BTV NEWS

សម្តេចតេជោ ហ៊ុន សែន អញ្ជើញអុជធូបគោរពវិញ្ញាណក្ខន្ធសពម្តាយ លោក កឹម សុខា

សម្តេចតេជោ ហ៊ុន សែន បន្តជួបសំណេះសំណាលជាមួយក្រុមប្រឹក្សា និងមន្ត្រីនៃមន្ទីរអង្គភាពនានាជុំវិញខេត្តព្រះវិហារ

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

ព័ត៌មានសំខាន់ៗ

អង្គការសុខភាពពិភពលោក៖ ករណីឆ្លងជំងឺ COVID-19 បានហក់ឡើងខ្ពស់ប្រចាំសប្ដាហ៍

WHO៖ ប្រមុខអង្គការសុខភាពពិភពលោកនិយាយថា ករណីឆ្លងថ្មីនៃវីរុសកូរ៉ូណា ឬ COVID-19 ជាង ៥លាន ២សែននាក់ត្រូវបានរាយការណ៍នៅទូទាំងពិភពលោកកាលពីសប្ដាហ៍មុន ជាចំនួនហក់ឡើងខ្ពស់បំផុតមិនធ្លាប់មានប្រចាំសប្ដាហ៍។លោក Tedros Adhanom Ghebreyesus បានរាយការណ៍កាលពីថ្ងៃច័ន្ទថា នេះជាការកើនឡើងខ្ពស់រយៈពេល ៨សប្ដាហ៍ជាប់ៗគ្នានៃករណីឆ្លង។ លោក Tedros ក៏បានបង្ហាញការព្រួយបារម្ភផងដែរ អំពីការកើនឡើងនៃចំនួនមនុស្សស្លាប់។ លោកបាននិយាយថា រយៈពេល ៩ខែចំនួនអ្នកស្លាប់បានកើនឡើងដល់ ១លាននាក់ រយៈពេល ៤ខែក្រោយបានកើនឡើងដល់ ២លាននាក់ ហើយ ៣ខែក្រោយមកទៀតអ្នកស្លាប់លើពិភពលោកដោយសារជំងឺ COVID-19 បានកើនឡើងដល់ជាង ៣លាននាក់។ លោក Tedros បាននិយាយថា ការឆ្លង និងចំនួនអ្នកជំងឺចូលសម្រាកក្នុងមន្ទីរពេទ្យកំពុងកើនឡើង ក្នុងចំណោមមនុស្សដែលមានអាយុចន្លោះពី ២៥ឆ្នាំដល់ ៥៩ឆ្នាំ។ លោកថា ការឆ្លងជំងឺបម្លែងខ្លួនថ្មីដ៏ខ្ពស់ និងការមិនគោរពវិធានការគម្លាតសុវត្ថិភាព អាចជាកត្តាបណ្ដាលឲ្យមានការឆ្លងកើនឡើង។ប្រធានក្រុមបច្ចេកទេសសម្រាប់ការឆ្លើយតបវីរុសកូរ៉ូណា របស់អង្គការសុខភាពលោកស្រី Maria Van Kerkhove បានបញ្ជាក់ថា ចំណុចសំខាន់នៃការរក្សាវិធានការប្រឆាំងនឹងការឆ្លងជាក់ស្ដែង រួមទាំងការចៀសវៀងចូលទៅកន្លែងដែលមានមនុស្សច្រើនកុះករផងដែរ។ លោកស្រីបានអំពាវនាវដល់រដ្ឋាភិបាលនានា ជួយគាំទ្រឲ្យមានការធ្វើការងារពីផ្ទះ ស្នាក់នៅក្នុងផ្ទះ ប្រសិនបើចាំបាច់ ដូច្នេះយើងអាចកាត់បន្ថយលទ្ធភាព នៃការឆ្លងរាលដាលវីរុសនេះបាន៕អត្ថបទ៖ សុខមាន

សម្តេចតេជោ ហ៊ុន សែន ស្នើសុំមិនឲ្យប្រតិជូនដំណើរ និងទទួលសម្តេចពេលទៅមកប្រទេសឥណ្ឌូនេស៊ី

ភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានស្នើដល់ប្រតិភូនៃរាជរដ្ឋាភិបាលទាំងអស់ មិនចាំបាច់ជូនដំណើរ និងទៅទទួលសម្តេច ពេលដែលសម្តេចអញ្ជើញទៅ ចូលរួមកិច្ចប្រជុំអាស៊ាន នៅប្រទេសឥណ្ឌូនេស៊ី ដើម្បីបង្ការទប់ស្កាត់ការរីករាលដាលនូវមេរោគកូវីដ១៩។យោងតាមសារសំឡេងរបស់សម្តេចតេជោ ហ៊ុន សែន នាព្រឹកថ្ងៃទី២០ ខែមេសា ឆ្នាំ២០២១នេះ សម្តេចតេជោ ហ៊ុន សែន បានបញ្ជាក់ឲ្យដឹងថា ការចេញដំណើររបស់សម្តេច នាថ្ងៃទី២៤ ខែមេសា ខាងមុខនេះទៅប្រទេសឥណ្ដូនេស៊ី ដើម្បីទៅចូលរួមកិច្ចប្រជុំអាស៊ានពេលនេះ គឺមិនចាំបាច់ជូនដំណើរ ហើយពេលដែលសម្តេចវិលត្រឡប់មកវិញក៏មិនចាំបាច់ទៅទទួលផងដែរ ខណៈដែលប្រទេសកម្ពុជាយើង ជាពិសេសនៅក្នុងរាជធានីភ្នំពេញនេះតែម្តង បានកំពុងតែធ្វើការបិទខ្ទប់ដើម្បើទប់ស្កាត់ និងបង្ការនៃការរីករាលដាលនូវមេរោគកូវីដ១៩នោះ។សូមបញ្ជាក់ថា សម្តេចតេជោ ហ៊ុន សែន អមដោយគណៈប្រតិភូជាន់ខ្ពស់របស់រាជរដ្ឋាភិបាលមួយចំនួនទៀត នៅព្រឹកថ្ងៃទី២៤ ខែមេសា ២០២១ខាងមុខនេះ នឹងចេញដំណើរទៅទីក្រុងហ្សាកាតា ប្រទេសឥណ្ឌូនេស៊ី ដើម្បីចូលរួមកិច្ចប្រជុំអាស៊ាន។ បើតាមសម្តេចតេជោ ហ៊ុន សែន នាយករដ្ឋមន្រ្តី បានបញ្ជាក់កាលពីកន្លងទៅថា មុនពេលសម្តេចចេញដំណើរទៅសម្តេច ត្រូវយកសំណាកពិនិត្យដើម្បីទទួលលិខិតបញ្ជាក់សម្រាប់អោយអាជ្ញាធរសុខាភិបាលឥណ្ឌូណេស៊ី ហើយពេលពេលសម្តេចទៅដល់ត្រូវយកសំណាកពិនិត្យម្តងទៀត ខណៈពេលរសៀលការប្រជុំចាប់ផ្តើម ពេលចប់មិនថាថ្ងៃ ឬយប់សម្តេចត្រូវត្រឡប់មកវិញ ហើយពេលមកដល់ព្រលានយន្តហោះអន្តរជាតិភ្នំពេញ សម្តេចត្រូវយកសំណាកពិនិត្យម្តងទៀតផងដែរ។ មកដល់ផ្ទះសម្តេចត្រូវធ្វើចត្តាឡីស័ក១៤ថ្ងៃជាមួយនឹងការពិនិត្យសំណាក២ទៅ៣ដងទៀត។សម្តេច បានបន្ថែមទៀតថា«ដើម្បីធានាសុវត្ថិភាពសម្រាប់ភរិយា កូន និងចៅ សម្តេចត្រូវអោយភរិយា នាំកូន និងចៅទៅសម្រាកនៅទីកន្លែងផ្សេង។ ដោយឡែកសមាជិកប្រតិភូដែលធ្វើដំណើរជាមួយសម្តេច ត្រូវយកសំណាក និងធ្វើចត្តាឡីស័ក១៤ថ្ងៃដូចគ្នា ជាមួយនឹងសម្តេចយ៉ាងដូច្នេះដែរ។សូមរំលឹកផងដែរថា ដោយភារកិច្ចខានមិនបានក្នុងការចូលរួមប្រជុំអាស៊ាននាថ្ងៃទី២៤ មេសា ២០២១នេះ នៅរដ្ឋធានីហ្សាកាតាប្រទេសឥណ្ឌូណេស៊ីនោះ សម្តេចតេជោ ត្រូវបានប្តូរថ្ងៃចាក់វ៉ាក់សាំងដូសទី២នៅថ្ងៃទី២០ មេសានេះ ដែលមុននោះគ្រោងចាក់នៅថ្ងៃទី២៩ មេសា ២០២១។នៅថ្ងៃទី២០ ខែមេសានេះ សម្តេចតេជោ ត្រូវចាក់វ៉ាក់សាំងដូសទី២ បានរួចជាស្ថាពរហើយ ប៉ុន្តែការចាក់របស់សម្តេចគឺមិនបានចាក់នៅមន្ទីរពេទ្យទេ គឺចាក់នៅគេហដ្ឋានជាមួយភរិយា និងកូនស្រីពៅខុសគ្នាតែប្រភេទវ៉ាក់សាំងប៉ុណ្ណោះ។ សម្តចបានបញ្ជាក់ថា សម្តេច និងភរិយារបស់សម្តេចគឺបានទទួលវ៉ាក់សាំង Astra Zeneca រីឯកូនស្រីពៅទទួលដូសទី២នៃវ៉ាក់សាំង Sinovac៕អត្ថបទ ៖ បាន ចក់

សម្តេចតេជោ ហ៊ុន សែន ឧបត្ថម្ភថវិកាបន្ថែម ជូនទៅបណ្តាខេត្តជាប់ព្រំដែនកម្ពុជា-ថៃ និងវៀតណាម ដើម្បីរៀបចំចាត់ចែងធ្វើចត្តាឡីស័ក

ភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានឧបត្ថម្ភថវិកាបន្ថែមចំនួន២២៩០លានរៀល (២,២៩០,០០០,០០០រៀល) ជូនទៅបណ្តាខេត្តជាប់ព្រំដែនកម្ពុជា-ថៃ និងវៀតណាម ចំនួន២០ខេត្ត ដើម្បីរៀបចំាចាត់ចែងធ្វើចត្តាឡីស័ក ចាប់ពីថ្ងៃទី១៨ ដល់២៤ ខែមេសា ឆ្នាំ២០២១។ បើយោងតាមការបញ្ជាក់របស់លោកជំទាវ វេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាល ប្រាប់BTV ព័ត៌មាន នាល្ងាចថ្ងៃទី១៩ មេសា ២០២១នេះថា ដោយទទួលបានការយកចិត្តទុកដាក់ខ្ពស់ពីសម្តេចតេជោ ហ៊ុន សែន និងទទួលបានការឧបត្ថម្ភថវិកាបន្ថែម ជូនបណ្តាខេត្តចំនួន២០ ដូចខាងក្រោម១.ខេត្តបាត់ដំបង ទទួលបានថវិកា៣០០លានរៀល២.ខេត្តបន្ទាយមានជ័យ ទទួលបានថវិកា៣០០លានរៀល៣.ខេត្តឧត្តរមានជ័យ ទទួលបានថវិកា៣០លានរៀល៤.ខេត្តប៉ៃលិន ទទួលបានថវិកា១០០លានរៀល ៥.ខេត្តកោះកុង ទទួលបានថវិកា២០លានរៀល៦.ខេត្តពោធិ៍សាត់ ទទួលបានថវិកា៣០០លានរៀល៧.ខេត្តព្រះវិហារ ទទួលបានថវិកា៣០លានរៀល៨.ខេត្តកណ្តាល ទទួលបានថវិកា ២៥០លានរៀល៩.ខេត្តស្វាយរៀង ទទួលបានថវិកា៦០លានរៀល១០.ខេត្តព្រៃវែង ទទួលបានថវិកា២២០លានរៀល១១.ខេត្តត្បូងឃ្មុំ ទទួលបានថវិកា ៧០លានរៀល១២.ខេត្តក្រចេះ ទទួលបានថវិកា១០០លានរៀល១៣.ខេត្តតាកែវ ទទួលបានថវិកា៤០លានរៀល១៤.ខេត្តកំពង់ចាម ទទួលបានថវិកា៦០លានរៀល១៥.ខេត្តកំពង់ឆ្នាំង ទទួលបានថវិកា៩០លានរៀល១៦.ខេត្តកែប ទទួលបានថវិកា១០លានរៀល១៧.ខេត្តកំពង់ស្ពឺ ទទួលបានថវិកា៧០លានរៀល១៨.ខេត្តកំពង់ធំ ទទួលបានថវិកា១៤០លានរៀល១៩.ខេត្តព្រះសីហនុ ទទួលបានថវិកា៥០លានរៀល២០.ខេត្តសៀមរាប ទទួលបានថវិកា៥០លានរៀល។ ដោយឡែកសម្រាប់ខេត្តជាប់ព្រំដែនកម្ពុជា-ថៃ-វៀតណាម ទាំង២០ខេត្តនេះ មានអ្នកកំពុងធ្វើចត្តាឡីស័ក ចំនួនសរុប២០៩៣៩នាក់៕អត្ថបទ ៖ រដ្ឋា

កម្ពុជារកឃើញមនុស្ស៦២៤នាក់ទៀតឆ្លងមេរោគកូវីដ១៩នាំឱ្យតួលេខឆ្លងសរុបកើនលើស៧ពាន់នាក់

ភ្នំពេញ៖ ក្រសួងសុខាភិបាលបានប្រកាសថា មនុស្សដល់ទៅ ៦២៤នាក់ទៀត ត្រូវបានរកឃើញឆ្លងមេរោគកូវីដ១៩ ដែលនាំឱ្យចំនួនអ្នកឆ្លងសរុបកើនឡើងលើស ៧ពាន់នាក់ហើយនៅត្រឹមថ្ងៃនេះ។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលនិយាយថា ករណីឆ្លងថ្មីទាំង ៦២៤នាក់នេះ សុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈទាំងអស់។បើតាមក្រសួងសុខាភិបាល ករណីឆ្លងថ្មីទាំងនេះ ត្រូវបានរកឃើញច្រើនជាងគេនៅរាជធានីភ្នំពេញរហូតដល់ ៤៦៥នាក់ បន្ទាប់មកខេត្តព្រះសីហនុរកឃើញ ១៤៤នាក់ ខេត្តតាកែវ ១០នាក់ ខេត្តស្វាយរៀង ៣នាក់ ខេត្តកំពង់ចាម ១នាក់ និងខេត្តពោធិ៍សាត់ ១នាក់។គិតត្រឹមថ្ងៃនេះ កម្ពុជារកឃើញមនុស្សដល់ទៅ ៧ ០១៣នាក់បានឆ្លងមេរោគកូវីដ១៩នៅទូទាំងប្រទេសគិតចាប់តាំងពីចុងខែមករាឆ្នាំមុនមក ក្នុងករណីឆ្លងដល់ទៅ ៦ ៤៧០នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ។ក្រសួងសុខាភិបាលក៏ប្រកាសផងដែរថា អ្នកជំងឺកូវីដ១៩សរុប ២ ៥២៤នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ៤៨នាក់ដែលក្រសួងប្រកាសនៅថ្ងៃនេះផងដែរ ខណៈអ្នកជំងឺដល់ទៅ ៤ ៤៣៩នាក់ទៀត កំពុងស្ថិតក្រោមការព្យាបាលបន្ត៕អត្ថបទ ៖ សុធី

