BTV NEWS

ករណីបុរសម្នាក់ឡើងលើផ្លូវល្បឿនលឿនPK54 យកដែកដាក់ទទឹងផ្លូវត្រូវបានសមត្ថកិច្ចនគរបាលស្រាវជ្រាវបង្រ្កាបបានហើយ

អង្គភាពប្រឆាំងអំពើពុករលួយបានធ្វើកោសល្យវិច័យទូរស័ព្ទជាង ៨០០គ្រឿង និងភស្តុតាងមួយចំនួនទៀតដែលសាលាដំបូងរាជធានីភ្នំពេញប្រគល់ឱ្យ

នគរបាលរាជធានីភ្នំពេញ ស្រាវជ្រាវឃាត់ខ្លួនក្មេងទំនើង ៩នាក់ ពាក់ព័ន្ធករណីវាយប្លន់យកម៉ូតូ

អាវុធហត្ថរាជធានីភ្នំពេញ បង្ក្រាបគ្រឿងញៀនជាង ៦គីឡូក្រាមឃាត់ខ្លួនមនុស្ស ១១នាក់

សន្តិសុខ និង សង្គម

ក្រុមអ្នកគាំទ្ររដ្ឋប្រហារនីហ្សេ អំពាវនាវឲ្យឯកអគ្គរដ្ឋទូតបារាំង និងកងទ័ពចាកចេញពីប្រទេសនេះ

មនុស្សរាប់ពាន់នាក់ បានប្រមូលផ្តុំគ្នានៅរដ្ឋធានីញ៉ាម៉េ(Niamey)របស់ប្រទេសនីហ្សេ ដោយទាមទារឲ្យប្រទេសបារាំងដកឯកអគ្គរដ្ឋទូត និងកងទ័ពរបស់ខ្លួនចេញពីប្រទេសអាហ្វ្រិកខាងលិចមួយនេះ ខណៈមេដឹកនាំយោធាថ្មីរបស់ខ្លួនបានចោទប្រកាន់អតីតអាណានិគមអំណាចថាបាន "ជ្រៀតជ្រែក"ការងារផ្ទៃក្នុងរបស់ប្រទេសនេះ ។ក្រុមបាតុករបានប្រមូលផ្តុំគ្នានៅជិតមូលដ្ឋានយោធាមួយកន្លែងស្នាក់នៅរបស់ទាហានបារាំងកាលពីថ្ងៃសៅរ៍បន្ទាប់ពីការអំពាវនាវរបស់អង្គការសង្គមស៊ីវិលមួយចំនួនជាអរិភាពចំពោះវត្តមានយោធាបារាំង។ ពួកគេបានលើកផ្ទាំងបដាប្រកាសថា កងទ័ពបារាំងចាកចេញពីប្រទេសរបស់យើងទៅ។រដ្ឋាភិបាលយោធារបស់នីហ្សេ ដែលបានដណ្ដើមអំណាចកាលពីថ្ងៃទី ២៦ ខែកក្កដា បានចោទប្រកាន់ប្រធានាធិបតីបារាំង លោក Emmanuel Macron ថាបានប្រើវោហាសាស្ត្របំបែកបំបាក់នៅក្នុងការអត្ថាធិប្បាយរបស់លោកអំពីរដ្ឋប្រហារ និងស្វែងរកការដាក់ទំនាក់ទំនងរវាងអាណានិគមនិយមជាមួយអតីតអាណានិគមរបស់ខ្លួន។ លោក Macron បានគាំទ្រប្រធានាធិបតី មហាម៉េដ បាហ្សូម( Mohamed Bazoum) ដែលត្រូវបានទម្លាក់ពីតំណែង ហើយបានបដិសេធមិនទទួលស្គាល់មេដឹកនាំថ្មីរបស់នីហ្សេ។ លោក ស៊ីលវ្យាំង អ៊ីត ( Sylvain Itte) ឯកអគ្គរដ្ឋទូតបារាំងបានបន្តការងារនៅក្នុងប្រទេសនីហ្សេ បើទោះបីជាមានពេលកំណត់៤៨ម៉ោងក្នុងការចាកចេញពីប្រទេស ដែលបានផ្តល់ឲ្យជាងមួយសប្តាហ៍មុនក្តី ការសម្រេចចិត្តមួយរបស់លោក Macron បាននិយាយថាលោក អបអរសាទរ៕

ការស៊ើបអង្កេតនៅតែបន្ត ខណៈចំនួនអ្នកស្លាប់ក្នុងអគ្គិភ័យនៅទីក្រុងចូហាណេស្បើក ប្រទេសអាហ្វ្រិកខាងត្បូង ឡើងដល់៧៦នាក់

