BTV NEWS

សម្តេចតេជោ ហ៊ុន សែន អញ្ជើញអុជធូបគោរពវិញ្ញាណក្ខន្ធសពម្តាយ លោក កឹម សុខា

សម្តេចតេជោ ហ៊ុន សែន បន្តជួបសំណេះសំណាលជាមួយក្រុមប្រឹក្សា និងមន្ត្រីនៃមន្ទីរអង្គភាពនានាជុំវិញខេត្តព្រះវិហារ

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

ព័ត៌មានសំខាន់ៗ

ប្រទេសនៅអាស៊ីមួយចំនួនស្វែងរកការផ្គត់ផ្គង់វ៉ាក់សាំងបង្ការវីរុស COVID-19

អាស៊ី៖ បណ្ដាប្រទេសមួយចំនួននៅអាស៊ី បានស្វែងរកប្រភពនានាដើម្បីទទួលបានវ៉ាក់សាំងបង្ការជំងឺ COVID-19 កាលពីថ្ងៃអង្គារ បន្ទាប់ពីការរឹតត្បិតការនាំចេញ ពីសំណាក់ក្រុមហ៊ុនរបស់ប្រទេសឥណ្ឌា បានបណ្ដាលឲ្យគម្រោងចែកចាយវ៉ាក់សាំងសកល គាំទ្រដោយអង្គការសុខភាពពិភពលោកជួបប្រទះកង្វះខាតការផ្គត់ផ្គង់។ការផ្អាកការនាំចេញបានធ្វើឲ្យគម្រោងចែកចាយវ៉ាក់សាំងនេះ ប្រឈមនឹងបញ្ហាកាន់តែខ្លាំង ក្នុងការជួយផ្គត់ផ្គង់ដល់ប្រទេសក្រីក្រប្រមាណ ៦៤ប្រទេស និងបន្ថែមលើចំណុចអវិជ្ជមានកន្លងមក ដែលរួមទាំងភាពរអាក់រអួលនៃដំណើរការផលិត និងកង្វះខាតការផ្ដល់មូលនិធិ ពីបណ្ដាប្រទេសមានទ្រព្យសម្បត្តិស្ដុកស្ដម្ភ។ ការខ្វះខាតនេះអាចបណ្ដាលឲ្យប្រទេសក្រីក្រជាច្រើនទៀត មិនអាចទទួលបានវ៉ាក់សាំង ដែលនឹងធ្វើឲ្យការចែកចាយវ៉ាក់សាំងគ្មានសមធម៌កើនឡើង ធ្វើឲ្យកិច្ចខិតខំប្រឹងប្រែងសកលកាន់តែស្មគស្មាញ ក្នុងការទប់ស្កាត់ការឆ្លងរាលដាលវីរុសកូរ៉ូណា រួមទាំងវីរុសបម្លែងខ្លួនថ្មី។កូរ៉េខាងត្បូង, ឥណ្ឌូនេស៊ី, ហ្វីលីពីន និងវៀតណាម ក៏ស្ថិតក្នុងចំណោមប្រទេសដែលត្រូវបានប៉ះពាល់ ដោយសារការពន្យារពេលដឹកជញ្ជូនវ៉ាក់សាំង ដែលពួកគេត្រូវបានសន្យាផ្ដល់ជូនក្រោមគម្រោងចែកចាយវ៉ាក់សាំង COVAX ដែលត្រូវបានបង្កើតឡើងផ្ដោតទៅលើការធានា ឲ្យបានការផ្គត់ផ្គង់សម្រាប់ប្រទេសក្រីក្រ៕អត្ថបទ៖ សុខមាន

អ្នកស្លាប់ដោយសារការបង្ក្រាបពីសំណាក់យោធាមីយ៉ាន់ម៉ាបានកើនឡើងជាង ៥២០នាក់

មីយ៉ាន់ម៉ា៖ ចំនួនអ្នកស្លាប់ជាជនស៊ីវិលក្នុងការបង្ក្រាប របស់ក្រុមយោធាមីយ៉ាន់ម៉ាទៅលើក្រុមបាតុករបានកើនដល់ ៥២១នាក់ ខណៈក្រុមឧទ្ទាមប្រដាប់អាវុធកាលពីថ្ងៃអង្គារ បានគំរាមរដ្ឋាភិបាលយោធាថា ខ្លួននឹងសងសឹក ប្រសិនបើនៅតែមិនបញ្ឈប់ការសម្លាប់បង្ហូរឈាម។មហាអំណាចពិភពលោកបានបង្កើនការថ្កោលទោស ចំពោះយុទ្ធនាការរបស់យោធាប្រឆាំងនឹងចលនាប្រឆាំងរដ្ឋប្រហារ ដែលទាមទារឲ្យប្រគល់អំណាចជូនរដ្ឋាភិបាលជាប់ឆ្នោត និងការដោះលែងមេដឹកនាំស៊ីវិល លោកស្រី Aung San Suu Kyi។ ទីក្រុងវ៉ាស៊ីនតោនបានផ្អាកកិច្ចព្រមព្រៀងពាណិជ្ជកម្មជាមួយសហភាពមីយ៉ាន់ម៉ា ហើយប្រមុខអង្គការសហប្រជាជាតិ លោក Antonio Guterres បានអំពាវនាវឲ្យមានចលនារួបរួមសកល ដើម្បីដាក់សម្ពាធលើរដ្ឋាភិបាលយោធា បន្ទាប់ពីក្រុមបាតុករជាង ១០០នាក់ត្រូវបានសម្លាប់ដ៏បង្ហូរឈាម កាលពីថ្ងៃសៅរ៍ចុងសប្ដាហ៍មុន។បន្ថែមលើយុទ្ធនាការដាក់សម្ពាធនោះ ក្រុមឧទ្ទាមជនជាតិភាគតិចចំនួន ៣ក្រុមកាលពីថ្ងៃអង្គារបានថ្កោលទោសការបង្ក្រាប និងបានគំរាមថានឹងចូលរួមតតាំងជាមួយក្រុមបាតុករ លុះត្រាតែយោធាបញ្ឈប់អំពើហិង្សារបស់ខ្លួន៕អត្ថបទ៖ សុខមាន

