BTV NEWS

គណៈបញ្ជាការឯកភាពរាជធានី បន្តប្រតិបត្តិការបង្ក្រាបទីតាំង Online Scams ឃាត់ជនបរទេសជាង៣០០នាក់ នៅខណ្ឌដូនពេញ

ឃាត់ខ្លួនជនសង្ស័យ ៤៩នាក់ពាក់ព័ន្ធ Online Scams និងជនបរទេសស្នាក់នៅខុសច្បាប់ជាច្រើននាក់ទៀត

នគរបាលរាជធានីបង្ហាញមុខជនសង្ស័យ ៣៥នាក់ពាក់ព័ន្ធ ១០ករណីផ្សេងគ្នា

ជនជាតិចិនចំនួន៣៣៩នាក់ ពាក់ព័ន្ធករណី Online Scams ត្រូវបានបណ្ដេញចេញពីកម្ពុជា

សន្តិសុខ និង សង្គម

មនុស្ស ៩នាក់ស្លាប់ និងច្រើននាក់ទៀតរបួស ក្នុងហេតុការណ៍ផ្ទុះរោងចក្រផលិតគ្រឿងផ្ទុះនៅឥណ្ឌា

មន្ត្រីនគរបាលក្នុងតំបន់ម្នាក់បានប្រាប់សារព័ត៌មានរ៉យទ័រ ថា យ៉ាងហោចណាស់កម្មករ ៩នាក់ បានស្លាប់ និងមនុស្សជាច្រើននាក់ទៀតរងរបួសនៅក្នុងការផ្ទុះរោងចក្រផលិតគ្រឿងផ្ទុះនៅទីក្រុង ណាកពួរ (Nagpur) ក្នុងស្រុកមួយភាគកណ្តាលក្នុងរដ្ឋ ម៉ាហារ៉ាស្រ្តា (Maharashtra) កាលពីព្រឹកថ្ងៃអាទិត្យ (១៧ ធ្នូ)។មន្ត្រីនគរបាលដែលមាននាមត្រកូលថា សាវ (Salve) រូបនោះបាននិយាយថា ការផ្ទុះនេះបានកើតឡើងកាលពីព្រឹកថ្ងៃអាទិត្យនៅឯរោងចក្រមួយដែលដំណើរការដោយឧស្សាហកម្មថាមពលពន្លឺព្រះអាទិត្យរបស់ប្រទេសឥណ្ឌា។ យោងតាមគេហទំព័រ ឧស្សាហកម្មថាមពលពន្លឺព្រះអាទិត្យ បានឱ្យដឹងថា រោងចក្រនេះផលិតគ្រឿងផ្ទុះឧស្សាហកម្ម និងយោធា ក៏ដូចជាឧបករណ៍ជំរុញ និងក្បាលគ្រាប់សម្រាប់វិស័យការពារជាតិរបស់ប្រទេសឥណ្ឌា។លោក សាវ បាននិយាយថា អ្នករងរបួសត្រូវបានបញ្ជូនទៅមន្ទីរពេទ្យនៅក្បែរនោះ ដោយបន្ថែមថាចំនួនអ្នកស្លាប់ និងរបួសអាចកើនឡើងទៀត ហើយនគរបាលកំពុងបន្តស៊ើបអង្កេតរកមូលហេតុនៃការផ្ទុះដែលកើតឡើងនៅកន្លែងវេចខ្ចប់រោងចក្រមួយនេះ។ឧស្សាហកម្មថាមពលពន្លឺព្រះអាទិត្យឥណ្ឌា បានបញ្ជាក់នៅក្នុងសេចក្តីថ្លែងការណ៍មួយទៅកាន់ផ្សារហ៊ុនថា កម្មករ ៩នាក់ត្រូវបានសម្លាប់ ហើយបាននិយាយថា ខ្លួនកំពុងស៊ើបអង្កេតមូលហេតុនៃឧប្បត្តិហេតុនេះ ព្រមទាំងសកម្មភាពកែតម្រូវ និងបង្ការដែលត្រូវការដើម្បីអនុវត្ត៕

យោធាអ៊ីស្រាអែល៖ សញ្ញាសុំជំនួយ S.O.S. ត្រូវបានរកឃើញនៅកន្លែងលាក់ខ្លួនរបស់ចំណាប់ថ្នូរ

