BTV NEWS

ករណីបុរសម្នាក់ឡើងលើផ្លូវល្បឿនលឿនPK54 យកដែកដាក់ទទឹងផ្លូវត្រូវបានសមត្ថកិច្ចនគរបាលស្រាវជ្រាវបង្រ្កាបបានហើយ

អង្គភាពប្រឆាំងអំពើពុករលួយបានធ្វើកោសល្យវិច័យទូរស័ព្ទជាង ៨០០គ្រឿង និងភស្តុតាងមួយចំនួនទៀតដែលសាលាដំបូងរាជធានីភ្នំពេញប្រគល់ឱ្យ

នគរបាលរាជធានីភ្នំពេញ ស្រាវជ្រាវឃាត់ខ្លួនក្មេងទំនើង ៩នាក់ ពាក់ព័ន្ធករណីវាយប្លន់យកម៉ូតូ

អាវុធហត្ថរាជធានីភ្នំពេញ បង្ក្រាបគ្រឿងញៀនជាង ៦គីឡូក្រាមឃាត់ខ្លួនមនុស្ស ១១នាក់

សន្តិសុខ និង សង្គម

ចក្រភពអង់គ្លេស គ្រោងនឹងប្រកាសក្រុមទាហានស៊ីឈ្នួល Wagner របស់រុស្ស៊ី ជាអង្គការភេរវកម្ម

រដ្ឋាភិបាលអង់គ្លេសបាននិយាយកាលពីថ្ងៃពុធ (៦ កញ្ញា) ថា ប្រទេសអង់គ្លេស គ្រោងនឹងប្រកាសក្រុមទាហានស៊ីឈ្នួលរុស្ស៊ី Wagner Group ជាអង្គការភេរវកម្ម ដោយកំណត់ភាពខុសច្បាប់ក្នុងការចូលជាសមាជិក ឬគាំទ្រក្រុមមួយនេះ។ ក្រសួងមហាផ្ទៃបាននិយាយនៅក្នុងសេចក្តីថ្លែងការណ៍មួយថា សេចក្តីព្រាងច្បាប់ ដែលនឹងត្រូវដាក់នៅក្នុងសភា នឹងអនុញ្ញាតឱ្យទ្រព្យសម្បត្តិរបស់ក្រុម Wagner ត្រូវបានចាត់ថ្នាក់ជាទ្រព្យសម្បត្តិភេរវករ និងរឹបអូស។រដ្ឋមន្ត្រីក្រសួងមហាផ្ទៃអង់គ្លេស លោកស្រី Suella Braverman បានពណ៌នាក្រុមទាហានស៊ីឈ្នួល Wagner ថាជាក្រុមដែលប្រើប្រាស់ «ហិង្សា និងការបំផ្លិចបំផ្លាញ»។ លោកស្រីបាននិយាយថា ក្រុមនេះបានដើរតួជា «ឧបករណ៍យោធារបស់ប្រធានាធិតីរុស្ស៊ី លោក វ្ល៉ាឌីមៀ ពូទីន នៅក្រៅប្រទេស»។ នៅទូទាំងប្រទេសអ៊ុយក្រែន មជ្ឈិមបូព៌ា និងអាហ្រ្វិក ក្រុម Wagner បានជាប់ពាក់ព័ន្ធក្នុងការលួច ធ្វើទារុណកម្ម និង «ឃាតកម្មដ៏ព្រៃផ្សៃ» ដោយបានហៅសកម្មភាពទាំងនោះថាជាការគំរាមកំហែងដល់សន្តិសុខពិភពលោក។សេចក្តីសម្រេចនេះ ត្រូវបានគេរំពឹងថា នឹងចូលជាធរមាននៅថ្ងៃទី១៣ ខែកញ្ញា ខាងមុខនេះ បន្ទាប់មកវានឹងក្លាយជាបទឧក្រិដ្ឋ ក្នុងការជាប់ពាក់ព័ន្ធឬគាំទ្រ ការរៀបចំឬធ្វើការប្រជុំ និងការយកស្លាកសញ្ញារបស់ក្រុមទាហានស៊ីឈ្នួលមួយនេះដាក់នៅទីសាធារណៈ ដោយត្រូវផ្ដន្ទាទោសដាក់ពន្ធនាគាររហូតដល់ ១៤ ឆ្នាំផងដែរ៕

