BTV NEWS

គណៈបញ្ជាការឯកភាពរាជធានី បើកការចុះបង្ក្រាបទីតាំងឆបោកអនឡាញ និងគ្រឿងញៀននៅខណ្ឌមានជ័យ ឃាត់ជនបរទេស៥៥នាក់

នគរបាលរាជធានីភ្នំពេញបង្ហាញមុខជនសង្ស័យ ១១នាក់ករណីហិង្សាវាយកម្ទេចរថយន្តក្បែរវត្តភ្នំ

ជនដែលឈ្លោះជាមួយជនបរទេស ក្នុងបណ្ដាញសង្គម គឺជាជនអនាថា គ្មានទីលំនៅពិតប្រាកដ

គណៈបញ្ជាការឯកភាពរាជធានី បន្តប្រតិបត្តិការបង្ក្រាបទីតាំង Online Scams ឃាត់ជនបរទេសជាង៣០០នាក់ នៅខណ្ឌដូនពេញ

សន្តិសុខ និង សង្គម

អង្គការសហប្រជាជាតិ៖ មនុស្ស៨លាននាក់ បានភៀសខ្លួនដោយសារសង្រ្គាមស៊ូដង់

អង្គការសហប្រជាជាតិ បាននិយាយកាលពីថ្ងៃពុធថា ចំនួនមនុស្សដែលបានភៀសខ្លួន ដោយសារសង្រ្គាមរវាងឧត្តមសេនីយ៍គូប្រជែង នៅក្នុងប្រទេសស៊ូដង់ មានប្រហែល ៨លាននាក់។ឧត្តមស្នងការអង្គការសហប្រជាជាតិទទួលបន្ទុកជនភៀសខ្លួនលោក ហ្វីលីបប៉ូ ហ្គ្រែនឌី (Filippo Grandi) ដែលកំពុងបំពេញទស្សនកិច្ចនៅប្រទេសអេត្យូពី បានប្រមូលផ្តុំម្ចាស់ជំនួយអន្តរជាតិឲ្យបើកយុទ្ធនាការរបស់ពួកគេ ដើម្បីប្រយុទ្ធប្រឆាំងនឹងវិបត្តិ ដោយពណ៌នាស្ថានភាពនេះថា «ធ្ងន់ធ្ងរ»។លោកហ្គ្រែនឌី បានប្រាប់សារព័ត៌មាននៅទីក្រុងអាឌីសអាបេបា (Addis Ababa)ថា៖«ជម្លោះបានកើនឡើង ក្នុងកម្រិតមួយខ្លាំង និងប៉ះពាល់ដល់ជនស៊ីវិល»។លោកបានថ្លែងថា៖«ចាប់តាំងពីខែមេសាឆ្នាំ ២០២៣ ដូច្នេះតិចជាងមួយឆ្នាំមុន មនុស្ស៨លាននាក់ ត្រូវបានផ្លាស់ទីលំនៅពីផ្ទះរបស់ពួកគេ នៅក្នុងប្រទេសស៊ូដង់ ដោយបន្ថែមថា ជាង១,៥ លាននាក់ បានភៀសខ្លួនទៅកាន់ប្រទេសជិតខាងចំនួន៦។ជម្លោះរវាងប្រមុខកងទ័ពស៊ូដង់ លោកអាប់ឌែល ហ្វាតា អាល់ ប៊ុហាន ( Abdel Fattah al-Burhan) និងអតីតអនុរបស់ខ្លួន លោក ម៉ូហាម៉េដ ហាមដាន ដាហ្គ្លូ (Mohamed Hamdan Daglo) មេបញ្ជាការកងកម្លាំងគាំទ្ររហ័ស (RSF) បានផ្ទុះឡើង កាលពីខែមេសា។កិច្ចខិតខំប្រឹងប្រែងការទូត ដើម្បីបញ្ចប់អំពើហិង្សា នៅតែបន្ត បន្ទាប់ពីបទឈប់បាញ់ជាច្រើន ត្រូវបានរំលោភបំពាន។

លោកសាប(Shapps)៖ ចក្រភពអង់គ្លេសនិងអាមេរិក «ឈរកៀកស្មាគ្នា»ប្រឆាំងនឹងក្រុមសកម្មប្រយុទ្ធដែលគាំទ្រដោយអ៊ីរ៉ង់

