BTV NEWS

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

ព័ត៌មានសំខាន់ៗ

ពិភពលោកបញ្ចេញប្រតិកម្មពីស្ថានភាពនៅអាហ្វហ្គានីស្ថាន ខណៈពួកតាលីបង់ក្ដោបក្ដាប់រដ្ឋធានីកាប៊ុល

អាហ្វហ្គានីស្ថាន៖ រដ្ឋាភិបាល និងអង្គការអន្តរជាតិនានានៅជុំវិញពិភពលោក បានប្រតិកម្មចំពោះស្ថានការណ៍នៅអាហ្វហ្គានីស្ថាន នៅពេលដែលកងកម្លាំងតាលីបង់បានចូលរដ្ឋធានីកាប៊ុលកាលពីថ្ងៃអាទិត្យ ដោយប្រទេសជាច្រើនកំពុងជម្លៀសបុគ្គលិកការទូត ខណៈប្រទេសផ្សេងទៀតបានប្ដេជ្ញាបន្តប្រតិបត្តិការនៅក្នុងប្រទេស។ខណៈទីភ្នាក់ងារអង្គការសហប្រជាជាតិបានសន្យាថានឹងបន្តនៅអាហ្វហ្គានីស្ថាន អគ្គលេខាធិការអង្គការសហប្រជាជាតិ លោក Antonio Guterres កំពុងតាមដានស្ថានការណ៍ដែលវិវត្តយ៉ាងឆាប់រហ័ស ហើយយោងតាមសេចក្តីប្រកាសព័ត៌មានដែលចេញកាលពីថ្ងៃអាទិត្យ បានជំរុញឱ្យពួកតាលីបង់ និងគ្រប់ភាគីទាំងអស់អនុវត្តការអត់ធ្មត់បំផុត ដើម្បីការពារអាយុជីវិត និងធានាថាតម្រូវការមនុស្សធម៌អាចត្រូវបានដោះស្រាយ។ ជាមួយគ្នានេះដែរ សមាជិកព្រឹទ្ធសភាមកពីគណបក្សសាធារណរដ្ឋអាមេរិក លោកស្រី Liz Cheney បាននិយាយកាលពីថ្ងៃអាទិត្យថា រដ្ឋាភិបាលសហរដ្ឋអាមេរិកបច្ចុប្បន្នក្រោមការដឹកនាំរបស់លោក Joe Biden ក៏ដូចជារដ្ឋបាលអតីតប្រធានាធិបតី Donald Trump នាពេលកន្លងមកគួរតែទទួលខុសត្រូវ ចំពោះការវាយលុកដណ្ដើមអំណាចយ៉ាងឆាប់រហ័ស របស់ពួកតាលីបង់នៅអាហ្វហ្គានីស្ថាន។នាយករដ្ឋមន្ត្រីអង់គ្លេស លោក Boris Johnson បានជួបប្រជុំគណៈកម្មការគ្រាអាសន្ន ស្ដីពីការវិវត្តចុងក្រោយនៅអាហ្វហ្គានីស្ថានកាលពីរសៀលថ្ងៃអាទិត្យ ហើយលោកបានជំរុញឱ្យប្រឆាំងនឹងការទទួលស្គាល់ឯកតោភាគីថា តាពួកលីបង់ជារដ្ឋាភិបាលអាហ្វហ្គានីស្ថាន។ អាល្លឺម៉ង់បានបិទស្ថានទូតរបស់ខ្លួននៅរដ្ឋធានីកាប៊ុល ហើយបាននិយាយថា ខ្លួនបាននឹងកំពុងបន្តកិច្ចខិតខំប្រឹងប្រែងដើម្បីជម្លៀសពលរដ្ឋរបស់ខ្លួន។ ប្រេសិតពិសេសរបស់ប្រធានាធិបតីរុស្ស៊ី Vladimir Putin ប្រចាំប្រទេសអាហ្វហ្គានីស្ថាន លោក Zamir Kabulov បានប្រាប់ប្រព័ន្ធផ្សព្វផ្សាយ Ekho Moskvy កាលពីថ្ងៃចន្ទថា ប្រទេសរុស្ស៊ីនឹងដកបុគ្គលិកប្រហែល ១០០នាក់ជាបន្ទាន់ពីស្ថានទូតរបស់ខ្លួននៅអាហ្វហ្គានីស្ថាន។ ចំណែកទួរគីបាននិយាយថា ខ្លួននឹងរក្សាស្ថានទូតរបស់ខ្លួននៅរដ្ឋធានីកាប៊ុល ហើយបន្តផ្តល់ជំនួយដល់ពលរដ្ឋរបស់ខ្លួននៅក្នុងប្រទេសដែលចង់ចាកចេញ។ រីឯរដ្ឋមន្ត្រីការបរទេសចិនបានរិះគន់អាមេរិក ដែលដកខ្លួនចេញពីអាហ្វហ្គានីស្ថានតក់ក្រហល់ពេក៕អត្ថបទ៖ សុខមាន