ក្រុមអាជ្ញាធរក្នុងតំបន់ក្នុងទីក្រុង ចូហាណេស្បើក (Johannesburg) ប្រទេសអាហ្រ្វិកខាងត្បូងកំពុងស៊ើបអង្កេតមូលហេតុនៃការឆេះដ៏សន្ធោសន្ធៅដែលបានបំផ្លិចបំផ្លាញអគារកាន់កាប់ដោយខុសច្បាប់កាលពីថ្ងៃព្រហស្បតិ៍សប្ដាហ៍មុន ដោយបានឆក់យកជីវិតមនុស្សរាប់សិបនាក់។ ចំនួនអ្នកស្លាប់ក្នុងឧបទ្ទវហេតុនេះបានកើនឡើងដល់ ៧៦ នាក់នៅថ្ងៃចុងសប្ដាហ៍នេះ បន្ទាប់ពីមន្ទីរសុខាភិបាលបានបញ្ជាក់ថាជនរងគ្រោះដែលរងរបួសពីរនាក់បានស្លាប់នៅក្នុងមន្ទីរពេទ្យ។ មុនពេលមានអគ្គិភ័យនេះ មនុស្សប្រមាណ ២០០នាក់កំពុងរស់នៅក្នុងអគារមួយនេះ។អង្គភាពផ្ដល់សេវាសង្គ្រោះបន្ទាន់បានស្រាវជ្រាវយ៉ាងម៉ត់ចត់លើអគារនេះ ប៉ុន្តែ គេពុំបានរឃើញជនរងគ្រោះបន្ថែមទៀតនោះទេ។ពួកគេបានបញ្ចប់ការងាររបស់ពួកគេកាលពីថ្ងៃសុក្រ ហើយបានប្រគល់ការស៊ើបអង្កេតទៅកងកម្លាំងនគរបាលជាតិរបស់ប្រទេសវិញ។លោក រ៉ូប៊ើត ម៉ូឡោដហ្ស៊ី (Robert Mulaudzi) មកពីសេវាសង្គ្រោះបន្ទាន់នៃទីក្រុង ចូហេណេស្បើក (Johannesburg) បាននិយាយថា ក្រុមអ្នកពន្លត់អគ្គិភ័យបានចូលទៅក្នុងអគារនោះដើម្បីឲ្យប្រាកដថាជាន់ទាំងអស់គឺបានស្វែងរករួចរាល់អស់ហើយ។ បន្ទាប់មកពីទីនោះ យើងនឹងប្រគល់កន្លែងកើតហេតុទៅឲ្យសេវានគរបាលអាហ្វ្រិកខាងត្បូងសម្រាប់ការស៊ើបអង្កេតបន្ថែមទៀត។ អ្នកត្រូវតែយល់ថានេះជាកន្លែងកើតហេតុឧក្រិដ្ឋកម្មដូច្នេះ៕

មនុស្សជាងមួយរយនាក់បានរងរបួសនៅក្នុងការប៉ះទង្គិចគ្នា រវាងជនជាតិអេរីទ្រីក្នុងក្រុង Tel Aviv ប្រទេសអ៊ីស្រាអែល