រដ្ឋមន្ត្រីការពារជាតិអង់គ្លេស លោក ហ្គែ្រន សាប (Grants Shapps) បានប្រាប់សមភាគីអាមេរិកកាលពីថ្ងៃពុធថា ចក្រភពអង់គ្លេស និងសហរដ្ឋអាមេរិក «ឈរកៀកស្មាគ្នា» ប្រឆាំងនឹងក្រុមដែលគាំទ្រដោយអ៊ីរ៉ង់ ដោយកងនាវាចរណ៍សមុទ្រ បានត្រៀមបញ្ជូននាវាផ្ទុកយន្តហោះទៅកាន់សមុទ្រក្រហម។រដ្ឋមន្ត្រីការពារជាតិ បានធានាចំពោះលោក ឡយ អូស្ទីន (Lloyd Austin)ថា ចក្រភពអង់គ្លេស នឹងឈានជើងចូល «ដើម្បីធានាថា មានខ្សែបន្ទាត់មួយដែលមិនអាចឆ្លងកាត់បាន» បន្ទាប់ពីការវាយប្រហារជាច្រើនសប្តាហ៍ដោយក្រុមឧទ្ទាមហ៊ួទី និងក្រុមផ្សេងទៀត នៅទូទាំងមជ្ឈិមបូព៌ា។នៅក្នុងដំណើរទស្សនកិច្ចទៅកាន់មន្ទីរបញ្ចកោណ លោកសាប បានពណ៌នាក្រុមហ៊ួទីថា ជា «ចោរសមុទ្រ និងជាចោរ» ហើយបានផ្ញើការរំលែកទុក្ខរបស់ខ្លួនទៅកាន់សហរដ្ឋអាមេរិក បន្ទាប់ពីទាហានអាមេរិកបីនាក់បានស្លាប់ ក្នុងការវាយប្រហារដោយយានដ្រូន កាលពីថ្ងៃអាទិត្យ។លោកបានថ្លែងថា៖«យើងកំពុងឈរកៀកស្មាម្តងទៀត ដើម្បីធានាថា មានបន្ទាត់មួយដែលមិនអាចឆ្លងកាត់បានទេ»។ករណីនេះ ត្រូវបានគេយល់ថា លោកឧត្តមនាវីឯក សឺ បេន ឃី (Sir Ben Key) ដែលជាអ្នកគ្រប់គ្រង សមុទ្រទី១ បានផ្តល់«ដំបូន្មានផ្នែកយោធា» ដល់លោកសាប នៅពេលដែលពួកគេបានចូលរួមកិច្ចប្រជុំដាច់ដោយឡែក ដើម្បីពិភាក្សាពីយុទ្ធសាស្ត្ររបស់ចក្រភពអង់គ្លេស នៅក្នុងសមុទ្រក្រហមនោះ។ប្រភពពីកងទ័ពជើងទឹក បាននិយាយថា កិច្ចប្រជុំគឺ «ទំនងជារួមបញ្ចូលការពិភាក្សាអំពីនាវាផ្ទុកយន្តហោះ» ដែលអាចត្រូវបានដាក់ពង្រាយជំនួស USS Dwight D Eisenhower នៅក្នុងសមុទ្រក្រហម នៅចុងឆ្នាំនេះ។លោកសាប បានជួបជាមួយមន្ត្រីជាន់ខ្ពស់រដ្ឋបាលលោកបៃដិន ក្នុងទីក្រុងវ៉ាស៊ីនតោន រួមទាំងលោក អូស្ទីន លោក អង់តូនី ប្ល៊ីនខិន (Antony Blinken) រដ្ឋមន្ត្រីការបរទេសអាមេរិក និងលោក ចេក ស៊ុលលីវ៉ាន (Jake Sullivan) ទីប្រឹក្សាសន្តិសុខជាតិរបស់សេតវិមាន។

មន្ត្រីជំនាញខេត្តស្វាយរៀង ចាប់សាច់បង្កក ៤កុងតឺន័រ និងរកឃើញចំណុចមិនត្រូវស្ដង់ដាមួយចំនួន

ស្វាយរៀង ៖ មន្ត្រីជំនាញខេត្តស្វាយរៀង បានឃាត់ចាប់សាច់បង្កកចំនួន៤កុងទឺន័រ ទម្ងន់ជាច្រើនតោននៅថ្ងៃទី៣១ ខែមករា នេះ និងបានរកឃើញចំណុចមិនត្រូវស្ដង់ដាមួយចំនួន ។លោក ហៀង តារ៉ា ប្រធានសាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែង បន្លំ «ក.ប.ប» ខេត្តស្វាយរៀង បានBTVនៅព្រឹកថ្ងៃទី១ ខែកុម្ភៈ នេះថា សាច់បង្កក ដែលមន្ត្រីជំនាញចាប់ឃាត់រក្សាទុក ក្រោយក្រុមឈ្មួញនាំចូលតាមភូមិសាស្ត្រខេត្តស្វាយរៀង បច្ចុប្បន្ន ត្រូវបានរកឃើញចំណុច ខ្វះខាតមួយចំនួន រួមមានឯកសារពាក់ព័ន្ធបញ្ជាក់ពីគុណភាពសាច់បង្កក លិខិតអនុញ្ញាតនាំចូល ពិសេស សីតុណ្ហភាពមិនគ្រប់គ្រាន់ដើម្បីរក្សាគុណភាពសាច់ ពោលគឺមិនត្រូវស្តង់ដា។មន្ត្រីជំនាញបានឱ្យដឹងថា សាច់បង្កកចំនួន ៤កុងតឺន័រនេះ បាននាំចូលមកតាមច្រកព្រំដែនខេត្ត ស្វាយរៀង ចូលមកស្រុករមាសហែក ។ តែទោះជាយ៉ាងណាក៏ដោយ ជំនាញមិនទាន់ផ្ដល់ព័ត៌មានលម្អិតជាក់លាក់ចំពោះការចាប់រក្សាទុកសាច់បង្កករាប់តោននេះទេ ដោយកំពុងធ្វើការពិនិត្យស្រាវជ្រាវរកឯកសារ ពាក់ព័ន្ធនានាដើម្បីបញ្ជាក់ថាតើ ការនាំចូលសាច់បង្កកទាំងនេះ ត្រឹមត្រូវតាមច្បាប់ឬទេ៕

