BTV NEWS

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

ព័ត៌មានសំខាន់ៗ

ភ្លើងឆេះរោងចក្រគីមីសម្លាប់មនុស្ស ១០នាក់នៅប៉ាគីស្ថាន

ប៉ាគីស្ថាន៖ នគរបាល និងអ្នកនាំពាក្យរដ្ឋាភិបាលបាននិយាយថា អគ្គិភ័យធំមួយបានផ្ទុះឡើងនៅរោងចក្រគីមីមួយកន្លែងនៅទីក្រុងកំពង់ផែ Karachi ភាគខាងត្បូងប្រទេសប៉ាគីស្ថានបណ្ដាលឲ្យកម្មករយ៉ាងតិច ១០នាក់ស្លាប់ និងរបួសជាច្រើននាក់ផ្សេងទៀត។ភ្លាមៗនោះគេនៅមិនទាន់ដឹងច្បាស់ថា មូលហេតុអ្វីដែលបណ្ដាលឲ្យមានអគ្គិភ័យនៅក្នុងតំបន់ Mehran Town នោះទេ។ រូបភាពទូរទស្សន៍បានបង្ហាញក្រុមអ្នកពន្លត់អគ្គិភ័យកំពុងពន្លត់ភ្លើង ខណៈដែលរថយន្តសង្គ្រោះបន្ទាន់បានបន្តដឹកជនរងគ្រោះ ទៅកាន់មន្ទីរពេទ្យរដ្ឋាភិបាល។ លោក Murtaza Wahab អ្នកនាំពាក្យរដ្ឋាភិបាលខេត្តបាននិយាយថា រថយន្តពន្លត់អគ្គិភ័យបានពន្លត់ភ្លើងឆាបឆេះ ហើយមន្ត្រីត្រូវបានសួរនាំដើម្បីស៊ើបអង្កេតពីអ្វីដែលបណ្តាលឲ្យមានអគ្គិភ័យនេះ។លោកនិយាយថា មន្ត្រីនឹងពិនិត្យមើលថា តើម្ចាស់រោងចក្របានបំពាក់ឧបករណ៍ពន្លត់អគ្គិភ័យដែរឬទេ។ ទីក្រុង Karachi គឺជារដ្ឋធានីនៃខេត្ត Sindh ដែលមនុស្សជាច្រើនបានបង្កើតរោងចក្រនៅក្នុងតំបន់លំនៅដ្ឋាន ដោយរំលោភលើច្បាប់សាងសង់៕អត្ថបទ៖ ប៊ុនថន

មនុស្ស ២១នាក់ស្លាប់បន្ទាប់ពីទូកលិចនៅបង់ក្លាដែស

បង់ក្លាដែស៖ មន្ត្រីបាននិយាយថា ទូកដឹកអ្នកដំណើរមួយគ្រឿងផ្ទុកមនុស្សជាង ១០០នាក់បានលិចកាលពីថ្ងៃសុក្រ បន្ទាប់ពីបានបុកជាមួយទូកតូចមួយផ្សេងទៀតនៅលើដងទន្លេធំមួយ បណ្តាលឱ្យមនុស្សយ៉ាងតិច ២១នាក់ស្លាប់ និងបាត់ខ្លួនជាច្រើននាក់នៅភាគខាងកើតប្រទេសបង់ក្លាដែស។ មន្ត្រីនគរបាលក្នុងតំបន់ លោក Imranul Islam និយាយតាមទូរស័ព្ទថា គ្រោះថ្នាក់នេះបានកើតឡើងនៅក្នុងស្រុក Brahmanbaria នៅល្ងាចថ្ងៃសុក្រ។លោកបាននិយាយថា ក្រុមអ្នកជួយសង្គ្រោះបានរកឃើញសាកសពយ៉ាងតិច ២១នាក់ ខណៈដែលអ្នកនៅរស់រានមានជីវិតបាននិយាយថា មនុស្សប្រមាណ ១០០នាក់បានស្ថិតនៅលើទូកអំឡុងពេលមានគ្រោះថ្នាក់នេះ។ ការរាយការណ៍ព័ត៌មានក្នុងស្រុកដោយបានដកស្រង់សម្តី អ្នកគ្រប់គ្រងរដ្ឋាភិបាលជាន់ខ្ពស់ប្រចាំតំបន់ លោក Hayat-Ud-Dola បាននិយាយថា មនុស្សប្រហែល ៥០នាក់បានបាត់ខ្លួន។ គ្រោះថ្នាក់បែបនេះតែងតែកើតឡើងនៅប្រទេសបង់ក្លាដែស ជាប្រទេសដែលសំបូរទៅដោយទន្លេជាង ២៣០ទន្លេ ដោយសារតែការអនុវត្តច្បាប់មិនបានត្រឹមត្រូវ និងការបើកបរទូកគ្មានជំនាញ។ តំបន់នេះមានចម្ងាយ ៨២គីឡូម៉ែត្រខាងកើតរដ្ឋធានីដាកា ប្រទេសបង់ក្លាដេស៕អត្ថបទ៖ ប៊ុនថន

