BTV NEWS

អង្គការសហប្រជាជាតិ បញ្ជាក់ថា វិបត្តិមជ្ឈិមបូព៌ា «តំបន់ទ្រនាប់»របស់អ៊ីស្រាអែល គឺជាឧក្រិដ្ឋកម្មសង្រ្គាម

អង្គការសហប្រជាជាតិ បាននិយាយកាលពីថ្ងៃព្រហស្បតិ៍ថា ការបំផ្លាញអគារនៅខាងក្នុងព្រំដែនហ្កាហ្សា ក្នុងកិច្ចខិតខំប្រឹងប្រែងដើម្បីបង្កើត «តំបន់ទ្រនាប់» គឺជាឧក្រិដ្ឋកម្មសង្គ្រាមដោយអ៊ីស្រាអែល។លោក វ៉ូលកឺ ទួក (Volker Turk) ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស បាននិយាយថា ប្រតិបត្តិការយោធារបស់អ៊ីស្រាអែលដែលមានគោលបំណងវាយកម្ទេចទ្រព្យសម្បត្តិ ក្នុងចម្ងាយមួយគីឡូម៉ែត្រនៃរបងព្រំដែនហ្កាហ្សាស្ទ្រីបមិនស្របតាមច្បាប់មនុស្សធម៌អន្តរជាតិនោះទេ។នៅក្នុងសេចក្តីថ្លែងការណ៍មួយ លោកបាននិយាយថា៖«ការបំផ្លិចបំផ្លាញទ្រព្យសម្បត្តិដ៏ច្រើនសន្ធឹកសន្ធាប់បែបនេះ មិនត្រូវបានរាប់ជាសុចរិតដោយសារភាពចាំបាច់របស់យោធា និងបានធ្វើឡើងដោយខុសច្បាប់ និងដោយចេតនា នោះជាការបំពានយ៉ាងធ្ងន់ធ្ងរនៃអនុសញ្ញាទីក្រុងហ្សឺណែវទី៤ និងឧក្រិដ្ឋកម្មសង្រ្គាម»។សេចក្តីថ្លែងការណ៍នេះ កើតឡើងនៅពេលដែលរូបភាពពីផ្កាយរណបដែលបានវិភាគដោយសារព័ត៌មាន The Telegraph បានបង្ហាញថា អគារជាង ១.០០០ ត្រូវបានបំផ្លាញនៅជុំវិញបរិវេណដីនៃតំបន់ហ្កាហ្សាចាប់តាំងពីការវាយប្រហារភេរវកម្មថ្ងៃទី៧ ខែតុលា។ការវិភាគរូបភាពបន្ថែម បានរកឃើញថាផ្ទះរាប់រយខ្នងត្រូវបានបំផ្លាញ វាលស្រែ និងចម្ការផ្លែឈើ ត្រូវបានបំផ្លាញ ឧបករណ៍ប្រើប្រាស់ ត្រូវបានបំផ្ទុះ ហើយសាលារៀន និងវិហារអ៊ីស្លាម បានខូចខាតទាំងស្រុង នៅតាមព្រំដែន។

កងកម្លាំងអ៊ីស្រាអែល បង្កើនការវាយប្រហារក្រុង Rafah ខណៈអ្នកការទូតព្យាយាមសង្គ្រោះបទឈប់បាញ់

