BTV NEWS

សម្តេចតេជោ ហ៊ុន សែន អញ្ជើញអុជធូបគោរពវិញ្ញាណក្ខន្ធសពម្តាយ លោក កឹម សុខា

សម្តេចតេជោ ហ៊ុន សែន បន្តជួបសំណេះសំណាលជាមួយក្រុមប្រឹក្សា និងមន្ត្រីនៃមន្ទីរអង្គភាពនានាជុំវិញខេត្តព្រះវិហារ

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

ព័ត៌មានសំខាន់ៗ

មនុស្សម្នាក់ស្លាប់ និងនគរបាលម្នាក់របួសក្នុងការបាញ់ប្រហារនៅវិទ្យាល័យមួយក្នុងទីក្រុង Knoxville

សហរដ្ឋអាមេរិក៖ មនុស្សម្នាក់ត្រូវបានសម្លាប់ នៅវិទ្យាល័យមួយក្នុងទីក្រុង Knoxville រដ្ឋ Tennessee សហរដ្ឋអាមេរិកកាលពីថ្ងៃច័ន្ទ ទី១២ ខែមេសា និងមន្ត្រីនគរបាលម្នាក់បានរងរបួស នៅពេលដែលនគរបាលបានប្រឈមជាមួយ នឹងជនសង្ស័យប្រដាប់អាវុធម្នាក់។ការបាញ់ប្រហារដែលបានកើតឡើងនៅម៉ោងប្រហែល ៣ និង ១៥នាទីរសៀលម៉ោងក្នុងស្រុកនៅសាលារៀន Austin-East Magnet ភាគខាងកើតទីក្រុង Knoxville ជាអំពើហិង្សាប្រដាប់អាវុធចុងក្រោយបង្អស់នៅសហរដ្ឋអាមេរិក ចាប់តាំងពីពាក់កណ្ដាលខែមីនា។ នគរបាលទីក្រុង Knoxville បាននិយាយថា មន្ត្រីដែលត្រូវបានវាយប្រហារដោយកាំភ្លើង ត្រូវបានគេរំពឹងថាមិនគ្រោះថ្នាក់ដល់ជីវិតទេ។ ក្រុមអ្នកស៊ើបអង្កេតមិនទាន់បានកំណត់អត្តសញ្ញាណជនសង្ស័យ ឬជនរងគ្រោះភ្លាមៗទេ ដោយគ្រាន់តែបានបញ្ជាក់ថា អ្នកស្លាប់ទាំង ២នាក់គឺជាបុរស។ គេមិនទាន់ដឹងច្បាស់ទេថា តើសាលារៀន Austin-East Magnet បានបើកទ្វារឡើងវិញ ឬយ៉ាងណា៕ អត្ថបទ៖ សុខមាន

ប្រមុខអង្គការ WHO និយាយថា ជំងឺរាតត្បាតសកល COVID-19 មិនងាយនឹងបញ្ចប់ទេ

WHO៖ ប្រមុខអង្គការសុខភាពពិភពលោក (WHO) លោក Tedros Adhanom Ghebreyesus បាននិយាយកាលពីថ្ងៃច័ន្ទថា ភាពច្របូកច្របល់ និងការភ្លេចខ្លួនក្នុងការដោះស្រាយបញ្ហាជំងឺ COVID-19 មានន័យថា ជំងឺរាតត្បាតសកលគឺមិនងាយនឹងបញ្ចប់ទេ ប៉ុន្តែវាអាចត្រូវបានគ្រប់គ្រងក្នុងរយៈពេលប៉ុន្មានខែ តាមរយៈវិធានការសុខភាពសាធារណៈផ្សេងៗ។លោក Tedros បានប្រាប់សន្និសីទសារព័ត៌មានថា "យើងក៏ចង់ឃើញសង្គម និងសេដ្ឋកិច្ចបើកឡើងវិញដែរ ហើយការធ្វើដំណើរ និងពាណិជ្ជកម្មកំពុងបន្តឡើងវិញ"។ ប៉ុន្តែឥឡូវនេះបន្ទប់សង្គ្រោះបន្ទាន់យ៉ាងច្រើន នៅក្នុងប្រទេសជាច្រើនកំពុងដាក់អ្នកជំងឺពេញ និងប្រជាជនកំពុងតែស្លាប់ ហើយរឿងនេះពិតជាអាចចៀសបាន។ ប្រទេសឥណ្ឌាបាននាំមុខប្រេស៊ីល ក្លាយជាប្រទេសដែលមានចំនួនអ្នកឆ្លងខ្ពស់បំផុតលំដាប់ទី២ នៅលើពិភពលោកបន្ទាប់ពីសហរដ្ឋអាមេរិក ស្របពេលដែលប្រទេសនេះបានប្រយុទ្ធនឹងរលកទី២ ដ៏ធំដោយបានផ្ដល់វ៉ាក់សាំងបង្ការប្រហែល ១០៥លានដូសក្នុងចំណោមប្រជាជនចំនួន ១,៤ពាន់លាននាក់៕អត្ថបទ៖ សុខមាន