ប្រមុខរាជរដ្ឋាភិបាលបញ្ជាទៅក្រសួងពាណិជ្ជកម្មឱ្យសម្របសម្រួលស្បៀងអាហារជូនពលរដ្ឋក្នុងតំបន់បិទខ្ទប់

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានបញ្ជាទៅក្រសួងពាណិជ្ជកម្ម ឱ្យផ្គត់ផ្គង់ស្បៀងអាហារទៅដល់ប្រជាពលរដ្ឋនៅក្នុងតំបន់បិទខ្ទប់។ក្នុងសេចក្ដីណែនាំនៅថ្ងៃនេះ ប្រមុខរាជរដ្ឋាភិបាល សម្ដេចតេជោ ហ៊ុន សែន បានប្រាប់ទៅក្រសួងពាណិជ្ជកម្មឱ្យសម្របសម្រួលជាបន្ទាន់នូវការផ្គត់ផ្គង់ ការដឹកជញ្ជូន និងការចែកចាយស្បៀងអាហារទៅដល់ប្រជាពលរដ្ឋរស់នៅក្នុងរាជធានីភ្នំពេញ និងក្រុងតាខ្មៅ។សម្ដេចតេជោ ហ៊ុន សែន បានចង្អុលបង្ហាញទៅអាជ្ញាធរផងដែរ ឱ្យចាត់ចែងបញ្ជូនជំនួយសង្គ្រោះបន្ទាន់ ដូចជា អង្ករ មី ត្រីខកំប៉ុង ទឹកត្រី និងទឹកស៊ីអ៊ីវ ជាដើម ផ្ដល់ទៅប្រជាពលរដ្ឋងាយរងគ្រោះ ប្រជាពលរដ្ឋក្រីក្រ និងមានជីវភាពលំបាកនៅក្នុងតំបន់ក្រហម ឬតំបន់មានការឆ្លងរីករាលដាលខ្លាំង។រាជធានីភ្នំពេញ និងក្រុងតាខ្មៅ ត្រូវបានដាក់ឱ្យស្ថិតក្រោមវិធានការបិទខ្ទប់បណ្ដោះអាសន្នរយៈពេល ២សប្ដាហ៍ចាប់ពីថ្ងៃទី១៥ រហូតដល់ថ្ងៃទី២៨ ខែមេសានេះ ដើម្បីកាត់ផ្ដាច់ការចម្លងមេរោគកូវីដ១៩៕អត្ថបទ ៖ សុធី

សម្ដេចតេជោ ហ៊ុន សែន បញ្ជាទៅសមត្ថកិច្ចឱ្យរឹតបន្តឹងការអនុវត្តវិធានការបិទខ្ទប់រាជធានីភ្នំពេញ និងក្រុងតាខ្មៅ

ភ្នំពេញ៖ ប្រមុខរាជរដ្ឋាភិបាលសម្ដេចតេជោ ហ៊ុន សែន បានចេញសេចក្ដីណែនាំបន្ថែមទៀតទៅអាជ្ញាធរ ដើម្បីរឹតបន្តឹងការអនុវត្តវិធានការបិទខ្ទប់នៅរាជធានីភ្នំពេញ និងក្រុងតាខ្មៅ។ក្នុងសេចក្ដីណែនាំនោះ សម្ដេចតេជោ ហ៊ុន សែន បានបញ្ជាទៅអាជ្ញាធរឱ្យបិទផ្សារ ឬទីតាំងទាំងឡាយណាដែលមិនរៀបរយ និងបង្កជាហានិភ័យខ្ពស់ចំពោះការឆ្លងរីករាលដាលនៃមេរោគកូវីដ១៩។ប្រមុខរាជរដ្ឋាភិបាលក៏បានបញ្ជាទៅសមត្ថកិច្ចផងដែរឱ្យរឹតបន្តឹងការត្រួតពិនិត្យនៅតាមផ្សារ ទីកន្លែងលក់ស្បៀងអាហារ ភោជនីយដ្ឋាន ឬអាហារដ្ឋានលក់អាហារវេចខ្ចប់។សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានសម្រេចឱ្យបិទខ្ទប់រាជធានីភ្នំពេញ និងក្រុងតាខ្មៅរយៈពេល ២សប្ដាហ៍ ចាប់ពីថ្ងៃទី១៥ រហូតដល់ថ្ងៃទី២៨ ខែមេសានេះ ដើម្បីកាត់ផ្ដាច់ការចម្លងមេរោគកូវីដ១៩នៅក្នុងភូមិសាស្ត្រទាំងពីរនេះ៕អត្ថបទ ៖ សុធី