កងកម្លាំងអ៊ីស្រាអែល បានបង្កើនការទម្លាក់គ្រាប់បែកលើតំបន់នានាក្នុងទីក្រុងរ៉ាហ្វា (Rafah) ព្រំដែនភាគខាងត្បូងកាលពីថ្ងៃព្រហស្បតិ៍ (០៨ កុម្ភៈ) ជាទីដែលប្រជាជនជាងពាក់កណ្តាលនៃចំនួនប្រជាជនហ្កាហ្សា សរុបកំពុងជ្រកកោន ខណៈដែលក្រុមអ្នកការទូតកំពុងស្វះស្វែងរកការចរចាបទឈប់បាញ់ បន្ទាប់ពីលោកនាយករដ្ឋមន្ត្រី បេនចាមីន ណេតាន់យ៉ាហ៊ូ (Benjamin Netanyahu) បានច្រានចោលសំណើរបស់ក្រុមហាម៉ាស។ក្នុងសញ្ញាមួយដែលដំណើរការទូតមិនទាន់ចប់ គណៈប្រតិភូក្រុមហាម៉ាសដឹកនាំដោយមន្ត្រីជាន់ខ្ពស់ លោក ខាលី អាល់ហាយយា (Khalil Al-Hayya) បានទៅដល់ទីក្រុងគែរ កាលពីថ្ងៃព្រហស្បតិ៍ ដើម្បីចរចាបទឈប់បាញ់ជាមួយអ្នកសម្រុះសម្រួលអេហ្ស៊ីប និងកាតា។ លោក ណេតាន់យ៉ាហ៊ូ បាននិយាយកាលពីថ្ងៃពុធ ថាលក្ខខណ្ឌដែលស្នើឡើងដោយក្រុមហាម៉ាស សម្រាប់បទឈប់បាញ់ក្នុងសង្គ្រាមរយៈពេល ៤ ខែគឺ «ជារឿងផ្ដេសផ្ដាសខ្លាំងណាស់» ហើយបានប្តេជ្ញាថានឹងប្រយុទ្ធ ដោយនិយាយថាជ័យជំនះគឺឈានដល់ហើយនៅសល់តែប៉ុន្មានខែទៀតប៉ុណ្ណោះ។ពលរដ្ឋហ្កាហ្សា សង្ឃឹមយ៉ាងមុតមាំថាបទឈប់បាញ់អាចមកដល់ទាន់ពេលដើម្បីទប់ស្កាត់ការវាយលុករបស់អ៊ីស្រាអែល ដែលបានគម្រាមកំហែងទៅលើទីក្រុងរ៉ាហ្វា ដែលជារបងព្រំដែនភាគខាងត្បូងរបស់តំបន់ហ្កាហ្សា ដោយឥឡូវនេះមានប្រជាជនជាងមួយលាននាក់កំពុងស្ថិតទីនោះ ហើយពួកគេភាគច្រើនស្នាក់នៅក្នុងតង់បណ្តោះអាសន្ន៕

អាជ្ញាធរឆ្មក់ចុះបង្ក្រាប់ទីតាំង ល្បែងមួយកន្លែង ឃាត់ខ្លួនចំនួន ២៣នាក់

ភ្នំពេញ ៖ កម្លាំងនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ ចុះបង្រ្កាបទីតាំងមួយកន្លែង ដែលមានបង្កប់ល្បែងសុីសង ដូចជា មាន់ជល់ បៀរការ៉ាត់ បាល់អនឡាញ និងឃាត់បានមនុស្សប្រុសស្រី២៣នាក់ ម៉ូតូចំនួន១៦គ្រឿង និងកង់បីឥណ្ឌាចំនួន០៤គ្រឿង ។ក្នុងប្រតិបិត្តការណ៍នេះបានធ្វើឡើងនៅវេលាម៉ោង ០៧ យប់ថ្ងៃទី០៧ ខែកុម្ភៈ ឆ្នាំ២០២៤ នៅត្រង់ចំណុចផ្ទះគ្មានលេខ តាមបណ្តោយផ្លូវលេខ ១៤៤ កែងផ្លូវ ១៥ ស្ថិតក្នុងសង្កាត់ផ្សារកណ្តាលទី១ ខណ្ឌដូនពេញ រាជធានីភ្នំពេញ ។ប្រភពព័ត៌មានពីមន្ត្រីនគរបាលដែលចុះប្រតិបត្តិការបានឲ្យដឹងថាក្រោយទទួលបានសេចក្ដីរាយការណ៍និងសំណូមពរពីប្រជាពលរដ្ឋ ថាទីតាំងនេះមានបង្កប់ល្បែងស៊ីសងគ្រប់ប្រភេទ ប្រមូលផ្ដុំមនុស្ស ក្មេងចាស់ប្រុសស្រីទាំងយប់ទាំងថ្ងៃ បង្កភាពអសន្តិសុខ ធ្វើឲ្យប្រជាពលរដ្ឋដែលមានលំដ្ឋានក្បែរនោះមានការភ័យខ្លាច ពីសំណាក់ក្រុមអ្នកញៀនល្បែងទាំងនេះ។ ដូច្នេះកម្លាំងជំនាញព្រហ្មទណ្ឌបានធ្វើការស្រាវជ្រាវរហូតឈានដល់ការចុះបង្ក្រាបនិងឃាត់ខ្លួនមនុស្សដកហូតវត្ថុតាងជាក់ស្ដែងតែម្ដង។ជាពលរដ្ឋដែលមានលំនៅដ្ឋានក្បែរទីតាំងនោះបានឲ្យដឹងថាទីតាំងនេះគឺបើកបង្កប់ល្បែងស៊ីសងយូរណាស់មកហើយដែលស្ថិតនៅទល់មុខនិងសង្កាត់ផ្សារកណ្ដាល១ តែម្ដង ដោយគ្មានខ្លាចញញើតអាជ្ញាធរនោះឡើយ។បច្ចុប្បន្នមនុស្សប្រុសស្រីចំនួន២៣នាក់ រួមទាំងម៉ូតូ ,កង់បីឥណ្ឌា និងវត្ថុតាងមួយចំនួន ត្រូវបញ្ជូនទៅកាន់ស្នងការដ្ឋាននគរបាលរាជធានីភ្នំពេញ ដើម្បីចាត់ការតាមនីតិវិធី ៕ អត្ថបទ៖ កុម្ភៈ