យោធាអ៊ីស្រាអែលបាននិយាយកាលពីថ្ងៃអាទិត្យ (១៧ ធ្នូ) ថាសញ្ញាសុំជំនួយដែលសរសេរថា «ជួយផង (S.O.S)» ជាភាសាអង់គ្លេស និង «ជួយផង មានចំណាប់ថ្នូរបីនាក់» ជាភាសាហេប្រ៊ូ ត្រូវបានរកឃើញនៅលើជញ្ជាំងនៃអគារនៅតំបន់ហ្កាហ្សា មួយជាទីដែលចំណាប់ថ្នូរអ៊ីស្រាអែលបីនាក់ បានលាក់ខ្លួនមុនពេលពួកគេត្រូវបានសម្លាប់ដោយច្រឡំ។យោធាបានចែកចាយរូបថតនៃស្លាកសញ្ញាក្រណាត់ពណ៌ស សរសេរជាពណ៌ក្រហម ដែលទំនងជាសរសេរដោយប្រើប្រាស់សំណល់អាហារ។ អ្នកនាំពាក្យ លោកយោធាឧត្តមនាវីឯក ដានីញ៉ែល ហាហ្ការី (Daniel Hagari) បាននិយាយថា សញ្ញានោះត្រូវបានព្យួរនៅលើអគារប្រហែល ២០០ម៉ែត្រពីកន្លែងដែលចំណាប់ថ្នូរត្រូវបានបាញ់។យោធាអ៊ីស្រាអែលបាននិយាយថា ពួកគេបានលើកទង់ពណ៌ស និងមិនបានពាក់អាវនោះទេនៅពេលត្រូវបានគេបាញ់ ដែលនោះជាការប្រឆាំងនឹងច្បាប់ប្រយុទ្ធរបស់អ៊ីស្រាអែល។ ប្រមុខយោធាអ៊ីស្រាអែលបានប្រាប់ទាហាននៅក្នុងតំបន់ហ្កាហ្សា កុំឲ្យមានកំហុសនោះកើតឡើងម្ដងទៀតឲ្យសោះ ហើយយោធាកំពុងស៊ើបអង្កេតការស្លាប់នេះ។ចំណាប់ថ្នូរជនជាតិអ៊ីស្រាអែលជាង ១០០នាក់ នៅតែស្ថិតក្នុងតំបន់ហ្កាហ្សា ដោយឃុំខ្លួនមិនឲ្យមានទំនាក់ទំនងទៅខាងក្រៅ បើទោះជាអ៊ីស្រាអែលអំពាវនាវឱ្យកាកបាទក្រហមចូលពិនិត្យថែទាំអ្នកទាំងនោះក៏ដោយ។ ក្នុងកិច្ចព្រមព្រៀងមួយដែលបានធ្វើឡើងកាលពីចុងខែវិច្ឆិកា ចំណាប់ថ្នូរស្ត្រី កុមារ ក្មេងជំទង់ និងជនបរទេសជាង ១០០នាក់ត្រូវបានដោះលែង ហើយចំណាប់ថ្នូរផ្សេងទៀតត្រូវអាជ្ញាធរអ៊ីស្រាអែលប្រកាសថាបានស្លាប់៕

ពលរដ្ឋអ៊ីស្រាអែលផ្ទុះកំហឹងកាន់តែខ្លាំង ក្រោយកងកម្លាំងការពារអ៊ីស្រាអែលបាញ់សម្លាប់ចំណាប់ថ្នូរ នៅហ្កាហ្សា

អ៊ីស្រាអែល បានបន្តវាយលុកតំបន់ហ្កាហ្សាកាលពីថ្ងៃអាទិត្យ ខណៈនាយករដ្ឋមន្ត្រី Benjamin Netanyahu បានប្រឈមនឹងសម្ពាធកាន់តែខ្លាំងឡើងក្នុងការធានាការដោះលែងចំណាប់ថ្នូរពីដៃក្រុមហាម៉ាសដែលនៅតែឃុំខ្លួននៅក្នុងតំបន់ហ្កាហ្សាស្ទ្រីប បន្ទាប់ពីកងទ័ពបានសារភាពថាបានបាញ់សម្លាប់ចំណាប់ខ្មាំងអ៊ីស្រាអែល បីនាក់ដោយច្រឡំ នៅក្នុងដែនដីប៉ាឡេស្ទីន។អ្នកទាំងបីស្ថិតក្នុងចំណោមមនុស្សប្រហែល ២៥០ នាក់ដែលត្រូវបានចាប់ជាចំណាប់ខ្មាំងក្នុងអំឡុងពេលការវាយឆ្មក់កាលពីថ្ងៃទី៧ខែតុលារបស់ក្រុមហាម៉ាស ចូលទៅក្នុងប្រទេសអ៊ីស្រាអែល និងក្នុងចំណោមមនុស្ស១៩.៨០០នាក់ ភាគច្រើនជាស្ត្រី និងកុមារដែលត្រូវបានសម្លាប់ដោយកងកម្លាំងអ៊ីស្រាអែលនៅតំបន់ហ្កាហ្សាចាប់តាំងពីអ៊ីស្រាអែលបានចាប់ផ្តើមការវាយលុកនៅទីនោះ។ មូលហេតុនៃការស្លាប់របស់ពួកគេនៅតែមិនច្បាស់លាស់ ប៉ុន្តែនៅក្នុងសេចក្តីថ្លែងការណ៍មួយកាលពីល្ងាចថ្ងៃសុក្រ កងកម្លាំងការពារអ៊ីស្រាអែល (IDF) បាននិយាយថា ក្នុងអំឡុងពេលប្រយុទ្ធនៅទីក្រុង សេចៃយ៉ា (Shejaiya)ក្នុងតំបន់ហ្កាហ្សា កងកម្លាំង IDF បានកំណត់អត្តសញ្ញាណចំណាប់ខ្មាំងអ៊ីស្រាអែលបីនាក់ដោយច្រឡំថាជាការគំរាមកំហែង។ កងទ័ពបានបាញ់ទៅលើពួកគេ ហើយចំណាប់ថ្នូរទាំង៣នាក់ ក៏ត្រូវបានកងទ័ពបាញ់សម្លាប់។ក្រោយមកមន្ត្រីយោធាម្នាក់ បានប្រាប់អ្នកយកព័ត៌មាននៅក្នុងសន្និសីទតាមទូរស័ព្ទថា ចំណាប់ខ្មាំងដែលគ្មានអាវ បានកាន់ទង់ពណ៌ស នៅពេលពួកគេត្រូវបានបាញ់ ដោយសំអាងប្រភពពីការស៊ើបអង្កេតដំបូងអំពីឧបទ្ទហេតុ ដែលបានធ្វើឱ្យប្រទេសនេះរង្គោះរង្គើ។ ដំណឹងដែលថាអ្នកទាំងបីត្រូវបានសម្លាប់ដោយកងកម្លាំងអ៊ីស្រាអែលបានជំរុញឱ្យមានការតវ៉ាពេលយប់នៅខាងក្រៅទីស្នាក់ការកងកម្លាំងការពារជាតិអ៊ីស្រាអែលក្នុងក្រុង Tel Aviv។ ចាប់តាំងពីពេលនោះមក កងទ័ពបានបង្ហាញពីសមានទុក្ខដ៏ជ្រាលជ្រៅហើយបាននិយាយថា ខ្លួនកំពុងស៊ើបអង្កេត ខណៈលោក Netanyahu បាននិយាយនៅក្នុងសេចក្តីថ្លែងការណ៍មួយថា លោករួមជាមួយប្រជាជនអ៊ីស្រាអែលទាំងអស់ សូមឱនគោរពដោយទុក្ខសោកយ៉ាងជ្រាលជ្រៅ និងកាន់មរណទុក្ខទុក្ខចំពោះការស្លាប់របស់កូនប្រុសជាទីស្រឡាញ់របស់យើងទាំងបីនាក់ ដែល ត្រូវបានគេចាប់ពង្រត់ បេះដូងរបស់យើងយល់ខ្លាំងណាស់ពីទុក្ខព្រួយរបស់ក្រុមគ្រួសារដែលបានជួបទុក្ខលំបាកនៅពេលនេះ៕

សង្គ្រាមអ៊ីស្រាអែល និងក្រុមហាម៉ាស៖ រថយន្តដឹកជំនួយ ត្រូវរងការវាយប្រហារពីហ្វូងមនុស្ស នៅតំបន់ហ្កាហ្សា

រថយន្តដឹកជំនួយនៅហ្កាហ្សា ត្រូវបានឡោមព័ទ្ធដោយហ្វូងមនុស្ស ដែលអស់សង្ឃឹម ដើម្បីដណ្តើមយកស្បៀងអាហារ និងគ្រឿងផ្គត់ផ្គង់សំខាន់ៗ ផ្សេងទៀត។រូបភាពវីដេអូពីសារព័ត៌មាន AP បានបង្ហាញជនជាតិប៉ាឡេស្ទីនរាប់សិបនាក់ជុំវិញរថយន្តជំនួយ នៅឯច្រកឆ្លងកាត់ Rafahពីប្រទេសអេហ្ស៊ីប ហើយឡើងលើរថយន្តជំនួយទាំងនោះ ដើម្បីរើយកកេសស្បៀង និង សម្ភារៈផ្គត់ផ្គង់បោះទៅឲ្យហ្វូងមនុស្ស។ករណីនេះ កើតឡើង បន្ទាប់ពីអង្គការសហប្រជាជាតិ បាននិយាយនៅសប្តាហ៍នេះថា ភាពអត់ឃ្លាន និងភាពអស់សង្ឃឹម កំពុងជំរុញមនុស្សឲ្យដណ្តើមយកជំនួយមនុស្សធម៌ ដែលត្រូវបានបញ្ជូនទៅតំបន់ហ្កាហ្សា ដោយព្រមានអំពី «ការឲ្យប៉ះពាល់ដល់សណ្តាប់ធ្នាប់ស៊ីវិល»។លោក Philippe Lazzarini ប្រធានទីភ្នាក់ងារអង្គការសហប្រជាជាតិទទួលបន្ទុកជនភៀសខ្លួនប៉ាឡេស្ទីនបាននិយាយកាលពីថ្ងៃសៅរ៍ថា៖«ខ្ញុំនឹងមិនមានការភ្ញាក់ផ្អើលទេ ប្រសិនបើមនុស្ស ចាប់ផ្តើមស្លាប់ ដោយភាពស្រេកឃ្លាន ឬការរួមបញ្ចូលគ្នានៃភាពស្រេកឃ្លាន ជំងឺ និងភាពស៊ាំនៃជំងឺចុះខ្សោយ»។

មនុស្សរាប់ពាន់នាក់រត់ភៀសខ្លួន ខណៈសង្រ្គាមស៊ូដង់ បានបើកសមរភូមិមុខថ្មី

កងកម្លាំងគាំទ្ររហ័ស RSF របស់ស៊ូដង់បានប្រយុទ្ធជាមួយកងទ័ពនៅខាងក្រៅភាគកណ្តាលទីក្រុង វ៉ាដ ម៉ាដានី (Wad Madani) កាលពីថ្ងៃសៅរ៍ ដោយបានបង្កឲ្យមានការបើកសមរភូមិថ្មីនៅក្នុងសង្គ្រាមរយៈពេលប្រាំបីខែហើយបានបង្ខំឱ្យមនុស្សរាប់ពាន់នាក់រត់ភៀសខ្លួន នេះបើយោងតាមសាក្សីជាច្រើន។ហ្វូងមនុស្ស ដែលភាគច្រើនបានភៀសខ្លួនចូលទៅក្នុងទីក្រុងនេះគេចពីអំពើហឹង្សាក្នុងរដ្ឋធានី ខាទុម (Khartoum) អាចត្រូវបានគេមើលឃើញថាកំពុងរៀបចំរបស់របរ និងចាកចេញដោយថ្មើរជើងនៅក្នុងវីដេអូដែលបានបង្ហោះនៅលើប្រព័ន្ធផ្សព្វផ្សាយសង្គម។សាក្សីបាននិយាយថា កងទ័ពស៊ូដង់ ដែលបានកាន់កាប់ទីក្រុងនេះចាប់តាំងពីការចាប់ផ្តើមនៃជម្លោះមក បានបើកការវាយប្រហារតាមអាកាសលើកងកម្លាំង RSF ទៅកាន់ភាគខាងកើតនៃទីក្រុង ដែលជារដ្ឋធានីនៃរដ្ឋ ហ្កេហ្ស៊ីរ៉ា (Gezira) ខណៈព្យាយាមវាយបកទៅវិញនូវការវាយប្រហារដែលបានចាប់ផ្តើមកាលពីថ្ងៃសុក្រ។សាក្សីបានបន្ថែមថា កងកម្លាំង RSF បានឆ្លើយតបដោយកាំភ្លើងធំ ហើយកងទ័ពរបស់កងកម្លាំង RSF នេះត្រូវបានគេមើលឃើញថាកំពុងចល័តទៅកាន់ទិសដៅនៃការប្រយុទ្ធ។ អង្គការសហប្រជាជាតិបាននិយាយថា មនុស្ស ១៤.០០០នាក់បានភៀសខ្លួនចេញពីតំបន់នោះមកទល់ពេលនេះ ហើយមនុស្សចំនួនពីរបីពាន់នាក់បានទៅដល់ទីក្រុងផ្សេងទៀតរួចហើយ។សហភាពវេជ្ជបណ្ឌិតស៊ូដង់បានព្រមាននៅក្នុងសេចក្តីថ្លែងការណ៍មួយថា មន្ទីរពេទ្យនានាក្នុងតំបន់ ដែលបានក្លាយជាមជ្ឈមណ្ឌលមនុស្សធម៌ និងផ្នែកវេជ្ជសាស្រ្តនេះ កំពុងអស់គ្រឿងសម្ភារៈសង្រ្គោះ ហើយអាចត្រូវបានបង្ខំឱ្យបិទដំណើរការក្នុងពេលឆាប់ៗនេះ៕

ប្រមុខការទូតបារាំង អំពាវនាវឲ្យមានបទឈប់បាញ់ នៅហ្កាហ្សាជាបន្ទាន់ និងយូរអង្វែង

រដ្ឋមន្ត្រីការបរទេសបារាំងលោកស្រី Catherine Colonna កាលពីថ្ងៃអាទិត្យ បានជំរុញឲ្យមានបទឈប់បាញ់ «ជាបន្ទាន់ និងយូរអង្វែង» នៅក្នុងសង្រ្គាមហ្កាហ្សា ដោយនិយាយថា៖«ជនស៊ីវិលច្រើនពេក កំពុងត្រូវបានសម្លាប់» នៅក្នុងទឹកដីប៉ាឡេស្ទីន។រដ្ឋាភិបាលហាម៉ាសរបស់ដែនដីនេះ បាននិយាយថា អ៊ីស្រាអែល បានស្ថិតនៅក្រោមសម្ពាធអន្តរជាតិកាន់តែខ្លាំងឡើងសម្រាប់បទឈប់បាញ់ នៅតំបន់ហ្កាហ្សា ជាកន្លែងដែលសង្រ្គាមរបស់ខ្លួនប្រឆាំងនឹងក្រុមសកម្មប្រយុទ្ធហាម៉ាសបានសម្លាប់មនុស្សយ៉ាងហោចណាស់ ១៨.៨០០នាក់ ដែលភាគច្រើនជាស្ត្រី និងកុមារ។ ការវាយលុកនេះ ធ្វើឡើងក្នុងការឆ្លើយតបទៅនឹងការវាយប្រហារដែលមិនធ្លាប់មានពីមុនមករបស់ក្រុមហាម៉ាស កាលពីថ្ងៃទី៧ ខែតុលា នៅ ប្រទេសអ៊ីស្រាអែលភាគខាងត្បូង ដែលមនុស្សចំនួន ១.១៣៩ នាក់ត្រូវបានសម្លាប់ ភាគច្រើនជាជនស៊ីវិល និងប្រហែល ២៥០នាក់ ត្រូវបានចាប់ធ្វើជាចំណាប់ថ្នូរ នេះបើយោងតាមតួលេខរបស់អ៊ីស្រាអែល។ដោយជួបសមភាគីអ៊ីស្រាអែលលោក Eli Cohen នៅទីក្រុងតែលអាវីវ( Tel Aviv) មុនពេលជួបពិភាក្សាជាមួយមន្ត្រីប៉ាឡេស្ទីននៅទីក្រុងរ៉ាម៉ាឡា (Ramallah) ភាគខាងលិចដែលគ្រប់គ្រងដោយអ៊ីស្រាអែល នោះ លោកស្រី Colonna បានសង្កត់ធ្ងន់ថា ជនរងគ្រោះនៃការវាយប្រហាររបស់ក្រុមហាម៉ាស មិនត្រូវបំភ្លេចឡើយ រួមទាំងអ្នកដែលទទួលរងអំពើហិង្សាផ្លូវភេទផងដែរ។

អធិការរងក្រុងកំពតម្នាក់នឹងត្រូវបានបណ្តេញចេញពីក្របខណ្ឌព្រោះពាក់ព័ន្ធប្រើប្រាស់គ្រឿងញៀន

ឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពតបានឱ្យដឹងថា អនុវត្តវិន័យ ០០៦ របស់កងកម្លាំងនគរបាលជាតិ បទបញ្ជារបស់ ឯកឧត្តម នាយឧត្តមសេនីយ៍ អគ្គស្នងការនគរបាលជាតិ និងអនុសាសន៍ណែនាំដ៏ខ្ពង់ខ្ពស់របស់ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ កងកំលាំងដាច់ខាតមិនត្រូវប្រើប្រាស់ និងចែកចាយគ្រឿងញៀន និងជាគំរូល្អសំរាប់ប្រជាពលរដ្ឋ ។ ស្នងការនគរបាលខេត្តកំពតបន្ថែមថា ជាក់ស្តែងស្នងការដ្ឋាននគរបាលខេត្តកំពត និងគោរពស្នើសុំគោលការណ៍ពីថ្នាក់ដឹកនាំអគ្គស្នងការនគរបាលជាតិ និងថ្នាក់ដឹកនាំក្រសួងមហាផ្ទៃ បណ្តេញចេញពីក្របខណ្ឌនគរបាលជាតិចំពោះលោកអនុសេនីយ៍ឯក មាស ពិសិដ្ឋ អធិការរងក្រុងកំពត ដែលបានពាក់ព័ន្ធប្រើប្រាស់គ្រឿងញៀន និងបានធ្វើឱ្យប៉ះពាល់យ៉ាងធ្ងន់ធ្ងរដល់កិត្តិយសកងកម្លាំងនគរបាលជាតិ ។ ឧត្តមសេនីយ៍ទោ ម៉ៅ ច័ន្ទមធុរិទ្ធ បានសង្កត់ធ្ងន់ថា នេះជាសារព្រមានដល់កងកម្លាំងទាំងអស់ នៃស្នងការរដ្ឋាននគរបាលខេត្តកំពតដាច់ខាតមិនត្រូវពាក់ពន្ធ័និងគ្រឿងញៀន៕ អត្ថបទ ៖ ប្រាក់ វ៉ាន់ដា

មនុស្ស៩០នាក់ បានស្លាប់ ក្នុងការវាយប្រហារចុងក្រោយរបស់អ៊ីស្រាអែលលើជំរំជនភៀសខ្លួន ចាបាលីយ៉ា នៅហ្កាហ្សា

មនុស្សយ៉ាងហោចណាស់ ៩០ នាក់បានស្លាប់ និងជាង១០០ នាក់បានរងរបួសនៅក្នុងការវាយប្រហារចុងក្រោយរបស់អ៊ីស្រាអែលទៅលើជំរំជនភៀសខ្លួនចាបាលីយ៉ា (Jabalia) នៅភាគខាងជើងក្នុងតំបន់ហ្កាហ្សា ។ ទីភ្នាក់ងារព័ត៌មានប៉ាឡេស្ទីន Wafa បានរាយការណ៍ថា ក្រសួងសុខភាពរបស់តំបន់រងការឡោមព័ទ្ធហ្កាហ្សា បាននិយាយថា ការវាយប្រហារកាលពីថ្ងៃអាទិត្យបានប៉ះចំប្លុកអគារលំនៅដ្ឋានមួយ ជាកម្មសិទ្ធិរបស់គ្រួសារ លោក អាល់បាស(al-Barsh)និងអ្នកស្រី អាល់វ៉ាន់(Alwan)ក្នុងទីក្រុង Jabalia ។សារព័ត៌មាន Wafa បាននិយាយនៅក្នុងរបាយការណ៍របស់ខ្លួនថា ស្ត្រី និងកុមារស្ថិតក្នុងចំណោមអ្នកស្លាប់ ក្នុងនោះមនុស្សរាប់សិបនាក់នៅតែបាត់ខ្លួន។ អ្នកឆ្លើយតបដំបូង និងអ្នកស្រុកកំពុងស្វែងរកអ្នករបួស ហើយសាកសពជាច្រើនទៀតត្រូវបានគេជឿថាបានកប់នៅក្រោមគំនរកម្ទេចថ្មបែកបាក់។អ្នករងរបួសជាច្រើននាក់ រួមទាំងកុមារត្រូវ បានបញ្ជូនទៅមណ្ឌលវេជ្ជសាស្ត្រនៅក្បែរនោះ ដែលផ្ទុកពេញដោយអ្នកជំងឺដ៏ច្រើនរួចទៅហើយ។ ក្រុមគ្រូពេទ្យនៅតំបន់ ឌៀ អេល បាឡា ( Deir el-Balah) ភាគកណ្តាលហ្កាហ្សា បាននិយាយថា ជនជាតិប៉ាឡេស្ទីន យ៉ាងហោចណាស់ ១២នាក់បានស្លាប់ និងរាប់សិបនាក់រងរបួស ចំណែកនៅទីក្រុង Rafah ភាគខាងត្បូង ការវាយប្រហារតាមអាកាសរបស់អ៊ីស្រាអែល ទៅលើផ្ទះមួយខ្នង បានបណ្តាលឲ្យមនុស្សយ៉ាងតិច៤នាក់ស្លាប់។ ពលរដ្ឋប៉ាឡេស្ទីនប្រហែល ១៩.០០០នាក់ បានស្លាប់ នៅក្នុងតំបន់ហ្កាហ្សាចាប់តាំងពីថ្ងៃទី ៧ ខែតុលា។ អ៊ីស្រាអែល និយាយថាមនុស្ស ១.១៤៧នាក់ បានស្លាប់ នៅលើទឹកដីរបស់ខ្លួននៅថ្ងៃជាមួយគ្នានោះ៕

ចំនួនអ្នកស្លាប់ក្នុងជម្លោះរវាងប៉ាឡេស្ទីន និងអ៊ីស្រាអែល បានកើនឡើងជាង២០.២០០នាក់

បច្ចុប្បន្នជម្លោះរបស់ប្រទេសអ៊ីស្រាអែល និងប៉ាឡេស្ទីន បានផ្ដាច់ជីវិតមនុស្សយ៉ាងហោចណាស់២០.២៨៨នាក់ នៃភាគីទាំងសងខាង ចាប់តាំងពីថ្ងៃទី៧ខែតុលាមក។ កាលពីថ្ងៃសៅរ៍ ក្រសួងសុខាភិបាល ប៉ាឡេស្ទីន បានប្រកាសថាជនជាតិប៉ាឡេស្ទីនជាង១៩.០០០នាក់ បានស្លាប់ ក្នុងនោះ ជាង២០០នាក់ នៅក្នុងតំបន់ West Bank។ទិន្នន័យបញ្ចេញពីអ៊ីស្រាអែល បង្ហាញថា ចំនួនអ្នកស្លាប់ក្នុងប្រទេសរបស់ខ្លួនក្នុងការវាយប្រហាររបស់ក្រុមហាម៉ាស មានប្រមាណ១.២០០នាក់ ។ កាលពីថ្ងៃសៅរ៍ ទាហានអ៊ីស្រាអែល នៅតែបន្តការវាយប្រហារតាមអាកាស និងវាយរុលទៅមុខក្នុងប្រតិបត្តិការថ្មើរជើងរបស់ខ្លួននៅក្នុងតំបន់ហ្កាហ្សាស្ទ្រីប ពិសេសនៅក្នុងទីក្រុងនានាភាគខាងត្បូង រ៉ាហ្វា និងខាន់យូនីស ។ កងកម្លាំងការពារអ៊ីស្រាអែល IDF បាននិយាយកាលពីថ្ងៃសៅរ៍ថា កងទ័ពរបស់ខ្លួន បានវាយប្រហារលើសាលារៀន២កន្លែង ជាទីដែលក្រុមសកម្មប្រយុទ្ធបានលាក់ខ្លួនក្នុងតំបន់ហ្កាហ្សាភាគខាងជើង។យោងតាមការិយាល័យសម្របសម្រួល កិច្ចការមនុស្សធម៌របស់អង្គការសហប្រជាជាតិ OCHA គិតត្រឹមថ្ងៃសុក្រសប្ដាហ៍នេះ ពលរដ្ឋប៉ាឡេស្ទីនសរុប៤៧៧នាក់ បានស្លាប់ ក្នុងតំបន់ West Bank និងទីក្រុងហ្សេរ៉ុយសេឡឹមខាងកើត នៅឆ្នាំនេះ ក្នុងនោះជាងពាក់កណ្ដាលនៃពួកគេត្រូវបានសម្លាប់ចាប់តាំងពីថ្ងៃទី៧ខែតុលា៕