ករណីស្លាប់ដោយសារ COVID-19 នៅលើពិភពលោកកើនឡើងដល់ ៣លាននាក់

ពិភពលោក៖ ករណីស្លាប់សកលដោយសារជំងឺ COVID-19 បានកើនឡើងដ៏គួរភ្ញាក់ផ្អើលរហូតដល់ ៣លាននាក់ ខណៈដែលមានដំណើរថយក្រោយ នៃយុទ្ធនាការចាក់វ៉ាក់សាំងនៅទូទាំងសកលលោក ធ្វើឲ្យវិបត្តិកាន់តែលិចលង់ខ្លាំងឡើងនៅតាមប្រទេសជាច្រើន ដូចជាប្រេស៊ីល ឥណ្ឌា និងបារាំង។ចំនួនអ្នកស្លាប់ដូចដែលបានចងក្រងឡើងដោយសាកលវិទ្យាល័យ Johns Hopkins គឺប្រហាក់ប្រហែលស្មើនឹងចំនួនពលរដ្ឋនៅទីក្រុងកៀវរបស់អ៊ុយក្រែន, ទីក្រុងការ៉ាកាសរបស់វែណេហ្ស៊ុយអេឡា ឬរដ្ឋធានីលីស្បុនរបស់ព័រទុយហ្គាល់។ វាមានចំនួនច្រើនជាងពលរដ្ឋរបស់ទីក្រុងឈីកាហ្គោ និងពលរដ្ឋរួមគ្នារវាងទីក្រុងហ្វីឡាដែលហ្វៀ និងទីក្រុងដាឡាស់របស់សហរដ្ឋអាមេរិក។ ទោះបីជាយ៉ាងណាក៏ដោយ ចំនួនពិតប្រាកដនៃករណីឆ្លងស្លាប់អាចនឹងខ្ពស់ជាងនេះ ដោយសារតែការបិទបាំងទិន្នន័យរបស់រដ្ឋាភិបាលមួយចំនួន ដូចជាករណីដែលគេមើលរំលងនៅដំណាក់កាលដំបូង នៃការរីករាលដាលឆ្លងចាប់ផ្ដើមនៅទីក្រុងអ៊ូហាន ប្រទេសចិន កាលពីដំណាច់ឆ្នាំ២០១៩។ពេលដែលពិភពលោកមើលឃើញករណីស្លាប់កើនឡើងដល់ ២លាននាក់កាលពីខែមករាកន្លងទៅ កិច្ចខិតខំចាក់វ៉ាក់សាំងបង្ការទើបចាប់ផ្ដើមនៅអឺរ៉ុប និងសហរដ្ឋអាមេរិក។ នៅថ្ងៃនេះការចាក់វ៉ាក់សាំងបានចាប់ផ្ដើមនៅជាង ១៩០ប្រទេស ថ្វីត្បិតតែការគ្រប់គ្រងវីរុសមានភាពខុសប្លែកគ្នាក៏ដោយ។ ស្របពេលដែលយុទ្ធនាការប្រយុទ្ធប្រឆាំងនឹងជំងឺ COVID-19 នៅសហរដ្ឋអាមេរិក និងអង់គ្លេសរងផលប៉ះពាល់យ៉ាងណាក្តី ប្រជាពលរដ្ឋ និងវិស័យធុរកិច្ចនៅទីនោះចាប់ផ្ដើមមានសង្ឃឹមឡើងវិញ ក្រោយការរីករាលដាលឆ្លងសកល ប៉ុន្តែបណ្ដាប្រទេសអ្នកមានមួយចំនួនមិនអាច ឈានដល់គោលដៅចង់បានរបស់ពួកគេនោះឡើយ និងបានបិទប្រទេសឡើងវិញ និងការរឹតត្បិតផ្សេងទៀត ខណៈដែលករណីឆ្លងនៅតែហក់ឡើងខ្ពស់៕អត្ថបទ៖ សារ៉ាត់

តម្រូវការអុកហ្ស៊ីសែន និងគ្រែមន្ទីរពេទ្យកាន់តែច្រើន ស្របពេលវិបត្តិជំងឺ COVID-19 កាន់តែធ្ងន់ធ្ងរនៅឥណ្ឌា