អ្នកវិទ្យាសាស្ត្រ៖ រដូវក្តៅឆ្នាំ២០២៣នេះ គឺក្តៅបំផុតក្នុងកំណត់ត្រាអឺរ៉ុប

រដូវក្តៅឆ្នាំ២០២៣នេះ គឺជារដូវមានសីតុណ្ហភាពក្តៅបំផុតក្នុងកំណត់ត្រា នេះបើយោងតាមទិន្នន័យពីទីភ្នាក់ងារសេវាបម្រែបម្រួលអាកាសធាតុរបស់សហភាពអឺរ៉ុប ដែលបានចេញផ្សាយកាលពីថ្ងៃពុធ (៦ កញ្ញា)។ រយៈពេលបីខែចាប់ពីខែមិថុនាដល់ខែសីហា សីតុណ្ហភាពបានកើនឡើងលើសពីកំណត់ត្រាមុនដោយគម្លាតដ៏ឆ្ងាយ ជាមួយនឹងសីតុណ្ហភាពជាមធ្យម១៦,៨អង្សាសេ ដែលលើសពីកម្រិតសីតុណ្ហភាពមធ្យមចំនួន០,៦៦អង្សាសេ។សហភាពអឺរ៉ុបបាននិយាយកាលពីថ្ងៃពុធថា ខែសីហា ក៏ជាខែក្តៅបំផុតនៅលើកំណត់ត្រាពិភពលោកផងដែរ ដែលនេះជាខែទី៣ជាប់ៗគ្នា ក្នុងការបង្កើតកំណត់ត្រាសីតុណ្ហភាពខ្ពស់បែបនេះ បន្ទាប់ពីខែមិថុនា និងខែកក្កដា ដែលជាខែក្តៅបំផុតមិនធ្លាប់មាន។ ខែកក្កដា ឆ្នាំ២០២៣នេះ នៅតែជាខែក្តៅបំផុតដែលមិនធ្លាប់មាន ខណៈដែលកំណត់ត្រាខែសីហា ធ្វើឱ្យរដូវក្តៅនៃអឌ្ឍគោលខាងជើងមួយនេះ ក្តៅបំផុតចាប់តាំងពីកំណត់ត្រាបានចាប់ផ្តើមនៅឆ្នាំ១៩៤០មក។នៅក្នុងទ្វីបអឺរ៉ុប ខែសីហា មានភ្លៀងធ្លាក់ខ្លាំងជាងធម្មតាកាលពីខែមុននោះ លើផ្នែកធំៗនៃអឺរ៉ុបកណ្តាល និងអនុតំបន់អឺរ៉ុបខាងជើង ឬហៅថា តំបន់ស្កានឌី ដែលនាំឱ្យមានទឹកជំនន់ ខណៈដែលប្រទេសបារាំង ក្រិក អ៊ីតាលី និងព័រទុយហ្គាល់បានជួបគ្រោះរាំងស្ងួតដែលនាំឱ្យមានចំហេះព្រៃ។ ទីភ្នាក់ងារនោះបាននិយាយថា សីតុណ្ហភាពជាមធ្យមលើសពីនេះក៏បានកើតឡើងលើប្រទេសអូស្ត្រាលី បណ្តាប្រទេសនៅអាមេរិកខាងត្បូងមួយចំនួន និងជុំវិញទ្វីបអង់តាក់ទិកជាច្រើននៅក្នុងខែសីហាផងដែរ៕

ចៅក្រមក្នុងសំណុំរឿងបោះឆ្នោត របស់លោកTrump នៅរដ្ឋចចា មានមន្ទិលខ្លាំង ក្នុងការកាត់ទោសជនជាប់ចោទទាំងអស់រួមគ្នា

