BTV NEWS

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

ព័ត៌មានសំខាន់ៗ

កិច្ចប្រជុំកំពូលអាស៊ានបានបញ្ចប់ដោយគ្មានការចូលរួមពីមីយ៉ាន់ម៉ា

អាស៊ាន៖ មេដឹកនាំនៃសមាគមប្រជាជាតិអាស៊ីអាគ្នេយ៍ បានបញ្ចប់កិច្ចប្រជុំកំពូលតាមប្រព័ន្ធអ៊ីនធឺណិតរយៈពេល ៣ថ្ងៃរបស់ខ្លួនកាលពីថ្ងៃព្រហស្បតិ៍។ ប្រទេសជប៉ុន សហរដ្ឋអាមេរិក ចិន និងប្រជាជាតិផ្សេងទៀតក៏បានចូលរួមកិច្ចប្រជុំប្រចាំឆ្នាំនេះផងដែរ។ សហភាពមីយ៉ាន់ម៉ាដែលជាសមាជិកមួយក្នុងចំណោមសមាជិកទាំង ១០ នៃប្លុកតំបន់បានបដិសេធការអញ្ជើញរបស់អាស៊ាន ក្នុងការបញ្ជូនអ្នកការទូតជាន់ខ្ពស់ជាជាងមេដឹកនាំយោធារបស់ខ្លួន។វាកម្រមានណាស់សម្រាប់សមាជិកអាស៊ានដែលរំលងកិច្ចប្រជុំបែបនេះ។ មហាក្សត្រស៊ូលតង់ Hassanal Bolkiah របស់ប្រ៊ុយណេដែលជាប្រធានអាស៊ានបានមានព្រះបន្ទូលបន្ទាប់ពីកិច្ចប្រជុំកំពូលថា មីយ៉ាន់ម៉ានៅតែជាផ្នែកសំខាន់មួយនៃគ្រួសារអាស៊ាន។ ព្រះអង្គក៏បានសម្តែងក្តីសង្ឃឹមផងដែរថា សហភាពមីយ៉ាន់ម៉ានឹងវិលមករកភាពប្រក្រតីឡើងវិញ ស្របតាមឆន្ទៈរបស់ប្រជាជន និងការអនុវត្តទាន់ពេលវេលានៃកិច្ចព្រមព្រៀងកូសង់ស៊ីស ៥ចំណុច។ មេដឹកនាំអាស៊ាន និងយោធាមីយ៉ាន់ម៉ាបានយល់ព្រមលើការឯកភាពគ្នាកាលពីខែមេសា ដើម្បីបញ្ចប់អំពើហិង្សាក្នុងប្រទេសដែលបានបន្តចាប់តាំងពីរដ្ឋប្រហារក្នុងខែកុម្ភៈ។ ការឯកភាពគ្នានេះ រួមមានដំណើរទស្សនកិច្ចទៅកាន់ប្រទេសនេះរបស់បេសកជនពិសេសអាស៊ាន ដើម្បីសម្របសម្រួលកិច្ចសន្ទនារវាងយោធា និងកម្លាំងគាំទ្រលទ្ធិប្រជាធិបតេយ្យ។ ប៉ុន្តែយោធាបានច្រានចោលចំពោះដំណើរទស្សនកិច្ចនេះ។ព្រះមហាក្សត្រប្រ៊ុយណេ Sultan Hassanal Bolkiah បានមានព្រះបន្ទូលកាលពីថ្ងៃព្រហស្បតិ៍ថា ពុំមានសំនួរនៃការបញ្ចប់សមាជិកភាពរបស់សហភាពមីយ៉ាន់ម៉ានៅក្នុងប្លុកអាស៊ានទេ ផ្ទុយទៅវិញបានអំពាវនាវជាថ្មីដល់របបសឹកមួយនេះឲ្យធ្វើការជាមួយប្រេសិតពិសេស របស់ប្លុកនេះ ដើម្បីបញ្ចប់វិបត្តិដ៏ធ្ងន់ធ្ងរបន្ទាប់ពីរដ្ឋប្រហារកាលពីខែកុម្ភៈ៕អត្ថបទ៖ សុខមាន

វៀតណាមអរគុណដល់ប្រជាជន និងរដ្ឋាភិបាលកម្ពុជាដែលបានផ្តល់ជំនួយវ៉ាក់សាំងកូវីដ១៩ដល់ខ្លួន

