BTV NEWS

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

ព័ត៌មានសំខាន់ៗ

ក្រុមការងារ WHO ថ្មីអាចជាឱកាសចុងក្រោយក្នុងការស្វែងរកប្រភពដើមនៃវីរុស COVID-19

WHO៖ អង្គការសុខភាពពិភពលោក (WHO) និយាយថា ក្រុមការងារពិសេសថ្មីមួយអាចជាឱកាសចុងក្រោយដើម្បីស្វែងរកប្រភពដើមនៃវីរុស Covid-19។ អង្គការនេះបានតែងតាំងក្រុមអ្នកជំនាញចំនួន ២៦នាក់ដើម្បីចូលរួមក្នុងក្រុមនេះ ដែលជាក្រុមប្រឹក្សាវិទ្យាសាស្ត្រស៊ើបអង្កេតប្រភពដើមនៃជំងឺថ្មីនេះដែលត្រូវបានអង្គការនេះដាក់ឈ្មោះថា សាហ្គោ (Sago)។ជាងមួយឆ្នាំកន្លះចាប់តាំងពីវីរុសនេះត្រូវបានគេរកឃើញនៅក្នុងទីក្រុងអ៊ូហានប្រទេសចិន សំណួរថាតើដើមកំណើតនៃវីរុសនេះផ្ទុះឡើងដោយរបៀបណានៅតែមិនច្បាស់។ ក្រុមការងារនេះនឹងពិចារណាថា តើវីរុសនេះបានឆ្លងចេញពីសត្វទៅមនុស្សនៅផ្សារក្រុងអ៊ូហាន ឬ លេចធ្លាយចេញពីមន្ទីរពិសោធន៍ ឬយ៉ាងណា។ ចិនបានបដិសេធយ៉ាងខ្លាំងចំពោះទ្រឹស្ដីទី២។ កាលពីខែកុម្ភៈក្រុមស៊ើបរកប្រភពដើមនៃវីរុស COVID-19 របស់អង្គការសុខភាពពិភពលោក ដែលមានភារកិច្ចស៊ើបអង្កេតប្រភពដើមនៃវីរុសនេះបានទៅកាន់ប្រទេសចិន ហើយបានសន្និដ្ឋានថា វីរុសនេះប្រហែលជាឆ្លងចេញពីសត្វប្រចៀវ ប៉ុន្តែចាំបាច់ត្រូវតែស៊ើបអង្កេតបន្ថែមទៀត។ យ៉ាងណាប្រមុខអង្គការសុខភាពពិភពលោកគឺលោកវេជ្ជបណ្ឌិត Tedros Adhanom Ghebreyesus បាននិយាយថា ការស៊ើបអង្កេតនេះត្រូវបានរារាំងដោយសារតែកង្វះទិន្នន័យ និងតម្លាភាពពីប្រទេសចិន៕អត្ថបទ៖ សុខមាន

របាយការណ៍សិទ្ធិមនុស្សរបស់ UN ព្រមានពីការប្រឈមនៃភាពអត់ឃ្លាននៅកូរ៉េខាងជើង

UN៖ អ្នកជំនាញផ្នែកសិទ្ធិមនុស្សរបស់អង្គការសហប្រជាជាតិបាននិយាយកាលពីថ្ងៃពុធ ទី១៣ ខែតុលាថា អ្នកដែលងាយរងគ្រោះបំផុតរបស់កូរ៉េខាងជើងគឺ “ប្រឈមនឹងភាពអត់ឃ្លាន” ស្របពេលការធ្លាក់ចុះសេដ្ឋកិច្ចកាន់តែយ៉ាប់យ៉ឺន ដោយសារតែការបិទខ្ទប់ប្រទេសខ្លួនឯងទប់ស្កាត់ការឆ្លងវីរុសកូរ៉ូណា ហើយទណ្ឌកម្មរបស់អង្គការសហប្រជាជាតិដែលបានដាក់លើកម្មវិធីនុយក្លេអ៊ែរ របស់ប្រទេសនេះគួរតែត្រូវបានបន្ធូរបន្ថយ។ប្រទេសក្រីក្រមួយនេះបានបិទខ្ទប់ដ៏តឹងរ៉ឹងចាប់តាំងពីដើមឆ្នាំមុន ដើម្បីការពារខ្លួនពីជំងឺរាតត្បាតសកលដោយសេដ្ឋកិច្ចជួបការលំបាក ហើយការធ្វើពាណិជ្ជកម្មជាមួយដៃគូសំខាន់របស់ប្រទេសចិន បានធ្លាក់ចុះបន្តិចម្តងៗ។ កាលពីខែមិថុនា ទូរទស្សន៍ KCTV ដែលគ្រប់គ្រងដោយរដ្ឋបានទទួលស្គាល់ថា ប្រទេសកូរ៉េខាងជើងកំពុងប្រឈមនឹង “វិបត្តិស្បៀងអាហារ” ដោយបង្ហាញពីក្ដីបារម្ភនៅក្នុងប្រទេសដែលវិស័យកសិកម្មមានភាពអន់ថយ និងប្រឹងទប់ទល់ក្នុងការផ្គត់ផ្គង់ដល់ប្រជាជនរបស់ខ្លួនយូរណាស់មកហើយនោះ។ នៅខែដដែលនោះដែរ មេដឹកនាំវ័យក្មេងលោក Kim Jong Un បាននិយាយថា ស្ថានភាពស្បៀងអាហារកំពុងយ៉ាប់យ៉ឺនខ្លាំង។លោក Tomas Ojea Quintana អ្នករាយការណ៍ពិសេសអង្គការសហប្រជាជាតិទទួលបន្ទុកសិទ្ធិមនុស្ស បាននិយាយនៅក្នុងរបាយការណ៍ចុងក្រោយរបស់ខ្លួនថា ពលរដ្ឋសាមញ្ញកូរ៉េខាងជើងកំពុង "តស៊ូជីវភាពរស់នៅប្រចាំថ្ងៃ"។ លោក Quintana បាននិយាយថា ការរឹតបន្តឹងបែបនេះគួរតែត្រូវបានបន្ធូរបន្ថយ ដើម្បីការពារជនងាយរងគ្រោះបំផុតរបស់ប្រទេសនេះ ខណៈដែលប្រឈមនឹងកង្វះស្បៀងអាហារធ្ងន់ធ្ងរ៕ អត្ថបទ៖ សុខមាន