ចៅក្រមរដ្ឋចចា (Georgia) មួយរូបកាលពីថ្ងៃពុធ បាននិយាយថា លោកមានការសង្ស័យយ៉ាងខ្លាំងដែលថា លោក Donald Trump និងសហចុងចោទទាំង១៨ នាក់អាចចូលសវនាការជាមួយគ្នានៅខែដើមក្រោយ នៅក្នុងសំណុំរឿងព្រហ្មទណ្ឌដ៏ធំមួយ ដោយចោទប្រកាន់ពួកគេពីបទសមគំនិតបង្វែរលទ្ធផលនៃការបោះឆ្នោតឆ្នាំ ២០២០ ដែលបានបរាជ័យបរបស់អតីតប្រធានាធិបតីសហរដ្ឋអាមេរិករូបនេះ ។ ចៅក្រមតុលាការកំពូលរបស់តំបន់ហ្វាល់តុន (Fulton) លោក ស្កុត ម៉ាក់ហ្វី (Scott McAfee) បានផ្តល់ពេលដល់ក្រុមរដ្ឋអាជ្ញារយៈពេល ១០ ថ្ងៃដើម្បីពន្យល់ពីរបៀបដែលពួកគេ អាចជម្រះក្ដីលើជនជាប់ចោទទាំងនេះរួមគ្នា អមដោយសំណួរផ្លូវច្បាប់សំខាន់ៗ និងកាលបរិច្ឆទនៃការកាត់ក្តីដ៏លឿន ដែលនឹងមកដល់នៅខែក្រោយសម្រាប់ចុងចោទដែលបានទាមទារ។ ការអត្ថាធិប្បាយដែលបានធ្វើឡើងក្នុងអំឡុងពេលសវនាការក្នុងទីក្រុងអាត្លង់តា បញ្ជាក់ពីបញ្ហាប្រឈមនៃដំណើរការកាត់ក្ដីរបស់បុគ្គលជាច្រើនឲ្យបានឆាប់នៅថ្ងៃទី ២៣ ខែតុលា ស្របពេលក្រុម រដ្ឋអាជ្ញានិយាយថាពួកគេមានបំណងធ្វើលើការជំទាស់របស់ចុងចោទមួយចំនួន។ កន្លងមក សវនាការ នេះ ធ្លាប់បានបង្កក្ដីបារម្ភសម្រាប់ក្រុមមេធាវីរបស់លោក Trump គឺ លោក ស៊ីដនី ផូវ៉េល ( Sidney Powell) និង លោក ខិនណេតចេស៊ីប្រូ (Kenneth Chesebro) ក្នុងការកាត់ផ្តាច់សំណុំរឿងរបស់ពួកគេដាច់ដោយឡែកពីគ្នា និងមានការកាត់ក្តីជាលក្ខណៈបុគ្គលម្នាក់ៗឲ្យបានឆាប់តាមដែលអាចធ្វើទៅបាន។លោក ស្កុតគ្រូបមែន(Scott Grubman) ដែលជាមេធាវីមួយរូបរបស់ លោក ចេស៊ីប្រូ បាននិយាយថា មិនអាចមានការកាត់ក្តីមនុស្ស ១៩នាក់រួមគ្នាបានទេ។ លោក Trump និងចុងចោទផ្សេងទៀតបានផ្ដល់ចម្លើយពីភាពគ្មានទោស៕

ជនស៊ីវិលយ៉ាងហោចណាស់៣២នាក់ ត្រូវបានសម្លាប់នៅក្នុងការវាយប្រហាររបស់កងទ័ពស៊ូដង់

ស៊ូដង់៖ ក្រុមមេធាវីសង្គ្រោះបន្ទាន់នៃក្រុមសកម្មជនបាននិយាយថា យ៉ាងហោចណាស់ជនស៊ីវិល៣២នាក់ ត្រូវបានសម្លាប់ និងរាប់សិបនាក់ទៀតរងរបួស នៅក្នុងការវាយប្រហារកាំភ្លើងធំដោយកងទ័ពស៊ូដង់ ដែលជាតួលេខស្លាប់ខ្ពស់បំផុតពីការប្រយុទ្ធគ្នាក្នុងមួយថ្ងៃ ចាប់តាំងពីសង្គ្រាមបានផ្ទុះឡើងកាលពីខែមេសាមក។ សេចក្តីថ្លែងការណ៍ដែលបានចេញផ្សាយកាលពីថ្ងៃពុធ (៦កញ្ញា) បាននិយាយថា ការបាញ់ផ្លោងកាលពីថ្ងៃអង្គារ បានកើតឡើងនៅក្នុងសង្កាត់ Ombada នៅភាគខាងលិចទីក្រុង Omdurman ដោយជាសង្កាត់មួយដែលបានឃើញការវាយប្រហារដ៏មហន្តរាយជាច្រើន។ក្រុមសកម្មជនសិទ្ធិមនុស្ស និងអ្នកស្រុកបាននិយាយថា កងទ័ពស៊ូដង់ និងកងកម្លាំងគាំទ្ររហ័សយោធាប៉ារ៉ា (RSF) ដែលកំពុងប្រយុទ្ធដើម្បីគ្រប់គ្រងប្រទេស បានបាញ់មីស៊ីលចូលទៅក្នុងតំបន់ដែលមានប្រជាជន បណ្តាលឱ្យជនស៊ីវិលរាប់រយនាក់ស្លាប់បាត់បង់ជីវិតនៅក្នុងរដ្ឋធានី Khartoum និងទីក្រុងដទៃទៀត។ គូបដិបក្ខជម្លោះរបស់ស៊ូដង់ទាំងពីរនេះ ដែលបានបែកបាក់គ្នាជុំវិញផែនការដែលគាំទ្រដោយអន្តរជាតិ ក្នុងការរួមបញ្ចូលកងកម្លាំងរបស់ពួកគេអំឡុងការផ្លាស់ប្តូរទៅកាន់លទ្ធិប្រជាធិបតេយ្យ បានបដិសេធការទទួលខុសត្រូវចំពោះការវាយប្រហារ ដែលបានសម្លាប់ជនស៊ីវិលផងដែរ៕