អនុរដ្ឋមន្រ្តី ក្រសួងសុខាភិបាល នៃសាធារណរដ្ឋសង្គមនិយមវៀតណាម លោក ជិន វ៉ាន់ធួន បានសម្តែងនូវអំណរគុណចំពោះប្រជាជន និងរាជរដ្ឋាភិបាលកម្ពុជា ជាពិសេសសម្តេចតេជោ ហ៊ុន សែន ដែលបានផ្តល់ជំនួយមនុស្សធម៌វ៉ាក់សាំងប្រឆាំងកូវីដ១៩ ចំនួន ២០ម៉ឺនដូសដល់ប្រទេសវៀតណាម ខណៈជំនួយនេះបានបង្ហាញអំពីសក្ខីភាពរបស់កម្ពុជាក្នុងការជួយដល់រដ្ឋាភិបាល និងប្រជាជនវៀតណាមក្នុងការកាត់បន្ថយការឆ្លងនូវជំងឺកូវីដ១៩។ថ្លែងក្នុងពិធីប្រគល់ និងទទួលនូវវ៉ាក់សាំងប្រភេទស៊ីណូហ្វាម ចំនួន២០ម៉ឺនដូស ដែលជំនួយមនុស្សធម៌របស់កម្ពុជា ជូនដល់ប្រជាជន និងប្រទេសវៀតណាម នៅព្រឹកថ្ងៃទី២៩ ខែតុលា ឆ្នាំ២០២១ នេះ នៅច្រកព្រំដែនអន្តរជាតិបាវិត លោក ជិន វ៉ាន់ធួន បានលើកឡើងថា ជំនួយមនុស្សធម៌ជាវ៉ាក់សាំងប្រឆាំងកូវីដ១៩ ដែលកម្ពុជាបានផ្តល់ជូនដល់វៀតណាមនាពេលនេះ គឺបានបង្ហាញឲ្យឃើញយ៉ាងច្បាស់អំពីសក្ខីភាពរបស់ប្រជាជន និងរាជរដ្ឋាភិបាលកម្ពុជា ហើយក៏ជាកាយវិការដ៏មានអត្ថន័យ ក្នុងការជួយជ្រោមជ្រែងដល់ប្រជាជន និងរដ្ឋាភិបាលវៀតណាមក្នុងការលើកកម្ពស់សុខុមាលភាព និងកាត់បន្ថយការឆ្លងរីករាលដាលនូវជំងឺកូវីដ១៩នៅប្រទេសវៀតណាមផងដែរ។សូមបញ្ជាក់ថា កម្ពុជាបានផ្តល់ជំនួយផ្នែកសុខាភិបាលប្រឆាំងកូវីដ១៩ ដល់ប្រជាជន និងប្រទេសវៀតណាមចំនួនពីរលើកមកហើយ ដោយលើកទីមួយគឺមានបរិក្ខាវេជ្ជសាស្រ្តដូចជាម៉ាសអាល់កុលជាដើម លើកទីពីរជាថវិកាជាង៣០ម៉ឺនដុល្លារអាមេរិក និងលើកទីបីនេះ គឺជាជំនួយវ៉ាក់សាំងប្រឆាំងកូវីដ១៩ ចំនួន២០ម៉ឺនដូស។ លោកជំទាវ ឱ វណ្ណឌីន រដ្ឋលេខាធិការ និងជាប្រធានគណៈកម្មការចំពោះកិច្ចចាក់វ៉ាក់សាំងក្នុងក្របខណ្ឌទូទាំងប្រទេស បានថ្លែងនៅក្នុងកម្មវិធីផ្តល់ជំនួយវ៉ាក់សាំងដល់ភាគីវៀតណាមនោះថាជំនួយ ដែលរដ្ឋាភិបាល ជាពិសេសសម្តេចតេជោ ហ៊ុន សែន ផ្តល់ជូនដល់ប្រជាជន និងរដ្ឋាភិបាលវៀតណាមនេះ គឺជាសក្ខីភាពមួយបង្ហាញអំពីទឹកចិត្តដ៏ស្មោះសរ របស់កម្ពុជាជួយដល់ប្រទេសជាមិត្តភូមិផងរបងតែមួយ ក្នុងការកាត់បន្ថយនូវជំងឺកូវីដ១៩ ដែលបានកំពុងផ្ទុះឡើងនៅប្រទេសវៀតណាមនោះ។នៅក្នុងកម្មវិធីផ្តល់ និងទទួលនូវវ៉ាក់សាំងប្រភេទស៊ីណូហ្វាមនេះ ភាគីកម្ពុជា និងភាគីវៀតណាមក៏បានសន្យាបន្តសហការគ្នាឲ្យកាន់តែសកម្មបន្ថែមទៀតក្នុងការទប់ស្កាត់ការរីករាលដាល នូវមេរោគកូវីដ១៩នេះ ខណៈមេរោគនេះបានធ្វើឲ្យពិភពលោកមានការស្មុគ្រស្មាញ និងព្រួយបារម្ភយ៉ាងខ្លំាងដោយសារតែវាបានបន្តឈ្លានពានដល់សុខុមាលសាធារណៈ និងសម្លាប់មនុស្សជិតប្រាំលាននាក់ហើយនៅទូទាំងពិភពលោកនោះ៕

សម្តេចតេជោ ហ៊ុន សែន អញ្ជើញចូលរួមកិច្ចប្រជុំកំពូលអាស៊ាន-រុស្ស៊ីលើកទី៤, ពូទីន ទុកការងារអាស៊ាន ជាអាទិភាពរបស់លោក