ឥណ្ឌា៖ ក្រសួងសុខាភិបាលឥណ្ឌាបាននិយាយកាលពីថ្ងៃអាទិត្យថា គ្រែមន្ទីរពេទ្យរដ្ឋច្រើនជាងមុននឹងមានសម្រាប់អ្នកជំងឺ COVID-19 ស្របពេលដែលប្រទេសមួយនេះជួបវិបត្តិសុខភាពកាន់តែអាក្រក់ទៅ ហើយរដ្ឋជាច្រើនបានអំពាវនាវឲ្យមានការផ្គត់ផ្គង់អុកហ្ស៊ីសែន និងឱសថព្យាបាលបន្ថែមទៀត។ពួកគេបាននិយាយថា ប្រទេសដែលមានពលរដ្ឋជាង ១.៣ពាន់លាននាក់មួយនេះ បានរាយការណ៍ករណីឆ្លងថ្មីជំងឺ COVID-19 ចំនួន ២៦១.៥០០នាក់កាលពីថ្ងៃអាទិត្យ ក្នុងនោះពលរដ្ឋម្នាក់ក្នុងចំណោម ៦នាក់ដែលបានធ្វើតេស្តរកឃើញករណីវិជ្ជមាន។ ឥណ្ឌាគឺជាប្រទេសទី២ ដែលរងផលប៉ះពាល់ខ្លាំងជាងគេបំផុត នៅលើពិភពលោកបន្ទាប់ពីសហរដ្ឋអាមេរិក ជាមួយនឹងករណីឆ្លងជិត ១៤.៨លាននាក់។ រដ្ឋាភិបាលបាននិយាយថា មន្ទីរពេទ្យដែលធម្មតាប្រើប្រាស់សម្រាប់មន្ត្រីរដ្ឋការ ក្រុមហ៊ុនរដ្ឋ គួរតែផ្លាស់ប្ដូរអគាររបស់ពួកគេមកជាទីតាំងព្យាបាលអ្នកជំងឺ COVID-19 បំពាក់ដោយបន្ទប់ថែទាំសុខភាព គ្រែមានអុកហ្ស៊ីសែន ម៉ាស៊ីនជំនួយផ្លូវដង្ហើម មន្ទីរពិសោធន៍ និងបុគ្គលិកថែទាំសុខភាព។ពួកគេបានបន្តថា វានឹងក្លាយជាផ្លូវដ៏វែងឆ្ងាយមួយ ក្នុងការលើកឡើងពីកង្វះខាតគ្រែមន្ទីរពេទ្យនៅតាមរដ្ឋមួយចំនួន បើសិនជាពួកយើងធ្វើដូច្នេះ។ រថភ្លើងពិសេសនឹងដឹកជញ្ជូនបំពង់អុកហ្ស៊ីសែនទៅកាន់រដ្ឋត្រូវការ ខណៈដែលរដ្ឋាភិបាលនិយាយថា ការប្រើប្រាស់អុកហ្ស៊ីសែនក្នុងគោលដៅឧស្សាហកម្មត្រូវមានកំហិត។ នៅក្នុងទីក្រុងញូវដែល្លី ដែលជារដ្ឋធានីរងផលប៉ះពាល់ខ្លាំងបំផុតនៅក្នុងប្រទេសឥណ្ឌា បានរាយការណ៍ករណីឆ្លងថ្មីជំងឺ COVID-19 ចំនួន ២៥.៥០០នាក់ក្នុងរយៈពេល ២៤ម៉ោងចុងក្រោយ៕អត្ថបទ៖ សារ៉ាត់

បុរសជនជាតិខ្មែរ២នាក់ទៀតស្លាប់ដោយសារកូវីដ១៩ថ្ងៃនេះ នាំឱ្យចំនួនអ្នកស្លាប់សរុបឡើងដល់៤៥នាក់

ភ្នំពេញ៖ ក្រសួងសុខាភិបាលប្រកាសនៅយប់ថ្ងៃនេះថា បុរសជនជាតិខ្មែរ ២នាក់ទៀត បានស្លាប់ដោយសារជំងឺកូវីដ១៩នៅថ្ងៃនេះ ដែលនាំឱ្យតួលេខអ្នកស្លាប់ដោយសារមេរោគផ្លូវដង្ហើមនេះ កើនដល់ ៤៥នាក់ហើយ។ក្នុងសេចក្ដីប្រកាសព័ត៌មានរបស់ខ្លួន ក្រសួងសុខាភិបាលនិយាយថា បុរសជនជាតិខ្មែរម្នាក់អាយុ ៥៥ឆ្នាំ ដែលរស់នៅសង្កាត់អូរឫស្សី ខណ្ឌ៧មករា បានស្លាប់នៅម៉ោងជិត ១រសៀលថ្ងៃទី១៨ ខែមេសានេះ នៅឯមន្ទីរពេទ្យហ្លួងម៉ែ។បើតាមក្រសួងសុខាភិបាល បុរសរូបនេះ ត្រូវបានបញ្ជូនទៅព្យាបាលនៅមណ្ឌលព្យាបាលបុរី ១០០ខ្នង កាលពីថ្ងៃទី១៥ ខែមេសា បន្ទាប់ពីរកឃើញឆ្លងមេរោគកូវីដ១៩ ហើយបន្ទាប់មកបញ្ជូនទៅព្យាបាលនៅមន្ទីរពេទ្យហ្លួងម៉ែនៅថ្ងៃនេះ។ចំណែកឯបុរសម្នាក់ទៀតអាយុ ៤៩ឆ្នាំ ដែលរស់នៅក្នុងសង្កាត់ឫស្សីកែវ ខណ្ឌឫស្សីកែវ បានស្លាប់នៅម៉ោងជិត ៣រសៀលថ្ងៃនេះ នៅឯមណ្ឌលសុខភាពចាក់អង្រែ។បើតាមក្រសួងសុខាភិបាល បុរសរូបនេះ ត្រូវបានបញ្ជូនទៅសម្រាកព្យាបាលនៅមណ្ឌលសុខភាពចាក់អង្រែកាលពីថ្ងៃទី១៥ ខែមេសានេះ ក្រោយពីត្រូវបានរកឃើញឆ្លងមេរោគកូវីដ១៩។ក្រសួងបញ្ជាក់ថា បុរសទាំង ២នាក់នេះ បានស្លាប់បាត់បង់ជីវិត បន្ទាប់ពីសួតរបស់ពួកគេរងការវាយប្រហារធ្ងន់ធ្ងរពីមេរោគកូវីដ ខណៈពួកគាត់សុទ្ធតែមានមានជំងឺទឹកនោមផ្អែមប្រចាំកាយផងដែរ។តួលេខផ្លូវការប្រកាសដោយក្រសួងសុខាភិបាល បង្ហាញថា ចំនួនមនុស្សស្លាប់ដោយសារមេរោគកូវីដ១៩សរុបរហូតមកដល់ថ្ងៃនេះ បានកើនឡើងដល់ ៤៥នាក់ហើយនៅក្នុងរយៈពេល ៣៧ថ្ងៃចុងក្រោយនេះ៕