ប្រទេសឥណ្ឌាកត់ត្រាចំនួនអ្នកឆ្លងជំងឺ COVID-19 ប្រចាំថ្ងៃខ្ពស់បំផុតក្នុងរយៈពេល ៥ខែ

ឥណ្ឌា៖ ប្រទេសឥណ្ឌាបានរាយការណ៍ពីការកើនឡើងខ្ពស់បំផុត នៃករណីឆ្លងវីរុសកូរ៉ូណាប្រចាំថ្ងៃក្នុងរយៈពេល ៥ខែកាលពីថ្ងៃច័ន្ទ ដោយការឆ្លងរលកទី២ នេះត្រូវបានបង្កឡើងដោយការឆ្លងរាលដាលនៅក្នុងរដ្ឋមហារាស្ត្រា (Maharastra) ជារដ្ឋមានជាងគេបំផុតរបស់ប្រទេសនេះ។ក្រសួងសុខាភិបាលបាននិយាយថា អ្នកឆ្លងសរុបនៃវីរុសកូរ៉ូណាថ្មីចំនួន ៦៨,០២០នាក់ត្រូវបានគេរាយការណ៍ក្នុងរយៈពេល ២៤ម៉ោងចុងក្រោយនេះ។ នេះជាការកើនឡើងប្រចាំថ្ងៃខ្ពស់បំផុតចាប់តាំងពីថ្ងៃទី១១ ខែតុលា នេះបើយោងតាមការចុះផ្សាយរបស់សារព័ត៌មាន Reuters។ ប្រទេសឥណ្ឌាបានរាយការណ៍អំពីករណីឆ្លងកើនឡើងខ្ពស់ជាង ៦០,០០០នាក់សម្រាប់រយៈពេលបីថ្ងៃជាប់ៗគ្នា ទោះបីជាការកើនឡើងកាលពីថ្ងៃច័ន្ទ នៅតែទាបជាងកម្រិតខ្ពស់បំផុតកាលពីខែកញ្ញា ដែលមានជាង ៩ម៉ឺនករណីក្នុងមួយថ្ងៃក៏ដោយ។ចំនួនករណីឆ្លងសរុបចាប់តាំងពីការឆ្លងរាលដាល បានចាប់ផ្តើមកាលពីមួយឆ្នាំកន្លងមកនេះ បានកើនឡើងជាងចំនួន ១២លាននាក់ ដែលធ្វើឱ្យប្រទេសឥណ្ឌាក្លាយជាប្រទេស ដែលរងគ្រោះខ្លាំងជាងគេបន្ទាប់ពីសហរដ្ឋអាមេរិក និងប្រទេសប្រេស៊ីល។ គិតត្រឹមព្រឹកថ្ងៃអង្គារនេះ ប្រទេសឥណ្ឌាមានករណីឆ្លងជំងឺ COVID-19 ចំនួន ១២,០៩៥,៣២៩នាក់ និងស្លាប់ចំនួន ១៦២,១៤៧នាក់៕អត្ថបទ៖ សុខមាន

វ៉ាក់សាំងស៊ីណូហ្វាម ៧០ម៉ឺនដូសដែលជាជំនួយរបស់ចិនលើកទី២នឹងមកដល់កម្ពុជានៅល្ងាចថ្ងៃស្អែក