មនុស្សជាង១០០នាក់ បានរងរបួសនៅក្នុងការប៉ះទង្គិចគ្នាដោយហិង្សានៅទីក្រុងតេលអាវីវ(Tel Aviv)កាលពីថ្ងៃសៅរ៍ ទី២ ខែកញ្ញា រវាងក្រុមអ្នកគាំទ្ររដ្ឋាភិបាលអេរីទ្រី ដែលកំពុងប្រារព្ធព្រឹត្តិការណ៍ ទិវាប្រទេសអេរីទ្រី (Eritrea Day) និងគូប្រជែងលោកប្រធានាធិបតី អ៊ីសៃយ៉ាស់ អាហ្វវ៉េគី (Isaias Afwerki) ។ក្រុមអ្នកសារព័ត៌មានដែលនៅកន្លែងកើតហេតុបានប្រាប់សារព័ត៌មាន Reutersថា នគរបាលអ៊ីស្រាអែលបានបាញ់គ្រាប់បែកផ្សែងដើម្បីបំបែកការប៉ះទង្គិចគ្នា ខណៈក្រុមអ្នកតវ៉ាមួយចំនួន បានគប់ដុំថ្មទៅលើនគរបាល និងដុតធុងសំរាម។ វីដេអូនៅលើប្រព័ន្ធផ្សព្វផ្សាយសង្គមបានបង្ហាញពីក្រុមអ្នកគាំទ្ររដ្ឋាភិបាលអេរីទ្រី វាយដំក្រុមអ្នកតវ៉ាប្រឆាំងរដ្ឋាភិបាលដោយប្រើដំបង។ ក្រុមមន្ត្រីពេទ្យអ៊ីស្រាអែលបាននិយាយថា មនុស្សជាង ១១០ នាក់ត្រូវបានគេព្យាបាលរបួស ក្នុងនោះមាននគរបាលប្រហែល ៣០ នាក់។អំពើហិង្សាបានផ្ទុះឡើងជុំវិញព្រឹត្តិការណ៍មួយដែលរៀបចំឡើងដោយស្ថានទូតអេរីទ្រី ដើម្បីប្រារព្ធទិវាបដិវត្តន៍នៅថ្ងៃទី ១ ខែកញ្ញា ដែលរំលឹកដល់ការចាប់ផ្តើមនៃសង្គ្រាមឯករាជ្យអេរីទ្រីប្រឆាំងនឹងប្រទេសអេត្យូពីក្នុងឆ្នាំ ១៩៦១ ។ លោកអ៊ីសៃយ៉ាស់ (Isaias) បានគ្រប់គ្រងចាប់តាំងពីប្រទេស អ៊ីរីទ្រី ទទួលបានឯករាជ្យនៅឆ្នាំ ១៩៩៣។ ក្រុមសិទ្ធិមនុស្សបានថ្កោលទោសរដ្ឋាភិបាលរបស់លោកថាមានការគាបសង្កត់យ៉ាងខ្លាំង ហើយប្រទេសនេះស្ថិតនៅក្រោមការដាក់ទណ្ឌកម្មរបស់សហរដ្ឋអាមេរិក និងសហភាពអឺរ៉ុបចំពោះការរំលោភបំពាននានា។យោងតាមអង្គការដែលផ្តល់ជំនួយដល់ជនភៀសខ្លួន Assaf ក្រុមអ្នកស្វែងរកសិទ្ធិជ្រកកោនជនជាតិអេរីទ្រី ប្រហែល ២៥.៥០០នាក់ បច្ចុប្បន្នរស់នៅក្នុងប្រទេសអ៊ីស្រាអែល ៕

កូរ៉េខាងជើង ចាប់ផ្ដើមធ្វើសមយុទ្ធវាយប្រហារអាវុធនុយក្លេអ៊ែរ កលយុទ្ធដើម្បីកំញើញសត្រូវ

ខណៈដែលមេដឹកនាំគីមជុងអ៊ុន កំពុងត្រួតពិនិត្យមើលរោងចក្រផលិតនាវា និងរោងចក្រផលិតគ្រាប់ រំសេវនោះ ប្រព័ន្ធផ្សព្វផ្សាយរបស់រដ្ឋបានរាយការនៅថ្ងៃអាទិត្យនេះថា ប្រទេសកូរ៉េខាងជើង បានធ្វើសមយុទ្ធបែបវាយប្រហារប្រដូចការពុតអាវុធនុយក្លេអ៊ែរ កលយុទ្ធព្រមៗគ្នាមួយ ដែលក្នុងនោះរួមមាន មីស៊ីលតម្រង់គោលដៅរយៈចម្ងាយឆ្ងាយពីរដើមផងដែរ។ទូរទស្សន៍ KRTរបស់រដ្ឋកូរេខាងជើង បាននិយាយថា សមយុទ្ធនេះ បានធ្វើឡើងកាលពីព្រឹកថ្ងៃសៅរ៍ ដើម្បីព្រមានសត្រូវថា ប្រទេសនេះ អាចនឹងត្រៀមជាស្រេចនៅក្នុងករណីដែលមានសង្រ្គាមនុយក្លេអ៊ែរ កើតឡើង ខណៈដែលក្រុងព្យុងយ៉ាង បានប្ដេជ្ញាម្ដងទៀតថា ត្រូវតែពង្រឹងការការពារដោយយោធា ប្រឆាំង នឹងក្រុងវ៉ាស៊ិនតោននិងក្រុងសេអ៊ូល។មីស៊ីលតម្រង់គោលដៅពីរគ្រាប់ ដែលអាចបំពាក់ក្បាលគ្រាប់នុយក្លេអ៊ែរសិប្បនិមិត្តនោះ ត្រូវបានគេបាញ់ឆ្ពោះទៅរកសមុទ្រ ខាងលិចនៃឧបទ្វិបកូរ៉េ ហើយអាចហោះបានចម្ងាយ ១.៥០០គីឡូម៉ែត និងក្នុងរយៈកម្ពស់១៥០ម៉ែត។នៅក្នុងសេចក្ដីរាយការដោយឡែកមួយទៀត ទីភ្នាក់ងាពត៌មាន KCNA បានចេញផ្សាយរូបថតជាច្រើនសន្លឹករបស់លោកគីម និងបាននិយាយថា លោកគីមបានអញ្ជើញទៅទស្សនកិច្ចនៅទីប្រជុំអគាររោងចក្រ ភូកយុង ម៉ាឈីន ខមផ្លេក(Pukjung Machine ) ដែលផលិតម៉ាស៊ីននាវា ហើយនិងរោងចក្រផលិត គ្រាប់រំសេវដ៏ធំមួយ ដើម្បីបញ្ជាក់ពីសារៈសំខាន់នៃការពង្រឹងកងទ័ពជើងទឹក របស់ក្រុងព្យុងយ៉ាង។ អត្ថបទ មករា (Maakara)

