នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន
លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មាន​មេត្តា​ចំពោះ​អ្នកជំងឺ
ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង
សម្ដេចតេជោ និងសម្ដេចធិបតី អបអរសាទរខួបលើកទី៧៥ កម្ពុជា ចូលជាសមាជិកអង្គការយូណេស្កូ

ព័ត៌មានសំខាន់ៗ

ប្រតិភូអមដំណើរ ច្រៀងចំរៀងជូនសម្តេចតេជោ ក្នុងឱកាសសម្ដេចទទួលពានរង្វាន់សន្តិភាពស៊ុនហាក់ ឆ្នាំ២០២២

2022/02/13 08:48:07 am        443
Facebook Telegram Linkin
នៅព្រឹកព្រលឹមថ្ងៃទី១៣ ខែកុម្ភៈ ២០២២នេះ មុនពេលនៃការអញ្ជើញចូលរួមសន្និបាតសកល នៃក្រុមប្រឹក្សាកិច្ចប្រជុំកំពូលពិភពលោក ដើម្បីសន្តិភាព (ISCP) និងមហាសន្និបាត នៃក្តីសង្ឃឹមមួយលាននាក់ គណៈប្រតិភូជាន់ខ្ពស់ព្រះរាជាណាចក្រកម្ពុជា ដឹកនាំដោយ ឯកឧត្តម សួស យ៉ារ៉ា សមាជិករដ្ឋសភា នៃព្រះរាជាណាចក្រកម្ពុជា តំណាងឲ្យគណៈប្រតិភូអមដំណើរសម្តេចតេជោនាយករដ្ឋមន្រ្តី ចូលរួមកិច្ចប្រជុំកំពូលសន្តិភាពសកល ឆ្នាំ២០២២ ស្តីពីសន្តិភាពនៅឧបទ្វីបកូរ៉េ បានអញ្ជើញជូនពរ និងច្រៀងចំរៀងជូនសម្តេចតេជោនាយករដ្ឋមន្រ្តី ក្នុងឱកាសទទួលពានរង្វាន់សន្តិភាពស៊ុនហាក់ ឆ្នាំ២០២២ នៅរដ្ឋធានីសេអ៊ូល សាធារណរដ្ឋកូរ៉េ ។ ឯកឧត្តម សួស យ៉ារ៉ា មានប្រសាសន៍ថា សុន្ទរកថារបស់សម្តេច ថ្លែងក្នុងពិធីទទួលពានរង្វាន់ស៊ុនហាក់ឆ្នាំ២០២២ ដែលបានថ្លែងកាលពីថ្ងៃទី១២ កុម្ភៈ បានផ្តល់នូវការរំជួយចិត្តមិនត្រឹមតែប្រជាជនកម្ពុជាប៉ុណ្ណោះទេ តែបានផ្តល់នូវភាព រំជួយចិត្តដល់ពិភពលោកទាំងមូល តាមរយៈការផ្សាយបន្តផ្ទាល់ចេញពីសាធារណរដ្ឋកូរ៉េ។ ឯកឧត្តមក្នុងនាមគណៈប្រតិភូទាំងអស់ ឯកឧត្តមសូមប្រសិទ្ធពរ សម្តេចតេជោនាយករដ្ឋមន្រ្តី សូមមានសុខភាពល្អបរិបូរណ៍ ពូលានុភាពមាំមួន បញ្ញាញាណភ្លឺថ្លា ជន្មាយុយ៉ឺនយូរ ដើម្បីបន្តស្ថិតនៅក្នុងបេសកកម្ម ដឹកនាំព្រះរាជាណាចក្រកម្ពុជា ក្រោមម្លប់សន្តិភាពដ៏ត្រជាក់ត្រជុំបំផុតរបស់សម្តេច ឲ្យកាន់តែរឹងមាំរីកចំរើនសម្រាប់មនុស្សជាតិជំនាន់ក្រោយរស់នៅប្រកបដោយភាពថ្លៃថ្នូររឹងមាំជាយូរអង្វែងតរៀងទៅ។នៅកម្មវិធីដ៏កម្រនោះដែរ សម្តេចតេជោនាយករដ្ឋមន្រ្តី បានអនុញ្ញាតឲ្យគណៈប្រតិភូ និងក្រុមការងារទាំងអស់ បានថតរូបអនុស្សាវរីយ៍ជាមួយសម្តេចតេជោ នាយករដ្ឋមន្រ្តី ក្នុងទិដ្ឋភាពស្និទ្ធស្នាក់រ៉ាក់ទាក់ និងការគោរពស្រឡាញ់បំផុត ចំពោះសម្តេចតេជោនាយករដ្ឋមន្រ្តី ដូចជាឪពុកប្រកបដោយព្រហម្មវិហាធម៌ ជាមួយកូនចៅរួមការងារទាំងអស់៕

សម្ដេចតេជោ ហ៊ុន សែន អញ្ជើញចូលរួមក្នុងពិធីលៀងសាយភោជន៍ដែលរៀបចំឡើងដោយប្រធានរដ្ឋសភាជាតិកូរ៉េ

2022/02/12 11:45:14 pm        1073
Facebook Telegram Linkin
នៅរាត្រីថ្ងៃទី១២ ខែកុម្ភៈ ឆ្នាំ២០២២នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញចូលរួមក្នុងពិធីលៀងសាយភោជន៍ ដែលរៀបចំឡើងដោយឯកឧត្តម Park Byeong-Seung ប្រធានរដ្ឋសភាជាតិ នៃសាធារណរដ្ឋកូរ៉េ ក្នុងឱកាសដែលសម្ដេចតេជោ និងគណៈប្រតិភូ អញ្ជើញចូលរួមកិច្ចប្រជុំកំពូលសន្តិភាពពិភពលោកឆ្នាំ២០២២ ស្ដីពីសន្តិភាពនៅឧបទ្វីបកូរ៉េ នាទីក្រុងសេអ៊ូល សាធារណរដ្ឋកូរ៉េ។ពិធីលៀងសាយភោជន៍ដែលប្រារព្ធធ្វើឡើងនៅនិវេសនដ្ឋានរបស់ឯកឧត្តមប្រធានសភានេះ ឯកឧត្តម Park Byeong-Seung មានប្រសាសន៍ សម្ដែងការចូលរួមអបអរសាទរ ជូនចំពោះសម្តេចតេជោនាយករដ្ឋមន្ត្រីដែលទទួលបានពានរង្វាន់សន្តិភាពស៊ុនហាក់ដ៏មានកិត្យានុភាពបំផុត ពោលគឺស័ក្តិសមទៅនឹងគុណតម្លៃ និងមហាពលីកម្ម សាច់ស្រស់ឈាមស្រស់ របស់សម្តេចតេជោនាយករដ្ឋមន្ត្រី ក្នុងបុព្វហេតុសន្តិភាព និងការអភិវឌ្ឍប្រទេសកម្ពុជា។ នៅក្នុងពិធីលៀងសាយភោជន៍នោះដែរ ឯកឧត្តមប្រធានរដ្ឋសភា កូរ៉េ និងសម្តេចតេជោនាយករដ្ឋមន្ត្រី បានធ្វើការពិភាក្សាយ៉ាងយកចិត្តទុកដាក់ដល់ការពង្រឹងពង្រីកទំនាក់ទំនង និងកិច្ចសហប្រតិបត្តិការលើគ្រប់វិស័យ នៃប្រទេសទាំងពីរ កម្ពុជា-កូរ៉េ។ ជាមួយគ្នានេះ សម្តេចតេជោក៏បានថ្លែងអំណរគុណជូនចំពោះរដ្ឋសភាកូរ៉េដែលបានគាំទ្រនូវគម្រោងនានាដែលប្រធានាធិបតី នៃសាធារណរដ្ឋកូរ៉េបានស្នើឲ្យរដ្ឋសភាធ្វើការគាំទ្រ និងផ្តល់សច្ចាប័នលើកិច្ចព្រមព្រៀងពាណិជ្ជកម្មសេរីកម្ពុជា- កូរ៉េ ។ សម្ដេចតេជោ និងឯកឧត្តមប្រធានសភាកូរ៉េ ក៏បានពិភាក្សាលើបញ្ហាជាច្រើនទៀត ដែលនាំមកនូវផលប្រយោជន៍សម្រាប់ប្រទេស និងប្រជាជនទាំងពីរកម្ពុជា-សាធារណរដ្ឋកូរ៉េ ពិសេសការជួយគ្នាទៅវិញទៅមក ការផ្លាស់ប្តូររវាងប្រជាជន និងប្រជាជន រួមទាំងបញ្ហាជាច្រើនទៀតដែលបម្រើឲ្យតម្រូវការរបស់ប្រទេស និងប្រជាជននៃប្រទេសទាំងពីរ៕