អ្នកស្លាប់ដោយសារទឹកជំនន់នៅទួរគីបានកើនឡើងដល់ ៧៧នាក់ និង ៤៧នាក់បាត់ខ្លួន

ទួរគី៖ មនុស្សយ៉ាងហោចណាស់ ៧៧នាក់បានស្លាប់ ហើយបុគ្គលិកសង្គ្រោះបន្ទាន់បន្តស្វែងរកមនុស្ស ៤៧នាក់ផ្សេងទៀតដែលបាត់ខ្លួន បន្ទាប់ពីទឹកជំនន់ដ៏គំហុកបានហូរកាត់ខេត្តនានាក្នុងតំបន់សមុទ្រខ្មៅរបស់ទួរគី។ទឹកជំនន់កាលពីសប្តាហ៍មុនបាននាំមកនូវភាពច្របូកច្របល់ ស្របពេលដែលទឹកភ្លៀងបានហូរកួចរថយន្តរាប់សិបគ្រឿង និងកម្ទេចកំទីជាច្រើននៅតាមដងផ្លូវ បំផ្លាញអគារ និងស្ពាន បិទផ្លូវ និងខូចខាតហេដ្ឋារចនាសម្ព័ន្ធអគ្គិសនី។ នាយកគ្រប់គ្រងគ្រោះមហន្តរាយ និងគ្រាអាសន្ន (AFAD) បាននិយាយកាលពីថ្ងៃចន្ទថា មនុស្ស ៦២នាក់បានស្លាប់ដោយសារគ្រោះទឹកជំនន់នៅខេត្ត Kastamonu។ មនុស្ស ១៤នាក់ផ្សេងទៀតបានស្លាប់នៅខេត្ត Sinop និងម្នាក់នៅខេត្ត Bartin។មនុស្សចំនួន ៤៧នាក់ត្រូវបានគេរាយការណ៍ថាបានបាត់ខ្លួននៅក្នុងខេត្ត Kastamonu និងខេត្ត Sinop។ នាយកគ្រប់គ្រងគ្រោះមហន្តរាយ និងគ្រាអាសន្នបាននិយាយថា បុគ្គលិកប្រហែល ៨.០០០នាក់ដែលគាំទ្រដោយសុនខសង្គ្រោះចំនួន ២០ក្បាលបានចូលរួមក្នុងកិច្ចខិតខំប្រឹងប្រែងជួយសង្គ្រោះ និងជំនួយ៕អត្ថបទ៖ សុខមាន

មនុស្ស ៧នាក់ស្លាប់ ខណៈរាប់ពាន់នាក់សម្រុកទៅកាន់អាកាសយានដ្ឋានក្រុងកាប៊ុលគេចពីពួកតាលីបង់

អាហ្វហ្គានីស្ថាន៖ មនុស្ស ៧នាក់ត្រូវគេរាយការណ៍ថាបានស្លាប់ ខណៈភាពច្របូកច្របល់បានផ្ទុះឡើងនៅអាកាសយានដ្ឋានរដ្ឋធានីកាប៊ុលកាលពីថ្ងៃចន្ទ ដោយមានប្រជាពលរដ្ឋអាហ្វហ្គានីស្ថានក្នុងភាពអស់សង្ឃឹមកំពុងព្យាយាមរត់គេច ចេញពីរបបគ្រប់គ្រងរបស់ពួកបះបោរតាលីបង់។សារព័ត៌មាន The Wall Street Journal បានរាយការណ៍ថា មានអំពើហិង្សាបានផ្ទុះឡើងនៅឯព្រលានយន្តហោះកាប៊ុល ខណៈពលរដ្ឋព្យាយាមគេចពីពួកតាលីបង់។ ទាំងកងទ័ពអាមេរិក និងក្រុមអ្នកប្រយុទ្ធតាលីបង់បានបាញ់ឡើងលើអាកាស ខណៈហ្វូងមនុស្សអស់សង្ឃឹមបានប្រញាប់ប្រញាល់ទៅទីនោះ ដោយសង្ឃឹមថានឹងបានឡើងជិះជើងហោះហើរស៊ីវិល ដែលភាគច្រើនត្រូវបានលុបចោល។ អ្នកផ្សេងទៀតបង្វែរទិសដៅទៅកាន់ផ្នែកយោធា នៃអាកាសយានដ្ឋានដែលរដ្ឋាភិបាលអាមេរិក អង់គ្លេស និងរដ្ឋាភិបាលបរទេសដទៃទៀតកំពុងដឹកជនជាតិរបស់ពួកគេ ក៏ដូចជាជនជាតិអាហ្វហ្គានីស្ថានមួយចំនួន ដែលបានធ្វើការឱ្យពួកគេចេញពីប្រទេសនេះ។ ជនជាតិអាហ្វហ្គានីស្ថានរាប់ពាន់នាក់ បានធ្វើដំណើរទៅកាន់អាកាសយានដ្ឋានដោយអស់សង្ឃឹម ដោយអ្នកខ្លះតោងជាប់នឹងយន្តហោះដឹកជញ្ជូនយោធាអាមេរិក នៅពេលដែលយន្តហោះចេញដំណើរលើផ្លូវរត់។ ក្រោយមកវីដេអូបានបង្ហាញថា មនុស្សបានធ្លាក់ពីយន្តហោះតែមួយបន្ទាប់ពីបានហោះឡើង។ស្របពេលមានភាពច្របូកច្របល់ កងទ័ពអាមេរិកបានបាញ់ឡើងលើអាកាសដើម្បីរារាំងមនុស្ស ដែលព្យាយាមប្រជ្រៀតយកផ្លូវឆ្ពោះទៅជើងហោះហើរយោធាមួយ ដែលបានជម្លៀសអ្នកការទូតអាមេរិក និងបុគ្គលិកស្ថានទូត។ ដំបូងឡើយមនុស្ស ៥នាក់ត្រូវបានគេរាយការណ៍ថាបានស្លាប់។ សាក្សីម្នាក់បាននិយាយថា វាមិនច្បាស់ទេ ថាតើពួកគេត្រូវបានបាញ់សម្លាប់ ឬស្លាប់នៅក្នុងការរត់ជាន់គ្នា។ មន្ត្រីអាមេរិកម្នាក់ក៏បាននិយាយផងដែរថា ខ្មាន់កាំភ្លើង ២នាក់ត្រូវបានសម្លាប់ដោយកងកម្លាំងអាមេរិកក្នុងរយៈពេល ២៤ម៉ោងចុងក្រោយនេះ។ អ្នកនាំពាក្យមន្ទីរបញ្ចកោណបាននិយាយថា មានការចង្អុលបង្ហាញថា ទាហានអាមេរិកម្នាក់បានរងរបួស៕អត្ថបទ៖ សុខមាន