ការចាក់វ៉ាក់សាំងសកលបានកើនឡើងជាង ៤០០លាននាក់

ពិភពលោក៖ ក្រុមអ្នកស្រាវជ្រាវបាននិយាយថា មនុស្សជាង ៤០០លាននាក់បានទទួលវ៉ាក់សាំងបង្ការជំងឺ COVID-19 រួចរាល់យ៉ាងហោចណាស់ ១ដូស។ គេហទំព័រ Our World in Data ដែលដំណើរការដោយក្រុមអ្នកស្រាវជ្រាវនៅសកលវិទ្យាល័យ Oxford របស់ចក្រភពអង់គ្លេស និងក្រុមដទៃទៀតបានបង្ហាញថា គិតមកដល់ថ្ងៃសៅរ៍សប្ដាហ៍មុន មនុស្សប្រហែល ៤៣០.៩៦លាននាក់ត្រូវបានចាក់វ៉ាក់សាំងយ៉ាងហោចណាស់ ១ដូសនៅជុំវិញពិភពលោក។បើនិយាយអំពីប្រទេស សហរដ្ឋអាមេរិកឈរនៅលើកំពូលតារាង ដោយមានប្រជាជនចាក់វ៉ាក់សាំងរួចចំនួន ១១៧.១៤លាននាក់។ ឥណ្ឌាឈរនៅលំដាប់ទី២ ដោយមាន ៨៨.៨៩លាននាក់បន្ទាប់មកគឺចក្រភពអង់គ្លេសមាន ៣២.០១លាននាក់ និងប្រេស៊ីលមាន ២០.៥១លាននាក់។ ចំពោះសមាមាត្រនៃចំនួនប្រជាជនសរុប ដែលទទួលបានយ៉ាងហោចណាស់ ១ដូស អ៊ីស្រាអែលឈរនៅលំដាប់កំពូលដោយមាន ៦១,៤%។ ចក្រភពអង់គ្លេសឈរនៅលំដាប់ទី២ គឺ ៤៧,១% បន្ទាប់មកឈីលីមានចំនួន ៣៨,៥% និងសហរដ្ឋអាមេរិកមាន ៣៥%។ ចំនួនប្រជាជនដែលបានចាក់វ៉ាក់សាំងនៅទូទាំងពិភពលោកបានឡើងដល់ ៥,៥%។ការចាប់ផ្ដើមចាក់វ៉ាក់សាំងនៅអ៊ីស្រាអែល បានចាប់ផ្ដើមកាលពីខែធ្នូដោយប្រើវ៉ាក់សាំងក្រុមហ៊ុន Pfizer និង BioNTech។ ចំនួននៃការឆ្លងថ្មីនៅក្នុងប្រទេសនេះ បានធ្លាក់ចុះអស់រយៈពេលជាង ២ខែមកហើយ។ ទិន្នន័យចងក្រងដោយសកលវិទ្យាល័យ John Hopkins បង្ហាញថា គិតត្រឹមថ្ងៃទី១១ ខែមេសា ករណីឆ្លងថ្មីប្រចាំថ្ងៃនៅអ៊ីស្រាអែលបានឡើងដល់ ១២០នាក់៕អត្ថបទ៖ សុខមាន

ឥណ្ឌាមានករណីឆ្លងជំងឺ COVID-19 លើសប្រេស៊ីល ក្លាយជាប្រទេសរងគ្រោះខ្លាំងបំផុតទី២ លើពិភពលោក

ឥណ្ឌា៖ យោងតាមទិន្នន័យបញ្ចេញដោយក្រសួងសុខាភិបាល បានបង្ហាញនៅថ្ងៃច័ន្ទនេះថា ប្រទេសឥណ្ឌាបានរាយការណ៍ករណីឆ្លងជំងឺ COVID-19 ខ្ពស់បំផុតទាំងយប់អាធ្រាត្រចំនួន ១៦៨,៩១២នាក់លើសប្រទេសប្រេស៊ីល ដោយបានក្លាយជាប្រទេសរងគ្រោះខ្លាំងបំផុតទី២ លើពិភពលោកដោយសារវីរុសកូរ៉ូណា។ចំនួនករណីឆ្លងជំងឺ COVID-19 សរុបបានឡើងដល់ជាង ១៣លាន ៥៣ម៉ឺននាក់ ខ្ពស់ជាងប្រេស៊ីលដែលមានត្រឹម ១៣លាន ៤៥ម៉ឺននាក់ នេះបើយោងតាមទិន្នន័យចងក្រងដោយសារព័ត៌មាន Reuters។ សហរដ្ឋអាមេរិកបាននាំមុខពិភពលោក ដោយមានករណីឆ្លងចំនួន ៣១លាន ២សែននាក់។ ទិន្នន័យបង្ហាញថា ចំនួនអ្នកស្លាប់ប្រចាំថ្ងៃនៅឥណ្ឌាបានឡើងដល់ ៩០៤នាក់ ដែលនាំឲ្យមនុស្សស្លាប់សរុបកើនឡើងដល់ ១៧០,១៧៩នាក់៕ អត្ថបទ៖ សុខមាន

