BTV NEWS

សម្តេចតេជោ ហ៊ុន សែន អញ្ជើញអុជធូបគោរពវិញ្ញាណក្ខន្ធសពម្តាយ លោក កឹម សុខា

សម្តេចតេជោ ហ៊ុន សែន បន្តជួបសំណេះសំណាលជាមួយក្រុមប្រឹក្សា និងមន្ត្រីនៃមន្ទីរអង្គភាពនានាជុំវិញខេត្តព្រះវិហារ

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

ព័ត៌មានសំខាន់ៗ

ប្រមុខរាជរដ្ឋាភិបាលកម្ពុជា សម្រេចបិទខ្ទប់រាជធានីភ្នំពេញ និង ក្រុង តាខ្មៅរយៈពេល១សប្ដាហ៍ទៀត

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានសម្រេចបិទខ្ទប់រាជធានីភ្នំពេញ និងក្រុងតាខ្មៅរយៈពេល ១សប្ដាហ៍បន្ថែមទៀត ដើម្បីទប់ស្កាត់ការឆ្លងរីករាលដាលនៃមេរោគកូវីដ-១៩។សម្ដេចតេជោ ហ៊ុន សែន បានសម្រេចបែបនេះនៅក្នុងសេចក្ដីសម្រេចថ្មីចេញនៅល្ងាចថ្ងៃនេះ តែ២ថ្ងៃប៉ុណ្ណោះមុនវិធានការបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅ ត្រូវផុតកំណត់នៅត្រឹមថ្ងៃទី២៨ ខែមេសានេះ។បើតាមសេចក្ដីសម្រេចនេះ រាជធានីភ្នំពេញ និងក្រុងតាខ្មៅ នឹងត្រូវបន្តស្ថិតក្រោមវិធានការបិទខ្ទប់ចាប់ពីថ្ងៃទី២៩ ខែមេសា រហូតដល់ថ្ងៃទី០៥ ខែឧសភាខាងមុខនេះ ។ប្រមុខរាជរដ្ឋាភិបាលកម្ពុជា បានបញ្ជាក់ក្នុងសេចក្ដីសម្រេចថា ការបន្តអនុវត្តវិធានការបិទខ្ទប់នេះ គឺផ្អែកទៅលើភាពចាំបាច់ ដើម្បីប្រយុទ្ធ និងទប់ស្កាត់ការឆ្លងរីករាលដាលនៃមេរោគកូវីដ-១៩។ជាងនេះទៅទៀត សម្ដេចតេជោ ហ៊ុន សែន បានសម្រេចបែងចែកភូមិសាស្ត្រដែលត្រូវបិទខ្ទប់នេះ ទៅជា ៣តំបន់ ក្នុងនោះមាន «តំបន់ក្រហម» ដែលសំដៅដល់តំបន់កំពុងប្រឈមមុខនឹងការឆ្លងរីករាលធ្ងន់ធ្ងរ ហើយបន្ទាប់មកគឺ«តំបន់លឿងទុំ» ដែលសំដៅដល់ភូមិសាស្ត្រមានការឆ្លងរីករាលដាលកម្រិតមធ្យម និង«តំបន់លឿង» ដែលសំដៅដល់ភូមិសាស្ត្រមានការឆ្លងរាលដាលកម្រិតស្រាល។បើតាមសេចក្ដីសម្រេចនេះ វិធានការបិទខ្ទប់នេះ ត្រូវបានរក្សាខ្លឹមសារដូចមុនដដែល ក្នុងនោះមានការហាមឃាត់បុគ្គលគ្រប់រូបមិនឱ្យចាកចេញពីលំនៅដ្ឋាន ឬទីស្នាក់អាស្រ័យបច្ចុប្បន្ន ហាមឃាត់ការជួបជុំ ឬប្រមូលផ្ដុំមនុស្ស ហាមឃាត់ការលក់ដូរ សកម្មភាពការងារ អាជីវកម្មរ ឬមុខរបរ ជាដើម។ ប៉ុន្តែសេចក្ដីសម្រេចនេះក៏បានរក្សានូវចំណុចលើកលែងជាច្រើនដូចទៅនឹងសេចក្ដីសម្រេចកាលពីមុនផងដែរ៕ អត្ថបទ ៖ សុធី