មនុស្ស១៧នាក់ ស្លាប់ក្នុងការវាយប្រហារតាមអាកាសពីរុស្ស៊ីលើផ្សារមួយនៅអ៊ុយក្រែនអំឡុងទស្សនកិច្ចរបស់លោកប៊្លីនខិន

អ៊ុយក្រែន៖ មនុស្សយ៉ាងហោចណាស់១៧ រួមទាំងកុមារម្នាក់ផងដែរ បានស្លាប់ក្នុងការវាយប្រហារ ដែលបានកើតឡើងនៅលើទីផ្សារតាមដងផ្លូវដ៏មមាញឹកមួយទាំងកណ្ដាលថ្ងៃ ជាការវាយប្រហារដ៏កម្រ។ លោកប្រធានាធិបតីអ៊ុយក្រែន និងសហរដ្ឋអាមេរិក បានថ្កោលទោសការវាយប្រហារដោយចេតនាលើ ផ្សារមួយកន្លែងក្នុងទីក្រុងសន្តិភាព កូស្ត្យានទីនីវកា (Kostyantynivka) របស់ប្រទេសអ៊ុយក្រែន ខណៈប្រមុខការទូតសហរដ្ឋអាមេរិក លោក អង់តូនី ប្ល៊ីនខិន (Antony Blinken) កំពុងបំពេញទស្សនកិច្ចទៅកាន់ទីក្រុង គីវ (Kyiv)។ ទីក្រុង កូស្ត្យានទីនីវកា ដែលស្ថិតនៅក្នុងតំបន់ដូណេតស៍ (Donetsk)ភាគខាងកើតរបស់អ៊ុយក្រែន ស្ថិតនៅជិត សមរភូមិជួរមុខ។វីដេអូបង្ហោះនៅលើបណ្ដាញសង្គមបង្ហាញពីការផ្ទះអណ្ដាតភ្លើងពណ៌លឿងទុំ នៅចុងផ្លូវម្ខាង ជាទីដែលមនុស្សម្នាកំពុងទិញទំនិញ ។ ប្រទេសរុស្ស៊ី ពុំបានធ្វើអត្ថាធិប្បាយលើការវាយប្រហារនេះនៅឡើយទេ។ លោក Volodymyr Zelensky ដែលបានស្ដីបន្ទោសទីក្រុងមូស្គូ នោះ បាននិយាយថា អ្នកស្លាប់ទាំងនោះសុទ្ធតែជាមនុស្សគ្មានកំហុស និងបានព្រមានថា ចំនួនអ្នកស្លាប់អាចកើនឡើងថែមទៀត ។ មនុស្សយ៉ាងហោចណាស់៣៣នាក់ ផ្សេងទៀត បានរងរបួស ។ ផ្សារមួយកន្លែងដែលមានឱសថស្ថាន និងហាងលក់ទំនិញ ត្រូវគេរាយការណ៍ថាត្រូវបានប៉ះពាល់ ដោយសារកម្ទេចភ្លើង ៕