WHO៖ អ្នកស្លាប់ដោយសារ COVID-19 នៅទូទាំងពិភពលោកបានធ្លាក់ចុះដល់កម្រិតទាបបំផុតកាលពីសប្តាហ៍មុនក្នុងរយៈពេលមួយឆ្នាំ

WHO៖ ប្រមុខអង្គការសុខភាពពិភពលោកគឺលោក Tedros Adhanom Ghebreyesus បាននិយាយកាលពីថ្ងៃពុធថា ចំនួនអ្នកស្លាប់ដោយសារវីរុស Covid-19 បានធ្លាក់ចុះដល់កម្រិតទាបបំផុតក្នុងរយៈពេលជិត ១ឆ្នាំកាលពីសប្តាហ៍មុនដែលមានអ្នកស្លាប់ជិត ៥ម៉ឺននាក់។ចំនួនមនុស្សស្លាប់ដោយសារវីរុស Covid-19 កំពុងធ្លាក់ចុះនៅគ្រប់តំបន់លើកលែងតែទ្វីបអឺរ៉ុប ប៉ុន្តែវិសមភាពទទួលបានវ៉ាក់សាំងនៅតែបន្តកើនឡើង ភាគច្រើននៅបណ្ដាប្រទេសកំពុងអភិវឌ្ឍន៍។ លោក Tedros បាននិយាយថា ប្រទេសចំនួន ៥៦ មិនបានឈានដល់គោលដៅរបស់អង្គការសុខភាពពិភពលោកក្នុងការចាក់វ៉ាក់សាំង ១០% នៃចំនួនប្រជាជនរបស់ពួកគេប្រឆាំងនឹងជំងឺនេះនៅចុងខែកញ្ញានោះទេ ដោយបន្ថែមថាចំនួនអ្នកស្លាប់ដែលបានរាយការណ៍គឺខ្ពស់បំផុត នៅក្នុងបណ្ដាប្រទេសដែលបានទទួលវ៉ាក់សាំងតិចបំផុត។ លោក Tedros បាននិយាយនៅក្នុងសន្និសីទសារព័ត៌មានស្ដីពីវិបត្តិជំងឺ COVID-19 ថា វានៅតែមានកម្រិតខ្ពស់ដែលមិនអាចទទួលយកបាន ដែលមានមនុស្សស្លាប់ជិត ៥០.០០០នាក់ក្នុងមួយសប្តាហ៍ ហើយចំនួនពិតប្រាកដគឺខ្ពស់ជាងនេះ។លោក Tedros បាននិយាយថា ប្រទេសចំនួន ៣ គឺប៊ូរុនឌី, អេរីទ្រី និងកូរ៉េខាងជើងមិនទាន់បានចាប់ផ្តើមចែកចាយវ៉ាក់សាំងនៅឡើយទេ ដោយលោកបានកត់សម្គាល់ថា ភាគច្រើននៃប្រទេសទាំង ៥៦ ដែលមានអត្រាចាក់វ៉ាក់សាំងក្រោម ១០% គឺនៅទ្វីបអាហ្វ្រិក។ ពាក់កណ្តាលនៃប្រទេសចំនួន ៥២ នៅទ្វីបអាហ្វ្រិកដែលបានចាក់វ៉ាក់សាំងបង្ការជំងឺ COVID-19 ពេញលេញដល់ប្រជាជនរបស់ខ្លួនបានត្រឹម ២% ឬតិចជាងនេះ នេះបើយោងតាមរបាយការណ៍របស់អង្គការសុខភាពពិភពលោកកាលពីថ្ងៃទី៣០ ខែកញ្ញា៕អត្ថបទ៖ សុខមាន