សណ្ឋាគារនានា ក្នុងក្រុងញូដេលី ប្រទេសឥណ្ឌា បង្កើនការទាក់ទាញ ដើម្បីទទួលស្វាគមន៍ គណៈប្រតិភូG20

សណ្ឋាគារនានាក្នុងក្រុងញូដេលី ត្រូវបានគេតុបតែងយ៉ាងពិសេស ដើម្បីទទួលស្វាគមន៍គណៈប្រតិភូបរទេសសម្រាប់ជំនួបកំពូលG20 ដែលគ្រោងនឹងធ្វើឡើងនៅថ្ងៃទី៩កញ្ញាខាងមុខ។សណ្ឋាគារជាច្រើន កំពុងរៀបចំយ៉ាងពិសេស ដើម្បីផ្ដល់នូវការស្វាគមន៍ដ៏អស្ចារ្យមួយ ដល់ភ្ញៀវជាមួយនឹងពិធីវប្បធម៌មួយចំនួនទៀតផងដែរ។ ក្រុមមេចុងភៅ បាននិយាយថា បញ្ជីមុខម្ហូបចម្រុះពិសេសៗ ត្រូវបានរៀបចំជាស្រេច ដើម្បីបង្ហាញមុខម្ហូបលោកខាងលិចជាមួយនឹងរបៀបរបស់ជនជាតិឥណ្ឌា។ ជំនួបកំពូលរយៈពេល២ថ្ងៃ នឹងមានបញ្ជីឈ្មោះភ្ញៀវលំដាប់ខ្ពស់បំផុត ដែលឥណ្ឌាមិនធ្លាប់បានទទួលស្វាគមន៍មុន ចាប់ពីប្រធានាធិបតីអាមេរិក ចូដិនរហូតដល់នាយករដ្ឋមន្រ្ដីអង់គ្លេស រីស៊ី ស៊ូណាក់ និងរជ្ជទាយាទព្រះអង្គម្ចាស់ ម៉ូហាមេត ប៊ីន សាល់ម៉ាន់ មកពីរាជាណាចក្រអារ៉ាប៊ីសាអ៊ូឌីត។ អត្ថបទ មករា

