BTV NEWS

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

ព័ត៌មានសំខាន់ៗ

ភ្លើងឆេះព្រៃរដ្ឋ Oregon អាចបន្តរហូតដល់រដូវស្លឹកឈើជ្រុះ ខណៈរដូវភ្លើងឆេះព្រៃកាន់តែធ្ងន់ធ្ងរ

អាមេរិក៖ តំបន់ជាច្រើននៅភាគខាងលិចសហរដ្ឋអាមេរិក នឹងបន្តរហូតដល់ចុងសប្ដាហ៍ ខណៈភ្លើងឆេះព្រៃចំនួន ៩កន្លែងទៀតត្រូវបានគេរាយការណ៍កាលពីថ្ងៃសៅរ៍នៅក្នុងរដ្ឋ California, Idaho, Montana និងរដ្ឋ Oregon។ភ្លើងឆេះចំនួន ៨៧កន្លែងនៅតែបន្តឆេះនៅក្នុងរដ្ឋចំនួន ១៣លើផ្ទៃដីជាង ៦៨ម៉ឺន ៧ពាន់ហិចតា។ ដែលឆេះសរុបចំនួន ១,២១៤,០៥៦ហិចតាចាប់តាំងពីភ្លើងបានឆេះកាលពីដើមឆ្នាំ២០២១ ដែលក្រុមអ្នកជំនាញព្យាករណ៍ថានឹងជារដូវភ្លើងឆេះដ៏មហន្តរាយ។ នៅរដ្ឋ Oregon ភាគខាងត្បូងភ្លើងឆេះព្រៃ Bootleg Fire បានក្លាយជាភ្លើងឆេះដ៏ធំបំផុតនៅក្នុងប្រទេស។ ផ្ទៃដីទំហំរាប់ពាន់ហិចតាត្រូវបានពន្លត់ក្នុងអត្រា ៥៦% គិតត្រឹមយប់ថ្ងៃសៅរ៍។ ភ្នាក់ងារព្រៃឈើអាមេរិកកំពុងព្យាករណ៍ពីការឆេះធ្ងន់ធ្ងរ ដោយសារកត្តាអាកាសធាតុនៅចុងសប្តាហ៍នេះនៅក្នុងតំបន់ភ្លើងឆេះព្រៃ Bootleg Fire។ស្ថានភាពគ្រោះរាំងស្ងួតរួមជាមួយសំណើមតិច និងខ្យល់បក់ខ្លាំងអាចបង្កើនសកម្មភាពភ្លើងឆេះយ៉ាងខ្លាំងក្លា និងបង្កឱ្យមានភ្លើងឆេះខ្លាំងនៅក្បែរនោះ។ ប្រជាពលរដ្ឋនៅតំបន់ Lake County ដែលនៅជិតខាងតំបន់នោះត្រូវបានគេណែនាំ ឱ្យត្រៀមខ្លួនដើម្បីជម្លៀសចេញប្រសិនបើស្ថានភាពកាន់តែធ្ងន់ធ្ងរ។ ក្រុមមន្ត្រីមិនរំពឹងទុកថា ភ្លើងនេះអាចត្រូវបានគ្រប់គ្រងទាំងស្រុងទេរហូតដល់ដើមខែតុលា៕អត្ថបទ៖ សុខមាន

មនុស្ស ៨នាក់ស្លាប់ ខណៈប្រជាពលរដ្ឋជម្លៀសចេញពីលំនៅឋានដោយសារភ្លើងឆេះព្រៃនៅទួរគី

ទួរគី៖ ប្រជាពលរដ្ឋនៅទីក្រុង Mugla និងតំបន់ជុំវិញជាច្រើនទៀតបានភៀសខ្លួនចេញពីភូមិរបស់ពួកគេកាលពីថ្ងៃអាទិត្យ ស្របពេលដែលភ្លើងឆេះព្រៃបានបន្តឆាបឆេះអស់រយៈពេល ៥ថ្ងៃ និងការរកឃើញសាកសពបន្ថែមទៀត បណ្តាលឱ្យចំនួនអ្នកស្លាប់កើនឡើងដល់ ៨នាក់។រួមទាំងអ្នកទេសចរ និងអ្នកភូមិ Cokertme បានរត់គេចពីគ្រោះថ្នាក់តាមទូក និងរថយន្ត ខណៈពេលអណ្តាតភ្លើងឆេះរាលដាលកាន់តែកៀកទីក្រុងឆ្នេរសមុទ្រមួយនេះ។ នៅក្នុងវីដេអូមួយ រថយន្តពន្លត់អគ្គិភ័យ និងរថយន្តជាច្រើនគ្រឿងកំពុងប្រញាប់ប្រញាល់គេចចេញពីភ្លើងដែលនៅអមសងខាង។ អភិបាលក្រុង Bodrum លោក Ahmet Aras បាននិយាយកាលពីល្ងាចថ្ងៃអាទិត្យថា ប្រជាពលរដ្ឋបានជួបប្រទះហេតុការណ៍ដ៏អាក្រក់បំផុតនៅជិតភូមិ Cokertme និងភូមិ Mazi នៅពេលពួកគេបើករថយន្តចេញពីភ្លើង។សារព័ត៌មានទួរគីបាននិយាយថា តំបន់នេះត្រូវភ្លើងឆេះកាលពីយប់ថ្ងៃអាទិត្យ។ សារព័ត៌មាននានាបាននិយាយថា ពួកគេបានប្រញាប់ចាកចេញទៅកាន់កន្លែងមានសុវត្ថិភាព ខណៈដែលភ្លើងបានឆាបឆេះកាន់តែលឿនដោយសារខ្យល់ខ្លាំង៕ អត្ថបទ៖ សុខមាន

