅតែបន្តប្រយុទ្ធប្រឆាំងការវាយលុករបស់រុស្ស៊ី។ នាយករដ្ឋមន្ត្រីស្លូវ៉ាគីលោក Eduard Heger បានធ្វើដំណើរទៅកាន់ទីក្រុង Kyiv កាលពីថ្ងៃសុក្រ ជាកន្លែងដែលលោកបានជួបជាមួយលោក Zelenskyy ប្រធានាធិបតីអ៊ុយក្រែន។ ក្នុងអំឡុងពេលដំណើរទស្សនកិច្ចលោក Heger បានប្រកាសថា ប្រទេសរបស់លោកបានផ្តល់ប្រព័ន្ធការពារដែនអាកាស S-300 សម័យសូវៀតរបស់ខ្លួនដល់ប្រទេសអ៊ុយក្រែន ខណៈលោក Zelenskyy បានអំពាវនាវសុំប្រព័ន្ធការពារ S-300s ជួយដល់ប្រទេសលោក និងបិទជើងមេឃចំពោះយន្តហោះចម្បាំង និងមីស៊ីលរបស់រុស្ស៊ី។លោក Heger បានអមដំណើរប្រធានគណៈកម្មការសហភាពអឺរ៉ុបលោកស្រី Ursula von der Leyen និងប្រធានគោលនយោបាយការបរទេសសហភាពអឺរ៉ុបលោក Josep Borrell មកកាន់ទីក្រុងគីវ ដែលជាផ្នែកនៃកិច្ចខិតខំប្រឹងប្រែងដើម្បីផ្តល់សញ្ញាដល់សហភាពអឺរ៉ុបសម្រាប់ការគាំទ្រអ៊ុយក្រែន៕អត្ថបទ៖ ប៊ុនថន

លោក Zelenskyy ជួបលោកស្រីប្រធានគណៈកម្មការសហភាពអឺរ៉ុប

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បានជួបជាមួយប្រធានគណៈកម្មការសហភាពអឺរ៉ុបលោកស្រី Ursula von der Leyen និងប្រធានគោលនយោបាយការបរទេសរបស់សហភាពអឺរ៉ុបលោក Josep Borrell ក្នុងទីក្រុងគីវកាលពីថ្ងៃសុក្រ។ដំណើរទស្សនកិច្ចរបស់គណៈកម្មការសហភាពអឺរ៉ុបបានធ្វើឡើង នៅពេលដែលសហភាពអឺរ៉ុបបានបញ្ជូនត្រឡប់មកវិញឯកអគ្គរដ្ឋទូតរបស់ខ្លួនមកកាន់ទីក្រុងគីវ ក្នុងវិធានការមួយដែលបញ្ជាក់ពីស្ថានភាពសន្តិសុខដែលប្រសើរឡើងនៅទីនោះ និងការប្ដេជ្ញាចិត្តរបស់ប្លុកអឺរ៉ុបទាំង ២៧ប្រទេសចំពោះប្រទេសអ៊ុយក្រែនដែលកំពុងស្ថិតក្នុងជម្លោះ។ កងកម្លាំងរុស្ស៊ីបានព្យាយាមចូលមកក្នុងទីក្រុងគីវក្នុងរយៈពេលប៉ុន្មានថ្ងៃនេះ បន្ទាប់ពីការវាយលុកលើអ៊ុយក្រែនចាប់តាំងពីថ្ងៃទី២៤ ខែកុម្ភៈ ប៉ុន្តែទោះបីជាមានការបាត់បង់ និងការខូចខាតធ្ងន់ធ្ងរក៏ដោយទីក្រុងគីវបានទប់ទល់ទៅនឹងការវាយប្រហារនេះ ហើយរដ្ឋាភិបាលអាចបន្តដំណើរវិធានការនានាពីទីនោះបាន៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ស្ថានទូតសហរដ្ឋអាមេរិក និងរដ្ឋបាលរាជធានីភ្នំពេញរៀបចំពិព័រណ៍ម្ហូបអាហារ និងផលិតផលអាមេរិក នៅផ្លូវថ្មើរជើងចតុមុខ ដើម្បីឆ្លុះបញ្ចាំងពីចំណងមិត្តភាព និងភាពជាដៃគូនូវទំនាក់ទំនងការទូត៧៦ឆ្នាំ

ការលើកកម្ពស់សុខភាពភ្នែកកុមារ គឺជាផ្នែកសំខាន់មួយនៃការអភិវឌ្ឍធនធានមនុស្ស

ប្រធានក្រុមការងារគណបក្សចុះមូលដ្ឋាន ដឹកនាំកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ នៅស្រុកប្រាសាទបល្ល័ង្ក

អនុប្រធានសភា៖ ប្រទេសចិននឹងអភិវឌ្ឍទំនាក់ទំនងជាមួយអ៊ីរ៉ង់ឲ្យកាន់តែរឹងមាំ

ក្រុងមូស្គូ៖ រដ្ឋបាល់ទិកអនុញ្ញាតឲ្យអ៊ុយក្រែនប្រើប្រាស់ដែនអាកាសសម្រាប់វាយប្រហារភាគពាយ័ព្យរុស្ស៊ី