អ៊ុយក្រែនបានហៅធុរជនដ៏មានអំណាច កូឡូម៉យស្គីថា ជាជនសង្ស័យ នៅក្នុងការក្លែងបន្លំឯកសារ

ក្រុមមន្ត្រីសន្ដិសុខអ៊ុយក្រែនSBU បានកំណត់ឈ្មោះ អ្នកជំនួញដ៏មានអំណាចបំផុតគឺលោក ល័រ កូឡូម៉យស្គី ជាជនសង្ស័យម្នាក់នៅក្នុងសំំរឿងក្លែងបន្លំ និងសម្អាតប្រាក់។ប្រធានាធិបតីលោកវ៉្លូឌីមៀ ហ្សេលិនស្គី បានចាប់ផ្ដើមបង្រ្កាបទៅលើរឿងអំពើពុករលួយ ជាអាទិភាពមួយ ខណៈអ៊ុយក្រែន កំពុងប្រយុទ្ធទល់នឹងការវាយលុករបស់រុស្ស៊ីរយៈពេល១៨ខែមកនេះ ហើយលោកម៉យស្គី គឺជា អ្នកមានបំផុតម្នាក់នៅក្នុងចំណោមបុរសអ្នកមានជាច្រើននាក់ នៅក្នុងប្រទេសអ៊ុយក្រែន កំពុងក្លាយ ជាគោលដៅសំខាន់បំផុតដែលគេកំណត់មុខសញ្ញាជាជនសង្ស័យ។លោកហ្សេលិនស្គី ដែលបានលេចមុខលេចមាត់ឡើងក្នុងនាមតារាងកំប្លែងម្នាក់ និងបានដើរតួជាប្រធានាធិបតីនៅក្នុងកម្មវិធីដែលបានដាក់បញ្ចាំងតាមកញ្ចប់ទូរទស្សន៍TV Channelរបស់លោកកូឡូម៉យស្គី ជាម្ចាស់កម្មសិទ្ធនោះ បានបដិសេធន៍ថា លោកមិនមានទំនាក់ទំនងផ្ទាល់ខ្លួនជាមួយបុរសអ្នកជំនួញរូបនេះឡើយ។" សេវាសន្ដិសុខអ៊ុយក្រែន SBU បាននិយាយនៅក្នុងសេចក្ដីថ្លែងការមួយតាមAppសារតេលេក្រាមថា រឿងរ៉ាវបានកើតឡើងក្នុងអំឡុងពេលឆ្នាំ២០១៣ដល់២០២០ ដែលលោកល័រ កូឡូម៉យស្គី បានដកប្រាក់ពីបរទេស ដោយស្របច្បាប់ ចំនួនជាង៥០០រយលាន រីយ៉ានី(hryvnias)ប្រាក់អ៊ុយក្រែនស្មើនឹង ១៤លានដុល្លាអាមេរិក ហើយកំពុងប្រើប្រាស់ហេដ្ឋារចនាសម្ព័នរបស់ធនាគារដែលមានការគ្រប់គ្រងមួយបានត្រឹមត្រូវ។លោកកូឡូម៉យស្គី គេមិនអាចទាក់ទងធ្វើអត្ថាធិប្បាយបានទេចំពោះរឿងនេះ។សេវាសន្ដិសុខបានផ្សព្វផ្សាយរូបភាពរបស់ក្រុមស៊ើបអង្គេតកំពុងស្ថិតនៅមាត់ទ្វារផ្ទះរបស់លោក ដោយលោកកូឡូម៉យស្គីកំពុងទទួល និងចុះហត្ថលេខាលើឯកសារជាច្រើន។ អត្ថបទ មករា

រុស្ស៊ីបានប្ដេជ្ញាថា នឹងវាយប្រហារទៅលើឃ្លាំងអាវុធរបស់បស្ចឹមប្រទេស ក្នុងប្រទេសអ៊ុយក្រែន