ក្រុមបាតុករហៃទី បានដុតរបាំងការពារ ខណៈមានកំហឹងជុំវិញរលកឧក្រិដ្ឋកម្ម ផ្ទុះឡើង

របាំងការពារ ត្រូវបានដុតក្នុងរដ្ឋធានី ព័រអូប្រាំង(Port-au-Prince) ប្រទេសហៃទី កាលពីថ្ងៃពុធ ខណៈប្រជាជន បានតវ៉ាប្រឆាំងរដ្ឋាភិបាលរបស់ នាយករដ្ឋមន្ត្រី លោក អារៀល ហេនរី(Ariel Henry) ដោយទាមទារឲ្យធ្វើការងារបន្ថែមទៀត ដើម្បីបញ្ឈប់រលកនៃអំពើហិង្សា ដែលបានធ្វើឲ្យពលរដ្ឋជាច្រើនជម្លៀសខ្លួនចេញពីលំនៅឋាន។ប្រទេសហៃទី កំពុងប្រឈមមុខទៅនឹងជម្លោះកាន់តែអាក្រក់ រវាងសម្ព័ន្ធមិត្តនៃក្រុមជនអន្ធពាលប្រដាប់អាវុធ ដែលគ្រប់គ្រងភាគច្រើននៅក្នុងរដ្ឋធានី ហើយកំពុងពង្រីកដែនដីរបស់ពួកគេទៅកាន់តំបន់ជនបទ ដោយនាំមកនូវអំពើហិង្សាផ្លូវភេទ ចោរកម្ម និងការសម្លាប់ដោយមិនរើសអើង។ទន្ទឹមនឹងនេះ ការចាប់ជំរិត បានកើនឡើងស្ទើរតែទ្វេដងពីឆ្នាំ ២០២២ ដល់ជិត ២.៥០០ករណី ខណៈដែលក្រុមជនអន្ធពាល បានកំណត់គោលដៅទៅលើអ្នកនៅលើផ្លូវដឹកជញ្ជូន ដើម្បីទាមទាយកប្រាក់លោះ ពីមិត្តភក្តិ និងសាច់ញាតិរបស់ពួកគេ។ យោងតាមអង្គការយូនីសេហ្វ(UNICEF)បានឲ្យដឹងថា មនុស្សប្រហែល ៣១៤.០០០នាក់ បានភៀសខ្លួនចេញពីលំនៅឋាននៅខាងក្នុងប្រទេស ក្នុងពេលមានរលកនៃអំពើហិង្សា។

អង្គការសុខភាពពិភពលោក៖ ប្រជាជននៅហ្កាហ្សា កំពុងអត់ឃ្លានស្លាប់ ដោយសារឧបសគ្គក្នុងការទទួលបានជំនួយ

នាយកផ្នែកសង្គ្រោះបន្ទាន់របស់អង្គការសុខភាពពិភពលោក(WHO)លោកម៉ៃឃើលរ៉ៃអិន (Michael Ryan) បាននិយាយកាលពីថ្ងៃពុធថា ចំនួនប្រជាជននៅតំបន់ហ្កាហ្សាកំពុងអត់ឃ្លានដល់ស្លាប់ដោយសារតែឧបសគ្គ ដែលដាក់លើជំនួយមនុស្សធម៌។ អង្គការសុខភាពពិភពលោក បាននិយាយថា ហានិភ័យនៃគ្រោះទុរ្ភិក្សនៅក្នុងដែនដីប៉ាឡេស្ទីនមានអត្រាខ្ពស់រួចទៅហើយ និងកំពុងកើនឡើងជាលំដាប់ ដោយកន្លែងសម្រាប់អន្តរាគមន៍មនុស្សធម៌ត្រូវបានរងសម្ពាធកាន់តែខ្លាំង។ លោក Ryan បានប្រាប់សន្និសីទសារព័ត៌មានមួយថា នេះគឺជាចំនួនប្រជាជនដែលស្រេកឃ្លានរហូតដល់ស្លាប់ នេះគឺជាចំនួនប្រជាជនដែលកំពុងត្រូវបានរុញច្រានដល់មាត់ជ្រោះមរណៈ ។ ជនស៊ីវិលនៃតំបន់ហ្កាហ្សាមិនមែនជាភាគីនៃជម្លោះនេះទេ ហើយពួកគេគួរតែត្រូវទទួលបានការការពារ ដូចជាមូលដ្ឋានសុខភាពរបស់ពួកគេផងដែរ។ លោក Ryan បាននិយាយថា ប្រជាជនប៉ាឡេស្ទីននៅតំបន់ហ្កាហ្សា គឺស្ថិតនៅចំកណ្តាលនៃមហន្តរាយដ៏ធំមួយ ដោយបន្ថែមថា អ្វីៗអាចកាន់តែអាក្រក់ជាងនេះទៀត។ លោកបានបន្តថា ការទទួលបានអាហារូបត្ថម្ភត្រឹមត្រូវបានក្លាយជាបញ្ហាចម្បងនៅក្នុង ហ្កាហ្សាស្ទ្រីប រួមទាំងចំនួនកាឡូរី និងគុណភាពនៃអាហារូបត្ថម្ភដែលប្រើប្រាស់ដោយពលរដ្ឋហ្កាហ្សា បានធ្លាក់ចុះយ៉ាងខ្លាំង។ លោកបានបន្តថា ប្រជាជនមិនត្រូវបានគេសន្មត់ថាអាចរស់បានដោយមិនកំណត់លើជំនួយស្បៀងអាហារនោះទេ។ប្រធានអង្គការសុខភាពពិភពលោក លោក Tedros Adhanom Ghebreyesus បាននិយាយថា ទីភ្នាក់ងារនេះកំពុងជួបប្រទះបញ្ហាប្រឈមកាន់តែខ្លាំង ក្នុងការជំរុញប្រព័ន្ធសុខាភិបាលរបស់តំបន់ហ្កាហ្សា៕