ភ្នំពេញ៖ វ៉ាក់សាំងការពារមេរោគកូវីដ១៩ ប្រភេទស៊ីណូហ្វាម ដែលជាជំនួយរបស់សាធារណរដ្ឋប្រជាមានិតចិន លើកទី២ចំនួន ៧០ម៉ឺនដូស នឹងដឹកមកដល់ប្រទេសកម្ពុជានៅវេលាម៉ោង៧ល្ងាចថ្ងៃទី៣១ ខែមីនា ឆ្នាំ២០២១ស្អែកនេះ ខណៈកម្មវិធីផ្តល់ និងទទួលនឹងប្រព្រឹត្តិទៅក្រោមអធិបតីភាព សម្តេចពិជ័យសេនា ទៀ បាញ់ ឧបនាយករដ្ឋមន្រ្តី និងជារដ្ឋមន្រ្តីក្រសួងការពារជាតិកម្ពុជា ជាមួយនិងលោក វ៉ាង វិនធាន ឯកអគ្គរដ្ឋទូតចិនប្រចាំនៅកម្ពុជា។វ៉ាក់សាំងស៊ីណូហ្វាម ចំនួន៧០ម៉ឺនដូស ដែលជាជំនួយលើកទីពីររបស់ចិននេះ មានចំនួន៣០ម៉ឺនដូសគឺសម្រាប់ចាក់ជូនដល់កងទ័ពកម្ពុជា និងក្រុមគ្រួសារ ហើយ៤០ម៉ឺនដូសទៀតសម្រាប់ផ្តល់ជូនដល់ក្រសួងសុខាភិបាលកម្ពុជា ខណៈជំនួយលើកទី១ ដែលមានចំនួន៦០ម៉ឺនដូសនោះបានកំពុងបន្តចាក់ជូនដល់កងទ័ពប្រកបដោយរលូន និងសុវត្ថិភាពរហូតមកដល់ពេលនេះ។សូមបញ្ជាក់ថា ប្រទេសកម្ពុជាបានទទួលថ្នាំវ៉ាក់សាំងប្រភេទស៊ីណូហ្វាមចំនួន៦០ម៉ឺនដូសជាលើកដំបូងពីសាធារណៈប្រជាមានិតចិន កាលពីថ្ងៃទី៧ ខែកុម្ភៈកន្លងទៅនេះ ហើយបន្ទាប់មកនៅថ្ងៃទី២ ខែមីនា ប្រទេសកម្ពុជាបានទទួលវ៉ាក់សាំងកូវីដ១៩ របស់ក្រុមហ៊ុន AstraZeneca ដែលផលិតនៅប្រទេសឥណ្ឌា ចំនួន ៣២៤,០០០ដូស ពីមជ្ឈមណ្ឌលកូវ៉ាក់ (COVAX Facility) របស់អង្គការសុខភាពពិភពលោក(WHO)។ វ៉ាក់សាំងទាំងពីរប្រភេទ ដែលកម្ពុជាទទួលបានពីមិត្តចិន និងអង្គការសុខភាពពិភពលោកនេះ ត្រូវបានចាក់ជូនដល់កងកម្លាំងប្រដាប់អាវុធគ្រប់ប្រភេទ និងមន្រ្តីរាជការស៊ីវិល និងបងប្អូនប្រជាពលរដ្ឋក្នុងគោលការណ៍ស្ម័គ្រចិត្តបានចំនួនជាង២៥ម៉ឺននាក់ ខណៈវ៉ាក់សាំងប្រភេទស៊ីណូវ៉ាក់ ដែលកម្ពុជាចំណាយលុយជាលើកដំបូងទិញរបស់ចិនចំនួន១.៥លានដូស ដែលបានដឹកមកដល់កម្ពុជានាថ្ងៃទី២៦នោះបានកំពុងចាត់ចែងយ៉ាងដុតដៃដុតជើងបំផុត របស់គណៈកម្មការចំពោះកិច្ចនៃការចាក់វ៉ាក់សាំងកូវីដ១៩ ដែល ដឹកនាំដោយលោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាលកម្ពុជា ខណៈវ៉ាក់សាំងនេះនឹងត្រូវធ្វើការចាក់ជូនដល់ពលរដ្ឋខ្មែរឲ្យអស់មួយលានដូសក្នុងមួយខែ ឬអាចលើសពីនេះទៅទៀតនោះ។កាលពីថ្ងៃទី២៩ ខែមីនាម្សិលមិញនេះ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានប្រកាសដាក់ចេញផែនការចាក់វ៉ាក់សាំងកូវីដ១៩ ឱ្យបានប្រមាណ១លានដូសក្នុងរយៈពេលមួយខែ ខណៈការចាក់ដោយទ្រង់ទ្រាយធំនេះ នឹងប្រព្រឹត្តិទៅទូទាំងប្រទេសនោះ។ ការប្រកាសដាក់ផែនការរបស់ប្រមុខរាជរដ្ឋាភិបាលនេះគឺស្របពេលដែលកម្ពុជាមានការផ្ទុះមេរោគកូវីដ១៩នេះ ចូលសហគមន៍ជាបន្តបន្ទាប់ និងបណ្តាលឲ្យមានអ្នកស្លាប់មួយចំនួនផងដែរនោះ។ព្រឹត្តិការណ៍នៃការចាក់វ៉ាក់សំាងការពារមេរោគកូវីដ១៩ បានប្រព្រឹត្តិទៅប្រកបដោយសុវត្ថិភាព និងរលូននោះរាជរដ្ឋាភិបាលកម្ពុជា បានប្រកាសទិញនូវវ៉ាក់សាំងការពារមេរោគកូវីដ១៩ ប្រភេទស៊ីណូវ៉ាក់នេះចំនួន៤លានដូសបន្ថែមទៀត និងកំពុងសិក្សាទិញនូវវ៉ាក់សាំងពីប្រទេសអាមេរិកមួយចំនួនទៀតផងដែរដើម្បីធ្វើយ៉ាងណាចាក់វ៉ាក់នេះ ជូនដល់បងប្អូនប្រជាពលរដ្ឋខ្មែរនៅក្នុងឆ្នាំ២០២១នេះ ឲ្យបានចំនួន១០លានដូសនោះ៕ អត្ថបទ៖ បាន ចក់

អ្នកការទូត៖ ក្រុមប្រឹក្សាសន្តិសុខអង្គការសហប្រជាជាតិនឹងជួបប្រជុំនៅថ្ងៃពុធស្ដីពីវិបត្តិនៅមីយ៉ាន់ម៉ា