អាជ្ញាធរឆ្មក់ចុះបង្ក្រាប់ទីតាំង ល្បែងមួយកន្លែង ឃាត់ខ្លួនចំនួន ២៣នាក់

ភ្នំពេញ ៖ កម្លាំងនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ ចុះបង្រ្កាបទីតាំងមួយកន្លែង ដែលមានបង្កប់ល្បែងសុីសង ដូចជា មាន់ជល់ បៀរការ៉ាត់ បាល់អនឡាញ និងឃាត់បានមនុស្សប្រុសស្រី២៣នាក់ ម៉ូតូចំនួន១៦គ្រឿង និងកង់បីឥណ្ឌាចំនួន០៤គ្រឿង ។ក្នុងប្រតិបិត្តការណ៍នេះបានធ្វើឡើងនៅវេលាម៉ោង ០៧ យប់ថ្ងៃទី០៧ ខែកុម្ភៈ ឆ្នាំ២០២៤ នៅត្រង់ចំណុចផ្ទះគ្មានលេខ តាមបណ្តោយផ្លូវលេខ ១៤៤ កែងផ្លូវ ១៥ ស្ថិតក្នុងសង្កាត់ផ្សារកណ្តាលទី១ ខណ្ឌដូនពេញ រាជធានីភ្នំពេញ ។ប្រភពព័ត៌មានពីមន្ត្រីនគរបាលដែលចុះប្រតិបត្តិការបានឲ្យដឹងថាក្រោយទទួលបានសេចក្ដីរាយការណ៍និងសំណូមពរពីប្រជាពលរដ្ឋ ថាទីតាំងនេះមានបង្កប់ល្បែងស៊ីសងគ្រប់ប្រភេទ ប្រមូលផ្ដុំមនុស្ស ក្មេងចាស់ប្រុសស្រីទាំងយប់ទាំងថ្ងៃ បង្កភាពអសន្តិសុខ ធ្វើឲ្យប្រជាពលរដ្ឋដែលមានលំដ្ឋានក្បែរនោះមានការភ័យខ្លាច ពីសំណាក់ក្រុមអ្នកញៀនល្បែងទាំងនេះ។ ដូច្នេះកម្លាំងជំនាញព្រហ្មទណ្ឌបានធ្វើការស្រាវជ្រាវរហូតឈានដល់ការចុះបង្ក្រាបនិងឃាត់ខ្លួនមនុស្សដកហូតវត្ថុតាងជាក់ស្ដែងតែម្ដង។ជាពលរដ្ឋដែលមានលំនៅដ្ឋានក្បែរទីតាំងនោះបានឲ្យដឹងថាទីតាំងនេះគឺបើកបង្កប់ល្បែងស៊ីសងយូរណាស់មកហើយដែលស្ថិតនៅទល់មុខនិងសង្កាត់ផ្សារកណ្ដាល១ តែម្ដង ដោយគ្មានខ្លាចញញើតអាជ្ញាធរនោះឡើយ។បច្ចុប្បន្នមនុស្សប្រុសស្រីចំនួន២៣នាក់ រួមទាំងម៉ូតូ ,កង់បីឥណ្ឌា និងវត្ថុតាងមួយចំនួន ត្រូវបញ្ជូនទៅកាន់ស្នងការដ្ឋាននគរបាលរាជធានីភ្នំពេញ ដើម្បីចាត់ការតាមនីតិវិធី ៕ អត្ថបទ៖ កុម្ភៈ