លិខិតមិត្តអ្នកអាន៖ «សម្ដេចតេជោ ហ៊ុន សែន ក្លាយជានិមិត្តរូបសន្តិភាព សម្រាប់ពិភពលោក»

2022/02/12 03:45:07 pm        1759
Facebook Telegram Linkin
នៅថ្ងៃ១២ កុម្ភៈ ២០២២ គឺជាព្រឹត្តិការណ៍ប្រវត្តិសាស្ត្រដ៏កក្រើកមួយទៀតដែលបានចារក្នុងក្រាំងមាស របស់កម្ពុជា ក៏ដូចជាក្រាំងមាសរបស់ ពិភពលោកទាំងមូល។ នោះគឺ វីរៈបុរសខ្មែរមួយរូបដែលជាស្ថាបនិកសន្តិភាពឈ្មោះ តេជោ ហ៊ុន សែន បានទទួលពានរង្វាន់«សន្តិភាពស៊ុនហាក់»ឆ្នាំ២០២២ នៅទីក្រុងសេអ៊ូលនៃ សាធារណៈរដ្ឋកូរ៉េ។ ពានរង្វាន់នេះគឺជាមហាកិត្តិយសដ៏ធំធេងមិនត្រឹមតែសម្រាប់រូបសម្ដេចតេជោ ហ៊ុន សែនផ្ទាល់និងក្រុមគ្រួសារប៉ុណ្ណោះទេ ប៉ុន្តែ គឺសម្រាប់ប្រទេសជាតិនិងប្រជាជនខ្មែរទាំងមូលផងដែរ។អ្វីដែលគួរឲ្យកត់សម្គាល់ថែមទៀត នោះ គឺពានរង្វាន់សន្តិភាព ស៊ុនហាក់ត្រូវបានប្រគល់ជូនប្រមុខដឹកនាំកម្ពុជានាពេលនេះបានធ្វើឡើងក្នុងខណៈដែលពិភពលោកកំពុងប្រឈមមុខនឹងភាពតានតឹង និងតំបន់ខ្លះ ឬប្រទេសខ្លះកំពុងស្ថិតនៅពីមុខគ្រោះថ្នាក់នៃសង្គ្រាម។នេះគឺជាសារមួយយ៉ាងច្បាស់លាស់ដែលអ្នកផ្តល់ពានរង្វាន់សន្តិភាពនេះចង់ពញាក់ស្មារតីមេដឹកនាំពិភពលោកទាំងឡាយឲ្យងាកមកចាប់អារម្មណ៍និងផ្តល់តម្លៃលើសន្តិភាពដែលជាទ្រព្យសម្បត្តិដ៏មានតម្លៃបំផុតមិនអាចកាត់ថ្លៃបានសម្រាប់ពិភពលោក និងសម្រាប់មនុស្ស ជាតិនៅលើភពផែន ដីទាំងមូល។នៅក្នុងវីដេអូខ្លីមួយដែលម្ចាស់ពានរង្វាន់បានផលិតឡើងនិងចាក់ផ្សាយនៅក្នុងឱកាសនោះ គេបាន រំលេចយ៉ាងច្បាស់នូវវីរភាពនិងការលះបង់ដ៏ធំធេងរបស់តេជោ ហ៊ុន សែន ដើម្បីស្វែងរកសន្តិភាពជូនប្រទេសជាតិ និងប្រជាជនរបស់ខ្លួន បន្ទាប់ពីភ្លើងសង្គ្រាម និងរបបប្រល័យពូជសាសន៍បានឆក់យកជីវិតពលរដ្ឋខ្មែរអស់ជាច្រើនលាននាក់។ ខ្សែវីដេអូខ្លីតែ មានន័យជ្រៅបានធ្វើឲ្យថ្នាក់ដឹកនាំមកពីបណ្តាប្រទេសនានា និងអ្នកចូលរួមក្នុងពិធី នោះកោតស្ងប់ស្ញែង យ៉ាងក្រៃលែងនូវវីរភាពរបស់ប្រមុខដឹកនាំកម្ពុជា ដើម្បីសន្តិភាពដែលពិតជា ស័ក្តិសមឥតខ្ចោះក្នុងការទទួលបានពានរង្វាន់ដ៏វិសេសវិលាលនេះ។លោក Newton Leroy Gingrich អតីតប្រធានសភាតំណាងរាស្ត្រទី ៥០ របស់សហរដ្ឋអាមេរិកពីឆ្នាំ ១៩៩៥ ដល់ ១៩៩៩ បានថ្លែងសុន្ទរកថាកោត ស្ញប់ស្ញែងលោកហ៊ុន សែន ជាពន់ពេក។ លោកបានគូសបញ្ជាក់ថា ពេលវេលាដែលយើងកំពុងស្ថិតនៅនេះ គឺមាន ការប្រឈមណាស់ ប៉ុន្តែ ជួនកាលវាក៏គួរឱ្យកត់សម្គាល់ដែរ។ យើងបានស្តាប់លឺឧទារហរណ៍ពីកិច្ចខិតខំប្រឹងប្រែងទាំងស្រុងស្តីពីការចាក់វ៉ាក់សាំង នៅទូទាំងពិភពលោក បានកាត់បន្ថយអត្រា ស្លាប់របស់ក្មេងយ៉ាងច្រើន។ អ្នកបានលឺអំពីមនុស្សមានទេពកោសល្យដែលបានចំណាយ ពេល និងបានបង្កើតឱកាសសម្រាប់ពានរង្វាន់ពេញមួយជីវិត នេះដើម្បីឆ្លើយតបនឹង វិបត្តិកូវីដ ១៩។ អ្នកបានលឺពីអ្នកស្នេហាជាតិ មួយរូបគឺសម្តេចតេជោ នាយករដ្ឋមន្ត្រី ហ៊ុន សែន ដែលបានប្តូរផ្តាច់ជាមួយកិច្ចសន្ទនា ហើយជាអ្នកដែលបាន នាំប្រទេសគាត់ចេញពីសង្គ្រាមស៊ីវិលដ៏អាក្រក់ ។ នៅក្នុងប្រទេសផ្ទាល់ខ្លួនរបស់ខ្ញុំ (សហរដ្ឋ អាមេរិក) ដែលគួរតែមានឱកាសដ៏អស្ចារ្យនោះ យើងបាត់បង់ មនុស្សប្រហែល ៤៦.០០០ នាក់ ក្នុងមួយឆ្នាំ ដោយសារគ្រឿងញឿន និង ៤៦.០០០ នាក់ ផ្សេងទៀតធ្វើអត្តឃាត។លោកគូសបញ្ចាក់ថា សន្តិភាព វិបុលភាព សុវត្ថិភាពនិងសេរីភាពគឺអាចទៅរួច ហើយខ្ញុំចង់និយាយថា សម្តេចតេជោនាយករដ្ឋមន្ត្រី ហ៊ុន សែន គួរឱ្យមានមោទនភាពណាស់ ពីព្រោះខ្ញុំដឹងពីអ្វីដែលគាត់ត្រូវឆ្លងកាត់ជាបុរសវ័យក្មេង និងរបៀបដែលគាត់បន្តព្យាយាមសូម្បីនៅ ពេលគាត់ហាក់ដូចជាអស់សង្ឃឹម។លោកបន្តថា ពានរង្វាន់សន្តិភាពស៊ុនហាក់ គឺជាគ្រឹះនៃអនាគតនៃសន្តិភាព វិបុលភាព សុវត្ថិភាព និងសេរីភាពនោះ។ ខ្ញុំសូមបញ្ចប់ដោយរំលឹកអ្នកទាំងអស់គ្នាអំពីចក្ខុវិស័យការប្តេជ្ញាចិត្ត ៣៦៥ ថ្ងៃ ក្នុងមួយឆ្នាំរបស់បណ្ឌិត Hak Ja Han Moon ដែលជំរុញឱ្យយើងដើរទៅមុខ និងបង្កើតឱកាសដើម្បីនាំជាតិសាសន៍មនុស្សមករួមគ្នា។សុន្ទរកថានេះ សបញ្ជាក់អំពីចំណាប់អារម្មណ៍របស់ឥស្សរជននានានៅ លើពិភពលោកមកលើវីរភាពរបស់ តេជោ ហ៊ុន សែន ដើម្បីបុព្វហេតុ សន្តិភាព។ មានតែសន្តិភាពទេដែលបង្កើតភាពសុខដុមរមនារបស់មនុស្សនៅ លើភពផែនដីនេះបាន។ អ្វីដែលជាលក្ខណៈពិសេសរបស់ស្ថាបនិកសន្តិភាពនៅកម្ពុជាហើយដែលកម្រមានអ្នកណាធ្វើបានគឺ ការបញ្ចប់សង្គ្រាមដោយមិនធ្វើសង្គ្រាម។ ទស្សនាទាននេះហើយដែលតេជោ ហ៊ុន សែន បានចែករំលែកទៅកាន់មេដឹកនាំជាច្រើននៅក្នុងពិភពលោក។បច្ចុប្បន្ន ប្រមុខដឹកនាំកម្ពុជាក៏កំពុងខិតខំអស់ពីកម្លាំងកាយចិត្តដើម្បីរួមចំណែកដោយមិនខ្លាចនឿយហត់ក្នុងការស្វែងរកសន្តិភាព ក្នុងតំបន់និងនៅក្នុងឧបទ្វីបកូរ៉េ។ ទាំងអស់នេះគឺជាកិច្ចខិតខំប្រឹងប្រែងដែលស័ក្តិសមបំផុតនឹងទទួលបានពានរង្វាន់នៅថ្ងៃនេះ។ពានរង្វាន់សន្តិភាពស៊ុនហាក់ដែលតេជោ សែន ទទួលបាននៅ ថ្ងៃនេះពិតជាមានអត្ថន័យមហាធំធេងសម្រាប់ប្រជាជាតិខ្មែរផង និងសម្រាប់ពិភពលោកផង។ សម្រាប់ប្រជាជាតិខ្មែរដែលបានហែលឆ្លងកាត់សង្គ្រាមស៊ីវិលដ៏អាក្រក់រហូតធ្លាក់ក្នុងវាលពិឃាត តើមាន ពលរដ្ឋខ្មែរណាម្នាក់ដែលប្រាថ្នាចង់ឃើញសង្គ្រាមវិលវិញជាថ្មី? សម្រាប់ពិភពលោកវិញដែលបានឆ្លងកាត់សង្គ្រាមលោកលើកទី ១ និងលើកទី២ និងសង្គ្រាមក្នុងបណ្តាប្រទេសជា ច្រើនទៀតដែលកើតឡើងនៅពេលថ្មីៗ ពិតជាគ្មានមនុស្សជាតិណាម្នាក់ប្រាថ្នាចង់ជួបសង្គ្រាមនោះឡើយ។ដូច្នេះ មេដឹកនាំនិងស្ថាបនិកសន្តិភាព កម្ពុជាឈ្មោះ តេជោ សែន ជាមួយនឹហការ ទទួលបានរង្វាន់សន្តិភាព ស៊ុនហាក់នៅថ្ងៃនេះកំពុងក្លាយជានិមិត្តរូបនៃសន្តិភាពសម្រាប់ពិភពលោកទាំងមូល ដែលគ្មាននរណាអាចប្រកែកបដិសេធ បានឡើយ៕ ដោយ:អ្នកនយោបាយតុកាហ្វេ 