មីយ៉ាន់ម៉ា៖ ប្រភពពីក្រុមអ្នកការទូតបាននិយាយកាលពីថ្ងៃច័ន្ទថា ចក្រភពអង់គ្លេសបានអំពាវនាវឲ្យមានការប្រជុំ ក្រុមប្រឹក្សាសន្តិសុខអង្គការសហប្រជាជាតិជាបន្ទាន់ ស្តីពីស្ថានភាពនៅសហភាពមីយ៉ាន់ម៉ា ជាទីដែលក្រុមបាតុករប្រឆាំងរដ្ឋប្រហារជាង ១០០នាក់ត្រូវបានសម្លាប់កាលពីចុងសប្ដាហ៍កន្លងទៅ។ប្រភពដដែលបាននិយាយថា សមាជិកក្រុមប្រឹក្សាសន្តិសុខចំនួន ១៥ ប្រទេសនឹងចាប់ផ្ដើមសម័យប្រជុំបិទទ្វារនៅថ្ងៃពុធស្អែកនេះ ដោយមានការលើកឡើងនូវរបាយការណ៍សង្ខេប ស្ដីពីស្ថានការណ៍ ពីសំណាក់ប្រេសិតពិសេសរបស់អង្គការសហប្រជាជាតិ ទទួលបន្ទុកមីយ៉ាន់ម៉ាគឺលោកស្រី Christine Schraner Burgener។ គេមិនច្បាស់ទេថា ក្រុមប្រឹក្សាសន្តិសុខនឹងអាចយល់ព្រម លើសេចក្តីប្រកាសថ្មីមួយនៅចុងបញ្ចប់នៃកិច្ចប្រជុំ នេះជាអ្វីដែលតម្រូវឲ្យមានការព្រមព្រៀងជាឯកច្ឆ័ន្ទ ក្នុងចំណោមសមាជិកដែលរួមមានរុស្ស៊ី និងចិនដែរ ឬយ៉ាងណា។កាលពីនៅថ្ងៃទី១០ ខែមីនាកន្លងទៅ ក្រុមប្រឹក្សាសន្តិសុខបានចេញសេចក្តីប្រកាស ថ្កោលទោសយ៉ាងដាច់អហង្ការជាលើកដំបូង ចំពោះការប្រើប្រាស់អំពើហិង្សាលើក្រុមអ្នកតវ៉ា ដោយស្ងៀមស្ងាត់ដែលរួមមានទាំងស្ត្រី និងកុមារ។ ក្រុមអ្នកតស៊ូមតិមួយបាននិយាយកាលពីថ្ងៃច័ន្ទថា កងកម្លាំងសន្តិសុខសហភាពមីយ៉ាន់ម៉ា បានសម្លាប់ជនស៊ីលយ៉ាងហោចណាស់ ៥១០នាក់ក្នុងរយៈពេលជិត ២ខែក្នុងកិច្ចខិតខំប្រឹងប្រែងដើម្បីបញ្ឈប់ការតវ៉ា ប្រឆាំងរដ្ឋប្រហារកាលកាលពីថ្ងៃទី១ ខែកុម្ភៈ៕អត្ថបទ៖ សុខមាន

ប្រមុខ WHO អំពាវនាវដល់ប្រទេសមានទ្រព្យស្ដុកស្ដម្ភបរិច្ចាគវ៉ាក់សាំងបង្ការជំងឺ COVID-19

WHO៖ ប្រមុខអង្គការសុខភាពពិភពលោក បានទទូចដល់បណ្ដាប្រទេសមានទ្រព្យសម្បត្តិស្ដុកស្ដម្ភ ឲ្យបរិច្ចាគវ៉ាក់សាំងបង្ការជំងឺ COVID-19 យ៉ាងតិច ១០លានដូសភ្លាមៗ ដើម្បីឲ្យទីភ្នាក់ងារសុខភាពរបស់អង្គការសហប្រជាជាតិ អាចសម្រេចបានគោលដៅសកលនៃការចាប់ផ្ដើមដំណើរការចាក់វ៉ាក់សាំង នៅក្នុងប្រទេសទាំងអស់ក្នុងរយៈពេល ១០០ថ្ងៃដំបូងនៃឆ្នាំ២០២១។ ថ្លែងនៅសន្និសីទសារព័ត៌មានកាលពីថ្ងៃសុក្រ លោក Tedros Adhanom Ghebreyesus បាននិយាយថា ការផ្គត់ផ្គង់នានាបានជួបបញ្ហាប្រឈម ក្នុងកិច្ចខិតខំប្រឹងប្រែងរបស់សម្ព័ន្ធចែកចាយវ៉ាក់សាំង COVAX គាំទ្រដោយអង្គការសហប្រជាជាតិ ដែលមានគោលបំណងផ្ដល់វ៉ាក់សាំងទៅដល់គ្រប់ប្រទេសទាំងអស់ មានន័យថាប្រទេសប្រហែល ២០ នៅតែកំពុងរង់ចាំដូសវ៉ាក់សាំងដំបូងរបស់ខ្លួន ពីគម្រោងចែកចាយវ៉ាក់សាំងនេះ។លោក Tedros និយាយថា លោកក៏កំពុងស្នើផងដែរដល់ក្រុមហ៊ុននានា បង្កើនការផលិតរបស់ខ្លួនបន្ថែមទៀត ដើម្បីអាចគ្រប់គ្រាន់ក្នុងការបរិច្ចាគទៅដល់ប្រទេសក្រីក្រនានា។ លោកបានរិៈគន់កិច្ចព្រមព្រៀងឯកជនជាច្រើន របស់ប្រទេសនានាដែលបានចុះហត្ថលេខា ជាមួយក្រុមហ៊ុនផលិតឱសថមួយចំនួន ដែលបានចែកចាយវ៉ាក់សាំងតិចតួចដល់ប្រទេសកំពុងអភិវឌ្ឍន៍ និងបានព្រមានថា គម្រោងចែកចាយវ៉ាក់សាំង COVAX នឹងត្រូវការវ៉ាក់សាំងរាប់រយលានដូសបន្ថែមទៀត ក្នុងពេលប៉ុន្មានខែខាងមុខនេះ៕អត្ថបទ៖ សុខមាន

មន្ត្រីជាន់ខ្ពស់មន្ទីរពេទ្យកាលម៉ែតច្រានចោលព័ត៌មានដែលផ្សាយថាមន្ទីរពេទ្យកំពុងផ្ទុះកូវីដរហូតដល់បិទមន្ទីពេទ្យ