ប្រទះឃើញសារធាតុញៀន៣០៤កញ្ចប់ នៅជាប់របងប៉ុស្តិ៍នគរបាលរដ្ឋបាលឃ្មួញ

ភ្នំពេញ ៖ កម្លាំងប៉ុស្តិ៍នគរបាលរដ្ឋបាលឃ្មួញ បានប្រទះឃើញថង់ ចំនួន ០៣ថង់ សង្ស័យជាសារធាតុញៀន ក្រោយពីត្រួតពិនិត្យជាក់ស្តែបង្ហាញថា គឺជាគ្រឿងញៀន កាលពីវេលាម៉ោង ១០ព្រឹក ថ្ងៃទី០៧ ខែកុម្ភៈ ឆ្នាំ២០២៤ ។សមត្ថកិច្ចខណ្ឌសែនសុខ ប្រាប់ឲ្យដឹងថា នៅក្នុងថង់នោះមានកញ្ចប់ពណ៌ខៀវទំពាំងបាយជូ ចំនួន ១៩៤កញ្ចប់ និងកញ្ចប់ពណ៌ក្រហមស្តូប៊ូរី ចំនួន ១១០កញ្ចប់ ត្រូវបានគេទុកចោលនៅជាប់របងប៉ុស្តិ៍នគរបាលរដ្ឋបាលឃ្មួញ ។ ក្រោមប្រទះបែបនេះកម្លាំងប៉ុស្តិ៍នគរបាលរដ្ឋបាលឃ្មួញ បានសហការជាមួយការិយាល័យប្រឆាំងគ្រឿងញៀន នៃស្នងការដ្ឋាននគរបាលរាជធានីភ្នំពេញ ពិនិត្យជាក់ស្តែងឃើញសារធាតុញៀនប្រភេទ អ៉ិចស្តាស៊ី (MDMA) ចំនួន ៣០៤កញ្ចប់ ទម្ងន់ជាង ២គីឡូក្រាម។សមត្ថកិច្ចបញ្ជាក់ថា ចំពោះករណីនេះកម្លាំងសមត្ថកិច្ច កំពុងធ្វើការស្រាវជ្រាវបន្តទៀត ។ ជុំវិញករណីនេះសមត្ថកិច្ចសន្និដ្ឋាន គឺជនសង្ស័យភ័យខ្លាច ដោយមានគោលដៅសមត្ថកិច្ច ចុះអនុវត្តត្រួតពិនិត្យជាតិស្រវឹង និងអាវុធជាតិផ្ទុះ៕ ដោយ ៖ តារាវុទ្ធី

សមាជិកសភាបក្សប្រឆាំងរបស់សេណេហ្គាល់ បីរូបត្រូវចាប់ខ្លួន បន្ទាប់ពីជម្លោះជុំវិញការពន្យារពេលបោះឆ្នោត

សមាជិកសភាបក្សប្រឆាំងនៅប្រទេសសេណេហ្គាល់ ចំនួន ៣រូប ត្រូវបានចាប់ខ្លួនកាលពីថ្ងៃអង្គារ (០៦ កុម្ភៈ) ស្របពេលមានការខ្វែងគំនិតពីការផ្លាស់ប្តូររបស់សភាក្នុងការពន្យារពេលការបោះឆ្នោតប្រធានាធិបតីរយៈពេល ១០ ខែ ដែលបានជំរុញឱ្យប្លុកសេដ្ឋកិច្ច និងនយោបាយរបស់អាហ្វ្រិកខាងលិចអំពាវនាវឱ្យមានការបង្កើតឡើងវិញនូវប្រតិទិនបោះឆ្នោត។សមាជិកសភាកាលពីល្ងាចថ្ងៃចន្ទ បានអនុម័តវិសោធនកម្មនៅនាទីចុងក្រោយដើម្បីរៀបចំការបោះឆ្នោតនៅថ្ងៃទី១៥ ខែធ្នូ ជំនួសឱ្យថ្ងៃទី២៥ ខែកុម្ភៈ ដែលបានកំណត់ទុក ដោយបង្កឲ្យមានការបន្តអាណត្តិរបស់លោកប្រធានាធិបតី ម៉ែកគី សាល (Macky Sall) ដែលបានធ្វើឱ្យមានការតវ៉ាតាមដងផ្លូវ និងការជូនដំណឹងអាសន្នជាអន្តរជាតិ។អ្នកនាំពាក្យរបស់គណបក្សប្រឆាំង ផាស្ទេហ្វ (Pastef) ដែលត្រូវបានរំលាយ លោក អ៊ែល ម៉ាលីក ឌៀយេ (El Malick Ndiaye) បាននិយាយតាមរយៈសារមួយថា សមាជិកសភាបីនាក់មកពីគណបក្សប្រឆាំង យ៉េវវី អាស្កាន វី (Yewwi Askan Wi) ត្រូវបានចាប់ខ្លួនកាលពីថ្ងៃអង្គារ ដោយបន្តថា អតីតប្រមុខនគរបាលម្នាក់ក៏ត្រូវបានឃុំខ្លួនដែរ។ការពន្យារពេលនៃការបោះឆ្នោតដ៏គួរឱ្យភ្ញាក់ផ្អើលនេះបានធ្វើឱ្យមានការមិនពេញចិត្តជាខ្លាំងចំពោះអ្នកដែលគិតថាសេណេហ្គាល់ នឹងប្រកាន់ខ្ជាប់នូវដំណើរការបោះឆ្នោតស្តង់ដារ ដែលនោះបានក្លាយជារឿងចម្លែកកាន់តែខ្លាំងឡើងនៅអាហ្វ្រិកខាងលិច ៕