ជំងឺ COVID-19 ជំរុញឲ្យមានការបិទនៅទូទាំងពិភពលោក ខណៈកង្វះខាតវ៉ាក់សាំង

ពិភពលោក៖ ការបិទប្រទេស និងបម្រាមគោចរថ្មីៗត្រូវបានអនុវត្តន៍លើមនុស្សរាប់លាននាក់ ចាប់ពីប្រទេសឥណ្ឌាដល់ប្រទេសអាហ្សង់ទីនកាលពីថ្ងៃសៅរ៍ ខណៈការឆ្លងជំងឺ COVID-19 បានហក់ឡើងខ្ពស់ជាថ្មី ហើយដំណើរការចាក់វ៉ាក់សាំងត្រូវបានអាក់ខាន ដោយសារកង្វះខាត និងក្ដីបារម្ភជុំវីញផលប៉ះពាល់ផ្សេងៗ។នៅក្នុងប្រទេសឥណ្ឌា រដ្ឋមហារាស្ត្រដែលរងគ្រោះខ្លាំងបំផុតកំពុងអស់វ៉ាក់សាំង ខណៈប្រព័ន្ធសុខភាពទ្រុឌទ្រោមដោយសារជំងឺនេះ ដែលបានសម្លាប់មនុស្សជាង ២លាន ៩សែននាក់នៅទូទាំងពិភពលោក។ ជារៀងរាល់ចុងសប្ដាហ៍ ចាប់ពីថ្ងៃសៅរ៍រហូតដល់ដំណាច់ខែមេសា រដ្ឋមហារាស្ត្រដែលមានប្រជាជន ១២៥លាននាក់នឹងត្រូវតម្រូវឲ្យស្នាក់នៅក្នុងផ្ទះ លើកលែងតែការធ្វើដំណើរ ឬទិញម្ហូបអាហារ ឬថ្នាំពេទ្យ។ បទបញ្ជាឲ្យស្នាក់នៅក្នុងផ្ទះក៏ត្រូវបានចូលជាធរមានហើយដែរ សម្រាប់ទីក្រុងបូកូតាដែលមានប្រជាជន ៨លាននាក់ ខណៈរដ្ឋធានីរបស់ប្រទេសកូឡុំប៊ីបានប្រយុទ្ធប្រឆាំងនឹងការឆ្លងរលកទី៣ ដោយបន្ថែមលើបម្រាមគោចរដែលមានស្រាប់លើអនុវត្តន៍លើមនុស្ស ៧លាននាក់នៅទូទាំងទីក្រុងសំខាន់ៗចំនួន ៤ផ្សេងទៀត។ទាំងប្រទេសអាហ្សង់ទីន ទាំងប្រទេសកូឡុំប៊ីបានកត់ត្រាករណីឆ្លងវីរុសកូរ៉ូណា ប្រមាណជាង ២លាន ៥សែននាក់ ជាចំនួនដែលទាបជាងតែប្រទេសប្រេស៊ីលមួយប៉ុណ្ណោះ ក្នុងតំបន់អាមេរិកឡាទីន។ គ្រប់តំបន់ទាំងអស់ក្នុងប្រទេសបារាំង នឹងត្រូវអនុវត្តន៍វិធានការរឹតត្បិតក្រោមទម្រង់មួយចំនួន ខណៈដែលបំណងរបស់រដ្ឋាភិបាលអាល្លឺម៉ង់ ដើម្បីបញ្ឈប់ចលនាប្រជាពលរដ្ឋ និងពាណិជ្ជកម្មត្រូវបានរំខានដោយរដ្ឋមួយចំនួន ដែលច្រានចោលមិនអនុវត្តន៍តាមសំណើផ្សេងៗ៕អត្ថបទ៖ សុខមាន

ប្រមុខដឹកនាំកម្ពុជា-ឡាវ ពង្រឹងកិច្ចសហការរួមដើម្បីប្រយុទ្ធប្រឆាំង នឹងជំងឺកូវីដ-១៩ និងដោះស្រាយផលប៉ះពាល់អវិជ្ជមាន