នាយករដ្ឋមន្ត្រីម៉ាឡេស៊ីលាលែងពីតំណែងបន្ទាប់ពីចូលគាល់ព្រះមហាក្សត្រនៅថ្ងៃនេះ

ម៉ាឡេស៊ី៖ នាយករដ្ឋមន្ត្រីម៉ាឡេស៊ី លោក Muhyiddin Yassin បានថ្វាយលិខិតលាលែងតំណែងរបស់លោកដល់ព្រះមហាក្សត្រនៅថ្ងៃចន្ទនេះ ដោយក្លាយជាមេដឹកនាំដែលកាន់អំណាចខ្លីបំផុតបន្ទាប់ពីបានសារភាពថា លោកបាត់បង់ការគាំទ្រសំឡេងភាគច្រើនក្នុងការដឹកនាំរដ្ឋាភិបាល។រដ្ឋមន្ត្រីក្រសួងវិទ្យាសាស្ត្រ លោក Khairy Jamaluddin បានសរសេរនៅលើ Instagram ថា ''គណៈរដ្ឋមន្ត្រីបានដាក់សំណើសុំលាលែងពីតំណែងរបស់យើង'' ដល់ព្រះមហាក្សត្រភ្លាមៗ បន្ទាប់ពីលោក Muhyiddin បានចាកចេញពីរាជវាំងក្រោយគាល់ព្រះមហាក្សត្រ។ ការចាកចេញរបស់លោក Muhyidddin កើតឡើងតិចជាង ១៨ខែបន្ទាប់ពីចូលកាន់តំណែង ហើយនឹងធ្វើឱ្យប្រទេសធ្លាក់ក្នុងវិបត្តិថ្មី ស្របពេលមានជំងឺរាតត្បាតសកលកាន់តែធ្ងន់ធ្ងរ។ មេដឹកនាំនយោបាយបានចាប់ផ្ដើមប្រទាំងប្រទើសគ្នារួចទៅហើយ សម្រាប់តំណែងកំពូលដោយឧបនាយករដ្ឋមន្ត្រីរបស់លោកគឺលោក Ismail Sabri ប្រមូលការគាំទ្រដើម្បីស្នងតំណែងពី លោក Muhyiddin និងរក្សារដ្ឋាភិបាលឱ្យនៅដដែល៕អត្ថបទ៖ សុខមាន

នាយករដ្ឋមន្ត្រីអង់គ្លេស៖ គ្មាននរណាម្នាក់គួរទទួលស្គាល់ទ្វេភាគីថា តាលីបង់ជារដ្ឋាភិបាលអាហ្វហ្គានីស្ថានឡើយ