អ្នកដំណើរជនជាតិចិន ជាប់គាំង ខណៈព្យុះរដូវរងា ធ្វើឱ្យការធ្វើដំណើរក្នុងថ្ងៃបុណ្យចូលឆ្នាំ មានភាពវឹកវរ

ព្យុះទឹកកក និងភ្លៀងធ្លាក់ត្រជាក់ខ្លាំង បាននាំមកនូវការរំខានយ៉ាងខ្លាំងដល់ការធ្វើដំណើរយ៉ាងប្រញាប់ប្រញាល់ ក្នុងពេលបុណ្យចូលឆ្នាំថ្មីរបស់ប្រទេសចិន ដែលបណ្តាលឱ្យអ្នកបើកបរជាប់គាំងនៅក្នុងរថយន្តនៅលើផ្លូវហាយវ៉េ ដែលពេញទៅដោយទឹកកក ហើយអ្នកដំណើរជួបការលំបាកក្នុងការកក់សំបុត្ររថភ្លើង និងជើងហោះហើរឡើងវិញ ដែលត្រូវបានលុបចោល។ អាកាសធាតុរដូវរងាធ្ងន់ធ្ងរ បានកើតមានឡើង ខណៈអ្នកធ្វើដំណើរជនជាតិចិន បានធ្វើឲ្យមានកំណត់ត្រាមានការធ្វើដំណើររាប់លាននាក់ ក្នុងអំឡុងពេល ៤០ ថ្ងៃដ៏មមាញឹក ដើម្បីត្រឡប់ទៅស្រុកកំណើតរបស់ពួកគេវិញចូលរួមការប្រារព្ធពិធីបុណ្យចូលឆ្នាំ ជាពិធីបុណ្យនិទាឃរដូវ។ប្រព័ន្ធផ្សព្វផ្សាយរដ្ឋបានរាយការណ៍ថា នៅក្នុងខេត្ត Hubei ដែលរងគ្រោះខ្លាំង និងខេត្ត Anhui ដែលនៅជិតខាង សីតុណ្ហភាពបានធ្លាក់ចុះក្រោមត្រជាក់ដល់កកក្នុងប៉ុន្មានថ្ងៃថ្មីៗនេះ ហើយកម្មកររាប់ពាន់នាក់ត្រូវបានគេដាក់ពង្រាយដើម្បីជួយក្នុងប្រតិបត្តិការរថភ្លើង និងសម្អាតផ្លូវ។ វីដេអូ និងរូបភាពជាច្រើនដែលបានផ្សព្វផ្សាយតាមអ៊ីនធឺណិត បង្ហាញពីរថយន្តមានព្រិលធ្លាក់លើជាប់គាំងនៅលើផ្លូវហាយវ៉េ។ អ្នកផ្សេងទៀតបង្ហាញពីហ្វូងអ្នកដំណើរ ដែលជាប់គាំងនៅក្នុងស្ថានីយ៍រថភ្លើង។ នៅភាគកណ្តាលប្រទេសចិន ចរាចរណ៍ត្រូវបានផ្អាក ដោយសារផ្លូវហាយវេរាប់សិបកន្លែងត្រូវបានបិទនៅទូទាំងខេត្តហ៊ូប៉ី ហើយជើងហោះហើររាប់រយត្រូវបានលុបចោលនៅមជ្ឈមណ្ឌលដឹកជញ្ជូន ទីក្រុង Wuhan កាលពីចុងសប្តាហ៍ ដោយមានអាកាសធាតុមិនអំណោយផលខ្លាំងបន្ថែមទៀតត្រូវបានរំពឹងទុកនៅក្នុងតំបន់ធំៗក្នុងរយៈពេលប៉ុន្មានថ្ងៃខាងមុខនេះ។ រដូវកាលវិស្សមកាលនេះ ជាលើកដំបូងក្នុងរយៈពេលជាច្រើនឆ្នាំដែលមនុស្សជាច្រើននៅទូទាំងប្រទេសចិន អាចធ្វើដំណើរដោយសេរីដើម្បីអបអរជាមួយមិត្តភក្តិ និងក្រុមគ្រួសារ បន្ទាប់ពីការបញ្ចប់នៃការគ្រប់គ្រងដ៏តឹងរ៉ឹងជំងឺ Covid-19 ដែលបានរឹតបន្តឹងយ៉ាងខ្លាំងចាប់តាំងពីឆ្នាំ ២០២០ មក។