ភ្នំពេញ ៖ ក្នុងជំនួបសន្ទនាតាមប្រព័ន្ធវីដេអូ នៅថ្ងៃទី១២ខែមេសានេះ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តមបណ្ឌិត ផនខាំ វីផាវ៉ាន់ នាយករដ្ឋមន្ត្រី នៃសាធារណរដ្ឋប្រជាធិបតេយ្យប្រជាមានិតឡាវ បានបញ្ជាក់ពីសារៈសំខាន់ក្នុងការពង្រឹងកិច្ចសហការរួម ដើម្បីប្រយុទ្ធប្រឆាំង នឹងជំងឺកូវីដ-១៩ និងដោះស្រាយផលប៉ះពាល់អវិជ្ជមាននៃជំងឺនេះ។ក្នុងស្ថានភាពនៃការរីករាលដាលនៃជំងឺកូវីដ-១៩ សម្តេចតេជោ នាយករដ្ឋមន្ត្រី បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់រដ្ឋាភិបាលឡាវ ក្នុងការគ្រប់គ្រងការរីករាលដាលនៃជំងឺកូវីដ-១៩ ប្រកបដោយជោគជ័យ។សម្តេចតេជោ បានសម្តែងនូវអំណរសាទរយ៉ាងកក់ក្តៅបំផុត ជូនចំពោះ ឯកឧត្តមបណ្ឌិត ផនខាំ វីផាវ៉ាន់ ដែលទើបត្រូវបានបោះឆ្នោតជ្រើសតាំងជានាយករដ្ឋមន្ត្រី នៃសាធារណរដ្ឋ ប្រជាធិបតេយ្យប្រជាមានិត្យឡាវ។ សម្តេចតេជោ នាយករដ្ឋមន្ត្រី បានសម្ដែងការជឿជាក់ថា ផ្អែកលើបទពិសោធន៍ដ៏ធំធេង និងភាពជាអ្នកដឹកនាំដ៏រឹងមាំ សាធារណរដ្ឋប្រជាធិបតេយ្យប្រជាមានិតឡាវ នឹងសម្រេចបានការអភិវឌ្ឍសេដ្ឋកិច្ច-សង្គមកាន់តែល្អប្រសើរ និងវិបុលភាពជូនប្រជាជនឡាវ។សម្តេចតេជោ នាយករដ្ឋមន្ត្រី បានថ្លែងអំណរគុណចំពោះរដ្ឋាភិបាលឡាវ ដែលបានគាំទ្រកម្ពុជាក្នុងការធ្វើជាម្ចាស់ផ្ទះរៀបចំកិច្ចប្រជុំកំពូល ASEM លើកទី១៣ នៅចុងឆ្នាំ២០២១ និងជាប្រធានអាស៊ាន នៅឆ្នាំ២០២២។នាយករដ្ឋមន្ត្រីទាំងពីរ បានសម្ដែងការពេញចិត្តទៅវិញទៅមក ចំពោះទំនាក់ទំនងដ៏ជិតស្និទ្ធដោយឈរលើមូលដ្ឋានចំណងមិត្តភាពជាប្រពៃណី និងភាពជាអ្នកជិតខាងល្អ។ ថ្នាក់ដឹកនាំទាំងពីរ បានឯកភាពជំរុញបញ្ចប់ឲ្យបានឆាប់នូវសេចក្តីព្រាងផែនការសកម្មភាពសម្រាប់ភាពជាដៃគូ ដើម្បីបន្តពង្រឹងនូវទំនាក់ទំនងជិតស្និទ្ធនៃកិច្ចសហប្រតិបត្តិការលើគ្រប់វិស័យ ដូចជា វិស័យនយោបាយ-សន្តិសុខ ពាណិជ្ជកម្ម វិនិយោគ អប់រំ និងវប្បធម៌ ។ ក្រៅពីសហប្រតិបត្តិការទ្វេភាគី ថ្នាក់ដឹកនាំទាំងពីរក៏បានផ្លាស់ប្ដូរគំនិត និងប្ដេជ្ញាធ្វើការយ៉ាងជិតស្និទ្ធនៅក្នុងក្របខណ្ឌកិច្ចសហប្រតិបត្តិការពហុភាគីនានា។ថ្នាក់ដឹកនាំទាំងពីរ មានសេចក្តីរីករាយចំពោះកំណើននៃទំហំពាណិជ្ជកម្មទ្វេភាគី ដែលបានកើនឡើងពីត្រឹម ១០លានដុល្លារអាមេរិក នៅក្នុងឆ្នាំ២០១៩ រហូតដល់ ១០៤លានដុល្លាអាមេរិក នៅក្នុងឆ្នាំ២០២០។ ដើម្បីជំរុញការវិនិយោគនៅក្នុងប្រទេសទាំងពីរ ថ្នាក់ដឹកនាំទាំងពីរបានឯកភាពពន្លឿន ការចរចារលើ “កិច្ចព្រមព្រៀងស្តីពីការចៀសវាងការយកពន្ធត្រួតគ្នា”។នាយករដ្ឋមន្ត្រីឡាវ បានថ្លែងអំណរគុណដ៏ស្មោះចំពោះរាជរដ្ឋាភិបាលកម្ពុជាដែលបានផ្ដល់ជំនួយម៉ាសចំនួន ២លាន និងគ្រឿងបរិក្ខារវេជ្ជសាស្ត្រមួយចំនួន ដើម្បីរួមចំណែកក្នុងការប្រយុទ្ធប្រឆាំងនឹងជំងឺកូវីដ-១៩ នៅប្រទេសឡាវ។ ក្នុងឱកាសដ៏មហានក្ខត្តឫក្សនៃពិធីបុណ្យចូលឆ្នាំថ្មីប្រពៃណីជាតិខ្មែរ និងឡាវ ដែលនឹងប្រព្រឹត្តទៅក្នុងពេលតែមួយ នាយករដ្ឋមន្ត្រីទាំងពីរ បានជូនពរគ្នាទៅវិញទៅមក ឲ្យទទួលបានសុខភាពល្អ វិបុលភាព និងសុភមង្គលដល់ប្រជាជនកម្ពុជា និងឡាវ។នៅចុងបញ្ចប់នៃការសន្ទនា សម្តេចតេជោនាយករដ្ឋមន្ត្រី ហ៊ុន សែន បានអញ្ជើញ ឯកឧត្តម នាយករដ្ឋមន្ត្រី ផនខាំ វីផាវ៉ាន់ មកបំពេញទស្សនកិច្ចផ្លូវការនៅព្រះរាជាណាចក្រកម្ពុជាកម្ពុជា។ ដូចគ្នានេះដែរ ឯកឧត្តមនាយករដ្ឋមន្ត្រី ផនខាំ វីផាវ៉ាន់ ក៏បានអញ្ជើញ សម្តេចតេជោ នាយករដ្ឋមន្ត្រី ហ៊ុន សែន ទៅបំពេញទស្សនកិច្ចផ្លូវការនៅសាធារណរដ្ឋប្រជាធិបតេយ្យប្រជាមានិតឡាវតាមពេលវេលាសមស្របផងដែរ៕អត្ថបទ ៖ មុត សុទ្ធ