មេដឹកនាំ G20 យល់ព្រមបង្កើនកិច្ចខិតខំប្រឹងប្រែងមនុស្សធម៌ជួយពលរដ្ឋអាហ្វហ្គានីស្ថាន

G20៖ កាលពីថ្ងៃអង្គារ ទី១២ ខែតុលា មេដឹកនាំប្រទេសមានឧស្សាហកម្មលូតលាស់ទាំង២០ ឬហៅថាប្រទេស G20 បានព្រមព្រៀងធ្វើការរួមគ្នាដើម្បីចៀសវាងគ្រោះមហន្តរាយមនុស្សធម៌នៅអាហ្វហ្គានីស្ថាន ខណៈដែលសហភាពអឺរ៉ុបបានសន្យាផ្តល់កញ្ចប់ថវិកាចំនួន ១ពាន់លានអឺរ៉ូ ហើយប្រទេសអ៊ីតាលីជាម្ចាស់ផ្ទះនៃកិច្ចប្រជុំនេះបានសង្កត់ធ្ងន់ លើភាពចាំបាច់ក្នុងការរក្សាទំនាក់ទំនងជាមួយក្រុមតាលីបង់។ស្របពេលក្រុមសកម្មប្រយុទ្ធនេះបានរៀបចំកិច្ចចរចាទល់មុខគ្នា ជាលើកដំបូងជាមួយគណៈប្រតិភូអាមេរិក និងសហភាពអឺរ៉ុបនៅប្រទេសកាតា ប្រធានាធិបតីអាមេរិកលោក Joe Biden, ប្រធានាធិបតីទួរគីលោក Recep Tayyip Erdogan និងលោក Narendra Modi នាយករដ្ឋមន្ត្រីឥណ្ឌាបានចូលរួមកិច្ចប្រជុំកំពូល G20 តាមរយៈវីដេអូស្តីពីវិបត្តិសេដ្ឋកិច្ច និងមនុស្សធម៌ដែលចេះតែរីកធំដោយសារការត្រឡប់មកកាន់អំណាចឡើងវិញរបស់ក្រុមតាលីបង់។ សហភាពអឺរ៉ុបបានបើកកិច្ចពិភាក្សានេះដោយសន្យាផ្តល់ប្រាក់ ១ពាន់លានអឺរ៉ូ ឬស្មើ ១,២ពាន់លានដុល្លារអាមេរិករួមទាំងប្រាក់សម្រាប់តម្រូវការមនុស្សធម៌បន្ទាន់ និងប្រទេសជិតខាងអាហ្វហ្គានីស្ថានដែលកំពុងទទួលយកជនជាតិអាហ្វហ្គានីស្ថានដែលរត់គេចចេញពីពួកតាលីបង់។នាយករដ្ឋមន្ត្រីអ៊ីតាលីលោក Mario Draghi បានជំរុញឱ្យកិច្ចប្រជុំក្រុមប្រទេស G20 ចាប់តាំងពីក្រុមតាលីបង់ចូលកាន់កាប់អាហ្វហ្គានីស្ថានកាលពីខែសីហា ដោយទទូចថា ការជជែកដេញដោលអំពីដំណោះស្រាយត្រូវតែហួសពីកម្រិតធម្មតា របស់សម្ព័ន្ធមិត្តលោកខាងលិច។ លោក Xi Jinping ប្រធានាធិបតីចិន និងប្រធានាធិបតីរុស្ស៊ី Vladimir Putin មិនបានចូលរួមដោយផ្ទាល់ទេ តែបានបញ្ជូនអ្នកតំណាងឲ្យចូលរួមជំនួស ប៉ុន្តែលោក Draghi បានទទូចថា ពួកលោកទាំងអស់គ្នាបានឯកភាពលើតម្រូវការផ្ដល់ជំនួយបន្ថែមទៀត ដល់ពលរដ្ឋអាហ្វហ្គានីស្ថាន៕អត្ថបទ៖ សុខមាន