មនុស្ស៣០នាក់ ត្រូវបានចាប់ខ្លួននៅអេក្វាឌ័រ និងអេស្បាញអំឡុងកាស៊ើបអង្កេតលើក្រុមម៉ាហ្វៀអាល់បានី

ការិយាល័យអគ្គមេធាវីរបស់ប្រទេសអេក្វាឌ័រ បាននិយាយកាលពីថ្ងៃអង្គារថា នគរបាលនៅក្នុងប្រទេសអេក្វាឌ័រ និងអេស្ប៉ាញ បានចាប់ខ្លួនមនុស្សយ៉ាងហោចណាស់ ៣០នាក់ នៅក្នុងប្រតិបត្តិការដំណាលគ្នា ជាផ្នែកមួយនៃការស៊ើបអង្កេតលើឧក្រិដ្ឋកម្មរៀបចំទុករបស់ជនជាតិអាល់បានី។រដ្ឋអាជ្ញាមកពីប្រទេសទាំងពីរ បានធ្វើការវាយឆ្មក់ចំនួន ៥៧លើក នៅក្នុងខេត្តចំនួន ៦ របស់ប្រទេសអេក្វាឌ័រ និងនៅក្នុងទីក្រុងចំនួន ៤ របស់ប្រទេសអេស្បាញ ពាក់ព័ន្ធនឹងការចោទប្រកាន់ពីបទលាងលុយ និងការជួញដូរគ្រឿងញៀន។ការវាយឆ្មក់នេះ បានកើតឡើងក្នុងពេលការវាយលុករបស់យោធា ដែលធ្វើឡើងដោយប្រធានាធិបតីអេក្វាឌ័រ លោក Daniel Noboa ដើម្បីប្រយុទ្ធប្រឆាំងក្រុមឧក្រិដ្ឋជននៅក្នុងប្រទេសអាមេរិកខាងត្បូង ដែលលោកបានកំណត់ថាជាក្រុមភេរវករ។ប្រាក់ដែលរឹបអូសបានមានតម្លៃប្រហែល ៤៨៣.០០០ ដុល្លារ។ រដ្ឋអាជ្ញា ក៏បានរកឃើញលុយសុទ្ធ និងអាវុធ ហើយរឹបអូសបានទ្រព្យសម្បត្តិ និងរថយន្តច្រើនគ្រឿង។ នគរបាលប្រទេសអេក្វាឌ័រ បាននិយាយថា អ្នកជាប់ឃុំរួមមានមនុស្សមកពីប្រទេសកូឡុំប៊ី អាហ្សង់ទីន ចិន អេស្បាញ អេក្វាឌ័រ និងអាល់បានី ដែល ក្រុមនេះត្រូវបានចោទប្រកាន់ថា ដឹកនាំដោយពលរដ្ឋអាល់បានី។

