BTV NEWS

គណៈបញ្ជាការឯកភាពរាជធានី បើកការចុះបង្ក្រាបទីតាំងឆបោកអនឡាញ និងគ្រឿងញៀននៅខណ្ឌមានជ័យ ឃាត់ជនបរទេស៥៥នាក់

នគរបាលរាជធានីភ្នំពេញបង្ហាញមុខជនសង្ស័យ ១១នាក់ករណីហិង្សាវាយកម្ទេចរថយន្តក្បែរវត្តភ្នំ

ជនដែលឈ្លោះជាមួយជនបរទេស ក្នុងបណ្ដាញសង្គម គឺជាជនអនាថា គ្មានទីលំនៅពិតប្រាកដ

គណៈបញ្ជាការឯកភាពរាជធានី បន្តប្រតិបត្តិការបង្ក្រាបទីតាំង Online Scams ឃាត់ជនបរទេសជាង៣០០នាក់ នៅខណ្ឌដូនពេញ

សន្តិសុខ និង សង្គម

មនុស្សយ៉ាងហោចណាស់ ៣៩នាក់ស្លាប់ បន្ទាប់ពីអគ្គីភ័យឆាបឆេះហាង ក្នុងខេត្ត Jiangxi ប្រទេសចិន

ប្រព័ន្ធផ្សព្វផ្សាយរដ្ឋបានរាយការណ៍ថា យ៉ាងហោចណាស់មនុស្ស ៣៩នាក់បានស្លាប់ កាលពីថ្ងៃពុធ បន្ទាប់ពីអគ្គីភ័យបានឆាបឆេះហាងមួយកន្លែងនៅក្នុងខេត្ត Jiangxi ប្រទេសចិនភាគកណ្តាល។ទូរទស្សន៍រដ្ឋ CCTV បានរាយការណ៍ថា នៅម៉ោង ៣:២៤នាទីរសៀល ថ្ងៃទី ២៤ ខែមករា អគ្គីភ័យបានឆាបឆេះនៅជាន់ខាងក្រោមដីនៅហាងក្នុងនៅទីក្រុង Xinyu ខេត្ត Jiangxi។ រហូតមកដល់ពេលនេះ ឧបទ្ទវហេតុ បានបណ្តាលឲ្យមនុស្សស្លាប់ ៣៩នាក់ របួសមនុស្ស ៩នាក់ និងមនុស្សមួយចំនួនទៀតនៅតែជាប់ខ្លួន។របាយការណ៍ពុំបានបញ្ជាក់ពីមូលហេតុច្បាស់លាស់នៃអគ្គិភ័យនេះទេ ឬចំនួនមនុស្សប៉ុន្មាននាក់កំពុងនៅក្នុងគ្រោះថ្នាក់។ ប្រធានាធិបតីចិន លោក ស៊ី ជីនពីង បានអំពាវនាវឱ្យមាន ការទប់ស្កាត់យ៉ាងម៉ឺងម៉ាត់ ចំពោះឧបទ្ទវហេតុបណ្តាលឲ្យមានមនុស្សស្លាប់នៅក្នុងប្រទេសចិន។វីដេអូដែលចេញផ្សាយដោយ CCTV នៅកន្លែងកើតហេតុ បានបង្ហាញរថយន្តពន្លត់អគ្គីភ័យជាច្រើនគ្រឿង និងរថយន្តសង្គ្រោះបន្ទាន់ បានតម្រៀបជួរពេញលើដងផ្លូវអាជីវកម្មជាច្រើន។សេចក្តីថ្លែងការណ៍បាននិយាយថា នាពេលបច្ចុប្បន្ននេះ ការងារស្វែងរុក និងជួយសង្គ្រោះ នៅកន្លែងកើតហេតុនៅបន្ត ហើយមូលហេតុនៃឧបទ្ទវហេតុកំពុងត្រូវបានស៊ើបអង្កេត។ វីដេអូពីកន្លែងកើតហេតុ បានចែករំលែកនៅលើប្រព័ន្ធផ្សព្វផ្សាយសង្គមដោយព័ត៌មានគ្រប់គ្រងដោយរដ្ឋាភិបាល ដែលបង្ហាញពីពពកផ្សែងខ្មួលខ្មាញ់ហុយឡើងលើអាកាស។ អគ្គីភ័យ និងឧបទ្ទវហេតុ បណ្តាលឲ្យមានមនុស្សស្លាប់ផ្សេងទៀត គឺជារឿងធម្មតានៅក្នុងប្រទេសចិន ដោយសារតែស្តង់ដារសុវត្ថិភាពធូររលុង និងការអនុវត្តបទប្បញ្ញត្តិមិនល្អប្រសើរ។