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅរសៀលថ្ងៃទី២៩ ខែតុលា ឆ្នាំ២០២១នេះ បានបន្តអញ្ជើញចូលរួមកិច្ចប្រជុំកំពូលអាស៊ាន-រុស្ស៊ី លើកទី៤ ជាកិច្ចប្រជុំចុងក្រោយសម្រាប់កិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធនៅឆ្នាំ២០២១ ដែលបានប្រព្រឹត្តទៅអស់រយៈពេល៣ថ្ងៃ តាមប្រព័ន្ធវីដេអូ។កិច្ចប្រជុំនេះមានការអញ្ជើញចូលរួមពីលោក វ៉ាឌីមៀរ ពូទីន ប្រធានាធិបតីរុស្ស៊ី និងប្រមុខដឹកនាំប្រទេសសមាជិកអាស៊ានដទៃទៀត លើកលែងតែមីយ៉ាន់ម៉ា មិនមានតំណែងចូលរួមនោះឡើយ។ឯកឧត្ដម កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រី បានឱ្យដឹងថា នៅក្នុងកិច្ចប្រជុំកំពូលនេះប្រមុខរដ្ឋាភិបាលអាស៊ាន-រុស្ស៊ី បានអនុម័តទៅលើឯកសារសំខាន់ៗចំនួន៣ រួមមាន៖ ១៖ ផែនការសកម្មភាពគ្រប់ជ្រុងជ្រោយ ដើម្បីអនុវត្តទំនាក់ទំនងដៃគូយុទ្ធសាស្ត្រអាស៊ាន-រុស្ស៉ីឆ្នាំ២០២១-២០២៥, ២៖ សេចក្តីថ្លែងការណ៍អាស៊ាន-រុស្ស៊ី ស្តីពីការកសាងតំបន់ប្រកបដោយសន្តិសុខ និងចីរភាព និង៣៖ កិច្ចសហប្រតិបត្តិការអាស៊ាន-រុស្ស៉ី លើផ្នែកដោះស្រាយ និងប្រឆាំងបញ្ហាគ្រឿងញៀនពិភពលោក។កិច្ចប្រជុំកំពូលអាស៊ាន-រុស្ស៊ី ដោយសារកម្ពុជាជាប្រទេសសម្របសម្រួលដៃគូសន្ទនាអាស៊ាន និងរុស្ស៊ីនោះ សម្តេចតេជោ ហ៊ុន សែន ត្រូវបានអញ្ជើញជាតំណាងឱ្យអាស៊ាន អាននូវចំណាប់អារម្មណ៍រួមរបស់អាស៊ាននៅក្នុងកិច្ចប្រជុំនេះ ទៅកាន់លោកប្រធានាធិបតីរុស្ស៊ី។ ក្នុងចំណាប់អារម្មណ៍នោះ បានគូសរំលេចលើបញ្ហាសំខាន់ៗមួយចំនួន។ ពាក់ព័ន្ធនឹងកិច្ចសហប្រតិបត្តិការនយោបាយ-សន្តិសុខ, អាស៊ានយល់ថា ស្របពេលពិភពលោក បានឈានចូលក្នុងយុគសម័យថ្មីនៃបច្ចេកវិទ្យា, ការកសាងភាពជាដៃគូដ៏ជិតស្និទ្ធ និងរឹងមាំ ដើម្បីដោះស្រាយបញ្ហារួមនៅក្នុងវិស័យនេះ គឺពិតជាមានសារសំខាន់។ ក្នុងន័យនេះ អាស៊ានសូមសម្តែងនូវការពេញចិត្តចំពោះការរៀបចំកិច្ចសន្ទនាបច្ចេកវិទ្យា, គមនាគមន៍ និងព័ត៌មានអាស៊ាន-រុស្ស៊ីលើកទី១។ ជាមួយគ្នានេះ អាស៊ានថ្លែងអំណរគុណចំពោះការគាំទ្ររបស់រុស្ស៊ី ក្នុងការផ្ដល់វគ្គបណ្តុះបណ្តាលស្តីពីការប្រឆាំងភេរវកម្ម និងឧក្រិដ្ឋកម្មឆ្លងដែន ដល់អ្នកជំនាញមកពីបណ្តាប្រទេសសមាជិកអាស៊ាន និង លើកទឹកចិត្តឱ្យរុស្ស៊ី បណ្តុះបណ្តាលបន្ថែមទៀត។ អាស៊ានរំពឹងថា នឹងទទួលការគាំទ្រពីរុស្ស៉ី ចំពោះចក្ខុវិស័យអា ស៊ានស្តីពីឥណ្ឌូ-ប៉ាស៊ីហ្វិក ព្រមទាំងពិចារណាលទ្ធភាពសហប្រតិបត្តិការលើវិស័យអាទិភាពផ្សេងទៀតរបស់អា ស៊ាន ។ នៅក្នុងការពង្រឹងកិច្ចសហប្រតិបត្តិការសេដ្ឋកិច្ច, អាស៊ាន និង រុស្ស៉ី ត្រូវអនុវត្តឱ្យបានពេញលេញនូវ ផែនទីបង្ហាញផ្លូវដែលត្រូវបានកែសម្រួល សម្រាប់កិច្ចសហប្រតិបត្តិការពាណិជ្ជកម្ម និងការវិនិយោគរវាងអាស៊ាន-រុស្ស៊ី និងកម្មវិធីការងារពាណិជ្ជកម្ម និងការវិនិយោគអាស៊ាន-រុស្ស៊ី ឆ្នាំ២០២១-២០២៥ ជាពិសេសការវិនិយោគ នៅក្នុងវិស័យម្ហូបអាហារ, កសិកម្ម, ការដឹកជញ្ជូន, ថាមពល និងទេសចរណ៍។ ស្របជាមួយនិងការរស់នៅជាមួយកូវីដ-១៩ តាមគន្លងប្រក្រតីភាពថ្មី ដែលបច្ចេកវិទ្យានឹងដើរតួនាទីសំខាន់, អាស៊ានសូមស្វាគមន៍គំនិត ផ្ដួចផ្តើមរបស់រុស្ស៊ី ក្នុងការកំណត់យកឆ្នាំ២០២២ ជាឆ្នាំនៃកិច្ចសហប្រតិបត្តិការវិទ្យាសាស្ត្រ និង បច្ចេកវិទ្យា អាស៊ាន-រុស្ស៊ី។ អាស៊ានក៏បានវាយតម្លៃខ្ពស់ចំពោះការងាររបស់រុស្ស៊ី ជាមួយនឹងគម្រោងទីក្រុងស្អាតអាស៊ាន និងសូមស្វាគមន៍សំណើគម្រោងស្តីពីនវានុវត្តន៍ទីក្រុងស្អាត និង ចីរភាព របស់អាស៊ាន-រុស្ស៊ី។ ជាមួយគ្នានេះដែរ អាស៊ានមានសេចក្តីសោមនស្ស ដែលភាគីទាំងពីរបានឯកភាពលើកតម្កើងកិច្ចសហប្រតិបត្តិការផ្នែកទេសចរណ៍ ដល់កម្រិតថ្នាក់រដ្ឋមន្ត្រី។ ពាក់ព័ន្ធនឹងកិច្ចសហប្រតិបត្តិការសង្គម-វប្បធម៌, អាស៊ាន អរគុណរុស្ស៊ី ដែលបានផ្តល់វគ្គបណ្តុះបណ្តាលសម្រាប់អ្នកជំនាញផ្នែកសុខភាព មកពីបណ្តាប្រទេសសមាជិកអាស៊ាន ក្នុងឆ្នាំ ២០១៩-២០២១ និងសូមលើកទឹកចិត្តឱ្យរុស្ស៊ីជួយគាំទ្រលើវិស័យនេះបន្តទៀត ជាមួយនឹងការជួយគាំទ្រនៅក្នុងការកសាង ធនធានមនុស្សទូទៅនៅក្នុងតំបន់ ។ អាស៊ានក៏ទន្ទឹងរង់ចាំការរៀបចំរួចរាល់ និងការអនុម័តផែនការសកម្មភាព ផ្នែកអប់រំអាស៊ាន-រុស្ស៊ី ឆ្នាំ២០២១-២០២៥ ផងដែរ ។ នៅក្នុងកិច្ចប្រជុំនេះ លោកប្រធានាធិបតីរុស្ស៊ី បានលើកឡើងថា រុស្ស៊ី គាំទ្រតួនាទីស្នូលរបស់អាស៊ានលើយន្តការទាំងឡាយ ដែលអាស៊ាន បានបង្កើតឡើង ដូចជាវេទិកាកិច្ចប្រជុំកំពូលអាស៊ីបូព៌ា, វេទិកាតំបន់អាស៊ាន, កិច្ចប្រជុំថ្នាក់រដ្ឋមន្ត្រីការពារជាតិបូកជាដើម។ ប្រធានាធិបតី ក៏បានលើកឡើងដែរថា លោកបានស្គាល់ប្រមុខរដ្ឋាភិបាលអាស៊ានជាច្រើន ហើយបានធ្វើការជាមួយគ្នារាប់ឆ្នាំមកហើយ ហើយលោកពិតជារីករាយចំពោះទំនាក់ទំនងដ៏ស៊ីជម្រៅរវាងអាស៊ាន និងរុស្ស៊ីនេះ។លោកប្រធានាធិបតី បានគូសបញ្ជាក់ដែរថា កិច្ចសហប្រតិបត្តិការអាស៊ាន និងរុស្ស៊ី គឺនៅត្រូវបន្តរក្សាសន្តិសុខ ស្ថេរភាព នៅក្នុងតំបន់។ លោកប្រធានាធិបតីរុស្ស៊ី បានចាត់ទុកការងារជំរុញកិច្ចសហប្រតិបត្តិការជាមួយអាស៊ាន គឺជាការងារអាទិភាពសម្រាប់រូបលោក។លោកប្រធានាធិបតី ក៏បានលើកឡើងដែរថា អ្វីដែលលោកបន្តជំរុញនោះ គឺកិច្ចប្រជុំពាក់ព័ន្ធនានារវាងអាស៊ាន និងរុស្ស៊ី។ កិច្ចប្រជុំនេះ ក៏បានលើកឡើងបញ្ហាសមុទ្រចិនខាងត្បូង និងវិបត្តិនៅមីយ៉ាន់ម៉ាផងដែរ៕អត្ថបទ ៖ សុត