ទីប្រឹក្សា​សន្តិសុខ​ជាតិ​អាមេរិក​និយាយ​ថា​ ទាហាន​អាមេរិក​មិន​ធ្វើសង្គ្រាម​ជាមួយ​រុស្ស៊ី​ទេ​

2022/02/12 10:50:00 am        816
Facebook Telegram Linkin
​សហរដ្ឋអាមេរិក៖ ទីប្រឹក្សា​សន្តិសុខ​ជាតិ​សហរដ្ឋអាមេរិក​លោក Jake Sullivan និយាយ​ថា ​ការដាក់​ពង្រាយកងទ័ពអាមេរិកទៅកាន់​បណ្តាប្រទេស​នៅ​ប៉ែក​ខាងកើតគឺជា​ការដាក់​ពង្រាយ​ការពារ ដោយ​គូសបញ្ជាក់កងទ័ព​ទាំង​នេះ​នឹងមិន​ធ្វើសង្គ្រាម​ជាមួយ​ប្រទេស​រុស្ស៊ី​នោះទេ​។​លោក Sullivan បានធ្វើ​អត្ថាធិប្បាយ​មុនពេល​មន្ត្រី​មន្ទីរ​បញ្ច​កោណ​បាន​និយាយថា ក្រសួងការពារជាតិ​កំពុង​បញ្ជូនទាហាន​ប្រយុទ្ធ​ចំនួន ៣.០០០នាក់​ផ្សេងទៀត​ទៅកាន់​ប្រទេសប៉ូឡូញ ដើម្បី​ចូលរួមជាមួយ​កងទ័ព ១៧០០នាក់ដែល​កំពុងតែ​ដាក់ពង្រាយ​នៅ​ទីនោះ ដើម្បី​បង្ហាញ​ពី​ការប្តេជ្ញាចិត្តរបស់​សហរដ្ឋអាមេរិក​ចំពោះ​សម្ព័ន្ធមិត្ត NATO ដែល​ព្រួយបារម្ភ​ចំពោះ​អនាគត​ប្រទេស​រុស្ស៊ីឈ្លា​នពាន​លើ​ប្រទេស​អ៊ុយ​ក្រែ​ន​។​ ​មន្ត្រី​ការពារជាតិ​ជាន់ខ្ពស់ម្នាក់​និយាយថា ទាហាន​បន្ថែមនឹង​ចាកចេញ​ពី​មូលដ្ឋាន Fort Bragg រដ្ឋ North Carolina ក្នុង​រយៈពេល​ពីរ​បី​ថ្ងៃ​បន្ទាប់ ហើយនឹង​ទៅដល់ប្រទេស​ប៉ូឡូញនៅ​ដើម​សប្តាហ៍ក្រោយ​។​លោក Sullivan បានបង្ហាញ​ក្នុង​របាយការណ៍​ដល់​សារព័ត៌មាន​ថា ប្រធានាធិបតីលោក Joe Biden ពិតជា​ជឿថា​ ប្រធានាធិបតី​រុស្ស៊ី​លោក Vladimir Putin បានធ្វើការ​សម្រេចចិត្ត​ចុងក្រោយ​ក្នុងការឈ្លានពាន​អ៊ុយ​ក្រែ​ន​។​ ​សេត​វិមាន​និយាយថា ការ​លុកលុយ​របស់​​រុស្ស៊ី​លើប្រទេសអ៊ុយ​ក្រែ​នអាច​កើតមាន​ឡើងនៅ​ថ្ងៃ​ណាមួយ ប្រហែលជា​ក្នុង​រយៈពេល​ពីរ​ថ្ងៃ​ខាងមុខមុនពេល​បញ្ចប់​ព្រឹត្តិការណ៍​កីឡា​អូឡាំពិករដូវរងា ហើយ​កំពុង​ជំ​រុញឱ្យ​ប្រជាជន​អាមេរិក​ចាកចេញ​ពីប្រទេស​អ៊ុយ​ក្រែ​ន៕​អត្ថបទ៖ ប៊ុនថន