អ៊ីរ៉ាក់ ថ្កោលទោសការវាយប្រហារចុងក្រោយបំផុតរបស់អាមេរិក ថាជាការកើនឡើងនៃជម្លោះ

អ្នកនាំពាក្យរបស់លោកនាយករដ្ឋមន្ត្រីអ៊ីរ៉ាក់ ម៉ូហាមេដ សៀអាល់ស៊ូដានី (Mohammed Shia al-Sudani) បាននិយាយកាលពីថ្ងៃពុធ (២៤ មករា) ថាការវាយប្រហារពេញមួយយប់របស់សហរដ្ឋអាមេរិក ទៅលើក្រុមសកម្មប្រយុទ្ធអ៊ីរ៉ាក់ ដែលជាផ្នែកមួយនៃកងកម្លាំងសន្តិសុខផ្លូវការរបស់ប្រទេសនេះ បានបង្ហាញពី «ការប្តេជ្ញាចិត្តច្បាស់លាស់ក្នុងការធ្វើឱ្យប៉ះពាល់ដល់សន្តិសុខ និងស្ថិរភាពនៅក្នុងប្រទេសអ៊ីរ៉ាក់»។អ្នកនាំពាក្យរូបនោះបាននិយាយនៅក្នុងការរិះគន់ និងថ្កោលទោសដ៏ធ្ងន់ធ្ងរបំផុតរបស់អាមេរិក ដោយនាយករដ្ឋមន្ត្រីអ៊ីរ៉ាក់ថា «ទង្វើដែលមិនអាចទទួលយកបាននេះធ្វើឱ្យខូចដល់កិច្ចសហប្រតិបត្តិការជាច្រើនឆ្នាំ រំលោភលើអធិបតេយ្យភាពរបស់អ៊ីរ៉ាក់យ៉ាងព្រៃផ្សៃ និងរួមចំណែកដល់ការកើនឡើងនៃជម្លោះដែលមិនមានភាពទទួលខុសត្រូវរបស់សហរដ្ឋអាមេរិក»។អ៊ីរ៉ាក់ ដែលជាសម្ព័ន្ធមិត្តដ៏កម្ររបស់ទីក្រុងតេអេរ៉ង់ និងវ៉ាស៊ីនតោន និងមានទាហានអាមេរិកចំនួន ២.៥០០នាក់ ហើយមានកងជីវពលដែលគាំទ្រដោយអ៊ីរ៉ង់ ដែលមានទំនាក់ទំនងជាមួយកងកម្លាំងសន្តិសុខរបស់ខ្លួន បានមើលឃើញការវាយប្រហារកាន់តែខ្លាំងឡើងចាប់តាំងពីសង្គ្រាមអ៊ីស្រាអែល និងក្រុមហាម៉ាសបានផ្ទុះឡើងក្នុងខែតុលា មក។ទាហានអាមេរិកនៅអ៊ីរ៉ាក់ និងស៊ីរីត្រូវបានវាយប្រហារប្រហែល ១៥០ដង ដោយក្រុមសកម្មប្រយុទ្ធដែលគាំទ្រដោយអ៊ីរ៉ង់ ចាប់តាំងពីសង្រ្គាមអ៊ីស្រាអែល និងហ្កាហ្សា បានចាប់ផ្តើម ដោយបង្កើតសម្ពាធលើលោកប្រធានាធិបតី ចូ បៃដិន (Joe Biden) ឱ្យឆ្លើយតបផ្នែកយោធា ទោះបីជាមានភាពរសើបផ្នែកនយោបាយនៅក្នុងទីក្រុងបាកដាដក៏ដោយ៕

មនុស្សជាង ៧០នាក់ បានស្លាប់នៅក្នុងឧបទ្ទវហេតុបាក់រលំអណ្តូងរ៉ែនៅប្រទេសម៉ាលី

ក្រុមមន្ត្រីបាននិយាយថា មនុស្សជាង ៧០នាក់ បានស្លាប់នៅភាគនិរតីប្រទេសម៉ាលី បន្ទាប់ពីអណ្តូងរ៉ែមាសសិប្បករមួយបានដួលរលំកាលពីសប្តាហ៍មុន ដែលជាគ្រោះមហន្តរាយចុងក្រោយបង្អស់នៅក្នុងតំបន់ដែលងាយនឹងមានគ្រោះថ្នាក់ក្នុងការជីកយករ៉ែ។លោក ខារីម បេត (Karim Bethe) មន្ត្រីជាន់ខ្ពស់នៃនាយកដ្ឋានភូគព្ភសាស្ត្រ និងរ៉ែជាតិ បានចែករំលែកព័ត៌មានលម្អិតជាមួយសារព័ត៌មាន AP កាលពីថ្ងៃពុធ (២៤ មករា) ដោយហៅហេតុការណ៍នេះថាជាឧបទ្ទវហេតុ។ លោក អូម៉ា ស៊ីឌីប (Oumar Sidibe) មន្ត្រីសម្រាប់កម្មកររ៉ែមាសនៅភាគនិរតីនៃទីក្រុង ខានហ្គាបា (Kangaba) និងជាទីប្រឹក្សាមូលដ្ឋាន បានបញ្ជាក់ពីចំនួនអ្នកស្លាប់នេះទៅកាន់ទីភ្នាក់ងារសារព័ត៌មាន AFP ។ក្រសួងធនធានរ៉ែបាននិយាយនៅក្នុងសេចក្តីថ្លែងការណ៍មួយកាលពីថ្ងៃអង្គារ ថាខ្លួនបានប៉ាន់ប្រមាណថាអ្នករុករករ៉ែ «ជាច្រើននាក់» ត្រូវបានសម្លាប់នៅស្រុក ខានហ្គាបា (Kangaba) ក្នុងតំបន់ គួលីកូរូ (Koulikoro) ភាគនិរតី នៃប្រទេស ប៉ុន្តែគេមិនច្បាស់ទេថាមូលហេតុអ្វីដែលបណ្តាលឱ្យមានហេតុការណ៍ដួលរលំអណ្តូងរ៉ែ ដែលបានកើតឡើងកាលពីថ្ងៃសុក្រមួយនេះ៕