ធនាគារពិភពលោកផ្អាកជំនួយដល់ស៊ូដង់ បន្ទាប់ពីយោធាដណ្ដើមអំណាចដោយរដ្ឋប្រហារ

ស៊ូដង់៖ ធនាគារពិភពលោកបានផ្អាកជំនួយរបស់ខ្លួនដល់ប្រទេសស៊ូដង់ បន្ទាប់ពីយោធាបានធ្វើរដ្ឋប្រហារប្រឆាំងនឹងរដ្ឋាភិបាលស៊ីវិល។ មេដឹកនាំនយោបាយមួយចំនួនត្រូវបានចាប់ខ្លួនកាលពីថ្ងៃចន្ទ ដោយបង្កឱ្យមានការតវ៉ាទូទាំងប្រទេស និងការថ្កោលទោសពីអន្តរជាតិ។ សហភាពអាហ្វ្រិក (AU) ក៏បានព្យួរប្រទេសស៊ូដង់ពីប្លុកនេះដែរជុំវិញការដណ្ដើមអំណាច "មិនស្របតាមរដ្ឋធម្មនុញ្ញ"។ ចំណែកសហរដ្ឋអាមេរិកវិញបានបង្កកប្រាក់ជំនួយចំនួន ៧០០លានដុល្លារ។មេដឹកនាំស៊ីវិល និងយោធារបស់ប្រទេសស៊ូដង់បានស្ថិតនៅក្នុងកិច្ចព្រមព្រៀង ចែករំលែកអំណាចដ៏ផុយស្រួយមួយអស់រយៈពេលពីរឆ្នាំកន្លងមកនេះ។ ការកាត់ផ្ដាច់ជំនួយភ្លាមៗទំនងជាបង្កផលប៉ះពាល់ធ្ងន់ធ្ងរ សម្រាប់សេដ្ឋកិច្ចរបស់ប្រទេសស៊ូដង់ដែលកំពុងដុនដាបនៅពេលដែលសេដ្ឋទើបតែចាប់ផ្តើមងើបឡើងវិញបន្តិច។ ចំណាត់ការរបស់ធនាគារពិភពលោក និងសហភាពអាហ្វ្រិកបានដាក់សម្ពាធបន្ថែមទៀតលើមេដឹកនាំរដ្ឋប្រហារគឺឧត្តមសេនីយ៍ Abdel Fattah Burhan ឱ្យស្តាររដ្ឋាភិបាលស៊ីវិលឡើងវិញ។បុរសខ្លាំងថ្មីគឺឧត្តមសេនីយ Abdel-Fattah Burhan បានសន្យាថានឹងរៀបចំការបោះឆ្នោតដូចដែលបានគ្រោងទុកនៅខែកក្កដា ឆ្នាំ២០២៣ ហើយនឹងតែងតាំងរដ្ឋាភិបាលដែលសំបូរទៅដោយក្រុមអ្នកជំនាញក្នុងពេលនេះ ប៉ុន្តែក្រុមអ្នករិះគន់សង្ស័យថា នៅទីបំផុតការគ្រប់គ្រងដោយយោធាមានភាពតឹងរ៉ឹងខ្លាំងជាងរបបគ្រប់គ្រងដោយស៊ីវិល៕ អត្ថបទ៖ សុខមាន