ការតវ៉ាផ្ទុះឡើងនៅរដ្ឋ Minnesota បន្ទាប់ពីនគរបាលបាញ់សម្លាប់បុរសម្នាក់

សហរដ្ឋអាមេរិក៖ នគរបាលបានបណ្ដេញក្រុមអ្នកតវ៉ា ចេញពីខាងក្រៅប៉ុស្តិ៍នគរបាលមួយក្នុងទីក្រុង Brooklyn Center សហរដ្ឋអាមេរិកកាលពីថ្ងៃអាទិត្យ ក្រោយការបាញ់ប្រហារជាប់ពាក់ព័ន្ធនឹងមន្ត្រីនគរបាលម្នាក់។ការតវ៉ានានាបានកើតមានឡើង បន្ទាប់ពីក្រុមគ្រួសាររបស់បុរសអាយុ ២០ឆ្នាំរស់នៅក្នុងរដ្ឋ Minnesota បានប្រាប់ហ្វូងមនុស្សថា បុរសរងគ្រោះត្រូវបានបាញ់ដោយនគរបាលកាលពីថ្ងៃអាទិត្យ មុនពេលដើរត្រឡប់ទៅកាន់រថយន្តរបស់គេ និងបើកចេញទៅ បន្ទាប់មកបានបុកជាមួយរថយន្តជាច្រើនគ្រឿងដែលតម្រៀបជួរគ្នាបិទផ្លូវ។ ក្រោយមកក្រុមគ្រួសាររបស់បុរសរងគ្រោះឈ្មោះ Daunte Wright ត្រូវបានប្រកាសថា គេបានស្លាប់ហើយ។ក្រុមមន្ត្រីមកពីនាយកដ្ឋានព្រហ្មទណ្ឌកម្រិតធ្ងន់បាននិយាយថា ទីភ្នាក់ងារនេះបានស្ថិតនៅកន្លែងកើតហេតុនៃការបាញ់ប្រហារ ដែលជាប់ពាក់ព័ន្ធនឹងមន្ត្រីនគរបាលនៅក្នុងទីក្រុង Brooklyn Center កាលពីរសៀលថ្ងៃអាទិត្យ។ Brooklyn Center គឺជាទីក្រុងដែលមានប្រជាជនប្រមាណ ៣ម៉ឺននាក់ ស្ថិតនៅព្រំដែនភាគខាងជើងទីក្រុង Minneapolis នៃរដ្ឋ Minnesota៕អត្ថបទ៖ សុខមាន

ស្ថានភាពនៅមីយ៉ាន់ម៉ាកំពុងក្លាយជាក្ដីបារម្ភកាន់តែខ្លាំង ក្រោយជនស៊ីវិល ៨២នាក់ស្លាប់កាលពីថ្ងៃសុក្រ

មីយ៉ាន់ម៉ា៖ យោធាមីយ៉ាន់ម៉ាទំនងជាបង្កើនការបង្ក្រាបរបស់ខ្លួន ទៅលើក្រុមបាតុករប្រឆាំងរដ្ឋប្រហារ មុនពេលពិធីបុណ្យចូលឆ្នាំថ្មីក្នុងស្រុក ដែលនឹងចាប់ផ្ដើមនៅថ្ងៃអង្គារស្អែកនេះ។ កាលពីថ្ងៃសុក្រកងកម្លាំងយោធា និងនគរបាលបានប្រើអាវុធធុនធ្ងន់ ប្រឆាំងនឹងក្រុមបាតុករនៅទីក្រុងបាហ្គោជិតទីក្រុងធំបំផុតយ៉ាងហ្គោន ដែលបណ្ដាលឲ្យមានមនុស្សស្លាប់ និងរបួសជាច្រើននាក់។ក្រុមសិទ្ធិមនុស្សក្នុងតំបន់និយាយថា ជនស៊ីវិល ៨២នាក់ត្រូវបានសម្លាប់នៅថ្ងៃសុក្រតែមួយថ្ងៃប៉ុណ្ណោះ ហើយមនុស្ស ៧០១នាក់បានស្លាប់ចាប់តាំងពីរដ្ឋប្រហារកាលពីថ្ងៃទី១ ខែកុម្ភៈ។ អ្នកនាំពាក្យសម្រាប់ស្ថាប័នធ្វើសេចក្តីសម្រេចចិត្តជាន់ខ្ពស់ ដែលបង្កើតឡើងដោយយោធាបានចង្អុលបង្ហាញកាលពីថ្ងៃសុក្រថា នឹងចាត់វិធានការធ្ងន់ធ្ងរប្រឆាំងនឹងភាពវឹកវរ។ ប្រព័ន្ធផ្សព្វផ្សាយក្នុងស្រុកបាននិយាយថា កងកម្លាំងប្រដាប់អាវុធជនជាតិភាគតិចបានវាយប្រហារ ទៅលើប៉ុស្តិ៍នគរបាលមួយនៅរដ្ឋសានភាគខាងកើតកាលពីថ្ងៃសៅរ៍ ដោយបានសម្លាប់មន្ត្រីយ៉ាងតិច ១៤នាក់។ គួរឲ្យដឹងថា ចំនួនជនស៊ីវិលស្លាប់ក្នុងការបង្ក្រាបដោយកងកម្លាំងយោធាមីយ៉ាន់ម៉ា ចាប់តាំងពីមានរដ្ឋប្រហារមកដល់ពេលនេះមានជាង ៧០០នាក់ហើយ៕អត្ថបទ៖ សុខមាន