អង់គ្លេស៖ លោកនាយករដ្ឋមន្ត្រីចក្រភពអង់គ្លេស Boris Johnson បាននិយាយកាលពីថ្ងៃអាទិត្យថា គ្មាននរណាម្នាក់គួរទទួលស្គាល់ទ្វេភាគីថា តាលីបង់ជារដ្ឋាភិបាលអាហ្វហ្គានីស្ថានឡើយ។ សេចក្ដីថ្លែងការណ៍របស់លោកបានកើតឡើងប៉ុន្មានម៉ោង បន្ទាប់ពីពួកតាលីបង់បានកាន់កាប់ភាគច្រើននៃប្រទេសអាហ្វហ្គានីស្ថាន ដែលហែកហួរដោយសង្គ្រាម។លោក Boris Johnson បាននិយាយនៅក្នុងឃ្លីបសម្ភាសន៍មួយថា យើងមិនចង់ឲ្យនរណាម្នាក់ទទួលស្គាល់ពួកតាលីបង់ជាទ្វេភាគីទេ ដោយទទូចឱ្យប្រទេសលោកខាងលិចរួមគ្នាលើបញ្ហានៅអាហ្វហ្គានីស្ថាន តាមរយៈយន្តការដូចជាអង្គការសហប្រជាជាតិ និងណាតូជាដើម។ លោកបានសារភាពថា ការសម្រេចចិត្តរបស់អាមេរិកក្នុងការដកខ្លួនចេញពីប្រទេសនេះបាន “ពន្លឿនអ្វីៗគ្រប់យ៉ាង” នៅក្នុងប្រទេសអាហ្វហ្គានីស្ថាន ប៉ុន្តែបាននិយាយថា “យើងបានដឹងជាយូរមកហើយថា រឿងរ៉ាវនឹងក្លាយជាបែបនេះ។លោកបានបន្ថែមថា យើងចង់បានជំហររួបរួមមួយក្នុងចំណោមអ្នកដែលមានគំនិតដូចគ្នា តាមដែលយើងអាចទទួលបាន ដូច្នេះយើងធ្វើអ្វីគ្រប់យ៉ាងដែលយើងអាចធ្វើបាន ដើម្បីទប់ស្កាត់អាហ្វហ្គានីស្ថានកុំឲ្យវិលត្រឡប់ ទៅរកជំរំបង្កកំណើតភេរវកម្មឡើងវិញ។ ទីភ្នាក់ងារសារព័ត៌មានរដ្ឋ RIA បានរាយការណ៍ថា ដោយឡែកកាលពីថ្ងៃអាទិត្យ ប្រទេសរុស្ស៊ីបាននិយាយថា ខ្លួនមិនទាន់ទទួលស្គាល់ក្រុមបះបោរតាលីបង់ថា ជាអាជ្ញាធរស្របច្បាប់ថ្មីរបស់អាហ្វហ្គានីស្ថាននោះទេ៕អត្ថបទ៖ សុខមាន

ប្រធានាធិបតីអាហ្វហ្គានីស្ថានភៀសខ្លួនចេញពីប្រទេស ខណៈអាមេរិកប្រញាប់ប្រញាល់ចាកចេញពេលពួកតាលីបង់គ្រប់គ្រងអំណាច

អាហ្វហ្គានីស្ថាន៖ ប្រធានាធិបតីអាហ្វហ្គានីស្ថានបានរត់ភៀសខ្លួនចេញពីប្រទេសកាលពីថ្ងៃអាទិត្យ ខណៈក្រុមតាលីបង់ និងក្រុមយុទ្ធជនរបស់ខ្លួននៅរដ្ឋធានីកាប៊ុលឈានដល់ការដណ្ដើមអំណាចនយោបាយ។២០ឆ្នាំបន្ទាប់ពីបានផ្តួលរំលំរបបសកម្មប្រយុទ្ធ អាមេរិកដែលបានប្រញាប់ប្រញាល់ចាកចេញពីប្រទេស បន្ទាប់ពីការបាត់បង់ជីវិតជនជាតិអាមេរិករាប់ពាន់នាក់ និងប្រាក់រាប់ពាន់លានដុល្លារ បានបរាជ័យក្នុងការនាំមកនូវលទ្ធិប្រជាធិបតេយ្យយូរអង្វែង។ ការចាកចេញរបស់ប្រធានាធិបតី Ashraf Ghani និងការជម្លៀសបុគ្គលិកទាំងអស់ចេញពីស្ថានទូតអាមេរិកភ្លាមៗ បន្ទាប់ពីការវាយលុករបស់ពួកតាលីបង់យ៉ាងឆាប់រហ័សនៅទូទាំងប្រទេស ដែលនាំមកនូវការបញ្ចប់ដ៏អាម៉ាស់ចំពោះវត្តមានយោធាអាមេរិក បន្ទាប់ពីពីរទសវត្សរ៍មកនេះ។ ក្រោយមកវីដេអូដែលផ្សាយដោយសារព័ត៌មាន Al Jazeera បានបង្ហាញពីរូបភាពយុទ្ធជនតាលីបង់ប្រដាប់ដោយអាវុធ នៅខាងក្នុងវិមានប្រធានាធិបតីកំពុងអង្គុយលើកៅអី កាន់កាំភ្លើងដើរជុំវិញ និងថតរូបឲ្យគ្នាទៅវិញទៅមក។លោក Abdullah Abdullah ប្រធានក្រុមប្រឹក្សាជាតិផ្សះផ្សាជាតិអាហ្វហ្គានីស្ថាន បានបញ្ជាក់ពីរបាយការណ៍ដែលថា លោក Ghani បានចាកចេញពីអាហ្វហ្គានីស្ថាន។ ក្រុមការងាររបស់លោក Ghani បានបញ្ជាក់ពីការចាកចេញរបស់លោកទៅកាន់ស្ថានីយទូរទស្សន៍ CNBC។ នៅក្នុងសេចក្ដីថ្លែងការណ៍មួយដែលត្រូវបានបង្ហោះនៅលើទំព័រ Facebook ផ្លូវការរបស់លោក លោក Ghani ដែលបាននិយាយថា លោកចាកចេញពីអាហ្វហ្គានីស្ថានដើម្បីចៀសវាងការបង្ហូរឈាម មិនបានបញ្ជាក់ពីទីតាំង ឬទិសដៅរបស់លោកទេ៕អត្ថបទ៖ សុខមាន