WHO៖ ការផលិត​វ៉ាក់សាំង​នៅ​អាហ្វ្រិក​ខាងត្បូង​គឺជា​គន្លឹះ​ក្នុង​ការ​ប្រយុទ្ធ​ប្រឆាំង​វីរុស

2022/02/12 10:26:39 am        1191
Facebook Telegram Linkin
​អាហ្វ្រិកខាងត្បូង៖ ប្រធាន​អង្គការ​សុខភាព​ពិភពលោក​ ដែល​បានមក​ធ្វើ​ទស្សនកិច្ច​កាលពី​ថ្ងៃ​សុក្រ​និយាយថា កិច្ច​ខិតខំប្រឹងប្រែង​របស់ប្រទេស​អាហ្វ្រិក​ខាងត្បូងក្នុង​ការផលិត​វ៉ាក់សាំង គឺជា​គន្លឹះក្នុង​ការជួយ​ទ្វីបអាហ្វ្រិកឱ្យ​កាន់តែ​មានការ​គ្រប់គ្រាន់​ដោយ​ខ្លួនឯង​ ក្នុងការ​ផ្តល់វ៉ាក់សាំងដើម្បី​ប្រយុទ្ធប្រឆាំង​វីរុស COVID-19 និង​ជំងឺ​ជាច្រើន​ទៀត​។លោក​វេជ្ជបណ្ឌិត Tedros Ghebreyesus អគ្គនាយក​អង្គការ​សុខភាព​ពិភពលោក​បានធ្វើ​ទស្សនកិច្ច​នៅ​ទីក្រុង Cape Town ដើម្បី​ពិនិត្យមើល​ទីតាំង​ចំនួន​បី​ដែល​នឹង​ចាប់ផ្តើមការងារ​ដើម្បី​ផលិត​វ៉ាក់សាំង​។ លោក Tedros បាន​និយាយ​ក្នុងអំឡុង​សន្និសីទ​សារព័ត៌មាន​ថា ជាង​ពាក់កណ្តាល​នៃចំនួន​ប្រជាជន​ពិភពលោក​បច្ចុប្បន្ននេះបាន​ចាក់​វ៉ាក់សាំង​ពេញលេញ ខណៈ ៨៤% នៃចំនួន​ប្រជាជន​នៅ​ទ្វីបអាហ្វ្រិក​នៅ​មិនទាន់​ទទួលបាន​ការចាក់​វ៉ាក់សាំង​សូម្បីតែ​ដូ​ស​ទី​១​។​ ​លោក Tedros និយាយថា មាន​តម្រូវការ​បន្ទាន់ដើម្បី​បង្កើន​ការផលិត​វ៉ាក់សាំង​ក្នុងស្រុក នៅក្នុងប្រទេស​ដែលមាន​ប្រាក់ចំណូល​ទាប និង​មធ្យម​។ លោកមាន​ផែនការ​ពិនិត្យមើលមន្ទីរពិសោធន៍ Afrigen ឧបត្ថម​គាំទ្រ​ពី អង្គការ​សុខភាព​ពិភពលោកសម្រាប់​ការផលិតវ៉ាក់សាំង COVID-19 ដំបូង​។​​មន្ទីរពិសោធន៍​កំពុង​ចម្លង​វ៉ាក់សាំង Moderna ដោយ​ប្រើប្រាស់​បច្ចេកវិទ្យា​វ៉ាក់សាំង mRNA។ មន្ទីរពិសោធន៍ Afrigen មានការ​គាំទ្រ​ពី​អង្គការ​សុខភាព​ពិភពលោក និង​ដៃគូ​មួយចំនួន​ទៀត រួមទាំង​រដ្ឋាភិបាល​ប្រទេស​អាហ្វ្រិក​ខាងត្បូង បារាំង និង​បែលហ្ស៊ិក​។​ ​លោក Tedros និយាយថា​ វា​ត្រូវបាន​គេ​រំពឹងថា​ ការសាកល្បងព្យាបាល​សម្រាប់​ជម្រើសវ៉ាក់សាំង ដែល​ត្រូវបាន​បង្កើតឡើង​ដោយ​មន្ទីរ​ពិសោធ​ន៍ Afrigen នឹង​ចាប់ផ្តើម​នៅ​ឆ្នាំ២០២២ នេះ ហើយសង្ឃឹមថា ​ការអនុម័ត​សម្រាប់​ការប្រើប្រាស់​របស់​វានឹងត្រូវ​បានផ្តល់​ឱ្យនៅ​ឆ្នាំ២០២៤៕​អត្ថបទ៖ ប៊ុនថន

សម្ដេចតេជោ ជាមហាកិត្តិយសរបស់កម្ពុជា​ដែលបានទទួលពានរង្វាន់​សន្តិភាពពិភពលោកនៅថ្ងៃនេះ