នគរបាលកោះហៅបុគ្គលឈ្មោះ អេន ចរិយា ឲ្យធ្វើការបំភ្លឺក្រោយប្រើប្រាស់ព្រះកិត្តិនាម ព្រះនាងឥន្រ្ទទេវី

ភ្នំពេញ ៖ នាយកដ្ឋានប្រឆាំងបទល្មើសបច្ចេកវិទ្យា នៃអគ្គស្នងការនគរបាលជាតិបានឲ្យដឹងថា នៅថ្ងៃទី៣០ ខែមករា ឆ្នាំ២០២៤ ដោយមានការស្នើសុំកិច្ចអន្តរាគមន៍ របស់ក្រសួងវប្បធម៌ និងវិចិត្រសិល្បៈ មកកាន់អគ្គស្នងការនគរបាលជាតិ។ នាយកដ្ឋានប្រឆាំងបទល្មើសបច្ចេកវិទ្យា បានកោះហៅបុគ្គលឈ្មោះ អេន ចរិយា ហៅអ្នកគ្រូលី ជាម្ចាស់គណនីហ្វេសបុកឈ្មោះ "EN Chariya" និង "កំពូលម៉ូតូ" ពាក់ព័ន្ធនឹងការផ្សព្វផ្សាយរូបភាពកាយវិការ និងខ្លឹមសារមិនត្រឹមត្រូវ ធ្វើឲ្យប៉ះពាល់ដល់ទំនៀមទំលាប់ វប្បធម៌ជាតិ ជាពិសេស ធ្វើឲ្យប៉ះពាល់យ៉ាងធ្ងន់ធ្ងរដល់ព្រះកិត្តិនាមព្រះនាងឥន្រ្ទទេវី វីរៈក្សត្រីនាសម័យអង្គរ ដោយសម្តែងថាមានបារមីចូលសណ្ឋិត មកធ្វើការបំភ្លឺ នៅនាយកដ្ឋានប្រឆាំងបទល្មើសបច្ចេកវិទ្យា ដោយមានការចូលរួមពីភាគីតំណាងក្រសួងវប្បធម៌ និងវិចិត្រសិល្បៈ។ នាយកដ្ឋានប្រឆាំងបទល្មើសបច្ចេកវិទ្យាបានបន្ថែមថា ក្រោយពីបានសាកសួរ ឈ្មោះ អេន ចរិយា បានទទួលស្គាល់នូវកំហុស ដូចខាងក្រោម៖ ១. បានប្រើប្រាស់ព្រះកិត្តិនាម ព្រះនាងឥន្រ្ទទេវី ព្រះវីរៈក្សត្រីនាសម័យអង្គរ ថាបានចូលសណ្ឋិតក្នុងខ្លួន ដោយគ្មានមូលដ្ឋាន នៅលើបណ្តាញផ្សព្វផ្សាយសង្គម។២. បានប្រើប្រាស់សំលៀកបំពាក់របាំក្បាច់បុរាណខ្មែរ (របាំព្រះរាជទ្រព្យ) មកសម្តែងរាំ និងបកស្រាយថា ក្បាច់របាំមាន ១០៨ក្បាច់ ដែលខុសពីការពិត បង្កឲ្យមានការភ័នច្រឡំពីសំណាក់សាធារណជន និងប៉ះពាល់ដល់របាំក្បាច់បុរាណខ្មែរ (របាំព្រះរាជទ្រព្យ) ដែលបានចុះបញ្ជីជាសម្បត្តិបេតិកភណ្ឌអរូបីរបស់មនុស្សជាតិនៃអង្គការយូណេស្កូ។ក្រោយពីទទួលបានការអប់រំណែនាំ និងធ្វើកិច្ចសន្យា បុគ្គលឈ្មោះ អេន ចរិយា បានធានាចំពោះមុខសមត្ថកិច្ច និងតំណាងក្រសួងវប្បធម៌ និងវិចិត្រសិល្បៈ បានយល់ព្រមធ្វើកិច្ចសន្យាជាលាយលក្ខអក្សរ និងធ្វើវីដេអូសុំទោសជាសាធារណៈដល់ប្រជាពលរដ្ឋខ្មែរ និងរាជរដ្ឋាភិបាលកម្ពុជា ចំពោះកំហុសដែលខ្លួនបានប្រព្រឹត្តកន្លងមក។នាយកដ្ឋានប្រឆាំងបទល្មើសបច្ចេកវិទ្យាបញ្ជាក់ថា សមត្ថកិច្ចនឹងបន្តតាមដានសកម្មភាពរបស់បុគ្គលខាងលើ និងអនុវត្តនីតិវិធីបន្ត បើមិនអនុវត្តតាមការសន្យា៕ ដោយ ៖ ប្រាក់ វ៉ាន់ដា

សមត្ថកិច្ចចម្រុះខេត្តពោធិ៍សាត់ ចុះបង្ក្រាបបទល្មើសនេសាទ រុះរើរបាំងសាច់អួនក្រឡាល្អិត ០៧ខ្សែ ប្រវែង១២៥០ម៉ែត្រ ក្នុងដែនស្រុកក្រគរ