ទឹកជំនន់ និងបំណាក់ដីធ្ងន់ធ្ងរនៅប្រទេសទួរគីភាគខាងជើងសម្លាប់មនុស្ស ១៧នាក់

ទួរគី៖ ក្រុមអាជ្ញាធរទួរគីបាននិយាយកាលពីថ្ងៃព្រហស្បតិ៍ថា ចំនួនអ្នកស្លាប់ដោយសារទឹកជំនន់ និងបំណាក់ដីធ្ងន់ធ្ងរដែលបានវាយប្រហារប្រទេសនៅភាគខាងជើងបានកើនឡើងដល់ ១៧នាក់ និងម្នាក់ត្រូវគេរាយការថាកំពុងបាត់ខ្លួន។ភ្លៀងធ្លាក់ខ្លាំងបង្កឱ្យមានទឹកជំនន់ធ្ងន់ធ្ងរ និងបំណាក់ដីនៅឆ្នេរសមុទ្រខ្មៅ។ ទឹកជំនន់បានវាយលុកបណ្ដាខេត្តជាប់ឆ្នេរសមុទ្រដូចជាខេត្ត Bartin, Kastamonu, Sinop, និងខេត្ត Samsun កាលពីថ្ងៃពុធដោយបំផ្លាញផ្ទះសម្បែង និងស្ពាន និងហូរកួចរថយន្តតាមទឹកជំនន់។ ឧទ្ធម្ភាគចក្រក៏ត្រូវបានបញ្ជូនដើម្បីជួយសង្គ្រោះមនុស្សជាច្រើន ដែលជាប់នៅលើដំបូលផ្ទះផងដែរ។ ប្រធានគ្រប់គ្រងគ្រោះមហន្តរាយ និងគ្រាអាសន្នរបស់ប្រទេស (AFAD) បានបញ្ជាក់ថា ក្រុមអ្នកជួយសង្គ្រោះបានរកឃើញសាកសពជនរងគ្រោះយ៉ាងតិច ១៥នាក់នៅក្នុងខេត្ត Kastamonu ជាតំបន់រងផលប៉ះពាល់ធ្ងន់ធ្ងរបំផុត ជាទីដែលអគារមួយនៅទីក្រុង Bozkurt បានបាក់រលំ។យោធាបាននិយាយថា នៅក្នុងខេត្ត Bartin មនុស្សយ៉ាងតិច ១៣នាក់បានរងរបួសនៅពេលដែលផ្នែកមួយនៃស្ពានបានបាក់។ ឧទ្ធម្ភាគចក្ររបស់កងកម្លាំងប្រដាប់អាវុធទួរគី បានលើកសណ្ដោងមនុស្ស ៨០នាក់ទៅកាន់តំបន់សុវត្ថិភាព៕អត្ថបទ៖ សុខមាន