មនុស្ស ២៨នាក់ស្លាប់ក្នុងគ្រោះថ្នាក់ចរាចរណ៍រថយន្តក្រុងនៅប្រទេសនេប៉ាល់

នេប៉ាល់៖ នគរបាលនិយាយថា មនុស្សយ៉ាងហោចណាស់ ២៨នាក់បានស្លាប់ និងជាច្រើននាក់ទៀតបានរងរបួសនៅក្នុងគ្រោះថ្នាក់រថយន្តក្រុងមួយនៅភាគពាយ័ព្យប្រទេសនេប៉ាល់។ ប្រព័ន្ធផ្សព្វផ្សាយក្នុងស្រុកបានរាយការណ៍ថា រថយន្តនេះបានធ្វើដំណើរឆ្លងកាត់ស្រុក Mugu នៅពេលដែលរថយន្តនេះបានធ្លាក់ផ្លូវ ហើយបានធ្លាក់ចុះពីលើភ្នំភ្លាមៗនៅពាក់កណ្តាលអធ្រាត្រថ្ងៃអង្គារ។គេនៅមិនទាន់ដឹងច្បាស់នៅឡើយទេពីមូលហេតុដែលបណ្ដាលឲ្យរថយន្តនេះធ្លាក់ផ្លូវ ប៉ុន្តែរបាយការណ៍ខ្លះលើកឡើងថា រថយន្តក្រុងអាចមានបញ្ហាដោយសារហ្វ្រាំងមិនស៊ី។ បើនិយាយពីគ្រោះថ្នាក់ចរាចរណ៍មិនមែនជារឿងចម្លែកទេនៅក្នុងប្រទេសនេប៉ាល់ ហើយជាធម្មតាបណ្តាលមកពីផ្លូវថ្នល់មិនល្អ ឬការថែទាំគុណភាពយានយន្តមិនបានល្អ។ រូបភាពដែលត្រូវបានផ្សព្វផ្សាយដោយប្រព័ន្ធផ្សព្វផ្សាយក្នុងតំបន់ បានបង្ហាញពីបុគ្គលិកជួយសង្គ្រោះកំពុងដឹកជញ្ជូនមនុស្ស និងអ្វីដែលទំនងជារបស់ផ្ទាល់ខ្លួនដូចជាកាបូបធ្វើដំណើរជាដើម។ នគរបាលបាននិយាយថា ការស៊ើបអង្កេតកំពុងប្រព្រឹត្តិទៅហើយ។ពួកគេបានបន្ថែមថា មនុស្សជាច្រើននៅលើរថយន្តក្រុងប្រហែលជាបានធ្វើដំណើរទៅផ្ទះវិញ បន្ទាប់ពីបានចូលរួមប្រារព្ធពិធីបុណ្យ Dashain ដែលជាពិធីបុណ្យសាសនាដ៏សំខាន់មួយនៅក្នុងប្រទេសនេប៉ាល់ និងឥណ្ឌា។ មនុស្សជាង ១០នាក់កំពុងត្រូវបានព្យាបាលរបួស ដោយអ្នកខ្លះត្រូវបានបញ្ជូនទៅមន្ទីរពេទ្យក្បែរនោះតាមយន្តហោះ។ យ៉ាងណាក៏ដោយគេក៏នៅទាន់ដឹងមិនច្បាស់ទេថា តើមានមនុស្សប៉ុន្មាននាក់ធ្វើដំណើរតាមរថយន្តក្រុងនោះនៅពេលរេចង្កូតធ្លាក់ចេញពីផ្លូវ ប៉ុន្តែនគរបាលបាននិយាយថា ចំនួនអ្នកស្លាប់អាចកើនឡើងបន្ថែមទៀត៕អត្ថបទ៖ សុខមាន

ប្រមុខអង្គការសហប្រជាជាតិបានរិះគន់ពួកតាលីបង់ដែលមិនគោរពពាក្យសន្យាចំពោះស្ត្រី និងក្មេងស្រី

UN៖ អគ្គលេខាធិការអង្គការសហប្រជាជាតិលោក Antonio Guterres កាលពីថ្ងៃចន្ទបានរិះគន់ពួកតាលីបង់ដែលមិនគោរពពាក្យសន្យាចំពោះស្ត្រី និងក្មេងស្រីអាហ្វហ្គានីស្ថាន ហើយបានជំរុញឱ្យពិភពលោកបរិច្ចាគថវិកាបន្ថែមទៀតដល់អាហ្វហ្គានីស្ថាន ដើម្បីទប់ទល់នឹងការដួលរលំសេដ្ឋកិច្ចរបស់ខ្លួន។យោងតាមក្រសួងការបរទេសអាមេរិក ការអត្ថាធិប្បាយនេះមានឡើងបន្ទាប់ពីការពិភាក្សាទល់មុខគ្នាលើកដំបូងរវាងសហរដ្ឋអាមេរិក និងក្រុមតាលីបង់ ចាប់តាំងពីក្រុមអ៊ីស្លាមនិយមមួយនេះបានគ្រប់គ្រងប្រទេស ដែលបញ្ហារឹតត្បិតសិទ្ធិស្ត្រីត្រូវបានកើនឡើង។ លោក Guterres បានប្រាប់អ្នកយកព័ត៌មានថា ខ្ញុំមានការភ្ញាក់ផ្អើលយ៉ាងខ្លាំងដែលបានឃើញការសន្យាដែលបានធ្វើឡើងចំពោះស្ត្រី និងក្មេងស្រីអាហ្វហ្គានីស្ថានត្រូវពួកតាលីបង់រំលោភបំពាន។ ខ្ញុំសូមអំពាវនាវយ៉ាងម៉ឺងមាត់ដល់ពួកតាលីបង់ឱ្យរក្សាការសន្យារបស់ពួកគេចំពោះស្ត្រី និងក្មេងស្រី និងបំពេញកាតព្វកិច្ចរបស់ខ្លួនក្រោមច្បាប់សិទ្ធិមនុស្សអន្តរជាតិ និងច្បាប់មនុស្សធម៌។លោក Guterres បាននិយាយថា អង្គការសហប្រជាជាតិនឹងមិនបោះបង់ចោលបញ្ហានេះទេ ហើយបាននិយាយថា ស្ថាប័ននេះពិភាក្សាគ្នាជារៀងរាល់ថ្ងៃជាមួយក្រុមតាលីបង់ ដែលបានកាន់អំណាចតាំងពីពាក់កណ្ដាលខែសីហា ប៉ុន្តែភាពស្របច្បាប់របស់រដ្ឋាភិបាលនៅតែមិនត្រូវបានទទួលស្គាល់ជាអន្តរជាតិនៅឡើយរហូតមកដល់ពេលនេះ៕ អត្ថបទ៖ សុខមាន