មេដឹកនាំពិភពលោក និងក្រុមតាលីបង់ថ្កោលទោសការវាយប្រហារនៅអាកាសយានដ្ឋានក្រុងកាប៊ុល

អាហ្វហ្គានីស្ថាន៖ មានការចូលរួមរំលែកទុក្ខ និងការថ្កោលទោសពីមេដឹកនាំពិភពលោក បន្ទាប់ពីការបំផ្ទុះគ្រាប់បែក ២លើកនៅខាងក្រៅអាកាសយានដ្ឋានក្រុងកាប៊ុលកាលពីថ្ងៃព្រហស្បតិ៍ ដែលបណ្តាលឱ្យមនុស្សរាប់សិបនាក់ស្លាប់ និងរបួស។ពួកតាលីបង់ដែលជាអ្នកគ្រប់គ្រងតាមព្រឹត្តិន័យរបស់អាហ្វហ្គានីស្ថាននិយាយថា ខ្លួនបានបើកការស៊ើបអង្កេតលើការវាយប្រហារនេះហើយ។ ទីបញ្ជាការកណ្ដាលសហរដ្ឋអាមេរិកបាននិយាយថា ការវាយប្រហារភេរវកម្មរដ្ឋអ៊ីស្លាមបានសម្លាប់ទាហានអាមេរិកយ៉ាងតិច ១៣នាក់ និងរបួស ១៨នាក់ទៀត។ ជនស៊ីវិលអាហ្វហ្គានីស្ថានប្រមាណ ៩០នាក់ត្រូវបានសម្លាប់។ ភ្លាមៗក្រោយការវាយប្រហារ លោកប្រធានាធិបតីអាមេរិកប្ដេជ្ញាសងសឹកក្រុមភេរវករ ដែលបានសម្លាប់កងទ័ពរបស់លោក។ ប្រធានគណៈកម្មាធិការអឺរ៉ុប លោកស្រី Ursula von der Leyen បានថ្កោលទោសចំពោះ “ការវាយប្រហារដ៏កំសាក និងអមនុស្សធម៌” នៅលើបណ្តាញសង្គមធ្វីតធ័រដោយបានបន្ថែមថា“ វាជារឿងសំខាន់ខ្លាំងណាស់ ក្នុងការធ្វើយ៉ាងណាធានាសុវត្ថិភាពរបស់ប្រជាជននៅព្រលានយន្តហោះ”។ លោកស្រីបានបន្ថែមថា “សហគមន៍អន្តរជាតិត្រូវតែធ្វើការរួមគ្នាយ៉ាងយកចិត្តទុកដាក់ ដើម្បីចៀសវាងការកើតឡើងវិញនៃអំពើភេរវកម្មនៅអាហ្វហ្គានីស្ថាន និងនៅកន្លែងផ្សេងទៀត”។អគ្គលេខាធិការអង្គការណាតូ លោក Jens Stoltenberg ក៏បានសម្ដែងការខឹងសម្បា និងសោកស្ដាយផងដែរ។ ដោយសរសេរនៅលើបណ្ដាញធ្វីតធ័រ ខ្ញុំសូមថ្កោលទោសយ៉ាងខ្លាំងចំពោះការវាយប្រហារភេរវកម្មដ៏រន្ធត់ នៅខាងក្រៅអាកាសយានដ្ឋានកាលប៊ុល។ គំនិតរបស់ខ្ញុំគឺនៅជាមួយអ្នកដែលរងផលប៉ះពាល់ និងមនុស្សជាទីស្រលាញ់របស់ពួកគេ។ អាទិភាពរបស់យើងគឺការជម្លៀសប្រជាជនឱ្យបានច្រើន ដើម្បីសុវត្ថិភាពឱ្យបានលឿនតាមដែលអាចធ្វើទៅបាន។ ក្រៅពីនេះនៅមានប្រធានាធិបតីបារាំង Emmanuel Macron ក៏ដូចជាមេដឹកនាំពិភពលោកជាច្រើនទៀតដែលបានថ្កោលទោស ការវាយប្រហារលើអាកាសយានដ្ឋានកាប៊ុល ស្របពេលដែលការជម្លៀសនៅតែបន្ត ខណៈពេលវេលាកំណត់ថ្ងៃ៣១ ខែសីហាកាន់តែជិតដល់៕អត្ថបទ៖ សុខមាន

ពលរដ្ឋអាហ្វហ្គានីស្ថាន និងទាហានអាមេរិកជាច្រើននាក់ស្លាប់ក្នុងការវាយប្រហារនៅអាកាសយានដ្ឋានកាប៊ុល ខណៈការជម្លៀសនៅតែបន្ត