មេដឹកនាំអាស៊ានអំពាវនាវឲ្យប្រទេសអភិវឌ្ឍន៍បំពេញការប្ដេជ្ញាចិត្តផ្នែកហិរញ្ញវត្ថុពាក់ព័ន្ធនឹងបម្រែបម្រួលអាកាសធាតុ

អាស៊ាន៖ មេដឹកនាំនៃសមាគមប្រជាជាតិអាស៊ីអាគ្នេយ៍ (អាស៊ាន) កាលពីថ្ងៃអង្គារបានអំពាវនាវដល់ប្រទេសអភិវឌ្ឍន៍ឱ្យបំពេញការប្តេជ្ញាចិត្តរបស់ខ្លួន អំពីការប្រែប្រួលអាកាសធាតុនៃការកៀរគរកញ្ចប់ថវិកាចំនួន ១០០ពាន់លានដុល្លារក្នុងមួយឆ្នាំនៅឆ្នាំ២០២០ ដល់ឆ្នាំ២០២៥ ដើម្បីគាំទ្រការអនុវត្តការបន្ធូរបន្ថយបញ្ហាអាកាសធាតុ និងសកម្មភាពនានានៃប្រទេសកំពុងអភិវឌ្ឍន៍ រួមទាំងរដ្ឋជាសមាជិកអាស៊ានផងដែរ។ប្រទេសអាស៊ានទាំង ១០ បានទទួលស្គាល់ការរួមចំណែកដ៏មានសក្ដានុពលពីប្រទេសកំពុងអភិវឌ្ឍន៍ ដើម្បីបញ្ចៀសកាត់បន្ថយការបញ្ចេញផ្សែង និងកាត់បន្ថយការស្តុកកាបូនឌីអ៊ុកស៊ីត ដោយពឹងផ្អែកលើការគាំទ្រពីបណ្ដាប្រទេសអភិវឌ្ឍន៍ដែលបានធានាដោយអនុសញ្ញា និងកិច្ចព្រមព្រៀងទីក្រុងប៉ារីស នេះបើយោងតាមសេចក្ដីថ្លែងការណ៍រួមអាស៊ាន ស្តីពីបម្រែបម្រួលអាកាសធាតុទៅកាន់សម័យប្រជុំលើកទី២៦ នៃសន្និសីទនៃភាគីនៃអនុសញ្ញាក្របខ័ណ្ឌអង្គការសហប្រជាជាតិ ស្តីពីការប្រែប្រួលអាកាសធាតុ (UNFCCC COP26) ដែលចេញនៅក្នុងកិច្ចប្រជុំកំពូលអាស៊ានលើកទី៣៨ នេះ។មេដឹកនាំអាស៊ានបានជំរុញប្រទេសអភិវឌ្ឍន៍ឱ្យ "អនុវត្តការវាយតម្លៃច្បាស់លាស់ និងទូលំទូលាយ និងរក្សាទុកនៃការប្តេជ្ញាចិត្តមុនឆ្នាំ២០២០ ស្តីពីការកាត់បន្ថយការបំភាយឧស្ម័ន និងការសម្របសម្រួល និងផ្នែកហិរញ្ញវត្ថុដើម្បីស្វែងយល់ពីវឌ្ឍនភាពដែលបានធ្វើ និងកសាងទំនុកចិត្តគ្នាទៅវិញទៅមកសម្រាប់សកម្មភាពអាកាសធាតុក្រោយឆ្នាំ២០២០៕អត្ថបទ៖ សុខមាន