មនុស្ស ១៥នាក់បានស្លាប់បន្ទាប់ពីមានភ្លៀងធ្លាក់ខ្លាំង និងទឹកជំនន់នៅតំបន់ធ្យូងថ្មប្រទេសចិន

ចិន៖ មន្ត្រីក្នុងតំបន់បាននិយាយនៅថ្ងៃអង្គារនេះថា មនុស្សយ៉ាងហោចណាស់ ១៥នាក់បានស្លាប់ដោយសារភ្លៀងធ្លាក់ខ្លាំងខុសពីធម្មតា និងទឹកជំនន់នៅខេត្តសានស៊ីភាគខាងជើងប្រទេសចិនកាលពីដើមខែនេះ បន្ទាប់ពីតំបន់ជាធម្មតាតែងតែស្ងួតទទួលបានទឹកភ្លៀងមួយសប្ដាហ៍ក្នុងពេល ៣ខែ។ ទឹកជំនន់បានវាយប្រហារតំបន់សំបូរដោយរ៉ែធ្យូងថ្មក្នុងកំឡុងពេលមានវិបត្តិថាមពលទូទាំងប្រទេស ហើយបន្ទាប់ពីគ្រោះទឹកជំនន់បានសម្លាប់មនុស្សជាង ៣០០នាក់នៅខេត្តហឺណានភាគកណ្តាលកាលពីខែកក្កដា។ មន្ត្រីគ្រប់គ្រងគ្រាអាសន្នក្នុងតំបន់ម្នាក់បាននិយាយនៅក្នុងសន្និសីទសារព័ត៌មានថា អណ្ដូងរ៉ែធ្យូងថ្មយ៉ាងហោចណាស់ចំនួន ៦០កន្លែងនៅក្នុងខេត្ត ដែលជាតំបន់ផលិតធ្យូងថ្មឈានមុខគេរបស់ប្រទេសចិនបានបិទជាបណ្តោះអាសន្នដោយសារទឹកជំនន់ ប៉ុន្តែបច្ចុប្បន្ននេះមានតែចំនួន ៤ប៉ុណ្ណោះដែលបានវិលត្រឡប់មកដំណើរការធម្មតាវិញ។ មន្ត្រីខាងលើបានបន្ថែមថា អគារប្រហែល ១៩,០០០ខ្នងត្រូវបានបំផ្លិចបំផ្លាញដោយសារអាកាសធាតុមិនល្អ ក្នុងនោះ ១៨,០០០អគារផ្សេងទៀតរងការខូចខាតធ្ងន់ធ្ងរ៕អត្ថបទ៖ សុខមាន

មនុស្ស ៦នាក់ស្លាប់ក្នុងការបំផ្ទុះរថយន្តដាក់គោលដៅលើក្រុមមន្ត្រីនៅយេមែន

យេមែន៖ មន្ត្រីម្នាក់បាននិយាយថា មនុស្សយ៉ាងហោច ៦នាក់បានស្លាប់កាលពីថ្ងៃអាទិត្យនៅទីក្រុងកំពង់ផែអាដែន ប្រទេសយេមែន ដោយការបំផ្ទុះរថយន្តដាក់គោលដៅលើមន្ត្រីជាន់ខ្ពស់រដ្ឋាភិបាល ២រូបដែលបានរួចជីវិត។ រដ្ឋមន្ត្រីក្រសួងព័ត៌មានលោក Moammar al-Iryani បាននិយាយថា ការផ្ទុះនេះមានគោលដៅលើក្បួនរបស់រដ្ឋមន្ត្រីក្រសួងកសិកម្មលោក Salem al-Socotrai និងអភិបាលក្រុងអាដែន លោក Ahmed Lamlas នៅក្នុងស្រុក Tawahi។លោក al-Iryani បាននិយាយថា ការផ្ទុះនេះបានសម្លាប់មនុស្ស ៦នាក់ក្នុងចំណោមអ្នកអមដំណើរលោក Lamlas និងបណ្ដាលឲ្យអ្នកឆ្លងកាត់ទីនោះចំនួន ៧នាក់រងរបួស។ លោកបន្តថា ជនរងគ្រោះត្រូវបានបញ្ជូនទៅមន្ទីរពេទ្យដើម្បីព្យាបាល។ យោងតាមមន្ត្រីសន្តិសុខដែលសូមមិនបញ្ចេញឈ្មោះបាននិយាយថា ការផ្ទុះនេះបានធ្វើឲ្យអគារមួយចំនួនរងការខូចខាត ក្នុងតំបន់ដែលត្រូវបានបិទដោយកម្លាំងសន្តិសុខយ៉ាងឆាប់រហ័ស។ លោកនាយករដ្ឋមន្ត្រី Maeen Abdulmalik Saeed បានហៅការផ្ទុះនេះថាជា “ការវាយប្រហារភេរវកម្ម” ហើយបានបញ្ជាឱ្យមានការស៊ើបអង្កេត។គ្មាននរណាម្នាក់ ឬក្រុមណាមួយអះអាងទទួលខុសត្រូវភ្លាមៗចំពោះការវាយប្រហារនេះទេ។ ទីក្រុងអាដែនត្រូវបានកក្រើកដោយការផ្ទុះជាច្រើននៅក្នុងប៉ុន្មានឆ្នាំចុងក្រោយនេះ ដែលត្រូវបានស្តីបន្ទោសទៅក្រុមសកម្មប្រយុទ្ធក្នុងស្រុកដែលមានទំនាក់ទំនងជាមួយក្រុមភេរវកម្មអាល់កៃដា និងក្រុមរដ្ឋអ៊ីស្លាម៕អត្ថបទ៖ សុខមាន