ប្រទេសរុស្ស៊ី កាលពីថ្ងៃស្រុក បាននិយាយថា រោងចក្របស្ចឹមប្រទេសណាមួយដែលផលិតអាវុធ នៅក្នុងប្រទេសអ៊ុយក្រែន នឹងក្លាយជាគោលដៅសំខាន់សម្រាប់ការវាយប្រហារបស់កងទ័ពរុស្ស៊ី ខណៈដែលអ៊ុយក្រែន បានអះអាងនៅថ្ងៃជាមួយគ្នាថា នឹងបង្កើនការវាយប្រហារដោយយានដ្រូនរបស់ខ្លួន ទៅលើទឹកដីរុស្ស៊ីបន្ថែមទៀត។ការវាយប្រហារដោយយានដ្រូនរបស់អ៊ុយក្រែន កាលពីពេលថ្មីៗនេះ ទៅលើទឹកដីរុស្ស៊ី ក៏ត្រូវបានភាគីរុស្ស៊ី អះអាងថា ពិតជាមានមែន។អភិបាលក្រុងមូស្គូ លោកស៊ើហ្គេ សូប៊ីយ៉ានី បានប្រកាសថា ប្រព័ន្ធការពារដែនអាកាសរបស់រុស្ស៊ី បានស្ទាក់ចាប់ដោយជោគជ័យ និងបានបាញ់ទម្លាក់ យន្ដហោះគ្មានមនុស្សបើកឬ (UAV) ដែលប៉ុនប៉ងហោះហើរឆ្ពោះទៅកាន់ក្រុងមូស្គូ ស្ថិតក្នុងបរិវេណសង្កាត់លីយុប៊ើតស៊ី(Lyubertsy)ក្នុងតំបន់ក្រុងមូស្គូ។ នៅក្នុងឧបទ្ទវហេតុនោះ ពុំត្រូវបានគេរាយការណ៍ពីការរងរបួស ឬខូចខាតទ្រព្យសម្បត្ដិអ្វីឡើយ។អភិបាលតំបន់ឃើស បានថ្លែងថា យានដ្រូនអ៊ុយក្រែនពីរគ្រឿង បានវាយប្រហាទៅលើសង្កាត់ ឃើឆាតូវ(Kurchatov) បណ្ដាលឲ្យអគាររដ្ឋាភិបាល១ខ្នង លំនៅឋានអ្នកស្រុកមួយខ្នងរងការខូចខាត។ក្រសួងការពារជាតិរុស្ស៊ី បានរាយការណ៍ថា ប្រព័ន្ធការពារដែនអាកាសរបស់ខ្លួន បានបាញ់ទម្លាក់យានដ្រូន អ៊ុយក្រែន១គ្រឿង ដែលប៉ុនប៉ងវាយប្រហារហេដ្ឋារចនាសម្ព័ន ក្នុងតំបន់បេលហ្គារ៉ូត។យោងតាមឧត្ដមសេនីយត្រី កូណាសិនកូវ អ្នកនាំពាក្យក្រសួងការពារជាតិ បានឲ្យដឹងថា គ្រាន់តែ មួយសប្ដាហ៍ប៉ុណ្ណោះ អាកាសយានគ្មានមនុស្សបើក UAVចំនួន២៨១គ្រឿងរបស់អ៊ុយក្រែន ត្រូវបានប្រព័ន្ធការពារដែនអាកាសរបស់រុស្ស៊ីបាញ់ទម្លាក់។ទីប្រឹក្សាប្រធានាធិបតីអ៊ុយក្រែន លោក មីខាអែល ប៉ូដូលីយ៉ាក់ បាននិយាយ នៅក្នុងបទសម្ភាសមួយកាលពី ថ្ងៃសៅរ៍ថា ការវាយប្រហារដោយយានដ្រូនទៅលើទឺកដីរុស្ស៊ី នឹងត្រូវបង្កើនទ្វេដង។ អត្ថបទ មករា (Makara)

ព្យុះទីហ្វុងសាអូឡា បានបក់បោកចូលដល់ដីគោល ខេត្ដហ្គ័ងតុង២ដងក្នុង១ថ្ងៃ

ព្យុះទីហ្វុង សាអូឡា (Saola) ជាព្យុះទីហ្វុងទី៩ នៅឆ្នាំនេះ បានបោកប់ដល់ដីគោកនៅខេត្ដហ្គ័ងតុង ភាគខាងត្បូងប្រទេសចិន២ដងកាលពីថ្ងៃសៅរ៍។ ហើយចំណាត់ការទប់ទល់ត្រូវបានធ្វើឡើងទាន់ពេលវេលា នៅក្នុងតំបន់មាត់សមុទ្រដែលទទួលរងផលប៉ះពាល់ ដើម្បីធានាសុវត្ថិភាពដល់អ្នកស្រុក។អង្គភាពតាមដានអាកាសធាតុជាតិរបស់ចិន បានចេញនូវការការព្រមានសារជាថ្មីក្នុងកម្រិតខ្ពស់ ពណ៌ក្រហមសម្រាប់ព្យុះទីហ្វុងសាអូឡា (Typhoon Saola) នៅថ្ងៃនេះ។ព្យុះទីហ្វុងនេះ បានបោកបក់ដលើដីគោកលើកជាលើកដំបូងនៅមាត់សមុទ្រក្រុងជូហៃរបស់ខេត្ដហ្គ័ងតុង នៅម៉ោងប្រមាណជា៣ និង៣០នាទី ហើយក្រោយមកបានបក់ត្រឡប់ទៅសមុទ្រវិញ។នៅម៉ោង១៣:៥០នាទី វាបានបក់បោកមកដល់ដីគោកម្ដងទៀតនៅលើកោះហៃលីង (Hailing) ក្នុងក្រុងយ៉ាងជាំង របស់ខេត្ដហ្គ័ងតុង។ក្រោយមក វាបានចុះខ្សោយវិញ ដោយប្រែក្លាយទៅជាព្យុះត្រូពិក។នៅក្នុងការឆ្លើយតបទៅនឹងកម្លាំងព្យុះ និងភ្លៀងធ្លាក់ខ្លាំងបង្កឡើងព្យុះសាអូឡា កាលពីយប់ថ្ងៃសុក្រ និងព្រឹកថ្ងៃសៅរ៍ រដ្ឋាភិបាលតំបន់ ដែលទទួលរងផលប៉ះពាល់ បានបង្កើត ក្រុមការងារពិសេស ដើម្បីធ្វើសកម្មភាពសង្រ្គោះបន្ទាន់ និងប្រតិបត្ដការជម្លៀសមនុស្សចេញ៕អត្ថបទ មករា

អត្រាស្លាប់របស់ប្រទេសជប៉ុន បានកើនឡើងនៅឆ្នាំ២០២១ ជាលើកដំបូងក្នុងរយៈពេល១០ឆ្នាំ

ជប៉ុន៖ អត្រាស្លាប់របស់ប្រទេសជប៉ុន បានកើនឡើងនៅឆ្នាំ២០២១ ជាលើកដំបូងក្នុងរយៈពេលមួយទស្សវត្សរ៍ ដែលអាចបណ្តាលមកពីការរាតត្បាតនៃមេរោគឆ្លង។ ក្រុមអ្នកស្រាវជ្រាវមួយក្រុម នៅមជ្ឈមណ្ឌលជាតិស្រាវជ្រាវមហារីកប្រទេសជប៉ុន បានសិក្សាការផ្លាស់ប្តូរនៅក្នុងអត្រាមរណៈដោយផ្អែកលើទិន្នន័យប្រជាសាស្រ្ត ដែលចេញផ្សាយដោយរដ្ឋាភិបាលសម្រាប់រយៈពេល២៧ឆ្នាំរហូតដល់ឆ្នាំ២០២១។ក្រុមអ្នកស្រាវជ្រាវបានរកឃើញថា អត្រាមរណៈនៅឆ្នាំ២០២១ គឺមានកម្រិត៩៨៩,៦នាក់ក្នុងមនុស្ស១០០.០០០នាក់។ តួលេខនោះគឺកើនឡើងចំនួន២,២ភាគរយពីចំនួន៩៦៨,៤នាក់កាលពីឆ្នាំមុន។ អត្រាមរណភាពក្នុងចំណោមជនជាតិជប៉ុន បានធ្លាក់ចុះក្នុងប៉ុន្មានឆ្នាំថ្មីៗនេះ។ កំណើននៃឆ្នាំ២០២១ គឺជាការកើនឡើងជាលើកដំបូងចាប់តាំងពីឆ្នាំ២០១១មក ខណៈអត្រានោះបានកើនឡើងដោយសារតែការរញ្ជួយដីដ៏ខ្លាំងក្លា និងរលកយក្សស៊ូណាមិ ដែលបានវាយប្រហារភាគខាងកើតប្រទេសជប៉ុន។ក្នុងចំណោមមូលហេតុនៃការស្លាប់ ដែលជំរុញឱ្យមានកំណើនអត្រាស្លាប់ក្នុងឆ្នាំ២០២១នោះ គឺបណ្ដាលមកពីជំងឺកូវីដ១៩ ជរាពាធ និងជំងឺបេះដូង។ ក្រុមស្រាវជ្រាវនោះបាននិយាយថា កំណើននេះគឺដោយសារតែផលប៉ះពាល់នៃជំងឺកូវីដ១៩ និងការរឹតបន្តឹងសេវាវេជ្ជសាស្រ្តក្នុងអំឡុងពេលជំងឺរាតត្បាត។អ្នកស្រាវជ្រាវម្នាក់ឈ្មោះ Tanaka Hirokazu នៅមជ្ឈមណ្ឌលជាតិស្រាវជ្រាវមហារីករបស់ជប៉ុនបាននិយាយថា លទ្ធផលនេះបង្ហាញពីផលប៉ះពាល់នៃជំងឺរាតត្បាតលើអត្រាមរណភាព។ លោកបានបន្ថែមថា ការពន្យារពេលក្នុងការព្យាបាលជំងឺមហារីក និងការផ្អាកការត្រួតពិនិត្យសុខភាព អាចមានឥទ្ធិពលលើអត្រាមរណភាពនៃជំងឺមហារីកនាពេលអនាគតផងដែរ៕