2022/02/12 03:23:47 am        1721
Facebook Telegram Linkin
សេអ៊ូល៖ ខណៈពេលបាន និងកំពុងមានវត្តមាននៅទីក្រុងសេអ៊ូលប្រទេសកូរ៉េខាងត្បូង នៅព្រឹកថ្ងៃទី១២កុម្ភៈនេះ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា​មានមហាកិត្តិយសដ៏ក្រៃលែង បានអញ្ជើញឡើងទទួលនូវជ័យលាភីពានរង្វាន់​កិត្តិយស​ពិសេសរបស់ស្ថាបនិកឆ្នាំ២០២២ នៃពានរង្វាន់សន្តិភាពស៊ុនហាក់​ដែលជាមហាកិត្តិយសទាំង​សម្រាប់រូបសម្ដេច ក្រុមគ្រួសារ និងប្រជាជាតិកម្ពុជាទាំងមូល។ ដើម្បីទទួលបានព័ត៌មានថ្មី រហ័ស សូមចុច Join Channel Telegram BTV Newsក្នុងពិធីដ៏មហោឡារិកបន្ទាប់ពីបានអញ្ជើញឡើងទទួលដោយផ្ទាល់នូវជ័យលាភីពានរង្វាន់សន្តិភាពស៊ុនហាក់នេះ សម្ដេចតេជោប្រមុខ​នៃរាជរដ្ឋាភិបាលកម្ពុជា និងក្នុងឋានៈជាសហប្រធានកិច្ចប្រជុំកំពូលពិភពលោក ស្តីពីសន្តិភាពនៅឧបទ្វីបកូរ៉េ សម្ដេចបានមានប្រសាសន៍បង្ហាញអំពីប្រវត្តិដ៏ជូរចត់ដោយយកជីវិតធ្វើដើមទុនក្នុងការតស៊ូរំដោះប្រទេសជាតិ នៅគ្រប់ដំណាក់កាល និងការតស៊ូស្វែងរកសន្តិភាព ជាពិសេសតាមរយៈគោលនយោបាយ ឈ្នះ ឈ្នះ របស់សម្ដេចដែលនាំឲ្យកម្ពុជា​ទទួលបាននូវផលប្រយោជន៍ជាកាលានុវត្តភាព សម្រាប់ការអភិវឌ្ឍប្រទេសជាតិក្រោមដំបូល នៃសន្តិភាពដោយសម្ដេចបានមានប្រសាសន៍ថា គ្មានសន្តិភាព គ្មានការអភិវឌ្ឍ គ្មានសន្តិភាព គ្មានការគោរពសិទ្ធិមនុស្ស និងលទ្ធិប្រជាធិបតេយ្យ។សម្ដេចបន្តថា រាជរដ្ឋាភិបាលរបស់កម្ពុជា​បានយកសន្តិភាពជាអតិភាព ដោយបានបញ្ជូនកងទ័ពជាងរាប់ពាន់នាក់​ទៅចូលរួមប្រតិបត្តិការរក្សាសន្តិភាព និងបោសសំអាតមីនរបស់អង្គការសហប្រជាជាតិ នៅអាហ្វ្រិក និងមជ្ឈិមបូព៌ាដែលពេលនេះកំពុងមានវត្តមាន​នៅម៉ាលី អាហ្វ្រិកកណ្ដាល ស៊ូដង់និងលីបង់ ដើម្បីរួមចំណែកក្នុងការចូលរួមរក្សាសន្តិភាព​នៅបណ្ដាប្រទេសទាំងនោះ។ សម្ដេចបន្តថាទោះបីប្រទេសកម្ពុជាតូចក៏ដោយ កម្ពុជាក៏បានចូលរួមចំណែក​ក្នុងដំណើរការស្វែងរកសន្តិភាព សម្រាប់តំបន់ និងពិភពលោក ដោយសុឆន្ទៈ និងការទទួលខុសត្រូវនិងភាពស្មោះត្រង់។សូមបញ្ជាក់ថា ពានរង្វាន់សន្តិភាពនេះគឺជាការទទួលស្គាល់ភាពជាអ្នកដឹកនាំ​ដ៏អស្ចារ្យ​របស់សម្ដេចតេជោអស់រយៈពេលជាច្រើនឆ្នាំ ក្នុងនាមជានាយករដ្ឋមន្ត្រី នៃព្រះរាជាណាចក្រកម្ពុជា និងការចូលរួមចំណែក​របស់សម្ដេចចំពោះសន្តិភាពស្ថិរភាព និងការអភិវឌ្ឍសេដ្ឋកិច្ច នៅកម្ពុជា និងតំបន់ទាំងមូល។ ពានរង្វាន់សន្តិភាពស៊ុនហាក់ គឺជាពានរង្វាន់សន្តិភាពដ៏មានកិត្យានុភាពបំផុតមួយ​របស់ពិភពលោក បង្កើតឡើងដើម្បីទទួលស្គាល់ “ បុគ្គល និងស្ថាប័នដែលបានបម្រើ​ដល់មនុស្សជាតិដែលជាគំរូមួយ ក្នុងការ ធ្វើឱ្យពិភពលោកកាន់តែប្រសើរឡើង សម្រាប់មនុស្សជំនាន់ក្រោយ”។ ក្រៅពីសម្ដេចតេជោ ហ៊ុន សែន គណៈកម្មាធិការក៏បានផ្ដល់ជ័យលាភី​ពានរង្វាន់សន្តិភាពស៊ុនហាក់ឆ្នាំ២០២២ ដល់ជ័យលាភី ២រូបទៀត រួមមាន (១) លោកស្រី Dame Sarah Catherine Gilbert សាស្ត្រាចារ្យផ្នែក វ៉ាក់សាំងនៃវិទ្យាស្ថាន Jenner នៃសាកលវិទ្យាល័យ Oxford ដែលជាអ្នកវិទ្យាសាស្ត្រសហការបង្កើត វ៉ាក់សាំង AstraZeneca និង (2) សម្ព័ន្ធភាពវ៉ាក់សាំងកូវីដ (Gavi, Vaccine Alliance) ដែលជាយន្តការសហប្រតិបត្តិការអន្តរជាតិដ៏ធំបំផុត ដែលបានរួមចំណែកដល់ការកែលម្អសុខភាពទូទៅរបស់មនុស្សជាតិ តាមរយៈការផ្តល់វ៉ាក់សាំងដល់កុមារ នៅក្នុងប្រទេសដែលមានចំណូលទាប៕ អត្ថបទ៖ មុត សុទ្ធ

ទាំង​រុស្ស៊ី ទាំង​អ៊ុយ​ក្រែ​ន​ និង​សម្ព័ន្ធ​ណា​តូ​បង្កើន​សកម្មភាព​សម​យុទ្ធ​យោធា ខណៈ​មាន​ភាព​តានតឹង​ខ្លាំង