សម្ដេចតេជោ ហ៊ុន សែន អបអរសាទរគោព្រៃកម្ពុជាឈ្នះកោះហ្គាំ ១-០ ខណៈជើងទី២ ប្រកួតស្អែកនេះ

បាល់ទាត់៖ សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា បានបង្ហោះសារអបអរសាទរក្រុមជម្រើសជាតិកម្ពុជា ក្រោយយកឈ្នះក្រុមកោះហ្គាំរបស់សហរដ្ឋអាមេរិកដោយលទ្ធផល ១-០ ក្នុងវគ្គជម្រុះពានរង្វាន់ AFC Asian Cup China 2023 នៅកីឡដ្ឋាន Khalifa Sport City ប្រទេសបារ៉ែន។ការអបអរសាទរសម្ដេចតេជោនាយករដ្ឋមន្ដ្រី ក្រោយក្រុមគោព្រៃកម្ពុជាធ្វើបានយ៉ាងល្អក្នុងការប្រកួតជម្រុះពានរង្វាន់បាល់ទាត់ជើងឯកទ្វីបអាស៊ីជើងទី១ ជាមួយកោះហ្គាំកាលពីយប់រំលងអធ្រាត្រឈានចូលថ្ងៃទី១០ ខែតុលា ឆ្នាំ២០២១ ដោយក្រុមជម្រើសជាតិកម្ពុជាដណ្ដើមបានជ័យជម្នះ ១-០។ ជំនួបដ៏ជក់ចិត្តដែលមានអ្នកទស្សនាតាមរយៈការផ្សាយផ្ទាល់ជាង ១០ម៉ឺននាក់នេះ កម្ពុជាធ្វើបានយ៉ាងល្អពិសេសនៅវគ្គទី១ ដោយបានដាក់សម្ពាធលើកោះហ្គាំរហូតធ្វើសម្រេចគ្រាប់បាល់នាំមុខ ១គ្រាប់នៅនាទី២៦ ដោយខ្សែប្រយុទ្ធ ចាន់ វឌ្ឍនាកា ក្រោយទទួលបាល់បញ្ជូនពីសិស្សប្អូន លឹម ពិសុទ្ធ ហើយលទ្ធផលនេះក៏បានរក្សារហូតដល់ចប់ការប្រកួត។ ក្រៅពីការអបអរសាទរជ័យជម្នះក្នុងជើងទី១ នេះ សម្ដេចតេជោ ហ៊ុន សែន ក៏នឹងឧបត្ថម្ភថវិកាផ្ទាល់របស់សម្ដេចចំនួន ១០ម៉ឺនដុល្លារដល់ក្រុមជម្រើសជាតិកម្ពុជា ប្រសិនបើក្រុមគោព្រៃកម្ពុជាអាចទម្លាក់កោះហ្គាំឡើងវគ្គបន្ដ នៃពានរង្វាន់បាល់ទាត់ជើងឯកទ្វីបអាស៊ីនេះទៀតផង។ រីឯឯកឧត្ដមនាយឧត្តមសេនីយ៍ សៅ សុខា ប្រធានសហព័ន្ធកីឡាបាល់ទាត់កម្ពុជាក៏បានប្រកាសឧបត្ថម្ភចំនួន ៥ពាន់ដុល្លារសម្រាប់ការទាត់បញ្ចូលទីកោះហ្គាំក្នុង ១គ្រាប់ផងដែរ។គួរដឹងថា ជំនួបកាត់សេចក្ដីជើងទី២ ដើម្បីស្វែងរកក្រុមខ្លាំងឡើងទៅវគ្គចែកពូលជុំទី៣ នៃពានរង្វាន់ AFC Asian Cup China 2023 រវាងកម្ពុជា និងកោះហ្គាំនឹងធ្វើឡើងនាវេលាម៉ោង ១១យប់ថ្ងៃទី១២ ខែតុលាស្អែកនេះនៅទឹកដីកណ្ដាលនាកីឡដ្ឋាន Khalifa Sport City ប្រទេសបារ៉ែនដដែល។ ការប្រកួតនេះកម្ពុជាត្រូវការត្រឹមលទ្ធផលស្មើគ្នាប៉ុណ្ណោះ នឹងបានឡើងវគ្គបន្ដដោយស្វ័យប្រវត្តិតែម្ដង៕អត្ថបទ៖ លី ឈុនឡា