ចំនួនមនុស្សស្លាប់ក្នុងហេតុការណ៍អគ្គិភ័យនៅមន្ទីរពេទ្យក្រុងបាដាដកើនឡើងជាង ៨០នាក់

អ៊ីរ៉ាក់៖ ចំនួនមនុស្សស្លាប់ក្នុងហេតុការណ៍អគ្គិភ័យទ្រង់ទ្រាយធំ នៅមន្ទីរពេទ្យក្រុងបាដាដ ប្រទេសអ៊ីរ៉ាក់ដែលព្យាបាលអ្នកជំងឺ COVID-19 បានកើនឡើងយ៉ាងហោច ៨២នាក់កាលពីថ្ងៃអាទិត្យ ខណៈដែលក្រុមគ្រួសារជនរងគ្រោះកំពុងរុករកសាច់ញាតិបាត់ខ្លួន ហើយរដ្ឋាភិបាល បានបញ្ឈរជើងក្រុមមន្ត្រីសុខាភិបាលសំខាន់ៗ សម្រាប់ការធ្វេសប្រហែសរបស់ពួកគេ។អណ្ដាតភ្លើងប្រៀបបាននឹងភ្នំភ្លើងបានឆាបឆេះ អង្គភាពថែទាំសុខភាពក្នុងមន្ទីរពេទ្យអ៊ីប អាល់ ខាទីប ដែលកំពុងព្យាបាលអ្នកជំងឺ COVID-19 មានរោគសញ្ញាធ្ងន់ធ្ងរ។ ក្រុមមន្ត្រីអះអាងថា អណ្ដាតភ្លើងដែលបណ្ដាលឲ្យមនុស្សជាង ១១០នាក់រងរបួសដែរនោះបង្កឡើងដោយសារការផ្ទុះបំពង់អុកស៊ីហ្សែន។ លោក ម៉ាហ៊ឺ អាម៉េ ជាគិលានុបដ្ឋាកមួយរូបត្រូវបានគេទូរស័ព្ទ ហៅទៅកាន់កន្លែងកើតហេតុកាលពីល្ងាចថ្ងៃសៅរ៍ ដើម្បីជម្លៀសអ្នកជំងឺចេញ។ លោកបាននិយាយថា លោកមិននឹកស្មានទាល់តែសោះថា មានអគ្គិភ័យទ្រង់ទ្រាយធំបែបនេះកើតឡើង។អណ្ដាតភ្លើងបានឆាបឆេះខ្លាំងនៅជាន់ទី២ ត្រឹមរយៈពេល ៣ទៅ ៤នាទីប៉ុណ្ណោះនៃការផ្ទុះបំពង់អុកស៊ីហ្សែន។ វាប្រៀបបាននឹងភ្នំភ្លើងអញ្ចឹងដែរ។ លោកបន្តថា ភាគច្រើននៃអ្នកស្លាប់ដោយសារការរលាក។ អ្នកខ្លះទៀតបានស្លាប់ដោយសារជំនះផ្សែងភ្លើង មិនចង់ចាកចោលសាច់ញាតិរបស់ពួកគេដែលជាប់នឹងម៉ាស៊ីនផ្តល់អុកស៊ីហ្សែន។ អ្នកជំងឺមិនអាចផ្លាស់ទីបានទេ ដោយសារពួកគេអាចរស់បានប៉ុន្មាននាទីប៉ុណ្ណោះ បើគ្មានអុកស៊ីហ្សែន៕អត្ថបទ៖ សារ៉ាត់

មេបញ្ជាការយោធា៖ នាវិកក្នុងនាវាមុជទឹកដែលលិចនៅឥណ្ឌូនេស៊ីទាំង ៥៣នាក់បានស្លាប់ទាំងអស់

ឥណ្ឌូនេស៊ី៖ មេបញ្ជាការយោធាឥណ្ឌូនេស៊ី បាននិយាយកាលពីថ្ងៃអាទិត្យម្សិលមិញថា ក្រុមនាវិកទាំងអស់ ៥៣នាក់នៅលើនាវាមុជទឹកដែលបានលិចបានស្លាប់ ក្នុងនោះបំណែកនាវាត្រូវបានរកឃើញ។លោកសេនាប្រមុខ ហាឌី តាចាន់តូ មេបញ្ជាការកងទ័ពអាកាសឥណ្ឌូនេស៊ីបាននិយាយថា ក្រុមរុករកទទួលបានរូបភាពច្បាស់ ដែលបានបញ្ជាក់ថាជាបំណែករបស់នាវាមុជទឹក KRI Nanggala 402 ដូចជាកន្ទុយនាវា យុថ្កា និងផ្នែកខាងក្រៅនៃតួនាវា។ លោកបន្តថា ដោយផ្អែកលើភស្តុតាងពិតប្រាកដ ពួកយើងអាចបញ្ជាក់បានថា នាវាមុជទឹក KRI Nanggala 402 បានលិច ហើយក្រុមនាវិកទាំងអស់បានស្លាប់។ លោកតា ចាន់តូ បានថ្លែងបែបនេះនៅក្នុងសន្និសីទសារព័ត៌មាននៅកោះបាលី។ លោកនិយាយថា ជាមួយនឹងទុក្ខដ៏ក្រៀមក្រំនេះ តាងនាមរូបលោកជាមេបញ្ជាការកងទ័ព លោកសូមប្រកាសថា បុគ្គលិកនៅលើនាវាមុជទឹក KRI Nanggala 402 បានស្លាប់។យោធាបានបង្ហាញអ្វីដែលក្រុមអ្នករុករកបានរកឃើញ ឈុតរត់គេចនៅក្នុងនាវាមុជទឹក។ លោកឧត្ដមនាវីឯក យូដូ ម៉ាហ្គោណូ មេបញ្ជាការកងទ័ពជើងទឹកឥណ្ឌូនេស៊ីបាននិយាយថា តាមធម្មតាឈុតបែបនេះនៅក្នុងប្រអប់សង្គ្រោះបន្ទាន់។ ប្រហែលជាមានអ្នកដកឈុតទាំងនេះចេញពីប្រអប់ ប៉ុន្តែពួកគេមិនអាចពាក់វាបាន៕អត្ថបទ៖ សារ៉ាត់