មេដឹកនាំកូរ៉េខាងជើង ព្រមានពីការបរាជ័យក្នុងការផ្គត់ផ្គង់ស្បៀងអាហារ ដែលជាបញ្ហានយោបាយដ៏ធ្ងន់ធ្ងរ

ប្រព័ន្ធផ្សព្វផ្សាយរដ្ឋបានរាយការណ៍នៅថ្ងៃព្រហស្បតិ៍នេះថា មេដឹកនាំកូរ៉េខាងជើងលោក Kim Jong Un បានអំពាវនាវរកមធ្យោបាយនានាដើម្បី ពង្រឹងការអភិវឌ្ឍន៍សេដ្ឋកិច្ច បន្ទាប់ពីបាននិយាយថា ការបរាជ័យក្នុងការផ្តល់ឱ្យប្រជាជននូវតម្រូវការចាំបាច់ក្នុងការរស់នៅរួមទាំងអាហារគឺជាបញ្ហានយោបាយធ្ងន់ធ្ងរ។យោងតាមទីភ្នាក់ងារសារព័ត៌មានរដ្ឋ KCNA លោក Kim បានធ្វើអត្ថាធិប្បាយបែបនេះនេះ ស្របពេលពិភាក្សាអំពីការអភិវឌ្ឍន៍ក្នុងតំបន់នៅក្នុងសុន្ទរកថាមួយនៅឯកិច្ចប្រជុំធំលើកទី១៩ របស់ការិយាល័យនយោបាយនៃគណៈកម្មាធិការមជ្ឈិមទី៨ នៃគណបក្សកាន់អំណាចពលករកូរ៉េ ដែលធ្វើឡើងនៅចន្លោះថ្ងៃអង្គារ និងថ្ងៃពុធ ។ប្រទេសកូរ៉េខាងជើងក្នុងរយៈពេលប៉ុន្មានទសវត្សរ៍ថ្មីៗនេះបានជួបប្រទះកង្វះស្បៀងអាហារយ៉ាងធ្ងន់ធ្ងរ រួមទាំងគ្រោះទុរ្ភិក្សកាលពីក្នុងទសវត្សរ៍ឆ្នាំ១៩៩០ ដែលជារឿយៗ បានទទួករងស្ថានភាពកាន់តែធ្ងន់ធ្ងរដោយគ្រោះមហន្តរាយធម្មជាតិដូចជាទឹកជំនន់ ដែលបំផ្លាញការប្រមូលផល។ រដ្ឋមន្ត្រីបង្រួបបង្រួមកូរ៉េខាងត្បូងទទួលបន្ទុកលើការគ្រប់គ្រងទំនាក់ទំនងជាមួយប្រទេសជិតខាងបាននិយាយកាលពីឆ្នាំមុនថាស្ថានភាពស្បៀងអាហារនៅក្នុងប្រទេសកូរ៉េខាងជើងគឺនៅតែយ៉ាប់យ៉ឺនខ្លាំង ទោះបីជាមានកំណើននៅក្នុងពាណិជ្ជកម្មជាមួយប្រទេសចិនក៏ដោយ។ មេដឹកនាំកូរ៉េខាងជើងក៏បានជំរុញឱ្យគណបក្សរបស់លោកនាំបង្កើនសកម្មភាពការងារផ្លាស់ប្តូរភ្លាមៗ ផងដែរដើម្បីលើកកម្ពស់ជីវភាពរស់នៅរបស់ប្រជាជនទូទាំងប្រទេស និងបិទគម្លាតរវាងទីក្រុង និងជនបទ តាមរយៈគោលនយោបាយអភិវឌ្ឍន៍តំបន់ថ្មីរបស់ខ្លួន៕