អាហ្វហ្គានីស្ថាន៖ មនុស្សជាង ១០០នាក់បានស្លាប់ និងជាង ១៤០នាក់បានរងរបួសក្នុងការបំផ្ទុះគ្រាប់បែកចំនួន ៤ ដែលបានអង្រួនទីក្រុងកាប៊ុលកាលពីថ្ងៃព្រហស្បតិ៍ ការផ្ទុះជាច្រើនត្រូវបានគេរាយការណ៍នៅខាងក្រៅអាកាសយានដ្ឋានកាប៊ុល ដែលមានមនុស្សច្រើនកកកុញកាលពីល្ងាចថ្ងៃព្រហស្បតិ៍។ទាហានអាមេរិកចំនួន ១៣នាក់ក្នុងនោះមានទាហានម៉ារីន ១២នាក់ និងគ្រូពេទ្យកងទ័ពជើងទឹកម្នាក់ស្ថិតក្នុងចំណោមអ្នកស្លាប់ និងទាហាន ១៨នាក់ផ្សេងទៀតបានរងរបួសនៅក្នុងការផ្ទុះនៅព្រលានយន្តហោះនៅទីក្រុងកាប៊ុល ខណៈដែលប្រជាជនអាហ្វហ្គានីស្ថានព្យាយាមរត់គេចចេញពីរបបគ្រប់គ្រងរបស់ពួកតាលីបង់។ ក្រុមរដ្ឋអ៊ីស្លាមបាននិយាយថា ខ្មាន់បំផ្ទុះគ្រាប់បែកអត្តឃាតម្នាក់របស់ខ្លួនបានដាក់គោលដៅលើ “ក្រុមអ្នកបកប្រែ និងសហការជាមួយកងទ័ពអាមេរិក”។ មន្ត្រីអាមេរិកក៏បានស្តីបន្ទោសក្រុមនេះផងដែរ។ ប្រហែលមួយម៉ោងមុនពេលការផ្ទុះចំនួន ២ នៅរដ្ឋធានីអាហ្វហ្គានីស្ថានកាលពីថ្ងៃព្រហស្បតិ៍ គេបានមើលឃើញហ្វូងមនុស្សកំពុងរត់គេចពីការបាញ់កាំភ្លើងដោយកងកម្លាំងតាលីបង់ នៅជិតអាកាសយានដ្ឋានអន្តរជាតិកាប៊ុល។ ភាពច្របូកច្របល់បានបង្ហាញពីមនុស្សកំពុងរត់នៅតាមដងផ្លូវ ខណៈដែលគេបានលឺស្នូរកាំភ្លើងរួមជាមួយសំឡេងស្រែកខ្លាំងៗ។ ក្រុមតាលីបង់បានបាញ់កាំភ្លើងជាទៀងទាត់ ដើម្បីព្យាយាមគ្រប់គ្រងហ្វូងមនុស្សអាហ្វហ្គានីស្ថាន ដែលកំពុងសម្រុកទៅកាន់ព្រលានយន្តហោះដែលធ្វើឲ្យបុរស ស្ត្រី និងកុមាររត់គេចយ៉ាងភ័យខ្លាច។ការផ្ទុះនេះបានកើតឡើងប៉ុន្មានម៉ោង បន្ទាប់ពីមន្ត្រីលោកខាងលិចបានព្រមានអំពីការវាយប្រហារដ៏ធំមួយ ដោយបានជំរុញឱ្យប្រជាជនចាកចេញពីតំបន់ព្រលានយន្តហោះ។ ប៉ុន្តែការជូនដំណឹងនេះភាគច្រើនមិនត្រូវបានអើពើ ពីសំណាក់ជនជាតិអាហ្វហ្គានីស្ថានអស់សង្ឃឹមក្នុងការរត់គេចចេញពីប្រទេស ក្នុងរយៈពេលប៉ុន្មានថ្ងៃចុងក្រោយនៃការជម្លៀសដែលដឹកនាំដោយអាមេរិក មុនពេលសហរដ្ឋអាមេរិកបញ្ចប់វត្តមានជាផ្លូវការរយៈពេល ២០ឆ្នាំរបស់ខ្លួននៅថ្ងៃទី៣១ ខែសីហា។ ក្រោយការប្រហារ លោកប្រធានាធិបតី Joe Biden បានផ្ញើសារយ៉ាងច្បាស់ទៅកាន់អ្នកដែលបានវាយប្រហារ នៅខាងក្រៅអាកាសយានដ្ឋានក្នុងរដ្ឋធានីកាប៊ុល ដែលបានបណ្តាលឱ្យសមាជិកកងទ័ពអាមេរិកចំនួន ១៣នាក់ស្លាប់ ខណៈដែលសន្យាថាការជម្លៀសនៅអាហ្វហ្គានីស្ថាននឹងបន្ត។ លោក Biden បាននិយាយទៅកាន់អ្នកវាយប្រហារថា ត្រូវចាំទុក។ យើងនឹងមិនអត់ឱនឲ្យឡើយ។ យើងនឹងមិនភ្លេចទេ យើងនឹងតាមប្រមាញ់អ្នក ហើយអ្នកត្រូវតែសងការខាតបង់នេះ៕អត្ថបទ៖ សុខមាន

លោក Biden ប្ដេជ្ញាតាមប្រមាញ់ខ្មាន់បំផ្ទុះគ្រាប់បែកសម្លាប់ទាហានអាមេរិក ១៣នាក់នៅរដ្ឋធានីកាប៊ុល