សម្តេចតេជោ អំពាវនាវដល់គ្រឹះស្ថានហិរញ្ញវត្ថុ ផ្ដល់កម្ចីការប្រាក់ទាបបំផុត

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី នៅថ្ងៃនេះ បានអំពាវនាវដល់ធនាគារ និងគ្រឹះស្ថានមីក្រូ ហិរញ្ញវត្ថុ ផ្តល់កម្ចីជូនប្រជាពលរដ្ឋ ជាមួយនឹងអត្រាការប្រាក់ទាបបំផុត ដើម្បីជួយពួកគេ ឱ្យមានលទ្ធភាព ស្តារសេដ្ឋកិច្ចរបស់ខ្លួន ក្នុងបរិបទវិបត្តិជំងឺកូវីដ១៩។ក្នុងសារពិសេសជូនជនរួមជាតិ ពាក់ព័ន្ធស្ថានភាពជំងឺកូវីដ១៩ នៅកម្ពុជា នៅថ្ងៃទី១០ ខែមេសា នេះ សម្តេចតេជោ ហ៊ុន សែន បានលើកឡើងថា ចំណូលធនាគារឯកជន ទទួលបានចំនួនច្រើន កាលពី ឆ្នាំ២០២០ កន្លងទៅ ស្របពេលដែលប្រជាពលរដ្ឋជាច្រើន បានជាប់បំណុលធនាគារ និងគ្រឹះស្ថានមីក្រូ ហិរញ្ញវត្ថុ ដោយសារពួកគេទទួលរងផលប៉ះពាល់ដោយសារជំងឺកូវីដ-១៩។សម្ដេចតេជោ បានបញ្ជាក់ថា តាមរយៈការផ្តល់កម្ចីមានការប្រាក់ទាបបំផុត ជូនប្រជាពលរដ្ឋរង គ្រោះវិបត្តិកូវីដ១៩ននេះ មិនត្រឹមតែជួយពួកគេ ឱ្យមានដើមទុន សម្រាប់ស្តារសេដ្ឋកិច្ចឡើងវិញប៉ុណ្ណោះ ទេ ប៉ុន្តែថែមទាំងជួយធនាគារខ្លួនឯងផ្ទាល់ ដោយសារធនាគារនីមួយៗ មានប្រាក់បញ្ជើច្រើន។សម្តេចតេជោ បានបញ្ជាក់បន្ថែមថា នៅពេលការផ្តល់កម្ចីមានចំនួនតិច ដោយសារកូវីដ-១៩ ចំនួន ប្រាក់បញ្ញើកើនឡើង ដែលនេះ ជាការលំបាកមួយរបស់ធនាគារ និងគ្រឹះស្ថានមីក្រូហិរញ្ញវត្ថុ។ការអំពាវនាវរបស់ប្រមុខរាជរដ្ឋាភិបាលកម្ពុជា បានធ្វើឡើង បន្ទាប់ពីវិធានការមួយចំនួនក្នុងវិស័យ ហិរញ្ញវត្ថុ ដែលរាជរដ្ឋាភិបាលកម្ពុជា តាមរយៈធនាគារជាតិ នៃកម្ពុជា បានដាក់ចេញ ដើម្បីសម្រួលការ លំបាករបស់ប្រជាពលរដ្ឋ។ វិធានការទាំងនេះមានដូចជា ការលើកលែងការបង់ការប្រាក់ ការពន្យាពេល ការសងប្រាក់ និងការលើកលែងប្រាក់ពិន័យ ជាដើម៕ អត្ថបទ៖ វណ្ណៈ

សម្ដេចតេជោ ប្រកាសជួយបង់ថ្លៃទឹកភ្លើង មួយរយៈដល់ក្រុមគ្រួសារដែលពាក់ព័ន្ធ នឹងករណីជំងឺកូវីដ-១៩