WHO ជំរុញប្រទេសចិនឲ្យចែករំលែកទិន្នន័យទាំងអស់ស្ដីពីការឆ្លងវីរុស COVID-19 ដំបូង

WHO៖ អង្គការសុខភាពពិភពលោក (WHO) កាលពីថ្ងៃព្រហស្បតិ៍ ទី១២ ខែសីហាបានជំរុញឱ្យប្រទេសចិនចែករំលែកទិន្នន័យទាំងអស់ពីករណីឆ្លងជំងឺ COVID-19 ដំបូងបំផុតដើម្បីធ្វើការស៊ើបអង្កេតឡើងវិញពីប្រភពដើមនៃជំងឺរាតត្បាតសកលនេះ និងបញ្ចេញព័ត៌មានដើម្បីដោះស្រាយបញ្ហា ទ្រឹស្ដីលេចធ្លាយចេញពីមន្ទីរពិសោធន៍ដ៏ចម្រូងចម្រាស។អង្គការសុខភាពពិភពលោកបានសង្កត់ធ្ងន់ថា វាមានសារៈសំខាន់ខ្លាំងណាស់ក្នុងការរកឲ្យឃើញប្រភពដើម នៃជំងឺរាតត្បាតដ៏កាចសាហាវបំផុតក្នុងរយៈពេល ១សតវត្សរ៍ដែលបានសម្លាប់មនុស្សយ៉ាងតិចជាង ៤លាន ៣សែននាក់ និងធ្វើឱ្យប៉ះពាល់ដល់សេដ្ឋកិច្ចពិភពលោក ចាប់តាំងពីវីរុសនេះត្រូវបានរកឃើញដំបូងនៅទីក្រុងអ៊ូហាន ប្រទេសចិនកាលពីខែធ្នូ ឆ្នាំ២០១៩ កន្លងទៅ។ ដោយប្រឈមទៅនឹងការវាយបកទៅនឹងការរិះគន់ពីទីក្រុងប៉េកាំង ទីភ្នាក់ងារសុខភាពរបស់អង្គការសហប្រជាជាតិបានអំពាវនាវសុំឱ្យផ្តល់ “ទិន្នន័យទាំងអស់ និងចូលទៅគ្រប់កន្លែងតាមតម្រូវការ ដើម្បីឱ្យការសិក្សាជាបន្តបន្ទាប់អាចត្រូវបានចាប់ផ្តើមបានឆាប់បំផុត។បន្ទាប់ពីការពន្យារពេលជាច្រើន ក្រុមអ្នកជំនាញអន្តរជាតិរបស់អង្គការសុខភាពពិភពលោក បានទៅទីក្រុងទីក្រុងហានកាលពីខែមករា ឆ្នាំ២០២១ ដើម្បីផលិតរបាយការណ៍ដំណាក់កាលដំបូង ដែលត្រូវបានសរសេររួមគ្នាជាមួយសមភាគីចិនរបស់ពួកគេ៕អត្ថបទ៖ សុខមាន

មនុស្ស ៦នាក់ស្លាប់រួមទាំងជនសង្ស័យក្នុងការបាញ់ប្រហារនៅអង់គ្លេស តែមិនពាក់ព័ន្ធនឹងភេរវកម្មទេ

អង់គ្លេស៖ មនុស្ស ៦នាក់បានស្លាប់រួមទាំងជនសងសង្ស័យម្នាក់ ក្រោយការបាញ់ប្រហារនៅទីក្រុង Plymouth ចក្រភពអង់គ្លេសកាលពីយប់ថ្ងៃព្រហស្បតិ៍។ នគរបាលបានឆ្លើយតបទៅនឹង “ឧបទ្ទវហេតុប្រដាប់អាវុធធ្ងន់ធ្ងរ” នៅក្នុងតំបន់ Keyham នៃទីក្រុងនៅភាគនិរតីចក្រភពអង់គ្លេសនៅម៉ោងប្រហែល ៦និង ១០នាទីល្ងាច នេះបើយោងតាមនគរបាលស្រុក Devon និងស្រុក Cornwall។នគរបាលបាននិយាយថា នៅពេលពួកគេទៅដល់ ពួកគេបានរកឃើញបុរសពីរនាក់ និងស្ត្រីពីរនាក់បានស្លាប់ដោយសាររបួសគ្រាប់កាំភ្លើង។ ពួកគេក៏បានរកឃើញបុរសម្នាក់ដែលគេជឿថា ជាអ្នកបាញ់សម្លាប់នៅកន្លែងកើតហេតុផងដែរ។ អ្នកទាំង ៥ ត្រូវបានប្រកាសថាស្លាប់ដោយសាររបួសគ្រាប់កាំភ្លើង។ នគរបាលបាននិយាយថា ស្ត្រីទី៣ ម្នាក់ត្រូវត្រូវបានបញ្ជូនទៅមន្ទីរពេទ្យក្នុងតំបន់តែក្រោយមកក៏បានស្លាប់ដែរ។នគរបាលបាននិយាយថា សាច់ញាតិរបស់អ្នកស្លាប់ទាំងអស់ត្រូវបានជូនដំណឹង។ នគរបាលមិនបាននិយាយថា ជនសង្ស័យស្លាប់ដោយរបៀបនោះទេ ប៉ុន្តែគេបានស្លាប់មុនពេលកម្លាំងនគរបាលទៅដល់។ ឈ្មោះ និងអាយុរបស់ជនរងគ្រោះមិនត្រូវបានបញ្ចេញនោះទេ៕ អត្ថបទ៖ សុខមាន

មណ្ឌលចាក់វ៉ាក់សាំងបង្ការជំងឺ COVID-19 នៅហ្វីលីពីនបើក ២៤ម៉ោង ខណៈវីរុស Delta គំរាមខ្លាំង