អាមេរិក៖ ប្រធានាធិបតី Joe Biden កាលពីថ្ងៃព្រហស្បតិ៍បានផ្ញើសារយ៉ាងច្បាស់ ទៅកាន់អ្នកដែលបានវាយប្រហារនៅខាងក្រៅអាកាសយានដ្ឋានក្នុងរដ្ឋធានីកាប៊ុល ដែលបានបណ្តាលឱ្យសមាជិកកងទ័ពអាមេរិកចំនួន ១៣នាក់ស្លាប់ ខណៈដែលសន្យាថាការជម្លៀសនៅអាហ្វហ្គានីស្ថាននឹងបន្ត។លោក Biden បាននិយាយទៅកាន់អ្នកវាយប្រហារថា ត្រូវចាំទុក។ យើងនឹងមិនអត់ឱនឲ្យឡើយ។ យើងនឹងមិនភ្លេចទេ យើងនឹងតាមប្រមាញ់អ្នក ហើយអ្នកត្រូវតែសងការខាតបង់នេះ។ លោក Biden បានស្ងៀមស្ងាត់មួយសន្ទុះដើម្បីគោរពដល់កងទ័ពអាមេរិក ដែលបានបាត់បង់ជីវិតដោយហៅពួកគេថាជាវីរបុរស និងជាការពលីដ៏ធំធេងសម្រាប់ប្រទេសជាតិ។ លោកបាននិយាយពីសេតវិមានថា ជីវិតដែលយើងបាត់បង់នៅថ្ងៃនេះគឺជាជីវិតដែលត្រូវបានពលីក្នុងការបម្រើឲ្យសេរីភាព សន្តិសុខ និងការលះបង់ដើម្បីសហរដ្ឋអាមេរិក។ លោក Biden បាននិយាយថា ស្ថានភាពនៅទីក្រុងកាប៊ុលនៅតែមានការវិវត្តកាន់តែធ្ងន់ធ្ងរ ហើយសហរដ្ឋអាមេរិកនឹងកំណត់គោលដៅលើទ្រព្យសម្បត្តិ មេដឹកនាំ និងទីតាំងរបស់ក្រុមរដ្ឋអ៊ីស្លាម ISIS-K ជាសម្ព័ន្ធមិត្តរបស់ពួករដ្ឋអ៊ីស្លាម ដែលបានរាយការណ៍ថាពួកខ្លួនជាអ្នកវាយប្រហារភេរវកម្មនេះ។ប្រធានាធិបតី Joe Biden បានប្តេជ្ញាកាលថ្ងៃព្រហស្បតិ៍ថា នឹងបញ្ចប់ការជម្លៀសពលរដ្ឋអាមេរិក និងអ្នកផ្សេងទៀតចេញពីប្រទេសអាហ្វហ្គានីស្ថាន បើទោះបីជាមានការវាយប្រហារដោយគ្រាប់បែកអត្តឃាត នៅអាកាសយានដ្ឋានកាប៊ុលក៏ដោយ។ លោកក៏បានសន្យាសងសឹកចំពោះការស្លាប់នេះ ដោយប្រកាសដល់ពួកជ្រុលនិយមដែលបានវាយប្រហារថា "យើងនឹងតាមចាប់ខ្លួនអ្នក ហើយនឹងឲ្យអ្នកសងវិញយ៉ាងស័ក្ដិសម"៕អត្ថបទ៖ សុខមាន

មនុស្សជាង ១០០នាក់ស្លាប់រួមទាំងទាហានអាមេរិក ១៣នាក់ក្នុងការវាយប្រហារភេរវកម្មពីរដ្ឋអ៊ីស្លាមនៅអាកាសយានដ្ឋានក្រុងកាប៊ុល

អាហ្វហ្គានីស្ថាន៖ ក្រុមរដ្ឋអ៊ីស្លាមបានវាយប្រហារលើច្រកទ្វារអាកាសយានដ្ឋានក្រុងកាប៊ុល ក្នុងការវាយប្រហារដោយគ្រាប់បែកអត្តឃាតកាលពីថ្ងៃព្រហស្បតិ៍ ទី២៦ ខែសីហាដោយបានសម្លាប់ជនស៊ីវិលជាច្រើននាក់ និងទាហានអាមេរិកយ៉ាងហោចណាស់ ១៣នាក់ ហើយបានបណ្ដាលឲ្យមានចលាចលនៅក្នុងអាកាសយានដ្ឋាន ដែលមានជនជាតិអាហ្វហ្គានីស្ថានកំពុងអស់សង្ឃឹមរាប់ម៉ឺននាក់ចង់រត់គេចខ្លួន។មន្ត្រីសុខាភិបាលទីក្រុងកាប៊ុលត្រូវបានដកស្រង់សម្តីដោយនិយាយថា ជនស៊ីវិល ៩០នាក់ត្រូវបានសម្លាប់។ វីដេអូដែលថតដោយក្រុមអ្នកសារព័ត៌មានអាហ្វហ្គានីស្ថាន បានបង្ហាញពីសាកសពរាប់សិបនាក់រាយប៉ាយជុំវិញប្រឡាយមួយ នៅគែមអាកាសយានដ្ឋាន។ សាក្សីបាននិយាយថា យ៉ាងហោចណាស់មានការផ្ទុះ ២លើកនៅតំបន់នោះ។ ក្រុមរដ្ឋអ៊ីស្លាមបាននិយាយថា ខ្មាន់បំផ្ទុះគ្រាប់បែកអត្តឃាតម្នាក់របស់ខ្លួនបានដាក់គោលដៅលើ “ក្រុមអ្នកបកប្រែ និងសហការជាមួយកងទ័ពអាមេរិក”។ មន្ត្រីអាមេរិកក៏បានស្ដីបន្ទោសក្រុមនេះផងដែរ។យោងតាមក្រុមន្ត្រីអាមេរិកបានឱ្យដឹងថា ចំនួនអ្នកស្លាប់ និងរបួសរបស់សហរដ្ឋអាមេរិកដែលកើនឡើងដល់ ១៣នាក់ពីចំនួន ១២នាក់កាលពីល្ងាចថ្ងៃព្រហស្បតិ៍ ត្រូវគេជឿថាជាចំនួនទាហានអាមេរិកស្លាប់ច្រើនបំផុតនៅអាហ្វហ្គានីស្ថាន ក្នុងឧបទ្ទវហេតុតែមួយចាប់តាំងពីបុគ្គលិក ៣០នាក់បានស្លាប់ នៅពេលឧទ្ធម្ភាគចក្រត្រូវបានបាញ់ទម្លាក់កាលពីខែសីហា ឆ្នាំ២០១១៕អត្ថបទ៖ សុខមាន