2022/02/11 03:01:29 pm        1302
Facebook Telegram Linkin
​អ៊ុយក្រែន៖ ស្រប​ពេល​មាន​ភាព​តានតឹង​ខ្លាំង​ជុំវិញ​សកម្មភាព​យោធា ក៏ដូចជា​ការ​ដាក់​ពង្រាយ​កងកម្លាំង​រាប់​ម៉ឺន​នាក់​របស់​រុស្ស៊ី​នៅ​ជិត​ព្រំដែន​ប្រទេស​អ៊ុយ​ក្រែ​ន ក្ដី​បារម្ភ​ចេះតែ​កើន​ឡើងជា​រៀងរាល់ថ្ងៃ ទាំង​នៅ​ក្នុង​ប្រទេស​អ៊ុយ​ក្រែ​ន​ខ្លួនឯង ​ទាំង​ប្រទេស​លោក​ខាងលិច​ពិសេស​សហរដ្ឋអាមេរិក​។​រយៈពេល​ប៉ុន្មាន​សប្ដាហ៍​ថ្មី​នេះ​គេ​មើល​ឃើញ​ថា ទាំង​រុស្ស៊ី ទាំង​អ៊ុយ​ក្រែ​ន ​និង​សម្ព័ន្ធមិត្ត​ណាតូបាន​បង្កើន​សកម្មភាព​យោធា​រៀង​ៗ​ខ្លួន​តាមរយៈ​សម​យុទ្ធ​។ ​កាលពី​ថ្ងៃ​ព្រហស្បតិ៍​ ប្រទេស​រុស្ស៊ី និង​បេឡា​រុស្ស​បាន​ចាប់ផ្ដើម​ល្បែង​សង្គ្រាម​ទ្រង់ទ្រាយ​ធំ ​នៅ​ទឹកដី​បេឡា​រុស្ស​រយៈពេល​ ១០​ថ្ងៃ ខណៈ​ដែល​លោក​ខាង​លិច​ព្រួយបារម្ភ​កាន់​តែ​ខ្លាំង និង​នៅតែ​បន្ត​ព្រមាន​រុស្ស៊ី ចំពោះ​សកម្មភាព​យោធា​របស់​ខ្លួន​នៅ​ជិត​ព្រំដែន​អ៊ុយ​ក្រែ​ន ដែល​អាច​ឈាន​ដល់​ការវាយប្រហារ​ណាមួយ​នៅ​ពេល​ណាមួយ​។ ​រុស្ស៊ី​បាន​បន្ត​បញ្ជូន​កងទ័ព​របស់​ខ្លួន​យ៉ាង​ច្រើន ​រួម​ទាំង​យុទ្ធោបករណ៍​ផង​ដែរ​ទៅកាន់​ប្រទេស​បេឡា​រុស្ស ដែល​រួមមាន​ទាំង​ការ​ពង្រាយ​រថក្រោះ កាំភ្លើង​ធំ​ដែល​អាច​បាញ់​បាន​ឆ្ងាយ និង​យន្តហោះ​ចម្បាំង​ទំនើប​ៗ​។ ​ចំណែក​កងកម្លាំង​អ៊ុយ​ក្រែ​ន​វិញក៏បាន​ធ្វើ​សម​យុទ្ធ​ផង​ដែរ​នៅ​តំបន់ Donbas ភាគ​ខាងកើតកាលពី​ថ្ងៃ​ព្រហស្បតិ៍​។​​កាលពី​សប្ដាហ៍​មុន​ កងកម្លាំង​អ៊ុយ​ក្រែ​ន​បាន​បង្កើន​សកម្មភាព​ហ្វឹកហាត់​ជាច្រើន​ ជាការ​ត្រៀម​សម្រាប់​ការ​ទប់ទល់​ការវាយប្រហារ​ណាមួយ​នៅ​ជិតខ្សែត្រៀម ជាប់​ជាមួយ​ប្រទេស​បេឡា​រុស្ស​។ ​ក្រៅ​តែ​ពី​ការ​ធ្វើ​សម​យុទ្ធ​នៅ​លើ​ដីគោក អ៊ុយ​ក្រែ​នក៏​បា​ធ្វើ​សមយុទ្ធ​តាម​អាកាស​ផង​ដែរ​ដោយ​ប្រើ​ឧទ្ធម្ភាគចក្រ ដើម្បី​វាយប្រហារ​គោលដៅ។ ​ប្រទេស​រុស្ស៊ីបាន​បន្ត​ធ្វើ​សមយុទ្ធ​ទ្រង់ទ្រាយ​ធំ​តាំងពីសប្ដាហ៍​មុន​មកម្ល៉េះ ​ដោយមាន​ទាំង​ការ​ធ្វើ​សមយុទ្ធ​ដែនទឹក​នៅ​ក្នុង​សមុទ្រ​អា​ត្ល​ង់​ទិក និង​សមុទ្រ​ខ្មៅ​ជាដើម​។​ ​រីឯ​អង្គការ​ណា​តូវិញក៏​នៅតែ​បន្តធ្វើ​សម​យុទ្ធ​យោធា​ជាមួយ​សម្ព័ន្ធមិត្ត​របស់​ខ្លួន​ដែរ ទាំង​នៅ​ក្នុង​សមុទ្រ​មេ​ឌី​ទែ​រ៉ា​ណេ និង​សមុទ្រ​អា​ឌ្រៀ​ទិ​ក ស្រប​ពេល​ភាព​តានតឹង​នៅ​ក្នុង​អឺរ៉ុប​ខាង​កើត​កញ្ជ្រោល​ឡើង​ខ្លាំង​ ដោយសារ​ការដាក់​ពង្រាយ​កងទ័ព​របស់​រុស្ស៊ីនៅ​ជិត​ព្រំដែន​អ៊ុយ​ក្រែ​ន​៕​អត្ថបទ៖ សុខមាន

លោក​ខាង​លិច​ព្រមាន​ពី​ពេលវេលា​គ្រោះថ្នាក់​បំផុត ខណៈ​រុស្ស៊ី​ធ្វើ​សម​យុទ្ធ​ទ្រង់ទ្រាយ​ធំ​នៅ​បេឡា​រុស្ស

2022/02/11 10:32:15 am        1482
Facebook Telegram Linkin
​អង់គ្លេស៖ ចក្រភព​អង់គ្លេស​បាន​និយាយ​កាលពី​ថ្ងៃ​ព្រហស្បតិ៍​ថា លោក​ខាង​លិច​អាច​នឹង​ប្រឈម​ពេល​វេលា​គ្រោះថ្នាក់​បំផុត​ក្នុង​ការ​ជាប់​គាំង​រប​ស់​ខ្លួន​ ជាមួយ​ក្រុង​មូ​ស្គូ​ក្នុង​ពេល​ប៉ុន្មាន​ថ្ងៃ​ខាងមុខ ខណៈ​ដែល​រុស្ស៊ី​បាន​ធ្វើ​សម​យុទ្ធ​យោធា​ទ្រង់ទ្រាយ​ធំ​នៅ​ក្នុង​ប្រទេសបេឡា​រុស្ស និង​សមុទ្រ​ខ្មៅ ក្រោយ​កងទ័ព​របស់​ខ្លួន​បាន​បង្កើន​ការ​ដាក់​ពង្រាយ​នៅ​ជិតប្រទេស​អ៊ុយ​ក្រែ​ន​។​ភាព​តានតឹង​នៅតែ​ឡើង​កម្ដៅ​ខ្លាំង ខណៈ​ដែល​អ៊ុយ​ក្រែ​ន​ក៏​កំពុង​បង្កើត​ល្បែង​សង្គ្រាម​ផង​ដែរ ប៉ុន្តែក្រុម​មេដឹកនាំ​គ្រប់​ភាគី​ទាំងអស់​បាន​ផ្ដល់​សញ្ញា​ថា ពួកគេ​រំពឹងថា​ផ្លូវ​ខាង​ការទូតនៅតែ​អាច​ទម្លាយ នូវ​អ្វី​ដែល​លោកនាយក​រដ្ឋមន្ត្រី​អង់គ្លេស Boris Johnson ហៅថា​ ជា​វិបត្តិ​សន្តិសុខ​ដ៏​ធំ​បំផុត​រយៈពេល​ជាច្រើន​ទសវត្សរ៍​មកនេះ​របស់​តំបន់​អឺរ៉ុប។​ ប្រទេស​រុស្ស៊ី និង​បេឡា​រុស្ស​បាន​ចាប់ផ្ដើម​សម​យុទ្ធ​យោធា​រួមគ្នា​រយៈពេល ​១០​ថ្ងៃ ស្រប​ពេល​មាន​ក្ដីបារម្ភ​ថា​ រុស្ស៊ី​នឹង​ឈ្លានពាន​អ៊ុយ​ក្រែ​ន​នៅ​ថ្ងៃ​ណាមួយ រ​ហូ​តមានការ​ព្រមាន​ពី​សហរដ្ឋអាមេរិក​នៅសប្ដាហ៍​នេះ​ថា រុស្ស៊ីអាច​ចូល​លុកលុយ​អ៊ុយ​ក្រែ​ន​ក្នុង​ពេល ៧២​ម៉ោង​។​ បេឡា​រុស្ស​គឺជា​សម្ព័ន្ធមិត្ត​ជិតស្និទ្ធ​របស់​រុស្ស៊ី និង​មាន​ព្រំដែន​ជាប់​ជាមួយ​អ៊ុយ​ក្រែ​ន​ដែរ​។​ចំណែក​ប្រទេស​បារាំង​វិញបាន​ហៅ​សម​យុទ្ធ​ដែល​គេ​ជឿថា ​ជា​ការ​បញ្ជូន​កងទ័ព​ដ៏​ច្រើន​បំផុត​របស់​រុស្ស៊ីទៅកាន់​បេឡា​រុស្ស​ ចាប់​តាំង​ពី​សង្គ្រាមត្រជាក់​មក​គឺជា​កាយវិការ​ហិង្សា។ រីឯ​អ៊ុយ​ក្រែ​ន​វិញ​និយាយ​ថា រុស្ស៊ី និង​បេឡា​រុស្ស​កំពុង​បង្កើន​សម្ពាធចិត្ត​វិទ្យា​។​ ​ខណៈ​ដែល​កំពុង​ជួបពិភាក្សា​ជាមួយ​បណ្ដា​មេដឹកនាំ​តំបន់​បាល់​ទិ​ក អធិការបតី​អាល្លឺម៉ង់​ថ្មីគឺ​លោក Olaf Scholz​ បាន​បញ្ជូន​ការព្រមាន​ដ៏​ខ្លាំងក្លា​ទៅកាន់​រុស្ស៊ី​ ជុំវិញ​ភាព​តានតឹង​ដែល​ចេះតែ​រីក​ធំ​អំពី​វិបត្តិ​អ៊ុយ​ក្រែ​ន​។​ លោក​ថា រុស្ស៊ី​មិន​គួរ​មើលស្រាល​ការ​រួបរួម​គ្នា ​និង​ការ​ប្ដេជ្ញាចិត្ត​របស់​យើង​ឡើយ។ ​យើង​បារម្ភ​ពី​សម្ព័ន្ធមិត្ត​របស់​យើង​ខ្លាំង​ណាស់។​ យើង​ចង់បាន​សន្តិភាព​៕អត្ថបទ៖ សុខមាន