ហ្វីលីពីន៖ មជ្ឈមណ្ឌលចាក់វ៉ាក់សាំងបង្ការនៅទូទាំងរដ្ឋធានីម៉ានីល ប្រទេសហ្វីលីពីន កំពុងព្យាយាមបង្កើនល្បឿនអត្រាចាក់វ៉ាក់សាំងរួមទាំងការបើក ២៤ម៉ោងលើ ២៤ម៉ោងដើម្បីជួយប្រយុទ្ធប្រឆាំងនឹងការកើនឡើងយ៉ាងខ្លាំងនៃការឆ្លងវីរុស COVID-19 ដែលទាក់ទងទៅនឹងការរីករាលដាលនៃវីរុសបម្លែងខ្លួនថ្មី Delta ដែលមានសមត្ថភាពឆ្លងខ្លាំង។ដោយមានត្រឹមជាង ១០% នៃប្រជាជនសរុបជាង ១១០លាននាក់របស់ប្រទេសនេះបានចាក់វ៉ាក់សាំងពេញលេញ ឬគ្រប់ចំនួនដូស មនុស្សរាប់លាននាក់នៅតែងាយរងគ្រោះដោយសារការឆ្លងជំងឺនេះ ស្របពេលមានកិច្ចខិតខំប្រឹងប្រែងក្នុងការចាក់វ៉ាក់សាំងឲ្យបាន ៧០លាននាក់មុនដំណាច់ឆ្នាំនេះ។ ចលនាប្រជាពលរដ្ឋនៅតំបន់ Metro Manila ដែលមានទីក្រុងចំនួន ១៦ មានប្រជាជនជាង ១៣លាននាក់រស់នៅ ត្រូវបានរឹតត្បិតដើម្បីព្យាយាមទប់ស្កាត់ការឆ្លងរាលដាលវីរុសបម្លែងខ្លួនថ្មី ដែលត្រូវបានរកឃើញដំបូងនៅក្នុងប្រទេសឥណ្ឌា។ លោក Salvador Camacho វ័យ ៧១ឆ្នាំបានអស់ក្ដីកង្វល់ពីផលប៉ះពាល់ដំបូងរបស់លោក ហើយបានសម្រេចចិត្តចាក់វ៉ាក់សាំង នៅពេលមណ្ឌលចាក់វ៉ាក់សាំងមួយក្នុងចំណោមមជ្ឈមណ្ឌលចាក់វ៉ាក់សាំងបើក ២៤ម៉ោងលើ ២៤ម៉ោងជាច្រើនបានបើកសម្រាប់ការណាត់ជួបទាំងយប់។លោក Joan Carbonell ដែលធ្វើការជាប្រធានគ្រប់គ្រងនៅមជ្ឈមណ្ឌលចាក់វ៉ាក់សាំង នៅរដ្ឋធានីម៉ានីលបាននិយាយថា ការសម្រេចចិត្តធ្វើឡើងដោយមជ្ឈមណ្ឌលមួយចំនួនដើម្បីបើកនៅពេលយប់ ក៏ដើម្បីកំណតចំនួនមនុស្សនៅពេលព្រឹកផងដែរ ខណៈដែលប្រជាពលរដ្ឋប្រញាប់ប្រញាល់ទៅទទួលវ៉ាក់សាំង។ គិតត្រឹមព្រឹកថ្ងៃព្រហស្បតិ៍នេះ ប្រទេសហ្វីលីពីនមានករណីឆ្លងជំងឺ COVID-19 ចំនួន ១,៦៨៨,០៤០នាក់ និងស្លាប់សរុបចំនួន ២៩,៣៧៤នាក់៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

អ៊ីរ៉ង់ រិះគន់ការរំលោភលើ MoU របស់អាមេរិក ខណៈការផ្ទុះបានធ្វើឱ្យរញ្ជួយដល់ទីក្រុងជាច្រើន

មេដឹកនាំអ៊ុយក្រែន៖ ណាតូ គួរតែអនុញ្ញាតឱ្យទីក្រុងគីវ ចូលរួមដើម្បីធ្វើឱ្យក្រុមប្រទេសទាំងអស់កាន់តែរឹងមាំ

ស្វ៊ីស ឈ្នះកូឡុំប៊ីដោយបាល់ ១១ម៉ែត្រកាត់សេចក្តីឡើងវគ្គ ៨ ក្រុមចុងក្រោយ World Cup លើកដំបូងក្នុងរយៈពេល ៧២ ឆ្នាំ

លោកTrump៖ អាមេរិកនឹងដកទណ្ឌកម្មលើប្រទេសទួរគី ហើយអាចលក់យន្តហោះចម្បាំង F-35

អាហ្សង់ទីន វាយបកយកឈ្នះអេហ្ស៊ីបមិនគួរឱ្យជឿឡើងវគ្គ៨ ក្រុមចុងក្រោយ World Cup 2026

វិមានក្រឹមឡាំងនិយាយថា រុស្ស៊ីកំពុងតាមដានកិច្ចប្រជុំកំពូលណាតូយ៉ាងដិតដល់

តម្លៃប្រេងរបស់សហរដ្ឋអាមេរិក បានកើនឡើងបន្ទាប់ពីយោធាប្រទេសនេះបើកការវាយប្រហារលើប្រទេសអ៊ីរ៉ង់