អង្គការសហប្រជាជាតិព្រមានថា វិបត្តិស្បៀងអាហារនៅអាហ្វហ្គានីស្ថានជិតកើតឡើងហើយ

អាហ្វហ្គានីស្ថាន៖ ស្របពេលប្រជាជនដែលផ្លាស់ទីលំនៅរាប់រយនាក់ បានបោះជំរំនៅក្នុងតង់បណ្តោះអាសន្ននៅតាមដងផ្លូវនៃរដ្ឋធានីកាប៊ុល ទីភ្នាក់ងារស្បៀងអាហាររបស់អង្គការសហប្រជាជាតិកំពុងព្យាយាមផ្តល់អាហារដល់ពួកគេ ខណៈដែលកំពុងត្រៀមខ្លួនសម្រាប់ការដកសហគមន៍អន្តរជាតិចេញពីអាហ្វហ្គានីស្ថាន។ថ្លែងពីការិយាល័យរបស់លោកក្នុងរដ្ឋធានីកាប៊ុល នាយកប្រចាំប្រទេសរបស់អង្គការស្បៀងអាហារពិភពលោកនៅអាហ្វហ្គានីស្ថាន លោក Andrew Patterson បានពន្យល់ថា ក្នុងរយៈពេលប៉ុន្មានខែចុងក្រោយនៃការប្រយុទ្ធគ្នា ជនជាតិអាហ្វហ្គានីស្ថានចំនួន ៥៥០.០០០នាក់បានរត់ចេញពីផ្ទះសម្បែងរបស់ពួកគេ។ ហើយនៅត្រឹមសប្តាហ៍ចុងក្រោយនេះ អង្គការស្បៀងអាហារពិភពលោកបានផ្តល់អាហារដល់មនុស្សចំនួន ៨៨០គ្រួសារដែលរស់នៅតាមដងផ្លូវក្នុងរដ្ឋធានីកាប៊ុល។ លោកបានព្រមានថា ប្រសិនបើមូលនិធិជំនួយមនុស្សធម៌ត្រូវបានកាត់ផ្តាច់ វានឹងក្លាយជាមហន្តរាយ។រាល់ការបញ្ជូនស្បៀងអាហាររបស់អង្គការស្បៀងអាហារពិភពលោក ត្រូវបានធ្វើឡើងនៅលើគោក ដូច្នេះលោក Patterson មិនរំពឹងថា នឹងមានការផ្លាស់ប្តូរការផ្គត់ផ្គង់ស្បៀងអាហារនៅប៉ុន្មានខែខាងមុខនេះទេ ប៉ុន្តែលោកកំពុងរង់ចាំមើលថា តើក្រុមតាលីបង់នឹងធ្វើសកម្មភាពយ៉ាងដូចម្តេច បន្ទាប់ពីការដកកងកម្លាំងអន្តរជាតិចេញនោះ។ អង្គការស្បៀងអាហារពិភពលោកបាននិយាយថា ប្រជាជនប្រមាណ ១៤លាននាក់កំពុងប្រឈមនឹងភាពអត់ឃ្លានធ្ងន់ធ្ងរ នៅក្នុងប្រទេសដែលមានប្រជាជនប្រមាណជាង ៣៩លាននាក់៕អត្ថបទ៖ សុខមាន