ក្រសួងការពារជាតិ​រុស្ស៊ី​និយាយ​ថា ប្រព័ន្ធ​មី​ស៊ី​ល​បាន​មកដល់​ប្រទេស​បេឡា​រុស្ស

2022/02/10 04:23:00 am        683
Facebook Telegram Linkin
​រុស្ស៊ី៖ ក្រសួងការពារជាតិ​រុស្ស៊ី​បាន​បញ្ចេញ​វីដេអូ​ ដែល​បង្ហាញ​ពី​អ្វីដែល​ក្រសួង​បាន​និយាយ​ថា ប្រព័ន្ធ​មី​ស៊ី​ល S-400 បាន​មកដល់​ប្រទេស​បេឡា​រុស្សក្នុង​ពេល​មាន​សម​យុទ្ធ​យោធា​​រុស្ស៊ី​-​បេឡា​រុស្ស​នា​ពេល​ខាងមុខ​។ វិមាន​ក្រឹម​ឡាំង​បាន​ផ្លាស់ប្តូរ​កងទ័ព​ពី​តំបន់​ស៊ី​បេ​រី និងចុង​បូព៌ាទៅកាន់​ប្រទេស​បេឡា​រុស្សសម្រាប់​ការធ្វើ​សមយុទ្ធ​រួមគ្នា​។ ការដាក់​ពង្រាយ​នេះបាន​បន្ថែម​ទៅលើការបង្កើន​កងទ័ពរ​បស់​​រុស្ស៊ី​នៅ​ជិត​ប្រទេស​អ៊ុយ​ក្រែ​ន ដោយ​ជំរុញឱ្យមាន​ការព្រួយបារម្ភ​ពីប្រទេស​លោកខាងលិច​ ចំពោះ​ការឈ្លានពាន​ដែល​អាច​កើតមាន​។​ ​ប្រទេស​លោកខាងលិចបាន​អំពាវនាវ​ឱ្យ​​រុស្ស៊ី​ដកទ័ព​ប្រមាណ ១០ម៉ឺន​នាក់មកវិញ​ពីតំបន់​ជិត​ប្រទេស​អ៊ុយ​ក្រែ​ន ប៉ុន្តែ​វិមាន​ក្រឹម​ឡាំង​បាន​ឆ្លើយតប​ថា រុស្សីនឹងដាក់ពង្រាយ​កងទ័ព​នៅគ្រប់​ទីកន្លែង​ដែល​ខ្លួន​ត្រូវការនៅក្នុង​ទឹកដី​របស់​រុស្ស៊ី​។​ ​ជាមួយគ្នានេះ នាវា​កងទ័ពជើងទឹក​​រុស្ស៊ី ៣​គ្រឿង​បន្ថែមទៀតបានធ្វើ​ដំណើរ​ឆ្លងកាត់​ប្រទេសទួរគី​កាលពី​ថ្ងៃ​ពុធ ​ដើម្បី​មក​ចូលរួម​ក្នុង​សមយុទ្ធ​យោធា​នៅ​សមុទ្រ​ខ្មៅ​។ ក្រសួងការពារជាតិ​រុស្ស៊ី​បាន​និយាយថា នាវា​ធំៗ​ចំនួន ​៦​គ្រឿង​កំពុងធ្វើដំណើរ​ពីសមុទ្រ​មេ​ឌី​ទែ​រ៉ា​ណេទៅកាន់​សមុទ្រ​ខ្មៅ ជា​កន្លែង​ដែល​ពួកគេ​នឹងចូលរួម​ក្នុង​សមយុទ្ធដែល​កំពុងដំណើរការ​។នាវា​​រុស្ស៊ី​ ៣​គ្រឿង​ដំបូង​បាន​ឆ្លងកាត់​ច្រក​សមុទ្រ Dardanelles និង Bosporus របស់​ប្រទេស​ទួរគី​កាលពី​ថ្ងៃ​អង្គារ​។ មន្ត្រី​សហរដ្ឋអាមេរិកនិយាយថា ការ​គំរាមលុកលុយ​របស់​រុស្ស៊ី​នៅ​ប្រទេស​អ៊ុយ​ក្រែ​ន ​គឺ​ធ្ងន់ធ្ងរ​ជាង​ពេលណា​ណា​ទាំងអស់ដែល​បាន​កើតមានឡើង ​ក្នុងអំឡុងពេល​ជិត​មួយ​ទសវត្សរ៍​មកនេះ​។ ទីប្រឹក្សា​សន្តិសុខ​ជាតិ​របស់​សេត​វិមាន​បាន​ព្រមាន​ថា ការឈ្លានពានអាច​កើតឡើង​នៅ​ថ្ងៃ​ណាមួយ ហើយ​ប្រធានាធិបតីលោក​Joe Biden បាន​និយាយថា វា​ជា​ភាព​វៃឆ្លាត​សម្រាប់​ប្រជាជន​អាមេរិក​ ក្រៅពី​អ្នកការទូត​សំខាន់ៗក្នុងការ​ចាកចេញ​ពីប្រទេសអ៊ុយ​ក្រែ​ន និង​បាន​បញ្ជា​ឱ្យ​ដាក់ពង្រាយ​កងទ័ព ១,៧០០នាក់ទៅកាន់​ប្រទេស​ប៉ូឡូញដែល​នៅ​ជិតខាង៕អត្ថបទ៖ ប៊ុនថន