ប្រធានអាស៊ាននិយាយថា មីយ៉ាន់ម៉ាគួរត្រូវបានផ្តល់ឱកាសឲ្យត្រឡប់មករកប្រក្រតីភាពវិញ

អាស៊ាន៖ ប្រទេសប្រ៊ុយណេប្រធានប្លុកអាស៊ានបាននិយាយកាលពីថ្ងៃអង្គារថា សហភាពមីយ៉ាន់ម៉ាគួរតែត្រូវបានគេផ្តល់ឱកាសឲ្យវិលត្រឡប់ទៅរកប្រក្រតីភាពវិញ ក្នុងជំហានជាមួយនឹងគោលការណ៍មិនជ្រៀតជ្រែកកិច្ចការផ្ទៃក្នុង នៃរដ្ឋនីមួយៗរបស់អាស៊ាន។ មេដឹកនាំអាស៊ានបានចាប់ផ្តើមកិច្ចប្រជុំថ្នាក់តំបន់មួយកាលពីថ្ងៃអង្គារ ដោយពុំមានអ្នកតំណាងមកពីសហភាពមីយ៉ាន់ម៉ាចូលរួមទេ បន្ទាប់ពីការមិនដាក់បញ្ចូលគោលការណ៍រួមដ៏សំខាន់របស់ខ្លួន ដោយសារតែការមិនអើពើនឹងផែនទីសន្តិភាពដែលបានព្រមព្រៀងកាលពី ៦ខែមុន។មហាក្សត្រស៊ូលតង់របស់ប្រ៊ុយណេ Hassanal Bolkiah បញ្ជាក់ជាថ្មីថា សហភាពមីយ៉ាន់ម៉ាគឺជាផ្នែកមួយនៃគ្រួសារអាស៊ាន ហើយទាក់ទងនឹងគោលការណ៍មិនជ្រៀតជ្រែកកិច្ចការផ្ទៃក្នុង វាជារឿងសំខាន់ក្នុងការផ្តល់ឱកាសដល់សហភាពមីយ៉ាន់ម៉ា ដើម្បីវិលទៅរក ប្រក្រតីភាពឡើងវិញ។ ការបដិសេធរបស់អាស៊ានក្នុងការអនុញ្ញាតឲ្យលោកឧត្តមសេនីយ Min Aung Hlaing តំណាងមីយ៉ាន់ម៉ានៅក្នុងកិច្ចប្រជុំកំពូលនេះ គឺជាការស្តីបន្ទោសយ៉ាងធ្ងន់ធ្ងរបំផុតចំពោះមេដឹកនាំយោធារបស់ប្រទេសនេះ ចាប់តាំងពីពួកគេបានបណ្តេញមេដឹកនាំស៊ីវិលលោកស្រី Aung San Suu Kyi កាលពីខែកុម្ភៈ។ការដណ្ដើមអំណាចដោយយោធារបស់មីយ៉ាន់ម៉ាបានបង្កឱ្យមានការតវ៉ាទូទាំងប្រទេស និងការបង្ក្រាបដោយហិង្សាពីក្រុមអាជ្ញាធរ។ កងកម្លាំងសន្តិសុខត្រូវបានគេប៉ាន់ប្រមាណថា បានសម្លាប់ជនស៊ីវិលជិត ១,២០០នាក់ ទោះបីជារដ្ឋាភិបាលយោធាមួយនេះបានអះអាងថា ចំនួនអ្នកស្លាប់ទាបជាងនេះក៏ដោយ៕អត្ថបទ៖ សុខមាន

បណ្ដាមេដឹកនាំអាស៊ានរៀបចំជំនួបកំពូលដោយគ្មានវត្តមានមេដឹកនាំរដ្ឋប្រហារមីយ៉ាន់ម៉ា

អាស៊ាន៖ បណ្ដាមេដឹកនាំអាស៊ានបានចាប់ផ្ដើមជំនួបកំពូលប្រចាំឆ្នាំរបស់ខ្លួននៅថ្ងៃអង្គារនេះ ដោយគ្មានវត្តមានមេដឹកនាំយោធាសហភាពមីយ៉ាន់ម៉ាលោក Min Aung Hlaing ដែលបានផ្ដួលរំលំរដ្ឋាភិបាលស៊ីវិលកាលពីថ្ងៃទី១ ខែកុម្ភៈ ក្នុងការបដិសេធន៍ដ៏កម្រសម្រាប់ក្រុមប្រទេសជាសមាជិកក្នុងតំបន់ ដែលជាធម្មតាត្រូវគេដឹងថាគ្មានការជ្រៀតជ្រែកកិច្ចការប្រទេសណាមួយឡើយ។លោកប្រធានាធិបតីអាមេរិក Joe Biden នឹងចូលរួមជំនួបនេះតាម video ជាលើកដំបូងក្នុងរយៈពេល ៤ឆ្នាំបន្ទាប់ពីអតីតប្រធានាធិបតី Donald Trump ពុំចូលរួមក្រោយឆ្នាំ២០១៧។ ប៉ុន្តែទំនងជានឹងពុំមានអ្នកតំណាងឲ្យសហភាពមីយ៉ាន់ម៉ានៅជំនួបកំពូលអាស៊ានដែលមានសមាជិក ១០ប្រទេសនោះទេ។ ប្រទេសប្រ៊ុយណេដែលធ្វើជាម្ចាស់ផ្ទះជំនួបកំពូលនេះបាននិយាយថា ប្លុកនេះនឹងអញ្ជើញអ្នកតំណាងមិនពាក់ព័ន្ធនឹងកិច្ចការនយោបាយពីសហភាពមីយ៉ាន់ម៉ាឲ្យចូលរួម ប៉ុន្តែពុំបានបញ្ជាក់ថា អ្នកណានឹងមកចូលរួមតំណាងនោះទេ។ រដ្ឋមន្ត្រីការបរទេសរបស់សហភាពមីយ៉ាន់ម៉ាបាននិយាយកាលពីល្ងាចថ្ងៃចន្ទថា ខ្លួននឹងអនុញ្ញាតឲ្យតែប្រមុខរដ្ឋ ឬអ្នកតំណាងថ្នាក់រដ្ឋមន្ត្រីប៉ុណ្ណោះ ដោយចង្អុលបង្ហាញថា កៅអីរបស់ខ្លួននឹងទុកឲ្យទំនេរនៅជំនួបកំពូលនោះ៕អត្ថបទ៖ សុខមាន

UN ព្រមានអំពីវិបត្តិស្បៀងអាហារធ្ងន់ធ្ងរនៅអាហ្វហ្គានីស្ថាន ហើយកុមារជាច្រើនទៀតនឹងស្លាប់