សម្ដេចតេជោ ហ៊ុន សែន សម្រេចឱ្យបិទការធ្វើដំណើរឆ្លងខេត្ត និងទីតាំងទេសចរណ៍រយៈពេល៨ថ្ងៃទៀត

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានសម្រេចឱ្យបន្តបិទការធ្វើដំណើរឆ្លងពីខេត្តមួយទៅខេត្តមួយ និងតំបន់មរណីយដ្ឋានទេសចរណ៍ទាំងអស់នៅទូទាំងប្រទេសរយៈពេល ៨ថ្ងៃបន្ថែមទៀត។វិធានការបន្តបិទការធ្វើដំណើរឆ្លងពីខេត្តមួយទៅខេត្តមួយ និងតំបន់ទេសចរណ៍ទាំងអស់នេះ ត្រូវបានធ្វើឡើងដោយសេចក្ដីសម្រេចដែលចេញដោយសម្ដេចតេជោ ហ៊ុន សែន នាយករដ្ឋមន្ត្រីកម្ពុជា នៅយប់ថ្ងៃទី១៧ ខែមេសានេះ។ក្នុងសេចក្ដីសម្រេចនេះ ការធ្វើដំណើរឆ្លងពីខេត្តមួយទៅខេត្តមួយ និងតំបន់ទេសចរណ៍ទាំងអស់ ត្រូវបិទបន្តទៀតរយៈពេល ៨ថ្ងៃចាប់ពីថ្ងៃទី២១ រហូតទៅដល់ថ្ងៃទី២៨ ខែមេសា។ប្រមុខរាជរដ្ឋាភិបាលកម្ពុជាបានសម្រេចឱ្យបិទការធ្វើដំណើរឆ្លងខេត្ត និងតំបន់ទេសចរណ៍រយៈពេល ២សប្ដាហ៍ម្ដងរួចមកហើយចាប់ពីថ្ងៃទី៧ រហូតដល់ថ្ងៃទី២០ ខែមេសានេះ។សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានសម្រេចដាក់ចេញវិធានការទាំងពីរនេះ បន្ទាប់ពីមើលឃើញកំណើននៃករណីឆ្លងមេរោគកូវីដ១៩នៅទូទាំងប្រទេស ដែលបានកើនឡើងរហូតដល់ ៥ ៧៧១ករណីហើយនៅត្រឹមថ្ងៃនេះ៕

បណ្ដាញសង្គម

ព័ត៌មានថ្មីៗ

វិមានក្រឹមឡាំង៖ រុស្ស៊ីកំពុងទាក់ទងជាមួយទួរគី ពាក់ព័ន្ធជោគវាសនាប្រព័ន្ធមីស៊ីល S-400 របស់រុស្ស៊ី

វិមាន Elysee៖ លោក Rutte និងលោក Zelenskyy នឹងចូលរួមកិច្ចប្រជុំសម្ព័ន្ធឆន្ទៈរួមគាំទ្រអ៊ុយក្រែន

លោកស្រីអតីតនាយករដ្ឋមន្រ្តី Hasina មានគម្រោងវិលត្រឡប់ទៅកាន់ប្រទេសបង់ក្លាដែសវិញនៅខែធ្នូ

ទីភ្នាក់ងារ IEA ព្រមានថា ការកើនឡើងភាពតានតឹងអាមេរិក-អ៊ីរ៉ង់ គំរាមដល់ការងើបឡើងវិញការផ្គត់ផ្គង់ប្រេង

ចិនហាមឃាត់ការនាំចេញអេលីយ៉ូមបណ្តោះអាសន្ន ខណៈជម្លោះអាមេរិក-អ៊ីរ៉ង់ ផ្ទុះឡើងជាថ្មី

រដ្ឋធានី Bengaluru របស់ឥណ្ឌា ចាត់វិធានការទប់ស្កាត់លើការប្រើប្រាស់ទឹកស្អាត ស្របពេលក្តីបារម្ភពីកង្វះខាតទឹក