ក្រុមហ៊ូទី បញ្ជាឱ្យជនជាតិអាមេរិក និងអង់គ្លេស ចាកចេញពីប្រទេសយេម៉ែន

ឯកសារ និងមន្ត្រីក្រុមហ៊ូទី បាននិយាយកាលពីថ្ងៃពុធថា អាជ្ញាធរក្រុមហ៊ូទីនៅប្រទេសយេម៉ែន បានបញ្ជាឱ្យបុគ្គលិកអាមេរិក និងអង់គ្លេស របស់អង្គការសហប្រជាជាតិ និងអង្គការមនុស្សធម៌ដែលមានមូលដ្ឋាននៅទីក្រុងសាណា(Sanaa) ចាកចេញពីប្រទេសនេះក្នុងរយៈពេលមួយខែ។ ការសម្រេចនេះ ធ្វើឡើងបន្ទាប់ពីសហរដ្ឋអាមេរិក និងអង់គ្លេស ដោយមានការគាំទ្រពីប្រទេសផ្សេងៗ ទៀត ធ្វើការវាយលុកគោលដៅយោធារបស់ក្រុមសម្ព័ន្ធមិត្តអ៊ីរ៉ង់ ដែលបាននិងកំពុងបើកការវាយប្រហារលើនាវាពាណិជ្ជកម្មនៅសមុទ្រក្រហម ដែលត្រូវបានគេនិយាយថាមានទំនាក់ទំនងជាមួយអ៊ីស្រាអែល។ រដ្ឋាភិបាលសហរដ្ឋអាមេរិក កាលពីសប្តាហ៍មុន បានប្រគល់ទៅឲ្យក្រុមនេះនូវបញ្ជីក្រុមភេរវករ ខណៈទីក្រុងវ៉ាស៊ីនតោន ព្យាយាមទប់ស្កាត់ការវាយប្រហារលើការដឹកជញ្ជូនជាអន្តរជាតិនៅសមុទ្រក្រហម។ ក្រុមឧទ្ទាមហ៊ូទី បាននិយាយថា ការវាយប្រហាររបស់ពួកគេ គឺនៅក្នុងសាមគ្គីភាពជាមួយពលរដ្ឋប៉ាឡេស្ទីន ខណៈអ៊ីស្រាអែលវាយប្រហារតំបន់ហ្កាហ្សា។ លិខិតមួយច្បាប់ដែលបានផ្ញើដោយក្រសួងការបរទេសក្រុមហ៊ូទី ទៅកាន់អ្នកសម្របសម្រួលផ្នែកមនុស្សធម៌ស្តីទីរបស់អង្គការសហប្រជាជាតិនៅប្រទេសយេម៉ែន បាននិយាយថា ក្រសួងបញ្ជាក់ថា អ្នកត្រូវតែជូនដំណឹងដល់មន្ត្រី និងបុគ្គលិកសញ្ជាតិអាមេរិក និងអង់គ្លេស ដើម្បីត្រៀមខ្លួនចាកចេញពីប្រទេសក្នុងរយៈពេល ៣០ ថ្ងៃ។ លិខិតនេះ បានបញ្ជាឲ្យអង្គការបរទេសកុំជួលពលរដ្ឋអាមេរិក និងអង់គ្លេស សម្រាប់ប្រតិបត្តិការនៅប្រទេសយេម៉ែន។ ស្ថានទូតអាមេរិក និងអង់គ្លេស នៅយេម៉ែន មិនបានឆ្លើយតបភ្លាមៗចំពោះសំណើសុំការអត្ថាធិប្បាយទេ។ ចលនាក្រុមហ៊ូទី បានគ្រប់គ្រងភាគច្រើននៅប្រទេសយេម៉ែន បន្ទាប់ពីសង្គ្រាមជិតមួយទសវត្សរ៍ប្រឆាំងក្រុមចម្រុះដែលគាំទ្រដោយសហរដ្ឋអាមេរិក និងដឹកនាំដោយប្រទេសអារ៉ាប៊ីសាអូឌីត។ យន្តហោះចម្បាំង នាវា និងនាវាមុជទឹករបស់សហរដ្ឋអាមេរិក និងអង់គ្លេស បានបើកការវាយប្រហារតាមដែនអាកាសរាប់សិបលើកនៅទូទាំងប្រទេសយេម៉ែន ជាការសងសឹកចំពោះការវាយប្រហាររបស់ក្រុមហ៊ូទី ខណៈនាវាដឹកទំនិញ ត្រូវបានបង្ខំឱ្យបង្វែរទិសដៅចេញពីសមុទ្រក្រហម ជាផ្លូវដឹកជញ្ជូនលឿនបំផុតពីអាស៊ី ទៅអឺរ៉ុប។

សម្ព័ន្ធយោធា NATO បានចាប់ផ្ដើមសមយុទ្ធយោធាដ៏ធំបំផុតរបស់ខ្លួនចាប់តាំងពីសង្គ្រាមត្រជាក់មក