ពលរដ្ឋមីយ៉ាន់ម៉ាចេញតវ៉ាទូទាំងប្រទេសប្រឆាំងរបបយោធា អំឡុងជំនួបកំពូលអាស៊ាន

មីយ៉ាន់ម៉ា៖ ក្រុមបាតុករប្រឆាំងនឹងរដ្ឋប្រហារបានរួមកម្លាំងគ្នា ចេញតវ៉ានៅទូទាំងសហភាពមីយ៉ាន់ម៉ាកាលពីថ្ងៃសៅរ៍ ខណៈដែលប្រមុខយោធាដែលដឹកនាំរដ្ឋប្រហារថ្ងៃទី១ ខែកុម្ភៈបានធ្វើដំណើរទៅកាន់ប្រទេសឥណ្ឌូនេស៊ី។លោកបានចូលរួមក្នុងកិច្ចប្រជុំពិសេសមួយរបស់អាស៊ាន ស្តីពីវិបត្តិដែលបានធ្វើឱ្យប្រទេសនេះធ្លាក់ក្នុងភាពវឹកវរដ៏បង្ហូរឈាម។ នៅភាគខាងត្បូងប្រទេសមីយ៉ាន់ម៉ា នគរបាលបានបំបែកក្រុមបាតុករនៅពេលពួកគេជិះទោចក្រយានយន្តឆ្លងកាត់តំបន់ Launglone ក្បែរទីក្រុង Dawei ។ ប្រព័ន្ធផ្សព្វផ្សាយក្នុងស្រុកបាននិយាយថា ពួកគេបានបើកការបាញ់ប្រហារលើក្បួនដង្ហែក្រុមបាតុករ ប៉ុន្តែមិនមាននរណាម្នាក់រងរបួសឡើយ។ មានការតវ៉ាជាច្រើននៅក្នុងទីក្រុង Dawei ដោយមាននិស្សិតដើរដង្ហែក្បួនតាមដងផ្លូវ ដើម្បីប្រឆាំងនឹងការដណ្ដើមក្ដោបក្ដាប់អំណាចរបស់យោធា។ ការបាញ់ប្រហារជារៀងរាល់ថ្ងៃដោយនគរបាល និងទាហានបានសម្លាប់អ្នកតវ៉ា និងអ្នកឈរមើលជាង ៧០០នាក់ នេះបើយោងតាមក្រុមឯករាជ្យមួយចំនួន៕អត្ថបទ៖ សុខមាន

អ្នកជំងឺ COVID-19 ចំនួន ២០នាក់បានស្លាប់ដោយសារខ្វះអុកស៊ីសែននៅប្រទេសឥណ្ឌា

ឥណ្ឌា៖ ជំងឺរាតត្បាតសកលកូរ៉ូណា កំពុងឆ្លងរាលដាលកាន់តែខ្លាំងនៅក្នុងប្រទេសឥណ្ឌា។ ចំនួននៃការឆ្លងថ្មីប្រចាំថ្ងៃមានជាង ៣០ម៉ឺននាក់ក្នុងរយៈពេលប៉ុន្មានថ្ងៃចុងក្រោយនេះ។ ហើយកង្វះខាតការផ្គត់ផ្គង់អុកស៊ីសែនឥឡូវនេះ នាំឱ្យមានមនុស្សជាច្រើននាក់បានស្លាប់។ប្រទេសឥណ្ឌាបានរាយការណ៍អំពីករណីឆ្លងថ្មីជាង ៣៤០.០០០នាក់កាលពីថ្ងៃសៅរ៍។ ចំនួនអ្នកឆ្លងសរុបប្រចាំថ្ងៃរបស់ប្រទេសនេះបានឡើងដល់ ៣០ម៉ឺននាក់នៅថ្ងៃទី៣ ជាប់ៗគ្នា។ ល្បឿននៃការឆ្លងកំពុងហក់ឡើងខ្ពស់។ មនុស្សជាង ២.៦០០នាក់បានស្លាប់ដោយសារជំងឺ COVID-19 កាលពីថ្ងៃសៅរ៍ នោះជាកំណត់ត្រាខ្ពស់បំផុត។ ប្រព័ន្ធផ្សព្វផ្សាយក្នុងស្រុកបានរាយការណ៍កាលពីថ្ងៃសៅរ៍ថា អ្នកជំងឺ COVID-19 ចំនួន ២០នាក់នៅមន្ទីរពេទ្យមួយក្នុងរដ្ឋធានីញូវដេលីបានស្លាប់ ដោយសារកង្វះអុកស៊ីសែន។ មន្ទីរពេទ្យគ្រោងនឹងទទួលបានអុកស៊ីសែនកាលពីល្ងាចថ្ងៃសុក្រ ប៉ុន្តែអុកស៊ីសែនបានមកដល់នៅពេលយប់កណ្ដាលអាធ្រាត្រ យឺតពេលសម្រាប់អ្នកជំងឺមួយចំនួន។រដ្ឋាភិបាលក្នុងតំបន់និយាយថា មន្ទីរពេទ្យក្នុងទីក្រុងញូវដែលីត្រូវការអុកស៊ីសែនចំនួន ៧០០តោនក្នុងមួយថ្ងៃគិតត្រឹមថ្ងៃសុក្រ ប៉ុន្តែរដ្ឋាភិបាលកណ្តាលបានបម្រុងទុកតែ ៤៨០តោនប៉ុណ្ណោះ។ រដ្ឋាភិបាលកណ្តាលបាននឹងកំពុងជំរុញផលិតកម្មអុកស៊ីសែន និងពន្លឿនការនាំចូលអុកស៊ីសែន។ ប៉ុន្តែការផ្គត់ផ្គង់មិនទាន់អាចឆ្លើយតប តាមតម្រូវការអុកស៊ីសែនដែលកំពុងតែកើនឡើងនោះបានទេ៕អត្ថបទ៖ សុខមាន

វត្តអារាមក្នុងរាជធានីភ្នំពេញចំនួន១៥០វត្ត បានទទួលទេយ្យទានពីសម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន

ភ្នំពេញ៖ ទេយ្យទានសម្ដេចតេជោ ហ៊ុន សែន និងសម្ដេចកិតិ្តព្រឹទ្ធបណ្ឌិត ដែលមានអង្ករ និងជាគ្រឿងឧបភោគបរិភោគជាច្រើនមុខ បានប្រគេនដល់វត្តចំនួន១៥០វត្ត ទូទាំងរាជធានីភ្នំពេញ បន្ទាប់ពីការប្រគេនរយៈពេល ០៤ថ្ងៃជាប់ៗកន្លងមកនេះ ដោយមានការចូលរួមប្រគេនដោយផ្ទាល់ពី ឯកឧត្តម ឆារស៏ វ៉ាន់ , ឯកឧត្តម សៅ ភិរុណ , លោក ជិន ប៊ុនធឿន និងលោកស្រី ស្បោង សំបូរ តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ព្រមទាំងមានការចូលរួមពីកងអន្តរាគមន៍លេខ៩ ការពារគោលដៅទីស្ដីការនាយករដ្ឋមន្ត្រី ទីស្ដីការគណៈរដ្ឋមន្ត្រី និង កងអន្តរាគមន័ទី១០ ដឹកជញ្ជូន១៤៤ ក្នុងការដឹកជញ្ជូនទេយ្យទានទាំងអស់នោះដើម្បីប្រគេនព្រះសង្ឃតាមវត្តនីមួយៗ។ ប្រតិភូតំណាងបាននាំនូវការផ្ដាំផ្ញើសួរសុខទុក្ខពីសម្ដេចតេជោ និងសម្ដេចកិត្តិព្រឹទ្ធបណ្ឌិតដល់ព្រះតេជគុណព្រះសង្ឃគ្រប់ព្រះអង្គទាំងអស់ដែលកំពុងទទួលរងផលប៉ះពាល់នូវការបិទខ្ទប់រាជធានីភ្នំពេញដោយសារជម្ងឺកូវីដ-១៩នាពេលនេះ។ ព្រោះក្នុងដំណាក់កាលដែលប្រទេសកម្ពុជាកំពុងឆ្លង រីករាល ដាលនៃជំងឺកូវីដ-១៩ចូលក្នុងសហគមន៍ គឺតម្រូវឲ្យរាជរដ្ឋាភិបាលមានការបិទខ្ទប់ទីក្រុងភ្នំពេញ និងក្រុងតាខ្មៅដើម្បីទប់ស្កាត់ការឆ្លងរាលដាលជំងឺកូវី-១៩ ក្នុងនោះផងដែរព្រះសង្ឃមិនអាចបិណ្ឌបាត្រចង្ហាន់បាន និងប្រជាពុទ្ធបរិស័ទក៏មិនអាចយកចង្ហាន់មកប្រគេនព្រះសង្ឃបានដែរនោះ ទើបសម្ដេចតេជោលោកបានគិតគូរអំពីទុក្ខ ការលំបាករបស់ព្រះសង្ឃគ្រប់ព្រះសង្ឃតាមទីអារាមនានា។ ព្រះតេជគុណព្រះសង្ឃគ្រប់ព្រះអង្គបានប្រគេនពរសម្ដេចតេជោ និងសម្ដេចកិតិ្តព្រឹទ្ធបណ្ឌិត ព្រមទាំងក្រុមគ្រួសារទទួលបាននូវសេចក្តីសុខ សេចក្តីចម្រើន ចៀសផុតពីជម្ងឺទាំងឡាយទាំងពួង និងជោគជ័យក្នុងការដឹកនាំប្រទេសជាតិតទៅមុខទៀត។ សម្រាប់អំណោយជាទេយ្យទាន ក្នុង១វត្តៗទទួលបាន: ១-អង្ករចំនួន១តោន២-ត្រីខចំនួន២កេសមាន២០យួរ (ក្នុង១យួរ មាន១០កំប៉ុង)ស្មើ ២០០ កំប៉ុង២៤៨ កេស ៣-មីចំនួន២០កេស៤- ទឹកផ្លែឈើគ្រប់មុខចំនួន១០កេស (ក្នុង ១ កេសមាន២៤កំប៉ុង)៥-ទឹកដោះគោខាប់ចំនួន២កេស (ក្នុង១កេស មាន៤៨ កំប៉ុង) ៦-កាហ្វេចំនួន៥កញ្ចប់ធំ (ក្នុង១កញ្ចប់ធំមាន ៥០កញ្ចប់តូច)៧-តែចំនួន២គីឡូក្រាម៨-ស្ករសចំនួន១បេ(មាន ២៥ គីឡូក្រាម) ៩-អំបិលចំនួន១បេ(មាន១០គីឡូក្រាម)១០-ទឹកត្រីចំនួន៥យួរ(ក្នុង១យួរមាន៦ ដប)១១-ទឹកស៊ីអ៊ីវចំនួន៥យួរ (ក្នុង១យួរមាន៦ ដប)១២-ប៊ីចេងចំនួន១បេ(មាន២៥គីឡូក្រាម)៕

សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បន្តប្រគេនទេយ្យទានដល់វត្តចំនួន២៤វត្តទៀតក្នុងគោលដៅចំនួន១៤២វត្តក្នុងរាជធានីភ្នំពេញ