UN ព្រមានពីស្ថានភាពធ្ងន់ធ្ងរនៃជំងឺ COVID-19 នៅក្នុងសហភាពមីយ៉ាន់ម៉ា

មីយ៉ាន់ម៉ា៖ ចក្រភពអង់គ្លេសបានព្រមានក្រុមប្រឹក្សាសន្តិសុខ អង្គការសហប្រជាជាតិកាលពីថ្ងៃព្រហស្បតិ៍ ទី២៩ ខែកក្កដាថា ពាក់កណ្ដាលនៃប្រជាជនមីយ៉ាន់ម៉ាចំនួន ៥៤លាននាក់អាចឆ្លងវីរុស COVID-19 ក្នុងរយៈពេលពីរសប្ដាហ៍ខាងមុខនេះ។ចក្រភពអង់គ្លេសបានកោះប្រជុំ ជាការឆ្លើយតបទៅនឹងអ្វីដែលខ្លួនហៅថា ស្ថានភាពវីរុសកូរ៉ូណាធ្ងន់ធ្ងរនៅក្នុងសហភាពមីយ៉ាន់ម៉ា ដែលបានរីករាលដាលចាប់តាំងពីយោធាបានកាន់កាប់អំណាចកាលពីខែកុម្ភៈ។ ចក្រភពអង់គ្លេសបានជំរុញឱ្យក្រុមប្រឹក្សាធានាសេចក្ដីសម្រេចលេខ ២៥៦៥ ដែលទាមទារឱ្យមានបទឈប់បាញ់នៅតំបន់មានជម្លោះ ដើម្បីអនុញ្ញាតឱ្យមានការដឹកជញ្ជូនវ៉ាក់សាំងបង្ការវីរុសកូរ៉ូណាប្រកបដោយសុវត្ថិភាព ត្រូវបានគោរពនៅក្នុងសហភាពមីយ៉ាន់ម៉ា។ លោកស្រី Barbara Woodward ឯកអគ្គរដ្ឋទូតចក្រភពអង់គ្លេសបានទទូចថា វាជារឿងសំខាន់ណាស់ដែលយើងត្រូវពិចារណាថា តើយើងត្រូវអនុវត្តយ៉ាងម៉េច។អង្គការសហប្រជាជាតិប៉ាន់ប្រមាណថា មានតែ ៤០% ប៉ុណ្ណោះនៃស្ថាប័នថែទាំសុខភាពរបស់មីយ៉ាន់ម៉ានៅអាចដំណើរការបាន។ ស្ថាប័នពិភពលោកមួយនេះក៏បានប៉ាន់ប្រមាណផងដែរថា កម្លាំងយោធាបានវាយប្រហារយ៉ាងហោចណាស់ ២៦០ដងប្រឆាំងនឹងបុគ្គលិកពេទ្យ និងទីតាំងវេជ្ជសាស្ត្រនានា ដោយឃាត់ខ្លួនមន្ត្រីពេទ្យយ៉ាងតិច ៦៧នាក់៕ អត្ថបទ៖ សុខមាន