ភ្នំពេញ ៖ នៅព្រឹកថ្ងៃទី២៩ ខែមីនានេះ មន្រ្តីជាន់ខ្ពស់នៅមន្ទីរពេទ្យកាល់ម៉ែត បានប្រាប់សារព័ត៌មានតាមប្រព័ន្ឋទូរសព្ទ័ ដោយច្រានចោលសារជាសំលេងមួយ ដែលផ្សព្វផ្សាយ តៗគ្នាថា ពេទ្យនេះកំពុងផ្ទុះកូវីដ១៩ ដែលឈានដល់ការបិទមន្ទីរពេទ្យ។លោកវេជ្ជបណ្ឌិត ម៉ៅ រ៉ាសី ប្រធានរដ្ឋបាលមន្ទីរពេទ្យកាល់ម៉ែត បញ្ជាក់ថា សារជាសំលេងនេះ កំពុងធ្វើឲ្យមានការភាន់ច្រលំ និងចែករំលែកតៗគ្នា និងពេលនេះ មន្ទីរពេទ្យកំពុងប្តឹងទៅមន្រ្តីជំនាញ ដើម្បីរកម្ចាស់សំលេងដែលបំផុសរឿងនេះ យកមកផ្តន្ទាទោសតាមផ្លូវច្បាប់។នៅព្រឹកថ្ងៃនេះ មានសារជាសំលេងមួយជិត១នាទី ដែលជាសំលេងមនុស្សប្រុស និយាយថា «អ្នកធ្វើការនៅកាល់ម៉ែត្រផ្ទុះកូវីដ១៩ ហើយ អីលូវថ្នាក់ដឹកនាំកំពុងស្វែងរកអ្នកធ្វើការនៅកាល់ម៉ែត្រ និងកំពុងស្រាវជ្រាវ ហើយសូមបងប្អូននៅភ្នំពេញកុំទៅប្លុកនោះ ហើយបើអ្នកជាប់ពាក់ព័ន្ឋ ធ្លាប់ទៅកាល់ម៉ែត្រសូមធ្វើចត្តាឡីស័កនៅផ្ទះ១៤»។លោកវេជ្ជបណ្ឌិត ម៉ៅ រ៉ាសី ប្រធានរដ្ឋបាលមន្ទីរពេទ្យកាល់ម៉ែ បន្ថែមថា នៅព្រឹកថ្ងៃនេះ មន្ទីរពេទ្យនឹងចេញជាប្រកាសព័ត៌មានមួយដើម្បីកុំឲ្យមាន ការយល់ច្រលំ និងបញ្ជាក់ថា សារជាសំលេងនេះមិនពិតនោះទេ គឺមន្ទីរពេទ្យនៅធ្វើការទទួលអ្នកជំងឺដដែល៕