រលកធំៗខ្យល់បក់បោកលើប្រទេសគុយបា បណ្តាលឱ្យមានទឹកជំនន់ និងដាច់ចរន្តអគ្គិសនី

ការប្រឈមភាពត្រជាក់ខ្លាំងខុសប្រក្រតី បានវាយលុកនៅឆ្នេរសមុទ្រភាគខាងជើងប្រទេសគុយបា កាលពីថ្ងៃអង្គារ ដោយមានរលកធំៗ ជន់លិចផ្លូវនាដោយទឹកសមុទ្រ បណ្តាលឱ្យដាច់ចរន្តអគ្គិសនី និងធ្វើឱ្យទីក្រុងឡាហាវ៉ាន់ ពង្រាយដោយសំរាម និងមែកឈើបាក់មក។សន្ទុះខ្យល់ បានហក់ឡើងដល់ ១០០គីឡូម៉ែត្រក្នុងមួយម៉ោង នៅតំបន់ភាគខាងលិចនៃកោះនេះ ខណៈ មានព្យុះ និងខ្យល់បក់ខ្លាំង បោកបក់មកភាគខាងត្បូងពីរដ្ឋផ្លរីដា ដែលបានឃើញស្ថានភាពស្រដៀងគ្នាកាលពីដើមសប្តាហ៍នេះ។ ពលរដ្ឋនៅទីក្រុងឡាហាវ៉ាន់ ដេកនៅពេលយប់ មានអគ្គិសនីដាច់ ឆេះៗ ខណៈសីតុណ្ហភាពបានធ្លាក់ចុះដល់ ១២ អង្សាសេ ដែលត្រជាក់ខុសពីធម្មតាសម្រាប់ប្រទេសគុយបា។នៅពេលព្រលឹមស្រាងៗ ទឹកបានហូរកាត់តាមដងផ្លូវនានាក្នុងទីក្រុង មានត្រីផ្លាស់ទី និងមានសារ៉ាយ ជាច្រើនជាប់នៅលើដី។អ្នកវិទ្យាសាស្ត្រ និងអ្នករៀបចំទីក្រុង បាននិយាយថា ទីក្រុងឡាហាវ៉ាន់ ជាទីក្រុងឆ្នេរសមុទ្រមួយដែលបានកសាងកាលជាច្រើនសតវត្សរ៍មកហើយនៅលើឈូងសមុទ្រម៉ិកស៊ិក មានភាពងាយរងគ្រោះ ជាពិសេសចំពោះការកើនឡើងកម្រិតទឹកសមុទ្រ និងព្យុះដែលនាំមកដោយបម្រែបម្រួលអាកាសធាតុ បង្កឡើងដោយមនុស្ស។ យោងតាមកម្មវិធីអភិវឌ្ឍន៍របស់អង្គការសហប្រជាជាតិបានឲ្យដឹងថា ច្រើនជាងមួយភាគបីនៃប្រជាជនចំនួន ២,២ លាននាក់ បានរស់នៅក្នុងតំបន់មានហានិភ័យពីការទន្ទ្រានដែនទឹក។ ការកើនឡើងកម្រិតទឹកសមុទ្រ បានគំរាមកំហែងដល់ទីក្រុងឆ្នេរមួយចំនួនដូចជាទីក្រុងឡាហាវ៉ាន់ ។

ចំនួនអ្នកស្លាប់ដោយសារព្យុះដ៏កំណាចនៅក្នុងរដ្ឋកាលីហ្វនីញ្ញា បានកើនឡើងដល់៩នាក់

ភ្លៀងធ្លាក់ខ្លាំងបណ្ដលមកពីប្រព័ន្ធសំណើមអាកាសធ្ងន់ធ្ងរបានវាយប្រហារយ៉ាងដំណំនៅក្នុងរដ្ឋកាលី ហ្វនីញាភាគខាងត្បូង ប៉ុន្តែស្ថានភាពអាកាសធាតុអាប់អួរ នៅតែបន្តវាយប្រហារកាលពីថ្ងៃអង្គារ ខណៈល្បប់និងកម្ទេចកម្ទីផ្សេងៗ បានពន្លិចផ្លូវនានា និងបានបង្ខំឲ្យមានការជម្លៀសប្រជាពលរដ្ឋ។ ចំនួនអ្នកស្លាប់ដោយសារព្យុះដ៏កំណាចនេះ បានកើនឡើង ដល់៩នាក់ និង រួមទាំងអ្នកស្លាប់ទាក់ទងនឹងព្យុះលើកដំបូង នៅក្នុងភាគខាងត្បូងរបស់រដ្ឋកាលីហ្វនីញា ។ ក្រុមមន្ត្រី កំពុងព្រួយបារម្ភខ្លាំងថាចំនួនអ្នកស្លាប់អាចនឹងកើនឡើង នៅពេលទឹកស្រក។ ទោះយ៉ាងណាក៏ដោយ ក្រុមមន្ត្រីបាននិយាយថា គេរំពឹងថា នឹងមានភ្លៀងធ្លាក់បន្ថែមទៀតគ្របដណ្ដប់ទូទាំងតំបន់ភាគខាងត្បូង យ៉ាងហោចណាស់នៅថ្ងៃពុធនេះ ហើយភ្លៀងធ្លាក់ខ្លាំងអាចកើតមានឡើង។ បន្ទាប់ពីភ្លៀងធ្លាក់ខ្លាំងដល់កម្រិតបំណែកកំណត់ត្រា ក្នុងពេលមួយថ្ងៃនៅទូទាំងតំបន់ Los Angeles ជំនន់ទឹកភ្លៀងនៅតែបន្តប៉ះពាល់យ៉ាងធ្ងន់ធ្ងរនៅក្នុងតំបន់ភាគខាងត្បូងនៃរដ្ឋកាលីហ្វនីញា រហូតមកដល់រសៀលថ្ងៃអង្គារ សប្ដាហ៍នវ។ ការព្រមានពីទឹកជំនន់ដ៏គំហុក ក៏ត្រូវបានប្រកាសផងដែរសម្រាប់តំបន់ឆ្នេរ Orange County ហើយការណែនាំប្រុងប្រយ័ត្ននៃទឹកជំនន់ ត្រូវបានចេញសម្រាប់តំបន់ភាគខាងត្បូង ដូចជាទីក្រុងសានឌីហ្គោ និងតំបន់ព្រំដែនអាមេរិក -ម៉ិកស៊ិក ផងដែរ។ ស្នងការនគរបាលដ្ឋានក្រុង Los Angeles បានរាយការណ៍ពីករណីគ្រោះថ្នាក់ចរចរណ៍ជាច្រើនករណីនិងមានអ្នករបួសមួយចំនួនចាប់តាំងពីព្យុះនេះបានចាប់ផ្ដើម ខណៈលោកស្រី គ្រីស្ទីន ក្រូលី ( Kristin Crowley)ប្រធាននាយកដ្ឋានពន្លត់អគ្គិភ័យក្រុង បាននិយាយថា ក្រុមការងាររបស់លោកស្រី បានឆ្លើយបទៅនឹងឧបទ្ទវហេតុទឹកជំនន់យ៉ាងហោចណាស់១៣០ករណី គិតត្រឹមព្រឹកថ្ងៃចន្ទ។លោកស្រី បន្ថែមថា ក្រុមមន្ត្រី ក្រុង Los Angeles បានរាយការណ៍ថា មានបំណាក់ដីជាង១២០កន្លែង និងកម្ទេចកម្ទីហូរពាសពេញទីក្រុង និងបានបង្កការខូចខាតដល់ហេដ្ឋាចរនាសម្ព័ន្ធយ៉ាងហោចណាស់២៥ដោយសារតែភ្លៀងធ្លាក់ខ្លាំងឬបំណាក់ដីគិតត្រឹមល្ងាចថ្ងៃចន្ទ៕