ចិន៖ មិនចាំបាច់មានការស៊ើបអង្កេតរកប្រភពដើមវីរុស COVID-19 ដំណាក់កាលទី២ របស់ WHO ទេ

ចិន៖ អ្នកនាំពាក្យក្រសួងការបរទេសចិន បានបញ្ជាក់ជាថ្មីម្តងទៀតនូវការជំទាស់របស់ប្រទេសខ្លួន ចំពោះផែនការរបស់អង្គការសុខភាពពិភពលោក ក្នុងការសិក្សាបន្ថែមទៀតនៅក្នុងប្រទេសចិនអំពីប្រភពដើមនៃវីរុសកូរ៉ូណា។លោក Zhao Lijian បានពិភាក្សាអំពីបញ្ហានេះកាលពីថ្ងៃព្រហស្បតិ៍ បន្ទាប់ពីរដ្ឋមន្ត្រីការបរទេសអាមេរិក លោក Antony Blinken បានបង្ហាញការគាំទ្រចំពោះផែនការរបស់អង្គការសុខភាពពិភពលោកកាលពីថ្ងៃពុធ។ លោក Zhao បានចង្អុលបង្ហាញថា ក្រុមអ្នកជំនាញរបស់អង្គការសុខភាពពិភពលោក បានធ្វើការសិក្សានៅទីក្រុងអ៊ូហានកាលពីដើមឆ្នាំនេះ និងបានចេញផ្សាយរបាយការណ៍មួយរួចហើយកាលពីខែមីនា។ លោកបាននិយាយថា ចាប់តាំងពីពេលនោះមកប្រទេសចិនបានណែនាំដល់ទីភ្នាក់ងារ និងក្រុមអ្នកវិទ្យាសាស្ត្រដែលពាក់ព័ន្ធរបស់ខ្លួន ពិនិត្យមើលព័ត៌មានបន្ថែមណាមួយដែលអាចត្រូវការ។លោកបានសង្កត់ធ្ងន់ថា របាយការណ៍របស់អង្គការសុខភាពពិភពលោកកាលពីខែមីនា បានបង្ហាញការសន្និដ្ឋានយ៉ាងច្បាស់រួចហើយ ហើយវិធាននេះបង្ហាញថា មិនចាំបាច់តម្រូវឲ្យមានការសិក្សាបន្ថែមទៀតទេ។ លោកបានចង្អុលបង្ហាញថា វាអាចទៅរួចដែលថា វីរុសនេះពិតជាអាចធ្លាយចេញពីមន្ទីរពិសោធន៍មួយនៅសហរដ្ឋអាមេរិក។ លោកបន្ថែមថា ប្រសិនបើសហរដ្ឋអាមេរិកគាំទ្រកិច្ចខិតខំប្រឹងប្រែងរបស់ WHO ដោយស្មោះដើម្បីកំណត់ប្រភពដើមវីរុសនេះ នោះអាមេរិកគួរតែទទួលយកក្រុមការងាររបស់ WHO ចូលក្នុងប្រទេសរបស់ខ្លួនទៅ៕អត្ថបទ៖ សុខមាន

ទឹកជំនន់សម្លាប់មនុស្ស ៦០នាក់នៅខេត្តដាច់ស្រយាលរបស់អាហ្វហ្គានីស្ថាន

អាហ្វហ្គានីស្ថាន៖ ប្រជាជននៅតំបន់ដាច់ស្រយាលមួយ នៃភាគខាងកើតប្រទេសអាហ្វហ្គានីស្ថានត្រូវបានកប់ក្រោមល្បប់ និងកម្ទេចកំទី ខណៈដែលមានភ្លៀងធ្លាក់ខ្លាំងបង្កជាទឹកជំនន់ភ្លាមៗនៅពេលយប់។គេនិយាយថា កុមារ និងស្ត្រីស្ថិតក្នុងចំណោមជនរងគ្រោះនៅក្នុងទីក្រុង Kamdesh ហើយយ៉ាងហោចណាស់មានមនុស្ស ៦០នាក់បានស្លាប់ និងរាប់សិបនាក់ទៀតកំពុងបាត់ខ្លួន និងផ្ទះជាច្រើនខ្នងត្រូវបានបំផ្លាញ។ តំបន់គ្រោះមហន្តរាយនេះត្រូវបានកាន់កាប់ដោយពួកសកម្មប្រយុទ្ធតាលីបង់ ដែលកំពុងប្រយុទ្ធជាមួយរដ្ឋាភិបាល។ កិច្ចពិភាក្សាកំពុងត្រូវបានធ្វើឡើង ដើម្បីព្យាយាមបញ្ជូនក្រុមជួយសង្គ្រោះចូលទៅក្នុងតំបន់ ដែលធម្មតាពិបាកទៅដល់។ ទីភ្នាក់ងារព័ត៌មាន AP រាយការណ៍ថា មន្ត្រីអាហ្វហ្គានីស្ថានបានប្រាប់ឲ្យដឹងថា មានមនុស្សស្លាប់ចំនួន ៦០នាក់ ប៉ុន្តែក្រុមតាលីបង់និយាយថា មនុស្ស ១៥០នាក់បានស្លាប់នៅក្នុងគ្រោះទឹកជំនន់នេះ។វិស្វករម្នាក់ដែលកំពុងធ្វើការនៅខេត្ត Nuristan របស់ទីក្រុង Kamdesh បានប្រាប់អ្នកកាសែតអាហ្វហ្គានីស្ថានថា ចំនួនអ្នកស្លាប់ចុងក្រោយអាចលើសពី ២០០នាក់។ សារព័ត៌មាន AP បានរាយការណ៍ថា ក្រុមតាលីបង់និយាយថា ពួកគេបានបញ្ជូនក្រុមជួយសង្គ្រោះផ្ទាល់ខ្លួនរបស់ពួកគេទៅជួយ ដោយសន្យាផ្ដល់មូលនិធិជួយសង្គ្រោះដែលមានទំហំទឹកប្រាក់ប្រហែល ៦២.០០០ដុល្លារអាមេរិក៕អត្ថបទ៖ សុខមាន