សម្ដេចតេជោ ហ៊ុន សែន ប្រកាសយុទ្ធនាការចាក់វ៉ាក់សាំងទ្រង់ទ្រាយធំហើយ

ភ្នំពេញ៖ តាមរយៈសារជាសំឡេងរបស់សម្ដេចតេជោនាយករដ្ឋមន្ត្រីនៅថ្ងៃនេះសម្តេចបានបញ្ជាក់ថានៅពេលខាងមុខនេះ យើងនឹងចាប់ផ្ដើមយុទ្ធនាការចាក់វ៉ាក់សាំងទ្រង់ទ្រាយធំដោយសម្តេចបានណែនាំអោយអាជ្ញាធររាជធានីខេត្តត្រៀមរៀបចំ។សារជាសំឡេងនេះ សម្ដេចបានណែនាំអោយធ្វើយ៉ាងណាយុទ្ធនាការនេះ ក្នុងមួយខែយ៉ាងហោចចាក់ឲ្យបានចំនួន១លានដូស ព្រោះវ៉ាក់សាំងរបស់យើងដែលទិញ និងទទួលបានពីជំនួយនឹងមកជាបន្តបន្ទាប់ ដូច្នេះវ៉ាក់សាំងត្រូវបញ្ជូនទៅចាក់ឱ្យប្រជាពលរដ្ឋ។ ក្នុងន័យនេះសម្ដេចបានស្នើឲ្យអភិបាលខេត្តទាំងអស់ដោយមិននិយាយពីរាជធានីភ្នំពេញនោះទេត្រូវទទួលរ៉ាប់រងកន្លែងស្នាក់នៅរបស់ក្រុមគ្រូពេទ្យដែលទៅពីទីក្រុងភ្នំពេញស្ម័គ្រចិត្តទៅជួយហើយចល័តពីកន្លែងមួយទៅកន្លែងមួយគឺសូមឱ្យខេត្តទទួលខុសត្រូវលើការស្នាក់នៅព្រោះថាសព្វថ្ងៃនេះសណ្ឋាគារ ផ្ទះសំណាក់មាននៅសល់ច្រើនដែលយើងអាចពឹងពាក់ចំពោះម្ចាស់សណ្ឋាគារចំពោះម្ចាស់ផ្ទះសំណាក់ដើម្បីអាចនិងផ្ដល់ឱ្យគ្រូពេទ្យរបស់យើងស្នាក់នៅបានចៀសវាងយកថវិកាទៅជួយបន្ថែមក្នុងពេលដែលគ្រូពេទ្យទាំងនោះទៅជួយដល់ប្រជាជន។ ដូច្នេះថ្នាក់ជាតិទទួលខុសត្រូវទៅលើថវិកាក្នុងការធ្វើដំណើរ និងការហូបចុករបស់ក្រុមគ្រូពេទ្យតែប៉ុណ្ណោះ។ ប៉ុន្តែការស្នាក់នៅដូចជាសណ្ឋាគារឬផ្ទះសំណាក់ត្រូវឱ្យខេត្តទទួលខុសត្រូវ។ សម្ដេចយល់ថាប្រជាពលរដ្ឋ និងម្ចាស់សណ្ឋាគារនៅតាមទីកន្លែងដែលក្រុមគ្រូពេទ្យត្រូវទៅស្នាក់នៅពួកគាត់មិនកំណាញ់នោះទេទៅលើកិច្ចសហការក្នុងស្ថានភាពមនុស្សធម៌បែបនេះដូច្នេះសម្ដេចបានស្នើសុំឲ្យគណៈកម្មការចំពោះកិច្ចគឺរៀបចំគម្រោងនៃការចំណាយតែទៅលើការធ្វើដំណើរ និងហូបចុកបានហើយៗការស្នាក់នៅទុកឱ្យខេត្ត អភិបាលខេត្តធានារ៉ាប់រង និង ទទួលខុសត្រូវ។ ក្នុងបញ្ហានេះសម្ដេចគិតថាអភិបាលខេត្តនានា ច្បាស់ជាធ្វើបាននូវកិច្ចការងារនេះដោយសហការល្អជាមួយម្ចាស់សណ្ឋាគារផ្ទះសំណាក់នៅឯមូលដ្ឋាន ដើម្បីកាត់បន្ថយការចំណាយរបស់ថ្នាក់ជាតិដែលជាចំណូលរបស់សប្បុរសជនទុកចំណាយទៅលើប្រតិបត្តិការក្នុងដំណើរការចាក់វ៉ាក់សាំងដែលយើងត្រូវប្រើប្រាស់រយៈពេលនៃការចាក់វ៉ាក់សាំងនេះមិនឲ្យអូសបន្លាយយូរដោយខិតខំមានវ៉ាក់សាំងពេលមកដល់ហើយឥឡូវនេះសូម្បីតែពេលមកដល់ហើយត្រូវខិតខំចាក់ក្នុងកម្រិត១លាននាក់ក្នុងមួយខែ។ ប្រសិនបើវ៉ាក់សាំងមកច្រើនជាងនេះយើងអាចចាក់លើសពីនេះយើងក៏បានទទួលព័ត៌មានមកថាតាមបណ្ដាខេត្តក៏បានរកទីកន្លែងសមគួរហើយដែរ ដែលមានប្រមាណជាង ៣០០កន្លែងក្នុងទូទាំងប្រទេស វាជាការល្អក៏ប៉ុន្តែលទ្ធភាពរបស់គ្រូពេទ្យជាបញ្ហា។ ដូច្នេះគ្រូពេទ្យត្រូវតែរកនៅឯមូលដ្ឋានផងដែរទាំងគ្រូពេទ្យរដ្ឋក៏ប៉ុន្តែគ្រូពេទ្យរដ្ឋមិនត្រូវធ្វើឱ្យប៉ះពាល់ទៅដល់ដំណើរការនៃការព្យាបាលជំងឺសម្រាប់ជំងឺគ្រប់ប្រភេទដែលគ្រូពេទ្យកំពុងដំណើរការនោះទេ។យើងយកតែគ្រូពេទ្យដែលមិនជាប់ពាក់ព័ន្ធអាចជួយមកចាក់សាក់បានតែប៉ុណ្ណោះ ក្រៅពីនោះត្រូវចលនាគ្រូពេទ្យស្ម័គ្រចិត្តតាមគ្លីនិកឯកជនក៏ដូចជាគ្រូពេទ្យដែលជាសេវាឯកជនយកមកធ្វើការហ្វឹកហ្វឺនដើម្បីបង្កើនចំនួនគ្រូពេទ្យ ចាក់នៅតាមទីកន្លែងដែលបានរៀបចំរួចមកហើយ បន្ថែមទៅដោយអន្តរាគមន៍នៃគ្រូពេទ្យស្ម័គ្រចិត្តដែលទៅពីថ្នាក់ជាតិដែលមានក្រុមគ្រូពេទ្យស្ម័គ្រចិត្តច្រើនក្រុមចុះទៅ។ ប៉ុន្តែសម្តេចបញ្ជាក់ថាគ្រូពេទ្យស្ម័គ្រចិត្តដែលចុះទៅនេះគឺថ្នាក់ជាតិ រ៉ាប់រងការចំណាយតែទៅលើការធ្វើដំណើរ និងការហូបចុកប៉ុណ្នោះ តែកន្លែងស្នាក់នៅត្រូវទុកឱ្យខេត្តទទួល ខុសត្រូវរកសណ្ឋាគារផ្ទះសំណាក់ឲ្យធ្វើកិច្ចសហការឧបត្ថម្ភ ពីម្ចាស់សណ្ឋាគារ ផ្ទះសំណាក់ ដើម្បីឱ្យគ្រូពេទ្យរបស់យើងស្នាក់នៅបានស្រួល ៕ អត្ថបទ មុត សុទ្ធ

មនុស្ស ១៤នាក់រងរបួសក្នុងការបំផ្ទុះគ្រាប់បែកអត្តឃាតនៅខាងក្រៅព្រះវិហារកាតូលិកនៅឥណ្ឌូនេស៊ី

ឥណ្ឌូនេស៊ី៖ នគរបាលបាននិយាយថា មនុស្ស ១៤នាក់ត្រូវបានបញ្ជូនទៅកាន់មន្ទីរពេទ្យដោយសារមានរបួស បន្ទាប់ពីមានការបំផ្ទុះគ្រាប់បែកអត្តឃាតមួយ នៅខាងក្រៅព្រះវិហារមួយកន្លែងក្នុងទីក្រុង Makassar ប្រទេសឥណ្ឌូនេស៊ីកាលពីថ្ងៃអាទិត្យ។យោងតាមនគរបាលឥណ្ឌូនេស៊ីបានឲ្យដឹងថា ក្មាន់ផ្ទុះគ្រាប់បែកទាំង ២នាក់បានស្លាប់ និងពុំមានរបាយការណ៍ពីអ្នកស្លាប់ផ្សេងទៀតនោះទេ។ អគ្គស្នងការនគរបាលឥណ្ឌូនេស៊ី លោក Argo Yuwono បានប្រាប់បណ្ដាញសារព័ត៌មានថា ឆ្មាំសន្តិសុខម្នាក់ដែលព្យាយាមបញ្ឈប់ក្មាន់សង្ស័យបំផ្ទុះគ្រាប់បែកទាំង ២នាក់មិនឲ្យចូលទៅក្នុងព្រះវិហារ គឺស្ថិតក្នុងចំណោមអ្នករងរបួស។ ជនសង្ស័យបានប្រើទោចក្រយានយន្តមួយគ្រឿង និងបំផ្ទុះនៅខាងក្រៅព្រះវិហារ ដែលកំពុងរៀបចំពិធីបុណ្យពិសិដ្ឋអ៊ីស្ទើរប្រចាំសប្តាហ៍ នៅពេលដែលពួកគេត្រូវបានគេរារាំងមិនឲ្យចូលក្នុងបរិវេនព្រះវិហារ។ស្នងការនគរបាលខាងលើបាននិយាយថា ក្មាន់បំផ្ទុះគ្រាប់បែកអត្តឃាតម្នាក់ ក្នុងចំណោមជនបំផ្ទុះគ្រាប់បែកអត្តឃាតពីរនាក់ដែលបានវាយប្រហារ នៅវិហាររបស់ឥណ្ឌូនេស៊ីកាលពីថ្ងៃអាទិត្យ ជាមនុស្សរបស់ក្រុមជ្រុលនិយមរដ្ឋអ៊ីស្លាម ដែលបានដាក់ការស្តីបន្ទោសចំពោះការបំផ្ទុះគ្រាប់បែក នៅព្រះវិហារផ្សេងទៀតក្នុងប្រទេសឥណ្ឌូនេស៊ី និងហ្វីលីពីន៕អត្ថបទ៖ សុខមាន