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានប្រកាសថា រដ្ឋ នឹងជួយបង់ ថ្លៃទឹក និងភ្លើង ជំនួសក្រុមគ្រួសារ ដែលមានការពាក់ព័ន្ធនឹងករណីជំងឺកូវីដ-១៩ រយៈពេលពី ២ខែដល់៥ ខែ ព្រមទាំងជំនួយស្បៀងអាហារមួយចំនួនទៀតផងដែរ។នៅព្រឹកថ្ងៃទី១០ ខែមេសា នេះ សម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានថ្លែង សារទៅកាន់ជនរួមជាតិ ជុំវិញបច្ចុប្បន្នភាព និងស្ថានភាពទូទៅ នៃការរាតត្បាតជំងឺកូវីដ-១៩ ដែលក្នុងសារ នេះ សម្តេចតេជោ បានលើកឡើងថា ខណៈពេលនេះ កំពុងតែកើតមាននូវការឆ្លងកដ៏អាក្រក់នៃជំងឺកូវីដ-១៩ នៅក្នុងប្រទេសកម្ពុជា ពិសេសក្នុងរាជធានីភ្នំពេញ ដែលសភាពការណ៍បែបនេះ រដ្ឋ នឹងជួយសម្រាល ដល់ការលំបាករបស់ប្រជាពលរដ្ឋ ពិសេសគ្រួសារដែលមានការពាក់ព័ន្ធនឹងករណីជំងឺកូវីដ-១៩នេះ មួយ រយៈពេល។សម្តេចតេជោ បានបញ្ជាក់ថា ការអន្តរាគមន៍របស់រាជរដ្ឋាភិបាលក្នុងការផ្តល់ស្បៀង និងថវិកា ឧបត្ថម្ភជូនដល់ក្រុមគ្រួសារពាក់ព័ន្ធនឹងករណីជំងឺកូវីដ-១៩ ថ្វីត្បិតវាមិនបានគ្រប់គ្រាន់ដូចប្រាក់ចំណូល របស់ពួកគេក៏ពិតមែន ប៉ុន្តែវាជាការសម្រាលទុក្ខលំបាកបានមួយរយៈ ក្នុងពេលជួបបញ្ហានេះផងដែរ។សម្តេចតេជោ ហ៊ុន សែន បានអំពាវនាវឱ្យពលរដ្ឋបង្កើនការប្រុងប្រយ័ត្នបន្ថែមទៀត ការពារខ្លួនកុំ ឱ្យឆ្លងជំងឺកូវីដ-១៩ ព្រោះបច្ចុប្បន្ននេះ វាកំពុងតែវិវត្តយ៉ាងអាក្រក់នៅក្នុងរាជធានីភ្នំពេញតែម្តង ដោយវា បានឆ្លងចូលក្នុងសហគមន៍រោងចក្រ និងទីផ្សារមួយចំនួន ដែលតួលេខនេះ បានបង្ហាញថា វាជាព្រឹត្តិ ការណ៍ដ៏គួរឲ្យព្រួយបារម្ភខ្លាំង។សម្តេចតេជោ ហ៊ុន សែន បានដាក់បទបញ្ជាឱ្យអភិបាលរាជធានីភ្នំពេញ ប្រញាប់ប្រញាល់រៀបចំ ស្បៀងអាហារជូនដល់ប្រជាពលរដ្ឋ ដែលកំពុងសម្រាកព្យាបាលជំងឺកូវីដ-១៩ និងធ្វើចត្តាឡីស័ក នៅក្នុង តំបន់ ដែលបាននឹងកំពុងបិទខ្ទប់ ដើម្បីជួយសម្រាលដល់ទុក្ខលំបាករបស់ពួកគេ៕អត្ថបទ៖ បាន ចក់

បណ្ដាញសង្គម

ព័ត៌មានថ្មីៗ

WHO ៖ ស្ថានភាពក្រោយការរញ្ជួយដីនៅវេណេស៊ុយអេឡា បង្កើនក្តីបារម្ភសុខភាព

វិបត្តិប្រេងឥន្ធនៈរបស់រុស្ស៊ី ជំរុញពលរដ្ឋរស់នៅក្នុងទីក្រុងមូស្គូ ងាកទៅទិញរថយន្តអគ្គិសនីមកប្រើប្រាស់

ទឹកទន្លេ Loire រីងស្ងួតស្ទើរអស់ អំឡុងពេលរលកកម្តៅវាយប្រហារប្រទេសបារំាង

លោក Xi ជំរុញឱ្យចិន និងកូរ៉េខាងជើង បន្តដំណោះស្រាយយុទ្ធសាស្ត្រ ក្នុងពេលមានភាពចលាចលសកល

លោក Modi ចាប់ផ្ដើមដំណើរទៅនូវែលសេឡង់ ជាទស្សនកិច្ចដំបូងដោយនាយករដ្ឋមន្ត្រីឥណ្ឌា ក្នុងរយៈពេល ៤០ឆ្នាំ

ជប៉ុនជំរុញឲ្យពលរដ្ឋរស់នៅក្នុងខេត្ត Okinawa បន្តប្រុងប្រយ័ត្នខ្ពស់បំផុត ខណៈព្យុះ Bavi បោកបក់ជិតមកដល់

បាតុកម្មផ្ទុះឡើងនៅរដ្ឋ West Bengal របស់ឥណ្ឌា ជុំវិញករណីចាប់រំលោភ-សម្លាប់ក្មេងស្រីអានីតិជន

ប្រធានសន្តិសុខអ៊ីរ៉ង់ព្រមានអ៊ីស្រាអែលថា «នឹងមិនមានសុវត្ថិភាពដោយសារការឆ្លើយតបឡើយ»

វិមានក្រឹមឡាំង៖ រុស្ស៊ីកំពុងទាក់ទងជាមួយទួរគី ពាក់ព័ន្ធជោគវាសនាប្រព័ន្ធមីស៊ីល S-400 របស់រុស្ស៊ី