ក្រុមមន្ត្រីបាននិយាយថា នាវាចុះចតរបស់កងទ័ពជើងទឹកអាមេរិក ហ្គាន់ស្តុន ហល់ (Gunston Hall) បានចាកចេញពីកំពង់ផែកាលពីថ្ងៃពុធ (២៤ មករា) ដើម្បីចាប់ផ្ដើមជំហានដំបូងសម្រាប់សមយុទ្ធដ៏ធំបំផុតរបស់អង្គការណាតូ ចាប់តាំងពីសង្គ្រាមត្រជាក់មក។ ទាហានប្រហែល ៩០.០០០នាក់ មកពីសហរដ្ឋអាមេរិក និងបណ្ដាប្រទេសសម្ព័ន្ធមិត្តណាតូ នឹងត្រូវចូលរួមសមយុទ្ធអ្នកការពារដ៏រឹងមាំ ស្ទេដហ្វាស ឌីហ្វេនដឺ ២០២៤ (Steadfast Defender 2024) ដែលនឹងដំណើរការរហូតដល់ខែឧសភា។នាវាជាង ៥០គ្រឿងរាប់ចាប់ពីនាវាផ្ទុកយន្តហោះរហូតដល់នាវាពិឃាត នឹងចូលរួមក្នុងសមយុទ្ធនេះ ក៏ដូចជាយន្តហោះចម្បាំងជាង ៨០គ្រឿង ឧទ្ធម្ភាគចក្រ និងយានដ្រូន ហើយយ៉ាងហោចណាស់រថយន្តប្រយុទ្ធសរុបចំនួន ១.១០០គ្រឿង រួមទាំងរថក្រោះ ១៣៣គ្រឿង និងរថយន្តប្រយុទ្ធថ្មើរជើងចំនួន ៥៣៣គ្រឿង។សមយុទ្ធនេះនឹងហាត់សមឡើងវិញនូវការអនុវត្តផែនការថ្នាក់តំបន់របស់អង្គការណាតូ ដោយជាផែនការការពារដំបូងដែលសម្ព័ន្ធយោធានេះបានបង្កើតឡើងក្នុងរយៈពេលជាច្រើនទស្សវត្ស ដោយរៀបរាប់លម្អិតអំពីមធ្យោបាយដែលខ្លួននឹងឆ្លើយតបចំពោះការវាយប្រហាររបស់រុស្ស៊ី។ អង្គការណាតូ មិនបាននិយាយពីឈ្មោះរុស្ស៊ីក្នុងការប្រកាសរបស់ខ្លួនទេ ប៉ុន្តែឯកសារយុទ្ធសាស្ត្រកំពូលរបស់សម្ព័ន្ធយោធានេះកំណត់រុស្ស៊ីថាជាការគំរាមកំហែងដ៏សំខាន់ និងដោយផ្ទាល់បំផុតចំពោះសន្តិសុខរបស់សមាជិកណាតូ។សមយុទ្ធនេះធ្វើឡើងនៅគ្រាដ៏សំខាន់មួយបន្ទាប់ពីការលុកលុយរបស់រុស្ស៊ី លើអ៊ុយក្រែន បានចាប់ផ្តើមសង្រ្គាមដ៏បង្ហូរឈាមបំផុតនៅលើទឹកដីអឺរ៉ុបក្នុងរយៈពេលជាង ៧០ឆ្នាំ៕

មនុស្ស ៩នាក់ បានស្លាប់ក្នុងការវាយប្រហារលើមជ្ឈមណ្ឌលហ្វឹកហ្វឺនអង្គការសហប្រជាជាតិនៅតំបន់ហ្កាហ្សា

មន្ត្រីអង្គការសហប្រជាជាតិម្នាក់បាននិយាយថា មជ្ឈមណ្ឌលហ្វឹកហ្វឺនរបស់អង្គការសហប្រជាជាតិនៅទីក្រុង ខាន់ យ៉ូនីស (Khan Younis) ភាគខាងត្បូងនៃតំបន់ហ្កាហ្សា ត្រូវបានវាយប្រហារ និងដុតកាលពីថ្ងៃពុធ (២៤ មករា) ដោយបានសម្លាប់មនុស្សយ៉ាងហោចណាស់ ៩នាក់ ។ក្បួនរថក្រោះចំនួនពីរជុំបានវាយប្រហារអគារដែលផ្តល់ជម្រកដល់មនុស្ស ៨០០នាក់ ដោយបានសម្លាប់មនុស្សយ៉ាងហោចណាស់ ៩នាក់ និងធ្វើឲ្យមនុស្ស ៧៥នាក់ផ្សេងទៀតរងរបួស នេះបើយោងតាមលោក ថូម៉ាស វាយ (Thomas White) នាយកទីភ្នាក់ងារជំនួយ និងការងាររបស់អង្គការសហប្រជាជាតិសម្រាប់ជនភៀសខ្លួនប៉ាឡេស្ទីននៅតំបន់ជិតបូព៌ា (UNRWA) នៅទីក្រុងហ្កាហ្សា បានសរសេរនៅក្នុងសារបង្ហោះមួយនៅលើប្រព័ន្ធផ្សព្វផ្សាយសង្គម X។សាក្សីដែលបានឃើញផ្ទាល់ភ្នែកបានប្រាប់សារព័ត៌មានស៊ីនហួរ (Xinhua) ថាការទម្លាក់គ្រាប់បែករបស់អ៊ីស្រាអែល ទៅលើតំបន់ភាគខាងលិចនៃទីក្រុង ខាន់ យ៉ូនីស (Khan Younis) បានបង្កឱ្យមានអគ្គិភ័យដ៏ធំមួយនៅឯមជ្ឈមណ្ឌលហ្វឹកហ្វឺន។ ពួកគេបាននិយាយថា ប្រជាពលរដ្ឋបានទាញអ្នកស្លាប់ និងរបួសជាច្រើននាក់ពីខាងក្នុងមជ្ឈមណ្ឌលទៅខាងក្រៅ ខណៈដែលភ្លើងបានឆាបឆេះផ្នែកធំនៃអគារ។ក្រសួងការបរទេសប៉ាឡេស្ទីន បានថ្កោលទោសការបាញ់ផ្លោងទៅលើមជ្ឈមណ្ឌលនេះ ហើយបានថ្កោលទោសការវាយប្រហារនេះថាជាផ្នែកនៃការកំណត់គោលដៅជាប្រព័ន្ធរបស់អ៊ីស្រាអែល ទៅលើស្ថាប័ន សម្ភារៈបរិក្ខារ បុគ្គលិក សាលារៀន ទីជម្រក និងឧបករណ៍របស់ទីភ្នាក់ងារជំនួយ និងការងាររបស់អង្គការសហប្រជាជាតិ UNRWA មួយនេះ៕