ការតវ៉ានៅមីយ៉ាន់ម៉ានៅតែបន្ត មួយថ្ងៃបន្ទាប់ពីមនុស្សជាង ១០០នាក់ត្រូវបានសម្លាប់

មីយ៉ាន់ម៉ា៖ ក្រុមអ្នកតវ៉ានៅក្នុងសហភាពមីយ៉ាន់ម៉ា បានទៅកាន់តាមដងផ្លូវនានាជាថ្មីកាលពីថ្ងៃអាទិត្យ ដើម្បីបង្កើនការទាមទារឲ្យមានការវិលត្រឡប់ របបលទ្ធិប្រជាធិបតេយ្យឡើងវិញ រយៈពេលមួយថ្ងៃបន្ទាប់ពីកងកម្លាំងសន្តិសុខ បានសម្លាប់មនុស្សជាង ១០០នាក់នៅក្នុងថ្ងៃបង្ក្រាបដ៏បង្ហូរឈាមបំផុត ចាប់តាំងពីរដ្ឋប្រហារយោធាកាលពីខែមុន។ការតវ៉ាជាបន្តបន្ទាប់ត្រូវបានធ្វើឡើងនៅទីក្រុងយ៉ាងហ្គោន និងម៉ាន់ដាឡេ ដែលជាទីក្រុងធំបំផុតពីររបស់ប្រទេស ក៏ដូចជានៅកន្លែងផ្សេងទៀត។ បាតុកម្មខ្លះត្រូវបានពើបប្រទះជាមួយកម្លាំងនគរបាលជាថ្មីទៀត។ យ៉ាងហោចណាស់មានមនុស្សចំនួន ១១៤នាក់ត្រូវបានសម្លាប់កាលពីថ្ងៃសៅរ៍ ទី២៨ ខែមីនាកន្លងទៅនេះ ស្របពេលដែលកម្លាំងសន្តិសុខបានបង្ក្រាប បាតុកម្មប្រឆាំងនឹងរដ្ឋប្រហារកាលពីថ្ងៃទី១ ខែកុម្ភៈ ដែលបានបណ្ដេញរដ្ឋាភិបាលជាប់ឆ្នោតរបស់លោកស្រី Aung San Suu Kyi។ អ្នកស្លាប់ដែលត្រូវបានរាយការណ៍ រួមមានកុមារមួយចំនួនអាយុក្រោម ១៦ឆ្នាំ។យោងតាមការរាប់ពីក្រុមអ្នកតាមដានជាច្រើនឲ្យដឹងថា ចំនួនមនុស្សស្លាប់ប្រហាក់ប្រហែលគ្នា ត្រូវបានចេញផ្សាយដោយប្រព័ន្ធផ្សព្វផ្សាយ និងក្រុមអ្នកស្រាវជ្រាវសហភាពមីយ៉ាន់ម៉ាផ្សេងទៀត ដែលលើសពីចំនួនអ្នកស្លាប់ខ្ពស់បំផុតកាលពីថ្ងៃទី១៤ ខែមីនា។ ចំនួនមនុស្សស្លាប់សរុបចាប់តាំងពីរដ្ឋប្រហារ រហូតមកដល់ពេលនេះមានជាង ៤២០នាក់៕ អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

WHO ៖ ស្ថានភាពក្រោយការរញ្ជួយដីនៅវេណេស៊ុយអេឡា បង្កើនក្តីបារម្ភសុខភាព

វិបត្តិប្រេងឥន្ធនៈរបស់រុស្ស៊ី ជំរុញពលរដ្ឋរស់នៅក្នុងទីក្រុងមូស្គូ ងាកទៅទិញរថយន្តអគ្គិសនីមកប្រើប្រាស់

ទឹកទន្លេ Loire រីងស្ងួតស្ទើរអស់ អំឡុងពេលរលកកម្តៅវាយប្រហារប្រទេសបារំាង

លោក Xi ជំរុញឱ្យចិន និងកូរ៉េខាងជើង បន្តដំណោះស្រាយយុទ្ធសាស្ត្រ ក្នុងពេលមានភាពចលាចលសកល

លោក Modi ចាប់ផ្ដើមដំណើរទៅនូវែលសេឡង់ ជាទស្សនកិច្ចដំបូងដោយនាយករដ្ឋមន្ត្រីឥណ្ឌា ក្នុងរយៈពេល ៤០ឆ្នាំ

ជប៉ុនជំរុញឲ្យពលរដ្ឋរស់នៅក្នុងខេត្ត Okinawa បន្តប្រុងប្រយ័ត្នខ្ពស់បំផុត ខណៈព្យុះ Bavi បោកបក់ជិតមកដល់