ភ្នំពេញ៖ នៅព្រឹកថ្ងៃទៅ២៤ ខែមេសា ឆ្នាំ២០២១នេះ ទេយ្យទានសម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ដែលមានជាអង្ករ និងគ្រឿងឧបភោគបរិភោភ ជាច្រើន មុខត្រូវបានបន្តប្រគេនដល់វត្តចំនួន២២វត្តជាបន្តទៀត នៅរាជធានីភ្នំពេញ ដោយមានការអញ្ជើញចូលរួមប្រគេនដោយផ្ទាល់ពី ឯកឧត្តម ឆារស៏ វ៉ាន់ , ឯកឧត្តម សៅ ភិរុណ , លោក ជិន ប៊ុនធឿន និងលោកស្រី ស្បោង សំបូរ តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និង សម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន។ វត្តចំនួន២៤វត្តដែលទទួលបានទេយ្យទាននា ពេលនេះស្ថិតនៅក្នុងខណ្ឌចំនួន៦មានខណ្ឌចំការមន ៤វត្ត ,ខណ្ឌ៧មករា ៣វត្ត ,ខណ្ឌបឹងកេងកង ១វត្ត, ខណ្ឌដូនពេញ ៥, ខណ្ឌសែនសុខ ៦វត្ត និងខណ្ឌឫស្សីកែវ ចំនួន៥វត្ត ហើយនៅថ្ងៃស្អែកក្រុមការងារ នឹងបន្តប្រគេនដល់ វត្តមួយចំនួនទៀតដែល មិនទាន់បានប្រគេនឱ្យគ្រប់ចំនួនគោលដៅ១៤២វត្តក្នុងរាជធានីភ្នំពេញ។ ក្នុងពិធីប្រគល់អំណោយទេយ្យទាននេះផងដែរ ឯកឧត្តម តំណាងសម្ដេចតេជោនាយករដ្ឋមន្ត្រី និងសម្ដេចកិតិ្តព្រឹទ្ធបណ្ឌិត បាននាំនូវការផ្ដាំផ្ញើសួរសុខទុក្ខពីសម្ដេចតេជោ និង សម្ដេចកិត្តិព្រឹទ្ធបណ្ឌិតដល់ព្រះតេជគុណព្រះសង្ឃគ្រប់ព្រះអង្គទាំងអស់ដែលកំពុងទទួលរងផលប៉ះពាល់នូវការបិទខ្ទប់រាជធានីភ្នំពេញដោយសារជម្ងឺកូវីដ១៩នាពេលនេះ។ ឯកឧត្តមតំណាងបានទូលប្រគេនព្រះសង្ឃគ្រប់ព្រះអង្គថា ក្នុងដំណាក់កាលដែលប្រទេសកម្ពុជាកំពុងឆ្លង រីករាល ដាលនៃជំងឺកូវីដ១៩ចូលក្នុងសហគមន៍ គឺតម្រូវឲ្យ រាជរដ្ឋាភិបាលមានការបិទខ្ទប់ទីក្រុងភ្នំពេញ និងក្រុងតាខ្មៅខេត្តកណ្ដាល ដើម្បីទប់ស្កាត់ការឆ្លងរាលដាលជំងឺកូវី១៩។ ជាពិសេសអំឡុងពេលបិទខ្ទប់ដែល ព្រះសង្ឃមិនអាចបិណ្ឌបាត្រចង្ហាន់បាន និងប្រជាពុទ្ធបរិស័ទក៏មិនអាចយកចង្ហាន់មកប្រគេនព្រះសង្ឃបានដែរនោះ ទើបសម្ដេចតេជោនាយករដ្ឋមន្ត្រី លោកបានគិតគូរអំពីទុក្ខ ការលំបាក របស់ព្រះសង្ឃគ្រប់ព្រះអង្គតាមទីអារាមនានាទូទាំងរាជធានីភ្នំពេញ។ លើសពីនេះ ឯកឧត្តមតំណាងក៏បានទូលប្រគេនព្រះសង្ឃដើម្បីនាំនូវសារចូលរួមប្រយុទ្ធប្រឆាំងនិងទប់ស្កាត់ការឆ្លងរីករាលដាលជំងឺកូវីដ-១៩ ដោយត្រូវអនុវត្តឱ្យបានខ្ជាប់ខ្ជួននូវវិធានសុខាភិបាល របស់រាជរដ្ឋាភិបាល ជាពិសេសរួមអនុវត្តវិធានការ «៣ការពារ និង៣កុំ» ដេីម្បីការពារការចម្លងរីករាលដើរលេងជំងឺកូវីដ១៩ នេះ។ ព្រះតេជគុណព្រះសង្ឃគ្រប់ព្រះអង្គតាមវត្តអារាមនីមួយៗ បានសំដែងនូវការអរព្រះគុណចំពោះសម្ដេចតេជោ និងសម្ដេចកិតិ្តព្រឹទ្ធបណ្ឌិត ដែលតែងតែគិតគូរចំពោះការខ្វះខាតរបស់ព្រះសង្ឃតាមទីអារាមនានាក្នុងដំណាក់កាលដែលប្រទេសកម្ពុជាកំពុងជួបវិបត្តិនៃជម្ងឺកូវីដ១៩ ដូច្នេះហើយទីអារាមនីមួយៗក៏មានតួនាទីក្នុងការចូលរួមទប់ស្កាត់ការរីករាលដាលនៃជំងឺកូវីដផងដែរ។ ព្រះតេជគុណព្រះសង្ឃគ្រប់ព្រះអង្គបានប្រគេនពរសម្ដេចតេជោ និងសម្ដេចកិតិ្តព្រឹទ្ធបណ្ឌិត ព្រមទាំងក្រុមគ្រួសារទទួលបាននូវសេចក្តីសុខ សេចក្តីចម្រើន ចៀសផុតពីជម្ងឺទាំងឡាយទាំងពួង និងជោគជ័យក្នុងការដឹកនាំប្រទេសជាតិតទៅមុខទៀត។ សម្រាប់អំណោយជាទេយ្យទាន ក្នុង១វត្តៗទទួលបាន: ១-អង្ករចំនួន១តោន២-ត្រីខចំនួន២កេសមាន២០យួរ (ក្នុង១យួរ មាន១០កំប៉ុង)ស្មើ ២០០ កំប៉ុង២៤៨ កេស ៣-មីជាតិចំនួន២០កេស៤- ទឹកផ្លែឈើគ្រប់មុខចំនួន១០កេស (ក្នុង ១ កេសមាន២៤កំប៉ុង)៥-ទឹកដោះគោខាប់ចំនួន២កេស (ក្នុង១កេស មាន៤៨ កំប៉ុង) ៦-កាហ្វេចំនួន៥កញ្ចប់ធំ (ក្នុង១កញ្ចប់ធំមាន ៥០កញ្ចប់តូច)៧-តែចំនួន២គីឡូក្រាម៨-ស្ករសចំនួន១បេ(មាន ២៥ គីឡូក្រាម) ៩-អំបិលចំនួន១បេ(មាន១០គីឡូក្រាម)១០-ទឹកត្រីចំនួន៥យួរ(ក្នុង១យួរមាន៦ ដប)១១-ទឹកស៊ីអ៊ីវចំនួន៥យួរ (ក្នុង១យួរមាន៦ ដប)១២-ប៊ីចេងចំនួន១បេ(មាន២៥គីឡូក្រាម)៕