UN៖ មន្ត្រីជាន់ខ្ពស់អង្គការសហប្រជាជាតិមួយរូបបានព្រមានថា ប្រជាជនអាហ្វហ្គានីស្ថានរាប់លាននាក់រួមទាំងកុមារអាចស្លាប់ដោយភាពអត់ឃ្លាន លុះត្រាតែមានវិធានការបន្ទាន់ដើម្បីទាញអាហ្វហ្គានីស្ថានត្រឡប់ពីមាត់ជ្រោះនៃការដួលរលំវិញ ដោយអំពាវនាវឱ្យមានការដោះលែងមូលនិធិដែលបានបង្កកសម្រាប់កិច្ចខិតខំប្រឹងប្រែងមនុស្សធម៌។នាយកប្រតិបត្តិកម្មវិធីស្បៀងអាហារពិភពលោក (WFP) លោក David Beasley បានប្រាប់ទីភ្នាក់ងារសារព័ត៌មាន Reuters មនុស្ស ២២.៨លាននាក់ច្រើនជាងពាក់កណ្តាលនៃចំនួនប្រជាជន ៣៩លាននាក់របស់ប្រទេសអាហ្វហ្គានីស្ថានកំពុងប្រឈមនឹងអសន្តិសុខស្បៀងធ្ងន់ធ្ងរ និង "បោះជំហានទៅរកភាពអត់ឃ្លានបើធៀបនឹង ១៤លាននាក់កាលពីពីរខែមុន។ លោកបាននិយាយនៅទីក្រុងឌូបៃ។ កុមារនឹងស្លាប់។ មនុស្សនឹងស្រេកឃ្លាន។ អ្វីៗនឹងកាន់តែអធ្ងន់ធ្ងរទៅៗ។ ខ្ញុំមិនដឹងថា តើនឹងមានមនុស្សប៉ុន្មានលាននាក់ទៀតទេ ជាពិសេសកុមារត្រូវស្លាប់ក្នុងអត្រាដែលកំពុងតែដើរទៅមុខដោយសារកង្វះមូលនិធិ និងការដួលរលំនៃសេដ្ឋកិច្ចនោះ។គួររម្លឹកថា អាហ្វហ្គានីស្ថានបានធ្លាក់ចូលទៅក្នុងវិបត្តិកាលពីខែសីហា បន្ទាប់ពីក្រុមឧទ្ទាមតាលីបង់បានបណ្តេញរដ្ឋាភិបាលគាំទ្រដោយលោកខាងលិច ដែលជំរុញឱ្យម្ចាស់ជំនួយបង្កកជំនួយរាប់ពាន់លានដុល្លារ សម្រាប់សេដ្ឋកិច្ចដែលពឹងផ្អែកលើជំនួយទាំងស្រុង៕អត្ថបទ៖ សុខមាន

ប្រេសិត UN៖ ការទទួលស្គាល់រដ្ឋាភិបាលមីយ៉ាន់ម៉ានឹងមិនអាចបញ្ចប់អំពើហិង្សាទេ

មីយ៉ានម៉ា៖ បេសកជនពិសេសរបស់អង្គការសហប្រជាជាតិ ទទួលបន្ទុកបញ្ហានៅសហភាពមីយ៉ាន់ម៉ាដែលជិតផុតអាណត្តិបាននិយាយកាលពីថ្ងៃចន្ទ ទី២៥ ខែតុលាថា ការទទួលស្គាល់របបយោធាមីយ៉ាន់ម៉ាជារដ្ឋាភិបាលរបស់ប្រទេសនេះ នឹងមិនបញ្ឈប់អំពើហិង្សាដែលកំពុងកើនឡើងនោះបានទេ ដោយព្រមានថា វិធានការបែបនេះនឹងជំរុញដោលប្រទេសនេះឆ្ពោះទៅរកអស្ថិរភាព និងក្លាយជារដ្ឋបរាជ័យ។លោកស្រី Christine Schraner Burgener ដែលនឹងបញ្ចប់តួនាទីរបស់លោកស្រីនៅចុងសប្តាហ៍នេះ បន្ទាប់ពីកាន់តួនាទីជាង ៣ឆ្នាំបានប្រាប់សារព័ត៌មាន Reuters ថា ខ្ញុំសង្ឃឹមថាសហគមន៍អន្តរជាតិនឹងមិនបោះបង់"។ «យើងគួរតែឈរជាមួយប្រជាជន»។ បាតុកម្ម និងភាពចលាចលបានប៉ះទង្គិចយ៉ាងធ្ងន់ធ្ងរដល់សហភាពមីយ៉ាន់ម៉ាតាំងពីរដ្ឋប្រហារថ្ងៃទី១ ខែកុម្ភៈ ដោយបានចោទប្រកាន់យោធាពីបទប្រើប្រាស់អំពើឃោរឃៅ និងកម្លាំងហួសហេតុទៅលើនឹងជនស៊ីវិល ទោះបីជារបបយោធាបានបន្ទោសភាពចលាចលលើ "ក្រុមភេរវករ" ដែលមានសម្ព័ន្ធភាពជាមួយរដ្ឋាភិបាលស្រមោលក៏ដោយ។អគ្គលេខាធិការអង្គការសហប្រជាជាតិលោក Antonio Guterres កាលពីថ្ងៃចន្ទបានតែងតាំងលោកស្រី Noeleen Heyzer ជនជាតិសិង្ហបុរី ដែលជាអតីតអ្នកការទូតជាន់ខ្ពស់របស់អង្គការសហប្រជាជាតិ ជាបេសកជនពិសេសថ្មីរបស់លោកទទួលបន្ទុកកិច្ចការនៅសហភាពមីយ៉ាន់ម៉ា៕អត្ថបទ៖ សុខមាន

មនុស្ស ២នាក់ស្លាប់ និង ៤នាក់រងរបួស ហើយជនសង្ស័យត្រូវចាប់ខ្លួនក្នុងការបាញ់ប្រហារនៅរដ្ឋ Idaho