សហរដ្ឋអាមេរិក និងចិនបានចោទប្រកាន់គ្នាទៅវិញទៅមកពីបទគំរាមប្រទេសដទៃ

អាមេរិក៖ អនុប្រធានាធិបតីអាមេរិក លោកស្រី Kamala Harris កាលពីថ្ងៃពុធ ទី២៥ ខែសីហាបានចោទប្រកាន់ចិនជាថ្មីម្ដងទៀត ពីបទគំរាមកំហែងប្រទេសជិតខាងអាស៊ីអាគ្នេយ៍របស់ខ្លួនជាលើកទី២ ក្នុងរយៈពេល ២ថ្ងៃដែលលោកស្រីបានវាយប្រហារទីក្រុងប៉េកាំង អំឡុងដំណើរទស្សនកិច្ចថ្នាក់តំបន់ ខណៈទីក្រុងវ៉ាស៊ីនតោនព្យាយាមកៀរគរដៃគូក្នុងតំបន់ ដើម្បីប្រឆាំងនឹងកំណើនឥទ្ធិពលសេដ្ឋកិច្ច និងយោធារបស់ចិន។ក្រសួងការបរទេសចិនបានវាយតបតវិញកាលពីថ្ងៃពុធ ហើយចោទអាមេរិកថា បានជ្រៀតជ្រែកចូលកិច្ចការតំបន់ និងរំខានដល់សន្តិភាព។ កាលពីព្រឹកថ្ងៃពុធ ប្រព័ន្ធផ្សព្វផ្សាយរដ្ឋរបស់ចិនបានចោទប្រកាន់លោកស្រី Harris ថា កំពុងព្យាយាមជំរុញឱ្យមានការបែកបាក់គ្នារវាងប្រទេសចិន និងប្រជាជាតិអាស៊ីអាគ្នេយ៍ ឬអាស៊ាន អមដោយការអត្ថាធិប្បាយនៅប្រទេសសិង្ហបុរីថា ទីក្រុងប៉េកាំងបានប្រើការបង្ខិតបង្ខំ និងការបំភិតបំភ័យដើម្បីគាំទ្រការអះអាងសិទ្ធិដោយខុសច្បាប់របស់ខ្លួននៅសមុទ្រចិនខាងត្បូង។ថ្លែងនៅទីក្រុងហាណូយកាលពីថ្ងៃពុធ លោកស្រី Harris បាននិយាយថា វាជារឿងចាំបាច់ក្នុងការដាក់សម្ពាធលើប្រទេសចិន ជុំវិញការអះអាងសិទ្ធិដែនសមុទ្ររបស់ខ្លួន និងបានផ្ដល់ការគាំទ្រដល់ប្រទេសវៀតណាម នៅក្នុងវិស័យសំខាន់ៗមួយចំនួន រួមទាំងការពង្រឹងសន្តិសុខដែនសមុទ្រ ដើម្បីទប់ទល់នឹងការកើនឡើងនូវការអះអាងសិទ្ធិរបស់ទីក្រុងប៉េកាំង នៅសមុទ្រចិនខាងត្បូង។ ប្រទេសចិន វៀតណាម ប្រ៊ុយណេ ម៉ាឡេស៊ី ហ្វីលីពីន និងកោះតៃវ៉ាន់បានអះអាងសិទ្ធិលើផ្នែកខ្លះនៃសមុទ្រចិនខាងត្បូង ដែលត្រូវបានឆ្លងកាត់ដោយនាវាដឹកជញ្ជូនសំខាន់ៗ និងតំបន់សំបូរដោយឧស្ម័ន និងកន្លែងនេសាទដ៏សម្បូរបែប៕ អត្ថបទ៖ សុខមាន

ចិនវាយបកអនុប្រធានាធិបតីអាមេរិកថា ប្រទេសនេះអាត្មានិយមចំពោះបញ្ហាអាហ្វហ្គានីស្ថាន

ចិន៖ ប្រទេសចិនកាលពីថ្ងៃអង្គារ ទី២៤ ខែសីហាបានលើកយកបញ្ហាការដកទ័ពដ៏វឹកវរ របស់អាមេរិកចេញពីអាហ្វហ្គានីស្ថានជាឧទាហរណ៍មួយ នៃគោលនយោបាយការបរទេសអាត្មានិយមរបស់ក្រុងវ៉ាស៊ីនតោន ដោយវាយបកវិញចំពោះការចោទប្រកាន់របស់អនុប្រធានាធិបតី លោកស្រី Kamala Harris ពីការគំរាមកំហែងនៅក្នុងដែនទឹកតំបន់អាស៊ី។ក្នុងអំឡុងពេលធ្វើដំណើរទៅកាន់ប្រទេសសិង្ហបុរី លោកស្រី Harris បានផ្តោតលើទីក្រុងប៉េកាំងចំពោះការអះអាង “សិទ្ធិភាគច្រើននៅសមុទ្រចិនខាងត្បូង” ថាជាដែនទឹករបស់ខ្លួន ខណៈដែលលោកស្រីបានព្យាយាមធានាដល់សម្ព័ន្ធមិត្តក្នុងតំបន់ អំពីការប្តេជ្ញាចិត្តរបស់អាមេរិកចំពោះអាស៊ី និងក្នុងចំណោមផ្លូវច្បាប់អន្តរជាតិ។ អនុប្រធានាធិបតីអាមេរិករូបនេះបាននិយាយនៅក្នុងសុន្ទរកថារបស់លោកស្រីថា យើងដឹងថា ''ទីក្រុងប៉េកាំងនៅតែបន្តបង្ខិតបង្ខំបំភិតបំភ័យ និងអះអាងសិទ្ធិភាគច្រើននៅសមុទ្រចិនខាងត្បូង"។អ្នកនាំពាក្យក្រសួងការបរទេសចិន លោក Wang Wenbin បាននិយាយតបវិញដោយចោទប្រកាន់សហរដ្ឋអាមេរិកថា បានលាក់ខ្លួននៅពីក្រោយវោហារសាស្ត្រ នៃសណ្ដាប់ធ្នាប់សកលឈរលើមូលដ្ឋានច្បាប់ ដើម្បីការពារ “ការសម្លុតគំរាមកំហែងឥរិយាបថធ្វើអនុត្តរភាព” របស់ខ្លួន។ លោក Wang បានប្រាប់សន្និសីទសារព័ត៌មានប្រចាំថ្ងៃនៅទីក្រុងប៉េកាំងថា “ព្រឹត្តិការណ៍បច្ចុប្បន្ននៅអាហ្វហ្គានីស្ថានប្រាប់យើងយ៉ាងច្បាស់ថា ច្បាប់ និងសណ្ដាប់ធ្នាប់ដែលអាមេរិកនិយាយគឺជាអ្វី”។ ទីក្រុងប៉េកាំងនៅតែបើកដំណើរការស្ថានទូតរបស់ខ្លួននៅរដ្ឋធានីកាប៊ុល និងព្យាយាមរក្សាទំនាក់ទំនងមិត្តភាពជាមួយក្រុមតាលីបង់៕ អត្ថបទ៖ សុខមាន

មេដឹកនាំ G7 ចេញសេចក្ដីថ្លែងការណ៍ស្ដីពីអាហ្វហ្គានីស្ថានដោយជំរុញឲ្យបង្កើតរដ្ឋាភិបាលតំណាង