បាតុកម្មផ្ទុះឡើងនៅរដ្ឋ West Bengal របស់ឥណ្ឌា ជុំវិញករណីចាប់រំលោភ-សម្លាប់ក្មេងស្រីអានីតិជន

ប្រធានសន្តិសុខអ៊ីរ៉ង់ព្រមានអ៊ីស្រាអែលថា «នឹងមិនមានសុវត្ថិភាពដោយសារការឆ្លើយតបឡើយ»

វិមានក្រឹមឡាំង៖ រុស្ស៊ីកំពុងទាក់ទងជាមួយទួរគី ពាក់ព័ន្ធជោគវាសនាប្រព័ន្ធមីស៊ីល S-400 របស់រុស្ស៊ី

វិមាន Elysee៖ លោក Rutte និងលោក Zelenskyy នឹងចូលរួមកិច្ចប្រជុំសម្ព័ន្ធឆន្ទៈរួមគាំទ្រអ៊ុយក្រែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ប្រទេសនៅអាស៊ីមួយចំនួនស្វែងរកការផ្គត់ផ្គង់វ៉ាក់សាំងបង្ការវីរុស COVID-19

អ្នកស្លាប់ដោយសារការបង្ក្រាបពីសំណាក់យោធាមីយ៉ាន់ម៉ាបានកើនឡើងជាង ៥២០នាក់

ប្រទេសឥណ្ឌាកត់ត្រាចំនួនអ្នកឆ្លងជំងឺ COVID-19 ប្រចាំថ្ងៃខ្ពស់បំផុតក្នុងរយៈពេល ៥ខែ

វ៉ាក់សាំងស៊ីណូហ្វាម ៧០ម៉ឺនដូសដែលជាជំនួយរបស់ចិនលើកទី២នឹងមកដល់កម្ពុជានៅល្ងាចថ្ងៃស្អែក

អ្នកការទូត៖ ក្រុមប្រឹក្សាសន្តិសុខអង្គការសហប្រជាជាតិនឹងជួបប្រជុំនៅថ្ងៃពុធស្ដីពីវិបត្តិនៅមីយ៉ាន់ម៉ា

ប្រមុខ WHO អំពាវនាវដល់ប្រទេសមានទ្រព្យស្ដុកស្ដម្ភបរិច្ចាគវ៉ាក់សាំងបង្ការជំងឺ COVID-19

សម្ដេចតេជោ ហ៊ុន សែន ប្រកាសយុទ្ធនាការចាក់វ៉ាក់សាំងទ្រង់ទ្រាយធំហើយ

មនុស្ស ១៤នាក់រងរបួសក្នុងការបំផ្ទុះគ្រាប់បែកអត្តឃាតនៅខាងក្រៅព្រះវិហារកាតូលិកនៅឥណ្ឌូនេស៊ី

ការតវ៉ានៅមីយ៉ាន់ម៉ានៅតែបន្ត មួយថ្ងៃបន្ទាប់ពីមនុស្សជាង ១០០នាក់ត្រូវបានសម្លាប់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ប្រទេស​នៅ​អាស៊ី​មួយចំនួនស្វែងរក​ការ​ផ្គត់ផ្គង់​វ៉ាក់សាំង​បង្ការវីរុស​ COVID-19

អ្នក​ស្លាប់​ដោយសារ​ការ​បង្ក្រាប​ពី​សំណាក់​​យោធា​មី​យ៉ាន់​ម៉ា​បាន​កើន​ឡើង​ជាង​ ៥២០​នាក់​

ប្រទេស​ឥណ្ឌា​កត់ត្រា​ចំនួន​អ្នក​ឆ្លង​ជំងឺ​ COVID-19 ប្រចាំថ្ងៃ​ខ្ពស់​បំផុត​ក្នុង​រយៈពេល ៥​ខែ​

ប្រមុខ​ WHO ​អំពាវនាវ​ដល់​ប្រទេស​មានទ្រព្យ​ស្ដុកស្ដម្ភ​បរិច្ចាគ​វ៉ាក់សាំង​បង្ការ​ជំងឺ​ COVID-19

សម្ដេចតេជោ ហ៊ុន​ សែន ​ប្រកាស​យុទ្ធនាការ​ចាក់​វ៉ាក់​សាំង​ទ្រង់​ទ្រាយ​ធំ​ហើយ​

ការ​តវ៉ា​នៅ​មី​យ៉ាន់​ម៉ា​នៅ​តែ​បន្ត​ មួយថ្ងៃ​បន្ទាប់ពី​មនុស្ស​ជាង ​១០០​នាក់​ត្រូវ​បាន​សម្លាប់​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រទេសនៅអាស៊ីមួយចំនួនស្វែងរកការផ្គត់ផ្គង់វ៉ាក់សាំងបង្ការវីរុស COVID-19

អ្នកស្លាប់ដោយសារការបង្ក្រាបពីសំណាក់យោធាមីយ៉ាន់ម៉ាបានកើនឡើងជាង ៥២០នាក់

ប្រទេសឥណ្ឌាកត់ត្រាចំនួនអ្នកឆ្លងជំងឺ COVID-19 ប្រចាំថ្ងៃខ្ពស់បំផុតក្នុងរយៈពេល ៥ខែ

ប្រមុខ WHO អំពាវនាវដល់ប្រទេសមានទ្រព្យស្ដុកស្ដម្ភបរិច្ចាគវ៉ាក់សាំងបង្ការជំងឺ COVID-19

សម្ដេចតេជោ ហ៊ុន សែន ប្រកាសយុទ្ធនាការចាក់វ៉ាក់សាំងទ្រង់ទ្រាយធំហើយ

ការតវ៉ានៅមីយ៉ាន់ម៉ានៅតែបន្ត មួយថ្ងៃបន្ទាប់ពីមនុស្សជាង ១០០នាក់ត្រូវបានសម្លាប់