អាមេរិក៖ ក្រុមអាជ្ញាធរនិយាយថា មនុស្សយ៉ាងហោចណាស់ ២នាក់បានស្លាប់ និង ៤នាក់ផ្សេងទៀតរងរបួសរួមទាំងមន្ត្រីនគរបាលម្នាក់ បន្ទាប់ពីហេតុការណ៍បាញ់ប្រហារនៅផ្សារទំនើបកាលពីថ្ងៃចន្ទក្នុងទីក្រុង Boise រដ្ឋ Idaho សហរដ្ឋអាមេរិក។នៅសន្និសីទសារព័ត៌មានស្នងការនគរបាលក្រុង Boise លោក Ryan Lee និងក្រុមមន្ត្រីបានឆ្លើយតបរបាយការណ៍នៃការបាញ់ប្រហារ នៅផ្សារទំនើប Boise Towne Square នៅម៉ោងប្រហែល ១:៥០នាទីរសៀល។ ផ្សារនោះមានទីតាំងនៅក្នុងទីក្រុងធំបំផុតរបស់រដ្ឋ Idaho និងជាផ្សារធំបំផុតរបស់ទីក្រុងនេះ។ យោងតាមលោក Lee នៅពេលនគរបាលបានទៅដល់ ក្រុមអាជ្ញាធរនិយាយថា ពួកគេបានឃើញមនុស្សម្នាក់ដែលគួរតែជាជនសង្ស័យ។ មានការបាញ់កាំភ្លើងតបតគ្នាជាបន្តបន្ទាប់ ដែលបណ្ដាលឲ្យមន្ត្រីម្នាក់រងរបួស។ លោកថា ជនសង្ស័យត្រូវបានឃុំខ្លួន ហើយគេជឿថាជាអ្នកបាញ់ប្រហារតែម្នាក់គត់។ ក្រុមអាជ្ញាធរពុំទាន់កំណត់បានពីមូលហេតុនាំឲ្យមានការបាញ់បោះដោយសេរីនេះនៅឡើយទេ ដោយលើកឡើងថាការស៊ើបអង្កេតកំពុងបន្ត៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ក្រុមជួយសង្រ្គោះ ជម្លៀសភ្ញៀវទេសចរបរទេស អ្នកស្រុក ក្រោយទឹកជំនន់វាយប្រហារទីក្រុង Lonavala របស់ឥណ្ឌា

UN៖ ករណីឆ្លងជំងឺអេបូឡានៅកុងហ្គោ កើនឡើងជាង ១.៥៦០នាក់ ស្របពេលវិបត្តិជម្លៀសខ្លួនកាន់តែអាក្រក់

នាវាដឹកប្រេង ២គ្រឿងរងការវាយប្រហារនៅច្រកសមុទ្រ Hormuz ខណៈមនុស្សរាប់លាននាក់កាន់ទុក្ខលោក Khamenei

រយៈពេល ១ពាន់ថ្ងៃនៃអំពើប្រល័យពូជសាសន៍អ៊ីស្រាអែលនៅតំបន់ហ្កាហ្សា

ការតម្រង់ជួរយ៉ាងវែងនៅតាមស្ថានីយប្រេងក្នុងទីក្រុង Omsk ក្រោយអ៊ុយក្រែនវាយប្រហាររោងចក្រចម្រាញ់ប្រេងធំបំផុតរបស់រុស្ស៊ី

អាមេរិក និងអង្គការណាតូ ប្រកាសកិច្ចព្រមព្រៀងការពារជាតិក្នុងកិច្ចប្រជុំកំពូលនៅទីក្រុង Ankara

ពលរដ្ឋអ៊ីរ៉ង់កាន់បដាគំរាមលោក Trumpនៅពិធីបុណ្យសពអតីតមេដឹកនាំ Khamenei

វិមានក្រឹមឡាំងសង្ឃឹមថា កិច្ចខិតខំសន្តិភាពរបស់អាមេរិកនៅអ៊ុយក្រែន នឹងជោគជ័យ

មនុស្សម្នាក់ស្លាប់ និង ៧នាក់បាត់ខ្លួន ក្រោយបំណាក់ដីនៅរដ្ឋ Kerala ប្រទេសឥណ្ឌា

ពលរដ្ឋហ្កាហ្សាសង្ឃឹមថា ការរំសាយស្ថាប័នក្រុមហាម៉ាស នឹងជំរុញឲ្យមានកសាងតំបន់ឡើងវិញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

កិច្ចប្រជុំ​កំពូល​អាស៊ាន​បាន​បញ្ចប់​ដោយ​គ្មាន​ការចូលរួម​ពី​មី​យ៉ាន់​ម៉ា

វៀតណាម​អរគុណ​ដល់​ប្រជាជន ​និង​រដ្ឋាភិបាល​កម្ពុជា​ដែល​បាន​ផ្តល់​ជំនួយ​វ៉ាក់សាំង​កូវីដ​១៩​ដល់ខ្លួន

ធនាគារ​ពិភពលោក​ផ្អាក​ជំនួយ​ដល់​ស៊ូដង់ បន្ទាប់ពី​យោធា​ដណ្ដើម​អំណាច​ដោយ​រដ្ឋប្រហារ

ប្រធាន​អាស៊ាន​និយាយ​ថា មី​យ៉ាន់​ម៉ា​គួរ​ត្រូវ​បាន​ផ្តល់​ឱកាស​ឲ្យ​ត្រឡប់​មក​រក​ប្រក្រតី​ភាព​វិញ

បណ្ដា​មេដឹកនាំ​អាស៊ាន​រៀបចំ​ជំនួប​កំពូល​ដោយ​គ្មាន​វត្តមាន​មេដឹកនាំ​រដ្ឋប្រហារ​មី​យ៉ាន់​ម៉ា​

UN ព្រមាន​អំពី​វិបត្តិ​ស្បៀងអាហារ​ធ្ងន់ធ្ងរ​នៅ​អា​ហ្វ​ហ្គា​នី​ស្ថាន ហើយ​កុមារ​ជាច្រើន​ទៀត​នឹង​ស្លាប់

ប្រេសិត ​UN៖​ ការ​ទទួល​ស្គាល់​រដ្ឋាភិបាល​មី​យ៉ាន់​ម៉ា​នឹង​មិន​អាច​បញ្ចប់​អំពើ​ហិង្សា​ទេ​