អង់គ្លេស៖ បណ្ដាមេដឹកនាំក្រុមប្រទេសមានឧស្សាហកម្មលូតលាស់ទាំង៧ ឬ G7 បានអំពាវនាវឱ្យមានការប្រកាន់ខ្ជាប់នូវច្បាប់សិទ្ធិមនុស្សអន្តរជាតិនៅអាហ្វហ្គានីស្ថាន។ ពួកគេបានជំរុញឱ្យគ្រប់ភាគីទាំងអស់ធ្វើការដោយស្មោះត្រង់ ដើម្បីបង្កើតរដ្ឋាភិបាលតំណាង។មេដឹកនាំ G7 បានចេញសេចក្ដីថ្លែងការណ៍មួយ បន្ទាប់ពីពួកគេបានរៀបចំកិច្ចប្រជុំតាមអ៊ីនធឺណិតស្ដីពីវិបត្តិនយោបាយនៅអាហ្វហ្គានីស្ថាន នៅចន្លោះយប់ថ្ងៃអង្គារដល់ព្រឹកថ្ងៃពុធម៉ោងនៅប្រទេសជប៉ុន។ បណ្ដាមេដឹកនាំបានសម្ដែងការព្រួយបារម្ភយ៉ាងខ្លាំង ចំពោះស្ថានការណ៍នៅអាហ្វហ្គានីស្ថាន ហើយបានអំពាវនាវឱ្យមានភាពស្ងប់ស្ងាត់ និងការអត់ធ្មត់ដើម្បីធានាសុវត្ថិភាពពលរដ្ឋ និងទប់ស្កាត់កុំឲ្យកើតមានវិបត្តិមនុស្សធម៌។ មេដឹកនាំទាំង៧ អំពាវនាវឱ្យប្រកាន់ខ្ជាប់កាតព្វកិច្ចក្រោមច្បាប់សិទ្ធិមនុស្សអន្តរជាតិ រួមទាំងសិទ្ធិស្ត្រី ក្មេងស្រី និងក្រុមអនីតិជន ហើយច្បាប់មនុស្សធម៌អន្តរជាតិត្រូវបានប្រកាន់ខ្ជាប់ គ្រប់កាលៈទេសៈទាំងអស់។ក្រុមមេដឹកនាំបាននិយាយថា “អាហ្វហ្គានីស្ថានមិនត្រូវក្លាយជាកន្លែងមានសុវត្ថិភាព សម្រាប់ភេរវកម្មម្តងទៀតឡើយ” ហើយបានសង្កត់ធ្ងន់ថា ប្រទេស G7 នឹងបន្តប្រយុទ្ធប្រឆាំងភេរវកម្មដោយការតាំងចិត្ត និងសាមគ្គីភាព។ ប្រទេស G7 ទាមទារឱ្យក្រុមតាលីបង់ធានាការឆ្លងកាត់ដោយសុវត្ថិភាពរបស់ជនជាតិអាហ្វហ្គានីស្ថាន បន្ទាប់ពីផុតកាលកំណត់ដកកម្លាំងរបស់សហរដ្ឋអាមេរិកនៅថ្ងៃទី៣១ ខែសីហាខាងមុខនេះ។ ពួកគេនិយាយថា សហគមន៍អន្តរជាតិនឹង “វិនិច្ឆ័យភាគីអាហ្វហ្គានីស្ថានដោយសកម្មភាពរបស់ពួកគេ មិនមែនតាមរយៈពាក្យសម្តីនោះទេ” ហើយបានបញ្ជាក់ជាថ្មីថា ក្រុមតាលីបង់នឹងទទួលខុសត្រូវចំពោះសកម្មភាពរបស់ពួកគេ លើការការពារអំពើភេរវកម្ម និងសិទ្ធិមនុស្សជាពិសេសចំពោះស្ត្រី ក្មេងស្រី និងអនីតិជន៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

អាមេរិកបើកការវាយប្រហារលើអ៊ីរ៉ង់ បន្ទាប់ពីនាវាដឹកប្រេងត្រូវបានវាយប្រហារនៅច្រកសមុទ្រ Hormuz

ក្រុមជួយសង្រ្គោះ ជម្លៀសភ្ញៀវទេសចរបរទេស អ្នកស្រុក ក្រោយទឹកជំនន់វាយប្រហារទីក្រុង Lonavala របស់ឥណ្ឌា

UN៖ ករណីឆ្លងជំងឺអេបូឡានៅកុងហ្គោ កើនឡើងជាង ១.៥៦០នាក់ ស្របពេលវិបត្តិជម្លៀសខ្លួនកាន់តែអាក្រក់

នាវាដឹកប្រេង ២គ្រឿងរងការវាយប្រហារនៅច្រកសមុទ្រ Hormuz ខណៈមនុស្សរាប់លាននាក់កាន់ទុក្ខលោក Khamenei

រយៈពេល ១ពាន់ថ្ងៃនៃអំពើប្រល័យពូជសាសន៍អ៊ីស្រាអែលនៅតំបន់ហ្កាហ្សា

ការតម្រង់ជួរយ៉ាងវែងនៅតាមស្ថានីយប្រេងក្នុងទីក្រុង Omsk ក្រោយអ៊ុយក្រែនវាយប្រហាររោងចក្រចម្រាញ់ប្រេងធំបំផុតរបស់រុស្ស៊ី