ពោធិ៍សាត់៖ កម្លាំងសមត្ថកិច្ចចម្រុះសហការជាមួយរដ្ឋបាលជលផលខេត្តពោធិ៍សាត់ ចុះបង្ក្រាបបទល្មើសនេសាទ ក្នុងដែនសមត្ថកិច្ចរបស់ខ្លួន ចាប់ពីឃុំកំពង់លួង រហូតដល់ ចំណុចជ្រោយស្ដី ភូមិ ត្រពាំងរំដេញ ឃុំក្បាលត្រាច ស្រុកក្រគរ ខេត្ដពោធិ៍សាត់ ។ជាក់ស្ដែងនៅថ្ងៃទី៣០ ខែមករា ឆ្នាំ២០២៣ ក្រុមការងារខណ្ឌរដ្ឋបាលជលផលនៃមន្ទីរកសិកម្ម រុក្ខាប្រមាញ់ និងនេសាទខេត្តពោធិ៍សាត់ ដឹកនាំដោយ លោក ឆាយ មន នាយរងខណ្ឌរដ្ឋបាលជលផលពោធិ៍សាត់ មាននាយ-នាយរងផ្នែករដ្ឋបាលជលផលក្រគរ កម្លាំងសង្កាត់កំពង់លួង សហកាជាមួយ ក្រុមការងារថ្នាក់ជាតិ មានលោកតំណាង អធិការរដ្ឋបាលជលផលខាងត្បូងបឹងទន្លេសាប លោកតំណាងកងរាជអាវុធហត្ថលើផ្ទៃប្រទេស លោកវរសេនីយ៍ទោ នួន សាវឿន តំណាងអគ្គស្នងការនគរបាលជាតិ កងរាជអាវុធហត្ថខេត្ដ-ស្រុកក្រគរ យោធាខេត្ដ ដោយប្រើប្រាស់កម្លាំងសរុបចំនួន ២៥នាក់ មធ្យោបាយកាណូតចំនួន ៣ គ្រឿងបានចេញប្រតិបត្តិការ ត្រួតពិនិត្យ ទប់ស្កាត់ និងបង្រ្កាបបទល្មើសជលផលចាប់ពីឃុំកំពង់លួង រហូតដល់ ចំណុចជ្រោយស្ដី ភូមិត្រពាំងរំដេញ ឃុំក្បាលត្រាច ស្រុកក្រគរ ខេត្ដពោធិ៍សាត់។ក្នុងប្រតិបត្តិការនោះ មន្ដ្រីជលផលបានឱ្យដឹងថា ក្រុមការងារ បានបន្ដចុះបង្រ្កាប រុះរើ កាត់ច្រឹបរបាំងខុសក្រឡា និងលើសប្រវែង ដើម្បីបើកផ្លូវឲ្យត្រី ធ្វើចរាចរណ៍ចុះទៅក្រោម ជាលទ្ធផល០២ ករណី*ករណី ០១- របាំងសាច់អួនក្រឡាល្អិត ០៧ខ្សែ ប្រវែង ១២៥០ម៉ែត្រ- លូកងសាច់អួន ចំនួន ៦មាត់- ក្បាលបរ ចំនួន ០១គ្រឿង- បង្គោល ចំនួន ២៥០ដើម- ចាក់លែងត្រី ៤០គីឡូក្រាម*ករណីទី០២ បានប្រទះឃើញកាណូត ០២គ្រឿង កំពុងដឹកជញ្ជូនលៀសប្រភេទចំណីសត្វ ចំនួន១៦០ ការុង ដោយគ្មានលិខិតអនុញ្ញាត ស្ថិតនៅ ភូមិទី៤ ឃុំកំពង់លួង ស្រុកក្រគរ ខេត្តពោធិ៍សាត់។ ភ្លាមៗនោះ ក្រុមការងារបានឯកភាពគ្នា ឃាត់ចាប់កាណូតទាំង ០២គ្រឿង ព្រមទាំងបានយកលៀសនោះទៅ លែងចូលទន្លេវិញ ។ចំពោះមធ្យោបាយកាណូត ត្រូវបានរក្សាទុកជាបណ្ដោះអាសន្ន ៕

ម្ចាស់រថយន្តហ្វតដែលបំពាក់ភ្លើង កែច្នៃខុសលក្ខណៈបច្ចេកទេសបានចូលខ្លួនដោះចេញដោយខ្លួនឯង