មនុស្ស ២០នាក់ស្លាប់ ខណៈលំនៅឋានដួលរលំក្នុងគ្រោះរញ្ជួយដីនៅប៉ាគីស្ថាន

ប៉ាគីស្ថាន៖ មន្ត្រីក្នុងតំបន់និយាយថា មនុស្សយ៉ាងហោចណាស់ ២០នាក់បានស្លាប់ និងជាង ២០០នាក់រងរបួសបន្ទាប់ពីគ្រោះរញ្ជួយដីវាយប្រហារខេត្ត Balochistan ភាគនិរតីប្រទេសប៉ាគីស្ថានដោយក្រុមជួយសង្គ្រោះព្យាយាមសម្អាតកំទេចកំទី និងចូលទៅដល់តំបន់នោះ។យោងតាមទិន្នន័យភូគព្ភសាស្ត្រសហរដ្ឋអាមេរិកគ្រោះរញ្ជួយដីកម្រិត ៥.៩រ៉ិចទ័របានអង្រួន ខណៈប្រជាពលរដ្ឋភាគច្រើននៅក្នុងស្រុក Harnai ចម្ងាយប្រហែល ១០០គីឡូម៉ែត្រនៃរដ្ឋធានី Quetta របស់ខេត្តនេះកំពុងលង់លក់នៅម៉ោងជាង ៣ព្រឹកម៉ោងក្នុងស្រុកកាលពីថ្ងៃព្រហស្បតិ៍។ ការរញ្ជួយនេះបានកើតឡើងនៅជម្រៅប្រហែល ២០គីឡូម៉ែត្រ។ អាជ្ញាធរគ្រប់គ្រងគ្រោះមហន្តរាយខេត្តបាននិយាយថា មនុស្សយ៉ាងហោចណាស់ ២០០នាក់បានរងរបួស។ លោក Osama bin Ijaz មន្ត្រីគ្រប់គ្រងគ្រោះមហន្តរាយខេត្តបានប្រាប់សារព័ត៌មាន Al Jazeera ថា មន្ត្រីជួយសង្គ្រោះបានទៅដល់កន្លែងកើតហេតុហើយកំពុងធ្វើការ។ នាយករដ្ឋមន្ត្រីប៉ាគីស្ថានលោក Imran Khan បានបញ្ជាឱ្យផ្ដល់ជំនួយជាបន្ទាន់លើមូលដ្ឋានគ្រាអាសន្នដល់ប្រជាជននៅតំបន់នោះ បន្ទាប់ពីការរញ្ជួយដី៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ក្រុមជួយសង្រ្គោះ ជម្លៀសភ្ញៀវទេសចរបរទេស អ្នកស្រុក ក្រោយទឹកជំនន់វាយប្រហារទីក្រុង Lonavala របស់ឥណ្ឌា

UN៖ ករណីឆ្លងជំងឺអេបូឡានៅកុងហ្គោ កើនឡើងជាង ១.៥៦០នាក់ ស្របពេលវិបត្តិជម្លៀសខ្លួនកាន់តែអាក្រក់

នាវាដឹកប្រេង ២គ្រឿងរងការវាយប្រហារនៅច្រកសមុទ្រ Hormuz ខណៈមនុស្សរាប់លាននាក់កាន់ទុក្ខលោក Khamenei

រយៈពេល ១ពាន់ថ្ងៃនៃអំពើប្រល័យពូជសាសន៍អ៊ីស្រាអែលនៅតំបន់ហ្កាហ្សា

ការតម្រង់ជួរយ៉ាងវែងនៅតាមស្ថានីយប្រេងក្នុងទីក្រុង Omsk ក្រោយអ៊ុយក្រែនវាយប្រហាររោងចក្រចម្រាញ់ប្រេងធំបំផុតរបស់រុស្ស៊ី

អាមេរិក និងអង្គការណាតូ ប្រកាសកិច្ចព្រមព្រៀងការពារជាតិក្នុងកិច្ចប្រជុំកំពូលនៅទីក្រុង Ankara

ពលរដ្ឋអ៊ីរ៉ង់កាន់បដាគំរាមលោក Trumpនៅពិធីបុណ្យសពអតីតមេដឹកនាំ Khamenei

វិមានក្រឹមឡាំងសង្ឃឹមថា កិច្ចខិតខំសន្តិភាពរបស់អាមេរិកនៅអ៊ុយក្រែន នឹងជោគជ័យ

មនុស្សម្នាក់ស្លាប់ និង ៧នាក់បាត់ខ្លួន ក្រោយបំណាក់ដីនៅរដ្ឋ Kerala ប្រទេសឥណ្ឌា

ពលរដ្ឋហ្កាហ្សាសង្ឃឹមថា ការរំសាយស្ថាប័នក្រុមហាម៉ាស នឹងជំរុញឲ្យមានកសាងតំបន់ឡើងវិញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ក្រុមការងារ WHO ថ្មីអាចជាឱកាសចុងក្រោយក្នុងការស្វែងរកប្រភពដើមនៃវីរុស COVID-19