ប្រទេសសិង្ហបុរី កំពុងដំណើរការ ការបោះឆ្នោតប្រធានាធិបតី

សិង្ហបុរី៖ ការបោះឆ្នោតប្រធានាធិបតី កំពុងដំណើរការ ខណៈដែលប្រជាជនសិង្ហបុរីនៅថ្ងៃសុក្រ(ទី១ ខែកញ្ញា) នេះ បានបោះឆ្នោតជ្រើសរើសប្រធានាធិបតីទី៩របស់ប្រទេសនេះ។បេក្ខជនបីរូបឈរឈ្មោះសម្រាប់ការបោះឆ្នោតប្រធានាធិបតីឆ្នាំ២០២៣ ដែលជាការបោះឆ្នោតប្រកួតប្រជែងលើកដំបូង ចាប់តាំងពីឆ្នាំ ២០១១នោះ មានអតីតប្រធានផ្នែកវិនិយោគរបស់ GIC (មូលនិធិទ្រព្យសម្បត្តិរបស់សិង្ហបុរី) លោក Ng Kok Song ( ណឹង កុក សុង) អតីតទេសរដ្ឋមន្ត្រី លោក ថាម៉ាន សានមុហ្គារាត់ណាម (Tharman Shanmugaratnam) និងអតីតនាយកប្រតិបត្តិក្រុមហ៊ុន NTUC Income លោក Tan Kin Lian។នាយកដ្ឋានរៀបចំការបោះឆ្នោតសិង្ហបុរី (ELD) បាននិយាយនៅថ្ងៃសុក្រនេះថា គិតត្រឹមម៉ោង១២ថ្ងៃត្រង់ ប្រជាជនសិង្ហបុរី ១.៤០៦.១៨២នាក់ បានបោះឆ្នោតនៅស្ថានីយបោះឆ្នោតចំនួន ១២៦៤កន្លែងនៅ ទូទាំងកោះនេះ ក្នុងយៈពេលនៃការបោះឆ្នោត៤ម៉ោងដំបូង។ ចំនួននេះគឺប្រហែល៥២ភាគរយនៃចំនួនអ្នកមានសិទ្ធិបោះឆ្នោតសរុប។ប្រជាជនសិង្ហបុរីជាង២.៧លាននាក់ ត្រូវបានរំពឹងថា នឹងបោះឆ្នោត ហើយស្ថានីយបោះឆ្នោតទាំងអស់ត្រូវបើករហូតដល់ម៉ោង៨យប់ ហើយក្រោយម៉ោងនេះ ការរាប់សន្លឹកឆ្នោត ចាប់ផ្តើម៕

បណ្ដាញសង្គម

ព័ត៌មានថ្មីៗ

សម្តេចព្រះមហាសង្ឃរាជ បួរ គ្រី ព្រះរាជប្រទានព្រះរាជអំណោយសម្រាប់ឱកាសពិធីបុណ្យកាន់បិណ្ឌ

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញចូលរួមក្នុងពិធីចម្រើនព្រះបរិត្ត និងដាក់បិណ្ឌវេនទី៨ នៅពុទ្ធមណ្ឌលវិបស្សនាធុរៈ

គណបក្ស CJP ប្រកាសធ្វើបាតុកម្មនៅថ្ងៃទី១០ ខែតុលា ប្រឆាំងនឹងប្រធានស្ថាប័នរៀបចំការបោះឆ្នោត

មនុស្សយ៉ាងតិច ៥នាក់ស្លាប់ និង ១០នាក់រងរបួស ក្នុងហេតុការណ៍ផ្ទុះឡចំហាយទឹក នៅភាគខាងត្បូងឥណ្ឌា

រុស្ស៊ីវាយប្រហារលើស្ពានសំខាន់មួយទៀត ក្នុងរដ្ឋធានីរបស់អ៊ុយក្រែន

មនុស្សយ៉ាងតិច ១១នាក់ បានរងរបួស ក្រោយបារបាក់រលំ នៅអេស្ប៉ាញ

សម្តេចបវរធិបតី និងលោកជំទាវបណ្ឌិត បានឧបត្ថម្ភអង្ករប្រចាំត្រីមាស ជូនដល់សាកលវិទ្យាល័យឌីជីថលកម្ពុជា សម្រាប់ផ្គត់ផ្គង់ការហូបចុកជូនដល់សិស្សនិស្សិតក្រីក្រ

អាវុធហត្ថរាជធានី បង្ហាញប្លង់ទីតាំងមូលដ្ឋានអាវុធហត្ថទាំង១៤ខណ្ឌ ងាយស្វែករកសម្រាប់ការទៅស្នើសុំពាក្យចូលបំពេញកាតព្វកិច្ចយោធា

អារ៉ាប់រួម៖ អ្នកបើកបរជំនួយរបស់ Flydubai បានវាយប្រហារអ្នកបើកយន្តហោះដោយពូថៅ និងប៉ុនប៉ងវាយប្រហារ «ភេរវកម្ម»

សិស្សវិទ្យាល័យ នៅតំបន់ជាយក្រុងប៉ារីសដែលខ្វះធនធាន បង្កឱ្យមានចលនាតវ៉ាទូទាំងប្រទេស

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877