ភ្នំពេញ ៖ ម្ចាស់រថយន្តហ្វត ពាក់ស្លាកលេខ ភ្នំពេញ 2BY-8286 បាន ចូលខ្លួនមកធ្វើកិច្ចសន្យានិងដោះចេញអំពូលភ្លើង កែច្នៃខុសលក្ខណៈបច្ចេកទេសដោយខ្លួនឯងនៅប៉ុស្តិ៍នគរបាលទួលសង្កែ២ ។នៅព្រឹកថ្ងៃទី៣១ ខែមករា ឆ្នាំ២០២៤ ដោយអនុវត្តតាមបទបញ្ជាដ៏ម៉ឺងម៉ាត់របស់ ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ម្ចាស់រថយន្ត ហ្វត ពាក់ស្លាកលេខ ភ្នំពេញ 2BY-8286 បំពាក់អំពូលភ្លើងខុសលក្ខណៈបច្ចេកទេសប៉ះពាល់សណ្តាប់ធ្នាប់សុវត្ថិភាពសាធារណៈ បានចូលខ្លួនមកប៉ុស្តិ៍នគរបាលរដ្ឋបាលទួលសង្កែ២ ខណ្ឌប្ញស្សីកែវ ដើម្បីដោះចេញអំពូលភ្លើង កែច្នៃខុសលក្ខណៈបច្ចេកទេសនៅចំពោះមុខសមត្ថកិច្ច និងធ្វើការអប់រំ ហើយឲ្យធ្វើកិច្ចសន្យាបញ្ឈប់បំពាក់អំពូលភ្លើង កែច្នៃខុសលក្ខណៈបច្ចេកទេសដោយខុសច្បាប់ ។ សូមជម្រាបជូនថា រថយន្តហ្វត ពាក់ស្លាកលេខ ភ្នំពេញ 2BY-8286 បំពាក់អំពូលភ្លើង កែច្នៃខុសលក្ខណៈបច្ចេកទេស ហើយត្រូវបានអ្នកលេងបណ្តាសង្គមហ្វេសប៊ុកថតបង្ហោះជាសាធារណៈ កាលពីប៉ុន្មានថ្ងៃកន្លងទៅថ្មីៗនេះធ្វើឲ្យមហាជនទូទៅមានការរិះគន់ជាហូហែរ ៕ ដោយ ៖ តារាវុទ្ធី

ជំហររបស់អាហ្វ្រិកខាងត្បូងចំពោះតំបន់ហ្កាហ្សា គំរាមកំហែងទំនាក់ទំនងពាណិជ្ជកម្មជាមួយអ៊ីស្រាអែល

ក្រុមហ៊ុនអ៊ីស្រាអែលជាច្រើន បានលុបចោលការនាំចូលទំពាំងបាយជូពីអាហ្វ្រិកខាងត្បូង នេះបើយោងតាមមនុស្សបីនាក់ដែលបានដឹងពីបញ្ហានេះ។ វាកំពុងជំរុញឲ្យមានការភ័យខ្លាចថា អាជីវកម្មរបស់ប្រទេសអាហ្វ្រិក អាចប្រឈមនឹងការធ្វើពហិការកាន់តែទូលំទូលាយ ដោយសារជំហររបស់រដ្ឋធានីព្រីតូរៀ(Pretoria) ជុំវិញជម្លោះនៅតំបន់ហ្កាហ្សា។ប្រទេសអាហ្វ្រិកខាងត្បូង បាននាំអ៊ីស្រាអែលទៅកាន់តុលាការយុត្តិធម៌អន្តរជាតិរបស់អង្គការសហប្រជាជាតិ (ICJ) នៅដើមខែនេះ ជុំវិញការចោទប្រកាន់ថា អ៊ីស្រាអែលកំពុងប្រព្រឹត្តអំពើប្រល័យពូជសាសន៍ប្រឆាំងនឹងប៉ាឡេស្ទីន។ ក្រោយមក តុលាការនេះ បានសម្រេចឲ្យអ៊ីស្រាអែលធ្វើឲ្យអស់ពីសមត្ថភាព ដើម្បីទប់ស្កាត់អំពើប្រល័យពូជសាសន៍នៅហ្កាហ្សា។សមាជនៃសហជីពអាហ្រ្វិកខាងត្បូង (COSATU) ដែលជាក្រុមសហជីពដ៏ធំបំផុតរបស់អាហ្រ្វិកខាងត្បូងបានអំពាវនាវដល់រដ្ឋាភិបាលរបស់ប្រទេសនេះ ឲ្យការពារកម្លាំងពលកម្មរបស់ខ្លួនពីផលប៉ះពាល់នៃជម្លោះពាណិជ្ជកម្មណាមួយជាមួយអ៊ីស្រាអែល។ អ្នកនាំពាក្យរបស់ខ្លួន លោក Matthew Parks បាននិយាយថា៖«យើងត្រូវតែធានាថា គ្មានកម្មករអាហ្រ្វិកខាងត្បូង បាត់បង់ការងាររបស់ពួកគេទេ» ខណៈកំពុងអំពាវនាវឲ្យសហគមន៍អន្តរជាតិដាក់ទណ្ឌកម្មលើអ៊ីស្រាអែល។លោកបានប្រាប់សារព័ត៌មាន Semafor Africa ថា នេះគឺជារឿងសំខាន់ដែលក្រសួងពាណិជ្ជកម្មរបស់ អាហ្វ្រិកខាងត្បូង និងស្ថាប័នផ្លូវការផ្សេងទៀត «ផ្តល់ការគាំទ្រ និងជំនួយ» ដល់ក្រុមហ៊ុនណាមួយដែល «ប្រឈមមុខនឹងការធ្វើពហិការពីអ៊ីស្រាអែល»។