ខ្យល់ព្យុះ និងទឹកជំនន់បានសម្លាប់មនុស្សរាប់សិបនាក់នៅក្រិក ទួរគី និងប៊ុលហ្គារី

ក្រិក៖ ខ្យល់ព្យុះបានសម្លាប់មនុស្សរាប់សិបនាក់នៅក្នុងប្រទេសក្រិក ទួរគី និងប៊ុលហ្គារី ខណៈដែលរយៈពេលនៃកម្ដៅខ្លាំងបាននាំឲ្យមានព្យុះភ្លៀងយ៉ាងខ្លាំងនៅក្នុងតំបន់។ ទីភ្នាក់ងារសារព័ត៌មានរដ្ឋ Anadolu បាននិយាយកាលពីថ្ងៃពុធ (៦កញ្ញា) ថា យ៉ាងហោចណាស់មនុស្ស៧នាក់ បានស្លាប់ដោយសារភ្លៀងធ្លាក់ខ្លាំងបានបង្កជាទឹកជំនន់ភ្លាមៗ នៅភាគពាយ័ព្យនៃប្រទេសទួរគី។ការិយាល័យអភិបាលក្រុងនៃប្រទេសទួរគីបាននិយាយនៅក្នុងសេចក្តីថ្លែងការណ៍មួយថា ទីក្រុងដ៏ធំបំផុតរបស់ប្រទេសទួរគី បានទទួលភ្លៀងធ្លាក់ស្មើនឹងអ្វីដែលប្រទេសនេះរំពឹងទុកពេញមួយខែកញ្ញា ក្នុងរយៈពេលប្រាំមួយម៉ោង។ រដ្ឋមន្ត្រីមហាផ្ទៃទួរគី លោក Ali Yerlikaya បាននិយាយថា ប្រតិបត្តិការស្វែងរក និងជួយសង្គ្រោះកំពុងបន្ត និងបានសន្យាផ្តល់ជំនួយផ្នែកហិរញ្ញវត្ថុដល់គ្រួសារនៅតំបន់រងគ្រោះដោយទឹកជំនន់ផងដែរ។ទន្ទឹមនឹងនោះ ក្រុមមន្ត្រីបាននិយាយថា ចំនួនអ្នកស្លាប់ដោយសារភ្លៀងធ្លាក់ខ្លាំង និងទឹកជំនន់នៅឆ្នេរសមុទ្រខ្មៅរបស់ប្រទេសប៊ុលហ្គារី បានកើនឡើងដល់៤នាក់ ខណៈដែលអ្នកទេសចរណ៍ជាច្រើនពាន់នាក់បានរងផលប៉ះពាល់។ ជាមួយគ្នានោះដែរ កងកម្លាំងពន្លត់អគ្គិភ័យបាននិយាយថា យ៉ាងហោចណាស់មនុស្ស៣នាក់បានស្លាប់ និងមនុស្ស៤នាក់ទៀតកំពុងបាត់ខ្លួនកាលពីថ្ងៃពុធ បន្ទាប់ពីភ្លៀងធ្លាក់ខ្លាំងបានជន់លិចផ្ទះ និងអាជីវកម្ម ព្រមទាំងបានបំផ្លាញហេដ្ឋារចនាសម្ព័ន្ធនៅភាគកណ្តាលប្រទេសក្រិកផងដែរ៕

ការហាមប្រាមរបស់អ៊ីស្រាអែលលើកិច្ចព្រមព្រៀងការនាំចេញនៃតំបន់កាហ្សា ធ្វើឱ្យប៉ះពាល់ដល់សេដ្ឋកិច្ចនៅតំបន់នេះ

ប៉ាឡេស្ទីន៖ កាលពីថ្ងៃអង្គារ (៥ កញ្ញា) ប្រជាជនប៉ាឡេស្ទីន បានទាមទារឱ្យអ៊ីស្រាអែលលុបចោលបម្រាមលើការនាំចេញពីតំបន់កាហ្សា ដែលបានដាក់ ជុំវិញអ្វីដែលអ៊ីស្រាអែលហៅថា ការប៉ុនប៉ងរត់ពន្ធគ្រឿងផ្ទុះ ដោយនិយាយថា វានឹងប៉ះពាល់ដល់ប្រជាជនរាប់ពាន់នាក់ និងបំផ្លាញជីវភាពរស់នៅមិនច្បាស់លាស់នៅក្នុងតំបន់ហ៊ុមព័ទ្ធមួយនេះ។អ៊ីស្រាអែលបាននិយាយកាលពីថ្ងៃចន្ទ (៤ កញ្ញា) ថា ខ្លួនកំពុងបញ្ឈប់ជាបណ្តោះអាសន្ននូវទំនិញពាណិជ្ជកម្មមិនឲ្យចេញពីតំបន់កាហ្សា បន្ទាប់ពីអ្នកត្រួតពិនិត្យបានរកឃើញ «គ្រឿងផ្ទុះគុណភាពខ្ពស់» ជាច្រើនគីឡូក្រាមនៅក្នុងការដឹកជញ្ជូនមួយ ដែលលាក់នៅក្នុងស្រទាប់សម្លៀកបំពាក់។ជនជាតិប៉ាឡេស្ទីនប្រហែល២លាននាក់ រស់នៅក្នុងតំបន់កាហ្សាស្ទ្រីបតូចចង្អៀត ដែលភាគច្រើននៃពួកគេជាកូនចៅរបស់ជនភៀសខ្លួន ឬត្រូវបានបណ្តេញចេញពីតំបន់ ដែលពេលនេះជាប្រទេសអ៊ីស្រាអែល បន្ទាប់ពីត្រូវបានបង្កើតឡើងនៅឆ្នាំ១៩៤៨មក។ ការនាំចេញរបស់តំបន់កាហ្សា ត្រូវបានប៉ាន់ប្រមាណថាមានចំនួន១៣៤លានដុល្លារក្នុងមួយឆ្នាំ ដោយនាំចេញភាគច្រើនទៅកាន់ប្រទេសអ៊ីស្រាអែល និងតំបន់វេស ប៊ែង នេះបើតាមក្រសួងសេដ្ឋកិច្ចរបស់តំបន់កាហ្សា៕