វ៉ាក់សាំងកូវីដ-១៩ ជាជំនួយរបស់សហរដ្ឋអាមេរិកបានមកដល់កម្ពុជាហើយ

ភ្នំពេញ៖ វ៉ាក់សាំងកូវីដ-១៩ Johnson & Johnson ដែលជាជំនួយរបស់រដ្ឋាភិបាល និងប្រជាជនអាមេរិក តាមរយៈមជ្ឈមណ្ឌលកូវ៉ាក់ បានដឹកមកដល់ប្រទេសកម្ពុជាយើងហើយ នៅថ្ងៃទី៣០ ខែកក្កដា ឆ្នាំ២០២១នេះ។តាមរយៈមជ្ឈមណ្ឌលកូវ៉ាក់ សហរដ្ឋអាមេរិក បានប្រកាសផ្តល់វ៉ាក់សាំងចំនួន ១លានដូសដល់រាជរដ្ឋាភិបាល និងប្រជាជនកម្ពុជា។ វ៉ាក់សាំងដែលមកដល់ថ្ងៃនេះ មានចំនួន ៥០ម៉ឺនដូស ដោយឡែកចំនួន ៥០ម៉ឺនដូស នឹងដឹកមកដល់នៅថ្ងៃទី០២ ខែសីហាខាងមុខ។ អំណោយនេះ គឺជាផ្នែកមួយនៃការគាំទ្រជាបន្តបន្ទាប់របស់សហរដ្ឋអាមេរិក ចំពោះប្រជាជនកម្ពុជា និងនៅក្នុងតំបន់ ក្នុងពេលកំពុងតែប្រឹងងើបចេញពីជំងឺរាតត្បាតយ៉ាងធ្ងន់ធ្ងរនេះ។វ៉ាក់សាំង គឺជាឧបករណ៍ដ៏សំខាន់មួយក្នុងការប្រយុទ្ធប្រឆាំងនឹងជំងឺកូវីដ១៩ ដែលកំពុងរីករាលដាលលើពិភពលោក។ រាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ជាប្រមុខនោះ ក៏បានដាក់ចេញផែនការផ្តល់វ៉ាក់សាំងជូនប្រជាពលរដ្ឋ ជាផែនការយុទ្ធសាស្ត្រមួយក្នុងការប្រយុទ្ធប្រឆាំងនឹងជំងឺកូវីដ-១៩។ កម្ពុជា ក៏បានស្វះស្វែងយ៉ាងខ្លាំងក្នុងការរកវ៉ាក់សាំងមកចាក់ជូនប្រជាពលរដ្ឋ។ មកដល់ពេលពេលបច្ចុប្បន្ននេះ រកបានវ៉ាក់សាំងជាង ១៧លានដូសហើយ ដែលក្នុងនោះមានទាំងការផ្តល់ជំនួយ និងការបញ្ជាទិញ។ដើម្បីចូលរួមប្រយុទ្ធប្រឆាំងនឹងការរាតត្បាតជំងឺកូវីដ១៩នៅកម្ពុជា មានប្រទេសជាមិត្តចំនួន៤ហើយ បានផ្តល់ និងប្រកាសផ្តល់ជំនួយវ៉ាក់សាំងមកកម្ពុជា។ ប្រទេសដែលបានផ្តល់ និងបានប្រកាសផ្តល់រួមមាន៖ ចិន ផ្តល់វ៉ាក់សាំងជាង ២លានដូស ជប៉ុន ១លានដូស អាមេរិក ១លានដូស និងអង់គ្លេស ៤១ម៉ឺន ៥ពាន់ដូស៕