ណាតូ បង្ហាញកិច្ចព្រមព្រៀងអាវុធតម្លៃរាប់សិបពាន់លានដុល្លារ ខណៈលោក Trump មានអារម្មណ៍ខកចិត្ត

សម្តេចតេជោ ហ៊ុន សែន បន្តជួបសំណេះសំណាលជាមួយក្រុមប្រឹក្សា និងមន្ត្រីនៃមន្ទីរអង្គភាពនានាជុំវិញខេត្តរតនគិរី

អាមេរិកបើកការវាយប្រហារលើអ៊ីរ៉ង់ បន្ទាប់ពីនាវាដឹកប្រេងត្រូវបានវាយប្រហារនៅច្រកសមុទ្រ Hormuz

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ពិភពលោកបញ្ចេញប្រតិកម្មពីស្ថានភាពនៅអាហ្វហ្គានីស្ថាន ខណៈពួកតាលីបង់ក្ដោបក្ដាប់រដ្ឋធានីកាប៊ុល

អ្នកស្លាប់ដោយសារទឹកជំនន់នៅទួរគីបានកើនឡើងដល់ ៧៧នាក់ និង ៤៧នាក់បាត់ខ្លួន

មនុស្ស ៧នាក់ស្លាប់ ខណៈរាប់ពាន់នាក់សម្រុកទៅកាន់អាកាសយានដ្ឋានក្រុងកាប៊ុលគេចពីពួកតាលីបង់

នាយករដ្ឋមន្ត្រីម៉ាឡេស៊ីលាលែងពីតំណែងបន្ទាប់ពីចូលគាល់ព្រះមហាក្សត្រនៅថ្ងៃនេះ

ទឹកជំនន់ និងបំណាក់ដីធ្ងន់ធ្ងរនៅប្រទេសទួរគីភាគខាងជើងសម្លាប់មនុស្ស ១៧នាក់

WHO ជំរុញប្រទេសចិនឲ្យចែករំលែកទិន្នន័យទាំងអស់ស្ដីពីការឆ្លងវីរុស COVID-19 ដំបូង

មនុស្ស ៦នាក់ស្លាប់រួមទាំងជនសង្ស័យក្នុងការបាញ់ប្រហារនៅអង់គ្លេស តែមិនពាក់ព័ន្ធនឹងភេរវកម្មទេ

មណ្ឌលចាក់វ៉ាក់សាំងបង្ការជំងឺ COVID-19 នៅហ្វីលីពីនបើក ២៤ម៉ោង ខណៈវីរុស Delta គំរាមខ្លាំង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អ្នក​ស្លាប់​ដោយសារ​ទឹកជំនន់​នៅ​ទួរគី​បាន​កើន​ឡើង​ដល់ ​៧៧​នាក់ និង​ ៤៧​នាក់​បាត់​ខ្លួន

នាយករដ្ឋមន្ត្រី​ម៉ាឡេស៊ី​លាលែង​ពី​តំណែង​បន្ទាប់ពី​ចូល​គាល់​ព្រះមហាក្សត្រ​នៅ​ថ្ងៃ​នេះ​

ទឹកជំនន់​ និង​បំណាក់​ដី​ធ្ងន់ធ្ងរ​នៅ​ប្រទេស​ទួរគី​ភាគ​ខាងជើង​សម្លាប់​មនុស្ស​ ១៧នាក់

WHO ជំរុញ​ប្រទេស​ចិន​ឲ្យ​ចែករំលែក​ទិន្នន័យ​ទាំងអស់​ស្ដីពី​ការ​ឆ្លង​វីរុស ​COVID-19 ដំបូង​

មណ្ឌល​ចាក់​វ៉ាក់សាំង​បង្ការ​ជំងឺ COVID-19 នៅ​ហ្វីលីពីន​បើក​ ២៤​ម៉ោង ខណៈ​វីរុស Delta គំរាម​ខ្លាំង​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អ្នកស្លាប់ដោយសារទឹកជំនន់នៅទួរគីបានកើនឡើងដល់ ៧៧នាក់ និង ៤៧នាក់បាត់ខ្លួន

នាយករដ្ឋមន្ត្រីម៉ាឡេស៊ីលាលែងពីតំណែងបន្ទាប់ពីចូលគាល់ព្រះមហាក្សត្រនៅថ្ងៃនេះ

ទឹកជំនន់ និងបំណាក់ដីធ្ងន់ធ្ងរនៅប្រទេសទួរគីភាគខាងជើងសម្លាប់មនុស្ស ១៧នាក់

WHO ជំរុញប្រទេសចិនឲ្យចែករំលែកទិន្នន័យទាំងអស់ស្ដីពីការឆ្លងវីរុស COVID-19 ដំបូង

មណ្ឌលចាក់វ៉ាក់សាំងបង្ការជំងឺ COVID-19 នៅហ្វីលីពីនបើក ២៤ម៉ោង ខណៈវីរុស Delta គំរាមខ្លាំង