ព្យុះត្រូពិចលី( Lee) អាចក្លាយទៅជាខ្យល់ព្យុះដ៏គ្រោះថ្នាក់ខ្លាំងសម្រាប់សហរដ្ឋអាមេរិក

អាមេរិក៖ មជ្ឈមណ្ឌលព្យុះព្យុះសង្ឃរាជាតិរបស់សហរដ្ឋអាមេរិកបាននិយាយនៅក្នុងសេចក្ដីណែនាំមួយកាលពីល្ងាចថ្ងៃអង្គារ (៥កញ្ញា) ថា ព្យុះត្រូពិចលី (Lee) កំពុងតែបង្កជាកម្លាំងខ្យល់នៅភាគខាងកើតនៃ ប្រជុំកោះ Lesser Antilles ហើយត្រូវបានគេរំពឹងថានឹងកើនឡើងយ៉ាងឆាប់រហ័សទៅជាព្យុះសង្ឃរាដ៏គ្រោះថ្នាក់បំផុតនៅចុងសប្តាហ៍នេះ។ព្យុះនេះបានបង្កើតខ្លួនឡើងនៅតំបន់ត្រូពិចអាត្លង់ទិកកណ្តាល ហើយបានក្លាយជាព្យុះត្រូពិចលី ក្នុងរយៈពេលប្រាំមួយម៉ោង។ លក្ខខណ្ឌបរិស្ថាន គឺអំណោយផលសម្រាប់ការវិវត្តន៍យ៉ាងឆាប់រហ័ស និងការកើនឡើងនៃព្យុះលី នេះ ខណៈពេលដែលវាផ្លាស់ទីជាលំដាប់ពីទិសខាងលិច ទៅទិសពាយ័ព្យក្នុងប៉ុន្មានថ្ងៃខាងមុខនេះ។ នៅពាក់កណ្តាលសប្តាហ៍នេះ ព្យុះលី ត្រូវបានគេព្យាករណ៍ថានឹងឈានដល់កម្រិតកម្លាំងព្យុះសង្ឃរាប្រភេទ១ ហើយព្យុះដ៏គ្រោះថ្នាក់នេះត្រូវបានគេព្យាករណ៍ថានឹងកើនឡើងបន្ថែមទៀត។ដំណឹងនេះកើតឡើងតិចជាងមួយសប្តាហ៍បន្ទាប់ពីព្យុះសង្ឃរាអ៊ីដាលីយ៉ា ដែលជាព្យុះសង្ឃរាប្រភេទទី៤ បានវាយលុករដ្ឋហ្វ្លរីដា ក៏ដូចជាបង្កការបំផ្លិចបំផ្លាញនៅក្នុងរដ្ឋ Georgia និងរដ្ឋ Carolina ហើយយ៉ាងហោចណាស់មានការស្លាប់ចំនួន២ករណី ដែលជាប់ទាក់ទងនឹងព្យុះនេះផងដែរ៕