ប្រមុខការទូតអាមេរិកជួបប្រមុខ WHO គាំទ្រដល់ការសិក្សាប្រភពដើមនៃវីរុស COVID-19

គុយវ៉ែត៖ រដ្ឋមន្ត្រីក្រសួងការបរទេសសហរដ្ឋអាមេរិក លោក Antony Blinken បានជួបជាមួយប្រមុខអង្គការសុខភាពពិភពលោកគឺលោក Tedros Adhanom Ghebreyesus នៅប្រទេសគុយវ៉ែតកាលពីថ្ងៃពុធ ទី២៨ ខែកក្កដា ជាទីដែលលោកបានសន្យាគាំទ្រដល់ការស៊ើបអង្កេត របស់ទីភ្នាក់ងារអង្គការសហប្រជាជាតិនៅប្រទេសចិន ចំពោះប្រភពដើមនៃវីរុសរាតត្បាតកូរ៉ូណា។ លោក Blinken បានសរសេរនៅលើបណ្ដាញធ្វីតធ័រ បន្ទាប់ពីបានទៅដល់រដ្ឋឈូងសមុទ្រអារ៉ាប់ថា សហរដ្ឋអាមេរិកគាំទ្រផែនការរបស់អង្គការសុខភាពពិភពលោក សម្រាប់ការសិក្សាបន្ថែមអំពីប្រភពដើមនៃវីរុស Covid-19 រួមទាំងនៅក្នុង (សាធារណរដ្ឋប្រជាមានិតចិន) ដើម្បីស្វែងយល់ឲ្យកាន់តែច្បាស់ពីជំងឺរាតត្បាតសកលនេះ និងទប់ស្កាត់ការឆ្លងរាលដាលនានានៅពេលអនាគត។ ជំនួបជាមួយលោក Tedros មិនស្ថិតនៅក្នុងកាលវិភាគ ដែលបានចេញផ្សាយរបស់អ្នកការទូតអាមេរិកទេ។ នៅក្នុងសេចក្ដីថ្លែងការណ៍មួយ អ្នកនាំពាក្យក្រសួងការបរទេសអាមេរិក លោក Ned Price បាននិយាយថា លោក Blinken បានសង្កត់ធ្ងន់លើភាពចាំបាច់សម្រាប់ដំណាក់កាលបន្ទាប់ នៃការស៊ើបអង្កេតនេះឱ្យបានទាន់ពេលវេលា ផ្អែកលើភស្តុតាង តម្លាភាព ប្រកបដោយជំនាញ និងគ្មានការជ្រៀតជ្រែក។អង្គការសុខភាពពិភពលោកគ្រាន់តែអាចបញ្ជូន ក្រុមអ្នកជំនាញអន្តរជាតិឯករាជ្យទៅទីក្រុងអ៊ូហាន ក្នុងខែមករាជាងមួយឆ្នាំបន្ទាប់ពីវីរុស Covid-19 បានផ្ទុះជាលើកដំបូងនៅទីនោះ ដើម្បីជួយសមភាគីចិនស៊ើបអង្កេតប្រភពដើម នៃជំងឺរាតត្បាតសកលនេះ។ កាលពីថ្ងៃទី២២ ខែកក្កដាកន្លងទៅនេះ មន្ត្រីជាន់ខ្ពស់សុខាភិបាលចិនបាននិយាយថា ប្រទេសចិនមិនអាចទទួលយកផែនការរបស់អង្គការសុខភាពពិភពលោក សម្រាប់ដំណាក់កាលទី២ នៃការសិក្សាអំពីប្រភពដើមនៃវីរុស Covid-19 ឡើយ៕អត្ថបទ៖ សុខមាន

ទីភ្នាក់ងារសុខភាព៖ វីរុស COVID-19 នៅតែកំពុងបង្កមហន្តរាយខ្លាំងនៅក្នុងទ្វីបអាមេរិក

ទ្វីបអាមេរិក៖ អង្គការសុខភាពប្រចាំទ្វីបអាមេរិក (PAHO) បាននិយាយកាលពីថ្ងៃពុធថា ជំងឺ COVID-19 នៅតែបន្តបង្កមហន្តរាយនៅទ្វីបអាមេរិក ខណៈប្រទេសអាហ្សង់ទីន កូឡុំប៊ី គុយបា អេក្វាឌ័រ និងប៉ារ៉ាហ្គាយស្ថិតក្នុងចំណោមបណ្ដាប្រទេស ដែលមានអត្រាអ្នកស្លាប់ប្រចាំសប្ដាហ៍ខ្ពស់បំផុតនៅលើពិភពលោក។លោកស្រី Carissa Etienne នាយកអង្គការសុខភាពប្រចាំទ្វីបអាមេរិក បាននិយាយនៅក្នុងសន្និសីទសារព័ត៌មានខ្លីមួយថា ករណីឆ្លងជាច្រើនបានកើនឡើងទ្វេដងនៅក្នុងសហរដ្ឋអាមេរិកក្នុងរយៈពេលមួយសប្ដាហ៍កន្លងមកនេះ ជាពិសេសក្នុងចំណោមមនុស្សដែលមិនបានចាក់វ៉ាក់សាំង។ លោកស្រីបាននិយាយថា ការឆ្លងវីរុសកូរ៉ូណាបម្លែងខ្លួនថ្មី Delta កាន់តែច្រើនត្រូវបានគេរកឃើញនៅក្នុងប្រទេសចំនួន ២០ ក្នុងចំណោម ៣៥ប្រទេសនៅក្នុងទ្វីបអាមេរិក។ លោកស្រីថា ប្រទេសគុយបាកំពុងមើលឃើញអត្រាឆ្លងវីរុស COVID-19 ខ្ពស់ជាងគេ និងអត្រាមរណភាពខ្ពស់ជាងចំណុចផ្សេងទៀត នៃជំងឺរាតត្បាតសកលនៅទីនោះ។ លោកស្រីបន្ថែមថា អនីតិជនជាង ៧.០០០នាក់ និងស្ត្រីមានផ្ទៃពោះជិត ៤០០នាក់បានធ្វើតេស្តវិជ្ជមាននៅក្នុងប្រទេសនោះកាលពីសប្ដាហ៍មុន។ក្នុងរយៈពេលមួយសប្តាហ៍ចុងក្រោយនេះមានករណីឆ្លងជំងឺ COVID-19 ចំនួន ១លាន ២៦ម៉ឺននាក់ ហើយមានអ្នកស្លាប់ជិត ២៩.០០០នាក់នៅក្នុងទ្វីបអាមេរិក។ ការឆ្លងវីរុសដ៏ខ្លាំងក្លាបំផុតត្រូវបានគេរាយការណ៍នៅក្នុងខេត្តមួយចំនួនរបស់ប្រទេសអាហ្សង់ទីន ដែលមានព្រំដែនជាប់ប្រទេសបូលីវី និងឈីលី និងនៅតំបន់អាម៉ាហ្សូនរបស់ប្រទេសកូឡុំប៊ី៕ អត្ថបទ៖ សុខមាន

មីយ៉ាន់ម៉ាស្វះស្វែងរកជំនួយអន្តរជាតិ ខណៈវីរុស COVID-19 វាយលុកកាន់តែខ្លាំង

មីយ៉ាន់ម៉ា៖ ប្រព័ន្ធផ្សព្វផ្សាយរដ្ឋបាននិយាយកាលពីថ្ងៃពុធ ទី២៨ ខែកក្កដាថា ក្រុមអាជ្ញាធរយោធានៅសហភាពមីយ៉ាន់ម៉ា កំពុងស្វែងរកជំនួយពីសហគមន៍អន្តរជាតិដើម្បីប្រយុទ្ធប្រឆាំងនឹងវីរុសកូរ៉ូណា ខណៈប្រទេសក្រីក្រមួយនេះសម្លឹងហួសពីសម្ព័ន្ធមិត្តចិន ក្នុងការតស៊ូដើម្បីយកឈ្នះរលកថ្មី។ប្រទេសនេះស្ថិតក្នុងភាពច្របូកច្របល់ ចាប់តាំងពីយោធាបានដណ្ដើមកាន់កាប់អំណាចកាលពីខែកុម្ភៈ ដោយមានមន្ទីរពេទ្យជាច្រើនខ្វះសម្ភារៈបរិក្ខារពេទ្យ ក្នុងការទប់ទល់នឹងករណីឆ្លងចេះតែកើនឡើង បន្ទាប់ពីបុគ្គលិកពេទ្យជាច្រើន បានដើរចូលក្នុងក្បួនតវ៉ាប្រឆាំងរដ្ឋប្រហារ។ ការបញ្ជាឱ្យស្នាក់នៅផ្ទះដែលប៉ះពាល់ដល់មនុស្សរាប់លាននាក់ បានបរាជ័យក្នុងការបញ្ឈប់ការកើនឡើងនេះ ដោយការបូជាសពកំពុងធ្វើការតាមសមត្ថភាព និងក្រុមអ្នកស្ម័គ្រចិត្តកំពុងដើរប្រមូលសាកសព មនុស្សដែលបានស្លាប់នៅក្នុងផ្ទះរបស់ពួកគេ។មេដឹកនាំរបបយោធា លោក Min Aung Hlaing កំពុងប្រាប់កិច្ចប្រជុំដែលមានការសម្របសម្រួល ដើម្បីបង្កើនកិច្ចសហប្រតិបត្តិការជាមួយសហគមន៍អន្តរជាតិថា មីយ៉ាន់ម៉ាគួរតែស្វែងរកថវិកាពីមូលនិធិឆ្លើយនឹងវីរុស COVID-19 ដែលបង្កើតឡើងដោយអាស៊ាន។ គួរឲ្យដឹងថា គិតត្រឹមព្រឹកថ្ងៃព្រហស្បតិ៍នេះ សហភាពមីយ៉ាន់ម៉ាមានករណីឆ្លងវីរុស COVID-19 ចំនួន ២៨៤,០៩៩នាក់បន្ទាប់ពីមានករណីឆ្លងថ្មី ៤,៩៨០នាក់ និងស្លាប់ចំនួន ៨,២១០នាក់បន្ទាប់ពីមានមនុស្សស្លាប់ចំនួន ៣៦៥នាក់បន្ថែមទៀត៕អត្ថបទ៖ សុខមាន

ជនជាតិភាគតិចរ៉ូហ៊ីងយ៉ា ៥នាក់ស្លាប់ក្នុងបំណាក់ដីនៅជំរំជនភៀសខ្លួនបង់ក្លាដែស

បង់ក្លាដែស៖ មន្ត្រីម្នាក់បាននិយាយកាលពីថ្ងៃអង្គារថា យ៉ាងហោចណាស់មានជនភៀសខ្លួនរ៉ូហ៊ីងយ៉ា ៥នាក់បានស្លាប់នៅក្នុងបំណាក់ដី ដែលបង្កឡើងដោយភ្លៀងធ្លាក់ខ្លាំងនៅក្នុងជំរំមួយនៅភាគខាងត្បូងប្រទេសបង់ក្លាដែស ដែលជាកន្លែងជនភៀសខ្លួនជាង ១លាននាក់មកពីប្រទេសជិតខាងមីយ៉ាន់ម៉ាត្រូវបានជ្រកកោន។លោក Shamsud Douza ស្នងការទទួលបន្ទុកជនភៀសខ្លួនការផ្តល់ជំនួយសង្គ្រោះ និងការធ្វើមាតុភូមិនិវត្តន៍បាននិយាយថា ក្មេងម្នាក់ក៏ត្រូវបានទឹកជំនន់ហូរនាំទៅនៅក្នុងប្រឡាយមួយនៅអ៊ុយគីយ៉ា (Ukhiya) ផងដែរ។ ការិយាល័យអាកាសធាតុរបស់ប្រទេសបង់ក្លាដែសបានព្យាករណ៍ថា នឹងមានភ្លៀងធ្លាក់បន្ថែមទៀតនៅប៉ុន្មានសប្ដាហ៍ខាងមុខនេះ។ ជនជាតិភាគតិចរ៉ូហ៊ីងយ៉ាប្រមាណ ៧០ម៉ឺននាក់បានភៀសខ្លួនទៅកាន់ជំរំជនភៀសខ្លួន Cox's Bazar ក្នុងប្រទេសបង់ក្លាដែសបន្ទាប់ពីខែសីហា ឆ្នាំ២០១៧ នៅពេលដែលយោធាសហភាពមីយ៉ាន់ម៉ាកាន់ព្រះពុទ្ធសាសនាភាគច្រើន បានចាប់ផ្ដើមការបង្ក្រាបយ៉ាងសាហាវទៅលើក្រុមមូស្លីម បន្ទាប់ពីការវាយប្រហាររបស់ក្រុមបះបោរ។ ការបង្ក្រាបនេះរួមមានការចាប់រំលោភ ការសម្លាប់ និងការដុតបំផ្លាញផ្ទះសម្បែងរាប់ពាន់ខ្នង និងត្រូវបានក្រុមសិទ្ធិមនុស្សសកល និងអង្គការសហប្រជាជាតិហៅថា ជាការសម្លាប់ផ្ដាច់ពូជ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

កម្ពុជារៀបចំទិវាជនមានពិការភាពភ្នែក និងគថ្លង់ជាលើកដំបូង ក្រោមប្រធានបទ «រួមគ្នាទទួលស្គាល់ជនមានពិការភាពភ្នែកនិងគថ្លង់ ដើម្បីលើកកម្ពស់បរិយាបន្ន និងការចូលរួមពេញលេញក្នុងសង្គម»

របាយការណ៍៖ ការអះអាងសិទ្ធិដែនទឹករបស់ហ្វីលីពីននៅសមុទ្រចិនខាងត្បូងខ្វះភស្តុតាងប្រវត្តិសាស្ត្រ និងមូលដ្ឋានច្បាប់

ប្រមុខការទូតកម្ពុជា កោតសរសើរចំពោះកិច្ចខិតខំប្រឹងប្រែង និងការរួមចំណែកដ៏មានតម្លៃរបស់លោកជំទាវឯកអគ្គរដ្ឋទូតហ្វីលីពីនចប់អាណត្តិនៅកម្ពុជា

កម្ពុជាបន្តឆ្ពោះទៅការដឹកជញ្ជូនបៃតង ខណៈរថយន្តអគ្គិសនីចុះបញ្ជីកើនដល់ជាង ១៤,០០០គ្រឿង

អគ្គមេបញ្ជាការកងទ័ពម៉ាឡេស៊ី នឹងចុះពិនិត្យតំបន់ព្រំដែនកម្ពុជាដែលថៃរំលោភកាន់កាប់

វិស័យឯកជនគាំទ្ររដ្ឋ ក្នុងការបង្កើតគម្រោងប្រព័ន្ធគ្រប់គ្រងការដឹកជញ្ជូនលើសទម្ងន់កម្រិតកំណត់

Djokovic ឡើងវគ្គពាក់កណ្តាលផ្តាច់ព្រ័ត្រ Wimbledon ៨ ឆ្នាំជាប់គ្នា បន្តជួប Sinner

លោកTrump ហៅនាយករដ្ឋមន្ត្រីអ៊ីតាលីថាជា «មនុស្សល្អ» ប៉ុន្តែបន្ទោសលោកស្រីចំពោះការមិនជួយក្នុងសង្គ្រាមនៅអ៊ីរ៉ង់

ក្រុមបាតុកររាប់រយនាក់ ធ្វើបាតុកម្មប្រឆាំង NATO នៅទីក្រុងអ៊ីស្តង់ប៊ុលនៅថ្ងៃដំបូងនៃកិច្ចប្រជុំកំពូលនៅទួរគី

FIFA បើកការស៊ើបអង្កេតករណីរើសអើងពូជសាសន៍លើ IShowSpeed នៅ World Cup

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ភ្លើងឆេះព្រៃរដ្ឋ Oregon អាចបន្តរហូតដល់រដូវស្លឹកឈើជ្រុះ ខណៈរដូវភ្លើងឆេះព្រៃកាន់តែធ្ងន់ធ្ងរ

មនុស្ស ៨នាក់ស្លាប់ ខណៈប្រជាពលរដ្ឋជម្លៀសចេញពីលំនៅឋានដោយសារភ្លើងឆេះព្រៃនៅទួរគី

UN ព្រមានពីស្ថានភាពធ្ងន់ធ្ងរនៃជំងឺ COVID-19 នៅក្នុងសហភាពមីយ៉ាន់ម៉ា

ចិន៖ មិនចាំបាច់មានការស៊ើបអង្កេតរកប្រភពដើមវីរុស COVID-19 ដំណាក់កាលទី២ របស់ WHO ទេ

ទឹកជំនន់សម្លាប់មនុស្ស ៦០នាក់នៅខេត្តដាច់ស្រយាលរបស់អាហ្វហ្គានីស្ថាន

វ៉ាក់សាំងកូវីដ-១៩ ជាជំនួយរបស់សហរដ្ឋអាមេរិកបានមកដល់កម្ពុជាហើយ

ប្រមុខការទូតអាមេរិកជួបប្រមុខ WHO គាំទ្រដល់ការសិក្សាប្រភពដើមនៃវីរុស COVID-19

ទីភ្នាក់ងារសុខភាព៖ វីរុស COVID-19 នៅតែកំពុងបង្កមហន្តរាយខ្លាំងនៅក្នុងទ្វីបអាមេរិក

មីយ៉ាន់ម៉ាស្វះស្វែងរកជំនួយអន្តរជាតិ ខណៈវីរុស COVID-19 វាយលុកកាន់តែខ្លាំង

ជនជាតិភាគតិចរ៉ូហ៊ីងយ៉ា ៥នាក់ស្លាប់ក្នុងបំណាក់ដីនៅជំរំជនភៀសខ្លួនបង់ក្លាដែស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

មនុស្ស​ ៨​នាក់​ស្លាប់ ខណៈ​ប្រជាពលរដ្ឋ​ជម្លៀស​ចេញពី​លំនៅឋាន​ដោយសារ​ភ្លើង​ឆេះ​ព្រៃ​នៅ​ទួរគី​

UN ព្រមាន​ពី​ស្ថានភាព​ធ្ងន់ធ្ងរ​នៃ​ជំងឺ COVID-19 នៅ​ក្នុង​សហភាព​មី​យ៉ាន់​ម៉ា

ចិន​៖​ មិន​ចាំ​បាច់​មាន​ការ​ស៊ើបអង្កេត​រក​ប្រភព​ដើម​វីរុស COVID-19 ​ដំណាក់កាល​ទី​២ ​របស់ WHO ទេ​

ទឹកជំនន់​សម្លាប់​មនុស្ស​ ៦០​នាក់​នៅ​ខេត្ត​ដាច់ស្រយាល​របស់​អា​ហ្វ​ហ្គា​នី​ស្ថាន​

វ៉ាក់សាំងកូវីដ-១៩ ជាជំនួយ​របស់​សហរដ្ឋ​អាមេរិក​បាន​មក​ដល់​កម្ពុជា​ហើយ​

ប្រមុខ​ការទូត​អាមេរិក​ជួប​ប្រមុខ WHO គាំទ្រ​ដល់​ការសិក្សា​ប្រភព​ដើម​នៃ​វីរុស​ COVID-19

ទីភ្នាក់ងារ​សុខភាព​៖ ​វីរុស COVID-19 នៅតែ​កំពុង​បង្ក​មហន្តរាយ​ខ្លាំង​នៅ​ក្នុង​ទ្វីប​អាមេរិក​

មី​យ៉ាន់​ម៉ា​ស្វះ​ស្វែងរក​ជំនួយ​អន្តរជាតិ ខណៈ​វីរុស COVID-19 វាយលុក​កាន់​តែ​ខ្លាំង​

ជនជាតិភាគតិច​រ៉ូ​ហ៊ីង​យ៉ា​ ៥​នាក់​ស្លាប់​ក្នុង​បំណាក់​ដី​នៅ​ជំរំ​ជនភៀសខ្លួន​បង់​ក្លា​ដែ​ស​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មនុស្ស ៨នាក់ស្លាប់ ខណៈប្រជាពលរដ្ឋជម្លៀសចេញពីលំនៅឋានដោយសារភ្លើងឆេះព្រៃនៅទួរគី

UN ព្រមានពីស្ថានភាពធ្ងន់ធ្ងរនៃជំងឺ COVID-19 នៅក្នុងសហភាពមីយ៉ាន់ម៉ា

ចិន៖ មិនចាំបាច់មានការស៊ើបអង្កេតរកប្រភពដើមវីរុស COVID-19 ដំណាក់កាលទី២ របស់ WHO ទេ

ទឹកជំនន់សម្លាប់មនុស្ស ៦០នាក់នៅខេត្តដាច់ស្រយាលរបស់អាហ្វហ្គានីស្ថាន

វ៉ាក់សាំងកូវីដ-១៩ ជាជំនួយរបស់សហរដ្ឋអាមេរិកបានមកដល់កម្ពុជាហើយ

ប្រមុខការទូតអាមេរិកជួបប្រមុខ WHO គាំទ្រដល់ការសិក្សាប្រភពដើមនៃវីរុស COVID-19

ទីភ្នាក់ងារសុខភាព៖ វីរុស COVID-19 នៅតែកំពុងបង្កមហន្តរាយខ្លាំងនៅក្នុងទ្វីបអាមេរិក

មីយ៉ាន់ម៉ាស្វះស្វែងរកជំនួយអន្តរជាតិ ខណៈវីរុស COVID-19 វាយលុកកាន់តែខ្លាំង

ជនជាតិភាគតិចរ៉ូហ៊ីងយ៉ា ៥នាក់ស្លាប់ក្នុងបំណាក់ដីនៅជំរំជនភៀសខ្លួនបង់ក្លាដែស