របបសឹកយោធាចេញដីកាតាមចាប់ខ្លួនក្រុមរដ្ឋមន្ត្រីដែលបង្កើតរដ្ឋាភិបាលថ្មីរួបរួមជាតិ

មីយ៉ាន់ម៉ា៖ យោធាសហភាពមីយ៉ាន់ម៉ាបាននិយាយថា ពួកគេបានចេញដីកាតាមចាប់ខ្លួនមនុស្ស ២៦នាក់ ដែលរួមទាំងឥស្សរជនទាំងអស់ទទួលបានការតែងតាំងជារដ្ឋមន្ត្រី ដោយក្រុមប្រឆាំងរបស់ពួកគេ។របបសឹកយោធាបានធ្វើសេចក្តីប្រកាសបែបនេះ តាមកញ្ចក់ទូរទស្សន៍រដ្ឋកាលពីយប់ថ្ងៃព្រហស្បតិ៍។ ពួកគេបាននិយាយថា រដ្ឋាភិបាលខុសច្បាប់ត្រូវបានបង្កើតឡើងដើម្បីផ្តួលរំលំរដ្ឋាភិបាលស្របច្បាប់ ដែលបង្កើតឡើងដោយយោធាដោយអនុឡោមតាមច្បាប់រដ្ឋធម្មនុញ្ញ។ គណៈកម្មាធិការដែលប្រឆាំងនឹងយោធាបានប្រកាសកាលពីថ្ងៃទី១៦ ខែមេសាកន្លងទៅពីការបង្កើតរដ្ឋាភិបាលថ្មីរួបរួមជាតិ និងបានតែទាំងរដ្ឋមន្ត្រី ១៤រូប។ គណៈកម្មាធិការមួយនេះ រួមមានទាំងគណបក្សសម្ព័ន្ធជាតិដើម្បីលទ្ធិប្រជាធិបតេយ្យរបស់លោកស្រី អ៊ុងសាន ស៊ូជី ផងដែរ។ ខណៈនោះដែររដ្ឋាភិបាលរួបរួមជាតិ បានស្នើសុំប្រទេសសមាជិកសមាគមជាតិអាស៊ី-អាគ្នេយ៍ (អាស៊ាន) ឲ្យទទួលស្គាល់សិទ្ធិអំណាចស្របច្បាប់របស់ខ្លួននៅសហភាពមីយ៉ាន់ម៉ា។ទោះបីជាយ៉ាងណាក៏ដោយ មេដឹកនាំយោធាលោកឧត្តមសេនីយ៍ មីន អ៊ុងលាំង គ្រោងនឹងចូលរួមជំនួបកម្រិតកិច្ចប្រជុំកំពូលមួយនេះ ដែលរៀបចំឡើងនៅរដ្ឋធានីហ្សាកាតា ប្រទេសឥណ្ឌូនេស៊ី នៅថ្ងៃសៅរ៍ស្អែកនេះ។ ដោយឡែក ប្រេសិតពិសេសអង្គការសហប្រជាជាតិ (UN)ទទួលបន្ទុកកិច្ចការសិទ្ធិមនុស្សនៅសហភាពមីយ៉ាន់ម៉ា លោកស្រី គ្រីស្ទីន ស្ក្រានឺ ប៊ឺជឺនឺ នឹងមានវត្តមានផងដែរនៅប្រទេសឥណ្ឌូនេស៊ីនៅថ្ងៃតែមួយនោះ៕អត្ថបទ៖ សារ៉ាត់

មេដឹកនាំពិភពលោកពិភាក្សាពីបញ្ហាបម្រែបម្រួលអាកាសធាតុនៅកិច្ចប្រជុំកំពូលដឹកនាំដោយអាមេរិក

អាមេរិក៖ លោកប្រធានាធិបតីអាមេរិក Joe Biden កំពុងធ្វើជាម្ចាស់ផ្ទះនៃកិច្ចប្រជុំកំពូលតាម Online ដើម្បីពិភាក្សាពីវិធីដោះស្រាយបញ្ហាបម្រែបម្រួលអាកាសធាតុ។ លោកក៏បានអំពាវនាវផងដែរ ឱ្យមានកិច្ចខិតខំប្រឹងប្រែងរួមគ្នារបស់អន្តរជាតិ និងបានប្រកាសគោលដៅនៃការបំភាយឧស្ម័នថ្មី សម្រាប់ប្រទេសរបស់លោក។លោក Biden បាននិយាយថា សហរដ្ឋអាមេរិកបានដាក់ចេញវីធីសាស្ត្រមួយ ដើម្បីកាត់បន្ថយឧស្ម័នផ្ទះកញ្ចក់ចំនួនពាក់កណ្តាលនៅចុងទសវត្សនេះ។ ក្រុមមន្ត្រីសហរដ្ឋអាមេរិកនិយាយថា ប្រទេសនេះមានគោលបំណងកាត់បន្ថយកម្រិតបំភាយឧស្ម័នពី ៥០ ទៅ ៥២% នៅឆ្នាំ២០៣០ បើប្រៀបធៀបនឹងឆ្នាំ២០០៥ កន្លងទៅ។ នោះគឺជាមហិច្ឆតាធំជាងគោលដៅកាត់បន្ថយកន្លងទៅចន្លោះពី ២៦ ទៅ ២៨% នៅឆ្នាំ២០២៥។ តំណាងមកពី ៤០ប្រទេស និងអង្គការនានាកំពុងចូលរួមក្នុងព្រឹត្តិការណ៍រយៈពេល ២ថ្ងៃនេះ។ មេដឹកនាំទាំងនោះ រួមទាំងលោកនាយករដ្ឋមន្ត្រីជប៉ុន Suga Yoshihide, ប្រធានាធិបតីចិនលោក Xi Jinping និងប្រធានាធិបតីរុស្ស៊ីលោក Vladimir Putin។ បណ្ដាមេដឹកនាំចូលរួមកំពុងគូសបញ្ជាក់ពីរបៀប ដែលប្រទេសរបស់ខ្លួននឹងដោះស្រាយការប្រែប្រួលអាកាសធាតុ៕អត្ថបទ៖ សុខមាន