សន្តិសុខ និង សង្គម

អង្គការសហប្រជាជាតិ បញ្ជាក់ថា វិបត្តិមជ្ឈិមបូព៌ា «តំបន់ទ្រនាប់»របស់អ៊ីស្រាអែល គឺជាឧក្រិដ្ឋកម្មសង្រ្គាម

កងកម្លាំងអ៊ីស្រាអែល បង្កើនការវាយប្រហារក្រុង Rafah ខណៈអ្នកការទូតព្យាយាមសង្គ្រោះបទឈប់បាញ់

អាជ្ញាធរឆ្មក់ចុះបង្ក្រាប់ទីតាំង ល្បែងមួយកន្លែង ឃាត់ខ្លួនចំនួន ២៣នាក់

អាជ្ញាធរឆ្មក់ចុះបង្ក្រាប់ទីតាំង ល្បែងមួយកន្លែង ឃាត់ខ្លួនចំនួន ២៣នាក់

ប្រទះឃើញសារធាតុញៀន៣០៤កញ្ចប់ នៅជាប់របងប៉ុស្តិ៍នគរបាលរដ្ឋបាលឃ្មួញ

សមាជិកសភាបក្សប្រឆាំងរបស់សេណេហ្គាល់ បីរូបត្រូវចាប់ខ្លួន បន្ទាប់ពីជម្លោះជុំវិញការពន្យារពេលបោះឆ្នោត

អ្នកដំណើរជនជាតិចិន ជាប់គាំង ខណៈព្យុះរដូវរងា ធ្វើឱ្យការធ្វើដំណើរក្នុងថ្ងៃបុណ្យចូលឆ្នាំ មានភាពវឹកវរ

មនុស្ស៣០នាក់ ត្រូវបានចាប់ខ្លួននៅអេក្វាឌ័រ និងអេស្បាញអំឡុងកាស៊ើបអង្កេតលើក្រុមម៉ាហ្វៀអាល់បានី

រលកធំៗខ្យល់បក់បោកលើប្រទេសគុយបា បណ្តាលឱ្យមានទឹកជំនន់ និងដាច់ចរន្តអគ្គិសនី

ចំនួនអ្នកស្លាប់ដោយសារព្យុះដ៏កំណាចនៅក្នុងរដ្ឋកាលីហ្វនីញ្ញា បានកើនឡើងដល់៩នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី