នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គណៈបញ្ជាការឯកភាពរាជធានី បន្តប្រតិបត្តិការបង្ក្រាបទីតាំង Online Scams ឃាត់ជនបរទេសជាង៣០០នាក់ នៅខណ្ឌដូនពេញ
ឃាត់​ខ្លួនជនសង្ស័យ ៤៩នាក់ពាក់ព័ន្ធ Online Scams និងជនបរទេស​ស្នាក់​នៅខុស​ច្បាប់​ជា​ច្រើន​នាក់​ទៀត
នគរបាលរាជធានីបង្ហាញមុខជនសង្ស័យ ៣៥នាក់ពាក់ព័ន្ធ ១០ករណីផ្សេងគ្នា
ជនជាតិចិនចំនួន៣៣៩នាក់ ពាក់ព័ន្ធករណី Online Scams ត្រូវបានបណ្ដេញចេញពីកម្ពុជា

សន្តិសុខ និង សង្គម

លោក Netanyahu បដិសេធលក្ខខណ្ឌរបស់ក្រុមហាម៉ាស សម្រាប់កិច្ចព្រមព្រៀងចំណាប់ថ្នូរអ៊ីស្រាអែល

2024/01/22 09:31:03 am        113
Facebook Telegram Linkin
នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ (Benjamin Netanyahu) កាលពីថ្ងៃអាទិត្យ (២១ មករា) បានច្រានចោលលក្ខខណ្ឌដែលបង្ហាញដោយក្រុមហាម៉ាស ដើម្បីបញ្ចប់សង្រ្គាម និងដោះលែងចំណាប់ថ្នូរដែលនឹងរួមបញ្ចូលការដកខ្លួនទាំងស្រុងរបស់អ៊ីស្រាអែល និងការទុកឲ្យក្រុមហាម៉ាស នៅកាន់អំណាចនៅក្នុងតំបន់ហ្កាហ្សា។នៅពេលដែលយន្តហោះអ៊ីស្រាអែលបានបន្តទម្លាក់គ្រាប់បែកលើទីក្រុង ខាន់ យ៉ូនីស (Khan Younis) នៅតំបន់ហ្កាហ្សាភាគខាងត្បូង មន្ត្រីជាន់ខ្ពស់របស់ក្រុមហាម៉ាស លោក សាមី អាប៊ូហ្ស៊ូរី (Sami Abu Zuhri) បានប្រាប់សារព័ត៌មានរ៉យទ័រថាការបដិសេធរបស់មេដឹកនាំអ៊ីស្រាអែលក្នុងការបញ្ចប់ការវាយលុកយោធានៅតំបន់ហ្កាហ្សា «មានន័យថាមិនមានឱកាសសម្រាប់ការវិលត្រឡប់របស់ពួកឈ្លើយសឹកអ៊ីស្រាអែលនោះទេ»។ក្រោមកិច្ចព្រមព្រៀងមួយដែលត្រូវបានសម្របសម្រួលកាលពីចុងខែវិច្ឆិកាដោយសហរដ្ឋអាមេរិក កាតា និងអេហ្ស៊ីប ចំណាប់ថ្នូរជាង ១០០នាក់ ក្នុងចំណោមចំណាប់ថ្នូរប្រមាណ ២៤០នាក់ ដែលត្រូវបានចាប់ខ្លួនទៅកាន់តំបន់ហ្កាហ្សា ក្នុងអំឡុងពេលការវាយប្រហារដោយពួកសកម្មប្រយុទ្ធហាម៉ាស កាលពីថ្ងៃទី០៧ ខែតុលា ត្រូវបានដោះលែងជាថ្នូរនឹងការដោះលែងជនជាតិប៉ាឡេស្ទីនចំនួន ២៤០នាក់ ដែលត្រូវបានឃុំខ្លួននៅក្នុងពន្ធនាគារអ៊ីស្រាអែល។ចាប់តាំងពីពេលនោះមក លោក ណេតាន់យ៉ាហ៊ូ បានប្រឈមមុខនឹងសម្ពាធកាន់តែខ្លាំងដើម្បីធានាបាននូវការដោះលែងចំណាប់ថ្នូរចំនួន ១៣៦នាក់ ដែលនៅតែជាប់ឃុំខ្លួន។ វេទិកាគ្រួសារចំណាប់ថ្នូរ និងមនុស្សបាត់ខ្លួន បានទាមទារនៅក្នុងសេចក្តីថ្លែងការណ៍មួយថា លោក ណេតាន់យ៉ាហ៊ូ «ត្រូវបញ្ជាក់យ៉ាងច្បាស់ថាយើងនឹងមិនបោះបង់ចោលជនស៊ីវិល ទាហាន និងអ្នកផ្សេងទៀតដែលត្រូវបានចាប់ខ្លួននៅក្នុងជម្លោះខែតុលា នោះទេ»៕

ចំនួនអ្នកស្លាប់ក្នុងការវាយប្រហាររបស់អ៊ីស្រាអែល នៅតំបន់ហ្កាហ្សាកើនឡើងដល់ជាង២៥.០០០នាក់

2024/01/22 09:28:17 am        138
Facebook Telegram Linkin
យោងតាមក្រសួងសុខាភិបាលដែលគ្រប់គ្រងដោយក្រុមហាម៉ាស មនុស្សជាង២៥.០០០នាក់ ឥឡូវនេះបានស្លាប់នៅក្នុងតំបន់ហ្កាហ្សាក្នុងអំឡុងពេលការវាយលុករបស់អ៊ីស្រាអែលនៅទីនោះ ។ ក្រសួងខាងលើបាននិយាយថាមានអ្នកស្លាប់ចំនួន ១៧៨នាក់ ក្នុងរយៈពេល ២៤ម៉ោងចុងក្រោយនេះ ដែលធ្វើឱ្យក្លាយជាថ្ងៃមួយក្នុងចំណោមថ្ងៃជាច្រើននៃការស្លាប់ដ៏ច្រើនបំផុតនៅក្នុងសង្គ្រាមរហូតមកដល់ពេលនេះ។ ខណៈការប្រយុទ្ធនៅតែបន្ត លោកនាយករដ្ឋមន្ត្រីអ៊ីស្រាអែល Benjamin Netanyahu បានច្រានចោលម្តងទៀតនូវការបង្កើតរដ្ឋប៉ាឡេស្ទីន។ សេតវិមានបាននិយាយថា សហរដ្ឋអាមេរិក និងអ៊ីស្រាអែល បានមើលឃើញយ៉ាងច្បាស់ពីភាពខ្វែងគំនិតគ្នា នៅពេលនិយាយអំពីដំណោះស្រាយរដ្ឋពីរ។ នៅក្នុងប្រកាសសាធារណៈលើកដំបូងរបស់ខ្លួនអំពីការវាយលុកកាលពីខែតុលា ដែលបានចេញផ្សាយកាលពីថ្ងៃអាទិត្យ ក្រុមហាម៉ាសបានពិពណ៌នាថា ការវាយប្រហារកាលពីថ្ងៃទី៧ខែតុលាគឺជាជំហានចាំបាច់ ប្រឆាំងនឹងការកាន់កាប់របស់អ៊ីស្រាអែលលើដែនដីប៉ាឡេស្ទីន និងជាមធ្យោបាយធានាការដោះលែងអ្នកទោសប៉ាឡេស្ទីន។ ប្រតិបត្តិការផ្លូវអាកាស និងថ្មើរជើងរបស់អ៊ីស្រាអែល បច្ចុប្បន្នកំពុងផ្តោតលើតំបន់ហ្កាហ្សាភាគខាងត្បូង ជាទីដែលយោធាជឿជាក់ថា មេបញ្ជាការកំពូលរបស់ហាម៉ាស ត្រូវបានលាក់ខ្លួននៅក្នុង ឬនៅខាងក្រោមទីក្រុង ខាន់ យូនីស (Khan Younis)៕

ពលរដ្ឋអ៊ីស្រាអែល តវ៉ានៅខាងក្រៅនិវេសនដ្ឋាននាយករដ្ឋមន្រ្តី ទាមទារឲ្យមានការដោះលែងចំណាប់ថ្នូរ

2024/01/22 09:24:34 am        111
Facebook Telegram Linkin
ក្រុមគ្រួសារនៃចំណាប់ថ្នូរ និងអ្នកគាំទ្ររបស់ពួកគេបានអំពាវនាវឱ្យរដ្ឋាភិបាលអ៊ីស្រាអែល ធានាឲ្យមានការដោះលែងចំណាប់ថ្នូរក្នុងអំឡុងពេលនៃការតវ៉ាមួយកាលពីថ្ងៃអាទិត្យ (២១ មករា) នៅខាងក្រៅនិវេសនដ្ឋានរបស់លោកនាយករដ្ឋមន្ត្រី បេនចាមីន ណេតាន់យ៉ាហ៊ូ (Benjamin Netanyahu) ក្នុងទីក្រុងហ្សេរុយសាឡឹម។ស្របពេលមានសេចក្តីរាយការណ៍អំពីលទ្ធភាពនៃការបន្តកិច្ចព្រមព្រៀងចំណាប់ថ្នូរដោយប្រទេសកាតា និងអេហ្ស៊ីប គ្រួសារចំណាប់ថ្នូររបស់ក្រុមហាម៉ាស រួមជាមួយនឹងក្រុមគ្រួសារនៃចំណាប់ថ្នូរដែលត្រូវបានសម្លាប់បានប្រមូលផ្តុំគ្នានៅទីនោះដើម្បីទាមទារឱ្យមានការវិលត្រឡប់មកវិញជាបន្ទាន់នូវមនុស្សជាទីស្រលាញ់របស់ពួកគេ។ចំណាប់ថ្នូរជាង ១០០នាក់ ដែលត្រូវបានចាប់ខ្លួនដោយក្រុមហាម៉ាស នៅថ្ងៃទី០៧ ខែតុលា ត្រូវបានដោះលែងក្នុងអំឡុងពេលបទឈប់បាញ់ខែវិច្ឆិកា រយៈពេលខ្លីមួយ។ អ៊ីស្រាអែលនិយាយថា មនុស្ស ១៣២នាក់ នៅតែស្ថិតក្នុងតំបន់ហ្កាហ្សា ក្នុងនោះមានមនុស្ស ២៧នាក់ ត្រូវបានសម្លាប់ក្នុងការចាប់ខ្លួន។លោក ណេតាន់យ៉ាហ៊ូ កាលពីថ្ងៃអាទិត្យ (២១ មករា) បានច្រានចោលលក្ខខណ្ឌដែលបង្ហាញដោយក្រុមហាម៉ាស ដើម្បីបញ្ចប់សង្គ្រាម និងដោះលែងចំណាប់ថ្នូរដែលនឹងរួមបញ្ចូលការដកខ្លួនទាំងស្រុងរបស់អ៊ីស្រាអែល និងទុកឲ្យក្រុមហាម៉ាស នៅកាន់អំណាចនៅក្នុងតំបន់ហ្កាហ្សា៕

អាវុធហត្ថខេត្តព្រះវិហារបង្ក្រាបគ្រឿងញៀនជាងមួយតោន

2024/01/22 09:18:05 am        955
Facebook Telegram Linkin
គ្រឿងញៀនជាងមួយតោនត្រូវបានបង្ក្រាបដោយកម្លាំងកងរាជអាវុធហត្ថ ខេត្តព្រះវិហារ កាលពីយប់ ថ្ងៃទី២០ ខែមករា ឆ្នាំ២០២៤។ យោងតាមព័ត៌មានបឋម​ឲ្យ​ដឹងថា​គ្រឿងញៀន​ប្រភេទ​ម៉ាទឹក​កកប្រមាណ ១០២០ដុំ ទម្ងន់ប្រមាណជា ១០២០គីឡូក្រាម​(១តោន ២០គីឡូក្រាម) ត្រូវ​បានកម្លាំងកងរាជអាវុធហត្ថខេត្តព្រះវិហាររកឃើញ និងរឹបអូស ខណៈ​ឧក្រិដ្ធជន​ដឹក​តាម​រថយន្ត​មួយ​គ្រឿង​នាំចេញ​ពី​ប្រទេស​ឡាវ​ឆ្លង​កាត់​ខេត្ត​ព្រះវិហារ និ​ង​បន្ត​ទៅ​គោល​ដៅផ្សេង។តាមប្រភពព័ត៌មានបានឲ្យដឹងថា កម្លាំងសមត្ថកិច្ច​នៃកងរាជអាវុធ​ហត្ថ​ខេត្ត​ព្រះវិហារ​បើក​ការ​ស៊ើប​អង្កេត ចាប់ឃាត់ខ្លួនម្ចាស់រថយន្ដបានម្នាក់ និងកំពង់​បន្តស្រាវជ្រាវ​តាម​ប្រម៉ាញ់​មេខ្លោង​រួម​ទាំង​បក្ស​ពួក​ក្រុម​ឧក្រឹដ្ឋជនគ្រឿងញៀន ដើម្បីយកមកផ្ដន្ទារទោស។ជុំវិញករណីជំនួញគ្រឿងញៀនដ៏សម្បើមខាងលើនេះ កម្លាំង​អាវុធ​ហត្ថ​ខេត្ត​​ព្រះវិហារ​បាន​សូម​សហការ​ជាមួយក​ម្លាំងកងរាជអាវុធហត្ថខេត្តស្ទឹងត្រែង ដើម្បីតាមរកប្រភពអ្នកពាក់ព័ន្ធ ពី​ព្រោះ​រថយន្ដ​ធ្វើ​សកម្មភាពដឹក​គ្រឿងញៀននោះ មានពាក់ស្លាកលេខ ស្ទឹងត្រែង 2A-5558 បច្ចុប្បន្ន អាវុធ​ខេត្តស្ទឹងត្រែង បានស្រាវជ្រាវដឹងពីប្រភពទីតាំងកន្លែងលក់រថយន្ដ និងបាន​ហៅ​អ្នក​លក់​រថយន្ដ​មក​សាកសួរ ពិនិត្យមើលឯកសារទីញលក់គឺមានឯកសារត្រឹមត្រូវ ។ ហើយ​អ្នក​លក់​រថយន្ដ​ខាង​សមត្ថកិច្ច​ព្រះវិហារ​កំពុងសាកសួរ ដើម្បីបន្តរកមុខសញ្ញាអ្នកពាក់ព័ន្ធ៕  

បង្ក្រាបករណីជួញដូរ-ដឹកជញ្ជូនគ្រឿងញៀនឆ្លងដែន បង្កប់តាមកញ្ចប់បញ្ញើ រឹបអូសបានថ្នាំញៀនជិត ៣គីឡូក្រាម

2024/01/21 01:01:13 pm        35
Facebook Telegram Linkin
ភ្នំពេញ ៖ កម្លាំងជំនាញមន្ទីរប្រឆាំងបទល្មើសគ្រឿងញៀន អគ្គស្នងការដ្ឋាននគរបាលជាតិ ក្រសួងមហាផ្ទៃ សហការជាមួយសមត្ថកិច្ចគយប្រចាំព្រលានយន្តហោះអន្តរជាតិភ្នំពេញ បង្ក្រាបករណីជួញដូរ និងដឹកជញ្ជូនគ្រឿងញៀនឆ្លងដែន ដែលបង្កប់តាមកញ្ចប់បញ្ញើពីកម្ពុជា ទៅអូស្ត្រាលី ចំនួន ២ករណី រឹបអូសបានថ្នាំញៀនជិត ៣គីឡូក្រាម។  ការបង្ក្រាបនេះដោយ អនុវត្តតាមបញ្ជានាយឧត្ដមសេនីយ៍ ស ថេត អគ្គស្នងការនគរបាលជាតិ, នាយឧត្ដមសេនីយ៍ ម៉ក់ ជីតូ អគ្គរងនគរបាលជាតិ ក្រោមការដឹកនាំផ្ទាល់របស់ឧត្ដមសេនីយ៍ឯក ឃឹង សារ៉ាត់ នាយកមន្ទីរប្រឆាំងបទល្មើសគ្រឿងញៀនកម្លាំងជំនាញ (ក១០) មន្ទីរប្រឆាំងបទល្មើសគ្រឿងញៀន សហការជាមួយកម្លាំងគយប្រចាំ ព្រលានយន្តហោះភ្នំពេញ បានត្រួតពិនិត្យកេសបញ្ញើមួយ កាលពីថ្ងៃទី១៩ ខែមករា ឆ្នាំ២០២៤ កម្លាំងជំនាញ សហការជាមួយក្រុមហ៊ុន Embassy freight express co,ltd និងក្រុមហ៊ុន ១៦៨ Logistics chains co,ltd បានធ្វើការត្រួតពិនិត្យកេសបញ្ញើមិនប្រក្រតី ។  ជាលទ្ធលនៃការចុះបង្ក្រាបទាំង២ទីតាំងនេះ កម្លាំងជំនាញបានចាប់យកសារធាតុញៀន ន្រភេទ ហេរ៉ូអ៊ីន ទម្ងន់ ២,៧៥២.៩៦ក្រាម (២គីឡូ និង៧៥២.៩៦ក្រាម)។   ចំពោះករណីនេះកម្លាំងជំនាញកំពុងបន្តស្រាវជ្រាវរកបុគ្គលអ្នកពាក់ព័ន្ធ និងចាប់ខ្លួនមេក្លោងមកផ្តន្ទាទោស ខណៈវត្ថុតាងជាថ្នាំញៀន ត្រូវបានកសាងសំណុំរឿងបញ្ជូន ទៅសាលាដំបូងរាជធានីភ្នំពេញ ដើម្បីបន្តនីតិវិធី៕ ដោយ ៖ តារាវុទ្ធី

នគរបាលបើកការស្រាវជ្រាវករណីបុរសម្នាក់ដេកស្លាប់ក្នុងថ្លុកឈាម លើផ្លូវជាតិលេខ២

2024/01/20 06:02:25 pm        1134
Facebook Telegram Linkin
កណ្តាល៖ កម្លាំងនគរបាលស្រុកកណ្តាលស្ទឹង សហការជាមួយ​នគរបាល​ជំនាញ​ខេត្តកណ្ដាល​កំពុង​បើក​ការស្រាវជ្រាវ លើករណីប្រទះ​ឃើញ​បុរស​ម្នាក់​ដេក​ក្នុង​ថ្លុក​ឈាម​រង​របួស​ធ្ងន់​នៅ​លើ​ផ្លូវជាតិលេខ២ និងបានស្លាប់ពេលបញ្ចូនដល់មន្ទីរពេទ្យ ដែលករណីនេះសាច់ញាតិសង្ស័យថា ជា​ករណី​កាប់​ប្លន់យកម៉ូតូពេលកំពុងធ្វើដំណើរ។ លោកវរសេនីយ៍ឯក ឡេង សុខរុន អធិការនគរបាលស្រុកកណ្តាលស្ទឹង បានប្រាប់ BTV តាម​ទូរស័ព្ទ​នា​រសៀលថ្ងៃទី២០ ខែមករា ឆ្នាំ២០២៤នេះឱ្យដឹងថា ករណីនេះ សមត្ថកិច្ចមិន​ទាន់​អាច​កំណត់​បាន​ ១០០ភាគរយនៅឡើយទេ ថាជាករណីអ្វីឱ្យពិតប្រាកដ ខណៈជនរង​គ្រោះ​ត្រូវ​បាន​គេ​ប្រទះ​ឃើញ​ដួលដេកលើផ្លូវតែម្នាក់ឯង និងមិនមានសាក្សី​បាន​ឃើញ​ហេតុការណ៍​ពេល​កើត​ហេតុ​នោះ​ឡើយ។ លោកអធិការស្រុកបន្ថែមថា សមត្ថកិច្ច​ជំនាញ​ផ្នែក​កោលស្យ​វិច្ច័យ​ក៏បាន​ធ្វើការ​ពិនិត្យ​របួស​ដែល​មាន​លើ​ផ្ទះ​មុខ​ជនរងគ្រោះផងដែរ ដោយលទ្ធិផលបញ្ជាក់ថា ផ្នែកមុខគាត់ គឺត្រូវទង្គិចនឹង​របស់​រឹង​ម្យ៉ាង ដែលបណ្តាលឱ្យបែកមុខខ្លាំងនៅចង្ការរហែកដល់សៀតថ្កា ដោយនោះមិន​មែន​ជា​ស្នាក​ស្នាម​ដែល​រងរបួសដោយកាំបិតកាប់នោះឡើយ។ បន្ថែមពីនោះ​ទៀត​មួក​សុវត្ថិភាព​របស់​ជន​រង​គ្រោះ​បាន​បែក​ប្រេះអស់ ហើយនៅកន្លែងកើតហេតុក៏មានប្រទះឃើញដុំឥដ្ឋបែកមួយដុំផងដែរ។ លោកអធិការបន្ថែមថា នគរបាលកំពុងបន្តការស្រាវជ្រាវ ដើម្បីឈានទៅកំណត់ចំពោះករណីនេះ និងបន្តស្រាវជ្រាវតាមស្វែករកម៉ូតូរបស់ជនរងគ្រោះ ដើម្បីយកប្រគល់ជូនសាច់ញាតិវិញ។ ជនរងគ្រោះក្នុងករណីឈ្មោះ​ ហៀង​ ភេទប្រុស​ អាយុ​៤៧​ឆ្នាំ​ មានស្រុកកំណើតនៅភូមិព្រៃស្នួល​ ឃុំរវៀង​ ស្រុកសំរោង​ ខេត្តតាកែវ​។ ចំណែកម៉ូតូដែលបាត់ម៉ាកហុងដាឌ្រ៊ីម សេ​១២៥​ ពណ៌ខ្មៅ​ ស៊េរី​ឆ្នាំ២០២២ ពាក់ស្លាកលេខ តាកែវ​ 1AC - 2119​ គឺជាម៉ូតូដែលជនរងគ្រោះខ្ចីគេជិះ។ បច្ចុប្បន្ន សព​ជនរងគ្រោះត្រូវបានសាច់ញាតិ តម្កល់​ធ្វើ​បុណ្យ​តាម​ប្រពៃណី​នៅ​ឯ​ស្រុក​កំណើត​ខាង​ប្រពន្ធ​នៅ​ខេត្តតាកែវ ។ ករណីនេះបានកើតឡើងនៅវេលាយប់រំលងអាធ្រាត្រឈានចូលថ្ងៃទី១៩ ខែមករា ឆ្នាំ២០២៤ ជន​រង​គ្រោះ​ត្រូវ​បាន​ពលរដ្ឋ​អ្នក​ដំណើរប្រទះ​ឃើញ​ដេក​រង​របួស​ក្នុង​ថ្លុក​ឈាម​លើ​កំណាត់​ផ្លូវ​ជាតិ​លេខ២ ​ក្បែរស្ពានក្រវ៉ាត់ក្រុងទី៣ ក្នុងឃុំជើងកើប ស្រុកកណ្តាលស្ទឹង ខេត្តកណ្តាល តែម្នាក់ឯង ដោយ​ក្នុងនោះគេបានប្រទះឃើញដុំឥដ្ឋ និងដុំថ្មមួយចំនួនបែកនៅក្បែរខ្លួនជនរងគ្រោះផងដែរ។ ដោយ​បាន​ឃើញដូចនោះ ពលរដ្ឋដែលបានឃើញហេតុការណ៍ ក៏បានជួយ​យក​ទូរស័ព្ទ​ក្នុង​ខ្លួន​ជន​រង​គ្រោះ​ទំនាក់ទំនងទៅតាមលេខដែលមានក្នុងទូរស័ព្ទ ហៅចូលបងប្អូនសាច់ញាតិ ទើប​សាច់​ញាតិ​ជន​រង​គ្រោះធ្វើ​ដំណើរមកពីស្រុក ដើម្បីដឹកបញ្ចូនជនរងគ្រោះទៅសង្គ្រោះនៅមន្ទីរពេទ្យ។តាមប្រភពពីសាច់ញាតិបានឱ្យដឹងថា ជនរងគ្រោះបានធ្វើដំណើរចេញពីស្រុកទាំងយប់ ទៅ​ទទួល​ប្រពន្ធ​ដែល​កំពុងធ្វើការនៅភ្នំពេញ ដើម្បីត្រឡប់មកស្រុកវិញ ដើម្បីត្រៀម​ចូល​រួម​ហែរ​ជំនួន​ក្នុង​ពិធី​មង្គល​ការក្មួយស្រីបង្កើតនៅព្រឹកថ្ងៃទី១៩នេះ ប៉ុន្តែជាអកុសល​ធ្វើ​ដំណើរ​មិន​ទាន់​ដល់​ភ្នំពេញ​ផង​ ក៏ជួបរឿងហេតុបែបនេះតែម្តងទៅ ។ សាច់ញាតិជនរងគ្រោះឱ្យដឹងថា ស្ថានភាពជីវភាពគ្រួសារជនរងគ្រោះ គឺមាន​ភាព​ខ្សត់​ខ្សោយ​ខ្លាំង​ណាស់ រកមួយថ្ងៃរស់មួយថ្ងៃនោះទេ ដោយជនរងគ្រោះជាប្តីធ្វើសំណង់ និងស្ត្រីជា​ប្រពន្ធ​ធ្វើ​ការ​ស៊ី​ឈ្នួល​នៅ​ភ្នំពេញ មានកូនប្រុសស្រី០៤នាក់នៅក្នុងបន្ទុកផងដែរ។សាច់ញាតិជនរងគ្រោះអំពាវនាវសូមឱ្យសមត្ថកិច្ចជួយយកចិត្តទុកដាក់ស្រាវជ្រាវ ដើម្បី​តាម​យក​ម៉ូតូ​ដែល​គាត់​ខ្ចី​គេ​យក​មកវិញផង ព្រោះគាត់កំពុងក្រលំបាកស្រាប់ទៅហើយ តើនៅមានលទ្ធិភាព​ឯណាត្រូវ​សង​ម៉ូតូគេទៀតនោះ ។ ពលរដ្ឋអ្នកដំណើរក៏បានសំណូមពរដល់សមត្ថកិច្ចខេត្តកណ្តាលបន្ថែមកម្លាំងចេញល្បាតចេញពួនស្ទាក់​ ដើម្បីបង្ការបង្ក្រាបទប់ស្កាត់អំពើអសន្តិសុខនានា នាពេលរាត្រីឱ្យបានខ្លាំងខ្លាផង៕ លីហេង

ឪពុកដែលគំរាមសម្លាប់កូន​ ហើយថតវីដេអូបង្ហោះតាមហ្វេសប៊ុក សមត្ថកិច្ចចាប់ខ្លួនបានហើយ ឯកូនប្រុសមានសុវត្ថិភាព

2024/01/20 03:52:23 pm        2390
Facebook Telegram Linkin
កំពត៖ ស្នងការដ្ឋាននគរបាលខេត្តកំពត នៅរសៀលថ្ងៃទី២០ខែមករានេះ បានឲ្យដឹងថា នារសៀល​នេះ ចំពោះករណីឪពុកគំរាមសម្លាប់កូនប្រុសខ្លួនឯង ហើយថតវីដេអូ​បង្ហោះ​តាម​ហ្វេសប៊ុក​នោះ កម្លាំងសមត្ថកិច្ចចាប់បានហើយ​ ឯកូនប្រុស គឺមានសុវត្ថិភាពធម្មតា។ បើតាម​ស្នង​ការ​ខេត្តបានឲ្យដឹងថា បច្ចុប្បន្ន ក្មេងប្រុសបានប្រគល់ជូនម្តាយហើយ ដោយឡែកប្តីបន្តនិតិវិធី តាមច្បាប់​។

ជិះម៉ូតូពីស្រុកទៅយកប្រពន្ធនៅភ្នំពេញ ត្រូវគេគប់ដុំថ្មប្លន់ម៉ូតូ នៅផ្លូវជាតិលេខ២ ក្នុងស្រុកកណ្តាលស្ទឹង

2024/01/19 02:52:19 pm        2219
Facebook Telegram Linkin
កណ្តាល៖ បុរសម្នាក់បានរងរបួសធ្ងន់ធ្ងរក្បែរស្លាប់ បន្ទាប់ពីរូបគេបានធ្វើដំណើរតាមបណ្តោយផ្លូវជាតិលេខ២ ហើយត្រូវជនមិនស្គាល់មុខយកដុំថ្មគប់បណ្តាលឱ្យដួល ហើយក៏លើកម៉ូតូយកទៅបាត់ស្រមោល បង្កឱ្យមានការភ្ញាក់ផ្អើលឡើង កាលពីវេលាម៉ោង១១យប់ថ្ងៃទី១៨ ខែមករា ឆ្នាំ២០២៤ ត្រង់ចំណុចម្តុំស្ពានក្រវ៉ាត់ក្រុង ស្ថិតក្នុងស្រុកកណ្តាលស្ទឹង ខេត្តកណ្តាល ។ ជនរងគ្រោះមានឈ្មោះ ហៀង ភេទប្រុស អាយុ ៤៧ ឆ្នាំ មានស្រុកកំណើតនៅភូមិព្រៃស្នួល ឃុំរវៀង ស្រុកសំរោង ខេត្តតាកែវ ។ ចំណែកម៉ូតូដែលចោរប្លន់យកទៅបាត់នោះម៉ាកសេ ១២៥ ពណ៌ខ្មៅ ពាក់ស្លាកលេខ តាកែវ 1AC - 2119 ជាម៉ូតូដែលជនរងគ្រោះខ្ចីគេជិះ ។តាមប្រភពព័ត៌មាន បានឱ្យដឹងថា ជនរងគ្រោះត្រូវបានពលរដ្ឋអ្នកដំណើរប្រទះឃើញដេករងរបួស​ក្នុងថ្លុកឈាមលើកំណាត់ផ្លូវជាតិលេខ២ ​តែម្នាក់ឯងនៅវេលាកើតហេតុខាងលើ ក្នុងនោះគេ​បានប្រទះឃើញដុំឥដ្ឋ និងដុំថ្មមួយចំនួនបែកនៅក្បែរខ្លួនជនរងគ្រោះផងដែរ ។ ដោយបានឃើញដូចនោះ ​ពលរដ្ឋដែលបានឃើញហេតុការណ៍ ក៏បានជួយយកទូរស័ព្ទក្នុងខ្លួន​ជនរងគ្រោះទំនាក់ទំនងទៅតាមលេខដែលមានក្នុងទូរស័ព្ទ ក៏ខលចូល​បងប្អូន​សាច់ញាតិ ទើប​សាច់ញាតិជនរងគ្រោះធ្វើដំណើរមកពីស្រុក ​ដើម្បីដឹក​បញ្ចូន​ជនរងគ្រោះទៅសង្គ្រោះនៅមន្ទីរពេទ្យ ។ តាមប្រភពពីសាច់ញាតិ បានឱ្យដឹងថា ជនរងគ្រោះ បានធ្វើចេញពីស្រុកទាំងយប់ ទៅទទួល​ប្រពន្ធដែលកំពុងធ្វើការនៅភ្នំពេញ ​ដើម្បីត្រឡប់មកស្រុកវិញ ត្រៀម​ចូលរួម​ហែរ​ជំនូន​ក្នុងពិធីមង្គលការក្មួយស្រីបង្កើត នៅព្រឹកថ្ងៃទី១៩ ខែមករានេះ ។ ប៉ុន្តែជាអកុសល ធ្វើដំណើរមិនទាន់ដល់ភ្នំពេញផង​ ក៏ជួបរឿងហេតុបែបនេះតែម្តងទៅ ។ បច្ចុប្បន្នជនរងគ្រោះ កំពុងសង្គ្រោះនៅមន្ទីរពេទ្យ ដោយក្រុមគ្រូពេទ្យបានប្រាប់សាច់ញាតិថា ស្ថានភាពរងរបួសជនរងគ្រោះ ​គឺសង្ឃឹមនៅរស់តិចតួចបំផុត ​ដោយសារផ្ទៃមុខ គឺរងរបួស​បែកធ្ងន់ធ្ងរខ្លាំងបំផុត ។ ក្នុងនោះដែរ កម្លាំងនគរបាលស្រុក និងនគរបាលថ្នាក់ខេត្ត ក៏បានចុះទៅដល់មន្ទីរពេទ្យ ដើម្បី​សាកសួរនាំព័ត៌មាន និងទទួលពាក្យបណ្តឹងពីសាច់ញាតិជនរងគ្រោះ ដើម្បីបើកការស្រាវជ្រាវ​ឱ្យបានច្បាស់លាស់ថាជាករណីអ្វី ក្នុងការបន្តរកយុត្តិធម៌ជូនរងគ្រោះ ​ប្រសិនបើកំណត់ឃើញថា ជា​ករណីប្លន់យកម៉ូតូប្រាកដមែន សមត្ថកិច្ច​នឹងបន្តជំនាញតាមចាប់ខ្លួនជនសង្ស័យ​យកមកផ្តន្ទាទោស​តាមផ្លូវច្បាប់ ។សូមបញ្ជាក់ថា ស្ថានភាពជីវភាពគ្រួសារជនរងគ្រោះ​ គឺមានភាពក្រ​ខ្សត់ខ្សោយ​ខ្លាំងណាស់ រកមួយថ្ងៃរស់មួយថ្ងៃនោះទេ​ ដោយជនរងគ្រោះជាប្តីធ្វើសំណង់ ​និងដើររកក្តាមខ្យងតាមវាលស្រែ​យកមកទទួលក្នុងគ្រួសារ ​ហើយស្ត្រីជាប្រពន្ធធ្វើការស៊ីឈ្នួលនៅភ្នំពេញ ​ខណៈដែលអ្នកទាំង២ ក៏មាន​កូនប្រុសស្រី០៤នាក់ ​នៅក្នុងបន្ទុកផងដែរ ។ ឥលូវបុរសជាប្តីមកជួបរឿងអកុសល​បែបនេះ​ទៅទៀត តើឱ្យស្ត្រីជាប្រពន្ធ រំពឹងអ្វីទៀត ​ដើម្បី​ជ្រោមជ្រែង​គ្រួសារដ៏កម្សត់មួយនេះឱ្យទៅមុខបាន ។ សាច់ញាតិជនរងគ្រោះអំពាវនាវ ​សូមឱ្យសមត្ថកិច្ចជួយយកចិត្តទុកដាក់ស្រាវជ្រាវ ដើម្បី​តាមយក​ទ្រព្យម៉ូតូ​ដែលគាត់ខ្ចីគេយកមកវិញផង ព្រោះគាត់កំពុងក្រលំបាក​ស្រាប់ទៅហើយ តើនៅ​មានលទ្ធិភាពឯណាត្រូវសងម៉ូតូគេទៀតនោះ ​ខណៈដែលជនរងគ្រោះរងរបួសក្បែរស្លាប់បែបនេះ ។ ពលរដ្ឋអ្នកដំណើរ​ ក៏បានសំណូមពរដល់សមត្ថកិច្ចតាមមូលដ្ឋាន ​មានខេត្តកណ្តាល ​និងខេត្តតាកែវ ដែលមានការជាប់ពាក់ព័ន្ធនៅលើកំណាត់ផ្លូវជាតិ​លេខ០២ ​សូមមេត្តាបន្ថែម​កម្លាំងចេញល្បាតចេញ​ពួនស្ទាក់ ​ដើម្បីបង្ការបង្ក្រាបទប់ស្កាត់អំពើអសន្តិសុខនានា ​នាពេលរាត្រីឱ្យបានខ្លាំងខ្លាផង ខណៈដែលបច្ចុប្បន្ននេះ ​គេបានសង្កេតឃើញថា ​សកម្មភាព​ក្រុមក្មេងទំនើងកាប់ចាក់គ្នា ដេញ​គប់វាយគ្នា និងគប់វាយបំផ្លាញទ្រព្យសម្បត្តិអ្នកដទៃ ​ឬក៏ឈ្លៀតឱកាសធ្វើសកម្មភាពប្លន់ ក៏កំពុងកើតមានជា​ញឹកញយ​ផងដែរ ​ព្រោះតែដងផ្លូវខាងលើ ​គឺជាផ្លូវស្ងាត់ ​ហើយងងិតទៀត ទើបជាកត្តាឱ្យក្រុមជនសង្ស័យ​អាចមាន​ឱកាសគ្រប់គ្រាន់ក្នុងការធ្វើសកម្មភាព ៕ លីហេង

លោក ដេវីត កាមេរូន ប្រាប់រដ្ឋមន្ត្រីអ៊ីរ៉ង់ថា ការវាយប្រហារនៅសមុទ្រក្រហម ត្រូវតែបញ្ចប់

2024/01/19 01:12:36 pm        98
Facebook Telegram Linkin
រដ្ឋមន្ត្រីការបរទេសអង់គ្លេស លោក ដេវីត កាមេរូន បាននិយាយថា លោកបានបញ្ជូន «សារច្បាស់លាស់» ជូនរដ្ឋាភិបាលអ៊ីរ៉ង់ថា ការវាយប្រហាររបស់ក្រុមឧទ្ទាមហួទីនៅសមុទ្រក្រហម ត្រូវតែបញ្ចប់។លោកដេវីត កាមេរូន បានជួបជាមួយរដ្ឋមន្ត្រីការបរទេសអ៊ីរ៉ង់លោកហ៊ូសេន អាមីរ៉ាប់ឌូឡាហៀន (Hossein Amir-Abdollahian) នៅឯវេទិកាសេដ្ឋកិច្ចពិភពលោកកាលពីថ្ងៃពុធ។ការិយាល័យបរទេស បាននិយាយថា នៅក្នុងកិច្ចប្រជុំនោះ លោកបានថ្កោលទោសការវាយប្រហារដោយគ្រាប់រ៉ុក្កែតរបស់ក្រុមហួទីថា ខុសច្បាប់ និងមិនអាចទទួលយកបានលើនាវាដែលប្រើប្រាស់ផ្លូវពាណិជ្ជកម្មសមុទ្រក្រហមដ៏សំខាន់នេះ។លោកបានអំពាវនាវឲ្យអ៊ីរ៉ង់ប្រើឥទ្ធិពលរបស់ខ្លួន «ដើម្បីទប់ស្កាត់មិនឲ្យមានការគំរាមកំហែងបន្ថែម ទៀត»។ថ្លែងទៅកាន់សារព័ត៌មាន BBC ក្នុងកិច្ចប្រជុំមេដឹកនាំធុរកិច្ច និងនយោបាយ នៅទីក្រុងដាវូស ( Davos) ប្រទេសស្វ៊ីស លោកដេវីត កាមេរូន បាននិយាយថា៖«សេរីភាពនៃការធ្វើនាវាចរណ៍ គឺជាសេរីភាពដ៏សំខាន់សម្រាប់ពាណិជ្ជកម្មពិភពលោក»។លោកដេវីត បាននិយាយថា អ៊ីរ៉ង់«ទទួលខុសត្រូវចំពោះអស្ថិរភាពជាច្រើននៅក្នុងតំបន់»តាមរយៈការគាំទ្រក្រុមហាម៉ាសនៅហ្គាហ្សា ក្រុមហេសបូឡានៅលីបង់ និងក្រុមហួទីនៅប្រទេសយេម៉ែន។ចក្រភពអង់គ្លេសមាន «ទំនាក់ទំនងដ៏លំបាក» ជាមួយអ៊ីរ៉ង់ ប៉ុន្តែ «ការងាររបស់រដ្ឋមន្ត្រីការបរទេស គឺដើម្បីជួប និងផ្តល់សារច្បាស់លាស់មួយចំនួន ដែលជាអ្វីដែលខ្ញុំបានធ្វើ»។

ក្រុមជនសង្ស័យចំនួន១៨នាក់ ត្រូវបាននគរបាលធ្វើការបង្ហាញមុខជាសាធារណៈ​ពាក់ព័ន្ធ​ករណីកាប់ប្លន់

2024/01/19 12:45:30 pm        327
Facebook Telegram Linkin
ក្រុមជនសង្ស័យចំនួន១៨ នាក់ ដែលជាមុខសញ្ញាធ្វើសកម្មភាព​កាប់​ប្លន់​យ៉ាង​សកម្ម​ក្នុង​ភូមិ​សាស្ត្រ​រាជ​ធានីភ្នំពេញ ត្រូវ​បាន​កម្លាំង​នគរបាល​ព្រហ្ម​ទណ្ឌ​នៃ​ស្នង​ការដ្ឋាន​នគរបាល​រាជ​ធានី​ភ្នំពេញ ធ្វើការបង្ហាញមុខជាសាធារណៈ នាព្រឹកថ្ងៃទី១៩ ខែមករា ឆ្នាំ២០២៤នេះ។ ជនសង្ស័យជាក្រុមក្មេងទំនើងនិងជាក្រុមដែលកាប់ប្លន់យ៉ាងសកម្មក្នុងភូមិសាស្ត្ររាជធានីភ្នំពេញត្រូវ​បាន​កម្លាំងនគរបាលព្រហ្មទណ្ឌ នៃស្នងការដ្ឋាននគរបាលរាជធានីភ្នំពេញ​សហការ​ជាមួយ​នឹង​កម្លាំង​អធិការដ្ឋាននគរបាលខណ្ឌធ្វើការស្រាវជ្រាវឃាត់ខ្លួនជាបន្តបន្ទាប់ ពាក់ព័ន្ធនឹងករណី​កាប់​ប្លន់ និង​ហិង្សាមានស្ថានទម្ងន់ទោស។ប្រតិបត្តិការនៃការឃាត់ខ្លួនក្រុមជនសង្ស័យទាំង១៨នាក់នេះកម្លាំងជំនាញបានធ្វើការងារស្រាវជ្រាវ​ឃាត់ជាបន្តបន្ទាប់ នៅថ្ងៃទី១៦ និងថ្ងៃទី១៧ ខែមករាឆ្នាំ ២០២៤ នៅចំណុចផ្សេងៗគ្នា ក្នុង​ភូមិ​សាស្ត្រ​រាជធានីភ្នំពេញ។ មកពីកម្លាំងជំនាញបានទទួលពាក្យបណ្ដឹងពីជនរងគ្រោះដោយ ក្រុម​ជន​សង្ស័យបានធ្វើសកម្មភាព ធ្លាក់ប្លន់យកម៉ូតូនិងកាប់ជនរងគ្រោះអោយរងរបួសផងនោះ។សូមបញ្ជាក់ផងដែរនៅក្នុងរង្វង់ប្រតិបត្តិការនៃការឃាត់ខ្លួនក្រុមជនសង្ស័យទាំង១៨ នាក់​នេះ​កម្លាំង​ជំនាញ បានដករហូតវត្ថុតាងកាំភ្លើងខ្លីមួយដើម កាំបិតប៉័ងតោចំនួន០៣ និងម៉ូតូចំនួន០៩ គ្រឿង​ផងដែរ។បញ្ជាក់ផងដែរកាលពីថ្ងៃទី០៧ ខែមករាឆ្នាំ ២០២៤ ជនរងគ្រោះបានជិះម៉ូតូមួយគ្រឿងឌុបគ្នា ចេញ​ពី​ក្លឹប​មួយ​កន្លែង ជិះតាមបណ្ដោយផ្លូវលេខ៩៩R នៅម្ដុំទួលសង្កែ ពេលនោះស្រាប់​តែ​មាន​ក្រុម​ជន​សង្ស័យមួយក្រុមមានគ្នាជាង ១០ នាក់ជិះម៉ូតូ ៥គ្រឿង ស្រែកថាកាប់កាត់សាញ ភ្លាម​នោះ​ក្រុម​ជនសង្ស័យបានជិះម៉ូតូតាមជនរងគ្រោះដោយធ្វើសកម្មភាព ធាក់ម៉ូតូជនរងគ្រោះឲ្យដួល ហើយ​យក​កាំបិត​បុ័ងតោ គប់ទៅលើជនរងគ្រោះ តែសំណាងល្អមិនត្រូវ ហើយក្រុមជន​សង្ស័យ​ផ្សេង​ទៀត​បាន​រើស​ដុំ​ថ្ម​តាមផ្លូវគប់ទៅលើជនរងគ្រោះម្នាក់ទៀតរងរបួសជើង។ បន្ថែមទៀ​ត​នោះ​ក្រុម​ជន​សង្ស័យ​ផ្សេង​ទៀត​បាន​យក​កាំបិត​ផ្គាក់​កាប់​ទៅ​លើ​ជន​រង​គ្រោះ​បណ្ដាល​ឲ្យ​រង​របួស​ខ្នង​ហើយ​និងបានយកកាំបិតទៅកាប់កំទេចម៉ូតូរបស់ជនរងគ្រោះផងដែរ។បច្ចុប្បន្នក្រោយពីធ្វើការបង្ហាញមុខជនសង្ស័យទាំង១៨ នាក់នេះជាសាធារណៈ រួចកម្លាំង​ជំនាញ​បាន​កសាង​សំណុំរឿង​ និង​បញ្ជូន​ខ្លួន​ជន​សង្ស័យ​ទាំង​អស់​ដើម្បី​ទៅ​អយ្យ​អម​សាលា​ដំបូង​រាជ​ធានី​ភ្នំពេញ​ចាត់​ការតាមនីតិវិធី៕ អត្ថបទ៖ កុម្ភៈ

បណ្ដាញសង្គម

ព័ត៌មានថ្មីៗ

អ្នកនពាំពាក្យ៖ សមរភូមិក្រោយ និងសមរភូមិមុខត្រូវបានផ្សារភ្ជាប់គ្នាយ៉ាងជិតស្និទ្ធ ល្អិតរមួត តាម​រយៈ​ការ​ចែករម្លែកកា​រសប្បាយរីករាយ ការលំបាក និងការផ្ញើសារសួរសុខទុក្ខ
04/19/2026 12:04 PM
Facebook Telegram Linkin
ប្រធានាធិបតីប្រេស៊ីល និងនាយករដ្ឋមន្រ្តីអេស្ប៉ាញលើកកម្ពស់គោលនយោបាយវឌ្ឍនភាព
04/19/2026 12:04 PM
Facebook Telegram Linkin
អ្នកនាំពាក្យ៖ កិច្ចការពារបូរណភាពទឹកដី និងប្រជាជនជាអាទិភាពខ្ពស់បំផុតរបស់រាជរដ្ឋាភិបាល ខណៈ​កម្ពុជា​សង្ឃឹម​ថាភាគីថៃនឹងបន្តគោរពតាមខ្លឹមសារនៃសេចក្តីប្រកាសរួម
04/19/2026 11:04 AM
Facebook Telegram Linkin
គណៈប្រតិភូសភាកម្ពុជា ជួបពិភាក្សាទ្វេភាគីជាមួយប្រធានរដ្ឋសភាតួកគីយ៉េ និង​ថ្លែង​សុន្ទរកថា​ក្នុង​មហាសន្និបាត IPU លើកទី១៥២
04/19/2026 11:04 AM
Facebook Telegram Linkin
មេដឹកនាំកំពូលអ៊ីរ៉ង់៖ កងទ័ពជើងទឹកត្រៀមខ្លួនរួចរាល់ក្នុងការបង្កបរាជ័យដ៏ជូរចត់ថ្មីដល់អាមេរិក និងអ៊ីស្រាអែល
04/19/2026 11:04 AM
Facebook Telegram Linkin
ក្រសួងស្ថាប័ន មន្រ្ដីរាជការ និងពលរដ្ឋ ថ្វាយព្រះពរ​ព្រះករុណា​ព្រះមហាក្សត្រ​ឆាប់​បាន​ជា​សះ​ស្បើយ​ពី​ព្រះរោគ
04/19/2026 10:04 AM
Facebook Telegram Linkin
សម្ដេចតេជោ និងសម្ដេចធិបតី ថ្វាយ​ព្រះពរ​ព្រះករុណា​ព្រះមហាក្សត្រ​ឆាប់​បាន​ជា​សះស្បើយ​ពី​ព្រះ​រោគ
04/19/2026 10:04 AM
Facebook Telegram Linkin
ពលរដ្ឋ និងភ្ញៀវទេសចរ ចូលទស្សនា ព្រលានយន្តហោះពោធិ៍ចិន មាន​ចំនួន​ច្រើន​លើស​ការ​រំពឹង​ទុក
04/19/2026 10:04 AM
Facebook Telegram Linkin
រដ្ឋមន្រ្តីការបរទេសរុស្ស៊ី ៖ ពេលវេលាដល់ហើយសម្រាប់ការសន្ទនាជាមួយអាមេរិកពីទំនាក់ទំនងសេដ្ឋកិច្ចអនាគត
04/19/2026 10:04 AM
Facebook Telegram Linkin
អ៊ីរ៉ង់និយាយថា គ្មានការកំណត់កាលបរិច្ឆេតនោះទេសម្រាប់ជុំបន្ទាប់នៃកិច្ចចរចាជាមួយអាមេរិក
04/19/2026 09:04 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.