UN៖ ការចាត់វិធានការបង្ក្រាបរបស់របបសឹកយោធាធ្វើឲ្យមនុស្សជិត ២៥ម៉ឺននាក់ជម្លៀសខ្លួននៅមីយ៉ាន់ម៉ា

UN៖ ប្រេសិតពិសេសទទួលបន្ទុកបញ្ហាសិទ្ធិមនុស្ស របស់អង្គការសហប្រជាជាតិ (UN) បាននិយាយកាលពីថ្ងៃពុធថា ការចាត់វិធានការបង្ក្រាបយ៉ាងចាស់ដៃ ពីរបបសឹកយោធាសហភាពមីយ៉ាន់ម៉ា មកលើក្រុមបាតុករប្រឆាំងនឹងរដ្ឋប្រហារ បណ្ដាលឲ្យមនុស្សជិត ២៥ម៉ឺននាក់ជម្លៀសខ្លួនចេញ។រដ្ឋាភិបាលយោធាបានបង្កើនកម្លាំងសម្លាប់ ដើម្បីបំបែកបាតុករទ្រង់ទ្រាយធំប្រឆាំងនឹងរដ្ឋប្រហារកាលពីថ្ងៃទី០១ ខែកុម្ភៈកន្លងទៅ ដែលបានផ្តួលរំលំរដ្ឋាភិបាលស៊ីវិលរបស់លោកស្រី អ៊ុងសាន ស៊ូជី។ យោងតាមការអះអាង របស់ក្រុមឃ្លាំមើលសិទ្ធិមនុស្សក្នុងស្រុកបានឲ្យដឹងថា មនុស្សយ៉ាងហោច ៧៣៨នាក់បាត់បង់ជីវិត និងមនុស្ស ៣.៣០០នាក់ផ្សេងទៀតបានជាប់ពន្ធនាគារ ជាអ្នកទោសនយោបាយ។ លោក ថម អ៊ែនឌ្រូ អ្នករាយការណ៍ពិសេស UN ស្ដីពីស្ថានភាពសិទ្ធិមនុស្សនៅសហភាពមីយ៉ាន់ម៉ា បានសរសេរនៅលើ Twitter កាលពីថ្ងៃពុធថា វាគឺជារឿងដ៏គួររន្ធត់ខ្លាំងណាស់ពេលទទួលបានដំណឹងបែបនេះ ការវាយប្រហាររបស់របបសឹកយោធា បានធ្វើឲ្យប្រជាពលរដ្ឋមីយ៉ាន់ម៉ាជិត ២៥ម៉ឺននាក់ជម្លៀសខ្លួនចេញ។ លោកបន្តថា ពិភពលោកត្រូវតែមានវិធានការបន្ទាន់ ដើម្បីលើកឡើងពីគ្រោះថ្នាក់មនុស្សជាតិមួយនេះ។លោក ប៉ាដូ ម៉ាន់ម៉ាន់ អ្នកនាំពាក្យកងពលលេខ៥ នៃសហភាពជាតិការ៉ែន ដែលជាក្រុមឧទ្ទាមនៅតំបន់ព្រំដែនភាគខាកើតមីយ៉ាន់ម៉ាបាននិយាយថា ជនជាតិដើមភាគតិចការ៉ែនជាង ២ពាន់នាក់ បច្ចុប្បន្នបានឆ្លងកាត់ព្រំដែនមីយ៉ាន់ម៉ាចូលទៅកាន់ទឹកដីថៃ និងរាប់ពាន់នាក់ផ្សេងទៀតបានជម្លៀសក្នុងប្រទេស៕អត្ថបទ៖ សារ៉ាត់

បណ្ដាញសង្គម

ព័ត៌មានថ្មីៗ

ប្រព័ន្ធផ្សព្វផ្សាយអ៊ីរ៉ង់៖ មនុស្សប្រមាណ៤៣លាននាក់បានចូលរួមក្នុងពិធីបុណ្យសពរបស់មេដឹកនាំ

សមាជិកសភា៖ អ៊ីរ៉ង់អាចវាយកម្ទេចអាមេរិក និងអ៊ីស្រាអែល ទោះបីមានណាតូចូលរួមក្នុងជម្លោះក៏ដោយ

ការផ្ទុះឡើងជំងឺ Ebola កំពុង «កើនឡើងលឿនបំផុត» ខណៈមានអ្នកស្លាប់យ៉ាងតិច ៦០០នាក់

លោក Xi បង្ហាញក្ដីបារម្ភ អំពីសុវត្ថិភាពកន្លែងធ្វើការ ក្រោយឆេះរោងចក្រស្បែកជើង សម្លាប់មនុស្ស ២៨នាក់

IMF ព្យាករសេដ្ឋកិច្ចសកលកើនឡើងត្រឹម ៣% នៅឆ្នាំនេះ ដោយសារសង្គ្រាមអ៊ីរ៉ង់ តែ AI ជួយទប់

មនុស្សរាប់រយនាក់ចេញពីលំនៅឋាន នៅតៃវ៉ាន់ ហើយភាគនិរតីជប៉ុនប្រុងប្រយ័ត្នខ្ពស់ ខណៈព្យុះ Bavi ជិតទៅដល់

ចិនបញ្ជាក់ឡើងវិញការជំទាស់សាលក្រមខុសច្បាប់ឆ្នាំ ២០១៦ របស់តុលាការមជ្ឈត្តកម្ម នៅសមុទ្រចិនខាងត្បូង

អ្នកការទូតជាន់ខ្ពស់ជប៉ុននិយាយថា ពុំមានផែនការជាក់លាក់ណាមួយសម្រាប់ទំនាក់ទំនងនយោបាយជាមួយរុស្ស៊ីទេ