ប្រធានាធិបតីអ៊ុយក្រែន និយាយថារុស្ស៊ី កំពុងលេងសើចនឹងជីវិតរបស់ឈ្លើយសឹកអ៊ុយក្រែន

ប្រធានាធិបតីអ៊ុយក្រែន លោក វ្ល៉ូឌីមី ហ៊្សេឡិនស្គី (Volodymyr Zelenskiy) បានអំពាវនាវឱ្យមានភាពច្បាស់លាស់ទាំងស្រុងកាលពីថ្ងៃពុធ (២៤ មករា) អំពីស្ថានភាពនៃការធ្លាក់យន្តហោះរុស្ស៊ី នៅក្នុងតំបន់ព្រំដែនរុស្ស៊ី ហើយបានចោទប្រកាន់ទីក្រុងមូស្គូថា «កំពុងលេងសើចជាមួយជីវិតរបស់ឈ្លើយសឹកអ៊ុយក្រែន»។លោក ហ៊្សេឡិនស្គី បាននិយាយនៅក្នុងការផ្សាយវីដេអូពេលយប់របស់ខ្លួនថា «វាច្បាស់ណាស់ថាជនជាតិរុស្ស៊ី កំពុងលេងសើចជាមួយជីវិតរបស់អ្នកទោសអ៊ុយក្រែន ហើយកំពុងលេងសើចនឹងអារម្មណ៍របស់មនុស្សជាទីស្រឡាញ់របស់ពួកគេ និងអារម្មណ៍នៃសង្គមរបស់យើង»។ក្រុមមន្ត្រីរុស្ស៊ីបានចោទប្រកាន់អ៊ុយក្រែន ថាមានចេតនាបាញ់ទម្លាក់យន្តហោះដឹកជញ្ជូនយោធា Il-76 ហើយបាននិយាយថា យន្តហោះនោះកំពុងដឹកឈ្លើយសឹកអ៊ុយក្រែន ដែលចូលរួមក្នុងការដោះដូរអ្នកទោស នៅក្នុងឧបទ្ទវហេតុមួយដែលរុស្ស៊ីនិយាយថាបានសម្លាប់ឈ្លើយសឹកអ៊ុយក្រែន ៦៥នាក់ និងមនុស្ស ៩នាក់ផ្សេងទៀត។ វិមានក្រឹមឡាំងបានប្រាប់ក្រុមអ្នកសារព័ត៌មានថា ខ្លួនកំពុងស៊ើបអង្កេតរបាយការណ៍អំពីបញ្ហានេះ៕

រុស្ស៊ី ចោទអ៊ុយក្រែន ថាបានបាញ់ទម្លាក់យន្តហោះដឹកឈ្លើយសឹកអ៊ុយក្រែន៦៥នាក់ ក្នុងដីរុស្ស៊ី

ប្រទេសរុស្ស៊ី កាលពីថ្ងៃពុធ២៤មករា បានចោទប្រកាន់អ៊ុយក្រែនថាបានបាញ់ទម្លាក់យន្តហោះដឹកជញ្ជូនយោធាដែលដឹកអ្នកទោសអ៊ុយក្រែនរាប់សិបនាក់ ដើម្បីរដោះដូរឈ្លើយសឹក ដោយបានសម្លាប់មនុស្សទាំងអស់នៅលើយន្តហោះ។ទីក្រុង Kyiv បានបញ្ជាក់ថា ការដោះដូរអ្នកទោសនឹងកើតឡើងនៅថ្ងៃពុធ ប៉ុន្តែប៉ុន្មានម៉ោងបន្ទាប់ពីការធ្លាក់យន្តហោះបាននិយាយថា គេនៅតែពុំមានព័ត៌មានគួរឱ្យទុកចិត្តលើអ្នកដំណើរ ខណៈលោកប្រធានាធិបតី Volodymyr Zelenskyy បានអំពាវនាវឱ្យមានការស៊ើបអង្កេតអន្តរជាតិ។វីដេអូនៅលើប្រព័ន្ធផ្សព្វផ្សាយសង្គមបានបង្ហាញពីយន្តហោះដ៏ធំមួយនៅក្នុងតំបន់បេលក្រដ (Belgorod)ភាគខាងលិចរបស់ប្រទេសរុស្ស៊ី បានធ្លាក់មួយចំហៀងខ្លួន មុនពេលធ្លាក់ដល់ដីផ្ទុះឆេះ។ក្រសួងការពារជាតិរុស្ស៊ី បាននិយាយថា យន្តហោះ IL-76 ដឹកទាហានអ៊ុយក្រែន ៦៥នាក់ ដែលត្រូវបានចាប់ខ្លួន នៅក្នុងការវាយលុករបស់រុស្ស៊ី រួមជាមួយអាវកាយយានិកចំនួន៦នាក់ និងអ្នកអមដំណើរ ៣នាក់។ ប្រយភពដដែលនេះបានអះអាងថា កងកម្លាំងអ៊ុយក្រែនដែលឈរជើងក្នុងតំបន់ព្រំដែន ខាកូវ(Kharkov)បានបាញ់មីស៊ីលចំនួនពីរគ្រាប់ទៅកាន់យន្តហោះដឹកជញ្ជូន ហើយបានពណ៌នាឧបទ្ទវហេតុនេះថាជា អំពើភេរវកម្ម។ទីភ្នាក់ងារចារកម្មដ៏សំខាន់របស់ប្រទេសអ៊ុយក្រែនបាននិយាយនៅក្នុងសេចក្តីថ្លែងការណ៍មួយថា បច្ចុប្បន្នយើងមិនមានព័ត៌មានដែលអាចទុកចិត្តបាន ឬទូលំទូលាយអំពីអ្នកដែលនៅលើយន្តហោះនោះ ឬ ចំនួនប៉ុន្មាននោះទេ។លោក Zelenskyy នៅក្នុងសុន្ទរកថាល្ងាចមួយ ពុំបានបញ្ជាក់ ឬបដិសេធការចោទប្រកាន់របស់ទីក្រុងមូស្គូទេ ប៉ុន្តែបានសង្កត់ធ្ងន់ថា រុស្ស៊ីកំពុងលេងសើចជាមួយជីវិតអ្នកទោសអ៊ុយក្រែន និងអារម្មណ៍នៃសាច់ញាតិរបស់ពួកគេ ព្រមទាំងអារម្មណ៍នៃសង្គមរបស់យើង។ជាមួយគ្នានោះដែរលោក Zelensky បានអំពាវនាវឱ្យមានការស៊ើបអង្កេតអន្តរជាតិ ហើយក្រុមប្រឹក្សាសន្តិសុខអង្គការសហប្រជាជាតិបានយល់ព្រមរៀបចំជំនួបមួយនៅថ្ងៃព្រហស្បតិ៍នៅម៉ោង ៥ ល្ងាច ម៉ោងសកល ដើម្បីពិភាក្សាអំពីការចោទប្រកាន់របស់ទីក្រុងមូស្គូទាក់ទងនឹងការធ្លាក់យន្តហោះនេះ៕