នគរបាលបញ្ជូនជនសង្ស័យ០៣ ទៅតុលាការ ពាក់ព័ន្ធករណីកំហែងយកប្រាក់

ភ្នំពេញ ៖ ជនសង្ស័យចំនួន០៣នាក់ ជាមន្ត្រីប៉ុស្តិ៍នគរបាលរដ្ឋបាលស្ទឹងមានជ័យទី៣ ម្នាក់និងជន ក្លែង បន្លំ ជាប្រជាការពារចំនួន០២នាក់ទៀត ត្រូវបានកម្លាំងនគរបាលឃាត់ខ្លួនបញ្ជូនទៅសាលាដំបូងរាជធានីភ្នំពេញ នៅព្រឹកថ្ងៃទី៣១ ខែមករា ឆ្នាំ២០២៤ ដើម្បីចាត់ការតាមនីតិវិធី ពីបទកំហែងយកប្រាក់ពីយុវជន ចំនួន៥នាក់ ដែលបានប្រព្រឹត្តកាលពីយប់ថ្ងៃទី២៥ ខែមករា ឆ្នាំ២០២៤ នៅចំណុចប្រេងឥន្ធនៈតេលាលូប្រាំ ផ្លូវវេងស្រេង ភូមិដំណាក់ធំ៥ សង្កាត់ស្ទឹងមានជ័យ៣ ខណ្ឌមានជ័យ។លោកវរសេនីយ៍ឯក សំ វិច្ឆិកា អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ បានឲ្យដឹងថា ដោយអនុវត្តតាមបទបញ្ជារបស់ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ កម្លាំងការិយាល័យនគរបាលព្រហ្មទណ្ឌកម្រិតស្រាលរាជធានីភ្នំពេញ សហការជាមួយកម្លាំងអធិការដ្ឋាននគរបាលខណ្ឌមានជ័យ ធ្វើការស្រាវជ្រាវត្រួតពិនិត្យកន្លែងកើតហេតុ និងប្រមូលវត្ថុតាងតាមកាមេរ៉ាសុវត្ថិភាព និងតាមការសាកសួរពីយុវជនរងគ្រោះ និងបានឃាត់ខ្លួនមន្ត្រីប៉ុស្តិ៍នគរបាលរដ្ឋបាលស្ទឹងមានជ័យ៣ នៃអធិការដ្ឋាននគរបាលខណ្ឌមានជ័យ ម្នាក់ រួមនិងប្រជាការពារចំនួន០២នាក់ទៀត ពីបទកំហែងយកប្រាក់។ជនសង្ស័យចំនួនទាំង០៣នាក់ ទី១-ឈ្មោះ នាង វណ្ណី ហៅ ប៉ាន់នី ភេទប្រុស ជនជាតិ ខ្មែរ។ ទី២-ឈ្មោះ គឹម សុខា ហៅ ហង្ស១៣ ភេទ ប្រុស ជនជាតិ ខ្មែរ។ និងទី៣-អនុសេនីយ៍ឯក ព្រុំ វណ្ណរឿន ជាមន្ត្រីប៉ុស្តិ៍នគរបាលរដ្ឋបាលស្ទឹងមានជ័យ៣។គួរបញ្ជាក់ផងដែរ កាលពីថ្ងៃទី២៥ ខែមករា ឆ្នាំ២០២៤ មានករណីយុវជន០៥នាក់ ដែលបានត្រូវបានកម្លាំងចម្រុះធ្វើសកម្មភាព កំហែងយកប្រាក់ បន្ទាប់មកក៏មានបណ្ដាញសង្គម សម្ភាសន៍ជាមួយក្រុមយុវជនទាំងនោះ ដោយចោទប្រកាន់ថា មានសមត្ថកិច្ចគាបយកលុយ នៅចំណុចប្រេងឥន្ធនៈតេលាលូប្រាំ ផ្លូវវេងស្រេង ភូមិដំណាក់ធំ៥ សង្កាត់ស្ទឹងមានជ័យ៣ ខណ្ឌមានជ័យ។បច្ចុប្បន្នជនសង្ស័យទាំង០៣នាក់ ត្រូវបាននគរបាលកសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធី។ ចំណែកជនសង្ស័យនៅសេសសល់មួយចំនួនទៀត កម្លាំងជំនាញកំពុងស្រាវជ្រាវបន្តដើម្បីស្វែងរកឃាត់ខ្លួន យកមកអនុវត្តតាមនីតិវិធី៕ អត្ថបទ៖ កុម្ភៈ

បណ្ដាញសង្គម

ព័ត៌មានថ្មីៗ

NOCC ចែកសំបុត្រទស្សនាឥតគិតថ្លៃ នូវការចាក់បញ្ចាំងពិធីបើកកីឡាស៊ីហ្គេម អបអរខួប ៣ឆ្នាំ

លោក Putin បញ្ជាក់ថា រុស្ស៊ីដឹងថាជម្លោះអ៊ុយក្រែននឹងបញ្ចប់តាមរបៀបណា

ប្រេងឡើងថ្លៃ ភាគហ៊ុនសកល និងតម្លៃប្រាក់ដុល្លារមិនឋិតថេរ ខណៈអាមេរិកបន្ថែមពេលបទឈប់បាញ់ជាមួយអ៊ីរ៉ង់

ក្រុមជប៉ុន Machida Zelvia យកឈ្នះក្រុមអារ៉ាប់រួម Shabab Al-Ahli ឡើងវគ្គផ្តាច់ព្រ័ត្រ AFC Champions League Elite

លីគនារី នឹងបើកការប្រកួតរដូវកាលថ្មី ចុងសប្ដាហ៍នេះ ជាមួយរូបមន្ដថ្មី

និន្នាការប្រើប្រាស់យានយន្តអគ្គិសនីនៅកម្ពុជាកើនខ្ពស់ជាលំដាប់ ខណៈគិតត្រឹមខែមីនានេះ បានចុះបញ្ជីសរុបកើនដល់ជាង ១ម៉ឺន៦ពាន់គ្រឿង

កូរ៉េខាងជើង ត្រូវបានគេនិយាយថាកំពុងសាងសង់ផ្លូវយោធានៅជិតព្រំដែនជាមួយកូរ៉េខាងត្បូង

មេដឹកនាំកោះតៃវ៉ាន់ លុបចោលទស្សនកិច្ចទៅកាន់ទ្វីបអាហ្វ្រិក ដោយសារតែសម្ពាធរបស់ប្រទេសចិន

ក្រុមប្រឆាំងមីយ៉ាន់ម៉ាស្វែងរកប្រព័ន្ធប្រជាធិបតេយ្យសហព័ន្ធគ្មានឥទ្ធិពលពីយោធា ខណៈរបបសឹកទុកពេល១០០ថ្ងៃសម្រាប់ការចរចាសន្តិភាព

អឺរ៉ុប សម្លឹងមើលជម្រើសនានា ខណៈជម្លោះនៅអ៊ីរ៉ង់គំរាមដល់កង្វះប្រេងឥន្ធនៈយន្តហោះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

អង្គការសហប្រជាជាតិ៖ មនុស្ស៨លាននាក់ បានភៀសខ្លួនដោយសារសង្រ្គាមស៊ូដង់

លោកសាប(Shapps)៖ ចក្រភពអង់គ្លេសនិងអាមេរិក «ឈរកៀកស្មាគ្នា»ប្រឆាំងនឹងក្រុមសកម្មប្រយុទ្ធដែលគាំទ្រដោយអ៊ីរ៉ង់

មន្ត្រីជំនាញខេត្តស្វាយរៀង ចាប់សាច់បង្កក ៤កុងតឺន័រ និងរកឃើញចំណុចមិនត្រូវស្ដង់ដាមួយចំនួន

ក្រុមបាតុករហៃទី បានដុតរបាំងការពារ ខណៈមានកំហឹងជុំវិញរលកឧក្រិដ្ឋកម្ម ផ្ទុះឡើង

អង្គការសុខភាពពិភពលោក៖ ប្រជាជននៅហ្កាហ្សា កំពុងអត់ឃ្លានស្លាប់ ដោយសារឧបសគ្គក្នុងការទទួលបានជំនួយ

នគរបាលកោះហៅបុគ្គលឈ្មោះ អេន ចរិយា ឲ្យធ្វើការបំភ្លឺក្រោយប្រើប្រាស់ព្រះកិត្តិនាម ព្រះនាងឥន្រ្ទទេវី

ម្ចាស់រថយន្តហ្វតដែលបំពាក់ភ្លើង កែច្នៃខុសលក្ខណៈបច្ចេកទេសបានចូលខ្លួនដោះចេញដោយខ្លួនឯង

ជំហររបស់អាហ្វ្រិកខាងត្បូងចំពោះតំបន់ហ្កាហ្សា គំរាមកំហែងទំនាក់ទំនងពាណិជ្ជកម្មជាមួយអ៊ីស្រាអែល

នគរបាលបញ្ជូនជនសង្ស័យ០៣ ទៅតុលាការ ពាក់ព័ន្ធករណីកំហែងយកប្រាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

អង្គការសហប្រជាជាតិ៖ មនុស្ស៨លាននាក់ បានភៀសខ្លួនដោយសារសង្រ្គាមស៊ូដង់

លោកសាប(Shapps)៖ ចក្រភពអង់គ្លេសនិងអាមេរិក «ឈរកៀកស្មាគ្នា»ប្រឆាំងនឹងក្រុមសកម្មប្រយុទ្ធដែលគាំទ្រដោយអ៊ីរ៉ង់

មន្ត្រីជំនាញខេត្តស្វាយរៀង ចាប់សាច់បង្កក ៤កុងតឺន័រ និងរកឃើញចំណុចមិនត្រូវស្ដង់ដា​មួយចំនួន

ក្រុមបាតុករហៃទី បានដុតរបាំងការពារ ខណៈមានកំហឹងជុំវិញរលកឧក្រិដ្ឋកម្ម ផ្ទុះឡើង

អង្គការសុខភាពពិភពលោក៖ ប្រជាជននៅហ្កាហ្សា កំពុងអត់ឃ្លានស្លាប់ ដោយសារឧបសគ្គក្នុងការទទួលបានជំនួយ

នគរបាលកោះហៅបុគ្គលឈ្មោះ អេន ចរិយា ឲ្យធ្វើការបំភ្លឺក្រោយប្រើប្រាស់ព្រះកិត្តិនាម ព្រះនាងឥន្រ្ទទេវី

ម្ចាស់រថយន្តហ្វតដែលបំពាក់ភ្លើង កែច្នៃខុសលក្ខណៈបច្ចេកទេសបានចូលខ្លួនដោះចេញដោយខ្លួនឯង

ជំហររបស់អាហ្វ្រិកខាងត្បូងចំពោះតំបន់ហ្កាហ្សា គំរាមកំហែងទំនាក់ទំនងពាណិជ្ជកម្មជាមួយអ៊ីស្រាអែល

នគរបាលបញ្ជូនជនសង្ស័យ០៣ ទៅតុលាការ ពាក់ព័ន្ធករណីកំហែងយកប្រាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មន្ត្រីជំនាញខេត្តស្វាយរៀង ចាប់សាច់បង្កក ៤កុងតឺន័រ និងរកឃើញចំណុចមិនត្រូវស្ដង់ដាមួយចំនួន