អាមេរិក និងអង្គការណាតូ ប្រកាសកិច្ចព្រមព្រៀងការពារជាតិក្នុងកិច្ចប្រជុំកំពូលនៅទីក្រុង Ankara

ពលរដ្ឋអ៊ីរ៉ង់កាន់បដាគំរាមលោក Trumpនៅពិធីបុណ្យសពអតីតមេដឹកនាំ Khamenei

វិមានក្រឹមឡាំងសង្ឃឹមថា កិច្ចខិតខំសន្តិភាពរបស់អាមេរិកនៅអ៊ុយក្រែន នឹងជោគជ័យ

មនុស្សម្នាក់ស្លាប់ និង ៧នាក់បាត់ខ្លួន ក្រោយបំណាក់ដីនៅរដ្ឋ Kerala ប្រទេសឥណ្ឌា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ភ្លើងឆេះរោងចក្រគីមីសម្លាប់មនុស្ស ១០នាក់នៅប៉ាគីស្ថាន

មនុស្ស ២១នាក់ស្លាប់បន្ទាប់ពីទូកលិចនៅបង់ក្លាដែស

មេដឹកនាំពិភពលោក និងក្រុមតាលីបង់ថ្កោលទោសការវាយប្រហារនៅអាកាសយានដ្ឋានក្រុងកាប៊ុល

លោក Biden ប្ដេជ្ញាតាមប្រមាញ់ខ្មាន់បំផ្ទុះគ្រាប់បែកសម្លាប់ទាហានអាមេរិក ១៣នាក់នៅរដ្ឋធានីកាប៊ុល

អង្គការសហប្រជាជាតិព្រមានថា វិបត្តិស្បៀងអាហារនៅអាហ្វហ្គានីស្ថានជិតកើតឡើងហើយ

សហរដ្ឋអាមេរិក និងចិនបានចោទប្រកាន់គ្នាទៅវិញទៅមកពីបទគំរាមប្រទេសដទៃ

ចិនវាយបកអនុប្រធានាធិបតីអាមេរិកថា ប្រទេសនេះអាត្មានិយមចំពោះបញ្ហាអាហ្វហ្គានីស្ថាន

មេដឹកនាំ G7 ចេញសេចក្ដីថ្លែងការណ៍ស្ដីពីអាហ្វហ្គានីស្ថានដោយជំរុញឲ្យបង្កើតរដ្ឋាភិបាលតំណាង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ភ្លើង​ឆេះ​រោងចក្រ​គីមី​សម្លាប់​មនុស្ស ​១០​នាក់​នៅ​ប៉ា​គី​ស្ថាន​

មនុស្ស ​២១​នាក់​ស្លាប់​បន្ទាប់ពី​ទូក​លិច​នៅ​បង់​ក្លា​ដែ​ស​

មេដឹកនាំ​ពិភពលោក​ និង​ក្រុម​តា​លី​បង់​ថ្កោល​ទោស​ការ​វាយ​ប្រហារ​នៅ​អាកាស​យានដ្ឋាន​ក្រុង​កា​ប៊ុល​

អង្គការសហប្រជាជាតិ​ព្រមាន​ថា​ វិបត្តិ​ស្បៀងអាហារ​នៅ​អា​ហ្វ​ហ្គា​នី​ស្ថាន​ជិត​កើតឡើង​ហើយ

សហរដ្ឋ​អាមេរិក និង​ចិន​បាន​ចោទប្រកាន់​គ្នា​ទៅវិញទៅមក​ពី​បទ​គំរាម​ប្រទេស​ដទៃ​

ចិន​វាយបក​អនុ​ប្រធានាធិបតី​អាមេរិក​ថា ប្រទេស​នេះ​អាត្មានិយម​ចំពោះ​បញ្ហា​អាហ្វហ្គានីស្ថាន​

មេដឹកនាំ G7 ចេញ​សេចក្ដីថ្លែងការណ៍​ស្ដីពី​អា​ហ្វ​ហ្គា​នី​ស្ថាន​ដោយ​ជំរុញ​ឲ្យ​បង្កើត​រដ្ឋាភិបាល​តំណាង​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ភ្លើងឆេះរោងចក្រគីមីសម្លាប់មនុស្ស ១០នាក់នៅប៉ាគីស្ថាន

មនុស្ស ២១នាក់ស្លាប់បន្ទាប់ពីទូកលិចនៅបង់ក្លាដែស

មេដឹកនាំពិភពលោក និងក្រុមតាលីបង់ថ្កោលទោសការវាយប្រហារនៅអាកាសយានដ្ឋានក្រុងកាប៊ុល

អង្គការសហប្រជាជាតិព្រមានថា វិបត្តិស្បៀងអាហារនៅអាហ្វហ្គានីស្ថានជិតកើតឡើងហើយ

សហរដ្ឋអាមេរិក និងចិនបានចោទប្រកាន់គ្នាទៅវិញទៅមកពីបទគំរាមប្រទេសដទៃ

ចិនវាយបកអនុប្រធានាធិបតីអាមេរិកថា ប្រទេសនេះអាត្មានិយមចំពោះបញ្ហាអាហ្វហ្គានីស្ថាន

មេដឹកនាំ G7 ចេញសេចក្ដីថ្លែងការណ៍ស្ដីពីអាហ្វហ្គានីស្ថានដោយជំរុញឲ្យបង្កើតរដ្ឋាភិបាលតំណាង