មន្ត្រី៖ សហរដ្ឋអាមេរិកនឹងណែនាំការដកទ័ពរបស់អ៊ីស្រាអែលចេញពីតំបន់លីបង់ និងដឹកនាំកិច្ចចរចាថ្មី

លោក Trump បានប្រាប់លោក Netanyahu ពីចំណាត់ការរបស់អាមេរិក នៅតំបន់ឈូងសមុទ្រ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ប្រមុខរាជរដ្ឋាភិបាលកម្ពុជា សម្រេចបិទខ្ទប់រាជធានីភ្នំពេញ និង ក្រុង តាខ្មៅរយៈពេល១សប្ដាហ៍ទៀត

ចំនួនមនុស្សស្លាប់ក្នុងហេតុការណ៍អគ្គិភ័យនៅមន្ទីរពេទ្យក្រុងបាដាដកើនឡើងជាង ៨០នាក់

មេបញ្ជាការយោធា៖ នាវិកក្នុងនាវាមុជទឹកដែលលិចនៅឥណ្ឌូនេស៊ីទាំង ៥៣នាក់បានស្លាប់ទាំងអស់

ពលរដ្ឋមីយ៉ាន់ម៉ាចេញតវ៉ាទូទាំងប្រទេសប្រឆាំងរបបយោធា អំឡុងជំនួបកំពូលអាស៊ាន

អ្នកជំងឺ COVID-19 ចំនួន ២០នាក់បានស្លាប់ដោយសារខ្វះអុកស៊ីសែននៅប្រទេសឥណ្ឌា

របបសឹកយោធាចេញដីកាតាមចាប់ខ្លួនក្រុមរដ្ឋមន្ត្រីដែលបង្កើតរដ្ឋាភិបាលថ្មីរួបរួមជាតិ

មេដឹកនាំពិភពលោកពិភាក្សាពីបញ្ហាបម្រែបម្រួលអាកាសធាតុនៅកិច្ចប្រជុំកំពូលដឹកនាំដោយអាមេរិក

UN៖ ការចាត់វិធានការបង្ក្រាបរបស់របបសឹកយោធាធ្វើឲ្យមនុស្សជិត ២៥ម៉ឺននាក់ជម្លៀសខ្លួននៅមីយ៉ាន់ម៉ា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ប្រមុខរាជរដ្ឋាភិបាលកម្ពុជា សម្រេច​បិទខ្ទប់រាជធានីភ្នំពេញ និង ក្រុង តាខ្មៅរយៈពេល១សប្ដាហ៍ទៀត

ចំនួន​មនុស្ស​ស្លាប់​ក្នុង​ហេតុការណ៍​អគ្គិភ័យ​នៅ​មន្ទីរពេទ្យ​ក្រុង​បា​ដា​ដ​កើន​ឡើង​ជាង ៨០​នាក់​

មេបញ្ជាការ​យោធា​៖ នាវិក​ក្នុង​នាវាមុជទឹក​ដែល​លិច​នៅ​ឥណ្ឌូនេស៊ី​ទាំង​ ៥៣​នាក់​បាន​ស្លាប់​ទាំងអស់​

ពលរដ្ឋ​មី​យ៉ាន់​ម៉ា​ចេញ​តវ៉ា​ទូទាំង​ប្រទេស​ប្រឆាំង​របប​យោធា អំឡុង​ជំនួប​កំពូល​អាស៊ាន​

អ្នកជំងឺ COVID-19 ចំនួន​ ២០​នាក់​បាន​ស្លាប់​ដោយសារ​ខ្វះ​អុកស៊ីសែន​នៅ​ប្រទេស​ឥណ្ឌា​

របប​សឹក​យោធា​ចេញ​ដី​កាតាម​ចាប់ខ្លួន​ក្រុម​រដ្ឋមន្ត្រី​ដែល​បង្កើត​រដ្ឋាភិបាល​ថ្មី​រួបរួម​ជាតិ

មេដឹកនាំ​ពិភពលោក​ពិភាក្សា​ពី​បញ្ហា​បម្រែបម្រួល​អាកាសធាតុ​នៅ​កិច្ចប្រជុំ​កំពូល​ដឹកនាំ​ដោយ​អាមេរិក​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រមុខរាជរដ្ឋាភិបាលកម្ពុជា សម្រេចបិទខ្ទប់រាជធានីភ្នំពេញ និង ក្រុង តាខ្មៅរយៈពេល១សប្ដាហ៍ទៀត

ចំនួនមនុស្សស្លាប់ក្នុងហេតុការណ៍អគ្គិភ័យនៅមន្ទីរពេទ្យក្រុងបាដាដកើនឡើងជាង ៨០នាក់

មេបញ្ជាការយោធា៖ នាវិកក្នុងនាវាមុជទឹកដែលលិចនៅឥណ្ឌូនេស៊ីទាំង ៥៣នាក់បានស្លាប់ទាំងអស់

ពលរដ្ឋមីយ៉ាន់ម៉ាចេញតវ៉ាទូទាំងប្រទេសប្រឆាំងរបបយោធា អំឡុងជំនួបកំពូលអាស៊ាន

អ្នកជំងឺ COVID-19 ចំនួន ២០នាក់បានស្លាប់ដោយសារខ្វះអុកស៊ីសែននៅប្រទេសឥណ្ឌា

របបសឹកយោធាចេញដីកាតាមចាប់ខ្លួនក្រុមរដ្ឋមន្ត្រីដែលបង្កើតរដ្ឋាភិបាលថ្មីរួបរួមជាតិ

មេដឹកនាំពិភពលោកពិភាក្សាពីបញ្ហាបម្រែបម្រួលអាកាសធាតុនៅកិច្ចប្រជុំកំពូលដឹកនាំដោយអាមេរិក