ព្យុះដ៏កំណាចបានវាយប្រហារទីក្រុងឆ្នេរក្នុងប្រទេសអាហ្សង់ទីន ឆក់យកជីវិតមនុស្ស១៣នាក់

អភិបាលក្រុងក្នុងតំបន់ម្នាក់បាននិយាយកាលពីថ្ងៃសៅរ៍ថា មនុស្សយ៉ាងហោចណាស់១៣នាក់បានស្លាប់ នៅក្នុងប្រទេសអាហ្សង់ទីន ក្រោយព្យុះដ៏កំណាចដែលបានវាយប្រហារតំបន់ឆ្នេរអាត្លង់ទិករបស់ប្រទេសអាមេរិកខាងត្បូងមួយនេះ ។ លោកហ្វឺឌឺរីកូ សាប់ប៊ីឡេស (Federico Susbielles) អភិបាលក្រុង បាហ៊ីយ៉ា ប្លាន់កា( Bahia Blanca) បានបញ្ជាក់ពីចំនួនអ្នកស្លាប់នៅក្នុងសារបង្ហោះតាមបណ្ដាញសង្គម X ថា ទីក្រុងនេះ នៅជិតភាគខាងត្បូងនៃខេត្តប៊ុយណូស៊ែរ(Buenos Aires) ដែលជាតំបន់មួយស្ថិតក្នុងចំណោមតំបន់ផលិតគ្រាប់ធញ្ញជាតិដ៏សំខាន់របស់ប្រទេសអាហ្សង់ទីន ។នៅក្នុងសេចក្ដីថ្លែងការណ៍មួយការិយាល័យរបស់ប្រធានាធិបតីលោក ចាវៀ មីឡេ((Javier Milei) បានបង្ហាញសមានទុក្ខដល់ក្រុមគ្រួសារជនរងគ្រោះ និងបានជំរុញប្រជាពលរដ្ឋស្នាក់នៅក្នុងផ្ទះរហូតដល់ព្រឹកថ្ងៃអាទិត្យនេះ ជាមួយគ្នានោះ គេរំពឹងថា ខ្យល់ដែលមានកម្លាំងបំផ្លិចបំផ្លាញអាចមានរហូតដល់ជាង ១៥០ គីឡូម៉ែត្រក្នុងមួយម៉ោង៕

បណ្ដាញសង្គម

ព័ត៌មានថ្មីៗ

យោធាអាមេរិកអះអាងថា ការវាយប្រហាររបស់ខ្លួននៅភាគខាងកើតប៉ាស៊ីហ្វិក បានសម្លាប់មនុស្ស បីនាក់

ឯកអគ្គរដ្ឋទូត៖ ហ្វាំងឡង់ត្រូវតែគោរពផលប្រយោជន៍របស់រុស្ស៊ី ប្រសិនបើចង់បន្តការសន្ទនាឡើងវិញ

ពលរដ្ឋខ្មែរចាស់ក្មេងប្រកាន់ខ្ជាប់នូវទំនៀមទម្លាប់ប្រពៃណីខ្មែរក្នុងពិធីបុណ្យចូលឆ្នាំថ្មី

លោក LAVROV និងរដ្ឋមន្ត្រីការបរទេសអារ៉ាប៊ីសាអ៊ូឌីត ពិភាក្សាអំពីស្ថានភាពនៅច្រកសមុទ្រហ័រមូស

លោក NETANYAHU៖ អ៊ីស្រាអែលបន្តប្រតិបត្តិការប្រឆាំងនឹងក្រុមហេសបូឡា

អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ អញ្ជើញចុះជួបភៀសសឹកដោះស្រាយបញ្ហាប្រឈមក្នុងឱកាសថ្ងៃទី២នៃពិធីបុណ្យចូលឆ្នាំខ្មែរ

ព្រឹត្តិការណ៍នគរសង្គ្រាន្ត លើកយកសិល្បៈទស្សនីយភាពល្ខោនយីកេរឿង «អ្នកតាឃ្លាំងមឿង» សម្តែងជូនប្រជាជនខ្មែរទស្សនា រំលឹកដល់ការលះបង់ និងបូជាជីវិតរបស់បុព្វបុរសខ្មែរ

ប្រជាពលរដ្ឋចូលរួមលេងល្បែងប្រជាប្រិយខ្មែរ ដោយបង្ហាញពីស្នាមញញឹម នៃការចូលរួមលេងកំសាន្ដសង្ក្រាន្ដឆ្នាំថ្មី

ប្រតិភូសភាកម្ពុជា បង្ហាញវត្តមានយ៉ាងសកម្មក្នុងកិច្ចប្រជុំតំបន់អាស៊ី-ប៉ាស៊ីហ្វិក និងអាស៊ានបូកបី នៃមហាសន្និបាត IPU លើកទី១៥២

ក្រសួងការបរទេស៖គុយបាបដិសេធមិនចរចាអំពីប្រព័ន្ធនយោបាយរបស់ខ្លួន ជាមួយអាមេរិក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877