របាយការណ៍សិទ្ធិមនុស្សរបស់ UN ព្រមានពីការប្រឈមនៃភាពអត់ឃ្លាននៅកូរ៉េខាងជើង

WHO៖ អ្នកស្លាប់ដោយសារ COVID-19 នៅទូទាំងពិភពលោកបានធ្លាក់ចុះដល់កម្រិតទាបបំផុតកាលពីសប្តាហ៍មុនក្នុងរយៈពេលមួយឆ្នាំ

មេដឹកនាំ G20 យល់ព្រមបង្កើនកិច្ចខិតខំប្រឹងប្រែងមនុស្សធម៌ជួយពលរដ្ឋអាហ្វហ្គានីស្ថាន

មនុស្ស ២៨នាក់ស្លាប់ក្នុងគ្រោះថ្នាក់ចរាចរណ៍រថយន្តក្រុងនៅប្រទេសនេប៉ាល់

ប្រមុខអង្គការសហប្រជាជាតិបានរិះគន់ពួកតាលីបង់ដែលមិនគោរពពាក្យសន្យាចំពោះស្ត្រី និងក្មេងស្រី

មនុស្ស ១៥នាក់បានស្លាប់បន្ទាប់ពីមានភ្លៀងធ្លាក់ខ្លាំង និងទឹកជំនន់នៅតំបន់ធ្យូងថ្មប្រទេសចិន

មនុស្ស ៦នាក់ស្លាប់ក្នុងការបំផ្ទុះរថយន្តដាក់គោលដៅលើក្រុមមន្ត្រីនៅយេមែន

សម្ដេចតេជោ ហ៊ុន សែន អបអរសាទរគោព្រៃកម្ពុជាឈ្នះកោះហ្គាំ ១-០ ខណៈជើងទី២ ប្រកួតស្អែកនេះ

មនុស្ស ២០នាក់ស្លាប់ ខណៈលំនៅឋានដួលរលំក្នុងគ្រោះរញ្ជួយដីនៅប៉ាគីស្ថាន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ក្រុមការងារ WHO ថ្មី​អាច​ជា​ឱកាស​ចុងក្រោយ​ក្នុង​ការ​ស្វែងរក​ប្រភព​ដើម​នៃ​វីរុស COVID-19

របាយការណ៍​សិទ្ធិមនុស្ស​របស់ UN ព្រមាន​ពី​ការ​ប្រឈម​នៃ​ភាព​អត់​ឃ្លាន​នៅ​កូរ៉េខាងជើង​

មេដឹកនាំ G20 យល់ព្រម​បង្កើន​កិច្ច​ខិតខំ​ប្រឹងប្រែង​មនុស្សធម៌​ជួយ​ពលរដ្ឋ​អា​ហ្វ​ហ្គា​នី​ស្ថាន​

មនុស្ស​ ២៨​នាក់​ស្លាប់​ក្នុង​គ្រោះថ្នាក់​ចរាចរណ៍​រថយន្ត​ក្រុង​នៅ​ប្រទេស​នេ​ប៉ាល់​

មនុស្ស​ ៦​នាក់​ស្លាប់​ក្នុង​ការ​បំផ្ទុះ​រថយន្ត​ដាក់​គោលដៅ​លើ​ក្រុម​មន្ត្រី​នៅ​យេ​មែន​

សម្ដេច​តេ​ជោ ហ៊ុន សែន អបអរសាទរ​គោព្រៃ​កម្ពុជា​ឈ្នះ​កោះ​ហ្គាំ ១-០ ខណៈ​ជើង​ទី​២ ប្រកួត​ស្អែក​នេះ​

មនុស្ស​ ២០​នាក់​ស្លាប់ ខណៈ​លំនៅឋាន​ដួល​រលំ​ក្នុង​គ្រោះ​រញ្ជួយ​ដី​នៅ​ប៉ា​គី​ស្ថាន​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្រុមការងារ WHO ថ្មីអាចជាឱកាសចុងក្រោយក្នុងការស្វែងរកប្រភពដើមនៃវីរុស COVID-19

របាយការណ៍សិទ្ធិមនុស្សរបស់ UN ព្រមានពីការប្រឈមនៃភាពអត់ឃ្លាននៅកូរ៉េខាងជើង

មេដឹកនាំ G20 យល់ព្រមបង្កើនកិច្ចខិតខំប្រឹងប្រែងមនុស្សធម៌ជួយពលរដ្ឋអាហ្វហ្គានីស្ថាន

មនុស្ស ២៨នាក់ស្លាប់ក្នុងគ្រោះថ្នាក់ចរាចរណ៍រថយន្តក្រុងនៅប្រទេសនេប៉ាល់

មនុស្ស ៦នាក់ស្លាប់ក្នុងការបំផ្ទុះរថយន្តដាក់គោលដៅលើក្រុមមន្ត្រីនៅយេមែន

សម្ដេចតេជោ ហ៊ុន សែន អបអរសាទរគោព្រៃកម្ពុជាឈ្នះកោះហ្គាំ ១-០ ខណៈជើងទី២ ប្រកួតស្អែកនេះ

មនុស្ស ២០នាក់ស្លាប់ ខណៈលំនៅឋានដួលរលំក្នុងគ្រោះរញ្ជួយដីនៅប៉ាគីស្ថាន