អ្នកវិភាគ៖ កង្វះអាវុធពីចិន ជំរុញឲ្យរុស្ស៊ីងាកទៅរកកូរ៉េខាងជើង

ចិន៖ កាលពីថ្ងៃអង្គារ (៥ កញ្ញា) អ្នកជំនាញឈានមុខផ្នែកសន្តិសុខអន្តរជាតិម្នាក់បាននិយាយថា កិច្ចប្រជុំនាពេលខាងមុខ ដែលគេជឿថានឹងប្រព្រឹត្តទៅរវាងរុស្ស៊ី និងកូរ៉េខាងជើង គឺដោយសារតែកង្វះអាវុធដែលត្រូវបានផ្គត់ផ្គង់ដោយប្រទេសចិន។របាយការណ៍មួយនៅក្នុងសារព័ត៌មាន New York Times បាននិយាយដោយសំអាងដល់ប្រភពពីសហរដ្ឋអាមេរិក និងសម្ព័ន្ធមិត្តថា មេដឹកនាំកូរ៉េខាងជើងលោក គីម ជុងអ៊ុន គ្រោងនឹងធ្វើដំណើរទៅកាន់ប្រទេសរុស្ស៊ីក្នុងខែនេះ ដើម្បីជួបជាមួយប្រធានាធិបតីរុស្ស៊ី លោក វ្លាឌីមៀរ ពូទីន ដើម្បីពិភាក្សាអំពីលទ្ធភាពនៃការផ្គត់ផ្គង់អាវុធសម្រាប់សង្គ្រាមនៅអ៊ុយក្រែន។លោកស្រី Patricia Lewis ប្រធានកម្មវិធីសន្តិសុខអន្តរជាតិ Chatham House របស់អង់គ្លេសបាននិយាយាថា រុស្ស៊ីមិនទទួលបានអ្វីដែលខ្លួនត្រូវការពីប្រទេសចិនទេ ដូច្នេះហើយបានសម្លឹងរកមើលប្រភពការផ្គត់ផ្គង់គ្រាប់រំសេវដ៏មានសក្តានុពលផ្សេងទៀត។ដំណើរទស្សនកិច្ចដែលគ្រោងទុកនោះ នឹងធ្វើឡើងខណៈរុស្ស៊ីពិភាក្សាអំពីការធ្វើសមយុទ្ធយោធារួមជាមួយកូរ៉េខាងជើង និងបន្ទាប់ពីរដ្ឋមន្ត្រីការពារជាតិរុស្ស៊ី លោក Sergei Shoigu បានព្យាយាមធ្វើដំណើរទៅកូរ៉េខាងជើង ដើម្បីបញ្ចុះបញ្ចូលក្រុងព្យុងយ៉ាងឱ្យលក់គ្រាប់កាំភ្លើងធំទៅឱ្យរុស្ស៊ី។កន្លងមក សហរដ្ឋអាមេរិកបានព្រមានថា កូរ៉េខាងជើងអាចផ្តល់សព្វាវុធបន្ថែមទៀតដល់រុស្ស៊ី ដែលកងកម្លាំងរបស់ពួកគេបានឈ្លានពានអ៊ុយក្រែនក្នុងខែកុម្ភៈ ឆ្នាំ២០២២ ហើយជាសង្រ្គាមដែលសហរដ្ឋអាមេរិក និងសម្ព័ន្ធមិត្តអឺរ៉ុបរបស់ខ្លួន ប្រឆាំងយ៉ាងខ្លាំង ដែលទីក្រុងម៉ូស្គូហៅថា «ប្រតិបត្តិការយោធាពិសេស»៕

សំណង់មិនរៀបរយជាច្រើននៅឥណ្ឌាត្រូវបានកម្ទេចចោល មុនកិច្ចប្រជុំG20 ដែលធ្វើឲ្យប្រជាជនគ្មានផ្ទះសម្បែង

ឥណ្ឌា៖ ក្រុមអ្នកស្រុកនៃតំបន់សំណង់លំនៅឋានមិនរៀបរយក្នុងទីក្រុង ញ៉ូវ ដេលី ប្រទេសឥណ្ឌារំពឹងថា នឹងទទួលបានអត្ថប្រយោជន៍ពីកិច្ចប្រជុំកំពូលក្រុមប្រទេសទាំង២០ ឬហៅថា កិច្ចប្រជុំG20 ដែលធ្វើឡើងនៅចម្ងាយជិត៥០០ម៉ែត្រពីលំនៅឋានរបស់ពួកគេ ប៉ុន្តែផ្ទុយទៅវិញ ពួកគេបែរជាក្លាយជាមនុស្សគ្មានផ្ទះសម្បែងទៅវិញ។ អ្នករស់នៅក្នុងតំបន់សំណង់លំនៅឋានមិនរៀបរយមួយចំនួន បានទៅកាន់តុលាការជាន់ខ្ពស់របស់ទីក្រុង ដេលី ដើម្បីបញ្ឈប់ការបណ្តេញចេញពីតំបន់នោះ ប៉ុន្តែតុលាការបានចាត់ទុកថាមនុស្សទាំងនោះធ្វើការតាំងទីលំនៅដោយខុសច្បាប់ ហើយបន្ទាប់មកក្រុមអាជ្ញាធរក្រុងបានបញ្ជាឱ្យពួកគេចាកចេញត្រឹមថ្ងៃទី៣១ ឧសភា។ទាំងសកម្មជន និងអ្នកស្រុកនិយាយថា នេះជាផ្នែកនៃការងារកែលម្អសម្រាប់កិច្ចប្រជុំកំពូល ដែលចាប់ផ្តើមនៅថ្ងៃទី៩ ខែកញ្ញា ខាងមុខនេះ។ ទោះជាយ៉ាងណាក៏ដោយ មន្ត្រីរដ្ឋាភិបាលរបស់នាយករដ្ឋមន្ត្រីឥណ្ឌា លោក Narendra Modi និយាយថា លំនៅឋានទាំងនោះត្រូវបានសាងសង់ដោយខុសច្បាប់នៅលើដីរបស់រដ្ឋាភិបាល ហើយការរុះរើចេញគឺជាសកម្មភាពកំពុងបន្ត។ការវាយកម្ទេចនេះ បានចាប់ផ្តើមកាលពី៤ខែមុន។ រដ្ឋមន្ត្រីក្រសួងលំនៅឋានម្នាក់បាននិយាយថា គិតត្រឹមខែកក្កដា ដីរដ្ឋាភិបាលជិត១០០ហិចតា ត្រូវបានយកមកវិញ។ លំនៅឋាននៅតំបន់សំណង់លំនៅឋានមិនរៀបរយទាំងនោះដូចជាតំបន់ជំរំមិនរៀបរយ ត្រូវបានសាងសង់ក្នុងរយៈពេលជាច្រើនឆ្នាំមកហើយ ដូចជាការងារជួសជុលជាដើម។ ក្នុងឆ្នាំ២០២១ ក្រុមមន្ត្រីបាននិយាយថា ប្រជាជនប្រមាណ១៣,៥លាននាក់ រស់នៅក្នុងតំបន់អាណានិគមដែលគ្មានការអនុញ្ញាតក្នុងទីក្រុងដេលី៕

បណ្ដាញសង្គម

ព័ត៌មានថ្មីៗ

ទឹកជំនន់ នៅទីក្រុងបាងកករបស់ថៃ បង្កជាការលំបាកភ្លាមៗដល់គ្រួសារជំពាក់បំណុលច្រើន

អាជ្ញាធរខណ្ឌ៧មករា បន្តចុះត្រួតពិនិត្យតាមការដ្ឋានដើម្បីធានាបានតាមលក្ខណៈបច្ចេកទេសត្រឹមត្រូវ

ជប៉ុនផ្តល់ថវិកា ១៦៤,២៦៩ ដុល្លារអាមេរិកសម្រាប់ការសាងសង់ឃ្លាំង និងកន្លែងសម្រួត ព្រមទាំងការដំឡើងឧបករណ៍វាស់សំណើម សម្រាប់សហគមន៍កសិកម្មក្នុងខេត្តក្រចេះ

កាកបាទក្រហមកម្ពុជា ជួបពិភាក្សាទ្វេភាគីជាមួយគណៈប្រតិភូអឌ្ឍចន្ទក្រហមម៉ាឡេស៊ី ដើម្បីពង្រឹងកិច្ចសហប្រតិបត្តិការ និងការងារមនុស្សធម៌

កាកបាទក្រហមកម្ពុជា គាំទ្របេក្ខភាពម្ចាស់ក្សត្រី ទុនគូ ពូតេរី អ៊ីនតាន់ សាហ្វីណា សម្រាប់តំណែងជាប្រធានសហព័ន្ធអន្តរជាតិ

អ៊ីរ៉ង់ ជំរុញឱ្យអ៊ីរ៉ាក់ដកចេញបម្រាមជើងហោះហើរក្នុងពេលការដាក់ទណ្ឌកម្មពីសហរដ្ឋអាមេរិក

សម្ដេចតេជោចាត់ទុកពាក្យស្លោក «បរាជ័យក្នុងសាលាប្រសើរជាងបរាជ័យក្នុងជីវិត» របស់សម្ដេចធិបតីមានតម្លៃមិនសាបសូន្យ

អាមេរិក បញ្ជូនក្រុមនាវាដឹកយន្តហោះចម្បាំងទីបី និងកងទ័ពរហូតដល់១ម៉ឺនាក់ទៅមជ្ឈិមបូព៌ា

អ្នករាយការណ៍ពិសេស UN កោតសរសើរចំពោះការចូលរួមរបស់កម្ពុជាលើបញ្ហាសិទ្ធិមនុស្ស និងការអនុញ្ញាតដោយគ្មានរឹតបន្តឹង អំឡុងបេសកកម្មស្វែងរកការពិត

របាយការណ៍របស់ UN៖ កម្ពុជាធ្វើឱ្យប្រសើរឡើងនូវជីវភាពរស់នៅរបស់ប្រជាពលរដ្ឋរាប់លាននាក់ចាប់តាំងពីកិច្ចព្រមព្រៀងទីក្រុងប៉ារីស

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877