វិមាន Elysee៖ លោក Rutte និងលោក Zelenskyy នឹងចូលរួមកិច្ចប្រជុំសម្ព័ន្ធឆន្ទៈរួមគាំទ្រអ៊ុយក្រែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

មនុស្សម្នាក់ស្លាប់ និងនគរបាលម្នាក់របួសក្នុងការបាញ់ប្រហារនៅវិទ្យាល័យមួយក្នុងទីក្រុង Knoxville

ប្រមុខអង្គការ WHO និយាយថា ជំងឺរាតត្បាតសកល COVID-19 មិនងាយនឹងបញ្ចប់ទេ

ការចាក់វ៉ាក់សាំងសកលបានកើនឡើងជាង ៤០០លាននាក់

ឥណ្ឌាមានករណីឆ្លងជំងឺ COVID-19 លើសប្រេស៊ីល ក្លាយជាប្រទេសរងគ្រោះខ្លាំងបំផុតទី២ លើពិភពលោក

ជំងឺ COVID-19 ជំរុញឲ្យមានការបិទនៅទូទាំងពិភពលោក ខណៈកង្វះខាតវ៉ាក់សាំង

ការតវ៉ាផ្ទុះឡើងនៅរដ្ឋ Minnesota បន្ទាប់ពីនគរបាលបាញ់សម្លាប់បុរសម្នាក់

ស្ថានភាពនៅមីយ៉ាន់ម៉ាកំពុងក្លាយជាក្ដីបារម្ភកាន់តែខ្លាំង ក្រោយជនស៊ីវិល ៨២នាក់ស្លាប់កាលពីថ្ងៃសុក្រ

សម្តេចតេជោ អំពាវនាវដល់គ្រឹះស្ថានហិរញ្ញវត្ថុ ផ្ដល់កម្ចីការប្រាក់ទាបបំផុត

សម្ដេចតេជោ ប្រកាសជួយបង់ថ្លៃទឹកភ្លើង មួយរយៈដល់ក្រុមគ្រួសារដែលពាក់ព័ន្ធ នឹងករណីជំងឺកូវីដ-១៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

មនុស្ស​ម្នាក់​ស្លាប់ និង​នគរបាល​ម្នាក់​របួស​ក្នុង​ការ​បាញ់​ប្រហារ​នៅ​វិទ្យាល័យ​មួយ​ក្នុង​ទីក្រុង Knoxville

ប្រមុខ​អង្គការ WHO និយាយ​ថា ជំងឺ​រាតត្បាត​សកល COVID-19 មិន​ងាយ​នឹង​បញ្ចប់​ទេ​

ការ​ចាក់​វ៉ាក់សាំង​សកល​បាន​កើន​ឡើង​ជាង ​៤០០​លាន​នាក់​

ឥណ្ឌា​មាន​ករណី​ឆ្លង​ជំងឺ​ COVID-19 លើស​ប្រេ​ស៊ី​ល​ ក្លាយ​ជា​ប្រទេស​រង​គ្រោះ​ខ្លាំង​បំផុត​ទី​២ ​លើ​ពិភព​លោក​

ជំងឺ​ COVID-19 ជំរុញ​ឲ្យ​មាន​ការ​បិទ​នៅ​ទូទាំង​ពិភព​លោក ខណៈ​កង្វះ​ខាត​វ៉ាក់សាំង​

ការ​តវ៉ា​ផ្ទុះ​ឡើង​នៅ​រដ្ឋ Minnesota បន្ទាប់ពី​នគរបាល​បាញ់​សម្លាប់​បុរស​ម្នាក់​

សម្តេច​តេ​ជោ អំពាវនាវ​ដល់​គ្រឹះស្ថាន​ហិរញ្ញវត្ថុ ​ផ្ដល់​កម្ចី​ការប្រាក់​ទាប​បំផុត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មនុស្សម្នាក់ស្លាប់ និងនគរបាលម្នាក់របួសក្នុងការបាញ់ប្រហារនៅវិទ្យាល័យមួយក្នុងទីក្រុង Knoxville

ប្រមុខអង្គការ WHO និយាយថា ជំងឺរាតត្បាតសកល COVID-19 មិនងាយនឹងបញ្ចប់ទេ

ការចាក់វ៉ាក់សាំងសកលបានកើនឡើងជាង ៤០០លាននាក់

ឥណ្ឌាមានករណីឆ្លងជំងឺ COVID-19 លើសប្រេស៊ីល ក្លាយជាប្រទេសរងគ្រោះខ្លាំងបំផុតទី២ លើពិភពលោក

ជំងឺ COVID-19 ជំរុញឲ្យមានការបិទនៅទូទាំងពិភពលោក ខណៈកង្វះខាតវ៉ាក់សាំង

ការតវ៉ាផ្ទុះឡើងនៅរដ្ឋ Minnesota បន្ទាប់ពីនគរបាលបាញ់សម្លាប់បុរសម្នាក់

សម្តេចតេជោ អំពាវនាវដល់គ្រឹះស្ថានហិរញ្ញវត្ថុ ផ្ដល់កម្ចីការប្រាក់ទាបបំផុត