ប្រភពនិយាយថា ក្រុមឧទ្ទាមបានវាយប្រហារទីក្រុងជាច្រើន នៅភាគខាងជើង និងកណ្តាលប្រទេសម៉ាលី

អភិបាលខេត្តកំពង់ស្ពឺ ណែនាំអាជ្ញាធរបន្តផ្សព្វផ្សាយដល់ពលរដ្ឋឱ្យបញ្ឈប់ការយកដីចំណីផ្លូវទៅប្រើប្រាស់ដោយខុសច្បាប់

កម្ពុជា និងជប៉ុន ដាំកូនឈើមួយម៉ឺនដើម នៅក្នុងឧទ្យានអង្គរ ដើម្បីការពារសម្បត្ដិបេតិភណ្ឌពិភពលោក

អ្នកស៊ើបអង្កេតសិទ្ធិមនុស្សរបស់UN ចាប់ផ្តើមការងារនៅប្រទេសលីបង់ ក្នុងបេសកកម្មលើកដំបូងរបស់ខ្លួន

ក្រឡាបញ្ជីតុលាការអន្តរជាតិបញ្ជូនឈ្មោះបេក្ខជនបីរូបឱ្យកម្ពុជានិងថៃ ជ្រើសជាប្រធានក្រុមអ្នកផ្សះផ្សា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

រុស្ស៊ីព្រមានពីការប្រឈមដាក់គ្នាខាងយោធាដោយផ្ទាល់ជាមួយអាមេរិក ខណៈសង្គ្រាមអ៊ុយក្រែនចូលដល់ថ្ងៃទី៤៦

រុស្ស៊ីគំរាមចាត់វិធានការតាមផ្លូវច្បាប់ បើលោកខាងលិចបង្ខំឲ្យសងបំណុលដែលខ្លួនជំពាក់

កម្ពុជាឈរលេខ២ ក្នុងនាមជាប្រទេសមានសមត្ថភាពស្ដារខ្លួនងើបចេញពីកូវីដ-១៩ លឿនជាងគេនៅលើពិភពលោក

សម្តេចម៉ែ ប្រោសព្រះរាជទានព្រះរាជទ្រព្យ ៥មុឺន៥ពាន់ដុល្លារអាមេរិក ជូនអង្គការ សមាគម មន្ទីរពេទ្យចំនួន៤

រុស្ស៊ីបណ្តេញអ្នកការទូតប៉ូឡូញ ៤៥នាក់ចេញពីទីក្រុងមូស្គូ

លោក Zelenskyy ជួបជាមួយនាយករដ្ឋមន្ត្រីស្លូវ៉ាគី ខណៈបញ្ជូនប្រព័ន្ធការពារមីស៊ីលមកអ៊ុយក្រែន

លោក Zelenskyy ជួបលោកស្រីប្រធានគណៈកម្មការសហភាពអឺរ៉ុប

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

រុស្ស៊ី​គំរាម​ចាត់វិធានការ​តាម​ផ្លូវ​ច្បាប់ បើ​លោក​ខាង​លិច​បង្ខំ​ឲ្យ​សង​បំណុល​ដែល​ខ្លួន​ជំពាក់​

កម្ពុជាឈរលេខ២ ក្នុងនាមជាប្រទេសមានសមត្ថភាពស្ដារខ្លួនងើបចេញពីកូវីដ-១៩ លឿនជាងគេនៅលើពិភពលោក

សម្តេចម៉ែ ប្រោសព្រះរាជទានព្រះរាជទ្រព្យ ៥មុឺន៥ពាន់ដុល្លារអាមេរិក ជូនអង្គការ សមាគម មន្ទីរពេទ្យចំនួន៤

រុស្ស៊ីបណ្តេញអ្នកការទូតប៉ូឡូញ ៤៥នាក់ចេញពីទីក្រុងមូស្គូ

លោក ​Zelenskyy ជួប​ជាមួយ​នាយករដ្ឋមន្ត្រី​ស្លូ​វ៉ា​គី ខណៈ​បញ្ជូន​ប្រព័ន្ធ​ការពារ​មី​ស៊ី​ល​មក​អ៊ុយ​ក្រែ​ន​

លោក Zelenskyy ជួប​លោកស្រី​ប្រធាន​គណៈកម្មការ​សហភាព​អឺរ៉ុប​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រុស្ស៊ីគំរាមចាត់វិធានការតាមផ្លូវច្បាប់ បើលោកខាងលិចបង្ខំឲ្យសងបំណុលដែលខ្លួនជំពាក់

លោក Zelenskyy ជួបជាមួយនាយករដ្ឋមន្ត្រីស្លូវ៉ាគី ខណៈបញ្ជូនប្រព័ន្ធការពារមីស៊ីលមកអ៊ុយក្រែន

លោក Zelenskyy ជួបលោកស្រីប្រធានគណៈកម្មការសហភាពអឺរ៉ុប