នគរបាលបង្ហាញមុខជនសង្ស័យ៥នាក់ ក្រោយបង្ក្រាបថ្នាំញៀនជាង១តោនកន្លះ

ភ្នំពេញ ៖ នគរបាលប្រឆាំងបទល្មើសគ្រឿងញៀន បង្ហាញមុខជនសង្ស័យចំនួន ៥នាក់ ក្រោយបង្ក្រាបករណីថ្នាំញៀនជាង១តោនកន្លះ។នគរបាលនៃមន្ទីរប្រឆាំងបទល្មើសគ្រឿងញៀន អគ្គស្នងការដ្ឋាននគរបាលជាតិបានបង្ហាញមុខជនសង្ស័យចំនួន ៥នាក់ បន្ទាប់ពីសហការជាមួយជំនាញពាក់ព័ន្ធធ្វើការស្រាវជ្រាវស៊ើបអង្កេត និងឈានដល់ចាប់ខ្លួនបាន នៅលំហរសមុទ្រ នាខេត្តព្រះសីហនុ កាលពីយប់រំលងអាធ្រាត្រឈានចូលថ្ងៃទី២៣ ខែមករា ឆ្នាំ២០២៤ ។ នគរបាលមន្ទីរប្រឆាំងបទល្មើសគ្រឿងញៀនបានឱ្យដឹងថា ប្រតិបត្តិការបង្ក្រាបបទល្មើសគ្រឿងញៀននេះ បានប្រើរយៈពេលប្រមាណជាង ១ឆ្នាំ ទើបបង្ក្រាបបានជនសង្ស័យជាជនបរទេស ៥នាក់ នៅលើផ្ទៃសមុទ្រ នាស្រុកស្ទឹងហាវ ខេត្តព្រះសីហនុ។ ជនសង្ស័យទាំង ០៥នាក់ ១.ឈ្មោះ LI TSUNG HSIEN ភេទប្រុស ជនជាតិចិនតៃវ៉ាន់ ២.ឈ្មោះ HUNG HSIEN FU ភេទប្រុស ជនជាតិចិនតៃវ៉ាន់ ៣.ឈ្មោះ LIM WEI MINH ភេទប្រុស ជនជាតិសិង្ហបុរី ៤.ឈ្មោះ SHI YUANYA ភេទប្រុស ជនជាតិចិន និង៥.ឈ្មោះ HUANG XIAOYU ភេទប្រុស ជនជាតិចិន។នគរបាលបន្ថែមថា ប្រតិបត្តិការបង្ក្រាបនេះដកហូតវត្ថុតាងគ្រឿងញៀនប្រភេទ កេតាមីន ១០០០ដុំ ស្មើទម្ងន់ជាង ៩៨០ គីឡូក្រាម និងគ្រឿងញៀនប្រភេទ មេតំហ្វេតាមីន ៥៣៤ដុំ ស្មើទម្ងន់ជាង ៥៣២ គីឡូក្រាម។ សរុបគ្រឿងញៀនចំនួន ១៥៣០ដុំ ស្មើទម្ងន់ជាង ១ តោន ៥១៣ គីឡូក្រាម ទូកនេសាទ ចំនួន ២គ្រឿង រថយន្ត ០១គ្រឿង ម៉ូតូ ០១គ្រឿង និងទូរស័ព្ទដៃ ០៨គ្រឿង ។នគរបាលបញ្ជាក់ថា ប្រតិបត្តិការនេះមិនទាន់បិទបញ្ចប់ទាំងស្រុងទេ គឺកំពុងបន្តការស្រាវជ្រាវតាមចាប់បក្ខពួកដែលនៅសេសសល់ និងមេក្លោងបន្តទៀត ដើម្បីយកមកផ្តន្ទាទោសតាមច្បាប់។ ជាមួយគ្នានេះនគរបាលអំពាវឱ្យប្រជាពលរដ្ឋជួយរាយការណ៍អំពីករណីគ្រឿងញៀន តាមរយៈលេខ ៦៧០ ដែលអាចហៅទូរស័ព្ទចូលដោយឥតគិតថ្លៃ ចំពោះអ្នករាយការណ៍ ត្រូវបាននគរបាលធានារក្សាការសម្ងាត់ជូន៕ អត្ថបទ ៖ តារាវុទ្ធី

បណ្ដាញសង្គម

ព័ត៌មានថ្មីៗ

រដ្ឋមន្រ្តីការបរទេសសហភាពអឺរ៉ុបជួបជុំគ្នា ដើម្បីពិភាក្សាពីវិបត្តិអ៊ីរ៉ង់ និងអ៊ុយក្រែន

ពលរដ្ឋហ្កាហ្សារៀបចំពិធីបុណ្យសពសម្រាប់ជនប៉ាឡេស្ទីនដែលត្រូវបានសម្លាប់ទាហានអ៊ីស្រាអែល

លោក Trump៖ «គ្រាប់បែកជាច្រើនចាប់ផ្តើមផ្ទុះ» នៅអ៊ីរ៉ង់ បើបទឈប់បាញ់ផុតទៅដោយគ្មានកិច្ចព្រមព្រៀង

លោក ស៊ី៖ ចិនមានឆន្ទៈក្នុងការធ្វើការជាមួយតំបន់អាហ្វ្រិក ជុំវិញផលប៉ះពាល់ ដោយសារជម្លោះមជ្ឈិមបូព៌ា

មេបញ្ជាការ៖ អ៊ីរ៉ង់នឹងឆ្លើយតបទៅនឹងការរំលោភបំពានបទឈប់បាញ់ណាមួយដោយអាមេរិក

សេចក្តីថ្លែងការណ៍៖ NATO មានបំណងចង់រក្សាប្លុកនុយក្លេអ៊ែរជានិច្ច ដោយប្តេជ្ញាចិត្តចំពោះសន្ធិសញ្ញា NPT

សារព័ត៌មាន៖ វិបត្តិអ៊ីរ៉ង់ នឹងគ្របដណ្ដប់លើនយោបាយពិភពលោករយៈពេលជាច្រើនខែ ឬអាចច្រើនឆ្នាំទៅមុខទៀត

រុស្ស៊ីដឹកជញ្ជូនជំនួយមនុស្សធម៌ចំនួន ២៧ តោន ទៅកាន់ប្រទេសលីបង់

លោក Trump ចោទប្រកាន់អ៊ីរ៉ង់ថា បានរំលោភលើបទឈប់បាញ់ «ច្រើនដង»

មនុស្សជិត ៨.០០០នាក់ ស្លាប់ ឬបាត់ខ្លួន ពេលធ្វើដំណើរលើផ្លូវអន្តោប្រវេសន៍ នៅឆ្នាំ២០២៥

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877