ប្រទេសឥណ្ឌាកត់ត្រាអ្នកស្លាប់ទាក់ទងនឹងទឹកភ្លៀងជាង ១០នាក់

វិមានក្រឹមឡាំង៖ លោក Putin នៅតែបើកទូលាយចំពោះកិច្ចប្រជុំសន្តិភាពជាមួយអ៊ុយក្រែន

ប្រធានាធិបតីចិន លោក Xi ជួបពិភាក្សាជាមួយនាយករដ្ឋមន្ត្រីកូរ៉េខាងជើង នៅមុនខួបសន្ធិសញ្ញា

កសិករចិញ្ចឹមឃ្មុំលីបង់ ប្រឈមនឹងការងើបឡើងវិញច្រើនឆ្នាំ ក្រោយសង្រ្គាមបំផ្លិចបំផ្លាញបង្គងឃ្មុំ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អង្គការសុខភាពពិភពលោក៖ ករណីឆ្លងជំងឺ COVID-19 បានហក់ឡើងខ្ពស់ប្រចាំសប្ដាហ៍

សម្តេចតេជោ ហ៊ុន សែន ស្នើសុំមិនឲ្យប្រតិជូនដំណើរ និងទទួលសម្តេចពេលទៅមកប្រទេសឥណ្ឌូនេស៊ី

កម្ពុជារកឃើញមនុស្ស៦២៤នាក់ទៀតឆ្លងមេរោគកូវីដ១៩នាំឱ្យតួលេខឆ្លងសរុបកើនលើស៧ពាន់នាក់

ប្រមុខរាជរដ្ឋាភិបាលបញ្ជាទៅក្រសួងពាណិជ្ជកម្មឱ្យសម្របសម្រួលស្បៀងអាហារជូនពលរដ្ឋក្នុងតំបន់បិទខ្ទប់

ករណីស្លាប់ដោយសារ COVID-19 នៅលើពិភពលោកកើនឡើងដល់ ៣លាននាក់

តម្រូវការអុកហ្ស៊ីសែន និងគ្រែមន្ទីរពេទ្យកាន់តែច្រើន ស្របពេលវិបត្តិជំងឺ COVID-19 កាន់តែធ្ងន់ធ្ងរនៅឥណ្ឌា

បុរសជនជាតិខ្មែរ២នាក់ទៀតស្លាប់ដោយសារកូវីដ១៩ថ្ងៃនេះ នាំឱ្យចំនួនអ្នកស្លាប់សរុបឡើងដល់៤៥នាក់

សម្ដេចតេជោ ហ៊ុន សែន សម្រេចឱ្យបិទការធ្វើដំណើរឆ្លងខេត្ត និងទីតាំងទេសចរណ៍រយៈពេល៨ថ្ងៃទៀត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អង្គការ​សុខភាព​ពិភពលោក៖ ករណី​ឆ្លង​ជំងឺ​ COVID-19 បាន​ហក់​ឡើង​ខ្ពស់​ប្រចាំ​សប្ដាហ៍​

សម្តេចតេជោ ហ៊ុន សែន ស្នើសុំមិនឲ្យប្រតិជូនដំណើរ និងទទួល​សម្តេចពេលទៅមកប្រទេសឥណ្ឌូនេស៊ី

កម្ពុជា​រក​ឃើញ​មនុស្ស​៦២៤​នាក់​ទៀត​ឆ្លង​មេរោគ​កូវីដ​១៩​នាំ​ឱ្យ​តួលេខ​ឆ្លង​សរុប​កើន​លើស​៧​ពាន់​នាក់​

ករណី​ស្លាប់​ដោយសារ​ ​COVID-19 នៅ​លើ​ពិភព​លោក​កើន​ឡើង​ដល់ ​៣​លាន​នាក់

សម្ដេច​តេជោ ហ៊ុន សែន សម្រេច​ឱ្យ​បិទ​ការ​ធ្វើ​ដំណើរ​ឆ្លង​ខេត្ត និង​ទីតាំង​ទេសចរណ៍​រយៈ​ពេល​៨​ថ្ងៃ​ទៀត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អង្គការសុខភាពពិភពលោក៖ ករណីឆ្លងជំងឺ COVID-19 បានហក់ឡើងខ្ពស់ប្រចាំសប្ដាហ៍

សម្តេចតេជោ ហ៊ុន សែន ស្នើសុំមិនឲ្យប្រតិជូនដំណើរ និងទទួលសម្តេចពេលទៅមកប្រទេសឥណ្ឌូនេស៊ី

កម្ពុជារកឃើញមនុស្ស៦២៤នាក់ទៀតឆ្លងមេរោគកូវីដ១៩នាំឱ្យតួលេខឆ្លងសរុបកើនលើស៧ពាន់នាក់

ករណីស្លាប់ដោយសារ COVID-19 នៅលើពិភពលោកកើនឡើងដល់ ៣លាននាក់

សម្ដេចតេជោ ហ៊ុន សែន សម្រេចឱ្យបិទការធ្វើដំណើរឆ្លងខេត្ត និងទីតាំងទេសចរណ៍រយៈពេល៨ថ្ងៃទៀត