WHO៖ ឧបសគ្គ​ធំ​ក្នុង​ការ​បញ្ចប់​ជំងឺ​រាតត្បាត​គឺ​ការធានា​បានការ​ធ្វើតេស្ត ចាក់​វ៉ាក់សាំង និង​ព្យាបាល​

2022/02/10 10:12:34 am        1121
Facebook Telegram Linkin
WHO៖ ​អគ្គនាយក​អង្គការ​សុខភាព​ពិភពលោក (WHO) លោក Tedros Adhanom Ghebreyesus និយាយថា ឧបសគ្គ​ធំ​បំផុត​ដែល​យើងប្រឈមមុខ​ទៅនឹង​ការបញ្ចប់​ជំងឺ​រាតត្បាត ជា​ភាពអាសន្នសុខភាព​សកលគឺ​ការធានា​ឱ្យ​ប្រជាជន​ទាំងអស់​ នៅ​គ្រប់​ប្រទេសមានលទ្ធភាព​ទទួលបាន​ការធ្វើតេស្ត ចាក់​វ៉ាក់សាំង និង​ការព្យាបាល​។លោក Tedros និយាយថា អាស្រ័យ​លើ​កន្លែង​ដែល​អ្នក​រស់នៅ អ្នក​អាច​គិតថា​ជំងឺ​រាតត្បាត COVID-19 ជិត​ចប់​ហើយ ឬ​វា​អាចមានអារម្មណ៍​ថា ​វីរុស​ឆ្លងកាន់តែអាក្រក់​បំផុត​។ ប៉ុន្តែ​ទោះជា​អ្នករស់នៅ​ទីណា​ក៏ដោយ​វីរុស COVID-19 មិនបាន​បញ្ចប់​ជាមួយ​យើងនោះទេ​។​ ​ជំងឺ​គ្មាន​ព្រំដែន ហើយ​ដូចដែល​យើងទាំងអស់គ្នា​ដឹង​អំពី​វីរុស​ប​ម្លែ​ង​ខ្លួន​ថ្មី Omicron អារម្មណ៍សុវត្ថិភាព​ណាមួយ​អាច​ផ្លាស់ប្តូរ​ភ្លាមៗ​។ យើង​ដឹងថា ​វីរុស​នេះ​នឹង​នៅតែ​បន្ត​វិវត្ត ប៉ុន្តែ​យើង​នៅតែ​បន្តការពារ​។ កន្លែង​ដែល​ប្រជាជនមាន​សិទ្ធិ​ទទួលបាន​ការធ្វើ​តេស្ត ចាក់​វ៉ាក់សាំង និង​ការ​ព្យាបាល វីរុសនេះនឹង​អាច​ត្រូវបាន​គ្រប់គ្រង ហើយ​កន្លែង​ដែល​ពួកគេ​មិន​ទទួលបានវីរុស​នៅតែ​បន្ត​រីក​រាលដាល វិ​វត្ត និង​សម្លាប់​មនុស្ស​។​​ដោយ​ចូលរួម​ក្នុង​សន្និសីទ​តាមរយៈ Video conference ប្រធានាធិបតី​​អាហ្វ្រិក​ខាងត្បូងលោក Cyril Ramaphosa បាន​និយាយថា គម្លាត​មូលនិធិ​មាន​មិន​គ្រប់គ្រាន់ បើ​ប្រៀបធៀប​ទៅនឹង​អ្វីដែល​ប្រទេស​អភិវឌ្ឍន៍​បាន​ចំណាយ​ លើ​ការឆ្លើយតប​ក្នុងស្រុក​របស់​ពួកគេ​។ លោកនិយាយថា ការផ្តល់​មូលនិធិ​នេះគឺមាន​សារៈសំខាន់​ ប្រសិនបើ​យើងចង់សម្រេចបាន​នូវគោលដៅ​សកល ​សម្រាប់​ការទទួលបាន​វ៉ាក់សាំង ការធ្វើ​តេស្ត ការព្យាបាល និង​ការបញ្ចប់​ជំងឺ​រាតត្បាត​នៅ​ឆ្នាំ២០២២ ​នេះ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ស្នាដៃចម្លាក់ដីខ្សាច់របស់វិចិត្រករនៅរដ្ឋ Tamil Nadu ប្រទេសឥណ្ឌា ឆ្លុះបញ្ចាំងពីបាតុភូតធម្មជាតិអែលនីញ៉ូ
07/06/2026 08:07 PM
Facebook Telegram Linkin
ក្រុមអ្នកសម្របសម្រួល (CLG) កម្ពុជា ​និងក្រុមអ្នកសង្កេតការណ៍អាស៊ាន (AOT) ដឹកនាំដោយប្រធានបេសកកម្មក្រុមអ្នកសង្កេតការណ៍អាស៊ាន (HOM AOT) ហ្វីលីពីនចុះសង្កេតការណ៍ ផ្ទៀងផ្ទាត់ជាក់ស្តែងនៅតាមបង្គោលព្រំដែនលេខ៥២ ដល់លេខ៥៩ ស្ថិតនៅស្រុកកំរៀង ខេត្តបាត់ដំបង
07/06/2026 08:07 PM
Facebook Telegram Linkin
ម្ចាស់ធុរកិច្ចនៅទីក្រុង La Guairaរបស់វេណេស៊ុយអេឡា រង់ចាំការវិលត្រឡប់មកវិញនៃវិស័យទេសចរណ៍
07/06/2026 08:07 PM
Facebook Telegram Linkin
ចៅប្រុសរបស់អតីតប្រធានាធិបតី​គុយបា បញ្ជាក់​ថា បើកចំហ ចំពោះការចរចាជាមួយសហរដ្ឋអាមេរិក
07/06/2026 08:07 PM
Facebook Telegram Linkin
វិមានក្រឹមឡាំងបញ្ជាក់​ថា សមយុទ្ធកងទ័ពជើងទឹករុស្ស៊ី-ចិន មិនមែនជាការគំរាមដល់ប្រទេសដទៃឡើយ
07/06/2026 08:07 PM
Facebook Telegram Linkin
ការបាក់ទឹកទំនប់បង្កឱ្យមានការជម្លៀសចេញ នៅភាគខាងត្បូងនៃ​ប្រទេសចិន
07/06/2026 08:07 PM
Facebook Telegram Linkin
ក្រសួងការពារជាតិ៖ យន្តហោះចម្បាំងរបស់​អង់គ្លេស បានស្ទាក់យន្តហោះរុស្ស៊ី នៅសមុទ្រន័រវ៉ែស
07/06/2026 08:07 PM
Facebook Telegram Linkin
យន្តហោះទម្លាក់ទឹក ខណៈភ្លើងឆេះព្រៃនៅបារាំងបង្ខំឲ្យមនុស្សរាប់ពាន់នាក់ជម្លៀសខ្លួន
07/06/2026 08:07 PM
Facebook Telegram Linkin
លោករដ្ឋមន្រ្តីការពារជាតិ Wladyslaw ៖ ការឆ្លាស់វេនទាហានអាមេរិកនៅប៉ូឡូញ នឹងចាប់ផ្តើមឡើងវិញក្នុងពេលប៉ុន្មានសប្តាហ៍ទៀត
07/06/2026 08:07 PM
Facebook Telegram Linkin
ទឹកជំនន់ដ៏គំហក់ និងបំណាក់ដីបង្កឡើងដោយភ្លៀងធ្លាក់ខ្លាំង បានបិទផ្លូវហាយវ៉េនៅភាគខាងជើងឥណ្ឌា
07/06/2026 08:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.